Luận tạng Tây Tạng (Tengyur) — Tập 74

མོ་ནི། །དཀྱིལ་འཁོར་ཀུན་ནས་རབ་ཏུ་གསལ། །ཤར་ལ་སོགས་པའི་ཕྱོགས་རྣམས་དང་། །མེ་ཡི་མཚམས་སུ་གནས་པར་བྱ། །ཐམས་ཅད་པ་ནི་རྫོགས་པ་རུ། །བློ་དང་ལྡན་པས་བསྒོམ་པར་བྱ། །
གཙོ་མོའི་ཐུགས་ཀར་ས་བོན་ལས། །དེ་ལྟ་བུ་ཉིད་བསྐྱེད་པ་ཡི། །ས་བོན་འོད་ཀྱིས་འགྲོ་བ་སྦྱང་། །དེ་བཞིན་གཤེགས་པ་མཆོད་པ་དང་། །མཛད་པ་མ་ལུས་མཐར་ཕྱིན་བྱ། །ཡེ་ཤེས་སེམས་དཔའ་སྤྱན་དྲངས་ལ། །མཉེས་དང་ཐ་དད་མེད་པར་བྱ། །ཡི་གེ་གསུམ་གྱིས་བྱིན་བརླབས་ཏེ། །
མ་འདྲེས་རབ་གསལ་བསྒོམ་པར་བྱ། །གཙོ་མོ་ཆང་གིས་མཆོད་པ་དང་། །ཕྱག་སོགས་རྫོགས་ནས་བྱ་བ་ནི། །འདོད་པ་ཀུན་ལ་སྦྱར་བར་བྱ། །གལ་ཏེ་སློབ་མར་དབང་བསྐུར་ན། །སྔོན་བཞིན་དུ་ནི་བསྒོམ་པར་བྱ། །བུམ་པ་སྦྱང་བྱས་ཟླ་ལ་ཨོཾ། །སྤྲོ་བསྡུ་ལྷ་མོ་བསྐྱེད་པ་དང་། །དགུག་པ་
བྱས་ནས་མཆོད་སོགས་བྱ། །དེ་ནས་ལེགས་ལྡན་མཆོད་པ་དང་། །བསྒོ་དང་ལས་བཅོལ་དེ་ནས་ནི། །སྔོན་དུ་ལུང་དེ་བཀླག་པར་བྱ། །བདུན་ནམ་འབུམ་མམ་གྲངས་མེད་པའོ། །ལེགས་ལྡན་གཟུངས་ཀྱིས་བསྟོད་པ་དང་། །མཆོད་པས་བསྒོ་བ་ཐམས་ཅད་བྱེད། །ལྷ་མོ་འོད་ཞུ་བདུད་

རྩི་ཡིས། །ཁྲུས་དང་བཀྲ་ཤིས་བརྗོད་པར་བྱའོ། །དབུས་བཞག་ཕྱོགས་རྣམས་བཅིང་བ་དང་། །སྐུད་པ་ལྔ་ཡི་དྲ་བ་ཡིས། །ཚོན་གྱིས་བཅད་དེ་དཀྲི་བ་དང་། །རུས་པའམ་བོང་བ་རྡོ་བ་ལ། །དཀྲིས་ནས་གཏོར་ཏེ་བྱུར་བསལ་བྱ། །དེ་ནས་གཏོར་མ་བྱས་ནས་ནི། །བསྲུང་
བ་ལུས་སམ་མགུལ་དུ་གདགས། །བཅིངས་པ་ལུས་ལ་དཀྲི་བ་དང་། །ཕུར་བུ་བཏོན་ནས་གདབ་པར་བྱ། །གྲོ་གའམ་རས་སམ་ཤིང་ཤུན་ལ། །གུར་ཀུམ་དྲི་ཞིམ་འུམ་བུ་ཡིས། །སྐར་མ་རྒྱལ་ལ་བབ་པ་ན། །སྔགས་པས་བྲི་བ་རྫོགས་ནས་ནི། །བཏགས་པ་ཙམ་གྱིས་བཤད་པ་ཡི། །
གནོད་པ་མ་ལུས་པ་ལས་ཐར། །དད་ལྡན་འདི་རུ་དབང་བསྐུར་བ། །བུ་འདོད་ཡི་དམ་བཅས་ཙམ་གྱིས། །རྙེད་དེ་ཚེ་དང་བསོད་ནམས་འཕེལ། །བདེ་བ་ཅན་དུ་ཉེ་བར་འགྲོ། །རྒྱལ་ལ་བྲི་བ་རྫོགས་ནས་ནི། །རྒྱལ་མཚན་རྩེ་ལ་བཏགས་ནས་ནི། །རིམ་གྲོ་ཆེན་པོ་བཙུགས་བྱས་ནས། །
མི་ནད་ལ་སོགས་ཟློག་པར་བྱེད། །དེ་ནི་ཆར་འབབ་ནད་མེད་པ། །ཀླུ་རྣམས་ཀྱིས་ནི་བྱིན་གྱིས་རློབ། །འདི་དག་བྱ་བ་ཀུན་ལ་ནི། །མཆོད་དང་གཏོར་མས་ལེགས་ལྡན་མཆོད། །མཁས་པ་རྣམས་ཀྱིས་བཟོད་པ་དང་། །དགེ་བས་སྐུ་གཉིས་རྫོགས་པར་ཤོག །བཅོམ་ལྡན་འདས་གཙུག་
ཏོར་ནས་བྱུང་བའི་གདུགས་དཀར་མོ་ཅན་གྱི་ཆོ་གའི་རིམ་པ། སློབ་དཔོན་གྷི་རི་ཝ་ཏས་མཛད་པ་རྫོགས་སོ།། ༄༅༅། །རྒྱ་གར་སྐད་དུ། ཨཱརྱ་སརྦ་ཏ་ཐཱ་ག་ཏོཥྞཱིཥ་སི་ཏཱ་ཏ་པ་ཏྲེ་ནཱ་མ་ཨ་པ་རཱ་ཛི་ཏ་སཱ་དྷ་ན་དྷཱ་ར་ནཱཾ། བོད་སྐད་དུ། འཕགས་པ་དེ་བཞིན་གཤེགས་པ་ཐམས་
ཅད་ཀྱི་གཙུག་ཏོར་ནས་བྱུང་བའི་གདུགས་དཀར་མོའི་གཟུངས་ཀྱི་སྒྲུབ་ཐབས། དཀོན་མཆོག་གསུམ་ལ་ཕྱག་འཚལ་ལོ། །དགེ་སློང་དགེ་ཚུལ་དགེ་བསྙེན་དང་། །རྣལ་འབྱོར་བདེ་བཞིའི་ཚུལ་ལྡན་པས། །ས་གཞི་བཀྲ་ཤིས་ཡིད་འོང་བར། །མཎྜལ་བ་ཡི་རྣམ་ལྔས་བྱུགས། །ས་ཡི་
ཆོ་ག་ལེགས་བྱས་ལ། །ཐིག་ནི་རབ་ཏུ་གདབ་པར་བྱ། །འཁོར་ལོ་རྩིབས་བཞི་རྩིབས་བཅུ་པ། །རྡོ་རྗེ་ཕྲེང་བ་གྲུ་ཆད་དང་། །སྣམ་བུ་དང་ནི་གྲུ་བཞིར་བྱ། །པདྨ་སྣ་ཚོགས་ཕྲེང་བ་དང་། །རྡོ་རྗེའི་ཕྲེང་བས་བསྐོར་བར་བྱ། །ཙནྡན་ཤུག་པ་ལ་སོགས་པ། །ཞི་དང་རྒྱས་པའི་ཤིང་རྣམས་

ལ། །གཙུག་ཏོར་རྒྱལ་མཚན་ལྡན་པ་བྱ། །དེ་ལ་སྔགས་རྣམས་ལེགས་པར་བྲི། །ཏདྱ་ཐཱ། ཨོཾ་སརྦ་ཏ་ཐཱ་ག་ཏ། ཨོཾ་ཥྚོཾ་བནྡྷ་བནྡྷ་བདག་ལ་རཀྵ་རཀྵ་སྭཱ་ཧཱ། ཨོཾ་ཧཱུཾ་ཥྚོཾ་བནྡྷ་བནྡྷ་བདག་ལ་རཀྵ་རཀྵ་སྭཱ་ཧཱ། ཨོཾ་བཛྲ་པཱ་ཎི་ཧཱུཾ་ཕཊ་སྭཱ་ཧཱ། ཨོཾ་རཏྣ་ཏ་ཐཱ་ག་ཏོཥྞཱི་ཥ་ཨ་ན་ཨ་བ་ལོ་ཀི་ཏེ་
མཱུརྟ་ནི་ཏེ་ཛོ་ར་ཥི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་པདྨ་ཛྭ་ལ་ཛྭ་ལ། དྷ་ཀ་དྷ་ཀ །དྷ་ར་དྷ་ར། བི་ད་ར་བི་ད་ར། ཚིནྡ་ཚིནྡ། བྷིནྡ་བྷིནྡ། ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་ཀརྨ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུཾ་ཕཊ་སྭཱ་ཧཱ། རིགས་ལྔའི་གཙུག་ཏོར་རོ། །ཏདྱཱ་ཐཱ། ཨ་ན་ལེ་ཨ་ན་ལེ། ཁ་ས་མེ་ཁ་ས་མེ། བཻ་ར་
བཻ་ར། སཽ་མེ་སཽ་མེ། སརྦ་བུདྡྷ། ཨ་དྷིཥྛཱ་ན་ཨ་དྷིཥྛི་ཏེ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུཾ་ཕཊ་སྭཱ་ཧཱ། ཧཱུཾ་མ་མ་ཧཱུཾ་ནི་སྭཱ་ཧཱ། གཙུག་ཏོར་དཀར་མོའི་འོ། །ཨོཾ་ར་ཤི་ག་ཎ་པྲ་ཤསྟེ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུཾ་དྲཱུཾ། ཛམྦྷ་ནི་ཀ་རཱི་ཧཱུཾ་དྲཱུཾ། མ་ཧཱ་བིདྱཱ། སཾ་བྷཀྵ་ཎ་ཀ་རཱི་ཧཱུཾ་དྲཱུཾ། པ་ར་བིདྱཱ་སཾ་
བྷཀྵ་ཎ་ཀ་རཱི་ཧཱུཾ་དྲཱུཾ། སརྦ་དུཥྚ་ནཱན། སྟམྦྷ་ནི་ཀ་རཱི་ཧཱུཾ་དྲཱུཾ། སརྦ་ཡཀྵ་རཱཀྵ་ས་གྲ་ཧཱ་ནཱན། བི་དྷཱ་ན་ས་ན་ཀ་རཱི་ཧཱུཾ་དྲཱུཾ། ཙ་ཏུར་ཤཱི་ཏཱི་ནཱན། གྲ་ཧ་ས་ཧ་སྭཱ་ཎཱ་མ་བི་དྷཱ་ན་ས་ན་ཀ་རཱི་ཧཱུཾ་དྲཱུཾ། ཨཥྚ་བིཾ་ཤ་ཏཱི་ནཱན། ནཀྵ་ཏྲཱ་ཎཱཾ། པྲ་སཱ་དྷ་ན་ཀ་རཱི་ཧཱུཾ་དྲཱུཾ། ཨཥྣཱ་ནཱཾ་མ་ཧཱ་གྲ་ཧཱ་ཎཱཾ། བི་དྷཱ་ན་ས་ན་ཀ་རཱི་ཧཱུཾ་དྲཱུཾ། པདྨ་
འདབ་བརྒྱད་གདན་སྟེངས་སུ། །རིམ་བཞིན་གཙུག་ཏོར་བཞུགས་སུ་གསོལ། །གྲུ་ཆད་མཆོད་པའི་ལྷ་མོ་བཞི། །སྒོ་བཞི་སྒོ་བ་ཕུར་བུ་བཞི། །རིག་སྔགས་ཕྲེང་བས་བསྐོར་ཏེ་གཟུགས། །སྒོ་བཞིར་རལ་གྲི་མེ་ལོང་དང་། །བུམ་པ་མདའ་དང་རིམ་བཞིན་བརྒྱན། །ཁ་དོག་ལྔ་
ཡི་རྒྱན་རྣམས་དང་། །ཡུངས་ཀར་ལ་སོགས་འབྲུ་ལྔ་བཀོད། །དེ་ནས། རིག་སྔགས་གཅོད་ཅིང་མཚམས་བཅད་དེ། །ཡན་ལག་བདུན་པའི་སྨོན་ལམ་གདབ། །ཕྱོགས་བཅུའི་བདེ་གཤེགས་ཐམས་ཅད་ལ། །བདག་ལ་དབང་བསྐུར་སྨོན་ལམ་གདབ། །གནང་བ་ཐོབ་ནས་སྔགས་
འདི་བརྗོད། །ཨོཾ་མ་ཧཱ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། དེ་ཡིས་ཐམས་ཅད་སྟོང་པའི་ངང་། །ཨ་ཡི་འོད་ཟེར་འཕྲོ་དུ་ཧཱུཾ། །དེ་ལས་ཡི་གེ་འབྲུ་གསུམ་འཕྲོས། །ཕྱི་ནང་སྣོད་བཅུད་ཐམས་ཅད་ཀུན། །རཾ་གྱིས་བསྲེགས་ཏེ་ཡཾ་གིས་གཏོར། །ཁཾ་གིས་བཀྲུས་ལ་དག་པར་བྱས། །

དེ་ནས་འབྲུ་ལྔ་འདི་འཕྲོས་ཏེ། །ཡཾ་ལས་རླུང་གི་དཀྱིལ་འཁོར་ཆགས། །ཁཾ་ལས་བདུད་རྩིའི་རྒྱ་མཚོའི་དབུས། །ལཾ་ལས་གསེར་གྱི་ས་གཞི་ཆགས། །རཾ་ལས་མེ་ཡི་དཀྱིལ་འཁོར་འཕྲོས། །འབྱུང་བ་ལྔ་ཡི་འཕྲོ་འདུ་ལས། །རིན་ཆེན་སྣ་ཚོགས་རི་རབ་སྟེ། །
བྷྲཱུཾ་ལས་སྣ་ཚོགས་གཞལ་ཡས་ཁང་། །གྲུ་བཞི་སྒོ་བཞི་སྒོ་ཁྱུད་ལྡན། །སྣ་ཚོགས་རྡོ་རྗེ་པདྨས་བསྐོར། །དབུས་སུ་བྷྲཱུཾ་ལས་འཁོར་ལོ་ནི། །རྩིབས་བཞི་རྩིབས་བཅུ་ཉི་ཟླའི་བར། །པཾ་ལས་པདྨ་འདབ་བརྒྱད་དེ། །གེ་སར་དབུས་སུ་བསམ་པ་ནི། །རིགས་ཀྱི་གཙུག་ཏོར་ལྔ་
རྣམས་དང་། ཕྱོགས་བཅུའི་གཙུག་ཏོར་བཅུ་རྣམས་དང་། །སྒོ་བཞིར་གཙུག་ཏོར་ཆེན་པོ་བཞི། །ཐམས་ཅད་ཡི་གེ་བྷྲཱུཾ་ལས་བསྐྱེད། །སེམས་ཅན་སངས་རྒྱས་ཐམས་ཅད་ཀྱི། །ཡིད་ཀྱི་རང་བཞིན་ནམ་མཁའ་སྟེ། །གཉིས་སུ་མེད་པའི་བྱང་ཆུབ་སེམས། །ཕྱི་ནང་སྣོད་བཅུད་འཇིག་
རྟེན་ཁམས། །འབྱུང་ལྔ་ཡེ་ཤེས་ལྔ་རང་བཞིན། །ཐམས་ཅད་སྟོང་གསལ་རང་བཞིན་མེད། །དེ་ལས་འོད་འཕྲོས་ཟླ་བའི་གདན། །དེ་ཡི་དཀྱིལ་དུ་ཡི་གེ་ཨ། །དེ་དག་འཕྲོས་ཤིང་འདུས་པ་ལས། །ཐམས་ཅད་པར་བུ་གསེག་ཤང་གིས། །ཕྱོགས་བཅུའི་འཇིག་རྟེན་ཁམས་
བཀང་སྟེ། །སླར་འདུས་བཅོམ་ལྡན་ཤཱཀྱ་ཐུབ། །སྐུ་མདོག་གསེར་འོད་འབར་བ་ལ། །མཚན་ནི་སུམ་ཅུ་རྩ་གཉིས་ལྡན། །དཔེ་བྱད་བཟང་པོ་བརྒྱད་ཅུས་བརྒྱན། །གསུང་དབྱངས་ཡན་ལག་དྲུག་ཅུ་སྟེ། །ཐུགས་ནི་ཡེ་ཤེས་ལྔ་དང་ལྡན། །དེ་འདྲ་བདེ་བར་གཤེགས་པའི་སྐུས། །
ནམ་མཁའ་བར་སྣང་ས་གཞི་རྣམས། །ཏིལ་གང་བཞིན་དུ་གང་བར་བསྒོམ། །དེ་དག་དབུ་ཡི་གཙུག་ཏོར་ལས། །བྷྲཱུཾ་ལས་གཙུག་ཏོར་གདུགས་དཀར་མོ། །ཞལ་གཅིག་ཕྱག་བཞི་ཞི་བའི་ཚུལ། །རིན་ཆེན་སྣ་ཚོགས་རྒྱན་གྱིས་བརྒྱན། །དང་པོ་ཕྲེང་བ་རྒྱལ་མཚན་བསྣམས། །འོག་
མ་སྐྱབས་སྦྱིན་མཉམ་གཞག་ཅན། །ཐུགས་ཀར་བདེ་གཤེགས་གཙུག་ཏོར་ནི། །སྐུ་མདོག་སེར་པོ་དབུ་རྒྱན་འཁོར་ལོ་བསྣམས། །ཤར་ཕྱོགས་རྡོ་རྗེ་གཙུག་ཏོར་ནི། །སྐུ་མདོག་དཀར་པོ་རྡོ་རྗེ་དྲིལ་བུ་བསྣམས། །ལྷོ་ཕྱོགས་རིན་ཆེན་གཙུག་ཏོར་ནི། །སྐུ་མདོག་སྔོ་སྐྱ་རིན་

ཆེན་ནོར་བུ་བསྣམས། །ནུབ་ཕྱོགས་ཆོས་ཀྱི་གཙུག་ཏོར་ནི། །སྐུ་མདོག་དམར་སྐྱ་པདྨ་བུམ་པ་བསྣམས། །བྱང་ཕྱོགས་ལས་ཀྱི་གཙུག་ཏོར་ནི། །སྐུ་མདོག་ལྗང་སེར་རྒྱ་གྲམ་ལྕགས་ཀྱུ་བསྣམས། །དེ་ལྔ་ཐུགས་ཀྱི་དཀྱིལ་འཁོར་ནས། །བྷྲཱུཾ་ལས་གཙུག་ཏོར་ཆེན་པོ་བཅུ། །
དཀར་སྔོ་དམར་ལྗང་མཐིང་ག་དང་། །སྔོ་སྐྱ་དམར་ནག་ཁ་དོག་བཅུ། །རིན་ཆེན་སྣ་ཚོགས་རྒྱན་གྱིས་བརྒྱན། །ཀུན་ཀྱང་ཞལ་གཅིག་ཕྱག་གཉིས་པ། །གཡས་པ་གཙུག་ཏོར་གཡོན་བུམ་པ། །རེ་རེར་འཁོར་ཡང་བཅུ་བཅུས་བསྐོར། །འཁོར་ལོ་པདྨའི་ལྟེ་དབུས་ནས། །བརྗིད་
པའི་ཚུལ་དུ་མཉམ་གནས་ཏེ། །ཕྱོགས་བཅུ་རྒྱལ་བའི་ཚོགས་རྣམས་ཀྱིས། །དབང་བསྐུར་ཡི་གེ་ཐིག་ལེ་བཀོད། །ཨོཾ་ཨཱཿཧཱུཾ་སྭཱ་ཧཱ། སྤྱི་བོ་ལྕེ་དང་སྙིང་ག་དང་། །ལྟེ་བ་གསང་བའི་གནས་རྣམས་སོ། །སྐུ་གསུང་ཐུགས་དང་ཡོན་ཏན་ཕྲིན་ལས་ལྔས། །བྱིན་གྱིས་བརླབས་
པའི་ཆོ་འཕྲུལ་ལོ། །ཨོཾ་ཧཱུཾ་ཏྲཱཾ་ཧྲཱིཿཧ། སྤྱི་བོ་རྣ་བ་གཡས་གཡོན་དང་། །ལྟག་པ་དཔྲལ་བ་དག་ཏུ་དགོད། །འཁོར་ལོ་རྡོ་རྗེ་རིན་ཆེན་དང་། །པདྨ་རྒྱ་གྲམ་ཕྱག་མཚན་སོགས། །རིགས་ཀྱི་བདག་པོས་དབང་བསྐུར་བའི་ཆོ་འཕྲུལ་ལོ། །རྫོགས་པའི་སྐུ་མཆོག་ཐུགས་ཀ་ནས། །
གསང་བའི་ཡི་གེ་འཕྲུ་བཞི་འཕྲོས། །ཛཿཧཱུཾ་བཾ་ཧོཿ། ལྕགས་ཀྱུ་ཞགས་པ་ལྕགས་སྒྲོག་དྲིལ། །ཚད་མེད་སྒོ་བ་ཆེན་མོ་བཞི། །བྱམས་པ་སྙིང་རྗེ་དགའ་བ་བཏང་སྙོམས་སོ། །དྷཱུ་པེ་པུཥྤེ་ཨཱ་ལོ་ཀེ །གནྡྷེ་མཆོད་པའི་ལྷ་མོ་བཞིས། །བདེ་གཤེགས་ཀུན་ལ་མཆོད་པར་
དམིགས། །བྱམས་པའི་ལྷ་མོས་བདུག་པ་དབུལ། །སྙིང་རྗེའི་ལྷ་མོས་མེ་ཏོག་དབུལ། །དགའ་བའི་ལྷ་མོས་མར་མེ་དབུལ། །བཏང་སྙོམས་ལྷ་མོས་བྱུག་པ་དབུལ། །སོ་སོའི་སྐུ་མཆོག་ཚིམ་ནས་ཀྱང་། །བསྐུལ་དོན་བྱས་ནས་འོད་ཟེར་འདུས། །ལྷ་མོ་དེ་དག་ཐམས་
ཅད་ཀྱིས། །མིག་དང་རྣ་བ་སྣ་ལྕེ་ལུས། །འདོད་པའི་ལྷ་མོ་ལྔ་འཕྲོས་ཏེ། །གཟུགས་སྒྲ་དྲི་དང་རོ་རེག་བྱ། །གཟུགས་ཀྱི་ལྷ་མོས་སྤྱན་ལ་མཆོད། །སྒྲ་ཡི་ལྷ་མོས་སྙན་ལ་མཆོད། །དྲི་ཡི་ལྷ་མོས་ཤངས་ལ་མཆོད། །རོ་ཡི་ལྷ་མོས་ལྗགས་ལ་མཆོད། །རེག་བྱའི་

ལྷ་མོས་སྐུ་ལ་མཆོད། །ཐམས་ཅད་འཕྲོས་ཏེ་བདག་ལ་ཐིམ། །གཉིས་སུ་མེད་པའི་མཆོད་པའི་ཆོ་འཕྲུལ་ལོ། །དེ་ནས་ཏིང་ངེ་འཛིན་གྱི་དཀྱིལ་འཁོར་དུ་སྤྱན་དྲང་བ་ནི། ཕྱོགས་བཅུ་རབ་འབྱམས་འཇིག་རྟེན་ན། །རྒྱལ་བ་གང་བཞུགས་འཁོར་དང་
བཅས། །གཙུག་ཏོར་ཆེན་པོ་འཁོར་བཅས་རྣམས། །དཀྱིལ་འཁོར་གནས་འདིར་གཤེགས་སུ་གསོལ། །ཨེ་ཧྱེ་ཧི་བྷ་ག་བཱན། མ་ཧཱ་ཀཱ་རུ་ཎི་ཀ་དྲྀ་ཤྱ་ཧོ། ས་མ་ཡ་ཧོ། ས་མ་ཡ་སྟྭཾ། པྲཛྙཱ་པཱ་ར་མི་ཏཱ་སརྦ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ཧཱུཾ། རྒྱལ་བ་འཁོར་བཅས་ཚུར་གཤེགས་
གདན་ལ་བཞུགས། །རིན་ཆེན་སྟེགས་དང་སེང་གེའི་ཁྲི། །ཉི་ཟླ་པདྨ་བརྩེགས་པའི་གདན། །མ་ཉམས་ཚུལ་ཁྲིམས་བརྟན་པའི་གནས་འདིར་བཞུགས། །པདྨ་ས་མ་ཡ་སྟྭཾ། སྲིད་གསུམ་སྟོན་པ་མི་དང་ལྷ་ཡི་ལྷ། །བཅོམ་ལྡན་མགོན་པོ་ཤཱཀྱ་སེང་གེ་ཡི། །མཐོན་མཐིང་
གཡས་སུ་འཁྱིལ་པའི་སྤྱི་གཙུག་ན། །ཡ་མཚན་རྨད་བྱུང་གཙུག་ཏོར་གདུགས་དཀར་སྐུ། །སྲིད་གསུམ་འདྲེན་པ་ཁྱོད་ལ་ཕྱག་འཚལ་ལོ། །དེ་ནས་རྣམ་ལྔ་རིམ་བཞིན་དབུལ། །བཅོམ་ལྡན་ཤཱཀྱ་ཐུབ་པ་ཡི། །དབུ་རྒྱན་རིན་ཆེན་གཙུག་ཏོར་ལས། །ཐུགས་རྗེས་སྤྲུལ་
པའི་གཙུག་ཏོར་གདུགས་དཀར་སྐུ། །ཞལ་གཅིག་མཆེ་གཙིགས་ཡེ་ཤེས་གདོང་མིག་ཅན། །ཕྱག་བཞི་རིགས་བཞི་ཉོན་མོངས་བདུད་བཞི་འཇོམས། །རང་བཞིན་རྒྱས་པའི་སྐུ་ལ་ཕྱག་འཚལ་ལོ། །ཡེ་ཤེས་དབུ་སྟོང་ཁ་དོག་ཅིར་ཡང་གསལ། །ཕྱག་ནི་འབུམ་ཕྲག་སྤྲུལ་
པའི་ཕྱག་མཚན་རྣམས། །ཐུགས་རྗེ་གོ་ཆ་ཅིས་ཀྱང་མི་ཐུབ་གསལ། །འབར་བའི་མཚན་རྟགས་ཐུགས་རྗེ་ཉི་མ་ལྟར། །ཐུགས་རྗེ་འབར་བའི་འོད་ཟེར་ཀུན་ལ་ཁྱབ། །རིག་སྔགས་དྲག་པོ་ཕྲ་མེན་ཚོགས་འཇོམས་ཤིང་། །ལོག་འདྲེན་བགེགས་ཀྱི་ཚོགས་རྣམས་
འདུལ་མཛད་པ། །ལོག་པའི་སྐྱོན་རྣམས་སེལ་ལ་ཕྱག་འཚལ་ལོ། །ཤཱཀྱ་ཐུབ་པ་ལྕགས་ཀྱི་དཀྱིལ་འཁོར་ཏེ། །ཉི་ཟླ་པདྨའི་ལྟེ་དབུས་སུ། །བྷྲཱུཾ་ལས་འཁོར་ལོ་རྩིབས་བརྒྱད་པ། །གསང་སྔགས་འདིས་ནི་ལེགས་པར་བསྐོར། །བསྙེན་པ་འབུམ་ཕྲག་དྲུག་བྱའོ། །

ཏདྱ་ཐཱ། ཨོཾ་ཨ་ན་ལེ་ཨ་ན་ལེ། བི་ཥ་དེ་བི་ཥ་དེ། བཱི་རེ་བཱི་རེ། བཛྲ་དྷ་ར་ནི་བནྡྷ་བནྡྷ། བཛྲ་པཱ་ཎི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཧཱུཾ་དྲཱུཾ་བནྡྷ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞི་རྒྱས་དབང་དྲག་མངོན་སྤྱོད་རྣམས། །གསང་སྔགས་འདིས་ནི་འགྲུབ་པར་གསུངས། །སྔགས་རེ་ཡུངས་ཀར་རེ་རེར་སྤྲུལ། །
བཅད་དམ་བསྐྲད་ནས་ཕུར་བུས་རྡེག །རིན་ཆེན་ལྔ་སོགས་བུམ་པ་ལ། །ཁྲོ་བོའི་ལྷ་རྣམས་བསྒོམ་བྱས་ཏེ། །ཁྲུས་ཀྱི་ཆོ་ག་ལེགས་པར་བྱ། །གཙང་བའི་གོས་ཀྱིས་རབ་བརྒྱན་ཏེ། །ཤར་ཕྱོགས་སྒོ་ནས་ཕྱག་འཚལ་བཤགས། །བདག་མིང་འདི་ཞེས་བྱ་བ་ཡིས། །སངས་
རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱེ་བ་ཕྲག་བདུན་ཉན་ཐོས་ཀྱི་དགེ་འདུན་དང་བཅས་པ་རྣམས་ལ་ཕྱག་འཚལ་ལོ། །བཅོམ་ལྡན་འདས་དེ་
བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྱན་རྒྱས་པ་ཨུཏྤ་ལ་བསུང་གི་ཏོག་གི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ལ་ཕྱག་
འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་དུ་བཟང་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་ཏོག་གི་རྒྱལ་པོ་ལ་
ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སཱ་ལའི་དབང་པོའི་
རྒྱལ་པོ་མེ་ཏོག་ཀུན་དུ་རྒྱས་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻ་ཌཱུརྱ་འོད་ཀྱི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་

ཡང་དག་པར་རྫོགས་པའི་སངས་རྒྱས་མི་འཁྲུགས་པ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་
བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བརྟན་པའི་སྡེ་མཚོན་ཆའི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པའི་གདུང་ལ་ཕྱག་འཚལ་ལོ། །རྡོ་རྗེའི་གདུང་ལ་ཕྱག་འཚལ་ལོ། །ནོར་བུའི་གདུང་ལ་ཕྱག་འཚལ་ལོ། །པདྨོའི་
གདུང་ལ་ཕྱག་འཚལ་ལོ། །གླང་པོའི་གདུང་ལ་ཕྱག་འཚལ་ལོ། །གཞོན་ནུའི་གདུང་ལ་ཕྱག་འཚལ་ལོ། །ཀླུའི་གདུང་ལ་ཕྱག་འཚལ་ལོ། །འཇིག་རྟེན་ན་དགྲ་བཅོམ་པ་རྣམས་ལ་ཕྱག་འཚལ་ལོ། །རྒྱུན་དུ་ཞུགས་པ་རྣམས་ལ་ཕྱག་འཚལ་ལོ། །ལན་ཅིག་ཕྱིར་
འོང་བ་རྣམས་ལ་ཕྱག་འཚལ་ལོ། །ཕྱིར་མི་འོང་བ་རྣམས་ལ་ཕྱག་འཚལ་ལོ། །འཇིག་རྟེན་ན་ཡང་དག་པར་སྤོང་བ་རྣམས་ལ་ཕྱག་འཚལ་ལོ། །ལྷའི་དྲང་སྲོང་དམོད་པ་འདོར་བ་དང་། ཕན་འདོགས་ནུས་པ་རྣམས་ལ་ཕྱག་འཚལ་ལོ། །རིག་སྔགས་འཛིན་གྲུབ་པ་རྣམས་
ལ་ཕྱག་འཚལ་ལོ། །ཚངས་པ་ལ་ཕྱག་འཚལ་ལོ། །དབང་པོ་ལ་ཕྱག་འཚལ་ལོ། །ལེགས་ལྡན་དྲག་པོ་དཀའ་ཐུབ་ཟློག་པའི་བདག་པོ་དང་ལྷན་ཅིག་པ་རྣམས་ལ་ཕྱག་འཚལ་ལོ། །ལེགས་ལྡན་སྲེད་མེད་ཀྱི་བུ་ཕྱག་རྒྱ་ཆེན་པོ་ལྔས་ཕྱག་བྱས་པ་ལ་ཕྱག་འཚལ་ལོ། །
ལེགས་ལྡན་ནག་པོ་གྲོང་ཁྱེར་སུམ་བརྩེགས་འཇིག་པར་བྱེད་པ་དུར་ཁྲོད་ན་གནས་པར་མོས་པ་མ་མོའི་ཚོགས་ཀྱིས་ཕྱག་བྱས་པ་རྣམས་ལ་ཕྱག་འཚལ་ལོ། །བུམ་པ་རྒྱན་ལྡན་ལྔ་རྣམས་ལ། །གཙོ་བོའི་སྔགས་རྣམས་ལེགས་བརྗོད་ཅིང་། །བརྒྱ་རྩ་བརྒྱད་དུ་བརྗོད་པར་བྱ། །
དབང་བསྐུར་བསྲུང་བའི་ཚིག་འདི་བརྗོད། །བཅོམ་ལྡན་འདས་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་མོ་ཅན་གཞན་གྱིས་མི་ཐུབ་མ་ཕྱིར་བཟློག་པ་ཆེན་མོས། དུས་ཐམས་ཅད་དུ་བདག་ལ་དབང་བསྐུར་ཞིང་བྱིན་གྱིས་བརླབ་ཏུ་གསོལ། ཨོཾ་དུས་

གསུམ་བདེ་གཤེགས་སྤྲུལ་པའི་སྐུ། །གཞན་གྱིས་མི་ཐུབ་དྲག་ཤུལ་ཆེ། །གཏུམ་པ་ཆེན་མོ་སྟོབས་ཆེན་མོ། །འབར་བ་ཆེན་མོ་གཟི་བརྗིད་ཆེ། །དཀར་མོ་ཆེན་མོ་སྟོབས་ཆེན་མོ། །འབར་བའི་ཕྲེང་བ་གོས་དཀར་མོ། །འཕགས་མ་སྒྲོལ་མ་ཁྲོ་གཉེར་ཅན། །རྒྱལ་བའི་
རྡོ་རྗེ་ཕྲེང་ཞེས་གྲགས། །པདྨས་མངོན་མཚོན་རྡོ་རྗེས་མཚན། །གཞན་གྱིས་མི་ཐུབ་ཕྲེང་བ་ཅན། །རྡོ་རྗེ་མཁར་བསྣམས་འཇོམས་པ་མོ། །དྲག་པོའི་ལྷ་རྣམས་ཐམས་ཅད་ཀྱིས། །བདག་ལ་སྲུང་བར་མཛད་དུ་གསོལ། །ཞི་བའི་ལྷ་རྣམས་ཀྱིས་མཆོད་མ། །གཟུགས་ཞི་
གཟི་བརྗིད་ཆེན་མོ་ཅན། །འཕགས་མ་སྒྲོལ་མ་སྟོབས་ཆེན་མོ། །རྡོ་རྗེ་ལུ་གུ་རྒྱུད་གཞན་དང་། །རྡོ་རྗེ་གཞོན་ནུའི་རིག་འཛིན་མ། །ལག་ན་རྡོ་རྗེ་རིགས་གསེར་ཕྲེང་། །ལེ་བརྒན་རྩི་དང་རིན་ཆེན་མ། །སྣང་མཛད་རྡོ་རྗེ་གཙུག་ཏོར་གྲགས། །རྣམ་པར་བསྒྱིངས་མའི་རྡོ་རྗེ་དང་། །
གསེར་འོད་ལྟ་བུའི་སྤྱན་མངའ་མ། །རྡོ་རྗེ་སྒྲོས་དང་དཀར་མོ་དང་། །པདྨའི་སྤྱན་དང་ཟླ་འོད་དང་། །ཕྱག་རྒྱའི་ཚོགས་དེ་དག་ཐམས་ཅད་ཀྱིས། བདག་ལ་སྲུང་བར་མཛད་དུ་གསོལ། དེ་ནས་ཕྱོགས་བཅུའི་གཙུག་ཏོར་རྣམས་ཀྱིས་དབང་བསྐུར། གསང་སྔགས་
བརྗོད། ཨོཾ་རྀ་ཤི་ག་ན་པྲ་ཤསྟ་ཡ་ཏ་ཐཱ་ག་ཏོཥྞི་ཥ་སི་ཏཱ་ཏ་པ་ཏྲེ་ཧཱུཾ་དྲཱུཾ། ཨ་བྷི་ཥིཉྩ་ཧཱུཾ། ཕྱི་མ་གོང་གིས་འགྲེ། བཅོམ་ལྡན་འདས་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་མོ་ཅན། རྡོ་རྗེ་གཙུག་ཏོར་ཕྱིར་བཟློག་པ་ཆེན་མོ། ཕྱག་སྟོང་མངའ་བ་
ཆེན་མོ། དབུ་སྟོང་མངའ་བ་ཆེན་མོ། སྤྱན་བྱེ་བ་བརྒྱ་སྟོང་མངའ་བ། མི་ཕྱེད་འབར་བའི་མཚན་རྟགས་ཅན། རྡོ་རྗེ་ཡངས་པ་ཆེན་མོ་ས་གསུམ་གྱི་དཀྱིལ་འཁོར་ལ་མངའ་མཛད་པ། ཀུན་ནས་བདག་ལ་བསྲུང་དུ་གསོལ། །འཇིགས་པ་ཆེན་པོ་ཉི་ཤུ་ལས་བསྲུང་དུ་
གསོལ། །གདོན་ཉི་ཤུ་རྩ་གཅིག་ལས་བདག་རྒྱལ་བར་མཛད་དུ་གསོལ། ཤ་ཟའི་གདོན་སུམ་ཅུ་རྩ་གཅིག་ལས་བདག་བསྲུང་དུ་གསོལ། གདོན་དེ་དག་ཐམས་ཅད་ཀྱི་རིག་སྔགས་བཅད་དོ། །ཕུར་བུས་གདབ་བོ། །ཀུན་དུ་རྒྱུས་བྱས་པའི་རིག་སྔགས་བཅད་དོ། །

ཕུར་བུས་གདབ་པོ། །མཁའ་འགྲོ་དང་མཁའ་འགྲོ་མས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ཕྱུག་བདག་ཆེན་པོས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །སྲེད་མེད་ཀྱི་བུས་བྱས་པའི་རིག་སྔགས་གཅད་དོ། །ཕུར་
བུས་གདབ་པོ། །ནམ་མཁའ་ལྡིང་དང་ལྷན་ཅིག་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །ནག་པོ་ཆེན་པོ་དང་མ་མོའི་ཚོགས་ཀྱིས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །མིའི་ཐོད་པ་ཅན་གྱིས་བྱས་པའི་རིག་སྔགས་གཅད་དོ། །ཕུར་བུས་
གདབ་བོ། །རྒྱལ་བར་བྱེད་པ་དང་སྦྲང་རྩིར་བྱེད་པ་དང་དོན་ཀུན་གྲུབ་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །སྲིང་མོ་བཞིས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །བྷྲྀང་གི་རི་ཏི་དང་དགའ་བྱེད་དབང་ཕྱུག་དང་། ཚོགས་ཀྱི་བདག་པོ་དང་།
ལྷན་ཅིག་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །དགེ་སྦྱོང་གཅེར་བུས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །དགྲ་བཅོམ་པས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །འདོད་ཆགས་དང་བྲལ་བས་བྱས་པའི་རིག་
སྔགས་གཅད་དོ། །ཕུར་བུས་གདབ་བོ། །གསང་བའི་བདག་པོ་ལག་ན་རྡོ་རྗེས་བྱས་པའི་རིག་སྔགས་གཅད་དོ། །ཕུར་བུས་གདབ་བོ། །བཅོམ་ལྡན་འདས་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་མོ་ཅན་ཁྱོད་ལ་ཕྱག་འཚལ་ལོ། །བདག་ལ་
བསྲུང་དུ་གསོལ། བསྲུང་དུ་གསོལ། ཨོཾ་ཨ་སི་ཏཱ་ན་ལཱརྐ་པྲ་བྷཱ་སྥུ་ཊ་བི་ཀ་སི་ཏཱ་ཏ་པ་ཏྲེ་ཛྭ་ལ་ཛྭ་ལ། ཁཱ་ད་ཁཱ་ད། དྷ་ར་དྷ་ར། བི་དྷ་ར་བི་དྷ་ར། ཚིནྡ་ཚིནྡ། བྷིནྡ་བྷིནྡ། ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཧེ་ཧེ་ཕཊ། ཧོ་ཧོ་ཕཊ། ཨ་མོ་གྷཱ་ཡ་ཕཊ། ཨ་པྲ་ཏི་ཧ་ཏཱ་ཡ་ཕཊ། པ་ར་པྲ་དཱ་ཕཊ།
ཨ་སུ་ར་བི་དྲཱ་བ་ཎ་ཀ་རཱ་ཡ་ཕཊ། སརྦ་དེ་བ་བྷྱཿཕཊ། སརྦ་ནཱ་གེ་བྷྱཿཕཊ། སརྦ་ཨ་སུ་རེ་བྷྱཿཕཊ། སརྦ་མ་རུ་ཏེ་བྷྱཿཕཊ། སརྦ་ག་རུ་ཌེ་བྷྱཿཕཊ། སརྦ་གནྡྷརྦྷེ་བྷྱཿཕཊ། སརྦ་ཀིན་ན་རེ་བྷྱཿཕཊ། སརྦ་མ་ཧོ་རཱ་གེ་བྷྱཿཕཊ། སརྦ་ཡཀྵེ་བྷྱཿཕཊ། སརྦ་རཱཀྵ་སེ་བྷྱཿཕཊ།

སརྦ་པྲ་ཏེ་བྷྱཿཕཊ། སརྦ་པི་ཤཱ་ཙེ་བྷྱཿཕཊ། སརྦ་བྷཱུ་ཏེ་བྷྱཿཕཊ། སརྦ་ཀུམྦྷཎྜེ་བྷྱཿཕཊ། སརྦ་པཱུ་ཏ་ཀ་ཏྲ་ནེ་བྷྱཿཕཊ། སརྦ་ཨུན་མཱ་དེ་བྷྱཿཕཊ། སརྦ་ཨ་པསྨ་རེ་བྷྱཿཕཊ། སརྦ་ཨོསྟ་རཱ་གེ་བྷྱཿཕཊ། སརྦ་དུར་ལཾ་ཀི་ཏེ་བྷྱཿཕཊ། སརྦ་དུར་བྷུཀྵི་ཏེ་བྷྱཿཕཊ། སརྦ་ཛྭ་རེ་བྷྱཿཕཊ།
སརྦ་ཀྲྀ་ཏེ་ཀརྨ་ཎི་ཀ་ཁོར་དེ་ཀི་ར་ཎ། བྷི་ཏ་ཙི་ཏ་པྲེ་ཤ་ཀ་ངྷུཙྪ་ངྷི་ཏེ་དུར་བྷུ་ག་ཏེ་བྷྱཿཕཊ། སརྦ་ཏིརྠི་ཀེ་བྷྱཿཕཊ། སརྦ་ཤྲ་མ་ཎེ་བྷྱཿཕཊ། སརྦ་བིདྱཱ་ངྷ་རེ་བྷྱཿཕཊ། ཛ་ཡ་ཀ་ར། མ་དྷུ་ཀ་ར། སརྦ་ཨརྠ་སཱ་ངྷ་ཀེ་བྷྱོ་བིདྱཱ་ཙཪྻེ་བྷྱཿཕཊ། ཙ་ཏུར་བྷྱོ་བྷ་གི་ནི་བྷྱཿཕཊ། སརྦ་ཀུ་མཱ་རི་བིད་ཏ་པ་ཎི་
ཡེ་བྷྱཿཕཊ། མ་ཧཱ་པྲ་ཏྱཾ་གི་རེ་བྷྱཿཕཊ། བཛྲ་ཤྲཱྀཾ་ཁ་ལ་པྲ་ཏྱཾ་གི་ར་རཱ་ཛ་ཡ་ཕཊ། མ་ཧཱ་ཀཱ་ལཱ་ཡ་མ་ཏྲྀ་ག་ཎ་ན་མསྐྲྀ་ཏེ་ཡེ་ཕཊ། བཻཥྞ་བཱི་ཡེ་ཕཊ། བྲཱཧྨ་ཎཱི་ཡེ་ཕཊ། ཨགྣ་ཡེ་ཕཊ། མ་ཧཱ་ཀཱ་ལཱི་ཡེ་ཕཊ། ཀཱ་ལ་དཎྜ་ཡེ་ཕཊ། ཨཻནྡྲཱི་ཡེ་ཕཊ། རཽ་དྲཱི་ཡེ་ཕཊ། ཀཽ་མ་རཱི་ཡེ་ཕཊ། བཱ་རཱ་ཧཱི་
ཡེ་ཕཊ། ཙཱ་མུཎྜཱི་ཡེ་ཕཊ། རཱ་ཏྲི་ཡེ་ཕཊ། ཀཱ་ལ་རཱ་ཏྲི་ཡེ་ཕཊ། ཡ་མ་དཎྜཱི་ཡེ་ཕཊ། ཀ་པཱ་ལཱི་ཡེ་ཕཊ། ཨ་ཏི་མུཀྟི་ཤྨཱ་ཤཱ་བཱ་སི་ནཱི་ཡེ་ཕཊ། དཀྱིལ་འཁོར་ལྷ་ཡི་སྣམ་བུ་ལ། །མཆོད་པ་སྣ་ལྔ་བརྒྱ་རྩ་བརྒྱད། །ཕྱོགས་བཞིར་ཉི་ཤུ་ལྔ་ལྔ་དགོད། །སྒོ་ཁྱུད་སྣམ་བུ་
ལྗང་གུའི་སྟེང་། །དྲག་པོའི་དུག་ཤིང་སྣ་ཚོགས་ལ། །ཕུར་པ་ཚད་ལྡན་བརྒྱ་རྩ་བརྒྱད། །ལྔ་བཅུ་རྩ་དྲུག་རིག་སྔགས་བྲི། །ཕྱོགས་རེར་ཉི་ཤུ་རྩ་ལྔ་དགོད། །བྱད་མའི་ཕྱོགས་སུ་གདོན་རྣམས་ཀྱི། །གཟུགས་མིང་གྲོ་ག་ལ་བྲིས་ཏེ། །ཕྱག་རྒྱ་བཞིས་ནི་བཀུག་བཅུག་ནས། །
ཕུར་བུས་གདབ་ཅིང་སྔགས་ཀྱིས་གདབ། །བསྐུལ་ཚིག་བཅས་པའི་བཟླས་པ་ནི། །བརྒྱ་རྩ་བརྒྱད་དུ་བརྗོད་པར་བྱ། །འཇིགས་པ་ཐམས་ཅད་བཟློག་འདོད་པས། །ཡུལ་ཕྱོགས་བཅས་པའི་མིང་རུས་བྲིས། །ཆོ་ག་བཞིན་དུ་ཕུར་བུས་གདབ། །བུད་མེད་གང་ཞིག་བུ་འདོད་
པས། །དག་ཅིང་གཙང་མར་ཁྲུས་བྱས་ནས། །ཞི་བའི་རྒྱན་དང་ལྡན་པར་བྱ། །གཙུག་ཏོར་སྙིང་པོ་འབུམ་ཕྲག་བརྗོད། །བྱིས་པའི་གདོན་རྣམས་ཕུར་བུས་གདབ། །ཡུལ་དང་གྲོང་ཁྱེར་སྲུང་འདོད་པས། །ཕྱོགས་བཅུའི་པདྨ་འདབ་བརྒྱད་སྟེང་། །ཕྱོགས་བཅུའི་གཙུག་

ཏོར་བཞེངས་སུ་གསོལ། །མཆོད་པའི་ཆོ་ག་བཅུ་བཅུ་བྱ། །གསང་སྔགས་བརྒྱ་རྩ་བརྒྱད་དུ་བརྗོད། །གྲོང་ཁྱེར་གཙོ་བོ་དབུས་སུ་ནི། །གཙུག་ཏོར་གཙོ་བོ་ལྔ་བཞེངས་ཏེ། །དཀྱིལ་འཁོར་ཆེན་པོ་རྒྱས་པར་བྱ། །གཟུངས་ཀྱང་འབུམ་ཚར་གདོན་པར་བྱ། །དེ་
ལྟར་ལན་བདུན་བྱས་གྱུར་ན། །འཁོར་ལོས་སྒྱུར་བའི་བསོད་ནམས་འགྲུབ། །ཐམས་ཅད་གཅོད་བཟློག་རིག་སྔགས་འདི། །སྟོན་པས་སྔོན་སངས་རྒྱས་ཚེ་གསུངས། །གཞན་ཡང་འདི་ཡི་ཡོན་ཏན་ནི། །བྱེ་མ་སྙེད་དུ་བརྗོད་མི་ལང་། །མ་འོངས་འགྲོ་བ་ཐམས་ཅད་ཀྱི། །བསོད་
ནམས་ཐམས་ཅད་བསྐྱེད་པ་དང་། །རྐྱེན་རྣམས་ཐམས་ཅད་བཟློག་པའི་ཕྱིར། །རྡོ་རྗེ་ལྟ་བུའི་སྒྲུབ་ཐབས་འདི། །ཤེས་རབ་ལྡན་པས་རྟོགས་པར་ཤོག །གཙུག་ཏོར་གདུགས་དཀར་མོའི་སྒྲུབ་ཐབས། སློབ་དཔོན་བི་མ་ལ་མི་ཏྲས་མཛད་པ་རྫོགས་སོ།། །།
༄༅༅། །རྒྱ་གར་སྐད་དུ། པྲ་ཏིཥྛཱ་བི་དྷི་ནཱ་མ། བོད་སྐད་དུ། རབ་ཏུ་གནས་པའི་ཆོ་ག་ཞེས་བྱ་བ། འཕགས་མ་གཙུག་ཏོར་ནས་བྱུང་བའི་གདུགས་དཀར་མོ་ཅན་ལ་ཕྱག་འཚལ་ལོ། །བླ་མ་རྗེ་བཙུན་སྤྲུལ་པ་ཡི། །རང་བཞིན་ལྷ་མོ་གུས་བཏུད་དེ། །རབ་གནས་ཆོ་ག་བསྡུས་
པ་ཡི། །མན་ངག་རིམ་པ་བྲི་བར་བྱ། །དེ་ལ་གང་ཟག་ཐམས་ཅད་ལ། །རབ་གནས་འཐད་པ་མ་ཡིན་ཏེ། །སྐྱེ་བ་མེད་པའི་ངོ་བོ་ལ། །གང་གིས་གང་ལ་ཇི་ལྟར་ནི། །རབ་ཏུ་གནས་པར་བྱ་བ་ཡོད། །ཀུན་རྫོབ་ལ་ཡང་གནས་པས་ནི། །དེ་ཡི་བྱིན་རླབས་མི་ཤེས་པས། །རབ་
གནས་ཆོ་ག་འཐད་པ་མིན། །ལས་དང་པོ་ཡི་རྣལ་འབྱོར་ལ། །རྒྱུད་སྦྱངས་དད་དང་ངེས་བསྐྱེད་ཕྱིར། །རབ་ཏུ་གནས་པ་བྱ་བར་གསུངས། །དེ་ལ་དང་པོར་སློབ་མ་ཡིས། །གཞི་དང་རྫས་རྣམས་ཚོགས་གྱུར་ནས། །མཚན་ཉིད་ལྡན་པའི་བླ་མ་ལ། །ལན་གསུམ་བར་དུ་གསོལ་
བ་གདབ། །གནང་བ་བྱིན་ལ་བླ་མ་ཡིས། །བསྙེན་པའི་ཆོ་ག་བརྩམ་པར་བྱ། །རབ་འབྲིང་རྟགས་དང་ལྡན་པས་ནི། །སྟ་གོན་ཆོ་ག་ལ་འབད་བྱ། །ས་ཆོག་ལ་སོགས་སྔོན་འགྲོ་སའི། །དཀྱིལ་འཁོར་ཁྲུས་ཀྱི་སྟེགས་བུ་དག །བསྟར་བ་བ་ཡི་རྣམ་ལྔས་བྱུག །བརྟན་

མའི་ཆོ་ག་ཡན་ལག་བྱ། །དེ་ནས་བུམ་པ་མཚན་ཉིད་ལྡན། །བཀྲུ་དང་བརྒྱན་པ་ལ་སོགས་བྱ། །རང་རང་མཚན་མ་བཀོད་ལ་གཞག །བསྐྱེད་དང་བཟླས་པ་རྫོགས་པར་བྱ། །རྣམ་རྒྱལ་བུམ་པར་ཆུ་བསྡུས་ལ། །གཟུངས་ཐག་རྡོ་རྗེས་བཟུང་ལ་གཞག །དེ་ནས་མཆོད་བསྟོད་
རྒྱས་པར་བྱའོ། །བུམ་པ་སྟ་གོན་བྱ་བའོ། །ཟླ་བ་དྲུག་དང་གཟའ་བཞི་དང་། །རྒྱུ་སྐར་བཅུ་བཞི་ལ་བབ་དང་། །ཚེས་གྲངས་བདུན་གྱི་གྲངས་ཉིད་ལ། །རྒྱས་པའི་རབ་གནས་ལ་སོགས་བྱ། །དེ་ནས་རབ་ཏུ་གནས་པའི་གཞི། །དགྲམ་དང་འཕན་གདུགས་རྒྱལ་མཚན་གྱིས། །
གནས་ཁང་བརྒྱན་དང་མཆོད་པ་བཤམ། །ལུགས་མ་ལ་སོགས་སྟེགས་བུ་སྟེ། །རས་རིས་ལ་སོགས་བྱང་དུ་བསྒྲིག །ཁྲུས་དང་མཆོད་པའི་རྫས་ཚོགས་བྱ། །རས་རིས་སྐུ་ལ་དཀྲིས་བྱས་ཏེ། །བྱུར་བསལ་ལ་སོགས་ཆོ་ག་ནི། །ཡུངས་ཀར་ཆུ་དང་འབྲུ་ཟན་དང་། །དཱུར་
བས་བྱབས་ཏེ་སྦྱང་བར་བྱ། །ཨོཾ་བཛྲ་བ་དྲ་ཞེས་པའི་སྔགས་ཀྱིས་སོ། །དེ་ནས་བ་ཡི་རྣམ་ལྔ་དང་། །བདུད་རྩི་ལྔ་ཡིས་སྣོད་བཀང་ལ། །དཱུར་བའི་པིར་གྱིས་བཀྲུ་བར་བྱ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ནི་སྭཱ་ཧཱ། དེ་ནས་ཏིལ་མར་དྲི་ཞིམ་པ། །སྤོས་ཀྱིས་བསྒོས་པས་གོང་ལྟར་
བྱུག །དེ་ཡི་སྔགས་ནི་འདི་ཡིན་ཏེ། །ཨོཾ་ཧཱུཾ་ཧྲཾ་ཧྲི་བཾ། དེ་ནས་དེ་ནི་བསལ་བའི་ཕྱིར། །ཨུ་དུམྺཱ་ར་ཤིརྴ་དང་། །ཨ་ཤཱངྠ་དང་ནྱ་གྲོ་དང་། །པརྐ་ཏི་ཡི་ཤུན་པ་ཡི། །ཕྱེ་མས་བསྐུས་ཏེ་བཀྲུ་བར་བྱ། །དེ་ནས་སྐྱུ་རུ་ར་སོགས་པ། །འདག་ཆལ་ཀུན་གྱིས་བྱུག་པར་བྱ། །དེ་ནས་
བུམ་པའི་ཆུ་གཙང་དང་། །དྲི་ཞིམ་བདུད་རྩི་ལྔ་ཡིས་བཀྲུ། །བླ་མ་སངས་རྒྱས་བྱང་ཆུབ་སེམས། །གྲུབ་པའི་རིག་འཛིན་ལ་སོགས་ཀུན། །བཀྲ་ཤིས་བརྗོད་དང་མཆོད་བསྟོད་བསམ། །ལྷ་མོས་ཆུ་ནི་བླུགས་བསམ་སྟེ། །ཇི་ལྟར་བལྟམས་པ་ཙམ་གྱིས་ནི། །དེ་བཞིན་གཤེགས་
པ་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་ཁྲུས་གསོལ་ལོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ས་མ་ཡ་ཤྲི་ཡེ་ཨཱཿསྭཱ་ཧཱ། དེ་ནས་ཆུ་ཡི་ཐིགས་པ་དག །རས་བལ་འཇམ་པས་ཕྱི་བར་བྱ། །རས་རིས་གླེགས་བམ་ལ་སོགས་པ། །དངོས་སུ་བཀྲུ་བ་

མེད་པ་ལ། །མེ་ལོང་སོགས་ལ་ཁྲུས་སོགས་བྱ། །དེ་ནི་ཁྲུས་ཀྱི་ཆོ་ག་ཡིན། །ཙནྡན་གཉིས་དང་གུར་གུམ་དང་། །ལང་གུ་ལྡན་ཏེ་དྲི་ལྔ་ཡིས། །རྟེན་ལ་ཐིག་ལེ་བྱས་དེ་ནས། །ཨོཾ་བཛྲ་གནྡྷ་ཨཱཿཧཱུཾ་སྭཱ་ཧཱ། དེ་ནས་མཆོད་པ་རྣམ་ལྔ་སོགས། །རང་རང་སྔགས་
ཀྱིས་དབུལ་བར་བྱ། །དེ་ནས་ཡེ་ཤེས་སེམས་དཔའ་ནི། །ནམ་མཁར་སྤྱན་དྲངས་མཆོད་བསྟོད་ལ། །ཁྱད་པར་རིགས་ཀྱི་ལྷ་བལྟས་ཏེ། །ཐུགས་ཀ་སྤྱི་བོ་མགྲིན་པ་དང་། །ཕྲག་པ་རྡོ་རྗེ་དང་བཅས་པས། །རེག་ལ་ལག་ཏུ་སྤོས་ཐོགས་ཏེ། །པུས་མོ་སར་བཙུགས་ལྕེ་ཧཱུཾ་ལས། །
རྡོ་རྗེ་དམར་པོར་བྱ་སྟེ་བརྗོད། །བཅོམ་ལྡན་གཙུག་ཏོར་གདུགས་དཀར་ཅན། །རིག་སྔགས་རྒྱལ་ལ་ཕྱག་འཚལ་བསྟོད། །ཐུགས་རྗེའི་བདག་ཉིད་ཅན་ཁྱོད་ཀྱིས། །སང་ནི་རབ་གནས་བགྱིད་པར་འཚལ། །སློབ་མ་ལ་ནི་བརྩེ་བ་དང་། །ཁྱོད་རྣམས་ལ་ནི་མཆོད་པའི་ཕྱིར། །གུས་
པས་བདག་དང་དེ་ལ་ནི། །བཅོམ་ལྡན་བཀའ་དྲིན་མཛད་པའི་རིགས། །འགྲོ་བ་འཁོར་ལོའི་བྱ་དོན་ཕྱིར། །སངས་རྒྱས་རྣམས་ནི་བདག་ལ་དགོངས། །དགྲ་བཅོམ་བྱང་ཆུབ་སེམས་རྣམས་དང་། །གང་ཡང་སྔགས་ཀྱི་ལྷ་གཞན་དང་། །ལྷ་དང་འཇིག་རྟེན་སྐྱོང་བ་དང་། །བསྟན་
པ་ལ་ནི་མངོན་དགའ་ཞིང་། །བྱང་ཆུབ་ལ་བརྟེན་འབྱུང་པོ་དང་། །རྡོ་རྗེ་སྤྱན་ལྡན་སེམས་ཅན་རྣམས། །རྡོ་རྗེ་འཆང་ཆེན་ཆེ་གེ་བདག །རིགས་པ་ཡི་ནི་རྒྱལ་པོ་ཡི། །ཇི་ལྟར་ནུས་པའི་མཆོད་པ་དང་། །འགྲོ་བ་ཞི་བས་རབ་གནས་བགྱིད། །སློབ་མ་མཆོད་དང་བདག་ལ་ནི། །ཁྱོད་
ཀྱིས་ཐུགས་བརྩེ་ཉེར་བཟུང་ནས། །རབ་གནས་འདི་ལ་ཐམས་ཅད་ཀྱིས། །ཐུགས་བརྩེར་ལྡན་པས་གནས་པར་མཛོད། །དེ་ནས་ཛཿཧཱུཾ་བཾ་ཧོཿཞེས། །ནམ་མཁའི་ལྷ་རྣམས་དམ་ཚིག་བསྟིམ། །བྱིན་རླབས་དབང་བསྐུར་རྒྱས་གདབ་བྱའོ། །དེ་ནས་མཆོད་པ་རྣམ་ལྔ་དང་། །
སྒྲ་ཡི་ཚོགས་པ་དཔག་མེད་དབུལ། །དེ་ནས་བུམ་ཆུས་སླར་ཡང་བཀྲུ། །དེ་ནས་ལྷ་ཡི་སྔགས་དག་ནི། །སྐྱོན་ལྔ་སྤངས་ལ་བཟླས་པར་བྱ། །དེ་ནས་དང་པོར་གསོལ་བཏབ་ལ། །རྣམ་པར་བྱོན་པར་འདོད་པ་ཡིས། །ཚིགས་བཅད་ཡང་ནི་ཡི་གེ་བྱ། །མཐའ་མ་མུཿ

ཡིས་མཚན་པས་གཤེགས། །རྫས་ཀྱིས་གཡོགས་ཏེ་གཞག་པར་བྱ། །སློབ་མ་ཡོད་ན་སྟ་གོན་བྱ། །འདི་ནི་ལྷ་ཡི་སྟ་གོན་ནོ། །དེ་ནས། ཐིག་ཚོན་ལ་སོགས་བྱ་བ་ནི། །རྒྱས་པའི་དཀྱིལ་འཁོར་ཆོ་ག་ལྟར། །མཆོད་པའི་དངོས་པོ་གསེར་ཐུར་དང་། །རྒྱན་དང་སྐུ་ཆིངས་
གླེགས་ཤིང་དང་། །ན་བཟའ་ལ་སོགས་རྒྱས་པར་བྱ། །དཀྱིལ་འཁོར་བསྐྱེད་ལ་བཟླས་སོགས་བྱ། །དབང་བླང་དམ་ཚིག་རྫོགས་པར་བྱ། །དེ་ནས་གཞི་མ་བཀྲུ་ལ་སོགས། །གོང་གི་ཆོ་ག་ལྟར་བྱའོ། །དེ་ནས་ས་བོན་ལྷ་བཀུག་ལ། །ནམ་མཁའ་གནས་ལ་མཆོད་
བསྟོད་བྱ། །སྤོས་དང་རྡོར་དྲིལ་ཐོགས་ནས་སུ། །པུས་བཙུགས་གོང་ལྟར་བྱིན་བརླབས་ཏེ། །སང་ནི་རབ་གནས་བགྱིད་ལགས་ན། །ཞེས་པ་བགྱིད་པར་འཚལ་དུ་བསྒྱུར། །དེ་ནས་ཡེ་ཤེས་སྤྱན་དྲངས་ལ། །ཛཿཧཱུཾ་བཾ་ཧོཿས་དགུག་གཞུག་བྱ། །དེ་ནས་མཆོད་བསྟོད་རོལ་མོའི་
སྒྲ། །དཔག་མེད་མཆོད་དང་གནས་གསུམ་བརླབ། །དབང་བསྐུར་བྱས་ཏེ་བུམ་ཆུས་བཀྲུ། །རྣམ་སྣང་རང་གི་རིགས་ཀྱི་ལྷ། །གང་ཡིན་པས་ནི་རྒྱས་གདབ་བོ། །དེ་ནས་དབང་གཞན་རིམ་པས་བསྐུར། །ཨོཾ་བཛྲ་ཨཱ་བྷ་ར་ན་བི་བྷུ་ཥ་ཎི་སྭཱ་ཧཱ། ཞེས་པས་རྒྱན་གྱིས་མཆོད་པ་འབུལ། །
དེ་ནས་རང་རང་རིགས་ཀྱིས་བསྟོད། །གསེར་ཐུར་ཨ་ཛ་ན་བྱུགས་པས། །སྤྱན་དབྱེ་སྔགས་ནི་འདི་ཡིན་ནོ། །ཨོཾ་ཙཀྵུ་ས་མནྟ་ཙཀྵུ་བི་ཤོ་དྷ་ནི་བཛྲེ་སྭཱ་ཧཱ། ཨོཾ་ཨནྡ་ས་མཱ་ངྷི་དྷྱཱ་ནཾ་པྲི་ཎ་ནེ་སྭཱ་ཧཱ། ཞེས་པས་བཟའ་བ་བཟང་པོ་དབུལ། །དེ་ནས་བདུད་རྩི་འཁྱིལ་པ་ཡི། །སྔགས་ཀྱིས་ཞབས་
བཀོད་དབུལ་བ་ནི། །རྡོ་རྗེ་བཟུང་བའི་ལག་གཡས་ཀྱིས། །ལན་གསུམ་བསྐོར་ལ་བརྟན་པར་བྱ། །དེ་ནས་སུ་པྲ་ཏིཥྛ་བཛྲེ་སྭཱ་ཧཱ། ཞེས་པས་གནས་སུ་གཞུག་པར་བྱ། །དེ་ནས་མཆོད་བསྟོད་རྒྱས་པར་བྱ། །དེ་ནས་བླ་མས་སློབ་མ་ལ། །ཁྱོད་ཀྱིས་ང་ལ་གསོལ་བཏབ་པའི། །སྐུ་
གཟུགས་དག་ནི་ཁྱད་པར་དུ། །ཇི་སྐད་གསུངས་བཞིན་སྤྱན་དབྱེ་བ། །དེ་ནི་ངས་ཀྱང་བྱས་འགྱུར་ཏེ། །ཁྱོད་ཀྱི་དེ་ནི་ཀུན་རྫོབ་པས། །ཅི་བདེ་བར་ནི་མཆོད་པར་བྱོས། །ཞེས་བྱ་ཞལ་ཁེབས་ལ་སོགས་བྱ། །དེ་ནས་སློབ་མས་མཆོད་པ་དང་། །བླ་མ་ཡོན་གྱིས་མཉེས་པར་བྱས། །

བླ་མས་ལེགས་ལྡན་གཏོར་མས་མཆོད། །བྱིན་ཆེན་བཀྲ་ཤིས་ཡུན་རིང་དུ། །བཞུགས་པར་བཀའ་ཡིས་ཆོས་སྐྱོང་བསྒོ། །གསོལ་བཏབ་ལ་སོགས་བླ་མས་བྱ། །སློབ་མའི་སྒྲིབ་པ་གཞོམ་པ་དང་། །རང་གི་ལྷག་ཆད་བསྐང་བའི་ཕྱིར། །སྦྱིན་སྲེག་ཆོ་གས་བསྐང་
བར་བྱ། །བསྡུ་གཤེགས་སྨོན་ལམ་གདབ་པར་བྱ། །མཆོད་བསྟོད་ལ་སོགས་རྒྱས་པར་བྱ། །རབ་ཏུ་གནས་པའི་ཆོ་ག་འདི། །ཀཱ་མ་དྷེ་ནུའི་རྗེས་འབྲངས་ཏེ། །པདྨའི་ལྕགས་ཀྱུས་མཚན་པ་ཡི། །དགེ་སློང་གིས་སྦྱར་བསོད་ནམས་ཀྱིས། །ཁམས་གསུམ་སེམས་ཅན་ཐམས་ཅད་
ཀྱང་། །སྤྲུལ་པའི་སྐུ་དང་མཉམ་འགྱུར་ཤོག །མང་དུ་ཐོས་པའི་སློབ་དཔོན་པདྨའི་ལྕགས་ཀྱུས་རིགས་ལྡན་ཧ་ར་པའི་སློབ་དཔོན་ཀཱ་མལ་དྷེ་ནུ་པའི་རྗེས་སུ་འབྲངས་ནས་སྦྱར་བ་རྫོགས་སོ།། །།ཨཱ་ཙཱརྱ་བི་ན་ཡ་ཙནྡྲ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་བའོ།།
༄༅༅། །རྒྱ་གར་སྐད་དུ། ཨཱརྱ་སི་ཏཱ་ཏ་པ་ཏྲེ་ཨ་པ་རཱ་ཛི་ཏ་སཱ་དྷ་ནཾ། བོད་སྐད་དུ། འཕགས་མ་གདུགས་དཀར་མོ་ཅན་གཞན་གྱིས་མི་ཐུབ་པ་སྒྲུབ་པའི་ཐབས། གསང་བའི་བདག་པོ་ལག་ན་རྡོ་རྗེ་ལ་ཕྱག་འཚལ་ལོ། །དང་པོར་ཐོ་རངས་ལངས་ཏེ། བྱང་ཆུབ་ཀྱི་སེམས་དྲན་
པར་བྱས་ལ། རང་ཐ་མལ་པའི་སྙིང་ག་ཕྱེ་བའི་སྟེང་དུ་ཟླ་བ་ཉ་བ་ལ་ཨོཾ་དཀར་པོ་བསམས་ཏེ། དེའི་འོད་ཀྱིས་རང་གི་སྡིག་པ་དག་པ་དང་། ཁ་དང་བ་སྤུའི་བུ་ག་ནས་འཐོན་ཏེ། སེམས་ཅན་གྱི་དོན་བྱས་ཤིང་། འོག་མིན་ནས་གདུགས་དཀར་མོ་ཅན། བླ་མ་དང་སངས་རྒྱས་དང་བྱང་ཆུབ་
སེམས་དཔས་བསྐོར་བ་མདུན་གྱི་ནམ་མཁའ་ལ་སྤྱན་དྲངས་ཏེ། ཕྱག་འཚལ་བ་དང་མཆོད་པ་དང་། སྡིག་པ་བཤགས་པ་དང་། བསོད་ནམས་ལ་རྗེས་སུ་ཡི་རང་བ་དང་། སྐྱབས་སུ་འགྲོ་བ་དང་། ལམ་བསྟེན་པ་དང་། སེམས་བསྐྱེད་དེ། ཡན་ལག་ལྔ་པ་བྱས་ལ། དེའི་བསོད་
ནམས་བྱང་ཆུབ་ཏུ་བསྔོ་བར་བྱའོ། །དེ་ནས་བྱམས་སྙིང་རྗེ་དགའ་བ་བཏང་སྙོམས་བསྒོམ་པར་བྱའོ། །དེ་ནས་སྣོད་བཅུད་མ་ལུས་པ་བསྡུས་ཏེ། སྟོང་པ་ཉིད་དམིགས་ལ། ཨོཾ་ཤཱུ་ནྱ་ཏཱ་ཛྙཱ་བཛྲ་སྭ་བྷཱ་བ་ཨཱཏྨ་ཀོ྅ཧཾ་ཞེས་བརྗོད་དོ། །དེའི་རྗེས་སུ་པཾ་ལས་པདྨའི་སྟེང་དུ་ཨ་ལས་ཟླ་བའི་

དཀྱིལ་འཁོར་དམིགས་ལ། དེའི་སྟེང་དུ་ཨོཾ་དཀར་པོ་དང་བཅས་པར་གྱུར་པ་ལས། གདུགས་དཀར་མོ་ཅན་གྱི་སྐུ་བསམ་སྟེ། ཞལ་གསུམ་པ་ལ་ཕྱག་དྲུག་མ། །སྐུ་མདོག་དཀར་མོ་འགྱིང་བག་ཅན། །དབུས་དཀར་གཡས་སྔོ་གཡོན་དམར་ཞལ། །སྤྱན་གསུམ་ཁྲོ་མོའི་ལྟ་སྟངས་
ཅན། །གཡས་པ་འཁོར་ལོ་ལྕགས་ཀྱུ་མདའ། །གཡོན་པ་རྡོ་རྗེ་དཀར་པོ་གཞུ། །ཞགས་པ་དང་བཅས་སྡིགས་མཛུབ་ཉིད། །གཟའ་ཀུན་འཇོམས་པར་བྱེད་པ་མ། །སྐྱིལ་ཀྲུང་ཕྱེད་པའི་གར་གྱིས་བཞུགས། །ལྷ་ཡི་རྒྱན་དང་ན་བཟའ་ལྡན། །རྣམ་སྣང་མཛད་ཀྱིས་དབུ་བརྒྱན་མ། །
དེ་ལྟར་བདག་ཉིད་ལྷ་མོར་བསམ། །དེའི་སྙིང་གང་པདྨའི་སྟེང་ཟླ་བ་ལ་ཨོཾ་དཀར་པོའི་འོད་ཟེར་གྱིས། ཡེ་ཤེས་སེམས་དཔའ་སྤྱན་དྲངས་ལ་གཞུག་པ་དང་། དབང་བསྐུར་ཞིང་རིགས་ཀྱི་དབུ་རྒྱན་གྱི་བདག་པོ་རྣམ་སྣང་གིས་རྒྱས་གདབ་སྟེ། ཡི་གེ་གསུམ་གྱིས་བྱིན་གྱིས་བརླབས་ལ་
ཕྱག་རྒྱ་བཅས་ཏེ། ལག་པ་ཁུ་ཚུར་སྙིང་གར་བཅའ་སྟེ། ལག་པ་གཡོན་པའི་ཁུ་ཚུར་གཡས་པའི་མཛུབ་མོ་ནས་གྱེན་དུ་བལྟ་བར་བྱའོ། །སྔགས་བཟླས་པ་ནི། ཨོཾ་སི་ཏཱ་ཏ་པ་ཏྲེ་ཨ་པ་རཱ་ཛི་ཏ་སརྦ་གྲ་ཧཱ་ན་ཏྲ་ཡཱ་ཡཱ་ཡ་ཡཱ་ཧ་ན་དྲཱུཾ་དྲཱུཾ་ཧྲཾ་ཧྲཾ་ཕཊ་ཕཊ་སྭཱ་ཧཱ། སྙིང་པོའོ། །གཏོར་མ་ནི་ཡི་
གེ་གསུམ་གྱིས་བྱིན་གྱིས་བརླབས་ཏེ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱདྱ་ནུཏྤན་ན་ཏྭཱཏ་ཨོཾ་ཨཱཿཧཱུཾ་ཕཊ་སྭཱ་ཧཱ། ཞེས་འབྱུང་པོ་ཐམས་ཅད་པའི་གཏོར་མས་སྦྱིན་པར་བྱའོ། །འཕགས་མ་གདུགས་དཀར་མོ་ཅན་གཞན་གྱིས་མི་ཐུབ་པའི་སྒྲུབ་ཐབས་རྫོགས་སོ།། །།རྒྱ་གར་ཤར་
ཕྱོགས་ཀྱི་པཎྜི་ཏ་བི་བྷཱུ་ཏི་ཙནྡྲ་དང་། གློ་བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱིས་བསྒྱུར་བའོ།། ༄༅༅། །རྒྱ་གར་སྐད་དུ། བྷ་ག་ཝ་ཏི་ཨུཥྞཱི་ཥ་བི་ཛ་ཡ་སྟོ་ཏྲ། བོད་སྐད་དུ། བཅོམ་ལྡན་འདས་མ་གཙུག་ཏོར་རྣམ་པར་རྒྱལ་མ་ལ་བསྟོད་པ། མགོན་པོ་འཇམ་པའི་དབྱངས་
ལ་ཕྱག་འཚལ་ལོ། །གཙོ་མོ་བཅོམ་ལྡན་འདས་མ་ནི། །པུཎྜ་རཱི་ཀའི་མེ་ཏོག་ལྟར། །སྐྱོན་གྱིས་མ་གོས་སྐུ་མདོག་དཀར། །ཞལ་གསུམ་ཕྱག་བརྒྱད་སྤྱན་གསུམ་མངའ། །དབུ་རྒྱན་མགུལ་རྒྱན་སྙན་ཆར་བཅས། །རིན་ཆེན་སྣ་ཚོགས་མཛེས་པས་བརྒྱན། །པདྨ་ཟླ་བའི་

གདན་ལ་བཞུགས། །དབུས་དཀར་གཡས་སེར་གཡོན་ཞལ་སྔོ། །ཁྲོ་མོའི་ཆ་ལུགས་མཆེ་བ་གཙིགས། །ཕྱག་གཡས་སྣ་ཚོགས་རྡོ་རྗེ་དང་། །པད་སྟེང་རྒྱལ་བ་འོད་དཔག་མེད། །མདའ་དང་མཆོག་སྦྱིན་ཕྱག་རྒྱའོ། །གཡོན་པ་སྡིགས་མཛུབ་ཞགས་
པ་དང་། །གཞུ་དང་མི་འཇིགས་ཕྱག་རྒྱ་དང་། །བུམ་པ་དག་ནི་ལེགས་པར་བསྣམས། །རྣམ་པར་སྣང་མཛད་དབུ་བརྒྱན་ཅིང་། །འོད་ཟེར་དཀར་པོ་འཕྲོ་ཞིང་འདུ། །སྟོད་གཡོགས་ལྷ་ཡི་ན་བཟའ་ཅན། །བློ་དང་ཚེ་འཕེལ་མཛད་པ་མོ། །པུ་རིའི་ནང་དུ་མཛེས་པར་བཞུགས། །
བཅོམ་ལྡན་འདས་མ་ཉིད་ལ་བསྟོད། །གཡས་ན་རྗེ་བཙུན་སྤྱན་རས་གཟིགས། །སྐུ་མདོག་དཀར་པོ་སྐྱོན་མ་གོས། །གཡོན་ན་པད་བསྣམས་གཡས་པ་ན། །རྔ་ཡབ་འཛིན་ལ་བདག་ཕྱག་འཚལ། །གཡོན་གྱི་གསང་བའི་བདག་པོ་ནི། །ཨུཏྤལ་མདོག་འདྲ་རྡོ་རྗེ་གཡོན། །
གཡས་པ་རྔ་ཡབ་མཛེས་འཛིན་པ། །མཐུ་སྟོབས་ཅན་ལ་ཕྱག་འཚལ་ལོ། །ཤར་ལྷོ་ནུབ་བྱང་ཕྱོགས་བཞི་ཡི། །ཁྲོ་བོའི་རྒྱལ་པོ་བཞི་པོ་ནི། །མདུན་ན་ཁྲོ་རྒྱལ་མི་གཡོ་བ། །སྔོ་བསངས་གཡས་ན་རལ་གྲི་འཛིན། །གཡོན་ན་སྡིགས་མཛུབ་སྐྲ་བརྫེས་པ། །སྦྲུལ་རྒྱན་སྟག་
གི་ཤམ་ཐབས་ཅན། །པདྨ་ཉི་མའི་གདན་ལ་བཞུགས། །མ་རུངས་འདུལ་ལ་ཕྱག་འཚལ་ལོ། །ཁྲོ་ཆེན་འདོད་པའི་རྒྱལ་པོ་ནི། །སྔོ་བསངས་ལྕགས་ཀྱུ་འབར་བ་བསྣམས། །མ་རུངས་འདུལ་བའི་རྒྱན་ཆ་ཅན། །ཐམས་ཅད་འགུགས་ལ་ཕྱག་འཚལ་ལོ། །ཁྲོ་ཆེན་དབྱུག་པ་སྔོན་
པོ་ནི། །ཞལ་གཅིག་ཕྱག་གཉིས་གཡས་པ་ན། །དབྱུག་ཏོ་གཡོན་པ་སྡིགས་མཛུབ་མཛད། །སྔོ་བསངས་ཀུན་འདུལ་ཁྱོད་ལ་བསྟོད། །ཁྲོ་བོའི་རྒྱལ་པོ་སྟོབས་པོ་ཆེ། །ཨུཏྤལ་མདོག་འདྲ་ཕྱག་གཉིས་པ། །གཡས་པ་རྡོ་རྗེ་སྡིགས་མཛུབ་གཡོན། །བདུད་འདུལ་དྲག་པོ་ཁྱོད་
ལ་བསྟོད། །ཞལ་གཅིག་ཕྱག་གཉིས་སྐུ་མདོག་སྔོ། །ཀུན་ཀྱང་སྟག་དང་སྦྲུལ་གྱིས་བརྒྱན། །པདྨ་ཉི་མའི་གདན་ལ་བཞུགས། །བར་ཆད་ཞི་མཛད་ཁྱེད་ལ་བསྟོད། །སྟེང་གི་ཕྱོགས་ན་མཛེས་པ་ཡི། །གནས་གཙང་ལྷ་ཡི་བུ་གཉིས་པོ། །ལྷ་ཡི་བུ་ནི་གཉིས་པོ་ཡང་། །ལྷ་

ཡི་རྒྱན་དང་ན་བཟས་མཛེས། །ཕྱག་ན་བདུད་རྩིའི་བུམ་པ་བསྣམས། །བདུད་རྩིའི་ཆར་འབེབས་ཀུན་ལ་སྙོམས། །དག་པའི་སྐུ་ལ་ཕྱག་འཚལ་བསྟོད། །གང་ཞིག་ནངས་ནངས་སྔར་ལངས་ཏེ། །བསྟོད་པ་འདི་ཡིས་དུས་ཀུན་དུ། །འཁོར་དང་བཅས་ལ་བསྟོད་གྱུར་ན། །བློ་དང་ཚེ་རྣམས་
འཕེལ་བ་དང་། །དཔལ་དང་འབྱོར་པའི་དངོས་གྲུབ་སྟེར། །མཆོག་གི་དངོས་གྲུབ་འགྲུབ་པར་འགྱུར། །གུས་པའི་སེམས་ཀྱིས་སྔར་ལངས་ནས། །རྩེ་གཅིག་སེམས་ཀྱིས་བསྟོད་པར་བྱ། །གཙུག་ཏོར་རྣམ་པར་རྒྱལ་མའི་བསྟོད་པ། སློབ་དཔོན་ཙནྡྲ་གོ་མིས་མཛད་པ་
རྫོགས་སོ།། ༄༅༅། །རྒྱ་གར་སྐད་དུ། ཨཱརྱ་ཨུཥྞཱི་ཥ་སི་ཏཱ་ཏ་པ་ཏྲེ་སྟོ་ཏྲ། བོད་སྐད་དུ། འཕགས་མ་གཙུག་ཏོར་གདུགས་དཀར་མོ་ལ་བསྟོད་པ། འཕགས་མ་གདུགས་དཀར་མོ་ཅན་ལ་ཕྱག་འཚལ་ལོ། །སྲིད་གསུམ་སྟོན་པ་མི་དང་
ལྷ་ཡི་ལྷ། །མཚུངས་མེད་བདེ་གཤེགས་ཤཱཀྱ་སེང་གེ་ཡི། །མཐོན་མཐིང་གཡས་སུ་འཁྱིལ་པའི་སྤྱི་གཙུག་ནས། །ཡ་མཚན་རྨད་བྱུང་ལྷ་མོ་ཁྲོ་རྒྱལ་གཙོ། །ཁམས་གསུམ་དག་ན་ཁྱོད་འདྲའི་མགོན་མེད་དེ། །ཐུགས་རྗེའི་དབང་ཕྱུག་བཀྲ་ཤིས་མཆོག་གི་ལྷ། །སྐུ་མདོག་
གངས་རིའི་རྩེ་ལ་ཉི་ཤར་འདྲ། །ཞལ་མང་སྟོང་ལ་སྤྱན་མང་བྱེ་བས་བརྒྱན། །སྲིད་པའི་བཙོན་རར་སེམས་ཅན་ཉམ་ཐག་པའི། །སྡུག་བསྔལ་གཟིགས་ནས་སེམས་ཅན་ཉམ་ཐག་ལ། །ཞལ་སྟོང་ཕྱག་སྟོང་སྤྱན་ནི་སྟོང་རྣམས་ཀྱིས། །ཀུན་ལ་ཁྱབ་མཛད་ཁྱོད་ལ་ཕྱག་འཚལ་བསྟོད། །
བདུད་དང་བགེགས་རིགས་ཕས་ཀྱི་རྒོལ་བ་རྣམས། །སྤྱན་མངའ་གཅིག་གིས་ཁྲོ་གཉེར་འགའ་སྟོན་པས། །གནོད་པའི་རྒྱུན་རྣམས་གཏན་ནས་འཇོམས་མཛད་པ། །རྒོལ་བ་ཚར་གཅོད་ཁྱོད་ལ་ཕྱག་འཚལ་བསྟོད། །མ་རིག་ནོར་པས་བསླུས་པའི་སེམས་ཅན་རྣམས། །རང་གི་ལས་
ཀྱི་རྣམ་པར་སྨིན་པ་ཡིས། །འདུ་བ་རྣམ་བཞིའི་རིམས་ནད་མི་བཟད་པ། །ཞི་མཛད་ཐུགས་རྗེ་ཅན་ལ་ཕྱག་འཚལ་བསྟོད། །ཇི་ལྟར་ཁྱོད་ཀྱིས་སེམས་ཅན་མང་པོ་ལ། །ཐུགས་རྗེ་མཆོག་གིས་འགྲོ་དོན་ཉེར་བཟུང་ནས། །སྲིད་གསུམ་འཇིགས་པ་ཆེ་ལས་བསྒྲལ་གྱུར་ཅིང་། །སྡུག་

བསྔལ་མང་པོའི་ནད་ལས་ཐར་མཛད་ལྟར། །བདག་ཀྱང་ཁྱོད་བཞིན་འགྲོ་བའི་མགོན་གྱུར་ཏེ། །སེམས་ཅན་ཀླུ་ཡི་ཞགས་པས་ཟིན་པ་དང་། །ནད་ཀྱི་བསྐལ་པས་ཉེན་པའི་སེམས་ཅན་ལ། །སྡུག་བསྔལ་སེལ་བའི་སྐྱབས་སུ་བདག་གྱུར་ཅིག །འཕགས་པ་
གདུགས་དཀར་ཅན་ལ་བསྟོད་པ། སློབ་དཔོན་གི་རི་ཝ་ཏས་མཛད་པ་རྫོགས་སོ།། ༄༅༅། །རྒྱ་གར་སྐད་དུ། ཨཱརྱ་མ་ཧཱ་པྲ་ཏིས་རེ་བིདྱཱ་ཙཀྲ་ནི་བཾ་དྷ་ནཾ། བོད་སྐད་དུ། འཕགས་མ་རིག་པ་ཆེན་མོ་སོ་སོར་འབྲང་མའི་འཁོར་ལོ། འགྲོ་བ་ཐམས་ཅད་ཀྱི་བསམ་པ་
རྫོགས་པར་བྱེད་པའི་བཅོམ་ལྡན་འདས་སོ་སོར་འབྲང་མ་ལ་ཕྱག་འཚལ་ཏེ། གུས་པས་མདོ་ཡི་རྗེས་འབྲངས་ནས། །རྒྱལ་བས་བསྟན་པའི་ལུས་བསྲུང་བ། །འཁོར་ལོ་དེ་ཡི་མཚན་ཉིད་བརྗོད། །དེ་ལ་དང་པོར་རེ་ཞིག་ཚེས་གྲངས་དང་རྒྱུ་སྐར་བཟང་པོ་ལ་སོགས་པའི་ཉི་མ་ལ་བབ་ནས་
ཕྱོགས་གཙང་མ་ཡིད་དུ་འོང་བར་གཅི་བས་བྱུགས་ཏེ། རྟེན་བཞི་དང་ལྡན་པའི་བླ་རེ་བྲེས་ལ་རྡུལ་ཚོན་དཀར་པོའི་དཀྱིལ་འཁོར་བཞེངས་ཏེ། པདྨ་འདབ་མ་བརྒྱད་པ་ལྟེ་བ་དང་གེ་སར་བཅས་པའི་དབུས་སུ་འཁོར་ལོའི་མཚན་མའོ། །ནང་དང་ཕྱི་རོལ་དུ་འཁོར་ལོའི་ཕྲེང་བས་བསྐོར་བར་བྱའོ། །
དེ་ནས་ཕྱོགས་སུ་ནག་པོ་ལ་སོགས་པའི་སྐྱོན་དང་བྲལ་བ། དྲི་ཞིམ་པོའི་ཆུས་ཡོངས་སུ་བཀང་ལ། རས་བཟང་པོས་མགུལ་པ་དཀྲིས་པ། ཙུ་ཏའི་ལོ་མ་དང་བཅས་པ། འབྲས་བུ་ལྔ་དང་། ཤིང་སྣ་ལྔ་ལྟོ་བར་བཅུག་པའི་བུམ་པ་ལྔ་རྣམས་ཡང་དག་པར་གཞག་པར་བྱའོ། །ལྔ་པ་དཀྱིལ་འཁོར་
གྱི་དབུས་སོ། །དེ་རྣམས་ཀྱི་སྟེང་དུ་འོ་ཐུག་གི་ཕོར་བ་གཞག་པར་བྱ་ཞིང་། ཤར་དུ་འོ་མ། ལྷོར་སྦྲང་རྩི། ནུབ་ཏུ་ཤ་ཀ་ར། བྱང་དུ་མར་མེ་སྟེ་ཁམ་ཕོར་གང་བ་རེ་རེ་གཞག་པར་བྱའོ། །མཚམས་སུ་དྲི་ཞིམ་པོས་གང་བའི་ཁམ་ཕོར་བཞི་གཞག་པར་བྱའོ། །དེའི་ཕྱི་རོལ་དུ་ཕྱོགས་བཞིར་སོར་བརྒྱད་
ཀྱི་ཚད་ཙམ་ཙནྡན་དམར་པོས་ཡོངས་སུ་བསྒོས་པའི་སྐུད་པ་དམར་པོ་ཡོངས་སུ་བཅིངས་པའི་སེང་ལྡེང་གི་ཕུར་པ་བཙུགས་ཏེ། ཡུངས་ཀར་དང་། ཨོཾ་གྷ་གྷ་གྷཱ་ཏ་ལ་སོགས་པའི་སྔགས་ཀྱིས་གདབ་པར་བྱའོ། །བུ་མོ་གཞོན་ནུས་བཀལ་བའི་སྐུད་པས་ཡོངས་སུ་དཀྲི་བར་བྱའོ། །མེ་ཏོག་

དང་། བདུག་སྤོས་དང་། མར་མེ་དང་། དྲི་དང་། ལྷ་བཤོས་ལ་སོགས་པ་དང་ཆུའི་རོ་དབུལ་བར་བྱའོ། །སྔགས་ཤེས་པས་མཉམ་པར་གཞག་ལ། བཟླས་པ་ལ་བརྩོན་པ། གཙང་ཁྲུས་བྱས་པ་བསྙེན་གནས་ལ་ཉེ་བར་གནས་པའི་སློབ་དཔོན་གྱིས་སོ་སོར་འབྲང་མའི་སྔགས་ཁྲི་
བཟླས་པར་བྱའོ། །ཙནྡན་བདུག་པ་ཉིད་དང་ཡང་། །ཨ་ཀ་རུ་ནི་དེ་བཞིན་དུ། །བདུད་རྩི་ལྔ་དང་དུ་རུ་ཀ །ག་པུར་ཙནྡན་ཆུས་བཀྲུས་ནས། །ཟླ་བ་ཡི་ནི་ཆུས་བཀྲུས་ཏེ། །བདུག་སྤོས་ཀྱིས་ཀྱང་བདུག་བྱས་ཤིང་། །དྲི་ཞིམ་མེ་ཏོག་རྣམས་ཀྱིས་དཀྲིས། །བརྩེ་དང་བྱམས་པའི་སེམས་
འཇུག་པས། །ཤར་དུ་མངོན་པར་ཕྱོགས་ཏེ། གཙང་ཞིང་འཇམ་པའི་སྟན་ལ་ཉེ་བར་འདུག་སྟེ། རང་གི་ལྷའི་ང་རྒྱལ་དུ་བྱས་པའི་སྔགས་པས་ཕྱོགས་སྐྱོང་རྣམས་ལ་གཏོར་མ་བྱིན་ནས། གཏོར་མ་ཆེན་པོའི་ཚིགས་སུ་བཅད་པ་བཀླག་པར་བྱའོ། །མ་ནི་ཀའི་གཞི་ལ་གནས་པའི་གོ་རོ་ཙ་ན་
དང་། གུར་ཀུམ་དང་། ག་པུར་དང་། ཙནྡན་དང་། མ་ལ་ཀ་རྣམས་ཀྱི་རས་དཀར་པོའམ། གྲོ་ག་ཚད་དང་ལྡན་པ་ལ། ཀུནྡ་དང་ཨ་ལ་ཀའི་མྱུ་གུས་འཁོར་ལོ་བརྩམ་པར་བྱས་ཏེ། འཁོར་ལོ་དེའི་དབུས་སུ་པཾ་ཡིག་ས་བོན་གྱི་ཡི་གེ་ལ་ཧཱུཾ་བརྒྱད་ཀྱིས་བསྐོར་བའོ། །དེའི་དབུས་སུ་ཨོཾ་མ་ཎི་
དྷ་རི་བཛྲི་ཎི་མ་ཧཱ་པྲ་ཏི་སཱ་རེ་ཆེ་གེ་མོ་ལ་རཀྵ་རཀྵ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་པ་བྲིའོ། །འཕར་མ་གཉིས་པ་ལ། ཨོཾ་ཤི་ཁ་ལེ་ཤི་བྷཾ་ཀ་རེ་གྷུ་ཊ་གྷུ་ཊ་ནི། གྷཱ་ཏ་ཡ་གྷཱ་ཏ་ཡ་གྷ་ཊ་ནི་ཆེ་གེ་མོ་ཤཱནྟིཾ་ཀུ་རུ་སྭཱ་ཧཱ་ཞེས་པ་བྲི། འཕར་མ་གསུམ་པ་ལ་ཨོཾ་བྷ་ཡ་ནཱ་ཤ་ནི་ཏྲཱ་ས་ནི་ཏྲཱ་ས་ནི། ཏྲཱ་ས་ཡ་ཏྲཱ་ས་ཡ། ཏྲཱ་
ས་ཡ་བི་ཀུ་ཊི་བཻ་ཊ་ཏ་ཤེ་ཏེ་ཤེ་ཏེ། ཛ་ཏ་ནི་ཆེ་གེ་མོ་པུཥྚིཾ་ཀུ་རུ་སྭཱ་ཧཱ་ཞེས་པ་བྲིའོ། །འཕར་མ་བཞི་པ་ལ་ཇི་ཙམ་འདོད་པའི་པདྨ་འདབ་མ་བཞི་དང་། དེའི་བར་དུ་རྡོ་རྗེ་རྩེ་གསུམ་པ་བཞི་བྲི་བར་བྱ་ཞིང་། པདྨ་རྣམས་ལ་ཧཱུཾ་བརྒྱད་ཀྱིས་བསྐོར་བའི་པྲཾ་གྱི་ཡི་གེའི་ས་བོན་བྲི་བར་བྱའོ། །དེའི་དབུས་
སུ་ཨོཾ་མ་ཎི་དྷ་རི་བཛྲི་ཎི་མ་ཧཱ་པྲ་ཏི་སཱ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་པ་བྲིའོ། །ཤར་གྱི་པདྨའི་ཕྱི་རོལ་དུ། ཨོཾ་ཨ་མྲྀ་ཏ་བི་ལོ་ཀི་ནི་གརྦ་སཾ་རཀྵ་ནི་ཨཱ་ཀཪྵ་ནི་ཆེ་གེ་མོ་ལ་རཀྵ་རཀྵ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་པ་བྲིའོ། །ལྷོའི་པདྨའི་ཕྱི་རོལ་དུ། ཨོཾ་བྷཱ་ར་བྷཱ་ར། སཾ་བྷཱ་ར་སཾ་བྷཱ་ར་ཨིནྡྲ་ཡ་བ་ལ་བི་ཤོ་དྷ་ནེ་རུ་

རུ་ཙ་ལེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་པ་བྲིའོ། །ནུབ་ཀྱི་པདྨའི་ཕྱི་རོལ་དུ། ཨོཾ་ཨ་མྲྀ་ཏེ་ཨ་མྲྀ་ཏེ་བ་རེ་བ་རེ་པྲ་བ་ར་བི་ཤུདྡྷ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་པ་བྲིའོ། །བྱང་གི་པདྨའི་ཕྱི་རོལ་དུ། ཨོཾ་བི་ཕུ་ལ་བི་མ་ལ་ཛ་ཡ་བ་རེ་ཨ་མྲྀ་ཏེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་པ་བྲིའོ། །རྡོ་རྗེ་རྣམས་ཀྱི་ར་
དབུས་མ་ལ། མེ་རུ་ཨོཾ་བི་མ་ལེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། བདེན་བྲལ་དུ། ཨོཾ་ཛ་ཡ་བ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། རླུང་དུ། ཨོ་བི་སྥོ་ཊ་ནི་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དབང་ལྡན་དུ། ཨོཾ་ཨ་མྲྀ་ཏེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་པ་བྲིའོ། །པདྨ་དང་རྡོ་རྗེའི་བར་དུ་གནས་པའི་གཞིར་ཨོཾ་ནི་སུཾ་བྷ་བཛྲ་ཎཱི་ཧཱུཾ་ཧཱུཾ་
ཕཊ་ཕཊ་སྭཱ་ཧཱ་ཞེས་པ་བྲི་བར་བྱའོ། །འཕར་མ་ལྔ་པ་ལ་ཧྲཱིཿའི་ཡི་གེའི་ཕྲེང་བ་ཉི་ཤུ་རྩ་ལྔ་བྲི་བར་བྱའོ། །འཕར་མ་དྲུག་པ་ལ་ཨོཾ་ཨ་པ་རཱ་ཛི་ཏ་མ་ཧཱ་དེ་བི་ཏྲ་ཏ། ཨོཾ་ཀཱ་ལ་ཀརྞི་ཀུ་ཊ། ཨོཾ་སུ་ཡ་དན་ཏྲི་ཧཱུཾ་ཧཱུཾ། ཨོཾ་མ་ཎཾ་ཀུ་ཤེ་ཧཱུཾ། ཨོཾ་བཛྲ་ཤྲི་ཁཾ་ལེ་ཧཱུཾ། ཨོཾ་ཤེ་ཏེ་ཧཱུཾ། ཨོཾ་མ་ཧཱ་ཤེ་ཏེ་ཧཱུཾ། ཨོཾ་མ་ཧཱ་
ཀཱ་ལ་ཧྲིཿ། ཨོཾ་རུ་ཏྲི་རུ་ཏ། ཨོཾ་བཛྲ་རུ་ཏི་ཏྲ་ཊ། ཨོཾ་བཛྲ་ཀཱི་ལི་ཧྲཱིཿ། ཨོཾ་བཛྲ་པཱ་ཤི་ཧོ། ཨོཾ་བཛྲ་པཱ་ཎི་བྷྲྀ་ཏ། ཨོཾ་བཛྲ་པཱ་ཎི་མ་ཧཱ་བ་ལེ་ཧྲཱིཿ། ཨོཾ་བཛྲ་མཱ་ལེ་མཾ། ཨོཾ་ཨ་མྲྀ་ཏ་ལི་རི་ཀ་སྱ་རཀྵ་ཀུ་རུ་སྭཱ་ཧཱ། འཕར་མ་བདུན་པ་ལ། ཨོཾ་ཙུནྡེ་ཧྲཱིཿ། ཨོཾ་མ་ཎི་ཙུརྞེ་ཧྲཱིཿ། ཨོཾ་སུ་པརྞྞ་ཀི་ཤི་ཀྲ་ཏ། ཨོཾ་གེ་ལེ་ལ།
ཨོཾ་བི་བྷུ་ན་མཱ་ལི་ནི་ཛ་ཧཱུཾ། ཨོཾ་ཤཱནྟཾ་ཧཱུཾ། ཨོཾ་པུ་ཏ་སཱ་དྷ་ནེ་ཧཱ། ཨོཾ་སུཾ་བྷ་ཀ་རི་ཧཱུཾ། ཨོཾ་མ་ཎི་དྷ་རི་ཧཱུཾ། ཨོཾ་མ་ཧཱ་པྲ་ཏི་སཱ་རེ་ཧཱུཾ། ཨོཾ་བ་ལ་དྷ་ནི་ཧཱུཾ། ཨོཾ་མ་ཧཱ་ཏཱ་རེ་ཛ་ཧཱུཾ། ཨོཾ་མ་ར་བྷུ་གེ་ལཾ། ཨོཾ་ཙུ་རུ་ཙུ་རུ། མུ་རུ་མུ་རུ། པུ་རུ་པུ་རུ། ཀུ་རུ་ཀུ་རུ། ཧཱུཾ་ཧཱུཾ་རུ་རུ་ཙ་ལེ་ཀ་སྱ་རཀྵ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་
ཧཱ། འཕར་མ་བརྒྱད་པ་ལ། ཨོཾ་ན་རེ་ཏྲཾ། ཨོཾ་རཱཀྵ་སི་ཀི་ཛི་ཏེ་ཛཾ། ཨོཾ་བྷཱུ་ཏ་རཀྵི་ཏི་ཏེ་ཧཾ། ཨོཾ་ཀ་ལི་ནི་བྷཾ། ཨོཾ་ལཾ་ཤ་རི་ལཾ། ཨོཾ་དྷ་བྱ་ལ། ཨོཾ་ཀི་ཤི་ནི་ཀྵཾ། ཨོཾ་ཧ་རཱི་ཏ་ཏྲཾ་ཀྵི། ཨོཾ་པཉྩེ་ཧཱུཾ། ཨོཾ་ཤི་ཁི་ནི་སཾ་རུ་ཏ། ཨོཾ་ཀུ་ཏ་ཛི་ཛི་བྷི་ཀྲི་ཊ། ཨོཾ་ཤི་ཡ་དེ་བི་ཤེ། ཨོཾ་ས་ར་ཤ་རི་ལཾ། ཨོཾ་པདྨེ་སཾ། ཨོཾ་
མཱ་མ་ཀཱི་ཨོཾ། ཨོཾ་བྷྲྀ་ཀུ་ཊ་དྷཾ། ཨོཾ་བུདྡྷེ་ཧཾ། ཨོཾ་ཀྵི་ཏེ་ཀེ་བྷྲ་ཡི་གེ་ཀ་སྱ་རཀྵ་ཀུ་རུ་མཱཾ། འཕར་མ་དགུ་པ་ལ། རྡོ་རྗེ་འགྲེང་བུ་སུམ་ཅུ་རྩ་གཉིས་བྲི་བར་བྱའོ། །དེ་རྣམས་ཀྱི་ས་བོན་གྱི་ཡི་གེ་འདི་རྣམས་བྲི་བར་བྱའོ། །ཀྵཾ། སཱུ་ཀཾ། བྷྲཱུཾ་ཨོཾ། ཏྲཾ། ཧཾ། ཀཱ། ཀྵཾ། ཧཾ། བྷཾ། ཛཾ། ཡཾ། ཧཱི། རཱི། ལཱི།

ཧཱུཾ། ཧྲཱིཿ། སཾ། ཧཱུཾ། ཛཾ། བུཾ། ཧོཿ། ཧཱུཾ། གྲེཿ། ཨཾ། ཕཊ། ཛི། སྱཾ། བཾ་ཏིཾ། ཀྵུ་ཤུ། ཏྲཻ་མཾ། ཚུཾ། མུ་ངྷཾ། སཾ་བྷི། རཾ་ཨཿ། བྷྲཾ་ཛཾ། ལཾ་ཞེས་པའོ། །རྡོ་རྗེ་རྣམས་ཀྱི་སྟེང་དུ་ཡུ་བ་དང་བཅས་པའི་པདྨ་ཁ་བྱེ་བའི་སྡོང་བུ་འབྲེལ་པའོ། །དེའི་སྟེང་དུ་ཕྱག་མཚན་བྲི་བར་བྱ་སྟེ། འཁོར་ལོ་དང་།
རྡོ་རྗེ་དང་། རལ་གྲི་དང་། མདའ་དང་། བ་དན་དང་། རྡོ་རྗེ་དགྲ་སྟ་དང་། རྩེ་གསུམ་པ་དང་། དུང་དང་། རིན་པོ་ཆེ་དང་། པདྨ་དང་། གཞུ་དང་། རྡོ་རྗེ་ལྕགས་ཀྱུ་དང་། སྣ་ཚོགས་རྡོ་རྗེ་དང་། བུམ་པ་བཟང་པོ་དང་། རྡོ་རྗེ་ཐོ་བ་དང་། རྡོ་རྗེ་ཞགས་པ་དང་། ཤཀ་ཏི་དང་། གསིལ་བྱེད་དང་།
རྨ་བྱའི་མཇུག་སྒྲོ་དང་། རྡོ་རྗེ་དབྱུག་པ་དང་། གདུགས་དང་། མདུང་ཐུང་དང་། ཆུ་གྲི་དང་། རིན་པོ་ཆེའི་སྙེ་མ་དང་། ལྕགས་སྒྲོག་དང་། སྤྱན་དང་། རྒྱལ་མཚན་དང་། རས་དང་། ཌ་མ་རུ་དང་། གྲི་གུག་དང་། ཐོད་པ་དང་ཕྲེང་བའོ། །ཕྱག་མཚན་དེ་རྣམས་ཀྱི་བར་དུ། ཀཾ་ཁཾ་གཾ་གྷཾ་
ངཾ་། ཙཾ་ཚཾ་ཛཾ་ཛྷཾ་ཉཾ། ཊཾ་ཐཾ་ཌཾ་ཌྷཾ་ཎཾ། ཏཾ་ཐཾ་དཾ་དྷཾ་ནཾ། པཾ་ཕཾ་བཾ་བྷཾ་མཾ། ཡཾ་རཾ་ལཾ་ཝཾ་ཤཾ་ཥཾ་སཾ་ཧཾ་ཀྵཾ་ཞེས་པའི་ཡི་གེ་བྲི་བར་བྱའོ། །ཟུར་བཞིར་རི་བཞི་ལ་འབྲུ་དང་སོ་བ་བསྐྱེད་པའི་སྤྲིན་ལས་ཆར་འབབ་པ་བྲི་བར་བྱའོ། །འཕགས་མ་རིག་པའི་རྒྱལ་མོ་སོ་སོར་འབྲང་མའི་འཁོར་ལོའི་སེམས་སྦྱང་།
སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ་རྫོགས་སོ།། །།པཎྜི་ཏ་ཆོས་ཀྱི་སྡེ་དང་། ལོ་ཙཱ་བ་དགེ་ཚུལ་ནམ་མཁའ་རྡོ་རྗེས་བསྒྱུར་བའོ།། ༄། །སོ་སོར་འབྲང་མའི་འཁོར་ལོ་བྲི་བའི་ཐབས་བཞུགས། ༄༅༅། །འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་
ལོ། །སངས་རྒྱས་ཀུན་གྱིས་མངོན་བསྟོད་པའི། །སོ་སོར་འབྲང་མ་ལ་བཏུད་དེ། །སེམས་ཅན་ཀུན་ལ་བསྲུང་བའི་ཕྱིར། །དེ་ཡི་འཁོར་ལོ་བདག་གིས་བྲི། །གཙང་ཞིང་ཤིན་ཏུ་མཉམ་པར་བཞག་པར་གྱུར་པས། གཏོར་མ་ལ་སོགས་པ་བྱིན་ལ། ཁུ་ཚུར་བཅས་པའི་ཁྲུ་གང་
གི་ཚད་ཀྱི་རས་ལ་སོགས་པ་ལ་བྲི་བར་བྱ་བ་ནི། དང་པོར་རེ་ཞིག་སོར་བཞི་པའི་ཚད་ཀྱི་རིམ་པ་གཅིག་བྱས་ལ། དེའི་དབུས་སུ་ཟླ་བ་ཕྱེད་པས་བརྒྱན་པའི་ཧཱུཾ་བརྒྱད་ཀྱིས་བསྐོར་བའི་ཡི་གེ་པྲཾ་དེའི་དབུས་སུ་སྔགས་ཨོཾ་མ་ཎི་དྷ་རི་བཛྲི་ཎི་མ་ཧཱ་པྲ་ཏི་སཱ་རེ་ཆེ་གེ་མོ་རཀྵ་རཀྵ་པུཥྚིཾ་ཤཱནྟིཾ་ཀུ་རུ་ཧཱུཾ་ཧཱུཾ་ཕཊ་

ཕཊ་སྭཱ་ཧཱ། དེའི་ཕྱི་རོལ་དུ་སོར་ཕྱེད་ཀྱི་ཚད་ཀྱི་རིམ་པ་གཉིས་བྱས་ལ། དེའི་རིམ་པ་དང་པོ་ལ་ཨོཾ་མ་ཎི་དྷ་རི་བཛྲི་ཎི་མ་ཧཱ་པྲ་ཏི་སཱ་རེ་ཆེ་གེ་མོ་རཀྵ་རཀྵ་པུཥྚིཾ་ཤཱནྟིཾ་ཀུ་རུ་ཧཱུཾ་ཧཱུཾ་ཕཊ་ཕཊ། དེ་བཞིན་དུ་བྱས་ལ་ལན་གཉིས་ཡང་ངོ་། །རིམ་པ་གཉིས་པ་ལ་ཡང་དེ་བཞིན་
དུའོ། །དེའི་ཕྱི་རོལ་དུ་སོར་གསུམ་གྱི་ཚད་ལ་ནི་རིམ་པ་གཅིག་བྱས་ལ། དེའི་ཕྱོགས་བཞིར་རི་མོ་གཉིས་པའི་པདྨ་འདབ་མ་བཞི་པ། ཤར་ལ་སོགས་པའི་རིམ་གྱི་རི་མོ་གཉིས་ཀྱི་མཚམས་སུ་སྔགས། ཨོཾ་བི་མ་ལེ་བི་པུ་ལེ་ཛ་ཡ་ཝ་རེ་ཨ་མྲྀ་ཏ་ཆེ་གེ་མོ་ཤཱནྟིཾ་པུཥྚིཾ་རཀྵ་རཀྵ་ཀུ་རུ་ཧཱུཾ་ཧཱུཾ་
ཕཊ་ཕཊ་སྭཱ་ཧཱ། གཉིས་པ་ལ། ཨོཾ་ཨ་མྲྀ་ཏེ་བི་ལོ་ཀི་ནི་གརྦྷ་སཾ་རཀྵ་ཎི་ཆེ་གེ་མོ་ཤཱནྟིཾ་པུཥྚིཾ་རཀྵ་རཀྵ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གསུམ་པ་ལ། ཨོཾ་བྷཱ་ར་བྷཱ་ར་སཾ་བྷཱ་ར་ཨིནྡྲ་ཡ་བ་ལ་བི་ཤོ་དྷ་ནེ་ཆེ་གེ་མོ་ཤཱནྟིཾ་པུཥྚིཾ་རཀྵ་རཀྵ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། བཞི་པ་ལ། ཨོཾ་ཨ་མྲྀ་ཏེ་དྷ་ར་ཝ་ར་བི་ཤུདྡྷ་ཆེ་གེ་མོ་ཤཱནྟིཾ་པུཥྚིཾ་
རཀྵ་རཀྵ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། མཚམས་རྣམས་སུ་རྡོ་རྗེ་རྩེ་གསུམ་པ་བཞི་ལ། དེའི་རྩེ་མོ་དབུས་མ་བཞི་ལ། མེའི་ཕྱོགས་ལ་སོགས་པར་རིམ་གྱིས་སྔགས། ཨོཾ་བི་སྥོ་ཊ་བཛྲི་ཎི་ཆེ་གེ་མོ་རཀྵ་རཀྵ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཉིས་པ་ལ། ཨོཾ་ཨ་མྲྀ་ཏེ་དྷ་ར་ཆེ་གེ་མོ་རཀྵ་རཀྵ་ཤཱནྟིཾ་པུཥྚིཾ་
ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གསུམ་པ་ལ། ཨོཾ་བི་མ་ལེ་ཆེ་གེ་མོ་རཀྵ་རཀྵ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། བཞི་པ་ལ། ཨོཾ་ཛ་ཡ་ཝ་རེ་ཆེ་གེ་མོ་རཀྟ་རཀྵ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། པདྨའི་འདབ་མ་དང་རྡོ་རྗེ་དག་གི་བར་དུ་མེ་ལ་སོགས་ཀྱི་རིམ་པས་སྔགས། ཨོཾ་ནི་སུཾ་བྷ་བཛྲ་ཎི་ཆེ་གེ་
མོ་རཀྵ་རཀྵ་ཤཱནྟིཾ་པུཥྚིཾ་ཀུ་རུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། དེ་བཞིན་བརྒྱད་པའི་བར་དུ་སྔགས་འདི་བྲིའོ། །དེའི་ཕྱི་རོལ་དུ་སོར་ཕྱེད་པའི་ཚད་ཀྱི་རིམ་པ་བཞི་བྱའོ། །དེ་ལ་རིམ་པ་དང་པོ་ལ་ཡི་གེ་ཧྲི་ཉི་ཤུ་རྩ་ལྔ་ཕྲེང་དུ་བྱའོ། །རིམ་པ་གཉིས་པ་ལ། ཨོཾ་ཨ་པ་རཱ་ཛི་ཏ་མ་ཧཱ་དེ་བི་ཏྲཊ། ཨོཾ་ཀཱ་ལ་ཀརྞི་ཀྲཾ་དྷ་
ལི། ཨོཾ་པདྨ་ཀུཎྜ་ལི་པཾ། ཨོཾ་པུཥྚ་དནྟི་ནི་ཧཱུཾ། ཨོཾ་མ་ལྱཾ་ཀུ་ཤི་ཧཱུཾ། ཨོཾ་བཛྲ་ཤྲིཾ་ཁ་ལེ་ཧཱུཾ། ཨོཾ་མ་ཧཱ་ཤྭེ་ཏེ་ཧཱུཾ། ཨོཾ་མ་ཧཱ་ཀཱ་ལི་ཧྲཱིཿ། ཨོཾ་གཱུ་ཏི་ཏུ་ཊ། ཨོཾ་བཛྲ་ཀཱ་ལི་ཧྲཱིཿ། ཨོཾ་བཛྲ་པཱ་ཤི་ཀྲྀ་ཏ་ཧྲི། ཨོཾ་བཛྲ་པཱ་ཤི་བྷྲྀ་ཏ། ཨོཾ་བཛྲ་པཱ་ཎི་མ་ཧཱ་བ་ལི་དྷི། ཨོཾ་བཛྲ་མཱ་ལེ་མཾ། ཨོཾ་ཨ་མྲྀ་ཏ་ཀུཎྜ་ལི་སྭཱ་ཧཱ།

ཨོཾ་ཛྭ་ལ་ཛྭ་ལ་ཧཱུཾ་ཕཊ་སྭཱ་ཧཱ། ཨོཾ་ཊཀྐི་ཧཱུཾ་ཛཿསྭཱ་ཧཱ། རིམ་པ་གསུམ་ལ་ཨོཾ་བཛྲ་ཧྲཱིཿ། ཨོཾ་སུ་བརྞ་ཀེ་ཤི་ཀྲི་ཏ། ཨོཾ་བིཾ་ག་ལེ་ལཾ། ཨོཾ་བི་ཏྱུངྨ་ལཾ་ཛཿཧཱུཾ། ཨོཾ་ཤཱནྟིཾ་ཧཱུཾ། ཨོཾ་པུཥྚིཾ་བ་ལ་བརྡ་ནི་ཧ། ཨོཾ་སུཾ་བྷ་ཀ་རི་ཧཱུཾ། ཨོཾ་མ་ཎི་དྷ་རི་ཧཱུཾ། ཨོཾ་རཏྣ་མཱ་ལ་དྷ་རི་ཧྲཱིཿ། ཨོཾ་མ་ཧཱ་པྲ་ཏི་སཱ་རེ་པྲཾ། ཨོཾ་དྷུ་རུ་དྷུ་རུ།
མུ་རུ་མུ་རུ། ཀུ་རུ་ཀུ་རུ་ཧཱུཾ་ཧཱུཾ། ཨོཾ་བ་ལ་བརྡྷ་ནི་ཡོ་ཧ། ཨོཾ་རུ་རུ་ཙ་ལེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་མ་ཎི་དྷ་རི་བཛྲི་ཎི་མ་ཧཱ་པྲ་ཏི་ས་རེ་ཆེ་གེ་མོ་རཀྵ་རཀྵ་ཀུ་རུ། ཨོཾ་ཨཱཿཧཱུཾ་ཕཊ་ཕཊ་སྭཱ་ཧཱ། རིམ་པ་བཞི་པ་ལ། ཨོཾ་ཏཱ་རེ་ཏཱཾ། ཨོཾ་ཨ་རཀྵ་སྱེ་ཀ་ཛ་ཏི་ཛྙཱཾ། ཨོཾ་བུ་དྡྷ་ཀ་རི་ཏེ་ཧེ་ཧཱུཾ། ཨོཾ་ཀ་པཱ་ལི་ནེ། ཨོཾ་
ལཾ་ཀེ་ཤྭ་རི་ཁཾ། ཨོཾ་དྷ་ནྱ་ལཾ་ཀི་ཤི །ཨོཾ་ལཾ་ཀི་ཤྭ་རི་མུཾ། ཨོཾ་ཧ་རི་ཏྱཻ་ཧཾ་ཀྵཾ། ཨོཾ་པཉྩི་ཀེ་ཀྲེ །ཨོཾ་ལི་ཁེ་སཾ་དུཥྚ། ཨོཾ་དནྟི་ནི་ཀུ་ཏ། ཨོཾ་ཤྲི་ཡ་དེ་བི་ཤྲཱི། ཨོཾ་སྭ་ར་སྭ་ཏི་བཾ། ཨོཾ་རཀྵ་རཀྵ་ཆེ་གེ་མོ་སརྦ་བྷ་ཡེ་བྷྱ་བཾ། ཨོཾ་དི་བ་པདྨེ་མཾ། ཨོཾ་མཎི་དྷ་རི་བཛྲ་ཎི་མཱ་མ་ཀཱི་མཾ། ཨོཾ་བྷྲྀ་ཀུ་ཊི་བྷྲཾ། བྷྲཱུཾ་བྷྲཱུཾ་ཨ།
དེའི་ཕྱི་རོལ་དུ་སོར་གཉིས་ཚད་ཀྱི་རིམ་པ་གཅིག་བྱས་ལ། དེར་རྡོ་རྗེ་གྱེན་དུ་བལྟས་པ་སུམ་ཅུ་རྩ་གཉིས་བྲིས་ལ། རྡོ་རྗེ་གཉིས་ཀྱི་མཚམས་སུ་ནུབ་ཕྱོགས་ནས་རིམ་གྱིས་པུཥྤ། ལིཀྵཾ་ཀྵི་བྷྲཱུཾ། ཨི་བྷྲཱུཾ། ཧཾ། ཀ་ཁཾ། ཧ་བཾ། ཧྲི་ཛ་ཧཾ། ཧྲི་རི། ཧཱུཾ་ལི། ཧི་སུ། ཧཱུཾ་ཛ། བཾ་སུ། ཧོ་ཧཱུཾ། ཨོཾ་ཕཊ།
ཛཾ་སྨ། ཀཾ་བཾ། ཨཾ། སུཾ། ཨོཾ། བྷཾ། བཾ། ཨོཾ། ཏྲིཾ། ཀྵིཾ། དྷི། ཤཾ །ཛཾ་རུཾ། རུཾ། ཨོཾ། སཾ། དེའི་ཕྱི་རོལ་དུ་སོར་གཉིས་ཀྱི་ཚད་ཀྱི་རིམ་པ་གཅིག་བྱས་ལ། དེར་སྡོང་བུ་གོས་དང་རས་ཀྱིས་དཀྲིས་པའི་པདྨ་ཁ་ཕྱེ་བ་བཞི་བཅུ་རྩ་གཉིས་བྲིས་ལ། དེར་ནུབ་ཕྱོགས་ནས་རིམ་གྱིས་པདྨ་ཁ་ཕྱེ་བའི་
སྟེང་དུ་རྡོ་རྗེ་དང་། རལ་གྲི་དང་། ལྕགས་ཀྱུ་དང་། རྡོ་རྗེ་རྩེ་གསུམ་དང་། དགྲ་སྟ་དང་། རྡོ་རྗེ་ཞགས་པ་དང་། དུང་དང་། འཁོར་ལོ་དང་། རལ་གྲི་རིན་པོ་ཆེའི་མྱུ་གུ་དང་། རྩེ་གསུམ་དང་། འཁོར་ལོ་དང་། རྡོ་རྗེ་དང་། དགྲ་སྟ་དང་། དུང་དང་། རལ་གྲི་དང་། ལྕགས་ཀྱུ་དང་། རྩེ་གསུམ་
དང་། རྡོ་རྗེ་ཞགས་པ་དང་། མདའ་གཞུ་དང་། རིན་པོ་ཆེའི་སྙེ་མ་དང་། རྒྱལ་མཚན་དང་། དུང་དང་། རྩེ་གསུམ་དང་། རལ་གྲི་དང་། རྡོ་རྗེ་དང་། དགྲ་སྟ་དང་། རྒྱལ་མཚན་དང་། མདའ་གཞུ་དང་། ཞགས་པ་དང་། འཁོར་ལོ་དང་། རྩེ་གསུམ་དང་། དུང་དང་། མདའ་གཞུ་དང་། རྒྱལ་

མཚན་དང་། རྡོ་རྗེ་དང་། རྡོ་རྗེ་ཞགས་པ་དང་། རྡོ་རྗེ་ལྕགས་ཀྱུ་དང་། འཁོར་ལོ་དང་། རྩེ་གསུམ་དང་། དུང་དང་། རྡོ་རྗེ་ཞགས་པ་དང་། རིན་པོ་ཆེའི་ཟ་མ་ཏོག་གི་མཚན་མ་ཤིན་ཏུ་གསལ་བ་བྲིའོ། །དགེ་བ་འདོད་པས་མཚོན་ཆ་ཐམས་ཅད་རྩེ་མོ་ཕྱིར་བསྟན་པ་བྲིའོ། །
ཇི་ལྟར་མཐོང་བ་བཞིན་དུ་བྲིས་པ་ཡིན་ནོ། །སོ་སོར་འབྲང་བའི་བསྲུང་བའི་འཁོར་ལོ་བྲི་བའི་ཐབས། སློབ་དཔོན་རཏྣ་ཨཱ་ཀ་ར་ཤཱནྟིས་མཛད་པ་རྫོགས་སོ།། ༄། །སོ་སོར་འབྲང་མའི་སྒྲུབ་ཐབས་བཞུགས། ༄༅༅། །སོ་སོར་འབྲང་མ་ཆེན་མོ་ལ་ཕྱག་འཚལ་ལོ། །སྔར་བསྟན་
པའི་ཆོ་གས་སྟོང་པ་ཉིད་བསྒོམས་པའི་རྗེས་ལ། ཨ་ལས་སྐྱེས་པའི་ཟླ་བའི་དཀྱིལ་འཁོར་དུ་ཡི་གེ་པྲཾ་སེར་པོ་འོད་ཟེར་སྣ་ཚོགས་ལས་སེམས་ཅན་གྱི་དོན་བྱེད་པ་སྟེ། དེ་ཡོངས་སུ་གྱུར་པ་ལས་སྐད་ཅིག་གིས་བཅོམ་ལྡན་འདས་མ་ཆེན་མོ་སོ་སོར་འབྲང་མར་བདག་ཉིད་བསྐྱེད་པར་
བྱའོ། །མདོག་སེར་མོ་ཞལ་བཞི་པ་སྤྱན་གསུམ་པ། ཕྱག་བརྒྱད་པ་སྟེ། ཞལ་དང་པོ་སེར་པོ་དང་། གཡས་པ་དཀར་བ། རྒྱབ་སྔོ་བ། གཡོན་དམར་པོ། གཡས་ཀྱི་ཕྱག་རྣམས་ཀྱིས་རལ་གྲི་དང་། འཁོར་ལོ་དང་། རྩེ་གསུམ་དང་། མདའ་རྣམས་དང་། གཡོན་གྱི་ཕྱག་རྣམས་
ཀྱིས་གཞུ་དང་། ཞགས་པ་དང་། དགྲ་སྟ་དང་། རྡོ་རྗེ་རྣམས་འཛིན་པའོ། །སྣ་ཚོགས་པདྨ་ཟླ་བའི་དཀྱིལ་འཁོར་གྱི་གདན་ལ་རོལ་པས་བཞུགས་པ། འོད་ཟེར་དམར་པོའི་དཀྱིལ་འཁོར་ཅན། རྒྱན་ཐམས་ཅད་ཀྱིས་བརྒྱན་པ། གོས་སྣ་ཚོགས་ཀྱི་ན་བཟའ་བསྣམས་པ། ཤིང་
ང་དཔུང་ཆད་དང་། རིན་པོ་ཆེ་སྣ་ཚོགས་ཀྱི་དབུ་རྒྱན་ཅན། འདི་ལྟར་བསམས་ལ། སྐུ་དང་གསུང་དང་ཐུགས་རྣམས་ཀྱི་ཟླ་བའི་དཀྱིལ་འཁོར་ལ། ཨོཾ་ཨཱཿཧཱུཾ་དཀར་པོ་དང་། དམར་པོ་དང་། སྔོན་པོའི་ཡི་གེ་གསུམ་བསམ་པར་བྱའོ། །དེ་ནས་ནུ་མའི་དབུས་སུ་ཟླ་བ་ལ་གནས་པའི་
ཡི་གེ་པྲཾ་བསམས་ནས། སྣ་ཚོགས་པའི་ལྷ་མོ་རྣམས་ཀྱིས་བདག་ཉིད་མཆོད་པར་བསམས་ཏེ། ཇི་སྲིད་དུ་ངལ་བར་མ་གྱུར་པ་དེ་སྲིད་དུ་སྤྲོ་བས་བསྒོམ་པར་བྱའོ། །ངལ་བར་གྱུར་ན་རང་གི་སྙིང་གའི་ཟླ་བ་ལ་སྔགས་མུ་ཏིག་གི་ཕྲེང་བའི་ཚུལ་དུ་བཟླས་པར་བྱའོ། །ཨོཾ་མ་ཎི་དྷ་རི་

བཛྲི་མ་ཧཱ་པྲ་ཏི་སཱ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་པ་ནི་སྔགས་སོ། །སོ་སོར་འབྲང་མའི་སྒྲུབ་ཐབས་རྫོགས་སོ།། ༄། །རྨ་བྱ་ཆེན་མོའི་སྒྲུབ་ཐབས་བཞུགས། ༄༅། །དེ་བཞིན་དུ་སྔར་བསྟན་པའི་ཆོ་གས་སྟོང་པ་ཉིད་ཀྱི་རྗེས་ལ་སྣ་ཚོགས་པདྨ་དང་ཟླ་བ་ལ། མཾ་ཡིག་ལྗང་གུ་ཡོངས་སུ་
གྱུར་པ་ལས། འཕགས་མ་རྨ་བྱ་ཆེན་མོ་མདོག་ལྗང་གུ། ཞལ་གསུམ་པ། ཕྱག་དྲུག་པ། ཞལ་སོ་སོ་ལ་སྤྱན་གསུམ་པ་སྟེ། ཞལ་གཡས་དང་གཡོན་སྔོན་པོ་དང་དཀར་པོའོ། །གཡས་ཀྱི་ཕྱག་གསུམ་ལ་གོ་རིམས་བཞིན་དུ་རྨ་བྱའི་མཇུག་སྒྲོ་དང་། མདའ་དང་མཆོག་སྦྱིན་པའོ། །
ཕྱག་གཡོན་པ་གསུམ་ན་རིན་པོ་ཆེའི་སྙེ་མ་དང་། གཞུ་དང་། ཕང་པར་གནས་པའི་བུམ་པའོ། །སྣ་ཚོགས་པའི་རྒྱན་དང་ཤམ་ཐབས་ཅན། སྒེག་པ་ལང་ཚོ་ལ་བབ་པའི་ཆ་ལུགས་ཅན། ཟླ་བའི་འོད་དང་ལྡན་པའི་གདན་ཅན། ཕྱེད་ཀྱི་སྐྱིལ་ཀྲུང་ཅན། དོན་ཡོད་གྲུབ་པའི་དབུ་རྒྱན་
ཅན་དུ་སྐད་ཅིག་གིས་བསྐྱེད་ལ། དེའི་སྤྱི་བོ་དང་། ལྐོག་མ་དང་། སྙིང་ག་དང་། ལྟེ་བ་རྣམས་སུ་ཟླ་བ་ལ་གོ་རིམས་ཇི་ལྟ་བར། ཨོཾ་ཨཱཿམཾ་ཧཱུཾ་ཞེས་པའི་ཡི་གེ་བསམས་ཏེ་སྤྲོ་བ་དང་བསྡུ་བ་བྱའོ། །དེ་ནས་ངལ་ན་སྔགས་བཟླས་པར་བྱ་སྟེ། ཨོཾ་མ་ཧཱ་མཱ་ཡཱུ་རི་བིཏྱཱ་རཱ་ཛྙཱི་ཧཱུཾ་ཧཱུཾ་ཕཊ་ཕཊ་སྭཱ་ཧཱ།
ཞེས་པའོ། །འཕགས་མ་རྨ་བྱ་ཆེན་མོའི་སྒྲུབ་ཐབས་རྫོགས་སོ།། ༄། །སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས་བཞུགས། ༄༅། །དེ་བཞིན་ཐམས་ཅད་སྔར་གྱི་ཆོ་གས་སྟོང་པ་ཉིད་ཀྱི་རྗེས་ལ། སྟོང་ཆེན་མོ་རབ་ཏུ་འཇོམས་མ་དཀར་མོ་ཞལ་གཅིག་ཕྱག་དྲུག་པ་སྟེ། གཡས་
ཀྱི་ཕྱག་གསུམ་ན་གོ་རིམས་བཞིན་དུ་རལ་གྲི་དང་། མདའ་དང་མཆོག་སྦྱིན་པའོ། །གཡོན་གྱི་ཕྱག་གསུམ་ན་གཞུ་དང་། ཞགས་པ་དང་སྟ་རེའོ། །སྣ་ཚོགས་པའི་ཆ་བྱད་ཅན། ན་བཟའ་དང་། རྒྱན་དང་དབུ་རྒྱན་དང་ལྡན་པ། གཟུགས་དང་ལང་ཚོ་དང་ལྡན་པ། སྒེག་པ་ལ་
སོགས་པའི་ཡོན་ཏན་དང་ལྡན་པ། རྣམ་པར་སྣང་མཛད་ཀྱི་དབུ་རྒྱན་ཅན། ས་བོན་བྲུཾ་ཡིག་ལས་བྱུང་བའོ། །པདྨ་དང་ཟླ་བའི་འོད་ཅན་མོ། །སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས་རྫོགས་སོ།། ༄། །གསང་སྔགས་རྗེས་སུ་འཛིན་མའི་སྒྲུབ་ཐབས་བཞུགས། ༄༅། །གསང་སྔགས་རྗེས་

སུ་འཛིན་མ་ནི་ཕྱག་བཞི་པ། ཞལ་གཅིག་པ་ནག་པོ་སྟེ། གཡས་པའི་ཕྱག་དག་ན་རྡོ་རྗེ་དང་། མཆོག་སྦྱིན་པའོ། །གཡོན་པའི་ཕྱག་དག་ན་དགྲ་སྟ་དང་ཞགས་པའོ། །ཧཱུཾ་གི་ས་བོན་ཅན་ནོ། །མི་བསྐྱོད་པའི་དབུ་རྒྱན་ཅན་ཟླ་བའི་འོད་དང་ཟླ་བའི་གདན་ཅན་སྔར་
བཞིན་ནོ། །འཕགས་པ་གསང་སྔགས་ཆེན་མོ་རྗེས་སུ་འཛིན་མའི་སྒྲུབ་ཐབས་རྫོགས་སོ།། ༄། །བསིལ་བའི་ཚལ་ཆེན་མོའི་སྒྲུབ་ཐབས་བཞུགས།༄༅། །བསིལ་བའི་ཚལ་ཆེན་མོ་ནི། ཕྱག་བཞི་ཞལ་གཅིག་པ། ཁ་དོག་དམར་མོ། གཡས་པའི་ཕྱག་གཉིས་ན་
ཕྲེང་བ་དང་མཆོག་སྦྱིན། གཡོན་པའི་ཕྱག་གཉིས་ན་རྡོ་རྗེ་ལྕགས་ཀྱུ་དང་། སྙིང་གར་གནས་པའི་པོ་ཏིའི་ཕྱག་མཚན་ནོ། །ཛྲཾ་གི་ས་བོན་ཅན། སྣང་བ་མཐའ་ཡས་ཀྱི་དབུ་རྒྱན་ཅན། ན་བཟའ་དང་རྒྱན་དང་ལྡན་པ། ཉི་མའི་འོད་དང་གདན་ཅན་ཏེ་སྔར་བཞིན་ནོ། །བསིལ་བའི་ཚལ་གྱི་
སྒྲུབ་ཐབས་རྫོགས་སོ།། །།ཨོཾ་ཨཱཿཔྲཾ་མ་ཧཱ་པྲ་ཏི་སཱ་རེ་ཧཱུཾ། ཨོཾ་ཨཱཿམཾ་མ་ཧཱ་མཱ་ཡཱུ་རི་ཧཱུཾ། ཨོཾ་དྷཱུཾ་མ་ཧཱ་ས་ཧ་སྲ་པྲ་མརྡ་ནི་ཧཱུཾ། ཨོཾ་ཨཱཿཧཱུཾ་མ་ཧཱ་མནྟྲ་ཨ་ནུ་ས་རི་ཧཱུཾ། ཨོཾ་ཨཱཿཧཱུཾ་མ་ཧཱ་ཤཱི་ཏ་བ་ནི་ཧཱུཾ། སློབ་དཔོན་ཆེན་པོ་ཛེ་ཏ་རི་དགྲ་ལས་རྣམ་པར་རྒྱལ་བས་མཛད་པ་རྫོགས་སོ།།
དང་པོ་དབུས་སུ་ལྔས་མཆོད། དེ་ནས་ཕྱོགས་བཞིར། ཡང་ཕྱོགས་མཚམས་ཀྱི་དབུས་སུ་མཆོད། དེ་ནས་གཟུངས་ལ། དེ་ནས་འཁོར་ལོ་ལ། ཐ་མར་ཡང་དབུས་ཕྱོགས་བཞིར་གཏང་རག་གི་མཆོད་པ་བྱ། དེ་རྣམས་ལ་འབྱོར་པ་ཡོད་ན་མཆོད་པ་ལྔ་ཆན་བཅུ་གསུམ་གྱིས་མཆོད་དོ། །
དེ་ལྟར་བྱས་པས་ནི་བེ་ཏེ་བཅུ་གསུམ་དགོས་སོ། །ནས་ལ་སོགས་པ་བཞི་པོས་བསྐོར་ཞིང་བསྲེག་པ་ལན་གཉིས་ཀྱིས་ཆོ་ག་སྟེ། གཡས་གཡོན་གྱིས་ལན་རེའོ།། ༄། །སོ་སོར་འབྲང་མ་ཆེན་མོའི་སྲུང་བ་བཞུགས།༄༅༅། །སོ་སོར་འབྲང་མ་ལ་ཕྱག་འཚལ་ལོ། །སྔར་བརྗོད་
པའི་མཚན་ཉིད་ལྡན་པའི་བྱང་ཆུབ་སེམས་དཔའ་དང་པོ་རེ་ཞིག་སེམས་ཅན་སྐྱབས་མེད་པའི་ནད་པ་རྣམས་ལ་མངོན་པར་བལྟས་ནས་སྙིང་རྗེས་དེ་རྣམས་གསོ་བར་འདོད་པས་སྨྱུང་བར་གནས་པར་བྱ་སྟེ། ཉི་མ་ཤར་བའི་དུས་སུ་ཡིད་དུ་འོང་བའི་བླ་རེ་བྲེས་པས་མཛེས་པར་བྱས་པས་དྲི་ཞིམ་པོའི་མེ་ཏོག་

བཀྲམ་པའི་ས་ཕྱོགས་སུ་ས་དང་ལྕི་བ་དག་གིས་འདོམ་པའི་ཚད་ཙམ་གྱིས། དཀྱིལ་འཁོར་གྲུ་བཞི་ཉེ་བར་བྱུགས་ནས། དེའི་དབུས་སུ་པདྨ་ལྔ་རྣམས་བྲི་བར་བྱའོ། །དེ་ལ་དབུས་སུ་ཚོན་རྩི་དཀར་པོས་འདབ་མ་བརྒྱད་པའི་པདྨའི་ལྟེ་བའི་ཟླ་བ་ལ། འོད་ཟེར་དཀར་པོ་དང་ལྡན་པའི་རྩིབས་
བརྒྱད་པ་སྟེ། ཕྱི་རོལ་དུ་འཁོར་ལོའི་ཕྲེང་བ་འཁྲིགས་པ་དང་ལྡན་པ་བྲི་བར་བྱའོ། །དེ་ནས་ཤར་དང་ལྷོ་དང་ནུབ་དང་བྱང་རྣམས་སུ། རང་རང་ཇི་ལྟ་བའི་རྡུལ་ཚོན་རྣམས་ཀྱིས་དམར་པོ་དང་། ནག་པོ་དང་། དཀར་པོ་དང་། སེར་པོའི་པདྨ་འདབ་མ་བརྒྱད་པ་རྣམས་ལ་གོ་རིམས་ཇི་ལྟ་བར་རྡོ་རྗེ་
དང་། རལ་གྲི་དང་། ཞགས་པ་དང་། གཡས་སུ་འཁྱིལ་པའི་དུང་རྣམས་དང་། སྔར་བརྗོད་པའི་ཁ་དོག་རང་རང་གི་འོད་ཟེར་དང་ལྡན་པ་བྲིས་ནས། དེའི་ཕྱི་རོལ་དུ་ཕྱོགས་དང་རྗེས་སུ་མཐུན་པར་ཁྱམས་གྲུ་བཞི་པ་ལ། རྡོ་རྗེ་དང་། རལ་གྲི་དང་། ཞགས་པ་དང་། གཡས་སུ་འཁྱིལ་
པའི་དུང་གིས་བསྐོར་བར་བྲི་བར་བྱའོ། །དེ་ནས་དབུས་སུ་པདྨའི་སྟེང་དུ་མན་ཛི་ལ་གནས་པའི་གསེར་ལ་སོགས་པའི་སྣོད་རྣམས་སྐུ་གདུང་དང་བཅས་པའི་མཆོད་རྟེན་དྲི་ཞིམ་པོའི་ཆུས་ཁྲུས་བྱས་བཞུགས་སུ་གསོལ་ནས། དེའི་སྟེང་དུ་བླ་རེ་ལས་མེ་ཏོག་དཀར་པོ་འཕྱང་དུ་གཞུག་པར་བྱའོ། །
དེ་བཞིན་དུ་ཤར་ལ་སོགས་པའི་ཕྱོགས་སུ་པདྨའི་འགྲམ་དུ་གོ་རིམས་ཇི་ལྟ་བར་ཙནྡན་དང་། ཁྲག་དང་། འོ་མ་དང་། གུར་ཀུམ་གྱི་ཆུས་གོང་བའི་ཁམ་ཕོར་བཞིའི་སྟེང་དུ། མེ་ཏོག་གི་ཕྲེང་བ་ལྗང་གུ་དང་། དམར་པོ་དང་། དཀར་པོ་དང་། སེར་པོ་འཕྱང་དུ་གཞུག་པར་བྱའོ། །དེའི་
ངོས་གཅིག་ཏུ་མཚན་ཉིད་དང་ལྡན་པའི་བུམ་པ་འཁོར་ལོ་ལ་སོགས་པའི་ཕྱག་མཚན་བྲིས་ལ། ཁ་རྒྱན་དང་བཅས་པ་དྲི་ཞིམ་པའི་ཆུས་གང་བ་ལྔ་གཞག་པར་བྱའོ། །དེ་རྣམས་ལ་སྣ་ཚོགས་པའི་མེ་ཏོག་དང་། བདུག་པ་དང་། མར་མེ་དང་། དྲི་དང་། ལྷ་བཤོས་རང་རང་གི་སྔགས་
ཀྱིས་བྱིན་གྱིས་བརླབས་པ་རྣམས་ཀྱིས་མཆོད་རྟེན་མཆོད་ནས། སོ་སོར་འབྲང་མ་ཆེན་མོའི་རྩ་བའི་སྔགས་ཀྱིས་དབུས་ཀྱི་བུམ་པ་ལ་ལན་ཉི་ཤུ་རྩ་གཅིག་བསྔགས་པར་བྱའོ། །དེ་ལ་འདི་ནི་སྔགས་ཡིན་ཏེ། ཨོཾ་ཨ་མྲྀ་ཏེ་ཝ་ར་ཝ་ར་ཝ་ར་པྲ་ཝ་ར་བི་ཤུདྡྷེ། ཆེ་གེ་མོ་རཀྵ་རཀྵ་ཧཱུཾ་ཧཱུཾ་ཕཊ་ཕཊ་

སྭཱ་ཧཱ། དེ་ནས་སྔ་མ་བཞིན་དུ་མེ་ཏོག་ལ་སོགས་པ་རྣམས་ཀྱིས་མཆོད་ནས། འབྲས་དཀར་པོའི་ཟན་དང་། མར་དང་། སྦྲང་རྩི་དང་། ཤ་ཀ་ར་ལ་སོགས་པ་རྣམས་ཀྱིས་གཏོར་མའི་སྣོད་བཀང་ནས་སྔགས་དང་ཚིགས་སུ་བཅད་པ་ཡང་བརྗོད་དེ། ཡུལ་འཁོར་
བསྲུང་འཁོར་དང་བཅས་པ་ལ་མཆོད་པ་དབུལ་བར་བྱའོ། །སྱཱད་ཡ་ཐེ་དན། དྷ་ར་ཎི་དྷ་ར་ཎི། པྲ་དྷ་ན་ས་ནི། བྷཉྫ་ནི་བི་དྷ་མ་ནི། ཀིཾ་པུ་རུ་ཥེ། ཤ་ཀ་ལེ། སཱ་ར་ཏི། ཤཱུ་ལ་དྷ་རེ། ཤུདྡྷ་ཙ་ར་ཎི། གྷོ་ཥ་བ་ཏི། ས་ར་ཨ་གྷེ། ཤཱནྟི་ཆེ་གེ་མོ་ཤར་ཕྱོགས་སུ་བདེ་ལེགས་སུ་གྱུར་ཅིག་སྭཱ་ཧཱ།
ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་ཆེ། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མ་བུ་དང་བཅས་རྣམས་ཀྱང་། །བདག་གི་མེ་ཏོག་སྤོས་རྣམས་དང་། །མཆོད་པ་འདི་དག་བླང་བར་མཛོད། །དེ་རྣམས་ཀྱི་ནི་བརྩོན་འགྲུས་དང་། །གཟི་བརྗིད་དབང་
ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་འཇོམས་གྱུར་ཅིག །ཆེ་གེ་མོ་ཤར་ཕྱོགས་སུ་བཀྲ་ཤིས་པར་གྱུར་ཅིག་སྭཱ་ཧཱ། ཨོཾ་ཨ་མྲྀ་ཏ་བི་ལོ་ཀི་ནི། གརྦྷ་སཾ་རཀྵ་ཎི། ཨ་ར་ཀྵ་ཎི་ཆེ་གེ་མོ་རཀྵ་རཀྵ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བའི་སྔགས་འདིས་ཤར་ཕྱོགས་ཀྱི་བུམ་པ་ལ་ལན་
བདུན་དུ་མངོན་པར་བསྔགས་པར་བྱའོ། །དེ་ནས་ལྷོ་ཕྱོགས་སུ་སྔར་བཞིན་དུ་མཆོད་པ་བྱས་ལ། ཉ་དང་ཤ་ལ་སོགས་པའི་གཏོར་མ་འཕགས་སྐྱེས་པོ་འཁོར་དང་བཅས་པ་ལ་དབུལ་བར་བྱའོ། །སྱཱད་ཡ་ཐེ་དན། ཤཱནྟི། ས་ར་ཊི། ཀཱཎྜི། ཀ་ར་ཊི། ཀིདྐ་སི། ཀི་ར་ནྟ། ཀི་ར་ཌི། བར་དྷི། ཨརྡྷ་ནི། དྷུ་མ་དྷ་
ར་ཎི། ཧི་མ་བ་ཏི། ཛྱོ་ཏི་ས་ཙ་ར་ཎི། པ་ལ་ཨ་གྲི །ཆེ་གེ་མོ་ལྷོ་ཕྱོགས་སུ་བདེ་ལེགས་སུ་གྱུར་ཅིག་སྭཱ་ཧཱ། ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་ཆེ། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མ་བུ་དང་བཅས་པ་རྣམས། །བདག་གི་མེ་ཏོག་སྤོས་རྣམས་
དང་། །མཆོད་པ་འདི་དག་བླང་བར་མཛོད། །དེ་རྣམས་ཀྱི་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་འཇོམས་གྱུར་ཅིག །ཆེ་གེ་མོ་ལྷོ་ཕྱོགས་སུ་བདེ་ལེགས་སུ་གྱུར་ཅིག་སྭཱ་ཧཱ། དེ་ནས་ཨོཾ་བི་མ་ལ། བི་པུ་ལེ། ཛ་ཡ་ཝ་རེ། ཨ་མྲྀ་ཏ་

བི་ར་ཛེ་ཆེ་གེ་མོ་རཀྵ་རཀྵ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བའི་སྔགས་ཀྱིས་ལྷོ་ཕྱོགས་ཀྱི་བུམ་པ་ལ་ལན་བདུན་མངོན་པར་བསྔགས་པར་བྱའོ། །དེའི་རྗེས་ལ་ནུབ་ཕྱོགས་སུ་སྔར་བཞིན་མཆོད་པ་སྔོན་དུ་སོང་བས་སྤྱན་མི་བཟང་འཁོར་དང་བཅས་པ་ལ་ཞོ་དང་འོ་མ་ལ་སོགས་པའི་གཏོར་མ་
དབུལ་བར་བྱའོ། །སྱཱད་ཡ་ཐེ་དན། བ་ར་མི་བ་ར་ཨ་གྲེ། བ་ལ་བ་ཏེ། བ་ལི་ནི། ནི་ཤཾ་གེ། བཾ་སེ། ཁ་རི་ཀ་བི་ལི། ཙནྡྲ་ནི། ཏི་རི་ཎི། ནི་ར་ཛ་ནི། བི་དྷ་རི་ཎི། བརྞ་བ་ཏི། ཨ་ཙ་ནི། ནུབ་ཕྱོགས་སུ་ཆེ་གེ་མོ་བདེ་ལེགས་སུ་གྱུར་ཅིག་སྭཱ་ཧཱ། ཚངས་པ་དང་ནི་བརྒྱ་བྱིན་དང་། །འཇིག་རྟེན་
སྐྱོང་དང་དབང་ཕྱུག་ཆེ། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མ་བུ་དང་བཅས་པ་རྣམས། །བདག་གི་མེ་ཏོག་སྤོས་རྣམས་དང་། །མཆོད་པ་འདི་ནི་བླང་བར་གྱིས། །དེ་རྣམས་ཀྱི་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་
ཅད་འཇོམས་གྱུར་ཅིག །ཆེ་གེ་མོ་ནུབ་ཕྱོགས་སུ་བདེ་ལེགས་སུ་གྱུར་ཅིག་སྭཱ་ཧཱ། དེ་ནས་བྷཱ་ར་བྷཱ་ར། སཾ་བྷཱ་ར་སཾ་བྷཱ་ར། ཨིནྡྲི་ཡ་མ་ལ་བི་ཤོ་དྷ་ནི་རུ་རུ་ཙ་ལེ། ཆེ་གེ་མོ་རཀྵ་རཀྵ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བའི་སྔགས་འདིས་ནུབ་ཕྱོགས་སུ་བུམ་པ་ལ་ལན་བདུན་བཟླས་པའི་སྔགས་
སོ། །དེའི་རྗེས་ལ་བྱང་ཕྱོགས་སུ་སྔར་བཞིན་དུ་མཆོད་པ་བྱས་ལ། འབྲས་ཀྱི་འོ་ཐུག་དང་། ནས་ཀྱི་ཁུར་བ་ལ་སོགས་པས་ལུས་ངན་པོ་འཁོར་དང་བཅས་པ་ལ་མཆོད་པ་དབུལ་བར་བྱའོ། །སྱཱད་ཡ་ཐེ་དན། ཁཌྒ་གརྦྷེ་བི་ཙཀྵ་ཎེ། ཙཀྵ་རཱ་ཛ་ནེ། ཙནྡྲེ་བཱ་ཏཱ་ལེ། བྷ་མཾ་པརྦ་ཏེ། ཁ་ར་ཨ་གྲེ།
བྷྲྀ་ཀུ་ཊི། ཀར་ཨ་གྲེ །ཨེ་ག་ཨ་གྲེ། པ་ར་ག་ཕ་ཏི། སཱ་རདྒ་པ་ཏི། ཙནྡྲ་ཀཱནྟི། བྱང་ཕྱོགས་སུ་ཆེ་གེ་མོ་བདེ་ལེགས་སུ་གྱུར་ཅིག་སྭཱ་ཧཱ། ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་ཆེ། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མ་བུ་དང་བཅས་པ་
རྣམས། །བདག་གི་མེ་ཏོག་སྤོས་དག་དང་། །མཆོད་པ་འདི་ནི་བླང་བར་གྱིས། །དེ་རྣམས་ཀྱི་ནི་བརྩོན་འགྲུས་དང་། །གཟི་བརྗིད་དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་འཇོམས་གྱུར་ཅིག །ཆེ་གེ་མོ་བྱང་ཕྱོགས་སུ་བདེ་ལེགས་སུ་གྱུར་ཅིག་སྭཱ་ཧཱ། ཨོཾ་མ་ཎི་དྷ་རི་

བཛྲཱི་ཎི། མ་ཧཱ་པྲ་ཏི་ས་རེ། ཆེ་གེ་མོ་རཀྵ་རཀྵ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཞེས་བྱ་བ་འདིས་བྱང་ཕྱོགས་སུ་བུམ་པ་ལ་ལན་བདུན་བསྔགས་པར་བྱའོ། །སླར་ཡང་དབུས་སུ་མཆོད་པ་རྣམ་པ་སྣ་ཚོགས་བྱས་ཏེ། མཚམས་རྣམས་དང་སྟེང་དང་འོག་ན་གནས་པ་རྣམས་ལ། སྣ་ཚོགས་
པའི་གཏོར་མ་སྦྱིན་པར་བྱ་སྟེ། སྱཱད་ཡ་ཐེ་དན། བྲ་ཧྨེ་བྲ་ཧྨ་གྷོ་ཥེ་བྲ་ཧྨ་སྭཱ་རེ། བཛྲེ་བཛྲ་གྷོ་ཥེ། ཐི་རེ་ཐི་རེ། སཱ་རེ། ཨ་ཙ་ལེ། ཨ་རཎྜེ། ར་ཎཎྜེ། ཨ་རཎྜ། ཤཱུ་ར་བ་ར། ཨ་གྲ། པྲ་བ་ཏེ། སར་བ་ཏེ། ཆེ་གེ་མོ་ཕྱོགས་མཚམས་ཐམས་ཅད་དང་། སྟེང་འོག་ཐམས་ཅད་དུ་བདེ་ལེགས་སུ་གྱུར་
ཅིག་སྭཱ་ཧཱ། ཚངས་པ་དང་ནི་བརྒྱ་བྱིན་དང་། །འཇིག་རྟེན་སྐྱོང་དང་དབང་ཕྱུག་ཆེ། །གནོད་སྦྱིན་སྡེ་དཔོན་ཐམས་ཅད་དང་། །འཕྲོག་མ་བུ་དང་བཅས་པ་རྣམས། །བདག་གི་མེ་ཏོག་སྤོས་རྣམས་དང་། །མཆོད་པ་འདི་དག་བླང་བར་གྱིས། །དེ་རྣམས་ཀྱི་ནི་བརྩོན་འགྲུས་དང་། །གཟི་བརྗིད་
དབང་ཕྱུག་སྟོབས་ཀྱིས་ཀྱང་། །ནད་རྣམས་ཐམས་ཅད་འཇོམས་གྱུར་ཅིག །ཆེ་གེ་མོ་ཕྱོགས་མཚམས་ཐམས་ཅད་དང་། སྟེང་དང་འོག་ཐམས་ཅད་དུ་བདེ་ལེགས་སུ་གྱུར་ཅིག་སྭཱ་ཧཱ། དེ་ནས་མཆོད་པ་སྔོན་དུ་སོང་བས། མཉམ་པར་གཞག་པའི་སེམས་ཀྱིས་འདི་སྐད་བདག་གིས་
ཐོས་པའི་ཞེས་བྱ་བ་ནས། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ་ཞེས་བྱ་བའི་བར་དུ་སོ་སོར་འབྲང་མའི་མདོ་ལན་ཅིག་གདོན་པར་བྱའོ། །དེ་ནས་ཤར་ཕྱོགས་སུ་ནད་པ་ལ་སོགས་པ་ལ་གོས་གཙང་མ་བགོས་ལ་ཁ་བྱང་ཕྱོགས་སུ་བསྟན་ནས་བཞག་སྟེ། ཡུངས་
ཀར་ལ་སོགས་པ་ས་བོན་སྣ་ཚོགས་ཀྱིས་བྱུར་བསལ་ནས། སེང་ལྡེང་དང་རྒྱ་ཤུག་གི་མེ་དག་ལ་ས་བོན་བླུགས་པར་བྱའོ། །དེ་ལ་འདིའི་ཚིགས་སུ་བ