Kinh tạng Tây Tạng (Kangyur Đại Học) — 094_རྒྱུད་འབུམ།_ཚ

་དུ་བསྡུ་བའི་ལས་ནི་འདིའོ། །
དུར་ཁྲོད་དམ་ཤིང་གཅིག་གམ། ཆུ་བོ་ཆེན་པོའི་འགྲམ་མམ་གཙུག་ལག་ཁང་དུ་བྱའོ། །ཁང་པ་དེར་བའི་རྣམ་ལྔས་སྐྱོང་ནུལ་བྱས་ཏེ་དྲི་ཞིམ་པོས་བྱུགས་པའི་མཎྜལ་མེ་ཏོག་སིལ་མ་དགྲམ་པར་བྱའོ། །ཡུམ་གྱི་སྐུ་གཟུགས་ཀྱང་བཞུགས་ཏེ་པོག་ཕོར་དང་མེ་ཏོག་ལ་
སོགས་པ་ཡང་བཤམ་པར་བྱའོ། །མེ་ཏོག་དང་འབྲས་བུ་ནུས་པ་དང་ལྡན་པའི་རྫས་དག་རིན་པོ་ཆེའི་ག་འུར་བཅུག་ལ་མཎྜལ་གྱི་དབུས་སུ་གཞག་པར་བྱའོ། །དེ་ནས་བསམ་གཏན་བསྒོམ་པ་ནི། ཏཱྃ་ལས་བྱུང་བའི་མྱུར་བའི་བརྩོན་འགྲུས་དང་ལྡན་པའི་ཡུམ་སྒྲོལ་
མ་དཔའ་མོ་རྣལ་འབྱོར་མའི་ལུས་སུ་བསྒོམ་པ་ནི་པདྨ་ལས་བྱུང་ཞིང་ཉི་ཟླའི་སྟེང་ན་སྐུ་མདོག་བནྡུ་ཀའི་མེ་ཏོག་ལྟར་དམར་བ་གཞོན་ནུ་ལང་ཚོ་ལ་བབ་པ་ལྟ་བུའི་སྐུ་དོ་ཤལ་དང་དཔུང་རྒྱན་དང་རིན་པོ་ཆེའི་ཆུན་འཕྱང་ལ་སོགས་པས་མཛེས་པར་བརྒྱན་པ། པཉྩ་ལི་ཀའི་གོས་
ཀྱིས་སྨད་དཀྲིས་པ། ཀ་ཤི་ཀའི་རས་ཀྱིས་སྟོད་གཡོགས་པ། འགྱིང་བག་གི་ཚུལ་གྱིས་བཞེངས་པ། ཞལ་གཅིག་ཕྱག་གཉིས་པ་ཞལ་བཞད་ཅིང་ཆེར་བཞད་པ་སྤྱན་འཁྱུག་པ་ཕྱག་གཡས་ཐུགས་ཀ་ན་འདུད་པ། གཡོན་སྡོང་བུ་དང་བཅས་པའི་ཨུཏྤ་ལ་འཛིན་པ། སྐུ་ལས་

འོད་འཕྲོ་བ་དང་བཅས་པ་ལས་རང་དང་མཐུན་པའི་འོད་འཁྲུག་པ་དང་བཅས་པའི་སྐུ་བྱང་ཆུབ་སེམས་དཔའ་དཔག་ཏུ་མེད་པ་ལྷ་མོ་དཔག་ཏུ་མེད་པ་དང་བཅས་པ་བསམ་སྟེ་བཟླས་པ་འདི་བྱའོ། །ཨོཾ་ཏུཏྟཱ་རེ་ཏུ་རེ་སྭཱ་ཧཱ། ཞེས་བཟླས་པར་བྱའོ། །དེ་ནས་ལས་ཀྱི་སྔགས་དང་
བཅས་པ་ལན་གཅིག་གམ་བདུན་ནམ་ཉི་ཤུ་རྩ་གཅིག་གམ་བརྒྱ་རྩ་བརྒྱད་བཟླས་ནས་གསོལ་བ་བཏབ་ན་འགྲུབ་པར་འགྱུར་རོ། །འཇམ་དཔལ་དེའི་ཕན་ཡོན་ནི་ས་བདག་གི་རྒྱལ་པོ་ལ་སོགས་པ་འཇིག་རྟེན་གསུམ་པོ་ཐམས་ཅད་དབང་དུ་འགྱུར་རོ། །ཐམས་ཅད་
ཁུགས་པར་འགྱུར་རོ། །དབང་གི་ལས་ཀྱི་ལེའུ་སྟེ་དགུ་པའོ།། །།འཇམ་དཔལ་དྲག་པོའི་ལས་བྱ་བར་འདོད་པས་གནས་ནི་དུར་ཁྲོད་དམ་ཤིང་གཅིག་གམ་ཆུ་བོ་ཆེན་པོའི་འགྲམ་མམ་གཙུག་ལག་ཁང་དུ་བྱའོ། །ཁང་པ་དེར་བའི་རྣམ་ལྔས་ཆག་ཆག་བཏབ་
སྟེ་དྲི་ཞིམ་པོའི་ཆུས་མཎྜལ་བྱའོ། །སྐུ་གཟུགས་ལ་སོགས་པ་ཡང་དགྲམ་པར་བྱའོ། །གྲོ་གའམ་རས་སམ་ཤིང་ཤུན་ལ་རྒྱལ་པོ་ལ་སོགས་པའི་གཟུགས་ནིམ་པའི་ཆུས་བྲིས་ལ་མཎྜལ་གྱི་སྟེང་དུ་ཁམ་པའི་ག་འུར་གཞུག་པར་བྱའོ། །དེ་ནས་མཎྜལ་གྱི་སྟེང་
དུ་གཞག་པར་བྱའོ། །པོག་ཕོར་ལ་སོགས་པའི་མཆོད་པ་ཡང་བཤམ་པར་བྱའོ། །དེ་ནས་བསམ་གཏན་བསྒོམ་པར་བྱ་སྟེ་ཡི་གེ་ཏྃ་ལས་བསྐྱེད་པའི་མྱུར་བའི་བརྩོན་འགྲུས་དང་ལྡན་པའི་ཡུམ་སྒྲོལ་མ་དཔའ་མོ་རྣལ་འབྱོར་མའི་ལུས་སུ་བསྒོམ་པ་ནི་པདྨ་རྒྱས་པ་
ལས་བྱུང་ཞིང་ཉི་ཟླའི་སྟེང་ན་བཞུགས་པ་སྐུ་མདོག་ལྗང་གུ་ཀུན་ནས་གསལ་བ་གཞོན་ནུ་ལང་ཚོ་ལ་བབ་པ་ལྟ་བུའི་སྐུ་དོ་ཤལ་དང་དཔུང་རྒྱན་དང་རིན་པོ་ཆེའི་ཆུན་འཕྱང་ལ་སོགས་པས་མཛེས་པར་བརྒྱན་པ། པཉྩ་ལི་ཀའི་གོས་ཀྱིས་སྨད་དཀྲིས་པ་ཀ་ཤི་ཀའི་གོས་
ཀྱིས་སྟོད་གཡོགས་པ་ཞབས་གཡས་བརྐྱང་བ་གཡོན་བསྐུམ་པས་བཞུགས་པ་ཞལ་གཅིག་ཕྱག་གཉིས་པ་ཞལ་མཆེ་བ་གཙིགས་པ་སྤྱན་ནི་རབ་ཏུ་འབར་ཞིང་དབུ་སྐྲ་གྱེན་དུ་བརྫེས་པ་དབུའི་ཟླ་བའི་སྟེང་ན་ཨ་མི་ཏཱ་བྷ་དང་བཅས་པ་བསྐལ་པའི་མེ་དཔུང་ནང་ན་བཞུགས་པ་ཕྱག་

གཡས་ན་འཁོར་ལོ་འཛིན་པ་གཡོན་སྡིགས་མཛུབ་དང་བཅས་པའི་ཨུཏྤ་ལ་སྡོང་བུ་དང་བཅས་པ་འཛིན་པ། སྐུ་ལས་ཁྲོ་བོ་འཕྲོ་བ་ཁྲོ་མོ་དཔག་ཏུ་མེད་པ་དང་ལྷན་ཅིག་ཏུའོ། །དེའི་བཟླས་པ་ནི་འདིའོ། །ཨོཾ་ཏུ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་
བཟླས་པར་བྱའོ། །དེ་ནས་ལས་ཀྱི་སྔགས་དང་བཅས་པ་ལན་གཅིག་གམ་བདུན་ནམ་ཉི་ཤུ་རྩ་གཅིག་གམ་བརྒྱ་རྩ་བརྒྱད་བཟླས་ཤིང་ཉིན་ལན་གསུམ་མཚན་ལན་གསུམ་བཟླས་ནས་གསོལ་བ་བཏབ་ན་འགྲུབ་པར་འགྱུར་རོ། །འཇམ་དཔལ་འདིའི་ཕན་ཡོན་
ནི་ཉོན་མོངས་པ་དང་ལས་དང་རྣམ་པར་སྨིན་པ་དང་ངན་སོང་ལ་སོགས་པ་ཐམས་ཅད་འཇོམས་པའོ། །འཇམ་དཔལ་མ་རུངས་པའི་དགྲ་དང་གདོན་དང་བགེགས་ལ་སོགས་པ་ཐམས་ཅད་འཇོམས་པར་འགྱུར་རོ། །དྲག་པོའི་ཕྲིན་ལས་ཀྱི་ལེའུ་སྟེ་བཅུ་པའོ།། །།
འཇམ་དཔལ་ཕྲིན་ལས་སྣ་ཚོགས་པའི་ལས་ནི་འདིའོ། །དུར་ཁྲོད་དམ་ཤིང་གཅིག་གམ་མཆོད་རྟེན་གྱི་མདུན་ནམ་ཆུ་བོ་ཆེན་པོའི་འགྲམ་དུ་ལས་བྱའོ། །ཁང་པ་དེར་བའི་རྣམ་ལྔས་སྐྱོང་ནུལ་བྱ་སྟེ། དྲི་ཞིམ་པོས་བྱུགས་པའི་མཎྜལ་ལ་མེ་ཏོག་སིལ་མ་དགྲམ་པར་བྱའོ། །
ཡུམ་གྱི་སྐུ་གཟུགས་ཀྱང་བཞུགས་ཏེ། སྦྲ་ཚིལ་ལས་བྱས་པའི་གཟུགས་ཀྱི་སྙིང་གར་དུར་ཁྲོད་ཀྱི་རས་ལ་སྔགས་བཅུ་པ་དང་གསལ་བའི་ཡི་གེ་གཉིས་དང་བཅས་པ་ལ་མིང་གི་ཡི་གེ་མཐའ་དང་བཅས་པ་བཅུག་སྟེ། མཎྜལ་གྱི་དབུས་སུ་གཞག་པར་བྱའོ། །པོག་པོར་
དང་མེ་ཏོག་ལ་སོགས་པ་ཡང་གཞག་པར་བྱས་ནས། དེ་ནས་བསམ་གཏན་བསྒོམ་པ་ནི་ཏྃ་ལས་བྱུང་བའི་མྱུར་བའི་བརྩོན་འགྲུས་དང་ལྡན་པའི་སྐུ། ཡུམ་སྒྲོལ་མ་དཔའ་མོ་རྣལ་འབྱོར་པའི་ལུས་སུ་བསྒོམ་པ་ནི། པདྨ་ལས་བྱུང་ཞིང་ཉི་ཟླའི་སྟེང་ན་སྐུ་མདོག་ནག་པོ་ཤིན་
ཏུ་འཚེར་བ་གཞོན་ནུ་ལང་ཚོ་ལ་བབ་པ་ལྟ་བུའི་སྐུ་དོ་ཤལ་དང་དཔུང་རྒྱན་དང་རིན་པོ་ཆེའི་ཆུན་འཕྱང་ལ་སོགས་པས་མཛེས་པར་བརྒྱན་པ། པཉྩ་ལི་ཀའི་གོས་ཀྱིས་སྨད་དཀྲིས་པ་ཀ་ཤི་ཀའི་གོས་ཀྱིས་སྟོད་གཡོགས་བྱས་པ་ཞབས་བརྐྱང་བསྐུམ་དུ་བཞུགས་པ་ཞལ་གཅིག་ཕྱག་

གཉིས་པ་མཆེ་བ་ཟླ་བ་ཕྱེད་པ་ལྟ་བུ་གཅིགས་པ་ཞལ་ཁྲོ་གཉེར་ཧཱུྃ་སྒྲ་དང་བཅས་པ་དབུ་སྐྲ་དམར་སེར་གྱེན་དུ་ཕྱོགས་པ་དབུ་ལ་ཟླ་བའི་སྟེང་ན་ཨ་མི་ཏཱ་བྷ་བཞུགས་པ། བསྐལ་པའི་མེ་དཔུང་དང་བཅས་པའི་འོད་ལས་འཇིགས་པ་བརྒྱད་ལས་བསྲུང་བའི་ལྷ་མོ་བརྒྱད་འཕྲོ་བ་ཕྱག་
གཡས་ན་གྲི་གུག་འཛིན་ཅིང་གཡོན་པ་སྡོང་བུ་དང་བཅས་པའི་ཨུཏྤ་ལའི་སྟེང་ན་མེ་ཏོག་གིས་བཀང་བའི་བྲམ་ཟེའི་ཐོད་པ་ཅན་འཛིན་པ་ཁྲོ་བོའི་ཚོགས་དང་བཅས་པ་བསྒོམ་པར་བྱའོ། །སྔགས་ནི་འདི་བཟླས་པར་བྱའོ། །ཨོཾ་ཏཱ་རེ་ཏུ་རེ་ཏུཏྟཱ་རེ་སྭཱ་ཧཱ། ཞེས་བཟླས་པར་བྱའོ། །
དེ་ནས་ལས་ཀྱི་སྔགས་དང་བཅས་པ་ལན་གཅིག་གམ་བདུན་ནམ་ཉི་ཤུ་རྩ་གཅིག་གམ། བརྒྱ་རྩ་བརྒྱད་བཟླས་ནས་གསོལ་བཏབ་ནས་འགྲུབ་པར་འགྱུར་རོ། །འཇམ་དཔལ་འདིའི་ཕན་ཡོན་ནི་ཕྲིན་ལས་བཞི་འགྲུབ་པར་འགྱུར་རོ། །འཇིགས་པ་ལས་བསྲུང་བར་འགྱུར་
རོ། །ཕྲིན་ལས་སྣ་ཚོགས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་ཡང་བཅོམ་ལྡན་འདས་ལ་སངས་རྒྱས་ཐམས་ཅད་བསྐྱེད་པའི་ཡུམ་ནི་རིགས་ལྔའི་བདག་ཉིད་ཀྱི་ཡུམ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་རྡོ་རྗེ་
རིགས་ཀྱི་ཡུམ་ནི་ཞལ་བཞི་མ་ཕྱག་བརྒྱད་མ་དུང་གི་མདོག་ཅན་གཞོན་ནུ་ལང་ཚོ་ལ་བབ་པ། ཞལ་དཀར་བ་དང་གནག་པ་དང་དམར་བ་དང་སེར་པོའི་ཞལ་བཞིའོ། །རིགས་ལྔས་དབུ་ལ་མཚན་པ་སྤྱན་གསུམ་པའོ། །ཕྱག་བརྒྱད་ནི་རྡོ་རྗེ་དང་མདའ་དང་མདུང་ཐུང་
དང་ཐ་མ་ལ་མཆོག་སྦྱིན་གྱི་ཕྱག་རྒྱའོ། །ཨུཏྤ་ལ་དང་གཞུ་དང་རྡོ་རྗེ་ལྕགས་ཀྱུ་དང་ཞགས་པ་དང་སྡིགས་མཛུབ་ནི་གཡོན་པའི་ཕྱག་རྒྱའོ། །རྡོ་རྗེ་སྐྱིལ་ཀྲུང་གིས་བཞུགས་ཤིང་ཆོས་སྐུའི་རང་བཞིན་ཅན་ནོ། །འཇམ་དཔལ་དེའི་སྔགས་ནི་འདིའོ། །ན་མོ་རཏྣ་ཏྲ་
ཡཱ་ཡ། ན་མ་ཨཱརྱ་ཛྙཱ་ན་སཱ་ག་རཱ་ཡ། ཨ་ཀྵོ་བྷྱཿ བྱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨཪྷ་ཏེ་བྷྱཿ སཾ་མྱཀ་སཾ་བུདྡྷཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། པོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུ་རེ་ཏུཏྟཱ་རེ་སྭཱ་ཧཱ། ཞེས་བརྗོད་པས་

རྡོ་རྗེའི་རིགས་ཐམས་ཅད་ཀྱིས་མེ་ཏོག་དང་མར་མེ་དང་དྲི་ཆབ་དང་བཤོས་གཙང་གིས་མཆོད་དོ། །འཇམ་དཔལ་དེའི་ལས་ནི་འདིའོ། །སྤྲ་ཚིལ་ལས་གང་ལ་བྱ་བའི་གཟུགས་བྱས་ཏེ། སྐྲོད་པའི་རྫས་ནི་བྱ་རོག་དང་ཧུ་ལུའི་ཤ་མིང་དང་བཅས་
པའི་སྙིང་གར་བཅུག་ནས་སྔགས་འདི་བརྗོད་པར་བྱའོ། །ཨོཾ་ཨ་མུ་ཀཾ་མེ་བ་ཤམ་ན་ཡ་སྭཱ་ཧཱ། ཞེས་བརྗོད་ནས་རླུང་གི་ཕྱོགས་སུ་སྤས་ན་འཇམ་དཔལ་འཐབ་ཅིང་འབྱེར་བར་འགྱུར་ཏེ་གཞན་དུ་འབྲོས་པར་འགྱུར་རོ། །རྡོ་རྗེ་རིགས་ཀྱི་ཡུམ་གྱི་ལེའུ་སྟེ་བཅུ་གཉིས་
པའོ།། །།འཇམ་དཔལ་པདྨའི་རིགས་ཀྱི་ཡུམ་ནི་ཞལ་བཞི་པ་ཕྱག་བརྒྱད་པ། རྩ་བའི་ཞལ་ནི་དམར་མོ་བནྡུ་ཀའི་མེ་ཏོག་གི་མདོག་ཅན་གྱི་སྐུ་གཞོན་ནུ་ལང་ཚོ་ལ་བབ་པ་གཡས་ཞལ་དཀར་པོ། གཡོན་ཞལ་ནག་པོ་རྒྱབ་ཞལ་སེར་པོ་རིགས་བཞིས་དབུ་
ལ་མཚན་པ་སྤྱན་གསུམ་པའོ། །ཕྱག་བརྒྱད་ན་པདྨ་དང་མདའ་དང་མདུང་དང་ཐ་མ་མཆོག་སྦྱིན་གྱི་ཕྱག་རྒྱའོ། །ཨུཏྤ་ལ་གཞུ་དང་རྡོ་རྗེ་ལྕགས་ཀྱུ་དང་ཞགས་པ་དང་སྡིགས་མཛུབ་ནི་གཡོན་པའི་ཕྱག་རྒྱའོ། །རྡོ་རྗེ་སྐྱིལ་མོ་ཀྲུང་གིས་བཞུགས་ཤིང་ཆོས་
སྐུའི་རང་བཞིན་ཅན་ནོ། །འཇམ་དཔལ་དེའི་སྔགས་ནི་འདིའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་སཱ་ག་རཱ་ཡ། ཨ་མི་ཏ་བྷ་དེ་བ་བྱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨཪྷ་ཏེ་བྷྱཿ སཾ་མྱཀི་སཾ་བུདྡྷཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་
ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏུཏྟཱ་རེ་ཏུ་རེ་སྭཱ་ཧཱ། ཞེས་བརྗོད་པས་པདྨའི་རིགས་ཐམས་ཅད་ཀྱིས་མེ་ཏོག་དང་བདུག་སྤོས་དང་མར་མེ་དང་དྲི་ཆབ་དང་ཞལ་ཟས་ཀྱིས་མཆོད་དོ། །འཇམ་དཔལ་དེའི་ལས་ནི་འདིའོ། །དྷ་དུ་ར་དང་ནིམ་པ་དང་མྱ་ངན་འཚང་
གིས་མེ་ཏོག་བཏགས་ཏེ་ཕྱེ་མ་སྦྲང་རྩི་དང་ལྡེ་གུ་བྱས་ནས་སྔགས་འདི་བརྗོད་པར་བྱའོ། །ཨོཾ་ཨ་མུ་ཀ་ཨ་མི་ཏ་ནཾ་ཀུ་མཱ་རི་མ་ཧཱ་མུ་རི་དྲ་བ་ཏེ་ན་ད་སྱ་པི་ཏ་བ་ཡཙྪ་ཏུ་ཧཱུྃ་ཧྲཱིཿ། ཞེས་བརྗོད་ནས་ལུས་ལ་བྱུགས་ན་རང་དབང་མེད་པར་ཁུགས་པར་འགྱུར་རོ། །པདྨ་རིགས་ཀྱི་ཡུམ་

གྱི་ལེའུ་སྟེ་བཅུ་གསུམ་པའོ།། །།འཇམ་དཔལ་དེ་བཞིན་གཤེགས་པའི་ཡུམ་ནི་ཞལ་བཞི་ཕྱག་བརྒྱད་པ་སེར་མོ་གསེར་བསྲེགས་པ་ལྟ་བུའི་སྐུ་གཞོན་ནུ་ལང་ཚོ་ལ་བབ་པ། རྩ་བའི་ཞལ་སེར་པོ་གཡས་དཀར་བ་གཡོན་དམར་བ་རྒྱབ་ཀྱི་ཞལ་གནག་པ་རིགས་
བཞིས་དབུ་ལ་མཚན་པ་སྤྱན་གསུམ་པའོ། །ཕྱག་བརྒྱད་ན་འཁོར་ལོ་དང་མདའ་དང་མདུང་དང་ཐ་མ་མཆོག་སྦྱིན་མཛད་པའོ། །ཨུཏྤ་ལ་དང་གཞུ་དང་རྡོ་རྗེ་ལྕགས་ཀྱུ་དང་ཞགས་པ་དང་སྡིགས་མཛུབ་དང་བཅས་པ་གཡོན་ན་འཛིན་པའོ། །རྡོ་རྗེ་སྐྱིལ་མོ་
ཀྲུང་གིས་བཞུགས་ཤིང་ཆོས་སྐུའི་རང་བཞིན་ཅན་ནོ། །འཇམ་དཔལ་དེའི་སྔགས་ནི་འདིའོ། །ན་མོ་རཏྣ་ཏྲ་ཡཱ་ཡ། ན་མོ་ཨཱརྱ་ཛྙཱ་ན་སཱ་ག་རཱ་ཡ་བཻ་རོ་ཙ་ན་བྱཱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨཪྷ་ཏེ་བྷྱཿ སཾ་མྱཀ་སཾ་བུདྡྷཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་
སྭཱ་ཧཱ། ཞེས་བརྗོད་པས་ནི་དེ་བཞིན་གཤེགས་པའི་རིགས་ཐམས་ཅད་ཀྱིས་མཆོད་པའི་མེ་ཏོག་དང་མར་མེ་དང་བདུག་པ་དང་དྲི་ལ་སོགས་པས་མཆོད་དོ། །འཇམ་དཔལ་དེའི་ལས་ནི་འདིའོ། །ཐལ་ཆེན་དང་ས་ཞག་ལ་གཟུགས་བྱ་སྟེ་སྙིང་གར་གསལ་
བྱེད་གཉིས་ཀྱི་ཡི་གེའི་མཐའ་ཅན་བཅུག་ལ་སྔགས་འདི་བརྗོད་པར་བྱའོ། །ཨོཾ་མཱ་ར་ཡ་མཱ་ར་ཡ། ཀཱ་ར་ཡ་ཀཱ་ར་ཡ། སྟཾ་བྷ་ཡ་སྟཾ་བྷ་ཡ། ཛཾ་བྷ་ཡ་ཛཾ་བྷ་ཡ། ཧཱུྃ་ཧཱུྃ་ཧཱུྃ། ལྃ་ལྃ་ལྃ་ལྃ་ལྃ། ཞེས་བརྗོད་ནས་ལམ་རྒྱ་གྲམ་དུ་སྦ་བར་བྱའོ། །དེ་བཞིན་གཤེགས་
པ་ཐམས་ཅད་ཀྱི་ཡུམ་གྱི་ལེའུ་སྟེ་བཅུ་བཞི་པའོ།། །།འཇམ་དཔལ་རིན་པོ་ཆེའི་རིགས་ཀྱི་ཡུམ་ནི་ཞལ་བཞི་ཕྱག་བརྒྱད་པ་རྩ་བའི་ཞལ་ནི་མཐིང་ག་གཞོན་ནུ་ལང་ཚོ་ལ་བབ་པ་མཐིང་གའི་སྐུ་ཞལ་གཡས་དཀར་བ་གཡོན་དམར་བ་རྒྱབ་ཞལ་སེར་བ་རིགས་བཞིས་དབུ་
ལ་མཚན་པ་སྤྱན་གསུམ་པའོ། །ཕྱག་བརྒྱད་ནི་རིན་པོ་ཆེ་དང་མདའ་དང་མདུང་དང་ཐ་མ་མཆོག་སྦྱིན་མཛད་པའོ། །ཨུཏྤལ་དང་གཞུ་དང་རྡོ་རྗེ་ལྕགས་ཀྱུ་དང་ཞགས་པ་དང་སྡིགས་མཛུབ་གཡོན་པ་ན་འཛིན་པའོ། །རྡོ་རྗེ་སྐྱིལ་མོ་ཀྲུང་གིས་བཞུགས་ཤིང་ཆོས་སྐུའི་རང་བཞིན་ཅན་ནོ། །

༄༅། །འཇམ་དཔལ་དེའི་སྔགས་ནི་འདིའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་སྭཱ་ག་རཱ་ཡ་སཾ་བྷ་བ་བྱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨཪྷ་ཏེ་བྷྱཿ སཾ་མྱཀ་སཾ་བུདྡྷཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། །
ཏདྱ་ཐཱ། ཨོཾ་ཏཱ་རེ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བརྗོད་པས་རིན་པོ་ཆེའི་རིགས་ཐམས་ཅད་ཀྱིས་མེ་ཏོག་དང་བདུག་སྤོས་དང་མར་མེ་དང་དྲི་ཆབ་ཀྱིས་མཆོད་དོ། །འཇམ་དཔལ་དེའི་ལས་ནི་འདིའོ། །སྟག་མའི་རྩ་བ་རུལ་བ་དང་རྙིང་པ་ལས་སྐྱེས་པའི་སྲིན་བུ་དང་ས་བོན་
གཉིས་སུ་བསྲེས་པ་ཁམ་པའི་ག་འུར་བཅུག་སྟེ་སྔགས་འདི་བརྗོད་པར་བྱའོ། །ཨོཾ་ཨ་མུ་ཀ་ཨི་བི་ཊཱ་ནཾ། ཨཱ་ཀརྵ་ཡ་ཨཱ་ཀརྵ་ཡ་ཨ་མུ་ཀི་མ་ཡེ་བ་སེ་ཏྲཾ་ས་བན་ཀ་ཐ་ཧཱུྃ་ཧྲཱིཿ། ཞེས་བཟླས་ཏེ་མ་ལ་འོག་ཏུ་སྦས་ན་ཡོན་ཏན་ཤེས་ཤིང་མི་ཕྱེད་པར་འགྱུར་རོ། །རིན་པོ་ཆེའི་
རིགས་ཀྱི་ཡུམ་གྱི་ལེའུ་སྟེ་བཅྭ་ལྔ་པའོ།། །།འཇམ་དཔལ་ལས་ཀྱི་རིགས་ཀྱི་ཡུམ་ནི་ཞལ་བཞི་ཕྱག་བརྒྱད་པ་རྩ་བའི་ཞལ་ནི་ལྗང་གུ་གཞོན་ནུ་ལང་ཚོ་ལ་བབ་པ་གཡས་དཀར་བ་གཡོན་དམར་བ་རྒྱབ་ཞལ་ལྗང་གུ་རིགས་བཞིས་དབུ་ལ་མཚན་པ་སྤྱན་གསུམ་པའོ། །
ཕྱག་བརྒྱད་ལ་རལ་གྲི་དང་མདའ་དང་མདུང་དང་ཐ་མ་མཆོག་སྦྱིན་མཛད་པའོ། །ཨུཏྤལ་དང་གཞུ་དང་རྡོ་རྗེ་ལྕགས་ཀྱུ་དང་། ཞགས་པ་དང་སྡིགས་མཛུབ་ནི་གཡོན་ན་འཛིན་པའོ། །རྡོ་རྗེ་སྐྱིལ་མོ་ཀྲུང་གིས་བཞུགས་ཤིང་ཆོས་སྐུའི་རང་བཞིན་ཅན་ནོ། །འཇམ་
དཔལ་དེའི་སྔགས་ནི་འདིའོ། །ན་མོ་རཏྣ་ཏྲ་ཡཱ་ཡ། ནམ་ཨཱརྱ་ཛྙཱ་ན་སཱ་ག་རཱ་ཨ་མོ་གྷ་སིདྡྷི་བྱཱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨཪྷ་ཏེ་བྷྱཿ སཾ་མྱཀ་སཾ་བུདྡྷཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏུ་
རེ་ཏུཏྟཱ་རེ་སྭཱ་ཧཱ། ཞེས་བརྗོད་པས་ལས་ཀྱི་རིགས་ཐམས་ཅད་ཀྱིས་མེ་ཏོག་དང་བདུག་སྤོས་དང་མར་མེ་དང་དྲི་ཆབ་ཀྱིས་མཆོད་དོ། །འཇམ་དཔལ་དེའི་ལས་ནི་ཕྲག་དོག་མེད་པར་མོ་ཐམས་ཅད་འགུགས་པ་ནི་ཕུག་རོན་གྱི་མིག་དང་ལྕེ་དང་སྙིང་དང་གོ་རོ་ཙན་དང་དངུལ་རྡོ་དང་དེ་

རྣམས་ནིམ་པས་རིལ་བུ་བྱས་ཏེ་འདི་བརྗོད་པར་བྱའོ། །ཙ་ལ་པྲ་ཙ་ལ་ཤཱི་གྷྲཱཾ་ག་མི་དེ་བ་དངྟ་ཨུ་ཙ་ཏཱ་ཡ་ཨ་མུ་ཀཾ་བ་སཱ་ནཱཾ་མུག་ཏཾ་ཀུ་རུ་ན་ཡིན་མ་ཧཱ་རི་ཧད་ཏེ་ཧྲཱིཿསྭཱ་ཧཱ། ཞེས་བཟླས་ཏེ་བྱུགས་ན་མོ་ཐམས་ཅད་ཁུགས་པར་འགྱུར་དབང་དུ་འགྱུར་ཏེ་ཕྲག་དོག་མེད་པར་འགྱུར་
རོ། །ལས་ཀྱི་རིགས་ཀྱི་ཡུམ་གྱི་ལེའུ་སྟེ་བཅུ་དྲུག་པའོ།། །།དེ་ལྟར་ལས་ཀྱི་བྱེ་བྲག་བསྟན་ནས་འཇམ་དཔལ་གཞོན་ནུར་གྱུར་པས་སྨྲས་པ། ལས་རྣམས་ཐམས་ཅད་ཀུན་རྫོགས་པར་བྱེད་པ་སྦྱིན་སྲེག་ཇི་ལྟར་ནན་ཏན་དུ་བྱ་ཞེས་སྨྲས་པ་དང་། བཅོམ་ལྡན་འདས་
ཀྱིས་བཀའ་སྩལ་པ། འཇམ་དཔལ་འདི་ཐམས་ཅད་ཀྱི་སྔོན་དུ་འགྲོ་ཞིང་སོ་སོའི་ལས་བསྒྲུབ་པའི་ཕྱིར་སྦྱིན་སྲེག་བྱའོ། །དེ་ལ་དང་པོ་ཞི་བའི་ལས་བྱ་བ་ནི་ཚེས་གསུམ་པའི་ཟླ་བ་ལ་ཁ་དོག་དང་མཐུན་པའི་ཁང་བུ་བྱ་སྟེ་རྡོ་རྗེ་དཀར་པོ་དགོད་པར་བྱའོ། །བུད་ཤིང་ནི་ཙནྡན་
དཀར་པོའི་ཤིང་ལ་སོགས་པ་ལ་བྱའོ། །དེ་ལ་མེ་སྦར་ཏེ་སྐུ་གཟུགས་མདུན་དུ་བཞག་སྟེ་འབྲས་དང་ཁྲེ་དང་ཅི་ཙེ་དང་ཏིལ་དཀར་པོ་ལ་སྔགས་གདབ་པ་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ལན་བདུན་ནམ་ཉི་ཤུ་རྩ་གཅིག་ཏུ་བཟླས་ཏེ་མེའི་ནང་དུ་དོར་བར་བྱའོ། །ཞོ་
དང་འོ་མ་ལ་སྔགས་བཏབ་སྟེ་ཤཱནྟིཾ་ཀུ་རུ་དང་བཅས་པས་དབུལ་བར་བྱའོ། །འོ་མ་ཅན་གྱི་ཤིང་དང་མར་དཀར་པོ་ལ་ནི་སརྦ་པཱ་བཾ་དང་བཅས་པས་ཕུལ་ཏེ་བསྟོད་པ་བྱའོ། །འཇམ་དཔལ་མེ་ཏོག་དཀར་པོ་དང་བཅས་པའི་མེའི་ཁང་པར་ཙནྡན་ལ་སོགས་པའི་དྲི་ཞིམ་པོའི་
ཤིང་ལ་མེ་སྦར་ཏེ། སྐུ་གཟུགས་མདུན་དུ་བཞག་ལ་ཆུ་དང་ཡུངས་ཀར་ལ་སྔགས་བཏབ་ལ་མེར་གཏོར་བའི་སྔགས་ནི། །ཏདྱ་ཐཱ། ཨོཾ་སརྦ་ཏ་ཐཱ་ག་ཏ། ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བྱ་བའི་སྔགས་དང་སརྦ་བཱ་བཾ་ཤཱནྟིཾ་ཀུ་རུ་སྭཱ་ཧཱ། ཞེས་བྱ་བ་ཆུ་ཁྱོར་བ་བརྒྱ་
རྩ་བརྒྱད་དབུལ་བར་བྱའོ། །འཇམ་དཔལ་དེའི་ཕན་ཡོན་ནི་མཚམས་མེད་པ་ལ་སོགས་པའི་སྡིག་པ་ཞི་བར་འགྱུར་རོ། །ནད་འགོ་བ་དང་གདོན་ལ་སོགས་པ་ཐམས་ཅད་ཀྱང་ཞི་བར་འགྱུར་རོ། །སྐྱེ་བ་ཐམས་ཅད་དུ་ཚེ་རབས་དྲན་པར་འགྱུར་རོ། །འཇམ་དཔལ་བའི་

རྣམ་པ་ལྔས་བྱུག་པས་བྱུགས་ཏེ། མེའི་ཁང་བུ་དྲི་དང་ལྡན་པའི་ཁང་པར་སྤྲ་ཚིལ་ལས་གཟུགས་བྱས་པ་དང་བཅས་པ་སྔགས་འདིས་བསྲེག་གོ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བྱ་བས་བསྲེགས་ན་དབང་དུ་འགྱུར་ཞིང་ཚར་གཅད་པར་ཡང་
འགྱུར་རོ། །སྦྱིན་སྲེག་གི་ལེའུ་སྟེ་བཅུ་བདུན་པའོ།། །།དེ་ནས་བཅོམ་ལྡན་འདས་ཀྱིས་འཛུམ་པ་མཛད་དེ། བྱང་ཆུབ་སེམས་དཔའ་འཇམ་དཔལ་གཞོན་ནུ་ལ་འཁོར་ལོའི་རིམ་པ་བཀའ་སྩལ་ཏོ། །འཁོར་ལོ་ལིང་ཚེ་དགུ་པ་ལ་ཨོཾ་དད་ཧཱ་གཉིས་ཀྱི་དབུས་སུ་
ཆེ་གེ་མོ་དང་བཅས་པ་བྲི། རཀྵཿརཀྵཿཞེས་པ་ནི་བསྲུང་བའོ། །ཕྱོགས་མཚམས་སུ་ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བྱ་བ་བྲིས་ཏེ་ཀུན་ལ་སྭཱ་ཧཱའི་བར་དུ་བཅུག་པ་གྲོ་ག་ལ་གུར་གུམ་གྱིས་བྲིས་ནས་དཔུང་བ་ལ་བཏགས་ན་བསྲུང་བའི་མཆོག་ཏུ་འགྱུར་རོ། །
ཞི་བའི་བསྲུང་བའི་འཁོར་ལོའི་ལེའུ་སྟེ་བཅྭ་བརྒྱད་པའོ།། །།དེ་ནས་དབང་གི་བསྲུང་བ་ནི། འཁོར་ལོ་ལིང་ཚེ་དགུ་པ་ལ་ཨོཾ་དང་ཧཱ་གཉིས་ཀྱི་དབུས་སུ་ནི་ཆེ་གེ་མོ་དང་བཅས་པ་བྲི། རཀྵཿརཀྵ་ཞེས་པ་ནི་བསྲུང་བའོ། །ཕྱོགས་མཚམས་སུ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་
བྱ་བ་བྲི་སྟེ་ཀུན་ལ་མུ་དང་མུའི་བར་དུ་ས་བོན་ནོ། །དེ་གྲོག་དམར་པོ་ལ་རྒྱ་སྐྱེགས་ཀྱི་ཁུ་བས་བྲིས་ཏེ་ལྟེ་བར་མི་མངོན་པར་བཏགས་ན་བསྲུང་བའི་མཆོག་ཏུ་འགྱུར་ཞིང་དབང་དུ་སྡུད་དོ། །དབང་གི་བསྲུང་བའི་འཁོར་ལོའི་ལེའུ་སྟེ་བཅུ་དགུ་པའོ།། །།དེ་ནས་རྒྱས་པའི་བསྲུང་
བ་ནི་འཁོར་ལོ་རྩིབས་བརྒྱད་པ་བྱ་སྟེ། ཨོཾ་ཏཱ་རེ་ཏུཏྟཱ་རེ་ཏུ་རེ་བརྒྱད་པོ་དགོད་པར་བྱའོ། །དབུས་སུ་སྭཱ་ཧཱའི་མཐའ་ཅན་གྱི་མིང་རཀྵཿརགྵཿདང་བཅས་པ་གྲོག་ལ་གུར་གུམ་གྱིས་བྲིས་པ་དཔུང་པའམ། མགུལ་དུ་བཏགས་ན་བསྲུང་བའི་མཆོག་ཏུ་འགྱུར་རོ། །རྒྱས་པའི་བསྲུང་
བའི་འཁོར་ལོའི་ལེའུ་སྟེ་ཉི་ཤུ་པའོ།། །།དེ་ནས་བར་ཆད་ཐམས་ཅད་བསྲུང་བའི་འཁོར་ལོ་ནི་མུ་ཁྱུད་གསུམ་ལ་ཐ་མ་ལིང་ཚེ་བརྒྱད་པའོ། །དབུས་སུ་མིང་གི་མཐའ་ཅན་གྱི་སྭཱ་ཧཱ་རཀྵཿདང་བཅས་པའོ། །མུ་ཁྱུད་ནང་མ་ལ་ཨུ་ཨུ་ཨུ་ཨུ་ཨུ་ཨུ་ཨུ་ཨུ་ཞེས་བྱ་བ་དགོད་པར་

བྱའོ། །ལིང་ཚེ་བརྒྱད་པ་ཕྱི་མ་ལ་ནི། ཨོཾ་ཏཱ་རེ་ཏུ་རེ་ཏུཏྟཱ་རེ་ཞེས་བྱ་བའི་ཡིག་འབྲུ་རྣམས་ཨུ་དང་ཨུའི་བར་དུ་བཅུག་པ་བཀོད་ལ་གྲོ་ག་འམ་ཤིང་ཤུན་ལ་གུར་གུམ་གྱིས་བྲིས་ཏེ་སྤྱི་བོའམ་མཆན་ཁུང་དུ་མིས་མི་མཐོང་བར་བཏགས་ན་གནོད་པ་ཐམས་ཅད་ལས་ཐར་རོ། །སྔགས་ནི་
ཅི་མང་དུ་གྲངས་དང་ལྡན་པར་བཟླས་སོ། །ཤིན་ཏུ་རྒྱས་པའི་བསྲུང་བའི་འཁོར་ལོའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ཕྲིན་ལས་ཐམས་ཅད་བསྒྲུབ་པའི་འཁོར་ལོ་ནི་གྲོག་འམ་རས་ལ་ལིང་ཚེ་དགུ་པའི་འཁོར་ལོ་ཙནྡན་དཀར་པོའི་ཆུས་བྲིས་ཏེ་སྔགས་དགོད་བ་ནི།
ཨ་ཨཱ་ཨི་ཨཱི་ཨུ་ཨཱུ་ཨེ་ཨཻ་ཨོ་ཨོཾ་རྀ་རཱྀ་ལྀ་ལཱྀ་ཨཾ་ཨཿཞེས་བྱ་བ་ཕྱིའི་མུ་ཁྱུད་ལའོ། །ནང་གི་མུ་ཁྱུད་ལ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཨོཾ་དང་ཧཱའི་བར་དུ་རཀྵཿ ཤཱིནྟཾ་ཀུ་རུ་སྭཱ་ཧཱ་ཞེས་པ་ནི་སྟེང་གི་འཁོར་ལོའོ། །འོག་གི་འཁོར་ལོ་ནི་སྔགས་བཟློག་པས་སོ། །ཕྱིའི་དབྱངས་
ཡིག་ཀྱང་བཟློག་པར་ཤེས་པར་བྱའོ། །དབུས་སུ་ནི་ཨོཾ་དང་ཧཱའི་བར་དུ་རཀྵཿཤཱནྟིཾ་ཀུ་རུ་བྲི་བར་བྱའོ། །ཞི་བ་ཆེན་པོའི་འཁྲུལ་འཁོར་གྱི་བསྲུང་བ་སྟེ་ལེའུ་ཉི་ཤུ་རྩ་གཉིས་པའོ།། །།དེ་ནས་ཕྲིན་ལས་བཞིའི་ལས་སོ་སོའི་འཁོར་ལོ་ནི་ཞི་བ་ནི་ཁམ་པ་ལ་གའུ་ཁ་སྦྱོར་བྱ་སྟེ་
མེར་བསྲེགས་ལ་ཁ་དོག་དཀར་པོས་བྱུག་པར་བྱའོ། །དེའི་ནང་དུ་འཁོར་ལོ་ལིང་ཚེ་དགུ་པ་བྲིས་ཏེ་སྔགས་དགོད་པ་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་ཞེས་བྱ་བ་རེའུ་མིག་བརྒྱད་ལའོ། །རུ་རུ་ཨོཾ་རུ་རུ། རུ་རུ་ཏཱ་རུ་རུ། རུ་རུ་རེ་རུ་རུ། རུ་རུ་ཏུ་ཏ་རུ་རུ། རུ་རུ་ཏཱ་རུ་རུ། རུ་རུ་རེ་རུ་རུ། རུ་རུ་
ཏུ་རུ་རུ། རུ་རུ་རེ་རུ་རུ། ཞེས་བྲིའོ། །དབུས་སུ་ནི་ཀུ་རུ་ཤཱནྟིཾ་ཀུ་རུ་སྭཱ་ཧཱ་ཞེས་བྲིས་ཏེ་ག་འུར་སྦྱར་ཏེ་དབུས་སུ་སྲད་པུ་དཀར་པོ་དང་ལྡན་པའི་གའུ་མཎྜལ་ཐོག་ཏུ་བཞག་ལ། མེ་ཏོག་དཀར་པོས་མཆོད་ཅིང་མཆོད་པ་རྣམ་པ་ལྔ་ཡང་དབུལ་ཏེ་དུས་གསུམ་དུ་མཆོད་ན་ཞི་བར་འགྱུར་རོ། །
ཞི་བའི་འཁོར་ལོའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་ཞི་བ་ཆེན་པོའི་ལས་བྱ་བ་ནི་ཁམ་པ་ལ་གའུ་ཁ་སྦྱོར་བྱ་སྟེ་ཙནྡན་དཀར་པོས་སྣག་ཚ་བྱས་ལ་འཁོར་ལོ་ཕྱི་ནང་དང་ལྡན་པའི་ལིང་ཚེ་དགུ་པ་བྲི་བར་བྱའོ། །སྔགས་དགོད་པ་ནི་སྭཱ་ཤཱནྟིཾ་ཀུ་རུ་ཧཱ་ཞེས་བྱ་བ་དབུས་སུ་བྲིའོ། །

མུ་ཁྱུད་ནང་མ་ལ་ནི་ཨ་ཨ་ཞེས་བྱ་བ་བརྒྱད་དགོད་པར་བྱའོ། །མུ་ཁྱུད་ཕྱི་མ་ལ་ནི་ཨ་ཨོཾ་ཨ་ཨ་ཏཱ་ཨ་ཨ་རེ་ཨ། ཨ་ཏུཏ་ཨ། ཨ་ཏཱ་ཨ། ཨ་རེ་ཨ། ཨ་ཏུ་ཨ། ཨ་རེ་ཨ། ཞེས་བྱ་བ་བྲི་བར་བྱའོ། །གའུ་མེ་ཏོག་གི་ཕྲེང་བ་བཅིངས་ཏེ་མཎྜལ་གྱི་
སྟེང་དུ་བཞག་ནས་དུས་བཞིར་མཆོད་ཅིང་ཞག་བདུན་དུ་སྔགས་མ་ནོར་བར་བཟླས་ན་ཞི་བ་ཆེན་པོར་འགྲུབ་པར་འགྱུར་རོ། །ཞི་བ་ཆེན་པོའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་རྒྱས་པའི་ལས་བྱ་བ་ནི་གུར་གུམ་མམ་གི་ཝང་གིས་གྲོ་ག་ལ་འཁོར་ལོ་ཕྱི་ནང་དང་ལྡན་པའི་
ལིང་ཚེ་དགུ་པ་བྲི་སྟེ། དབུས་སུ་སརྦྦ་པུཥྚིཾ་ཀུ་རུ། ཨོཾ་ཨ་ཞེས་བྱ་བ་དགོད་པར་བྱའོ། །ལིང་ཚེ་ནང་མ་བརྒྱད་ལ་ཨོཾ་བརྒྱད་བྲི་བར་བྱའོ། །ལིང་ཚེ་ཕྱི་མ་བརྒྱད་ལ། ཨོཾ་ཨོཾ་ཨོཾ། ཨོཾ་ཏཱ་ཨོཾ། ཨོཾ་རེ་ཨོཾ། ཨོཾ་ཏུཏ་ཨོཾ། ཨོཾ་ཏཱ་ཨོཾ། ཨོཾ་རེ་ཨོཾ། ཨོཾ་ཏུ་ཨོཾ། ཨོཾ་
རེ་ཨོཾ། ཞེས་བྱ་བ་བྲིས་ནས་ཁམ་པའི་གའུར་བཅུག་སྟེ་མེ་ཏོག་སེར་པོ་ནཱ་ག་པུཥྤའི་མེ་ཏོག་དང་མཆོད་པ་ལྔ་དུས་བཞིར་ཟླ་བ་རྒྱས་ནས་བཟུང་ནས་ཞག་བདུན་དུ་མཆོད་ན་ཚེ་དང་བསོད་ནམས་ཐམས་ཅད་རྒྱས་པར་འགྲུབ་བོ། །རྒྱས་པའི་འཁོར་ལོའི་ལེའུ་སྟེ་ཉི་ཤུ་རྩ་ལྔ་པའོ།། །།
དེ་ནས་དབང་དུ་བསྡུ་བར་འདོད་ན། ཀཎྜ་ཀ་རིའི་ཤུན་པ་དང་སེང་ལྡེང་གི་ཤུན་པ་དང་མཛོ་མོ་ཤིང་གི་ཤུན་པ་བཀུས་པའི་ཁུ་བས་བསེ་གབ་བམ་གའུ་ལ་འཁོར་ལོ་བྲི་བ་ནི་ལིང་ཚེ་དགུ་པའོ། །སྔགས་དགོད་པ་ནི་དབུས་སུ་ཨ་སྭཱ་ཙ་ཨ་མོ་གྷ་ཨཱ་ཧྲཱིཿཧ། ཞེས་བྲི་བར་བྱའོ། །ལིང་
ཚེ་བརྒྱད་ལ་ནི། ཨ་ཨོཾ་ཨ། ཨ་ཏཱ་ཨ། ཨ་རེ་ཨ། ཨ་ཏུཏ་ཨ། ཨ་ཏཱ་ཨ། ཨ་རེ་ཨ། ཨ་ཏུ་ཨ། ཨ་རེ་ཨ། ཞེས་བྲིས་ནས་ཐོད་པ་ཁ་སྦྱོར་གྱི་ནང་དུ་བཅུག་ལ་སྐུད་པ་སྔོན་པོས་བཀྲིས་ཏེ་མེ་ཏོག་དམར་པོ་དང་མཆོད་པ་ལྔས་དུས་བཞིར་ཟླ་བ་ཁམ་པའི་དུས་སུ་མཆོད་
ན་ཐམས་ཅད་དབང་དུ་འདུའོ། །དབང་དྲག་གི་འཁོར་ལོའི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་དབང་དུ་འདུ་བར་བྱེད་པ་ནི། སྲིན་ལག་གི་ཁྲག་དང་རྒྱ་སྐྱེགས་ཀྱི་ཁུ་བ་དང་དུར་ཁྲོད་ཀྱི་སོལ་བ་དང་ཀན་ཀའི་ཁུ་བ་རྣམས་ཀྱིས་བྲིས་ཏེ། དུར་ཁྲོད་ཀྱི་རས་སམ་མི་ཤི་བའི་གོས་ལ་

འཁོར་ལོ་ལིང་ཚེ་དགུ་པ་བྲིའོ། །དབུས་སུ་ཨ་མོ་གྷ་ཧྲཱིཿཧ་ཞེས་བྲིའོ། །རྩིབས་བརྒྱད་ལ་ཨོཾ་དེ་ཨོཾ། ཏཱ་བ་ཏཱ། རེ་དཏ་རེ། ཏུཏྟཱ་ཏུཏ། ཏཱ་ཨ་ཏཱ། རེ་མོ་རེ། ཏུ་གྷ་ཏུ། རེ་ཧྲིཿཞེས་བྱ་བ་བྲིས་ཏེ་གའུར་སྲིན་མགོ་དམར་པོ་དང་འཁོར་ལོ་ཕྲལ་ནས་གཙང་པོ་ཕར་
འགྲམ་ཚུར་འགྲམ་དུ་སྦས་ན་དབྱེ་ཞིང་དབང་དུ་འགྱུར་རོ། །དབྱེ་ཞིང་དབང་དུ་བསྡུ་བའི་འཁོར་ལོའི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་བསྐྲད་པར་འདོད་ན་ར་དུག་པ་དང་ཁྲག་དང་ར་མས་རྣམས་སྦྱར་ནས། དུར་ཁྲོད་ཀྱི་རས་ལ་འཁོར་ལོ་གཉིས་བྲིས་ཏེ་ལིང་ཚེ་
དགུ་པའི་དབུས་སུ་ཧས་ཨུ་ཙ་ཧ་ཧ་ཧ། བྲི་བར་བྱའོ། །ལིང་ཚེ་བརྒྱད་ལ་ཧ་ཨོཾ་ཧ། ཧ་ཏཱ་ཧ། ཧ་རེ་ཧ། ཧ་ཏུཏ་ཧ། ཧ་ཏཱ་ཧ། ཧ་རེ་ཧ། ཧ་ཏུ་ཧ། ཧ་རེ་ཧ། ཞེས་བྲིས་ཏེ་ཁ་སྦྱར་ཀ་པཱ་ལར་བཅུག་སྟེ་སྐུད་པ་སྔོན་པོས་བཅིངས་ཏེ་དུར་ཁྲོད་དུ་སྦས་ན་བསྐྲད་པར་འགྱུར་རོ། །
བསྐྲད་པའི་འཁོར་ལོའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་དབྱེ་བའི་འཁོར་ལོ་ནི། དུར་ཁྲོད་ཀྱི་སོལ་བ་དང་བྱ་རོག་དང་འུག་པའི་ཁྲག་དང་དུག་རྣམས་མཉམ་པར་བསྲེས་པའི་སྣག་ཚས་འཁོར་ལོ་ཕྱི་ནང་བཅས་པའི་ལིང་ཚེ་དགུ་པ་བྲིས་ཏེ་དབུས་སུ་ཕཊ་སྭཱ་དེ་བ་ད་ཏ་
ཏ་ཧཱ་ཕཊ་ཞེས་བྱ་བ་བྲིའོ། །ལིང་ཚེ་ནང་མ་བརྒྱད་ལ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཞེས་བྱ་བ་བྲིའོ། །ལིང་ཚེ་ཕྱི་མ་བརྒྱད་ལ་ཕཊ་ཨོཾ་ཕཊ། ཕཊ་ཏཱ་ཕཊ། ཕཊ་རེ་ཕཊ། ཕཊ་ཏུཏ་ཕཊ། ཕཊ་ཏཱ་ཕཊ། ཕཊ་རེ་ཕཊ། ཕཊ་ཏུ་ཕཊ། ཕཊ་རེ་ཕཊ་ཞེས་བྱ་བ་བྲི་སྟེ།
བྱ་རོག་དང་འུག་པའི་སྒོ་ངར་བཅུག་སྟེ་བྲག་དང་ཆུ་འཐབ་སར་སྒོ་ང་སྦས་ན་འབྱེ་བར་འགྱུར་རོ། །དབྱེ་བའི་འཁོར་ལོའི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས་གསད་པའི་འཁོར་ལོ་ནི། དུག་དང་ཁྲག་དང་སྐེ་ཚེ་རྣམས་མཉམ་པར་སྦྱར་བས་ལིང་ཚེ་དགུ་པའི་འཁོར་ལོ་ཕྱི་ནང་དང་
བཅས་པ་བྲིས་ཏེ། དབུས་སུ་ཧཱུྃ་སྭཱ་མཱ་ར་ཡ་ཧཱ་ཕཊ་ཞེས་བྱ་བ་བྲིའོ། །ལིང་ཚེ་ནང་མ་ལ་ཧཱུྃ་ཕཊ་ཧཱུྃ། ཕཊ་ཧཱུྃ་ཕཊ། ཧཱུྃ་ཕཊ་ཧཱུྃ། ཕཊ་ཧཱུྃ་ཕཊ། ཧཱུྃ་ཕཊ་ཧཱུྃ། ཕཊ་ཧཱུྃ་ཕཊ། ཧཱུྃ་ཕཊ་ཧཱུྃ། ཕཊ་ཧཱུྃ་ཕཊ། ཞེས་བྱ་བ་བྲིའོ། །ལིང་ཚེ་ཕྱི་མ་ལ་ཧཱུྃ་ཨོཾ་ཕཊ། ཧཱུྃ་ཏཱ་ཕཊ། ཧཱུྃ་རེ་ཕཊ། ཧཱུྃ་ཏུཏ་

ཕཊ། ཧཱུྃ་ཏཱ་ཕཊ། ཧཱུྃ་རེ་ཕཊ། ཧཱུྃ་ཏུ་ཕཊ། ཧཱུྃ་རེ་ཕཊ། ཞེས་བྱ་བ་བྲིས་ཏེ། རབས་ཆད་ཕོ་མོའི་ཐོད་པ་ལ་བྲིས་ཏེ་སྔགས་མང་དུ་བཟླས་ནས་དུར་ཁྲོད་དུ་སྦས་ན་འཆི་བར་འགྱུར་རོ། །གསད་པའི་འཁོར་ལོའི་ལེའུ་སྟེ་སུམ་ཅུ་པའོ།། །།དེ་ནས་མྱོས་པའི་འཁོར་
ལོ་ནི་ད་དུ་རའི་ཆུས་རས་སམ་ཤོ་གུ་ལ་ལིང་ཚེ་དགུ་པ་ཕྱི་ནང་དུ་བཅས་པ་བྲིས་ཏེ། དབུས་སུ་ཧ་ཧ་དེ་བ་ད་ཏ་ཏ་ཧ་ཧ། ཞེས་བྲིའོ། །ལིང་ཚེ་ནང་མ་ལ་ཧྷ་ཧྷ་ཧྷ་ཧྷ་ཧྷ་ཧྷ་ཧྷ་ཧྷ། ཞེས་བྲི་བར་བྱའོ། །ཕྱི་མ་བརྒྱད་ལ། ཧྷ་ཨོཾ་ཧྷ། ཧྷ་ཏཱ་ཧྷ། ཧྷ་རེ་ཧྷ། ཧྷ་ཏུ་ཏ་ཧྷ། ཧྷ་ཏཱ་ཧྷ། ཧྷ་རེ་ཧྷ།
ཧྷ་ཏུ་ཧྷ། ཧྷ་རེ་ཧྷ། ཞེས་བྱ་བ་བྲིས་ཏེ། རྩྭའི་ག་འུར་བཅུག་ནས་བཟླས་པ་ཅི་ནས་ཀྱང་མྱུར་བར་བྱ་སྟེ། ལམ་རྒྱ་གྲམ་དུ་སྦས་ཏེ་ད་དུ་ར་སྤུངས་ན་མྱོས་པར་འགྱུར་རོ། །གསོ་ན་མར་སྦྲང་རྩི་བའི་འོ་མས་ལིང་ག་བཀྲུས་ན་འཚོ་བར་འགྱུར་རོ། །མྱོས་བྱེད་ཀྱི་འཁོར་ལོའི་ལེའུ་
སྟེ་སུམ་ཅུ་རྩ་གཅིག་པའོ།། །།དེ་ནས་མནན་པའི་འཁོར་ལོ་ནི་གཡམ་པ་ལ་ལིང་ཚེ་དགུ་པའི་འཁོར་ལོ་བྲིས་ཏེ། ཡུང་བའི་ཆུས་ལིང་ཚེ་དགུ་པའི་དབུས་སུ་ག་སྭ་སྟཾ་བྷ་ཡ། སྟཾ་བྷ་ཡ་བྷ་ཧ་ཞེས་བྱ་བ་བྲིའོ། །ལིང་ཚེ་བརྒྱད་ལ། ག་ཨོཾ་ག །ག་ཏཱ་ག །ག་རེ་ག །ག་ཏུཏ་
ག །ག་ཏཱ་ག །ག་རེ་ག །ག་ཏུ་ག །ག་རེ་ག །ཞེས་བྱ་བ་བྲིས་ཏེ། འཁོར་ལོ་ཁ་སྦྱར་ནས་ལམ་རྒྱ་གྲམ་དུ་སྦས་ན་འགུལ་མི་ཤེས་པར་འགྱུར་རོ། །མནན་པའི་འཁོར་ལོའི་ལེའུ་སྟེ་སུམ་ཅུ་རྩ་གཉིས་པའོ།། །།དེ་ནས་མནན་པ་ཆེན་པོ་ནི་ཡུང་བའི་ཁུ་བས་སྣག་ཚ་
བྱས་ཏེ། ཁམ་པའི་གའུའི་ནང་དུ་ཕྱི་ནང་ལིང་ཚེ་དགུ་པའི་འཁོར་ལོ་བྲིས་ཏེ་སྔགས་དགོད་པ་ནི། དབུས་སུ་རྒ་སྭཱ་སྟཾ་བྷ་ཡ་སྟཾ་བྷ་ཡ་རྒ་ཧ་ཞེས་བྱ་བ་བྲིའོ། །ནང་མ་ལ་ཧ་ཧ་ཧ་ཧ་ཧ་ཧ་ཧ་ཧ། ཞེས་བྱ་བ་བརྒྱད་བྲིའོ། །ཕྱི་རོལ་གྱི་ལིང་ཚེ་བརྒྱད་ལ་ནི། རྒ་ཨོཾ་རྒ། རྒ་ཏཱརྒ།
རྒ་རེ་རྒ། རྒ་ཏུཏ་རྒ། རྟ་ཏཱ་རྒ། རྒ་རེ་རྒ། རྒ་ཏུ་རྒ། རྒ་རེ་རྒ། ཞེས་བྱ་བ་བྲིས་ཏེ། བསྒྲུབ་པ་འཕགས་མ་ལ་བྱས་ལ་དགྲ་གང་ནས་འོང་བའི་ཕྱོགས་སུ་སྦས་ན་བསྲུང་བར་འགྱུར་ཞིང་དགྲའི་སྒོར་སྦས་ན་མནན་པར་འགྱུར་རོ། །དགྲ་མནན་པའི་འཁོར་ལོའི་ལེའུ་སྟེ་སུམ་ཅུ་རྩ་

གསུམ་པའོ།། །།དེ་ནས་རིག་སྔགས་ཀྱི་སྦྱོར་བ་གནོན་པར་བྱེད་པའི་འཁོར་ལོ་ནི་ཡུང་བའི་ཁུ་བས་གཡམ་པའམ། ལྷང་ཚེར་མ་གཉིས་གང་ཡང་རུང་བ་ལ་འཁོར་ལོ་བྲིས་ཏེ། ལིང་ཚེ་དགུ་པ་ཕྱི་ནང་དང་བཅས་པ་བྲིའོ། །སྔགས་དགོད་པ་ནི། དབུས་སུ་ཝ་སྭཱ་སྟཾ་བྷ་ཡ་
སྟཾ་བྷ་ཡ་ཧཱ། འཁོར་ལོ་ནང་མ་ལ། ཝ་ཝ་ཝ་ཝ་ཝ་ཝ་ཝ་ཝ། ཞེས་བྱ་བ་བྲིའོ། །ཕྱི་མ་ལ། ཝ་ཨོཾ་ཝ། ཝ་ཏཱ་ཝ། ཝ་རེ་ཝ། ཝ་ཏུཏ་ཝ། ཝ་ཏཱ་ཝ། ཝ་རེ་ཝ། ཝ་ཏུ་ཝ། ཝ་རེ་ཝ། ཞེས་བྱ་བ་བྲིས་ཏེ་ཕན་ཚུན་གཡས་གཡོན་དུ་འཁོར་ལོ་རེ་རེ་སྦས་ན་གནོན་
པར་འགྱུར་རོ། །རིག་སྔགས་ཀྱི་སྦྱོར་བ་གནོན་པའི་ལེའུ་སྟེ་སུམ་ཅུ་རྩ་བཞི་པའོ།། །།དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འཇམ་དཔལ་གཞོན་ནུས་མེ་ཏོག་མན་དཱ་ར་བ་དང་པདྨ་དང་། ཀུ་མུ་ད་ལ་སོགས་པ་བསམ་གྱིས་མི་ཁྱབ་པས་བཅོམ་ལྡན་འདས་ལ་
གཏོར་ཏོ། །ལྷ་རྫས་ཀྱི་རོལ་མོའི་སྒྲ་དུ་མ་ཡང་བསྒྲགས་སོ། །དེ་ནས་བཅོམ་ལྡན་འདས་ལ་གསོལ་པ། དམ་ཚིག་ཀྱང་གང་གིས་འགྲུབ་པར་འགྱུར་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། སོ་སོའི་དམ་ཚིག་སྡོམ་གནས་ཏེ། །ལྷ་ཡི་
འཁོར་ལོ་དང་ལྡན་པས། །སྲོག་ཆགས་དག་ནི་གསད་པ་སྤངས། །མ་བྱིན་བླང་བར་མི་བྱ་ཞིང་། །བུད་མེད་མི་བསྟེན་སྨད་མི་བྱ། །བརྫུན་ནི་རྣམ་པ་ཀུན་ཏུ་སྤང་། །མྱོས་འགྱུར་དག་དང་ཤ་དག་དང་། །རྐུ་ཞིང་རྣམ་པ་རྟག་ཏུ་སྤང་། །མོ་རྣམས་ཐམས་ཅད་
ཀུན་ལ་ནི། །ཆགས་པའི་སེམས་ནི་སྤང་བ་སྟེ། །མ་བཞིན་དུ་ནི་ཀུན་ལ་ནི། །ཕན་པའི་སེམས་ཀྱིས་ཀུན་ལ་བཀུར། །དམ་ཚིག་སྡོམ་ལ་གནས་པ་ཡིས། །ལས་རྣམས་ཀུན་ལ་མཐུ་ཡོད་འགྱུར། །ཞེས་བཅོམ་ལྡན་འདས་ཀྱིས་གསུངས་སོ། །དམ་ཚིག་
དང་སྡོམ་པ་བསྟན་པའི་ལེའུ་སྟེ་སུམ་ཅུ་རྩ་ལྔ་པའོ།། །།དེ་ནས་ལྷའི་དབང་པོ་བརྒྱ་བྱིན་དང་ཚངས་པ་ལ་སོགས་པའི་ལྷ་དཔག་ཏུ་མེད་པ་དང་། བྱང་ཆུབ་སེམས་དཔའ་འཇམ་དཔལ་གཞོན་ནུ་ལ་སོགས་པའི་བྱང་ཆུབ་སེམས་དཔའི་འཁོར་དཔག་ཏུ་མེད་པ་དང་། ལྷ་དང་།

མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །བཅོམ་ལྡན་འདས་མ་སྒྲོལ་མའི་རྒྱུད་ལས་སྣ་ཚོགས་བསྟན་པ་ཞེས་བྱ་བ་རྫོགས་སོ།། །།རྒྱ་གར་
གྱི་མཁན་པོ་དྷརྨཱ་ཤྲཱི་མི་ཏྲ་དང་། བོད་ཀྱི་ལོཙྪ་བ་དགེ་སློང་ཆོས་ཀྱི་བཟང་པོས་བསྒྱུར་བའོ།། ༄༅། །རྒྱ་གར་སྐད་དུ། ཨཱརྱ་ཏཱ་རཱ་བྷཊྚཱ་རི་ཀ་ནཱ་མ་ཨཥྚ་ཤ་ཏ་ཀཾ། བོད་སྐད་དུ། རྗེ་བཙུན་མ་འཕགས་མ་སྒྲོལ་མའི་མཚན་བརྒྱ་རྩ་
བརྒྱད་པ་ཞེས་བྱ་བ། རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །དཔལ་ལྡན་ཡིད་འོང་པོ་ཊ་ལ། །སྣ་ཚོགས་ཁམས་ཀྱིས་རྣམ་པར་སྤྲས། །སྣ་ཚོགས་ལྗོན་པ་བཀྲམ་པ་སྟེ། །སྐྱེ་གཉིས་དུ་མ་སྒྲ་འབྱིན་པ། །འབབ་ཆུ་སྣ་ཚོགས་ཀུ་ཅོ་ཆེ། །
རི་དགས་སྣ་ཚོགས་འཁྲུགས་པ་སྟེ། །མེ་ཏོག་སྣ་ཚོགས་རིགས་རྣམས་ཀྱིས། །ཀུན་ཏུ་དྲི་ཡིས་བཀང་བ་སྟེ། །སྣ་ཚོགས་ཡིད་འོང་འབྲས་བུར་ལྡན། །རྐང་པ་དྲུག་པ་གླུ་ཡི་སྒྲ། །མིའམ་ཅི་ནི་གླུ་སྙན་ལེན། །གླང་ཆེན་སྨྱོན་པས་ཡང་དག་ཁེངས། །
རིག་འཛིན་གྲུབ་པའི་ཚོགས་རྣམས་དང་། །དྲི་ཟ་རྣམས་ཀྱང་གླུ་ལེན་པ། །ཐུབ་པ་འདོད་ཆགས་བྲལ་རྣམས་དང་། །བྱང་ཆུབ་སེམས་དཔའི་ཚོགས་གཞན་དང་། །ས་བཅུའི་དབང་ཕྱུག་རྣམས་དང་ནི། །འཕགས་མ་སྒྲོལ་སོགས་ལྷ་མོ་རྣམས། །
རིག་པའི་རྒྱལ་མོ་སྟོང་རྣམས་ཀྱིས། །རྟག་ཏུ་ལེགས་པར་བསྟེན་པའོ། །ཁྲོ་བོའི་རྒྱལ་པོའི་ཆོགས་གཞན་དང་། །རྟ་མགྲིན་ལ་སོགས་ཀྱིས་བསྐོར་བ། །སེམས་ཅན་ཀུན་ལ་ཕན་པར་བརྩོན། །བཅོམ་ལྡན་འདས་ནི་སྤྱན་རས་གཟིགས། །བཞུགས་
ཏེ་དེ་ཕྱིར་དཔལ་དང་ལྡན། །པདྨའི་སྙིང་པོ་ཐུབ་པའི་གདན། །དཀའ་ཐུབ་ཆེན་པོ་དང་ལྡན་པ། །བྱམས་པ་དང་ནི་སྙིང་རྗེར་ལྡན། །ལྷ་ཡི་འཁོར་ནི་ཆེན་པོ་ལ། །ཆོས་གསུང་བར་ནི་ཡང་དག་བཞུགས། །དེ་རུ་ཉེར་འདུག་ཡང་དག་ལངས། །ཕྱག་ན་རྡོ་རྗེ་

སྟོབས་པོ་ཆེ། །མཆོག་ཏུ་སྙིང་རྗེ་དང་ལྡན་པས། །སྤྱན་རས་གཟིགས་ལ་ཞུས་པ་སྟེ། །རྐུན་པོ་སྦྲུལ་དང་སེང་གེ་མེ། །གླང་པོ་སྟག་དང་ཆུས་འཇིགས་པས། །ཞི་མཛད་ཐུབ་པས་སེམས་ཅན་རྣམས། །འཁོར་བའི་རྒྱ་མཚོར་བྱིང་པ་རྣམས། །འཁོར་
བའི་ཞགས་པས་བཅིངས་པ་རྣམས། །ཆགས་སྡང་གཏི་མུག་དྲི་མ་ལས། །གང་གིས་སེམས་ཅན་གྲོལ་གྱུར་པ། །དེ་གསུངས་བདག་ལ་ཐུབ་ཆེན་པོ། །འཇིག་རྟེན་མགོན་པོས་འདི་སྐད་གསུངས། །དཔལ་ལྡན་དེ་ནི་སྤྱན་རས་གཟིགས། །ཕྱག་ན་རྡོ་རྗེ་རབ་
རྟོགས་བྱེད། །སྙན་པའི་ཚིག་ནི་འདི་སྐད་གསུངས། །ཉོན་ཅིག་གསང་བའི་རྒྱལ་དབང་པོ། །སྐྱོབ་པ་འོད་དཔག་མེད་པ་ཡི། །སྨོན་ལམ་སྟོབས་ཀྱིས་བྱུང་བ་སྟེ། །ང་ཡིས་འཇིག་རྟེན་མ་རུ་ཤེས། །སྙིང་རྗེ་ཆེན་པོ་དང་ལྡན་པའི། །འགྲོ་བ་འདོན་པར་
བརྩོན་པ་མོ། །ཉི་མ་ཤར་བ་དང་འདྲ་བ། །ཟླ་བ་ཉ་འདྲ་བྱད་ཀྱི་འོད། །ལྷ་བཅས་མི་དང་ལྷ་མིན་རྣམས། །འདི་རྣམས་ཐམས་ཅད་གསལ་བར་བྱེད། །འཇིག་རྟེན་གསུམ་པོ་གཡོ་བར་བྱེད། །གནོད་སྦྱིན་སྲིན་པོ་འཇིགས་པར་བྱེད། །ཕྱག་ན་ཨུཏྤལ་སྔོན་པོ་བསྣམས། །
མ་འཇིགས་མ་འཇིགས་ཞེས་བརྗོད་མ། །བར་སྣང་དུ་ནི་འཕར་བར་གནས། །འགྲོ་བ་ཡང་དག་བསྲུང་དོན་དུ། །མཚོན་ཆའི་བསྐལ་པ་བྱུང་བ་དང་། །འཇིགས་པ་སྣ་ཚོགས་འཁྲུགས་དོན་དུ། །རྒྱལ་བ་རྣམས་ཀྱིས་བདག་བསྐྱེད་དེ། །མིང་རྣམས་དྲན་པ་ཉིད་ཀྱིས་ཀྱང་། །
སེམས་ཅན་ཐམས་ཅད་བདག་གིས་བསྲུང་། །སྣ་ཚོགས་འཇིགས་པའི་རྒྱ་མཚོ་ལས། །སེམས་ཅན་ཐམས་ཅད་བདག་གིས་བསྒྲལ། །དེས་ན་བདག་ལ་འཇིག་རྟེན་དུ། །རྒྱལ་བའི་ཚོགས་ཀྱིས་སྒྲོལ་མར་བསྒྲགས། །ཐལ་མོ་སྦྱར་བར་བྱས་ནས་ནི། །སྤྱན་སྔར་
འདུག་སྟེ་འདི་སྐད་གསོལ། །གུས་དང་བཅས་པས་ཡང་དག་གནས། །གང་ཞིག་རྒྱལ་བས་སྔོན་བསྒྲགས་པ། །གསུངས་ཤིག་མཚན་བརྒྱ་རྩ་བརྒྱད་པ། །ས་བཅུའི་དབང་ཕྱུག་མགོན་པོ་རྣམས། །བྱང་ཆུབ་སེམས་དཔའ་རབ་དགའ་བ། །སྡིག་པ་སྤོང་བྱེད་བསོད་

ནམས་དང་། །བཀྲ་ཤིས་གྲགས་པ་འཕེལ་བར་བྱེད། །གཏེར་དང་ནོར་རྣམས་འཕེལ་བྱེད་ཉིད། །ནད་རྣམས་ཐམས་ཅད་རླག་བྱེད་པ། །དཔལ་ལྡན་ཤིས་པ་འཇོག་བྱེད་པ། །ནད་མེད་ཚེ་ནི་འཕེལ་བར་བྱེད། །སེམས་ཅན་རྣམས་ལ་བྱམས་
བསྒོམས་ནས། །དེ་དག་སྒྲོགས་ཤིག་ཐུབ་ཆེན་པོ། །འདི་སྐད་ཞུས་ནས་བཅོམ་ལྡན་འདས། །སྤྱན་རས་གཟིགས་དབང་རབ་ཏུ་བཞད། །ཕྱོགས་རྣམས་ཐམས་ཅད་རབ་གཟིགས་ནས། །འདི་ལྟ་བུ་ཡི་བྱམས་པ་སྤྲོས། །ཕྱག་ནི་གཡས་པས་ཕྱག་ཐབས་
མཛད། །བསོད་ནམས་མཚན་ཉིད་ལྡན་པ་ཡི། །དེ་གསུངས་ཤེས་རབ་ཤིན་ཏུ་ཆེ། །ལེགས་སོ་ལེགས་སོ་དཀའ་ཐུབ་ཆེ། །སེམས་ཅན་ཀུན་ལ་གཅིག་ཏུ་བརྩེ། །སྐལ་བ་ཆེན་པོའི་མི་རྣམས་ཉོན། །མི་རྣམས་གང་ཞིག་འདི་སྒྲོགས་པ། །ནོར་གྱི་དབང་ཕྱུག་
ཡང་དག་འགྱུར། །ནད་རྣམས་ཅད་རྣམ་པར་གྲོལ། །དབང་ཕྱུག་ཀུན་དང་ཡང་དག་ལྡན། །དུས་མིན་འཆི་བ་ངེས་པར་འཇོམས། །འཆི་བ་བདེ་བ་ཅན་འགྲོ་བ། །དེ་རྣམས་བདག་གིས་བཤད་པར་བྱ། །ལྷ་ཡི་དགེ་འདུན་བདག་ལ་ཉོན། །འདི་ལ་རྗེས་སུ་
ཡི་རང་གིས། །ལེགས་པར་བསྡམས་པར་འགྱུར་ལ་བསྟོད། །ཨོཾ་དགེ་བ་ཅན་ནི་གཟི་བརྗིད་ཆེ། །འཇིག་རྟེན་གསོ་བྱེད་སྙན་པ་ཆེ། །དབྱངས་ཅན་མ་ནི་སྤྱན་ཡངས་མ། །ཤེས་རབ་དཔལ་དང་བློ་འཕེལ་མ། །གསོ་བྱེད་མ་དང་རྒྱས་བྱེད་མ། །སྭཱ་ཧཱ་ཨོཾ་གྱི་རྣམ་པ་
འདོད་གཟུགས་མ། །སེམས་ཅན་ཀུན་ལ་ཕན་པར་བརྩོན། །གཡུལ་ལས་སྒྲོལ་བྱེད་རྒྱལ་བ་མོ། །ལྷ་མོ་ཤེས་རབ་ཕ་རོལ་ཕྱིན། །འཕགས་མ་སྒྲོལ་མ་ཡིད་འོང་མ། །རྫ་རྔ་དུང་ཅན་རྒྱས་པ་མོ། །རིག་པའི་རྒྱལ་མོ་ཚིག་སྙན་མ། །ཟླ་བའི་གདོང་ཅན་དཀར་
མོ་ཆེ། །མི་ཕམ་གོས་ནི་སེར་མོ་ཅན། །སྒྱུ་མ་ཆེན་མོ་དཀར་མོ་ཆེ། །སྟོབས་པོ་ཆེ་ལ་ཕ་རོལ་ཕྱིན། །རྩུབ་མོ་ཆེན་མོ་གཏུབ་ཆེན་མོ། །སྡང་བའི་སེམས་ཅན་རླག་བྱེད་མ། །རབ་ཏུ་ཞི་བ་ཞི་བའི་གཟུགས། །རྣམ་པར་རྒྱལ་བ་འབར་བའི་འོད། །གློག་གི་ཕྲེང་བའི་རྒྱལ་

མཚན་ཅན། །རལ་གྲི་འཁོར་ལོ་གཞུ་ཐོགས་མཚོན། །འཚོལ་བྱེད་རེངས་བྱེད་ནག་མོ་ཆེ། །མཚན་མོ་ནག་མོ་མཚན་སྤྱོད་མ། །སྲུང་བྱེད་རྨོངས་བྱེད་ཞི་བ་མོ། །མཛེས་མ་དགེ་མ་དྲ་བའི་ལྡིང་། །ཚངས་པ་མོ་དང་རིག་བྱེད་མ། །གསད་པ་མོ་ནི་བྲག་ཕུག་གནས། །
བཀྲ་ཤིས་དོན་བྱེད་ཞི་བ་མོ། །སྐྱེ་གནས་རིག་བྱེད་ཡིད་མགྱོགས་མ། །ཐོད་པ་ཅན་ནི་ཤུགས་ཆེན་མོ། །ཚངས་མ་བདེ་མ་གཞན་མི་རྒྱལ། །དེད་དཔོན་ཆེན་པོ་སྙིང་རྗེ་གནས། །ཆུད་ཟོས་ལམ་ནི་རབ་སྟོན་མ། །མཆོག་སྟེར་སྟོན་བྱེད་སྟོན་པ་མོ། །བུད་མེད་གཟུགས་
ལ་དཔག་མེད་གནོན། །རི་ཁྲོད་མ་དང་རྣལ་འབྱོར་མ། །གྲུབ་མ་གཏུམ་མོ་བདུད་རྩི་མ། །དེས་མ་ནོར་སྦྱིན་བསོད་ནམས་མ། །སྐལ་ཆེན་སྐལ་བཟང་མཛེས་སྟོན་མ། །མཐར་བྱེད་སྐྲག་བྱེད་འཇིགས་བྱེད་མ། །དྲག་དང་བརྟུལ་ཞུགས་ཆེན་མོ་མ། །འགྲོ་ལ་གཅིག་
ཏུ་ཕན་པར་བརྩོན། །སྐྱབས་བྱེད་གུས་ལ་གསོང་པོ་མ། །ངག་གི་དབང་ཕྱུག་ཞི་ཕྲ་མ། །རྟག་པར་ཀུན་འགྲོ་རྗེས་འགྲོ་མ། །དོན་ཀུན་གྲུབ་བྱེད་བཟང་པོ་མ། །གསད་བྱེད་གསོ་བྱེད་ནོར་སྟེར་མ། །མི་འཇིགས་བསོད་ནམས་གཽ་ཏ་མ། །སྤྱན་རས་གཟིགས་དབང་བདག་
ཉིད་སྐྱེས། །མཚན་བརྒྱ་རྩ་བརྒྱད་འདི་དག་ནི། །ཕན་པར་བྱེད་པར་གྲགས་པ་སྟེ། །མཆོག་ཏུ་རྨད་བྱུང་གསང་བ་མོ། །ལྷ་ཡུལ་ན་ཡང་རྙེད་དཀའ་བའི། །སྐལ་བཟང་སྐལ་བ་དང་ལྡན་བྱེད། །དུག་ནི་ཐམས་ཅད་ཉམས་བྱེད་པ། །ནད་རྣམས་ཐམས་ཅད་ཞི་བྱེད་མ། །
སེམས་ཅན་ཀུན་ལ་བདེ་སྟེར་མ། །བློ་ལྡན་གང་ཞིག་ལན་གསུམ་ཀློག །མཉམ་གཞག་གཙང་སྦྲ་བྱས་པ་ཡིས། །དེས་ནི་དུས་མི་རིང་བ་རུ། །རྒྱལ་སྲིད་དཔལ་ཡང་ཐོབ་པར་འགྱུར། །རྟག་ཏུ་སྡུག་པ་བདེ་བར་འགྱུར། །བཀྲེན་པ་ཕྱུག་པོར་འགྱུར་བའོ། །རྨོངས་
པ་ཤེས་རབ་ཆེན་པོར་འགྱུར། །ཡིད་གཞུངས་འགྱུར་བར་ཐེ་ཙོམ་མེད། །བཅིངས་པ་འཆིང་ལས་གྲོལ་བར་འགྱུར། །ཐ་སྙད་ལས་ཀྱང་རྒྱལ་བར་འགྱུར། །དགྲ་བོ་བཤེས་པོར་འགྱུར་བའོ། །རྭ་ཅན་དང་ནི་མཆེ་བ་ཅན། །དོག་པའི་འཐབ་མོ་རྒྱལ་དཀའ་བ། །སྣ་ཚོགས་

འཇིགས་པ་འཁྲུགས་པ་ལས། །མཚན་ནི་འདི་རྣམས་དྲན་པ་ཡིས། །འཇིགས་པ་ཀུན་ལས་གྲོལ་བར་བྱེད། །དུས་མིན་འཆི་ལས་གྲོལ་བྱེད་པ། །སྐྱེས་བུ་སྙན་པ་ཐོབ་པར་འགྱུར། །མིར་ནི་སྐྱེ་བ་དོན་དང་བཅས། །དེ་གཅིག་པུ་ཡི་ཕན་ཡོན་གྱིས། །
གང་ཞིག་འདིར་ནི་སྔར་ལངས་ནས། །སྐྱེས་བུ་གང་ཞིག་སྒྲོགས་བྱེད་པ། །དེ་ནི་དུས་རིང་ཚེ་དང་ལྡན། །མི་ཡི་དཔལ་ནི་དགའ་འགྱུར་ཏེ། །ལྷ་དང་ཀླུ་དང་གནོད་སྦྱིན་དང་། །དྲི་ཟ་དང་ནི་ལུས་སྲུལ་པོ། །འབྱུང་པོ་གཤེད་བྱེད་སྲིན་པོ་དང་། །མ་མོ་རྩུབ་པའི་
སེམས་ལྡན་པ། །གནོད་སྦྱིན་མོ་དང་ཡི་དགས་བྱེད། །སྨྱོ་བྱེད་དང་ནི་གནོད་བྱེད་རྣམས། །གྲིབ་གནོན་དང་ནི་བརྗེད་བྱེད་དང་། །ཤ་ཟ་ལ་ནི་སོགས་པ་རྣམས། །རོ་ལངས་སྣ་ཚོགས་ལ་སོགས་དང་། །སྐུལ་བྱེད་མ་དང་སེམས་སྡང་རྣམས། །གྲིབ་མ་
ལ་ཡང་འགོམ་མི་བྱེད། །ཇི་ལྟར་སླར་ནི་མཆོད་པར་འགྱུར། །སྡང་བའི་སེམས་ཅན་འཆིང་བར་བྱེད། །ནད་ལ་སོགས་པས་ཐེབས་མི་འགྱུར། །ཕྱུག་ཅིང་ལོངས་སྤྱོད་ཡོན་ཏན་ལྡན། །བུ་དང་ཚ་བོ་འཕེལ་བར་འགྱུར། །རིགས་དང་ལྡན་ཞིང་མཐོང་དགར་
འགྱུར། །གཟི་བརྗིད་ལྡན་ཞིང་ཚིག་གསལ་བ། །བློ་ལྡན་སྐྱེ་བ་དྲན་པར་འགྱུར། །བསྟན་བཅོས་ཐམས་ཅད་རིག་པར་འགྱུར། །དགེ་བའི་བཤེས་གཉེན་ཡང་དག་ལྡན། །བྱང་ཆུབ་སེམས་ཀྱིས་ཡང་དག་བརྒྱན། །གང་དང་གང་དུ་སྐྱེས་པ་དེར། །རྟག་
ཏུ་སངས་རྒྱས་ཀྱིས་མི་སྤོང་། །རྗེ་བཙུན་མ་འཕགས་མ་སྒྲོལ་མའི་མཚན་བརྒྱ་རྩ་བརྒྱད་པ། འཕགས་པ་སྤྱན་རས་གཟིགས་དབང་ཕྱུག་གིས་གསུངས་པ་རྫོགས་སོ།། ༄༅། །རྒྱ་གར་སྐད་དུ། ཏཱ་ར་དེ་བཱི་ནཱ་མ་ཨཥྚ་ཤ་ཏ་ཀ་ན།
བོད་སྐད་དུ། ལྷ་མོ་སྒྲོལ་མའི་མཚན་བརྒྱ་རྩ་བརྒྱད་པ་ཞེས་བྱ་བ། ལྷ་མོ་ཆེན་མོ་སྒྲོལ་མ་རྣམ་པར་རྒྱལ་བའི་ནོར་བུ་རྣམ་པ་སྣ་ཚོགས་ཀྱི་དོ་ཤལ་དང་། ན་བཟའ་དང་། ཤམ་ཐབས་ཀྱི་གཤལ་ཀས་འཇིག་རྟེན་གྱི་ཁམས་ཆེན་པོའི་བླ་རེ་བྱས་པ་ལ་ཕྱག་འཚལ་ལོ། །

དེ་ནས་ལྷ་མོ་སྒྲོལ་མས་དེའི་ཚེ་སྔོན་མ་མཐོང་མ་ཐོས་པའི་གཟུངས་ཀྱི་མཆོག་བརྗོད་པ། ཨོཾ་ཏྲཻ་ལོ་ཀྱ་བི་ཛ་ཡ། ཨ་ཙིཏྟ་ཛཱ་ཡ། ཨ་ནི་ར་ཙི་ཛ་ཏཱ་ཡ། སུ་ཛཱ་ཡ། བི་ཛཱ་ཡ། མ་ཧཱ་ཛཱ་ཡ། བི་ཛཱ་ཡ། ཛ་ཡ་ཛ་ཡ། ཧེ་ཧེ། སྨ་ར་སྨ་ར། བ་ར་བ་ར། བར་ད། མ་ཧཱ་དེ་བི།
བི་ལ་ས། བི་ལ་ས། བི་ལ་ས། བ་ཛ་ཨ་མོ་ཏ་ཀ་རི་བི་ཛ་ཡ་དེ་བི། ཧཱི་ཧཱི། ཀི་ནི་ཀི་ནི་པི་ལམ་བ་སེ། སྨ་ར་སྨ་ར། མ་ཧཱ་པྲ་ཛྙཱ་ཨ་ནི་བ་ཏ། བཛྲ་མ་མ་ཧཱ་ཀཱ་རུ་ཎི་ཀ །བྷ་གི་ནི་ཧྲཱུཾ་ཧྲཱུཾ། སྥུཊ་སྥུཊ། སྥོ་ཊ་སྥོ་ཊ། ཨཱ་བེ་ཤ་ཡ། ཨཱ་བེ་ཤ་ཡ། དྷུ་ན་དྷུ་ན། བི་དྷུ་ན་བི་དྷུ་ན། ཀཾ་པ་
ཀཾ་པ། ཀཾ་པ་ཡ། སུ་ར་བྷི་གནྡྷ། ཨ་ཏི་སི་ཏ། མུ་ཁེ་ཧ་ལ་ད་བ་ལ། སཾ་ག་རཱ་ཛ་ན། བི་མ་བི་གི །བི་ནཱ་ཤ་ཡ། བི་ནཱ་ཤ་ཡ། ཧེ་བྷ་ག་བ་ཏི། སནྟྲ་ས་ཡ། བི་གྷ་ནཱ་ན། པ་རི་བ་ལཱ་ཡ། ཨ་སྨཱ་ཀཾ་ཨ་སྨཱ་ཀཾ། མཱ་ད་ནི་མཱ་ད་ནི། སཾ་བོ་དྷ་ཡ། སཾ་མོ་ཧ་ཡ། ཧ་ར་ཧ་ར། ཧི་རི་
ཧི་རི། ཧུ་རུ་ཧུ་རུ། བི་ཏ་ཀ་ར། བ་ར་ཛ། ཧཾ་ཧཾ། ཏྲོ་ཏཱ་ཡ། ཧཾ་ཧཾ། སནྟྲ་ཏཱ་ཡ། སནྟྲོ་ཡ། མནྟ་མནྟ། མཪྡ་མཪྡ། ཙ་ར་ཙ་ར། སཾ་ཙ་ར་སཾ་ཙ་ར། བེ་ག་བེ་ག་བེ་ག་བ་ཏི། ན་མོ་ན་མོ་ན་མཿསྭཱ་ཧཱ། དེ་ནས་ལྷ་དང་ལྷ་མིན་ཚོགས། །སྲིན་པོ་གནོད་སྦྱིན་མིའམ་ཅི། །ལྟོ་
འཕྱེ་ཆེན་པོའི་ཚོགས་རྣམས་དང་། །འབྱུང་པོ་དྲི་ཟ་ལོག་འདྲེན་རྣམས། །འཇིག་རྟེན་གསུམ་དུ་གྲགས་པའི་མཆོག །གསང་སྔགས་ཆེན་པོ་འདི་ཐོས་ནས། །སྐྲག་ཅིང་མགོ་བོ་སྨད་གྱུར་ཏེ། །ལག་པ་ཆེན་པོ་ཡོངས་བསྐྱོད་ནས། །གང་གིས་འདི་ནས་ས་གསུམ་
འདི། །མཐའ་དག་ཁྱབ་པར་བྱས་པའི་ཕྱིར། །འདོད་པའི་ལྷ་ཡི་ངག་བཟློག་པ། །སྒྲོལ་མ་སྤྱན་ཡངས་ཕྱག་འཚལ་ལོ། །སྤྱན་རས་གཟིགས་ཀྱི་རིགས་སྨོས་པ། །ཆེ་བ་ཉིད་ཀྱི་གྲགས་པ་འོད། །སྤྱན་ཡངས་ཁྱོད་ནི་སེམས་ཅན་རྣམས། །ཕན་བཞེད་སླད་དུ་འབྱུང་བ་
ལགས། །དེ་ནས་དབང་ཕྱུག་ལ་སོགས་པ། །ལྷ་དང་ལྷ་མིན་འདུས་ཀུན་དང་། །རིག་སྔགས་འཆང་གི་བདག་པོ་དང་། །དེ་བཞིན་རིག་སྔགས་འཆང་བ་རྣམས། །བླ་གོས་ཕྲག་པ་གཅིག་གཟར་ཏེ། །བསྐོར་བ་མཆོག་ནི་བྱས་ནས་ཀྱང་། །པུས་མོའི་ལྷ་ང་ས་སྟེང་དུ། །

བཙུགས་ནས་ཚིག་ནི་འདི་སྐད་སྨྲས། །སྒྲོལ་མ་འོད་འབར་དེ་ལ་ནི། །ཕྱག་འཚལ་ཕྱག་འཚལ་ཕྱག་འཚལ་ལོ། །མིང་བརྒྱ་རྩ་བརྒྱད་དམ་པ་ཡི། །དཔེ་མེད་མིང་ནི་བརྗོད་པར་བགྱི། །བཀྲ་ཤིས་རྣམ་རྒྱལ་དཔལ་བཟང་བ། །སྐྱེ་དགུའི་དབང་ཕྱུག་མངོན་
ཤེས་མྱུར། །དབང་ཕྱུག་རབ་དགའ་འཇིགས་ལ་དྲག །རྒོད་བག་མེད་ཅིང་དྲེགས་པ་མེད། །པདྨའི་སྤྱན་དང་པདྨའི་ཞལ། །པདྨའི་ལྟེ་བ་རབ་གཙང་སྦྱིན། །སྤྱན་བཟང་སྤྱན་ནི་ཡངས་པ་སྟེ། །སྔོ་བ་ཨུཏྤལ་སྔོན་པོའི་འོད། །སྐྱོབ་པ་སྐྱབས་འོས་བདེ་བ་སྦྱིན། །དེ་
བཞིན་སྟོབས་སྦྱིན་གཟུགས་སྦྱིན་པ། །མགོན་པོ་མགོན་མཛད་དྲག་མོ་སྟེ། །དཀོན་མཆོག་གསུམ་པོ་རྒྱལ་མཛད་མ། །སྒྲོས་དམར་སེན་མོ་དམར་བ་སྟེ། །སྤྱན་རྩ་དམར་པོས་གཟིགས་པར་མཛད། །དགའ་མཛད་དགའ་སྟོབས་པདྨ་ལགས། །པདྨའི་མདོག་ཅན་
པད་མདོག་དགྱེས། །འཇིག་རྟེན་གསུམ་འདུལ་ཞི་བ་སྟེ། །འཇིགས་པའི་ཆ་ལུགས་སྟོབས་མོ་ཆེ། །འདུལ་དུ་འཆུག་མ་འདུལ་མཛད་མ། །བསྟོད་ལྡན་མི་མཆོག་དམ་པ་ལགས། །རབ་གསལ་འདུལ་བ་རྡོ་རྗེ་ཅན། །རྣམ་པར་རྒྱལ་བ་འོད་གསལ་བ། །བྱང་
ཆུབ་རྡུལ་མེད་དྲི་མ་མེད། །ཟླ་བ་ལྷ་མཆོག་རྣམས་ཀྱི་རྗེད། །སྲེད་བྱ་དང་ནི་སྲེད་བྱའི་བར། །རྒྱུ་ཞིང་གཤེགས་ལ་འོད་ཟེར་མཛེས། །ཆུ་ལྷ་གཡུལ་འགྱེད་འགྱིང་བག་ཅན། །སྐྱེས་མཆོག་རང་བཞིན་ཡིད་འཕྲོས་རྒྱས། །གཙུག་ཕུད་གསུམ་པོ་ལྟོ་ཚིལ་གསུམ། །སྤྱན་
གསུམ་དྲི་མ་གསུམ་སེལ་བ། །སྲིད་པ་སེལ་མཛད་ཁོང་དགེ་བ། །ཚིག་ལྡན་མར་ཡང་དེ་བཞིན་གྲགས། །རྒྱལ་བ་སྦྱིན་པ་བསོད་ནམས་སྦྱིན། །སྡིག་པ་འཇོམས་མ་འཇིགས་པ་མེད། །ནོར་སྦྱིན་མདོག་སྦྱིན་ཞི་བ་མ། །གཟུགས་བཟང་ཕྱལ་བཟང་ནུ་མ་བཟང་། །
སྒྱུ་འཕྲུལ་སྒྱུ་འཕྲུལ་ལྡན་ཞིང་འདུལ། །དུལ་བ་བསྲུང་པ་རྡུལ་སེལ་བ། །ཕྲེང་བ་ཐོགས་མ་རྒྱགས་མཛད་མ། །རྒྱགས་པ་སྦྱིན་མ་དྲེགས་སྤོང་མ། །དྲག་མོ་ལགས་ཏེ་གཟི་བསྐྱེད་མ། །དཀར་མོ་ཞི་མཛད་བདེ་བ་མོ། །སྐྱེ་དགུའི་བདག་མོ་ཚངས་པར་ལྡན། །

ཚངས་སྦྱིན་དབང་ཕྱུག་དམ་པ་ལགས། །ཟླ་བའི་འོད་ཅན་ཟླ་བའི་ཞལ། །ཟླ་བའི་གཟི་ནི་འཕྲོག་པར་མཛད། །ཉི་མའི་གཟི་འཕྲོག་དགྱེས་པ་མོ། །ཡིད་འོང་བཟང་ཞིང་ཞི་བ་མོ། །བདེ་བ་བདེ་ལྡན་མུ་དང་སྟེགས། །བཀྲ་ཤིས་བགེགས་རྣམས་སེལ་མཛད་མ། །
ནོར་སྤེལ་བསོད་ནམས་རྣམ་པར་རྒྱལ། །འཛམ་བུའི་ཆུ་བོ་གསེར་དངུལ་འོད། །འཇིགས་པ་སེལ་བ་འཇིགས་མེད་སྦྱིན། །སྒྲོལ་མ་ལགས་ཏེ་ཟླ་བའི་ཞལ། །སེམས་ཅན་ཀུན་ལ་མེད་མི་འགྱུར། །མཆོད་གནས་ཕྱག་གནས་དགའ་མཛད་མ། །ཆ་ལུགས་སྔོ་བ་ཆ་
ལུགས་བཟང་། །རྒྱན་དམར་རྒྱན་དུ་ཐོགས་པ་སྟེ། །ན་བཟའ་གསེར་མནབས་གང་ག་མ། །དཀར་མོ་འབར་བ་རྣམ་པར་གཟིགས། །གིའུ་ཝང་གི་ཐིག་ལེ་སྤོས། །འཁོར་ལྡན་རྡོ་རྗེ་ཆུ་ལྷ་ཉིད། །དཀྱིལ་འཁོར་མཆོག་མངའ་འཇིགས་མཛད་མ། །ཚེམས་
དཀར་བཞད་ཅིང་ཚེམས་དཀར་འཛུམ། །དཔུང་རྒྱན་སྙན་ཆ་གདུབ་འཁོར་ཐོགས། །དོ་ཤལ་འབར་བའི་ཆུན་པོ་ཅན། །འོག་པག་བཟང་ལྡན་ཞལ་བཟང་མ། །གྲོགས་ནི་ནིམ་པའི་ལོ་མ་ཐོགས། །ནོར་བུའི་ཅོད་པན་ནོར་བུ་འཆང་། །ནོར་བུའི་རྒྱན་རྣམས་རྒྱན་དུ་
ཐོགས། །ནོར་བུའི་འོད་ཟེར་སྣང་བ་ཅན། །ནོར་བུའི་དཀྱིལ་འཁོར་རྒྱན་མངའ་བ། །འབར་བའི་མདོག་མངའ་རྡོ་རྗེ་ཅན། །སྐྱེས་པ་བུད་མེད་སད་པར་མཛད། །ཞི་བ་དབྱིག་ཐོགས་མཆེ་བ་ཅན། །ཚངས་པའི་ཤུགས་ཅན་རླུང་དང་ལྡན། །བུད་མེད་ལགས་ཏེ་མཁའ་
ལས་གཤེགས། །ལྷ་མོ་མཆོག་གི་འོད་འཕྲོག་མ། །འོད་དང་ལྡན་པ་འདོད་པས་འདུལ། །འདོད་པའི་ཁྲོ་བོ་རབ་འཇོམས་མ། །དྲག་པོ་ཐོར་ཚུགས་གཙུག་པུད་ཅན། །ཚངས་པ་ཚངས་པའི་གསུང་ལྡན་རྒྱལ། །བིང་ཀའི་སྐད་འདྲ་ཕེག་བཟང་མ། །འཇིག་རྟེན་དབང་
ཕྱུག་རིགས་མཆོག་སྐྱེས། །དབྱིག་པའི་ཤིང་ལོ་རྡོ་རྗེ་ཐོགས། །དྲག་མོ་རིན་ཆེན་འོད་ཀྱིས་བརྒྱན། །གཤེགས་ན་སྙན་ཆ་དྲི་མེད་གཡོ། །གཤིན་རྗེ་བ་ཡི་ཡིད་ལ་འཇུག །རིག་སྔགས་འཆང་མ་གཟུགས་འཆང་མ། །སྟོབས་ལྔ་སྟོབས་དང་ལྡན་པར་མཛད། །སྟོབས་

དང་སྟོབས་མེད་མངའ་བ་སྟེ། །ཤེས་རབ་མཚོན་གྱིས་གཅོད་པར་མཛད། །སྒྱུ་རྩལ་ལགས་ཏེ་སྒྱུ་རྩལ་ལྡན། །དེ་བཞིན་བརྗོད་དང་སྨྲ་བ་ལགས། །སྟེང་ནས་ཁྱམས་དང་ཁྱམས་བཟང་ཚུལ། །ཙམ་པ་ཀ་ཡི་ཆུན་པོས་གསལ། །སེར་མོ་ཙན་
པ་ལེགས་པའི་རྟེན། །དྲག་མོ་ཕྱག་ན་ཆུན་པོ་ཐོགས། །སྐལ་བ་བཟང་མོ་གཤལ་ཀ་ཅན། །དེ་བཞིན་ཤིན་ཏུ་ཤས་ཆེར་དགྱེས། །རིགས་མཚན་ཤིན་ཏུ་སྟོབས་དང་ལྡན། །རྡོ་རྗེ་ཁྲོ་བོ་དགའ་མཛད་མ། །བདེ་ལྡན་བློ་ལྡན་རྡོ་རྗེའི་ཐབས། །བློ་མཛད་
ཤེས་རབ་སྐྱེད་པར་མཛད། །ལྷ་མོ་ལམ་མེ་ཅོད་པན་ཅན། །ལྷ་རྣམས་ཀུན་ལས་ཚུལ་ལྷག་པ། །སྲེད་མེད་བུ་མོ་སྡིག་པ་སེལ། །བཀྲ་ཤིས་ངོ་ཚ་ཤེས་དང་དགྱེས། །རབ་ཏུ་དགའ་མ་འགྲོགས་ན་དགའ། །སྤྱོད་ཚུལ་དགའ་ལ་དགའ་དང་ལྡན། །དགའ་
མ་དགའ་བར་མཛད་པ་སྟེ། །ཆོས་རྣམས་ཀུན་གྱི་ལེགས་པའི་རྟེན། །སངས་རྒྱས་སྤྲུལ་པ་སྦྲུལ་མཛད་མ། །ང་རྒྱལ་སེལ་བར་མཛད་པ་སྟེ། །ལས་དང་ཉོན་མོངས་རབ་འཇོམས་ཤིང་། །འདོད་པའི་སྡེ་རྣམས་རབ་འཇོམས་མ། །ཤེས་པ་བཅུ་མངའ་སངས་རྒྱས་
པ། །ཕ་རོལ་ཕྱིན་པ་བཅུ་ལ་གནས། །ས་བཅུ་དག་ལ་མངའ་བརྙེས་པ། །སྟོབས་རྣམས་བཅུ་བོས་ཆེར་གསལ་མ། །རྡོ་རྗེ་ཅོད་པན་རྡོ་རྗེ་འཆང་། །རྡོ་རྗེ་ཕྲ་མོ་ལྷ་མིན་སེལ། །དུས་ཀྱི་རྡོ་རྗེ་རབ་ཏུ་རྒྱགས། །རྡོ་རྗེ་ལྕགས་ཀྱུ་བདེ་དང་དཔལ། །རྡོ་རྗེ་ཞགས་པ་ཞགས་
བ་བཟང་། །སྒེག་མོ་རྡོ་རྗེ་ཕྱག་ན་བསྣམས། །ཡིད་འོང་ཡིད་ལ་ཚིམ་པར་མཛད། །ཕ་རོལ་བགེགས་རྣམས་སེལ་མཛད་མ། །ཚིམ་མཛད་ཤས་ཆེར་བདེ་བ་སྟེ། །རོལ་ཅིང་གར་ཐབས་སྟོན་པར་མཛད། །ཆོས་ཅན་ཧ་ལ་ཧ་ལའི་འོད། །ཆོས་སྦྱིན་རྣམ་པར་གཟིགས་
པ་ལགས། །ཁྱོད་ནི་རྡོ་རྗེ་འཕྲོ་བ་དང་། །བདུད་རྩི་རྡོ་རྗེར་བརྗོད་པ་སྟེ། །རྡོ་རྗེ་འབར་བ་སྟོབས་མོ་ཆེ། །ལྷ་མོ་ཆེན་མོ་ཁྱོད་ཕྱག་འཚལ། །བདག་ཅག་རྣམས་ཀྱིས་བསྟོད་པ་ཡིས། །མཚན་བརྒྱ་རྩ་བརྒྱད་མཆོག་འདི་བརྗོད། །ཀྱེ་ཀྱེ་བཅོམ་ལྡན་མཆོག་ཉིད་ནི། །སྨྲ་བ་

རྣམས་ཀྱི་མཆོག་ལགས་གསུང་། །དེ་ནས་ཟླ་བའི་འོད་འདྲ་ཞིང་། །འབར་ལ་འཕྲོ་བར་ལྡན་པ་ཡི། །ལྷ་མོ་སྒྲོལ་མ་བརྗིད་བག་ཅན། །འཛུམ་བཞིན་དུ་ནི་རབ་སྨྲས་པ། །དབང་ཕྱུག་ཆེན་པོ་ལ་སོགས་ཀུན། །ང་ཡི་ཚིག་ནི་མཉན་པར་གྱིས། །ཐམས་ཅད་རྟག་ཏུ་
མཐུན་པར་ནི། །སྟོབས་བཅུ་དག་ལ་བརྩོན་པར་གྱིས། །དེ་བཞིན་གཤེགས་པའི་ཚུལ་ཆེན་ཡང་། །དུས་ཀུན་ཏུ་ནི་བསྲུང་བར་གྱིས། །ཞི་བའི་ལམ་ལ་དམིགས་པས་ནི། །འཁོར་བའི་རྒྱ་མཚོ་མི་བཟད་ཅིང་། །འཇིགས་པ་ཆེན་པོའི་གཞིར་གྱུར་པ། །རྒལ་དཀའ་
ཁྱེད་ཀྱིས་རྒལ་བར་གྱིས། །མྱ་ངན་འདས་པའི་གྲོང་ཁྱེར་ལ། །དམིགས་ནས་བརྩོན་ཏེ་འཇུག་པར་གྱིས། །དེ་ནས་ཉི་འོད་འབར་བ་ཡི། །ཕྲེང་བ་ལྟ་བུ་མཛེས་པའི་ཞལ། །དེ་བཞིན་གཤེགས་པའི་འབྲུག་གི་སྒྲ། །འདྲ་བའི་ཚིག་ནི་བཀའ་སྩལ་པ། །ཀྱེ་མ་རིག་
སྔགས་སྒྲོལ་མའི་མཆོག །མུན་པ་སེལ་བར་བྱེད་པ་དང་། །མཐུ་སྟོབས་རྒྱ་ཆེན་སྐྱེད་བྱེད་པ། །སྒྲིབ་པ་ཐམས་ཅད་གཅོད་བྱེད་པ། །ཚོགས་རྣམས་སྐྱེད་པའི་གཟི་བརྗིད་ཀྱིས། །དག་པར་བྱས་པ་མ་ཡིན་པས། །ཤས་ཆེར་དགའ་བར་བྱེད་པ་ཡི། །གཟུངས་
འདི་ཐོས་པར་མི་འགྱུར་རོ། །སྔོན་ཆད་སངས་རྒྱས་བརྩོན་བྱས་པའི། །བརྟན་པོ་གཟི་བརྗིད་དག་རྣམས་ལ། །དམ་ཚིག་ཆེན་པོ་རིག་སྔགས་ཀྱི། །དམ་ཚིག་འདི་ནི་འབྱུང་བར་འགྱུར། །ཉོན་མོངས་མཐའ་དག་རབ་འཇོམས་ཤིང་། །སྡིག་པ་ཐམས་ཅད་སེལ་བྱེད་པ། །
སེམས་ཅན་ཐམས་ཅད་རབ་འབྱེད་པའི། །གཟུངས་སྔགས་རྡོ་རྗེ་མཆོག་འཛིན་པ། །སུ་ཞིག་མཉམ་པར་བཞག་པ་ཡིས། །ཉན་ཏམ་འཆང་ངམ་ཀློག་བྱེད་ན། །རང་བྱུང་གིས་ནི་གསུངས་པ་བཞིན། །དེ་ཡི་དོན་ཀུན་གྲུབ་པར་འགྱུར། །ཉོན་མོངས་ཀུན་ལས་རྣམ་གྲོལ་
ཞིང་། །སེམས་ཅན་ཀུན་ལས་ལྷག་པའི་མཆོག །འཇིག་རྟེན་དག་ཏུ་ཆོས་ཤེས་ལ། །འཛུད་པའི་དེ་བཞིན་གཤེགས་དང་མཚུངས། །སུ་ཞིག་མིང་བརྒྱ་རྩ་བརྒྱད་འདི། །འདོན་ཞིང་སྒྲོལ་མ་ཟླ་བའི་ཞལ། །དེ་བཞིན་སྟོད་བྱེད་དེ་དག་ནི། །སངས་རྒྱས་ཉིད་ཀྱང་ཐོབ་

པར་འགྱུར། །དེ་ཡི་དོན་ཀྱང་གྲུབ་འགྱུར་ཞིང་། །རྒྱལ་པོ་རྣམས་དང་སྟོབས་ཆེན་མི། །གཞན་ཡང་སེམས་ཅན་བགྲང་བ་གང་། །ཐམས་ཅད་དེ་ཡི་དབང་དུ་འགྱུར། །ལྷ་མོ་སྒྲོལ་མ་ཞལ་བཟང་བའི། །མིང་བརྒྱ་རྩ་བརྒྱད་གྲགས་པ་འདི། །འཇིག་
རྟེན་དག་ན་རྒྱགས་པ་དང་། །ཉོན་མོངས་མི་རིགས་ཀུན་སེལ་བའོ། །དེ་ནས་བདུད་རིས་གྱེན་དུ་གཡོས་པའི་རི་བོ་འཁྲུག་བྱེད་པ། །དེ་བཞིན་གཤེགས་པའི་རི་བོ་མཆོག་དང་འདྲ་བའི་སྐུ་མངའ་བ། །འོད་གསལ་ལྷ་དང་མི་རྣམས་ལེགས་པར་སད་པར་མཛད་པ་པོ། །
རྒྱལ་སྲས་ཐུ་བོ་རྣམས་ཀྱིས་ཁྱབ་པར་སྟོབས་ཀྱིས་བརྟེན་པ་ཡིས། །གསུང་རབ་རྟག་ཏུ་ཚོགས་ཆེན་བརྡ་སྤྲོད་ལ། །དོན་ཆེན་གྲགས་ཤིང་ཕན་ཕྱིར་ཞུགས་པ་གང་། །རབ་དེས་ཆོས་དེ་དང་ནི་སྡུད་བྱེད་དང་། །དེ་བཞིན་ཁྱད་པར་སེམས་པའི་རིམས་སེལ་བས། །བཟོད་མེད་
ཉོན་མོངས་སེལ་བ་དང་། །ཞི་བའི་ཡིད་ནི་སྐྱེད་པའི་ཚིག །རྒྱལ་བའི་མཆོག་གིས་བཀའ་སྩལ་ནས། །གཞེས་པར་གྱུར་ཏེ་མི་གསུང་བཞུགས། །དེ་ནས་སྒྲོལ་མཆོག་ལྷ་མོས་གཙོར་གྱུར་དགའ་བར་བྱེད་ཅིང་ཡིད་འཕྲོག་ལ། །དགའ་བ་རྒྱ་ཆེན་སྐྱེད་ཅིང་ཚེ་དང་བདེ་
སྦྱིན་བསྟན་པའི་ཚིག་ཐོས་པས། །ལྷ་ཚོགས་ལྷ་མིན་ཚོགས་བཅས་མཐའ་དག་དགའ་བས་རྒྱས་ཤིང་རྨད་བྱུང་ནས། །རབ་ཏུ་དགའ་ཞིང་སྤྱི་བོས་ཐལ་མོ་སྦྱར་ཏེ་སྨྲ་བ་ཞི་བར་གྱུར། །སྒྲོལ་མའི་མཆོག་ཅེས་བྱ་བའི་གཟུངས་ཏེ་ལྷ་མོ་སྒྲོལ་མའི་མཚན་བརྒྱ་རྩ་བརྒྱད་པ་རྫོགས་
སོ།། །།དཀོན་མཆོག་གསུམ་ལ་ཕྱག་འཚལ་ལོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་ཝ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏཱ་རེ་ཏུཏྟ་རེ་ཏུ་རེ་སརྦ་དུཥྚ་པྲ་དུཥྚཾ་མ་མ་ཀྲྀ་ཏེ་ཛཾ་བྷ་ཡ་སྟཾ་བྷ་ཡ། མོ་ཧ་ཡ། བནྡྷ་ཡ། ཧཱུྃ་ཧཱུྃ་ཧཱུྃ།
ཕཊ་ཕཊ་ཕཊ། སརྦ་དུཥྚ་སྟཾ་བྷ་ནི་ཏཱ་རེ་སྭཱ་ཧཱ། འཕགས་མ་སྒྲོལ་མའི་གཟུངས་རྫོགས་སོ།། ༄༅། །རྒྱ་གར་སྐད་དུ། ཨཱརྱ་ཏཱ་རཱ་སྭ་པྲ་ཏི་ཛྙཱ་ནཱ་མ་དྷཱ་ར་ཎཱི། བོད་སྐད་དུ། འཕགས་མ་སྒྲོལ་མ་རང་གིས་དམ་བཅས་བ་ཅེས་བྱ་བའི་གཟུངས།

འཕགས་མ་སྒྲོལ་མ་ལ་ཕྱག་འཚལ་ལོ། །དེ་ནས་སྒྲོལ་མ་རང་གིས་དམ་བཅས་པའི་གཟུངས་སྨྲས་པ། ཏདྱ་ཐཱ། ཨོཾ་ཏཱ་རེ་ཏཱ་རཱ་ཡཻ། ཧཱུྃ་ཧཱུྃ་ཧཱུྃ། ས་མ་ཡསྠི་ཏེ། བྷ་ར་བྷ་ར། སརྦཱ་བྷ་ར་ཎ། བི་བྷཱུ་ཥི་ཏེ། པདྨ་ནི་པདྨ། མ་ཧཱ་པདྨ། ཨཱ་ས་ན་སྠི་ཏེ། ཧ་ས་ཧ་ས། ཏྲཻ་ལོ་ཀྱ་
བ་ར་དེ། སརྦ་དེ་བ་དཱ་ན་པ། བཱུ་ཛི་ཏེ་སྨ་དཱ་ཧི། བྷ་ག་བ་ཏི་ཏཱ་རེ། སྨ་རཱ་ཧཱི། བྷ་ག་བཱཾ་ཏ། ཏ་ཐཱ་ག་ཏ་སྱ། པུ་ར་ཏཿས་མ་ཡཾ། དྷ་ར་དྷ་ར། མ་ཧཱ་སཏྭ་ཨ་བ་ལོ་ཀི་ཏེ། མ་ཎི་ཀ་ནི་ཀ། བི་ཙི་ཏྲཱ་བྷ་ར་ཎེ། ཨོཾ་བི་ལོ་ཀཱ་ཡ། ཆེ་གེ་མོ། བྷ་ག་བ་ཏེ་ཏཱ་རེ། ཧྲཱིཾ་ཧྲཱིཾ་ཧྲཱིཾ་ཕཊ་སྲཱ་ཧཱ།
གཟུངས་སྔགས་འདི་ཡིད་ཀྱིས་དྲན་པ་ཙམ་གྱིས་འཇིགས་པ་ཐམས་ཅད་སེལ་བར་འགྱུར་རོ། །དངོས་གྲུབ་ཐམས་ཅད་ཐོབ་པར་འགྱུར་རོ། །སེམས་ཅན་ཐམས་ཅད་དབང་དུ་འགྱུར་རོ། །དཀར་པོའི་ཚེས་བརྒྱད་དམ་བཅྭ་ལྔ་ལ་འཕགས་མ་སྒྲོལ་མ་ལ་མཆོད་པ་ཆེན་
པོ་བྱས་ཏེ། སྒྲོལ་མ་མངོན་སུམ་དུ་མཐོང་གི་བར་དེ་ཙམ་དུ་བཟླས་པར་བྱའོ། །གང་འདོད་པ་དེ་སྦྱིན་ནོ། །མཆོག་ཐམས་ཅད་སྟེར་རོ། །མ་བྱིན་ན་བདག་གིས་མཚམས་མེད་པ་ལྔ་བྱས་སོ། །གཞན་ཡང་ཕན་ཡོན་དཔག་ཏུ་མེད་པ་འབྱུང་བར་འགྱུར་རོ། །རྡོ་རྗེ་
མཆོག་གི་རྒྱུད་ལས་བཏུས། འཕགས་མ་སྒྲོལ་མ་རང་གིས་དམ་བཅས་པའི་གཟུངས་རྫོགས་སོ།། ༄༅། །རྒྱ་གར་སྐད་དུ། ཨཱརྱ་ཏཱ་ར་ཨཥྚ་གྷོ་རེ་ཏཱ་སྦཱི་སཱུ་ཏྲ། བོད་སྐད་དུ། འཕགས་མ་སྒྲོལ་མ་འཇིགས་པ་བརྒྱད་ལས་སྐྱོབ་པའི་མདོ།
དཀོན་མཆོག་གསུམ་ལ་ཕྱག་འཚལ་ལོ། །རྗེ་བཙུན་མ་སྒྲོལ་མ་ལ་ཕྱག་འཚལ་ལོ། །བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་རབ་ཀྱི་སྟེང་ལྷའི་གནས་ན་བཞུགས་ཏེ། དེ་
ཉིད་དུ་འཁོར་རྣམས་ཀྱི་ནང་ནས་ལྷ་མོ་སྒྲོལ་མས་འདི་སྐད་ཅེས་སྨྲས་སོ། །མཐོ་རིས་རིན་ཆེན་ལྟ་བུ་འདི་ཐོབ་ནས། །ལས་དང་ལས་ཀྱི་འབྲས་བུ་ཤེས་པར་བྱོས། །བཟང་པོ་སྟེན་ཅིང་ངན་པ་སྤང་བར་གྱིས། །གང་དག་སྡིག་པའི་ལས་རྣམས་སྤྱོད་བྱེད་པ། །འཇིག་

རྟེན་ཕ་རོལ་ཐུར་དུ་འབབ་འགྱུར་ཏེ། །དུད་འགྲོ་གླེན་ལྐུགས་གཅིག་ལ་གཅིག་ཟ་དང་། །གྱེན་ཐུར་འབབ་འཛེག་གཡང་ས་ངལ་བའི་ལམ། །འཇིགས་ཤིང་དངངས་སྐྲག་ཤིན་ཏུ་སྐྱི་གཡའ་བ། །ཟོན་དང་བཅས་པའི་སྡུག་བསྔལ་བསམ་མི་ཁྱབ། །
ཡི་དགས་ལྟོགས་ཤིང་སྐོམ་དང་ལུས་མི་འཚམ། །བཟའ་བཏུང་སྣང་ཡང་གཞན་གྱིས་བསྲུངས་པ་དང་། །ཁ་ཅིག་ཟོས་ཀྱང་མེ་དང་མཚོན་དུ་འགྱུར། །ལྟོགས་ཤིང་སྐོམ་པའི་སྡུག་བསྔལ་བསམ་མི་ཁྱབ། །དམྱལ་བར་སྐྱེས་པའི་སེམས་ཅན་དེ་དག་ནི། །རང་
དབང་མེད་པར་གཤིན་རྗེ་གདུག་པས་ཁྲིད། །བསྲེགས་ཤིང་བཙོས་ཏི་མཚོན་གྱིས་རབ་ཏུ་འཐུབ། །བསྲན་གླགས་མེད་པའི་སྡུག་བསྔལ་ཚ་དང་གྲང་། །དེས་ན་ཚེ་འདིར་སྡིག་པའི་ལས་བྱེད་པ། །རང་གིས་རང་ལ་མངན་ནི་ཆེར་བྱས་ཡིན། །བསྐལ་པ་མང་པོར་སྡུག་
བསྔལ་དྲག་པོས་གདུངས། །ཐར་པའི་དུས་མེད་བསྲན་པའི་གླགས་ཀྱང་མེད། །དྲན་པ་གསལ་བས་ལས་ཀྱི་འབྲས་བུར་ཤེས། །སྡུག་བསྔལ་མ་བཟོད་སྨྲེ་སྔགས་རང་ལ་རྨོ། །སྐད་ངན་དྲག་པོའི་ཀུ་སྒྲས་གཞན་ཡང་སྐྲག །དེ་ལ་སོགས་ཏེ་སྡུག་བསྔལ་བསམ་མི་
ཁྱབ། །གང་དག་ཉེས་དམིགས་རབ་ཏུ་ཤེས་གྱིས་ལ། །ངན་སོང་གསུམ་གྱི་རྒྱུ་རྣམས་རབ་ཏུ་སྤངས། །སྡིག་པའི་རྣམ་པ་ཕྲ་རགས་གང་ལ་ཡང་། །ལུས་ངག་ཡིད་ཀྱི་སྒོ་ནས་སྤྱད་ཏ་རེ། །རང་ཡང་བདེ་ལ་འགྲོ་རྣམས་ཡོངས་ལ་ཕན། །ཆགས་སྡང་རྨོངས་སྤངས་སྙིང་
རྗེའི་རྩ་བ་བརྟན། །སྒོ་གསུམ་དང་བས་འབད་དེ་དགེ་བ་སྤྱད། །ཤིན་ཏུ་ཟབ་པའི་སྙིང་པོ་འདི་ལ་འབད། །མེ་ཏོག་སད་ཀྱིས་ཁྱེར་བའི་འབྲས་བུ་ལ། །སོ་ནམ་བྱས་ཀྱང་མྱུ་གུ་མི་སྐྱེ་ལྟར། །སྡོམ་ཉམས་ཐེ་ཚོམ་ཟོས་པའི་གང་ཟག་གིས། །ཤིན་ཏུ་ཟབ་པའི་རིག་སྔགས་
བསྒྲུབ་གྱུར་ཀྱང་། །བྱིན་བརླབས་འབྱུང་ངོ་སྙམ་ཡང་འབྱུང་མི་སྲིད། །རྩོལ་བ་དེ་དག་ངལ་བ་དོན་མེད་འགྱུར། །རིག་སྔགས་དེ་ཡང་སྐྱེ་བོའི་ཚིག་དང་མཚུངས། །ཏིང་འཛིན་རྣམས་ཀྱང་བྱིས་པའི་བསམ་པ་འདྲ། །སྐྱོན་མེད་སྐྱེས་བུས་རིག་སྔགས་དེ་བསྒྲུབས་ན། །ཇི་ལྟར་

འདོད་པ་བཞིན་དུ་མྱུར་དུ་འགྲུབ། །དཔེར་ན་ནྱ་གྲོ་དྷ་ཡི་ས་བོན་ནི། །ཤིན་ཏུ་ཕྲ་ཡང་ཆུ་ལུད་ལེགས་བྲན་ན། །དགུང་ཟླ་བདུན་ན་དཔག་ཚད་ཙམ་དུ་སྐྱེ། །བེམས་པོ་ཕྱི་ཡི་འགྱུར་ཡང་དེ་འདྲ་ན། །རིག་པས་རིག་པ་བསྒྲུབ་པ་ལྟ་ཅི་སྨོས། །འོད་གསལ་ནང་གི་འགྱུར་ལ་དཔག་ཏུ་
མེད། །ཚོང་དཔོན་ལམ་ལ་མཁས་པ་དག་ལ་བརྟེན། །གྲུ་ཚགས་ལེགས་པས་རྒྱ་མཚོར་ཞུགས་གྱུར་ན། །རིན་ཆེན་འདོད་པ་བཞིན་དུ་རྙེད་གྱུར་ནས། །རང་གི་གནས་སུ་ལེགས་པར་ཕྱིན་པ་ཡིན། །བྱམས་དང་སྙིང་རྗེ་དགའ་དང་བཏང་སྙོམས་རྟེན། །བྱང་
ཆུབ་སེམས་ལྡན་དགེ་བ་སྦྱང་གྱུར་ན། །ཡང་དག་རྫོགས་ཀྱི་ལམ་ལ་ཞུགས་འགྱུར་ཏེ། །ངེས་པར་མཁྱེན་ཉིད་ས་ལ་འགྲོ་བར་འགྱུར། །མདའ་ཉིད་སྐྱེས་བུའི་འཐེབ་ནས་ཤོར་གྱུར་ན། །མི་འཕང་སྙམ་ཡང་ཤིན་ཏུ་འཕངས་པར་འགྱུར། །ཆོས་ཉིད་དོན་ཀུན་
ཆུབ་པའི་གང་ཟག་ནི། །མི་ཕྱིན་སྙམ་ཡང་ཕ་རོལ་ཕྱིན་པར་འགྱུར། །བྱ་ཆའི་རྣམ་པ་རང་བཞིན་རྫོགས་གྱུར་ནས། །སངས་རྒྱས་འབྲས་བུ་འཐོབ་པར་ཐེ་ཙོམ་མེད། །ཆོས་ཉིད་རྣམ་པར་དག་པ་དེ་རྟོགས་ན། །བདག་མེད་སྲོག་མེད་སྲོག་ཀྱང་གཅད་དུ་མེད། །ལས་མེད་
དེ་ཡི་རྣམ་པར་སྨིན་པ་མེད། །མཐའ་རྣམས་རབ་སྤངས་སྐྱེས་བུ་རྣམ་པར་གྲོལ། །དེ་དོན་རྟོགས་ཕྱིར་བདག་གིས་བཤད་པ་ཡི། །སྙིང་པོ་འདི་ལ་གུས་པས་བཟླས་གྱུར་ན། །བསྐལ་པ་གྲངས་མེད་གསུམ་གྱི་སྡིག་ཀྱང་འཛད། །ངན་སོང་གསུམ་དང་འཁོར་བའི་སྡུག་བསྔལ་
ཀུན། །རབ་ཏུ་སྦྱོང་ཞིང་སྒྲིབ་པ་རྣམས་ཀྱང་འདག །དོན་དང་ལྡན་པའི་སྙིང་པོ་འདི་ལྟ་སྟེ། །ཨོཾ་བྱང་ཆུབ་སེམས་དཔའ་སེམས་དཔའ་ཆེན་མོ། ལྷ་མོ་ཁྱོད་ཀྱིས་བསྐྱབ་ཏུ་གསོལ། །ཨོཾ་ན་མོ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་
ཡ། ཏདྱ་ཐཱ། ཨོཾ་ཏཱ་རེ་ཏུཏྟཱ་རེ་ཏུ་རེ་སརྦ་དུཥྚཱ་ན། པྲ་དུཥྚཱ་ན་མ་མ་ཀྲྀ་ཏེ། ཛམྦྷ་ཡ། སྟམྦྷ་ཡ། མོ་ཧ་ཡ། བན་དྷ་ཡ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ་སྭཱ་ཧཱ། མ་མ་ཨཱརྱཱ་བ་ལོ་བྷ་ཡཱ་ན་རཱ། བོ་དྷི་སཏྭཱ། མ་ཧཱ་སཏྭཱ་ནི། ཨདྷི་ཥྛཱི་ཏེ་མ་མ་སརྦ་ཀརྨ་ཨཱ་བ་ར་ཎ་སྭ་བྷཱ་བ། ཤུད་དྷེ་

བི་ཤུ་ད་དྷེ། ཤོ་དྷ་ཡ་བི་ཤོ་དྷ་ཡ་ཧཱུྃ་ཕཊ་སྭཱ་ཧཱ། དེ་ནས་སངས་རྒྱས་ཉིད་ཀྱིས་སུ། །ལྷ་མོ་ཉིད་ལ་རབ་ཏུ་བསྟོད། །ཐུགས་རྗེ་ཤིན་ཏུ་ཆེ་བས་འགྲོ་བའི་དོན་མཛད་མ། །མཚན་དང་དཔེ་བྱད་རྫོགས་ཤིང་རིན་ཆེན་རྒྱན་གྱིས་སྤྲས། །ཤིན་ཏུ་མཛེས་ཚུལ་འཛུམ་
ཞིང་བཞད་པའི་བཞིན། །སྤྱན་གྱི་སྐྱེ་མཆེད་ཟར་མའི་པདྨ་འདྲ། །སྙན་གྱི་སྐྱེ་མཆེད་ཨུག་ཅོས་བྱེ་བ་འདྲ། །ཤངས་ཀྱི་སྐྱེ་མཆེད་ཨུཏྤལ་བུམ་བུ་འདྲ། །ཞལ་གྱི་མཆེད་ཧ་ལོ་རྒྱས་པ་འདྲ། །སྣ་ཚོགས་སྐུ་མངའ་ན་ཆུང་མཚན་ལྡན་སྐུ། །ཆོས་ཀྱི་སྒྲ་སྒྲོགས་ཀ་ལ་པིང་
ཀའི་གསུང་། །སེམས་ཅན་ཀུན་ལ་བྱམས་མགོན་ཐུགས་རྗེའི་ཐུགས། །འཁོར་བའི་སྐྱོན་གྱིས་མ་གོས་པདྨ་གཡོན། །སེམས་ཅན་དོན་རྣམས་མཛད་ཕྱིར་སྐྱབས་སྦྱིན་གཡས། །ཐབས་དང་ཤེས་རབ་ཉི་ཟླའི་གདན་ལ་བཞུགས། །རྗེ་བཙུན་སྒྲོལ་མ་ལ་ནི་སྐྱབས་
སུ་མཆི། །འཁོར་བའི་གཡང་ས་ཆེ་ལས་བདག་སྐྱོབས་ཤིག །འགྲོ་དྲུག་རང་ཁའི་གནས་སུ་འཁོར་ར་རེ། །ཐུགས་རྗེ་ཆེན་མོའི་ཞགས་པས་བདག་ཟུང་ཤིག །ངན་སོང་གསུམ་གྱི་གནས་སུ་ཤོར་ར་རེ། །འཁྱམས་མེད་པ་ཡི་ལམ་དུ་བདག་ཆུག་ཤིག །ལོག་པར་
ལྟ་བའི་རིགས་སུ་སྐྱེས་ས་རེ། །བླ་མ་བྱང་སེམས་མངའ་དང་བདག་སྤྲོད་ཅིག །བཤེས་གཉེན་ངན་པ་དག་དང་ཕྲད་ཏ་རེའོ། །སེང་གེ་གླང་ཆེན་མེ་དང་སྦྲུལ། །མི་རྒོད་ཆུ་དང་རིམས་རྣམས་དང་། །ཤ་ཟས་འཇིགས་པ་བརྒྱད་པོ་ལས། །སྐྱོབ་མཛད་ཁྱེད་ལ་ཕྱག་
འཚལ་ལོ། །འཇིག་རྟེན་འདི་དང་གཞན་དག་ཏུ། །འཇིགས་པ་བརྒྱད་ལས་བསྐྱབ་ཏུ་གསོལ། །ཕ་རོལ་འབྲས་བུ་མ་ཐོབ་བར་དག་ཏུ། །སྦྱིན་དང་ཚུལ་ཁྲིམས་བཟོད་པ་བརྩོན་འགྲུས་དང་། །བསམ་གཏན་ཤེས་རབ་ཐབས་དང་སྨོན་ལམ་དང་། །སྟོབས་དང་དེ་
བཞིན་ཡེ་ཤེས་ཕ་རོལ་ཕྱིན། །བཅུ་པོ་དེ་དང་མི་འབྲལ་འགྲོགས་པར་ཤོག །རིགས་ཀྱི་བུའམ་རིགས་ཀྱི་བུ་མོ་གང་ལ་ལས་ཆོས་འདི་བྲི་བ་དང་། བཀླག་པ་དང་། ཁ་ཏོན་དང་། ཀུན་ཆུབ་པ་དང་། ཚུལ་བཞིན་དུ་ཡིད་ལ་བྱ་བ་དང་། གཞན་དག་ལ་ཡང་རྒྱ་ཆེར་བསྟན་པར་

བྱའོ་ཞེས་བཀའ་སྩལ་པ་དང་། ཐམས་ཅད་དང་ལྡན་པའི་འཁོར་རྣམས་ཡི་རངས་ཏེ་མངོན་པར་བསྟོད་དོ། །རྗེ་བཙུན་མ་སྒྲོལ་མ་འཇིགས་པ་བརྒྱད་ལས་སྐྱོབ་པའི་མདོ་རྫོགས་སོ།། ༄༅། །རྒྱ་གར་སྐད་དུ། ཨཱརྱ་ཡ་ཨོ་བ་ཏཱི་དྷཱ་ར་ཎཱི། བོད་སྐད་
དུ། འཕགས་པ་གྲགས་ལྡན་མའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཛྭ་རེ་མ་ཧཱ་ཛྭ་རེ། དུ་ཁེ་མུཀྟི་སུ་སཾ་པནྣེ། མ་ཧཱ་སཾ་པནྣེ།
སཾ་པཏྟི། མ་ཧཱ་སཾ་པཏྟི། ཀ་སེ་མ་ཧཱ་ཀ་སེ། ཀཙྪ་ཛྭ་ར་མུགྟེ་སི་སྭཱ་ཧཱ། སྐུད་པའམ་ཆུ་ལ་ལན་གསུམ་སྔགས་ན་རིམས་ལས་ཐར་བར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཙི་ལི་ཙི་ལི། མི་ལི་མི་ལི།
རཀྵ་རཀྵ་མཱཾ། ཨཱརྱཱ་བ་ལོ་ཀི་ཏེ་ཤྭ་ར་སྭཱ་ཧཱ། གདོན་ཐམས་ཅད་ལ་ཚོན་སྣ་ལྔའི་སྐུད་པའམ་སྐུད་པ་དམར་པོ་ལ་ལན་གསུམ་དུ་སྔགས་ཏེ་མདུད་པ་གསུམ་བོར་ལ་བཅིངས་ན་བར་དུ་གཅོད་པ་ཞི་བར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་
ཡ། མ་ཧཱ་སཏྭ་ཡ། ཏདྱ་ཐཱ། ཀི་ལི་ཀི་ལི། ཙི་ལི་ཙི་ལི། ནི་གི་ལེ་སྭཱ་ཧཱ། འབྲུ་མར་ལ་ལན་གསུམ་སྔགས་ཏེ་བསྐུས་ན་སྐྲན་འཚོའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ས་རེ་ས་རེ། བི་ས་རེ་བི་ས་རེ།
ས་ར་ནཱ་ཤ་ནི་སྭཱ་ཧཱ། ཤི་བའི་རྣ་བར་ལན་གསུམ་བཟླས་ན་སོས་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ནི་སི་རེ་ནི་སི་རེ། ཀ་ལ་མི་མི་རེ། ཀ་ལ་རི་ཙི་རཱི། པ་ཙི་ལེ་སྭཱ་ཧཱ། ལྤ་བ་དང་། ལྐོག་མའི་
ལྷ་གོར་ན་བ་དང་། ལྕེ་ཀྱི་བ་ན་བ་དང་། གདོན་ནད་ཐམས་ཅད་ལ་འཇི་བ་ལ་ལན་གསུམ་དུ་སྔགས་ཏེ་བསྐུས་ན་ཕན་ནོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བཛྲ་པཱ་ཎིདྷྱ་མ། ཨོཾ་ཨོཾ་ཀྲཱ་རཱ་པྲ་བྷ་བེ། བྷ་ག་བ་ཏི་བུདྡྷེ། པྲ་ཏི་བུདྡྷེ། ཨུདྡྷེ། ཤཱནྟི་ཀ་རི། ཧ་ན་ཧ་ན།

མ་མ་པཱ་པ་མཾ། ད་ཧ་ད་ཧ། མ་མ་པཱ་པ་དཾ། པ་ཙ་པ་ཙ། མ་མ་པཱ་པ་ཀཾ། ཨོཾ་ཨོ་ཌེ། གྲ་ས་གྲ་ས། རི་ཏེ་ཌེ་རི་ཏེ་ཌེ། ཤཱནྟིཾ་ཀ་རཱི་ཡེ་སྭཱ་ཧཱ། ཤུ་བྷ་ཀ་རཱི་ཡེ་སྭཱ་ཧཱ། ཀྵེ་མ་ཀ་རི་ཡ་སྭཱ་ཧཱ། རིམས་ནད་ཀྱིས་བཏབ་པ་ལ་བྱ་བ་པ་བྱས་ན་རིམས་ནད་སོས་པར་འགྱུར་རོ། །
སྨན་ལ་སྔགས་ཀྱིས་བཏབ་སྟེ་བླུད་ན་ནད་པ་སོས་པར་འགྱུར་རོ། །ཟས་ལ་སྔགས་ཀྱིས་བཏབ་སྟེ་ཟོས་ན་དུག་མི་གནོད་པར་འགྱུར་རོ། །འབྱུང་པོའི་གདོན་གྱིས་ཟིན་པ་རྣམས་ལ་བུ་མོས་བཀལ་བའི་སྐུད་པ་ལ་ལན་ཉི་ཤུ་རྩ་གཅིག་སྔགས་ཏེ་བཅིངས་ན་ཐར་བར་འགྱུར་རོ། །
འཕགས་པ་གྲགས་ལྡན་མའི་གཟུངས་རྫོགས་སོ།། ༄༅། །རྒྱ་གར་སྐད་དུ། ཨཱརྱ་ཨ་བ་ལོ་ཀི་ཏེ་ཤྭ་ར་ཧ་ཡ་གྲཱི་བ་དྷཱ་ར་ཎཱི། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་ཧ་ཡ་གྲཱི་བའི་གཟུངས། སངས་རྒྱས་དང་བྱང་ཆུབ་སེམས་
དཔའ་ཐམས་ཅད་ལ་ཕྱག་འཚལ་ལོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སརྦ་སཏྭེ་བྷྱཿ ས་ནཱ་ག་ཏི་ནེ། ན་མཿསརྦ་སཏྭ་བྷྱཿས་ན། ཨ་པ་ཧ་རི་ཎི། ན་མཿསརྦ་སཏྭ་བྷ་ཡོཏྟ་ར་ཎཱ་ཡ།
ན་མཿསརྦྦ་བྷ་བ། པྲ་ཤ་མ་ན་ཀ་རཱ་ཡ། ན་མཿསརྦ་སཏྭ་བོ་དྷི་ཙི་ཀི་ཏ་སཾ་ཀ་རཱ་ཡ། ན་མཿསརྦ་བནྡྷ་ན། ཙྪེ་ད་ན་ཀ་རཱ་ཡ། ན་མཿསརྦ་དུཿཁ་པྲ་ཤ་མ་ན་ཀ་རཱ་ཡ། ན་མཿསརྦ་ཨནྡྷ་ཀ་ར་བི་དྷ་མ་ན་ཀ་རཱ་ཡ། ན་མཿསརྦ་བིདྱཱ་རཱ་ཛ། པ་ཤ་པྲཱ་པྟ་ཡེ། མ་ཧཱ་ཡོ་ག་ཡོ་གཱི་ཤྭ་རཱ་ཡ། ཏ་
སྱ་ན་མ་སྐྲྀ་ཏྭཱ་ཨི་དཾ་ཨཱརྱ་ཨ་བ་ལོ་ཀི་ཏེ་ཤྭ་ར་མུ་ཁོངྒཱི་རྞཾ་རྀ་ཥི་བི་ད་དཱ། དེ་བ་ནཱ་ག །ཡཀྵ་རཀྵ་ས། ཤཱཀྱ་པྲཧྨཱ། ལོ་ཀ་པཱ་ལ། བིཥྟུ་མ་ཧེ་ཤྭ་ར། ནཱ་རཱ་ཡཱ་ཎ། སྐནྡྷ། ཀུ་བེ་ར། ཨ་སུ་རེནྡྲ། མ་ཏྲྀ་ག་ཎ། ན་མཿཀྲྀ་ཏཾ། བཛྲ་ཁུར་ས་ཧི་ཡཾ། ཧ་ཡ་གྲཱི་བ་བྲཧྨ། པ་ར་མ་ཧྲྀ་ད་ཡ་མཱ་
བརྟ་ཡིཥྚ་མི། ཨ་བ་པྲ་མེ་ཡཱརྷ་ས་དྷ་ཀ་ན། ཨ་བ་ཧྱཾ། སརྦ་བྷཱུ་ཏཱ་ནཱཾ། སརྦ་བིགྷྣཱཾ་བི་ནཱ་ཡ་ཀཾ། ཨ་མོ་གྷཾ། སརྦ་ཀརྨ་ཎཾ། བི་ཤཱ་ན་ཉྩ། བི་ནཱ་ཡ་ཀཾ །ཏདྱ་ཐཱ། ཨོཾ་ཏ་རུ་ལ་ཏ་རུ་ལ་ཏ་རུ་ལ། བི་ཏ་རུ་ལ་བི་ཏ་རུ་ལ། སརྦ་བི་ཥ་གྷ་ཏ་ཀ །སརྦ་བྷཱུ་ཏ་བི་དྲ་བ་ཀ་ཛྭ་ལི་ཏ། ཨ་ན་ལ། བི་སྥུ་ལངྒི། ཨཊྚ་

ཧཱ་ས། ཀེ་ས་ར། ཨ་ཏ་བཱ། པྲ་བི་ཏ་ཀ །ཡཾ་བཛྲ་ཁུ་ར་ནི་ར་ག་ཏི་ཏ། ཙ་ལི་ཏ་བཱ་སུ་དཱ་ཏ་ལ། བཛྲོད་ཤྭ་སི་ཏ། ཧཱ་སི་ཏ་མ་རུ་ཏོ་ཀྵ་ཏི། པྲ་ཤ་མན་ཀ་ར། པ་ར་དུཥྚ་བིགྷྞཱཾ། སམ་བྷ་ཀྵ་ཎ་ཀ་ར། སྭ་བིདྡྷོ་པ་དེ་ཤ་ཀ་ར། པ་ར་མ་ཤཱནྟི་ཀ་ར། བུདྡྷ་བུདྡྷ། བྷོ་དྷ་ཡ་མི་ཏེ།
བྷ་ག་བཱཾ་ཧ་ཡ་གྲཱི་བ། སརྦ་བིདྱཱ་ཧྲྀ་ད་ཡ་མཱ་བཪྟ་ཡི་ཥྱཱ་མི། ཁཱ་ད་ཁཱ་ད། མ་ཧཱ་རཽ་དྲ། མནྟྲ་ན། རཀྵ་རཀྵ། ཨཱ་ཏྨ་སྭ་ཧི་ཏཱ་ན། མནྟྲ་ན། སིདྡྷ་སིདྡྷ། སརྦ་ཀརྨེ་ཥུ་མེ། སིདྡྷེ། དེ་ཧི་དེ་ཧི། ཨཱ་བི་ཤ་ཨཱ་བི་ཤ །པྲ་བི་ཤ་པྲ་བི་ཤ །སརྦ་གྲ་ཧེ་ཥུ། ཨ་པྲ་ཏི་ཧ་ཏ། དྷུ་ན་དྷུ་ན།
བི་དྷུ་ན་བི་དྷུ་ན། མ་ཐ་མ་ཐ། པྲ་མ་ཐ་པྲ་མ་ཐ། སརྦ་བ་རོ་པ་གྲ་མ། ཀྲྀ་ཏྱ་ཀ་ཁོ་རྡོ་དུ་རླཾ་གྲི་ཏ། མུ་ཤི་ཀ །བི་ཤ་ཀ་ར་བི་ཤ་དཾཥྚ་བི་ཥ་ཅཱུ་རྞ་ཡོ་ཨ་བྷི་ཙཱ་ར་བི་ཤ་ཀ་ར་ཎ། སིདྡྷ་ཨཉྫ་ན། ཙཀྵུར་མོ་ཧ་ན། ཙིཏྟ་བཱ་ཀྵེ་པ་ན་ཀ་ར། ནི་ཏྱ། ཨ་པ་ར་པྲེ་ཀྵ་ཎ། ཏྲཱ་ས་ཡ་ཏྲཱ་ས་ཡ། མ་ཧཱ་
བོདྷི་ས་ཏྭ་རིདྡྷྱ་དཾཥྚ་ཎེ་ན། སརྦ་བྷ་ཡེ་བྷྱཿསཏྭཱ་ནཱཾ། རཀྵ་རཀྵ། མ་མ་བུདྡྷ། དྷརྨ་སཾ་གྷ། ཨ་ནུ་ཛྙཱ་ཏཾ། མེ་ཀརྨ་ཤཱི་གྷྲཾ་ཀུ་རུ་ཀུ་རུ། ཕཊ། ཧ་ཡ་གྲཱི་བ་ཕཊ། བཛྲ་ཁུ་རཱ་ཡ་ཕཊ། བཛྲ་དཾ་ཥྚྲོ་ཏྐ་ཊ། བྷ་ཡ་བྷི་ར་བཱ་ཡ་ཕཊ། བར་མཾ་ཏྲཱ་ན། ནཱ་ཤ་ན་ཀ་རཱ་ཡ་ཕཊ། པ་ར་དུཥྚ་བིགྷྣཱཾ། བཾ་བྷཀྵ་ཎ་ཀ་
རཱ་ཡ་ཕཊ། སརྦ་གྲ་ཧོཏྶཱ་དྷ་ན་ཀ་རཱ་ཡ་ཕཊ། སརྦ་གྲ་ཧེ་ཥུ་ཨ་པྲ་ཏི་ཧ་ཏཱ་ཡ་ཕཊ། པ་ཊ་ལ་མུ་ལཱ་ཡ་ཕཊ། ཡེ་ཀོ་ཙི་ཏ། མ་མ་ཨ་ཧི་ཏེ་ཥི་ན། ཀ་ཡེ་ཀྲ་མིནྟི། མནྟ་ཡནྟྲ། ཡ་མཱནྟི། ཛུ་ཧྭན་ཏི་ཀཱ་ཁོརྡི་ཀུརྦ་ནྟི་ཏ་ན་སརྦ་ན་བ་ད་མི་ཁེ་ན། བཱ་ཀྲི་ཏཱ་ཡ་ཕཊ། ན་མཿསརྦ་དུཥྚ་གྲ་ཧོ་ཏྶཱེ་དྷ་ན་ཡ། ཧ་
ཡ་གྲཱི་བཱ་ཡ། སིདྡྷྱནུ་མནྟྲ་པ་དཻཿསྭཱ་ཧཱ། ཨོཾ་ཨ་མྲྀ་ཏོདྦྷ་བཱ་ཡ་ཧཱུྃ་ཕཊ་ཕཊ་སྭཱ་ཧཱ། ཨོཾ་ན་མོ་ཧ་ཡཱ་ཡ་སྭཱ་ཧཱ། ཨོཾ་ན་མོ་བི་ཤྭ་མཱུརྟ་ཡེ་སྭཱ་ཧཱ། ན་མཿསརྦ་སཏྭཱ་ནཱི་སིདྡྷཱ་ནྟུ། མནྟྲ་པ་དཱ་ཡ་སྭཱ་ཧཱ། འཕགས་པ་སྤྱན་རས་གཟིགས་དབང་ཕྱུག་ཧ་ཡ་གྲཱི་བ་ཞེས་བྱ་བའི་གཟུངས་རྫོགས་སོ།། །།
༄༅། །རྒྱ་གར་སྐད་དུ། ཨཱརྱ་བི་ཛ་ཡ་བ་ཏི་ནཱ་མ་པྲ་ཏྱཾ་གི་རཱ། བོད་སྐད་དུ། ཕྱིར་ཟློག་པ་འཕགས་པ་རྣམ་པར་རྒྱལ་བ་ཅན་ཞེས་བྱ་བ། སངས་རྒྱས་དང་། བྱང་ཆུབ་སེམས་དཔའ་འགྲོ་བ་ཐམས་ཅད་སྲུང་བ་ལ་མངོན་པར་བརྩོན་པ་ཐམས་ཅད་ལ་ཕྱག་འཚལ་ལོ། །

གྲུབ་པ་ཐམས་ཅད་ལ་ཕྱག་འཚལ་ལོ། །རིག་སྔགས་འཆང་ཐམས་ཅད་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་
པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །དེ་རྣམས་ལ་ཕྱག་འཚལ་ནས། ཕྱིར་ཟློག་པ་རྣམ་པར་རྒྱལ་བ་ཅན་ཞེས་བྱ་བ་གཤེད་བྱེད་དང་བྱད་སེལ་བ། རོ་ལངས་དང་བཀྲ་མི་ཤིས་པ་རབ་ཏུ་ཞི་བར་བྱེད་པ། རྒྱལ་པོའི་འཇིགས་པ་དང་།
ཆོམ་རྐུན་གྱི་འཇིགས་པ་དང་། མེའི་འཇིགས་པ་དང་། ཆུའི་འཇིགས་པ་དང་། མཁའ་འགྲོ་མའི་འཇིགས་པ་དང་། ཡི་དགས་དང་། ཤ་ཟ་དང་། གྲུལ་བུམ་གྱི་འཇིགས་པ་དང་། གྲིབ་གནོན་གྱི་འཇིགས་པ་དང་། བརྗེད་བྱེད་ཀྱི་འཇིགས་པ་དང་། སྲུལ་པོའི་
འཇིགས་པ་དང་། ལུས་སྲུལ་པོའི་འཇིགས་པ་དང་། ལམ་ལོག་པ་དང་། ལམ་དུ་ཞུགས་པའི་འཇིགས་པ་དང་། ཉིན་མོ་དང་མཚན་མོའི་འགྲོ་བ་སོ་སོའི་འཇིགས་པ་རྨུགས་པར་བྱེད་པ། རེངས་པར་བྱེད་པ། རྨོངས་པར་བྱེད་པ། མདོག་བཟང་པོར་བྱེད་པ། སྤྲོ་
བ་ཡང་དག་པར་འཕེལ་བར་བྱེད་པ། དགྲ་ཐམས་ཅད་ཟློག་པ། བགེགས་དང་ལོག་འདྲེན་ཐམས་ཅད་རབ་ཏུ་ཞི་བར་བྱེད་པ། སྡིག་པ་ཐམས་ཅད་ཡང་དག་པར་བྱང་བར་བྱེད་པ། ཁ་རྨུགས་པར་བྱེད་པ། ཁ་རེངས་པར་བྱེད་པ། བཞིན་མཛེས་པར་བྱེད་པ་བརྗོད་པར་བྱའོ། །
བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །གསང་སྔགས་ཀྱི་གཞི་འདི་དག་གྲུབ་པར་གྱུར་ཅིག །ཏདྱ་ཐཱ། ཨོཾ་དྷ་ར་དྷ་ར། དྷ་ར་དྷ་ར། དྷ་ར་དྷ་ར། དྷ་ར། དྷི་རི་དྷི་རི། དྷི་རི་དྷི་རི། དྷི་རི་
དྷི་རི། དྷི་རི། དྷུ་རུ་དྷུ་རུ། དྷུ་རུ་དྷུ་རུ། དྷུ་རུ་དྷུ་རུ། དྷུ་རུ། བདག་འཇིགས་པ་དང་། གནོད་པ་ཐམས་ཅད་དང་། གཤེད་བྱེད་དང་། བྱད་ཐམས་ཅད་ལས་བསྲུང་དུ་གསོལ། བསྲུང་དུ་གསོལ། ཏདྱ་ཐཱ། ས་ར་ས་ར། ས་ར་ས་ར། ས་ར་ས་ར། ས་ར་ས་ར། ས་ར། སི་རི་སི་རི། སི་རི་སི་རི།

སི་རི་སི་རི། སི་རི། སུ་རུ་སུ་རུ། སུ་རུ་སུ་རུ། སུ་རུ་སུ་རུ། སུ་རུ། མ་ར་མ་ར། མ་ར་མ་ར། མ་ར་མ་ར། མ་ར། མི་རི་མི་རི། མི་རི་མི་རི། མི་རི་མི་རི། མི་རི། མུ་རུ་མུ་རུ། མུ་རུ་མུ་རུ། མུ་རུ་མུ་རུ། མུ་རུ། བདག་ནད་ཐམས་ཅད་ལས་བསྲུང་དུ་གསོལ། བསྲུང་དུ་
གསོལ། ཏདྱ་ཐཱ། ཧི་ལི་ཧི་ལི། ཧི་ལི་ཧི་ལི། ཧི་ལི་ཧི་ལི། ཧི་ལི་ཧི་ལི། ཧི་ལི། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ་ཧུ་ལུ། ཧུ་ལུ། ཀི་ལི་ཀི་ལི། ཀི་ལི་ཀི་ལི། ཀི་ལི་ཀི་ལི། ཀི་ལི་ཀི་ལི། ཀི་ལི། མི་ལི་མི་ལི། མི་ལི་མི་ལི། མི་ལི་མི་ལི། མི་ལི་མི་ལི། མི་ལི།
ཙི་ལི་ཙི་ལི། ཙི་ལི་ཙི་ལི། ཙི་ལི་ཙི་ལི། ཙི་ལི་ཙི་ལི། ཙི་ལི། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ་ཙུ་ལུ། ཙུ་ལུ། འབྱུང་པོ་ཐམས་ཅད་བཟློག་པར་མཛད་དུ་གསོལ། ཨོཾ་བི་ས་ར་བི་ས་ར། ཀཾ་པ་ཀཾ་པ། ནཱ་ཤ་ཡ་ནཱ་ཤ་ཡ། དགྲ་གང་དག་བདག་ལ་མི་ཕན་པར་
འདོད་པ་དང་། རྣམ་པར་སྔང་བ་དང་། གནོད་པར་སེམས་པ་དང་། སྔགས་བྱེད་པ་དང་། སྦྱིན་སྲེག་བྱེད་པ་དང་། བྱེད་དུ་འཇུག་པ་དང་། བྱས་པ་ལ་རྗེས་སུ་ཡི་རང་བ་དེ་དག་ཐམས་ཅད་ཉིད་ལ་སླར་སོང་ཤིག་སྭཱ་ཧཱ། མི་མཛའ་བ་ཐམས་ཅད་ཀྱི་མིག་བཅིང་ངོ་། །
རྣ་བ་བཅིང་ངོ་། །སྣ་བཅིང་ངོ་། །ལྕེ་བཅིང་ངོ་། །ལུས་བཅིང་ངོ་། །ཡིད་བཅིང་ངོ་། །ཡན་ལག་དང་ཉིང་ལག་ཐམས་ཅད་བཅིང་ངོ་། །སྥུ་ཊ་སྥུ་ཊ་སྥུ་ཊ། སྥོ་ཊ་ཡ་སྥོ་ཊ་ཡ་སྤོ་ཊ་ཡ། གཤེད་བྱེད་དང་བྱད་ཐམས་ཅད་རྣམ་པར་བསལ་དུ་གསོལ། །རྣམ་པར་གཞོམ་
དུ་གསོལ། །རྣམ་པར་གཞིག་ཏུ་གསོལ། སརྦ་ཤ་ཏྲཱུཾ། ཏུ་རུ་ཏུ་རུ། ཏུ་རུ་ཏུ་རུ། ཏུ་རུ་ཏུ་རུ། ཏུ་རུ་སྭཱ་ཧཱ། བདག་འཇིགས་པ་དང་། གནོད་པ་ཐམས་ཅད་དང་། གཤེད་བ