Luận tạng Tây Tạng (Tengyur) — Tập 213

་པ། རྣལ་འབྱོར་པ་བསོད་སྙོམས་པ་
པྲཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར། གཤིན་རྗེ་གཤེད་ནག་པོའི་རྒྱུད་ཀྱི་དཀའ་འགྲེལ་རིན་པོ་ཆེའི་ཕྲེང་བ་ཞེས་བྱ་བ་ཤར་ཕྱོགས་བྷཾ་ག་ལ་ར་བི་ཀྲ་མ་པུ་རིའི་གཙུག་ལག་ཁང་དུ་སྐུ་འཁྲུངས་པའི་མཁས་པ་ཆེན་པོ་ཨ་ཝ་དྷཱུ་ཏཱི་པ་གཞོན་ནུ་ཟླ་བས་མཛད་པ། རྒྱ་གར་གྱི་མཁན་པོ་ལཱི་ལ་བཛྲ་དང༌། བོད་ཀྱི་ལོ་ཙཱ་བ་

དཔྱལ་སེ་རྩ་བསོད་ནམས་རྒྱལ་མཚན་གྱིས་བསྒྱུར་བ། གཤིན་རྗེ་དགྲ་ནག་པོའི་རྒྱུད་ཀྱི་དཀའ་འགྲེལ་ཡེ་ཤེས་སྒྲོན་མ་ཞེས་བྱ་བ་སློབ་དཔོན་པདྨ་པཱ་ཎིས་མཛད་པ། རྒྱ་གར་གྱི་སློབ་དཔོན་བ་ར་མེ་ཤྭ་ར་དང༌། བོད་ཀྱི་ལོ་ཙཱ་བ་རོང་ཟོམ་ཆོས་ཀྱི་བཟང་པོས་བསྒྱུར་བ་རྣམས་བཞུགས་སོ།། །།མི་པ་ལ།
གཤིན་རྗེ་ནག་པོའི་སྒྲུབ་ཐབས་ཚིག་གི་སྣང་བ་གྲུབ་པ་ཞེས་བྱ་བ་དང༌། གཤིན་རྗེ་གཤེད་ནག་པོའི་དཀྱིལ་འཁོར་གྱི་སྒྲུབ་ཐབས་སློབ་དཔོན་མཁས་པ་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་དཱ་ན་ཀཱིརྟི་དང༌། ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། རྡོ་རྗེ་དབྱངས་ཅན་མའི་བསྟོད་པ་སློབ་
དཔོན་དཔལ་འཛིན་གྱིས་མཛད་པ། པཎྜི་ཏ་སུ་མ་ཏི་ཀཱིརྟི་དང༌། ལོ་ཙཱ་བ་མར་དོ་ཆོས་ཀྱི་དབང་ཕྱུག་གི་འགྱུར། གཤིན་རྗེ་གཤེད་དགྲ་ནག་གི་དཀྱིལ་འཁོར་གྱི་ཆོ་ག་གཤིན་རྗེ་གཤེད་འབྱུང་བ་ཞེས་བྱ་བ་སློབ་དཔོན་ཆེན་པོ་ལ་ལི་ཏ་བཛྲས་མཛད་པ། རྒྱ་གར་གྱི་མཁན་པོ་ཨ་མོ་གྷ་བཛྲ་དང༌། བོད་ཀྱི་ལོ་
ཙཱ་བ་ཅོག་གྲུ་ཤེས་རབ་བླ་མའི་འགྱུར། མཆོད་རྟེན་སྒྲུབ་པའི་ཆོ་ག་མདོར་བསྡུས་པ་རྒྱ་གར་གྱི་མཁན་པོ་ལ་ལི་ཏ་བཛྲས་མཛད་པ་དང༌། སྲུང་བའི་འཁོར་ལོའི་སྒྲུབ་པའི་ཐབས་དཔལ་མར་མེ་མཛད་བཟང་པོས་མཛད་པ་དང༌། གཤིན་རྗེ་གཤེད་ནག་པོ་ཞེས་བྱ་བའི་སྒྲུབ་པའི་ཐབས་སློབ་དཔོན་ཉིན་མོར་
བྱེད་པའི་གྲགས་པས་མཛད་པ། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱིས་རྒྱ་གར་གྱི་ཕྱི་མོ་དང་གཏུགས་ཏེ་གཏན་ལ་ཕབ་པ། གཤིན་རྗེ་གཤེད་ནག་པོའི་སྒྲུབ་པའི་ཐབས་སློབ་དཔོན་གྷོ་ཥ་བཛྲས་མཛད་པ། བལ་པོའི་མཁན་པོ་སུ་མ་ཏི་ཙནྡྲ་དང༌། བོད་ཀྱི་ལོ་ཙཱ་བ་བནྡེ་ཚོགས་ཆག་ཆུང་བའི་འགྱུར།
དཔལ་གཤིན་རྗེ་གཤེད་དགྲ་ནག་པོའི་སྒྲུབ་ཐབས་འཁོར་ལོའི་དོན་རྒྱས་པར་བཤད་པ་དང་བཅས་པ་སློབ་དཔོན་མི་བསྐྱོད་རྡོ་རྗེས་མཛད་པ། རྒྱ་གར་གྱི་མཁན་པོ་ཨཱ་ཙཱརྻ་བི་ནཱ་ཡ་ཙནྡྲ་དང༌། བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། གཤིན་རྗེའི་གཤེད་ནག་པོའི་སྒྲུབ་པའི་ཐབས་བཞི་བརྒྱ་
ལྔ་བཅུ་པ་ལས་བཏུས་པ་དགེ་སློང་བསོད་སྙོམས་པ་ཀ་མ་ལ་རཀྵི་ཏ་ཞེས་བྱ་བས་བསྡུས་པ། རྒྱ་གར་གྱི་མཁན་པོ་པཎྜི་ཆེན་པོ་དཱི་པཾ་ཀ་ར་ཤྲཱི་ཛྙཱ་ན་དང༌། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། མཎྜལ་གྱི་ཆོ་ག་སློབ་དཔོན་ཆེན་པོ་དཔལ་རྙོག་མེད་རྡོ་རྗེའི་ཞལ་སྔ་ནས་མཛད་པ། རྒྱ་

གར་གྱི་མཁན་པོ་ཨ་དུ་ལ་ད་ས་དང༌། ལོ་ཙཱ་བ་བློ་ལྡན་ཤེས་རབ་ཀྱི་འགྱུར། མཎྜལ་གྱི་ཆོ་ག་ཞེས་བྱ་བ་རྒྱ་གར་གྱི་མཁན་པོ་ཀ་མ་ལ་རཀྵི་ཏས་གཤིན་རྗེ་གཤེད་ཀྱི་རྒྱུད་བཞི་བརྒྱ་ལྔ་བཅུ་པ་ལ་བརྟེན་ནས་མཛད་པ། ལོ་ཙཱ་བ་ཤྲཱི་པྲཛྙཱ་ཛྙཱ་ན་ཀཱིརྟིའི་རང་འགྱུར། གཤིན་རྗེའི་དགྲ་
ནག་པོའི་སྒྲུབ་ཐབས་ཀུ་མུ་ཏ་ཁ་བྱེ་བ་ཞེས་བྱ་བ་སློབ་དཔོན་རིན་ཆེན་འབྱུང་གནས་ཞི་བས་མཛད་པ། ཨཱ་ཙཱརྱ་བི་ནཱ་ཡ་ཙནྡྲ་དང༌། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། དཔལ་གཤིན་རྗེ་གཤེད་ནག་པོ་སྒྲུབ་པའི་ཐབས་དང༌། ཁྲོ་བོའི་རྒྱལ་པོ་གཤིན་རྗེ་གཤེད་ནག་པོ་དུས་མཐར་ཕྱིན་པའི་སྒྲུབ་ཐབས་
ཞེས་བྱ་བ་རྒྱ་གར་གྱི་མཁན་པོ་ཤྲཱི་པཎྜི་ཏས་མཛད་པ། གཤིན་རྗེ་གཤེད་ནག་པོའི་སྒྲུབ་ཐབས་ཞེས་བྱ་བ་སློབ་དཔོན་མཁས་པ་ཆེན་པོ་དཔལ་མར་མེ་མཛད་ཀྱིས་མཛད་པ། གཤིན་རྗེ་གཤེད་རྣམ་པར་སྣང་མཛད་ཀྱི་མངོན་པར་རྟོགས་པ་ཞེས་བྱ་བ། གཤིན་རྗེ་གཤེད་རིན་ཆེན་འབྱུང་ལྡན་གྱི་སྒྲུབ་ཐབས་
ཞེས་བྱ་བ། འོད་དཔག་ཏུ་མེད་པའི་སྙིང་པོ་འདོད་ཆགས་གཤིན་རྗེ་གཤེད་སྒྲུབ་པའི་ཐབས་ཞེས་བྱ་བ། གཤིན་རྗེ་གཤེད་རྡོ་རྗེ་རྣོན་པོ་ཞེས་བྱ་བའི་སྒྲུབ་ཐབས། རྡོ་རྗེ་སེམས་མ་བདེ་བའི་སྒྲུབ་པའི་ཐབས་ཞེས་བྱ་བ། རྡོ་རྗེ་མཁའ་འགྲོ་མ་རྣལ་འབྱོར་མའི་སྒྲུབ་ཐབས་ཞེས་བྱ་བ། རྡོ་རྗེ་བདེ་རྒྱས་དབྱངས་ཅན་མའི་
སྒྲུབ་ཐབས་ཞེས་བྱ་བ། ལས་ཀྱི་རྡོ་རྗེ་གཽ་རཱི་མའི་སྒྲུབ་ཐབས་རྣམས་སློབ་དཔོན་མར་མེ་མཛད་ཡེ་ཤེས་ཀྱིས་མཛད་པ་དང༌། རྗེ་བཙུན་འཇམ་དཔལ་གཤིན་རྗེ་གཤེད་མཆོད་པའི་ཆོ་གའི་རིམ་པ་ཞེས་བྱ་བ་སློབ་དཔོན་ཆེན་པོ་ཀྲྀཥྞ་པཎྜི་ཏས་མཛད་པ། སངས་རྒྱས་གཤིན་རྗེ་གཤེད་ནག་པོའི་སྒྲུབ་ཐབས་ཞེས་
བྱ་བ་ནཱ་ད་ཀུ་བེ་ར་ལས་བྱུང་བའི་དོན་ཀུན་ད་ན་ཀྵེ་རི་ན་བཞུགས་པའི་མཁས་པ་ཆེན་པོ་རྣལ་འབྱོར་པ་ནག་པོ་ཞབས་ཀྱིས་མཛད་པ། གཤིན་རྗེ་གཤེད་ནག་པོའི་སྒྲུབ་ཐབས་ཞེས་བྱ་བ་རྒྱ་གར་གྱི་མཁན་པོ་ཆེན་པོ་ཀ་མ་ལ་རཀྵི་ཏས་མཛད་པ། ཁྲོ་བོ་ཐོ་བ་གཤིན་རྗེ་གཤེད་ཀྱི་སྒྲུབ་ཐབས་ཞེས་བྱ་བ། དབྱུག་པ་གཤིན་
རྗེ་གཤེད་རྣམ་པར་འཇོམས་པ་ཞེས་བྱ་བའི་སྒྲུབ་ཐབས། རལ་གྲི་གཤིན་རྗེ་གཤེད་གཏུམ་པོའི་སྒྲུབ་ཐབས་ཞེས་བྱ་བ། པདྨ་གཤིན་རྗེ་གཤེད་ཀྱི་ཤེས་རབ་བདེ་བ་ཅན་གྱི་སྒྲུབ་ཐབས་ཞེས་བྱ་བ་རྣམས་རྒྱ་གར་གྱི་མཁན་པོ་དཱི་པཾ་ཀ་ར་ཞེས་བྱ་བས་མཛད་པ། གཤིན་རྗེ་གཤེད་ནག་པོའི་སྒྲུབ་ཐབས་ཀྱི་

མཎྜལ་གྱི་ཆོ་ག་ཞེས་བྱ་བ་ཟངས་གླིང་ནཱ་ག་པཱུ་རིའི་རྣལ་འབྱོར་པ་ཀ་མ་ལ་རཀྵི་ཏས་ཏ་རུ་བ་རིའི་དུར་ཁྲོད་ཀྱི་ཚལ་དུ་མཛད་པ། ཆོས་ཀྱི་སྐུའི་སྣང་བའི་ཆོ་ག་ཞེས་བྱ་བ་མཆོད་རྟེན་གྱི་ཆོ་ག་རྒྱ་གར་གྱི་མཁན་པོ་ཀ་ལཱ་པ་མ་ཧཱ་ཞེས་བྱ་བས་མཛད་པ། གཤིན་རྗེ་གཤེད་ཀྱི་རོ་སྲེག་གི་ཆོ་ག་ཞེས་བྱ་བ། ཚོགས་ཀྱི་འཁོར་
ལོའི་ཆོ་ག་ཞེས་བྱ་བ། གཤིན་རྗེ་གཤེད་ནག་པོའི་ཞི་བའི་སྦྱིན་སྲེག་གི་ཆོ་ག་ཞེས་བྱ་བ་བླ་མ་ནག་པོ་ཞབས་ཀྱིས་དཔལ་རྡོ་རྗེ་གདན་དུ་མཛད་པ། དེ་རྣམས་རྣལ་འབྱོར་པ་བསོད་སྙོམས་པ་པྲཛྙཱ་ཤྲཱི་ཛྙཱ་ན་ཀཱིརྟིས་རང་འགྱུར་དུ་མཛད་པ། ཡི་དྭགས་ཐམས་ཅད་རྡོ་རྗེས་བཅིངས་པ་སློབ་དཔོན་
ཆེན་པོ་དཔལ་ནག་པོ་པས་མཛད་པ། གཤིན་རྗེ་གཤེད་ནག་པོའི་མངོན་པར་རྟོགས་པའི་རིམ་པ་ཞེས་བྱ་བ་སློབ་དཔོན་མཁས་པ་ཆེན་པོ་རྡོ་རྗེའི་བློས་མཛད་པ། དཔལ་གཤིན་རྗེ་གཤེད་ནག་པོའི་འཁོར་ལོ་བྲི་བའི་ཆོ་ག །གཤིན་རྗེ་དགྲ་ནག་པོ་ཞེས་བྱ་བའི་སྒྲུབ་པའི་ཐབས་
སློབ་དཔོན་ཀུན་ཏུ་བཟང་པོས་མཛད་པ། པཎྜི་ཏ་དོན་ཡོད་རྡོ་རྗེའི་འགྱུར། གཤིན་རྗེ་གཤེད་ཀྱི་སྒྲུབ་པའི་ཐབས་སློབ་དཔོན་འགྲོ་བཟང་སྙིང་པོས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང༌། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོའི་འགྱུར། ནག་པོ་ཞལ་གསུམ་ཕྱག་དྲུག་པའི་སྒྲུབ་
ཐབས་སློབ་དཔོན་ལ་ལི་ཏ་བཛྲས་མཛད་པ། འོ་མའི་སྒྲུབ་པའི་ཐབས་སློབ་དཔོན་ཨཱ་ཙཱརྱ་ཛི་མུ་དྲ་པཱ་དས་མཛད་པ། ཨཱ་ཙཱརྱ་བཛྲ་པཱ་ཎི་དང༌། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། གཤིན་རྗེ་གཤེད་ནག་པོའི་འཁོར་ལོའི་མན་ངག་སློབ་དཔོན་ནཱ་ག་བོ་དྷིས་མཛད་པ། ལོ་ཙཱ་བ་དགེ་སློང་ཆོས་རབ་ཀྱི་
འགྱུར། སྦྱིན་སྲེག་གི་ཆོ་ག་སློབ་དཔོན་ཆེན་པོ་ལ་ལཱི་ཏ་བཛྲས་མཛད་པ། འཆི་བདག་ཡི་དྭགས་རྒྱལ་པོའི་སྒྲུབ་ཐབས། གཤིན་རྗེ་གཤེད་ཀྱི་ལག་མཆོད་དཱ་ན་ཤཱི་ལས་མཛད་ཅིང༌། དེ་ཉིད་ཀྱིས་བསྒྱུར་བ་འདི་གཤེད་དམར་གྱི་སྐོར་ཡིན་ཏེ་འབྲེལ་འདུག་པས་དེར་བཞག་གོ། །གཤིན་རྗེ་གཤེད་ནག་པོའི་དཀྱིལ་
འཁོར་གྱི་བསྟོད་པ་ཞེས་བྱ་བ་ཨཱ་ཙཱརྱ་ཀཱིརྟིས་མཛད་པ་དང༌། རྡོ་རྗེ་འཛིན་པས་གཤིན་རྗེ་གཤེད་པོ་ལ་བསྟོད་པ་གཅིག་གོ། །དེ་ལྟར་གཤིན་རྗེ་གཤེད་ནག་པོའི་འགྲེལ་སྐོར་ལྔ་དང༌། སྒྲུབ་སྐོར་ལ་སོགས་བཞི་བཅུ་རྩ་དགུ་སྟེ། ཆོས་སྐོར་ལྔ་བཅུ་ང་བཞིའོ།། །།རྡོ་རྗེ་འཇིགས་བྱེད་ཀྱི་སྐོར་ལ།

དཔལ་རྡོ་རྗེ་འཇིགས་བྱེད་ཀྱི་རྒྱུད་ཀྱི་དཀའ་འགྲེལ་རྡོ་རྗེ་སློབ་དཔོན་མི་བསྐྱོད་པས་མཛད་པ། རྒྱ་གར་གྱི་མཁན་པོ་བི་ནཱ་ཡ་ཙནྡྲ་དང༌། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། དཔལ་རྡོ་རྗེ་འཇིགས་བྱེད་ཀྱི་རྒྱུད་ཀྱི་མདོར་བཤད་པ་ཞེས་བྱ་བ་སློབ་དཔོན་སོ་ན་ཤྲཱིས་མཛད་པ།
མཁས་པ་ཆེན་པོ་ཏ་ཐཱ་ག་ཏའི་ཞལ་ནས་བརྒྱུད་པ་ཞེས་ཡོད་པ། འཇིགས་བྱེད་ཀྱི་རྒྱུད་ཀྱི་མདོ་མདོར་བཤད་པ་ཞེས་བྱ་བ་སློབ་དཔོན་དཔལ་འཛིན་གྱི་རྗེས་སུ་འབྲང་བའི་སློབ་དཔོན་དཔལ་ཆེན་པོ་རྡོ་རྗེ་གྲུབ་པས་མཛད་པ། རྡོ་རྗེ་འཇིགས་བྱེད་ཀྱི་རྒྱུད་ཀྱི་དཀའ་འགྲེལ་སློབ་དཔོན་མཁས་པ་ཆེན་པོ་དཔལ་གཞོན་ནུ་ཟླ་བས་
མཛད་པ། པཎྜི་ཏ་མཁས་པ་ཆེན་པོ་ཏ་ཐཱ་ག་ཏ་རཀྵི་ཏ་དང༌། ལོ་ཙཱ་བ་དགེ་སློང་བ་རི་རིན་ཆེན་གྲགས་ཀྱིས་འགྱུར། རྡོ་རྗེ་འཇིགས་བྱེད་ཀྱི་རྒྱུད་ཀྱི་འགྲེལ་པ་རིན་པོ་ཆེའི་ཕྲེང་བ་ཞེས་བྱ་བ་སློབ་དཔོན་ཆེན་པོ་ནག་པོ་པས་རྡོ་རྗེ་མཁའ་འགྲོ་མ་ཉིད་ལས་བླངས་ནས་མཛད་པ། རྒྱ་གར་གྱི་མཁན་པོ་ཆེན་པོ་པཎྜི་ཏ་དཔལ་
བཻ་རོ་ཙ་ན་རཀྵི་ཏ་དང༌། བོད་ཀྱི་ལོ་ཙཱ་བ་གླན་དར་མ་བློ་གྲོས་ཀྱི་འགྱུར། མ་ཧེའི་ཞལ་གྱི་སྒྲུབ་ཐབས་ཞེས་བྱ་བའི་འཇིགས་བྱེད་ཀྱི་སྒྲུབ་ཐབས་སློབ་དཔོན་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་རྣམ་པར་སྣང་མཛད་སྲུང་བ་དང༌། ལོ་ཙཱ་བ་དགེ་སློང་བ་རི་དྷརྨ་ཀཱིརྟིའི་འགྱུར། རྡོ་རྗེ་འཇིགས་བྱེད་
ཞལ་གཅིག་ཕྱག་གཉིས་པའི་སྒྲུབ་པའི་ཐབས་འཇམ་པའི་དབྱངས་ཀྱིས་མཛད་པ། རྒྱ་གར་གྱི་མཁན་པོ་ཨཱ་ཙཱརྱ་ཨཱ་ནནྡ་དང༌། བོད་ཀྱི་ལོ་ཙཱ་བ་དགེ་སློང་རྡོ་རྗེ་གྲགས་ཀྱི་འགྱུར། དཔལ་རྡོ་རྗེ་འཇིགས་བྱེད་ཀྱི་སྒྲུབ་པའི་ཐབས་མདོར་བསྡུས་པ་སློབ་དཔོན་ཆེན་པོ་ཤྲཱི་བྷ་དྲས་མཛད་པ། རྡོ་རྗེ་འཇིགས་བྱེད་ཀྱི་
བསྙེན་པའི་ཆོ་ག་དང༌། སྒྲུབ་པའི་ཆོ་ག་དང༌། ལས་སྦྱོར། རྡོ་རྗེ་འཇིགས་བྱེད་ཀྱི་རྟོག་པ་ལས་འཁོར་ལོ་བསྐོར་བའི་ལས་དྲག་པོ་ཕྱོགས་གཅིག་པ་སློབ་དཔོན་ཞི་བའི་ཡེ་ཤེས་ཀྱིས་མཛད་པ། པཎྜི་ཏ་དོན་ཡོད་རྡོ་རྗེའི་རང་འགྱུར། རྡོ་རྗེ་འཇིགས་བྱེད་ཀྱི་སྒྲུབ་ཐབས་སློབ་དཔོན་མཉྫུ་ཤྲཱི་ཛྙཱ་ནས་མཛད་
པ། ཞང་འོར་སྟོན་པ་ཤེས་རབ་བསོད་ནམས་ཀྱི་འགྱུར། དཔལ་རྡོ་རྗེ་འཇིགས་བྱེད་ཀྱི་སྒྲུབ་པའི་ཐབས་དང༌། ལས་བྱ་བའི་ཆོ་ག་སེམས་དཔའ་བསྡུས་པ་ཨཱ་ཙཱརྱ་དོན་ཡོད་རྡོ་རྗེས་མཛད་པ། པཎྜི་ཏ་དོན་ཡོད་རྡོ་རྗེ་ཉིད་ཀྱི་རང་འགྱུར་ལ། རྒྱ་གར་གྱི་མཁན་པོ་མཉྫུ་ཤྲཱི་ཛྙཱ་ན་དང༌། བོད་ཀྱི་ལོ་ཙཱ་བ་རོང་ཟོམ་ཆོས་

ཀྱི་བཟང་པོས་བསྒྱུར་ཅིང༌། སླར་ཡང་ཕྱུག་མཚམས་དབང་ཕྱུག་རྒྱལ་པོས་བསྒྱུར་ཅིང་གཏན་ལ་ཕབ་པ། དཀྱིལ་འཁོར་གྱི་ཆོ་ག་སློབ་དཔོན་ཆེན་པོ་དཔལ་དོན་ཡོད་པའི་ཞབས་ཀྱིས་མཛད་པ། པཎྜི་ཏ་དེ་ཉིད་དང༌། ལོ་ཙཱ་བ་རྭ་རྡོ་རྗེ་གྲགས་ཀྱི་འགྱུར། དཔལ་རྡོ་རྗེ་འཇིགས་བྱེད་ཆེན་པོའི་བསད་པའི་
འཁོར་ལོ་ལ་ལི་ཏས་མཛད་པ། དཔལ་དེ་ཁོ་ན་ཉིད་གྲུབ་པ་སློབ་དཔོན་ཆེན་པོ་ཀེ་ར་ལིས་མཛད་པ། དཔལ་རྡོ་རྗེ་འཇིགས་བྱེད་ཀྱི་དམ་ཚིག་ལ་འཇུག་པའི་དཀྱིལ་འཁོར་གྱི་ཆོ་ག་དངོས་གྲུབ་བརྙེས་པའི་སློབ་དཔོན་ཆེན་པོ་དཔལ་ལ་ལི་ཏ་བཛྲས་མཛད་པ། གྲུབ་པ་བརྙེས་པའི་པཎྜི་ཏ་ཨ་མོ་གྷ་བཛྲ་དང༌། ལོ་ཙཱ་བ་
མར་པ་དགེ་བསྙེན་ཆོས་འབར་གྱི་འགྱུར། རྡོ་རྗེའི་ཚིག་རྣལ་འབྱོར་དབྱེ་བ་ཞེས་བྱ་བ་རྒྱ་གར་ཤར་ཕྱོགས་ཀྱི་པཎྜི་ཏ་ཨ་མོ་གྷ་བཛྲས་མཛད་པ། རྡོ་རྗེ་ཙརྩི་ཀའི་ལས་སྒྲུབ་པའི་ཐབས་སློབ་དཔོན་ཆེན་པོ་བྲམ་ཟེ་དཔལ་འཛིན་གྱིས་མཛད་པ། རྒྱ་གར་གྱི་པཎྜི་ཏ་རྒྱས་སྲས་བི་བྷཱུ་ཏི་ཙནྡྲའི་ཞལ་སྔ་ནས་གློ་
བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱིས་ཆོས་ཀྱི་རྒྱལ་པོའི་ཕོ་བྲང་སྐུ་མཁར་ཉི་གཟུངས་སུ་བསྒྱུར་བ། རྡོ་རྗེ་འཇིགས་བྱེད་ཀྱི་སྒྲུབ་ཐབས་ཞེས་བྱ་བ་སློབ་དཔོན་ཨ་ཤྭ་ཀ་ཤྲཱིས་མཛད་པ། པཎྜི་ཏ་དྷརྨ་ཤྲཱི་མི་ཏྲ་དང༌། ལོ་ཙཱ་བ་ཆོས་ཀྱི་བཟང་པོའི་འགྱུར། དཔལ་རྡོ་རྗེ་ཕག་མོའི་སྒྲུབ་ཐབས། དཔལ་
རྡོ་རྗེ་དབྱངས་ཅན་མའི་སྒྲུབ་ཐབས་ཞེས་བྱ་བ། རྡོ་རྗེ་དཀར་མོའི་སྒྲུབ་ཐབས་རྣམས་གྲུབ་ཐོབ་འཁོར་ལོས་སྒྱུར་བའི་སློབ་དཔོན་དཔལ་འཛིན་གྱིས་མཛད་པ། རྒྱ་གར་གྱི་པཎྜི་ཏ་རྒྱལ་སྲས་དཔལ་བི་བྷཱུ་ཏི་ཙནྡྲ་དང༌། གློ་བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱིས་ཆོས་ཀྱི་རྒྱལ་པོའི་ཁབ་སྐུ་མཁར་ཉི་
གཟུངས་སུ་བསྒྱུར་བ། ལས་ཀྱི་གཤིན་རྗེའི་མཆོད་པའི་ཆོ་ག་རྒྱ་གར་ཤར་ཕྱོགས་ཀྱི་པཎྜི་ཏ་དཱརྤན་ཨཱ་ཙཱརྱས་མཛད་པ། པཎྜི་ཏ་དེ་ཉིད་དང༌། ལོ་ཙཱ་བ་ཞེ་སྡང་རྡོ་རྗེས་དག་པར་བསྒྱུར་བ། དཔལ་རྡོ་རྗེ་འཇིགས་བྱེད་ཀྱི་སྒྲུབ་པའི་ཐབས་ཞེས་བྱ་བ་སློབ་དཔོན་མཉྫུ་བཛྲས་མཛད་པ། བལ་པོའི་པཎྜི་
ཏ་བྷ་རོ་ཕྱག་རྡུམ་དང༌། བོད་ཀྱི་ལོ་ཙཱ་བ་རྡོ་རྗེ་གྲགས་ཀྱི་འགྱུར། རྡོ་རྗེ་འཇིགས་བྱེད་ཀྱི་ཚོགས་ཀྱི་འཁོར་ལོ་ཞེས་བྱ་བ་སློབ་དཔོན་རཏྣ་ཨཱ་ཀ་ར་ཤཱནྟིས་མཛད་པ། རྒྱ་གར་གྱི་མཁན་པོ་དཱི་པཾ་ཀ་ར་རཀྵི་ཏ་དང༌། ལོ་ཙཱ་བ་དགེ་སློང་རྡོ་རྗེ་གྲགས་ཀྱི་འགྱུར། ཙུཙྪུནྡྷ་རའི་རྟོག་པ་བྷ་རོ་ཕྱག་རྡུམ་གྱི་ཕྱག་

དཔེ་ལས་རྭ་རྡོ་རྗེ་གྲགས་ཀྱིས་ཕྱིས་བསྒྱུར་བ། རྡོ་རྗེ་འཇིགས་བྱེད་ཆེན་པོའི་སྦྱིན་སྲེག་གི་ཆོ་ག་ཞེས་བྱ་བ་ཨ་མོ་གྷ་བཛྲས་མཛད་པ། རྭ་རྡོ་རྗེ་གྲགས་ཀྱི་འགྱུར། དཔལ་རྡོ་རྗེ་འཇིགས་བྱེད་ཀྱི་སྒྲུབ་ཐབས་སློབ་དཔོན་ལ་ལི་ཏ་བཛྲས་མཛད་པ། རྒྱ་གར་གྱི་མཁན་པོ་པྲཛྙཱ་ཤྲཱི་དེ་བ་
དང༌། བོད་ཀྱི་ལོ་ཙཱ་བ་ཅོག་གྲུ་བནྡེ་ཤེས་རབ་བླ་མའི་འགྱུར། དཔལ་རྡོ་རྗེ་འཇིགས་བྱེད་ཀྱི་སྒྲུབ་ཐབས་དང༌། དཔལ་རྡོ་རྗེ་འཇིགས་བྱེད་ཀྱི་གཏོར་མའི་ཆོ་ག་སློབ་དཔོན་ཆེན་པོ་ལ་ལི་ཏ་བཛྲས་མཛད་པ། འཇིགས་བྱེད་ཀྱི་ཞི་བའི་བྱ་བ་བདུན་པ་པཎྜི་ཏ་ཨ་མོ་གྷ་ཆུང་བས་མཛད་པ། དྲག་པོའི་བྱ་བ་བདུན་པ་
དེ་ཉིད་ཀྱིས་མཛད་པ། འཁོར་ལོ་བྲི་བའི་ཆོ་ག ལས་ཀྱི་གྲོགས་ཀྱི་བྱ་བ། དམ་རྫས་རྨད་དུ་བསྒྱུར་ཏེ་བརྟེན་པའི་ཆོ་ག་དང་གསུམ་པོ་འདི་ཁ་ཅིག་རྟོག་པ་གསུམ་པའི་རྒྱུད་དུ་འདོད་དེ། ཁ་ཅིག་མན་ངག་ཏུ་འདོད་དེ་ཞང་ལོ་ཙཱ་བ་ཤེས་རབ་བླ་མའི་འགྱུར། གཏམ་རྒྱུད་ཀྱི་རྟོག་པ། དཔལ་རྡོ་རྗེ་འཇིགས་
བྱེད་ཀྱི་ཕྱག་མཚན་གྱི་རྣམ་པར་དག་པ་ཞེས་བྱ་བ་མཁས་པ་ཆེན་པོ་ཏ་ཐཱ་ག་ཏ་རཀྵི་ཏས་མཛད་པ། ཨུ་ཏོ་བོ་པ་ཏི་དང༌། བོད་ཀྱི་ལོ་ཙཱ་བ་མལ་གྱོ་བློ་གྲོས་གྲགས་ཀྱི་འགྱུར། དཔལ་རྡོ་རྗེ་འཇིགས་བྱེད་ཆེན་པོའི་སྒྲུབ་ཐབས་སློབ་དཔོན་ཛྙཱ་ན་ཀ་རས་མཛད་པ། ཟླ་བའི་འོད་ཟེར་གྱི་འགྱུར། དཔལ་རྡོ་རྗེ་འཇིགས་
བྱེད་ཀྱི་བསྟོད་པ། དེ་ཉིད་ལྔ་པའི་བསྟོད་པ། ཡང་འཇིགས་བྱེད་ཀྱི་བསྟོད་པ་གཅིག དཔལ་རྡོ་རྗེ་འཇིགས་བྱེད་ཀྱི་བསྟོད་པ་པཎྜི་ཏ་དོན་ཡོད་རྡོ་རྗེས་མཛད་པ། པཎྜི་ཏ་དེ་ཉིད་དང༌། ཞང་ལོ་ཙཱ་བ་ཤེས་རབ་བླ་མའི་འགྱུར། འཇམ་དཔལ་འཇིགས་བྱེད་མཚན་གྱི་བསྟོད་པ། སློབ་དཔོན་ལས་ཀྱི་
རྒྱལ་པོས་མཛད་པ། དཔལ་རྡོ་རྗེ་འཇིགས་བྱེད་ཀྱི་སྒྲུབ་པའི་ཐབས་རྡོ་རྗེའི་འོད་ཅེས་བྱ་བ་དང༌། དཔལ་རྡོ་རྗེ་འཇིགས་བྱེད་ཀྱི་དཀྱིལ་འཁོར་གྱི་ཆོ་ག་གསལ་བ་ཞེས་བྱ་བ་རྒྱ་གར་གྱི་པཎྜི་ཏ་བཻ་རོ་ཙ་ན་རཀྵི་ཏས་མཛད་པ། པཎྜི་ཏ་བཻ་རོ་ཙ་ན་དེ་ཉིད་དང༌། ལོ་ཙཱ་བ་གླན་དར་མ་བློ་གྲོས་ཀྱིས་བསྒྱུར་བ་རྣམས་བཞུགས་སོ། །
དེ་ལྟར་འཇིགས་བྱེད་ཀྱི་སྐོར་ལ་འགྲེལ་སྐོར་ལྔ་སྒྲུབ་ཐབས་ལ་སོགས་བཞི་བཅུ་རྩ་གཉིས་ཏེ། ཆོས་སྐོར་བཞི་བཅུ་རྩ་བདུན་ནོ།། །།ཙི་པ་ལ། གདོང་དྲུག་གི་སྐོར་ལ། དཔལ་གཤིན་རྗེ་གཤེད་པོའི་རྩ་བའི་སྔགས་རྡོ་རྗེ་རབ་ཏུ་འབྱེད་པ་ཞེས་བྱ་བ་སློབ་དཔོན་དཔལ་སྒེག་པའི་རྡོ་རྗེས་མཛད་པ་དང༌། དེ་ལ་

ཕན་པའི་ལེའུ་གཅིག་སློབ་དཔོན་རིག་པ་བཟང་པོས་མཛད་པ། རྒྱ་གར་གྱི་མཁན་པོ་དཔལ་ཨུ་པཱ་ཡ་ཤྲཱི་མི་ཏྲ་དང༌། བོད་ཀྱི་ལོ་ཙཱ་བ་རོང་ཟོམ་ཆོས་ཀྱི་བཟང་པོས་བསྒྱུར་བ། གཤིན་རྗེ་གཤེད་ནག་པོ་གདོང་དྲུག་པའི་འཁོར་ལོའི་སྒྲུབ་ཐབས་ཞེས་བྱ་བ་སློབ་དཔོན་དེ་ཝ་ཨཱ་ཀ་ར་ཙནྡྲས་མཛད་པ།
རྒྱ་གར་གྱི་མཁན་པོ་དེ་ཝ་ཨཱ་ཀ་ར་ཙནྡྲ་དེ་ཉིད་དང༌། ཅོག་རོ་བནྡེ་ཤེས་རབ་བླ་མའི་འགྱུར། ཨུ་རྒྱན་ནས་བྱུང་བའི་གཤིན་རྗེའི་དགྲ་བྲུབ་པའི་འཁོར་ལོ་ཇི་ལྟར་རྙེད་པ་སློབ་དཔོན་ཀླུའི་བྱང་ཆུབ་ཀྱིས་མཛད་པ་སྟེ་དེ་ལྟར་གདོང་དྲུག་གི་ཆོས་སྐོར་ལ་བཞིའོ།། །།གཤེད་དམར་སྐོར་ལ། གཤིན་རྗེ་མཐར་
བྱེད་དམར་པོའི་སྒྲུབ་ཐབས་རྣལ་འབྱོར་གྱི་དབང་ཕྱུག་བི་རཱུ་པས་མཛད་པ། རྒྱ་གར་གྱི་མཁན་པོ་བླ་མ་རྗེ་བཙུན་ཆེན་པོ་ཉི་མའི་དབང་པོའི་འོད་ཟེར་དང༌། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། གཤིན་རྗེ་གཤེད་དམར་པོའི་སྒྲུབ་ཐབས་སློབ་དཔོན་ཤྲཱི་བི་རཱུ་པས་མཛད་པ། རྒྱ་གར་ཤར་ཕྱོགས་ཀྱི་པཎྜི་
ཏ་དཱ་ན་ཤཱི་ལའི་རང་འགྱུར། གཏོར་མའི་<*མ་བྱུང༌།>ཆོ་ག་གཉིས་དང༌། གཤིན་རྗེ་གཤེད་དམར་པོའི་བྱིན་རླབས་ཀྱི་མན་ངག་འོད་གསལ་འཆར་བའི་རིམ་པ་སློབ་དཔོན་མཐུ་སྟོབས་ཀྱི་མགོན་པོ་དཔལ་བི་རཱུ་པས་མཛད་པ། རྒྱ་གར་གྱི་པཎྜི་ཏ་རེ་ཝེནྡྲ་དང༌། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། གཤེད་
དམར་གྱི་རྫོགས་རིམ་ཤིན་ཏུ་སྤྲོས་པ་མེད་པ་དེ་ཁོ་ན་ཉིད་ཀྱི་མན་ངག་ཅེས་བྱ་བ་སློབ་དཔོན་དཔལ་མཐུ་སྟོབས་ཀྱི་མགོན་པོ་བཅོམ་ལྡན་འདས་ཀྱིས་དངོས་སུ་བྱིན་གྱིས་བརླབས་པའི་རྣལ་འབྱོར་གྱི་དབང་ཕྱུག་ཆེན་པོ་བི་རཱུ་པས་མཛད་པ། ཆོས་ཀྱི་རྒྱལ་པོའི་སྐུ་མཁར་ཉི་གཟུངས་སུ་རྒྱ་གར་གྱི་པཎྜི་ཏ་དངོས་གྲུབ་
བརྙེས་པ་དཔལ་དཱརྤན་ཨཱ་ཙཱརྻ་དང༌། གློ་བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱི་འགྱུར། གཤིན་རྗེ་གཤེད་དམར་པོའི་སྒྲུབ་ཐབས་ཀྱི་ཆོ་ག་སློབ་དཔོན་བིརྺ་པའི་མཚན་གྱི་རྣམ་གྲངས་དཔལ་དཔའ་བོ་རྒྱལ་པོས་མཛད་པ། རྒྱ་གར་གྱི་མཁན་པོ་བླ་མ་རྗེ་བཙུན་ཉི་མའི་དབང་པོའི་འོད་ཟེར་དང༌།
ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། གཤིན་རྗེ་གཤེད་ཀྱི་འཁྲུལ་འཁོར་གྱི་ཕྲེང་བ་སློབ་དཔོན་བི་རཱུ་པས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་དཔལ་མཁས་པ་ཆེན་པོ་དཱ་ན་ཤཱི་ལས་ཡུལ་དབུས་ཀྱི་གྲུབ་པ་ཐོབ་པའི་གནས་དྲང་སྲོང་སྲིན་པོ་རིར་རང་འགྱུར། དཔལ་གཤིན་རྗེ་གཤེད་དམར་

པོའི་སྒྲུབ་ཐབས་དང༌། དཔལ་གཤིན་རྗེ་གཤེད་དམར་པོའི་དཀྱིལ་འཁོར་གྱི་ཆོ་ག་པཎྜི་ཏ་རྣལ་འབྱོར་གྱི་དབང་ཕྱུག་ཆེན་པོ་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་པཎྜི་ཏ་རྗེ་བཙུན་ཆེན་པོ་དཔལ་གཤིན་རྗེ་གཤེད་ཀྱིས་རྗེས་སུ་བཟུང་བ་ཉི་མའི་དབང་པོའི་འོད་ཟེར་
དང༌། ཆག་ལོ་ཙཱ་བ་དགེ་སློང་ཆོས་རྗེ་དཔལ་གྱི་འགྱུར། རྣལ་འབྱོར་བཞིའི་དེ་ཁོ་ན་ཉིད་ཅེས་བྱ་བ་རང་བྱིན་གྱིས་བརླབ་པའི་མན་ངག་གྲུབ་ཐོབ་ཀྱི་འཁོར་ལོས་སྒྱུར་བ་མཐུ་སྟོབས་ལ་མངའ་བརྙེས་པ་རྣལ་འབྱོར་གྱི་དབང་ཕྱུག་བྲམ་ཟེ་དཔལ་འཛིན་གྱིས་མཛད་པ། དཱརྤན་ཨཱ་ཙཱརྻ་དང༌། གློ་བོ་ལོ་ཙཱའི་
འགྱུར། གཤེད་དམར་<*མ་བྱུང༌།>གྱི་ཡུམ་བཞི་སོ་སོའི་སྒྲུབ་ཐབས། གཤིན་རྗེ་གཤེད་དམར་པོའི་སྒྲུབ་ཐབས་ཞེས་བྱ་བ། གཤིན་རྗེ་གཤེད་དམར་པོ་མཎྜལ་དུ་མཆོད་པའི་ཆོ་ག་ཞེས་བྱ་བ་རྣམས་གྲུབ་ཐོབ་དཔལ་འཛིན་གྱིས་མཛད་པ། ལྷའི་སྐད་ལ་ལེགས་པར་ཞུགས་པའི་ལོ་ཙཱ་བ་ཉི་མ་རྒྱལ་མཚན་དཔལ་
བཟང་པོས་སྐད་གཉིས་སྨྲ་བའི་གདན་ས་དཔལ་ཐར་པ་གླིང་དུ་བསྒྱུར་བ། དཔལ་གཤིན་རྗེ་གཤེད་ནག་པོ་དང་དམར་པོ་མཆོད་པའི་ཆོ་ག་སློབ་དཔོན་ཆེན་པོ་པཎྜི་ཏ་དཔལ་འཛིན་གྱིས་མཛད་པ། པཎྜི་ཏ་ཉི་མའི་དབང་པོའི་འོད་ཟེར་དང༌། ཆག་ཆོས་རྗེ་དཔལ་གྱི་འགྱུར། གཤིན་རྗེ་གཤེད་དམར་
པོའི་ཏིང་ངེ་འཛིན་གྱི་ཆོ་ག་སློབ་དཔོན་དཔལ་འཛིན་གྱིས་མཛད་པ། རྒྱ་གར་ཤར་ཕྱོགས་ཀྱི་པཎྜི་ཏ་ཆེན་པོ་དཱ་ན་ཤཱི་ལའི་རང་འགྱུར། དཔལ་གཤིན་རྗེ་གཤེད་དམར་པོའི་གཏོར་མའི་ཆོ་ག་སློབ་དཔོན་དཔལ་འཛིན་གྱིས་མཛད་པ། གཤིན་རྗེ་གཤེད་དམར་པོའི་སྒྲུབ་ཐབས་དཔལ་རྣམ་པར་སྣང་མཛད་སྲུང་
བས་མཛད་པ། རང་བྱིན་གྱིས་བརླབ་པའི་རིམ་པའི་མན་ངག་དང་བཅས་པ་གཤིན་རྗེ་མཐར་བྱེད་དམར་པོའི་མངོན་པར་རྟོགས་པ་སློབ་དཔོན་ཆེན་པོ་མཁས་ཤིང་དངོས་གྲུབ་བརྙེས་པ་བློ་གྲོས་བཟང་པོས་མཛད་པ་རྣམས་པཎྜི་ཏ་ཆེན་པོ་བླ་མ་རྗེ་བཙུན་ཉི་མའི་དབང་པོའི་འོད་ཟེར་དང༌། ཆག་ལོ་ཙཱ་བ་དགེ་སློང་ཆོས་རྗེ་
དཔལ་གྱིས་བསྒྱུར་བ། གཤིན་རྗེ་གཤེད་དམར་པོའི་འཁོར་ལོའི་གསལ་བྱེད་བསྡུས་པ་དང༌། གཤིན་རྗེ་གཤེད་དམར་པོའི་འཁོར་ལོའི་དེ་ཁོ་ན་ཉིད་ཀྱི་གསལ་བྱེད་སློབ་དཔོན་གནས་བརྟན་བྱང་ཆུབ་སྙིང་པོས་མཛད་པ། རྡོ་རྗེ་གདན་པ་ནིཥྐ་ལངྐ་དང༌། དཔྱལ་ལོ་ཙཱ་བ་དཔལ་ཆོས་ཀྱི་བཟང་པོའི་འགྱུར།

གཤིན་རྗེའི་དགྲ་དམར་པོའི་སྒྲུབ་ཐབས་ཞེས་བྱ་བ་སློབ་དཔོན་ཆེན་པོ་བློ་བཟང་སྙིང་པོའི་ཞབས་ཀྱིས་མཛད་པ། ལྷའི་སྐད་ལ་ལེགས་པར་ཞུགས་པའི་ལོ་ཙཱ་བ་ཉི་མ་རྒྱལ་མཚན་དཔལ་བཟང་པོས་སྐད་གཉིས་སྨྲ་བའི་གདན་ས་དཔལ་ཐར་པ་གླིང་དུ་ལེགས་པར་བསྒྱུར་བ། གཤིན་རྗེ་གཤེད་དམར་པོའི་
རྫོགས་པའི་རྣལ་འབྱོར་ཞེས་བྱ་བ་མཁས་པ་ཆེན་པོ་འཇིགས་མེད་འབྱུང་གནས་སྦས་པས་མཛད་པ། དཔལ་གཤིན་རྗེ་གཤེད་དམར་པོའི་འཚོ་བའི་དེ་ཁོ་ན་ཉིད་ཅེས་བྱ་བའི་མན་ངག་རྒྱ་གར་གྱི་པཎྜི་ཏ་དཱརྤན་ཨཱ་ཙཱརྻས་མཛད་པ་དང༌། གཤིན་རྗེ་གཤེད་མཐར་བྱེད་དམར་པོའི་བྱིན་གྱིས་བརླབ་པའི་རིམ་པ་གྲུབ་
ཐོབ་ཀྱི་འཁོར་ལོས་སྒྱུར་བ་བྲམ་ཟེ་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་དཱརྤན་ཨཱ་ཙཱརྻ་དང༌། གློ་བོ་ལོ་ཙཱ་བ་དགེ་སློང་ཤེས་རབ་རིན་ཆེན་གྱི་འགྱུར། ལྷ་མོ་འོད་འཛིན་མའི་བྱིན་གྱིས་བརླབ་པ་གྲུབ་ཐོབ་མཁས་པ་ཆེན་པོ་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་དེ་ཝ་ཨཱ་ཀ་ར་དང༌།
ལོ་ཙཱ་བ་རིན་ཆེན་བཟང་པོས་འགྱུར་ལ། དུས་ཕྱིས་རྒྱ་གར་ཤར་ཕྱོགས་ཀྱི་པཎྜི་ཏ་དཱརྤན་ཨཱ་ཙཱརྻ་དང༌། ལོ་ཙཱ་བ་དགེ་སློང་རྡོ་རྗེ་འཛིན་པ་ཞེ་སྡང་རྡོ་རྗེའི་འགྱུར། སྔ་འགྱུར་ལ་འདི་ལས་ཚན་ཆེ་ཙམ་གདའོ་ཞེས་བུ་སྟོན་གྱིས་གསུངས་སོ། །འོད་འཛིན་མའི་སྒྲུབ་ཐབས་ཏིང་ངེ་འཛིན་ལ་མངའ་བརྙེས་པ་དཔལ་འཛིན་གྱིས་
མཛད་པ། སྒྱུར་བྱེད་ཀྱི་ལོ་པཎ་སྔ་མ་དང་འདྲའོ། །རང་གི་སེམས་གོང་དུ་འཕོ་བའི་མན་ངག་བྱིན་རླབས་དང་བཅས་པ་སློབ་དཔོན་དཔལ་འཛིན་གྱིས་མཛད་པ། པཎྜི་ཏ་རྒྱ་གར་མངོན་ཤེས་ཅན་དང༌། བོད་ཀྱི་ལོ་ཙཱ་བ་འགོས་ཁུགས་པས་བསྒྱུར་བ་ལས། དུས་ཕྱིས་སའི་སྟེང་ན་འགྲན་ཟླ་དང་བྲལ་བ་དཱརྤན་
ཨཱ་ཙཱརྻ་དང༌། ལོ་ཙཱ་བ་ཤེས་རབ་རིན་ཆེན་གྱི་འགྱུར། བྱིན་གྱིས་བརླབ་པའི་རིམ་པ་དང༌། མེའི་ལྷ་མཆོད་པ་ཞེས་བྱ་བ་དངོས་གྲུབ་བརྙེས་པ་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་དཱརྤན་ཨཱ་ཙཱརྻ་དང༌། དགེ་སློང་ཤེས་རབ་རིན་ཆེན་གྱིས་ལེགས་པར་བསྒྱུར་བ། བདུད་རྩི་བྱིན་གྱིས་བརླབ་པ་ཞེས་བྱ་བ་
རྣལ་འབྱོར་གྱི་དབང་ཕྱུག་དཔལ་བི་རཱུ་པས་མཛད་པ། རྒྱ་གར་གྱི་མཁན་པོ་དཱརྤན་ཨཱ་ཙཱརྻ་དང༌། ལོ་ཙཱ་བ་ཞེ་སྡང་རྡོ་རྗེས་བསྒྱུར་ཅིང་ཞུས་ཏེ་གཏན་ལ་ཕབ་པ། སྲུང་འཁོར་གྱི་བྱིན་རླབས་དང་ཕྱིར་བཟློག་པའི་མན་ངག་ཅེས་བྱ་བ་དང༌། བཅོམ་ལྡན་འདས་གཤིན་རྗེ་གཤེད་དམར་པོའི་ཞལ་གདམས་རྣལ་འབྱོར་

གྱི་དབང་ཕྱུག་དངོས་གྲུབ་མཆོག་བརྙེས་པ་སློབ་དཔོན་དཔལ་འཛིན་གྱིས་མཛད་པ། རྒྱ་གར་གྱི་མཁན་པོ་ཨ་ནུ་པ་མ་རཀྵི་ཏ་དང༌། ལོ་ཙཱ་བ་དར་མ་ཡོན་ཏན་གྱི་འགྱུར་ལ། ཕྱིས་ཆོས་ཀྱི་རྒྱལ་པོའི་སྐུ་མཁར་གཉིས་སུ་རྒྱ་གར་ཤར་ཕྱོགས་ཀྱི་མཁན་པོ་ཆེན་པོ་དཱརྤན་ཨཱ་ཙཱརྻ་དང༌། ལོ་ཙཱ་བ་དགེ་སློང་ཤེས་རབ་
རིན་ཆེན་གྱི་འགྱུར། འདིའི་དཔེ་བར་སྐབས་སུ་རྒྱ་གར་བལ་པོ་ཐམས་ཅད་དུ་རྒྱུན་ཆད་པ་ལ། ཕྱིས་ཨཽ་ཌྱཱན་དུ་མཁའ་འགྲོ་མ་རྒྱ་མཚོའི་གོས་ཅན་ལས་རྣལ་འབྱོར་པ་སནྟ་ཝ་ལནྟས་ཞུས་ཏེ་བྱུང་ངོ༌། །གཤིན་རྗེ་གཤེད་དམར་པོའི་སྔགས་བཏུ་བ་ཞེས་བྱ་བ་སློབ་དཔོན་དཔལ་འཛིན་གྱིས་མཛད་པ། པཎྜི་ཏ་དཱ་ན་ཤཱི་ལ་དང༌།
བོད་ཀྱི་ལོ་ཙཱ་བ་བསོད་ནམས་སེང་གེའི་འགྱུར། གཤིན་རྗེ་གཤེད་དམར་པོའི་ལས་ཀྱི་ཕྲེང་བའི་སྒྲུབ་ཐབས་ཡིད་བཞིན་ནོར་བུ་ཞེས་བྱ་བ་ལ་ལོངས་སྤྱོད་ཅན་མའི་རྟོག་པ། རིན་ཆེན་ཕྲེང་བ་མའི་སྒྲུབ་ཐབས། ཀླུ་མོ་ཞལ་མཐའ་ཡས་མའི་སྒྲུབ་ཐབས། ཀླུ་མོ་ནོར་སྐྱོང་ཞལ་མ་ཞེས་བྱ་བའི་སྒྲུབ་ཐབས། ཀླུ་མོ་ཨ་
ཕུ་ཞེས་བྱ་བའི་སྒྲུབ་ཐབས། དགའ་བས་ཚིམ་མའི་སྒྲུབ་ཐབས་ཞེས་བྱ་བ། གནོད་སྦྱིན་ནཱ་ཌ་ཕོ་མོའི་སྒྲུབ་ཐབས། གནོད་སྦྱིན་མོ་སའི་བདག་མོ་བཀྲ་ཤིས་མའི་སྒྲུབ་ཐབས། གནོད་སྦྱིན་དགའ་བྱེད་ཀྱི་སྒྲུབ་ཐབས། གནོད་སྦྱིན་གྱི་རྒྱལ་པོ་ཕུར་བུས་འདེབས་པའི་སྒྲུབ་ཐབས། རྡེག་པར་བྱེད་པའི་གནོད་
སྦྱིན་གྱི་སྡེ་དཔོན་གྱི་སྒྲུབ་ཐབས། དཔལ་ཟླ་བའི་ལྷ་མོ་ཞེས་བྱ་བའི་སྒྲུབ་ཐབས། འཕྲོག་མ་རྣ་ཆ་འཛིན་མའི་སྒྲུབ་ཐབས། ཡིད་འཕྲོག་མའི་སྒྲུབ་ཐབས། ལེགས་པར་དགའ་མའི་སྒྲུབ་ཐབས། སྤྱན་ཡངས་མའི་སྒྲུབ་ཐབས། འདོད་ཆགས་དགས་པའི་སྒྲུབ་ཐབས། གཞན་གྱིས་མི་ཐུབ་པ་ཞེས་བྱ་
བའི་སྒྲུབ་ཐབས། ལྷག་པར་རྒྱལ་བ་མི་ཕམ་པའི་སྒྲུབ་ཐབས། གང་བ་བཟང་པོའི་སྒྲུབ་ཐབས།འབྱུང་མོ་མཛེས་མའི་སྒྲུབ་ཐབས། དབང་རྒྱལ་མ་མཛེས་མའི་སྒྲུབ་ཐབས། དྲི་མེད་མཛེས་མའི་སྒྲུབ་ཐབས། ཤ་ཟ་པི་ལཱུའི་སྒྲུབ་ཐབས། ཤ་ཟ་ནོར་བུ་འཛིན་པའི་སྒྲུབ་ཐབས། ཤ་ཟ་ནག་པོའི་
སྒྲུབ་ཐབས། ཤ་ཟ་ནག་པོ་སྙིང་པོའི་སྒྲུབ་ཐབས། ཤ་ཟ་མོ་ཧ་ན་མ་ནའི་སྒྲུབ་ཐབས། ཨ་ལུ་ཀ་ཞེས་བྱ་བའི་སྒྲུབ་ཐབས། ཨ་ལ་གུཔྟ་ཞེས་བྱ་བའི་སྒྲུབ་ཐབས། བོང་བུའི་གདོང་ཅན་མའི་སྒྲུབ་ཐབས། ཤ་ཟ་ཨ་ལུ་བི་ནིའི་ཞེས་བྱ་བའི་སྒྲུབ་ཐབས། ཨུཙྪུསྨ་ཞེས་བྱ་བའི་སྒྲུབ་ཐབས། ཀྵུ་ཀྵུ་སེ་

རི་ཀུནྡའི་སྒྲུབ་ཐབས། ཤ་ཟ་མོ་རྣ་བ་འཛིན་མའི་སྒྲུབ་ཐབས། ཤ་ཟ་མོ་ཁ་ནག་མོའི་སྒྲུབ་ཐབས་ཏེ། དེ་ལྟར་སྒྲུབ་ཐབས་སུམ་ཅུ་རྩ་དྲུག་གཤིན་རྗེ་གཤེད་ཀྱི་ཡིད་བཞིན་གྱི་ནོར་བུའི་ཕྲེང་བ་ཞེས་བྱ་བའི་སྒྲུབ་ཐབས་འཇམ་དཔལ་དབྱངས་ཀྱི་ཞབས་རྡུལ་ལ་རེག་པ་སློབ་དཔོན་ཤེས་རབ་སྐྱོང་གིས་མཛད་པ། རྒྱ་གར་
ཤར་ཕྱོགས་བྷཾ་ག་ལའི་པཎྜི་ཏ་དཱ་ན་ཤཱི་ལ་ཞེས་བྱ་བས་གནས་བྱིན་གྱིས་བརླབས་པ་དྲང་སྲོང་སྲིན་པོ་རིར་རང་འགྱུར་དུ་མཛད་པ། དཔལ་གཤིན་རྗེ་གཤེད་དམར་པོའི་སྒྲུབ་ཐབས་ལམ་གྱི་སྙིང་པོ་ཞེས་བྱ་བ་མཁས་གྲུབ་རྣལ་འབྱོར་ཆེན་པོ་བུདྡྷ་ཛྙཱ་ན་པཱ་དས་ཨུ་ག་ཡ་ན་འབར་བའི་ཕུག་ཏུ་བཛྲ་ཝཱ་རཱ་ཧཱི་ཉིད་ལས་
དངོས་སུ་ཐོབ་པ་དང༌། ལུས་ངག་ཡིད་གསུམ་བྱིན་གྱིས་བརླབ་པའི་མན་ངག་ཅེས་བྱ་བ། སེམས་དཔའ་གསུམ་གྱི་ཏིང་ངེ་འཛིན་ལ་མཉམ་པར་གཞག་པ་ཞེས་བྱ་བ་རྣམས་རྡོ་རྗེ་ཕག་མོས་དངོས་སུ་བྱིན་གྱིས་བརླབས་པ་མཁས་ཤིང་གྲུབ་པ་བརྙེས་པའི་རྣལ་འབྱོར་གྱི་དབང་ཕྱུག་སངས་རྒྱས་ཡེ་ཤེས་ཞབས་
ཀྱིས་མཛད་པ། ཡུལ་དབུས་ཀྱི་པཎྜི་ཏ་ཨཱ་ནནྡ་བྷ་དྲ་དང༌། བོད་ཀྱི་ལོ་ཙཱ་བ་སེ་རྩ་བསོད་ནམས་རྒྱལ་མཚན་གྱིས་གྲོང་ཁྱེར་ཏི་ར་ཧ་ཏིའི་ལྷོ་ཕྱོགས་རང་བྱུང་གི་མཆོད་རྟེན་རྣམ་པར་དག་པའི་དྲུང་དུ་ཡུལ་དབུས་ཀྱི་དཔེ་དང་མཐུན་པར་བསྒྱུར་ཞིང་གཏན་ལ་ཕབ་པ། སླར་ཡང་ཐར་པ་ལོ་ཙཱ་བ་ཉི་མ་རྒྱལ་མཚན་
གྱིས་ཤྲཱི་ནཱ་ལེནྡྲའི་གཙུག་ལག་ཁང་ཆེན་པོར་བཅོས་པ། དེ་ལྟར་གཤིན་རྗེ་གཤེད་དམར་ལ་ཆོས་སྐོར་བདུན་ཅུ་དོན་གཉིས་སོ། །འཕགས་པ་གཤིན་རྗེ་ཚེ་བདག་ནག་པོའི་སྒྲུབ་པའི་ཐབས། གཏོར་མ་དང་བཅས་པ་དང༌། དཔལ་གཤིན་རྗེ་ཚེ་བདག་ནག་པོའི་དཀྱིལ་འཁོར་གྱི་ཆོ་ག་དྲན་གསལ་དཔལ་ནག་པོ་
ཞབས་ཀྱིས་མཛད་པ། པཎྜི་ཏ་ཆེན་པོ་ནག་པོའི་ཞབས་དེ་ཉིད་དང༌། ལོ་ཙཱ་བ་གཉན་དར་གྱི་འགྱུར་རྣམས་ཏེ། དེ་ལྟར་ཚེ་བདག་ལ་ཆོས་སྐོར་གསུམ་མོ། །འཁྲུལ་འཁོར་མཐར་ཐུག་གཤིན་རྗེ་གཤེད་པོའི་རྒྱུད། །གཤིན་རྗེ་གཤེད་ནག་རྡོ་རྗེ་འཇིགས་བྱེད་དང༌། །གདོང་དྲུག་གཤེད་དམར་སོགས་དང་ཚེ་བདག་
བཅས། །ཆོས་སྐོར་བརྒྱ་དང་བརྒྱད་ཅུ་ཐམ་པ་བཞུགས། །དེ་དག་གིས་ནི་གཤིན་རྗེ་གཤེད་དམར་ནག་ལ་སོགས་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།། །།དེ་ལྟར་གཤིན་རྗེ་གཤེད་དམར་ནག་ལ་སོགས་པའི་ཆོས་སྐོར་རྣམས་བཀོད་ནས། མཚན་ཡང་དག་པར་བརྗོད་པ་རྣལ་འབྱོར་བླ་མེད་ཀྱི་ལུགས་སུ་

བཀྲལ་བའི་སྐོར་ལ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་རྒྱ་ཆེར་འགྲེལ་པ་སློབ་དཔོན་ཆེན་པོ་ཙནྡྲ་གོ་མིས་མཛད་པ། པཎྜི་ཏ་མངོན་ཤེས་ཅན་གྱི་ཕྱག་ནས་བྱུང་བ། ཞུ་ཆེན་གྱི་ལོ་ཙཱ་བ་འགོས་ལྷས་བཙས་དང་ཤེས་རབ་བརྩོན་འགྲུས་ཀྱི་འགྱུར། མཚན་ཡང་དག་
པར་བརྗོད་པའི་འགྲེལ་པ་ཚུལ་གསུམ་གསལ་བར་བྱེད་པའི་སྒྲོན་མ་འདི་གཉིས་རྒྱུད་སྡེ་སྤྱིར་བཀྲལ་བར་སྣང་ཞིང་ཐེ་ཚོམ་གྱི་གཞི་ཡོད་པ་རྣམས་བཞུགས་སོ།། །།ཚི་པ་ལ། མཚན་ཡང་དག་པར་བརྗོད་པའི་འགྲེལ་པ་མཚན་དོན་གསལ་བར་བྱེད་པའི་སྒྲོན་མ་ཞེས་བྱ་བ་སློབ་དཔོན་བི་མ་ལ་མི་ཏྲས་
མཛད་ནས་ཐུགས་ཀྱི་སྲས་ཉང་ཏིང་ངེ་འཛིན་གྱིས་ཞུས་པ་གཉགས་ཛྙཱ་ནའི་འགྱུར། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འགྲེལ་པ་དོན་གསལ་བར་བྱེད་པ་ཞེས་བྱ་བ་དགའ་རབ་རྡོ་རྗེས་མཛད་ཟེར་བ་འདི་ནི་ཐེ་ཚོམ་གྱི་གཞིའོ་ཞེས་གསུངས་སོ། །མཚན་ཡང་དག་པར་བརྗོད་པ་ཉེ་བར་བསྡུས་
པའི་རྣམ་པར་རྟོག་གེ་ཞེས་བྱ་བ་མཁས་པ་ཆེན་པོ་ངེས་པར་སྦྱངས་པ་དཔལ་གཉིས་སུ་མེད་པའི་རྡོ་རྗེས་མཛད་པ། རྒྱ་གར་གྱི་མཁན་པོ་ཆེན་པོ་ཤྲཱི་བཛྲ་བོ་དྷི་དང༌། ཞུ་ཆེན་གྱི་ལོ་ཙཱ་བ་དཔྱལ་སེ་རྩ་བསོད་ནམས་རྒྱལ་མཚན་གྱིས་གངས་ཅན་པའི་སྐད་དུ་ལེགས་པར་བསྒྱུར་བ། ནོར་བུ་གླིང་དུ་སྐུ་འཁྲུངས་པའི་
དཔལ་ལྡན་བྱང་ཆུབ་མཆོག་གིས་མཛད་པའི་སྔགས་དོན་རྣམ་པར་གཟིགས་པ་དང༌། དེའི་རྗེས་སུ་འབྲངས་པའི་སློབ་དཔོན་ཆེན་པོ་གཉིས་མེད་རྡོ་རྗེས་མཛད་པའི་ཉེ་བར་བསྡུས་པའི་རྣམ་པར་རྟོག་གེ་གཉིས་ཀྱི་དོན་བསྡུས་པ་མཚན་གྱི་སྒྲོན་མེ་ཞེས་བྱ་བ་པྲཛྙཱ་གུ་རུས་མཛད་པ། འཇམ་དཔལ་ཡེ་ཤེས་སེམས་དཔའི་
མངོན་པར་རྟོགས་པ་ཞེས་བྱ་བ་རྒྱ་གར་གྱི་མཁན་པོ་དཔལ་ལྡན་གཉིས་སུ་མེད་པའི་རྡོ་རྗེས་མཛད་པ། འཇམ་དཔལ་ཡེ་ཤེས་སེམས་དཔའ་རིན་པོ་ཆེའི་ཕྱག་རྒྱ་དྲི་མ་མེད་པའི་ཆོ་ག་ཞེས་བྱ་བ། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པའི་འགྲེལ་པ་སྙིང་པོ་མངོན་པར་རྟོགས་པ་ཞེས་བྱ་བ། རང་བཞིན་དུ་
གནས་པའི་སྔགས་ཀྱི་སྤྱོད་པ་བཅུ་པ། རྨི་ལམ་བརྟག་པ། སངས་རྒྱས་བྱང་ཆུབ་བསམ་གཏན་གྱི་དུག་སེལ་བར་བྱེད་པའི་མར་མེ་ཞེས་བྱ་བ། འཇམ་དཔལ་ཡེ་ཤེས་སེམས་དཔའི་ཡིད་འཇུག་པའི་བསམ་གཏན་གྱི་འཁོར་ལོ་ཞེས་བྱ་བ། ཐིག་ལེ་གྲུབ་པ། ཐིག་ལེ་གཅིག་པ་ཞེས་བྱ་བ། འཇམ་དཔལ་ཡེ་

ཤེས་སེམས་དཔའི་སྙིང་པོ་གྲུབ་པ་ཞེས་བྱ་བ་རྣམས་རྒྱ་གར་གྱི་མཁན་པོ་དཔལ་ལྡན་གཉིས་སུ་མེད་པའི་རྡོ་རྗེས་མཛད་པ། རྣལ་འབྱོར་པ་བསོད་སྙོམས་པ་པྲཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར། སློབ་དཔོན་ཆེན་པོ་མཻ་ཏྲི་པའི་གདམས་ངག་ཉེ་བར་བསྡུས་པ་དང༌། དཔལ་མཻ་ཏྲི་པས་མཛད་པའི་འཕགས་པ་འཇམ་དཔལ་
གྱི་ཟབ་ཅིང་རྒྱ་ཆེ་བ་ཞེས་བྱ་བའི་འགྲེལ་པ་མཁས་པ་ཆེན་པོ་དྲིལ་བུ་པས་མཛད་པ། རྒྱ་གར་གྱི་མཁན་པོ་མཉྫུ་ཤྲཱི་སིདྡྷི་དང༌། དགེ་སློང་བློ་ལྡན་ཤེས་རབ་ཀྱི་འགྱུར། འཕགས་པ་འཇམ་དཔལ་གྱི་སྒྲུབ་ཐབས་ཞི་བ་འོད་ཀྱི་རིམ་པ་ཞེས་བྱ་བ། འཇམ་དཔལ་ཁྲོ་བོའི་སྒྲུབ་ཐབས་རྡོ་རྗེ་འོད་ཀྱི་རིམ་པ་ཞེས་
བྱ་བ། དཀྱིལ་འཁོར་གྱི་ཆོ་ག སྐྱབས་འགྲོ་སེམས་བསྐྱེད་དབང་བཞིའི་གདམས་པ། རྡོ་རྗེ་གླུའི་གདམས་ངག་ཅེས་བྱ་བ། ཁྲུས་ཀྱི་ཆོ་ག གཏོར་མའི་ཆོ་ག །བདུན་ཚིགས་ཀྱི་ཆོ་ག །རོ་བསྲེག་པའི་ཆོ་ག །སཱཙྪ་གདབ་པའི་རིམ་པ། རབ་ཏུ་གནས་པའི་ཆོ་ག སྦྱིན་སྲེག་གི་ཆོ་
ག །ཐུན་མོང་གི་དངོས་གྲུབ་སྒྲུབ་པའི་ཐབས་ཀྱི་མན་ངག མཎྜལ་དབུལ་བའི་མན་ངག་སྟེ་བཅུ་གསུམ་པོ་རྣམས་ནི་བྲམ་ཟེ་སྡོམ་པ་བཟང་པོས་མཛད་ཅིང༌། འབྲོ་ལོ་ཙཱ་བ་དྷརྨཱ་བྷིའི་འགྱུར། འདི་དག་ལ་ཐེ་ཚོམ་ཟ་བ་སྣང་ཡང་རྒྱ་གར་མར་བྱེད་ཀྱིན་འདུག་པས་བྲིས་སོ་ཞེས་གསུངས། མཚན་བརྗོད་རྣལ་འབྱོར་
ཆེན་པོ་བླ་མེད་དུ། །དགོངས་པ་འགྲེལ་པའི་རྒྱུད་འགྲེལ་རྣམ་པ་ལྔ། །སྒྲུབ་ཐབས་ལ་སོགས་ཉི་ཤུ་རྩ་བརྒྱད་དེ། །དྲིལ་བས་ཆོས་སྐོར་སུམ་ཅུ་རྩ་གསུམ་བཞུགས། །དེ་དག་གིས་ནི་འཇམ་དཔལ་མཚན་བརྗོད་བླ་མེད་དུ་བཀྲལ་བའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་
ཏོ།། །།དེ་ལྟར་འཇམ་དཔལ་མཚན་བརྗོད་རྣལ་འབྱོར་བླ་མེད་དུ་བཀྲལ་བའི་ཆོས་སྐོར་རྣམས་བཀོད་ནས། བདེ་ཆེན་རལ་གཅིག་གི་སྐོར་ལ། བདེ་ཆེན་རལ་གཅིག་<*མ་བྱུང༌།>ལྷ་ཉི་ཤུ་རྩ་ལྔའི་སྒྲུབ་ཐབས། དཔལ་བཅོམ་ལྡན་འདས་རལ་པ་གཅིག་པའི་དཀྱིལ་འཁོར་གྱི་འཁོར་ལོའི་སྒྲུབ་ཐབས་ཞེས་བྱ་བ་གྲུབ་པ་བརྙེས་
པའི་པཎྜི་ཏ་ཆེན་པོ་ཨ་ཛི་ཏ་མི་ཏྲ་གུཔྟས་མཛད་པ། དཔལ་བཅོམ་ལྡན་འདས་རལ་པ་གཅིག་པའི་སྒྲུབ་ཐབས་སློབ་དཔོན་ཆེན་པོ་མི་ཕམ་སྦས་པས་མཛད་པ། དཔལ་བཅོམ་ལྡན་འདས་རལ་པ་གཅིག་པའི་སྒྲུབ་ཐབས་མི་ཕམ་སྦས་པའི་བཤེས་གཉེན་ནམ། མཚན་གྱི་རྣམ་གྲངས་རོལ་པའི་རྡོ་རྗེས་

མཛད་པ། དཔལ་བཅོམ་ལྡན་འདས་རལ་པ་གཅིག་པའི་སྒྲུབ་ཐབས་རྒྱ་གར་གྱི་སློབ་དཔོན་ཆེན་པོ་ཤྲཱི་བཛྲ་ཀཱིརྟིས་མཛད་པ། དཔལ་རལ་གཅིག་མའི་སྒྲུབ་ཐབས་འཁོར་གནོད་སྦྱིན་དང་བཅས་པ་མི་ཏྲ་ཛོ་ཀིས་མཛད་པ་རྣམས་ཤྲཱི་ཛ་ག་ཏ་མི་ཏྲ་ཨཱ་ནནྡ་དང༌། གནུབས་ལོ་ཙཱ་བ་
བྱམས་པའི་དཔལ་གྱི་འགྱུར། བསྔོ་བ་ནོར་བུའི་སྒྲོན་མ་ཞེས་བྱ་བ་སློབ་དཔོན་མི་ཕམ་ཟླ་བས་མཛད་པ། རྒྱ་གར་གྱི་པཎྜི་ཏ་སུ་བྷཱ་ཤཱནྟི་དང༌། བོད་ཀྱི་ལོ་ཙཱ་བ་བྱམས་པའི་དཔལ་གྱི་འགྱུར། དཔལ་བཅོམ་ལྡན་འདས་རལ་པ་གཅིག་པ་ལ་བསྟོད་པ་ཁ་ཆེའི་པཎྜི་ཏ་བུདྡྷཱ་ཤྲཱི་བྷ་དྲ་ཛྙཱ་ན་དང༌། བོད་ཀྱི་ལོ་ཙཱ་བ་གནུབས་
བྱམས་པའི་དཔལ་གྱི་འགྱུར། དེའི་རྫོགས་རིམ་སྟོན་པའི་མན་ངག་རང་གི་སེམས་ངལ་བསོ་བའི་མན་ངག་ཚིགས་སུ་བཅད་པ་ཉི་ཤུ་རྩ་ལྔ་པ་ཞེས་བྱ་བ་ཇོ་བོ་སྤྱན་རས་གཟིགས་དབང་ཕྱུག་ལས་དངོས་སུ་གསན་ནས། གྲུབ་པ་བརྙེས་པའི་རྣལ་འབྱོར་གྱི་དབང་ཕྱུག་ཆེན་པོ་ཛ་ག་ཏ་མི་ཏྲ་ཨཱ་ནནྡ་པ།
སྐད་གཉིས་སྨྲ་བ་ཆེན་པོ་བྱམས་པའི་དཔལ་གྱིས་ཡང་དག་པར་བསྒྱུར་ཅིང་ཞུས་ཏེ་གཏན་ལ་ཕབ་པ། རྟོགས་པ་བརྗོད་པ་སུམ་ཅུ་པ། དཔལ་ཁརྶ་པཱ་ཎི་ཡབ་ཡུམ་གྱི་སྒྲུབ་ཐབས། གནོད་སྦྱིན་སྤུན་གཉིས་ཀྱི་སྒྲུབ་ཐབས་རྣམས་སློབ་དཔོན་ཨ་ཛི་ཏ་མི་ཏྲ་ཛོ་ཀིས་མཛད་པ། རྣལ་འབྱོར་གྱི་དབང་
ཕྱུག་མི་ཏྲ་ཨཱ་ནནྡའི་ཕྲིན་ལས་ཀྱིས་ལྷའི་རིགས་གནུབས་ལོ་ཙཱ་བ་བྱམས་པའི་དཔལ་གྱི་འགྱུར། འདི་དག་མ་རྒྱུད་ཀྱི་ཕྱོགས་སུ་གཏོགས་པ་འདྲ་བར་སྣང་ཡང་བླ་མ་རྣམས་ཀྱིས་ཕ་རྒྱུད་ཀྱི་ཕྱོགས་སུ་བྱས་སྣང་བས་འདིར་བྲིས་སོ། །རིགས་ཀྱི་འཇིག་རྟེན་མགོན་པོའི་སྒྲུབ་ཐབས་ཀྱི་སྣང་བ་ཞེས་བྱ་བ་རྗེ་བཙུན་
མ་ཉི་མས་མཛད་པ། རྒྱ་གར་གྱི་མཁན་པོ་དྷརྨ་དྷ་ར་དང༌། ལོ་ཙཱ་བ་ཡར་ལུངས་པ་གྲགས་པ་རྒྱལ་མཚན་གྱིས་དཔལ་ལྡན་ས་སྐྱའི་གཙུག་ལག་ཁང་དུ་བསྒྱུར་བ། ལྔ་བཅུ་པའི་བཤད་པ་ཁ་ཆེའི་པཎྜི་ཏ་དྲི་མེད་དཔལ་བཟང་པོས་མཛད་པ། པཎྜི་ཏ་ཆེན་པོ་དེ་ཉིད་དང༌། ལོ་ཙཱ་བ་ཡར་ལུངས་པ་ཤུད་
ཀེ་གྲགས་པ་རྒྱལ་མཚན་གྱི་འགྱུར། ཀུལ་ལོ་ཀ་ནཱ་ཐའི་བྱིན་རླབས་པཎྜི་ཏ་ཆེན་པོ་བི་མ་ལ་ཤྲཱིའི་ཞལ་སྔ་ནས་བྱུང་བ་བཞིན་བྲིས་པ། འཕགས་པ་སྤྱན་རས་གཟིགས་རིགས་ཀྱི་འཇིག་རྟེན་མགོན་པོའི་རྗེས་གནང་གི་ཆོ་ག་ཁ་ཆེའི་པཎྜི་ཏ་བི་མ་ལ་ཤྲཱིས་མཛད་པ། པཎྜི་ཏ་དེ་ཉིད་དང༌། ཤོང་ལོ་ཙཱ་བ་བློ་

བརྟན་གྱི་འགྱུར། རིགས་ཀྱི་འཇིག་རྟེན་དབང་ཕྱུག་སྒྲུབ་པའི་ཐབས་བྲམ་ཟེ་བྷྲིངྒ་རས་མཛད་པ། འཇམ་དཔལ་སྒེག་པའི་རྡོ་རྗེའི་འགྱུར། འཕགས་པ་སྤྱན་རས་གཟིགས་དབང་ཕྱུག་ཡི་གེ་བདུན་པའི་སྒྲུབ་ཐབས་མི་ཏྲ་ཛོ་ཀིས་མཛད་པ། དེ་ཉིད་དང༌། གནུབས་ལོ་ཙཱ་བ་བྱམས་པའི་དཔལ་གྱི་འགྱུར།
འདི་རྣམས་རྣལ་འབྱོར་ཆེན་པོའི་རྒྱུད་དུ་གསལ་བར་གསུངས་ཤིང༌། ཐབས་ཤེས་རབ་ཀྱི་རྒྱུད་འདིར་གཏོགས་པ་གསལ་བར་མ་གསུངས་ཀྱང༌། ཐབས་རྒྱུད་དང་མཐུན་པ་གཙོ་བོར་སྣང་བས་འདིར་བཀོད་དོ་ཞེས་བུ་སྟོན་གྱིས་གསུངས། དཔལ་ཐུགས་རྗེ་ཆེན་པོའི་དབང་བསྐུར་བའི་མན་ངག་གི་རབ་ཏུ་བྱེད་པ་ཞེས་
བྱ་བའམ། པདྨ་ཟབ་པ་དང་པདྨ་རྒྱལ་པོ་གཉིས་ཀྱི་དབང་ཆོག་སྦྱིན་སྲེག་དཔལ་ཛཱ་ལནྡྷ་རས་མཛད་པ། མངའ་བདག་མཻ་ཏྲི་པའི་ཕྱག་དཔེ་ལས་རྒྱ་གར་ཕྱག་ནའི་ཞལ་སྔ་ནས་དང༌། བོད་ཀྱི་ལོ་ཙཱ་བ་པྲཛྙཱ་ཀཱིརྟིའི་འགྱུར། འཕགས་པ་འཇིག་རྟེན་དབང་ཕྱུག་གསང་བའི་སྒྲུབ་ཐབས་ཞེས་བྱ་བ་མ་གཅིག་གྲུབ་
པའི་རྒྱལ་མོས་མཛད་པ། སྦ་ལྕག་མའི་གཞུང་ལ། ཚེ་དང་ཡེ་ཤེས་དཔག་ཏུ་མེད་པའི་དཀྱིལ་འཁོར་གྱི་ཆོ་ག་ཞེས་བྱ་བའི་རྒྱ་གཞུང༌། རྟ་མགྲིན་གྱི་སྒྲུབ་ཐབས། ཚེ་དང་ཡེ་ཤེས་དཔག་ཏུ་མེད་པ་ཞེས་བྱ་བའི་སྒྲུབ་ཐབས་རྣམས་རྒྱ་གར་གྱི་པཎྜི་ཏ་ཟླ་བ་བཟང་པོ་དང༌། ལོ་ཙཱ་བ་གླན་དར་མ་
ཚུལ་ཁྲིམས་ཀྱི་འགྱུར། ཚེ་དཔག་ཏུ་མེད་པའི་སྦྱིན་སྲེག་གི་ཆོ་ག་ཞེས་བྱ་བ་རྒྱ་གར་གྱི་མཁན་པོ་ཝ་ལ་ཙནྡྲ་བླ་མ་དང༌། ལོ་ཙཱ་བ་གླན་དར་མ་ཚུལ་ཁྲིམས་ཀྱི་འགྱུར། ཚེ་དང་ཡེ་ཤེས་དཔག་ཏུ་མེད་པའི་སྒྲུབ་ཐབས་ཡེ་ཤེས་མཁའ་འགྲོ་མ་གྲུབ་པའི་རྒྱལ་མོས་མཛད་པ། བཅོམ་ལྡན་འདས་ཚེ་དང་ཡེ་
ཤེས་དཔག་ཏུ་མེད་པའི་དཀྱིལ་འཁོར་གྱི་ཆོ་ག་ཞེས་བྱ་བ་ཡེ་ཤེས་ཀྱི་མཁའ་འགྲོ་མ་གྲུབ་པའི་རྒྱལ་མོས་བྱས་པ་ཡིན་ཟེར་བ་རྣལ་འབྱོར་བླ་མེད་དུ་བྱས་པ་འདི་རྒྱ་གཞུང་ཡིན་ཟེར་བ་རྣམས་སོ། །སྤྱན་རས་གཟིགས་དབང་རྣལ་འབྱོར་བླ་མེད་དུ། །གྱུར་པའི་རལ་གཅིག་འཇིག་རྟེན་མགོན་ལ་སོགས། །ཚེ་
དཔག་མེད་པའི་ཆོས་སྐོར་རྣམ་བརྒྱད་དེ། །བཅུ་ཕྲག་གཉིས་ལ་དྲུག་གིས་བརྒྱན་པ་བཞུགས། །དེ་དག་གིས་ནི་བདེ་ཆེན་རལ་གཅིག་ལ་སོགས་པའི་ཆོས་སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།། །།དེ་ལྟར་བདེ་ཆེན་རལ་གཅིག་གི་ཆོས་སྐོར་རྣམས་བཀོད་ནས། ཕྱག་ན་རྡོ་རྗེ་

རྣལ་འབྱོར་ཆེན་པོའི་རྒྱུད་དུ་བཀྲལ་བ་ལ། འཁོར་ལོ་ཆེན་པོའི་སྐོར་ནི། འཕགས་པ་ལག་ན་རྡོ་རྗེ་གོས་སྔོན་པོ་ཅན་དྲག་པོ་གསུམ་འདུལ་ཞེས་བྱ་བའི་རྒྱུད་ཀྱི་འགྲེལ་པ་བདུད་རྩི་མྱུ་གུ་ཞེས་བྱ་བ་དངོས་གྲུབ་བརྙེས་པའི་ཛ་ཝ་རི་པས་ས་ཝ་རི་པ་ལ་མན་ངག་ཏུ་ཞུས་པ། པཎྜི་ཏ་དེ་ཉིད་དང༌། དེ་ཝ་པཱུརྞ་
མ་ཏི་དང༌། ལོ་ཙཱ་བ་ཆོས་ཀྱི་བཟང་པོའི་འགྱུར། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་འཁོར་ལོ་ཆེན་པོ་ཞེས་བྱ་བ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་གཟུངས་ཀྱི་སྒྲུབ་ཐབས་བདུད་རྩི་ཐིགས་པ་ཞེས་བྱ་བ། ལག་ན་རྡོ་རྗེ་གོ་སྔོན་པོ་
ཅན་གྱི་སྒྲུབ་པའི་ཐབས་མདོར་བསྡུས་པ་ཞེས་བྱ་བ་སྟེ་འཇིག་རྟེན་ལས་འདས་པའི་སྒྲུབ་ཐབས་གསུམ་དང༌། ཀླུ་རིགས་བཞིའི་སྒྲུབ་ཐབས་ཞེས་བྱ་བ། གནོད་སྦྱིན་གྱི་སྡེ་དཔོན་རྣམ་པར་སྦྱོང་ཞིང་སེལ་བ་ཞེས་བྱ་བའི་སྒྲུབ་ཐབས། ཡི་དྭགས་དང་གྲུལ་བུམ་དང་ཤ་ཟ་དང་སྲུལ་པོ་རྣམས་
རྣམ་པར་སྦྱོང་ཞིང་སེལ་བའི་སྒྲུབ་ཐབས་ཞེས་བྱ་བ་སྟེ་འཇིག་རྟེན་པའི་སྒྲུབ་ཐབས་གསུམ་དང༌། དཔལ་ཕྱག་ན་རྡོ་རྗེ་གོས་སྔོན་པོ་ཅན་གྱི་གཟུངས་ཀྱི་གཏོར་མའི་ཆོ་ག་ཞེས་བྱ་བ་རྣམས་ནམ་གྲུའི་རིགས་ལས་བྱུང་བ་དངོས་གྲུབ་བརྙེས་པའི་སློབ་དཔོན་ཆེན་པོ་བྲམ་ཟེའི་བཙུན་པ་ཛ་ཝ་རི་པས་
མཛད་པ། བླ་མ་དེ་ཝ་པཱུརྞ་མ་ཏི་དང༌། ལོ་ཙཱ་བ་ཤེའུ་བཛྲ་དེ་ཝས་བསྒྱུར་བ་ལ། སླད་ཀྱིས་དགེ་སློང་ཆོས་ཀྱི་བཟང་པོས་བླ་མ་ལས་ཤིན་ཏུ་ལེགས་པར་ཞུས་ཏེ་ཅུང་ཟད་བཅོས་པ། རིམ་པ་དྲུག་པ་ཞེས་བྱ་བ། བསད་པ་བདུད་རྩིས་གསོ་བ་ཞེས་བྱ་བ། བདུད་རྩི་འོ་མའི་མཆོད་པ་ཞེས་བྱ་བ།
ཀླུ་ཁྲོ་བོ་བསད་པའི་ཕྲིན་ལས་ཞེས་བྱ་བ། ཀླུ་རིགས་བཞི་མནན་པའི་ཆོ་ག ཕྱག་ན་རྡོ་རྗེ་གོས་སྔོན་པོ་ཅན་གྱི་སྦྱིན་སྲེག་གི་ཆོ་ག་ཞེས་བྱ་བ། ཕྱག་ན་རྡོ་རྗེ་གོས་སྔོན་པོ་ཅན་གྱི་དྲག་པོའི་སྦྱིན་སྲེག་གི་ཆོ་ག་ཞེས་བྱ་བ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་དཀྱིལ་
འཁོར་གྱི་ཆོ་ག་ཞེས་བྱ་བ། མཛེ་ནད་ཀྱི་མཚན་ཉིད་ཅེས་བྱ་བ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་འཁོར་ལོ་ཆེན་པོའི་ལྷ་ཚོགས་ལ་བསྟོད་པ་ཞེས་བྱ་བ་རྣམས་ནམ་གྲུའི་རིགས་ལས་བྱུང་བའི་དངོས་གྲུབ་བརྙེས་པའི་སློབ་དཔོན་ཛ་ཝ་རི་པས་མཛད་པ། རྒྱ་གར་

གྱི་མཁན་པོ་དེ་ཝ་པཱུརྞ་མ་ཏི་དང༌། བོད་ཀྱི་ལོ་ཙཱ་བ་དགེ་སློང་མགར་ཆོས་ཀྱི་བཟང་པོའི་འགྱུར་ཏེ་དེ་ལྟར་བཅོ་བརྒྱད་དོ། །རྟེན་ཅིང་འབྲེལ་པར་འབྱུང་བའི་སྲུང་བ་ཞེས་བྱ་བ་ནམ་གྲུའི་རིགས་ལས་བྱུང་བ་དངོས་གྲུབ་བརྙེས་པ་ཛ་ཝ་རིའི་ཞལ་སྔ་ནས་མཛད་པ། པཎྜི་ཏ་དེ་ཝ་པཱུརྞ་མ་ཏི་དང༌། ལོ་
ཙཱ་བ་ཤེའུ་བཛྲ་དེ་ཝའི་འགྱུར། ཕྱག་ན་རྡོ་རྗེ་རྣལ་འབྱོར་ཆེན་པོའི་རྒྱུད་དུ་བཀྲལ་བ་ལ། ཕྱག་ན་རྡོ་རྗེ་གོས་སྔོན་པོ་ཅན་གནོད་སྦྱིན་དྲག་པོ་ཆེན་པོ་རྡོ་རྗེ་མེ་ལྕེའི་རྒྱུད་ཀྱི་འགྲེལ་པ་ཞེས་བྱ་བ་སློབ་དཔོན་ཆེན་པོ་འཕགས་པ་ཕྱག་ན་རྡོ་རྗེའི་སྐུ་དངོས་སུ་སྤྲུལ་ནུས་པ་ཕྱག་ན་རྡོ་རྗེ་ཞེས་བྱ་བས་མཛད་པ།
རྒྱ་གར་གྱི་མཁན་པོ་མཉྫུ་ཤྲཱི་དང༌། བོད་ཀྱི་ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱི་འགྱུར། སློབ་དཔོན་དེས་<*མ་བྱུང༌།>མཛད་པའི་མེ་ལྕེའི་ཕྲེང་བའི་སྒྲུབ་ཐབས་སོ། །སློབ་དཔོན་བྷ་ཝ་པས་མཛད་པའི་སྐོར་ལ། འཕགས་པ་ཕྱག་ན་རྡོ་རྗེ་གོས་སྔོན་ཅན་གྱི་སྒྲུབ་ཐབས་ཞེས་བྱ་བ། གནོད་སྦྱིན་གྱི་སྡེ་
དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་ཆེ་བ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་ཆུང་བ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་དཀྱིལ་འཁོར་གྱི་ཆོ་ག །ལུང་བསྟན་སྦྱོར་བའི་མན་ངག །རྡོ་རྗེ་ལས་ཀྱི་ཚོགས་རིམ་པར་ཕྱེ་
བ་རྣམས་སློབ་དཔོན་བྷ་ཝ་པས་མཛད་པ། ལོ་ཙཱ་བ་ཁུ་པ་བཱིརྻ་དང་དགེ་སློང་གཞོན་ནུ་ཚུལ་ཁྲིམས་ཀྱི་འགྱུར་རྣམས་བཞུགས་སོ།། །།ཛི་པ་ལ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྦྱོར་ཀ་ཆེན་པོའི་ཆོ་ག །ཕྱག་ན་རྡོ་རྗེ་གོས་སྔོན་ཅན་གྱི་གཏོར་མའི་ཆོ་ག་
ཚོགས་ཀྱི་འཁོར་ལོའི་སྦྱོར་ཀ །ཞི་བའི་སྦྱིན་སྲེག་གི་སྦྱོར་ཀ །རྒྱས་པའི་སྦྱིན་སྲེག་གི་སྦྱོར་ཀ །དབང་གི་སྦྱིན་སྲེག་གི་སྦྱོར་ཀ །དྲག་པོའི་ལས་ཀྱི་སྦྱོར་ཀ །བསྡུས་པའི་ལས་ཀྱི་སྦྱོར་ཀ །ཕྱག་ན་རྡོ་རྗེ་གོས་སྔོན་པོ་ཅན་གྱི་སྦྱིན་སྲེག་གི་ཆོ་ག །མཎྜལ་གྱི་སྦྱོར་ཀ་རྣམས་སློབ་དཔོན་བྷ་ཝ་པས་མཛད་པ། ལོ་ཙཱ་བ་
གཞོན་ནུ་ཚུལ་ཁྲིམས་ཀྱི་འགྱུར། ལས་ཀྱི་རིམ་པ་མུ་ཏིག་ཕྲེང་བ་ཞེས་བྱ་བ་སློབ་དཔོན་བྷ་ཝ་པས་མཛད་པ། རྒྱ་གར་གྱི་མཁན་པོ་རྡོ་རྗེ་སློབ་དཔོན་བཱིརྻ་གུཔྟ་དང༌། སླད་ཀྱིས་ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱིས་བསྒྱུར་ཏེ་དུར་ཁྲོད་ནགས་ཚལ་དུ་བརྒྱུད་པའི་སློབ་དཔོན་ལ་ཤིན་ཏུ་གསང་ཞིང་

ལེགས་པར་མནོས་པ། ཕྱག་ན་རྡོ་རྗེ་རྡོ་རྗེ་ལྕེ་དབབ་ཀྱི་འགྲེལ་པ་མུ་ཏིག་ཕྲེང་བ་དང༌། བཅོམ་ལྡན་འདས་ཕྱག་ན་རྡོ་རྗེ་ལྕེ་དབབ་ཀྱི་གསང་བའི་ཡང་བཀོལ་གྱི་སྒྲུབ་པའི་ཐབས་ཞེས་བྱ་བ་རྒྱལ་བུ་སྤྲིན་གྱི་ཤུགས་ཅན་གྱིས་མཛད་པ། སླད་ཀྱིས་བླ་མ་ཛ་ཡཱ་ཀ་ར་དང༌།
ལོ་ཙཱ་བ་མར་པའི་འགྱུར། འདིར་ལྕེ་དབབ་པའི་བྱ་ཐབས། རྟེན་འབྲེལ་གྱི་མཐུས་བསྲུང་བ་གཉིས་མཛད་འགྱུར་མ་ངེས་པ། ལག་ན་རྡོ་རྗེ་ལྕེ་དབབ་ཀྱི་སྔོན་འགྲོའི་ལག་ལེན་རྣལ་འབྱོར་གྱི་སྦྱོར་ལམ་བརྒྱད་པོ་སློབ་དཔོན་རྒྱལ་བུ་སྤྲིན་གྱི་ཤུགས་ཅན་གྱི་མཛད་པ། པཎྜི་ཏ་ཛ་ཡཱ་ཀ་ར་དང༌། མར་
པ་ལོ་ཙཱའི་འགྱུར། གསང་བའི་བདག་པོ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་སློབ་དཔོན་ཆེན་པོ་ནག་པོས་མཛད་པ་རྣམས་སོ། །གཏུམ་པོ་ལྷ་ལྔའི་སྐོར་ལ། རྡོ་རྗེ་གཏུམ་པོ་ལྷ་ལྔ་པ་ཞེས་བྱ་བའི་དཀྱིལ་འཁོར་གྱི་ཆོ་ག །ཕྱག་ན་རྡོ་རྗེའི་ལམ་ཡན་ལག་བརྒྱད་པ་འཕགས་པ་ཀླུ་སྒྲུབ་
ཀྱིས་མཛད་པ་གཉིས་སོ། །གཏུམ་པོ་ཁྱུང་གཤམ་མའི་སྐོར་ལ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན་དང་བྱ་ཁྱུང་གི་སྒྲུབ་ཐབས་ཞེས་ནང་སྒྲུབ་ཡིད་བཞིན་ནོར་བུ་དང༌། དཔལ་ཕྱག་ན་རྡོ་རྗེ་སྒྲུབ་པའི་ཐབས་ཞེས་བྱ་བ་གསང་བ་ཐུགས་ཀྱི་ཕུར་གཅིག་མ་པཎྜི་ཏ་ལས་ཀྱི་
རྡོ་རྗེས་མཛད་པ། པཎྜི་ཏ་ཝ་ལ་ཙནྡྲ་དང༌། ལོ་ཙཱ་བ་གླན་ཆུང་དར་མ་ཚུལ་ཁྲིམས་ཀྱི་འགྱུར། རིག་སྔགས་བཅད་པ་དང་མནན་པའི་ཆོ་ག །དཔལ་ཕྱག་ན་རྡོ་རྗེའི་སྦྱིན་སྲེག་མདོར་བསྡུས། ཀླུ་གཏོར་རྒྱས་པ་རྣམས་གླན་ཆུང་དར་མ་ཚུལ་ཁྲིམས་ཀྱི་འགྱུར། ཁྲོ་བོ་རྡོ་རྗེ་གཏུམ་པོའི་
སྒྲུབ་ཐབས་རྒྱལ་པོ་ཟླ་བའི་སྙིང་པོས་མཛད་པ། ལོ་ཙཱ་བ་སྒེག་པའི་དཔལ་གྱི་འགྱུར། རྡོ་རྗེ་ཁྱུང་གི་སྒྲུབ་ཐབས་སློབ་དཔོན་རྡོ་རྗེ་པདྨས་མཛད་པ། པཎྜི་ཏ་སའི་སྙིང་པོ་དང༌། ལོ་ཙཱ་བ་རྨ་བན་གྱི་འགྱུར། རྡོ་རྗེ་གཏུམ་པོའི་དཀྱིལ་འཁོར་གྱི་ཆོ་ག་བཟང་པོ་མདོར་བསྡུས་པ་ཞེས་བྱ་བ་སློབ་
དཔོན་ལས་ཀྱི་རྡོ་རྗེས་མཛད་པ། པཎྜི་ཏ་ཆེན་པོ་ཟླ་བ་བཟང་པོ་དང༌། ལོ་ཙཱ་བ་གླན་ཆུང་དར་མ་ཚུལ་ཁྲིམས་ཀྱི་འགྱུར་བ་རྣམས་སོ། །ཕྱག་ན་རྡོ་རྗེ་བེ་ཅོན་མར་གྲགས་པའི་སྐོར་ལ། འཕགས་པ་ལག་ན་རྡོ་རྗེ་གོས་སྔོན་པོ་ཅན་ཞེས་བྱ་བའི་རྒྱུད་ཀྱི་རྣམ་པར་བཤད་པ་སྒྲོན་མ་གསལ་བ་ཞེས་བྱ་བ་

དགེ་སློང་ཀླུའི་བྱང་ཆུབ་ཀྱིས་མཛད་པ། བེ་ཅོན་ཅན་གྱི་རྒྱུད་ཀྱི་འགྲེལ་པ་ལས་རྟོག་པ་ཐམས་ཅད་བསྡུས་པའི་སྒྲོན་མ་ཞེས་བྱ་བ་སློབ་དཔོན་ཆེན་པོ་ཤྲཱི་བྷ་དྲས་མཛད་པ། འཕགས་པ་གོས་སྔོན་པོ་ཅན་ཞེས་བྱ་བའི་རྒྱུད་ཀྱི་རྒྱ་ཆེར་བཤད་པ་སློབ་དཔོན་ཆེན་པོ་མཆོག་རབ་སྙིང་པོས་མཛད་པ། ལག་
ན་རྡོ་རྗེ་གོས་སྔོན་པོ་ཅན་ཞེས་བྱ་བའི་རྒྱུད་ཀྱི་རྒྱ་ཆེར་བཤད་པ་རྟོག་པ་དྲུག་པ་ཞེས་བྱ་བ་སློབ་དཔོན་གུ་ཡ་རཱུ་པའི་ཞལ་སྔ་ནས་བསྒྱུར་བ་མཁའ་འགྲོའི་གླིང་ནས་དུམ་བུ་བརྒྱད་དུ་ལེགས་པར་བྲིས་པ། དེའི་བཤད་རྒྱུད་འབུམ་ཕྲག་ཕྱེད་དང་སུམ་སྟོང་ལས་ཕྱུང་བ་འདི་རྒྱུད་དུ་འདོད་དོ། །དེ་ཁོ་ན་ཉིད་
སྒྲོན་མ་ཞེས་བྱ་བ་ཕྱག་ན་རྡོ་རྗེའི་སྒྲུབ་ཐབས་ཐམས་ཅད་རྫོགས་པའི་རྒྱན་དགེ་སློང་ཀླུ་སྒྲུབ་ཀྱིས་མཛད་པ། པཎྜི་ཏ་གུ་རུ་པདྨ་འབྱུང་གནས་དང༌། ལོ་ཙཱ་བ་གླང་དཔལ་གྱི་སེང་གེའི་འགྱུར། སླད་ཀྱིས་ཀྱང་པཎྜི་ཏ་དེས་རྒྱ་གར་ནས་སྒྲ་རང་འགྱུར་དུ་བསྒྱུར་རོ། །འཕགས་པ་ལག་ན་རྡོ་རྗེ་
གོས་སྔོན་པོ་ཅན་གྱི་དཀྱིལ་འཁོར་གྱི་ཆོ་ག །སྔགས་ཀྱི་རྒྱན་གྱི་སྒྲུབ་ཐབས། རབ་གནས་ཀྱི་རྒྱན་རྣམས་དགེ་སློང་ནཱ་གཱརྫུ་ནས་མཛད་པ། གཏོར་མའི་རྒྱན་དགེ་སློང་ཀླུའི་བྱང་ཆུབ་ཀྱིས་མཛད་པ། དམ་ཚིག་གི་རྒྱན། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་དགེ་སློང་ཀླུའི་བྱང་ཆུབ་
ཀྱིས་མཛད་པ། དེའི་འགྲེལ་པ་སྔགས་ཀྱི་རྒྱན་གྱི་འགྲེལ་པ་དང༌། དམ་ཚིག་གི་རྒྱན་གྱི་རྣམ་པར་བཤད་པ་སློབ་དཔོན་མཆོག་རབ་ཀྱིས་མཛད་པ། ཟངས་དཀར་ཚུལ་ཁྲིམས་གཞོན་ནུའི་འགྱུར། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་ཀྱི་མན་ངག་རྒྱ་ཆེར་བཤད་པ་ཀླུ་སྒྲུབ་
སྙིང་པོ་ཞེས་ཀྱང་བྱ། སློབ་དཔོན་ཀླུའི་བྱང་ཆུབ་ཅེས་བྱ་བས་མཛད་པ། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་ཀྱི་མན་ངག་རྒྱ་ཆེར་བཤད་པའི་འགྲེལ་པ་སློབ་དཔོན་པདྨ་འབྱུང་གནས་ཀྱིས་མཛད་པ། དེ་ཁོ་ན་ཉིད་སྒྲོན་མ་ཞེས་བྱ་བའི་སྒྲུབ་ཐབས་རྫོགས་པ་དང༌། དེ་ཁོ་ན་
ཉིད་ཀྱི་སྒྲོན་མ་ཞེས་བྱ་བའི་འགྲེལ་པ་སློབ་དཔོན་དཔའ་བོས་བྱིན་གྱིས་མཛད་པ་རྣམས་བཞུགས་སོ། །ཕྱག་ན་རྡོ་རྗེ་རྣལ་འབྱོར་ཆེན་པོར་བཀྲལ་བའི་སྐོར་འདི་ལ་ཐེ་ཚོམ་ཟ་བའི་གཞི་མང་དུ་སྣང་ཡང་བོད་ན་གྲགས་པ་ཅན་དུ་འདུག་པས་བྲིས་སོ་ཞེས་བུ་སྟོན་གྱིས་གསུངས་སོ། །འཁོར་ཆེན་

གཏུམ་པོ་བེ་ཅོན་ལ་སོགས་པ། །ཕྱག་ན་རྡོ་རྗེ་རྣལ་འབྱོར་བླ་མེད་དུ། །དགོངས་པ་བཀྲལ་བའི་རྒྱུད་འགྲེལ་སྒྲུབ་སྐོར་སོགས། །བཅུ་ཕྲག་བདུན་ལ་གཅིག་གིས་སྤྲས་པ་བཞུགས། །དེ་དག་གིས་ནི་ཕྱག་ན་རྡོ་རྗེ་རྣལ་འབྱོར་བླ་མེད་དུ་བཀྲལ་བའི་ཆོས་
སྐོར་བཞུགས་པའི་རྣམ་གྲངས་རྣམས་བཀོད་ཟིན་ཏོ།། །།དེ་ལྟར་ཐབས་ཀྱི་རྒྱུད་དང༌། ཤེས་རབ་ཀྱི་རྒྱུད་དང༌། ཐབས་ཤེས་རབ་གཉིས་སུ་མེད་པའི་རྒྱུད་ཀྱི་སོ་སོའི་བསྟན་བཅོས་རྣམས་བཀོད་ནས། ད་ནི་རྣལ་འབྱོར་བླ་ན་མེད་པའི་རྒྱུད་སྤྱིའི་དགོངས་འགྲེལ་གྱི་སྐོར་ལ། ཝི་པ་ལ། རྒྱུད་མ་
ལུས་པའི་དོན་ངེས་པར་སྐུལ་བར་བྱེད་པ་དཔལ་གསང་བ་གྲུབ་པ་ཞེས་བྱ་བ་ལྷ་དང་ལྷ་མ་ཡིན་ལ་སོགས་པ་མ་ལུས་པས་ཞབས་ཟུང་པདྨར་མེ་ཏོག་གི་ཕྲེང་བས་མཆོད་པ་གྲུབ་ཐོབ་ཆེན་པོ་པདྨ་བཛྲས་མཛད་པ། རྒྱ་གར་གྱི་མཁན་པོ་ཀྲྀཥྞ་པཎྜི་ཏ་དང༌། ལོ་ཙཱ་བ་དགེ་སློང་ཚུལ་ཁྲིམས་རྒྱལ་
བའི་འགྱུར། ཐབས་དང་ཤེས་རབ་རྣམ་པར་གཏན་ལ་དབབ་པ་གྲུབ་པ་སློབ་དཔོན་པདྨ་བཛྲའི་སློབ་མ་སློབ་དཔོན་ཆེན་པོ་ཡན་ལག་མེད་པའི་རྡོ་རྗེས་མཛད་པ། པཎྜི་ཏ་ཆེན་པོ་ཤཱནྟ་བྷ་དྲ་དང༌། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱི་འགྱུར། གཞུང་དེ་གཉིས་ལ་བརྟན་ནས་སློབ་དཔོན་
དེའི་སློབ་མ་རྒྱལ་པོ་ཨིནྡྲ་བྷཱུ་ཏིས་མཛད་པའི་ཡེ་ཤེས་གྲུབ་པ་ཞེས་བྱ་བའི་སྒྲུབ་ཐབས་རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང༌། ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་བ། སླད་ཀྱིས་ནག་ཚོས་ཀྱང་བཅོས་པའོ། །གཞུང་དེ་རྣམས་ལ་བརྟེན་ནས་སློབ་དཔོན་དེའི་སློབ་མ་བཅོམ་
ལྡན་འདས་མ་ལཀྵྨཱི་ཀ་རས་མཛད་པའི་གཉིས་སུ་མེད་པར་གྲུབ་པའི་སྒྲུབ་ཐབས། གཞུང་དེ་རྣམས་ལ་བརྟེན་ནས་ལྕམ་གྱི་སློབ་མ་སློབ་དཔོན་སྒེག་པའི་རྡོ་རྗེས་མཛད་པའི་དངོས་པོ་གསལ་<*མ་བྱུང༌།>བ་གྲུབ་པ། དཔལ་ཨོ་རྒྱན་ནས་བྱུང་བ་གསང་བའི་གསང་བ་ཆེན་པོ་དེ་ཁོ་ན་ཉིད་ཀྱི་མན་ངག་སློབ་
དཔོན་སྒེག་པའི་རྡོ་རྗེའི་སློབ་མ་སློབ་དཔོན་ཆེན་པོ་དཱ་རི་ཀ་པས་མཛད་པ། སློབ་དཔོན་དེའི་སློབ་མ་ལྷན་ཅིག་སྐྱེས་པའི་རྣལ་འབྱོར་མ་ཙི་ཏོས་མཛད་པའི་དངོས་པོ་གསལ་བའི་རྗེས་སུ་འགྲོ་བའི་དེ་ཁོ་ན་ཉིད་གྲུབ་པ་པཎྜི་ཏ་ཞི་བ་བཟང་པོ་དང༌། ཞུ་ཆེན་གྱི་ལོ་ཙཱ་བ་འགོས་ལྷས་བཙས་ཀྱི་འགྱུར།

དཔལ་ལྷན་ཅིག་སྐྱེས་པ་གྲུབ་པ་ཞེས་བྱ་བ་སྒེག་པ་རྡོ་རྗེའི་སློབ་མ་སློབ་དཔོན་ཆེན་པོ་དཔལ་ཌོམྦི་ཧེ་རུ་ཀས་མཛད་པ་དེ་རྣམས་ལ་གྲུབ་པ་སྡེ་བརྒྱད་ཅེས་གྲག་གོ །རྣལ་འབྱོར་གྱི་དབང་ཕྱུག་དཔལ་ས་ར་ཧ་པ་ཆེན་པོས་མཛད་པའི་དོ་ཧ་མཛོད་ཅེས་བྱ་བའི་གླུ་དེ་ཁོ་ན་ཉིད་རྣལ་དུ་མཚོན་པ་དོན་
དམ་པའི་ཡི་གེ ཕྱག་རྒྱ་བཞི་གཏན་ལ་དབབ་པ་སློབ་དཔོན་ཀླུ་སྒྲུབ་སྙིང་པོས་མཛད་པ། བླ་མ་དྷི་རི་ཤྲཱི་ཛྙཱ་ན་དང༌། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར། འདི་མན་ངག་སྙེ་མ་ལ་སོགས་པར་སློབ་དཔོན་ཀླུ་སྒྲུབ་ཀྱིས་བྱས་པ་མ་ཡིན་ཏེ། སོ་སོའི་སྐྱེ་བོ་མན་ངག་མི་ཤེས་
པ་ཁ་ཅིག་གིས་བྱས་སོ་ཞེས་བཤད་མོད་ཀྱི་འོན་ཀྱང་རྒྱ་གར་མ་ཡིན་ཅིང་བོད་ལ་གྲགས་པ་གཙོར་བྱས་ནས་བྲིས་སོ། །སློབ་དཔོན་ཀླུ་སྒྲུབ་ཀྱིས་ཨཱརྻ་དེ་ཝ་ལ་བཤད་ཅིང༌། དེས་སེམས་ཀྱི་སྒྲིབ་སྦྱོང་མཛད་དེ་བྲིས་སོ། །ཤེས་རབ་ཡེ་ཤེས་གསལ་བ་ཞེས་བྱ་བ་མཁས་པ་ཆེན་
པོ་དེ་ཝ་ཙནྡྲས་མཛད་པ། པཎྜི་ཏ་བཛྲ་པཱ་ཎི་དང༌། ལོ་ཙཱ་བ་དྷརྨ་ཀཱིརྟིའི་འགྱུར། གནས་པ་བསྡུས་པ་སློབ་དཔོན་ཆེན་པོ་དཔལ་ལྷན་ཅིག་སྐྱེས་པའི་རྡོ་རྗེས་མཛད་པ། བླ་མ་དྷི་རི་ཤྲཱི་ཛྙཱ་ན་དང༌། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར་ལ། ཕྱིས་བར་སྟོན་གྱིས་ཞུས་ནས་བླ་མ་རྒྱ་
གར་བ་དང༌། མཚུར་ལོ་ཙཱ་བས་དཔེ་ཕྱི་མོ་ལ་གཏུགས་ཏེ་གཏན་ལ་ཕབ་པ། བསམ་གྱིས་མི་ཁྱབ་པའི་རིམ་པའི་མན་ངག་ཅེས་བྱ་བ་ཕྱག་རྒྱ་ཆེན་པོ་ཐོབ་པའི་སློབ་དཔོན་ཏོག་ཙེ་པས་མཛད་པ། པཎྜི་ཏ་བདེ་བའི་མྱུ་གུ་དང༌། ལོ་ཙཱ་བ་འགོས་ཀྱི་འགྱུར་ཏེ། དེ་ལྟར་ལྔ་དང༌། སེམས་ཀྱི་སྒྲིབ་<*མ་བྱུང༌།>སྦྱོང་
དང་བཅས་པའི་དྲུག་པོ་དེ་ལ་སྙིང་པོའི་སྐོར་ཞེས་གྲགས་སོ། །ཐ་དད་དུ་ཆོས་སྤྱོད་ཡོད་པར་སྟོན་པ་ལྟ་བ་ངན་པ་སེལ་བ་ཞེས་བྱ་བ་སློབ་དཔོན་མཁས་པ་ཆེན་པོ་ངེས་པར་སྦྱངས་པ་གཉིས་མེད་རྡོ་རྗེས་མཛད་པ། རྒྱ་གར་གྱི་མཁན་པོ་བླ་མ་བཛྲ་པཱ་ཎི་དང༌། བོད་ཀྱི་ལོ་ཙཱ་བ་མཚུར་སྟོན་ཡེ་
ཤེས་འབྱུང་གནས་ཀྱི་འགྱུར། སྔགས་ཀྱི་ལྟ་བ་སྟོན་པ་དབུ་མ་དྲུག་པ་སློབ་དཔོན་མཁས་པ་མཻ་ཏྲིས་མཛད་པ། བླ་མ་བཛྲ་པཱ་ཎི་དང༌། ནག་ཚོའི་འགྱུར། ལྟ་བ་ངན་པ་སེལ་བའི་དཀའ་འགྲེལ་དཔལ་ལྡན་ངེས་པར་སྦྱངས་པ་གཉིས་སུ་མེད་པས་མཛད་པ་དང༌། སྔགས་ཀྱི་སྤྱོད་པ་

སྟོན་པ་ལྷན་སྐྱེས་དྲུག་པ་བླ་མ་མཻ་ཏྲི་པས་མཛད་པ། བླ་མ་བཛྲ་པཱ་ཎི་དང༌། མཚུར་གྱི་འགྱུར། ལྟ་བ་དཔེས་སྟོན་པ་རྨི་ལམ་ངེས་པར་བསྟན་པ། སྤྱོད་པ་དཔེས་སྟོན་པ་སྒྱུ་མ་ངེས་པར་བསྟན་པ་ཞེས་བྱ་བ། ལྟ་བའི་དོན་ལ་འབེབས་པའི་རབ་ཏུ་མི་གནས་པར་གསལ་
བར་སྟོན་པ་ཞེས་བྱ་བ་རྣམས་སློབ་དཔོན་གཉིས་མེད་རྡོ་རྗེས་མཛད་པ། པཎྜི་ཏ་བཛྲ་པཱ་ཎི་དང༌། ནག་ཚོ་ཚུལ་རྒྱལ་གྱི་འགྱུར། སྤྱོད་པ་གཏན་ལ་འབེབས་པ་དེ་ཁོ་ན་ཉིད་བཅུ་པ་ཞེས་བྱ་བ་སློབ་དཔོན་གཉིས་སུ་མེད་པའི་རྡོ་རྗེས་མཛད་པ། བླ་མ་ཕྱག་ན་དང་མཚུར་གྱི་འགྱུར་ལ། ཕྱིས་ལོ་ཙཱ་བ་ཚུལ་
ཁྲིམས་རྒྱལ་བས་བཅོས་པ། ཐབས་ཤེས་རབ་དབྱེར་མེད་དུ་སྟོན་པ་ཟུང་དུ་འཇུག་པ་རབ་ཏུ་གསལ་བར་སྟོན་པ་ཞེས་བྱ་བ་སློབ་དཔོན་ཨ་ཝ་དྷཱུ་ཏཱིས་མཛད་པ། བཛྲ་པཱ་ཎི་དང༌། ནག་ཚོ་ཚུལ་རྒྱལ་གྱི་འགྱུར། སྣང་སྟོང་དབྱེར་མེད་དུ་སྟོན་པ་དགའ་གཅུགས་ལྔ་པ་སློབ་དཔོན་མཻ་ཏྲི་པས་མཛད་པ། འཁོར་
འདས་གཉིས་མེད་དུ་སྟོན་པ་མི་ཕྱེད་པ་ལྔ་པ་སློབ་དཔོན་མཻ་ཏྲི་པས་མཛད་པ། བདེན་གཉིས་ཐ་མི་དད་དུ་སྟོན་པའི་བདེ་བ་ཆེན་པོ་གསལ་བ་སློབ་དཔོན་ཨ་ཝ་དྷཱུ་ཏཱི་པ་དཔལ་གཉིས་སུ་མེད་པའི་རྡོ་རྗེས་མཛད་པ་རྣམས་བླ་མ་བཛྲ་པཱ་ཎི་དང་རྨ་བན་ཆོས་འབར་གྱི་འགྱུར། ཐེག་པ་ཐུན་མོང་གི་ལྟ་བ་
སྟོན་པ་དེ་ཁོ་ན་ཉིད་རིན་པོ་ཆེའི་ཕྲེང་བ་ཞེས་བྱ་བ་སློབ་དཔོན་ཨ་བ་དྷཱུ་ཏཱི་པ་གཉིས་སུ་མེད་པའི་རྡོ་རྗེས་མཛད་པ། བཛྲ་པཱ་ཎི་དང༌། ནག་ཚོ་ཚུལ་ཁྲིམས་རྒྱལ་བའི་འགྱུར། གང་ཟག་གསུམ་གྱི་རྟོགས་ཐབས་སྟོན་པ་དེ་ཁོ་ན་ཉིད་རབ་ཏུ་བསྟན་པ་ཞེས་བྱ་བ་དང༌། ལྷའི་རྣལ་འབྱོར་གཏན་ལ་
འབེབས་པ་དེ་བཞིན་གཤེགས་པ་ལྔའི་ཕྱག་རྒྱ་རྣམ་པར་བཤད་པ་སློབ་དཔོན་གཉིས་མེད་རྡོ་རྗེས་མཛད་པ། རྒྱ་གར་གྱི་མཁན་པོ་ཕྱག་ན་རྡོ་རྗེ་དང༌། ལོ་ཙཱ་བ་རྨ་བན་ཆོས་འབར་གྱི་འགྱུར། དབང་གི་དགོས་པ་མདོར་བསྡུས་པ། དབང་གི་བྱ་བ་མདོར་བསྡུས་པ། རང་བཞིན་ལྔ་པ། ཐབས་དང་ཤེས་རབ་བརྩེ་བ་
ལྔ་པ་རྣམས་སློབ་དཔོན་ཨ་ཝ་དྷཱུ་ཏཱི་པ་གཉིས་སུ་མེད་པའི་རྡོ་རྗེས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང༌། བོད་ཀྱི་ལོ་ཙཱ་བ་མཚུར་ཛྙཱ་ན་ཨཱ་ཀ་རའི་འགྱུར། འདི་ཨཱ་མ་ནས་ཀྱི་སྐོར་དུ་མི་བགྲང་བར་སྣང༌། དོ་ཧ་ཏི་ཞེས་བྱ་བ་དེ་ཁོ་ན་ཉིད་ཀྱི་མན་ངག་ཨ་ཝ་དྷཱུ་ཏཱི་པས་མཛད་པ། རྗེ་བཙུན་དྷི་རི་ཤྲཱི་ཛྙཱ་ནའི་རང་འགྱུར།

གང་ཟག་གསུམ་གྱི་སྒོམ་ཐབས་སྟོན་པ་ཐེག་པ་ཆེན་པོ་ཉི་ཤུ་པ་སློབ་དཔོན་གཉིས་མེད་རྡོ་རྗེས་མཛད་པ། རྒྱ་གར་གྱི་མཁན་པོ་དེ་ཝཱ་ཀ་ར་ཙནྡྲ་དང༌། བོད་ཀྱི་ལོ་ཙཱ་བ་དགེ་སློང་ཤཱཀྱ་བརྩོན་འགྲུས་ཀྱི་འགྱུར། ཡིད་ལ་མི་བྱེད་པའི་སྒྲ་ལ་རྩོད་པ་སྤོང་བ་ཡིད་ལ་མི་བྱེད་པ་སྟོན་པ་ཞེས་བྱ་བ་སློབ་དཔོན་ཆེན་པོ་
གཉིས་མེད་རྡོ་རྗེས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང༌། བོད་ཀྱི་ལོ་ཙཱ་བ་གཉན་ཆུང་གི་འགྱུར། མཐའ་བྲལ་རྟོགས་པའི་ཤེས་རབ་སྟོན་པ་དེ་ཁོ་ན་ཉིད་ཐེག་པ་ཆེན་པོ་ཉི་ཤུ་པ་ཨ་ཝ་དྷཱུ་ཏཱི་པ་གཉིས་མེད་རྡོ་རྗེས་མཛད་པ། རྗེ་བཙུན་དྷི་རི་ཤྲཱི་ཛྙཱ་ནའི་ཞལ་སྔ་ནས། ལོ་ཙཱ་བ་སེང་དཀར་ཤཱཀྱ་འོད་
ཀྱི་འགྱུར། ཤེས་པ་སྤྲོ་བསྡུ་མེད་པར་འཇོག་པའི་མན་ངག་གསང་བ་དམ་པ་འདི་གཞན་རྣམ་གྲངས་སུ་མི་བགྲང་བར་སྣང༌། དབང་གི་ཁྱད་པར་གཏན་ལ་འབེབས་པ་དབང་བསྐུར་བ་ངེས་པར་བསྟན་པ་ཞེས་བྱ་བ་སློབ་དཔོན་རྒྱལ་བ་མཻ་ཏྲི་པས་མཛད་པ། རྒྱ་གར་གྱི་མཁན་པོ་ཀྲྀཥྞ་པཎྜི་ཏ་དང་
ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། ཆོས་སྣ་ཉི་ཤུ་རྩ་གཉིས་པོ་དེ་མངའ་བདག་མཻ་ཏྲི་དང༌། མཚན་གྱི་རྣམ་གྲངས་གཉིས་མེད་རྡོ་རྗེ་ཞེས་ཀྱང་བྱ། ཨ་ཝ་དྷཱུ་ཏཱི་པ་ཞེས་ཀྱང་བྱ་བས་མཛད་པའོ། །དེའི་རྗེས་སུ་འབྲང་བ་བཀས་བསྐུར་བའི་ཆོས་བཞི་ལ། དབང་བསྐུར་བ་ངེས་
པར་བསྟན་པའི་དཀའ་འགྲེལ་སློབ་དཔོན་དགའ་བ་སྐྱོང་གིས་མཛད་པ། པཎྜི་ཏ་ས་མནྟ་བྷ་དྲ་དང༌། ལོ་ཙཱ་བ་ནག་ཚོའི་འགྱུར། དེ་ཁོ་ན་ཉིད་བཅུ་པའི་རྒྱ་ཆེར་འགྲེལ་པ་པཎྜི་ཏ་ཆེན་པོ་སློབ་དཔོན་ལྷན་ཅིག་སྐྱེས་པའི་རྡོ་རྗེས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་ལས་མཉན་ཏེ། སླད་ཀྱིས་པཎྜི་
ཏ་ཀ་ལྱཱ་ན་ཝརྨ་དང༌། ལོ་ཙཱ་བ་དགེ་སློང་ཛྙཱ་ན་ཨཱ་ཀ་ར་མཚུར་གྱི་འགྱུར། རྡོ་རྗེའི་ཚིག་ཅེས་བྱ་བ་རྡོ་རྗེ་སློབ་དཔོན་བཛྲ་པཱ་ཎིས་ཞལ་སྔ་ནས་མཛད་པ། རྒྱ་གར་གྱི་མཁན་པོ་དེ་ཉིད་དང༌། ལོ་ཙཱ་བ་མཚུར་སྟོན་དགེ་སློང་ཛྙཱ་ན་ཨཱ་ཀ་རའི་འགྱུར། པཎྜི་ཏ་བཛྲ་པཱ་ཎིས་མཛད་པའི་ལྟ་བ་
ངན་སེལ་གྱི་དྲན་པ་ནི་མ་རྙེད་དེ། དེ་ལྟར་ཆོས་སྣ་ཉི་ཤུ་རྩ་དྲུག་ལ་ཨ་མ་ན་སེ་ཀ་རའི་སྐོར་ཞེས་གྲགས་སོ། །འདིའི་གསང་བ་གྲུབ་པ་གསང་འདུས་ཀྱི་དོན་འགྲེལ་ཡིན་པས་དེའི་ཕྱོགས་སུ་རིགས་ཀྱང༌། བོད་ན་གྲུབ་རྙིང་ཨ་མ་ན་སེའི་སྐོར་ཞེས་བཤད་བཀའ་དང༌། མན་ངག་གི་བཀའ་

ཕྱོགས་གཅིག་ཏུ་ཡོད་པས་འདིར་ལྷན་ཅིག་ཏུ་བྲིས་སོ། །ད་ནི་དེ་དག་གི་འགྲེལ་པའི་སྐོར་ལ། དོ་ཧ་མཛོད་ཀྱི་དཀའ་འགྲེལ་སློབ་དཔོན་ཆེན་པོ་དཔལ་གཉིས་སུ་མེད་པའི་རྡོ་རྗེས་མཛད་པ། རྒྱ་གར་ལྷོ་ཕྱོགས་ཀྱི་ཡུལ་ཀོ་ས་ལར་སྐུ་འཁྲུངས་པའི་རྣལ་འབྱོར་པ་ཆེན་པོ་ཤྲཱི་བཻ་
རོ་ཙ་ན་བཛྲའི་རང་འགྱུར། མི་ཟད་པའི་གཏེར་མཛོད་ཡོངས་སུ་གང་བའི་གླུ་ཞེས་བྱ་བ་གཉུག་མའི་དེ་ཉིད་རབ་ཏུ་བསྟན་པའི་རྒྱ་ཆེར་བཤད་པ་རྣལ་འབྱོར་གྱི་དབང་ཕྱུག་ཆེན་པོ་དཔལ་ས་ར་ཧ་པའི་དགོངས་པ་མཁས་པར་གྲགས་པ་དཔལ་ལྡན་གཉིས་སུ་མེད་པའི་རྡོ་རྗེས་མཛད་པ། རྣལ་འབྱོར་པ་བསོད་
སྙོམས་པ་པྲཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར། དོ་ཧ་མཛོད་ཀྱི་བཀའ་འགྲེལ་ཞེས་བྱ་བ་སློབ་དཔོན་ཆེན་པོ་ཐར་པའི་འབྱུང་གནས་སྦས་པས་མཛད་པ། རྒྱ་གར་གྱི་མཁན་པོ་རྒྱལ་བའི་ལྷ་དང༌། རྒྱ་ལོ་ཙཱའི་འགྱུར། ཕྱག་རྒྱ་བཞིའི་རྒྱ་ཆེར་འགྲེལ་པ་རིན་པོ་ཆེའི་སྙིང་པོ་ཞེས་བྱ་བ། རྒྱ་གར་
གྱི་མཁན་པོ་མཁས་པར་གྲགས་པ་བླ་མ་བི་ཏ་ཀརྨས་མཛད་པ། རྣལ་འབྱོར་པ་བསོད་སྙོམས་པ་པྲཛྙཱ་ཤྲཱི་ཛྙཱ་ན་ཀཱིརྟིའི་རང་འགྱུར་རྣམས་བཞུགས་སོ། །དཱ་རི་ཀ་པས་མཛད་པའི་གྲུབ་མཐའ་བདུན་པ། <*མ་བྱུང༌།> རྒྱ་གར་གྱི་པཎྜི་ཏ་ནགས་ཀྱི་རིན་ཆེན་དང༌། རྩེས་ཐང་ལོ་ཙཱའི་འགྱུར།
དབང་བཞི་པའི་རབ་ཏུ་<*མ་བྱུང༌།>བྱེད་པ་པཎྜི་ཏ་ནགས་ཀྱི་རིན་ཆེན་གྱིས་མཛད་པ། བྱམས་པ་གླིང་པའི་འགྱུར་རྣམས་བཞུགས་སོ།། །།ཞི་པ་ལ། ལྷན་ཅིག་སྐྱེས་གྲུབ་རྒྱལ་པོ་ཨིནྡྲ་བྷཱུ་ཏིས་མཛད་པ། རྒྱ་གར་གྱི་མཁན་པོ་ཟླ་བ་མགོན་པོ་དང༌། བོད་ཀྱི་ལོ་ཙཱ་བ་ཤེས་རབ་གྲགས་ཀྱི་འགྱུར། ལྷན་
ཅིག་སྐྱེས་གྲུབ་ཀྱི་གཞུང་འགྲེལ་ཞེས་བྱ་བ་ལྷ་ལྕམ་རྗེ་བཙུན་མ་དཔལ་མོས་མཛད་པ། རྒྱ་གར་གྱི་མཁན་པོ་མ་ནཱ་བི་ཧ་ར་ལ་དང༌། བོད་ཀྱི་ལོ་ཙཱ་བ་དགེ་སློང་པྲཛྙཱ་ཀཱིརྟིའི་རང་འགྱུར། དཔལ་དེ་ཁོ་ན་ཉིད་གྲུབ་པ་སློབ་དཔོན་ཆེན་པོ་ཀེ་ར་ལི་པས་མཛད་པ། འདི་
གསུམ་ཁ་ཅིག་གྲུབ་པའི་ཆོས་སྐོར་དུ་གཏོགས་པར་འདོད་དོ། །ད་ནི་དེ་དག་དང་ཕྱོགས་མཐུན་པ་ཕྱག་རྒྱ་ཆེན་པོ་སྟོན་པའི་གཞུང་དོ་ཧ་ལ་སོགས་པའི་སྐོར་ལ། དོ་ཧ་མཛོད་ཅེས་བྱ་བ་སྤྱོད་པའི་གླུ་དང༌། མི་ཟད་པའི་གཏེར་མཛོད་མན་ངག་གི་གླུ་ཞེས་བྱ་བ་རྣལ་འབྱོར་གྱི་དབང་

ཕྱུག་དཔལ་བྲམ་ཟེ་ཆེན་པོ་ས་ར་ཧ་པས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང༌། བླ་མ་ཨ་སུས་ཞུས་པ། འདི་གཉིས་རྒྱལ་པོ་དོ་ཧ་དང་བཙུན་མོ་དོ་ཧར་གྲགས་ཤིང༌། བྲམ་ཟེ་ཆེན་པོས་མཛད་མ་མཛད་ཐེ་ཚོམ་གྱི་གཞིའོ། །དམངས་དོ་ཧ་དང༌། བཙུན་མོ་དོ་ཧ་དང༌།
རྒྱལ་པོ་དོ་ཧ་དང༌། དོ་ཧ་མཛོད་ཅེས་བྱ་བ་སྤྱོད་པའི་གླུའི་འགྲེལ་པ་དོན་གྱི་སྒྲོན་མ་རྣལ་འབྱོར་གྱི་དབང་ཕྱུག་ཆེན་པོ་བལ་པོ་སྐྱེ་མེད་བདེ་ཆེན་གྱིས་མཛད་པ། དེ་ཉིད་ཀྱི་རང་འགྱུར་དུ་གཏན་ལ་ཕབ་པ། གསལ་བྱེད་སུམ་ཅུ་རྩ་བཞི་ལ་སྦྱར་ཏེ་སྟོན་པ་ཀ་ཁའི་དོ་ཧ་ཞེས་བྱ་བ་དང༌། དེའི་
རང་འགྲེལ་ཀ་ཁའི་དོ་ཧའི་བཤད་པ་བྲིས་པ་རྣལ་འབྱོར་གྱི་དབང་ཕྱུག་ཐམས་ཅད་ཀྱི་གཙུག་གི་ནོར་བུ་ལྟ་བུ་དཔལ་ས་ར་ཧས་མཛད་པ། རྒྱ་གར་ལྷོ་ཕྱོགས་ཡུལ་ཀོ་ས་ལར་འཁྲུངས་པ་རྣལ་འབྱོར་གྱི་དབང་ཕྱུག་ཆེན་པོ་ཤྲཱི་བཻ་རོ་ཙ་ན་བཛྲའི་རང་འགྱུར། དོ་ཧ་མཛོད་ཀྱི་སྙིང་པོ་དོན་གྱི་གླུའི་
འགྲེལ་པ་ཞེས་བྱ་བ་སློབ་དཔོན་ཨ་ཝ་དྷཱུ་ཏཱི་པས་མཛད་པ། དོ་ཧ་སྐུའི་མཛོད་འཆི་མེད་རྡོ་རྗེའི་གླུ། གསུང་གི་མཛོད་འཇམ་དབྱངས་རྡོ་རྗེའི་གླུ། ཐུགས་ཀྱི་མཛོད་སྐྱེ་མེད་རྡོ་རྗེའི་གླུ། སྐུ་གསུང་ཐུགས་ཡིད་ལ་མི་བྱེད་པའི་ཕྱག་རྒྱ་ཆེན་པོ་ཞེས་བྱ་བ་རྣམས་སངས་རྒྱས་གཉིས་པ་ལྟར་
གྲགས་པ་རྣལ་འབྱོར་གྱི་དབང་ཕྱུག་ཆེན་པོ་དཔལ་ས་ར་ཧ་པའི་ཞལ་སྔ་ནས་གསུངས་པ། བླ་མ་ནག་པོ་པའི་རང་འགྱུར། དོ་ཧ་མཛོད་ཅེས་བྱ་བ་ཕྱག་རྒྱ་ཆེན་པོའི་མན་ངག་དཔལ་རི་ཁྲོད་པ་ཆེན་པོ་ས་ར་ཧའི་ཞལ་སྔ་ནས་མཛད་པ། ཤྲཱི་བཻ་རོ་ཙ་ན་རཀྵི་ཏའི་རང་འགྱུར། དེ་རྣམས་ལྔ་
པོ་བྲམ་ཟེར་ཆེན་པོ་ས་ར་ཧ་པས་མཛད་པའོ། །མན་ངག་ཚིགས་སུ་བཅད་པ་བཅུ་གཉིས་པ་བྲམ་ཟེ་ཆེན་པོ་ས་ར་ཧའི་ཞལ་སྔ་ནས་གསུངས་པ། རང་བྱིན་གྱིས་བརླབ་པའི་རིམ་པ་རྣལ་འབྱོར་གྱི་དབང་ཕྱུག་དཔལ་ས་ར་ཧ་པས་མཛད་པ། པཎྜི་ཏ་ཆེན་པོ་ཤཱནྟ་བྷ་དྲ་དང༌། བོད་ཀྱི་
ལོ་ཙཱ་བ་རྨ་བན་ཆོས་འབར་གྱི་འགྱུར། དེ་ཁོ་ན་ཉིད་ཀྱི་མན་ངག་རྩེ་མོ་དོ་ཧའི་གླུ་ཞེས་བྱ་བ་རྣལ་འབྱོར་གྱི་དབང་ཕྱུག་ཆེན་པོ་དཔལ་ས་ར་ཧའི་ཞལ་སྔ་ནས་གསུངས་པ། ཀྲྀཥྞ་པཎྜི་ཏའི་རང་འགྱུར་དུ་མཛད་པ། དངོས་པོ་སྦྱོང་བ་ཞེས་བྱ་བ་སློབ་དཔོན་ཆེན་པོ་འཕགས་པ་ཀླུ་སྒྲུབ་ཀྱི་ཞལ་

སྔ་ནས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང༌། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར། སློབ་དཔོན་ཀླུ་སྒྲུབ་ཀྱིས་མཛད་པའི་ཚིགས་སུ་བཅད་པ་ཕྱེད་དང་ལྔ་པའི་འགྲེལ་པ། རྣམ་པར་མི་རྟོག་པའི་རབ་ཏུ་བྱེད་པ་སློབ་དཔོན་ཆེན་པོ་ཨཱརྻ་དེ་ཝས་
མཛད་པ། པཎྜི་ཏ་ཆེན་པོ་མ་ཧཱ་ཀཱ་རུ་ཎ་དང༌། བོད་ཀྱི་ལོ་ཙཱ་བ་ཆེན་པོ་རྨ་བན་ཆོས་འབར་གྱི་འགྱུར། དོ་ཧ་མཛོད་ཅེས་བྱ་བ་རྣལ་འབྱོར་གྱི་དབང་ཕྱུག་བིརྺ་པས་མཛད་པ། དོ་ཧ་མཛོད་སློབ་དཔོན་ཆེན་པོ་ཏིལླི་པས་མཛད་པ། བརྟུལ་ཞུགས་སྤྱོད་པའི་སློབ་དཔོན་ཆེན་པོ་ནག་པོས་
མཛད་པའི་ཚིགས་སུ་བཅད་པ་ལྔ་པ། དཔལ་བི་རཱུ་པས་མཛད་པའི་ཚིག་རྐང་བརྒྱད་ཅུ་རྩ་བཞི་པ་རྣམས་ཡུལ་ལྷོ་ཕྱོགས་ཀོ་ས་ལར་སྐུ་འཁྲུངས་པའི་རྣལ་འབྱོར་གྱི་དབང་ཕྱུག་ཆེན་པོ་ཤྲཱི་བཻ་རོ་ཙ་ན་བཛྲའི་རང་འགྱུར། ལམ་འབྲས་བུ་དང་བཅས་པའི་རྩ་བ་རྡོ་རྗེའི་ཚིག་རྐང་དང༌། བདུད་
རྩི་གྲུབ་པའི་རྩ་བ་ཞེས་བྱ་བ་སློབ་དཔོན་ཆེན་པོ་བི་རཱུ་པས་མཛད་པ། རྒྱ་གར་གྱི་མཁན་པོ་རྣལ་འབྱོར་པ་ལས་གྲུབ་པ་ཐོབ་པའི་རྒྱ་གར་ཨེ་ན་དེ་ཝའི་འགྱུར། མཁའ་འགྲོ་མའི་མན་ངག་སྙན་ནས་སྙན་དུ་བརྒྱུད་པ་གདུང་བ་བཅད་པའི་གདམས་ངག་ཅེས་བྱ་བ་སྤྲུལ་པའི་རྣལ་འབྱོར་པས་
གཞུང་དུ་བཀོད་པ། ཕྱག་རྒྱ་ཆེན་པོ་རྡོ་རྗེའི་གླུ་བརྡ་བརྒྱུད་གསང་བའི་སྒྲོན་མ་དཔལ་ཤ་བ་རི་དབང་ཕྱུག་དང༌། མཁའ་འགྲོ་མ་ཡེ་ཤེས་ཀྱི་སྤྱན་མ་དང༌། པདྨའི་སྤྱན་གཉིས་རྣམས་ཀྱིས་སྙིང་པོའི་དོན་མགུར་དུ་བཞེས་པ། སློབ་དཔོན་ཆེན་པོ་ནཱ་རོ་པའི་རྡོ་རྗེའི་གླུ། མ་ཧཱ་ཡོ་
ག་ནཱ་རོ་པའི་རྡོ་རྗེའི་གླུ། ཡང་རྡོ་རྗེའི་གླུ། སློབ་དཔོན་ནག་པོ་ཞབས་ཀྱི་རྡོ་རྗེའི་གླུ། གྲུབ་ཐོབ་བརྒྱད་ཅུ་རྩ་བཞིའི་རྟོག་པའི་སྙིང་པོ་ཞེས་བྱ་བ་སློབ་དཔོན་དཔའ་བོ་འོད་གསལ་གྱིས་ཕྱོགས་གཅིག་ཏུ་བསྡུས་པ་དང༌། སྤྱོད་པའི་གླུའི་མཛོད་གྲུབ་པ་རྣམས་ཀྱི་རྡོ་རྗེའི་གླུ་
དེ་ཁོ་ན་ཉིད་གསལ་བར་ཤེས་པའི་སྐྱེ་བོ་རྣམས་ལ་སློབ་དཔོན་ཐུབ་པས་བྱིན་གྱིས་འགྲེལ་པ་མཛད་པ་ལ། རྡོ་རྗེའི་གླུ་འགྲེལ་པ་དང་བཅས་པ་པཎྜི་ཏ་ཆེན་པོ་ཀཱིརྟི་ཙནྡྲའི་ཞལ་སྔ་ནས་གདམས་པ་དང་བཅས་པ་ཞུས་ཤིང༌། ཆོས་ཀྱི་རྗེ་དཔལ་ལྡན་ས་སྐྱ་པ་ཁུ་དབོན་རྣམས་ཀྱི་

སྐུ་དྲིན་ལ་བརྟེན་ནས་བལ་ཡུལ་ཡམ་བུའི་གྲོང་ཁྱེར་དུ་བོད་ཀྱི་ལོ་ཙཱ་བ་གྲགས་པ་རྒྱལ་མཚན་གྱི་འགྱུར། དངོས་པོའི་གནས་ལུགས་བསྒོམ་པ་ཞེས་བྱ་བ་ནོར་བུ་གླིང་པའི་སློབ་དཔོན་བདེ་བའི་རྡོ་རྗེས་མཛད་པ། ཕྱག་རྒྱ་བཞིའི་མན་ངག་ཅེས་བྱ་བ་སློབ་དཔོན་གཉིས་མེད་རྡོ་རྗེས་མཛད་
པ། རྒྱ་གར་གྱི་མཁན་པོ་བཛྲ་པཱ་ཎི་དང༌། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། ཆོས་ཐམས་ཅད་རབ་ཏུ་མི་གནས་པར་སྟོན་པའི་དེ་ཁོ་ན་ཉིད་ཚིགས་སུ་བཅད་པ་ཕྱེད་ཀྱི་འགྲེལ་པ་དཔལ་ཨ་ཝ་དྷཱུ་ཏཱིའི་ཞབས་ཀྱིས་མཛད་པ། མ་རྟོགས་པ་རྟོགས་པར་བྱེད་པ་ཞེས་
བྱ་བ་སློབ་དཔོན་ཆེན་པོ་དཔལ་གཉིས་མེད་རྡོ་རྗེས་མཛད་པ་དང༌། སྙིང་པོ་ཀུན་ལས་བཏུས་པའི་རབ་ཏུ་བྱེད་པ་སློབ་དཔོན་ཆེན་པོ་ཤྲཱི་ཨཱ་ནནྡ་བཛྲས་མཛད་པ། རྒྱ་གར་གྱི་མཁན་པོ་བཛྲ་པཱ་ཎི་དང༌། བོད་ཀྱི་ལོ་ཙཱ་བ་རྨ་བན་ཆོས་འབར་གྱི་འགྱུར། སངས་རྒྱས་འཆར་བ་<*མ་བྱུང༌།>ཞེས་བྱ་བ་སློབ་དཔོན་ལཱུ་ཧི་
པའི་ཞབས་ཀྱིས་མཛད་པ། པཎྜི་ཏ་ནགས་ཀྱི་རིན་ཆེན་དང༌། བྱམས་པ་གླིང་པའི་འགྱུར། བསྒོམ་རིམ་དྲུག་པ་ཞེས་བྱ་བ་སངས་རྒྱས་གཉིས་པ་ལྟར་གྲགས་པའི་བཛྲ་པཱ་ཎིས་མཛད་པ། དེ་ཉིད་དང༌། ནག་ཚོའི་འགྱུར། ན་མོ་བུདྡྷཱ་ཡའི་འགྲེལ་པ་རྣལ་འབྱོར་གྱི་དབང་ཕྱུག་ཆེན་པོ་སློབ་དཔོན་
ནག་པོ་རྡོ་རྗེས་མཛད་པའི་དོ་ཧ་མཛོད་ཅེས་བྱ་བ་དང༌། དཔལ་ནག་པོ་རྡོ་རྗེ་ཞབས་ཀྱི་དོ་ཧ་མཛོད་ཀྱི་རྒྱ་ཆེར་འགྲེལ་པ་པཎྜི་ཏ་འོད་དཔག་མེད་ཀྱིས་མཛད་པ། ཤྲཱི་བཻ་རོ་ཙ་ན་བཛྲའི་རང་འགྱུར། ཕྱག་རྒྱ་ཆེན་པོའི་མན་ངག་ཏིལླི་པས་ནཱ་རོ་པ་ལ་ཆུ་བོ་གངྒཱའི་འགྲམ་དུ་གསུངས་པ། རྗེ་ནཱ་རོའི་ལྟ་བ་མདོར་བསྡུས་པ་
ཞེས་བྱ་བ་ལོ་ཙཱ་བ་མར་པ་ཆོས་ཀྱི་བློ་གྲོས་ཀྱི་འགྱུར། ཕྱག་རྒྱ་ཆེན་པོ་བསམ་གྱིས་མི་ཁྱབ་པ་ཞེས་བྱ་བ་རྣལ་འབྱོར་གྱི་དབང་ཕྱུག་ཏིལླི་པས་གོ་རི་ཤར་བའི་རྒྱལ་པོའི་ཁབ་ཏུ་རྣལ་འབྱོར་པ་ལ་གདམས་པ་དང༌། མཐུ་ཆེན་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་གྱད་ཀྱི་ནོར་བུའི་གྲོང་
དུ་གདམས་པའི་ཕྲིན་ལས་བསམ་གྱིས་མི་ཁྱབ་པ་ཞེས་བྱ་བ་དང༌། གླུ་མཁན་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་འདུས་པ་རིན་པོ་ཆེའི་ཚོང་དུས་སུ་གདམས་པ་རོལ་མོ་བསམ་གྱིས་མི་ཁྱབ་པ་ཞེས་བྱ་བ་དང༌། མུ་སྟེགས་ལ་གདམས་པ་རྣལ་འབྱོར་གྱི་དབང་ཕྱུག་ཆེན་

པོ་ཏིལླི་པས་རྒྱལ་པོ་སེང་གྲགས་སེང་གེའི་སྒོ་དྲུང་དུ་གདམས་པ་ཆོས་ཉིད་བསམ་གྱིས་མི་ཁྱབ་པ་ཞེས་བྱ་བ་དང༌། ཤན་པ་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་རིགས་ངན་གཏུམ་མོའི་གྲོང་ཁྱེར་དུ་གསོད་པའི་སྦྱར་བ་བསམ་གྱིས་མི་
ཁྱབ་པ་ཞེས་བྱ་བ་དང༌། རིག་བྱེད་མཁན་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་གྲོང་ཁྱེར་པདྨ་ཅན་དུ་གདམས་པ་སྣ་ཚོགས་བསམ་གྱིས་མི་ཁྱབ་པ་ཞེས་བྱ་བ་དང༌། སྒྱུ་མ་མཁན་ལ་གདམས་པ་རྣལ་འབྱོར་གི་དབང་ཕྱུག་ཏིལླི་པས་གྲོང་ཁྱེར་གྲགས་པ་སྐྱོང་དུ་གདམས་
པ་དངོས་པོ་བསམ་གྱིས་མི་ཁྱབ་པ་ཞེས་བྱ་བ་དང༌། སྨད་འཚོང་ལ་གདམས་པ་རྣལ་འབྱོར་གྱི་དབང་ཕྱུག་ཏིལླི་པས་སྒྱུ་མ་སྤྲུལ་པའི་གྲོང་ཁྱེར་དུ་གདམས་པ་བསམ་གྱིས་མི་ཁྱབ་པ་བདེ་བ་ཆེན་པོ་ཞེས་བྱ་བ་སྟེ་ཏིལླི་པའི་ཆོས་བརྒྱད་དོ། །འཁོར་བ་ལས་ཡིད་ངེས་པར་འབྱུང་
བར་བྱེད་པ་ཞེས་བྱ་བའི་གླུ་སློབ་དཔོན་དཔལ་མར་མེ་མཛད་ཡེ་ཤེས་ཀྱིས་མཛད་པ། རྒྱ་གར་གྱི་མཁན་པོ་དེ་ཉིད་དང༌། ཞུ་ཆེན་གྱི་ལོ་ཙཱ་བ་རྒྱ་བརྩོན་སེང་གེས་བི་ཀྲ་མ་ལ་ཤཱི་ལའི་གཙུག་ལག་ཁང་དུ་བསྒྱུར་བ། སླད་ནས་བླ་མ་དེ་ཉིད་དང༌། ལོ་ཙཱ་བ་ཚུལ་ཁྲིམས་རྒྱལ་བས་བཅོས་
པ། ཆོས་ཀྱི་དབྱིངས་སུ་ལྟ་བའི་གླུ་སློབ་དཔོན་ཆེན་པོ་དཱི་པཾ་ཀ་རས་མཛད་པ། རྒྱ་གར་གྱི་མཁན་པོ་དེ་ཉིད་དང༌། བོད་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བའི་འགྱུར། ཞི་བྱེད་ཀྱི་མན་ངག་སྒྲོན་མ་དགུ་སྐོར་ལ། མན་ངག་སྐུའི་སྒྲོན་མ་ཞེས་བྱ་བ་དང༌། ཐེག་པ་
གསུང་གི་སྒྲོན་མ་ཞེས་བྱ་བ་དང༌། ཡང་དག་ལྟ་བའི་སྒྲོན་མ་ཞེས་བྱ་བ་དང༌། རིན་པོ་ཆེའི་སྒྲོན་མ་ཞེས་བྱ་བ་དང༌། མཉམ་ཉིད་གཞིའི་སྒྲོན་མ་ཞེས་བྱ་བ་དང༌། མཐར་ཐུག་འབྲས་བུའི་སྒྲོན་མ་ཞེས་བྱ་བ་དང༌། བྱང་ཆུབ་སྤྱོད་པའི་སྒྲོན་མ་ཞེས་བྱ་བ་དང༌། རྣལ་འབྱོར་ལམ་གྱི་སྒྲོན་མ་ཞེས་བྱ་
བ་དང༌། གསང་བ་ཐུགས་ཀྱི་སྒྲོན་མ་ཞེས་བྱ་བ་དང༌། མཎྜལ་གྱི་ཆོ་ག་ཞེས་བྱ་བ་དང༌། དེ་ཁོ་ན་ཉིད་ཕྱག་རྒྱ་ཆེན་པོ་ཡི་གེ་མེད་པའི་མན་ངག་རྣམས་རྣལ་འབྱོར་གྱི་དབང་ཕྱུག་ཆེན་པོ་ཀ་མ་ལ་ཤཱི་ལས་མཛད་པ། རྒྱ་གར་གྱི་མཁན་པོ་ཛྙཱ་ན་གུ་ཧྱ་དང༌། ཞུ་ཆེན་གྱི་ལོ་ཙཱ་བ་བླ་མ་ཨང་

ལོ་བཙུན་ཆུང་གི་འགྱུར་རོ། །བསྐྱེད་རིམ་གྱི་སྐོར་ལ། ཤེས་རབ་ཀྱི་ཕ་རོལ་ཏུ་ཕྱིན་པའི་སྒྲུབ་ཐབས། རྗེ་བཙུན་མ་འཕགས་མ་སྒྲོལ་མའི་སྒྲུབ་ཐབས། རྡོ་རྗེ་ཕག་མོའི་སྒྲུབ་ཐབས། འཇམ་དཔལ་ཁྲོ་བོར་སྒྲུབ་པ་དེ་རྣམས་རྗེ་བཙུན་ཀ་མ་ལ་ཤཱི་ལས་མཛད་ཅིང༌། པཎྜི་
ཏ་ཛྙཱ་ན་གུ་ཧྱ་དང༌། ཨང་ལོ་ཙཱ་བའི་འགྱུར། ཆོས་དྲུག་མན་ངག་ཅེས་བྱ་བ་གྲུབ་པའི་རྣལ་འབྱོར་གྱི་དབང་ཕྱུག་ཏིལླི་པས་མཛད་པ། རྒྱ་གར་གྱི་མཁས་པ་ནཱ་རོ་པཎྜི་ཏ་དང༌། མར་པ་ལྷོ་བྲག་པ་ཆོས་ཀྱི་བློ་གྲོས་ཀྱིས་ཁ་ཆེའི་གནས་པུཥྤ་ཧ་རིར་བསྒྱུར། བཀའ་ཡང་དག་པའི་ཚད་མ་ཞེས་
བྱ་བ་མཁའ་འགྲོ་མའི་མན་ངག་ཀ་དཔེ་དང་པོ་དང༌། ཀ་དཔེ་ཕྱི་མ་གཉིས་འགྱུར་བྱང་མེད་པ། རིམ་པ་ལྔ་བསྡུས་པ་གསལ་བ་ཞེས་བྱ་བ་དཔལ་ནཱ་རོ་པས་མཛད་པ། པཎྜི་ཏ་དེ་ཉིད་དང༌། བོད་ཀྱི་ལོ་ཙཱ་བ་མར་པ་ཆོས་ཀྱི་བློ་གྲོས་ཀྱི་འགྱུར། གོ་བར་བྱེད་པའི་སྙིང་པོ་བརྒྱ་པ་ཞེས་
བྱ་བ་སློབ་དཔོན་ཆེན་པོ་ཨཱརྻ་དེ་ཝས་མཛད་པ།གོ་བར་བྱེད་པའི་སྙིང་པོ་བརྒྱ་པ་རྣམ་པར་བཤད་པ་ཞེས་བྱ་བ་དཔལ་ཧེ་རུ་ཀ་དེ་ཝའི་ཞལ་སྔ་ནས་མཛད་པ། ཚེ་སྒྲུབ་པའི་ཐབས་རྣམས་རྒྱ་གར་ཤར་ཕྱོགས་སཏྣ་ག་རའི་པཎྜི་ཏ་ཆེན་པོ་དཔལ་ནགས་ཀྱི་རིན་ཆེན་གྱི་སྤྱན་སྔར། དགེ་
སློང་ཆོས་སྨྲ་བ་བསོད་ནམས་རྒྱ་མཚོའི་སྡེས་བསྒྱུར། དཔལ་འཁོར་ལོ་སྡོམ་པའི་མན་ངག་ཞལ་ནས་སྙན་དུ་བརྒྱུད་པ་ཡིད་བཞིན་ནོར་བུ་ཞེས་བྱ་བ་མཁའ་འགྲོ་མའི་གསང་ཚིག་ཏིལླི་པས་བཀོད་པ་དང༌། སྙན་བརྒྱུད་རྡོ་རྗེའི་ཚིག་རྐང་མཁས་པ་ནཱ་རོ་པས་མཛད་པ། མཁས་པ་ནཱ་རོ་
པཎ་ཆེན་དེ་ཉིད་དང༌། ལོ་ཙཱ་བ་མར་པ་ཆོས་ཀྱི་བློ་གྲོས་ཀྱིས་པུཥྤ་ཧ་རིའི་གནས་ཆེན་དུ་བསྒྱུར། བདག་གི་རྣལ་འབྱོར་ཞེས་བྱ་བ་ཏོག་རྩེ་པའི་ཞབས་ཀྱིས་མཛད་པ། རྒྱ་གར་ཤར་ཕྱོགས་སཏྣ་ག་རའི་མཁས་པ་ཆེན་པོ་ནགས་ཀྱི་རིན་ཆེན་གྱི་སྤྱན་སྔར། དག