Kinh Bát-nhã Hai mươi lăm ngàn bài tụng, Bản Dutt (Pañcaviṃśatisāhasrikā Prajñāpāramitā)

padmāni preṣitāni bhagavataḥ atha khalu bhagavān śākyamuniḥ tathāgatas tāni padmāni gṛhītvā yena te upariṣṭād diśi gaṅgānadīvālukopamā lokadhātavas tena prākṣipat taiś ca padmaiḥ te lokadhātavaḥ sphuṭā abhūvan teṣu ca padmeṣu buddhavigrahāniṣaṇakāḥ teṣu ca buddhakṣetreṣu dharmaṃ deśayanti yad utemām eva prajñāpāramitāpratisaṃyuktāṃ dharmadeśanām yaiś ca sattvaiḥ sa dharmaḥ śrutas te niyatā abhūvan anuttarāyāṃ samyaksambodhau atha khalu te bodhisattvās te ca gṛhasthās te ca pravrajitās te ca dārakās tāś ca dārikās tato ratnāvatyā lokadhātoḥ samantaraśminā bodhisattvena mahāsattvena sārdham āgatāḥ svakasvakaiḥ kuśalamūlair bhagavantaṃ śākyamuniṃ satkṛtya gurūkṛtya sammānya saṃpūjyaikānte nyaṣīdan atha khalu tena kṣaṇalavamurhvartena ayaṃ trisāhasramahāsāhasro lokadhātuḥ saptaratnamayaḥ saṃsthito 'bhūt puṣpābhikīrnaḥ avasaktapaṭṭadāmakalāpaḥ kalpavṛkṣair nānālaṅkāraphalāvanatāgraviṭapaiḥ puṣpavṛkṣaiḥ phalavṛkṣair gandhavṛkṣair mālyavṛkṣaiś copaśobhito 'bhūt tad yathāpi nāma padmāvatī lokadhātuḥ samantakusumasya tathāgatasya buddhakṣetraṃ yatra mañjuśrīḥ kumārabhūtaḥ prativasati susthitamatiś ca bodhisattvaḥ anye ca mahaujaskā bodhisattvāḥ bhagavāṃś cādrākṣīt sadevalokaṃ sannipatitaṃ samārakaṃ sabrahmakaṃ saśramaṇabrāhmaṇikāṃ prajāṃ sannipatitāṃs tāṃś ca bodhisattvān kumārabhūtān iti nidānam tatra khalu bhagavān āyuṣmantaṃ śāriputram āmantrayāmāsa sarvākāraṃ (PSP1: 18) śāriptura sarvadharmānabhisamboddhukāmena bodhisattvena mahāsattvena prajñāpāramitāyāṃ yogaḥ karaṇīyaḥ iti samāsataḥ sambodhikāmanāsahagataś cittotpādaḥ evam ukte āyuṣmān śāriputro bhagavantam etad acovat kathaṃ bhagavan bodhisattvena mahāsattvena sarvākāraṃ sarvadharmānabhisamboddhukāmena prajñāpāramitāyāṃ yogaḥ karaṇīyaḥ evam ukte bhagavān āyuṣmantaṃ śāriputram evad avocat iha śāriputra bodhisattvena mahāsattvena prajñāpāramitāyāṃ sthitvā 'sthānayogena dānapāramitā paripūrayitavyā aparityāgayogena deyadāyakapratigrāhakānupalabdhitām upādāya śīlapāramitā paripūrayitavyā āpattyanāpattyanadhyāpattitām upādāya kṣāntipāramitā paripūrayitavyā akṣobhaṇatām upādāya vīryapāramitā paripūrayitavyā kāyikacaitasikavīryāsraṃsanatām upādāya dhyānapāramitā paripūrayitavyā anāsvādanatām upādāya prajñāpāramitā paripūrayitavyā prajñādauṣprajñānupalabdhitām upadāya iti vyāsataḥ sambodhikāmanāsahagataś cittotpādaḥ punar aparaṃ śāriputra daśadikṣu pratyekaṃ gaṅgānadīvālukopameṣu lokadhātuṣu ye sattvās tān sarvān anupadhiśeṣanirvāṇadhātau parinirvāpayitukāmena bodhisattvena mahāsattvena prajñāpāramitāyāṃ śikṣitavyam iti samāsataḥ parārthālambanaś cittotpādaḥ evaṃ matsariṇaḥ sattvān dāne pratiṣṭhāpayitukāmena duḥśīlān śīle vyāpādabahulān kṣāntau kuśīdān vīrye vikṣiptacittān dhyāne (PSP1: 19) duṣprajñān prajñāsampadi pratiṣṭhāpayitukāmena bodhisattvena mahāsattvena prajñāpāramitāyāṃ śikṣitavyam iti vyāsataḥ parārthālambanaś cittotpādaḥ punar aparaṃ śāriputra sarvākāraṃ sarvadharmān abhisamboddhukāmena bodhisattvena mahāsattvena prajñāpāramitāyṃ sthātavyam iti cchandasahagataḥ pṛthivyupamaḥ evam iha śāriputra bodhisattvena mahāsattvena prajñāpāramitāyāṃ sthitvā'sthānayogena dānapāramitā paripūrayitavyā deyadāyakapratigrāhakānupalabdhitām upādāya evaṃ śīlapāramitā kṣāntipāramitā vīryapāramitā dhyānapāramitā prajñāpāramitā paripūrayitavyā prajñādauṣprajñānupalabdhitām upādāya ity āśayasahagataḥ kalyāṇasuvarṇopamaḥ evaṃ prajñāpāramitāyāṃ śāriputra sthitvā bodhisattvena mahāsattvena catvāri smṛtyupasthānāni paripūrayitavyāni catvāri samyakprahāṇāni catvāri ṛddhipādāḥ pañcendriyāṇi pañca balāni sapta bodhyaṅgāni āryāṣṭāṅgamārgaḥ paripūrayitavyaḥ śūnyatāsamādhir bhāvayitavyaḥ animittasamādhir bhāvayitavyaḥ apraṇihitasamādhir bhāvayitavyaḥ evaṃ catvāri dhyānāni catvāry apramāṇāni catasra ārūpyasamāpattayaḥ aṣṭau vimokṣāḥ navānupūrvavihārasamāpattayaḥ navāśubhāḥ saṃjñā bhāvayitavyāḥ katamā nava yad uta ādhmātakasaṃjñā vidhūtakasaṃjñā vipūyakasaṃjñā vilohitakasaṃjñā (PSP1: 20) vinīlakasaṃjñā vikhāditakasaṃjñā vikṣiptakasaṃjñā vidagdhakasaṃjñā asthisaṃjñā āhāre pratikūlasaṃjñā bhāvayitavyā buddhānusmṛtir bhāvayitavyā saṃghānusmṛtir bhāvayitavyā śīlānusmṛtir bhāvayitavyā tyāgānusmṛtir bhāvayitavyā devatānusmṛtir bhāvayitavyā ānāpānānusmṛtir bhāvayitavyā udvegānusmṛtir bhāvayitavyā maraṇānusmṛtir bhāvayitavyā anityasaṃjñā bhāvayitavyā duḥkhasaṃjñā bhāvayitavyā anātmasaṃjñā bhāvayitavyā aśucisaṃjñā bhāvayitavyā maraṇasaṃjñā bhāvayitavyā sarvaloke anabhiratisaṃjñā bhāvayitavyā sarvaloke aviśvāsasaṃjñā bhāvayitavyā parijayasaṃjñānam bhāvayitavyam saṃvṛtisaṃjñānam bhāvayitavyam yathārutasaṃjñānam bhāvayitavyam savitarkaḥ savicāraḥ samādhir bhāvayitavyaḥ avitarko'vicāramātraḥ samādhir
bhāvayitavyaḥ avitarko 'vicāraḥ samādhir bhāvayitavyaḥ anājñātam ājñāsyāmīndriyam bhāvayitavyam ājñendriyam bhāvayitavyam ājñātāvīndriyam bhāvayitavyam abhibhvāyatanam bhāvayitavyam kṛtsnāyatanam bhāvayitavyam sarvajñajñānam bhāvayitavyam śamathavipaśyane bhāvayitavye tisro vidyā bhāvayitavyāḥ catasraḥ pratisaṃvido bhāvayitavyāḥ catvāri caiśāradyāni bhāvayitavyāni acyutāḥ pañcābhijñā (PSP1: 21) bhāvayitavyāḥ ṣaṭ pāramitā bhāvayitavyāḥ sapta dhanāni bhāvayitavyāni aṣṭau mahāpuruṣavitarkā bhāvayitavyāḥ daśa tathāgatabalāni bhāvayitavyāni aṣṭādaśāveṇikā buddhadharmā bhāvayitavyāḥ mahāmaitrī bhāvayitavyā mahākaruṇā bhāvayitavyā mahāmuditā bhāvayitavyā mahopekṣā bhāvayitavyā ity adhyāśayasahagato navacandropamaḥ sarvajñatāṃ jñānena darśanena cāvalokyātikramitukāmena bodhisattvena mahāsattvena prajñāpāramitā bhāvayitavyā mārgajñatāṃ paripūrayitukāmena sarvākārajñatām anuprāptukāmena sarvasattvacittacaritajñānākāratāṃ paripūrayitukāmena sarvavāsanānusandhikleśānutpāṭayitukāmena bodhisattvena mahāsattvena prajñāpāramitāyāṃ yogaḥ karaṇīyaḥ evaṃ bodhisattvena mahāsattvena prajñāpāramitāyāṃ śikṣitavyam bodhisattvanyāmabhavakramitukāmena śrāvakapratyekabuddhabhūmim atikramitukāmena avinivartanīyabhūmau sthātukāmena kumārabhūmiṃ samatikramitukāmena ṣaḍabhijñāḥ prāptukāmena sarvasattvacittacaritavispanditāni vijñātukāmena sarvaśrāvakapratyekabuddhānāṃ jñānam abhibhavitukāmena dhāraṇīsamādhisukhaṃ pratilabdhukāmena iti prayogasahagato jvalanopamaḥ matsariṇaḥ sattvān dāne pratiṣṭhāpayitukāmena sarvaśrāvakapratyekabuddhebhyo dānāni dīyamānāni ekenānumodanāsahagatena cittotpādenābhibhavitukāmena bodhisattvena mahāsattvena prajñāpāramitāyāṃ śikṣitavyam iti dānapāramitāsahagato mahānidhānopamaḥ (PSP1: 22) duḥśīlān śīle pratiṣṭhāpayitukāmena sarvaśrāvakapratyekabuddhānām śīlam ekenānumodanāsahagatena cittotpādenābhibhavitukāmena bodhisattvena mahāsattvena prajñāpāramitāyāṃ śikṣitavyam iti śīlapāramitāsahagato ratnākaropamaḥ vyāpannacittān kṣāntau pratiṣṭhāpayitukāmena sarvaśrāvakapratyekabuddhānām kṣāntim ekenānumodanāsahagatena cittotpādenābhibhavitukāmena bodhisattvena mahāsattvena prajñāpāramitāyāṃ śikṣitavyam iti kṣāntisahagato mahārṇavopamaḥ kuśīdān vīrye pratiṣṭhāpayitukāmena sarvaśrāvakapratyekabuddhānām vīryam ekenānumodanāsahagatena cittotpādenābhibhavitukāmena bodhisattvena mahāsattvena prajñāpāramitāyāṃ śikṣitavyam iti vīryasahagato vajropamaḥ vikṣiptacittān dhyāne pratiṣṭhāpayitukāmena sarvaśrāvakapratyekabuddhānām dhyānam ekenānumodanāsahagatena cittotpādenābhibhavitukāmena bodhisattvena mahāsattvena prajñāpāramitāyāṃ śikṣitavyam iti dhyānapāramitāsahagataḥ parvatopamaḥ duṣprajñān sattvān prajñāyāṃ pratiṣṭhāpayitukāmena sarvaśrāvakapratyekabuddhānām prajñām ekenānumodanāsahagatena cittotpādenābhibhavitukāmena bodhisattvena mahāsattvena prajñāpāramitāyāṃ śikṣitavyam iti prajñāsahagato mahābhaiṣajyopamaḥ ekam api kuśalacittotpādaṃ sarvākārajñatāyām upādāya kauśalyena pariṇāmanayā'prameyam asaṃkhyeyaṃ kartukāmena bodhisattvena mahāsattvena prajñāpāramitāyāṃ śikṣitavyam alpam api dānaṃ dadatā alpam api śīlaṃ rakṣatā alpām api kṣāntiṃ bhāvayatā alpam api vīryam ārabhamāṇena alpam api dhyānaṃ samāpadyamānenālpām api prajñāṃ bhāvayatā sarvasattvebhyaḥ sarvākārajñatāyām upādāya kauśalyena pariṇāmanayā'prameyam asaṃkhyeyaṃ kartukāmena bodhisattvena mahāsattvena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena dānapāramitāyāṃ caratā prajñāpāramitāyāṃ śikṣitavyam evaṃ śīlapāramitāyāñ caratā kṣāntipāramitāyāñ caratā vīryapāramitāyāñ caratā dhyānapāramitāyāñ caratā prajñāpāramitāyāñ caratā bodhisattvena mahāsattvena prajñāpāramitāyāṃ śikṣitavyam sarvasattvānām (PSP1: 23) arthāya narakatiryagyoniyamalokaduḥkhāny utsoḍhukāmena kalpaśatasahasrasañcitam api śīlaṃ sattvāpekṣayā tyaktukāmena buddhakule upapattukāmena aśītyanuvyañjanāni dvātriṃśatmahāpuruṣalakṣaṇāni ca niṣpādayitukāmena bodhisattvena mahāsattvena prajñāpāramitāyāṃ śikṣitavyam ity upāyasahagato mitropamaḥ punar aparaṃ śāriputra buddhakāyaṃ niṣpādayitukāmena bodhisattvena mahāsattvena prajñāpāramitāyāṃ śikṣitavyam kumārabhūmim ākramitukāmena bodhisattvena mahāsattvena prajñāpāramitāyāṃ śikṣitavyam buddhabodhisattvair avirahitena bhavitukāmena bodhisattvena mahāsattvena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena ekena svarena pūrvasyāṃ diśi gaṅgānadīvālukopamān lokadhātūn vijñāpayitukāmena prajñāpāramitāyāṃ śikṣitavyam evaṃ dakṣiṇasyāṃ paścimāyām uttarasyāṃ vidikṣu adha ūrdhvam ekena svareṇa gaṅgānadīvālukopamān lokadhātūn vijñāpayitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena triratnavaṃśasyānupacchedāya sthātukāmena prajñāpāramitāyāṃ śikṣitavyam punar aparaṃ śāriputra bodhisattvo mahāsattvo yaiḥ yaiḥ kuśalamūlair ākāṅkṣati tathāgatān arhataḥ samyaksaṃbuddhān satkartuṃ gurūkartuṃ mānayituṃ pūjayituṃ tāni tāni me kuśalamūlāni samṛdhyantām iti bodhisattvena mahāsattvena prajñāpāramitāyāṃ śikṣitavyam iti praṇidhisahagataś cintāmaṇisadṛśaḥ punar aparaṃ śāriputra bodhisattvena mahāsattvena sarvasattvānāṃ manorathān paripūrayitukāmena annapānavastragandhamālyapuṣpadhūpacūrṇavilepanaśayanāsanagṛhadhanadhānyālaṅkāraratnamaṇimuktāvaiduryaśaṅkhaśilāpravāḍajātarūparajatodyānarājyādibhir
upakaraṇaiḥ prajñāpāramitāyāṃ śikṣitavyam (PSP1: 24) punar aparaṃ śāriputra bodhisattvena mahāsattvena dharmadhātuparame loke ākāśadhātuparyavasāne sarvasattvān dānapāramitāyāṃ pratiṣṭhāpayitukāmena śīlapāramitāyāṃ kṣāntipāramitāyāṃ vīryapāramitāyāṃ dhyānapāramitāyāṃ prajñāpāramitāyāṃ pratiṣṭḥāpayitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena ekam api kuśalacittotpādam akṣayaṃ kartukāmena yāvad bodhimaṇḍābhisaṃbodher iti prajñāpāramitāyāṃ śikṣitavyam punar aparaṃ śāriputra ye daśasu dikṣu buddhā bhagavantas te me varṇaṃ bhāṣerann iti bodhisattvena mahāsattvena prajñāpāramitāyāṃ śikṣitavyam iti balasahagata ādityopamaḥ punar aparaṃ śāriputra bodhisattvena mahāsattvena adhyātmaśūnyatāyāṃ śikṣitukāmena prajñāpāramitāyāṃ śikṣitavyam evaṃ bahirdhāśūnyatāyām adhyātmabahirdhāśūnyatāyāṃ śūnyatāśūnyatāyām mahāśūnyatāyāṃ paramārthaśūnyatāyāṃ saṃskṛtaśūnyatāyām atyantaśūnyatāyām anavarāgraśūnyatāyāṃ anavakāraśūnyatāyāṃ prakṛtiśūnyatāyāṃ sarvadharmaśūnyatāyāṃ svalakṣaṇaśūnyatāyām anupalambhaśūnyatāyām abhāvasvabhāvaśūnyatāyāṃ bhāvaśūnyatāyām abhāvaśūnyatāyāṃ svabhāvaśūnyatāyāṃ parabhāvaśūnyatāyāṃ śikṣtukāmena bodhisattvena mahāsattvena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena sarvadharmatathatām avaboddhukāmena prajñāpāramitāyāṃ śikṣitavyam evaṃ dharmadhātutathatām avaboddhukāmena bodhisattvena mahāsattvena prajñāpāramitāyāṃ śikṣitavyam sarvabhūtakoṭītathatām avaboddhukāmena bodhisattvena mahāsattvena prajñāpāramitāyāṃ śikṣitavyam (PSP1: 25) punar aparaṃ śāriputra trisāhasramahāsāhasralokadhātau ye pṛthivyaptejovāyuparamāṇavas tān jñātukāmena bodhisattvena mahāsattvena prajñāpāramitāyāṃ śikṣitavyam punar aparaṃ śāriputra bodhisattvo mahāsattvaḥ prajñāpāramitāyāṃ carañ jānāti evaṃ dānaṃ dattaṃ mahāphalaṃ bhavati evaṃ dānaṃ dattaṃ kṣatriyamahāśālakuleṣūpapādayati brāhmanamahāśālakuleṣūpapādayati gṛhapatimahāśālakuleṣūpapādayati evaṃ dānaṃ dattaṃ cāturmahārājakāyikeṣu deveṣūpapādayati evaṃ dānaṃ dattaṃ trayastriṃśeṣu deveṣūpapādayati evaṃ dānaṃ dattaṃ yāmeṣūpapādayati evaṃ dānaṃ dattaṃ tuṣiteṣūpapādayati evaṃ dānaṃ dattaṃ nirmāṇaratiṣūpapādayati evaṃ dānaṃ dattaṃ paranirmitavaśavartiṣu deveṣūpapādayati evaṃ dānaṃ dattaṃ prathamadhyānapratilambhāya saṃvartate evaṃ dānaṃ dattaṃ dvitīyadhyānapratilambhāya saṃvartate evaṃ dānaṃ dattaṃ tṛtīyadhyānapratilambhāya saṃvartate evaṃ dānaṃ dattaṃ caturthadhyānapratilambhāya saṃvartate evaṃ dānaṃ dattaṃ ākāśānantyāyatanasamāpattipratilambhāya saṃvartate evaṃ dānaṃ dattaṃ vijñānānantyāyatanasamāpattipratilambhāya saṃvartate evaṃ dānaṃ dattaṃ ākiñcanyāyatanasamāpattipratilambhāya saṃvartate evaṃ dānaṃ dattaṃ naivasaṃjñānāsaṃjñāyatanasamāpattipratilambhāya saṃvaratte evaṃ dānaṃ dattam saptatriṃśadbodhipakṣāṇāṃ dharmāṇāṃ pratilambhāya saṃvartate evaṃ dānaṃ dattaṃ srotaāpattiphalapratilambhāya saṃvartate evaṃ dānaṃ dattaṃ sakṛdāgāmiphalapratilambhāya saṃvartate evaṃ dānaṃ dattam anāgāmiphalapratilambhāya saṃvartate evaṃ dānaṃ dattam arhatphalapratilambhāya saṃvartate evaṃ dānaṃ dattaṃ pratyekabuddhatvapratilambhāya saṃvartate evaṃ samyaksaṃbuddhatvapratilambhāya saṃvartate punar aparaṃ śāriputra bodhisattvena mahāsattvena prajñāpāramitāyāñ caratā jñātavyam evam upāyakauśalena dānaṃ dattaṃ dānapāramitāṃ paripūrayati evaṃ dānaṃ dattaṃ śīlapāramitāṃ paripūrayati evaṃ dānaṃ dattaṃ kṣāntipāramitāṃ paripūrayati evaṃ dānaṃ dattaṃ vīryapāramitāṃ paripūrayati evaṃ dānaṃ dattaṃ dhyānapāramitāṃ paripūrayati evaṃ dānaṃ dattaṃ prajñāpāramitāṃ paripūrayati (PSP1: 26) evam ukte āyuṣmān śāriputro bhagavantam etad acovat kathaṃ bhagavan bodhisattvena mahāsattvena dānaṃ dadatā dānapāramitā paripūritā bhavati kathaṃ dānaṃ dadatā śīlapāramitā paripūritā bhavati kathaṃ dānaṃ dadatā kṣāntipāramitā paripūritā bhavati kathaṃ dānaṃ dadatā vīryapāramitā paripūritā bhavati kathaṃ dānaṃ dadatā dhyānapāramitā paripūritā bhavati kathaṃ bhagavan bodhisattvena dānaṃ dadatā prajñāpāramitā paripūritā bhavati bhagavān āha anupalambhena deyasya dāyakasya grāhakasya ca dānapāramitā paripūritā bhavati āpattyanāpattyanadhyāpattitaḥ śīlapāramitā paripūritā bhavati akṣobhānabhikṣobhaṇataḥ kṣāntipāramitā paripūritā bhavati kāyikacaitasikavīryāsraṃsanato vīryapāramitā paripūritā bhavati avikṣepāsaṃkalpanatām upādāya dhyānapāramitā paripūritā bhavati sarvadharmaprajānanānupalambhayogena prajñāpāramitā paripūritā bhavati evaṃ bodhisattvena mahāsattvena dānaṃ dadatā ṣaṭ pāramitāḥ paripūritā bhavanti evaṃ śīlapāramitāyāṃ sarvāḥ ṣaṭ pāramitāḥ paripūryante evaṃ kṣāntipāramitāyāṃ sarvāḥ (PSP1: 27) ṣaṭ pāramitāḥ paripūryante evaṃ vīryapāramitāyāṃ sarvāḥ ṣaṭ pāramitāḥ paripūryante evaṃ dhyānapāramitāyāṃ sarvāḥ ṣaṭ pāramitāḥ paripūryante evaṃ prajñāpāramitāyāṃ sarvāḥ ṣaṭ pāramitāḥ paripūryante iti jñānasahagato madhurasaṅgītibhāṣopamaḥ punar aparaṃ śāriputra bodhisattvena mahāsattvena ekacittotpādena pūrvasyāṃ diśi gaṅgānadīvālukopamān lokadhātūn samatikramitukāmena evaṃ dakṣiṇasyāṃ paścimāyām uttarasyāṃ vidikṣv adha ūrdhvaṃ digbhāge gaṅgānadīvālukopamān lokadhātūn samatikramitukāmena bodhisattvena mahāsattvena prajñāpāramitāyāṃ śikṣitavyam punar aparaṃ śāriputra trisāhasramahāsāhasralokadhātau yo mahāsamudreṣv apy apskandho mahānadīṣu kunadīṣūtsasarastaḍāgeṣu palvaleṣu taṃ sarvaṃ śatadhā bhinnayā bālāgrakoṭyābhyutkṣeptukāmena ca tan niśritān prāṇino viheṭhayitukāmena bodhisattvena mahāsattvena prajñāpāramitāyāṃ śikṣitavyam punar aparaṃ śāriputra trisāhasramahāsāhasraṃ lokadhātuṃ kalpoddāhāgnipradīptam ekena mukhavātena praśamayitukāmena bodhisattvena mahāsattvena prajñāpāramitāyāṃ śikṣitavyam punar aparaṃ śāriputra
bodhisattvena mahāsattvena yā vikṣobhaṇā vātamaṇḍalīvātasaṃvarttanyāṃ varttamānāyāṃ yāvat sumerumahāsumerucakravāḍamahācakravāḍānupādāya sarvaparvatān sarvamahāpṛthivīṃ vidhunoti vikirati nirmaṣīkaroti tāṃ vikṣobhaṇāvātamaṇḍalīm ekenāṅguliparvāgreṇācchādayitukāmena prajñāpāramitāyāṃ śikṣitavyam (PSP1: 28) punar apraṃ śāriputra bodhisattvena mahāsattvena trisāhasramahāsāhasre lokadhātau yāvān ākāśadhātus taṃ sarvam ekena paryaṅkena sphāritukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena trisāhasramahāsāhasre lokadhātau ye sumerumahāsumerucakravāḍamahācakravāḍādayaḥ parvatās tān ekena bālena baddhvā asaṃkhyeyān apramāṇān lokadhātūn samatikrāmayeyaṃ kṣipeyam iti prajñāpāramitāyāṃ śikṣitavyam punar aparaṃ śāriputra bodhisattvena mahāsattvena daśasu dikṣu pratyekaṃ sarvabuddhakṣetreṣu buddhān bhagavato divyena cakṣuṣā draṣṭukāmena teṣāñ ca dharmadeśanāṃ divyena śrotreṇa śrotukāmena sarvasattvacittacaritāni ca jñātukāmena teṣāṃ pūrvanivāsam anusmartukāmena āsravakṣayajñānābhijñām abhinirhartukāmena ca bhūtakoṭiṃ sākṣātkartukāmena prajñāpāramitāyāṃ śikṣitavyam iti abhijñāsahagato mahārājopamaḥ punar aparaṃ śāriputra bodhisattvena mahāsattvena daśasu dikṣu pratyekaṃ yāvanto gaṅgānadīvālukopameṣu lokadhātuṣu buddhā bhagavantaḥ saśrāvakabodhisattvasaṃghās tān ekena piṇḍapātreṇa pratipādayitukāmena prajñāpāramitāyāṃ śikṣitavyam evaṃ puṣpadhūpagandhamālyavilepanacūrṇacīvaracchatradhvajapatākāmeghais tāṃs tathāgatān arhataḥ samyaksaṃbuddhān satkartukāmena gurūkartukāmena mānayitukāmena pūjayitukāmena prajñāpāramitāyāṃ śikṣitavyaṃ punar aparaṃ śāriputra bodhisattvena mahāsattvena pūrvasyāṃ diśi gaṅgānadīvālukopameṣu lakadhātuṣu ye sattvās tān śīlaskhandhe pratiṣṭhāpayitukāmena samādhiskandhe pratiṣṭhāpayitukāmena vimuktijñānadarśanaskandhe pratiṣṭhāpayitukāmena srotaāpattiphale pratiṣṭhāpayitukāmena sakṛdāgāmiphale pratiṣṭhāpayitukāmena anāgāmiphale pratiṣṭhāpayitukāmena arhattve pratiṣṭhāpayitukāmena pratyekabodhau pratiṣṭhāpayitukāmena yāvad anupadhiśeṣanirvāṇadhātau pratiṣṭhāpayitukāmena prajñāpāramitāyāṃ śikṣitavyam yathā pūrvasyāṃ diśi evaṃ dakṣiṇasyāṃ paścimāyām uttarasyāṃ vadikṣv adha ūrdhvaṃ pratyekaṃ gaṅgānadīvālukopameṣu (PSP1: 29) lokadhātuṣu ye sattvās tān yāvad anupadhiśeṣanirvāṇadhāatau pratiṣṭhāpayitukāmena bodhisattvena māhāsattvena prajñāpāramitāyāṃ śikṣitavyam iti puṇyajñānasahagataḥ koṣṭhāgāropamaḥ punar aparaṃ śāriputra bodhisattvena mahāsattvena atītānāgatapratyutpannānāṃ buddhānāṃ bhagavatāṃ buddhaguṇān anuprāptukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena saṃskṛtāsaṃskṛtānāṃ dharmāṇāṃ pāraṃ gantukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena sarvadharmāṇām atītānāgatapratyutpannānāṃ tathāgatānām avaboddhukāmena dharmāṇām anutpādakoṭim anuprāptukāmena prajñāpāramitāyāṃ śikṣitavyam iti bodhipakṣasahagato mahāmārgopamaḥ punar aparaṃ śāriputra bodhisattvena mahāsattvena sarvaśrāvakapratyekabuddhānāṃ pūrvaṅgamena bhavitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena buddhānāṃ bhagavatām upasthāpakena bhavitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena buddhānāṃ bhagavatām abhyantaraparivāreṇa bhavitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena mahāparivāreṇa bhavitukāmena bodhisattvaparivāraṃ pratilabdhukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena dakṣiṇāṃ pariśodhayitukāamena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena mātsaryacittaṃ nigrahītukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena dauḥśīlyacittam anutpādayitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena vyāpādacittam anutpādayitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena kauśīdyacittam utsraṣṭakāmena prajñāpāramitāyāṃ śikṣitavyam punar aparaṃ śāriptura bodhisattvena mahāsattvena vikṣiptacittaṃ niścitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena dauṣprajñacittam aprapañcitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena sarvasattvān dānamayapuṇyakriyāvastuni pratiṣṭhāpayitukāmena śīlamayapuṇyakriyāvastuni (PSP1: 30) pratiṣṭhāpayitukāmena bhāvanāmayapuṇyakriyāvastuni pratiṣṭhāpayitukāmena vaiyāvṛtyasahagate caupadhike puṇyakriyāvastuni pratiṣṭhāpayitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena pañca cakṣūṃṣy utpādayitukāmena prajñāpāramitāyāṃ śikṣitavyam katamāni pañca yad uta māṃsacakṣur divyacakṣuḥ prajñācakṣur dharmacakṣur buddhacakṣur utpādayitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena pūrvasyāṃ diśi divyena cakṣuṣā gaṅgānadīvālukopamān bhagavato draṣṭukāmena prajñāpāramitāyāṃ śikṣitavyam evaṃ dakṣīṇasyāṃ diśi divyena cakṣuṣā gaṅgānadīvālukopamān buddhān bhagavato draṣṭukāmena prajñāpāramitāyāṃ śikṣitavyaṃ evaṃ paścimāyām diśi divyena cakṣuṣā gaṅgānadīvālukopamān buddhān bhagavato draṣṭukāmena prajñāpāramitāyāṃ śikṣitavyaṃ evam uttarasyām diśi divyena cakṣuṣā gaṅgānadīvālukopamān buddhān bhagavato draṣṭukāmena prajñāpāramitāyāṃ śikṣitavyaṃ evam uttarapūrvasyām diśi divyena cakṣuṣā gaṅgānadīvālukopamān buddhān bhagavato draṣṭukāmena prajñāpāramitāyāṃ śikṣitavyaṃ evaṃ pūrvadakṣiṇasyām diśi divyena cakṣuṣā gaṅgānadīvālukopamān buddhān bhagavato draṣṭukāmena prajñāpāramitāyāṃ śikṣitavyaṃ
evaṃ dakṣiṇapaścimāyām diśi divyena cakṣuṣā gaṅgānadīvālukopamān buddhān bhagavato draṣṭukāmena prajñāpāramitāyāṃ śikṣitavyaṃ evaṃ paścimottarasyām diśi divyena cakṣuṣā gaṅgānadīvālukopamān buddhān bhagavato draṣṭukāmena prajñāpāramitāyāṃ śikṣitavyaṃ evam adhastād diśi divyena cakṣuṣā gaṅgānadīvālukopamān buddhān bhagavato draṣṭukāmena prajñāpāramitāyāṃ śikṣitavyaṃ evam upariṣṭād diśi divyena cakṣuṣā gaṅgānadīvālukopamān buddhān bhagavato draṣṭukāmena prajñāpāramitāyāṃ śikṣitavyaṃ yāṃś ca te buddhānāṃ bahgavanto dharmān bhāṣante tān dharmān divyena śrotreṇa śrotukāmena teṣāñ ca buddhānāṃ bhagavataṃ cetasaiva cittaṃ yathābhūtaṃ parijñātukāmena teṣāṃ buddhānāṃ bhagavatāṃ pūrvayogasahagatāṃ bodhisattvatām anusmartukāmena teṣāñ ca buddhānām ṛddhivikurvitaṃ draṣṭukāmena prajñāpāramitāyām śikṣitavyam punar aparaṃ śāriputra bodhisattvena mahāsattvena yāṃs te buddhā bhagavantaḥ samantād daśasu dikṣu sarvalokadhātuṣu dharmān bhāṣante tāñ śrutvā anācchedyena smṛtibalādhānena sarvān sandhārayitukāmena yāvad anuttarāṃ samyaksaṃbodhim abhisaṃbuddha iti prajñāpāramitāyāṃ śikṣitavyam punar aparaṃ śāriputra bodhisattvena mahāsattvena atītānāṃ buddhānāṃ bhagavatāṃ buddhakṣetrāṇi draṣtukāmena anāgatānām api buddhānāṃ bhagavatāṃ buddhakṣetrāṇi draṣṭukāmena prajñāpāramitāyāṃ śikṣitavyam ye (PSP1: 31) caitarhi samantād daśadiśi loke buddhā bhagavantas tiṣṭhanti dhriyante yāpayanti teṣām api buddhānāṃ bhagavatāṃ buddhakṣetrāṇi draṣṭukāmena prajñāpāramitāyāṃ śikṣitavyam iti śamathavipaśyanāsahagato yānopamaḥ punar aparaṃ śāriputra bodhisattvena mahāsattvena yat kiñcid daśasu dikṣu buddhair bhagavadbhir bhāṣitaṃ bhāṣyate bhāṣiṣyate ca yad idaṃ sūtraṃ geyaṃ vyākaraṇaṃ gāthā udānaṃ nidānam itivṛttakaṃ jātakaṃ vaipulyādbhutā dharmā avadānam upadeśāḥ yac ca śrāvakair na śrutaṃ tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa samprakāśayitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena yat kiñcit pūrvasyāṃ diśi buddhair bhagavadbhir bhāṣitaṃ bhāṣyate bhāṣiṣyate ca tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa saṃprakāśayitukāmena prajñāpāramitāyāṃ śikṣitavyam yat kiñcid dakṣiṇasyāṃ diśi buddhair bhagavadbhir bhāṣitaṃ bhāṣyate bhāṣiṣyate ca tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa saṃprakāśayitukāmena prajñāpāramitāyāṃ śikṣitavyam yat kiñcid paścimāyāṃ diśi buddhair bhagavadbhir bhāṣitaṃ bhāṣyate bhāṣiṣyate ca tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa saṃprakāśayitukāmena prajñāpāramitāyāṃ śikṣitavyam yat kiñcid uttarasyāṃ diśi buddhair bhagavadbhir bhāṣitaṃ bhāṣyate bhāṣiṣyate ca tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa saṃprakāśayitukāmena prajñāpāramitāyāṃ śikṣitavyam yat kiñcid uttarapūrvasyāṃ diśi buddhair bhagavadbhir bhāṣitaṃ bhāṣyate bhāṣiṣyate ca tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa saṃprakāśayitukāmena prajñāpāramitāyāṃ śikṣitavyam yat kiñcid pūrvadakṣiṇasyāṃ diśi buddhair bhagavadbhir bhāṣitaṃ bhāṣyate bhāṣiṣyate ca tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa saṃprakāśayitukāmena prajñāpāramitāyāṃ śikṣitavyam yat kiñcid dakṣiṇapaścimāyāṃ diśi buddhair bhagavadbhir bhāṣitaṃ bhāṣyate bhāṣiṣyate ca tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa saṃprakāśayitukāmena prajñāpāramitāyāṃ śikṣitavyam yat kiñcid paścimottarasyāṃ diśi buddhair bhagavadbhir bhāṣitaṃ bhāṣyate bhāṣiṣyate ca tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa saṃprakāśayitukāmena prajñāpāramitāyāṃ śikṣitavyam yat kiñcid adhastād diśi buddhair bhagavadbhir bhāṣitaṃ bhāṣyate bhāṣiṣyate ca tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa saṃprakāśayitukāmena prajñāpāramitāyāṃ śikṣitavyam yat kiñcid ūrdhvaṃ diśi buddhair bhagavadbhir bhāṣitaṃ bhāṣyate bhāṣiṣyate ca tat sarvam udgrahītukāmena dhārayitukāmena vācayitukāmena tathatvāya pratipattukāmena parebhyaś ca vistareṇa saṃprakāśayitukāmena prajñāpāramitāyāṃ śikṣitavyam iti dhāraṇīpratibhānasahagataḥ prasnavaṇopamaḥ punar aparaṃ śāriputra bodhisattvena mahāsattvena yāni pūrvasyāṃ diśi gaṅgānadīvālukopameṣu lokadhātuṣu andhakāratamisrāṇi yatra sūryācandramasor api prabhāyā gatir nāsti tāni sarvāṇy avabhāsayitukāmena prajñāpāramitāyāṃ śikṣitavyam yāni dakṣiṇasyāṃ diśi gaṅgānadīvālukopameṣu lokadhātuṣu andhakāratamisrāṇi yatra sūryācandramasor api prabhāyā gatir nāsti tāni sarvāṇy avabhāsayitukāmena prajñāpāramitāyāṃ śikṣitavyam yāni paścimāyāṃ diśi gaṅgānadīvālukopameṣu lokadhātuṣu andhakāratamisrāṇi yatra sūryācandramasor api prabhāyā gatir nāsti tāni sarvāṇy avabhāsayitukāmena prajñāpāramitāyāṃ śikṣitavyam yāni uttarasyāṃ diśi gaṅgānadīvālukopameṣu lokadhātuṣu andhakāratamisrāṇi yatra sūryācandramasor api
prabhāyā gatir nāsti tāni sarvāṇy avabhāsayitukāmena prajñāpāramitāyāṃ śikṣitavyam yāni uttarapūrvasyāṃ diśi gaṅgānadīvālukopameṣu lokadhātuṣu andhakāratamisrāṇi yatra sūryācandramasor api prabhāyā gatir nāsti tāni sarvāṇy avabhāsayitukāmena prajñāpāramitāyāṃ śikṣitavyam yāni pūrvadakṣiṇasyāṃ diśi gaṅgānadīvālukopameṣu lokadhātuṣu andhakāratamisrāṇi yatra sūryācandramasor api prabhāyā gatir nāsti tāni sarvāṇy avabhāsayitukāmena prajñāpāramitāyāṃ śikṣitavyam yāni dakṣiṇapaścimāyāṃ diśi gaṅgānadīvālukopameṣu lokadhātuṣu andhakāratamisrāṇi yatra sūryācandramasor api prabhāyā gatir nāsti tāni sarvāṇy avabhāsayitukāmena prajñāpāramitāyāṃ śikṣitavyam yāni paścimottarasyāṃ diśi gaṅgānadīvālukopameṣu lokadhātuṣu andhakāratamisrāṇi yatra sūryācandramasor api prabhāyā gatir nāsti tāni sarvāṇy avabhāsayitukāmena prajñāpāramitāyāṃ śikṣitavyam yāni adhastād diśi gaṅgānadīvālukopameṣu lokadhātuṣu andhakāratamisrāṇi yatra sūryācandramasor api prabhāyā gatir nāsti tāni sarvāṇy avabhāsayitukāmena prajñāpāramitāyāṃ śikṣitavyam yāni upariṣṭād diśi gaṅgānadīvālukopameṣu lokadhātuṣu andhakāratamisrāṇi yatra sūryācandramasor api prabhāyā gatir nāsti tāni sarvāṇy avabhāsayitukāmena prajñāpāramitāyāṃ śikṣitavyam punar aparaṃ śāriputra bodhisattvena mahāsattvena ye pūrvasyāṃ diśi gaṅgānadīvālukopameṣu lokadhātuṣu sattvā nānābuddhakṣetreṣūpapannās tān sarvān buddhaśabdaṃ dharmaśabdaṃ saṅghaśabdaṃ saṃśrāvayitukāmena tāmś ca sattvān samyagdṛṣṭyāṃ (PSP1: 32) pratiṣṭhāpayitukāmena prajñāpāramitāyāṃ śikṣitavyam ye dakṣiṇasyāṃ diśi gaṅgānadīvālukopameṣu lokadhātuṣu sattvā nānābuddhakṣetreṣūpapannās tān sarvān buddhaśabdaṃ dharmaśabdaṃ saṅghaśabdaṃ saṃśrāvayitukāmena tāmś ca sattvān samyagdṛṣṭyāṃ pratiṣṭhāpayitukāmena prajñāpāramitāyāṃ śikṣitavyam ye paścimāyāṃ diśi gaṅgānadīvālukopameṣu lokadhātuṣu sattvā nānābuddhakṣetreṣūpapannās tān sarvān buddhaśabdaṃ dharmaśabdaṃ saṅghaśabdaṃ saṃśrāvayitukāmena tāmś ca sattvān samyagdṛṣṭyāṃ pratiṣṭhāpayitukāmena prajñāpāramitāyāṃ śikṣitavyam ye uttarasyāṃ diśi gaṅgānadīvālukopameṣu lokadhātuṣu sattvā nānābuddhakṣetreṣūpapannās tān sarvān buddhaśabdaṃ dharmaśabdaṃ saṅghaśabdaṃ saṃśrāvayitukāmena tāmś ca sattvān samyagdṛṣṭyāṃ pratiṣṭhāpayitukāmena prajñāpāramitāyāṃ śikṣitavyam ye uttarapūrvasyāṃ diśi gaṅgānadīvālukopameṣu lokadhātuṣu sattvā nānābuddhakṣetreṣūpapannās tān sarvān buddhaśabdaṃ dharmaśabdaṃ saṅghaśabdaṃ saṃśrāvayitukāmena tāmś ca sattvān samyagdṛṣṭyāṃ pratiṣṭhāpayitukāmena prajñāpāramitāyāṃ śikṣitavyam ye pūrvadakṣiṇasyāṃ diśi gaṅgānadīvālukopameṣu lokadhātuṣu sattvā nānābuddhakṣetreṣūpapannās tān sarvān buddhaśabdaṃ dharmaśabdaṃ saṅghaśabdaṃ saṃśrāvayitukāmena tāmś ca sattvān samyagdṛṣṭyāṃ pratiṣṭhāpayitukāmena prajñāpāramitāyāṃ śikṣitavyam ye dakṣiṇapaścimāyāṃ diśi gaṅgānadīvālukopameṣu lokadhātuṣu sattvā nānābuddhakṣetreṣūpapannās tān sarvān buddhaśabdaṃ dharmaśabdaṃ saṅghaśabdaṃ saṃśrāvayitukāmena tāmś ca sattvān samyagdṛṣṭyāṃ pratiṣṭhāpayitukāmena prajñāpāramitāyāṃ śikṣitavyam ye paścimottarasyām diśi gaṅgānadīvālukopameṣu lokadhātuṣu sattvā nānābuddhakṣetreṣūpapannās tān sarvān buddhaśabdaṃ dharmaśabdaṃ saṅghaśabdaṃ saṃśrāvayitukāmena tāmś ca sattvān samyagdṛṣṭyāṃ pratiṣṭhāpayitukāmena prajñāpāramitāyāṃ śikṣitavyam ye adhastād diśi gaṅgānadīvālukopameṣu lokadhātuṣu sattvā nānābuddhakṣetreṣūpapannās tān sarvān buddhaśabdaṃ dharmaśabdaṃ saṅghaśabdaṃ saṃśrāvayitukāmena tāmś ca sattvān samyagdṛṣṭyāṃ pratiṣṭhāpayitukāmena prajñāpāramitāyāṃ śikṣitavyam ye upariṣṭād diśi gaṅgānadīvālukopameṣu lokadhātuṣu sattvā nānābuddhakṣetreṣūpapannās tān sarvān buddhaśabdaṃ dharmaśabdaṃ saṅghaśabdaṃ saṃśrāvayitukāmena tāmś ca sattvān samyagdṛṣṭyāṃ pratiṣṭhāpayitukāmena prajñāpāramitāyāṃ śikṣitavyam iti dharmoddānasahagata ānandaśabdopamaḥ punar aparaṃ śāriputra bodhisattvena mahāsattvena ye pūrvasyāṃ diśi gaṅgādanīvālukopameṣu lokadātuṣu sarvabuddhakṣetreṣu sattvā andhās te mamānubhāvena cakṣuṣā rūpāṇi drakṣyanīti prajñāpāramitāyāṃ śikṣitavyam evaṃ vadhirāḥ śrotreṇa śabdān śroṣyantīti unmattāḥ smṛtiṃ pratilapsyante iti nagnāś cailāni pratilapsyanta iti jighatsitāḥ sattvāḥ pūrṇapātrā bhviṣyantīti apāyopapannāś ca sattvāḥ sarvāpāyebhyo vimokṣyante manuṣyātmabhāvañ ca pratilapsyante iti duḥśīlān śīlaskandhe pratiṣṭhāpayiṣyāmīti asamāhitān samādhiskandhe pratiṣṭhāpayiṣyāmīti duṣprajñān prajñāskandhe pratiṣṭhāpayiṣyāmīti avimuktān vimutiskandhe pratiṣṭhāpayiṣyāmīti avimuktijñānadarśanān vimuktijñānadarśanskandhe pratiṣṭhāpayiṣyāmīti aṭṭaṣṭasatyān srotaāpattiphale pratiṣṭhāpayiṣyāmīti sakṛdāgāmiphale anāgāmiphale arhattve pratiṣṭhāpayiṣyāmīti pratyekabodhau pratiṣṭhāpayiṣyāmīti anuttarāyāṃ samyaksaṃbodhau pratiṣṭhāpayiṣyāmīti bodhisattvena prajñāpāramitāyāṃ śikṣitavyam ye dakṣiṇasyāṃ diśi gaṅgādanīvālukopameṣu lokadātuṣu sarvabuddhakṣetreṣu sattvā andhās te mamānubhāvena cakṣuṣā rūpāṇi drakṣyanīti prajñāpāramitāyāṃ śikṣitavyam evaṃ vadhirāḥ śrotreṇa śabdān śroṣyantīti unmattāḥ smṛtiṃ pratilapsyante iti nagnāś cailāni pratilapsyanta iti jighatsitāḥ sattvāḥ pūrṇapātrā bhviṣyantīti apāyopapannāś ca sattvāḥ sarvāpāyebhyo vimokṣyante manuṣyātmabhāvañ ca pratilapsyante iti duḥśīlān śīlaskandhe pratiṣṭhāpayiṣyāmīti
asamāhitān samādhiskandhe pratiṣṭhāpayiṣyāmīti duṣprajñān prajñāskandhe pratiṣṭhāpayiṣyāmīti avimuktān vimutiskandhe pratiṣṭhāpayiṣyāmīti avimuktijñānadarśanān vimuktijñānadarśanskandhe pratiṣṭhāpayiṣyāmīti aṭṭaṣṭasatyān srotaāpattiphale pratiṣṭhāpayiṣyāmīti sakṛdāgāmiphale anāgāmiphale arhattve pratiṣṭhāpayiṣyāmīti pratyekabodhau pratiṣṭhāpayiṣyāmīti anuttarāyāṃ samyaksaṃbodhau pratiṣṭhāpayiṣyāmīti bodhisattvena prajñāpāramitāyāṃ śikṣitavyam ye paścimāyāṃ diśi gaṅgādanīvālukopameṣu lokadātuṣu sarvabuddhakṣetreṣu sattvā andhās te mamānubhāvena cakṣuṣā rūpāṇi drakṣyanīti prajñāpāramitāyāṃ śikṣitavyam evaṃ vadhirāḥ śrotreṇa śabdān śroṣyantīti unmattāḥ smṛtiṃ pratilapsyante iti nagnāś cailāni pratilapsyanta iti jighatsitāḥ sattvāḥ pūrṇapātrā bhviṣyantīti apāyopapannāś ca sattvāḥ sarvāpāyebhyo vimokṣyante manuṣyātmabhāvañ ca pratilapsyante iti duḥśīlān śīlaskandhe pratiṣṭhāpayiṣyāmīti asamāhitān samādhiskandhe pratiṣṭhāpayiṣyāmīti duṣprajñān prajñāskandhe pratiṣṭhāpayiṣyāmīti avimuktān vimutiskandhe pratiṣṭhāpayiṣyāmīti avimuktijñānadarśanān vimuktijñānadarśanskandhe pratiṣṭhāpayiṣyāmīti aṭṭaṣṭasatyān srotaāpattiphale pratiṣṭhāpayiṣyāmīti sakṛdāgāmiphale anāgāmiphale arhattve pratiṣṭhāpayiṣyāmīti pratyekabodhau pratiṣṭhāpayiṣyāmīti anuttarāyāṃ samyaksaṃbodhau pratiṣṭhāpayiṣyāmīti bodhisattvena prajñāpāramitāyāṃ śikṣitavyam ye uttarasyāṃ diśi gaṅgādanīvālukopameṣu lokadātuṣu sarvabuddhakṣetreṣu sattvā andhās te mamānubhāvena cakṣuṣā rūpāṇi drakṣyanīti prajñāpāramitāyāṃ śikṣitavyam evaṃ vadhirāḥ śrotreṇa śabdān śroṣyantīti unmattāḥ smṛtiṃ pratilapsyante iti nagnāś cailāni pratilapsyanta iti jighatsitāḥ sattvāḥ pūrṇapātrā bhviṣyantīti apāyopapannāś ca sattvāḥ sarvāpāyebhyo vimokṣyante manuṣyātmabhāvañ ca pratilapsyante iti duḥśīlān śīlaskandhe pratiṣṭhāpayiṣyāmīti asamāhitān samādhiskandhe pratiṣṭhāpayiṣyāmīti duṣprajñān prajñāskandhe pratiṣṭhāpayiṣyāmīti avimuktān vimutiskandhe pratiṣṭhāpayiṣyāmīti avimuktijñānadarśanān vimuktijñānadarśanskandhe pratiṣṭhāpayiṣyāmīti aṭṭaṣṭasatyān srotaāpattiphale pratiṣṭhāpayiṣyāmīti sakṛdāgāmiphale anāgāmiphale arhattve pratiṣṭhāpayiṣyāmīti pratyekabodhau pratiṣṭhāpayiṣyāmīti anuttarāyāṃ samyaksaṃbodhau pratiṣṭhāpayiṣyāmīti bodhisattvena prajñāpāramitāyāṃ śikṣitavyam ye uttarapūrvasyāṃ diśi gaṅgādanīvālukopameṣu lokadātuṣu sarvabuddhakṣetreṣu sattvā andhās te mamānubhāvena cakṣuṣā rūpāṇi drakṣyanīti prajñāpāramitāyāṃ śikṣitavyam evaṃ vadhirāḥ śrotreṇa śabdān śroṣyantīti unmattāḥ smṛtiṃ pratilapsyante iti nagnāś cailāni pratilapsyanta iti jighatsitāḥ sattvāḥ pūrṇapātrā bhviṣyantīti apāyopapannāś ca sattvāḥ sarvāpāyebhyo vimokṣyante manuṣyātmabhāvañ ca pratilapsyante iti duḥśīlān śīlaskandhe pratiṣṭhāpayiṣyāmīti asamāhitān samādhiskandhe pratiṣṭhāpayiṣyāmīti duṣprajñān prajñāskandhe pratiṣṭhāpayiṣyāmīti avimuktān vimutiskandhe pratiṣṭhāpayiṣyāmīti avimuktijñānadarśanān vimuktijñānadarśanskandhe pratiṣṭhāpayiṣyāmīti aṭṭaṣṭasatyān srotaāpattiphale pratiṣṭhāpayiṣyāmīti sakṛdāgāmiphale anāgāmiphale arhattve pratiṣṭhāpayiṣyāmīti pratyekabodhau pratiṣṭhāpayiṣyāmīti anuttarāyāṃ samyaksaṃbodhau pratiṣṭhāpayiṣyāmīti bodhisattvena prajñāpāramitāyāṃ śikṣitavyam ye pūrvadakṣiṇasyāṃ diśi gaṅgādanīvālukopameṣu lokadātuṣu sarvabuddhakṣetreṣu sattvā andhās te mamānubhāvena cakṣuṣā rūpāṇi drakṣyanīti prajñāpāramitāyāṃ śikṣitavyam evaṃ vadhirāḥ śrotreṇa śabdān śroṣyantīti unmattāḥ smṛtiṃ pratilapsyante iti nagnāś cailāni pratilapsyanta iti jighatsitāḥ sattvāḥ pūrṇapātrā bhviṣyantīti apāyopapannāś ca sattvāḥ sarvāpāyebhyo vimokṣyante manuṣyātmabhāvañ ca pratilapsyante iti duḥśīlān śīlaskandhe pratiṣṭhāpayiṣyāmīti asamāhitān samādhiskandhe pratiṣṭhāpayiṣyāmīti duṣprajñān prajñāskandhe pratiṣṭhāpayiṣyāmīti avimuktān vimutiskandhe pratiṣṭhāpayiṣyāmīti avimuktijñānadarśanān vimuktijñānadarśanskandhe pratiṣṭhāpayiṣyāmīti aṭṭaṣṭasatyān srotaāpattiphale pratiṣṭhāpayiṣyāmīti
sakṛdāgāmiphale anāgāmiphale arhattve pratiṣṭhāpayiṣyāmīti pratyekabodhau pratiṣṭhāpayiṣyāmīti anuttarāyāṃ samyaksaṃbodhau pratiṣṭhāpayiṣyāmīti bodhisattvena prajñāpāramitāyāṃ śikṣitavyam ye dakṣiṇapaścimāyāṃ diśi gaṅgādanīvālukopameṣu lokadātuṣu sarvabuddhakṣetreṣu sattvā andhās te mamānubhāvena cakṣuṣā rūpāṇi drakṣyanīti prajñāpāramitāyāṃ śikṣitavyam evaṃ vadhirāḥ śrotreṇa śabdān śroṣyantīti unmattāḥ smṛtiṃ pratilapsyante iti nagnāś cailāni pratilapsyanta iti jighatsitāḥ sattvāḥ pūrṇapātrā bhviṣyantīti apāyopapannāś ca sattvāḥ sarvāpāyebhyo vimokṣyante manuṣyātmabhāvañ ca pratilapsyante iti duḥśīlān śīlaskandhe pratiṣṭhāpayiṣyāmīti asamāhitān samādhiskandhe pratiṣṭhāpayiṣyāmīti duṣprajñān prajñāskandhe pratiṣṭhāpayiṣyāmīti avimuktān vimutiskandhe pratiṣṭhāpayiṣyāmīti avimuktijñānadarśanān vimuktijñānadarśanskandhe pratiṣṭhāpayiṣyāmīti aṭṭaṣṭasatyān srotaāpattiphale pratiṣṭhāpayiṣyāmīti sakṛdāgāmiphale anāgāmiphale arhattve pratiṣṭhāpayiṣyāmīti pratyekabodhau pratiṣṭhāpayiṣyāmīti anuttarāyāṃ samyaksaṃbodhau pratiṣṭhāpayiṣyāmīti bodhisattvena prajñāpāramitāyāṃ śikṣitavyam ye paścimottarasyām diśi gaṅgādanīvālukopameṣu lokadātuṣu sarvabuddhakṣetreṣu sattvā andhās te mamānubhāvena cakṣuṣā rūpāṇi drakṣyanīti prajñāpāramitāyāṃ śikṣitavyam evaṃ vadhirāḥ śrotreṇa śabdān śroṣyantīti unmattāḥ smṛtiṃ pratilapsyante iti nagnāś cailāni pratilapsyanta iti jighatsitāḥ sattvāḥ pūrṇapātrā bhviṣyantīti apāyopapannāś ca sattvāḥ sarvāpāyebhyo vimokṣyante manuṣyātmabhāvañ ca pratilapsyante iti duḥśīlān śīlaskandhe pratiṣṭhāpayiṣyāmīti asamāhitān samādhiskandhe pratiṣṭhāpayiṣyāmīti duṣprajñān prajñāskandhe pratiṣṭhāpayiṣyāmīti avimuktān vimutiskandhe pratiṣṭhāpayiṣyāmīti avimuktijñānadarśanān vimuktijñānadarśanskandhe pratiṣṭhāpayiṣyāmīti aṭṭaṣṭasatyān srotaāpattiphale pratiṣṭhāpayiṣyāmīti sakṛdāgāmiphale anāgāmiphale arhattve pratiṣṭhāpayiṣyāmīti pratyekabodhau pratiṣṭhāpayiṣyāmīti anuttarāyāṃ samyaksaṃbodhau pratiṣṭhāpayiṣyāmīti bodhisattvena prajñāpāramitāyāṃ śikṣitavyam ye adhastād diśi gaṅgādanīvālukopameṣu lokadātuṣu sarvabuddhakṣetreṣu sattvā andhās te mamānubhāvena cakṣuṣā rūpāṇi drakṣyanīti prajñāpāramitāyāṃ śikṣitavyam evaṃ vadhirāḥ śrotreṇa śabdān śroṣyantīti unmattāḥ smṛtiṃ pratilapsyante iti nagnāś cailāni pratilapsyanta iti jighatsitāḥ sattvāḥ pūrṇapātrā bhviṣyantīti apāyopapannāś ca sattvāḥ sarvāpāyebhyo vimokṣyante manuṣyātmabhāvañ ca pratilapsyante iti duḥśīlān śīlaskandhe pratiṣṭhāpayiṣyāmīti asamāhitān samādhiskandhe pratiṣṭhāpayiṣyāmīti duṣprajñān prajñāskandhe pratiṣṭhāpayiṣyāmīti avimuktān vimutiskandhe pratiṣṭhāpayiṣyāmīti avimuktijñānadarśanān vimuktijñānadarśanskandhe pratiṣṭhāpayiṣyāmīti aṭṭaṣṭasatyān srotaāpattiphale pratiṣṭhāpayiṣyāmīti sakṛdāgāmiphale anāgāmiphale arhattve pratiṣṭhāpayiṣyāmīti pratyekabodhau pratiṣṭhāpayiṣyāmīti anuttarāyāṃ samyaksaṃbodhau pratiṣṭhāpayiṣyāmīti bodhisattvena prajñāpāramitāyāṃ śikṣitavyam ye ūrdhvaṃ diśi gaṅgādanīvālukopameṣu lokadātuṣu sarvabuddhakṣetreṣu sattvā andhās te mamānubhāvena cakṣuṣā rūpāṇi drakṣyanīti prajñāpāramitāyāṃ śikṣitavyam evaṃ vadhirāḥ śrotreṇa śabdān śroṣyantīti unmattāḥ smṛtiṃ pratilapsyante iti nagnāś cailāni pratilapsyanta iti jighatsitāḥ sattvāḥ pūrṇapātrā bhviṣyantīti apāyopapannāś ca sattvāḥ sarvāpāyebhyo vimokṣyante manuṣyātmabhāvañ ca pratilapsyante iti duḥśīlān śīlaskandhe pratiṣṭhāpayiṣyāmīti asamāhitān samādhiskandhe pratiṣṭhāpayiṣyāmīti duṣprajñān prajñāskandhe pratiṣṭhāpayiṣyāmīti avimuktān vimutiskandhe pratiṣṭhāpayiṣyāmīti avimuktijñānadarśanān vimuktijñānadarśanskandhe pratiṣṭhāpayiṣyāmīti aṭṭaṣṭasatyān srotaāpattiphale pratiṣṭhāpayiṣyāmīti sakṛdāgāmiphale anāgāmiphale arhattve pratiṣṭhāpayiṣyāmīti pratyekabodhau pratiṣṭhāpayiṣyāmīti anuttarāyāṃ samyaksaṃbodhau pratiṣṭhāpayiṣyāmīti bodhisattvena prajñāpāramitāyāṃ śikṣitavyam iti ekāyanamārgasahagato nadīsrotopamaḥ punar aparaṃ śāriputra bodhisattvena mahāsattvena tathāgateryāpathe śikṣitumāmena
prajñāpāramitāyāṃ śikṣitavyam punar aparaṃ śāriputra bodhisattvena mahāsattvena prajñāpāramitāyāṃ caratā evam upaparīkṣitavyam kadā nv ahaṃ nāgāvalokitam (PSP1: 33) avalokayiṣyāmīti kim ity ahaṃ pṛthivīṃ caturaṅgulam aspṛśan padbhyāṃ gaccheyam iti prajñāpāramitāyāṃ śikṣitavyam punar aparaṃ śāriputra bodhisattvena mahāsattvena prajñāpāramitāyāṃ caratā evam upaparīkṣitavyam kim ity ahaṃ cāturmahārājakāyikais trayastriṃśair yāmairs tuṣitair nirmāṇaratibhiḥ paranirmitavaśavartibhir brahmakāyikair brahmapurohitair brahmapāriṣadyaiḥ parīttābhaiḥ apramāṇābhair ābhāsvaraiḥ parīttaśubhair apramāṇaśubhaiḥ śubhakṛtsnair anabhrakaiḥ puṇyaprasavair bṛhatphalair asaṃjñisattvaiḥ śuddhāvāsair aspṛhair atapaiḥ sadṛśaiḥ sudarśanair akaniṣṭhaiś ca parivṛtaḥ puraskṛto 'nekadevaputrakoṭīniyutaśatasahasrair bodhimaṇḍadrumamūlam upasaṃkrameyam iti prajñāpāramitāyāṃ śikṣitavyam punar aparaṃ śāriputra bodhisattvena mahāsattvena prajñāpāramitāyāṃ caratā evam upaparīkṣitavyam kim iti ye cāturmahārājakāyikā devās trayastriṃśā yāmās tuṣitā nirmāṇaratayaḥ paranirmitavaśavartino brahmakāyikā brahmapurohitā brahmapāriṣadyāḥ parīttābhā apramāṇābhā ābhāsvarāḥ parīttaśubhā apramāṇaśubhāḥ śubhakṛtsnā anabhrakāḥ puṇyaprasavā bṛhatphalā asaṃjñisattvāḥ śuddhāvāsā aspṛhā atapāḥ sadṛśāḥ sudarśanā akaniṣṭhāś ca devāḥ bodhimaṇḍadrumamūlaṃ pratisaṃstareyur iti prajñāpāramitāyām śikṣitavyam punar aparaṃ śāriputra bodhisattvena mahāsattvena prajñāPāramitāYāṃ caratā evam upaparīkṣitavyam kim iti me 'nuttarāṃ samyaksaṃbodhim abhisaṃbuddhasya gacchato vā tiṣṭhato vā niṣaṇasya śayānasya vā sa pṛthivīpradeśo vajramayaḥ santiṣṭhate iti prajñāpāramitāyāṃ śikṣitavyam punar aparaṃ śāriputra bodhisattvena mahāsattvena prajñāPāramitāYāṃ caratā evam upaparīkṣitavyam kim ity ahaṃ yatraiva divase niṣkrāmeyaṃ (PSP1: 34) tatraiva divase 'nuttarāṃ samyaksaṃbodhim abhisaṃbudhyeyam iti tatraiva divase dharmacakraṃ pravartayeyam iti dharmacakraṃ ca me pravartayamānasyāsaṃkhyeyānām aprameyāṇāṃ sattvānāṃ cirajo vigatamalaṃ dharmeṣu dharmacakṣur vimucyed iti asaṃkhyeyānām aprameyāṇāṃ sattvānām anupādāyāsravebhyaś cittāni vimucyeyur iti asaṃkhyeyā aprameyāḥ sattvā avinivartanīyā bhaveyur anuttarāyāḥ samyaksaṃbodher iti prajñāpāramitāyāṃ śikṣitavyam punar aparaṃ śāriputra bodhisattvena mahāsattvena prajñāpāramitāyāṃ evam upaparīkṣitavyam kim iti me 'prameyo 'saṃkhyeyaḥ śrāvakasaṃṅhaḥ syād ity aprameyāḥ asaṃkhyeyāḥ sattvā ekadharmadeśanāyā ekāsanikā bodhisattvā bhaveyur avinivartanīyā anuttarāyāḥ samyaksaṃbodher iti asaṃkhyeyaś cāprameyaś ca bodhisattvasaṃgho bhaved iti aparimitaṃ cāyuḥpramāṇaṃ bhaved iti aparimitā ca prabhāsampad bhaved iti prajñāpāramitāyāṃ śikṣitavyam punar aparaṃ śāriputra bodhisattvena mahāsattvena prajñāpāramitāyāṃ evam upaparīkṣitavyam kim iti me 'nuttarāṃ samyaksaṃbodhim abhisaṃbuddhasya tasmin buddhakṣetre rāgadveṣamohāyatanāni sarveṇa sarvaṃ sarvathā sarvaṃ na bhaveyur iti prajñāpāramitāyāṃ śikṣitavyam punar aparaṃ śāriputra bodhisattvena mahāsattvena prajñāpāramitāyāṃ evam upaparīkṣitavyam kim iti me 'nuttarāṃ samyaksaṃbodhim abhisaṃbuddhasya evaṃrūpayā prajñayā sattvāḥ samanvāgatā bhaveyur yad anyabuddhakṣetrasthā buddhā bhagavantaḥ evam udānam udānayeyuḥ sādhu śamaḥ sādhu damaḥ sādhu saṃyamaḥ sādhu cīrṇabrahmacaryāvāsaḥ sādhv avihiṃsā sarvaprāṇibhūteṣv iti prajñāpāramitāyāṃ śikṣitavyam punar aparaṃ śāriputra bodhisattvena mahāsattvena prajñāpāramitāyāṃ evam upaparīkṣitavyam kim iti me parinirvṛtasya saddharmāntardhānam api na syāt saha śravanena ca me nāmadheyasya ye daśasu dikśu gaṅgānadīvālukopameṣu lokadhātuṣu sattvās te niyatā bhaveyur anuttarāyāḥ samyaksaṃbodher iti prajñāpāramitāyāṃ śikṣitavyam (PSP1: 35) yasmin samaye śāriputra bodhisattvo mahāsattvaḥ prajñāpāramitāyāṃ caran imān guṇān utpādayati tadā ye trisāhasramahāsāhasre lokadhātau mahārājānas te evaṃ cintayanti vayam asmai bodhisattvāya catvāri pātrāṇi dāsyāmaḥ yathā dattāni pūrvakair mahārājaiḥ pūrvakāṇāṃ tathāgatānāṃ trayastriṃśāś ca devā āttamanaskā bhavanti yāmās tuṣitā nimāṇaratayaḥ paranirmitavaśavartino devā utsukā bhaviṣyanti vayam asya bodhisattvasya mahāsattvasyopasthānaparicaryāḥ kariṣyāma iti evam āsurāḥ kāyāḥ parihāsyante divyāḥ kāyāḥ abhivardhiṣyante āttamanaskāś ca trisāhasramahāsāhasre lokadhātau bhavanti brahmapāriṣadyā brahmapurohitā mahābrahmāṇaḥ āttamanaskā bhavanti parīttābhā apramāṇābhāś ca ābhāsvarāḥ parīttaśubhā apramāṇaśubhāḥ śubhakṛtsnā anabhrakāḥ puṇyaprasavā bṛhatphalā asaṃjñisattvāḥ śuddhāvāsā avṛhā atapāḥ sadṛśāḥ sudarśanā akaniṣṭhāś ca deśās teṣām evaṃ bhavati vayam enam abhisaṃbuddham adhyeṣiṣyāmo dharmacakrapravartanāya yasmin samaye śāriptura bodhisattvo mahāsattvaḥ prajñāpāramitāyāṃ caran vivardhate ṣaḍbhiḥ pāramitābhiḥ tasmin samaye āttamanaskā bhavanti bodhisattvayānikāḥ kulaputrāḥ kuladuhitaraś ca vayam asya mātāpitarau bhviṣyāmo bhāryāputrajñātisālohitā iti āttamanaskā bhavanti catvāro mahārājāno devās trayastriṃśā devā (PSP1: 36) yāmās tuṣitā devā nirmāṇaratayaḥ paranirmitavaśavartino brahmakāyikā brahmapurohitā mahābrahmāṇā brahmapāriṣadyāḥ parīttābhā apramāṇābhā ābhāsvarāḥ parīttaśubhā apramāṇaśubhāḥ śubhakṛtsnā anabhrakāḥ puṇyaprasavā bṛhatphalā asaṃjñisattvāḥ śuddhāvāsā aspṛhā atapāḥ sadṛśāḥ sudarśanā akaniṣṭhāś ca devā bodhisattvasya mahāsattvasya maithunadharmaparivarjanena atha yaḥ prathamacittotpādam upādāya bodhisattvo mahāsattvo branmacārī
bhavati na saṃyojanīyair dharmaiḥ saṃprayujyate tasyaivaṃ bhavati abrahmacāriṇaḥ sa khalu punaḥ kāmān pratisevamānasya brahmalokopapatter apy antarāyo bhavati kaḥ punar vādo 'nuttarāyāḥ samyaksaṃbodheḥ tasmāt tarhi bodhisattvena mahāsattvena brahmacāriṇaiva gṛhād abhiniṣkramyānuttarā samyaksaṃbodhir abhisaṃboddhavyā nābrahmacāriṇā evam ukte āyuṣmān śāriputro bhagavantam etad avocat kiṃ punar bhagavan avaśyaṃ bodhisattvasya mātāpitṛbhyāṃ bhavitavyaṃ bhāryāputrajñātisālohitair bhavitavyam evam ukte bhagavān āyuṣmantaṃ śāriputram etad avocat keṣāṃcic chāriputra bodhisattvānāṃ mahāsattvānāṃ mātāpitrau bhavataḥ bhāryāputrajñātisālohitā vā keṣāñcid bodhisattvānāṃ mahāsattvānāṃ prathamacittotpādam upādāya brahmacaryāsamādānante kumārabhūtā eva bodhisattva cārikāṃ caranto 'nuttarāṃ samykasaṃbodhim abhisaṃbudhyante kecid bodhisattvā mahāsattvā upāyakauśalyena ca pañca kāmaguṇān paribhujyābhiniṣkramyānuttarāyāṃ samyaksaṃbodhim abhisaṃbudhyante (PSP1: 37) tad yathāpi nāma śāriputra dakṣo māyākāro vā māyākārāntevāsī vā suśikṣito bhavet māyāyām sa pañca kāmaguṇān abhinirmāya taiḥ pañcabhiḥ kāmaguṇai rameta krīḍet paricaret tat kiṃ manyase śāriputra api nu tena māyākāreṇa vā māyākārāntevāsinā vā pañca kāmaguṇā āsvāditāḥ paribhuktā bhaveyuḥ śāriputra āha no hīdaṃ bhagavan bhagavān āha evam eva śāriputra bodhisattvo mahāsattva upāyakauśalyena ca pañca kāmaguṇān paribhuṃkte sattvānāṃ paripākahetoḥ na punar bodhisattvo mahāsattvaḥ kāmaguṇair lipyate anena paryāyena bodhisattvo mahāsattvaḥ kāmānām avarṇaṃ bhāṣate ādīptāḥ kāmāḥ jugupsitāḥ kāmāḥ badhakāḥ kāmāḥ pratyarthikāḥ kāmāḥ evaṃ hi śāriputra bodhisattvo mahāsattvaḥ sattvaparipākahetoḥ pañca kāmaguṇān upādadāti iti dharmakāmasahagato mahāmeghopamaḥ iti uktaś cittotpādaḥ evam ukte āyuṣmān śāriputro bhagavantam etad avocat kathaṃ bhagavan bodhisattvena mahāsattvena prajñāpāramitāyāṃ caritavyam evam ukte bhagavān āyuṣmantaṃ śāriputram etad avocat iha śāriputra bodhisattvo mahāsattvaḥ prajñāpāramitāyāṃ caran bodhisattva eva samāno bodhisattvaṃ na samanupaśyati bodhisattvanāmāpi na samanupaśyati bodhisattvacaryām api na samanupaśyati prajñāpāramitām api na samanupaśyati rūpam api na samanupaśyati evaṃ vedanāṃ saṃjñāṃ saṃskārān vijñānam api na samanupaśyati (PSP1: 38) tat kasya hetoḥ tathā hi bodhisattvo mahāsattvo bodhisattvasvabhāvena śūnyaḥ prajñāpāramitāsvabhāvena śūnyaḥ tat kasya hetoḥ prakṛtir asyaiṣā tathā hi śūnyatayā na rūpaṃ śūnyaṃ na vedanā na saṃjñā na saṃskārā na vijñānaṃ śūnyatayā śūnyaṃ nānyatra rūpāc chūnyatā nāpy atra vedanāyāḥ śūnyatā nānyatra saṃjñāyāḥ śūnyatā nānyatra saṃskārebhyaḥ śūnyatā nānyatra vijñānāc chūnyatā tat kasya hetoḥ rūpam eva śūnyatā vedanaiva śūnyatā saṃjñaiva śūnyatā saṃskārā eva śūnyatā vijñānam eva śūnyatā śūnyataiva rūpaṃ śūnyataiva vedanā śūnyataiva saṃjñā śūnyataiva saṃskārāḥ śūnyataiva vijñānam tat kasya hetoḥ tathā hi nāmamātram idaṃ yad idaṃ bodhisattva iti nāmamātram idaṃ yad idaṃ prajñāpāramiteti nāmamātram idaṃ rūpaṃ vedanā saṃjñā saṃskārāḥ vijñānam tathā hi māyopaṃ rūpaṃ vedanā saṃjñā saṃskārā vijñānaṃ māyā ca nāmamātraṃ na deśasthā na pradeśasthā asahasambhūtaṃ vitathadarśanam māyādarśanasvabhāvasya hi notpādo na nirodhaḥ na saṃkleśo na vyavadānam evaṃ prajñāpāramitāyāṃ caran bodhisattvo mahāsattva utpādam api na samanupaśyati nirodham api na samanupaśyati saṃkleśam api na samanupaśyati vyavadānam api na samanupaśyati tat kasya hetoḥ tathā hi kṛtrimaṃ nāma pratidharmam te ca kalpitāḥ āgantukena nāmadheyena vyavahriyante tāni bodhisattvaḥ prajñāpāramitāyāṃ caran sarvanāmāni na samanupaśyati asamanupaśyan nābhiniviśate punar aparaṃ śāriputra bodhisattvaḥ prajñāpāramitāyāṃ caran naivam upaparīkṣate nāmamātram idaṃ yad idaṃ bodhisattva iti nāmamātram idaṃ yad uta bodhir iti nāmamātram idaṃ yad uta prajñāpāramiteti (PSP1: 39) nāmamātram idaṃ yad uta prajñāpāramitāyāṃ caryeti nāmamātram idaṃ yad uta rūpam iti nāmamātram idaṃ yad uta vedaneti nāmamātram idaṃ yad uta saṃjñeti nāmamātram idaṃ yad uta saṃskārā iti nāma mātram idaṃ yad uta vijñānam iti tad yathāpi nāma śāriputra ātmeti cocyate na cātmā upalabhyate na sattvo na jīvo na poṣo na puruṣo na pudgalo na manujo 'py upalabhyante anupalambhaśūnyatām upādāya tat kasya hetos tathā hi bodhisattvas tam api na samanupaśyati yenābhiniviśeta evaṃ caran bodhisattvo mahāsattvaḥ prajñāpāramitāyāṃ carati sacec chāriputrāyaṃ jambudvīpaḥ paripūrṇo bhavec chāriputramaudgalyāyanasadṛśair bhikṣubhiḥ tad yathāpi nāma nalavanaṃ vā veṇuvanaṃ vā ikṣuvaṇaṃ vā śaravaṇaṃ vā śālivanaṃ vā tilavanaṃ vā teṣāṃ yā prajñā sā prajñāpāramitāyāṃ carato bodhisattvasya prajñāyāḥ śatatamīm api kalāṃ nopaiti sahasratamīm api śatasahasratamīm api saṃkhyām api kalām api gaṇanām apy upamām apy upaniṣadam api upaniśām api nopaiti evaṃ śāriputra prajñāpāramitāyāṃ carto bodhisattvasyaikadivasabhāvitā yā prajñā sā sarvaśrāvakapratyekabuddhānāṃ prajñām abhibhavati tat kasya hetoḥ tathā hi śāriptura yā bodhisattvasya prajñā sā sarvasattvānāṃ nirvāṇāya pratyupasthitā tiṣṭhatu śāriputrāyaṃ jambudvīpaḥ paripūrṇaḥ śāriputramaudgalyāyanasadṛśair bhikṣubhiḥ sacec chāriputra trisāhasramahāsāhasro lokadhātuḥ paripūrṇo bhavec chāriputramaudgalyāyanasadṛśair bhikṣubhiḥ tad yathāpi nāma nalavanaṃ vā veṇuvanaṃ vā ikṣuvaṇaṃ vā śaravaṇaṃ vā śālivanaṃ vā tilavanaṃ vā teṣāṃ yā prajñā sā prajñāpāramitāyāṃ carato bodhisattvasya prajñāyāḥ śatatamīm api kalāṃ nopaiti sahasratamīm api śatasahasratamīm api saṃkhyām api kalām api gaṇanām apy upamām apy upaniṣadam api upaniśām api nopaiti tiṣṭhatu śāriputra trisāhasramahāsāhasro lokadhātuḥ paripūrṇaḥ śāriputramaudgalyāyanasadṛśair bhikṣubhiḥ sacec chāriputra pūrvasyāṃ diśi
gaṅgānadīvālukopamā lokadhātavaḥ paripūrṇā bhaveyuḥ śāriputramaudgalyāyanasadṛśair bhikṣubhiḥ tad yathāpi nāma nalavanaṃ vā veṇuvanaṃ vā ikṣuvaṇaṃ vā śaravaṇaṃ