Luận tạng Tây Tạng (Tengyur) — Tập 62

ོ་ཞེས་པ་ནི་ཚོགས་ཀྱི་འཁོར་ལོའི་ཆོ་གའོ།། །།དེ་ནས་གང་གི་ཚེ་སྦྱིན་སྲེག་གི་མེ་ཉེ་བར་ཞི་བར་གྱུར་ནས་རྒྱ་ཆེར་བསྡུས་ནས་ཆུ་རབ་ཏུ་དབབ་པ་ལས་གསུངས་པའི་ཆོ་གས་དེ་བཞིན་དུ་ཐལ་བ་རྣམས་ཆུ་བོ་ལ་གཤེགས་པར་བྱའོ་ཞེས་སོ། །འདི་ནི་བདག་གི་རྒྱུད་རྣམས་ཀུན་
ལས་ངེས་བརྟགས་ནས། ཤིན་ཏུ་ལེགས་པར་རྣམ་པར་དག་པར་ཉེ་བར་བསྡུས། སྔོན་མེད་སྒྲ་ཡིས་ཤིན་ཏུ་ལེགས་པར་མ་གྱུར་ཀྱང་། །དེ་ལྟ་ན་ཡང་བློ་ལྡན་མཁས་རྣམས་བཟོད་པར་གསོལ། །ཆུ་སྐྱེས་མཚོ་ནང་སྙན་པའི་གདངས་ཆགས་པའི། །དཔལ་ལྡན་རིགས་ཀྱིས་བྱིན་པའི་སྦྱར་
བའི་གཞུང་། །སྦྱིན་བདག་རྣམས་ཀྱི་ཡིད་ནི་འཕྲོག་བྱེད་པ། །སློབ་དཔོན་ཀུན་གྱི་རྒྱན་གྱི་མཆོག་གྱུར་པ། །ཆོ་གའི་རྣམ་པ་སྤྲོས་པ་ལས། །བདག་གིས་དགེ་བ་གང་བསགས་འདིས། །འཇིག་རྟེན་རྡོ་རྗེ་སེམས་གྱུར་ནས། །བཅིང་བྲལ་རང་བཞིན་མཆོག་གྱུར་ཅིག །ཅེས་པ་ནི་པཎྜི་ཏ་ཆེན་པོ་ནི་སཾ་ག་
ཨཱ་ཙཱརྱ་དཔལ་ལྡན་རིགས་ཀྱིས་བྱིན་པས་མཛད་པ་བྱ་བ་བསྡུས་པའི་པཉྩི་ཀཱ་ལས་རབ་ཏུ་བྱེད་པ་བརྒྱད་པ་རྫོགས་སོ།། །།བླ་མ་པཎྜི་ཏ་ཆེན་པོ་ཀཱིརྟ་ཙནྡྲའི་ཞལ་སྔ་ནས་ཞུས་ཤིང་གཞུང་སུམ་གཉིས་བལ་པོའི་མཐིལ་དུ་བསྒྱུར་ཞིང་། སུམ་ཆ་གཅིག་དུས་འཁོར་བ་ཆེན་པོ་ཤེས་རབ་སེང་གེས་བསྐུལ་ཞིང་
སྦྱིན་བདག་མཛད་པ་ལ་བརྟེན་ནས། ཤཱཀྱའི་དགེ་སློང་ཡར་ལུངས་པ་གྲགས་པ་རྒྱལ་མཚན་གྱིས་ཡོས་ལོ་དབོའི་ཟླ་བའི། དཀར་པོའི་ཕྱོགས་ཀྱི་ཚེས་བརྒྱད་ལ་གཞུའི་ཀུན་དགའ་ར་བའི་གཙུག་ལག་ཁང་ཆེན་པོར་ཡོངས་སུ་རྫོགས་པར་བསྒྱུར་ནས་བྲིས་སོ།། །།