Kinh tạng Tây Tạng (Kangyur Đại Học) — 094_རྒྱུད་འབུམ།_ཚ

ྱེད་དང་། བྱད་དང་། རོ་ལངས་དང་། བརྗེད་བྱེད་ཐམས་ཅད་ལས་བསྲུང་དུ་གསོལ། བསྲུང་
དུ་གསོལ་སྭཱ་ཧཱ། བདག་གི་སྡིག་པ་ཐམས་ཅད་བསལ་དུ་གསོལ། བསལ་དུ་གསོལ། ཙ་ར་ཙ་ར་སྭཱ་ཧཱ། མ་ར་མ་ར་སྭཱ་ཧཱ། སི་རི་སི་རི་སྭཱ་ཧཱ། ཀུ་རུ་ཀུ་རུ་སྭཱ་ཧཱ། དྷུ་རུ་དྷུ་རུ་སྭཱ་ཧཱ། དྷུ་རུ་དྷུ་རུ། དྷུ་རུ་དྷུ་རུ། དྷུ་རུ་སྭཱ་ཧཱ། མི་གང་དག་གནོད་པར་འདོད་ལ། ཕན་པར་

མི་འདོད་ཅིང་བདག་ལ་ལྟ་བ་ཐམས་ཅད་རྨུགས་པར་བགྱིའོ། །རེངས་པར་བགྱིའོ། །འཁྲུགས་པར་བགྱིའོ། །རྨོངས་པར་བགྱིའོ། །འབྱུང་པོ་ཐམས་ཅད་དང་། གདོན་ཐམས་ཅད་དང་། ནད་ཐམས་ཅད་འཁྲུལ་པར་མཛད་མ། རྨོངས་པར་མཛད་མ།
རྨུགས་པར་མཛད་མ། རེངས་པར་མཛད་མ། འཇིགས་པར་མཛད་མ། རྣམ་པར་འཇིགས་པར་མཛད་མ། རྣམ་པར་འཐོར་བར་མཛད་མ། རྣམ་པར་འཇོམས་པར་མཛད་མ་སྭཱ་ཧཱ། ནཱི་ལེ་ནཱི་ལེ། ནཱི་ལ་ཀེ་ཤེ་སྭཱ་ཧཱ། པཱི་ཏེ་པཱི་ཏེ། པཱི་ཏ་ཀེ་ཤེ་སྭཱ་ཧཱ། ལོ་ཧི་ཏེ་ལོ་ཧི་ཏེ། ལོ་ཧི་
ཏ་ཀེ་ཤེ་སྭཱ་ཧཱ། ཨ་བ་ད་ཏེ། ཨ་བ་ད་ཏེ། ཨ་བ་དཱ་ཏ་ཀེ་ཤེ་སྭཱ་ཧཱ། ཤྭེ་ཏེ་ཤྭེ་ཏེ་ཤྭེ་ཏ་བ་སྟྲ་དྷཱ་ར་ཎི་ཡེ་སྭཱ་ཧཱ། འབྱུང་པོ་ཐམས་ཅད་ལ་དབང་སྒྱུར་མ། བདག་གི་སྡིག་པ་ཐམས་ཅད་བསལ་དུ་གསོལ། སྭཱ་ཧཱ། འཕེལ་བར་མཛད་མ། བདག་གི་དཔལ་དང་སྐལ་བ་བཟང་པོ་
ཐམས་ཅད་སྤེལ་དུ་གསོལ། འཕེལ་བར་མཛད་གསོལ། སྭཱ་ཧཱ། བདག་འཇིགས་པ་དང་གནོད་པ་དང་། ནད་འགོ་བ་དང་། འཁྲུགས་པ་ཐམས་ཅད་དང་། གཤེད་བྱེད་ཐམས་ཅད་དང་། བྱད་ཐམས་ཅད་དང་། ནད་ཐམས་ཅད་དང་། གདོན་ཐམས་ཅད་དང་།
སྡིག་པ་ཐམས་ཅད་དང་། །བཟའ་ཉེས་དང་། བསྒོམ་ཉེས་དང་། གནོད་སྒྲིབ་དང་། གནོད་ལྟས་ཐམས་ཅད་ལས་བསྲུང་དུ་གསོལ། བསྲུང་དུ་གསོལ། སྭཱ་ཧཱ། ཕྱིར་ཟློག་རྣམ་པར་རྒྱལ་བ་ཅན། རྒྱལ་བ་འབྱུང་བ་གསུངས་པ་འདི། །གང་གི་མགུལ་དུ་འདི་
བཏགས་པ། །དེས་ནི་རྒྱལ་འགྱུར་ཐེ་ཙོམ་མེད། །སྡིག་དང་རྨི་ངན་བཀྲ་མི་ཤིས། །རྒྱལ་པོ་མེ་དང་ཆོམ་རྐུན་དགྲ། །དེ་དག་རྣམས་ཀྱིས་དེ་མི་ཚུགས། །གང་གི་མགུལ་དུ་འདི་བཏགས་པ། །དེ་ནི་ཆུ་ཡིས་ཁྱེར་མི་འགྱུར། །སྡིག་པ་ཡང་དག་བྱང་བར་འགྱུར། །
དགེ་བ་རྣམས་ནི་རྟག་ཏུ་འཕེལ། །ནད་མེད་པ་ཡང་ཐོབ་པར་འགྱུར། །ཕྱིར་ཟློག་པ་འཕགས་པ་རྣམ་པར་རྒྱལ་བ་ཅན་ཞེས་བྱ་བ་རྫོགས་སོ། ༄༅། །འཕགས་པ་པརྞྞ་ཤ་བ་རིའི་མདོ། དཀོན་མཆོག་གསུམ་ལ་ཕྱག་འཚལ་ལོ། །

དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་
པོ་མཐུ་ཆེན་ཐོབ་ལ་ཕྱག་འཚལ་ལོ། །བཱ་མ་ནེ་ཏྭཾ་ན་མ་སྱཱ་མི་ཏྭཾ་ན་མ་སྱཱ་མི་བཱ་མ་ནེ། བྷ་ག་བ་ཏེ་པི་ཤཱ་ཙི། པརྞྞ་ཤ་བ་རི། བི་ཤཱ་ཙི་པཱ་ཤ་པཪྴུ་དྷཱ་རི་ཎཱི། ཡཱ་ནི་ཀཱ་ནི་ཙིད་བྷ་ཡཱ་ནྱུ་ཏ་པ་དྱཾ་ཏེ། ཡཿཀཱ་ཙིད་མཱ་ར་ཡོ། ཡཿཀཱ་ཙིད་མ་ཧཱ་མཱ་ར་ཡོ། ཡེ་ཀེ་ན་ཙིད་ཨུ་པ་དྲ་བཱཿ། ཡེ་
ཀེ་ཙིད་ཨུ་པཱ་ཡཱ་སཱ། ཡེ་ཀེ་ཙིད་ཨདྷྱཱཏྨི་ཀཱ་བྷ་ཡཱ། ཡེ་ཀེ་ཙིད་ཨུ་པ་སརྒྒ་སཾ་བད་དྷ་བཱ། ཨུཏྤ་དྱ་ན་ཏེ། སརྦཱ་ནི་ཏཱ་ནི། སརྦ་སྟ། སརྦ་ཏེ་བཱ་ལ་ཏཱ། ཨེ་བོ་ཏ་པ་དྱནྟེ། ན་པཎྜི་ཏ་ཏཿ། ཏ་ད་ནེ་ན་ས་ཏྱེ་ན་ས་ཏྱ་བ་ཙ་ནེ་ན་ས་ཏྱ་པཱ་ཀེ་ན། ཏདྱ་ཐཱ། ཨོཾ་ཛཿཛཱཿཛཿཛཱཿཨེ་བྷི་
ཥཿ པཎྜཱི་ཏ་ཨ་དྷིཥྛི་ཏཻ་ར་མནྟྲ་པ་དཻ་ར། མ་མ་སརྦ་སཏྭཱ་ནཱ་ན་ཙ། རཀྵཾ་ཀུ་རུ་པ་རི་ཏྲཱ་ཎཾ་ཀུ་རུ། པ་རི་གྲ་ཧཾ་ཀུ་རུ། པ་རི་པཱ་ལ་ནཾ་ཀུ་རུ། ཤཱནྟིཾ་ཀུ་རུ་སྭ་སྟྱ་ཡ་ནཾ་ཀུ་རུ། དཎྜ་པ་རི་ཧཱ་རཾ་ཀུ་རུ། ཤ་སྟྲ་པ་རི་ཧཱ་རཾ་ཀུ་རུ། ཡཱ་བད་བ་ཥི་དྷུ་ཥ་ཎཾ་ཀུ་རུ། ཨག་ནི་པ་རི་ཧཱ་རཾ་ཀུ་རུ། ཨུ་ད་ཀ་
པ་རི་ཧཱ་རཾ་ཀུ་རུ། ཀ་ཁོ་རེ་ད་ཙྪེ་ད་ནཾ་ཀུ་རུ། སཱི་མཱཾ་བནྡྷཾ་ཀུ་རུ། དྷ་ར་ཎཱི་བནྡྷཾ་ཀུ་རུ། ཏདྱ་ཐཱ། ཨ་མི་ཏེ་ཨ་མི་ཏེ། ཨ་མི་ཏོད་བྷ་བེ། ཨ་མི་ཏ་སཾ་བྷ་བེ། ཨ་སྭ་ཏེ། ཨ་སྭ་སྟྱཾ་གེ །མཱ་མ་ར་མཱ་མ་ར། མཱ་ས་ར་མཱ་ས་ར། ཤ་མ་པྲ་ཤ་མ། ཨུ་པ་ས་མ་སརྦ་བྱ་དྷཱི་ནུ་པ་ས་མ་སརྦ་
ཨ་ཀཱ་ལ་མྲྀ་ཏྱུ་ནུ་པ་ས་མ་སརྦ་ནཀྵ་ཏྲ་གྲ་ཧ་དོ་ཥཱ་ནུ་པ་ས་མ། སརྦ་དིཥྚྲཱི་ཎཱཾ། ཙོ་ས་ས་མ། བྷ་ག་བ་ཏི། པརྞྞ་ཤ་བ་རི། ཏྱུཾ་ན་ཏྱུཾ་ན། བི་ཏྱུཾ་ན་བི་ཏྱུཾ་ན། ཏུ་ན་ཏུ་ན་ཏུ་མུ་ལེ་སྭཱ་ཧཱ། ཨོཾ་གཽ་རེ་གནྡྷ་རི་ཙཽ་རཱི་ཙཎྜཱ་ལི་མཱ་ཏཾ་གི །པུཀྐཱ་སཱི་སྭཱ་ཧཱ། ན་མཿསརྦ་ཤ་བ་རཱ་ཎཱཾ། མ་ཧཱ་ཤ་བ་རཱ་ཎཱཾ། བྷ་ག་བ་ཏི་པི་
ཤཱ་ཙི་པརྞྞ་ཤ་བ་རི་སྭཱ་ཧཱ། ཨོཾ་པི་ཤཱ་ཙི་པརྞྞ་ཤ་བ་རི་ཧྲཱིཿཛཿཧཱུྃ་ཕཊ་པི་ཤཱ་ཙི་སྭཱ་ཧཱ། ཨོཾ་ཨཾ་ཀུ་རེ། མཾ་ཀུ་རེ་ཀུ་ར་རེ་པརྞྞ་ཤ་བ་རི་སྭཱ་ཧཱ། གནག་ནད་ལ་སྲད་བུ་བྱས་ཏེ། བརྒྱ་རྩ་བརྒྱད་དུ་བཟླས་ཤིང་མདུད་པ་བརྒྱ་རྩ་བརྒྱད་དུ་མདུད་དེ། སྔགས་ཀྱི་སྙིང་པོ་བྲིས་པའི་སྣོད་དང་བཅས་པས་བཟླས་

བ་ཚུལ་བཞིན་དུ་བྱས་ལ། དེའི་རྗེས་ལ་ནད་པའམ། རྟ་དང་བ་ལང་ལ་སོགས་པ་ལ་སྤོས་ཆུས་བཀྲུས་ནས་ཁྱུ་མཆོག་ཀྱང་བཀྲུས་ཏེ་དེའི་མགོ་ལ་བཅིང་ན་ཞི་བར་འགྱུར་རོ། །དེ་བཞིན་དུ་མ་ཧེ་དང་། ར་ལུག་རྣམས་ལ་གནོད་པ་བྱུང་བ་ལ་ཡང་ལྷས་སུ་བྲི་བར་
བྱའོ། །བུམ་པ་ཆུ་གཙང་མས་བཀང་སྟེ་བརྒྱ་རྩ་བརྒྱད་དུ་སྔགས་ནས་བཀྲུས་ན་ཞི་བར་འགྱུར་རོ། །སྔ་དྲོ་ཕྱུགས་ཀྱི་ལྷས་སུ་སོང་ལ་དྲི་དང་མེ་ཏོག་གི་གཏོར་མ་བྱས་ཏེ། བུམ་པ་སར་པ་མ་སྤྱད་པ་ཆུས་བཀང་ལ་བརྒྱ་རྩ་བརྒྱད་དུ་སྔགས་ཏེ། ཕྱུགས་ལྷས་ཀྱི་སྒོར་རྟ་བབས་
གཟུགས་ཤིང་། རྟ་བབས་དེ་ལ་ཆུ་ཤིང་གི་ལོ་མ་ལ་རིག་པ་གིའུ་ཝང་གིས་བྲིས་ཏེ། རྟ་བབས་ཀྱི་ཁར་གདགས་སོ། །དེ་ནས་ཕྱུགས་ཐམས་ཅད་གཟས་ལ་སོང་བ་རྟ་བབས་ཀྱི་སྒོ་དེ་ནས་གཟུད་དོ། །གཞན་ཡང་བུམ་པ་བཞི་ཆུས་བཀང་སྟེ་བརྒྱ་རྩ་བརྒྱད་དུ་སྔགས་
ནས་མི་བཞིས་ཆུས་གཏོར་ན་ཕྱུགས་ནད་མེད་པར་འགྱུར་རོ། །དེ་བཞིན་དུ་ཞག་བདུན་དུ་བྱས་ན་དད་ཐམས་ཅད་ཞི་བར་འགྱུར་རོ། །མི་ནད་དང་། ཕྱུགས་ནད་ལ་གྲོ་ག་ལ་བྲིས་ཏེ། མཆོད་པ་བྱས་ནས་རྒྱལ་མཚན་གྱི་རྩེ་མོ་ལ་གདགས་སོ། །སྟག་གི་འཇིགས་པ་ལ་
དྲིལ་བུ་ལ་བཟླས་ནས་དཀྲོལ་བར་བྱའོ། །ཆུ་སྲིན་གྱི་འཇིགས་པ་ལ་མངའ་དང་། ཕ་གུ་ལ་སྔགས་ན་སྦྲུལ་དང་། བྱི་བ་དང་། སྡིག་པ་ལ་སོགས་པ་རྣམས་ཀྱང་ཁ་བཅིངས་པར་འགྱུར་རོ། །གཡུལ་ངོར་ཐལ་བ་ལ་སྔགས་ཏེ། སྤྱི་བོ་དང་མགུལ་དུ་བྱུགས་ན་མཚོན་
ཆ་ཟློག་པར་བྱེད་དོ། །སྐུད་པ་ལ་ལན་བརྒྱ་རྩ་བརྒྱད་དུ་བཟླས་པས་ནད་པའི་ཁྲི་ལ་བཅིང་ངོ་། །བུམ་པ་ལ་བརྒྱ་རྩ་བརྒྱད་དུ་བསྔགས་པས་ཁྲུས་བྱའོ། །ལག་པའི་སྐུད་པ་ལ་བཟླས་ནས་བཅིང་ངོ་། །དེ་ནས་བདེ་བར་འགྱུར་རོ། །ཡུལ་བསྐོར་ཏེ་དྲིལ་བུ་དང་།
རྔ་དང་། དུང་ལ་བཟླས་པ་བྱས་ན་བགེགས་ཐམས་ཅད་འབྱེར་ཏེ་གནོད་པའང་ཞི་བར་འགྱུར་རོ། །སྐྱེས་བུ་དཔའ་བོའི་དཔྲལ་བར་རིག་པའི་མདོངས་གཞག་ལ་མཚོན་ཆ་བསྐུར་ན་དགྲའམ་གཡུལ་ཞི་བར་འགྱུར་རོ། །འཕགས་པ་པརྞྞ་ཤ་བ་རིའི་མདོ་རྫོགས་སོ།། །།

༄༅། །རྒྱ་གར་སྐད་དུ། ཨཱརྱ་པརྞྞ་ཤ་བ་རི་ནཱ་མ་དྷཱ་ར་ཎཱི། བོད་སྐད་དུ། འཕགས་མ་རི་ཁྲོད་ལོ་མ་གྱོན་མ་ཞེས་བྱ་བའི་གཟུངས། འཕགས་མ་རི་ཁྲོད་ལོ་མ་གྱོན་མ་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་དེ་
བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པ་ལ་ཕྱག་འཚལ་ལོ། །བྱང་ཆུབ་སེམས་
དཔའ་སེམས་དཔའ་ཆེན་པོ་མཐུ་ཆེན་པོ་ཐོབ་པ་ལ་ཕྱག་འཚལ་ལོ། །བཅོམ་ལྡན་འདས་མ་མིའུ་ཐུང་ཤ་ཟ་མོ་རི་ཁྲོད་ལོ་མ་གྱོན་མ་དགྲ་སྟ་དང་ཞགས་པ་འཛིན་མ་ཁྱོད་ལ་ཕྱག་འཚལ་ལོ། །འཇིགས་པ་གང་དག་ཅི་བྱུང་བ་དེ་དག་ཐམས་ཅད་དང་ཡམས་ཀྱི་ནད་གང་ཅི་འབྱུང་
ཡང་རུང་བ་དང་། འཆི་བྱེད་གང་དག་ཅི་ཡང་རུང་བ་དང་། འཆི་བྱེད་ཆེན་པོ་གང་དག་ཅི་ཡང་རུང་བ་དང་། གནོད་པ་གང་དག་ཅི་ཡང་རུང་བ་དང་། འཁྲུག་པ་གང་དག་ཅི་ཡང་རུང་བ་དང་། ཁོང་དུ་གནོད་པ་གང་དག་ཅི་ཡང་རུང་བ་དང་། གང་དག་ཅི་བྱུང་པ་དེ་དག་
ཐམས་ཅད་ནི་བྱིས་པ་ཁོ་ན་ལ་འབྱུང་གི་མཁས་པ་ལ་ནི་མ་ཡིན་ནོ། །བདེན་པ་དང་བདེན་པའི་ཚིག་དང་། བདེན་པའི་ངག་གིས་སོང་ཤིག །དེངས་ཤིག །མཁས་པས་བྱིན་གྱིས་བརླབས་པའི་གསང་སྔགས་ཀྱི་གཞི་འདི་དག་གིས་བདག་དང་སེམས་ཅན་ཐམས་ཅད་ལ་
བསྲུང་བར་མཛོད་ཅིག །ཡོངས་སུ་བསྐྱབ་པར་མཛོད་ཅིག །ཡོངས་སུ་གཟུང་བར་མཛོད་ཅིག །ཡོངས་སུ་བསྐྱང་བར་མཛོད་ཅིག །ཞི་བ་དང་བདེ་ལེགས་སུ་མཛོད་ཅིག །ཆད་པ་སྤང་བར་མཛོད་ཅིག །མཚོན་ཆ་སྤང་པར་མཛོད་ཅིག །རི་སྲིད་དུག་གཞོམ་
པའི་བར་དུ་མཛོད་ཅིག །མེའི་གནོད་པ་སྤང་བར་མཛོད་ཅིག །ཆུའི་གནོད་པ་སྤང་བར་མཛོད་ཅིག །བྱང་སྟེམས་གཅད་པར་མཛོད་ཅིག །མཚམས་བཅིང་བར་མཛོད་ཅིག །ས་གཞི་བཅིང་བར་མཛོད་ཅིག །ཏདྱ་ཐཱ། ཨ་མྲྀ་ཏེ་ཨ་མྲྀ་ཏེ། ཨ་མྲྀ་ཏ་ཨུད་བྷ་བེ།

ཨ་མྲྀ་ཏ་སཾ་བྷ་བེ། ཨཱ་ཤྭ་སྟེ། ཨཱ་ཤྭ་སྟཾ་གེ །མཱ་མ་ར་མཱ་མ་ར། མཱ་ས་ར་མཱ་ས་ར་ཞི་བར་མཛོད། ནད་ཐམས་ཅད་ཉེ་བར་མཛོད། དུས་མ་ཡིན་པར་འཆི་བ་ཐམས་ཅད་ཉེ་བར་ཞི་བར་མཛོད། གཟའ་དང་རྒྱུ་སྐར་གྱི་ཉེས་པ་ཐམས་ཅད་
ཉེ་བར་ཞི་བར་མཛོད། མཆེ་བའི་དུག་ཐམས་ཅད་ཉེ་བར་ཞི་བར་མཛོད། །བཅོམ་ལྡན་འདས་མ་རི་ཁྲོད་ལོ་མ་ཅན། ཏུནྣ་ཏུནྣ། བི་ཏུནྣ་བི་ཏུནྣ། ཏུ་ཎ་ཏུ་ཎ། ཏུ་མུ་ལེ་སྭཱ་ཧཱ། ཨོཾ་གཽ་རེ། གན་དྷཱ་རི། ཙཎྜཱ་ལི། མཱ་ཏཾ་གི །པུཀྐ་སི་སྭཱ་ཧཱ། ཨོཾ་ཨཾ་ཀུ་རེ། མཱཾ་ཀུ་རེ། ཀུ་
ར་རེ། པརྞྞ་ཤ་བ་རི་སྭཱ་ཧཱ། ན་མཿསརྦ་ཤ་བ་རཱི་ཎཱཾ། མ་ཧཱ་ཤ་བ་རཱི་ཎཱཾ། བྷ་ག་བ་ཏི་པི་ཤཱ་ཙེ། པརྞྞ་ཤ་བ་རི་པི་ཤཱ་ཙི་སྭཱ་ཧཱ། ཨོཾ་པི་ཤཱ་ཙི་པརྞྞ་ཤ་བ་རི་ཧྲཱིཿཛཿཧཱུཾ་ཕཊ་པི་ཤཱ་ཙི་སྭཱ་ཧཱ། འཕགས་མ་རི་ཁྲོད་མ་ལོ་མ་གྱོན་མའི་གཟུངས་རྫོགས་སོ།། །།
༄༅། །རྒྱ་གར་སྐད་དུ། ཨཱརྱ་བ་ལ་བ་ཏཱི་ནཱ་མ་པྲ་ཏྱཾ་གི་རཱ། བོད་སྐད་དུ། འཕགས་པ་ཕྱིར་ཟློག་པ་སྟོབས་ཅན་ཞེས་བྱ་བའོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ། སེམས་
ཅན་ཐམས་ཅད་ལ་སྙིང་བརྩེ་བ་ཅན། འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །འབྱུང་པོ་ཐམས་ཅད་འགོག་པ། རིམས་ནད་ཐམས་ཅད་ཟློག་པ། དུས་མ་ཡིན་པར་འཆི་བ་ཐམས་ཅད་འགོག་པ། གཟའ་དང་རྒྱུ་སྐར་གྱི་གདོན་དང་། འབྱུང་པོའི་
གདོན་ཐམས་ཅད་རྣམ་པར་འཇོམས་པ། བདུད་ཀྱི་གནས་ཐམས་ཅད་འཇོམས་པ། མི་མཛའ་བ་ཐམས་ཅད་སོ་སོར་རེངས་པར་བྱེད་པ། ཚེ་སྐྱོང་བ་སྲོག་སྐྱོང་བའི་ཕྱིར་བཟློག་པ་འདི་བརྗོད་པར་བྱའོ། །ཏདྱ་ཐཱ། ཨ་བ་ལོ་ཀི་ཏེ། ཨ་བ་ལོ་ཀི་ཏེ། སཾ་བྷ་བེ། དྷ་ར་དྷ་ར་དྷ་ར།
བ་ར་བ་ར་བ་ར། ཀཱ་ལེ་ཀཱ་ལེ་ཀཱ་ལེ། མ་ཧཱ་ཀཱ་ལ། ཨ་བ་ལོ་ཀི་ཏ། པྲ་སཱ་དྷ་ནེ། དྷ་མེ་དྷ་མེ་དྷ་མེ། དྷ་མཱ་ནེ། ས་མཱ་ཧི་ཏེ། བདག་ལ་བསྲུང་དུ་གསོལ། བསྲུང་དུ་གསོལ། འཇིགས་ཤིང་སྐྲག་པ་ཐམས་ཅད་ལས་བསྲུང་བ་མཛད་དུ་གསོལ། ཡོངས་སུ་བསྐྱབ་ཏུ་གསོལ།

ཡོངས་སུ་གཟུང་དུ་གསོལ། ཡོངས་སུ་བསྐྱང་དུ་གསོལ། ཞི་བ་དང་བདེ་ལེགས་སུ་འགྱུར་བར་མཛད་དུ་གསོལ། ཆད་པ་སྤོང་བར་མཛད་དུ་གསོལ། མཚོན་ཆ་སྤོང་བར་མཛད་དུ་གསོལ། མཚམས་གཅད་པར་མཛད་དུ་གསོལ། ས་བཅིང་བར་མཛད་དུ་གསོལ།
ཀུ་རུ་ཀུ་རུ་པཾ། མཀྵི། བི་དྷི་བི་དྷི་བི་དྷི། མཱརྒ་སཾ་པྲ་སྭ་ཏེ། ཨ་མྲྀ་ཏ་ཏེ་ཛ་བ་ཏི། གནོད་པ་ཐམས་ཅད་ལས་བདག་ལ་རྟག་པར་བསྲུང་དུ་གསོལ། །བསྲུང་དུ་གསོལ། མུ་ལུ་མུ་ལུ་མུ་ལུ། ཁུ་ཁུ་མེ། གྷོ་རི་གྷོ་རི། བ་ལེ་བ་ལེ། ཏ་ར་ཏ་ར། མུ་ཡ་མུ་ཡ། མུཉྩ་ནི། ཁ་ཁ་རེ།
དྷུ་ཧཱུྃ་ཧཱུྃ་ནི། དྷུ་ཧཱུྃ་ནི། བདག་འཐབ་པ་དང་། འཐབ་མོ་དང་། རྩོད་པ་དང་། འགྱེད་པ་ཐམས་ཅད་ལས་བསྲུང་དུ་གསོལ། བསྲུང་དུ་གསོལ། ཛ་ཡཾ་ཀུ་རུ་ཀུ་རུ། ཕུ་རུ་ཕུ་རུ་སྭཱ་ཧཱ། ཨ་མ་ལེ་སྭཱ་ཧཱ། ཨ་མྲྀ་ཏེ་སྭཱ་ཧཱ། འཕགས་པ་ཕྱིར་ཟློག་པ་སྟོབས་ཅན་ཞེས་བྱ་བའི་
གཟུངས་རྫོགས་སོ།། ༄༅། །དཔལ་ལྷ་མོ་སྒྲ་དབྱངས་ལ་བསྟོད་པ། ལམ་གང་གིས་ན་སངས་རྒྱས་འབྱུང་བ་དང་། །རྒྱལ་བ་སྲས་བཅས་ཆོས་ཀྱི་བླ་མར་གྱུར། །མཁྱེན་པའི་རིམ་པར་ས་རྣམས་བཀོད་པ་ཡི། །ཤེས་རབ་དཀྱིལ་
འཁོར་མང་ལ་སྐྱབས་སུ་མཆི། །ཕྱག་འཚལ་དཔལ་ལྡན་ལྷ་མོ་དབྱངས་ཅན་མ། །འཇིག་རྟེན་ཁམས་འདིར་སྨྲ་ལ་དབང་བརྙེས་ཤེས། །དྲང་སྲོང་རིག་གསུམ་རིག་པའི་ཕ་རོལ་གཤེགས། །དེ་ནི་སྤྱོད་པ་རྒྱ་ཆེན་རྣམས་ལས་བྱུང་། །སེམས་ཅན་དོན་ཕྱིར་
ཕྲིན་ལས་ཆེན་པོའི་ཁུར། །སྤྲོ་བར་དཀའ་བ་ཀུན་ཀྱང་ཁྱོད་ཀྱིས་མཛད། །ས་དང་ཕ་རོལ་ཕྱིན་པ་བཅུ་སྤྱད་པས། །དགེ་བའི་ཚོགས་བརྟན་ཡིད་བཞིན་ལུས་སུ་བསྒྱུར། །ཞལ་གྱི་དཀྱིལ་འཁོར་ཟླ་བ་དྲི་མེད་རྒྱས། །ཐུགས་རྗེའི་སྤྱན་གསལ་འགྲོ་བའི་མིག་འབྱེད་
པ། །དུས་རིང་འཇིག་རྟེན་ཀུན་ལ་བདེ་བར་གཟིགས། །དེ་ལ་ལྷ་དབང་ཚངས་ཚོགས་ཤིན་ཏུ་འདུད། །བྱམས་ཤིང་བཟོད་ལྡན་སྙིང་རྗེ་སྐྱེད་པའི་མ། །ལྷ་མོ་མཆོག་སྟེ་འགྲོ་ཀུན་སྐྱོང་བར་དགྱེས། །ཐོར་ཚུགས་རི་བོ་རྩེ་འདྲ་སྤོབས་པ་འཕགས། །ཤེས་རབ་ཟབ་ཅིང་

ཤེས་པའི་རྟེན་བྱེད་ཀྱང་། །རིག་པའི་གནས་ལ་མངའ་བརྙེས་ཚིག་གི་བདག །འཇིག་རྟེན་ན་ཡང་ལྷ་ཡི་ལྷར་གྱུར་ལ། །སྡུག་བསྔལ་བསལ་བར་རབ་བརྩོན་གཉེན་མཆོག་པས། །མུ་སུ་རྟོག་གེ་པ་རྣམས་ཀུན་ཀྱང་འདུད། །ཡན་ལག་རྣམ་པར་འབྱེས་
ཤིང་གསུང་སྙན་པ། །ཡོན་ཏན་དྲི་མེད་བསོད་ནམས་འབར་བར་བསྒྱིངས། །རིག་པ་མཆོག་གི་དངོས་གྲུབ་སྦྱིན་མཛད་པ། །བློ་མྱུར་ཚིག་འཆང་སྤོབས་པའི་མཆོག་སྩོལ་ཅིག །སེམས་ཅན་ཀུན་ལ་རྟག་ཏུ་ཕན་སེམས་པ། །མི་སླུ་མཆོག་ཁྱོད་རྣམ་གྲོལ་ས་ལ་
བཞུགས། །ཐུགས་དམ་བརྟན་བཅས་བསྐུལ་པ་རྣམས་ལ་ཡང་། །དཔལ་གྱིས་དགོངས་ཤིང་དོན་ཀུན་ཉེ་བར་སྐོངས། །འདི་ལྟར་འཇིག་རྟེན་དག་ན་སྣང་བ་ཀུན། །སྒྲ་འཇོམས་ཁྱད་པར་ཚིག་གིས་དོན་མཚོན་ཏེ། །ཕན་ཚུན་ཤེས་ཤིང་ཡང་དག་བརྡ་སྤྲོད་པའང་། །
དབྱངས་ཅན་ཁྱོད་ཀྱི་མཐུ་སྟེ་བསམ་མི་ཁྱབ། །གཟུངས་དང་ཆོས་ཀྱི་སྟོབས་ལ་དབང་བརྙེས་པ། །དམ་ཚིག་བདེན་གྲུབ་དྲང་སྲོང་ཤེས་ཉེན་ཅན། །ལུས་སེམས་ངག་རྣམས་བྱིན་གྱིས་རློབ་པ་དང་། །ཡིད་འོང་སྒྲས་ཀྱང་འཇིག་རྟེན་ཚིམ་པར་བྱེད། །བྱང་ཆུབ་མཆོག་གི་སྤྱོད་
ཕྱིར་སུ་དག་མོས། །བདག་དང་གཞན་དོན་ཕུན་སུམ་ཚོགས་འགྱུར་བའི། །ལུས་དང་ངག་ཡིད་རྣམ་དག་མཆོག་འདོད་ལ། །བཅོམ་ལྡན་འདས་མས་རྟག་ཏུ་དོན་མཆོག་སྩོལ། །བདག་ནི་དཔའ་ཞིང་བྱང་ཆུབ་ལམ་བརྩོན་དང་། །ལྕེ་ཡི་དབང་པོ་དག་ཅིང་ཚིག་བཙུན་ལ། །རིག་
པའི་གཏེར་ལྡན་སྨྲ་ལ་ཐོགས་མེད་དང་། །བདེ་གཤེགས་སྤོབས་པ་ཉེ་བར་སྒྲུབ་ཏུ་གསོལ། །རིག་པའི་ཡུམ་གྱི་རང་བཞིན་རྟོག་ལས་དབེན། །སྙན་པའི་རྒྱལ་མཚན་དགའ་བའི་ཤུགས་ཀྱིས་བསྐྱོད། །མཁའ་ལ་སྣ་ཚོགས་རྣམ་པར་བྲི་འདོད་ལྟར། །མཚན་ཉིད་རྟོགས་དཀའ་
ཡོན་ཏན་གཏིང་མཐའ་མེད། །ན་མོ་བྷ་ག་བ་ཏེ། བྲཧྨ་ནི། ན་མཿསྭ་ར་སྭ་ཏྱཻ་དེ་བི་སིདྡྷྱནྟུ་མནྟྲ་པཱ་དཾ་བྲཧྨཱ་ནུ་མནྟྲ་སྭཱ་ཧཱ། དཔལ་ལྷ་མོ་སྒྲ་དབྱངས་ལ་བསྟོད་པ་རྫོགས་སོ། ༄༅། །རྒྱ་གར་སྐད་དུ། ཨཱརྱ་ཤྲཱི་མ་ཧཱ་དེ་བི་བྱཱ་ཀ་ར་ཎ། བོད་སྐད་དུ། འཕགས་པ་ལྷ་མོ་ཆེན་མོ་

དཔལ་ལུང་བསྟན་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བདེ་བ་ཅན་ན་བྱང་ཆུབ་སེམས་དཔའི་དགེ་འདུན་ཆེན་པོ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་
འཕགས་པ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་དང་།
བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཇིགས་པ་ཐམས་ཅད་
སེལ་བ་དང་། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དག་བྱེད་ཀྱི་བཀྲ་ཤིས་ཐམས་ཅད་འཛིན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བསོད་ནམས་ཀྱི་མཚན་ཐམས་ཅད་འཛིན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཉི་ཟླ་དང་།
འཇིག་རྟེན་འཛིན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མུ་སྟེགས་ཀྱི་བཀྲ་ཤིས་ཐམས་ཅད་འཛིན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། དེ་ལ་སོགས་པ་བསྐལ་པ་བཟང་པོའི་བྱང་ཆུབ་སེམས་དཔའ་
སེམས་དཔའ་ཆེན་པོ་ཐམས་ཅད་དང་ཐབས་ཅིག་ཏུ་བཞུགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་
ཏུ་འདུག་གོ། །ལྷ་མོ་ཆེན་མོ་དཔལ་ཡང་བཅོམ་ལྡན་འདས་ཀྱི་ཐད་དུ་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལན་འབུམ་བསྐོར་བ་བྱས་ནས་བདེ་བ་ཅན་ན་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་ཡང་མགོ་བོས་

ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་བསོད་ནམས་བརྒྱ་སྟོང་དུ་མས་བརྒྱན་ཅིང་། དེ་བཞིན་གཤེགས་པ་བྱེ་བ་དག་གིས་ཡོངས་སུ་བསྐོར་ཏེ། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཐམས་ཅད་ཀྱིས་
བསྟོད་ཅིང་བསྔགས་སོ། །ལྷ་མོ་ཆེན་མོ་དཔལ་ལ་གཟིགས་ནས་ཚངས་པ་ཆེན་པོའི་གསུང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སྤྱན་རས་གཟིགས་དབང་ཕྱུག་རྒྱལ་པོའམ།
བློན་པོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། བྲམ་ཟེའམ། རྒྱལ་རིགས་སམ། རྗེའུ་རིགས་སམ། དམངས་རིགས་གང་ལ་ལ་ལྷ་མོ་ཆེན་མོ་དཔལ་ཀྱི་མིང་བརྒྱ་རྩ་བརྒྱད་དྲི་མ་མེད་པར་གྲགས་པ་ཞེས་བྱ་བའི་བསྟོད་
པ་འདི་འཆང་ན། རྒྱལ་རིགས་ཀྱི་རྒྱལ་པོ་དེའི་ཡུལ་དང་། སེམས་ཅན་དེ་དག་གི་འཇིགས་པ་དང་། ཡམས་ཀྱི་ནད་དང་། གནོད་པ་ཐམས་ཅད་ཞི་བར་འགྱུར་ཞིང་ཆོམ་རྐུན་དང་གཡོ་ཅན་དང་། མི་དང་མི་མ་ཡིན་པའི་འཇིགས་པ་ཐམས་ཅད་འབྱུང་བར་མི་འགྱུར་ཏེ།
ནོར་དང་འབྲུ་དང་། མཛོད་དང་བང་པ་ཐམས་ཅད་རྣམ་པར་འཕེལ་བར་འགྱུར་རོ། །རྒྱལ་རིགས་ཀྱི་རྒྱལ་པོ་དེའི་ཁྱིམ་དུ་ཡང་དཔལ་ངེས་པར་གནས་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་ཚིག་འདི་སྐད་ཅེས་གསོལ་ཏོ། །བཅོམ་ལྡན་
འདས་གསུང་འདི་ལེགས་པར་བཀའ་སྩལ་པ་ལེགས་སོ་ལེགས་སོ། །ལེགས་ལགས་ཏེ། གང་དག་ལྷ་མོ་ཆེན་མོ་དཔལ་གྱི་མིང་རྣམས་འཛིན་པ་དང་། ཐོས་ནས་ཀྱང་སྒྲུབ་པར་བགྱིད་པ་དེ་དག་གི་ཡོན་ཏན་དང་ཕན་ཡོན་ནི་དེ་དག་ལགས་སོ། །དེ་ནས་བྱང་ཆུབ་སེམས་དཔའ་
སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་མོ་ཆེན་མོ་དཔལ་གྱིས་དགེ་བའི་རྩ་བ་གང་དུ་བསྐྱེད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ཆེན་མོ་དཔལ་

གྱིས་དེ་བཞིན་གཤེགས་པ་གང་གཱའི་ཀླུང་གི་བྱེ་མ་སྙེད་ལ་དགེ་བའི་རྩ་བ་བསྐྱེད་དེ། སྤྱན་རས་གཟིགས་དབང་ཕྱུག་སྔོན་བྱུང་བ་འདས་པའི་དུས་ན་འཇིག་རྟེན་གྱི་ཁམས་རིན་པོ་ཆེ་ལས་བྱུང་བ་ཞེས་བྱ་བན་དེ་བཞིན་གཤེགས་པ་རིན་པོ་ཆེའི་མེ་ཏོག་ཡོན་ཏན་གྱི་རྒྱ་མཚོ་བཻཌཱུརྱ་དང་། གསེར་
གྱི་རི་བོ་མདོག་མཛེས་གསེར་འོད་དཔལ་ཞེས་བྱ་བ་འཇིག་རྟེན་དུ་བྱུང་སྟེ། དེ་བཞིན་གཤེགས་པ་མང་པོ་གཞན་དག་ལ་ཡང་ལྷ་མོ་ཆེན་མོ་དཔལ་གྱིས་དགེ་བའི་རྩ་བ་བསྐྱེད་དོ། །དེ་བཞིན་གཤེགས་པའི་མཚན་འདི་དག་ཀྱང་ལྷ་མོ་ཆེན་མོ་དཔལ་དེའི་དགེ་བའི་རྩ་བ་རྣམ་པར་
འཕེལ་བ་དང་། འགྲུབ་པར་བྱེད་པ་དང་། རྟག་ཏུ་རྗེས་སུ་འབྲང་བ་ཡིན་ཏེ། དེ་དག་ནི་འདིར་ལྷ་མོ་ཆེན་མོ་དཔལ་ཡང་དག་པར་བརྗོད་པ་དང་། སྡིག་པ་ཐམས་ཅད་སེལ་བ་དང་། ཉེས་སྡིག་ཐམས་ཅད་མེད་པར་བྱེད་པ་དང་། ལུས་ཐམས་ཅད་དྲི་མ་མེད་པར་བྱེད་པ་
དང་། ནོར་དང་འབྲུ་རྣམས་འདུ་ཞིང་འཕེལ་བར་བྱེད་པ་དང་། དབུལ་བ་གཅོད་བར་བྱེད་པ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ཐམས་ཅད་འདུན་པར་བྱེད་ཅིང་འགུགས་
པར་བྱེད་པ་དང་། ཡམས་ཀྱི་ནད་དང་། གནོད་པ་དང་། འཐབ་པ་དང་། འཁྲུག་པ་དང་། འགྱེད་པ་དང་། རྩོད་པ་ཐམས་ཅད་ཞི་བར་བྱེད་པ་དང་། ཕ་རོལ་ཏུ་ཕྱིན་པ་དྲུག་སྒྲུབ་པར་བྱེད་པའོ། །འདི་ལྟ་སྟེ། དེ་བཞིན་གཤེགས་པ་དཔལ་སྟུག་པོ་ལ་ཕྱག་འཚལ་
ལོ། །དེ་བཞིན་གཤེགས་པ་རིན་པོ་ཆེའི་མེ་ཏོག་ཡོན་ཏན་གྱི་རྒྱ་མཚོ་བཻ་ཌཱུརྱ་དང་། གསེར་གྱི་རི་བོ་མདོག་མཛེས་གསེར་འོད་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གང་གཱའི་མུ་སྟེགས་ཀྱི་སྒོ་ཐམས་ཅད་བཀྲ་ཤིས་ཀྱི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་ཙནྡན་གྱི་མེ་ཏོག་གཟི་བརྗིད་སྐར་མའི་འོད་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ཏུ་སྣང་བ་གཡུལ་ལས་རྣམ་པར་རྒྱལ་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་རྒྱ་མཚོ་སྣང་བའི་དཀྱིལ་འཁོར་གྱི་དཔལ་ལ་ཕྱག་འཚལ་

ལོ། །དེ་བཞིན་གཤེགས་པ་ཆོས་ཀྱི་ཆོ་འཕྲུལ་རྒྱལ་མཚན་ཤུགས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྐར་འོད་ཞི་བའི་སྤོས་སྣང་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སེམས་ཅན་གྱི་བསམ་པ་ཞི་བར་མཛད་པའི་སྐུའི་དཔལ་
ལ་ཕྱག་འཚལ་ལོ། །དེ་བཞིན་གཤེགས་པ་སྨོན་ལམ་རྒྱ་མཚོ་སྣང་བའི་དཔལ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་ཤིན་ཏུ་ཡོངས་སུ་བརྗོད་པ་མཚན་གསོལ་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཕྱིར་མི་ལྡོག་པའི་འཁོར་ལོ་
རིན་པོ་ཆེའི་གནས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མའི་དཀྱིལ་འཁོར་འོད་འཕགས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་བརྩོན་འགྲུས་གྲངས་མེད་པ་ལ་ཡང་དག་པར་རྫོགས་པའི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་དཔག་ཏུ་མེད་པའི་གསེར་མཆོག་སྣང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་གསུང་གི་ཡན་ལག་ཐམས་ཅད་ཀྱི་སྒྲ་དབྱངས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཤེས་རབ་སྒྲོན་མ་གྲངས་མེད་པའི་འོད་ཀྱི་ཏོག་གི་དཔལ་
ལ་ཕྱག་འཚལ་ལོ། །དེ་བཞིན་གཤེགས་པ་སྲེད་མེད་ཀྱི་བུའི་བརྟུལ་ཞུགས་ཀྱི་ཆོ་ག་ལྷུན་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཚངས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དབང་ཕྱུག་ཆེན་པོའི་དཔལ་ལ་ཕྱག་འཚལ་ལོ། །
དེ་བཞིན་གཤེགས་པ་ཉི་ཟླའི་འོད་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཟབ་མོའི་ཆོས་ཀྱི་འོད་ཀྱི་རྒྱལ་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ནམ་མཁའི་སྒྲོན་མ་འོད་བཟངས་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་འོད་
ཏོག་གི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྤོས་ཀྱི་སྒྲོན་མའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རྒྱ་མཚོའི་སྙིང་པོ་ལས་བྱུང་བའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲུལ་པའི་འབྲུག་སྒྲ་སྙན་པའི་དཔལ་ལ་ཕྱག་འཚལ་

ལོ། །དེ་བཞིན་གཤེགས་པ་ཆོས་ཀྱི་སྣང་བ་ཐམས་ཅད་བཀོད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཤིང་གི་རྒྱལ་པོ་ལྟར་སྐྱེས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་འོད་འཕྲོ་རི་བོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་
པ་ཡེ་ཤེས་འོད་འཕྲོ་རྒྱ་མཚོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྨོན་ལམ་ཆེན་པོའི་ཤུགས་ཀྱི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་སྤྲིན་ཆེན་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་དྲན་པའི་ཏོག་གི་རྒྱལ་པོ་ལ་ཕྱག་འཚལ་
ལོ། །དེ་བཞིན་གཤེགས་པ་དབང་པོ་ཏོག་གི་རྒྱལ་མཚན་གྱི་རྒྱལ་པོའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ནོར་དང་འབྲུ་ཐམས་ཅད་སྡུད་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པ་ཞི་བ་འདྲེན་པའི་དཔལ་ལ་ཕྱག་འཚལ་ལོ། །དེ་བཞིན་
གཤེགས་པ་ཕུན་སུམ་ཚོགས་པ་འགུགས་པའི་དཔལ་ལ་ཕྱག་འཚལ་ལོ། །དེ་བཞིན་གཤེགས་པའི་མཚན་འདི་དག་རིམ་གྲོར་བྱས་ཏེ། བཅང་བར་བྱའོ། །བཀླག་པར་བྱའོ། །དེ་ལྟར་བྱས་ན་རིགས་ཀྱི་བུའམ་རིགས་ཀྱི་བུ་མོ་དེའི་བསོད་ནམས་ཤིན་ཏུ་མང་དུ་བསྐྱེད་པར་
འགྱུར་རོ། །ལྷ་མོ་ཆེན་མོ་དཔལ་དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་ཏེ། ལྷ་མོ་ཆེན་མོ་དཔལ་ཁྱོད་མ་འོངས་པའི་དུས་ན། འཇིག་རྟེན་གྱི་ཁམས་དཔལ་ཆེན་པོ་རིན་པོ་ཆེས་བརྒྱན་པ་ཞེས་བྱ་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
སངས་རྒྱས་དཔལ་ནོར་བུ་རིན་པོ་ཆེ་ལས་བྱུང་བ་ཞེས་བྱ་བར་འགྱུར་ཏེ། འཇིག་རྟེན་གྱི་ཁམས་དེ་ཡང་ལྷའི་རིན་པོ་ཆེ་སྣ་ཚོགས་ཀྱིས་བརྒྱན་པར་འགྱུར་རོ། །འཇིག་རྟེན་གྱི་ཁམས་དེར་དེ་བཞིན་གཤེགས་པ་དེ་ཉིད་སྣང་བར་མཛད་པར་འགྱུར་ལ། འཇིག་རྟེན་གྱི་ཁམས་དེ་ན་གནས་
པའི་བྱང་ཆུབ་སེམས་དཔའ་དེ་དག་ཀྱང་རང་ལས་འོད་འབྱུང་ཞིང་ཚེ་དཔག་ཏུ་མེད་པར་འགྱུར་རོ། །ནམ་མཁའ་ལས་ཀྱང་སངས་རྒྱས་དང་ཆོས་དང་། དགེ་འདུན་གྱི་སྒྲ་འབྱུང་བར་འགྱུར་རོ། །སངས་རྒྱས་ཀྱི་ཞིང་དེར་བྱང་ཆུབ་སེམས་དཔའ་གང་དག་སྐྱེ་བར་འགྱུར་བ་དེ་དག་ཐམས་ཅད་ཀྱང་

པདྨའི་སྙིང་པོ་དག་ལས་སྐྱེ་བར་འགྱུར་རོ། །ཞེས་ལུང་བསྟན་ཏོ་དེ་ལ་མིང་བརྒྱ་རྩ་བརྒྱད་དྲི་མ་མེད་པ་ལྟ་བུ་ཞེས་བྱ་བའི་བསྟོད་པ་རྒྱུན་ཆགས་བཅུ་གཉིས་གང་ཞེ་ན། འཇིགས་པ་མེད་པ་སྤྱན་རས་གཟིགས་དབང་ཕྱུག་ལྷ་མོ་ཆེན་མོ་དཔལ་གྱི་
མིང་རྣམ་པར་ཉོན་ཅིག །འདི་ལྟ་སྟེ། དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བ། ལྷ་ཐམས་ཅད་ཀྱིས་དབང་བསྐུར་བ། དེ་བཞིན་གཤེགས་པ་ཐམས་ཅད་ཀྱི་ཡུམ། ལྷ་ཐམས་ཅད་ཀྱི་མ། དེ་བཞིན་གཤེགས་པ་ཐམས་ཅད་ཀྱི་དཔལ།
བྱང་ཆུབ་སེམས་དཔའ་ཐམས་ཅད་ཀྱི་དཔལ། འཕགས་པ་ཉན་ཐོས་དང་། རང་སངས་རྒྱས་ཐམས་ཅད་ཀྱི་དཔལ། ཚངས་པ་དང་། ཁྱབ་འཇུག་དང་། དབང་ཕྱུག་ཆེན་པོ་རྣམས་ཀྱི་དཔལ། ལྷ་ལ་སོགས་པ་ཐམས་ཅད་ཀྱི་དཔལ། གནས་ཐམས་ཅད་
ཡོད་པའི་དཔལ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ཐམས་ཅད་ཀྱི་དཔལ། རིག་སྔགས་འཆང་དང་། ལག་ན་རྡོ་རྗེ་དང་། རྡོ་རྗེ་འཆང་ཐམས་ཅད་ཀྱི་དཔལ། འཇིག་
རྟེན་སྐྱོང་བ་བཞི་དང་ལྔའི་དཔལ་གཟའ་བརྒྱད་དང་རྒྱུ་སྐར་ཉི་ཤུ་རྩ་བརྒྱད་ཀྱི་དཔལ་ལོ། །ཨོཾ་ཉི་མའི་བུ་མོའམ། ཡུམ་རིག་བྱེད་བཞིའི་དཔལ། བཀྲ་ཤིས་མ། སེམས་ཅན་གྱི་མ། རྒྱལ་མ། རྣམ་པར་རྒྱལ་མ། གང་གཱ་མ། མུ་སྟེགས་ཐམས་ཅད་མ། བཀྲ་
ཤིས་ཐམས་ཅད་མ། དྲི་མ་མེད་པར་བྱེད་པའི་དཔལ། སྡིག་པ་ཐམས་ཅད་འཕྲོག་མ། རྒྱགས་བྱེད་མ། ཟླ་བའི་དཔལ། ཉི་མའི་དཔལ། གཟའ་ཐམས་ཅད་ཀྱི་དཔལ། སེང་གེ་ལ་ཞོན་མ། པདྨའི་མཆོག་འབུམ་གྱིས་བཀབ་མ། པདྨ། པདྨ་ལས་བྱུང་མ། པདྨ་ལ་
གནས་མ། པདྨ་འཛིན་མ། པདྨ་དང་ལྡན་མ། རིན་པོ་ཆེ་འོད་འབར་བའི་ཕྲེང་བ་དུམ་དང་ལྡན་མ། ནོར་སྦྱིན་མ། དཀར་མོ་དཀར་མོ་ཆེན་མོ། །ལག་དཀར་མ། བཀྲ་ཤིས་ཐམས་ཅད་འཛིན་མ། བསོད་ནམས་ཐམས་ཅད་བསགས་པའི་ལུས་ཅན་མ། ཤེས་ཉེན་ཅན་གྱི་བུ་མོ།

ལག་པ་འབུམ་ལྡན་མ། མིག་འབུམ་ལྡན་མ། མགོ་འབུམ་ལྡན་མ། ནོར་བུ་རྣམ་པ་སྣ་ཚོགས་ཀྱི་ཅོད་པན་དང་ལྡན་མ། གཟུགས་བཟང་མ། ཀུན་གྱི་གཟུགས་ཅན་མ། གྲགས་མ། ཤིན་ཏུ་གྲགས་མ། ཞི་མ། སྤྲིན་འདྲ་བའི་སྐྲ་གཙང་མ། ཟླ་བ་ལྟར་མཛེས་མ། དགེ་མ། དགེ་བྱེད་མ།
སེམས་ཅན་ཐམས་ཅད་ལ་མངོན་དུ་ཕྱོགས་པའི་དཔལ། འཕགས་མ་མེ་ཏོག་གི་དཔལ་མེ་ཏོག་གི་དབང་ཕྱུག་མ། རིའི་རྒྱལ་པོ་རི་རབ་ཐམས་ཅད་ཀྱི་དཔལ། ཆུ་ཀླུང་དང་། མཚོ་ཐམས་ཅད་ཀྱི་དཔལ། ཆུ་དང་རྒྱ་མཚོ་ཐམས་ཅད་ཀྱི་དཔལ། མུ་སྟེགས་ཐམས་ཅད་མངོན་དུ་ཕྱོགས་པའི་
དཔལ། སྨན་དང་། རྩྭ་དང་། ནགས་ཚལ་དང་། ནོར་དང་འབྲུ་ཐམས་ཅད་ཀྱི་དཔལ། གསེར་སྦྱིན་མ། ཟས་དང་སྐོམ་སྦྱིན་མ། འོད་གསལ་མ། སྣང་མ། ལུས་གཙང་མ། དེ་བཞིན་གཤེགས་པ་ཐམས་ཅད་ཀྱི་དབང་བསྒྱུར་མ། ལྷའི་ཚོགས་ཐམས་ཅད་ལ་མངོན་དུ་ཕྱོགས་མའི་དཔལ།
གཤིན་རྗེ་དང་། ཆུ་ལྷ་དང་། ལུས་ངན་དང་། བརྒྱ་བྱིན་ལ་སོགས་པའི་དཔལ། སྦྱིན་བྱེད་མ། ལོངས་སྤྱོད་མ། གཟི་བརྗིད་མ། གཟི་བརྗིད་ལྡན་མ། ཕུན་སུམ་ཚོགས་མ། འབྱོར་པ་མ། རྣམ་པར་འཕེལ་མ། མཐོང་མ། ཆོས་ཀྱི་དཔལ་མ། ཁྱབ་འཇུག་ལ་རྟེན་མ། ཀུ་མུ་ད་ལ་
གནས་མ། གནོད་སྦྱིན་མ། བཟོད་སྦྱིན་མ། མཐུ་རྩལ་གྱི་གནས་མ། དག་བྱེད་དང་བཀྲ་ཤིས་ཐམས་ཅད་ཀྱི་ལག་ལྡན་མ། བཀྲ་མི་ཤིས་པ་ཐམས་ཅད་འཇིགས་བྱེད་མ། བསོད་ནམས་ཐམས་ཅད་སྡུད་པའི་དཔལ། ས་ཐམས་ཅད་དང་རྒྱལ་པོ་ཐམས་ཅད་ཀྱི་དཔལ། རིག་སྔགས་
འཆང་གི་རྒྱལ་པོ་ཐམས་ཅད་ཀྱི་དཔལ། འབྱུང་པོ་དང་། གནོད་སྦྱིན་དང་། སྲིན་པོ་དང་། ཡི་དགས་དང་། ཤ་ཟ་དང་། གྲུལ་བུམ་དང་། ལྟོ་འཕྱེ་ཆེན་པོ་ཐམས་ཅད་ཀྱི་དཔལ། ལྷའི་གནས་དང་། ལྷ་ཐམས་ཅད་ཀྱི་དཔལ། བཟླས་བརྗོད་དང་། བཟླས་བརྗོད་དུ་བྱ་བ་དང་། སྦྱིན་སྲེག་དང་།
སྦྱིན་སྲེག་ཏུ་བྱ་བ་དང་། བཀྲ་ཤིས་ཐམས་ཅད་ཀྱི་དཔལ། འོད་ལྡན་མ། མཆོག་དགའ་མ། སྐལ་བས་འགྱུར་མ། དྲང་སྲོང་ཐམས་ཅད་དགའ་བར་བརྗོད་པའི་དཔལ། བུད་མེད་ཐམས་ཅད་ཀྱི་གནས་ཀུན་གྱི་གཙོ་མོ་དཔལ་གྱི་མཆོག །མིའམ་ཅི་མོ་ཐམས་ཅད་དང་། ལྷ་མ་ཡིན་མོ་ཐམས་

ཅད་ཀྱི་དཔལ་གྱི་མཆོག །ཁ་ན་མ་ཐོ་བ་མེད་པའི་གནས་ན་འདུག་མ། ཡིད་འོང་མ། སིམ་བྱེད་མ། ལུས་ངན་ལ་སྡུག་མ། ཆོས་ཀྱི་རྒྱལ་པོའི་དཔལ། ཨོཾ་སྡུག་བསྔལ་ཐམས་ཅད་ལས་རྣམ་པར་གཟིགས་ཤིང་སྒྲོལ་ཅིག །ཐར་བར་མཛོད་ཅིག །བསོད་ནམས་ཀྱི་
ཚོགས་ཐམས་ཅད་བདག་ལ་མངོན་དུ་གྱུར་པར་མཛོད་ཅིག་སྭཱ་ཧཱ། ཨོཾ་གང་ག་སརྦ་ཏི་ཪྠ་མུ་ཁེ་སྭཱ་ཧཱ། ཨོཾ་སརྦ་བིད་ཏྲེ་སྭཱ་ཧཱ། སརྦ་མཾ་ག་ལ་དྷཱ་ར་ཎཱི་སྭཱ་ཧཱ། ཙ་ཏུ་ར་བ་དེ་སརྦ་ནཀྵ་ཏྲ། གྲཱ་ཧཱ་ག །ནཱ་ཧཱ་ག ། ནཱ་དྷཱ་མཱུ་རྟ་ཡེ་སྭཱ་ཧཱ། པྲཧྨཱ་ཡ་སྭཱ་ཧཱ། བིཥྞ་བེ་སྭཱ་ཧཱ། རུདྲཱ་ཡ་སྭཱ་ཧཱ། བི་ཤྭ་མུ་ཁཱ་ཡ་སྭཱ་ཧཱ།
ཨོཾ་གྲི་ནི་གྲི་ན་སརྦ་ཀརྱ་སཱ་དྷ་ནི། སི་ནི་སི་ནི། ཨཱ་བཱ་ཧཱ། དེ་བ་ཧཱ། བཻ་ཤྲ་མ་ནཱ་ཡ་སྭཱ་ཧཱ། སུ་བརྞ། དྷ་ན་དྷ་ནྱ། ཨཱ་ཀཪྵཎྱཻ་སྭཱ་ཧཱ། སརྦ་པུཎྱཱ་ཨཱ་ཀཪྵ་ཎྱཻ་སྭཱ་ཧཱ། ཤྲཱི་ཧེ་བ་ཏེ་ཨཱ་ཀཪྵ་ཎྱཻ་སྭཱ་ཧཱ། སརྦ་པཱ་པ་ན་ཤ་མཻ་སྭཱ་ཧཱ། སརྦ་ཨ་ལ་ཀྵྨཱི་པྲ་ཤ་མ་ནྱཻ་སྭཱ་ཧཱ། སརྦ་ཏ་ཐཱ་ག་ཏ་ཨ་བྷི་ཥེ་ཀ་ཡེ་སྭཱ་ཧཱ།
སརྦ་དེ་བ་ཏ་ཨ་བྷི་མུ་ཁ་ཤྲི་ཡེ་ཨཱ་ཡུཪྦ་ལ་པརྞ་ཀེ་ར་ཡེ་སྭཱ་ཧཱ། སརྦ་བིད་ཏྭ་མཾ་ག་ལ་ཧ་སྟཱ་ཡ་སྭཱ་ཧཱ། སིཾ་ཧ་བ་ཧ་ན་ནཻ་སྭཱ་ཧཱ། པདྨ་སཾ་བྷཱུ་ཏ་ཡེ་སྭཱ་ཧཱ། སརྦ་ཀྲྀད་ཏི་ཀ་ཁོ་རྡ་བ་ནི་ཤ་མཻ་སྭཱ་ཧཱ། འཇིགས་པ་མེད་པ་སྤྱན་རས་གཟིགས་དབང་ཕྱུག །གང་ལ་ལ་ལྷ་མོ་ཆེན་མོ་དཔལ་གྱི་
མིང་ཉེས་སྡིག་ཐམས་ཅད་མེད་པར་བྱེད་པ། སྡིག་པ་ཐམས་ཅད་འཇོམས་པར་བྱེད་པ། བསོད་ནམས་ཐམས་ཅད་སྡུད་པར་བྱེད་པ། བཀྲ་མི་ཤིས་པ་ཐམས་ཅད་མེད་པར་བྱེད་པ། དཔལ་དང་བདེ་བ་དང་། སྐལ་བ་བཟང་པོ་ཐམས་ཅད་སྡུད་པར་བྱེད་པ་འདི་དག་དང་། དེ་བཞིན་
གཤེགས་པའི་མཚན་འདི་དག་འཆང་བ་དང་། ཀློག་པར་བྱེད་པ་དེས་ནང་པར་ལངས་ཏེ་གཙང་མར་བྱས་ལ། སངས་རྒྱས་ཐམས་ཅད་ལ་མེ་ཏོག་དང་བདུག་པ་གསོལ་ནས། ལྷ་མོ་ཆེན་མོ་དཔལ་ལ་ཡང་ཙནྡན་གྱི་བདུག་པ་ཕུལ་ཏེ་བཀླགས་ན་དེས་དཔལ་ཐམས་ཅད་མཐོང་བར་འགྱུར།
བདེ་བ་དང་ཡིད་བདེ་བ་ཐམས་ཅད་ཐོབ་པར་འགྱུར། ལྷ་ཐམས་ཅད་ཀྱང་བསྲུང་བ་དང་། བསྐྱབ་པ་དང་། སྦེད་པར་བྱེད་པར་འགྱུར། དེའི་དགོས་པ་ཐམས་ཅད་ཀྱང་འགྲུབ་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་འཇིགས་པ་མེད་པ་སྤྱན་རས་

གཟིགས་དབང་ཕྱུག་དང་། ལྷ་མོ་ཆེན་མོའི་དཔལ་དེ་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་མི་དང་ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ལྷ་མོ་ཆེན་མོ་དཔལ་ལུང་བསྟན་
པ་རྫོགས་སོ།། ༄༅། །རྒྱ་གར་སྐད་དུ། ཨཱརྱ་མ་ཧཱ་ལཀྵྨི་ཎཱི་སཱུ་ཏྲ། བོད་སྐད་དུ། འཕགས་པ་དཔལ་ཆེན་མོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བདེ་བ་ཅན་ན་
བཞུགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་བསྐོར་བ་ལན་གསུམ་བྱས་ཏེ་ཕྱོགས་གཅིག་
ཏུ་འདུག་གོ། །དེ་ནས་བཅོམ་ལྡན་འདས་ཀྱིས་དཔལ་ཆེན་མོ་ལ་གཟིགས་ནས་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །དཔལ་ཆེན་མོའི་མཚན་བཅུ་གཉིས་པོ་འདི་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དེ་མ་ཡིན་པ་
གཞན་ཡང་རུང་སྟེ། གང་གིས་ཤེས་པ་དང་། གང་ལ་ལ་འཆང་བ་དང་། ཀློག་པ་དང་། འདྲི་བ་དང་། འདྲིར་འཇུག་པ་དེ་ནི་དབུལ་བ་བོར་ཏེ་ཕྱུག་པོར་འགྱུར་རོ། །དེ་ནས་འབྱུང་པོའི་ཚོགས་ཐམས་ཅད་ཀྱིས་དེ་ལྟར་གྱུར་ཅིག་ཅེས་ཀུན་ནས་གསོལ་ཏོ། །དེ་ནས་བཅོམ་ལྡན་འདས་ཀྱིས་
དཔལ་ཆེན་མོའི་མཚན་བཅུ་གཉིས་པོ་བཀའ་སྩལ་པ་འདི་ལྟ་སྟེ། དཔལ་ལྡན་མ། བཀྲ་ཤིས་མ། པདྨའི་ཕྲེང་བ་ཅན། ནོར་གྱི་བདག་མོ། དཀར་མོ། གྲགས་པ་ཆེན་མོ། པདྨའི་སྤྱན། འོད་ཆེན་མོ། བྱེད་པ་མོ། ཟས་སྦྱིན་མ། རིན་པོ་ཆེ་རབ་ཏུ་སྦྱིན་མ། དཔལ་ཆེན་མོ། སྱཱད་ཡ་ཐེ་དཾ།
ཛི་ནི། གྷྲི་ནི། སརྦ་ཨཪྠ་སཱ་དྷ་ནི། ཤ་ཤི་ནི། ཨ་ལཀྵྨི་ནི། མེ་ནཱ་ཤ་ཡ། སིདྡྷྱ་ནྟུ་མེ་མནྟྲ་པ་དཱཿསྭཱ་ཧཱ། ཨ་བྷྲྀ་ཀུ་ཊཱི་པ་ར་མ་སུ་བྷ་གེ་སྭཱ་ཧཱ། ལན་གསུམ་དུ་བརྗོད་པར་བྱ་སྟེ། གང་ལ་ལ་དུས་གསུམ་དུ་འདོན་པ་དེའི་མི་མཐུན་པའི་ཕྱོགས་ཐམས་ཅད་འཇིག་པར་འགྱུར་རོ། །སྐལ་བ་བཟང་པོ་དང་ལྡན་

པར་འགྱུར་རོ། །འབྱོར་པ་ཟད་མི་ཤེས་པར་འགྱུར་རོ། །མི་དང་ཕྲད་དུ་འགྲོ་བའི་ཚེ་བཀླགས་ནས་ཕྲད་པར་བྱས་ན་མི་དེས་དེ་ལ་བུའི་འདུ་ཤེས་སྐྱེད་པར་འགྱུར་ཏེ་དགའ་བར་འགྱུར་ལ་ཇི་སྐད་བསྒོ་བ་བཞིན་བྱེད་དོ། །རྟག་ཏུ་རྒྱུན་མི་འཆད་པར་བཀླགས་ན་ཚངས་པ་དང་།
བྲམ་ཟེས་དྲག་ཤུལ་གྱི་ལས་བྱས་ཀྱང་མི་ཚུགས་པར་འགྱུར་ལ། སངས་རྒྱས་མང་པོ་ལ་བསྙེན་བཀུར་བྱས་པར་ཡང་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ཡི་རངས་ཏེ། བཅོམ་
ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དཔལ་ཆེན་མོའི་མདོ་རྫོགས་སོ།། །རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
༄༅། །དཔལ་གྱི་ལྷ་མོའི་མཚན་བཅུ་གཉིས་པ། དཀོན་མཆོག་གསུམ་ལ་ཕྱག་འཚལ་ལོ། །འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཕྱག་ན་རྡོ་རྗེ་ལ་ཕྱག་འཚལ་ལོ། །དཔལ་ལྷ་མོ་ཆེན་མོ་ལ་ཕྱག་འཚལ་ལོ། །འདི་སྐད་བདག་གིས་
ཐོས་པ་དུས་གཅིག་ན། བཅོམ་ལྡན་འདས་བདེ་བ་ཅན་གྱི་འཇིག་རྟེན་ན་བཞུགས་ཏེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་
འཚལ་ཏེ་ཕྱོགས་གཅིག་ཏུ་འདུག་གོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དཔལ་ལྷ་མོ་ཆེན་མོ་ཡང་བཅོམ་ལྡན་འདས་ག་ལ་བ་དེར་སོང་སྟེ་དྲུང་དུ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །དེ་ནས་
བཅོམ་ལྡན་འདས་ཀྱིས་དཔལ་ཆེན་མོ་ལ་གཟིགས་ནས། སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །སྤྱན་རས་གཟིགས་དབང་ཕྱུག་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། སེམས་ཅན་གང་སུ་ཡང་རུང་བས་དཔལ་ཆེན་

མོ་འདིའི་མིང་བཅུ་གཉིས་ཤེས་ཏེ། འཆང་བ་དང་། ཀློག་པ་དང་། སྒྲུབ་པར་བྱེད་པ་དང་། རྗོད་པར་ཡང་བྱེད་ན་དེ་དབུལ་པོ་སྤངས་ནས་ཕྱུག་པོ་ཆེན་པོར་འགྱུར་རོ། །དེ་ནས་འབྱུང་པོའི་ཚོགས་ཐམས་ཅད་ཀྱིས་ཀྱང་དེ་བཞིན་དུ་གྱུར་ཅིག་ཅེས་སྨྲས་སོ། །དཔལ་ལྷ་མོ་ཆེན་མོའི་
མིང་བཅུ་གཉིས་ནི་འདི་ལྟ་སྟེ། བཀྲ་ཤིས་མ། དཔལ་ལྡན་མ། པདྨའི་ཕྲེང་ཐོགས་མ། ནོར་བདག་མ། དཀར་ཤམ་མ། གྲགས་ཆེན་མ། པདྨ་སྤྱན་མངའ་མ། འོད་ཆེན་མ། བྱེད་པ་མོ། ཟས་སྦྱིན་མ། རིན་ཆེན་འོད་ལྡན་མ། དཔལ་ཆེན་
མོ་མ། སངས་རྒྱས་ཐམས་ཅད་ལ་ཕྱག་འཚལ་ལོ། །སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །དཔལ་ཆེན་མོ་ལ་ཕྱག་འཚལ་ལོ། །འདི་ལྟ་སྟེ། ཛི་ནི། གྷྲི་ཎི། དགོས་པ་ཐམས་ཅད་སྒྲུབ་པར་མཛད་མ། སི་མི་སི་མི། ནི་མི་ནི་མི།
བདག་གི་མི་ཤེས་པ་ཐམས་ཅད་བསལ་བར་མཛོད་ཅིག་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའོ།།
དཔལ་གྱི་ལྷ་མོ་ཆེན་མོའི་མཚན་བཅུ་གཉིས་པ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། ༄༅། །རྒྱ་གར་སྐད་དུ། ཨ་གྲ་བིདྱཱ་མནྟྲ།
བོད་སྐད་དུ། མཆོག་ཐོབ་པའི་རིག་སྔགས། བཅོམ་ལྡན་འདས་མ་ལྷ་མོ་དུང་ཅན་མ་ལ་ཕྱག་འཚལ་ལོ། །བསྙེན་པ་རྫོགས་པར་བྱེད་པ། གཟི་བརྗིད་རྒྱས་པར་བྱེད་པ། ལོངས་སྤྱོད་འཕེལ་བར་བྱེད་པ། དབང་ཕྱུག་འཕེལ་བར་བྱེད་པ། འཁོར་འཕེལ་བར་
བྱེད་པ། ཚེ་འཕེལ་བར་བྱེད་པ། དགྲ་ཞི་བར་བྱེད་པ། བགེགས་ཞི་བར་བྱེད་པའོ། །དཀོན་མཆོག་གསུམ་ལ་མཆོད་པ་ཕུལ་ལ། སེམས་བྱམས་པ་ལ་གནས་པས་དུས་གཅིག་ལ་ལན་བརྒྱ་རྩ་བརྒྱད་བརྗོད་པར་བྱའོ། །འདི་ལྟ་སྟེ། ན་མཿསརྦ་ཏ་ཐཱ་ག་ཏཱ་ནཱཾ། ཏདྱ་ཐཱ། ཨོཾ་

ཤདྑི་ནི་དེ་བི་ཏ་ཨཱ་གཙྪ། ཨཱ་གཙྪ། ཏིཥྛ་དྷ་ནེ་དྷ་ན་ཛ་ཡེ། བྲཱི་བྲཱི་བྲཱྀ་དྡྷི་ཀ་རི། དྷྲི་དྷྲི། དྷྲྀ་ཏི་ཀ་རཱི་ནཱ་ན། བི་བི་དྱཱ་བེ་ཤ་བསྟ། ཨཱ་ཡུརྡྷ་ར་ཎི་ཡུ་ཡུ། ཨཱ་ཡུཥྦཱ་ལ་ནི་ཏ་ཐཱ་ག་ཏཱ་སྨ་ར་བོ་དྷི་ཙིཏྟ། མ་ཏཱི་ལཾ་བོ་ད་ར། དེ་ཧི་མེ་བར་ན་ཤདྦི་ནི་སྭཱ་ཧཱ། བདག་དགེ་བ་འདི་ཉིད་ཀྱིས་སྤྲུལ་པའི་སྐུ་འདི་
ཉིད་དུ་མཐོང་བར་གྱུར་ཅིག །སྟོང་པ་ཉིད་ལ་བཟོད་པ་ཐོབ་པར་གྱུར་ཅིག །སྟོང་པ་ཉིད་ཀྱི་དོན་མཐོང་བར་གྱུར་ཅིག །སྟོང་པ་ཉིད་ཀྱིས་དོན་བྱེད་པར་གྱུར་ཅིག །འདི་བརྗོད་པས་བར་དུ་གཅོད་པ་ཐམས་ཅད་ཀྱང་རྣམ་པར་སེལ་བར་འགྱུར་རོ། །འཕགས་པ་མཆོག་ཐོབ་པ་ཞེས་བྱ་བ་རྫོགས་
སོ།། ༄༅། །རྒྱ་གར་སྐད་དུ། ཨཱརྱ་སརྦ་ཀརྨ་ཨཱ་བ་ར་ཎ་བི་ཤོ་དྷ་ནི་ནཱ་མདྷཱ་ར་ཎཱི། བོད་སྐད་དུ། འཕགས་པ་ལས་ཀྱི་སྒྲིབ་པ་ཐམས་ཅད་རྣམ་པར་སྦྱོང་བ་ཞེས་བྱ་བའི་གཟུངས། བཅོམ་ལྡན་འདས་མི་འཁྲུགས་པ་ལ་ཕྱག་འཚལ་ལོ། །ན་མོ་རཏྣ་ཏྲ་ཡཱ་ཡ། ཨོཾ་ཀཾ་ཀ་ནི་ཀཾ་
ཀ་ནི། རོ་ཙ་ནི་རོ་ཙ་ནི། ཏྲོ་ཊ་ནི་ཏྲོ་ཊ་ནི། ཏྲཱ་ས་ནི་ཏྲཱ་ས་ནི། པྲ་ཏི་ཧ་ན་པྲ་ཏི་ཧ་ན། སརྦ་ཀརྨ་པ་རཾ་པ་རཱ་ཎི་མེ་སྭཱ་ཧཱ། གཟུངས་སྔགས་འདིའི་ཆོག་ནི་འདི་ཡིན་ཏེ། རྟག་ཏུ་བཟླས་བརྗོད་བྱས་ན་ལས་གཅིག་ནས་གཅིག་ཏུ་བརྒྱུད་པ་ཐམས་ཅད་རྣམ་པར་དག་པར་འགྱུར་རོ། །དུས་གསུམ་དུ་བཟླས་བརྗོད་
བྱས་ན་མཚམས་མེད་པ་ལྔ་ཡང་བྱང་བར་འགྱུར་རོ། །ལན་ཅིག་བཟླས་བརྗོད་བྱས་ན་ལྟས་ངན་པ་དང་། རྨི་ལམ་ངན་པ་དང་བཀྲ་མི་ཤིས་པ་རྣམས་མེད་པར་འགྱུར་རོ། །ལུས་ལ་འཆང་ངམ་གླེགས་བམ་ལ་བྲིས་ནས་མགུལ་དུ་ཐོགས་ཏེ་འཆང་ན་དེ་ལ་དུས་མ་ཡིན་པར་འཆི་བ་རྣམས་གཏན་དུ་འབྱུང་བར་མི་འགྱུར་
རོ། །གང་ཞིག་སྙིང་རྗེས་ནོན་ཏེ་རི་དགས་དང་བྱ་དང་མི་དང་མི་མ་ཡིན་པ་རྣམས་ཀྱང་རུང་སྟེ། འཆི་བའི་རྣ་ཁུང་དུ་བརྗོད་ན་དེ་ངན་སོང་དུ་འགྲོ་བར་མི་འགྱུར་རོ། །ཡང་ན་ཤི་སྟེ་དུས་ལས་འདས་ན་ཤི་འཕོས་པའི་མིང་ནས་སྨོས་ཏེ་དེའི་ཕྱིར་བྱམས་པ་དང་སྙིང་རྗེས་ལན་བརྒྱའམ་སྟོང་ངམ་འབུམ་བརྗོད་ན་སེམས་
ཅན་དེ་སེམས་ཅན་དམྱལ་བར་སྐྱེས་སུ་ཟིན་ཀྱང་དེའི་མོད་ལ་ཐར་བར་འགྱུར་རོ། །སའམ་ཏིལ་ལམ་ཡུངས་ཀར་རམ་ཆུ་གང་ཡང་རུང་བ་ལ་བཟླས་བརྗོད་བྱས་ཏེ་ཤི་བའི་ལུས་ལ་གཏོར་རམ། ཁྲུས་བྱས་ནས་དེའི་འོག་ཏུ་བསྲེག་པའམ། ཡང་ན་མཆོད་རྟེན་གྱི་ནང་དུ་བཅུག་སྟེ་བཞག་ལ། རིག་སྔགས་ཀྱང་བྲིས་ཏེ་

མགོ་བོ་ལ་བཏགས་ན་དེ་ངན་སོང་དུ་སྐྱེས་པ་ཡང་ཞག་བདུན་གྱིས་གདོན་མི་ཟ་བར་ཐར་ཏེ་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བར་འགྱུར་བའམ། ཡང་ན་རང་གི་སྨོན་ལམ་གྱི་དབང་གིས་སྐྱེ་བར་འགྱུར་རོ། །གང་ཞིག་ཟླ་བ་ཉ་བའི་ཚེ་ཁྲུས་བྱས་ལ་གཙང་མར་བྱས་ཏེ་དུས་གསུམ་དུ་གོས་བརྗེ་ཞིང་ཁ་ཟས་
མི་ཟ་བའམ་ཡང་ན་ཟས་དཀར་བག་བཟའ་ཞིང་སྐུ་གདུང་དང་ལྡན་པའི་མཆོད་རྟེན་སྐོར་བཞིན་དུ་གང་གི་མིང་དང་ལྡན་པས་ལན་འབུམ་བཟླས་བརྗོད་བྱས་ན་དེ་ངན་སོང་ནས་ཐར་ཏེ་གནས་གཙང་མའི་ལྷའི་རིས་སུ་སྐྱེས་ནས་སྒྲུབ་པ་པོའི་ཐད་དུ་འོངས་ཏེ་མཆོད་པ་བྱེད་ཅིང་ལུས་ཀྱང་སྟོན་ལ་ལེགས་
སོ། །ཞེས་བྱ་བ་ཡང་བྱིན་ནས་ལན་གསུམ་བསྐོར་བ་བྱས་ཏེ་མི་སྣང་བར་འགྱུར་རོ། །དེའི་མིང་བྲིས་ལ་གཟུངས་སྔགས་བཟླས་བརྗོད་བྱེད་ཅིང་མཆོད་རྟེན་འབུམ་བྱས་ལ་གདུགས་དང་། རྒྱལ་མཚན་དང་། བ་དན་ལ་སོགས་པས་ལེགས་པར་མཆོད་ནས་རྒྱ་མཚོ་ཆེན་པོ་དང་།
ཡང་ན་ཆུ་ཀླུང་དུ་བཏང་ན་དེས་སེམས་ཅན་དམྱལ་བ་ལ་སོགས་པ་ནས་ཐར་བར་འགྱུར་རོ། །ཡང་ན་དེ་ལྟར་མཆོད་པ་བྱས་ནས་མཇུག་ཏུ་ལམ་གྱི་བཞི་མདོར་མཆོད་རྟེན་ཆེན་པོ་བྱས་ཏེ། གདུགས་དང་། རྒྱལ་མཚན་དང་། བ་དན་ལ་སོགས་པས་ལེགས་པར་མཆོད་ལ་འཕགས་པའི་དགེ་
འདུན་ལ་ཡང་མཆོད་སྟོན་གསོལ་ནས་ཡོན་ཡང་ཕུལ་ཏེ་ལེགས་པར་མཆོད་ནས་འདི་ཆེ་གེ་མོ་ཞིག་གི་དགེ་བའི་རྩ་བར་གྱུར་ཅིག །འདི་ཁོ་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་སྐྱེ་བར་གྱུར་ཅིག་ཅེས་ཀྱང་ཤེས་པར་བྱས་ན་དེ་ཁོ་ན་བཞིན་དུ་སྐྱེས་ནས་ལུས་ཀྱང་སྟོན་ཅིང་ལེགས་སོ་ཞེས་བྱ་བ་ཡང་
བྱིན་ནས་མི་སྣང་བར་འགྱུར་རོ། །མཚམས་མེད་པ་ལྔ་བྱེད་པའམ། དམ་པའི་ཆོས་སྤོང་བའམ། འཕགས་པ་ལ་སྐུར་པ་བཏབ་པ་ཡང་རུང་སྟེ་འཆི་ཀར་རྩིག་པ་ལ་གཟུངས་སྔགས་འདི་བྲིས་པ་མཐོང་ན། དེའི་ལས་ཀྱི་སྒྲིབ་པ་ཐམས་ཅད་ཟད་པར་འགྱུར་ན། འདོན་པ་དང་བཟླས་བརྗོད་
བྱེད་པ་ལྟ་ཅི་སྨོས་ཏེ། དེ་བཞིན་གཤེགས་པ་དེ་ཉིད་བྱོན་ནས་འདི་སྐད་དུ་རིགས་ཀྱི་བུ་ཚུར་དའི་གན་དུ་ཤོག་ཅེས་ཀྱང་གསུང་བར་འགྱུར་རོ། །འཕགས་པ་ལས་ཀྱི་སྒྲིབ་པ་ཐམས་ཅད་རྣམ་པར་སྦྱོང་བ་ཞེས་བྱ་བའི་གཟུངས་རྫོགས་སོ།། །།

༄༅༅། །རྒྱ་གར་སྐད་དུ། ཨཱརྱ་བཛྲ་པཱ་ཏཱ་ལ་ནཱ་མ་ཏནྟྲ་རཱ་ཛཱ། བོད་སྐད་དུ། འཕགས་པ་རྡོ་རྗེ་ས་འོག་གི་རྒྱུད་ཀྱི་རྒྱལ་པོ་ཞེས་བྱ་བ། བླ་མ་དང་འཇམ་པའི་དབྱངས་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ཀྱི་
གཙུག་ལག་ཁང་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དགེ་སློང་གི་དགེ་འདུན་ཆེན་པོ་བརྒྱ་ཕྲག་ཕྱེད་དང་བཅུ་གསུམ་དང་། ལྷའི་ཚོགས་དང་། བྱང་ཆུབ་སེམས་དཔའི་དགེ་འདུན་དང་ཐབས་ཅིག་ཏུ་བཞུགས་པ་ལ་འདི་ལྟ་སྟེ། བྱང་ཆུབ་
སེམས་དཔའ་དྲི་མ་མེད་པའི་བློ་གྲོས་དང་། བྱང་ཆུབ་སེམས་དཔའ་བསམ་གྱིས་མི་ཁྱབ་པའི་བློ་གྲོས་དང་། བློ་གྲོས་ཐམས་ཅད་པ་དང་། བློ་གྲོས་འཕེལ་བ་དང་། འཇིག་རྟེན་གསུམ་རྣམ་པར་གནོན་པའི་བློ་གྲོས་དང་། ནམ་མཁའི་མཛོད་དང་། ཀུན་དུ་བཟང་པོ་དང་། འཇམ་དཔལ་གཞོན་
ནུར་གྱུར་པ་དང་། བྱང་ཆུབ་སེམས་དཔའ་སྲེད་མེད་ཀྱི་བུ་དང་། མི་ཐུབ་བསྲེལ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། དེ་དག་ལ་སོགས་པ་བྱང་ཆུབ་སེམས་དཔའ་སྟོང་ཕྲག་བཅུ་དྲུག་དང་། ཉན་ཐོས་ཀྱི་དགེ་འདུན་ལ་འདི་ལྟ་སྟེ། རབ་
འབྱོར་དང་། ཀ་ཏྱའི་བུ་དང་། འོད་སྲུང་དང་། ལྟེང་རྒྱས་འོད་སྲུང་དང་། མཽད་གལ་གྱི་བུ་དང་། མཽད་གལ་གྱི་བུ་ཆེན་པོ་དང་། གླང་པོའི་མཆོད་རྟེན་དང་། ཤ་ར་དྭ་ཏིའི་བུ་དང་། དེ་དག་ལ་སོགས་པ་ཉན་ཐོས་སྟོང་ཕྲག་ཉི་ཤུ་རྩ་བརྒྱད་ཀྱིས་བཅོམ་ལྡན་འདས་ལ་ཡོངས་སུ་བསྐོར་ཅིང་མདུན་དུ་
བདར་ཏེ་བཞུགས་སོ། །གཞན་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ཅིའི་སྐྱེས་བུ་དང་། ལྟོ་འཕྱེ་ཆེན་པོ་རྣམས་ཀྱང་འཁོར་འདུས་པ་དེའི་ནང་དུ་ཆོས་ཉན་པའི་ཕྱིར་ལྷགས་སོ། །དེ་ནས་དེའི་ཚེ་བཅོམ་ལྡན་འདས་
ཀྱིས་འཁོར་གྱི་དཀྱིལ་འཁོར་དེར་བྱང་ཆུབ་སེམས་དཔའ་དྲི་མ་མེད་པའི་བློ་གྲོས་ལ་བཀའ་སྩལ་པ། དྲི་མ་མེད་པའི་བློ་གྲོས་ཁྱོད་ཀྱིས་ཤར་ཕྱོགས་ཀྱི་སྣང་བ་ཆེན་པོ་འདི་མཐོང་ངམ། དེ་ནས་བྱང་ཆུབ་སེམས་དཔའ་དྲི་མ་མེད་པའི་བློ་གྲོས་སྟན་ལས་ལངས་ཏེ་བླ་གྲོས་ཕྲག་པ་གཅིག་ཏུ་གཟར་

ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་མངོན་པར་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མཐོང་ལགས་སོ། །ཤར་ཕྱོགས་ཀྱི་ངོས་ཀྱི་སྣང་བ་ཤིན་ཏུ་ཆེན་པོ་ཡོངས་སུ་འཕྲོ་བ་འདི་འཚལ་
ལགས་ན། བཅོམ་ལྡན་འདས་འདི་ལྟ་བུའི་སྣང་བ་འདི་ཅི་ལགས། དེ་ནས་ཡང་བྱང་ཆུབ་སེམས་དཔའ་དྲི་མ་མེད་པའི་བློ་གྲོས་ཀྱིས་སླར་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འོད་ཆེན་པོ་འདི་སུས་བགྱིས་པ་བཀའ་སྩལ་དུ་གསོལ། དེ་སྐད་ཅེས་གསོལ་
པ་དང་། བཅོམ་ལྡན་འདས་ཀྱིས་ཅུང་ཟད་བཞད་པ་དང་བཅས་པས་བྱང་ཆུབ་སེམས་དཔའ་དྲི་མ་མེད་པའི་བློ་གྲོས་ལ་འདི་སྐད་ཅེས་བཀའ་སྩལ་ཏོ། །དྲི་མ་མེད་པའི་བློ་གྲོས་འདིར་བྱང་ཆུབ་སེམས་དཔའ་ལག་ན་རྡོ་རྗེ་དགའ་བ་དང་ཚིམ་པས་རང་གི་རིག་པའི་ཚོགས་ཀྱིས་ཡོངས་སུ་བསྐོར་ཞིང་
གཞན་ཡང་ལྷ་མ་ཡིན་དང་། སྲིན་པོ་དང་། ཤ་ཟ་དང་། འབྱུང་པོ་སྟོང་ཕྲག་རྣམས་ཀྱིས་ཡོངས་སུ་བསྐོར་ཅིང་མདུན་དུ་བདར་ཏེ་འཁོར་གྱི་དཀྱིལ་འཁོར་འདིར་འོང་བར་འདོད་པའི་སྣང་བ་ཡིན་ནོ། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་དེ་ཉིད་དུ་འཁོར་འདུས་
བའི་དཀྱིལ་འཁོར་དེར་ཕྱིན་པར་གྱུར་ཏོ། །ཕྱིན་ནས་ཀྱང་བཅོམ་ལྡན་འདས་ཀྱི་ཞབས་ལ་གཏུགས་ནས་བཅོམ་ལྡན་འདས་ལ་ལན་གསུམ་དུ་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་ཕྱོགས་གཅིག་ཏུ་འཁོད་པར་མཁྱེན་ནས་མཁྱེན་བཞིན་དུ་དགྱེས་
ཤིང་རངས་པས་ཡོངས་སུ་དྲིས་པ། ལག་ན་རྡོ་རྗེ་གལ་ཏེ་ངའི་ཐད་དུ་ཅུང་ཟད་གླེང་བར་འདོད་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ལ་ཕན་པའི་ཕྱིར་བརྩོན་པས་གདོན་མི་ཟ་བར་རྟོགས་པར་གྱིས་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་
པ་དང་། བྱང་ཆུབ་སེམས་དཔའ་ལག་ན་རྡོ་རྗེས་སླར་ཡང་བཅོམ་ལྡན་འདས་ལ་བལྟས་ནས། དེ་ནས་ཡང་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས་ངོ་ཕབ་སྟེ། ཅང་མི་སྨྲ་བར་འཁོད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ཅང་མི་སྨྲ་བར་

འཁོད་པར་གཟིགས་ནས་འདི་སྐད་ཅེས་བཀའ་སྩལ་ཏོ། །རིག་པའི་རྒྱལ་པོ་དཔག་ཏུ་མེད་པའི་སྟོབས་ཀྱིས་ཕ་རོལ་གནོན་པའི་རྡོ་རྗེ་འཛིན་པ་ཆེན་པོ་འཁོར་ཐམས་ཅད་སྤྲོ་བའི་སེམས་སུ་གྱུར་པས་ཅང་མི་སྨྲ་བར་འཁོད་ཀྱིས་སྨྲོས་ཤིག་སྨྲོས་ཤིག །དེ་སྐད་ཅེས་བཀའ་སྩལ་པ་
དང་། ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏེ། བཅོམ་ལྡན་འདས་ཀྱིས་རྗེས་སུ་གནང་ན་བདག་ལྷ་མ་ཡིན་གྱི་དབང་པོ་གཞན་ལེན་ཞེས་བྱ་བས་ཉེ་བར་བོས་ཏེ། ལྷ་མ་ཡིན་གྱི་འཁོར་ཆེན་པོས་ཡོངས་སུ་བསྐོར་ནས་རང་གི་གནས་སུ་མཆིས་སོ། །བཅོམ་ལྡན་འདས་གནས་
དེར་བདག་གིས་སྔོན་མ་འཚལ་བའི་ཁང་པ་དང་། སྒོ་དང་། རྟ་བབས་དང་། ཡང་ཐོག་དང་། ཕྱིར་དང་། མཚོ་དང་། མཚེའུ་དང་། རྫིང་དང་། ཁྲོན་པ་དང་། སྒོ་དང་། སྒོ་གསེང་རྣམས་མཐོང་ལགས་སོ། །བཅོམ་ལྡན་འདས་བདག་གིས་ཏིང་ངེ་འཛིན་གྱི་ཁྱད་པར་གང་གིས་ཀྱང་སྔོན་མ་འཚལ་
ཏེ། བདག་གིས་དེའི་རྣམ་པར་རྣལ་འབྱོར་པས་བསམ་གཏན་མཆོག་ལ་མཉམ་པར་བཞག་ལགས་སོ། །དེར་ལྷ་མ་ཡིན་གྱི་དབང་པོ་གཞན་ལེན་གྱིས་བདག་ལ་བཅོམ་ལྡན་འདས་གཞལ་དུ་མེད་ཅིང་བསམ་གྱིས་མི་ཁྱབ་པའི་རྫུ་འཕྲུལ་དང་སྟོབས་དང་རྣམ་པར་རོལ་བས་ནམ་མཁའ་ཁྱབ་པའི་སྐུ་
མངའ་བ། འཇིག་རྟེན་གསུམ་ལས་རྣམ་པར་རྒྱལ་བའི་བྱང་ཆུབ་སེམས་དཔའ་ཆེན་པོ་ཅིའི་ཕྱིར་བསམ་གཏན་ལ་མཉམ་པར་འཇོག་པར་གྱུར། བཅོམ་ལྡན་འདས་བདག་གི་གནས་ཁང་ན་ཉམས་མི་དགའ་བ་ཅུང་ཟད་ཀྱང་མ་མཆིས་ན། གང་གི་དོན་དུ་བསམ་གཏན་ལ་མཉམ་པར་འཇོག་པ་
ལགས་པར་བཀའ་སྩལ་དུ་གསོལ་ཞེས་མཆིའོ། །དེ་ནས་ལྷ་མ་ཡིན་གྱི་དབང་པོ་དེས་སྒྱུ་མ་ཐམས་ཅད་དང་། འཁྲུལ་འཁོར་དང་། སྒོ་གླེགས་ལ་སོགས་པ་གླེང་ལགས་སོ། །བཅོམ་ལྡན་འདས་བདག་གིས་དེ་ཟིལ་གྱིས་མནན་པའི་བྱིར་སྣང་བ་ཆེན་པོ་འཛིན་པའི་རྡོ་རྗེ་ཁྲོ་བོ་ཆེན་པོ་རྡོ་རྗེ་ས་འོག་
ཅེས་བགྱི་བ་འཁྲུལ་འཁོར་ཐམས་ཅད་ཀྱི་བླ་མའི་བླ་མར་གྱུར་པ། འཁྲུལ་འཁོར་བརྒྱ་རྩ་བརྒྱད་པོ་ཐམས་ཅད་འཇོམས་པར་བྱེད་པ། ཉེ་བར་ཞི་བར་བྱེད་པ། ལྟུང་བར་བྱེད་པ། ངེས་པར་འཇོམས་པར་བྱེད་པ་བཤད་ལགས་སོ། །བཅོམ་ལྡན་འདས་ཀྱིས་འདི་རྗེས་སུ་མཁྱེན་ནོ། །བདག་

གིས་དགའ་བའི་བཞིན་གྱིས་བཤད་པ་དང་། སྐྱེ་བོ་མང་པོ་ལ་ཕན་པ་དང་། བདེ་བར་འགྱུར་བར་བཅོམ་ལྡན་འདས་ཕྱི་མའི་ཚེ་ཕྱི་མའི་དུས་ལྔ་བརྒྱའི་ཐ་མ་ལ་སེམས་ཅན་སྐྱབས་མེད་པ་རྣམས་ཞི་བ་དང་། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བའི་ཕྱིར་འཁྲུལ་འཁོར་བརྒྱ་རྩ་
བརྒྱད་པོ་ཐམས་ཅད་འཇོམས་པའི་རྡོ་རྗེས་འོག་ཅེས་བྱ་བ་འཁྲུལ་འཁོར་ཐམས་ཅད་ཀྱི་བླ་མའི་བླ་མ་བདག་གིས་བཤད་པར་བགྱིའོ། །དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་སྨྲས་པ་འདི་སྲོག་ཆགས་རྣམས་ཀྱིས་བསྒྲུབ་པར་དཀའོ། །
ལག་ན་རྡོ་རྗེས་གསོལ་པ། བཅོམ་ལྡན་འདས་བརྗོད་པ་འདི་བསྒྲུབ་པར་དཀའ་བ་མ་ལགས་ཀྱིས་བཅོམ་ལྡན་འདས་ཀྱིས་རྗེས་སུ་གནང་བ་མཛད་དུ་གསོལ། བདེ་བར་གཤེགས་པས་རྗེས་སུ་གནང་བ་མཛད་དུ་གསོལ། །བཅོམ་ལྡན་འདས་བདག་གིས་བསྒྲུབ་པར་དཀའ་བ་བརྗོད་པར་མི་
བགྱིའོ། །ལྷ་མ་ཡིན་གྱི་དབང་པོ་གཞན་ལེན་གྱི་འཁྲུལ་འཁོར་བདེ་བླག་ཏུ་སྒྲུབ་པར་བྱེད་པ་དེ་བདག་གིས་རྗེས་སུ་དྲན་ཏེ། བཤད་པར་བགྱི་ལགས་ན། བཅོམ་ལྡན་འདས་ཀྱིས་དེ་བདག་ལ་རྗེས་སུ་གནང་བ་མཛད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་
ཀྱིས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ངས་རྗེས་སུ་གནང་གིས་ཁྱོད་ཀྱིས་རྗེས་སུ་ཤོད་ཅིག །ལག་ན་རྡོ་རྗེ་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། ཐབས་ལ་མཁས་པས་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བའི་ཕྱིར་འཁྲུལ་འཁོར་གྱི་
བླ་མ་རྟོག་པ་དང་བཅས་པའི་གསང་བ་ཆེན་པོ་སྟོན་ཅིག །དེ་ནས་ལག་ན་རྡོ་རྗེ་བཅོམ་ལྡན་འདས་ཀྱིས་རྗེས་སུ་གནང་ནས་ཅ་ཅོའི་སྒྲ་ཡང་དང་ཡང་དུ་ཕྱུང་ནས་རྡོ་རྗེ་གྱེན་དུ་གསོར་ཞིང་རྡོ་རྗེ་འབར་བའི་ཕྲེང་བ་ཅན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ས་འོག་གི་གསང་སྔགས་སྨྲས་པ། ན་མོ་རཏྣ་ཏྲ་
ཡཱ་ཡ། ན་མཤྩུཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཨོྃ་ཧྲཱིཿ པོ་ཏྲི་བཛྲ་པཱ་ཏཱ་ལ་ཧ་ན་མ་ཐ་བྷཉྫ་པཱ་ཏ་ཡ་མཱ་ཙི་ར་མ་བཛྲ་ཀྲོ་དྷ་ཧཱུྃ་ཕཊ། དེ་ནས་རྡོ་རྗེ་ཁྲོ་བོ་ཆེན་པོས་ཀུན་འོད་ཟེར་གྱིས་སྣང་བར་བྱས་ཏེ། ས་ཆེན་པོ་འདི་རྣམ་པ་དྲུག་ཏུ་གཡོས་སོ། །ལྷ་མ་ཡིན་དང་ལྷ་མ་ཡིན་གྱི་བུ་མོ་རྣམས་རྡོ་རྗེ་ཁྲོ་བོས་

གཟིར་བས་སྐྱབས་མེད་པར་གྱུར་ཏེ། བཅོམ་ལྡན་འདས་ག་ལ་བ་དེར་དོང་ངོ་། །དོང་ནས་ཀྱང་བཅོམ་ལྡན་འདས་ཀྱི་ཞབས་ལ་གཏུགས་ནས་འདི་སྐད་ཅེས་སྨྲ་ཞིང་འདུད་པར་བྱེད་དོ། །བཅོམ་ལྡན་འདས་བདག་བསྲུང་དུ་གསོལ་བདེ་བར་གཤེགས་པ་ཡོངས་སུ་བསྐྱང་དུ་
གསོལ། རྡོ་རྗེ་ཁྲོ་བོས་བདག་ཅག་ཡོངས་སུ་གཟིར་ཏོ། །བཅོམ་ལྡན་འདས་རྡོ་རྗེ་ཁྲོ་བོ་འདི་བཤད་པས་བདག་ཅག་གི་ཁང་པ་རྣམས་ཀྱི་འཁྲུལ་འཁོར་རྣམས་མེད་པར་གྱུར། སྒོ་གཏན་རྣམས་མེད་པར་གྱུར། སྒོ་རྣམས་གྲོལ་བར་གྱུར་ཏོ། །བཅོམ་ལྡན་འདས་མ་བྱུང་བའི་སེམས་ཅན་
རྣམས་ཀྱང་བྱུང་བར་གྱུར་ཏོ། །བཅོམ་ལྡན་འདས་འདིར་ཇི་ལྟར་གནས་པར་བགྱི་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གྲོགས་པོ་དག་མ་འཇིགས་ཤིག་མ་འཇིགས་ཤིག །ལག་ན་རྡོ་རྗེའི་དམ་ཚིག་ལ་མནོས་ཤིག །དེ་ལྟར་ན་བདེ་བ་ལ་གནས་པར་འགྱུར་
རོ། །དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་གཟིགས་ཏེ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་ལྷ་མ་ཡིན་གྱི་དབང་པོ་ལ་སོགས་པ་ལ་རྨད་དུ་བྱུང་བའི་དམ་ཚིག་སྟོན་ལ་བདེ་བར་གྱིས་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཕྱག་ན་རྡོ་རྗེས་ལྷ་མ་ཡིན་དང་
ལྷ་མ་ཡིན་གྱི་ཆུང་མ་དག་ལ་བཀའ་སྩལ་པ། འདིར་ཐོག་མར་རྡོ་རྗེ་ས་འོག་གི་ཁྲོ་བོ་ཆེན་པོའི་ས་འོག་གི་དཀྱིལ་འཁོར་གྱི་དམ་ཚིག་ལ་གང་འཇུག་པ་དེ་དག་འདིར་འཁྲུལ་འཁོར་ཆེན་པོའི་བླ་མའི་རྩི་སྨན་དང་། ཕྱེ་མ་དང་། རྩ་བ་དང་། སྦྱར་སྨན་དང་། གྲུབ་པའི་རྫས་དང་། དངུལ་ཆུ་དང་།
བཅུད་ལེན་དང་། གཞོན་ནུ་མ་དང་། ལྷ་མ་ཡིན་གྱི་བུ་ག་དང་། སྒོར་འཇུག་པ་དང་། འཁྲུལ་འཁོར་ཐམས་ཅད་འཇོམས་པ་དང་། སྐེམས་པར་བྱེད་པ་དེ་དག་ནི་འཇུག་ངོགས་བདེ་བར་འགྱུར་རོ། །གཞན་དུ་ན་དེ་དག་འགྲུབ་པར་མི་འགྱུར་བ་དེའི་ཕྱིར་ས་འོག་གི་དཀྱིལ་འཁོར་དུ་འཇུག་
པར་བྱའོ། །ལྷ་མ་ཡིན་རྣམས་ལ་བཀའ་སྩལ་པ། བུ་གར་འཇུག་ནུས་པ་དང་། བྱ་བའི་རྒྱུད་ཀྱི་ཁམས་དང་། གསེར་འགྱུར་དང་། དུག་སྨན་དང་། ས་འོག་དང་། ཞིང་གི་དངོས་གྲུབ་དག་རང་ཉིད་ཀྱི་ཁང་པར་འཇུག་པ་ལྟར་རྡོ་རྗེའི་བྱེ་བྲག་གིས་འགྲུབ་པར་འགྱུར་རོ་ཞེས་པ་སྨྲའོ། །

གཞན་དུ་ན་དཀྱིལ་འཁོར་མ་མཐོང་ན་ཉམས་པར་འགྱུར་རོ། །རྡོ་རྗེ་ཁྲོ་བོའི་རྒྱལ་པོ་ཆེན་པོ་འདིའི་རང་ཉིད་ཀྱི་རྟོག་པ་དང་། རྒྱུད་གཞན་དུ་གསུངས་པའི་སྒྲུབ་པའི་ཐབས་རྣམ་པ་སྣ་ཚོགས་ཀྱི་བྱ་བ་མི་བྱ་ལ། རྟོག་པ་གཞན་གྱི་ཆོ་ག་འདོད་པས་བསྒྲུབ་པར་མི་བྱའོ། །དེ་སྐད་ཅེས་བཀའ་
སྩལ་པ་དང་། ལྷ་མ་ཡིན་དང་། ལྷ་མ་ཡིན་གྱི་དབང་པོ་དགའ་ཞིང་རངས་ཏེ་རབ་ཏུ་ཚིམ་པ་དང་མགུ་བ་སྐྱེས་ནས་རང་ཉིད་ཀྱིས་ཕྱག་ན་རྡོ་རྗེའི་དཀྱིལ་འཁོར་མཐོང་ནས་ངེས་པར་འབྱུང་བར་བྱས་ཏེ། བཅོམ་ལྡན་འདས་ཐམས་ཅད་ཀྱི་བྲན་དུ་གྱུར་ཏོ། །དེ་ནས་བཅོམ་ལྡན་འདས་བྱང་ཆུབ་སེམས་
དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ལྷའི་མིག་གིས་འཁོར་གྱི་དཀྱིལ་འཁོར་ལ་རྣམ་པར་བལྟས་ནས་དམ་ཚིག་གི་དཀྱིལ་འཁོར་བཀའ་སྩལ་པ། གྲོང་ངམ་གྲོང་ཁྱེར་གྱི་སའི་ཕྱོགས་ལེགས་པར་བརྟགས་ནས་དབང་ལྡན་གྱི་ཕྱོགས་ནས་བརྩམས་ཏེ། རྡོ་དང་། གསེག་མ་དང་། རུས་
པ་དོར་ནས་རྒྱུ་སྐར་དགེ་བ་ལ་རྗེས་སུ་མཐུན་པའི་ཚོན་རྩི་ལྔའི་ཕྱེ་མས་དཀྱིལ་འཁོར་གྲུ་བཞི་པ། ཁྲུ་བཞི་པ། སྒོ་བཞི་པ། འདོད་པ་དྲུག་པ་ཅན་ཡང་དག་པར་བྲི་བར་བྱའོ། །སྒོ་དང་སྒོའི་མཚམས་རྣམས་སུ་རྡོ་རྗེ་དང་ཡུངས་ཀར་གཞག་པར་བྱའོ། །ཤར་ཕྱོགས་ཀྱི་ཆར་སངས་རྒྱས་བཅོམ་
ལྡན་འདས་བྲི་བར་བྱའོ། །བྱང་དུ་འཇིག་རྟེན་དབང་ཕྱུག །ལྷོར་རྡོ་རྗེ་འཆང་། ནུབ་དུ་ཆུང་མ་དང་བཅས་པའི་ཁྱུ་མཆོག་གི་རྒྱལ་མཚན་ཅན་ནོ། །དབང་ལྡན་དུ་དྲི་མ་མེད་པའི་བློ་གྲོས་ལག་པར་རྔ་ཡབ་འཛིན་པའོ། །མེར་སྙིང་པོའོ། །ལུས་ངན་དུ་རྗེས་སུ་སྤྱོད་པའོ། །རླུང་དུ་ལས་
ཐམས་ཅད་པའོ། །དབུས་སུ་རྡོ་རྗེས་འོག་ལག་པར་རྡོ་རྗེ་དང་དགྲ་སྟ་འཛིན་པ་བྲི་བར་བྱའོ། །སྙིང་པོ་དང་རྗེས་སུ་སྤྱོད་པ་ལ་དབྱུག་གུ་དང་ཐོབ་བྲི་བར་བྱའོ། །ལས་ཐམས་ཅད་པ་ལ་རྡོ་རྗེའོ། །ཤར་གྱི་སྒོར་སྨན་ཐམས་ཅད་དང་། རྒྱན་ཐམས་ཅད་དང་། དངུལ་ཆུ་དང་། བཅུད་ལེན་དང་།
ལྷ་མ་ཡིན་གྱི་བུ་མོ་དང་། གྲུབ་པའི་རྫས་ལ་སོགས་པ་དང་། མིག་སྨན་དང་། ལྡོང་རོས་དང་། རལ་གྲི་དང་། རིན་པོ་ཆེ་སྔོན་དུ་འགྲོ་བ་གཞག་པར་བྱའོ། །ལྷོའི་སྒོར་ལྷ་མ་ཡིན་བརྒྱད་ནི་སྟོབས་ཅན་དང་། སྟོབས་ཅན་གྱི་བུ་དང་། བདེ་མཆོག་དང་། ཐགས་ཟངས་རིས་དང་། བདེ་

ལྡན་དང་། དུས་ཀྱི་མུ་ཁྱུད་དང་། གཞན་ལེན་དང་། དབྱིག་ཟའོ། །ནུབ་ཀྱི་སྒོར་འཁྲུལ་འཁོར་བརྒྱ་རྩ་བརྒྱད་གཞག་པར་བྱའོ། །དེ་ཡང་བརྒྱད་རྣམ་པ་དང་བཅས་པ་བྲི་སྟེ། སྲད་བུ་དང་། གྲི་གུག་དང་། བུད་མེད་དང་། སེང་གེ་དང་། ལུག་དང་། མདའ་དང་
བཅས་པའི་གཞུ་དང་། ཆུ་རྒྱུན་དང་། སྦྱིན་དང་། འོད་ལི་དང་། བདག་ཉིད་ཀྱི་འཁྲུལ་འཁོར་རྣམས་སོ། །བྱང་གི་སྒོར་བུ་ག་བརྒྱད་རྣམ་པ་དང་བཅས་པ་བྲི་སྟེ་དེ་ཡང་ལུག་གི་རྣམ་པ་དང་། ཆུ་སྲིན་གྱི་རྣམ་པ་དང་། གླང་པོའི་གདོང་གི་རྣམ་པ་དང་། ལྟོ་འཕྱེའི་རྣམ་པ་དང་། བྱི་བའི་རྣམ་པ་དང་།
མིའི་གདོང་གི་རྣམ་པ་དང་། དཀྱིལ་འཁོར་གྱི་རྣམ་པ་དང་། མ་བྱས་པའི་གདོང་གི་རྣམ་པའོ། །སྟེགས་བུའི་མཚམས་རྣམས་སུ་སྒོ་བྲལ་བཞི་བྲི་བར་བྱའོ། །མེའི་ཕྱོགས་སུ་མེའི་ཐབ་ཁུང་ངོ་། །བདེན་བྲལ་དུ་བདུག་སྤོས་ཀྱི་ཐབ་ཁུང་ངོ་། །རླུང་གི་མཚམས་རྣམས་སུ་ཆུའི་ཐབ་ཁུང་ངོ་། །
དབང་ལྡན་དུ་རུས་སྦལ་གཞག་པར་བྱའོ། །དེ་ནས་དྲི་ཐམས་ཅད་དང་། མེ་ཏོག་ཐམས་ཅད་དང་། བདུག་པ་ཐམས་ཅད་དང་། འབྱུང་པོ་ཐམས་ཅད་པའི་གཏོར་མ་དང་མཆོད་པ་སྦྱིན་པར་བྱའོ། །དེ་ནས་སྐྱེས་བུ་དཔའ་བོ་དག་གིས་དྲི་ཞིམ་པོས་ཡན་ལག་བྱུགས་ལ་ཤིན་ཏུ་ཕྲ་བའི་རས་ཀྱིས་
གདོང་གཡོག་ཏུ་བསྲུང་བ་བྱས་ལ་འཁྲུལ་འཁོར་གྱི་བླ་མའི་བྱ་བ་བྱས་ལ་འཇུག་པར་བྱའོ། །སྤྱན་དང་བ་དང་གཤེགས་སུ་གསོལ་བ་ལ་སོགས་པའི་སྒོ་ནས་སོ། །འདིར་རྡུལ་ཚོན་གྱིས་བྲིས་པའི་དཀྱིལ་འཁོར་བསྟན་པར་བྱའོ། །དེ་ལྟ་བུའི་དཀྱིལ་འཁོར་མཐོང་བའི་སྐྱེས་བུ་དཔའ་བོ་དེ་ལ་བླ་མས་རྗེས་
སུ་གནང་བ་བྱིན་ལ་དམ་ཚིག་ཤེས་པས་འཁྲུལ་འཁོར་གྱི་བླ་མའི་ཕྱག་རྒྱའམ། ལྷ་མ་ཡིན་གྱི་ཕྱག་རྒྱ་བཅིངས་པས་དབང་དུ་བྱེད་པར་འགྱུར་རོ། །ལྷ་མ་ཡིན་གྱི་ཆུང་མ་དང་ཁྱིམ་རྣམས་སུ་འཇུག་པར་འགྱུར་རོ། །གཞན་ལེན་གྱིས་བྱས་པའི་འཁྲུལ་འཁོར་ཐམས་ཅད་ལས་ཁྱད་པར་དུ་
འཕགས་པའི་རྫས་རྣམས་དབང་དུ་འགྱུར་རོ། །བཅོམ་ལྡན་འདས་རྡོ་རྗེ་འཛིན་པ་རྡོ་རྗེ་ཁྲོ་བོའི་རྒྱལ་པོ་རྡོ་རྗེས་འོག་གི་དམ་ཚིག་གི་དཀྱིལ་འཁོར་གྱི་ལེའུ་སྟེ་དང་པོའོ།། །།དེ་ནས་གཞན་ཡང་ཕྱག་རྒྱ་དང་སྔགས་སུ་གྱུར་པ་ནི་སོར་མོ་ཕན་ཚུན་ཁུ་ཚུར་དུ་བྱས་ལ་མཐེ་བོ་སྦྲུལ་མགོའི་རྣམ་

པ་ལྟར་བྱས་པ་ནི་དེ་བཞིན་གཤེགས་པའི་རིགས་ཀྱི་ཕྱག་རྒྱའོ། །སྔགས་ནི་ཛི་ན་ཛིཀ །གཉེན་གྱི་ཕྱོགས་སུ་པདྨའི་རིགས་ཀྱི་སྙིང་པོའི་ཕྱག་རྒྱ་དང་སྔགས་ནི་ཨཱ་རོ་ལིཀ །ལྷོ་ཕྱོགས་སུ་རཏྣ་དྷྲྀཀ །བྱང་ཕྱོགས་སུ་པདྨ་དྷྲྀཀ །རྡོ་རྗེའི་རིགས་ཀྱི་སྙིང་པོའི་ཕྱག་རྒྱ་དང་སྔགས་ནི་བཛྲ་དྷཱཾ་ཀ།
མཐེ་ཆུང་དང་མིང་མེད་སྦྱར་ལ་རྩེ་གཅིག་ཏུ་བྱས་པ་ལ་སྡིགས་མཛུབ་བཞག་པ་ནི་རྡོ་རྗེ་ས་འོག་གི་རྩ་བའི་ཕྱག་རྒྱའོ། །སྔགས་ནི་ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཨོྃ་ཧྲཱིཿ པོ་ཧྲི་བཛྲ་པཱ་ཏཱ་ལ་ཧ་ན་མ་ཐ་བྷཉྫ་པཱ་ཏཱ་ཡ། མཱ་ཅི་རཾ་བཛྲ་ཀྲོ་དྷ་ཧཱུྃ་ཕཊ། རྩ་བའི་
སྔགས་དང་ཕྱག་རྒྱས་ལུས་ཐམས་ཅད་བྱིན་གྱིས་བརླབ་བོ། །ཕྱག་འཚལ་བའི་ཐལ་མོ་ལས་མིང་མེད་ཀྱི་རྩེ་མོ་སྦྱར་ལ་མཐེ་ཆུང་སྦས་ཏེ། གུང་མོ་དང་མཐེ་བོའི་རྩེ་སྦྱར་ལ་གཡོན་པའི་མཛུབ་མོས་ཕྱི་ནས་བཀུག་སྟེ། གཡས་པའི་མཛུབ་མོ་རྡོ་རྗེའི་རྣམ་པ་ལྟར་བསྐུམ་པ་ནི་རྡོ་རྗེ་དགྲ་སྟའི་
ཕྱག་རྒྱའོ། །གཡས་པའི་ལག་པ་དང་གཡོན་པའི་ལག་པ་མཉམ་པར་བཞག་ལ་མཐེ་བོང་མཛུབ་མོ་སྦྱར་ཏེ། གཡས་པའི་མཐེ་བོས་སོར་མོ་གསུམ་གྱི་སེན་མོ་བཀབ་ལ་མཉམ་པར་མཛུབ་མོ་གཡོན་པའི་མཐེ་བོའི་རྩ་བར་སྦྱར་བ་ནི་ཞགས་པའི་ཕྱག་རྒྱའོ། །ལག་པ་གཡོན་པ་ལའོ། །
ཨོྃ་བི་བྷིནྡ་བི་བྷིནྡ་ན་ཧཱུྃ་ཕཊ་སྭཱ་ཧཱ། སྙིང་གར་རོ། །ཨོྃ་བཛྲ་པཱ་ཏཱ་ལ་ཧཱུྃ་ཕཊ། སྤྱི་བོར་རོ། །ཨོྃ་ཧཿབཛྲ་ཧཱུྃ་ཕཊ་སྤྱི་གཙུག་གོ། །ཨོྃ་ཧྲཱིཿབནྡྷ་བནྡྷ་སྭཱ་ཧཱ། གོ་ཆའོ། །ཨོྃ་བཛྲ་བཛྲ་ས་ཧཱ་ཤྲཱི་ཤི་ར་སེ་ཛྭ་ལི་ཏ་ཨ་ན་ལ་ཧ་ན་བྷཉྫ་ཨུཙྩ་ཊ་ཡ་ཧཱུྃ་ཕཊ། མཚམས་བཅིང་བའི་སྔགས་སོ། །འདི་དག་དང་རྩ་
བའི་ཕྱག་རྒྱ་སྦྱར་བར་བྱའོ། །ལག་མཐིལ་མཉམ་པོར་བྱས་ཏེ་མཐེ་བོང་དང་མཐེ་ཆུང་སྦྱར་ལ་སོར་མོ་ལྷག་མ་རྣམས་རྡོ་རྗེའི་མཚན་ཉིད་དུ་བྱས་པ་འདི་ནི་ལས་ཐམས་ཅད་པ་ས་གསུམ་གྱི་ཕྱག་རྒྱའོ། །སྔགས་ནི། ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཧི་རི་
མི་རི་བྷི་རི་རི་ཎི་སྭཱ་ཧཱ། སོ་སོར་སྦྱར་བར་བྱའོ། །སོར་མོ་ཕན་ཚུན་སྦྱར་ལ་ཁུ་ཚུར་དུ་བྱས་ཏེ་གུང་མོ་བརྐྱང་ལ་སྦྱར་ནས་དེའི་ཕྱི་རོལ་ཏུ་མཛུབ་མོ་ཅུང་ཟད་བསྐུམས་ལ་མཐེ་བོང་གཉིས་དབུས་སུ་བཞག་པ་ནི་དབང་ཕྱུག་ཆེན་པོའི་ཕྱག་རྒྱའོ། །སྔགས་ནི། ན་མཿ ས་མནྟ་བུདྡྷཱ་ནཱཾ་རུ་དྲཱ་ཡ་སྭཱ་ཧཱ། དབང་ཕྱུག་

ཆེན་པོའི་ཕྱག་རྒྱ་དེ་ཉིད་ལས་མཛུབ་མོ་བརྐྱང་བ་འདི་ནི་ལྷ་མོ་ཆུ་ལོན་གྱི་ཕྱག་རྒྱའོ། །སྔགས་ནི། ན་མཿས་མནྟ་བུདྡྷཱ་ནཱཾ་ཨུ་མ་ཡེ་སྭཱ་ཧཱ། ཐལ་མོ་ཕྱེ་བ་ལས་མཐེ་ཆུང་རྩེ་མོ་སྦྱར་ལ་དེའི་རྒྱབ་ཏུ་སྲིན་ལག་སྦྱར་ནས་དེའི་ཚེ་ཚིགས་གསུམ་པར་གུང་མོ་གཉིས་སྦྱར་ལ་དེའི་ཚིགས་དང་པོར་
མཛུབ་མོ་གཉིས་སྦྱར་བ་ནི་ལྷ་མ་ཡིན་ཐམས་ཅད་དབང་བསྐུར་བའི་ཕྱག་རྒྱའོ། །གཉིས་ཀ་ཡང་རྡོ་རྗེ་མཚན་ཉིད་དང་གཅིག་ཏུ་སྦྱར་བར་བྱའོ། །ལྷ་མ་ཡིན་ཐམས་ཅད་ཀྱི་འཁྲུལ་འཁོར་འཇོམས་ཤིང་འབྱེད་པའི་ཕྱག་རྒྱ་ནི་འདིར་སོར་མོ་རྣམས་རྣམ་པར་བཟློག་ལ་རུས་སྦལ་གྱི་རྣམ་པར་བྱ་བ་ནི་རུས་
སྦལ་གྱི་ཕྱག་རྒྱའོ། །སྤྱི་བོར་བཞག་པ་ནི་ལྷ་མ་ཡིན་ཐམས་ཅད་དབང་བསྐུར་བའི་ཕྱག་རྒྱའོ། །ལག་པ་གཡོན་པ་འོག་ཏུ་བཞག་ལ་དེའི་སྟེང་དུ་ལག་པ་གཡས་པ་སྦྱར་ལ་མཐེ་བོང་སོ་སོར་བྱ་བ་འདི་ནི་རུས་སྦལ་དབང་བསྐུར་བའི་ཕྱག་རྒྱའོ། །ལག་པ་གཡོན་པ་རྡོ་རྗེའི་ཚུལ་དུ་བཞག་པ་ལག་པ་
གཡས་པ་རྡོ་རྗེ་ཐུར་དུ་བཞག་ལ་ཐད་ཀར་སྦྱར་བར་བྱས་པ་འདི་ནི་རུས་སྦལ་གྱི་ཕྱག་རྒྱ་གཞན་ནོ། །བླ་འོག་གི་ལག་པ་རྣམ་པར་བཟློག་ལ་སྙིང་གར་སོར་མོ་གྱེན་དུ་བྱས་ལ་མཐེ་བོང་མཉམ་པར་གཤིབས་པ་ནི་རུས་སྦལ་གྱི་ཕྱག་རྒྱའོ། །རྡོ་རྗེས་འོག་གི་མཛུབ་མོ་སྟེང་དུ་མཉམ་དུ་གཞིབས་པ་
ནི་རྡོ་རྗེ་ས་འོག་གི་ཕྱག་རྒྱའོ། །ཁུ་ཚུར་བྱས་པའི་མཛུབ་མོ་བརྐྱང་ལ་གུང་མོ་དང་སྲིན་ལག་གི་སྟེང་དུ་མཐེ་བོང་སྦྱར་བ་ནི་དབྱུག་གུའི་ཕྱག་རྒྱའོ། །དེ་ཉིད་ལས་མཐེ་བོང་མཛུབ་མོའི་རྩ་བར་སྦྱར་བ་ནི་ཐོ་བའི་ཕྱག་རྒྱའོ། །ཁུ་ཚུར་དུ་བྱས་ལ་གུང་མོ་དང་མཐེ་བོང་མཉམ་པོར་སྦྱར་བ་ནི་བྱ་རོག་གི་མཆུའི་
ཕྱག་རྒྱའོ། །ལག་པ་གཡོན་པ་རྡོ་རྗེའི་ཚུལ་དུ་བྱས་ལ་སྙིང་གའི་ཕྱོགས་སུ་སྦྱར་ལ་ལག་པ་གཡས་པ་རྡོ་རྗེ་སྟེང་དུ་ཕྱར་ནས་རྐང་པ་བརྐྱང་བསྐུམ་དུ་གནས་པ་ནི་རྡོ་རྗེ་སྨོད་པའི་ཕྱག་རྒྱའོ། །ལག་པ་གཡོན་པ་རྡོ་རྗེ་རྩེ་གཅིག་པ་སྙིང་གའི་ཕྱོགས་སུ་བཞག་ལ། ལག་པ་གཡས་པའི་སོར་
མོ་གསུམ་གྱིས་རྒྱས་བཏབ་ནས་བརྐྱང་བསྐུམ་དུ་གནས་པ་འདི་ནི་རྡོ་རྗེ་གཞན་ལ་སྨོད་པའི་ཕྱག་རྒྱའོ། །སྔགས་ནི་ཨོྃ་བི་བྷིནྡ་བི་བྷིནྡ་ཧཱུཾ་ཕཊ། འཕགས་པ་རྡོ་རྗེ་ས་འོག་གི་རྒྱུད་ཅི་སྙེད་པ་ལས་སྔགས་དང་ཕྱག་རྒྱའི་ལེའུ་སྟེ་གཉིས་པའོ།། །།གང་གི་ཚེ་སྐྱེས་བུ་དཔའ་བོ་དཔལ་

གྱི་སྒོར་འཇུག་པར་འདོད་པར་གྱུར་ན། དེས་རྡོ་རྗེ་ཁྲོ་བོའི་བསྙེན་པ་སྔོན་དུ་བྱས་ལ་ཕྱིས་འཇུག་པར་བྱའོ། །དེ་ལ་སྔོན་དུ་བསྙེན་པ་ནི་འབུམ་ཕྲག་བརྒྱད་སློང་མོ་ཟ་ཞིང་སྨྲ་བ་བཅད་ལ། སེམས་ཅན་ཐམས་ཅད་ལ་བྱམས་པའི་སེམས་དང་དེ་བཞིན་གཤེགས་པ་མཆོད་པ་ལ་དགའ་བས་རྟེན་ཅིང་འབྲེལ་
པར་འབྱུང་བའི་སྙིང་པོའི་མཆོད་རྟེན་བྱས་ལ། དེའི་མདུན་དུ་རི་བོའམ་ཆུ་བོ་འདུས་པའམ། ཤིང་གཅིག་པའམ། བ་ལང་གི་ལྷས་སམ། བས་མཐའ་འམ། མཆོད་རྟེན་གང་ཡང་རུང་བའི་གནས་སུ་བྱང་ཆུབ་ཀྱི་སེམས་རྗེས་སུ་དྲན་པས་དེ་བཞིན་གཤེགས་པ་ཐམས་ཅད་ལ་གསོལ་བ་བཏབ་
ནས་སྡིག་པ་བཤགས་ཏེ། བླ་ན་མེད་པར་བསྔོས་ལ་དམ་པའི་ཆོས་བཏོན་ཏེ་རྗེས་སུ་དྲན་པར་བྱས་ལ། མཆོད་རྟེན་གྱི་ལས་ལ་རྗེས་སུ་གནས་ནས་ལུས་དང་སྲོག་ལ་དགའ་བ་དོར་ཏེ། དུས་གསུམ་དུ་ཕྱག་རྒྱ་དང་། དབང་བསྐུར་ཞིང་དུས་གསུམ་དུ་ཁྲུས་བྱས་ལ། དེ་ལྟ་བུའི་ཚུལ་གྱིས་
བསྙེན་པ་བྱའོ། །གང་དག་རྨི་ལམ་མམ། མངོན་སུམ་མཚན་མ་མཐོང་ན་རེ་ཤིག་མི་འཇུག་སྟེ། དེ་ཡང་རྨི་ལམ་ནི་གླང་པོ་ཆེ་ཆེན་པོས་ཟིལ་གྱིས་མནན་པའམ། གཟིར་བའམ། བྲོས་པ་འམ། འགྱེལ་བའམ། གང་དག་ཤི་བ་དེ་ལྟ་བུ་མཐོང་ན་དེ་ནས་འཇུག་པར་བྱའོ། །ཡང་ན་མངོན་
སུམ་སྟེ་སྒོ་འཕར་གྱི་མཚམས་བཅོམ་པའམ། རྡོ་ཆེན་པོ་ལྟུང་བའམ། ཁྲོས་ནས་གཟའ་ཆེན་པོ་འགུགས་པའམ། གདུག་པ་རྣམས་དང་། གཏུམ་པོ་དང་། འཇིགས་བྱེད་དང་། ཀླུ་དང་། གླང་པོ་ཆེ་ཆེན་པོ་དང་། སེང་གེ་དང་། སྟག་དང་། མ་ཧེ་དང་། དགྲའི་དབུས་སུ་ཕྱིན་ཡང་
བལྟ་དཀའ་བར་འགྱུར་བ་དང་། དེ་དག་ཐམས་ཅད་བྱམས་པའི་སེམས་སུ་གྱུར་ན་དེ་ནས་འཇུག་པར་བྱའོ། །ལྷ་ཐམས་ཅད་མངག་གཞུག་ཏུ་འགྱུར་རོ། །འདི་ནི་ཁྲོ་བོའི་རྒྱལ་པོ་རྡོ་རྗེ་ས་འོག་གི་སྔོན་དུ་བསྙེན་པའི་ཆོ་གའི་ལེའུ་སྟེ་གསུམ་པའོ།། །།བུ་གའི་མཚན་ཉིད་ཤེས་བྱ་བ། །
ཆུ་འབབ་གང་དག་རྩེ་མོ་མེད། །ས་ཡི་སྒྲ་ནི་སྒྲོགས་པ་དང་། །ལྟོས་འཕྱེའི་གནས་ཁང་ཇི་ལྟ་བར། །རྡོ་རྗེ་ས་འོག་མཚན་ཉིད་ནི། །མཁས་པ་ཡིས་ནི་མཚོན་པར་བྱ། །རྣམ་པ་གང་གི་ཚུལ་གྱིས་ནི། །བུ་ག་རྣམས་སུ་བརྗོད་པ་ཡི། །འཇུག་པ་ན་ནི་དོག་གྱུར་ལ། །བུ་ག་དེར་

ནི་ཕྱིན་པ་ན། །ཀུན་ནས་ས་གཞི་མཉམ་པ་ནི། །དཔལ་གྱི་སྒོར་ནི་རྣམ་པར་བསྟན། །གླ་རྩི་མཆོག་གི་དྲི་ལྡན་ཞིང་། །འཁྲིལ་ཤིང་ལྕུག་མས་ཁྱབ་པ་དང་། །དྲི་སྣུམ་ལྡན་པའི་ཁ་དོག་ཅན། །དཔལ་གྱི་སྒོར་ནི་དེ་བཤད་དོ། །དྲི་དང་ལྡན་ཞིང་ངོས་བརླན་པ། །དྲོ་བ་ཡིས་
ནི་འཁྲུགས་འགྱུར་བ། །ཞུགས་པ་ཙམ་གྱིས་ཡང་དང་ཡང་། །འཁྲུག་པ་ཉིད་དུ་འགྱུར་བ་ནི། །དཔལ་གྱི་སྒོར་ནི་དེ་ཤེས་བྱ། །དེ་ན་དངུལ་ཆུ་ཡོད་པར་བསྟན། །བུ་ག་ཡི་ནི་སྒོར་ཞུགས་པས། །དེ་ཡི་སེམས་ནི་འདོད་ལྡན་འགྱུར། །ཁྲོ་བོའི་སེམས་སུ་གྱུར་པ་ན། །བུ་གར་མཛེས་མ་གནས་
བ་ཡིན། །འཇིགས་པ་མེད་ཅིང་ང་རྒྱལ་དང་། །རློམ་པའི་སེམས་དང་ལྡན་པ་ཡིས། །དེར་ནི་ཞུགས་པས་ཚིམ་འགྱུར་ན། །བུ་གར་དཀར་རྫས་ལྡན་པས་ཁྱབ། །བུ་ག་དག་ནི་གང་དག་ཏུ། །ཚུལ་མེད་ང་རྒྱལ་ཅན་ཁྲོ་བ། །བརྩེ་མེད་སེར་སྣ་དང་ལྡན་ཞིང་། །ཕན་ཚུན་དུ་ནི་སྨོད་བྱེད་པ། །
ཡང་ན་བུ་གའི་སྒོ་ན་ནི། །སྲིན་བུ་རྣམས་ནི་རྟེན་གྱུར་པ། །དེར་ནི་ལྟོས་འཕྱེ་ཤེས་བྱ་སྟེ། །བུ་ག་དེར་ནི་རྙེད་དཀའོ། །གང་དག་དཀར་པོའི་བྱ་བ་ནི། །བུག་སྒོར་ཡང་དག་གནས་མཐོང་ན། །དེ་ན་བུད་མེད་སྟོང་ཕྲག་གནས། །གསེར་ནི་རྣམ་པ་དུ་མ་གནས། །ནོར་བུ་མུ་ཏིག་བྱི་རུ་དང་། །
རིན་ཆེན་རྣམ་པ་སྣ་ཚོགས་དང་། །བཅུད་ལེན་དུ་མའི་རྫས་རྣམས་ནི། །བུ་ག་མཆོག་དེར་གནས་པ་ཡིན། །བུ་ག་གང་གི་སྒོ་ལ་ནི། །རྐང་གདུབ་སྒྲ་ནི་གྲག་གྱུར་ན། །བུ་ག་དེ་ནི་རིན་ཆེན་གང་། །བུད་མེད་སྟོང་ཕྲག་དེ་ན་གནས། །བུ་ག་གང་གི་སྒོ་ན་ནི། །ཚད་བྱེའུ་གར་བྱེད་གནས་གྱུར་
ན། །བུ་ག་དེ་ནི་འབྲས་མེད་ཤེས། །དེར་ནི་བློ་ལྡན་འཇུག་མི་བྱ། །གང་གི་ནང་ན་རྐང་གཉིས་ནི། །ཡང་དག་རྟེན་པར་མཐོང་གྱུར་ན། །དེར་ནི་རབ་ཏུ་སྤྲོ་བ་ཡིས། །མཁས་བ་ཡིས་ནི་འཇུག་པར་བྱ། །མི་གང་འཐུངས་པས་འཆི་མེད་པའི། །མཆོག་གི་བཅུད་ལེན་དེ་ན་གནས། །གང་
དག་བུ་གའི་སྒོ་ལ་ནི། །གླང་པོ་ཡང་དག་རྟེན་མཐོང་ནས། །མཐོང་ནས་མ་མཐོང་གྱུར་ན་ནི། །བུ་ག་དེས་ནི་ལས་ཀུན་བྱེད། །གང་དག་བུ་ག་དེར་འཇུག་པའི། །ལྟོས་འཕྱེའི་དབང་ཕྱུག་རྣམ་མཐོང་ན། །དཔའ་བོས་དེར་ནི་འཇུག་མི་བྱ། །དེ་མ་ཐག་ཏུ་སྲོག་འཕྲོག་བྱེད། །བུ་གའི་དྲུང་

ན་འཇིགས་བྱེད་པའི། །ཅེ་སྤྱང་མོ་ཡི་སྒྲ་གྲག་ན། །དེར་ནི་བག་མེད་མི་བྱ་སྟེ། །འཁོར་དང་བཅས་པ་སྐྲག་པར་འགྱུར། །གང་ཁྲུང་ཁྲུང་སྒྲ་སྒྲོགས་པ། །བུ་གའི་ནང་ན་གནས་གྱུར་ན། །བུ་ག་དེ་ནི་ཀུན་གྱིས་གང་། །འདོད་པ་རྣམས་ཀྱིས་རྣམ་པར་བརྒྱན། །གང་དག་བུ་གའི་སྒོར་
རྟེན་པའི། །ཉ་ནི་ཡང་དག་མཐོང་གྱུར་ན། །དེར་ནི་བརྩོན་པས་འཇུག་པར་བྱ། །བུད་མེད་སྟོང་གི་བདག་པོར་འགྱུར། །བུད་མེད་གཞོན་ནུ་བུམ་པའི་ལག །བུ་གའི་སྒོར་ནི་ཡང་དག་མཐོང་། །གདོན་མི་ཟ་བར་བུ་གའི་ལས། །དེར་ནི་གྲུབ་པར་ཤེས་པར་བྱ། །བུ་གའི་ལས་ལ་འཇུག་
པ་ན། སྒྲ་སྐད་ཆེན་པོ་བྱུང་གྱུར་ན། །བུ་ག་དེ་ནི་མཐའ་མེད་ཤེས། །དེར་ནི་གྲུབ་པར་རྗེས་སུ་བསྟན། །བུ་ག་ཡི་ནི་སྒོ་རུ་ཡང་། །བྱི་བ་ཀ་ཀ་རུ་དཀར་པོ། །གང་དག་ལྷན་ཅིག་གནས་མཐོང་ན། །བུ་ག་དེ་ནི་ལས་ཀུན་བྱེད། །བུ་གའི་སྒོ་རུ་ཁྱད་པར་དུ། །དེར་ནི་རས་ཀྱི་དྲི་བྱུང་ན། །
བུ་མོ་རྣམས་ནི་སྟོང་ཕྲག་དག །དགུ་དང་བདུན་བརྒྱ་རྣམས་དང་ནི། །བཅུད་ཀྱིས་ལེན་དང་གསེར་དང་ནི། །རིན་ཆེན་རྣམ་པ་སྣ་ཚོགས་གནས། །གང་དུ་བཞུགས་པའི་འབྱུང་འགྱུར་བ། །ཀ་ར་བཱི་རའི་མེ་ཏོག་རྒྱས། །དེ་ན་དངུལ་ཆུ་གནས་པ་ན། །མཁས་པ་ཡིས་ནི་བླང་བར་བྱ། །
བུ་ག་གང་ན་སྒྲེ་མོ་ནི། །གནས་པར་མཐོང་ན་བུ་ག་དེ། །འཁྲུལ་འཁོར་མེད་པར་ཤེས་བྱས་ལ། །དེར་ནི་བརྟག་དཔྱད་མི་བྱའོ། །བུད་མེད་དག་ནི་ཆིག་སྟོང་དང་། །བརྒྱ་ཕྲག་དག་ནི་བཅུ་གཉིས་ནི། །པདྨའི་སྙིང་པོ་ལྟར་འཇམ་ཞིང་། །རྟག་ཏུ་རོལ་པས་སྤྱོད་པར་བྱེད། །ཐམས་
ཅད་ཀྱང་ནི་ཚུལ་གཅིག་ཅིང་། །ཀུན་གྱིས་མཐོང་ན་དགའ་བའོ། །དེ་ལ་རིན་ཆེན་དུ་མ་དང་། །གོས་དག་དང་ནི་རྒྱན་དག་དང་། །བཅུད་ཀྱིས་ལེན་གྱི་གཙོ་བོ་དང་། །རྣམ་པ་སྣ་ཚོགས་མཛེས་པའོ། །དེ་ནས་ལྡོང་རོས་དག་དང་ནི། །མིག་སྨན་དང་ནི་དངུལ་ཆུ་དང་། །མཛེས་པའི་མཚོན་
ཆ་སྣ་ཚོགས་རྣམས། །བུ་གའི་གྲོང་གི་མཆོག་ནའོ། །བུ་ག་དེ་ཡི་ནང་འགྲམ་ན། །དུ་བ་འཐུལ་བ་མཐོང་གྱུར་ན། །གསེར་ནི་རྣམ་པ་མང་པོ་དང་། །དེར་ནི་དངུལ་ཆུར་ཤེས་པར་བྱ། །བུ་ག་དེ་ཡི་ལོགས་ལ་ནི། །ཚངས་པ་ཁ་དོག་སྣ་ཚོགས་པའམ། །རང་བཞིན་དཀར་པོ་རྟེན་གྱུར་ན། །

བུ་ག་དེ་ཡང་ལས་ཀུན་བྱེད། །དབུས་ནས་མཆི་མ་འཛག་པ་ཡི། །བྱ་རོག་འཐོན་པ་གང་ཡིན་པ། །དེ་ནི་བཟའ་བ་སྣ་ཚོགས་པའི། །བུ་ག་རུ་ནི་རྣམ་པར་བསྟན། །གང་ན་མ་ཧེ་མཐོང་བ་ན། །ཁྱད་པར་དུ་ནི་སྤྲིན་གྱི་མདོག །བུ་ག་དེར་ནི་འབད་པ་ཡིས། །མཁས་
པ་ཡིས་ནི་འཇུག་པར་བྱ། །མ་མྱོས་པ་དང་ལྷན་ཅིག་ཏུ། །ལག་ན་རལ་གྲིས་རྒྱུན་དུ་ནི། །བུ་ག་དེར་ནི་དོར་བ