Kinh tạng Tây Tạng (Kangyur Đại Học) — 103_དཀར་ཆག

འི་ཁྲོད་ནས་ཤོག་ཡར་ལྔ་བྱུང་བ་སྔར་བསྒྱུར་བ་ལས། ཕྱིས་ཉང་སྟོད་སྨོན་འགྲོའི་གཙུག་ལག་ཁང་ནས་རྒྱ་དཔེ་ལྷག་མ་རྣམས་རྙེད་པ་ལས། བུ་སྟོན་གྱིས་རྫོགས་པར་བསྒྱུར་བ། དཔལ་
དེ་བཞིན་གཤེགས་པ་ཐམས་ཅད་ཀྱི་གསང་བ་རྣལ་འབྱོར་ཆེན་པོ་རྣམས་པར་རྒྱལ་བ་ཞེས་བྱ་བ་ཉམ་པ་ཉིད་གཉིས་སུ་མེད་པའི་རྒྱུད་ཀྱི་རྒྱལ་པོ་རྡོ་རྗེ་དཔལ་མཆོག་ཆེན་པོ་བརྟག་པ་དང་པོ་ལ་ལེའུ་བདུན་ཅུ་རྩ་བདུན། རྒྱ་གར་གྱི་མཁན་པོ་དཔལ་ཡེ་ཤེས་སྙིང་པོ་དང་།
ལོ་ཙཱ་བ་ལྷོ་བྲག་མར་པ་ཆོས་ཀྱི་བློ་གྲོས་ཀྱིས་བསྒྱུར་ཅིང་ཞུས་པ་རྣམས་བཞུགས་སོ། །གཉིས་མེད་རྣམ་རྒྱལ་ཆེན་མོ་འདི་ལ་ཆག་ལོ་བ་སོགས་ཀྱིས་རྒྱུད་ཡང་དག་པ་མ་ཡིན་པར་མཛད་མོད་ཀྱི། ནཱ་རོ་འགྲེལ་ཆེན་དུ་གཉིས་མེད་རྣམ་རྒྱལ་གྱི་ལུང་དྲངས་རྣམས་ཀྱང་
འདི་དང་འགྱུར་ཁྱད་ཙམ་མ་གཏོགས་དོན་ལ་ཁྱད་མ་ཞུགས་པ་དང་། འདིའི་བསྐྱེད་རྫོགས་ཀྱི་རྣམ་གཞག་རྣམས་ཀྱང་རྩ་རྒྱུད་ཀྱི་རྣམ་གཞག་དང་མཐུན་པ་དང་། པཎྜི་ཏ་ཆེན་པོ་སྨྲ་ྀཏི་ཛྙཱ་ན་ཀཱིརྟིའི་རང་འགྱུར་ཞིག་ཀྱང་ཡོད་པར་བཤད་པ་དང་། གསང་བ་འདུས་པ་ལ་
མཁས་པ་ཁམས་པ་རོ་མཉམ་རྡོ་རྗེའི་ཊཱི་ཀ་སོགས་ལའང་འདི་ཚད་མར་བྱས་སོ། ཇ་བ་ལ། འཕགས་པ་ལག་ན་རྡོ་རྗེ་གོས་སྔོན་པོ་ཅན་དྲག་པོ་གསུམ་འདུལ་ཞེས་བྱ་བའི་རྩ་རྒྱུད། པཎྜི་ཏ་དེ་ཝ་པཱུརྞ་མ་ཏི་དང་ལོ་ཙཱ་བ་འགར་ཆོས་ཀྱི་བཟང་
པོའི་འགྱུར། གོས་སྔོན་པོ་ཅན་གྱི་བཤད་རྒྱུད་དྲག་པོ་གསུམ་འདུལ་ཞེས་བྱ་བ་ལེའུ་གསུམ་པ་འགྱུར་བྱང་སྔ་མ་དང་འདྲ་བ། ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་རྡོ་རྗེ་བེ་ཅོན་གྱི་རྒྱུད་ལེའུ་བཅོ་ལྔ་བ་འགྱུར་བྱང་མ་འཁོད་པ། ལག་ན་རྡོ་རྗེ་གོས་སྔོན་པོ་ཅན་
རྡོ་རྗེ་གདེངས་པའི་རྒྱུད་ཁམས་གསུམ་ལས་རྣམ་པར་རྒྱལ་བ་ཞེས་བྱ་བ་ལེའུ་གཅིག་པ་པཎྜི་ཏ་ཨ་ཌ་ཡ་ཤྲཱི་མ་ཏི་དང་། ལོ་ཙཱ་བ་བནྡེ་ཆོས་ཀྱི་དབང་ཕྱུག་གྲགས་ཀྱི་འགྱུར། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་དཔལ་གཏུམ་པོ་ཞེས་བྱ་བ་
ལེའུ་ཉི་ཤུ་རྩ་བཞི་པ་དང་། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མ་ལེའུ་བཅུ་བཞི་བ་དང་། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་ཕྱི་མ་ལེའུ་བརྒྱད་པ་རྣམས་རྒྱ་གར་གྱི་མཁན་པོ་ཨ་བ་ཡུཀྟི་དང་། ལོ་ཙཱ་བ་བླ་བན་ཆོས་
ཀྱི་བརྩོན་འགྲུས་ཀྱི་འགྱུར། ལག་ན་རྡོ་རྗེའི་རྨི་ལམ་མཐོང་བ་འགྱུར་བྱང་མེད་པ། ཕྱག་ན་རྡོ་རྗེ་གོས་སྔོན་པོ་ཅན་གནོད་སྦྱིན་དྲག་པོ་རྡོ་རྗེ་མེ་ལྕེའི་རྒྱུད་ལེའུ་བཅོ་ལྔ་པ། པཎྜི་ཏ་རཏྣ་ཀཱིརྟི་དང་ལོ་ཙཱ་བ་དགེ་ཚུལ་ཁྱུང་དྲགས་ཀྱི་འགྱུར། རྡོ་རྗེ་སྙིང་པོ་ལྕེ་དབབ་
པ་ཞེས་བྱ་བའི་གཟུངས་དང་པོ་སྐ་ཅོག་གི་འགྱུར་ལ། ཕྱིས་གཉན་ལོ་དར་མ་གྲགས་ཀྱི་འགྱུར། །དཔལ་ཕྱག་ན་རྡོ་རྗེ་གསང་བ་བསྟན་པའི་རྒྱུད་ལེའུ་བདུན་པ། པཎྜི་ཏ་བ་ལ་ཙནྡྲ་དང་། ལོ་ཙཱ་བ་གླན་ཆུང་དར་མ་ཚུལ་ཁྲིམས་ཀྱི་འགྱུར། བཅོམ་ལྡན་
འདས་ཕྱག་ན་རྡོ་རྗེ་གསང་བ་མངོན་པར་བསྟན་པའི་རྒྱུད་ཀྱི་རྒྱལ་པོ་ལེའུ་ཉི་ཤུ་རྩ་གཅིག་པ། པཎྜི་ཏ་ཝ་ལ་ཙནྡྲ་དང་། ལོ་ཙཱ་བ་གླན་ཆུང་དར་མ་ཚུལ་ཁྲིམས་ཀྱི་འགྱུར། རྡོ་རྗེ་བདེ་ཁྲོས་ཀྱི་རྒྱུད་ཀྱི་རྒྱལ་པོ་ལེའུ་བཅུ་བདུན་པ་ཛྷཱ་ནཱ་ཀ་རའི་འགྱུར་རྣམས་སོ། །
གཉིས་པ་རྣམ་སྣང་གི་རིགས་སུ་གཏོགས་པའི་རྒྱུད་ལ། རྒྱུད་ཀྱི་རྒྱལ་པོ་རྣམ་པར་སྣང་མཛད་སྒྱུ་འཕྲུལ་དྲ་བ་ཞེས་བྱ་བ་ལེའུ་བཅུ་བ་ལོ་ཙཱ་བ་རིན་ཆེན་བཟང་པོའི་འགྱུར། རྣམ་སྣང་གི་རིགས་ཀྱི་ཁྲོ་བོའི་སྐོར་ལ། དེ་བཞིན་གཤེགས་པ་ཐམས་ཅད་ཀྱི་སྐུ་
གསུང་ཐུགས་གཤིན་རྗེ་གཤེད་ནག་པོ་ཞེས་བྱ་བའི་རྒྱུད་ལེའུ་བཅོ་བརྒྱད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་ཚུལ་ཁྲིམས་རྒྱལ་བའི་འགྱུར་ལ། སླད་ཀྱི་ལོ་ཙཱ་བ་དར་མ་གྲགས་ཀྱིས་བཅོས་པ། སླར་ཡང་རྒྱ་གར་གྱི་པཎྜི་ཏ་བཱ་རོ་ཕྱག་
རྡུམ་གྱི་ཞལ་སྔ་ནས་དང་། ལོ་ཙཱ་བ་རྡོ་རྗེ་གྲགས་ཀྱིས་གཏན་ལ་ཕབ་པ། དཔལ་རྡོ་རྗེ་འཇིགས་བྱེད་དངོས་གྲུབ་གྲུབ་པའི་རྒྱུད་རྟོག་པ་བདུན་པ། དཔལ་ཨོ་རྒྱུན་གྱི་གནས་ནས་འཇམ་དཔལ་གྱི་རྒྱུད་ལས་དཔལ་ལ་ལི་ཏ་བཛྲས་ཕྱུང་སྟེ་སྤྱན་དྲངས་པ།
པཎྜི་ཏ་བཱ་རོ་ཕྱག་རྡུམ་དང་། ལོ་ཙཱ་བ་རྡོ་རྗེ་གྲགས་ཀྱི་འགྱུར། གཤིན་རྗེ་གཤེད་ནག་པོའི་རྒྱུད་ཀྱི་རྒྱལ་པོ་རྟོག་པ་གསུམ་པ་འགྱུར་བྱང་མ་འཁོད་ཀྱང་པཎྜི་ཏ་ཨ་ཌ་ཡ་ཤྲཱི་དང་རོང་ཟོམ་གྱིས་བསྒྱུར་བར་གྲགས་པ། དཔལ་རྡོ་རྗེ་འཇིགས་བྱེད་ཀྱི་དངོས་
གྲུབ་ཀྱི་རྟོག་པ་ཞེས་བྱ་བ་ལེའུ་བཞི་སྟེ་རྟོག་པ་བཞི་བར་གྲགས་པ། པཎྜི་ཏ་ཨ་མོ་གྷའི་ཞབས་དང་། ལོ་ཙཱ་བ་མར་པ་ཆོས་ཀྱི་དབང་ཕྱུག་གྲགས་པའི་འགྱུར་ལ། སླད་ཀྱིས་གྲུབ་ཐོབ་ཀཎ་ཤྲཱིའི་ཞལ་སྔ་ནས་ཐར་པ་ལོ་ཙཱ་བ་ཉི་མ་རྒྱལ་མཚན་གྱིས་བསྒྱུར་ཅིང་
བཅོས་པ། གཏམ་རྒྱུད་ཀྱི་རྟོག་པ་འགྱུར་བྱང་མ་འཁོད་ཀྱང་དཱི་པཾ་ཀ་ར་དང་རྭ་ལོའི་འགྱུར། ལས་མཁན་ཏེའུ་ལོ་པ་ཆུ་བྱའི་རྟོག་པ་འགྱུར་བྱང་སྔ་མ་དང་འདྲ་བ། གཤིན་རྗེ་གཤེད་ནག་པོའི་ལས་ཐམས་ཅད་གྲུབ་པར་བྱེད་པའི་འཁོར་ལོའི་རྒྱུད་ཀྱི་རྒྱལ་
པོ་པཎྜི་ཏ་བཱ་རོ་ཕྱག་རྡུམ་གྱི་ཞལ་སྔ་ནས་རྭ་རྡོ་རྗེ་གྲགས་ཀྱིས་བསྒྱུར་བ། དཔལ་གཤིན་རྗེའི་གཤེད་དམར་པོ་ཞེས་བྱ་བའི་རྒྱུད་ཀྱི་རྒྱལ་པོ་ལེའུ་བཅུ་དགུ་བ་ཤཱཀྱའི་དགེ་སློང་ཙནྡྲ་ཤྲིའི་ཞལ་སྔ་ནས་ཞུས་ཤིང་། །པཎྜི་ཏ་ཆེན་པོ་ཙནྡྲ་ཀཱིརྟི་དང་། ཡར་
ལུངས་པ་གྲགས་པ་རྒྱལ་མཚན་གྱིས་བལ་པོ་ཡམ་བུའི་གྲོང་ཁྱེར་དུ་བསྒྱུར་བ། དཔལ་གཤིན་རྗེའི་གཤེད་དམར་པོའི་རྒྱུད་ལེའུ་ཉེར་གཉིས་པ་སྐད་གཉིས་སྨྲ་བ་ཆེན་པོ་ཐར་པ་ལོ་ཙཱས་བསྐྱངས་པ། ལོ་ཙཱ་བ་དགེ་སློང་རིན་ཆེན་གྲུབ་ཀྱི་འགྱུར་
རྣམས་སོ། །གསུམ་པ་རིན་པོ་ཆེའི་རིགས་ཀྱི་རྒྱུད་བོད་དུ་འགྱུར་བ་མ་རྙེད་ཅེས་བུ་སྟོན་གསུང་ངོ་། བཞི་བ་པདྨའི་རིགས་ཀྱི་རྒྱུད་ལ། དཔལ་བཅོམ་ལྡན་འདས་རལ་པ་གཅིག་པའི་བརྟག་པའི་རྒྱུད་ཀྱི་རྒྱལ་པོ་པཎྜི་ཏ་ཛ་ག་ཏྲ་མི་ཏྲ་ཨཱ་ནནྡའི་བཀའ་
དྲིན་ལས། རྒྱ་གར་ནུབ་ཕྱོགས་ཀྱི་པཎྜི་ཏ་བཛྲ་ཤྲཱི་ཁ་ལ་རུ་དྲ་དང་། ལོ་ཙཱ་བ་བྱམས་པའི་དཔལ་གྱི་འགྱུར་རོ། །ལྔ་བ་ལས་ཀྱི་རིགས་ཀྱི་རྒྱུད་ཀྱང་མི་བཞུགས་སོ། དྲུག་པ་རྡོ་རྗེ་འཆང་གི་རིགས་ཀྱི་རྒྱུད་ལ། དཔལ་ཟླ་གསང་ཐིག་ལེ་ཞེས་བྱ་བའི་
རྒྱུད་ཀྱི་རྒྱལ་པོ་ཤིན་ཏུ་དགྱེས་པ་རྡོ་རྗེ་གདོན་མི་ཟ་བའི་དམ་ཚིག་གི་དཀྱིལ་འཁོར་ཆེན་པོ་རྒྱས་པ་མཆོག་ཏུ་གསང་བའི་རྒྱུད་དགེ་སློང་རིན་ཆེན་བཟང་པོའི་འགྱུར་རྣམས་བཞུགས་སོ། རྩ་བའི་ས་བཅད་གཉིས་པ་རྣལ་འབྱོར་ཀྱི་རྒྱུད་ལ་ཐབས་གཙོ་བོར་སྟོན་
པའི་རྒྱུད་དང་། ཤེས་རབ་གཙོ་བོར་སྟན་པའི་རྒྱུད་གཉིས། དང་པོ་ལ་རྩ་བཤད་ཆ་མཐུན་གྱི་རྒྱུད་གསུམ་ལས་དང་པོ་ནི་གླེགས་བམ་ཉ་པ་ལ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་རྩ་བའི་རྒྱུད་དུམ་བུ་བཞི་རྒྱུད་ཕྱི་མ། ཕྱི་
མའི་ཕྱི་མ་རྒྱུད་ཉེ་བར་བསྡུ་བ་དང་བཅས་པ་བམ་པོ་དགུ་ལྷག་པ་པཎྜི་ཏི་ཤདྷཱ་ཀ་ར་ཝརྨ་དང་། ལོ་ཙཱ་བ་རིན་ཆེན་བཟང་པོས་བསྒྱུར་བར་གྲགས་པའོ། །གཉིས་པ་ནི་ཡོ་ག་བཤད་པའི་རྒྱུད་རྡོ་རྗེ་རྩེ་མོ་རྟོག་པ་བཅུ་བ་ལས་རྡོ་རྗེ་མཚན་བརྒྱས་གསོལ་བ་བཏབ་
པ་ཡན་ཆད་རྟོག་པ་ཕྱེད་དང་དྲུག་ཡོད་པ་བམ་པོ་བཅུ་གཉིས་པ། རྒྱ་གར་གྱི་མཁན་པོ་ཀརྨ་བཛྲ་དང་ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱི་འགྱུར་རྣམས་བཞུགས་སོ། ཏ་པ་ལ་ཐམས་ཅད་གསང་བ་ཞེས་བྱ་བའི་རྒྱུད་ཀྱི་རྒྱལ་པོ་རྒྱ་གར་གྱི་མཁན་པོ་པདྨ་
ཀ་ར་ཝརྨ་དང་། ལོ་ཙཱ་བ་རིན་ཆེན་བཟང་པོའི་འགྱུར། འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པའི་རྒྱལ་པོ་རྩ་བའི་རྒྱུད་ཕྱི་མ་དང་བཅས་པ་ཁ་ཅིག་གིས་རིན་ཆེན་བཟང་པོས་སྒྱུར་བར་བཞེད་ཅིང་། ཁ་ཅིག་གིས་རྨ་དགེ་བློས་བསྒྱུར་བར་བཞེད་
པ་ལ། མཁས་པ་ཞ་ལུ་པ་ཡེ་ཤེས་རྒྱ་མཚོས་ཚིག་དོན་ལ་ལེགས་པར་དཔྱད་ནས་ཞུས་པ་རྣམས་སོ། གསུམ་པ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བ་གཟི་
བརྗིད་ཀྱི་རྒྱལ་པོའི་རྟོག་པ་ཞེས་བྱ་བ་བམ་པོ་གསུམ་པ། རྒྱ་གར་གྱི་མཁན་པོ་ཤཱནྟི་གབྷ་དང་། ལོ་ཙཱ་བ་བནྡེ་ཛ་ཡ་རཀྵི་ཏས་བསྒྱུར་བ། དེའི་གཤམ་དུ་མངོན་སྤྱོད་ཀྱི་ལས་འགྱུར་བྱང་སྔ་མ་དང་འདྲ་བ། ངན་སོང་ཐམས་ཅད་ཡོངས་སུ་སྦྱོང་བའི་
སྙིང་པོའི་གཟུངས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོའི་རྟག་པ་ཕྱོགས་གཅིག་པ། རྒྱ་གར་གྱི་མཁན་པོ་བླ་མ་རྗེ་བཙུན་ཆེན་པོ་རེ་བནྡེ་དེ་
བའི་ཞབས་དང་། པཎ་ཆེན་མཱ་ཎི་ཀ་ཤྲཱི་ཛྙཱ་ནའི་ཞལ་སྔ་ནས་ཆག་ལོ་ཙཱ་བ་ཆོས་རྗེ་དཔལ་གྱིས་བསྒྱུར་བ། རབ་ཏུ་གནས་པ་མདོར་བསྡུས་པའི་རྒྱུད། ཁ་ཆེའི་པཎྜི་ཏི་ཛྙཱ་ན་བཛྲ་དང་། ལོ་ཙཱ་བ་འབྲོ་ཤེས་རབ་གྲགས་ཀྱི་འགྱུར་རྣམས་སོ། །
གཉིས་པ་ཤེས་རབ་གཙོ་བོར་སྟོན་པའི་རྒྱུད་ལ། དེ་ཉིད་བསྡུས་པའི་ཆ་མཐུན་གྱི་རྒྱུད་དཔལ་མཆོག་དང་པོ་ཞེས་བྱ་བ་ཐེག་པ་ཆེན་པོའི་རྟོག་པའི་རྒྱལ་པོ་ལས་དུམ་བུ་དང་པོ་ཤེས་ཕྱིན་གྱི་དུམ་བུ། རྒྱ་གར་གྱི་མཁན་པོ་ཨཱ་ཙཱརྱ་ཐུདྡྷཱ་ཀ་ར་ཝརྨ་དང་ལོ་ཙཱ་བ་
རིན་ཆེན་བཟང་པོའི་འགྱུར། དཔལ་མཆོག་དང་པོའི་དུམ་བུ་གཉིས་པ་རྩ་བའི་རྒྱུད། རྒྱུད་ཕྱི་མ་དུམ་བུ་དང་པོ་དང་གཉིས་པའི་རྟོག་པ་ཐམས་ཅད་བསྡུས་པའི་རྒྱུད་དུམ་བུ་གཉིས་པ་ཉིད་ཀྱི་རྟོག་པ་ཐམས་ཅད་ཀྱི་རྒྱུད་ཕྱི་མའི་རྩ་བའི་རྒྱུད་དང་།
གསང་བ་རས་བྲིས་ཀྱི་ཆོ་ག་དང་། །ཕྱག་རྒྱའི་རྒྱུད། རྟོག་པ་ཐམས་ཅད་ཀྱི་རྒྱུད། ཕྱི་མའི་རྩ་བའི་རྟོག་པ་དང་། རྟོག་པ་ཐམས་ཅད་སྒྲུབ་པའི་ཆོ་ག་དང་། ཕྱག་རྒྱའི་རྒྱུད་ཐམས་ཅད་ཀྱི་དོན་གཏན་ལ་འབེབས་པ་རྟོག་པ་ཐམས་ཅད་
བསྡུས་པའི་མཆོག་ཏུ་གསང་བའི་ཆོ་ག་དང་རྒྱུད་ཉེ་བར་སྡུད་པ་དང་བཅས་པ་རྣམས་པཎྜི་ཏ་མཎྜ་ཀ་ལཱ་ཤ་དང་ལོ་ཙཱ་བ་ལྷ་བཙད་པོ་ཞི་བ་འོད་ཀྱིས་བསྒྱུར་བ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་བརྒྱ་ལྔ་བཅུ་བ་འགྱུར་བྱང་མ་འཁོད་པ་རྣམས་
བཞུགས་ཏེ་འདི་ནི་མདོ་ཕྱོགས་ཤེས་ཕྱིན་སྐོར་དུ་བཀོད་ཟིན་ནའང་། དཔལ་མཆོག་ཤེར་དུམ་དང་མཚུངས་ཤིང་སྔགས་སུ་བཀྲལ་བའང་ཡོད་པའི་ཕྱིར་འདིར་ཡང་བཞག་གོ། །ཐ་པ་ལ། དཔལ་རྡོ་རྗེ་སྙིང་པོ་རྒྱན་ཅེས་བྱ་བའི་རྒྱུད་ཀྱི་རྒྱལ་པོ་
པཎྜི་ཏ་སུ་ག་ཏ་ཤྲཱི་དང་། ཆོས་ཀྱི་རྗེ་ས་སྐྱ་པཎྜི་ཏས་མ་འདྲེས་པའི་ཆོས་བཅོ་བརྒྱད་ཀྱི་སྐབས་ཐུགས་ཀྱི་ཕྲིན་ལས་ཡ་ཐམས་ཅད་ཡེ་ཤེས་སྔོན་དུ་འགྲོ་སྟེ་ཡེ་ཤེས་ཀྱི་རྗེས་སུ་འབྲང་ངོ་ཞེས་པའི་བར་བསྒྱུར་བའི་འཕྲོ་དཔང་ལོ་ཙཱ་བ་དཔལ་ལྡན་བློ་གྲོས་བརྟན་
པས་རྫོགས་པར་བསྒྱུར་བ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་སྒོ་ཉི་ཤུ་རྩ་ལྔ་བ་ཞེས་བྱ་བའི་མདོ་འགྱུར་བྱང་མ་འཁོད་པ། འདིའང་ཤེར་ཕྱོགས་སྐོར་ཕྱོགས་གཅིག་ཏུ་བྱ་བའི་ཕྱིར་ཤེས་ཕྱིན་གྲས་སུའང་བཞག་མོད་ཀྱི། རྡོ་རྗེ་སྙིང་པོ་རྒྱན་གྱི་
རྒྱུད་ལས་བྱུང་བའི་སྒོ་ཉེར་ལྔ་བ་དང་མཚུངས་པས་འདིར་ཡང་བཅུག་གོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གསང་བ་རྒྱན་གྱི་བཀོད་པ་ཞེས་བྱ་བའི་རྒྱུད། རྒྱ་གར་གྱི་མཁན་པོ་བདེ་བར་གཤེགས་པའི་དཔལ་དང་། སྒྲ་བསྒྱུར་བ་
ཀུན་དགའ་རྒྱལ་མཚན་གྱིས་དཔལ་ས་སྐྱར་བསྒྱུར་བ། འཕགས་པ་གསང་བ་ནོར་བུའི་ཐིག་ལེ་ཞེས་བྱ་བའི་རྒྱུད་འགྱུར་བྱང་སྔ་མ་དང་འདྲ་བ་རྣམས་སོ། རྩ་བའི་ས་བཅད་གསུམ་པ་སྤྱོད་པའི་རྒྱུད་ལ་རིགས་གསུམ་ལས། དང་པོ་དེ་བཞིན་གཤེགས་
པའི་རིགས་ནི། རྣམ་པར་སྣང་མཛད་ཆེན་པོ་མངོན་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབས་པ་ཤིན་ཏུ་རྒྱས་པ་མདོ་སྡེའི་རྒྱལ་པོ་རིམ་པར་ཕྱེ་བ་ཉི་ཤུ་རྩ་དྲུག་པ། དེའི་རྒྱུད་ཕྱི་མ་རིམ་པར་ཕྱེ་བ་བདུན་པ་དང་བཅས་པ། རྒྱ་གར་གྱི་མཁན་པོ་ཤཱི་
ལེནྡྲ་བོ་དྷི་དང་། ལོ་ཙཱ་བ་བནྡེ་དཔལ་བརྩེགས་ཀྱི་འགྱུར། དེ་བཞིན་གཤེགས་རིགས་སུ་གཏོགས་པའི་བཀའ་ཉན། ཁྲོ་བོའི་རྒྱལ་པོ་མི་གཡོ་བའི་རྟོག་པ་སྟོབས་དཔག་ཏུ་མེད་པ་རྟུལ་ཕོད་པ་འདུལ་བར་གསུངས་པ་ཞེས་བྱ་བའི་རྒྱུད་ཀྱི་རྒྱལ་པོ། རྒྱ་
གར་གྱི་མཁན་པོ་ཨུ་པ་ཤ་མ་རཀྵི་ཏའི་ཞལ་སྔ་ནས་ལོ་བ་གླན་དར་མ་བློ་གྲོས་ཀྱི་འགྱུར་ལ། ཕྱིས་སུའང་ཆོས་རྒྱལ་བཀྲ་ཤིས་རབ་བརྟན་གྱིས་བསྐུལ་བ་བཞིན། ལོ་ཙཱ་བ་ཆོས་སྐྱོང་བཟང་པོས་རྒྱ་དཔེ་ལ་གཏུགས་ཤིང་དག་པར་བྱས་པ་ལ། སླར་
ཡང་མི་དབང་བཀྲ་ཤིས་རབ་བརྟན་སོག་པོ་འཕགས་ཀྱི་སྐུ་རིང་ལ། དགེ་སློང་ཨཱ་ནནྡ་མངྒ་ལས་དཔལ་འཁོར་བདེ་ཆེན་གྱི་གཙུག་ལག་ཁང་དུ་བི་ཀྲ་མ་ལ་ཤི་ལའི་གཙུག་ལག་ཁང་གི་རྒྱ་དཔེ་ལ་གཏུགས་ནས། མི་འཆོས་སུ་མི་རུང་བ་རྣམས་ལེགས་
པར་བཅོས་ཏེ་དག་པར་བགྱིས་པ་རྣམས་བཞུགས་སོ། གཉིས་པ་པདྨའི་རིགས་ཀྱི་རྒྱུད་ནི་མི་བཞུགས་སོ། གསུམ་པ་རྡོ་རྗེའི་རིགས་ཀྱི་རྒྱུད་ནི། གླེགས་བམ་སྟེ། འཕགས་པ་ཕྱག་ན་རྡོ་རྗེ་དབང་བསྐུར་བའི་རྒྱུད་འོག་མིན་དུ་
གསུངས་པ་དང་། གྲོང་ཁྱེར་དཔལ་ཡོན་ཅན་དུ་གསུངས་པ་གཉིས་ལ་བམ་པོ་བཅུ་གཉིས་ཡོད་པ་ད་དུང་མཇུག་ཅུང་ཟད་མ་རྫོགས་པར་གྲགས་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། ལྷ་མོ་བརྒྱད་
ཀྱི་གཟུངས་རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་རྡོ་རྗེ་ས་འོག་གི་རྒྱུད་ཅེས་བྱ་བ་ལེའུ་བཅུ་གསུམ། ཁ་ཆེའི་པཎྜི་ཏ་ཙེ་ལུ་དང་། ལོ་ཙཱ་བ་འཕགས་པ་
ཤེས་རབ་ཀྱི་འགྱུར། འདིའི་སྔགས་བཏུའི་སྐབས་སུ་འགའ་ཞིག་གིས་ཐེ་ཚོམ་མཛད་པའང་ཡོད་དོ། །འཕགས་པ་ལག་ན་རྡོ་རྗེ་གོས་སྔོན་པོ་ཅན་རྡོ་རྗེ་ས་འོག་ཅེས་བྱ་བའི་རྒྱུད་ལེའུ་བདུན་པ། རྒྱ་གར་གྱི་མཁན་པོ་དཱི་པཾ་ཀ་ར་
དང་། ལོ་ཙཱ་བ་བྱའི་གདོང་པ་ཅན་གྱི་འགྱུར། རྡོ་རྗེ་ས་གསུམ་དུ་རྒྱུ་བ་ཞེས་བྱ་བའི་རྟོག་པ་ལྔ་པ། རྒྱ་གར་གྱི་མཁན་པོ་ཀུ་མཱ་ར་བཛྲ་དང་། ར་བྱིད་ལོ་ཙཱའི་འགྱུར། ལག་ན་རྡོ་རྗེ་གོས་སྔོན་པོ་ཅན་འཇིག་རྟེན་གསུམ་འདུལ་གྱི་རྒྱུད་ལེའུ་
ལྔ་པ། རྒྱ་གར་གྱི་མཁན་པོ་དཱི་པཾ་ཀ་ར་དང་། ལོ་ཙཱ་བ་རིན་ཆེན་བཟང་པོའི་འགྱུར་རྣམས་སོ། །རྩ་བའི་ས་བཅད་བཞི་བ་བྱ་བའི་རྒྱུད་ལ། བྱ་བ་སོ་སོའི་རྒྱུད་དང་། སྤྱིའི་རྒྱུད་གཉིས་བཞུགས་སོ། དང་པོ་ལ་དེ་བཞིན་གཤེགས་པའི་རིགས། པདྨའི་
རིགས། རྡོ་རྗེའི་རིགས། ནོར་ཅན་གྱི་རིགས། རྒྱས་པའི་རིགས། འཇིག་རྟེན་པའི་རིགས་ཏེ་དྲུག་དང་། ཕྱོགས་མ་བརྟགས་པའི་གཟུངས་ཕྲན་འགའ་ཞིག་ཕྱོགས་གཅིག་ཏུ་བཀོད་པ་སྟེ་བདུན། དང་པོ་ལའང་རིགས་ཀྱི་གཙོ་བོ་སོགས་
བརྒྱད་དུ་དབྱེ་བ་ལས། དང་པོ་རིགས་ཀྱི་གཙོ་བོའི་རྒྱུད་ནི། དམ་ཚིག་གསུམ་བཀོད་པའི་རྒྱལ་པོའི་རྒྱུད་ལེའུ་བཅུ་དགུ་པ། ཀྲྀཥྞ་པཎྜི་ཏ་དང་། ལོ་ཙཱ་བ་ཚུལ་ཁྲིམས་རྒྱལ་བའི་འགྱུར། དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་
གྱི་ཁྱད་པར་རྒྱལ་པ་ཞེས་བྱ་བ་ཐེག་པ་ཆེན་པོའི་མདོ་ཤློ་ཀ་བརྒྱད་བརྒྱ་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་། སྐད་གསར་བཅད་ཀྱིས་བཅོས་པ།
འཕགས་པ་བཅོམ་ལྡན་འདས་སྨན་གྱི་བླ་བཻཌཱུརྱ་འོད་ཀྱི་རྒྱལ་པོའི་སྔོན་གྱི་སྨོན་ལམ་གྱི་ཁྱད་པར་རྒྱས་པ་ཞེས་བྱ་བའི་མདོ་འགྱུར་བྱང་སྔ་མ་དང་འདྲ་བ། འཕགས་པ་དེ་བཞིན་གཤེགས་པའི་ཏིང་ངེ་འཛིན་གྱི་སྟོབས་བསྐྱེད་པ་བཻ་ཌཱུརྱའི་འོད་ཅེས་བྱ་བའི་
གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར་ལ། དགེ་སློང་ཚུལ་ཁྲིམས་རྒྱལ་བས་སྐད་གསར་བཅས་ཀྱིས་བཅོས་པ། འཕགས་པ་སྨན་ལ་སྔགས་
ཀྱིས་གདབ་པ། འཕགས་པ་ནོར་བུ་ཆེན་པོ་རྒྱས་པའི་གཞལ་མེད་ཁང་ཤིན་ཏུ་རབ་ཏུ་གནས་པ་གསང་བ་དམ་པ། གསང་བའི་ཆོ་ག་ཞིབ་མོའི་རྒྱལ་པོ་ཞེས་བྱ་བའི་གཟུངས་ལེའུ་བདུན་པ། རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་། ལོ་ཙཱ་
བ་བནྡེ་དཔལ་གྱི་ལྷུན་པོའི་འགྱུར་ལ། སླད་ནས་རྒྱ་གར་གྱི་མཁན་པོ་བིདྡྷཱ་ཀ་ར་པྲ་བྷ་དང་། ལོ་ཙཱ་བ་དཔལ་བརྩེགས་ཀྱིས་ཞུས་པ་རྣམས་བཞུགས་སོ། །ན་པ་ལ། དེ་བཞིན་གཤེགས་པ་ཐམས་ཅད་ཀྱི་གསང་བ་རིང་བསྲེལ་གྱི་ཟ་མ་ཏོག་གི་
གཟུངས། པཎྜི་ཏ་བིདྱ་ཀ་ར་པྲ་བྷ་དང་། ལོ་ཙཱ་བ་རྩངས་དེ་ཝེནྡྲ་རཀྵི་ཏའི་འགྱུར། བྱང་ཆུབ་སྙིང་པོའི་རྒྱན་འབུམ་ཞེས་བྱ་བའི་གཟུངས་འགྱུར་བྱང་མེད་པ། འདི་ལ་དཔུང་བཟང་གི་ཚིག་དོན་འགྲེལ་པའི་བརྗེད་བྱང་དུ་ལུང་དྲངས་དེ་མེད་པས་
སྔར་བོད་དུ་ཡོངས་སུ་རྫོགས་པར་འགྱུར་བ་ཞིག་ཡོད་འདྲ་ཞེས་བླ་མ་རྣམས་གསུངས་པ། འཕགས་པ་འོད་ཟེར་དྲི་མ་མེད་པ་རྣམས་དག་པའི་འོད་ཅེས་བྱ་བའི་གཟུངས། རྒྱ་གར་གྱི་མཁན་པོའི་བྱ་ཀ་ར་སི་ངྷི་དང་། ལོ་ཙཱ་བ་ཎྡེ་དཔལ་གྱི་ལྷུན་པོའི་
སྡེའི་འགྱུར་ལ། སླར་ཡང་ཇོ་བོ་ཨ་ཏི་ཤ་དང་། འབྲོམ་སྟོན་པས་དག་པར་བགྱིས་པ། འཕགས་པ་སངས་རྒྱས་བཅུ་གཉིས་པ་ཞེས་བྱ་བ་ཐེག་པ་ཆེན་པོའི་མདོ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་
ཡེ་ཤེས་སྡེས་བསྒྱུར་ཅིང་། སྐད་གསར་བཅད་ཀྱིས་བཅོས་པ་དང་། འཕགས་པ་སངས་རྒྱས་བདུན་པ་ཞེས་བྱ་བ་ཐེག་པ་ཆེན་པོའི་མདོ་འགྱུར་བྱང་མེད་པ་སྟེ། འདི་གཉིས་མདོ་ཕྱོགས་སྐབས་སུའང་སྔར་ནས་སྣང་མོད་ཀྱི། བྱ་བའི་རྒྱུད་ཀྱི་གཟུངས་གྲས་སུའང་
མི་འགལ་བར་བཤད་པས་བྲིས་སོ། །འཕགས་པ་སངས་རྒྱས་ཐམས་ཅད་ཀྱི་ཡན་ལག་དང་ལྡན་པ་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། སངས་
རྒྱས་ཀྱི་སྙིང་པོ་ཞེས་བྱ་བའི་གཟུངས་ཀྱི་ཆོས་ཀྱི་རྣམ་གྲངས་འགྱུར་བྱང་སྔ་མ་དང་འདྲ་བ། འཕགས་པ་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས་འགྱུར་གོང་དང་འདྲ་བ་ལ། །སྐད་གསར་བཅད་ཀྱིས་བཅོས་པ། འཕགས་པ་མེ་ཏོག་བརྩེགས་པའི་
གཟུངས་འགྱུར་བྱང་མེད་པ། འཕགས་པ་དྲི་མ་མེད་པ་ཞེས་བྱ་བའི་གཟུངས་དང་། འཕགས་པ་ཙནྡན་གྱི་ཡན་ལག་ཅེས་བྱ་བའི་གཟུགས་གཉིས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་
བསྒྱུར་ཅིང་། སྐད་གསར་བཅད་ཀྱིས་བཅོས་པ། འཕགས་པ་རྟེན་ཅིང་འབྲེལ་བར་འབྱུང་བའི་སྙིང་པོའི་ཆོ་གའི་གཟུངས། དགེ་སློང་ནེར་བན་རཀྱི་ཏས་ཐོ་གར་གྱི་ཡུལ་ནས་རྙེད་པ། རྟེན་ཅིང་འབྲེལ་བར་འབྱུང་བ་ཞེས་བྱ་བ་ཐེག་པ་ཆེན་པོའི་མདོ་དང་།
རྟེན་ཅིང་འབྲེལ་བར་འབྱུང་བའི་སྙིང་པོ་གཉིས་འགྱུར་བྱང་མེད་པ། ཡེ་ཤེས་ཏ་ལ་ལའི་གཟུངས་འགྱུར་བྱང་མེད་པ། སའི་དབང་པོ་ཆེན་པོའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་
འགྱུར། གདོན་མི་ཟ་བའི་གཟུངས་འགྱུར་བྱང་མེད་པ། སྒོ་མཐའ་ཡས་པ་སྒྲུབ་པའི་གཟུངས་དང་། འཕགས་པ་སྒོ་དྲུག་པའི་གཟུངས་གཉིས་འགྱུར་བྱང་མེད་པ། འདི་གཉིས་མདོ་མང་དུ་སྣང་ནའང་། སྔགས་སུ་བཀྲལ་བ་ཡོད་པས་
འདིར་ཡང་བྲིས། ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོའི་གཟུངས། རྒྱ་གར་གྱི་མཁན་པོ་པྲ་ཛྙཱཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པའི་འགྱུར། འདིའང་མདོར་བཞུགས་པ་ཡིན་ཀྱང་། དཀྱིལ་འཁོར་གྱི་ཆོ་ག་སོགས་
བསྟན་པས། སྔགས་སུ་མི་འགལ་བའི་ཕྱིར་འདིར་བྲིས། །འཕགས་པ་རིགས་སྔགས་ཀྱི་རྒྱལ་མོ་སྒྲོན་མ་མཆོག་གི་གཟུངས་འགྱུར་བྱང་མེད་པ། འཕགས་པ་གཟུངས་ཆེན་མོ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་
ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་། སྐད་གསར་བཅད་ཀྱིས་བཅོས་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཡི་གེ་ཉུང་ངུ་ཞེས་བྱ་བའི་མདོ་འགྱུར་བྱང་མེད་པ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ།
རྒྱ་གར་གྱི་མཁན་པོ་བི་མ་ལ་མི་ཏྲ་དང་། ལོ་ཙཱ་བ་རིན་ཆེན་སྡེའི་འགྱུར་ལ་ལོ་ཙཱ་བ་དགེ་བློ་དང་། ནམ་མཁའ་ལ་སོགས་པས་ཞུས་པ། འདིའང་མདོ་ཕྱོགས་སུ་བཞུགས་མོད་ཀྱི། ཀླུ་སྒྲུབ་ཀྱིས་སྒྲུབ་ཐབས་མཛད་པས་སྔགས་སུ་བགྲང་བ་ཡིན་ནོ། །
སངས་རྒྱས་བཅོམ་ལྡན་འདས་ཀྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་ཤཱཀྱ་ཐུབ་པའི་སྙིང་པོའི་གཟུངས། འཕགས་པ་རྣམ་པར་སྣང་མཛད་ཀྱི་སྙིང་པོའི་གཟུངས། ཟླ་འོད་ཀྱི་མཚན་རྗེས་སུ་དྲན་པའི་གཟུངས། དེ་
བཞིན་གཤེགས་པ་སྤྱིའི་སྙིང་པོ་རྗེས་སུ་དྲན་པའི་གཟུངས། སངས་རྒྱས་རིན་ཆེན་གཙུག་ཏོར་ཅན་གྱི་མཚན་རྗེས་སུ་དྲན་པའི་གཟུངས། མཆོད་པའི་སྤྲིན་གྱི་གཟུངས། ཕྱག་དང་། བསྟོད་པ་དང་། བྱིན་རླབས་དང་། མཆོད་པའི་སྤྲིན་འབྱུང་བ་
དང་། མཆོད་པ་དང་། བསྙེན་གནས་དང་། ཕྱག་བྱས་པར་འགྱུར་བ་དང་། རིན་པོ་ཆེ་བརྡར་བའི་གཟུངས། པདྨའི་སྤྱན་གྱི་གཟུངས། སུ་རཱུ་པའི་གཟུངས། འཇིགས་པ་ཆེན་པོ་བརྒྱད་ལས་སྒྲོལ་བའི་གཟུངས་རྣམས་ལ་འགྱུར་བྱང་
མེད་པ། འཕགས་པ་ཁྱད་པར་ཅན་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འདི་ལ་ཁ་ཅིག་གིས་སྦྲུལ་ལོ་དགུན་ཟླ་ར་བའི་ཚེས་ཉི་ཤུ་ལ་ཞེས་ཡོད་པས། རྒྱ་གར་
ན་སྦྲུལ་ལོ་སོགས་ཀྱི་ཐ་སྙད་མེད་པས། །ཐེ་ཚོམ་ཟ་ཞེས་ཟེར་ཀྱང་། སྟག་ལུང་དུ་བི་ཀྲ་མ་ལ་ཤཱི་ལའི་པཎྜི་ཏ་མངྒ་ལ་ཤྲཱི་ཛྙཱ་ནའི་ཕྱག་བྲིས་ཀྱི་འདིའི་རྒྱ་དཔེ་ཡོད་འི་ཕྱིར་དང་། ནཱ་ག་བརྟ་ཞེས་བྱུང་བ་ཀླུའི་ལོའམ། སྦྲུལ་གྱི་ལོ་གང་
རིགས་སུ་བསྒྱུར་ཆོག་ལ། དེ་ནི་ཀླུ་དང་སྦྲུལ་ཞེས་པ་གྲངས་བརྒྱད་ལ་འཇུག་པས། ཐུབ་པ་སངས་རྒྱས་ནས་ལོ་བརྒྱད་པ་ན། ཞེས་བྱ་བའི་དོན་ཡིན་ནོ་ཞེས་ཆག་ལོ་གསུམ་པ་བཞེད་དོ། །ལོ་གཉིས་པ་དེ་བཞིན་གཤེགས་པའི་རིགས་ཀྱི་འཁོར་ལོས་
སྒྱུར་བའི་རྒྱུད་ལ། འཕགས་པ་འཇམ་དཔལ་གྱི་རྩ་བའི་རྟོག་པ་སུམ་ཅུ་རྩ་དྲུག་པ། རྒྱ་གར་གྱི་མཁན་པོ་ཀུ་མཱ་ར་ཀ་ལཱ་ཤ་དང་། ལོ་ཙཱ་བ་ཤཱཀྱ་བློ་གྲོས་ཀྱིས་བསྒྱུར་བ་རྣམས་བཞུགས་སོ། །པ་པ་ལ། འཇམ་དཔལ་དཔའ་བོ་གཅིག་པུ་སྒྲུབ་པ་ཞེས་བྱ་བའི་
རྒྱུད་ཀྱི་རྒྱལ་པོ་ལེའུ་བཞི་བ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་། ལོ་ཙཱ་བ་དགེ་བའི་བློ་གྲོས་ཀྱི་འགྱུར་ལ། ཚུལ་ཁྲིམས་རྒྱལ་བས་གཏན་ལ་ཕབ་པ། །འཇམ་དཔལ་གྱི་ཞལ་ནས་གསུངས་པའི་གཟུངས། རྒྱ་གར་གྱི་མཁན་པོ་ཛྙཱ་ན་
གབྷ་དང་། ལོ་ཙཱ་བ་བནྡེ་ཀླུའི་དབང་པོས་བསྒྱུར་ཅིང་། རྒྱ་གར་གྱི་མཁན་པོ་བི་ཤུདྡྷཱ་སིདྷ་དང་། །ལོ་ཙཱ་བ་དེ་བ་ཙནྡྲས་གཏན་ལ་ཕབ་པ། འཇམ་དཔལ་གྱིས་དམོད་བཙུགས་པའི་གཟུངས། འཇམ་དཔལ་གྱིས་དམ་བཅས་པའི་གཟུངས།
འཇམ་དཔལ་གྱི་མཚན་གཟུངས། འཇམ་དཔལ་ཤེས་རབ་བློ་འཕེལ་གྱི་གཟུངས། འཇམ་དཔལ་ཡིག་འབྲུ་གཅིག་པ། བཅོམ་ལྡན་འདས་ཀྱིས་འཇམ་དཔལ་རྣོན་པོ་ལ་བསྟོད་པ། འཇམ་དཔལ་ལ་བུ་མོ་བརྒྱད་ཀྱིས་བསྟོད་པ་རྣམས་སོ། །
གསུམ་པ་གཤེགས་རིགས་ཀྱི་ཡུམ་ལ། ཤེས་ཕྱིན་མཚན་བརྒྱ་རྩ་བརྒྱད་པ། ཤེས་ཕྱིན་ཀོ་ཤི་ཀ་རྣམས་ལ་འགྱུར་བྱང་མ་འཁོད་པ། འཕགས་པ་གསེར་འོད་དམ་པ་མཆོག་ཏུ་རྣམ་པར་རྒྱལ་བའི་མདོ། བམ་པོ་བཅུ་དང་ལེའུ་སོ་གཅིག་པ། ཞུ་
ཆེན་གྱི་ལོ་ཙཱ་བ་འགོས་ཆོས་འགྲུབ་ཀྱིས་རྒྱའི་དཔེ་ལས་བསྒྱུར་བ། འཕགས་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བའི་མདོ། བམ་པོ་བཅུ་དང་ལེའུ་ཉེར་དགུ་བ། པཎྜི་ཏ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་
ཤེས་སྡེས་བསྒྱུར་ཅིང་། སྐད་གསར་བཅད་ཀྱིས་གཏན་ལ་ཕབ་པ་རྣམས་བཞུགས་སོ། །ཕ་པ་ལ། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བའི་མདོ། བམ་པོ་ལྔ་དང་ལེའུ་ཉི་ཤུ་རྩ་གཅིག་འགྱུར་བྱང་མ་འཁོད་པ། དེ་ལྟར་
ཤེས་ཕྱིན་གྱི་མདོ་ཕྲན་འདི་དག་ནི། མདོ་ཕྱོགས་སུ་སྔོན་གྱི་དཀར་ཆག་ཆེན་མོ་རྣམས་ལྟར་ཤེས་ཕྱིན་ཕྱོགས་གཅིག་ཏུ་བྱ་བའི་ཕྱིར་བཞུགས་པ་ཡིན་ཀྱང་། གཟུངས་སྔགས་ཡོད་པ་ཕལ་ཆེར་གྱི་གཟུངས་སྔགས་རྣམས་བྱ་བའི་རྒྱུད་དུ་བསྡུས་ཆོག་པར་ལུང་རིགས་མང་
པོ་ལ་བརྟེན་ནས་བླ་མ་རྣམས་བཞེད་པ་དང་། གཤེགས་རིགས་ཀྱི་ཡུམ་ཡིན་པའི་ཕྱིར་འདིར་ཡང་བཀོད་པ་ཡིན་ལ། ཁྱད་པར་གསེར་འོད་དམ་པའི་མདོ་སྡེ་ནི། གཟུངས་སྔགས་བསྒྲུབ་པའི་ཆོ་ག །བྲིས་སྐུའི་སྒྲུབ་ཐབས། སྦྱིན་སྲེག་གི་ཆོ་ག་
སོགས་བསྟན་པས། ངེས་པར་སྔགས་སུ་འཐད་པའི་ཕྱིར། མདོ་གྲས་སུ་མ་བཀོད་པར་འདིར་བཞུགས་སུ་བཅུག་པ་ཡིན་ཞིང་། བུ་སྟོན་གྱིས་ཀྱང་རྒྱུད་སྡེ་སྤྱི་རྣམ་དུ་ངེས་པར་རྒྱུད་འཐད་པའི་ལུང་རིགས་གཉི་ག་བཀོད་སྣང་ངོ༌། སྟོང་ཆེན་མོ་རབ་ཏུ་
འཇོམས་པ་ཞེས་བྱ་བའི་མདོ་བམ་པོ་གཉིས་པ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛྙཱ་ན་སིདྡྷི་དང་། ཤཱཀྱ་པྲ་བྷ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་། སྐད་གསར་བཅད་ཀྱིས་བཅོས་པ་ལ། སླད་ནས་ལོ་ཙཱ་བ་གཞོན་ནུ་དཔལ་
གྱིས་ཆག་ལོའི་རྒྱ་དཔེ་དང་བསྟུན་ནས་ཞུས་པ། རིག་སྔགས་ཀྱི་རྒྱལ་པོ་རྨ་བྱ་ཆེན་མོ་བློ་ཀ་བདུན་བརྒྱ་བ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛྙ་ན་སིདྡྷི་དང་། ཤཱཀྱ་པྲ་བྷ་དང་། ལོ་ཙཱ་བ་ཡེ་ཤེས་སྡེའི་འགྱུར། འཕགས་པ་རིག་སྔགས་
ཀྱི་རྒྱལ་མོ་རྨ་བྱའི་ཡང་སྙིང་འགྱུར་བྱང་མ་འཁོད་པ། འཕགས་པ་རིག་པའི་རྒྱལ་མོ་སོ་སོར་འབྲང་བ་ཆེན་མོ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་
ཀྱིས་བཅོས་པ་ལ། སླར་ཡང་ལོ་ཙཱ་བ་གཞོན་ནུ་དཔལ་གྱིས་ཆག་ལོའི་རྒྱ་དཔེ་དང་བསྟུན་ནས་ཞུས་པ། རིག་སྔགས་ཀྱི་རྒྱལ་མོ་བསིལ་བའི་ཚལ་གྱི་མདོ་ཆེན་པོ་དང་། གསང་སྔགས་ཆེན་མོ་རྗེས་སུ་འཛིན་པའི་མདོ། པཎྜི་ཏ་ཤྲཱི་ལེནྡྲ་བོ་དྷི་དང་།
ཛྙ་ན་སིདྡྷི་དང་། ཤཱཀྱ་པྲ་བྷ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། །འཕགས་མ་འོད་ཟེར་ཅན་ཞེས་བྱ་བའི་གཟུངས། པཎྜི་ཏ་ཨ་མོ་གྷ་བཛྲ་དང་། ལོ་ཙཱ་བ་རིན་ཆེན་གྲགས་ཀྱི་འགྱུར། འཕགས་
མ་འོད་ཟེར་ཅན་འབྱུང་བའི་རྒྱུད་ལས་ཕྱུང་བའི་རྟོག་པ་ཇི་སྙེད་པ་འགྱུར་བྱང་མེད་པ། སྒྱུ་མ་འོད་ཟེར་ཅན་གྱི་དཀྱིལ་ཆོག་འགྱུར་བྱང་མེད་པ། འཕགས་པ་རིག་སྔགས་ཀྱི་རྒྱལ་མོ་རྒྱལ་བ་ཅན། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་
ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་རྒྱལ་བ་ཅན་ཞེས་བྱ་བའི་གཟུངས་འགྱུར་བྱང་མེད་པ། འཕགས་པ་དབང་བསྐུར་བའི་གཟུངས། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་ཡེ་ཤེས་སྡེའི་འགྱུར། །འཕགས་པ་དབྱིག་དང་
ལྡན་པ་ཞེས་བྱ་བའི་གཟུངས། འཕགས་པ་དུག་སེལ་ཞེས་བྱ་བའི་རིག་སྔགས། བཀླགས་པས་གྲུབ་པ་བཅོམ་ལྡན་འདས་མ་འཕགས་མ་སོར་མོ་ཞེས་བྱ་བ། ཆོས་ཐམས་ཅད་ཀྱི་ཡུམ་ཞེས་བྱ་བའི་གཟུངས་རྣམས་འགྱུར་བྱང་མ་འཁོད་པ།
འཕགས་པ་གཙུག་གི་ནོར་བུའི་གཟུངས། རྒྱ་གར་གྱི་མཁན་པོ་ཤྲཱི་ལེནྡྲ་བོ་དྷི་དང་། ལོ་ཙཱ་བ་ཡེ་ཤེས་སྡེའི་འགྱུར། ཡི་གེ་དྲུག་པའི་རིག་སྔགས། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་བའི་གཟུངས། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་
ཉི་ཤུ་ལྔ་བའི་གཟུངས། ཤེས་ཕྱིན་བརྒྱད་སྟོང་པའི་གཟུངས། ཕར་ཕྱིན་དྲུག་གི་སྙིང་པོའི་གཟུངས། ཕར་ཕྱིན་དྲུག་གཟུང་བར་འགྱུར་བའི་གཟུངས། ཕར་ཕྱིན་བཅུ་ཐོབ་པར་འགྱུར་བའི་གཟུངས། ཚད་མེད་པ་བཞི་ཐོབ་པའི་གཟུངས། ཤེས་ཕྱིན་
སྟོང་ཕྲག་བརྒྱ་བ་གཟུང་བར་འགྱུར་བའི་གཟུངས། འཕགས་པ་ཕལ་པོ་ཆེ་གཟུང་བར་འགྱུར་བའི་གཟུངས། འཕགས་པ་སྡོང་པོ་བཀོད་པ་གཟུང་བར་འགྱུར་བའི་གཟུངས། འཕགས་པ་ཏིང་ངེ་འཛིན་རྒྱལ་པོ་གཟུང་བར་འགྱུར་བའི་གཟུངས། རྨ་བྱ་ཆེན་
མོ་གཟུང་བར་འགྱུར་བའི་གཟུངས། སོ་སོར་འབྲང་མ་གཟུང་བར་འགྱུར་བའི་གཟུངས། ལང་ཀར་གཤེགས་པའི་མདོ་ཐམས་ཅད་བཀླགས་པར་འགྱུར་བའི་གཟུངས་ཏེ། འདི་རྣམས་ཀྱང་གཞན་ནས་བཀོལ་བ་མདོ་ཕྱོགས་སུ་གཏོགས་པ་ཡིན་ཀྱང་གོང་དུ་
བཤད་པ་ལྟར་རྒྱུད་དུའང་མི་འགལ་བའི་ཕྱིར་དང་། གཟུངས་རྣམས་ཕྱོགས་གཅིག་ཏུ་བྱ་བའི་ཕྱིར་འདིར་བྲིས་སོ། །བཞི་བ་གཤེགས་རིགས་ཀྱི་གཙུག་ཏོར་ལ། འཕགས་པ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བ་གདུགས་དཀར་པོ་
ཅན་གཞན་གྱིས་མི་ཐུབ་པ་ཕྱིར་བཟློག་པའི་རིག་སྔགས་ཀྱི་རྒྱལ་མོ་ཞེས་བྱ་བ་འགྱུར་བྱང་མ་འཁོད་པ། འཕགས་པ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་ནས་བྱུང་བའི་གདུགས་དཀར་པོ་ཅན་གཞན་གྱིས་མི་ཐུབ་པ་ཕྱིར་བཟློག་པ་ཆེན་མོ་མཆོག་ཏུ་གྲུབ་པ་
ཞེས་བྱ་བའི་གཟུངས། པཎྜི་ཏ་པ་ར་ཧི་ཏ་པྲ་བྷ་དང་། ལོ་ཙཱ་བ་གཟུ་དགའ་རྡོར་གྱིས་བསྒྱུར་ཅིང་ཁ་ཆེའི་ཡུལ་བདུད་རྩི་འབྱུང་གནས་ཀྱི་གཙུག་ལག་ཁང་གི་དཔེ་རྙིང་ལ་གཏུགས་ནས་གཏན་ལ་ཕབ་པ། འཕགས་པ་དེ་བཞིན་གཤེགས་པའི་གཙུག་ཏོར་
ནས་བྱུང་བའི་གདུགས་དཀར་པོ་ཅན་གཞན་གྱིས་མི་ཐུབ་པའི་གཟུངས། མི་ཡུལ་མའམ་ལྷ་ཡུལ་མ་ཆེ་བར་གྲགས་པ་འགྱུར་བྱང་མ་འཁོད་པ། འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་པོ་ཅན་གཞན་གྱིས་མི་ཐུབ་
བ་ལྷ་ཡུལ་མ་ཆུང་བར་གྲགས་པ། ཁ་ཆེའི་པཎྜི་ཏ་མ་ཧཱ་ཛྙཱ་ནའི་རང་འགྱུར། དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་ཞེས་བྱ་བའི་གཟུངས་རྟོག་པ་དང་བཅས་པ། པཎྜི་ཏ་ཆོས་ཀྱི་སྡེ་དང་། ལོ་ཙཱ་བ་བ་རའི་འགྱུར། ཡང་དེ་
བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམ་པར་རྒྱལ་བ་ཞེས་བྱ་བའི་གཟུངས་རྟོག་པ་དང་བཅས་པ་འཆི་བདག་གི་དབྱུག་པ་འཛིན་པར་གྲགས་པ་འགྱུར་བྱུང་མ་འཁོད་པ། འཕགས་པ་གཙུག་གཏོར་རྣམ་པར་རྒྱལ་བའི་གཟུངས་རྟོག་པ་དང་བཅས་པ་ཆུང་འགྱུར་བྱང་མེད་
པ། འཕགས་ངན་འགྲོ་ཐམས་ཅད་ཡོངས་སུ་སྦྱོང་བ་གཙུག་གཏོར་རྣམ་པར་རྒྱལ་བ་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་དེ་བཞིན་གཤེགས་པ་ཐམས་ཅད་ཀྱི་གཙུག་
ཏོར་རྣམ་པར་རྒྱལ་བའི་གཟུངས་རྟོག་པའི་རབ་བྱེད་དང་པོ། ནེའུ་མཁན་པོའི་གསུང་བཞིན། ཐར་པ་ལོ་ཙཱ་བ་ཉི་མ་རྒྱལ་མཚན་དཔལ་བཟང་པོའི་འགྱུར། ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་ཞེས་བྱ་པའི་གཟུངས། རྒྱ་གར་གྱི་མཁན་
པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། གཙུག་ཏོར་འབར་བ་ཞེས་བྱ་བའི་གཟུངས། ཤེས་པ་ཐམས་ཅད་མཐར་ཕྱིན་པར་སྒྲུབ་པའི་མཆོད་རྟེན་ཞེས་བྱ་བའི་གཟུངས། མཆོད་རྟེན་གཅིག་བཏབ་ན་བྱེ་བ་བཏབ་པར་འགྱུར་བའི་
གཟུངས། སྙིང་རྗེ་མཆོག་ཅེས་བྱ་བའི་གཟུངས་རྣམས་ལ་འགྱུར་བྱང་མ་འཁོད་པ་རྣམས་སོ། །ལྔ་བ་གཤེགས་རིགས་ཀྱི་ཁྲོ་བོ་ཁྲོ་མོའི་རྒྱུད་ལ། ཁྲོ་བོ་ཁམས་གསུམ་རྣམ་པར་རྒྱལ་བ་ཤིན་ཏུ་གསང་བའི་རྩ་བའི་རྒྱུད་རིམ་པར་ཕྱེ་བ་བཅུས་པ་ལས་རིམ་པར་ཕྱེ་བ་བདུན་
པ་ཡན་རྣམས་བཞུགས་སོ། །བ་པ་ལ། ཁྲོ་བོ་ཁམས་གསུམ་རྣམ་པར་རྒྱལ་བ་ཤིན་ཏུ་གསང་བ་རྩ་བའི་རྒྱུད་ལས་སྡ་མའི་འཕྲོས་རིམ་པར་ཕྱེ་བ་བརྒྱད་པ་དང་། དེའི་རྒྱུད་ཕྱི་མ་རྟོག་པ་བཅུ་པ། ཕྱི་མའི་ཡང་ཕྱི་མའི་ཡང་ཕྱི་མེ་དང་བཅས་པ་ཐབས་ད་བསྡོམས་པས་ལེའུ་ཉེར་
གཉིས་པ་སྟེ། །འདི་ལ་སྔ་རབས་པ་རྣམས་ལ་གཤིན་རྗེ་སྤྲ་ཁོག་སྣང་དུའང་གྲགས་ཤིང་། སློབ་དཔོན་པདྨའི་སློབ་མ་བིདྱ་ཀ་ར་པྲ་བྷ་དང་གནུབས་ནམ་མཁའི་སྙིང་པོའི་འགྱུར་སོགས་འགྱུར་རྙིང་གསུམ་ཙམ་བྱུང་བ། ཕྱིས་རོང་ཟོམ་ཆོས་བཟང་གིས་རྒྱ་དཔེ་གཉིས་
ལ་གཏུགས་ནས་འགྱུར་བཅོས་མཛད་པར་བཤད་ཀྱང་ཚལ་པ་བཀའ་འགྱུར་དང་རྒྱལ་རྩེ་ཐེམ་སྤངས་མ་གཉི་གར་འགྱུར་བྱང་མ་བཀོད་པར་སྣང་ངོ༌། །དེས་ན་འདིའི་ཚིག་རིས་རྣམས་གསང་སྔགས་སྔ་འགྱུར་དང་མཐུན་པས་འགོས་ཁུག་པ་ལྷས་བཙས་ཀྱིས་ཀྱང་
གནུབས་སངས་རྒྱས་ཡེ་ཤེས་ཀྱིས་བརྩམས་སོ་ཞེས་བསྒྲགས་མོད་ཀྱི། བཤད་མ་ཐག་པ་ལྟར་ཚད་ལྡན་གྱི་རྒྱ་དཔེ་ཅན་ཡིན་པ་དང་། འདིའི་ལུང་ཨ་བྷ་ཡཱ་ཀ་རས་དཀྱིལ་ཆོག་རྡོར་ཕྲེང་དུ་དྲངས་པ་དང་། ཚད་ལྡན་གྱི་མཁས་པ་མང་པོས་རྩོད་མེད་དུ་བཀུར་
བའི་ཕྱིར། གསུང་དེ་ནི་སྔགས་ལོག་སུན་འབྱིན་ཟོང་མར་གཏོང་བའི་གསུང་དུ་ངེས་ཏེ་ཞིབ་པར་ངོར་ཆེན་གྱི་སྤྱོད་རྒྱུད་རྣམ་བཤད་དུ་ལྟོས་ཤིག །འཕགས་པ་རྡོ་རྗེ་འཇིགས་བྱེད་ཀྱི་གཟུངས་པཎྜི་ཏ་དོན་ཡོད་རྡོ་རྗེས་བསྒྱུར་ཅིང་སྐྱོ་འོད་འབྱུང་ལ་གནང་བ། འཕགས་
པ་བེ་ཅོན་ཆེན་པོ་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། གཞན་གྱིས་མི་ཐུབ་པ་རིན་པོ་ཆེའི་ཕྲེང་བ་ཞེས་བྱ་བའི་གཟུངས། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ལོ་ཙཱ་བ་ཡེ་
ཤེས་སྡེའི་འགྱུར། བར་དུ་གཅོད་པ་ཐམས་ཅད་རྣམ་པར་སྦྱོང་བའི་གཟུངས། འཕགས་པ་ཐམས་ཅད་ལ་མི་འཇིགས་པ་སྦྱིན་པ་ཞེས་བྱ་བའི་གཟུགས། འཕགས་པ་འགྲོ་ལྡིང་བའི་རིག་སྔགས་ཀྱི་རྒྱལ་པོ་རྣམས་རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་
ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། ཚིགས་སུ་བཅད་པ་གཉིས་པའི་གཟུངས་འགྱུར་བྱང་མེད་པ། རྒྱལ་མཚན་རྩེ་མོའི་དཔུང་རྒྱན་ཞེས་བྱ་བའི་གཟུངས། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་ཡེ་ཤེས་སྡེའི་འགྱུར། འཕགས་པ་
ལྷ་མོ་སྐུལ་བྱེད་མའི་གཟུངས་འགྱུར་བྱང་མེད་པ་རྣམས་སོ། །དྲུག་པ་གཤེགས་རིགས་ཀྱི་ཕོ་ཉ་མོའི་རྒྱུད་ལ། འཕགས་པ་སྒོ་བཟང་པོ་ཞེས་བྱ་བའི་གཟུངས་དང་། འཕགས་པ་བུ་མང་པོ་རྟོན་པ་ཞེས་བྱ་བའི་གཟུངས། རྒྱ་གར་གྱི་མཁན་པོ་
ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་རོ་ལངས་བདུན་པ་ཞེས་བྱ་བའི་གཟུངས་ལོ་ཙཱ་བ་ཡེ་ཤེས་སྡེའི་འགྱུར། འཕགས་པ་མཚན་མོ་བཟང་པོའི་མདོ། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་
ཡེ་ཤེས་སྡེའི་འགྱུར་ཏེ་འདིའང་མདོ་ཕྱོགས་སུ་ཡོད་མོད་རྒྱུ་མཚན་གོང་སོང་ལྟར་འདིར་ཡང་བཅུག་ཅིང་བུ་སྟོན་སོགས་ཀྱིས་ཀྱང་གཟུངས་ཀྱི་གྲྭར་བཞག་སྣང་ངོ༌། །འཕགས་པ་མདངས་ཕྱིར་འཕྲོག་པའི་རིག་སྔགས། འཕགས་པ་མིག་རྣམ་པར་སྦྱོང་བའི་རིག་སྔགས། །
འཕགས་པ་མིག་ནད་རབ་ཏུ་ཞི་བར་བྱེད་པའི་མདོ་རྣམས་ལ་འགྱུར་བྱང་མ་འཁོད་པ། འཕགས་པ་གཞང་འབྲུམ་རབ་ཏུ་ཞི་བར་བྱེད་པའི་མདོ། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་ཡེ་ཤེས་སྡེའི་འགྱུར། འཕགས་པ་ནད་ཐམས་ཅད་རབ་ཏུ་ཞི་བར་
བྱེད་པ་ཞེས་བྱ་བའི་གཟུངས་གཉིས། རིམས་ནད་ཞི་བའི་གཟུངས་རྣམས་ལ་འགྱུར་བྱང་མ་འཁོད་པ། འཕགས་པ་རིམས་ནད་རབ་ཏུ་ཞི་བར་བྱེད་པའི་གཟུངས། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འབྲུམ་བུའི་ནད་
ཞི་བར་བྱེད་པའི་གཟུངས། མདངས་ཕྱིར་མི་འཕྲོག་པའི་གཟུངས་གཉིས་འགྱུར་བྱང་མ་འཁོད་པ། འཕགས་པ་ཡངས་པའི་གྲོང་ཁྱེར་དུ་འཇུག་པའི་མདོ། པཎྜི་ཏ་སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་མི་རྒོད་རྣམ་པར་འཇོམས་པ་ཞེས་
བྱ་བའི་གཟུངས་དང་། འཕགས་པ་བར་དུ་གཅོད་པ་ཐམས་ཅད་རྣམ་པར་སེལ་བའི་གཟུངས་གཉིས་འགྱུར་བྱང་མེད་པ་རྣམས་སོ། །ཕོ་ཉའི་འཁོར་དུ་གཏོགས་པ་བཀའ་ཉན་ཕོ་མོ་ལ་འཕགས་པ་མི་གཡོ་བའི་གཟུངས་ལེའུ་དགུ་བ་པཎྜི་ཏ་དྷ་རྨ་ཤྲཱི་མི་ཏྲ་དང་ལོ་ཙཱ་བ་ཆོས་ཀྱི་
བཟང་པོའི་འགྱུར། ཁྲོ་བོའི་རྒྱལ་པོ་རྟོག་པ་བསྡུས་པའི་རྒྱུད་ལེའུ་བཅུ་བ་འགྱུར་བྱང་མེད་པ། འཕགས་པ་གསེར་ཅན་ཞེས་བྱ་བའི་གཟུངས་པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ་རྣམས་སོ། །
བདུན་པ་དེ་བཞིན་གཤེགས་པའི་རིགས་སུ་བསྡུ་བའི་བྱང་སེམས་ལ། འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་བྱམས་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་
པ་ནམ་མཁའི་སྙིང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་ཀུན་ཏུ་བཟང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་ལག་ན་རྡོ་རྗེའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། འཕགས་པ་
འཇམ་དཔལ་གྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། །འཕགས་པ་སྒྲིབ་པ་ཐམས་ཅད་རྣམ་པར་སེལ་བའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། སའི་སྙིང་པོའི་མཚན་བརྒྱ་རྩ་བརྒྱད་པ་གཟུགས་སྔགས་དང་བཅས་པ་རྣམས་དང་།
འཕགས་པ་འཇམ་དཔལ་གྱི་མཚན་བརྒྱ་རྩ་བརྒྱད་པ་སྙིང་པོ་དང་བཅས་པ་རྣམས་ལ་འགྱུར་བྱང་མ་འཁོད་པ། འཕགས་པ་བྱམས་པས་དམ་བཅས་པའི་གཟུངས་རྒྱ་གར་གྱི་མཁན་པོ་བཛྲ་པཱ་ཎི་དང་། ལོ་ཙཱ་བ་ཆོས་ཀྱི་ཤེས་རབ་ཀྱི་འགྱུར། འཕགས་པ་དཀྱིལ་འཁོར་
བརྒྱད་པ་ཞེས་བྱ་བའི་གཟུངས། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་ཡེ་ཤེས་སྡེའི་འགྱུར། བདུད་རྩི་འབྱུང་བ་ཞེས་བྱ་བའི་གཟུངས། ཡི་དྭགས་ཁ་ལ་མེ་འབར་མ་ལ་སྐྱབས་མཛད་པའི་གཟུངས། ཡི་དྭགས་ཁ་ལ་མེ་འབར་མ་དབུགས་དབྱུང་
བའི་གཏོར་མའི་ཆོ་ག་རྣམས་ལ་འགྱུར་བྱང་མེད་པ། འཇུར་འགེགས་སེལ་བའི་གཟུངས་ལོ་ཙཱ་བ་བནྡེ་ཡེ་ཤེས་སྡེའི་འགྱུར། འདི་ལ་ཐེ་ཚོམ་གྱི་གཞི་ཅུང་ཟད་སྣང་ཡང་སྔོན་གྱི་སློབ་དཔོན་རྣམས་ཀྱིས་བཀོད་པ་བཞིན་བཞག ཡེ་ཤེས་སྐར་མདའི་སྙིང་པོ་འགྱུར་བྱང་
མེད་པ། ཤེས་རབ་བསྐྱེད་པའི་གཟུངས། རྒྱ་གར་གྱི་མཁན་པོ་ཛྷཱ་ན་གརྦྷ་དང་། ལོ་ཙཱ་བ་ཀླུའི་དབང་པོའི་འགྱུར་ལ། རྒྱ་གར་གྱི་མཁན་པོ་བིདྱཱ་ཀ་ར་སིདྷ་དང་། ལོ་ཙཱ་བ་བནྡེ་དེ་ཝ་ཙནྡྲས་བཅོས་པ། ཐོས་པ་འཛིན་པའི་གཟུངས། འཕགས་པ་
རྒྱལ་བའི་བླ་མའི་གཟུངས་རྣམས་སོ། །བརྒྱད་པ་གནས་གཙང་མའི་ལྷ་ལ་སོགས་པའི་རྒྱུད་ལ། མདོ་ཆེན་པོ་འདུས་པ་ཆེན་པོ་ཞེས་བྱ་བ་འགྱུར་བྱང་མ་འཁོད་པ། འཕགས་པ་ཆོས་ཀྱི་རྒྱ་མཚོ་ཞེས་བྱ་བའི་གཟུངས། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་པྲཛྙཱ་ཝརྨ་
དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་བ། བགེགས་སེལ་བ་ཞེས་བྱ་བའི་གཟུངས། མདོ་ཆེན་པོ་ཀུན་ཏུ་རྒྱུ་བ་དང་ཀུན་ཏུ་རྒྱུ་བ་མ་ཡིན་པ་དང་མཐུན་པའི་མདོ། པཎྜི་ཏ་ཛི་ན་མི་ཏྲ་དང་། པྲ་ཛྙཱ་ཝརྨ་དང་། ཡེ་ཤེས་སྡེ་ལ་སོགས་པའི་འགྱུར།
འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་ལེའུ་སྟོང་ཕྲག་བརྒྱད་པ་ལས་ཆར་དབབ་པའི་ལེའུ་དྲུག་ཅུ་རྩ་བཞི་བ་ཆོ་ག་དང་བཅས་པ་ཁོལ་དུ་ཕྱུང་བ། རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་
བཅོས་པ། འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་ཀླུ་ཐམས་ཅད་ཀྱི་སྙིང་པོ་ཞེས་བྱ་བའི་མདོ། པཎྜི་ཏ་ཛི་ན་མི་ཏྲ་དང་། སུ་རེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། །སྤྲིན་ཆེན་སྔ་ཕྱི་གཉི་ཀ་མདོའི་ཁྲོད་དུའང་ཡོད་ཀྱང་རྒྱུད་དང་མི་འགལ་བས་བུ་སྟོན་
གྱིས་སྔགས་སུ་བཀོད་པ་བཞིན་འདིར་ཡང་བཅུག་པའོ། །འཕགས་པ་ཀླུའི་རྒྱལ་པོ་གཟི་ཅན་གྱིས་ཞུས་པའི་གཟུངས་འགྱུར་བྱང་མེད། འཕགས་པ་གཟའ་རྣམས་ཀྱི་ཡུམ་ཞེས་བྱ་བའི་གཟུངས། རྒྱལ་བློན་བྱང་ཆུབ་སེམས་དཔའ་རྣམས་ཀྱི་སྐུ་རིང་ལ་བསྒྱུར་བ་ལ། ཕྱིས་
དགེ་བསྙེན་གྲགས་པ་རྒྱལ་མཚན་གྱིས་རྒྱ་དཔེ་ལ་གཏུགས་ནས་དག་པར་བགྱིས་པ། ཡང་གཟའ་རྣམས་ཀྱི་ཡུམ་ཞེས་བྱ་བའི་གཟུངས། གཟའ་ཡུམ་སྔ་ཕྱི་འདི་གཉིས་ཚིག་ཁྱད་ཙམ་ལས་དོན་གཅིག་པར་མངོན་ཡང་སྔར་གྱི་རྣམས་ཀྱིས་སོ་སོར་བྲིས་པ་བཞིན་དུ་བྱས་པའོ། །
ནོར་གྱི་རྒྱུན་ཞེས་བྱ་བའི་གཟུངས། ནོར་རྒྱུན་མའི་གཟུངས་ཀྱི་རྟོག་པ། ནོར་རྒྱུན་མའི་རྟོག་པ་ཆུང་བ་ཇི་སྙེད་པ། འཕགས་པ་ཚོགས་ཀྱི་བདག་པོའི་སྙིང་པོ་རྣམས་ལ་འགྱུར་བྱང་མེད་པ། ཚོགས་ཀྱི་བདག་པོའི་རྒྱུད་ལེའུ་བཅོ་ལྔ་བ། རྒྱ་གར་གྱི་མཁན་པོ་དཱི་པཾ་ཀ་རཾ་
ཤྲཱི་ཛྙཱ་ནས་རྒྱལ་བའི་འབྱུང་གནས་ལ་གཏད་པ། དཔལ་ནག་པོ་ཆེན་པོའི་རྒྱུད་ལེའུ་བརྒྱད་པ། རྒྱ་གར་གྱི་མཁན་པོ་ཨ་མོ་གྷ་བཛྲ་དང་། ལོ་ཙཱ་བ་ཕུར་བུ་འོད་ཀྱི་འགྱུར། འདི་ལ་འགའ་ཞིག་ཐེ་ཚོམ་བྱེད་ཀྱང་། གྲུབ་ཆེན་ཁྱུང་པོ་རྣལ་འབྱོར་སོགས་ནས་ཤང་པ་བཀའ་
རྒྱུད་པ་རྣམས། ཕྱག་དྲུག་མགོན་པོའི་ཁུངས་ཀྱི་རྒྱུད་ཚད་མར་མཛད་པ་ཡིན་ནོ། །དཔལ་མགོན་པོ་ནག་པོ་ཞེས་བྱ་བའི་གཟུངས་འགྱུར་བྱང་མེད་པ། ནག་པོ་ཆེན་པོའི་གཟུངས་རིམས་ནད་ཐམས་ཅད་ལས་ཐར་བར་བྱེད་པ་རྒྱ་གར་གྱི་མཁན་པོ་པྲ་ཛྷཱ་ཝརྨ་དང་། ལོ་ཙཱ་བ་
བནྡེ་ཡེ་ཤེས་སྡེའི་འགྱུར། ལྷ་མོ་ནག་མོའི་གཟུངས། ལྷ་མོ་ནག་མོའི་བསྟོད་པའི་རྒྱལ་པོའི་རྒྱུད། ལྷ་མོ་ནག་མོའི་མཚན་བརྒྱ་རྩ་བརྒྱད་པ་ཡོན་ཏན་དང་བཅས་པ། ལྷའི་དབང་པོ་བརྒྱ་བྱིན་གྱིས་བསྟོད་པ་ཤློ་ཀ་གཉིས་རྣམས་ལ་འགྱུར་བྱང་མེད་དོ། །གཉིས་
པ་པདྨའི་རིགས་ཀྱི་རྒྱུད་ལ། རིགས་ཀྱི་གཙོ་བོ་སོགས་ལྔ་ལས། དང་པོ་རིགས་ཀྱི་གཙོ་བོ་ནི། ཚེ་དང་ཡེ་ཤེས་དཔག་ཏུ་མེད་པའི་གཟུངས་ཐུང་ངུ་གཉིས། ཚེ་དང་ཡེ་ཤེས་དཔག་ཏུ་མེད་པའི་མདོ་ཨོ་གསུམ་མ། ཡང་ཚེ་དང་ཡེ་ཤེས་དཔག་ཏུ་མེད་པའི་
གཟུགས་ཨོ་གཉིས་པུཎྫྱེ་མེད་པ་རྣམས་ལ་འགྱུར་བྱང་མ་འཁོད་པ། འཕགས་པ་ཚེ་དང་ཡེ་ཤེས་དཔག་ཏུ་མེད་པའི་སྙིང་པོ་འཆི་མེད་རྔ་སྒྲའི་གཟུངས། རྒྱ་གར་གྱི་མཁན་པོ་པུཎྱ་སཾ་བྷ་ཝ་དང་། ལོ་ཙཱ་བ་པ་ཚབ་ཉི་མ་གྲགས་ཀྱི་འགྱུར། བཅོམ་ལྡན་འདས་སྣང་བ་
མཐའ་ཡས་ཀྱི་གཟུངས། སྣང་བ་མཐའ་ཡས་རྗེས་སུ་དྲན་པའི་གཟུངས། ཡོན་ཏན་བསྔགས་པ་དཔག་ཏུ་མེད་པའི་གཟུངས། བདེ་ལྡན་གྱི་སྙིང་པོའི་གཟུངས་རྣམས་ལ་འགྱུར་བྱང་མ་འཁོད་པ་རྣམས་སོ། ། རིགས་ཀྱི་འཁོར་ལོས་སྒྱུར་བ།གཉིས་པ་རིགས་ཀྱི་འཁོར་ལོས་སྒྱུར་བ་ལ། འཕགས་
པ་སྤྱན་རས་གཟིགས་དབང་ཕྱུག་གི་རྩ་བའི་རྒྱུད་པདྨ་དྲ་བ་ཅན་ཞེས་བྱ་བ་ལེའུ་བཅུ་གཉིས་པ། པཎྜི་ཏ་ཆེན་པོ་སོ་མ་ཤྲཱི་བྷ་བྱ་དང་། ལོ་ཙཱ་བ་སྐྱུ་ར་ཚུལ་ཁྲིམས་འོད་ཟེར་གྱིས་བསྒྱུར་བ། འཕགས་པ་དོན་ཡོད་ཞགས་པའི་སྙིང་པོ་ཞེས་བྱ་བ་ཐེག་པ་ཆེན་
པོའི་མདོ། རྒྱ་གར་གྱི་མཁན་པོ་ཨ་མོ་གྷ་བཛྲ་དང་། ལོ་ཙཱ་བ་དགེ་སློང་རིན་ཆེན་གྲགས་ཀྱི་འགྱུར། དེ་ཉིད་ལས་བྱུང་བ་དོན་ཡོད་ཞགས་པའི་སྙིང་པོ་ཞེས་བྱ་བའི་གཟུངས་འགྱུར་བྱང་མ་འཁོད་པ་རྣམས་བཞུགས་སོ། །མ་པ་ལ། འཕགས་པ་དོན་ཡོད་ཞགས་
པའི་ཆོ་ག་ཞིབ་མོ་འགྱུར་འཕྲོས་བམ་པོ་ཉེར་ལྔ་བ་ནས་ཧོར་ཁོང་ཆད་པ་རྣམས་ཤཱཀྱའི་དགེ་སློང་རིན་ཆེན་གྲུབ་ཀྱིས་བསབས་ཤིང་། དེའི་མཇུག་ཡོངས་སུ་རྫོགས་པར་བསྒྱུར་བ་ལས། བམ་པོ་ཉེར་ལྔ་བ་ཡན་བཞུགས་སོ། །ཙ་པ་ལ། འཕགས་པ་དོན་ཡོད་
ཞགས་པའི་ཆོ་ག་ཞིབ་མོ་བམ་པོ་ཉེར་ལྔ་བ་རྫོགས་འཕྲོ་ནས་བམ་མཚམས་མ་བགྲང་བ་ཡོངས་སུ་རྫོགས་པ། འཕགས་པ་དོན་ཡོད་ཞགས་པའི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་པའི་གཟུངས། པཎྜི་ཏ་མཉྫུ་ཤྲཱི་ཝརྨ་དང་། ལོ་ཙཱ་བ་དགེ་སློང་བློ་ལྡན་
ཤེས་རབ་ཀྱི་འགྱུར་ལ་སླད་ནས་ལོ་ཙཱ་བ་ཆོས་ཀྱི་ཤེས་རབ་ཀྱིས་བསྒྱུར་བ། ས་བཅུའི་གཟུངས་ཕན་ཡོན་དང་བཅས་པ་འགྱུར་བྱང་མ་འཁོད་པ། དོན་ཡོད་ཞིགས་པའི་རྟོག་པའི་རྒྱལ་པོའི་ཆོ་ག་པཎྜི་ཏ་མཉྫུ་ཤྲཱི་ཝརྨ་དང་། ལོ་ཙཱ་བ་བློ་ལྡན་ཤེས་རབ་ཀྱི་འགྱུར། འཕགས་
པ་སྤྱན་རས་གཟིགས་དབང་ཕྱུག་ལག་པ་སྟོང་དང་མིག་སྟོང་དང་ལྡན་པའི་ཆོ་ག་ཞིབ་མོ་འགྱུར་བྱང་མ་འཁོད་པ། །འཕགས་པ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཕྱག་སྟོང་སྤྱན་སྟོང་དང་ལྡན་པ་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་རྒྱ་ཆེར་ཡོངས་
སུ་རྫོགས་པ་ཞེས་བྱ་བའི་གཟུངས་ཆོ་ག་དང་བཅས་པ་བམ་པོ་གསུམ་པ། ལོ་ཙཱ་བ་ཆོས་འགྲུབ་ཀྱིས་རྒྱའི་དཔེ་ལས་བསྒྱུར་བ། འཕགས་པ་སྤྱན་རས་གཟིགས་དབང་ཕྱུག་གི་གསང་བའི་མཛོད་ཐོགས་པ་མེད་པའི་ཡིད་བཞིན་གྱི་འཁོར་ལོའི་སྙིང་པོའི་གཟུངས་ལེའུ་དྲུག་པ་
འགྱུར་སྔ་མ་དང་འདྲ་བ། །འཕགས་པ་སྤྱན་རས་གཟིགས་དབང་ཕྱུག་ཞལ་བཅུ་གཅིག་པའི་གཟུངས། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར།། འཕགས་པ་ཞལ་བཅུ་གཅིག་པའི་རིག་སྔགས་ཀྱི་སྙིང་པོ། ལོ་ཙཱ་བ་བནྡེ་ཆོས་འགྲུབ་
ཀྱིས་རྒྱའི་དཔེ་ལས་བསྒྱུར་བ། འཕགས་པ་སྤྱན་རས་གཟིགས་དབང་ཕྱུག་གི་གཟུངས་དང་སྙིང་པོ། འཕགས་པ་ནཱི་ལ་ཀཎྛའི་གཟུངས། སྙིང་རྗེ་མི་བཤོལ་བའི་གཟུངས་རྣམས་ལ་འགྱུར་བྱང་མ་འཁོད་པ། ཀུན་ཏུ་བཟང་པོ་ཞེས་བྱ་བའི་གཟུངས། རྒྱ་གར་གྱི་
མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། འཇིག་རྟེན་དབང་ཕྱུག་གི་རྟོག་པ་རྒྱ་གར་གྱི་མཁན་པོ་ཛམྦྷ་ལ་དང་། ལོ་ཙཱ་བ་བ་རིའི་འགྱུར། པདྨ་ཅོད་པན་གྱི་རྒྱུད་ལེའུ་བཅུ་གཅིག་པ། པཎྜི་ཏ་
དྷརྨ་ཤྲཱི་མི་ཏྲ་དང་། ལོ་ཙཱ་བ་དགེ་སློང་ཆོས་ཀྱི་བཟང་པོའི་འགྱུར། འཕགས་པ་སྤྱན་རས་གཟིགས་དབང་ཕྱུག་སེང་གེ་སྒྲའི་རྒྱུད། པཎྜི་ཏ་པྲ་ཛྙཱ་ཀ་ར་དང་། ལོ་ཙཱ་བ་འགོས་ཁུག་པ་ལྷས་བཙས་ཀྱི་འགྱུར། སྤྱན་རས་གཟིགས་དབང་ཕྱུག་སེང་གེ་སྒྲའི་གཟུངས།
རྗེ་བཙུན་མ་རྡོ་རྗེ་སེམས་མ་དང་། ལོ་ཙཱ་བ་འགར་ཤེས་རབ་འབྱུང་གནས་ཀྱི་འགྱུར། སེང་གེ་སྒྲའི་དམ་བཅས་པའི་གཟུངས། རྒྱ་གར་གྱི་མཁན་པོ་ངག་གི་དབང་ཕྱུག་དང་། གློག་སྐྱ་ཤེས་རབ་བརྩེགས་ཀྱི་འགྱུར། སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་
བརྒྱད་པ་རྒྱལ་བ་ཐམས་ཅད་ཀྱི་རིང་བསྲེལ་རིན་པོ་ཆེའི་ཟ་མ་ཏོག་འགྱུར་བྱང་མ་འཁོད་པ། འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་གསང་བ་རིང་བསྲེལ་གྱི་ཟ་མ་ཏོག་ཚིག་ལྷུག་པ་ཅན་འགྱུར་བྱང་མེད་པ་འདི་སྔ་མ་དང་ཚིགས་བཅད་ལྷུག་གི་ཁྱད་ཙམ་
ལས་དོན་མཚུངས་པར་སྣང་ངོ་། །འཕགས་པ་ལུས་ཀྱི་དབྱིབས་མཛེས་པ་ཞེས་བྱ་བའི་གཟུངས་དང་། འཕགས་པ་གཞན་གྱིས་མི་ཐུབ་པ་མི་འཇིགས་པ་སྦྱིན་པ་ཞེས་བྱ་བ་གཉིས་རྒྱ་གར་གྱི་མཁན་པོ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། གཞན་
གྱིས་མི་ཐུབ་པ་རིག་པ་ཆེན་མོ། སྟོད་འགྱུར་གྱི་གཟུངས། ཤློ་ཀ་བརྒྱ་ལོངས་པའི་གཟུངས་གཉིས། ཤློ་ཀ་སྟོང་ལོངས་པའི་གཟུངས་གཉིས། བློ་ཀ་སུམ་སྟོང་ལོངས་པའི་གཟུངས། མི་བརྗེད་པའི་གཟུངས་རྣམས་ལ་འགྱུར་བྱང་མ་འཁོད་
པ། ཤེས་རབ་བསྐྱེད་པའི་གཟུངས་གཉིས། པཎྜི་ཏ་བིདྱ་ཀ་ར་སིདྷ་དང་། ལོ་ཙཱ་བ་བནྡེ་དེ་ཝ་ཙནྡྲས་ཞུས་པ། ཐོས་པ་འཛིན་པའི་གཟུངས་འགྱུར་བྱང་མེད་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་རླབས་སེམས་ཅན་ལ་གཟིགས་ཤིང་སངས་
རྒྱས་ཀྱི་ཞིང་བཀོད་པ་༌་ཀུན་སྟོན་པ་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འདི་མདོ་ཁྲོད་དུ་ཡོད་ཀྱང་རྒྱུད་དང་མི་འགལ་བས་འདིར་ཡང་བཞག །འཕགས་པ་སྤྱན་རས་གཟིགས་
ཡིད་བཞིན་ནོར་བུའི་རྟོག་པ་ལས་བྱུང་བའི་སྨོན་ལམ་འགྱུར་བྱང་མ་འཁོད་པ། འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོའི་གཟུངས་ཕན་ཡོན་དང་བཅས་པ་འབྲོག་མི་ཤཱཀྱ་ཡེ་ཤེས་ཀྱི་འགྱུར་རྣམས་སོ། །གསུམ་པ་རིགས་ཀྱི་ཡུམ་ལ། སྒྲོལ་
མ་རལ་པ་གྱེན་བརྫེས་རྩ་བའི་རྟོག་པ་ལས་ལྷག་པར་མོས་པའི་ཕྲེང་བ་ཞེས་བྱ་བའི་རིག་པའི་རྒྱལ་པོ་རྫོགས་སོ་ཡན་ཆད་བཞུགས་སོ། །ཚ་པ་ལ། སྒྲོལ་མ་རལ་པ་གྱེན་བརྫེས་ཀྱི་རྟོག་པའི་འཕྲོ་ཡོངས་སུ་རྫོགས་པ་ཤཱཀྱའི་དགེ་སློང་རིན་ཆེན་གྲུབ་ཀྱི་འགྱུར། །འཕགས་
པ་སྤྱན་རས་གཟིགས་དབང་ཕྱུག་གི་ཡུམ་ཞེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ། དེ་བཞིན་གཤེགས་པ་ཐམས་ཅད་ཀྱི་ཡུམ་སྒྲོལ་མ་ལས་སྣ་ཚོགས་
འབྱུང་བའི་རྒྱུད་ལེའུ་སོ་ལྔ་བ། རྒྱ་གར་གྱི་མཁན་པོ་དྷ་རྨ་ཤྲཱི་མི་ཏྲ་དང་། ལོ་ཙཱ་བ་ཆོས་ཀྱི་བཟང་པོའི་འགྱུར། རྗེ་བཙུན་མ་འཕགས་མ་སྒྲོལ་མའི་མཚན་བརྒྱ་རྩ་བརྒྱད་པ་འགྱུར་བྱང་མ་འཁོད་ཀྱང་ཐར་ལོའི་འགྱུར། རྗེ་བཙུན་མ་སྒྲོལ་མའི་མཚན་བརྒྱ་རྩ་བརྒྱད་པ་སྒྲོལ་མ་
མཆོག་ཅེས་བྱ་བའི་གཟུངས་ཆོ་ག་དང་བཅས་པ། འཕགས་མ་སྒྲོལ་མའི་གཟུངས། འཕགས་མ་སྒྲོལ་མ་རང་གིས་དམ་བཅས་པའི་གཟུངས། རྗེ་བཙུན་མ་སྒྲོལ་མ་འཇིགས་པ་བརྒྱད་ལས་སྐྱོབ་པའི་མདོ། འཕགས་པ་གྲགས་ལྡན་མའི་གཟུངས་རྣམས་སོ། །
བཞི་བ་རིགས་ཀྱི་ཁྲོ་བོ་ཁྲོ་མོ་ལ། སྤྱན་རས་གཟིགས་དབང་ཕྱུག་ཧ་ཡ་གི་བའི་གཟུངས། ཕྱིར་བཟློག་པ་འཕགས་པ་རྣམ་པར་རྒྱལ་བ། འཕགས་པ་པཎ་ཤ་བ་རིའི་མདོ་རྣམས་ལ་འགྱུར་བྱང་མ་འཁོད་པ། འཕགས་པ་རི་ཁྲོད་ལོ་མ་གྱོན་མ་ཞེས་བྱ་བའི་གཟུངས་
ལ་འགྱུར་བྱང་མ་བཀོད་པར་འདུག་ཀྱང་སྠ་བི་ར་དང་བ་རིའི་འགྱུར་རྣམས་སོ། །ལྔ་བ་རིགས་ཀྱི་བཀའ་ཉན་ཕོ་མོ་ལ། འཕགས་པ་ཕྱིར་བཟློག་པ་སྟོབས་ཅན་ཞེས་བྱ་བའི་གཟུངས། ལྷ་མོ་སྒྲ་དབྱངས་ལ་བསྟོད་པ་སྔགས་དང་བཅས་པ། ལྷ་མོ་ཆེན་མོ་དཔལ་ལུང་བསྟན་
པ་རྣམས་ལ་འགྱུར་བྱང་མ་འཁོད་པ། འཕགས་པ་དཔལ་ཆེན་མོའི་མདོ་དང་། དཔལ་གྱི་ལྷ་མོའི་མཚན་བཅུ་གཉིས་པ། རྒྱ་གར་གྱི་མཁན་པོ་ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་བ། མཆོག་ཐོབ་པའི་རིག་སྔགས་ཞེས་བྱ་བ་ལྷ་མོ་དུང་ཅན་མའི་སྙིང་པོ་
འགྱུར་བྱང་མེད་པ་རྣམས་སོ། ། གསུམ་པ་རྡོ་རྗེའི་རིགས་ཀྱི་རྒྱུད་ལ། རིགས་ཀྱི་གཙོ་བོ་སོགས་ལྔ་ལས་དང་པོ་རིགས་ཀྱི་གཙོ་བོ་ནི། འཕགས་པ་ལས་ཀྱི་སྒྲིབ་པ་ཐམས་ཅད་རྣམ་པར་སྦྱོང་བ་མི་འཁྲུགས་པའི་གཟུངས་འགྱུར་བྱུང་མ་འཁོད་པ་འདི་ཁོ་ནའོ། །གཉིས་
པ་རིགས་ཀྱི་བདག་པོའི་རྒྱུད་ལ། འཕགས་པ་རྡོ་རྗེ་ས་འོག་གི་རྒྱུད་ཀྱི་རྒྱལ་པོ་ཞེས་བྱ་བ་ལེའུ་ཉི་ཤུ་རྩ་ལྔ་བ། རྒྱ་གར་གྱི་པཎྜི་ཏ་བདེ་བར་གཤེགས་པའི་དཔལ་དང་། སྒྲ་སྒྱུར་ཀུན་དགའ་རྒྱལ་མཚན་དཔལ་བཟང་པོས་བསྒྱུར་བ་རྣམས་བཞུགས་སོ། །ཛ་པ་
ལ། ཕྱག་ན་རྡོ་རྗེ་རིག་པ་མཆོག་གི་རྒྱུད་ཆེན་པོ་ལེའུ་མེད་པ། རྒྱ་གར་གྱི་མཁན་པོ་བིདྱ་ཀ་ར་པྲ་བྷ་དང་། ལོ་ཙཱ་བ་བནྡེ་དཔལ་བརྩེགས་ཀྱི་འགྱུར། འབྱུང་པོ་འདུལ་བྱེད་ཀྱི་རྒྱུད་སྟོང་ཕྲག་བཅུ་དྲུག་པ་ལས་ཇི་སྙེད་པ་རིམ་པར་ཕྱེ་བ་གཉིས་པ། རྒྱ་གར་གྱི་མཁན་པོ་བུདྡྷཱ་ཀ་ར་
ཝརྨ་དང་། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱི་འགྱུར། ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་དང་བཅས་པའི་གཟུངས། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང་ལོ་ཙཱ་བ་རྒྱ་བརྩོན་འགྲུས་སེངྒེའི་འགྱུར། ལག་ན་རྡོ་རྗེ་གོས་སྔོན་པོ་ཅན་གྱི་
མཚན་བརྒྱ་རྩ་བརྒྱད་པ་གསང་སྔགས་དང་བཅས་པ་འགྱུར་བྱང་མ་འཁོད་པ། འདི་ལ་བླ་མ་དག་རྒྱུད་གཞན་ཞིག་ནས་ཕྱུང་བ་ཡིན་པ་འདྲའོ་ཞེས་གསུངས། ལག་ན་རྡོ་རྗེའི་སྙིང་པོ་བརྒྱད་ཀྱི་ཡ་གྱལ་རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས། རྒྱ་གར་
གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། དེའི་བཤད་རྒྱུད་རྡོ་རྗེ་རི་རབ་ཆེན་པོའི་རྩེ་མོའི་ཁང་པ་བརྩེགས་པའི་གཟུངས། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛྙ་ན་སིདྡྷི་དང་། ལོ་ཙཱ་བ་བནྡེ་ཡེ་ཤེས་
སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ་རྣམས་བཞུགས་སོ། །གསུམ་པ་རིགས་ཀྱི་ཡུམ་ལ། གླེགས་བམ་ཝ་པ་ལ། འཕགས་པ་རྡོ་རྗེ་མི་ཕམ་པ་མེ་ལྟར་འབར་བ་རབ་ཏུ་རྨོངས་བྱེད་ཅེས་བྱ་བའི་གཟུངས། རྒྱ་གར་གྱི་མཁན་པོ་ཛི་ན་མི་ཏྲ་དང་།
དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་སྐད་གསར་བཅད་ཀྱིས་བཅོས་པ་རྣམས་སོ། །བཞི་བ་རིགས་ཀྱི་ཁྲོ་བོ་ཁྲོ་མོ་ལ། རྡོ་རྗེ་ཕྲ་མོ་ཐོགས་པ་མེད་པ་ཞེས་བྱ་བའི་གཟུངས་འགྱུར་བྱང་མ་འཁོད་པ། འཕགས་པ་ལག་ན་རྡོ་རྗེ་བཅུའི་སྙིང་
པོ། པཎྜི་ཏ་ཛི་ན་མི་ཏྲ་དང་། དཱ་ན་ཤཱི་ལ་དང་། ལོ་ཙཱ་བ་བནྡེ་ཡེ་ཤེས་སྡེའི་འགྱུར། འཕགས་པ་བདུད་རྩི་ཐབ་སྦྱོར་གྱི་སྙིང་པོ་བཞི་བ་ཞེས་བྱ་བའི་གཟུངས་འགྱུར་བྱང་མེད་པ་རྣམས་སོ། །ལྔ་པ་རིགས་ཀྱི་ཕོ་ཉ་དང་བཀའ་ཉན་ཕོ་མོ་ལ། ཁྲོ་
བོའི་རྒྱལ་པོ་སྨེ་བརྩེགས་ལ་བསྟོད་པ་སྔགས་དང་བཅས་པ་འགྱུར་བྱང་མ་འཁོད་པ། འཕགས་པ་སྟོབས་པོ་ཆེ་ཞེས་བྱ་བའི་མདོ། རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛི་ན་མི་ཏྲ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པའི་འགྱུར། འཕགས་
མ་རྡོ་རྗེ་ལུ་གུ་རྒྱུད་ཀྱི་རྟོག་པ་ལེའུ་བཞི་བ་པཎྜི་ཏ་ཨ་ཏུ་ལ་དཱ་ས་བཛྲ་ལ་ཞུས་ནས། ལོ་ཙཱ་བ་མར་པ་ཆོས་ཀྱི་དབང་ཕྱུག་གྲགས་པས་བསྒྱུར་བ། རྡོ་རྗེ་མཆུ་ཞེས་ཀླུའི་དམ་ཚིག་གི་ཆོ་ག །རྡོ་རྗེ་གནམ་ལྕགས་མཆུ་ཞེས་བྱ་བའི་གཟུངས། འཕགས་
པ་ལྕགས་ཀྱི་མཆུ་ཞེས་བྱ་བའི་གཟུངས། འཕགས་པ་ལྕགས་མཆུ་ནག་པོ་ཞེས་བྱ་བའི་གཟུངས་ཏེ། མཆུ་སྡེ་ལྔར་གྲགས་པ་རྣམས་ལ་འགྱུར་བྱང་མ་འཁོད་པ་དག་གོ། །བཞི་བ་ནོར་ཅན་གྱི་རིགས་ལ། འཕགས་མ་ནོར་བུ་བཟང་པོའི་གཟུངས་བློ་ཀ་བཅོ་
ལྔ་བ། རྒྱ་གར་གྱི་མཁན་པོ་བིདྱ་ཀ་ར་སིདྷ་དང་། ལོ་ཙཱ་བ་བནྡེ་ཀླུའི་དབང་པོའི་འགྱུར། གནོད་སྦྱིན་ནོར་བུ་བཟང་པོའི་རྟོག་པ་པཎྜི་ཏ་མཉྩ་ཤྲཱི་དང་། ལོ་ཙཱ་བ་དགེ་སློང་བ་རིའི་འགྱུར། གནོད་སྦྱིན་སྡེ་དཔོན་གར་མཁན་མཆོག་གི་བརྟག་པ་སྔ་ཕྱི་གཉིས་
ལ་ལེའུ་བཅུ་དྲུག་པ། རྒྱ་གར་གྱི་མཁན་པོ་དྷན་གུཔྟ་དང་། རབ་ཞི་ལོ་ཙཱའི་འགྱུར། གནོད་འཛིན་དཔལ་ཞེས་བྱ་བའི་གཟུངས་དང་། འཕགས་པ་གནོད་འཛིན་ཆུ་དབང་སྙིང་རྗེ་ཅན་གྱི་གཟུངས་ལ་འགྱུར་བྱང་མ་འཁོད་པ། འཕགས་པ་གནོད་
གནས་དབང་པོ་ཇི་ལྟར་འབྱུང་བའི་རྟོག་པ། པཎྜི་ཏ་སྒེག་པའི་རྡོ་རྗེ་དང་། ལོ་ཙཱ་བ་རྡོ་རྗེ་གྲགས་ཀྱི་འགྱུར། འཕགས་པ་གནོད་འཛིན་གྱི་མཚན་བརྒྱ་རྩ་བརྒྱད་པ་འགྱུར་བྱང་མ་འཁོད་པ་རྣམས་སོ། །ལྔ་བ་རྒྱས་པའི་རིགས་ལ། འཕགས་
པ་མི་ཁ་ལའི་གཟུངས། རྒྱ་གར་གྱི་མཁན་པོ་པྲ་ཛྙཱ་ཝརྨ་དང་། ལོ་ཙཱ་བ་བནྡེ་ཡེ་ཤེས་སྡེ་ལ་སོགས་པའི་འགྱུར་ཉིད་དོ། །དྲུག་པ་འཇིག་རྟེན་པའི་རིགས་ལ། རིག་སྔགས་ཀྱི་རྒྱལ་པོ་དབུགས་ཆེན་པོ་ཞེས་བྱ་བ་འགྱུར་སྔ་མ་དང་འདྲ་བ་ཉིད་དོ། །
བདུན་པ་ཕྱོགས་གང་དུའང་ངོས་གཟུང་དཀའ་བའི་གཟུངས་ཕྲན་སྣ་ཚོགས་ཕྱོགས་གཅིག་ཏུ་བྱས་པའི་སྐོར་ལ། རིན་པོ་ཆེ་བརྡར་བའི་གཟུངས། བསྐོར་བ་བྱ་བའི་གཟུངས། མཆོད་རྟེན་བསྐོར་བའི་གཟུངས། ཡོན་ཡོངས་སུ་སྦྱོང་བའི་གཟུངས་
གཉིས། ཕྱག་བྱ་བའི་གཟུངས༑ གོས་བརྒྱ་ཐོབ་པའི་གཟུངས། མི་དགའ་བར་བྱེད་པའི་གཟུངས། འཕགས་པ་སྤྱན་རྣམ་པར་དག་པའི་གཟུངས། ངན་སོང་ཐམས་ཅད་ཡོངས་སུ་སྦྱོང་བའི་གཟུངས། སྐྲན་
ཞི་བའི་གཟུངས། མ་ཞུ་བའི་ནད་འབྱུང་བའི་གཟུངས། སྡང་བ་ཐམས་ཅད་ཞི་བར་བྱེད་པའི་གཟུངས། སྡིག་པ་ཐམས་ཅད་ཞི་བར་བྱེད་པའི་གཟུངས། ཁྲོ་བ་ཞི་བར་བྱེད་པའི་གཟུངས། ཁྲོས་པ་ཞི་བར་བྱེད་པའི་གཟུངས། ཚིག་བཙན་པའི་
གཟུངས། བདག་སྲུང་བའི་གཟུངས། ཡིད་དུ་འོང་བའི་གཟུངས། །མགྲིན་པ་སྙན་པའི་གཟུངས། དོན་ཐམས་ཅད་འགྲུབ་པའི་གཟུངས། ལས་གྲུབ་པའི་གཟུངས། དུག་ཐམས་ཅད་ཞི་བར་བྱེད་པའི་གཟུངས། བཅིངས་པ་ལས་
གྲོལ་བའི་གཟུངས། བདུད་སྐྲག་པར་བྱེད་པའི་གཟུངས། རྨ་འབྱོར་བར་བྱེད་པའི་གཟུངས། མེའི་ཟུག་རྔུ་རབ་ཏུ་ཞི་བར་བྱེད་པའི་གཟུངས། མཁྲིས་པའི་ནད་སེལ་བར་བྱེད་པའི་གཟུངས། བད་ཀན་གྱི་ནད་སེལ་བར་བྱེད་པའི་གཟུངས། ག་
ཡའི་ནད་སེལ་བར་བྱེད་པའི་གཟུངས། རིམས་དང་སྲོག་ཆགས་ཀྱིས་མི་ཚུགས་པའི་གཟུངས་རྣམས་ལ་འགྱུར་བྱང་མ་འཁོད་པ། མཆིལ་མ། སྣབས། དྲི་ཆེན། དྲི་ཆུ་རྣམས་སྦྱིན་པར་བཏང་བའི་གཟུངས། བླ་མ་རྡོ་རྗེ་གདན་པས་མདོ་
རྒྱུད་ནས་ཕྱུངས་ཏེ་ལོ་ཙཱ་བ་བ་རིས་བསྒྱུར་བ་རྣམས་སོ། །འདི་རྣམས་སྔོན་གྱི་རྒྱུད་འབུམ་ཚོར་བྱུང་བ་བཞིན་གང་དུ་གཏོགས་མ་ཕྱེ་བར་ཕྱོགས་མཚུངས་སུ་བཞག་པ་སྟེ། སོ་སོའི་རྣམ་དབྱེ་ཞིབ་པར་ཤེས་པ་ཞིག་འདོད་ན་སོ་སོའི་ཁུངས་ཀྱི་མདོ་རྒྱུད་གང་ཡིན་བཙལ་
དགོས་སོ། གཉིས་པ་བྱ་བ་སྤྱིའི་རྒྱུད་ལ། རིགས་དྲུག་གི་ཚུལ་དང་དེ་དག་སོ་སོའི་སྔགས་སྒྲུབ་པའི་བྱ་བ་སོགས་གདམས་ངག་གི་ཚུལ་དུ་བསྟན་པ་དཔུང་བཟངས་ཀྱིས་ཞུས་པའི་རྒྱུད་ལ་ལེའུ་བཅུ་གཅིག་པ། བྱ་བའི་རྒྱུད་ཀྱི་དཀྱིལ་འཁོར་སུམ་སྟོང་ལྔ་
བརྒྱ་པོ་ཐམས་ཅད་ཀྱི་སྤྱིའི་ཆོ་ག་སྟོན་པ་གསང་བ་སྤྱིའི་རྒྱུད། སྒྲུབ་པའི་སྤྱོད་པ་ལེགས་པར་སྟོན་པ་ལེགས་པར་གྲུབ་པར་བྱེད་པའི་རྒྱུད་ཆེན་པོ་ལས་སྒྲུབ་པའི་ཐབས་རིམ་པར་ཕྱེ་བ། ཏེང་ངེ་འཛིན་གྱི་སྤྱོད་པ་ཁྱད་པར་ཅན་སྟོན་པ་བསམ་གཏན་གྱི་རིམ་
པར་ཕྱེ་བའི་རྒྱུད་བསམ་གཏན་ཕྱི་མར་གྲགས་པ་རྣམས་ཏེ་དེ་དག་ལ་འགྱུར་བྱང་མ་འཁོད་ཀྱང་། སྔོན་བསྟན་པ་སྔ་དར་གྱི་དུས་སུ་བསྒྱུར་བ་ཡིན་ནོ། །ལྔ་པ་ཕུན་སུམ་ཚོགས་པའི་ཡན་ལག་ཏུ་བསྔོ་སྨོན་ཤིས་བརྗོད་ཀྱི་སྐོར་ལ། འཕགས་པ་དགོངས་
པའི་རྒྱུད་ཀྱི་ཕྲེང་བ་ཆེན་པོ་བྱང་ཆུབ་སེམས་དཔའི་རྣམ་པར་ངེས་པ་ཆེན་པོ་བསྟན་པ་ལས། ནོར་བུ་ཆེན་པོ་རིན་པོ་ཆེ་ལ་མཁས་པ་བསྟན་པ་ཡོངས་སུ་བསྔོ་བ་ཆེན་པོའི་རྒྱལ་པོ་ཞེས་བྱ་བ། ཁ་ཆེའི་མཁན་པོ་དྷརྨ་ཀ་ར་དང་། ལོ་ཙཱ་བ་བནྡེ་དཔལ་འབྱོར་གྱིས་
བསྒྱུར་བ་ལས། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ལོ་ཙཱ་བ་བནྡེ་དཔལ་བརྩེགས་ཀྱིས་བསྒྱུར་ཅིང་ཞུས་པ། འཕགས་པ་ཡོངས་སུ་བསྔོ་བའི་རྒྱལ་པོ་སྔགས་དང་བཅས་པ་བམ་པོ་གཉིས་པ། པཎྜི་ཏ་བིཅུ་ཀ་ར་པྲ་བྷ་དང་། ལོ་ཙཱ་བ་
ཡེ་ཤེས་སྙིང་པོ་དང་དཔལ་བརྩེགས་རཀྵི་ཏ་སོགས་ཀྱིས་བསྒྱུར་ཅིང་ཞུས་པ། གཞན་ཡང་མདོ་སྔགས་ཀྱི་བསྔོ་སྨོན་ཤིས་བརྗོད་ཀྱི་ཚིགས་བཅད་ཅི་རིགས་པས་མཐའ་བརྒྱན་པ་བཅས་བཞུགས་པ་ཡིན་ནོ། །དེ་ལྟར་གསང་སྔགས་རྒྱུད་འབུམ་གྱི་སྐོར་རྣམས་
རྫོགས་ནས། དེ་དག་ལས་གཟུངས་ཕྲན་རྣམས་འགྲོ་ཕན་གྱི་ཆེད་ཕྱོགས་གཅིག་ཏུ་བཀོལ་བ། དེང་སང་གཟུངས་འདུས་སུ་གྲགས་པ་ཚལ་པ་བཀའ་འགྱུར་གྱི་དཔེ་རྒྱུན་ལ་བྱུང་བ་བཞིན་རྒྱུད་ཀྱི་གཤམ་ཉིད་དུ་བཀོད་པ་ལ། གླེགས་བམ་ཨེ་ཝཾ་གྱི་རྟགས་
ཅན་གཉིས་བཞུགས་ཤིང་། གླེགས་བམ་ཤྲཱི་གྱི་རྟགས་ཅན་ལ་དུས་ཀྱི་འཁོར་ལོའི་རྒྱས་འགྲེལ་དྲི་མེད་འོད་ཅེས་བྱ་བ་ཤློ་ཀ་སྟོང་ཕྲག་བཅུ་གཉིས་པ་ལས་དབང་གི་ལེའུའི་རྒྱུས་འགྲེལ་རྫོགས་སོ་ཡན་བཞུགས་སོ། །གླེགས་བམ་ལ་ཎྨཱིའི་གས་ཅན་ལ་དེ་འཕྲོས་ཡེ་ཤེས་ལེའུའི་
རྒྱས་འགྲེལ་རྫོགས་སོ་ཡན་ཚང་བ་དང་། བཞུགས་བྱང་དཀར་ཆག་དང་བཅས་པ་བཞུགས་ཤིང་། རྒྱས་འགྲེལ་འདི་ཉིད་བསྟན་བཅོས་སུ་གཏོགས་ཀྱང་སྔགས་ཀྱི་ཚུལ་ཐམས་ཅད་ཀྱི་ངེས་གསང་བླ་ན་མེད་པ་དགྲོལ་བར་བྱེད་པའི་རྒྱུད་འགྲེལ་མ་ལུས་པའི་རྒྱལ་པོ་ལྟ་བུ་ཡིན་
ཞིང་། སྟོན་པ་འདི་ཉིད་ཀྱི་བཀའ་དང་མཚུངས་པར་བཀུར་སྟི་བྱ་བའི་ཕྱིར་སྔོན་གྱི་མཁས་པ་དག་གིས་བཀོད་པ་ལྟར་འདིར་ཡང་པར་དུ་ས་བསྒྲུབས་པ་ཡིན་ནོ། །དེ་ལྟར་པུསྟ་ཀ་བརྒྱ་ཕྲག་གི་ཕྲེང་བ་མངོན་པར་གསལ་བ་བསྟན་འགྲོའི་ཕན་བདེའི་རྩ་ལག་མཆོག་ཏུ་སྡེ་དགེ་ལྷུན་གྲུབ་སྟེང་གི་
ཆོས་གྲྭ་ཆེན་པོར་བཞུགས་པ་འདི་ལགས་སོ། །འདིར་སྨྲས་པ། ཉེས་བརྒྱ་བདོ་བའི་མི་བཟད་ཞུགས་ཀྱིས་གང་། །བསྟན་མཆོག་བླ་མེད་མཐོ་རིས་གནས་ཟོས་ཚེ། །རྣམ་དཔྱོད་རལ་པ་བརྐྱངས་པས་ལེགས་ལྡན་ཆོས། །གངྒའི་ལྷ་མོ་འཛིན་པའི་དབང་ཕྱུག་འདིས། །སྐྱེ་
དགུའི་ལེགས་བྱས་རྒྱ་མཚོར་འཁྱིལ་པའི་དཔུང་། །རབ་དཀར་སྙིང་སྟོབས་ས་འཛིན་མནྡ་རས། །བསྲུབས་པའི་ངོ་མཚར་ལས་སྐྱེས་ཡོངས་འདུའི་ཕྲེང་། །མངོན་པར་རྒོད་པའི་མཆོད་སྡོང་རབ་ཏུ་འབར། །ཐུབ་མཆོག་ཞལ་གྱི་ཆུ་སྐྱེས་ལས་ལྷུང་བའི། །བདུད་རྩིའི་ཟིལ་
དངར་སྲིད་ན་བར་མེད་དུ། །སྤྲོ་བ་གཏན་པ་མེད་པའི་མཆོད་སྦྱིན་མཁན། །པར་ཞེས་ཡི་གེའི་གྲགས་པ་རབ་གསལ་བྱུང་། །ཆོས་ཀྱི་གྲུ་ཆར་ཆེན་པོ་འདི་ཁུགས་པས། །ཆོས་ཀྱིས་ཕོངས་པའི་དགོན་དུང་ཉམ་ངར་ཡང་། །ཆོས་ཀྱི་མྱུ་གུ་ཅི་ཡང་འཕེལ་འགྱུར་བ། །ཆོས་ལས་
བྱུང་བའི་རིགས་པས་ངེས་པ་ཡིན། །སྔོན་མེད་སྣང་བ་རྒྱ་ཆེན་འཛུམ་པ་འདིས། །ཕྱོགས་ཀྱི་བུ་མོའི་བཞིན་རས་རབ་མཛེས་ཀྱང་། །ལུས་མེད་སྡེར་བཅས་མགོ་བོ་དུད་པ་ལ། །ངོ་ཚའི་གནས་སྐབས་ཅི་ཡང་བྱིན་པར་གྱུར། །བདེ་བར་གཤེགས་པའི་བཀའ་གངས་ཅན་གྱི་
བརྡས་དྲངས་པའི་ཕྱི་མོའི་ཚོགས་ཇི་སྙེད་པ་པར་དུ་བསྒྲུབས་པའི་ཚུལ་ལས་ཉེ་བར་བརྩམས་པའི་གཏམ་བཟང་པོ་བློ་ལྡན་མོས་པའི་ཀུནྡ་ཡོངས་སུ་ཁ་བྱེ་བའི་ཟླ་འོད་གཞོན་ནུའི་འཁྲི་ཤིང་ལས། བཞུགས་བྱང་དཀར་ཆག་དངོས་ལེགས་པར་བཤད་པའི་ཡལ་འདབ་སྟེ་བཞི་པའོ།། །།
༄༅། །པྲཱཀཱརཔུཎྱཾནབྷབདྣིཔཱུལཾསཽཀཱཪྻྻཀོཥཱམབྷིཔཱུརིཏཱཡཾ། །བྷཱབྱསྱཙ་སྱཱདྱདིརཱུཔཀཏྭཾཔུནརྡྭིཏཱིཡཱསནནོ྅ པིཙེཏཾ། །
བསོད་ནམས་ར་བ་མཁའ་ལྟར་རྒྱ་ཆེ་བ། །མངོན་པར་གཏམས་པའི་ལེགས་བྱས་བང་མཛོད་འདི། །གལ་ཏེ་གཟུགས་ཅན་ཉིད་ན་སྲིད་པ་ཡི། །གོ་ས་གཉིས་པ་གཞར་ཡང་མེད་པ་སྙམ། །
མ་ལ་ཡར་སྐྱེས་དྲི་བཞོན་གྱིས་དྲངས་པའི། །ག་བུར་རྡུལ་ཚོགས་སྟུག་པོ་གཡོ་བ་བཞིན། །འཁོར་བའི་གདུང་བ་འཇོམས་ལ་ཆས་གྱུར་པའི། །རབ་བསིལ་ཆོས་ཀྱི་ཡོན་ཏན་ཟད་པ་མེད། །ཕྱོགས་རེ་ཙམ་ཞིག་གསལ་བར་བསྟན་བྱས་ཀྱང་། །
ནང་གི་མུན་པ་ངེས་པར་མི་གནས་པས། །ཐར་པའི་ཕྱོགས་སུ་འཛེགས་པའི་ལམ་སྟེགས་ཙམ། །འགྲོ་བ་འདི་ལ་མངོན་པར་གསལ་བར་བྱེད། །ལྔ་པ་དེ་ལྟར་བཞེངས་པའི་དགོས་ཆེད་ཕན་ཡོན་བསྔོ་སྨོན་དང་བཅས་པའི་སྐོར་ལ། དང་པོ་དགོས་ཆེད་ནི།
མིའི་དབང་པོ་ཉིད་ཀྱིས་ཐུགས་ལ་བརྣགས་པའི་དགོས་པའི་གཙོ་བོ། མཐར་ཐུག་བྱང་ཆུབ་ཀྱི་ལམ་ཐམས་ཅད་ཡོངས་སུ་རྫོགས་ཏེ་རྣམ་པ་ཐམས་ཅད་མཁྱེན་པའི་གོ་འཕང་མྱུར་དུ་ཐོབ་པར་བྱ་བའི་ཕྱིར་དང་། དེ་མ་ཐོབ་ཀྱི་ཚེ་རབས་ཐམས་ཅད་དུའང་བདེ་བར་གཤེགས་
པའི་བསྟན་པ་རིན་པོ་ཆེའི་སྣོད་དུ་གྱུར་ཏེ། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་། ཐབས་དང་། སྟོབས་དང་། སྨོན་ལམ་དང་། ཡེ་ཤེས་ལ་སོགས་པ་བྱང་ཆུབ་ཀྱི་སྤྱོད་པ་རླབས་པོ་ཆེ་ལ་ཞུགས་ཏེ་
འགྲོ་བ་མཐའ་དག་སྒྲོལ་བར་བྱ་བའི་ཕྱིར་བྱང་ཆུབ་སེམས་དཔའི་རྣམ་པར་འཕྲུལ་པ་རྒྱ་མཚོས་ཞིང་སྦྱོང་བ་དང་། སེམས་ཅན་སྨིན་པ་དང་། སྨོན་ལམ་རྫོགས་པར་མཛད་པ་སོགས་སྤྱོད་པ་ཁྱད་པར་ཅན་བསྒྲུབ་པའི་ཕྱིར་ཡིན་ལ། གནས་སྐབས་ཀྱི་དགོས་པའང་། གཙོ་
བོར་བདེ་བར་གཤེགས་པའི་བསྟན་པ་འཇིག་རྟེན་གྱི་ཁམས་སྤྱི་དང་བྱེ་བྲག་ཁ་བ་ཅན་གྱི་ལྗོངས་འདིར་ཡུན་རིང་དུ་གནས་པར་བྱ་བའི་ཕྱིར་དང་། བསྟན་པའི་རྩ་ལག་བསྟན་འཛིན་གྱི་སྐྱེས་བུ་དམ་པ་རྣམས་ཞབས་པད་བསྐལ་བརྒྱར་བརྟན་པའི་སླད་དང་། ཡུལ་ཕྱོགས་ཐམས་
ཅད་དང་། ཁྱད་པར་མངའ་འོག་ཏུ་གཏོགས་པ་རྣམས་སུ་ལེགས་བྱས་ཀྱི་མཐུ་རྒྱ་ཆེན་པོ་འདིས་དཀར་ཕྱོགས་སྐྱོང་བ་རྣམས་ཀྱི་སྟོབས་ལྷག་པར་བདོ་བས་སའི་བཅུད་ཕུན་སུམ་ཚོགས་ཤིང་། དུས་དང་མཐུན་པའི་ཆར་གྱི་རྒྱུན་གེགས་མེད་དུ་བབས་པས་ལོ་ཏོག་ཕུན་སུམ་
ཚོགས་པར་སྨིན་ཞིང་། སྐྱེ་དགུ་རྣམས་ཆོས་དང་འབྱོར་པ་ཚེ་དང་དབང་ཕྱུག་དཔལ་དང་གྲགས་པ་ཐམས་ཅད་ལེགས་པར་འཕེལ་བའི་ཕྱིར་དང་། རྫོགས་ལྡན་གྱི་དུས་ལྟ་བུར་ནད་ཡམས་དང་མུ་གེ་དང་དམག་འཁྲུག་དང་། གཅིག་གིས་གཅིག་འཇོམས་ཤིང་རྐུ་བ་དང་།
སྐལ་བ་ངན་པ་དང་། བཀྲ་མི་ཤིས་པ་ལ་སོགས་པ་མིང་ཙམ་ཡང་མི་གྲགས་པའི་ཕྱིར་དང་། ཁྱད་པར་མིའི་དབང་པོ་ཉིད་ཀྱི་སྐུ་གཉེན་དུ་འབྲེལ་བ་གོང་མ་གཤེགས་པ་རྣམས་ཀྱི་དགོངས་རྫོགས་དང་། ད་ལྟ་ཞལ་བཞུགས་པ་རྣམས་ཀྱི་བར་ཆད་སེལ་ཞིང་མཐུན་པའི་རྐྱེན་
ཆོས་བཞིན་དུ་ཡོངས་སུ་རྫོགས་པའི་ཕྱིར་དང་། ཡང་སྒོས་སའི་བདག་པོ་ཉིད་ཀྱིས་ཚེ་རབས་མང་པོར་འཁོར་བའི་གནས་རྣམས་སུ་བསགས་བསགས་པའི་སྡིག་པ་དང་སྒྲིབ་པའི་ཕུང་པོ་ཐམས་ཅད་རྨང་ནས་འཇིག་པའི་ཕྱིར་དང་། ཐུགས་ལ་ཇི་ལྟར་བཞེད་པའི་དོན་ཐམས་
ཅད་ཆོས་དང་མཐུན་པར་ཡོངས་སུ་འགྲུབ་ཅིང་ཚེ་དང་བསོད་ནམས་དཔལ་འབྱོར་ཐམས་ཅད་ཡར་ཟླ་བཞིན་དུ་འཕེལ་བའི་ཕྱིར་དང་། ཆབ་སྲིད་མངའ་ཐང་གང་ལ་མཆོད་པའི་དགེ་འདུན་གྱི་སྡེ་དང་བཅས་པ་མི་ནུབ་སྲིད་མཐའི་བར་དུ་བརྟན་པའི་ཕྱིར་དང་། ཚེ་འདི་ཉིད་ལ་དམ་
པའི་ཆོས་ཀྱི་དཔལ་ཆེན་པོ་ལ་རང་དབང་དུ་ལོངས་སྤྱོད་པའི་མཐུ་ཐོབ་ནས་རྒྱལ་བ་སྲས་དང་བཅས་པས་དགོངས་ཤིང་བྱིན་གྱིས་རློབ་པ་དང་། ལུས་བོར་མ་ཐག་ཏུ་བདེ་བ་ཅན་གྱི་ཞིང་ཁམས་སུ་རྫུས་ཏེ་སྐྱེས་ནས་བྱང་ཆུབ་ཀྱི་སྤྱོད་པ་རྫོགས་པར་བྱ་བ་རྣམས་ཀྱི་སླད་དུའོ། །གཉིས་
པ་ཕན་ཡོན་ནི། སྤྱིར་མདོ་རྒྱུད་བསྟན་བཅོས་རྣམས་སུ་བཟུང་བ་དང་བཅང་བ་དང་བཀླག་པ་དང་ཡི་གེར་བྲིས་པ་སོགས་ཀྱི་སྨན་ཡོན་བསམ་གྱིས་མི་ཁྱབ་པ་ཞིག་གསུངས་པ་ནའང་། འདིར་ཉེ་བར་མཚོན་པ་ཙམ་ཞིག་དགོད་ན་གཙོ་བོར་རྒྱལ་བའི་ཡུམ་ལས་རིགས་ཀྱི་བུའམ་རིགས་
ཀྱི་བུ་མོ་གང་ཤེས་རབ་ཀྱི་ཕ་རོལ་དུ་ཕྱིན་པ་འདི་ལ་མངོན་པར་དད་དེ་རྟོག་ཅིང་མོས་ལ་སེམས་དང་བས་བྱང་ཆུབ་ཏུ་སེམས་བསྐྱེད་ནས་ལྷག་པའི་བསམ་པས་ཉན་པ་དང་འཛིན་པ་དང་འཆང་བ་དང་ཀློག་པ་དང་ཀུན་ཆུབ་པར་བྱེད་པ་དང་རབ་ཏུ་འདོན་པ་དང་སྟོན་པ་དང་ཉེ་བར་སྟོན་པ་དང་ལུང་
འབོགས་པ་དང་ཁ་ཏོན་བྱེད་པ་དང་གཞན་དག་ལའང་རྒྱ་ཆེར་ཡང་དག་པར་སྟོན་པ་དང་འདིའི་དོན་རྣམ་པར་འགྲེལ་པ་དང་། ཡིད་ཀྱི་རྗེས་སུ་རྟོག་པ་དང་། ཇི་ལྟ་བུར་གྲུབ་པའི་ཤེས་རབ་ཀྱིས་འདིར་ཡོངས་སུ་དཔྱོད་པར་བྱེད་པ་དང་། སངས་རྒྱས་ཀྱི་ཚུལ་རྒྱུན་
ཆད་པར་མ་གྱུར་ཅིག །དམ་པའི་ཆོས་ནུབ་པར་མ་གྱུར་ཅིག་ཅེས་དམ་པའི་ཆོས་ཡུན་རིང་དུ་གནས་པར་བྱ་བ་དང་། ཚུལ་དང་མ་བྲལ་བས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཕན་གདགས་པ་བསྒྲུབ་པ་བྱས་པར་འགྱུར་བར་ཆུང་ངུ་ན་གླེགས་བམ་དུ་ཆུད་པར་བྱས་
ཏེ་འཆང་ངམ་བཞག་ལ། ཤེས་རབ་ཀྱི་ཕ་རོལ་ཏུ་ཕྱིན་པ་དེ་ལ་མེ་ཏོག་དང་བདུག་པ་དང་དྲི་དང་ཕྲེང་བ་དང་བྱུག་པ་དང་ཕྱེ་མ་དང་ན་བཟའ་དང་གདུགས་དང་རྒྱལ་མཚན་དང་དྲིལ་བུ་དང་བ་དན་དག་དང་ཁོར་ཡུག་ཏུ་མར་མེའི་ཕྲེང་བ་དག་དང་མཆོད་པ་རྣམ་པ་མང་པོ་དག་གིས་མཆོད་པར་བྱེད་དེ།
བཀུར་སྟིར་བྱེད། བླ་མར་བྱེད། རྗེད་པར་བྱེད། མཆོད་པར་བྱེད། རི་མོར་བྱེད། བསྙེན་བཀུར་བྱེད་ན། ཀཽ་ཤི་ཀ་བསོད་ནམས་མངོན་པར་འདུ་བྱེད་པ་དེ་ལ་རིན་པོ་ཆེ་སྣ་བདུན་གྱི་མཆོད་རྟེན་དེ་བཞིན་གཤེགས་པའི་རིང་བསྲེལ་གྱི་སྙིང་པོ་ཅན་ལ་བཀུར་སྟིར་བྱས་
པའི་བསོད་རྣམས་མངོན་པར་འདུ་བྱས་པ་སྔ་མ་དེས་བརྒྱའི་ཆར་ཡང་ཉེ་བར་མི་འགྲོ་སྟོང་གི་ཆར་ཡང་བརྒྱ་སྟོང་གི་ཆར་ཡང་བྱེ་བའི་ཆར་ཡང་བྱེ་བ་བརྒྱའི་ཆར་ཡང་བྱེ་བ་སྟོང་གི་ཆར་ཡང་བྱེ་བ་བརྒྱ་སྟོང་གི་ཆར་ཡང་བྱེ་བ་ཁྲག་ཁྲིག་བརྒྱ་སྟོང་གི་ཆར་ཡང་ཉེ་བར་མི་འགྲོའོ། །གྲངས་སུ་
ཡང་ཉེ་བར་མི་འགྲོའོ། །ཆར་ཡང་བགྲང་བར་ཡང་དཔེར་ཡང་དཔེས་བསྟན་པར་བྱ་བར་ཡང་རྟེན་དུ་ཡང་རྒྱུར་ཡང་མི་བཟོད་དོ། །ཞེས་སོགས་རྒྱ་ཆེར་བསྟན་ཅིང་། དེའི་འགྲེལ་པར་སློབ་དཔོན་སེང་གེ་བཟང་པོས། གཙོ་བོར་ཆོས་ཀྱི་སྐུའི་དེ་བཞིན་གཤེགས་པ་ཉིད་ཤེས་
རབ་ཀྱི་ཕ་རོལ་དུ་ཕྱིན་པ་ཡིན་ནོ། །དེ་བས་ན་དེ་སྟོན་པར་བྱེད་པའི་རྒྱལ་བའི་ཡུམ་ལ་མཆོད་ན་ཐམས་ཅད་མཁྱེན་པའི་ཡེ་ཤེས་ཀྱི་ཆོས་ཀྱི་སྐུ་ལ་མཆོད་པའི་ཕྱིར་བསོད་ནམས་མང་དུ་སྐྱེ་བ་ཡིན་ནོ། །གཟུགས་བརྙན་གྱི་དེ་བཞིན་གཤེགས་པ་ལ་མཆོད་ན་ནི་ཁྱད་པར་དུ་འཕགས་
པའི་ཆོས་ཀྱི་སྡུས་མ་བསྡུས་པ་ཡིན་པའི་ཕྱིར་བསོད་ནམས་ཆེས་མང་དུ་མི་སྐྱེད་པ་ཡིན་ནོ། །བྲིས་ནས་མཆོད་ན་བསོད་ནམས་མང་དུ་བསྐྱེད་པར་བསྟན་ནས། འབྲི་བཞིན་པ་ནའང་དེ་དང་འདྲའོ་ཞེས་བསྟན་པར་བྱ་བའི་ཕྱིར། ཡང་རིགས་ཀྱི་བུའམ་ཞེས་བྱ་བ་ལ་
སོགས་པ་གསུངས་སོ། །ཞེས་དང་། དམ་པའི་ཆོས་ཡུན་རིང་དུ་གནས་པར་བྱ་བ་ནི་དེའི་རྒྱུ་མཚན་ནོ། །དེ་ཉིད་ནི་སངས་རྒྱས་ཀྱི་ཚུལ་ཞེས་བྱ་བ་ལ་སོགས་པ་གསུངས་པ་ཡིན་ཏེ། སངས་རྒྱས་རྣམས་ཀྱི་ཚུལ་ནི་གཙོ་མོ་སྟེ་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་
ཉིད་ཡིན་ལ། འདི་ནི་གླེགས་བམ་དུ་བྲིས་པ་མེད་ན་བཀླག་པ་དང་ཁ་ཏོན་ལ་སོགས་པ་མེད་པར་འགྱུར་བས། དེ་རྒྱུན་ཆད་པར་མ་གྱུར་ །དེ་བཞིན་དུ་ཡུམ་མི་བཞུགས་ཏེ་རྟོགས་པ་དང་ལུང་གིས་དམ་པའི་ཆོས་ནུབ་པར་མ་གྱུར་ཅིག་ཅེས་པའོ། །བྱང་ཆུབ་སེམས་
དཔའ་རྣམས་ཀྱིའང་ཡུམ་ཡིན་པས་གླེགས་བམ་དུ་བཞུགས་པས་ཉན་པ་ལ་སོགས་པའི་མཚན་གྱི་ཕན་གདགས་པ་བསྒྲུབ་པ་བྱས་པར་འགྱུར་ཡིན་ནོ། །ཞེས་བཤད་ཅིང་། སྡུད་པ་ཚིགས་སུ་བཅད་པ་ལས་ཀྱང་། ལ་ལས་བདེ་གཤེགས་ཡོངས་སུ་མྱ་ངན་འདས་
པ་ཡི། །མཆོད་རྟེན་རིན་ཆེན་བདུན་ལས་བྱས་ཤིང་མཆོད་བྱེད་ལ། །བདེ་བར་གཤེགས་པའི་མཆོད་རྟེན་དེ་དག་གངྒཱ་ཡི། །བྱེ་མ་སྙེད་ཀྱིས་བྱེ་བ་ཕྲག་སྟོང་ཞིང་བཀང་སྟེ། །ཡོངས་སུ་བརྟག་བཟུང་ཞིང་རྣམས་བྱེ་བ་མཐའ་ཡས་ན། །སེམས་ཅན་ཇི་སྙེད་འཁོད་
པ་དེ་དག་ཐམས་ཅད་ཀྱིས། །ལས་གཞན་མི་བྱེད་ལྷ་ཡི་མེ་ཏོག་སྤོས་རབ་དང་། །བྱུག་པས་དུས་གསུམ་བསྐལ་པའམ་དེ་བས་ལྷག་མཆོད་ལ། །གང་ཞིག་གང་ལས་རྣམ་འདྲེན་སྟོབས་བཅུ་འབྱུང་འགྱུར་བ། །བདེ་བར་གཤེགས་ཀྱི་ཡུམ་འདི་གླེགས་བམ་
ལ་བྲིས་ཏེ། །འཆང་ཞིང་མེ་ཏོག་བྱུག་པས་བསྟི་སྟང་བྱེད་གྱུར་ན། །མཆོད་རྟེན་བྱས་མཆོད་བསོད་ནམས་དེས་ནི་ཆར་མི་ཕོད། །ཅེས་དང་། ལ་ལས་གངྒཱའི་ཀླུང་གི་བྱེ་སྙེད་ཞིང་རྣམས་ན། །སེམས་ཅན་ཇི་སྙེད་འཁོད་ཀུན་དགྲ་བཅོམ་ཉིད་བཏུལ་བས། །
གང་གིས་ཤེས་རབ་ཕ་རོལ་ཕྱིན་འདི་ཡིག་བྲིས་ཏེ། །སེམས་ཅན་མཆོག་ལ་གླེགས་བྱིན་བསོད་ནམས་ཁྱད་པར་འཕགས། །ཅི་ཕྱིར་ཞེ་ན་སྨྲ་མཆོག་དེ་དག་འདིར་བསླབས་ནས། །ཆོས་རྣམས་མཐའ་དག་སྟོང་པ་ཉིད་དུ་འདིར་སྟོན་བྱེད། །དེ་ཐོས་ཉན་ཐོས་
མྱུར་དུ་རྣམ་པར་གྲོལ་ལ་རེག །རང་རྒྱལ་བྱང་ཆུབ་དང་ནི་སངས་རྒྱས་བྱང་ཆུབ་རེག །ཞེས་གསུངས་པ་དང་། འཕགས་པ་སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་པ་བསྟན་པའི་མདོ་ལས། གང་ཡང་འཛམ་བུའི་གླིང་འདི་དེ་བཞིན་གཤེགས་པའི་རིང་
བསྲེལ་གྱི་མཆོད་རྟེན་རིན་པོ་ཆེ་སྣ་བདུན་ལས་བྱས་པས་གང་བར་བྱས་ཏེ། ལྷའི་ཕྲེང་བ་དང་། བྱུག་པ་དང་། མེ་ཏོག་དང་། མར་མེ་དང་། རིན་པོ་ཆེའི་གདུགས་དང་། སིལ་སྙན་དང་། རྒྱལ་མཚན་དང་། བ་དན་རྣམས་ཀྱིས་ལོ་འབུམ་དུ་བཀུར་སྟི་བྱས་ཏེ་རྗེད་ཅིང་མཆོད་
པ་བས། གང་ཆོས་ཀྱི་རྣམ་གྲངས་འདི་འཆང་བ་དང་། ཀློག་པ་དང་། མཆོད་པ་དང་། འདྲི་བ་དང་། འདྲིར་འཇུག་པ་དང་། གཞན་དག་ལ་ཡང་དག་པར་རབ་ཏུ་བསྟན་ན་དེ་བས་འདི་ཆེས་བསོད་ནམས་མང་དུ་འཕེལ་ལོ། །རིགས་ཀྱི་བུ་གང་ལ་ལ་ཞིག་གིས་འཛམ་
བུའི་གླིང་གི་སེམས་ཅན་དེ་དག་འཕགས་པའི་ལམ་ཡན་ལག་བརྒྱད་པ་ལ་འཇོག་ཅིང་། བཞག་ནས་ཀྱང་ལྷའི་ལོ་སྟོང་དུ་ཡོ་བྱད་ཐམས་ཅད་ཀྱིས་མི་བྲེལ་བར་རྗེད་ཅིང་མཆོད་པ་བས། གང་གིས་ཆོས་ཀྱི་རྣམ་གྲངས་འདི་ལས་ཚིག་བཞི་བའི་ཚིགས་སུ་བཅད་པ་ཙམ་ཡང་ཉན་
པ་དང་། འཆང་བ་དང་། འདྲི་བ་དང་། འདྲིར་བཅུག་པ་དང་། གཞན་ལ་རྒྱས་པར་བྱེད་ན་དེ་བས་འདི་ཆེས་བསོད་ནམས་མང་དུ་འཕེལ་ལོ། །ཞེས་གསུངས་པ་དང་། བྱང་ཆུབ་སེམས་དཔའི་སྤྱོད་པ་བསྟན་