Luận tạng Tây Tạng (Tengyur) — Tập 74

ཅད་པ་འདི་ཡིན་ཏེ། གང་དག་སངས་རྒྱས་རང་སངས་རྒྱས། །སངས་རྒྱས་རྣམས་ཀྱི་ཉན་ཐོས་དང་། །ཚངས་དབང་དང་ནི་
འཇིག་རྟེན་སྐྱོང་། །གནོད་སྦྱིན་སྡེ་དཔོན་དབང་ཕྱུག་དང་། །དེ་བཞིན་གནོད་སྦྱིན་སྟོབས་ཆེན་དང་། །འཕྲོག་མ་བུ་དང་བཅས་པ་དག །དེ་རྣམས་མཐུ་དང་གཟི་བརྗིད་ཀྱིས། །རོ་ལངས་ལས་རྣམས་ཆད་གྱུར་ཅིག །རྡོ་རྗེས་རིན་ཆེན་ཕུག་པ་དང་། །མེ་ཡིས་བུད་ཤིང་སྲེག་བྱེད་དང་། །

རླུང་གིས་སྤྲིན་རྣམས་འཐོར་བ་དང་། །ཉི་མས་ནགས་ཚལ་སྐེམས་བྱེད་པ། །སྣ་ཚོགས་དྲི་དང་མར་མེ་དང་། །སྤོས་ཀྱིས་སྡིག་པ་ངེས་བསལ་ཏེ། །བདེན་པའི་ཚིག་ནི་འདི་དག་གིས། །བྱད་སྟེམས་ལ་སོགས་ཚིག་པར་ཤོག །ཏདྱ་ཐཱ། ཨོཾ་ཧུ་མེ་ཧུ་མེ། ཀ་ར་བ་ཏི། ཀ་ཁ་ལི། ཧུ་ཧུ་ནི།
ཛ་བ་ལེ། ག་རེ། ག་རི་ནི། ཤ་བ་རི། ཤཱནྟི་པྲ་ཤཱནྟི་སྭཱ་ཧཱ། དྷ་བནྟི་སྭཱ་ཧཱ། གནྡྷརྦེ་སྭཱ་ཧཱ། བ་ལ་ག་ཏེ་སྭཱ་ཧཱ། སརྦ་ཀ་ཁོརྡ་ཚེ་ད་ནི་སྭཱ་ཧཱ། སྔགས་ཀྱི་ཚིག་འདི་རྣམས་ཀྱིས་ཆེ་གེ་མོའི་བྱད་དང་རོ་ལངས་དང་། སྨན་དང་སྔགས་དང་དུག་གི་སྦྱོར་བ་རྣམས་ལྷ་ཐམས་ཅད་ཀྱིས། ཚེ་དི་ཏ་བེ་དི་ཏ།
པ་ར་ཛི་ཏ་སྭཱ་ཧཱ། ཨོཾ་མུ་ནེ་མུ་ནེ་བ་རི། དེ་བཞིན་གཤེགས་པ་ཐམས་ཅད་ཀྱིས་རིག་པའི་དབང་བསྐུར་བའི་རྡོ་རྗེའི་གོ་ཆ་ཆེན་པོའི་ཕྱག་རྒྱ་ཐམས་ཅད་ཀྱིས། སརྦ་ཏ་ཐཱ་ག་ཏ་ཧྲྀ་ད་ཡ་བཛྲ་སྭཱ་ཧཱ། ཞེས་བརྗོད་པ་སྔོན་དུ་འགྲོ་བས་བུམ་པ་ལྔ་པོ་རྣམས་ཀྱིས་གོ་རིམས་ཇི་ལྟ་བར་དབང་བསྐུར་བར་བྱའོ། །
ན་མཿསརྦ་ཏ་ཐཱ་ག་ཏེ་བྷྱོ་ཡེ་ཏིཥྛནྟི། ད་ས་སུ་ཏིཀྵུ། ཨོཾ་མ་ཎི་བཛྲེ་ཧྲྀ་ད་ཡ་བཛྲེ། མ་མ་ར་སྱ་ནྱ་བི་དྷ་རི་ཎི། ཧ་ན་ཧ་ན། སརྦ་ཤ་ཏྲཱུན། བཛྲ་གརྦྷེ། ཏྲཱ་ས་ཡ་ཏྲཱ་ས་ཡ། སརྦ་མ་ར་བྷ་བ་ནི་ཧཱུཾ་ཧཱུཾ་སཾ་ཧ་ར་སཾ་ཧ་ར། བུདྡྷ་ནེ་ཏྲི། སརྦ་ཏ་ཐཱ་ག་ཏ་བཛྲ་ཀལྤ་ཨ་དྷིཥྛི་ཏེ། སརྦ་ཀརྨ་ཨཱ་བ་ར་ཎ་ཨ་པ་ནཱ་ཡ་
སྭཱ་ཧཱ། ཞེས་ལན་ཉི་ཤུ་རྩ་གཅིག་བརྗོད་པ་སྔོན་དུ་སོང་བའི་ཙནྡན་གྱིས་སྤྱི་བོ་ནས་བརྩམས་ཏེ་རྐང་པའི་བར་དུ་བྱུག་པར་བྱའོ། །དེ་ནས་ཆོ་ག་ཇི་ལྟ་བ་བཞིན་དུ་སོ་སོར་འབྲང་མ་ཆེན་མོའི་འཁོར་ལོ་བྲིས་ཏེ། སྐེ་འམ་དཔུང་པ་ལ་བཏགས་ནས་སོ་སོར་འབྲང་མ་ཆེན་མོའི་ཕྲེང་བའི་སྔགས་ཀྱིས་སྤྱི་
བོར་བསྲུང་བར་བྱའོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐུགས་རྗེ་ཆེན་པོ་དང་ལྡན་པ་ཤཱཀྱ་ཐུབ་པ་ལ་ཕྱག་འཚལ་ལོ། །
སངས་རྒྱས་བསྟན་པ་འཕེལ་བྱའི་ཕྱིར། །དེ་ལ་གུས་པར་ཕྱག་འཚལ་ནས། །སེམས་ཅན་རྣམས་ལ་སྙིང་བརྩེའི་ཕྱིར། །དེ་ནི་ང་ཡིས་བརྗོད་པར་བྱ། །རིག་སྔགས་གཟི་བརྗིད་ཆེན་མོ་འདི། །སྟོབས་ཆེན་ཕ་རོལ་གནོན་པ་སྟེ། །རྡོ་རྗེ་གདན་ལ་ཐུབ་པ་ཡིས། །འདི་ནི་གསུངས་

མ་ཐག་ཏུ་ཡང་། །བདུད་དང་བདུད་ཀྱི་རིས་རྣམས་དང་། །གཟའ་དང་ལོག་པར་འདྲེན་པ་དང་། །བགེགས་རྣམས་ཇི་སྙེད་གང་ཡོད་པ། །ཐམས་ཅད་དེ་ཡི་མོད་ལ་བརླག །ཏདྱ་ཐཱ། ཨོཾ་གི་རི་གི་རི། གི་རི་ཎི་གི་རི་ཎི། གི་རི་བ་ཏི་གི་རི་བ་ཏི། གུ་ཎ་བ་ཏི་གུ་ཎ་
བ་ཏི། ཨཱ་ཀཱ་ཤ་བི་ཤུདྡྷེ། ཨཱ་ཀཱ་ཤ་བ་ཏི། ཨཱ་ཀཱ་ཤ་བི་ཤུདྡྷེ། སརྦྦ་པྲ་བྷ་བི་ག་ཏེ། ཨཱ་ཀཱ་ཤེ་ག་གན་ཏེ་ལེ། ཨཱ་ཀཱ་ཤ་བི་ཙ་རི་ཎི། ཛ་ལི་ཏ་ཤེ་ཁ་རེ། མ་ཎི་མཽ་ཁ་ཏི་ཀ །ཁ་ཙི་ཏ་མཽ་ལི་ས་དྷ་རེ། སུ་ཀེ་ཤེ །སུ་བྷེ་ཤེ །སུ་བཀྟྲེ། སུ་བརྞེ། སུ་བརྞ་གཽ་ར། ཨ་ཏི་ཏ། ཨ་ན་ག་ཏེ། པྲ་
ཏྱུདྤནྣེ། ན་མཿསརྦ་ཥཱཾ་བྷཱུ་ཏ་ནཾ། ཛ་ལི་ཏི། ཏེ་ཛ་ས། བུདྡྷེ། སུ་བུདྡྷེ། བྷ་ག་བ་ཏི། སུ་རཀྵི་མེ། སུ་པྲ་བྷེ། སུ་པྲ་ཏེ། སུ་ཏ་མེ། སུ་དཱམྟེ། བ་རེ་བ་ར་ཏེ། བྷ་ག་པ་ཏི། བྷ་དྲ་བ་ཏི། བཛྲེ་སུ་བྷ་རེ། བི་མ་ལེ། ཛ་ཡ་བྷ་དྲི་པྲ་ཙཎྜི། ཙཎྜེ། མ་ཧཱ་ཙཎྜི། བྷ་གོ་རི་བོ་རི། གནྡྷ་རི། གོ་བྷུ་རེ། ཙཎྜ་ལི། མཱ་ཏཾ་གི །མ་ལི་ནི།
བརྩ་ནི། སུ་མ་ཏི། པུཀྐ་སི། ཤ་བ་རི་ཤ་བ་རི། ཤཾ་ཀ་རི། དྲ་མི་ཌི། དྷ་མི་དྷི། རོ་དུ་ཏྲི་ཎི། སརྦྦ་གྲ་ཧ་བི་དྷ་རི་ཎི། སརྦྦ་ཨརྠ་སཱ་དྷ་ནི། ཧ་ན་ཧ་ན་སརྦ་ཤཱ་ཏྲཱུཾ་ནཱཾ། ད་ཧ་ད་ཧ་སརྦ་དུཥྚཱཾ། པ་ཙ་པ་ཙ་སརྦྦ་བྷཱུ་ཏ། པྲེ་ཏ་པི་ཤཱ་ཙཱ་ནཱཾ། མ་ཐ་མ་ཐ་སརྦྦ་ཡཀྵ་རཱཀྵ་ས། ཌཱ་ཀི་ནཱི་ནཱཾ། མ་ནུ་ཥྱ། ཨ་མ་ནུ་ཥྱ་ནཱཉྩ། པྲ་མ་ཐ་བྲ་མ་ཐ།
ཧྲྀ་ད་ཡཾ། ཏྲཱ་ས་ཡ། ཛཱི་བི་ཏཾ། གདོན་མ་རུངས་པ་ཐམས་ཅད་ཀྱི་སྲོག་གཞོམ་དུ་གསོལ། བཅོམ་ལྡན་འདས་མ་བདག་གི་སྡིག་པ་ཐམས་ཅད་གཞོམ་དུ་གསོལ། བདག་འཁོར་དང་བཅས་པ་ཐམས་ཅད་དུ་འཇིགས་པ་དང་། གནོད་པ་ལས་བསྲུང་དུ་གསོལ། མ་རུངས་པ་ཐམས་ཅད་
བཅིང་དུ་གསོལ། སརྦ་ཀཱི་ལ་བི་ཤི་ནཱ་ཤ་ནི། བ་ར་དནྟེ། མྲྀ་དུ་དནྟ། ཝ་ར་ཎི། མ་ར་བནྟེ། མ་ཎི་ནི། མ་ཧཱ་མ་ཎི་ནི། ཙི་ཏི་ཙི་ཏི། བི་ཊི་བི་ཊི། བི་མ་ལེ། ཊི་ཏི་ཊི་ཏི། ཏ་ཊ་ཏ་ཊ། ནི་རུ་ཊེ། ཤ་ནི་རི། ཤ་རི་ནི། གོ་བུ་རི། གཽ་རི་ཎི། པི་རི་ཎི། པྲ་བ་རེ། ས་མ་རེ། ཙཎྜ་ལི། མ་ཏཾ་གི །ཨ་ར་སི།
ཏུབ་ཏ་སི། བརྩ་སི། སུ་མ་ཏི། པུཀྐ་སི། ཤ་བ་རི་ཤ་བ་རི། ཤདྐ་རི། དྲ་མི་ཊི། ད་ཧ་ནི། པ་ཙ་ནི། མརྡ་ནི། སཱ་ར་ལེ། སཱ་ར་ལེ། ས་ར་མཾ་བྷེ། ཧི་ན་མད་དྷྱོད། ཀིཥྚ་བི་དྷ་རི་ཎི། མ་ཧི་ལེ། མ་ཧཱ་མ་ཧེ་ལེ། ནི་ག་ཏེ། ནི་ག་ཊེ། བྷཉྫེ་མཏྟེ་མཏྟེ། མཏྟི་ནི་དནྟ། ཙཀྲེ་ཙཀྲ། བཱ་ཀི་ནི།

ཛ་ལ་ཛ་ལེ། ཤ་བ་རི་ཤ་བ་རི། སརྦྦ་བྱཱ་དྷི་ཧ་རི་ཎི། ཙུ་ཏེ་ཙུ་ཊི། ཙཱུ་ཌི་ནི་ཙཱུ་ཌི་ནི། དྲི་ཙི་ཙུ་ནི། ནི་མི་ནི་མི། ནི་མིནྡྷ་རི། ཏྲི་ལོ་ཀ་ཛ་ན་ནི། ཏྲི་ལོ་ཀ་ཀ་རི། པྲ་མ་རི། ཏྲཻ་དྷཱ་ཏུ་ཀ །བྱ་བ་ལོ་ཀ་ནི། བཛྲ་པ་ར་ཤུ །པཱ་ཤ་ཁངྒ། ཤཾ་ཁ། ཙཀྲ་ཏྲི་ཤཱུ་ལ། ཙིནྟཱ་མ་ཎི། མ་ཧཱ་བིདྱ་དྷ་ར་ཎི། བདག་གནས་
ཐམས་ཅད་དུ་གནས་པ་ན། མ་རུངས་པའི་འཇིགས་པ་ཐམས་ཅད་དང་། མི་དང་མི་མ་ཡིན་པའི་འཇིགས་པ་ཐམས་ཅད་ལས་བསྲུང་དུ་གསོལ་བསྲུང་དུ་གསོལ། བཛྲེ་བཛྲེ། བཛྲེ་བ་ཏི། བཛྲ་པཱ་ཎི་དྷ་རེ། མི་ལི་མི་ལི། ཧི་ལི་ཧི་ལི། ཀི་ལི་ཀི་ལི། ཙི་ལི་ཙི་ལི། བི་ལི་བི་ལི། སི་རི་སི་རི།
བ་ར་བ་ར་བ་ར་ཌེ། སརྦཱ་ཏྲ་ཛ་ཡ། བ་ལ་དྷེ་སྭཱ་ཧཱ། སརྦ་པཱ་པཾ་བི་དྷ་རི་ཎི་སྭཱ་ཧཱ། སརྦ་བྱཱ་དྷི་ཧ་རི་ཎི་སྭཱ་ཧཱ། སཾ་བྷཱ་ར་ཎི་སྭཱ་ཧཱ། སརྦཱ་ཏྲ་བྷ་ཥ་སྭཱ་ཧཱ། སརྦ་ཤ་ཏྲཱུཾ་བྷ་ཡ་ཧ་ར་ཎི་སྭཱ་ཧཱ། སཾ་དྷཱ་ར་ཎི་སྭཱ་ཧཱ། སྭསྟིརྦྷ་བ་སྭཱ་ཧཱ། བདག་འཁོར་དང་བཅས་པ་དང་། སེམས་ཅན་ཐམས་ཅད་བདེ་ལེགས་སུ་གྱུར་
ཅིག་སྭཱ་ཧཱ། ཤཱནྟིཾ་སྭཱ་ཧཱ། པུཥྚིཾ་སྭཱ་ཧཱ། བ་ལ་བརྟི་ནི་སྭཱ་ཧཱ། ཛ་ཡ་ཏུ་ཛ་ཡེ། ཛ་ཡ་བ་ཏི། ཛ་ཡ་བི་མ་ལེ་སྭཱ་ཧཱ། བི་པུ་ལེ་སྭཱ་ཧཱ། ཨོཾ་སརྦ་ཏ་ཐཱ་ག་ཏ་མུ་ཏེ་སྭཱ་ཧཱ། ཨོཾ་བྷུ་ཏ་སྭཱ་ཧཱ། ཨོཾ་བྷུ་བ་སྭཱ་ཧཱ། ཨོཾ་བྷུར་བྷུ་བ་སྭཱ་ཧཱ། ཨོཾ་བྷུ་རེ་བྷུ་རེ་བཛྲ་པ་ཏི་སྭཱ་ཧཱ། སརྦ་ཏ་ཐཱ་ག་ཏ་ཧྲྀ་ད་ཡ་པཱུ་ར་ཎི་སན་
དྷ་ར་ཎི། ཙ་ལ་ཙ་ལ། བ་ལ་བ་ལ། བཛྲ་ཡ་བིདྱེ། ཨོཾ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་སོ། །དེ་ནས་སངས་རྒྱས་དང་བྱང་ཆུབ་སེམས་དཔའ་དང་། ལྷ་རྗེས་སུ་དྲན་པ་སྔོན་དུ་སོང་བས། བདེན་པའི་བྱིན་གྱི་རླབས་འདི་བྱའོ། །ལྷ་དང་བརྒྱ་བྱིན་དང་བཅས་པ། །སངས་རྒྱས་ཀྱིས་ཁྱོད་བདེ་
ལེགས་ཤོག །དུས་ཀུན་དུ་ནི་སྟོན་པར་ཤོག །འབྱུང་པོ་ཐམས་ཅད་བདེ་ལེགས་ཤོག །སངས་རྒྱས་བསོད་ནམས་མཐུ་དང་ནི། །ལྷ་རྣམས་ཀྱི་ནི་སྟོབས་ཀྱིས་ཀྱང་། །དོན་ནི་གང་དང་གང་འདོད་པ། །དོན་ནི་ཐམས་ཅད་གྲུབ་པར་ཤོག །རྐང་གཉིས་ཁྱེད་ཅག་བདེ་ལེགས་ཤོག །
རྐང་བཞི་ཁྱེད་ཅག་བདེ་ལེགས་ཤོག །ལམ་དུ་ཞུགས་རྣམས་བདེ་ལེགས་ཤོག །ཕྱིར་འོང་དག་ཀྱང་བདེ་ལེགས་ཤོག །མཚན་མོ་བདེ་ལེགས་ཉིན་བདེ་ལེགས། །ཉི་མའི་གུང་ལ་བདེ་ལེགས་ཤོག །ཁྱེད་ཅག་ཀུན་ཀྱང་བདེ་ལེགས་ཤོག །ཁྱེད་ཅག་སྡིག་པར་མ་གྱུར་ཅིག །

སེམས་ཅན་ཀུན་དང་སྲོག་ཆགས་ཀུན། །འབྱུང་པོ་དག་ནི་ཐམས་ཅད་ཀྱང་། །ཐམས་ཅད་བདེ་ལེགས་འབའ་ཞིག་ཤོག །ཐམས་ཅད་ནད་ནི་མེད་གྱུར་ཅིག །ཀུན་གྱིས་བཟང་པོ་མཐོར་བར་ཤོག །གང་ཡང་སྡིག་པར་མ་གྱུར་ཅིག །འབྱུང་པོ་གང་དག་འདིར་ནི་
ལྷགས་གྱུར་ཞིང་། །ས་འམ་འོན་ཏེ་བར་སྣང་འཁོད་པ་དག །སྐྱེ་དགུ་རྣམས་ལ་རྟག་ཏུ་བྱམས་བྱེད་ཅིང་། །ཉིན་དང་མཚན་དུ་ཆོས་ཀྱང་སྤྱོད་པར་ཤོག །རྒྱལ་བ་དགྲ་རྒྱལ་གང་གིས་འདི་བདེན་པས། །བདེན་པ་དེ་ཡིས་འདིར་ནི་བདེ་ལེགས་ཤོག །ཅེས་སོ། །དེ་ནས་སྨན་པས་བསྟན་པའི་
སྨན་རྣམས་སྔགས་འདིས་མངོན་པར་བསྔགས་ཏེ་ནད་པ་ལ་སྦྱིན་པར་བྱའོ། །ཨོཾ་མ་ཎི་དྷ་རི་བཛྲི་ཎི། མ་ཧཱ་པྲ་ཏི་སཱ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། སོ་སོར་འབྲང་མའི་སྙིང་པོ་འདི་ཡང་བཟླས་པའི་ཆེད་དུ་བཟླས་པར་བྱའོ། །སླར་ཡང་དབུས་ནས་བརྩམས་ཏེ། ཕྱོགས་བཞི་རྣམས་སུ་ཉེ་བར་སྤྱོད་པ་
ལྔས་མཆོད་ནས་ཚིགས་སུ་བཅད་པ་ལྔས་བཟོད་པར་གསོལ་བར་བྱའོ། །གང་དག་སངས་རྒྱས་རང་སངས་རྒྱས། །སངས་རྒྱས་རྣམས་ཀྱི་ཉན་ཐོས་དང་། །ཚངས་དབང་དང་ནི་འཇིག་རྟེན་སྐྱོང་། །གནོད་སྦྱིན་སྡེ་དཔོན་དབང་ཕྱུག་དང་། །དེ་བཞིན་གནོད་སྦྱིན་སྟོབས་ཆེན་དང་། །འཕྲོག་
མ་བུ་དང་བཅས་པ་རྣམས། །གང་དག་བར་སྣང་སྤྱོད་པ་དང་། །གང་གཞན་ས་ལ་སྤྱོད་པ་རྣམས། །མེ་ཏོག་དང་ནི་སྤོས་འདི་དག །ཇི་ལྟར་བདེ་བས་བཞེས་སུ་གསོལ། །སེམས་ཅན་དོན་ཕྱིར་རྣམ་ཀུན་གྱིས། །རྟག་ཏུ་ཐུགས་རྗེས་བཞེས་སུ་གསོལ། །དེའི་རྗེས་ལ་མཆོད་རྟེན་གནས་
ཇི་ལྟ་བར་བཞུགས་སུ་གསོལ་ནས། མཆོད་པའི་རྫས་ཐམས་ཅད་ཁྲོན་པ་རྙིང་པའམ། ཆུ་བོའི་ནང་དུ་དོར་བར་བྱའོ། །དེ་ལྟར་ཇི་ལྟར་ནུས་པས་ཉི་མ་གཅིག་གམ་གཉིས་སམ་གསུམ་མམ་ཉི་མ་བདུན་གྱི་བར་དུ་བྱའོ། །སྐྱོབ་པ་ཤཱཀྱ་སེང་གེ་ཡིས། །བསྲུང་བ་འདི་ནི་ཡང་དག་བཤད། །
འདི་མ་གཏོགས་པར་ཁམས་གསུམ་ན། །བསྲུང་བའི་རིག་སྔགས་གཞན་མེད་དོ། །དེ་ནི་མི་འཆི་རྒ་མེད་དེ། །ནད་ཀྱིས་མི་བཏབ་མི་རྒུད་ཀྱི། །སྡུག་པ་དང་ནི་འབྲལ་མི་འགྱུར། །ཤིན་ཏུ་བསྒོམས་པར་བྱས་ན་ནི། །དེ་ནི་མི་སྡུག་པ་དང་ཡང་། །ཕྲད་པར་འགྱུར་བ་མ་ཡིན་ནོ། །ལག་

ན་རྡོ་རྗེ་སྟོབས་ཆེན་དབང་། །བདེ་སོགས་བདག་པོ་དབང་པོ་དང་། །འཕྲོག་མ་དང་ནི་ལྔས་རྩེན་དང་། །འཇིག་རྟེན་སྐྱོང་བ་འཕྲུལ་ཆེན་དང་། །ཟླ་བ་ཉི་མ་རྒྱུ་སྐར་བཅས། །མཆོག་ཏུ་མི་བཟད་གཟའ་རྣམས་དང་། །གང་ཡང་ཀླུ་ཆེན་ཐམས་ཅད་དང་། །ལྷ་དང་དེ་བཞིན་དྲང་སྲོང་དང་། །ལྷ་
མིན་མཁའ་ལྡིང་དྲི་ཟ་དང་། །མིའམ་ཅི་དང་ལྟོ་འཕྱེ་ཆེ། །བསྲུང་ཕྱིར་རྟག་ཏུ་འབྲང་བར་བྱེད། །གང་གིས་རིག་སྔགས་སྟོབས་ཆེན་མོ། །རྫུ་འཕྲུལ་ཆེན་མོ་བྲིས་ནས་ནི། །ཤེས་རབ་ཅན་གྱི་ལག་ལ་གདགས། །རྟག་ཏུ་ཕུན་སུམ་ཚོགས་པ་ཐོབ། །སོ་སོར་འབྲང་མ་ཆེན་པོའི་སྲུང་བ།
སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་པ། །གདམས་ངག་དུས་ད་ལྟ་བྱེད་པའི་ཚུལ་པཎྜི་ཏ་སུ་མ་ཏི་ཀཱིརྟིའི་ཞལ་སྔ་ནས་གཞུང་དུ་བསྡེབས་པ་རྫོགས་སོ།། །།ལག་པ་རེག་ཅིང་ཛ་ཞེས་བརྗོད་པས་གཤེགས་སུ་གསོལ་ལོ། །ལོ་ཙཱ་བ་ཆེན་པོ་དྷརྨ་ཀཱིརྟིས་བསྒྱུར་བའོ།།
༄༅༅། །རྒྱ་གར་སྐད་དུ། ཨཱརྱ་མ་ཧཱ་པྲ་ཏི་སཱ་རཱ་ཡཻ་བིདྱཱ་བི་དྷི་ནཱ་མ། བོད་སྐད་དུ། འཕགས་མ་སོ་སོར་འབྲང་མ་ཆེན་མོའི་རིག་པའི་ཆོ་ག་ཞེས་བྱ་བ། འཕགས་མ་སོ་སོར་འབྲང་མ་ཆེན་མོ་ལ་ཕྱག་འཚལ་ལོ། །སངས་རྒྱས་ཐམས་ཅད་མངོན་དགའ་བའི། །ཕྱག་འཚལ་
སོ་སོར་འབྲང་མ་བཤད། །སེམས་ཅན་ཐམས་ཅད་རྣམ་འབྱུང་བའི། །དེ་ཡི་འཁོར་ལོ་བདག་གིས་བྲི། །གཙང་མ་མཉམ་པར་གཞག་ཅིང་གཏོར་མ་ལ་སོགས་བྱིན་ལ། བསྐུམ་ཁྲུ་གང་གི་ཚད་ཀྱི་གྲོ་གའམ་རས་ལ་སོགས་པའི་གཞི་ལ། དང་པོ་རེ་ཞིག་སོར་བཞིའི་ཚད་ཀྱི་རིམ་པ་
གཅིག་བྲིའོ། །དེའི་དབུས་སུ་ཟླ་ཚེས་ཐིག་ལེས་བརྒྱན་པའི་ཧཱུཾ་བརྒྱད་ཀྱིས་བསྐོར་བའི་པྲཾ་ཡིག་གོ། །དེའི་ནང་དུ་སྔགས། ཨོཾ་མ་ཎི་དྷ་རི་བཛྲི་ནི་མ་ཧཱ་པྲ་ཏི་སཱ་རེ་དྷ་རེ་ཀསྱཾ་རཀྵཾ་ཀུ་རུ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེའི་ཕྱིར་སོར་ཕྱེད་ཀྱི་རིམ་པ་གཉིས་ལ། དེ་ལ་དང་པོ་རིམ་པ་གཅིག་གི་
སྔགས་ནི། ཨོཾ་མ་ཎི་ཞེས་པ་སྔར་གྱི་གཅིག་གོ། །གཉིས་པ་ནི་དེ་ལྟར་རིམ་པར་བྱའོ། །དེའི་ཕྱི་རོལ་དུ་སོར་གསུམ་གྱི་རིམ་པ་གཅིག་གོ། །དེ་ལ་ཕྱོགས་བཞིར་རི་མོ་གཉིས་པའི་པདྨ་འདབ་མ་བཞི་པའི་མདུན་ལ་སོགས་པའི་ཕྱོགས་ཀྱི་རིམ་པར་རི་མོ་གཉིས་ཀྱི་མཚམས་སུ་སྔགས་ནི།

ཨོཾ་བི་མ་ལེ་བི་པུ་ལེ་ཛ་ཡ་བ་རེ་ཨ་མྲྀ་ཏེ་དྷ་ར་རཀྵ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཡས་སུ་ཨོཾ་ཨ་མྲྀ་ཏེ་བི་ལོ་ཀི་ནི་གརྦྷ་སཾ་རཀྵ་ཎི་ཨཱ་ཀཪྵ་ཎི་དྷ་ར་ར་ཀ་སྱ་རཀྵ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། རྒྱབ་ཏུ། ཨོཾ་བྷཱ་ར་བྷཱ་ར། སཾ་བྷཱ་ར་སཾ་བྷཱ་ར། ཨིནྡྲཱི་ཡ་བ་ལ་བི་ཤོ་དྷ་ནི་དྷ་
ར་ཀ་སྱ་རཀྵཾ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཡོན་དུ་ཨོཾ་ཨ་མྲྀ་ཏ་བ་རེ་བ་ར་བ་ར་པྲ་བ་ར་བི་ཤུདྡྷེ་ར་ཀ་སྱ་རཀྵ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། འདབ་མ་རྣམས་ཀྱི་དབུས་སུ་ཧཱུཾ་ཡིག་བརྒྱད་ཀྱིས་བསྐོར་བའི་པྲཾ་ཡིག་གི་ནང་དུ། ཨོཾ་མ་ཎི་དྷུ་རི་ཞེས་པ་ལ་སོགས་པའི་སྔགས་བྲི་བར་
བྱའོ། །ཕྱོགས་བྲལ་བཞིར་རྩེ་གསུམ་པའི་རྡོ་རྗེ་ཕྱེད་པའི་ནང་གི་མེ་ལ་སོགས་པའི་མཚམས་ཀྱི་རིམ་པར་སྔགས་ནི། ཨོཾ་བི་སྥོ་ཊ་བཛྲི་ནི་དྷ་ར་ཀ་སྱ་རཀྵ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། བདེན་བྲལ་དུ། ཨོཾ་ཨ་མྲྀ་ཏ་བཱ་རེ་དྷ་ར་ཀ་སྱ་རཀྵཾ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། རླུང་དུ། ཨོཾ་བི་མ་
ལེ་དྷ་ར་ཀ་སྱ་རཀྵཾ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དབང་ལྡན་དུ། ཨོཾ་ཛ་ཡ་བཱ་རེ་དྷ་ར་ཀ་སྱ་རཀྵཾ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། པདྨའི་འདབ་མ་དང་རྡོ་རྗེ་ཕྱེད་མ་རྣམས་ཀྱི་མཚམས་བརྒྱད་རྣམས་སུ། མེའི་ཕྱོགས་ཀྱི་རིམ་པར་སྔགས་ནི། ཨོཾ་སུཾ་བྷ་བཛྲི་ཎི་དྷ་ར་ཀ་སྱ་རཀྵཾ་ཤཱནྟིཾ་པུཥྚིཾ་ཀུ་
རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་པའི་སྔགས་གཉིས་སམ་གཅིག་ནང་དུ་བྲི་བར་བྱའོ། །དེའི་ཕྱི་རུ་སོར་ཕྱེད་དང་གསུམ་གྱི་ཚད་ལ་རིམ་པ་བཞི་བྱའོ། །དེ་ལ་རིམ་པ་དང་པོ་ལ་ཧྲཱིཿཡི་གེ་ཕྲེང་གཅིག་བྲིའོ། །དེའི་ཕྱིའི་རིམ་པ་ལ། ཨོཾ་ཨ་པ་རཱ་ཛི་ཏེ་མ་ཧཱ་དེ་བི་ཏྲཊ། ཨོཾ་ཀཱ་ལ་ཀཎྜ་ཀྲི་ཏ། པདྨ་
ཀུཎྜ་ལི་པཾ། ཨོཾ་པུཥྤ་དནྟི་ནི་ཧཱུཾ། ཨོཾ་མ་ལྱཾ་ཀུ་ཤི་ཧཱུཾ། ཨོཾ་བཛྲ་སྲིཾ་ཁ་ལེ་ཧཱུཾ། ཨོཾ་ཤྭེ་ཏེ་བཾ། ཨོཾ་མ་ཧཱ་ཀཱ་ལི་ཧྲཱིཿ། ཨོཾ་བཛྲ་པཱ་ཎི་ཧེ། ཨོཾ་བཛྲ་པཱ་ཎི་བྲྀ་ཏ། ཨོཾ་བཛྲ་པཱ་ཎི་མ་ཧཱ་བ་ལེ་དྷིཿ། ཨོཾ་བཛྲ་མཱ་ལེ་མཾ། ཨོཾ་ཨ་མྲྀ་ཏ་ཀུཎྜ་ལ་སྭཱ་ཧཱ། ཨོཾ་ཛྭ་ལ་ཛྭ་ལ་ཧཱུཾ་ཕཊ་སྭཱ་ཧཱ། ཨོཾ་ཊཀྐི་ཧཱུཾ་ཛཿསྭཱ་ཧཱ། དེའི་ཕྱིའི་རིམ་པ་ལ་ཨོཾ་
ཙུནྡི་ཧྲཱིཿ། ཨོཾ་སུརྞྞ་ཀེ་ཤི་ཀྲྀ་ཏ། ཨོཾ་པིཾ་ག་ལེ་ལཾ། ཨོཾ་བི་དྱུནྨཱ་ལི་ནི་ཛཿཧཱུཾ། ཨོཾ་ཤཱནྟིཾ་ཀ་རི་ཧཱུཾ། ཨོཾ་པུཥྚིཾ་བ་ལ་བརྟ་ནི་ཧཿ། ཨོཾ་སུམྦྷ་ཀ་རི་ཧཱུཾ། ཨོཾ་མ་ཎི་དྷ་རི་ཧཱུཾ། ཨོཾ་རཏྣ་མུ་ཀུ་ཊ། མཱ་ལ་དྷ་རི་ཧྲཱིཿ། ཨོཾ་མ་ཧཱ་པྲ་ཏི་ས་རི་པྲཾ། ཨོཾ་དྷུ་རུ་དྷུ་རུ། མུ་རུ་མུ་རུ། ཧུ་རུ་ཧུ་རུ། མེ་རུ་མེ་རུ། ཧཱུཾ་ཧཱུཾ། ཨོཾ་བ་ལ་བརྡྷ་ནི་

ཧོཿ། ཨོཾ་རུ་རུ་ཙ་ལེ་ཧཱུཾ་ཧཱུཾ་ཕཊ་ཕཊ། ཨོཾ་མ་ཎི་དྷ་རི་བཛྲི་ཎི་མ་ཧཱ་པྲ་ཏི་ས་རེ་དྷཱ་ར་ཀ་སྱཱ་རཀྵཾ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེའི་ཕྱིའི་རིམ་པར་ཨོཾ་ཏ་རེ་ཏཱཾ་ཨཱཿ། ཨོཾ་ཨོཾ་མུ་ཨོཾ་ཨ་རཀྵ་སྱ་ཀ་ཛ་ཌེཥྚཾ། ཨོཾ་བུདྡྷ་རཀྵ་ཏི་ཀེ་ཧེ་ཧཱུཾ། ཨོཾ་རཀྵ་ར་ཀཾ་སརྦ་བྷ་ཡེ་བྱ་དྷིཿ། ཨོཾ་དེ་བཱི་ཤྲཱི །ཨོཾ་པདྨོ་པཾ། ཨོཾ་
མ་ཎི་དྷ་རི་བཛྲི་ཎི་ཧཱུཾ། ཨོཾ་ལོ་ཙ་ནེ་ལཱཾ། ཨོཾ་མཱ་མ་ཀཱི་མཱཾ། ཨོཾ་པཎྜ་རེ་པཾ། ཨོཾ་བ་སུ་དྷ་རེ་བཾ། ཨོཾ་ཀུ་རུ་ཀུལླེ་ཧྲཱིཿ། ཨོཾ་བྷྲྀ་ཀུ་ཊི་བྷྲྀཾ །ཨོཾ་བྷྲཱུཾ་ཧཱུཾ་བྷྲཱུཾ་ཨཿ། དེའི་ཕྱི་རུ་སོར་གཉིས་ཀྱི་རིམ་པ་གཅིག་བྱའོ། །དེར་མགོ་གྱེན་དུ་བསྟན་པའི་རྡོ་རྗེ་བཞི་བཅུ་རྩ་བརྒྱད་ཀྱི་ཕྲེང་སྐུད་དུ་བྲིའོ། །རྡོ་རྗེ་གཉིས་ཀྱི་
མཚམས་ནུབ་ལ་སོགས་པའི་ཕྱོགས་ཀྱི་རིམ་པར། ལཾ། ཀྵཱུཾ། ཀཱཾ་བྷྲཾ། ཨིཾ་བྷྲཱུཾ། ཧཾ་ཀཿ། ཁཾ་ཧཿ། པཱཾ་ཛཱཿ། ཨཱཾ། ཧྲཱིཿ། ལཱིཿ། ཏྲཱིཿ། པུཾ། ཀྲུཾ། ཛཿ། དྷཱི། ཧོ་བྲཾ། ཧཱུཾ་ཨཱཿ། ཕཊ་ཛཾ། སྨཾ་མཾ། ཀཾ །བཾ། རཾ། པུཾ། ཏྲེཾ། བྷཽཾ། བྷཾ། ཨོཾ། ཨ། བྷཾ། ཀྵཱིཾ། དྷི་ཧེཿ། ཛཾ། རཱུཾ་རཱུཾ། ཨཾ། སེཾ། ར། དེའི་ཕྱི་རུ་སོར་གཉིས་
ཀྱི་རིམ་པ་གཅིག་གི་ཚད་གཅིག་བྱའོ། །དེར་པདྨ་བཞི་བཅུ་རྩ་བཞི་འདབ་མ་དང་གེ་སར་རྒྱས་པ་དབྱུག་པ་ལ་དར་དཔྱངས་བཅིངས་པ་བྲི་བར་བྱའོ། །དེའི་སྟེང་དུ་མཚན་མ་བཞི་བཅུ་རྩ་བརྒྱད་བྲི་བར་བྱའོ། །འཁོར་ལོ་དང་། རལ་གྲི་དང་། གཞུ་དང་། མདའ་དང་། རྡོ་རྗེ་དང་། ཐོ་བ་དང་།
གཡས་སྐོར་དུ་དུང་དང་། རྡོ་རྗེ་དང་། རྒྱལ་མཚན་དང་། ཡིད་བཞིན་ནོར་བུ་དང་། ཞགས་པ་དང་། དགྲ་སྟ་དང་། རྩེ་གསུམ་དང་། ལྕགས་ཀྱུ་དང་། གདུགས་དང་། པདྨ་དང་། མདུང་ཐུང་ངོ་། །དེ་རྣམས་སོར་གསུམ་གྱི་ས་ལ་བྲིའོ། །ཡི་གེ་ཐམས་ཅད་ཀྱི་མགོ་ཕྱིར་བསྟན་པར་བྲིའོ། །
འཕགས་མ་སོ་སོར་འབྲང་མ་ཆེན་མོའི་རིག་པའི་ཆོ་ག་རྫོགས་སོ།། །།རྒྱ་གར་ཡུལ་བཱ་རཱ་ཎ་སཱིར་པཎྜི་ཏ་པུ་རུ་ཥོཏྟ་མའི་ཞལ་སྔ་ནས་ལེགས་པར་མཉན་ཏེ། ལོ་ཙཱ་བ་དགེ་སློང་ཉི་མ་རྒྱལ་མཚན་དཔལ་བཟང་པོས། གཙུག་ལག་ཁང་ཆེན་པོ་ཐར་པ་གླིང་དུ་བསྒྱུར་བའོ།། ༄། །བསྲུང་བ་ལྔའི་ཆོ་ག་
བཞུགས།། ༄༅༅། །བཅོམ་ལྡན་འདས་འཕགས་མ་སོ་སོར་འབྲང་མ་ལ་ཕྱག་འཚལ་ལོ། །བཀྲ་ཤིས་ཚེ་རིང་དབྱིག་དང་ནི། །སྐལ་ལྡན་འོད་ཅན་སྟོབས་དང་ཞི། །ངེས་པར་འདོད་ཀུན་ཕུན་ཚོགས་ཕྱིར། །བཀླགས་པས་མི་རྣམས་འཇོམས་པ་ཡི། །བསྲུང་བའི་ཆོ་གའི་རིམ་པ་ནི། །

འདི་ནི་ཅུང་ཟད་བརྗོད་པར་བྱ། །དང་པོར་ཡིད་འོང་ས་ཕྱོགས་ཡངས་པ་རུ། །སེར་སྐྱའི་ལྕི་བ་ཙནྡན་སོགས་ཀྱིས་བྱུགས། །སྟེང་དུ་བླ་རེ་བྲེ་ཞིང་དར་དཔྱངས་ལྡན། །མཚམས་སུ་རྔ་ཡབ་དང་བཅས་བརྒྱན་པའི་སར། །སོར་མོ་ཉི་ཤུ་རྩ་བརྒྱད་ཡོངས་བཅལ་
སྟེང་དུ་ནི། །གལ་ཏེ་ཡོད་ན་རྡུལ་ཚོན་སྣ་ལྔས་དཀྱིལ་འཁོར་བྲི། །མེད་ན་ལེགས་བསྐམས་དཀར་འཇམ་ས་ལེ་ཞིབ་མོའི་ཕྱེས། །པདྨ་འདབ་བརྒྱད་ཁ་བྱེ་ཡང་དག་བྲི་བར་བྱ། །པདྨ་དེ་ལ་བརྟེན་པའི་གཟའི་རྒྱལ་པོ་དགུ་བྲི་བ་ནི། ཉི་མ་དང་ཟླ་བ་འདབ་མ་གཅིག་ལ་བྲི། དེའི་ཕྱི་རོལ་
གྱི་མུ་ཁྱུད་སོར་གསུམ་ལའང་རྒྱུ་སྐར་མ་ལུས་པས་ནང་གི་པདྨ་ཡོངས་སུ་བསྐོར་བ་བྲི་བར་བྱའོ། །དེའི་ཕྱི་རོལ་དུ་མཐོ་གང་གི་ཞེང་གི་ཚད་ལ་འཁོར་ལོ་རྩིབས་བརྒྱད་པ་ཤིན་ཏུ་ཟླུམ་པོ། ཕྱི་རོལ་དུ་འོད་ཟེར་འབར་བ་དང་བཅས་པའོ། །འཁོར་ལོ་རྩིབས་བརྒྱད་དུ་བྱས་པ་ལ་ཕྱོགས་
སྐྱོང་རིམ་པ་ཇི་ལྟ་བ་བཞིན་དུ་དགོད་པར་བྱའོ། །དེ་ཉིད་ཀྱི་ནང་གི་དབུས་སུ་པདྨ་ཁ་བྱེ་བའི་ལྟེ་བ་ལ་ཙནྡན་གྱིས་བྱུགས་ལ་ལྷ་མོ་ལྔ་སྟེང་དུ་བྲི་བར་བྱའོ། །དེ་ལ་རང་རང་གི་ཁ་དོག་གི་མེ་ཏོག་འབར་བ་དགྲམ་པར་བྱ་ཞིང་དཀྱིལ་འཁོར་གྱི་སྟེང་དུ་མན་འཇི་ཆེན་པོ་གཅིག་བཞག་ལ། དེའི་
སྟེང་དུ་འབབ་ཆུ་བཟང་པོས་བཀང་བའི་བུམ་པར་དྲི་དཀར་པོ་དང་འོ་མ་དང་། རིན་པོ་ཆེ་སྣ་ལྔ་བཅུག་ལ་ཤིན་ཏུ་གཞོན་པའི་ལོ་མས་ཁ་ལེགས་པར་བརྒྱན་ལ། དབང་པོ་དང་། མེ་དང་། ཡི་དགས་ཀྱི་བདག་པོ་དང་། སྲིན་པོའི་རྒྱལ་པོ་དང་། ཆུ་ལྷའི་བདག་པོ་དང་། རླུང་ལྷ་དང་།
གནོད་སྦྱིན་དང་། དབང་ཕྱུག་ཆེན་པོ་རྣམས་ལ་དྲིའི་ཆུ་དང་། བུ་རམ་དང་། ཞོ་བསྲེས་པ་དང་། ཆང་དང་། ཁྲག་དང་། འོ་མ་དང་། སྐྱུར་པོ་དང་། བུར་ཆང་དང་། ཏིལ་གྱི་ཐུག་པས་བཀང་བའི་སྣོད་གཞག་པར་བྱའོ། །མེ་ཏོག་ཕྲེང་བ་དཀར་པོ་དང་། ནག་པོ་དང་། ལྗང་གུའི་ཕྲེང་བ་
དང་། མེ་ཏོག་དཀར་པོའི་བུ་གར་དཱུར་བ་མ་ཉམས་པ་བཅུག་པ་དང་། ལྗང་གུ་འབར་བ་དང་། སེར་པོ་དང་། དམར་པོའི་ཕྲེང་བ་ལྷ་རྣམས་ཀྱི་རྟེན་ཐམས་ཅད་ལ་འཆད་དུ་གཞུག་པར་བྱའོ། །དཀྱིལ་དུ་མེ་ཏོག་སྣ་ཚོགས་ཀྱི་ཕྲེང་བ་འཕྱང་དུ་གཞུག་པར་བྱའོ། །ཞོ་དང་། ཁུར་བ་དང་། ཟན་

དང་། བུ་རམ་བསྲེས་པ་ཤར་ཕྱོགས་ཀྱི་ཆ་ལའོ། །ཤ་དང་ཉ་དང་སྒོག་པ་གཤིན་རྗེའི་ཕྱོགས་སུའོ། །འོ་མ་དང་། ཟན་དང་། ཞོ་སྦྱར་བ་དང་། ཁུར་པ་ནི་ཆུའི་བདག་པོའི་ཕྱོགས་སུའོ། །མོན་སྲན་སྡེའུ་དང་། སྲན་ཆུང་དང་། ནས་ལ་སོགས་པ་བརྫིས་ལ་གནོད་སྦྱིན་གྱི་ཕྱོགས་སུའོ། །
བའི་ལྕི་བ་ས་ལ་མ་ལྷུང་བ་དང་། རྨ་བྱའི་སྒྲོ་གསུམ་དང་། དཱུར་བའི་མེ་ཏོག་དཀར་པོ་དང་བཅས་པ་ཡུངས་ཀར་དང་ལྡན་པས་བཀྲ་ཤིས་པ་དང་། མངོན་པར་མཐོ་བ་དང་ནད་འཇོམས་པར་བྱེད་པའི་ཕྱིར་བསྲུང་བ་འདི་པདྨའི་སྣོད་དུ་གཞག་པར་བྱའོ། །སྔགས་པས་དྲི་ཞིམ་པོས་ཁྲུས་བྱས་
པའི་ལུས་རྣམ་པར་དག་པ་ལ་གོས་དཀར་པོ་དྲི་མ་མེད་ཅིང་གཙང་བ་བགོས་པ། སྟན་འཇམ་ཞིང་མཐོ་བ་ལ་འདུག་སྟེ། ལྷ་མོ་ལྔ་རྣམས་ཀྱི་ཏིང་ངེ་འཛིན་གསུམ་བསྒོམ་པར་བྱའོ། །དེའི་རྗེས་ལ་བྲིས་སྐུ་དང་། གླེགས་བམ་དང་། སྐུ་གཟུགས་ཀྱི་མདུན་དུ་མཆོད་རྟེན་ལེགས་པར་
བཞག་ལ། ཆོས་སྨྲ་བ་དང་། ལས་ཀྱི་རྡོ་རྗེ་བྱེད་པ་དེ་བཞིན་གོས་ཀྱིས་བརྒྱན་པར་བྱས་ཏེ། ཁ་ཤར་ཕྱོགས་སུ་བལྟས་སེམས་ཞི་བ་དང་། མཉམ་པར་བཞག་པའི་བསམ་གཏན་བྱའོ། །དེ་ནས་རང་གི་སྙིང་གར་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་པྲཾ་གྱི་ས་བོན་གྱི་རྣམ་པར་བྱའོ། །
དེའི་འོད་ཟེར་གྱི་སྣང་བས་སོ་སོར་འབྲང་མའི་དཀྱིལ་འཁོར་མདུན་དུ་བཀུག་པར་བསྒོམས་ལ། འོད་ཟེར་དེ་ཉིད་ཀྱིས་མཆོད་པའི་ལྷ་མོ་ཡང་དག་པར་སྤྲོས་ཏེ་ལེགས་པར་མཆོད་ལ་རང་གི་ས་ལ་བཞུགས་པར་བྱའོ། །ཕྱི་རོལ་གྱི་མཆོད་པ་རྣམ་པ་ལྔས་ལེགས་པར་མཆོད་ཅིང་སྡིག་པ་
བཤགས་པ་ལ་སོགས་པ་བྱའོ། །གང་ཡང་། བདག་གིས་མི་འཚལ་སྡིག་བགྱིས་པའམ། །བགྱིད་དུ་སྩལ་བ་ཉིད་དང་ནི། །མི་དགེ་བ་ནི་རྗེས་རང་བགྱིད། །དེ་ཀུན་རྫོགས་སངས་སྤྱན་སྔ་རུ། །ད་ལྟར་སོ་སོར་བཤགས་པར་བགྱིད། །ཚོགས་གཉིས་རྒྱུན་མི་འཆད་པ་དང་། །
བདེ་གཤེགས་སྲས་ཟབ་གཏིང་དཔག་དཀའ། །འགྲོ་ཀུན་དོན་སྒྲུབ་མཛད་པ་དང་། །དེ་བས་གཞན་ཡང་རྗེས་རང་བགྱིད། །ཨོཾ་སྭ་བྷཱ་བ་ཤུདྡྷཿསརྦ་དྷརྨྨཱ་སྭ་བྷཱ་བ་ཤུདྡྷོ྅ཧཾ། ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱ་ཏྨ་ཀོ྅ཧཾ་ཞེས་སྟོང་པ་ཉིད་དུ་རྣམ་པར་བསམས་ལ། དེའི་རྗེས་ལ་རང་གི་

སེམས་ཀྱི་ངོ་བོ་པྲཾ་གྱི་ས་བོན་དུ་མངོན་པར་བལྟས་ལ། པྲཾ་ལས་བྱུང་བའི་འཁོར་ལོ་དེའི་དབུས་སུ་ཟླ་བ་ལ་པྲཾ་འོད་ཟེར་དང་བཅས་པ་ཤིན་ཏུ་འབར་བ་སྟེ། ས་བོན་དེ་དང་ཕྱག་མཚན་ཡོངས་སུ་གྱུར་པ་ལས་སོ་སོར་འབྲང་མ་ཆེན་མོ་ལོ་བཅུ་དྲུག་ལོན་པའི་སྐུ་ཅན་བསམ་པར་
བྱའོ། །སྐུ་མདོག་སེར་མོ་སྤྱི་བོར་མཆོད་རྟེན་གྱིས་བརྒྱན་པ། པདྨ་འདབ་མ་བརྒྱད་པ་ཟླ་བའི་གདན་ལ་གནས་པ། རྡོ་རྗེའི་སྐྱིལ་མོ་ཀྲུང་བཅས་པ། སྤྱན་གསུམ་པ། ཕྱག་བརྒྱད་པ། རྒྱན་ཐམས་ཅད་ཀྱིས་བརྒྱན་པ། ཞལ་བཞི་རྩ་བའི་ཞལ་སེར་པོ། གཡས་ནག་པོ། གཡོན་དམར་
པོ། རྒྱབ་དཀར་པོའོ། །ཕྱག་དང་པོ་དང་། གཉིས་པ་དང་། གསུམ་པ་དང་། བཞི་པ་རྣམས་ལ་འཁོར་ལོ་དང་། རྡོ་རྗེ་དང་། མདའ་དང་རལ་གྲི་བསམ་པར་བྱའོ། །གཡོན་པའི་དང་པོ་དང་། གཉིས་པ་དང་། གསུམ་པ་དང་། བཞི་པ་རྣམས་ལ། རྡོ་རྗེ་ཞགས་པ་དང་། མདུང་རྩེ་གསུམ་
པ་དང་། གཞུ་དང་། དགྲ་སྟ་བསམ་པར་བྱའོ། །དེ་ལྟར་གྱུར་པའི་བཅོམ་ལྡན་འདས་མ་བསམ་པར་བྱའོ། །དེའི་སྔགས་ནི། ཨོཾ་མ་ཎི་དྷ་རི་བཛྲི་ཎཱི་མ་ཧཱ་པྲ་ཏི་ས་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེའི་མདུན་དུ་ས་བོན་ཡོངས་སུ་གྱུར་པ་ལས། སྟོང་ཆེན་མོ་རབ་ཏུ་འཇོམས་མ་བསྒོམ་པར་བྱ་སྟེ།
མདོག་གནག་པ། སྐྲ་ཁམ་པ་གྱེན་དུ་བརྫེས་པ། ཐོད་པའི་རྒྱན་བྱས་པ། ཁྲོ་གཉེར་ཅན་མཆེ་བ་རྣམ་པར་གཙིགས་པ་དང་ལྡན་པ། འོད་ཟེར་དང་བཅས་པ། ཉི་མའི་གདན་ཅན། སྒེག་པའི་ཉམས་དང་ལྡན་པ། ཞལ་བཞི་པའི་རྩ་བའི་ཞལ་ནག་པོ། གཡས་དང་གཡོན་པ་དཀར་པོ་དང་དམར་
པོ་རྒྱབ་ཀྱི་ཞལ་སེར་པོ། སྤྱན་གསུམ་པ། རྒྱན་ཐམས་ཅད་ཀྱིས་བརྒྱན་པ། དེའི་ཕྱག་གཡས་ཀྱི་དང་པོ་དང་། གཉིས་པ་དང་། གསུམ་པ་དང་། བཞི་པ་རྣམས་ལ་མཆོག་སྦྱིན་དང་། རྡོ་རྗེ་ལྕགས་ཀྱུ་དང་། མདའ་དང་། རལ་གྲི་བསྣམས་པའོ། །གཡོན་པའི་དང་པོ་དང་། གཉིས་པ་
དང་། གསུམ་པ་དང་། བཞི་པ་རྣམས་ལ་སྡིགས་མཛུབ་དང་། དགྲ་སྟ་དང་། གཞུ་དང་། རིན་པོ་ཆེ་དང་ཆ་དྲུག་པའོ། །དེ་ལྟར་གྱུར་པའི་བཅོམ་ལྡན་འདས་དྲག་མོའི་ཆ་བྱད་ཅན་བསྒོམ་པར་བྱའོ། །དེའི་སྔགས་ནི། ཨོཾ་ཨ་མྲྀ་ཏ་ཝ་ར་ཝ་ར་ཝ་ར། པྲ་ཝ་ར་བི་ཤུདྡྷེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ།

དེའི་ལྷོ་ཕྱོགས་ཀྱི་ཟླ་བའི་སྟེང་དུ་མཾ་ལས་བྱུང་བ་རྨ་བྱ་ཆེན་མོ་ཁ་དོག་སེར་མོ་སེམས་དཔའི་སྐྱིལ་མོ་ཀྲུང་ཅན། ཞལ་གསུམ་རྩ་བའི་ཞལ་སེར་པོ། གཡས་དང་གཡོན་པ་ནག་པོ་དང་དམར་པོའོ། །སྤྱན་གསུམ་པ་ཕྱག་བརྒྱད་པ་རིན་པོ་ཆེའི་ཅོད་པན་ཅན། རྒྱན་ཐམས་ཅད་ཀྱིས་རྣམ་པར་བརྒྱན་པ་
ཕྱག་གཡས་དང་པོ་དང་། གཉིས་པ་དང་། གསུམ་པ་དང་། བཞི་པ་རྣམས་ལ་མཆོག་སྦྱིན་དང་། བུམ་པ་རིན་པོ་ཆེས་བརྒྱན་པ་དང་། འཁོར་ལོ་དང་རལ་གྲིའོ། །གཡོན་པའི་ཕྱག་དང་པོ་དང་། གཉིས་པ་དང་། གསུམ་པ་དང་། བཞི་པ་རྣམས་ལ་ལྷུང་བཟེད་ཀྱི་སྟེང་དུ་དགེ་སློང་དང་། རྨ་བྱ་དང་
བུམ་པའི་སྟེང་དུ་སྣ་ཚོགས་རྡོ་རྗེས་མཚན་པ་དང་། རིན་པོ་ཆེའི་རྒྱལ་མཚན་བསྣམས་པའོ། །དེའི་སྔགས་ནི། ཨོཾ་ཨ་མྲྀ་ཏ་བི་ལོ་ཀི་ནི་གརྦྷ་སཾ་རཀྵ་ཎི་ཨཱ་ཀཪྵ་ཎི་ཨཱ་ཀཪྵ་ཎི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེའི་ནུབ་ཕྱོགས་ཀྱི་སྟེང་གི་པདྨའི་ཟླ་བ་ལ། སཾ་ལས་བྱུང་བའི་གསང་སྔགས་རྗེས་སུ་འཛིན་མ་ཆེན་མོ་སྐུ་མདོག་
དམར་མོ་ཞལ་གསུམ་པ། རྩ་བའི་ཞལ་དམར་པོ། གཡས་དང་གཡོན་པ་ནག་པོ་དང་དཀར་པོ། སྤྱན་གསུམ་པ་རིན་པོ་ཆེའི་དབུ་རྒྱན་གྱིས་བརྒྱན་པ། ཕྱག་བཅུ་གཉིས་པ་སྟེ། གཡས་ཀྱི་དང་པོ་དང་གཉིས་པ་དང་། གསུམ་པ་དང་། བཞི་པ་དང་། ལྔ་པ་དང་། དྲུག་པ་རྣམས་ལ་ཆོས་ཀྱི་
ཕྱག་རྒྱ་དང་། ཏིང་ངེ་འཛིན་གྱི་ཕྱག་རྒྱ་དང་། མཆོག་སྦྱིན་པ་དང་། མི་འཇིགས་པ་སྦྱིན་པ་དང་། རྡོ་རྗེ་དང་། མདའ་བསྣམས་པའོ། །གཡོན་གྱི་ཕྱག་དང་པོ་དང་། གཉིས་པ་དང་། གསུམ་པ་དང་། བཞི་པ་དང་། ལྔ་པ་དང་། དྲུག་པ་རྣམས་ལ་ཆོས་ཀྱི་ཕྱག་རྒྱ་དང་། ཏིང་ངེ་འཛིན་གྱི་ཕྱག་རྒྱ་
དང་། སྡིགས་མཛུབ་ཞགས་པ་དང་། བུམ་པ་པདྨས་མཚན་པ་དང་། རིན་པོ་ཆེའི་ཚོགས་དང་། གཞུ་བསྣམས་པའོ། །དེའི་སྔགས་ནི། ཨོཾ་བི་མ་ལེ་པུ་ལེ་ཛ་ཡ་ཝ་རེ་ཛ་ཡ་ཝ་ཧྲི་ནི་ཨ་མྲྀ་ཏ་བི་ཛ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེའི་བྱང་ཕྱོགས་སུ་པདྨའི་སྟེང་དུ་ཟླ་བ་ལ་གྷཾ་ལས་བྱུང་བའི་བསིལ་བའི་
ཚལ་ཆེན་མོ་སྐུ་མདོག་ལྗང་གུ་ཞལ་གསུམ་པ། རྩ་བའི་ཞལ་ལྗང་གུ། གཡས་དང་གཡོན་པ་ནག་པོ་དང་དམར་པོ། སྤྱན་གསུམ་པ་ཕྱག་དྲུག་པ་དེ་བཞིན་གཤེགས་པའི་དབུ་རྒྱན་དང་རྒྱན་ཐམས་ཅད་ཀྱིས་རྣམ་པར་བརྒྱན་པ། གཡས་ཀྱི་ཕྱག་དང་པོ་དང་། གཉིས་པ་དང་། གསུམ་

པ་རྣམས་ལ་མི་འཇིགས་པ་སྦྱིན་པ་དང་། རྡོ་རྗེ་དང་མདའོ། །གཡོན་པའི་ཕྱག་དང་པོ་དང་གཉིས་པ་དང་། གསུམ་པ་རྣམས་ལ་སྡིགས་མཛུབ། རྡོ་རྗེ་ཞགས་པ་དང་། རིན་པོ་ཆེའི་རྒྱལ་མཚན་དང་གཞུ་རྣམས་སོ། །དེའི་སྔགས་ནི། ཨོཾ་བྷཱ་ར་བྷཱ་ར། སཾ་བྷཱ་ར་ཨིནྡྲ་ཡ་བ་ལ་བི་ཤོ་དྷ་ནི་
ཧཱུཾ་ཧཱུཾ་ཕཊ་ཕཊ་རུ་རུ་ཙ་ལེ་སྭཱ་ཧཱ། དེ་ལྟར་གྱུར་པའི་དཀྱིལ་འཁོར་རྣམ་པར་བསམ་པར་བྱའོ། །དེའི་འོད་ཟེར་གྱིས་སྤྱིའི་ཁྱབ་པ་དང་། རང་རང་གི་འོད་ཟེར་དེས་སྟོང་གསུམ་གྱི་སྟོང་ཆེན་པོའི་རྣམ་པར་ཁྱབ་ཅིང་འོད་ཟེར་གྱི་ལྕགས་ཀྱུས་ཡེ་ཤེས་ཀྱི་འཁོར་ལོ་མདུན་དུ་སྤྱན་དྲངས་ཤིང་བཀུག་
པར་བསམ་མོ། །མཆོད་ཡོན་དང་། ཞབས་བསིལ་དང་། འཐོར་འཐུང་ལ་སོགས་པ་བྱ་ཞིང་མཆོད་པ་རྣམ་པ་ལྔས་ཡང་དག་པར་མཆོད་ནས་དྲིལ་བུ་དཀྲོལ་ཞིང་བསྟོད་པ་བྱའོ། །རང་བཞིན་དག་པ་ཉིད་ལས་བྱུང་། །རྡོ་རྗེ་སེམས་དཔའི་བདག་ཉིད་མཆོག །དུང་དང་ཀུན་དའི་འོད་དང་
མཚུངས། །སོ་སོར་འབྲང་མ་ཕྱག་འཚལ་ལོ། །ཁ་དོག་ནག་མོ་མི་བཟད་ཆེ། །འཇིགས་ཤིང་ཞལ་འགྱུར་ཁྲོ་བདག་ཅན། །གདུལ་དཀའ་འབྱུང་པོ་ཡང་དག་སྡུད། །རྡོ་རྗེ་ཁྲོ་ལ་བདག་འདུད་དོ། །ལྷ་མོ་ཡེ་ཤེས་ལས་བྱུང་ཆེ། །གསེར་གྱི་མདོག་ལྟར་འོད་འབར་ཞིང་། །རྨ་བྱ་ཆེ་ལ་
བདག་བསྟོད་ཅིང་། །རིག་པའི་རྒྱལ་མོ་ཕྱག་འཚལ་ལོ། །པདྨ་ཁ་ཆེ་ཞལ་མངའ་ཞིང་། །ཞལ་མཛེས་མ་ལ་སྤྱན་ཡངས་མ། །པདྨ་རཱ་ག་ལྟར་འབར་ཞིང་། །འགྲོ་བའི་མར་གྱུར་ཁྱོད་ལ་འདུད། །བཻ་ཌཱུརྱ་འདྲིའི་འོད་དང་མཚུངས། །འདོད་པའི་འདོད་ཆགས་ཀྱིས་བགེགས་པ། །དུག་
རྣམས་གཅོད་པར་མཛད་པ་མོ། །གཟུགས་མཛེས་མ་ལ་བདག་འདུད་དོ། །བསྟོད་པའི་མཐར་ཐུག་པའི་དམ་ཚིག་གི་དཀྱིལ་འཁོར་ལ་གཞུག་པར་བྱའོ། །གཅིག་ཏུ་གྱུར་པ་ལ་དབང་བསྐུར་བར་བྱ་སྟེ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཧཱུཾ། དབུ་རྒྱན་ལ་རྡོ་རྗེ་སེམས་དཔའ་
བསམས་ལ། དེའི་རྗེས་ལ་ནུས་པ་ཇི་ལྟ་བ་བཞིན་དུ་ལན་ཅིག་ཀློག་པས། ཤ་དང་ཆང་ལ་སོགས་པ་སྤང་བར་བྱའོ། །ཉིན་མཚན་གཅིག་ཀློག་པ་སྟོན་མོ་དཀར་གསུམ་དང་བཅས་པ་བཟའ་བར་བྱའོ། །སློབ་དཔོན་གྱི་གཡས་ཕྱོགས་སུ་རྫས་བརྒྱད་ཀྱིས་མཛེས་པར་བྱས་པའི་གཏོར་མའི་སྣོད་

གཞག་པར་བྱ་ཞིང་ནུས་པ་ཇི་ལྟ་བ་བཞིན་དུ་ཡོན་དབུལ་བར་བྱའོ། །དེ་ལྟར་བྱས་ན་བསྲུང་བ་སྤྱིའི་སྔགས་སྭཱ་ཧཱའི་མཐར་ཉའི་སྣོད་དུ་འབྲས་ཐུག་པོ་ཆེ་མ་ཉམས་པ་དང་། ཉ་གསོན་མ་དང་། གསེར་གྱིས་ཤོག་བུ་ལ་བསྒྲུབ་བྱའི་མིང་བྲིས་ལ་སྣོད་ཀྱི་ནང་དུ་དོར་བར་བྱའོ། །དེ་ལྟར་འགྲུབ་པར་འགྱུར་གྱི་
གཞན་དུ་ཡང་མ་ཡིན་ནོ། །རིམས་དང་དུག་དང་དེ་བཞིན་ནད། །འཇིགས་དང་ཆོམ་རྐུན་འཚེ་བ་དང་། །འབྱུང་པོ་མཁའ་འགྲོ་མ་འཆོལ་དང་། །སྡུག་བསྔལ་དགྲ་ཡིས་ཉེན་པའམ། །ཡུལ་འཁོར་རྒྱལ་རིགས་གྲོང་དང་ནི། །ཚངས་དུས་འབྲོག་དང་ནགས་རྣམས་སུ། །སྐད་ཅིག་བཀླགས་
པས་ལྷ་རྣམས་ཀྱི། །ཞི་དང་དགེ་བ་བྱེད་པར་འགྱུར། །བུ་མ་རྙེད་ལ་བུ་དང་ནི། །ནོར་མ་རྙེད་ལ་ནོར་རྣམས་འབྱུང་། །གང་དུ་བྱིན་གྱིས་བརླབས་པའི་སར། །གསང་སྔགས་འདི་ནི་བསྒྲུབ་པར་བྱ། །ཇི་སྙེད་ཀློག་པ་དེ་སྙེད་དུ། །སློབ་དཔོན་གྱིས་ཡང་དག་པར་གནས་ཏེ་སེམས་སྙོམས་པར་
བཞག་པས་བཟླས་པར་བྱའོ། །ཀློག་པའི་རྗེས་ཐོགས་སུ་སྔར་བཞིན་དུ་མཆོད་ཡོན་དང་། ཞབས་བསིལ་དང་། འཐོར་འཐུང་ལ་སོགས་པ་དང་། མཆོད་པ་རྣམ་པ་ལྔས་ཡང་དག་པར་མཆོད་ལ་གཤེགས་སུ་གསོལ་ཞིང་ཉེ་བར་བསྡུས་ལ་གཏོར་མ་འབབ་ཆུ་དྲག་པོར་དབོ་བར་བྱའོ། །ཡང་ན་བྲག་
ཕུག་སྐམ་པོར་དབོ་བར་བྱའོ། །ཚེའི་མཐའ་གཏུགས་ཏེ། འཆི་བ་ཡང་ཚེ་རིང་བར་འགྱུར་ཞེས་བྱ་བར་ཐེ་ཚོམ་མེད་དོ། །སྲུང་བ་ལྔའི་ཆོ་ག་སློབ་དཔོན་རིན་ཆེན་འབྱུང་གནས་ཞི་བས་མཛད་པ་རྫོགས་སོ།། །།རྒྱ་གར་གྱི་མཁན་པོ་མུ་དི་ཏ་ཤྲཱི་ཛྙཱ་ན་དང་། ལོ་ཙཱ་བ་བནྡེ་བཀྲ་ཤིས་རྒྱལ་མཚན་
གྱིས་བསྒྱུར་བའོ།། །།ཆག་ལོ་ཙཱ་བས་བསྒྱུར་ཞིང་བཅོས་པའོ།། ༄༅༅། །རྒྱ་གར་སྐད་དུ། མ་ཧཱ་པྲ་ཏི་ས་རེ་ཙཀྲ་ལི་ཁ་ནི་བི་དྷིཿ། བོད་སྐད་དུ། སོ་སོར་འབྲང་མ་ཆེན་མོའི་འཁོར་ལོ་བྲི་བའི་ཆོ་ག །བཅོམ་ལྡན་འདས་རིག་པའི་རྒྱལ་མོ་སོ་སོར་འབྲང་མ་ལ་ཕྱག་འཚལ་ལོ། །
བསྲུང་བའི་དབྱིབས་ནི་རྒྱལ་བ་ཀུན་གྱི་གཞི། །སོ་སོར་འབྲང་མ་ལ་ནི་གུས་བཏུད་དེ། །ཇི་ལྟར་མཐོང་བ་ཡི་ནི་རྗེས་འབྲངས་ཏེ། །དེ་ཡི་འཁོར་ལོའི་མཚན་ཉིད་བཤད་པར་བྱ། །སྔགས་དང་མཚན་མས་མཚན་ཞིང་རིམ་པ་བཅུར། །ཡང་དག་ལྡན་པའི་འཁོར་ལོ་ལེགས་པར་ནི། །མཉམ་པར་

གཞག་པས་གུར་ཀུམ་མཆོག་ལ་སོགས། །རྫས་རྣམས་ཀྱིས་ནི་ཡང་དག་བྲི་བར་བྱ། །དེ་ལ་རིམ་པ་འདི་ཡིན་ཏེ། རྒྱུ་སྐར་རྒྱལ་ལ་བབ་པ་ན། སོ་སོར་འབྲང་མ་ཆེན་མོ་བསྒོམ་པ་སྔོན་དུ་འགྲོ་བས། ཆོ་ག་ཇི་ལྟ་བ་བཞིན་དུ་སོ་སོར་འབྲང་མ་བྲིས་ནས། དེའི་ཤར་
ཕྱོགས་སུ་འདུག་སྟེ། གྲོ་གའམ་རས་ཀྱི་གཞི་ལ་སོར་བཞི་ཙམ་གྱི་རིམ་པ་འཁོར་ལོའི་རྣམ་པར་མངོན་པར་བྲི་བར་བྱའོ། །དེའི་ནང་གི་ཕྱོགས་དང་མཚམས་སུ་ཧཱུཾ་ཡིག་བརྒྱད་ཀྱིས་ཡོངས་སུ་བསྐོར་བའི་ཡི་གེ་པྲཾ་གྱི་དབུས་སུ། ཨོཾ་མ་ཎི་དྷ་རི་བཛྲཱི་ཎི་མ་ཧཱ་པྲ་ཏི་ས་རེ་ཧཱུཾ་ཧཱུཾ་ཕཊ་ཕཊ་ཆེ་གེ་མོ་ལ་
བསྲུང་བ་མཛོད་ཅིག་སྭཱ་ཧཱ། ཞེས་བྱ་བའི་སྔགས་བྲི་བར་བྱའོ། །དེའི་ཕྱི་རོལ་དུ་ཡི་གེའི་ཕྲེང་བ་ལེགས་པར་གནས་པའི་སའི་ཚད་ཙམ་གྱི་རིམ་པ་གཉིས་ཀྱིས་བསྐོར་བར་བྲིས་ལ། ཨོཾ་མ་ཎི་དྷ་རི་བཛྲཱི་ཎི་མ་ཧཱ་པྲ་ཏི་ས་རེ་ཧཱུཾ་ཧཱུཾ་ཕཊ་ཕཊ་འདི་འཆང་བ་ལ་བསྲུང་བ་མཛོད་ཅིག་སྭཱ་ཧཱ། ཞེས་པའི་སྔགས་
ཀྱི་ཕྲེང་བ་གཉིས་གཡས་སྐོར་དུ་བྲི་བར་བྱའོ། །དེའི་ཕྱི་རོལ་དུ་རྒྱར་སོར་གཉིས་ཀྱི་རིམ་པ་གཅིག་ལ། དེ་ལ་ཤར་ལ་སོགས་པའི་ཕྱོགས་རྣམས་སུ། རེ་ཁཱ་གཉིས་ཀྱིས་མཚན་པའི་པདྨའི་འདབ་མ་བཞི་པའི་འདབ་མ་རེ་རེ་ལ་ཡི་གེ་ཧཱུཾ་བརྒྱད་ཀྱིས་བསྐོར་བའི་ཡི་གེ་པྲཾ་གྱི་དབུས་སུ། ཨོཾ་མ་
ཎི་དྷ་རི་བཛྲཱི་ཎི་མ་ཧཱ་པྲ་ཏི་ས་རེ་ཧཱུཾ་ཧཱུཾ་ཕཊ་ཕཊ་འཆང་བ་པོ་ལ་བསྲུང་བ་མཛོད་ཅིག་སྭཱ་ཧཱ། ཞེས་པ་བྲིས་ནས་འདབ་མ་དང་པོའི་རེ་ཁཱའི་མཚམས་སུ། ཨོཾ་ཨ་མྲྀ་ཏ་བི་ལོ་ཀི་ནི་གརྦྷ་སཾ་རཀྵ་ཎི་ཨཱ་ཀཪྵ་ཎི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཉིས་པ་ལ་ནི། ཨོཾ་བྷཱ་ར་བྷཱ་ར། སཾ་བྷཱ་ར་སཾ་བྷཱ་ར། ཨིནྡྲ་ཡ་བ་ལ་བི་ཤོ་དྷ་
ནི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གསུམ་པ་ལ་ནི། ཨོཾ་ཨ་མྲྀ་ཏ་ཝ་རེ་ཝ་རེ་ཝ་ར་པྲ་ཝ་ར་བི་ཤོ་དྷ་ནི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། བཞི་པ་ལ་ནི། ཨོཾ་བི་མ་ལེ་པུ་ལེ། ཛ་ཡ་ཝ་རེ། ཨ་མྲྀ་ཏེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་པ་བྲིའོ། །མེ་ལ་སོགས་པའི་མཚམས་རྣམས་སུ་རྡོ་རྗེ་རྩེ་གསུམ་པ་བཞི་ལ། མེའི་མཚམས་
ཀྱི་རྡོ་རྗེའི་དབུས་མ་ལ་ནི། ཨོཾ་བི་མ་ལེ་ཛ་ཡ་ཝ་རེ་ཨ་མྲྀ་ཏེ་ཝ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཉིས་པ་ནི། ཨོཾ་ཛ་ལ་ཝ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གསུམ་པ་ལ་ནི། ཨོཾ་བི་སྥོ་ཊ་བཛྲཱི་ཎི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། བཞི་པ་ལ་ནི། ཨོཾ་ཨ་མྲྀ་ཏེ་ཝ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་པ་བྲིའོ། །པདྨའི་འདབ་མ་དང་རྡོ་རྗེ་

དག་གི་བར་དུ། ཨོཾ་ནི་སུཾ་བྷ་བཛྲཱི་ཎི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་པའི་སྔགས་བརྒྱད་བྲི་བར་བྱའོ། །དེའི་ཕྱི་རོལ་དུ་རྒྱར་སོར་ཕྱེད་དང་གསུམ་ལ་རིམ་པ་བཞིར་བསྐོར་ནས། རིམ་པ་དང་པོ་ལ་ནི་ཡི་གེ་ཧྲི་ཉི་ཤུ་རྩ་ལྔའི་ཕྲེང་བ་བྲི་བར་བྱའོ། །རིམ་པ་གཉིས་པ་ལ། ཨོཾ་ཨ་མྲྀ་ཏ་ཀུཎྜ་ལི་སྭཱ་ཧཱ། ཨོཾ་ཨ་པ་རཱ་
ཛི་ཏ་མ་ཏ་དེ་བི་ཏྲ། ཨོཾ་ཀཱ་ལ་ཀརྞི་ཏྲུཾ། ཨོཾ་པདྨ་ཀུ་ཎྜ་ལི་ཧཱུཾ་པཾ། ཨོཾ་སུ་ཤ་དནྟི་ནི་ཧཱུཾ། ཨོཾ་མ་ལ་ཨཾ་ཀུ་ཤ་ཧཱུཾ། ཨོཾ་བཛྲ་ཤྲིཾ་ཁ་ལེ་ཧཱུཾ། ཨོཾ་སྭེ་ཏེ་ཧཱུཾ་བཾ། ཨོཾ་མ་ཧཱ་སེ་ཏེ་ཧཱུཾ། ཨོཾ་མ་ཧཱ་ཀཱ་ལི་ཧྲཱིཿ། ཨོཾ་དཱུ་ཏི་ཏུ་ཊ། ཨོཾ་བཛྲ་པཱ་ཎི་ཧྲ། ཨོཾ་བཛྲ་པཱ་ཤ་ཧོ། ཨོཾ་བཛྲ་པཱ་ཎི་བྷྲྀ་ཏ་ཨོཾ་བཛྲ་པ་ལི་མ་ཧཱ་བ་ལི་དྷི། ཨོཾ་བཛྲ་མཱ་
ལེ་མཾ། སྔགས་དེ་དག་གོ། །རིམ་པ་གསུམ་པ་ལ། ཨོཾ་མ་ཎི་དྷ་རེ་ན་མ་ཧཱ་པྲ་ཏི་སཱ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་ཙུནྡི་ཧྲཱིཿ། ཨོཾ་སུ་ཝརྞ་ཀེ་ཤི་ཀྲྀཊ། ཨོཾ་པིཾ་ག་ལེ་ལཾ། ཨོཾ་བི་དྱུདྨ་ལི་ནི་ཛ་ཧཱུཾ། ཨོཾ་ཤཱཾ་ཏི་ཧཱུཾ། ཨོཾ་པྲ་ཏི་བཛྲཱི་ཎི་ཧཱུཾ། ཨོཾ་བུ་དྷི་བརྡྷ་ནི་ཧ། ཨོཾ་སུཾ་བྷ་ཀ་རི་ཧཱུཾ། ཨོཾ་མ་ཎི་དྷ་རི་ཧཱུཾ། ཨོཾ་རཏྣ་མཱ་ལ་དྷ་རི་
ཧྲཱིཿ། ཨོཾ་མ་ཧཱ་པྲ་ཏི་སཱ་རེ་པྲཾ། ཨོཾ་དྷུ་རུ་དྷུ་རུ། མུ་རུ་མུ་རུ་ཧཱུཾ། ཨོཾ་བ་ལ་བརྡྷ་ནི་ཧྲཱིཿ། ཨོཾ་རུ་རུ་ཙ་ལེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། སྔགས་དེ་དག་གོ། །རིམ་པ་བཞི་པ་ལ། ཨོཾ་མཀྵཾ་པ་ཀི་མཾ། ཨོཾ་བྷྲྀ་ཀུ་ཊེ་བྷྲིཾ། ཨོཾ་ཧཱུཾ་ཨ། ཨོཾ་ཏཱ་ར་ཏྲཾ། ཨོཾ་ཨ། ཨོཾ་རཀྵ་སྱེ་ཀ་ཛ་ཌི་ཛཾ། ཨོཾ་བུདྡྷ་རཀྵི་ཧཱུཾ། ཨོཾ་ཧཀྵ་པཱ་ལི་
ནི་བྷེཾ། ཨོཾ་ལཾ་ཀེ་ཤྭ་རི་ཁཾ། ཨོཾ་པུ་ས་པེ་ལཾ། ཨོཾ་ཧ་རི་ཏེ་ཀྵ་ཀྵིཾ། ཨོཾ་པཉྩི་ཀེ །བཾ་ལི་ཁི་པཾ་སྭཱ་ཧཱ། ཨོཾ་ཏྲེ་ཏ། ཨོཾ་བྷྲཀྵཾ་སྭཱ་ཧཱ། ཨོཾ་ཥི་ཡཾ་ཀྲེ་ཏེ་གྲཾ། ཨོཾ་སྭ་ར་སྭ་ཏེ་ཧཱ། ཨོཾ་རཀྵ་རཀྵ་སརྦ་བྷ་ཡེ་བྷྱཿ། ཨོཾ་དེ་པ་ཥི། ཨོཾ་པདྨེ་སཾ། ཞེས་བྱ་བའི་སྔགས་སོ། །དེ་ཡང་ཕྱི་རོལ་དུ་རྒྱར་སོར་གཉིས་པའི་རིམ་
པ་གཅིག་མངོན་པར་བྲི་སྟེ། དེའི་ནང་དུ་རྩེ་མོ་གྱེན་དུ་བལྟས་པའི་བར་དང་བཅས་པའི་རྡོ་རྗེའི་ཚོགས་བྲིས་ལ། རྡོ་རྗེ་རྣམས་ཀྱི་བར་བར་དུ་རིམ་པ་བཞིན་དུ། སྔགས་འདི་དག་བྲི་བར་བྱའོ། །ཨོཾ་ལཾ་ཀྵཾ་ཀིཾ །ཡུཥྨ་ཀཾ །ཨིག་ཡུསྨ། བྷྲཾ་ཧ་ཀ །ཁཾ་ཧ། བཾ། ཛིཾ། བཾ་ཨ་ཧྲི། ཧྲི། རི་ཧཱུཾ། ནི་ཧེ་མུ།
ཧཱུཾ་ཛ། ཧཱུཾ་སཾ། ཧོ། ཧོ་ཨ། ཛྲིཾ་བྷྱོ། ཛཾ་སྨཾ། པཾ་ཙཾ། ཨཾ་མཾ། བྷཻ་བྷཾ། ལཾ་ཏ་པཾ། སཾ་ཛཾ། རུ་རཾ། ཨཾ་སཾ། དེའི་ཡང་ཕྱི་རོལ་དུ་སོར་གཉིས་ཀྱིས་དོར་བའི་རིམ་པ་བྲིས་ལ། དེར་པདྨའི་ཕྲེང་བ་རྣམ་པར་རྒྱས་པ་དག་བྲི་བར་བྱའོ། །པདྨ་རྣམས་ཀྱི་སྟེང་དུ་དབྱིག་དང་བཅས་པའི་དར་དཔྱངས་ཀྱིས་

བཅིངས་པའོ། །རྡོ་རྗེ་དང་། རལ་གྲི་དང་། མདུང་དང་། རྩེ་གསུམ་དང་། ཡིད་བཞིན་གྱི་ནོར་བུ་དང་། དགྲ་སྟ་དང་། ཞགས་པ་དང་། ལྕགས་ཀྱུ་དང་། འཁོར་ལོ་དང་། མདའ་རྣམས་བྲི་བར་བྱའོ། །སྔགས་ཀྱི་ཡི་གེ་ཐམས་ཅད་ཀྱང་མགོ་ཕྱིར་བལྟས་པ་ཉིད་དུ་
རྟོགས་པར་བྱའོ། །སོ་སོར་འབྲང་མ་ཆེན་མོའི་འཁོར་ལོ་བྲི་བའི་ཆོ་ག་སློབ་དཔོན་ཛེ་ཏ་རིས་མཛད་པ་རྫོགས་སོ།། །།རྒྱ་གར་གྱི་མཁན་པོ་སུ་མ་ཏི་ཀཱིརྟིའི་ཞལ་སྔར་དགེ་སློང་པྲཛྙཱ་ཀཱིརྟིས་བསྒྱུར་བའོ།། ༄༅༅། །རྒྱ་གར་སྐད་དུ། པཉྩ་རཀྵཱ་རྩྩན་པི་དྷིཿ། བོད་སྐད་དུ།
བསྲུང་བ་ལྔའི་མཆོད་པའི་ཆོ་ག །བཅོམ་ལྡན་འདས་མ་སོ་སོར་འབྲང་མ་ལ་ཕྱག་འཚལ་ལོ། །ཨོཾ་ཨཱཿདཔལ་ལྡན་རྡོ་རྗེ་ཞེས་པ་ལ་སོགས་པ་ནི་གནོད་སྦྱིན་ཤ་ཟ་སྲིན་པོའི་ཚོགས་ཀྱིས་སྐྲག་པར་བྱེད་ཅིང་བརྣག་དཀའི་འཇིགས་པ་རྣམས་དང་། ལོ་ཉེས་ཉེར་འཚེ་ནད་དང་ཆུ་སྲིན་རྣམས་ཀྱིས་
མནན་པའི་འགྲོ་བ་འདི་གཟིགས་ནས། །བརྩེར་ལྡན་ཐམས་ཅད་མཁྱེན་པ་ཡིས་ནི་སོ་སོར་འབྲང་མ་རྟག་ཏུ་བྱུང་བ་ཡིན། །བཅོམ་ལྡན་འདས་མི་མཆོག་གི་དབང་ཕྱུག་དོན་ཀུན་ཕུན་ཚོགས་མཛད་མ་དེ་ལ་འདུད། །ཨོཾ་ཨཱཿཧཱུཾ། སྭ་བྷཱ་བ་ཤུདྡྷཿསརྦ་དྷརྨཱཿསྭ་བྷཱ་བ་ཤུདྡྷོ྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་
སྭ་བྷཱ་བ་ཨཱཏྨ་ཀོ྅ཧཾ། སེམས་ཅན་ཐམས་ཅད་ཉེ་བར་གཟུང་བའི་སླད་དུ་བདག་ཉིད་སོ་སོར་འབྲང་མའི་གཟུགས་སུ་བསྒོམ་པར་བྱ་སྟེ། ལག་པ་གཡས་སུ་ཨཱཾ་ཡིག་གིས་ཉི་མའི་དཀྱིལ་འཁོར་དང་ལག་པ་གཡོན་པར་ཨཱ་ཡིག་གིས་ཟླ་བའི་དཀྱིལ་འཁོར་རོ། །ལག་པའི་དུང་དག་ལ་ཧཱུཾ་
ཡིག་གིས་རྡོ་རྗེ་རྩེ་ལྔ་པར་རྣམ་པར་བསྒོམས་ནས། པད་སྐོར་གྱིས་དུང་བྱིན་གྱིས་བརླབ་པོ། །ཨོཾ་མ་ཎི་དྷ་རི་བཛྲ་ཎི་མ་ཧཱ་པྲ་ཏི་ས་རེ་རཀྵ་རཀྵ་ཧཱུཾ་ཧཱུཾ་སྭཱ་ཧཱ། ཨོཾ་སརྦ་བིགྷྣཱཾ་ཨུཏྤཱ་ར་ཡ་ཧཱུཾ། ཨོཾ་པུཥྤེ་ཞེས་པ་ལ་སོགས་པས་མེ་ཏོག་ལ་སོགས་པ་བྱིན་གྱིས་བརླབ་བོ། །ཨོཾ་ཨ་ཀཱ་རོ་མུ་ཁཾ་ཞེས་པ་ལ་
སོགས་པས་གཏོར་མ་བྱིན་གྱིས་བརླབ་བོ། །ཨོཾ་ཨཱཿཧཱུཾ་རཀྵ་རཀྵ་ཕཊ་སྭཱ་ཧཱ། ཨོཾ་སྠཱ་ནཾ་མེ་རཀྵ་ཧཱུཾ། ཨོཾ་ཡོ་ག་མེ་རཀྵ་ཧཱུཾ། ཨོཾ་ཨཱཏྨ་ནཾ་མེ་རཀྵ་ཧཱུཾ། དེ་ནས་རང་གི་སྙིང་གར་ཨ་ཡིག་གིས་ཟླ་བའི་དཀྱིལ་འཁོར་དེའི་སྟེང་དུ་པྲཾ་གྱི་ཡི་གེ་བསམས་ནས། དེའི་འོད་ཟེར་གྱིས་བླ་མ་དང་བྱང་ཆུབ་

སེམས་དཔའ་ལ་སོགས་པ་སྣང་བར་བྱས་ཤིང་། སེམས་ཅན་གྱི་དོན་བྱས་ཤིང་། འོག་མིན་གྱི་གནས་སུ་སོང་སྟེ། སོ་སོར་འབྲང་མ་ཆེན་མོ་འཁོར་དང་བཅས་པ་མདུན་གྱི་ནམ་མཁའི་གནས་སུ་བལྟས་ཤིང་དགུག་གོ། །ཨོཾ་བཛྲ་ཙཀྲེ་ཧཱུཾ། ཨོཾ་བཛྲཱཾ་ཀུ་ཤ་ཛཿ། ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ།
ཨོཾ་བཛྲཱ་བེ་ཤ་ཧོཿ། ཨོཾ་ཨཱཿཧཱི་པཉྩ་རཀྵཱ་ཡཻ་པྲ་བ་ར་སཏྐ་རཱ་ཡ་ཨརྒྷཾ་པྲ་ཏཱིཙྪ་ཧཱུཾ་སྭཱ་ཧཱ། ཞེས་པ་ལ་སོགས་པའོ། །མེ་ཏོག་དགོད་པ་ནི། ཨོཾ་མ་ཎི་དྷ་རི་བཛྲི་ཎི་མ་ཧཱ་པྲ་ཏི་ས་རེ་ཧཱུཾ་ཧཱུཾ་ཕཊ་སྭཱ་ཧཱ། དབུས་སུའོ། །ཨོཾ་ཨ་མྲྀ་ཏ་བ་རེ་པྲ་བ་ར་བི་ཤུདྡྷེ་ཧཱུཾ་ཧཱུཾ་ཕཊ་སྭཱ་ཧཱ། ཤར་དུའོ། །ཨོཾ་ཨ་མྲྀ་ཏཱ་བི་ལོ་ཀི་ནི་གརྦྷ་སཾ་
རཀྵ་ཎི་ཨཱ་ཀཪྵ་ཎི་ཧཱུཾ་ཧཱུཾ་ཕཊ་སྭཱ་ཧཱ། ལྷོ་རུའོ། །ཨོཾ་བི་མ་ལེ་བི་པུ་ལེ་ཛ་ཡ་བ་རེ་ཛ་ཡ་ཧཱུཾ་ཧ་ནི་རུ་རུ་ཙ་ལེ་ཧཱུཾ་ཧཱུཾ་ཕཊ་སྭཱ་ཧཱ། ནུབ་ཏུའོ། །ཨོཾ་བྷ་ར་བྷ་ར་སཾ་བྷ་ར་སཾ་བྷ་ར་ཨིནྡྲི་ཡ་བ་ལ་བི་ཤོ་དྷ་ནི་ཧཱུཾ་ཧཱུཾ་ཕཊ་སྭཱ་ཧཱ། བྱང་དུའོ། །གྲྭ་རྣམས་སུ། ཨོཾ་ཀཱ་ལཱི་ཡེ་སྭཱ་ཧཱ། མེར་རོ། །ཨོཾ་ཀཱ་ལཱ་ར་ཏྲཱི་ཡེ་སྭཱ་ཧཱ།
བདེན་བྲལ་དུའོ། །ཨོཾ་ཀཱ་ལ་ཀརྞྞཱི་ཡེ་སྭཱ་ཧཱ། རླུང་དུའོ། །ཨོཾ་ཤྭི་ཏཱི་ཡེ་སྭཱ་ཧཱ། དབང་ལྡན་དུའོ། །ཨོཾ་བཛྲཱཾ་ཀུ་ཤཱི་ཡེ་སྭཱ་ཧཱ། ཤར་སྒོར་རོ། །ཨོཾ་བཛྲ་པཱ་ཤཱི་ཡེ་སྭཱ་ཧཱ། ལྷོ་སྒོར་རོ། །ཨོཾ་བཛྲ་སྥོ་ཊཱི་ཡེ་སྭཱ་ཧཱ། ནུབ་སྒོར་རོ། །ཨོཾ་བཛྲཱ་བེ་ཤཱི་ཡེ་སྭཱ་ཧཱ། བྱང་སྒོར་རོ། ཨོཾ་གནྡྷརྦྦེ་བྷྱཿསྭཱ་ཧཱ། ཤར་
དུའོ། །ཨོཾ་ཀུམྦྷ་ཎྜེ་བྷྱཿསྭཱ་ཧཱ། ལྷོ་རུའོ། །ཨོཾ་ནཱ་གེ་བྷྱཿསྭཱ་ཧཱ། ནུབ་ཏུའོ། །ཨོཾ་ཡཀྵེ་བྷྱཿསྭཱ་ཧཱ། བྱང་དུའོ། །ཨོཾ་མེ་གྷོ་ལྐཱ་ཡཻ་སྭཱ་ཧཱ། ཨོཾ་ཤཱི་ཏཱཾ་ཤ་ཝེ་སྭཱ་ཧཱ། ཨོཾ་རཀྟཱཾ་ག་ཀུ་མཱ་རཱ་ཡ་སྭཱ་ཧཱ། ཨོཾ་བུདྷཱ་ཡ་སྭཱ་ཧཱ། ཨོཾ་བྷོ་ག་སྤ་དཱ་ཡ་སྭཱ་ཧཱ། ཨོཾ་ཨ་སུ་རོཏྟ་མཱ་ཡ་སྭཱ་ཧཱ། ཨོཾ་ཀྲྀཥྞ་ཝརྞྞཱ་ཡ་སྭཱ་ཧཱ། ཨོཾ་ཨ་
མྲྀ་ཏ་པྲྀ་ཡཱ་ཡ་སྭཱ་ཧཱ། ཨོཾ་ཛྱོ་ཏི་ཀེ་ཏ་བེ་སྭཱ་ཧཱ། ཨོཾ་ཀྲྀཏྟ་ཀཱ་ཡ་སྭཱ་ཧཱ། ཨོཾ་རོ་ཧི་ཎྱེ་སྭཱ་ཧཱ། ཨོཾ་མྲྀག་ཤི་རཱ་ཡཻ་སྭཱ་ཧཱ། ཨོཾ་ཨཱརྡྲཱ་ཡ་སྭཱ་ཧཱ། ཨོཾ་པུ་ནརྦ་ས་བ་སྭཱ་ཧཱ། ཨོཾ་བུ་ཥྱཱ་ཡ་སྭཱ་ཧཱ། ཨོཾ་ཨ་ཤླེ་ཥཱ་ཡ་སྭཱ་ཧཱ། ཨོཾ་མ་གྷཱ་ཡ་སྭཱ་ཧཱ། ཨོཾ་པཱུརྦ་ཕལྒུ་ནྱཻ་སྭཱ་ཧཱ། ཨོཾ་ཨུཏྟ་ར་ཕལྒུ་ནྱཻ་སྭཱ་ཧཱ། ཨོཾ་ཧསྟཱ་ཡ་སྭཱ་ཧཱ།
ཨོཾ་ཙཻ་ཏྲཱ་ཡ་སྭཱ་ཧཱ། ཨོཾ་སྭཱ་ཏ་ཡེ་སྭཱ་ཧཱ། ཨོཾ་བི་ཤཱ་ཥཱ་ཡ་སྭཱ་ཧཱ། ཨོཾ་ཨ་ནུ་ར་དྷཱ་ཡ་སྭཱ་ཧཱ། ཨོཾ་ཛྱེཥཱ་ཡ་སྭཱ་ཧཱ། ཨོཾ་མཱུ་ལཱ་ཡ་སྭཱ་ཧཱ། ཨོཾ་པཱུརྦཱ་ཥཱ་ཌྷཱ་ཡ་སྭཱ་ཧཱ། ཨོཾ་ཨུཏྟ་རཱ་ཥཱ་ཎཱ་ཡ་སྭཱ་ཧཱ། ཨོཾ་ཨ་བྷི་ཛི་ཏ་ཡེ་སྭཱ་ཧཱ། ཨོཾ་ཤྲཱ་བ་ཎཱ་ཡ་སྭཱ་ཧཱ། ཨོཾ་དྷ་ནིཥྛཱ་ཡ་སྭཱ་ཧཱ། ཨོཾ་ས་ཏ་བྷི་ཥཱ་ཡ་སྭཱ་ཧཱ། ཨོཾ་པཱུརྦ་

བྷ་དྲཱ་ཡ་སྭཱ་ཧཱ། ཨོཾ་ཨུཏྟ་ར་བྷ་དྲཱ་ཡ་སྭཱ་ཧཱ། ཨོཾ་རེ་བ་ཏྱཻ་སྭཱ་ཧཱ། ཨོཾ་ཨ་ཤྭ་ནྱཻ་སྭཱ་ཧཱ། ཨོཾ་བྷ་རི་ནྱཻ་སྭཱ་ཧཱ། ཨོཾ་ཨིནྡཱ་ཡ་སྭཱ་ཧཱ། ཨོཾ་ཡ་མཱ་ཡ་སྭཱ་ཧཱ། ཨོཾ་བ་རུ་ཎཱ་ཡ་སྭཱ་ཧཱ། ཨོཾ་ཀུ་བེ་རཱ་ཡ་སྭཱ་ཧཱ། ཨོཾ་ཨགྣ་ཡེ་སྭཱ་ཧཱ། ཨོཾ་ནཻཪྼཾ་ཏྱཱ་ཡ་སྭཱ་ཧཱ། ཨོཾ་བཱ་ཡ་བེ་སྭཱ་ཧཱ། ཨོཾ་ཨི་ཤཱ་ནཱ་ཡ་སྭཱ་ཧཱ། ཨོཾ་བྲ་ཧྨ་ཎེ་སྭཱ་ཧཱ།
ཨོཾ་པྲྀ་ཐི་བྱཻ་སྭཱ་ཧཱ། ཨོཾ་བེ་མ་ཙི་ཏྲི་བྷྱཿསྭཱ་ཧཱ། ཞེས་པས་མཆོད་དེ། །ཀུན་ད་དུང་དང་ཟླ་མདོག་འདྲ། །རྡོ་རྗེ་སེམས་དཔའི་བདག་ཉིད་མཆོག །ཕུན་སུམ་ཚོགས་ཀུན་སྦྱིན་མཛད་མ། །སོ་སོར་འབྲང་མ་ཁྱོད་ལ་འདུད། །ཁ་དོག་གནག་ཅིང་སྒྲ་ཆེན་མོ། །གདུག་པ་འཇིགས་ཤིང་འཇིགས་
མཛད་མ། །གདུལ་དཀའི་འབྱུང་པོ་སྡུད་པར་མཛད། །ཁྲོ་མོའི་རྒྱལ་ལ་བདག་ཕྱག་འཚལ། །ལྷ་མོ་ཡེ་ཤེས་ཆེ་ལས་བྱུང་། །གསེར་མདོག་གི་ནི་འོད་མཛད་མ། །ལྷ་མོ་ཆེན་མོ་རིག་སྔགས་རྒྱལ། །རྨ་བྱ་ལ་ཡང་བདག་ཕྱག་འཚལ། །ཁ་དོག་མཛེས་ཤིང་སྤྱན་རྒྱས་པ། །ཆུ་སྐྱེས་
ཁ་བྱེ་བཞད་པ་མོ། །དམར་འབར་པདྨ་རཱ་ག་སྟེ། །འགྲོ་བའི་ཡུམ་ལ་ཕྱག་འཚལ་ལོ། །བཻ་ཌཱུརྱ་ཡི་འོད་ལྟར་སྣང་། །མྱོས་བྱེད་ལ་བརྩོན་རྣམ་པར་འཁོར། །ཀཱ་ཀོརྡྷ་ནི་གཅོད་མཛད་མ། །ལྷ་མོའི་གཟུགས་ཅན་ལ་ཕྱག་འཚལ། །དབང་མེད་བདག་གིས་མི་དགེ་བགྱིས་པ་དང་། །
བགྱིད་དུ་སྩལ་དང་ཡི་རང་བགྱིས་པ་གང་། །དེ་དག་ཐམས་ཅད་བྱང་ཆུབ་མཆོག་གི་ནི། །སྤྱན་སྔར་ད་ནི་སོ་སོར་བཤགས་པར་བགྱི། །མ་ལུས་འགྲོ་བའི་དོན་རྣམས་སྒྲུབ་མཛད་པ། །ཟབ་ཅིང་གཏིང་མེད་བདེ་གཤེགས་སྲས་རྣམས་ཀྱི། །ཚོགས་གཉིས་དང་ནི་དེ་ལས་གཞན་ལ་
ཡང་། །རྟག་ཏུ་བདག་ནི་རྗེས་སུ་ཡི་རང་ངོ་། །ཞེས་པ་ནི། དང་པོའི་རྣལ་འབྱོར་རོ། །དེ་མ་ཐག་ཏུ་བྱམས་པ་དང་སྙིང་རྗེ་དང་དགའ་བ་དང་བཏང་སྙོམས་ཏེ་ཚངས་པའི་གནས་པ་བཞི་བསྒོམ་པར་བྱའོ། །ཨོཾ་སྭ་བྷཱ་བ་ཤུདྡྷཿ། སརྦ་དྷརྨཱཿསྭ་བྷཱ་བ་ཤུདྡྷོ྅ཧཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་
བཱཏྨ་ཀོ྅ཧཾ། དེ་ནས་ཡཾ་རཾ་ལཾ་བཾ་སུཾ་ལས་གསེར་གྱི་རི་དང་གླིང་རྒྱ་མཚོས་འཁོར་ཡུག་ཏུ་ཡོངས་སུ་བསྐོར་བ། རཾ་ཡིག་གི་ཉི་མའི་དཀྱིལ་འཁོར། དེའི་སྟེང་དུ་ཧཱུཾ་ལས་སྐྱེས་པའི་སྣ་ཚོགས་རྡོ་རྗེ་ལས་འོད་ཟེར་འཕྲོས་པ་ལས་རྡོ་རྗེའི་ས་གཞི་དང་རྡོ་རྗེའི་ར་བ་དང་རྡོ་རྗེའི་གུར་དང་རྡོ་རྗེའི་བླ་རེ་

བསྒོམ་པར་བྱའོ། །དེའི་སྟེང་དུ་བྷྲཱུཾ་ཡིག་གིས་གྲུ་བཞི་པ་སྒོ་བཞི་པ་རྟ་བབས་བཞིས་བརྒྱན་པའི་ཁངས་པ་བརྩེགས་པ་བསྒོམ་པར་བྱའོ། །དེའི་དབུས་སུ་བཾ་ཡིག་ལས་སྐྱེས་པའི་སྣ་ཚོགས་ཆུ་སྐྱེས། དེའི་སྟེང་དུ་ཟླ་བའི་གཟུགས་བརྙན། དེའི་སྟེང་དུ་པྲཾ་ཡིག་གི་ས་བོན་ལས་སྐྱེས་
པའི་འོད་ཟེར་ལས་སྐྱེས་པའི་འཁོར་ལོ་དཀར་པོ་རྩིབས་བརྒྱད་པ་བསྒོམ་པར་བྱའོ། །རང་གི་ས་བོན་དང་མཚན་མ་ཡོངས་སུ་གྱུར་པ་ལས་སྣ་ཚོགས་ཆུ་སྐྱེས་དང་ཟླ་བ་ལ་རྡོ་རྗེ་སྐྱིལ་མོ་ཀྲུང་གིས་བཞུགས་པ། དཀར་པོ་ཞལ་བཞི་པ། གཡས་ནག་པོ། རྒྱབ་སེར་པོ། གཡོན་ལྗང་གུ །ཕྱག་
བརྒྱད་པ། གཡས་ཀྱི་ཕྱག་དང་པོས་འཁོར་ལོ། གཉིས་པས་རྡོ་རྗེ། གསུམ་པས་མདའ། བཞི་པས་རལ་གྲི། གཡོན་གྱི་དང་པོས་སྡིགས་མཛུབ་དང་རྡོ་རྗེའི་ཞགས་པ། གཉིས་པས་རྩེ་གསུམ། གསུམ་པས་གཞུ། བཞི་པས་དགྲ་སྟ་བསྣམས་པ། སྤྱན་གསུམ་པ། དབུ་ལ་
མཆོད་རྟེན་གྱིས་བརྒྱན་པ། རྒྱན་ཐམས་ཅད་ཀྱིས་བརྒྱན་པའི་སོ་སོར་འབྲང་མ་བསྒོམ་པར་བྱའོ། །དེའི་ཤར་དུ་ཧཱུཾ་ཡིག་ས་བོན་ལས་བྱུང་བའི་སྟོང་ཆེན་མོ་རབ་ཏུ་འཇོམས་མ་སྣ་ཚོགས་ཆུ་སྐྱེས་དང་ཉི་མ་ལ་རོལ་པའི་སྟབས་ཀྱིས་བཞུགས་པ། སྐུ་མདོག་ནག་མོ། སྐྲ་སེར་སྐྱ་གྱེན་དུ་
བརྫེས་པ། མིའི་ཐོད་པའི་ཕྲེང་བ་ཕྲག་པར་འཕྱང་བ། སྨིན་མ་ཁྲོ་གཉེར་ཅན། མཆེ་བ་གཙིགས་པའི་ཞལ། རྣ་རྒྱན་དང་། དཔུང་རྒྱན་དང་། མུ་ཏིག་གི་དོ་ཤལ་དང་གདུ་བུ་སྟེ་སྣ་ཚོགས་པས་བརྒྱན་པ། ཞལ་བཞི་མ། མདུན་ནག་མོ། གཡས་དཀར་མོ། རྒྱབ་སེར་མོ། གཡོན་
ལྗང་གུ། ཞལ་སོ་སོ་ལ་སྤྱན་གསུམ་མ། ཕྱག་བརྒྱད་པ། གཡས་ཀྱི་ཕྱག་དང་པོས་མཆོག་སྦྱིན། གཉིས་པས་ལྕགས་ཀྱུ། གསུམ་པས་མདའ། བཞི་པས་རལ་གྲི། །གཡོན་གྱི་ཕྱག་དང་པོས་སྡིགས་མཛུབ་དང་ཞགས་པ། གཉིས་པས་དགྲ་སྟ། གསུམ་པས་གཞུ།
བཞི་པས་པདྨའི་སྟེང་དུ་རིན་པོ་ཆེ་ཆ་དྲུག་པ་བསྣམས་པ། སྣ་ཚོགས་པའི་རྒྱན་གྱིས་བརྒྱན་པ། སྟོབས་ཆེན་མོ་ཕ་རོལ་གནོན་པ། དྲག་མོའི་ཆ་བྱད་དུ་བསྒོམ་པར་བྱའོ། །ལྷོ་རུ་སྣ་ཚོགས་པདྨ་དང་ཟླ་བའི་དཀྱིལ་འཁོར་གྱི་དབུས་སུ། མཾ་ཡིག་ལས་བྱུང་བའི་རྨ་བྱ་ཆེན་མོ་སེར་མོ།

སེམས་དཔའི་སྐྱིལ་ཀྲུང་ཅན། ཞལ་གསུམ་མ། ཞལ་སོ་སོ་ལ་སྤྱན་གསུམ་པ། རྩ་བའི་ཞལ་སེར་མོ། གཡས་ནག་མོ། གཡོན་དམར་མོ། ཕྱག་བརྒྱད་པ། གཡས་ཀྱི་དང་པོས་མཆོག་སྦྱིན། གཉིས་པས་རིན་པོ་ཆེའི་རྒྱུན་གྱི་བུམ་པ། གསུམ་པས་འཁོར་ལོ།
བཞི་པས་རལ་གྲི། གཡོན་གྱི་ཕྱག་དང་པོས་སྣོད་ཀྱི་སྟེང་དུ་དགེ་སློང་། གཉིས་པས་རྨ་བྱའི་མདོངས། གསུམ་པས་བུམ་པའི་སྟེང་དུ་སྣ་ཚོགས་རྡོ་རྗེ། བཞི་པས་རིན་པོའི་རྒྱལ་མཚན་བསྣམས་པ། རིན་པོ་ཆེའི་ཅོད་པན་ཅན། རྒྱན་ཐམས་ཅད་ཀྱིས་རྣམ་པར་བརྒྱན་པ་བསྒོམ་པར་བྱའོ། །
ནུབ་ཏུ་སྣ་ཚོགས་པདྨའི་སྟེང་དུ་ཉི་མའི་དཀྱིལ་འཁོར་གྱི་དབུས་སུ་ཏྲཾ་ཡིག་ལས་བྱུང་བའི་གསང་སྔགས་རྗེས་སུ་འབྲང་བ་ཆེན་མོ་དམར་བ། ཞལ་གསུམ་པ། ཞལ་སོ་སོ་ལ་སྤྱན་གསུམ་མ། རྩ་བའི་ཞལ་དམར་མོ། གཡས་ནག་མོ། གཡོན་དཀར་མོ། ཕྱག་བཅུ་གཉིས་མ། ཕྱག་
དང་པོ་དག་གིས་ཆོས་ཀྱི་འཁོར་ལོའི་ཕྱག་རྒྱ་བྱས་པ། གཉིས་པ་དག་གིས་ཏིང་ངེ་འཛིན་གྱི་ཕྱག་རྒྱ། གསུམ་པ་དག་གིས་མཆོག་སྦྱིན་ཞགས་པ་འཛིན་པ། བཞི་པ་དག་གིས་མི་འཇིགས་པ་དང་པདྨས་མཚན་པའི་བུམ་པ་འཛིན་པ། ལྔ་པ་དག་གིས་རྡོ་རྗེ་དང་རིན་པོ་ཆེ་འཛིན་པ། དྲུག་པ་དག་
གིས་མདའ་དང་གཞུ་འཛིན་པ། སེམས་དཔའི་སྐྱིལ་ཀྲུང་རིན་པོ་ཆེའི་ཅོད་པན་ཅན། རྒྱན་ཐམས་ཅད་ཀྱིས་བརྒྱན་པ། དར་ལ་བབ་པའི་ལང་ཚོ་དང་ལྡན་པ། དོ་ཤལ་དང་གདུ་བུས་བརྒྱན་པ་བསྒོམ་པར་བྱའོ། །བྱང་དུ་སྣ་ཚོགས་པདྨའི་སྟེང་དུ་ཟླ་བའི་དཀྱིལ་འཁོར་གྱི་དབུས་སུ། ཤཾ་ཡིག་
ལས་བྱུང་བའི་བསིལ་བའི་ཚལ་ཆེན་མོ་ལྗང་གུ། ཞལ་གསུམ་མ། ཞལ་སོ་སོ་ལ་སྤྱན་གསུམ་མ། རྩ་བའི་ཞལ་ལྗང་གུ། གཡས་དཀར་མོ། གཡོན་དམར་མོ། གཡས་ཀྱི་ཕྱག་དང་པོས་མི་འཇིགས་པ། གཉིས་པས་རྡོ་རྗེ། གསུམ་པས་མདའ། གཡོན་གྱི་ཕྱག་དང་
པོས་སྡིགས་མཛུབ་དང་རྡོ་རྗེ་ཞགས་པ། གཉིས་པས་རྒྱལ་མཚན། གསུམ་པས་གཞུ་བསྣམས་པ། རྒྱན་ཐམས་ཅད་ཀྱིས་བརྒྱན་པ་བསྒོམ་པར་བྱའོ། །མེར་སྣ་ཚོགས་ཆུ་སྐྱེས་དང་ཉི་མ་ལ་ནག་མོ་གནག་ཅིང་ཕྱག་དག་གིས་དུང་འཛིན་པ། བདེན་བྲལ་དུ་སྣ་ཚོགས་ཆུ་སྐྱེས་དང་

ཟླ་བ་ལ་དུས་མཚན་མ་སེར་མོ་ཕྱག་དག་གིས་དགྲ་སྟ་འཛིན་པ། རླུང་དུ་སྣ་ཚོགས་ཆུ་སྐྱེས་དང་ཉི་མ་ལ་རྣ་བ་ནག་མོ་དམར་བ། ཕྱག་དག་གིས་རྒྱལ་མཚན་འཛིན་པ། དབང་ལྡན་དུ་སྣ་ཚོགས་པདྨ་དང་ཟླ་བ་ལ་དཀར་མོ་དཀར་བ། ཕྱག་དག་གིས་རྩེ་གསུམ་འཛིན་པ། བཞི་པོ་འདི་
རྣམས་རྡོ་རྗེའི་སྐྱིལ་ཀྲུང་དང་། རིན་པོ་ཆེའི་ཅོད་པན་ཅན། སྤྱན་གསུམ་མ། དར་ལ་བབ་པའི་ལང་ཚོ་དང་ལྡན་པར་བསྒོམ་པར་བྱའོ། །ཤར་སྒོ་ཛཿཡིག་ལས་བྱུང་བའི་རྡོ་རྗེ་ལྕགས་ཀྱུ་མ་དཀར་མོ་ཕྱག་གཡས་པ་ལྕགས་ཀྱུའི་ཚུལ། ལྷོར་ཧཱུཾ་ཡིག་ལས་བྱུང་བའི་རྡོ་རྗེ་ཞགས་པ་
མ་སེར་མོ་ཕྱག་གཡས་ཀྱིས་ཞགས་པ་འཛིན་པ། ནུབ་ཏུ་བཾ་ལས་བྱུང་བའི་རྡོ་རྗེ་ལྕགས་སྒྲོག་མ་དམར་མོ་ཕྱག་གཡས་རྡོ་རྗེའི་ལྕགས་སྒྲོག་གིས་མཚན་པ། བྱང་དུ་ཧོ་ཡིག་ལས་བྱུང་བའི་རྡོ་རྗེ་འབེབས་མ་སྔོ་བསངས་ཕྱག་གཡས་ཀྱིས་རྡོ་རྗེ་དྲིལ་བུ་འཛིན་པ། བཞི་པོ་འདི་རྣམས་སྣ་ཚོགས་
པདྨ་དང་ཉི་མ་ལ་རྡོ་རྗེའི་སྐྱིལ་ཀྲུང་གིས་བཞུགས་པ། སྤྱན་གསུམ་མ། དར་ལ་བབ་པའི་ལང་ཚོས་བརྒྱན་པ། རྣམ་པར་བཀྲ་བའི་རིན་པོ་ཆེའི་རྒྱན་ཅན་བསྒོམ་པར་བྱའོ། །ཤར་ལུས་འཕགས་པོར་ལྷ་ཡུལ་བའི་རྣམ་པ་སྣ་ཚོགས་པའི་ཁ་དོག་གི་ཆ་བྱད་དང་ལྡན་པའི་དྲི་ཟ་རྣམས་སོ། །འཛམ་
བུ་གླིང་དུ་སྲིན་པོ་ལྟར་སྣང་ཞིང་གཅིགས་པ་སྣ་ཚོགས་པའི་ཆ་བྱད་ཅན་གྱི་གྲུལ་བུམ་རྣམས་སོ། །ནུབ་བ་ལང་སྤྱོད་དུ་གདེངས་ཀས་མཚན་པའི་མགོ་པོ་སྣ་ཚོགས་པའི་ཆ་བྱད་ཅན་གྱི་རྒྱན་འཛིན་པའི་ཀླུ་རྣམས་སོ། །བྱང་སྒྲ་མི་སྙན་དུ་གནོད་སྦྱིན་གྱི་གཟུགས་སྣ་ཚོགས་པའི་ཆ་བྱད་འཛིན་པའི་
ལུས་ངན་རྣམས་བསྒོམ་པར་བྱའོ། །དེ་ནས་ཕྱི་རོལ་དུ་ཤར་གྱི་ཕྱོགས་སུ་རྟ་བདུན་པའི་ཤིང་རྟ་ལ་གནས་པའི་ཉི་མ་དམར་པོ་གཡས་དང་གཞན་གྱི་ཕྱག་དག་གིས་པདྨ་འཛིན་པ། དེའི་གཡོན་དུ་ཟླ་བ་ངང་པ་ལ་ཞོན་པ་གཡས་དང་གཞན་གྱི་ཕྱག་དག་གིས་ཀུ་མུད་འཛིན་པ། མེར་མིག་དམར་
ར་སྐྱེས་ལ་ཞོན་པ་གཡས་གྲི་ཀཊྚཱ་ར། གཡོན་གྱིས་མིའི་མགོ་བོ་འཛིན་པ། ལྷོ་རུ་གཟའ་ལྷག་སེར་པོ་པདྨ་ལ་གནས་པ་མདའ་དང་གཞུ་འཛིན་པ། བདེན་བྲལ་དུ་ཕུར་བུ་མདོག་དཀར་པོ་གླང་པོ་ཆེ་ལ་ཞོན་པ་ཕྲེང་བ་དང་སྤྱི་བླུགས་འཛིན་པ། ནུབ་ཏུ་པདྨ་ལ་པ་བསངས་དཀར་པོ་ཕྲེང་སྐུད་

དང་སྤྱི་བླུགས་འཛིན་པ། རླུང་དུ་རུས་སྦལ་ལ་སྤེན་པ་ནག་པོ་དབྱུག་པ་དང་ཕྲེང་བ་འཛིན་པ། བྱང་དུ་སྒྲ་གཅན་དམར་ནག་ཉི་མ་དང་ཟླ་བ་འཛིན་པ། དབང་ལྡན་དུ་མཇུག་རིང་གནག་ཅིང་དུ་བའི་མདོག་རལ་གྲི་དང་སྦྲུལ་ཞགས་འཛིན་པའོ། །དེ་ནས་ཕྱི་རོལ་གྱི་ཁོར་
ཡུག་ལ་ཤར་གྱི་ཕྱོགས་སུ་མེ་ཐབ་ཀྱི་སྟན་ལ་གནས་པའི་སྨིན་དྲུག་སྔོ་བསངས། ཁྱུ་མཆོག་ལ་ཞོན་པའི་སྣར་མ་དཀར་མོ། རི་དགས་ལ་ཞོན་པའི་མགོ་ནག་མོ། སྦྲུལ་ཆེན་ལ་གནས་པའི་ལག་སེར་མོ། པདྨ་ལ་གནས་པའི་ནབ་སོ་སེར་མོ། བུམ་པ་ལ་གནས་པའི་རྒྱལ་སྔོ་བསངས་
བྱ་རོག་གི་སྟན་ལ་སྐག་དཀར་མོ། ལྷོ་རུ་མ་ཧེའི་སྟན་ལ་མཆུ་གུར་ཀུམ་ལྟ་བུ། རྡོའི་སྟན་ལ་གྲེ་ལྗང་གུ། རྡོའི་སྟན་ལ་སྦོ་ལྗང་གུ། གླང་པོ་ཆེ་ལ་ཞོན་པའི་མེ་བཞི་དཀར་མོ། རྨ་བྱ་ལ་གནས་པའི་ནག་པ་ལྗང་གུ། ཁྱོགས་ལ་ཞོན་པའི་ས་རི་སེར་མོ། ལུག་ལ་གནས་པའི་ས་ག་ནག་
མོ། ནུབ་ཏུ་ངང་པ་ལ་གནས་པའི་ལྷ་མཚམས་སྔོ་བསངས། རུས་སྦལ་ལ་གནས་པའི་སྣོན་སེར་མོ། ལ་ཕུག་ལ་གནས་པའི་སྣུབས་སེར་མ། སྟན་ནང་ཚངས་ཅན་ལ་གནས་པའི་ཆུ་སྟོད་ནག་མོ། ཤིང་ཤར་ལ་གནས་པའི་ཆུ་སྨད་དཀར་མོ། སེང་གེའི་སྟན་ལ་གྲོ་བཞིན་སྔོ་བསངས།
རོ་ལ་གནས་པའི་བྱི་བཞིན་དཀར་མོ། དོམ་ལ་གནས་པའི་མོན་གྲུ་སེར་སྐྱ། སྤྲིན་ལ་གནས་པའི་མོན་གྲེ་ནག་མོ། ངང་པ་ལ་གནས་པའི་ཁྲུམས་སྟོད་ལྗང་གུ། <མོན་གྲུ་ནས་ཁྲུམས་སྨད་ཀྱི་བར་གྱི་བཞི་པོ་མ་ཕྱི་ལ་ཆད་པ་ཁ་སྐང་བ་ཡིན་ཡང་གདན་འདི་རྣམས་མ་ངེས་པས་སླར་དཔྱད་དགོས།> གླང་ལ་ཞོན་པའི་ཁྲུམས་སྨད་སེར་མོ། འཁོར་ལོ་ལ་གནས་པའི་ནམ་གྲུ་སེར་སྐྱ། རྟ་ལ་ཞོན་པའི་དབྱུ་གུ་དཀར་མོ།
ཡི་དགས་ཀྱི་སྟན་ལ་བྲ་ཉེ་ལྗང་གུ་སྟེ། ལྷ་མོ་ཉི་ཤུ་རྩ་བརྒྱད་པོ་འདི་རྣམས་གཡོ་བའི་སྟོད་གཡོགས་གྱོན་པ། ཐལ་མོ་སྦྱར་བ་དག་ཏུ་བསྒོམ་པར་བྱའོ། །དེའི་ཕྱི་རོལ་འཁོར་ཡུག་གསུམ་པ་ལ་ཤར་དུ། ས་སྲུང་དཀར་པོ་ལ་ཞོན་པའི་དབང་པོ་རྡོ་རྗེ་འཛིན་པ། ལྷོ་རུ་མ་ཧེ་ལ་ཞོན་པའི་
གཤིན་རྗེ་ནག་པོ་དབྱུག་པ་འཛིན་པ། ནུབ་ཏུ་ཆུ་སྲིན་ལ་ཞོན་པའི་ཆུ་ལྷ་དཀར་པོ་གདེངས་ཀ་བདུན་དང་ལྡན་པ། སྦྲུལ་ཞགས་དང་དུང་འཛིན་པ། བྱང་དུ་མི་ལ་ཞོན་པའི་ཀུ་བེ་ར་སེར་པོ་ལྕགས་ཀྱུ་དང་བེ་ཅོན་འཛིན་པ། མེར་ར་སྐྱེས་ལ་ཞོན་པའི་མེ་ལྷ་དམར་པོ་བླུགས་གཟར་དང་སྤྱི་བླུགས་

འཛིན་པ། བདེན་བྲལ་དུ་རོ་ལ་ཞོན་པའི་སྲིན་པོའི་བདག་པོ་སྔོན་པོ་རལ་གྲི་དང་ཕུབ་འཛིན་པ། རླུང་དུ་རི་དགས་ལ་ཞོན་པའི་རླུང་ལྷ་སྔོན་པོ་རླུང་རས་འཛིན་པ། དབང་ལྡན་དུ་ཁྱུ་མཆོག་ལ་ཞོན་པའི་དབང་ལྡན་དཀར་པོ། ཕྱག་ན་རྩེ་གསུམ་དང་ཐོད་པ་འཛིན་པ། འདིའི་གཡོན་ལོགས་སུ་ངང་
པ་ལ་ཞོན་པའི་ཚངས་པ་སེར་པོ་གདོང་བཞི་པ་ཕྱག་བཞི་པ་ཐལ་མོ་སྦྱར་བའི་ཕྱག་དག་གིས་བགྲང་ཕྲེང་འཛིན་ཞིང་དབྱུག་པ་དང་སྤྱི་བླུགས་འཛིན་པ། བདེན་བྲལ་དང་ཆུ་ལྷ་དག་གི་བར་དུ་ནོར་འཛིན་མ་སེར་མོ་ཕྱག་ན་གསེར་གྱི་བུམ་པ། དེའི་གཡོན་ལོགས་སུ་གཤིན་རྗེའི་བྲན་མོ་སྔོ་བསངས་རལ་
གྲི་དང་ཕུབ་འཛིན་པའོ། །དེ་ནས་ཡན་ལག་དགོད་པ་ནི། ཨོཾ་ཨཱཿཧཱུཾ་ས་སྭཱ་ཧཱ། མིག་དག་ལ་པྲཾ། རྣ་བ་དག་ལ་བུཾ། སྣ་དག་ལ་མཾ། ཁ་དག་ལ་ཏྲཾ། རེག་བྱ་དག་ལ་ཛྲིཾ་ངོ་། །དེ་ནས་རང་གི་སྙིང་གར་གནས་པའི་འོད་ཟེར་གྱི་འོད་ཟེར་སྣ་ཚོགས་པའི་འཇིག་རྟེན་གྱི་ཁམས་སུ་སྤྲོས་ཏེ། དེས་ཡེ་
ཤེས་སེམས་དཔའ་དང་དམ་ཚིག་སེམས་དཔའ་ལྷན་ཅིག་ཏུ་འོ་མ་དང་ཆུ་ལྟར་རོ་གཅིག་ཏུ་གྱུར་བར་བལྟས་ནས། ཨ་བྷི་ཥིཉྩ་ཏུ་མཱཾ་སརྦ་ཏ་ཐཱ་ག་ཏཱ་ཞེས་པས་དབང་བསྐུར་བར་གསོལ་བ་གདབ་པར་བྱ་ཞིང་། ཇི་ལྟར་བལྟམས་པ་ཙམ་གྱིས་ནི། །ཞེས་པ་ལ་སོགས་པས་ཆུའི་དབང་བསྐུར་བར་
བྱའོ། །དེ་ནས་མཆོད་པ་དང་བསྟོད་པ་བྱ་སྟེ། སངས་རྒྱས་ཐམས་ཅད་སྐྱེད་མཛད་ཅིང་། །སེམས་ཅན་ཀུན་ལ་ཕན་མཛད་མ། །སེམས་ཅན་ཀུན་གྱི་དོན་བསྒྲུབ་ཕྱིར། །བསྲུང་བ་ལྔ་ལ་ཕྱག་བགྱིའོ། །གང་རྣམས་ཚིམ་པ་ཙམ་གྱིས་ནི། །སེམས་ཅན་དགེ་ཞིང་རྒྱལ་བར་མཛད། །ཕུན་
ཚོགས་ཐམས་ཅད་སྦྱིན་མཛད་པའི། །གཟའ་རྣམས་དགུ་པོ་ཁྱོད་ལ་འདུད། །རྒྱུ་སྐར་ཉི་ཤུ་རྩ་བརྒྱད་པོ། །ཕྱོགས་རྣམས་སུ་ནི་བདུན་བདུན་གནས། །ནད་ཀུན་ཉེ་བར་ཞི་བའི་ཕྱིར། །དེ་རྣམས་ལ་ནི་གུས་ཕྱག་འཚལ། །གང་གི་བསྲུང་བའི་ཆོ་ག་ཡིས། །སེམས་ཅན་བདེ་ཞིང་རྒྱལ་བར་མཛད། །
ཕྱོགས་དང་ཕྱོགས་བྲལ་བཞུགས་པ་ཡི། །འཇིག་རྟེན་སྐྱོང་ལ་ཕྱག་བགྱིའོ། །ཞེས་པ་ནི་རྣལ་འབྱོར་གཉིས་པའོ། །དེ་ནས་དཔྲལ་བ་དང་མགྲིན་པ་དང་སྙིང་ག་རྣམས་སུ་དཀར་པོ་དང་དམར་པོ་དང་ནག་པོའི་ཨོཾ་ཨཱཿཧཱུཾ་གི་ཡི་གེ་ངེས་པར་བརྟག་པར་བྱ་ཞིང་། ཇི་སྲིད་འདོད་པར་བསྒོམ་

པར་བྱའོ། །དེ་ནས་སྙིང་གའི་ས་བོན་གྱི་འོད་ཟེར་གྱིས་བཀུག་པའི་དམ་ཚིག་སེམས་དཔའི་དཀྱིལ་འཁོར་ལྟ་བུའི་ཡེ་ཤེས་སེམས་དཔའི་དཀྱིལ་འཁོར་མདུན་གྱི་ནམ་མཁའི་ཕྱོགས་སུ་བཞུགས་པར་བལྟས་ནས་དགུག་པ་ལ་སོགས་པ་ནི་སྔར་བཞིན་དུ་བྱའོ་ཞེས་པ་ནི་
ཕྲ་མོའི་རྣལ་འབྱོར་རོ། །དེའི་རྗེས་སུ་བཟླས་པ་བྱ་སྟེ། དགུག་པ་ལ་སོགས་པ་ཅན་སྔར་བཞིན་དུ་ཤེས་པར་བྱའོ་ཞེས་པ་ནི་བཟླས་པའི་རྣལ་འབྱོར་རོ། །བྷྲཱུཾ་ལས་རིན་པོ་ཆེའི་སྣོད་དུ་ཁཾ་ཡིག་ལས་བཟའ་བ་ལ་སོགས་པ། ཨོཾ་ཨཱཿཧཱུཾ་གིས་བྱིན་གྱིས་བརླབས་ནས། དེ་རྣམས་ཀྱི་འོད་ཟེར་
གྱིས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་བཀུག་ནས་དེ་ཉིད་དུ་ཐིམ་པར་བསམ་པར་བྱའོ། །དེ་ནས་འཇིག་རྟེན་སྐྱོང་བ་རྣམས་དགུག་པའི་ཕྱག་རྒྱ་བསྟན་ལ། མཆོད་ཡོན་ལ་སོགས་པས་མཆོད་དེ། ཨོཾ་མ་ཧཱ་པྲ་ཏི་ས་རཱ་ཡཻ་སྭཱ་ཧཱ། ཨོཾ་མ་ཧཱ་སཱ་ཧ་སྲ་པྲ་མརྡྷ་ནྱི་སྭཱ་ཧཱ། ཨོཾ་མ་ཧཱ་
མཱ་ཡཱུ་རྱཻ་སྭཱ་ཧཱ། ཨོཾ་མ་ཧཱ་ཤཱི་ཏ་བཏྱཻ་སྭཱ་ཧཱ། ཨོཾ་མ་ཧཱ་མནྟྲཱ་ནུ་སཱ་རེཎྡྱེ་སྭཱ་ཧཱ། སངས་རྒྱས་བདག་ཉིད་ཆེན་པོ་ཉིད། །རིག་པའི་ལྷ་མོ་སྟོབས་ཆེན་མོ། །བདག་གི་ཁྲོ་གཉེར་ཅན་ཉིད་དང་། །ལྷ་མོ་སྒྲོན་མ་དེ་བཞིན་སྐྱོ། །རྡོ་རྗེ་ལྕགས་སྒྲོག་དཀར་མོ་གང་། །དཀར་མོ་ཆེན་མོ་དེ་བཞིན་ཉིད། །
རྡོ་རྗེ་ནག་མོ་ཕོ་ཉ་མོ། །དེ་བཞིན་རྡོ་རྗེའི་ཕོ་ཉ་གཞན། །ཞགས་བཟང་རྡོ་རྗེ་ཞགས་པ་མ། །རྡོ་རྗེ་ཞགས་པ་སྟོབས་ཆེན་མོ། །དེ་བཞིན་ནོར་ཅན་སྐལ་ཆེན་མ། །པདྨ་འཁྱིལ་པ་ཉིད་དང་ཡང་། །མེ་ཏོག་སོ་མ་ནོར་བུའི་གཙུག །གསེར་གྱི་སྐྲ་མ་སེར་སྐྱ་མ། །གཟི་བརྗིད་ཆེན་མོ་དེ་བཞིན་
དུ། །ནོར་ཅན་ལྷ་མོ་གློག་ཕྲེང་མ། །སྲིན་མོ་དང་ནི་རལ་གཅིག་མ། །སངས་རྒྱས་ཞིང་གི་འདྲེན་པ་མོ། །ཐོད་པ་ཅན་མ་སྐལ་ཆེན་མ། །དེ་བཞིན་ནོར་ཅན་ལང་ཀའི་དབང་། །གཞན་ཡང་སེམས་ཅན་རྗེས་འཛིན་པའི། །རིག་མ་མང་པོ་འདི་ལྟ་སྟེ། །ནག་པོ་གཙིགས་མ་གྲུལ་བུམ་མ། །
དུང་ཅན་མ་དང་པདྨའི་མཚན། །འཕྲོག་མ་སྐྲ་ལྗང་དཔལ་ལྡན་མ། །སེར་སྐྱ་མོ་ནི་ལྗང་གུ་སྟེ། །འཕྱང་མ་རབ་ཏུ་འཕྱང་བ་མོ། །ལྷ་མོ་ཞགས་ནག་བུམ་ལྟོ་མ། །གཤིན་རྗེའི་ཕོ་ཉ་གཤིན་རྗེའི་སྲིན། །འབྱུང་པོ་ཟ་མ་འབྱུང་མོ་རྣམས། །གཏོར་མ་མེ་ཏོག་བདུག་པ་དྲི། །སྒྲོན་མ་འདི་

ནི་སོ་སོར་བཞེས། །ཞལ་ཟས་དག་ཀྱང་དབུལ་བགྱི་ཞིང་། །དུས་ཀུན་དུ་ནི་བསྲུང་བར་མཛོད། །རྣམ་པ་ཀུན་ནི་བདག་དང་ནི། །འཁོར་བཅས་མ་ལུས་སེམས་ཅན་གྱི། །ཉེ་བར་འཚེ་ཉིད་ཐམས་ཅད་དང་། །འཇིགས་པ་ཐམས་ཅད་ཉམས་པར་གྱིས། །དེ་བཞིན་རྟག་ཏུ་མྱུར་བར་ནི། །འཆི་
ལྟས་ཀུན་དང་ཆེར་འབབ་པའང་། །ལོ་བརྒྱ་རུ་ནི་འཚོ་གྱུར་ཅིག །རྟག་ཏུ་སྟོན་བརྒྱ་མཐོང་བར་ཤོག །རྟག་ཏུ་གྲུབ་པའི་སྔགས་ཀྱི་གཞི། །བདེ་ལེགས་དང་ནི་གཞི་ཚུགས་གྱུར། །སླར་ཡང་མཆོད་དེ། མ་རྙེད་ཅེས་པ་ལ་སོགས་པས་བཟོད་པར་གསོལ་ཏེ་གཤེགས་སུ་གསོལ་བར་བྱའོ། །
བསྲུང་བ་ལྔའི་མཆོད་པའི་ཆོ་ག་རྫོགས་སོ།། །།རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ། ནགས་ཀྱི་རིན་ཆེན་གྱི་ཞལ་སྔ་ནས་དང་། གཞོན་ནུ་དཔལ་གྱིས་བསྒྱུར་བའོ།། ༄། །གཟའ་དགུའི་མཆོད་པའི་ཆོ་ག་བཞུགས། ༄༅༅། །སངས་རྒྱས་ལ་ཕྱག་འཚལ་ལོ། །ཏིང་ངེ་
འཛིན་གསུམ་གྱིས་དེ་མ་ཐག་ཏུ་བསྒོམ་པ་དང་། དགུག་པ་དང་། མཆོད་ཡོན་སྦྱིན་པ་དང་། སྦྱང་བ་དང་། བདུག་སྤོས་དང་། མེ་ཏོག་གིས་མཆོད་པ་སྟེ། ཨོཾ་མ་ཎི་དྷ་རི་བཛྲི་ཎི་མ་ཧཱ་པྲ་ཏི་ས་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེ་ནས་མཆོད་ཡོན་ནི། ཨོཾ་ཨཱཿཨཱརྱ་མ་ཧཱ་པྲ་ཏི་ས་རཱ་ཡཻ་ཨརྒྷཾ་པྲ་ཏཱིཙྪ་
སྭཱ་ཧཱ། དེ་ནས་བཟླས་པ་ནི། ཨོཾ་མ་ཎི་དྷ་རི་བཛྲི་ནི་ཞེས་པ་ལ་སོགས་པའོ། །མཆོད་པ་ལྔས་མཆོད་དོ། །ཨོཾ་ཨཱཿཨཱརྱ་མ་ཧཱ་སཱ་ཧ་སྲ་པྲ་མ་རྡི་ནྱཻ། ཨོཾ་ཨ་མྲྀ་ཏེ་ཝ་རེ་ཝ་ར། ཝ་ར་པྲ་ཝ་ར་བི་ཤུདྡྷེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེ་ནས་མཆོད་ཡོན་ནི། ཨོཾ་ཨཱརྱ་མ་ཧཱ་སཱ་ཧ་སྲ་པྲ་མརྡི་ནྱཻ་ཨརྒྷཾ་པྲ་ཏཱིཙྪ་
སྭཱ་ཧཱ། དེ་ནས་བཟླས་པ་ནི། ཨོཾ་ཨ་མྲྀ་ཏ་ཝ་རེ་ཞེས་པ་ལ་སོགས་པའོ། །མཆོད་པ་ལྔས་མཆོད་དོ། །ཨོཾ་ཨཱཿཨཱརྱ་མ་ཧཱ་མཱ་ཡཱུ་རཱ་ཡཻ་ཨོཾ་ཨ་མྲྀ་ཏ་བི་ལོ་ཀི་ནི་གརྦྷ་སཾ་རཀྵ་ཎི་ཨཱ་ཀཪྵ་ཎི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེ་ནས་མཆོད་ཡོན་ནི། ཨོཾ་ཨཱརྱ་མ་ཧཱ་མཱ་ཡཱུ་རཱ་ཡཻ་ཨརྒྷཾ་པྲ་ཏཱིཙྪ་སྭཱ་ཧཱ། དེ་ནས་
བཟླས་པ་ནི། ཨོཾ་ཨ་མྲྀ་ཏ་བི་ལོ་ཀི་ནི་ཞེས་པ་ལ་སོགས་པའོ། །མཆོད་པ་ལྔས་མཆོད་དོ། །ཨོཾ་ཨཱཿཨཱརྱ་མ་ཧཱ་ཤཱི་ཏ་ཝ་ཏྱཻ། ཨོཾ་བི་མ་ལེ་བི་པུ་ལེ་ཛ་ཡ་ཝ་རེ་ཨ་མྲྀ་ཏ་བི་ར་ཛེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེ་ནས་མཆོད་ཡོན་ནི། ཨོཾ་ཨཱརྱ་མ་ཧཱ་ཤཱི་ཏ་ཝ་ཏྱཻ་ཨརྒྷཾ་པྲ་ཏཱིཙྪ་སྭཱ་ཧཱ། དེ་ནས་བཟླས་པ་ནི། ཨོཾ་བི་མ་

ལེ་བི་པུ་ལེ་ཞེས་པ་ལ་སོགས་པའོ། །མཆོད་པ་ལྔས་མཆོད་དོ། །ཨོཾ་ཨཱཿཨཱརྱ་མ་ཧཱ་མནྟྲཱ་ནུ་སཱ་རི་ཎྱཻ། ཨོཾ་བྷ་ར་བྷ་ར་སཾ་བྷ་ར་སཾ་བྷ་ར་ཨིནྡྲཱ་ཡ་བ་ལ་བི་ཤོ་དྷ་ནི་ཧཱུཾ་ཧཱུཾ་རུ་རུ་ཙ་ལེ་སྭཱ་ཧཱ། མཆོད་ཡོན་ནི། ཨོཾ་ཨཱརྱ་མ་ཧཱ་མནྟྲ་ཨ་ནུ་སཱ་རི་ཎྱཻ་ཨརྒྷཾ་པྲ་ཏཱིཙྪ་སྭཱ་ཧཱ། དེ་ནས་བཟླས་པ་ནི།
ཨོཾ་བྷ་ར་བྷ་ར་སཾ་བྷ་ཞེས་པ་ལ་སོགས་པའོ། །མཆོད་པ་ལྔས་མཆོད། བསྟོད་པ་བྱ། ཨོཾ་མེ་གྷོལྐཱ་ཡ་སྭཱ་ཧཱ། མེ་ཏོག་གིས་མཆོད། ཨོཾ་ལེགས་ལྡན་འཕགས་པ་ཉི་མ་ལ་ཕྱག་འཚལ་ལོ། །འོད་སྲུངས་ཀྱི་བུ་ཨ་དི་ཏིའི་མངལ་ལས་འཁྲུངས་པ་དམར་པོ་དང་བཅས་པ། ཀ་ཀེ་ཏ་ན་དང་།
པདྨ་རཱ་ག་དང་། མེ་ཏོག་བནྡུ་ཀ་ལྟ་བུ། རིགས་ཀྱི་ལྷ་མོ་འོད་དཔག་ཏུ་མེད་པ། གོས་དམར་པོ། མེ་ཏོག་དང་། བདུག་པ་དང་། སྒྲོན་མ་དང་། དྲི་དང་མཆོད་ཕྱིར་ཐོགས། དམར་པོ་ལ་དགའ་བ། རྟའི་ཤིང་རྟ་ལ་ཞོན་པ་ལྷ་དང་། སྦྱིན་མའི་བུ་དང་། གྲུལ་བུམ་དང་། མཁའ་འགྲོ་མ་སྟེ།
གཞན་དང་བཅས་པ། གཤེགས་ཤིང་གཤེགས་པའི་ལེགས་ལྡན། སྦྱིན་པའི་བདག་པོ་ལ་ཕན་པའི་དོན་གྱི་སླད་དུ། གཟའི་དཀྱིལ་འཁོར་གྱི་དབུས་འདིར་རྗེས་སུ་ཞུགས་ཤིང་། རྗེས་སུ་ཞུགས་ནས། མ་ཉམས་པ་དང་། དྲི་དང་། མེ་ཏོག་དང་། བདུག་པ་དང་། སྒྲོན་མའི་
མཆོད་པ། གཏོར་མ་འདི་ཡང་སོ་སོར་གཟུང་བར་མཛོད་ཅིག །སོ་སོར་གཟུང་བར་མཛོད་ཅིག །གང་གིས་ཕྱག་འཚལ་ཞིང་བསྟོད་པ་དེ་དགའ་བར་མཛོད་ཅིག །ཉི་མའི་མཆོད་ཡོན་སོ་སོར་བཞེས་ཤིག་སྭཱ་ཧཱ། མཆོད་པ་ལྔས་མཆོད། སིན་དྷུ་ར་ཡི་མདོག་ལྟ་བུ། །པདྨ་རཱ་ག་འདྲ་
བའི་འོད། །རྟ་བདུན་ཤིང་རྟ་ལ་ཞོན་པའི། །རྡོ་རྗེ་ཉི་མར་བདག་ཕྱག་འཚལ། །ཨོཾ་ཉི་མ་འོད་སྲུངས་ཀྱི་བུ་ཨ་དི་ཏྱའི་ལྷ། རིགས་ཀྱི་ལྷ་འོད་དཔག་ཏུ་མེད་པ་ཆེ་གེ་མོའི་ཚེ་དང་ནད་མེད་པ་ཉིད་དང་འདོད་པའི་དོན་དང་ཐམས་ཅད་ཉེ་བར་ཞི་བའི་དོན་དུ་དངུལ་ལས་བསྒྲུབས་པའི་བེའུ་དང་བཅས་པའི་
བ། ཁྱེད་ལ་བདག་ཡང་དག་པར་རབ་ཏུ་དབུལ་བར་བགྱིའོ། །བེའུ་དང་བཅས་པའི་བ་རབ་ཏུ་གནས་པའི་སླད་དུ་བདག་གིས་ཡོན་སྟོབ་པར་བགྱིའོ། །དེའི་བདུག་སྤོས་ནི། ཀུནྡུ་རུ། མཆོད་ཡོན་གྱི་སྣོད་ནི་ཟངས། རིན་པོ་ཆེ་དམར་པོ་དང་། ཙནྡན་དམར་པོ་དང་། སཱ་ལའི་འབྲུ་དམར་པོ་དང་།

འོ་མ་དང་བཅས་པའི་གཏོར་མ་དང་། ཡོན་ནི་བེའུ་དང་བཅས་པའི་བའོ། །ཨོཾ་ཤཱི་ཏཱཾ་ཤ་བེ་སྭཱ་ཧཱ། མེ་ཏོག་གིས་མཆོད། ཨོཾ་ལེགས་ལྡན་ཟླ་བ་ལ་ཕྱག་འཚལ་ལོ། །བདུད་རྩི་བསྲུབས་པ་ལས་བྱུང་བར་བྷའི་བུར་བྷ་སའི་བུ། ཤིང་ཧཱ་རའི་འོ་མ་དང་། རྩྭ་ཀུ་ཤའི་མེ་ཏོག་ལྟ་བུ། རིགས་ཀྱི་ལྷ་
རྟག་པ་གོས་དཀར་པོ་དང་། མེ་ཏོག་དང་། བདུག་པ་དང་། སྒྲོན་མ་དང་། དྲི་དང་། མཆོད་ཕྱིར་ཐོགས་ལ་དགའ་བ། ངང་པ་ལ་ཞོན་པ། ལྷ་དང་སྦྱིན་མའི་བུ་དང་། གྲུལ་བུམ་དང་། མཁའ་འགྲོ་མ་སྟེ། དེ་བཞིན་གཞན་དང་བཅས་པ། གཤེགས་ཤིང་གཤེགས་པའི་ལེགས་ལྡན། སྦྱིན་
པའི་བདག་པོ་ཕན་པའི་དོན་གྱི་སླད་དུ་གཟའི་དཀྱིལ་འཁོར་གྱི་དབུས་འདིར་བཞུགས་ཤིང་རྗེས་སུ་ཞུགས་ནས་མ་ཉམས་པ་དང་། དྲི་དང་། མེ་ཏོག་དང་། བདུག་པ་དང་། སྒྲོན་མེའི་མཆོད་པ་དང་། གཏོར་མ་འདི་ཡང་སོ་སོར་གཟུང་བར་མཛོད་ཅིག །སོ་སོར་གཟུང་བར་མཛོད་ཅིག །
གང་གིས་ཕྱག་འཚལ་ཞིང་སྟོད་པར་བྱེད་པ་དེ་དགའ་བར་མཛོད་ཅིག །ཞི་བ་དང་རྒྱས་པར་མཛོད་ཅིག །ཟླ་བའི་མཆོད་ཡོན་སོ་སོར་བཞེས་ཤིག་སྭཱ་ཧཱ། མཆོད་པ་ལྔས་མཆོད། ཀུནྡ་ཁ་བ་ལྟ་བུ་སྟེ། འབྲས་བུ་སྨིན་སོགས་ཀྱིས་འཚོ་བ། །ངང་པའི་བཞོན་པར་ཡང་དག་གནས། །ཟླ་བ་
ལ་ནི་བདག་ཕྱག་འཚལ། །ཟླ་བ་འོ་མའི་རྒྱ་མཚོ་ལས་ཡང་དག་པར་བྱུང་བ། ར་བྷའི་བུ། རིགས་ཀྱི་ལྷ་རྟག་པ། ཆེ་གོ་མོའི་ཚེ་དང་། ནད་མེད་པ་ཉིད་དང་། འདོད་པའི་དོན་དང་། ནད་ཐམས་ཅད་ཉེ་བར་ཞི་བའི་དོན་དུ། དངུལ་ལས་བསྒྲུབས་པའི་དུང་ཁྱེད་ལ་བདག་གིས་དབུལ་བར་
བགྱིའོ། །འདོད་པའི་དུང་རབ་ཏུ་གནས་པའི་སླད་དུ་བདག་གིས་ཡོན་སྟོབ་པར་བགྱིའོ། །དེའི་བདུག་སྤོས་ནི་ག་པུར། མཆོད་ཡོན་གྱི་སྣོད་ནི་དངུལ། མུ་ཏིག་གི་མཆོད་ཡོན། ཏིལ་དཀར་པོ་དང་། འབྲས་དཀར་པོ་དང་། འོ་མའི་ཟན་གྱི་གཏོར་མ་དང་། ཡོན་ནི་དུང་ངོ་། །ཨོཾ་རཀྟཱངྒ་ཀུ་
མཱ་རཱ་ཡ་སྭཱ་ཧཱ། མེ་ཏོག་གིས་མཆོད། ཨོཾ་ལེགས་ལྡན་ལུས་དམར་ལ་ཕྱག་འཚལ་ལོ། །ལྷ་ཆེན་པོའི་བུ་སའི་མངལ་ནས་ཡང་དག་པར་བྱུང་བ། མེ་རབ་ཏུ་འབར་བ། རིགས་ཀྱི་ལྷ་རྡོ་རྗེ་འཛིན་པ། གོས་དམར་པོ་དང་། མེ་ཏོག་དང་། བདུག་པ་དང་། སྒྲོན་མ་དང་། དྲི་དང་།

མཆོད་ཕྱིར་ཐོགས་ལ་དགའ་བ། ར་སྐྱེས་ལ་ཡང་དག་པར་ཞོན་པ། ལྷ་དང་སྦྱིན་མའི་བུ་དང་། གྲུལ་བུམ་དང་། མཁའ་འགྲོ་མ་སྟེ་གཞན་དང་བཅས་པ། གཤེགས་ཤིང་གཤེགས་པའི་ལེགས་ལྡན། སྦྱིན་པའི་བདག་མོ་ལ་ཕན་པའི་དོན་གྱི་སླད་དུ་གཟའི་
དཀྱིལ་འཁོར་གྱི་དབུས་འདིར་བཞུགས་ཤིང་རྗེས་སུ་ཞུགས་ནས་མ་ཉམས་པ་དང་། དྲི་དང་། མེ་ཏོག་དང་། བདུག་པ་དང་། སྒྲོན་མའི་མཆོད་པ་དང་། གཏོར་མ་འདི་ཡང་སོ་སོར་གཟུང་བར་མཛོད་ཅིག །སོ་སོར་གཟུང་བར་མཛོད་ཅིག །གང་གིས་ཕྱག་འཚལ་ཞིང་སྟོད་པར་བྱེད་
པ་དེ་དགའ་བར་མཛོད་ཅིག །ཞི་བ་དང་རྒྱས་པར་མཛོད་ཅིག །མིག་དམར་གྱི་མཆོད་ཡོན་སོ་སོར་བཞེས་ཤིག་སྭཱ་ཧཱ། མཆོད་པ་ལྔས་མཆོད། སྐྱོན་བྲལ་མཆོག་སྟེ་ཀུན་ནས་མེ། །ར་སྐྱེས་ལ་ཞོན་མདུང་འཆང་ཞིང་། །གཞོན་ནུའི་རིགས་ལས་ཡང་དག་བྱུང་། །མིག་དམར་ལ་
ནི་བདག་ཕྱག་འཚལ། །ཨོཾ་མིག་དམར་ལྷའི་དབང་ཕྱུག །ཆེ་གེ་མོའི་ཚེ་དང་། ནད་མེད་པ་ཉིད་དང་། འདོད་པའི་དོན་དང་། ནད་ཐམས་ཅད་ཉེ་བར་ཞི་བའི་དོན་དུ། དངུལ་ལས་བསྒྲུབས་པའི་ཁྱུ་མཆོག་ཁྱེད་ལ་བདག་གིས་དབུལ་བར་བགྱིའོ། །དངུལ་ལས་བསྒྲུབས་པའི་ཁྱུ་མཆོག་
རབ་ཏུ་གནས་པའི་སླད་དུ་བདག་གིས་ཡོན་སྟོབ་པར་བགྱིའོ། །དེའི་བདུག་སྤོས་ནི་གུ་གུལ། མཆོད་ཡོན་གྱི་སྣོད་ནི་ཟངས། མཆོད་ཡོན་ནི་བྱི་རུ་ལ་སོགས་པའི་དམར་པོའི་རྣམ་པའི་རིན་པོ་ཆེ། སྲན་མ་མ་ཥ་དང་། ཉུངས་ཀར་དང་། བུ་རམ་དང་། འབྲས་ཆན་གྱི་གཏོར་མ།
ཡོན་ནི་ཁྱུ་མཆོག་གོ། །ཨོཾ་བུདྡྷཱ་ཡ་སྭཱ་ཧཱ། མེ་ཏོག་གིས་མཆོད། ཨོཾ་ལེགས་ལྡན་ལྷག་པ་ལ་ཕྱག་འཚལ་ལོ། །ཟླ་བའི་བུ་སྣར་མའི་བུ། འབྲས་སཱ་ལི་མ་སྨིན་པ་དང་། བྱ་ཤ་རི་དང་། ནེ་ཙོ་དང་། ཨིནྡྲ་ནཱི་ལ་ལྟ་བུ། རིགས་ཀྱི་ལྷ་རྡོ་རྗེ་ཉི་མ། གོས་ལྗང་གུ་དང་། མེ་ཏོག་དང་།
བདུག་པ་དང་། སྒྲོན་མ་དང་། མཆོད་ཕྱིར་ཐོགས་ལ་དགའ་བ། པདྨའི་སྟན་ལ་ཞོན་པ། ལྷ་དང་སྦྱིན་མའི་བུ་དང་། གྲུལ་བུམ་དང་། མཁའ་འགྲོ་མ་སྟེ་གཞན་དང་བཅས་པ། གཤེགས་ཤིང་གཤེགས་པའི་ལེགས་ལྡན། སྦྱིན་པའི་བདག་པོ་ལ་ཕན་པའི་དོན་གྱི་སླད་དུ།

གཟའི་དཀྱིལ་འཁོར་གྱི་དབུས་འདིར་ཞུགས་ཤིང་རྗེས་སུ་ཞུགས་ནས། མ་ཉམས་པ་དང་། དྲི་དང་། མེ་ཏོག་དང་། བདུག་པ་དང་། སྒྲོན་མེའི་མཆོད་པ་དང་། གཏོར་མ་འདི་ཡང་སོ་སོར་གཟུང་བར་མཛོད། སོ་སོར་གཟུང་བར་མཛོད། གང་གིས་ཕྱག་འཚལ་ཞིང་མཆོད་པར་བྱེད་
པ་དེ་དགའ་བར་མཛོད་ཅིག །ཞི་བ་དང་རྒྱས་པར་མཛོད་ཅིག །ལྷག་པའི་མཆོད་ཡོན་སོ་སོར་བཞེས་ཤིག་སྭཱ་ཧཱ། གི་ཝང་གི་ནི་འོད་དང་མཉམ། །ལག་ན་མདའ་དང་གཞུ་འཛིན་ཞིང་། །ཞི་བ་པདྨའི་གདན་ལ་གནས། །ལྷག་པ་ལ་ནི་བདག་ཕྱག་འཚལ། །ཨོཾ་ལྷག་པ། ཟླ་བའི་བུ། སྣར་མའི་
བུ། རིགས་ཀྱི་ལྷ་རྡོ་རྗེ་ཉི་མ། ཆེ་གེ་མོའི་ཚེ་དང་། ནད་མེད་པ་ཉིད་དང་། འདོད་པའི་དོན་དང་། ནད་ཐམས་ཅད་ཉེ་བར་ཞི་བའི་དོན་དུ། ཁྱེད་ལ་བདག་གིས་གསེར་དབུལ་བར་བགྱིའོ། །གསེར་རབ་ཏུ་གནས་པའི་སླད་དུ་བདག་གིས་ཡོན་སྟོབ་པར་བགྱིའོ། །དེའི་བདུག་སྤོས་ནི་སྤོས་དཀར།
མཆོད་ཡོན་གྱི་སྣོད་ནི་གསེར། མཆོད་ཡོན་ནི་གསེར་དང་བྱི་རུ། ནས་དང་འབྲས་ཟན་སེར་པོའི་གཏོར་མ། ཡོན་ནི་གསེར་རོ། །ཨོཾ་བྷོ་གོ་སྤ་དཱ་ཡ་སྭཱ་ཧཱ། མེ་ཏོག་གིས་མཆོད། ཨོཾ་ལེགས་ལྡན་ཕུར་བུ་ལ་ཕྱག་འཚལ་ལོ། །མིག་དམར་གྱི་བུ། རིག་བྱེད་བཞི་བ། ལྷའི་བླ་མ་དང་
མཁན་པོ། རིགས་ཀྱི་ལྷ་མི་བསྐྱོད་པ། གོས་སེར་པོ་དང་། མེ་ཏོག་དང་། བདུག་པ་དང་། སྒྲོན་མ་དང་། དྲི་དང་། མཆོད་ཕྱིར་ཐོགས་ལ་དགའ་བ། ལྷ་དང་སྦྱིན་མའི་བུ་དང་། གྲུལ་བུམ་དང་། མཁའ་འགྲོ་མ་སྟེ་གཞན་དང་བཅས་པ། གཤེགས་ཤིང་གཤེགས་པའི་ལེགས་ལྡན།
སྦྱིན་པའི་བདག་པོ་ལ་ཕན་པའི་སླད་དུ། གཟའི་དཀྱིལ་འཁོར་གྱི་དབུས་འདིར། ཞུགས་ཤིང་རྗེས་སུ་ཞུགས་ནས། མ་ཉམས་པ་དང་། དྲི་དང་། མེ་ཏོག་དང་། བདུག་པ་དང་། སྒྲོན་མའི་མཆོད་པ་དང་། གཏོར་མ་འདི་ཡང་སོ་སོར་གཟུང་བར་མཛོད་ཅིག །སོ་སོར་གཟུང་བར་མཛོད་ཅིག །
གང་གིས་ཕྱག་འཚལ་ཞིང་སྟོད་པར་བྱེད་པ་དེ་དགའ་བར་མཛོད་ཅིག །ཞི་བ་དང་རྒྱས་པར་མཛོད་ཅིག་སྭཱ་ཧཱ། མཆོད་པ་ལྔས་མཆོད། གླང་པོའི་བདག་པོ་ལ་ཞོན་ཞིང་། །སྟོན་པ་པོ་སྟེ་གསེར་གྱི་འོད། །རིན་ཆེན་སྣོད་དང་ཕྲེང་འཛིན་ཕྱག །ཚིག་བདག་ལ་ནི་བདག་ཕྱག་འཚལ། །ཨོཾ་

ཕུར་བུ་སའི་བུའི་བུ། རིག་བྱེད་བཞི་པ། ལྷའི་བླ་མ་དང་མཁན་པོ། རིགས་ཀྱི་ལྷ་མི་བསྐྱོད་པ། ཆེ་གེ་མོའི་ཚེ་དང་། ནད་མེད་པ་ཉིད་དང་། འདོད་པའི་དོན་དང་། ནད་ཐམས་ཅད་ཉེ་བར་ཞི་བའི་དོན་དུ། གོས་ཟུང་སེར་པོ་ཁྱེད་ལ་བདག་གིས་དབུལ་བར་བགྱིའོ། །འདོད་
པའི་ཡོན་གོས་སེར་པོ་རབ་ཏུ་གནས་པའི་སླད་དུ། བདག་གིས་ཡོན་སྟོབ་པར་བགྱིའོ། །དེའི་བདུག་སྤོས་ནི་སྦྲང་རྩི་དང་ཤཱི་བཱ་ས། མཆོད་ཡོན་གྱི་སྣོད་ནི་གསེར། མཆོད་ཡོན་ནི་གསེར། ཡུངས་ཀར་དང་། གྲོ་དང་། ཞོ་དང་། འོ་མའི་གཏོར་མ། ཡོན་ནི་གོས་ཟུང་སེར་པོའོ། །ཨོཾ་ཨ་
སུ་རོཏྟ་མཱ་ཡ་སྭཱ་ཧཱ། མེ་ཏོག་གིས་མཆོད། ཨོཾ་ལེགས་ལྡན་པ་སངས་ལ་ཕྱག་འཚལ་ལོ། །བྷྲྀ་གུའི་བུ། ལྷ་མ་ཡིན་གྱི་བླ་མ་དང་མཁན་པོ། རིགས་ཀྱི་ལྷ་རྣམ་པར་སྣང་མཛད། གོས་དཀར་པོ་དང་། མེ་ཏོག་དང་། བདུག་པ་དང་། སྒྲོན་མ་དང་། དྲི་དང་། མཆོད་ཕྱིར་ཐོགས་ལ་
དགའ་བ། རྟ་ལ་ཞོན་པ། ལྷ་དང་སྦྱིན་མའི་བུ་དང་། གྲུལ་བུམ་དང་མཁའ་འགྲོ་མ་སྟེ། བཞོན་པ་དང་བཅས་པ། གཤེགས་ཤིང་གཤེགས་པའི་ལེགས་ལྡན། སྦྱིན་པའི་བདག་པོ་ལ་ཕན་པའི་དོན་གྱི་སླད་དུ། གཟའི་དཀྱིལ་འཁོར་གྱི་དབུས་འདིར་རྗེས་སུ་ཞུགས་ཤིང་རྗེས་སུ་
ཞུགས་ནས་མ་ཉམས་པ་དང་། དྲི་དང་། མེ་ཏོག་དང་། བདུག་པ་དང་། སྒྲོན་མེའི་མཆོད་པ་དང་། གཏོར་མ་འདི་ཡང་སོ་སོར་གཟུང་བར་མཛོད་ཅིག །སོ་སོར་གཟུང་བར་མཛོད་ཅིག །གང་གིས་ཕྱག་འཚལ་ཞིང་སྟོད་པར་བྱེད་པ་དེ་དགའ་བར་མཛོད་ཅིག །ཞི་བ་དང་རྒྱས་པར་མཛོད་
ཅ