Kinh tạng Tây Tạng (Kangyur Đại Học) — 101_གཟུངས་འདུས།_ཝཾ

ོ་རཏྣ་ཏྲ་ཡཱ་ཡ། ན་མ་ཤྩཎྜ་བཛྲ་པཱ་ཎ་ཡེ། མ་ཧཱ་
ཡཀྵ་སེ་ནཱ་པ་ཏ་ཡེ། ཏདྱ་ཐཱ། ཨོྃ་ཧཱ་ར་ཧ་ར་བཛྲ། མ་ཐ་མ་ཐ་བཛྲ། དྷུ་ན་དྷུ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། དྷ་ར་དྷ་ར་བཛྲ། དཱ་ར་ཡ་དཱ་ར་ཡ་བཛྲ། དཱ་རུ་ཎ་དཱ་རུ་ཎ་བཛྲ། ཙྪིནྡ་ཙྪིནྡ་བཛྲ། བྷིནྡ་བྷིནྡ་བཛྲ་ཧཱུྃ་ཕཊ། ན་མ་ཤྩཎྜ་བཛྲ་ཀྲོ་དྷཱ་ཡ། ཧུ་ལུ་ཧུ་ལུ། ཏིཥྛ་ཏིཥྛ།
བན་དྷ་བན་དྷ། ཧ་ན་ཧ་ན། ཨ་མྲྀ་ཏེ་ཧཱུྃ་ཕཊ། བྲམ་ཟེའི་ཁྱེའུ་གང་ལ་ལ་ཞིག་གིས་བདེ་གཤེགས་བདུད་རྩི་འཁྱིལ་པའི་ཆ་བཟུང་སྟེ། ཁྲོ་བོ་ཐམས་ཅད་ཀྱི་རྡོ་རྗེའི་ཚིག་འདི་རབ་ཏུ་སྨྲ་ཞིང་། བ་སྤུའི་བུ་ག་ཐམས་ཅད་ནས་རྡོ་རྗེ་ཕྲ་མོ་གྲངས་མེད་པ་སྤྲུལ་ཏེ་ཕྱོགས་བཅུར་སྤྲོས་ན།
སེམས་ཅན་ཐམས་ཅད་ཀྱི་བག་ཆགས་ངན་པ་བྱང་། ཚེ་དང་བསོད་ནམས་རབ་ཏུ་རྒྱས་ཏེ། དགྲ་དང་། དུག་དང་། དུས་མ་ཡིན་པར་འཆི་བ་ལས་རྣམ་པར་ཐར་ནས། གང་ཞིག་གིས་དམིགས་པའི་རྒོལ་བ་ངན་པ་ལ་རྩི་མ་གི་ཏ་སྤྲིན་གྱིས་བཤིག་པའམ། སྐྱུ་རུ་ར་རློན་པ་གསེར་

གྱིས་གཞིབས་པ་བཞིན་དུ་དམིགས་ཏེ། རྡོ་རྗེའི་ཚིག་འདི་སྨྲ་ཞིང་། རྡོ་རྗེ་ཕྲ་མོ་སྤྲོས་པས་དེ་དག་གི་ཕུང་པོ་ལྔ་དབང་པོ་ལྔ་མྱུར་དུ་བརླག་པར་འགྱུར་རོ། །ལྷས་སྨྲས་ན་ལྷའི་ཟླ་བ་གཅིག་གམ། ལོ་ལྔ་ན་ལྷ་མ་ཡིན་མགོ་འགས་པར་འགྱུར་རོ། །དགེ་སློང་གིས་སྨྲས་ན་བདུད་ཀྱི་
མཚོན་ཆ་རྣམས་མྱུར་དུ་བཏུལ་བར་འགྱུར་རོ། །མིས་བརྗོད་ན་གང་ལ་དམིགས་པ་དེ་མིའི་ཟླ་བ་གཅིག་གམ། མིའི་ལོ་ལྔ་ན་ངེས་པར་བརླག་པར་འགྱུར་རོ། །བཅོམ་ལྡན་འདས་ཀྱིས་ལག་ན་རྡོ་རྗེ་དང་། བྲམ་ཟེའི་ཁྱེའུ་ལ་ལེགས་སོ་ཞེས་བྱ་བ་བྱིན་ནས་མི་སྣང་བར་གྱུར་ཏོ། །དེ་ནས་
བྲམ་ཟེའི་ཁྱེའུ་དེས་ཚངས་པའི་སྐད་ཕྱུང་སྟེ། རྡོ་རྗེའི་ཚིག་འདི་ལྷ་གནས་གསུམ་པོར་བསྒྲགས་སོ། །རྡོ་རྗེ་ཕྲ་མོ་ཐོགས་པ་མེད་པ་ཞེས་བྱ་བའི་གཟུངས་རྫོགས་སྷོ།། ༄༅། །རྒྱ་གར་སྐད་དུ། ཨཱརྱ་བཛྲ་བྷཻ་ར་བ་དྷཱ་ར་ཎཱི་ནཱ་མ། བོད་
སྐད་དུ། འཕགས་པ་རྡོ་རྗེ་འཇིགས་བྱེད་ཀྱི་གཟུངས་ཞེས་བྱ་བ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །རྒྱལ་བ་སྲས་དང་བཅས་པ། དྲི་མ་མེད་པ། དྲི་མ་སེལ་བ། མཐའ་ཡས་པ། མུ་ཐུག་པ་མེད་པ། དམ་པ་སྦྱིན་པ། ཤིན་ཏུ་
རྒྱ་ཆེ་བ། ཐམས་ཅད་བདག་ལ་མཐུན་པར་རྟག་ཏུ་མཐའ་ཡས་པའི་དམ་པའི་མཆོག་སྩོལ་བར་གྱུར་ཅིག །དེ་ལ་ངའི་རྡོ་རྗེའི་ཚིག་ནི་འདི་དག་གོ། །ཨ་ར་ར། ཨ་ས་མ། ས་མ་ཏཱ། ཨ་ནནྟ་དྷརྨ་ཏྲེ། ཁ་ཎཱ་ཁ་ཎཱ། མ་ཧཱ་བི་རེ། ཙ་ལེས་མ་མ། ཨཱ་ས་ཧཱ། མ་ཧཱ་བ་ལེ། ཀ་ཎ་ཀ་ཎ།
མ་ཧཱ་བ་ལ་ཨཱ་གྲི་ཧེ། ཧ་ཧ་བཛྲ་བཛྲཱ་ཧཱ་ཡེ། དྷ་ར་དྷ་ར། ཧཱུྃ་ཧཱུྃ་མཎྜ་ལ། ས་མ་པ་ར་ཨ་ཀྲ་བི་ཀྲ་མེ། ཀུ་རུ་ཀུ་རུ། ཏུ་རུ་ཏུ་རུ་སརྦྃ་ཐཱ། སརྦ་ཧི། ཛྭ་ལ་ཛྭ་ལ། ཨ་ཀྲི་ནི་ཕཊ་སྭཱ་ཧཱ། རིག་སྔགས་དང་གསང་སྔགས་ཐམས་ཅད་ཀྱི་སྙིང་པོ་འདི་དེ་བཞིན་གཤེགས་པའི་སྤྱན་སྔར་ལན་སྟོང་
བཟླས་བརྗོད་བྱས་ན། རིག་སྔགས་དང་། གསང་སྔགས་ཐམས་ཅད་ལན་འབུམ་བཟླས་བརྗོད་བྱས་པར་འགྱུར་རོ། །ལས་གཞན་ཐམས་ཅད་ཀྱང་དོན་ཡོད་ཅིང་ཐོགས་པ་མེད་པར་བྱེད་དེ། དམ་ཚིག་གསུམ་པའི་ཆོ་ག་ལས་འབྱུང་བའི་རིག་སྔགས་དང་། གསང་སྔགས་དང་། སྙིང་

པོ་དང་། གཟུངས་ཐམས་ཅད་ཀྱི་ནང་ན་ལས་ཐམས་ཅད་བྱེད་པ་ཡིན་ནོ། །དེ་ནས་ཆོ་ག་མི་བཟད་པ། རྡོ་རྗེ་གཏམས་པ་འདྲ་བ་ནི། །ཀླུ་དང་ལྷ་མིན་སྲིན་བཅས་པའི། །སུམ་ཅུ་གསུམ་ལྷས་མི་ཤིགས་པ། །དེ་ཁྲོས་པས་ནི་ལྷས་མཆོད་པའི། །བརྒྱ་བྱིན་
ཉིད་ཀྱང་འདར་བར་འགྱུར། །འབྱུང་པོ་ཀུན་གྱིས་མ་སྨད་པ། །དེ་ནི་སྲུང་བར་བྱེད་པའི་མཆོག །ཇི་ལྟར་ལྷར་བཅས་འཇིག་རྟེན་ན། །སངས་རྒྱས་འདྲ་བའི་སྟོན་པ་མེད། །བདེན་པའི་ཚིག་ནི་དེ་ཡིས་ནི། །སྐྱེ་བོ་ཀུན་ལ་བསྲུང་གྱུར་ཅིག །ཏདྱ་ཐཱ། ཨོྃ་བཛྲ་པྲཱ་ཀ་ར། བཛྲ་
པྲཱ་ཀ་ར། བཛྲ་དྃ་ཥྚཱ། བྷ་ལཱ་བ་ཧཱ། ཙུ་རུ་ཙུ་རུ། པ་རི་ཙུ་མ་བི་ཀེ། ཙུ་ལུ་ཏེ་ལེ། ན་མོ་རཏྣ་ཏྲ་ཡཱ་ཡ། ན་མོ་བཛྲ་བྷཻ་ར་བ་སྱ། མ་ཧཱ་ག་ན་པ་ཏི་སྱ། བཛྲ་ཤཀྟི། པརྴུ། པཱ་ཤ། ཧ་སྟཱ་ཡ། བཛྲ་ཀ་ན་ཀ། བཛྲ་བཻ་ཌཱུ་རྱ། ཨ་ལང་ཀྲྀ་ཏ། ཤ་རཱི་རཱ་ཡ། བཛྲ་པཱ་ཎི་ར་ནུ་
པཱ་ལཱ་ཡ། ཏདྱ་ཐཱ། བྷུ་རུ་བྷུ་རུ། ཨཱ་ན་ཡཱ། ཨཱ་ན་ཡཱ། མ་ཧཱ་ག་ནཱ་པ་ཏི་ལ་གྷུ་ལ་གྷུ། ཨེ་ཧི་ཨེ་ཧི། ཨཱ་ཀྲ་མ་ཨཱ་ཀྲ་མ། ཤ་རཱི་རྃ། གྲྀ་ཧཱི་ཏྃ། གྲྀ་ཧཱི་ཏྃ། དྲྀཥྚྃ། དྲྀཥྚྃ་བཱ། ཨ་ཏྲ་བི་ཤ་ཏུ་ཤ་རཱི་རྃ། ཀིཉྩ་རཱ་ཡ་སི། བིདྷུ་ན། བདྷ་ན། པ་ཊ་པ་ཊ། ཀམ་པ་ཀམ་པ།
རང་ག་རང་ག །མོ་ད་མོ་ད། དྷ་མ་དྷ་མ། བི་ཛྲྀ་མྦྷ་བི་ཛྲྀ་མྦྷ། པཱུ་ར་པཱུ་ར། གྷུརྞ་གྷུརྞ། ཨཱ་བི་ཤ་ཨཱ་བི་ཤ། ཤཱི་གྷྲ་ཤཱིགྷྲ། མ་ཧཱ་བཛྲ་བྷཻ་ར་བོ། ག་ན་པ་ཏི་རཱ་ཛྙཱེ་པ་ཡ་ཏི་སྭཱ་ཧཱ། ཆོ་ག་ལ་དགྲ་ཐམས་ཅད་རེངས་པར་བྱ་བ་དང་། བྱད་སྟེམས་ཐམས་ཅད་གཅད་པ་ལ་ནི་བའི་ལྕི་
བ་ལ་དཀྱིལ་འཁོར་གྲུ་བཞི་པ་བྱས་ལ། སེམས་ཁྲོས་པས་མཚོན་ཆ་ལ་ལན་བདུན་བཟླས་བརྗོད་བྱས་ཏེ། ས་ལ་བཙུགས་ན་དེ་མ་ཐག་ཏུ་བྱད་སྟེམས་ཐམས་ཅད་འཆད་པར་འགྱུར་རོ། །ཕ་རོལ་གྱི་དམག་ཚོགས་བཟློག་པར་འདོད་པས་ནི་དབྱུག་པ་ལ་ལན་བདུན་བཟླས་བརྗོད་བྱས་
ཏེ། དེ་ཕྱོགས་སུ་འཕངས་ན་དགྲ་ཐམས་ཅད་མྱོས་པར་འགྱུར་རོ། །ཀླུ་དབང་དུ་བྱ་བར་འདོད་ན་ཁྲོས་ཏེ་རྡོ་རྗེ་ལ་ལན་བདུན་བཟླས་བརྗོད་བྱས་ཏེ་བསྣུན་ན་གླུ་རྣམས་དབང་དུ་འགྱུར་རོ། །སེར་བ་ཟློག་པར་འདོད་པས་ནི་རྡོ་རྗེ་ཧ་ཅང་མི་དྲག་པར་བསྐོར་ཞིང་། སྒྲ་ཡང་ཧ་ཅང་གསང་མི་མཐོ་

བར་བརྗོད་ན་ཀླུ་རྣམས་སེར་བ་མི་འབེབས་པར་འགྱུར་རོ། །ཆང་བསྲུང་བར་འདོད་པས་ནི་ཆང་གི་རྫས་རྣམས་ཡུངས་ཀར་ལ་ལན་བདུན་བསྔགས་ན་ཐུབ་པར་འགྱུར་རོ། །ནད་ཞི་བར་འདོད་པ་ལ་ནི་ནད་དང་མཐུན་པའི་སྨན་ནམ་ཆུ་ལ་ལན་བདུན་བསྔགས་ཏེ་འཐུངས་སམ་བྱུགས་ན་ནད་
ལས་གྲོལ་བར་འགྱུར་རོ། །ལས་གང་བྱེད་པ་ཐམས་ཅད་ལའང་ལན་བདུན་བཟླས་བརྗོད་བྱས་ན་བསམས་པ་དེ་གྲུབ་པར་འགྱུར་རོ། །འཕགས་པ་རྡོ་རྗེ་འཇིགས་བྱེད་ཀྱི་གཟུངས་ཞེས་བྱ་བ་མ་རུངས་པ་ཕྱིར་བཟློག་པ་རྫོགས་སྷོ།། །།འཕགས་པས་གསུངས་པའི་
གཟུངས་རྣམས་རྣམ་མང་ཡང་། །རྡོ་རྗེ་འཇིགས་བྱེད་ཞལ་ནས་གསུངས་པའི་གཟུངས། །བསྲུང་བྱའི་ལས་བདུན་ལྡན་པའི་གཟུངས་མཆོག་འདི། །ཀུན་གྱི་ཐུན་མོང་མ་ཡིན་རྣལ་འབྱོར་དམ་པའི་གཟུངས། །རྣལ་འབྱོར་གྱི་དབང་ཕྱུག་ཆེན་པོ་དོན་ཡོད་རྡོ་རྗེའི་ཞལ་སྔ་ནས་བསྒྱུར་
ནས། བོད་ཀྱི་བནྡེ་སྐྱོ་འོད་འབྱུང་ལ་གནང་ངོ་།། ༄༅། །རྒྱ་གར་སྐད་དུ། ཨཱརྱ་ཀུཎྜ་ལྱ་མྲྀ་ཏ་ཧྲྀ་ད་ཡ་ཙ་ཏུ་རྠ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་བདུད་རྩི་ཐབ་སྦྱོར་གྱི་སྙིང་པོ་བཞི་པ་ཞེས་བྱ་བའི་གཟུངས། དཀོན་
མཆོག་གསུམ་ལ་ཕྱག་འཚལ་ལོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་དྲག་པོ་ལ་ཕྱག་འཚལ་ལོ། །དེ་ནས་ཁྲོ་བོ་ཆེན་པོ་བདུད་རྩི་ཐབ་སྦྱོར་གྱིས་འཁོར་འདུས་པ་ཐམས་ཅད་ལ་གླང་པོ་ཆེའི་ལྟ་སྟངས་ཀྱིས་བལྟས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
ལྡན་འདས་འདིའི་སེམས་ཅན་རྣམས་ནི་བསོད་ནམས་དམན་པ་དང་། ཚུལ་ལ་མི་གནས་པ་དང་། ཕ་མ་ལ་མ་གུས་པ་དང་། བསོད་ནམས་ཆུང་བ་དང་། དད་པ་མ་མཆིས་པ་དང་། གླགས་ཚོལ་བ་དང་། རྟག་ཏུ་ཟང་ཟིང་ལ་བརྐམ་པ་དང་། རྟག་ཏུ་ལོག་འདྲེན་དང་། འཚེ་བ་
ཅན་དང་། ཤ་ཟ་རྣམས་ཀྱིས་ཟིན་པ་ལགས་ཏེ། བགེགས་དང་ལོག་འདྲེན་དེ་དག་གཞིག་པ་དང་། མཐར་གཏུགས་པའི་སླད་དུ་གསང་སྔགས་བཤད་པར་འཚལ་ལོ། །དེ་ནས་བཅོམ་ལྡན་འདས་ཀྱིས་རྡོ་རྗེ་ཁྲོ་བོ་ལ་འདི་སྐད་ཅེས་བཀའ་སྩལ་ཏོ། །བདུད་རྩི་ཐབ་སྦྱོར་གང་ཁྱོད་

སེམས་ཅན་ཐམས་ཅད་ལ་ཕན་པའི་ཕྱིར་ཞུས་པ་ནི་ལེགས་སོ་ལེགས་སོ། །ཁྱོད་ལ་དེ་བཞིན་གཤེགས་པས་གནང་གིས་སེམས་ཅན་ཐམས་ཅད་ཀྱི་དོན་གྱི་ཕྱིར་གསང་སྔགས་ཤོད་ཅིག །དེ་ནས་ཁྲོ་བོ་བདུད་རྩི་ཐབ་སྦྱོར་གྱིས། བཅོམ་
ལྡན་འདས་དང་། ལག་ན་རྡོ་རྗེའི་ཞབས་ལ་གཏུགས་ནས་གསང་སྔགས་བཤད་པ། ན་མོ་རཏྣ་ཏྲ་ཡཱ་ཡ། ནམ་ཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མོ་བཛྲ་ཀྲོ་དྷཱ་ཡ། པྲ་ཛྭ་ལི་ཏ་དཱི་པྟ། དཾ་ཥྚོཏྐ་ཊ། བྷ་ཡ་བྷཻ་ར་བཱ་ཡ། ཨ་
སི་མུ་ས་ལ། བཛྲ་པ་ར་ཤུ་པཱ་ཤ་ཧ་སྟཱ་ཡ། ཏདྱ་ཐཱ། ཨོྃ་ཧུ་ལུ་ཧུ་ལུ། ཨ་མྲྀ་ཏ་ཀུཎྜ་ལི་ནི། ཁ་ཁ་ཁ་ཁ། ཁ་ན་ཁ་ན། ཁཱ་ད་ཁཱ་ད། ཁཱ་ཧི་ཁཱ་ཧི། ཁཱ་ཧི་ཁཱ་ཧི། ཏིཥྛ་ཏིཥྛ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གྲྀཧྣ་
གྲྀཧྣ། བནྡྷ་བནྡྷ། གརྫ་གརྫ། ཏརྫ་ཏརྫ། བི་སྔོ་ཊ་ཡ། བི་སྔོ་ཊ་ཡ། བྷ་ག་བཱ་ན། ཨ་མྲྀ་ཏ་ཀུཎྜ་ལི། མཱུརྡྷཱ་ན་ཏཱ་ཌ་ཡ་བཛྲེ་ཎི། སརྦ་བིགྷྣཱན་པི་ན་ཡ་ཀཱ་ན། ནི་བཱ་ར་ཡ། མ་ཧཱ་ག་ན་པ་ཏི་ཛཱ་བི་ཏཱནྟ། ཀཱ་རཱ་ཡ་ཧཱུྃ་ཕཊ་ཕཊ་ཕཊ།
ཨོྃ་ཀྲོ་དྷ་ག་ན་པ་ཏ་ཡེ་སྭཱ་ཧཱ། བདུད་རྩི་ཐབ་སྦྱོར་གྱི་སྔགས་དང་པོའོ། །ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མོ་མ་ཧཱ་བཛྲ་ཀྲོ་དྷཱ་ཡ་དཾཥྚྲོཏྐཊ། བྷཻ་ར་བཱ་ཡ། ཨ་སི་བཥྚ་ན་ཧ་སྟཱ་ཡ། ཧེ་ཧེ། པ་
ཏ་པ་ཏ། དྷ་བ་དྷ་བ། ཁ་ཁ། ཁཱ་ཧི་ཁཱ་ཧི། ཨ་མྲྀ་ཏ་ཀུཎྜ་ལི། ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན། གརྫ་གརྫ། གན་པ་ཏི་ཛཱི་བི་ཏཱ་ནྟ་ཀ་རཱ་ཡ་སྭཱ་ཧཱ། གསང་སྔགས་གཉིས་པའོ། །ན་མོ་རཏྣ་ཏྲ་ཡཱ་ཡ། ནམཤྩཎྜ་བཛྲ་པཱ་ཎ་
ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མོ་བཛྲ་ཀྲོ་དྷཱ་ཡ། བི་མ་ལ་ཀ་ན་ཀ་ཛྭ་ལ་བྷཱུ་ཥ་ཎཱ་ཡ། ག་ག་ན་ཨ་མྲྀ་ཏསྃ་བྷ་བཱ་ཡ། རཀྟ་མཱ་ལྱ། ཨ་ནུ་ལི་པ་ན་པྲི་ཡཱ་ཡ། བཛྲ་པཱ་ཎི་པྲི་ཡཱ་ཡ། བཛྲ་པཱ་ཎི་ཏུ་ལྱ། བེ་གཱ་ཡ། དེབ། ནཱ་ག །ཡཀྵ།

རཱཀྵ། ས་པྲ་མ་ཐ་ནཱ་ཡ། ཏྲཻ་ལོ་ཀྱ་གོ་ཙ་རཱ་ཡ། ཤ་ཏ་སཻ་ནྱ། བི་དྲ་བ་ན་ཀ་རཱ་ཡ། ཏྲི་རཏྣ་གརྦྷོཏྟ་མཱ་ཡ། ཨ་མྲྀ་ཏ་ཀུཎྜ་ལི། ཨོ་ཧྱེ་ཧཾ་དྃཥྚོཏྐ་ཊ་བྷཻ་ར་བཱ་ཡ་ག་ག་ན་བི་དྱུད་ཛྭ་ལ་སྤུ་ལྃ་གཱ་ཤ་ནི། ཏུ་ལྱེ་རུ་བོ་དྷི་ཏ། སྃ་བྷུ་ཏ། ཨོྃ་
ཁ་ཁ་ཁ་ཁ། གྲྀཧྣ་གྲྀཧྣ། བནྡྷ་བནྡྷ། ཧ་ན་ཧ་ན། གརྫ་གརྫ། བི་སྥོ་ཊ་ཡ། དྷ་ཀ་དྷ་ཀ །ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ། གྲ་ས་གྲ་ས། སརྦ་བིགྷྣན་བི་ནཱ་ཡ་ཀ་ནཱ་ནཱྃ། ཧྲྀ་ད་ཡཾ་ཕཊ། གནྡྷརྦ་ཧྲྀ་ད་ཡཾ་ཕཊ།
ར་ཀྵ་ཧྲྀ་ད་ཡཾ་ཕཊ། བྲཧྨ་རཀྵ་ས་ཧྲྀ་ད་ཡཾ་ཕཊ། སརྦ་ཛྭ་ར་ཧྲྀ་ད་ཡཾ་ཕཊ། སརྦ་ཙཱ་ཏུརྠ་ཀ་ཧྲྀ་ད་ཡཾ་ཕཊ། སརྦ་ནཱ་གཱ་ནཱན་ཧྲྀ་ད་ཡཾ་ཕཊ། ཧུྃ་ཧུྃ་ཕཊ། ད་ཧ་ད་ཧ། པ་ཙ་པ་ཙ། ཨཱ་བི་ཤ་ཨཱ་བི་ཤ །ཨ་དིཉྩ་མེ་ཀཱརྱྃ་ཀུ་རུ་བཛྲ་དྷ་ར་ཨཱ་ཛྷཱ་པ་ཡ་ཏི་
སྭཱ་ཧཱ། གསང་སྔགས་གསུམ་པའོ། །ན་མོ་བཛྲ་ཀྲོ་དྷ་ཡ། དྃཥྚོཏྐ་ཊ། བྷཻ་ར་བཱ་ཡ། ཏདྱ་ཐཱ། ཧུ་ལུ་ཧུ་ལུ། ཁ་ཁ། ཁཱ་ཧི་ཁཱ་ཧི། ཏིཥྛ་ཏིཥྛ། བནྡྷ་བནྡྷ་སྭཱ་ཧཱ། ཁྲོ་བོ་བདུད་རྩི་ཐབ་སྦྱོར་གྱི་གསང་སྔགས་བཞི་པའོ། །དེ་ནས་
འདི་དག་གི་སྙིང་པོ་དོན་ཡོད་པ་གང་བཏོན་པ་དང་། བཟླས་བརྗོད་བྱས་ཤིང་བསྒྲུབས་ན། བདག་གི་གསང་སྔགས་ཐམས་ཅད་བཏོན་ཅིང་ལེགས་པར་བཟླས་བརྗོད་བགྱིས་པ་དང་། བསྒྲུབས་པར་འགྱུར་བ་དེ་བཤད་པར་འཚལ་ལོ། །དེ་ལ་འདི་ནི་བདག་
གི་སྙིང་པོ་ལགས་སོ། །ཨོྃ་ཨ་མྲྀ་ཏེ་ཧཱུྃ་ཕཊ། བདུད་རྩི་ཐབ་སྦྱོར་གྱི་སྙིང་པོའོ། །རྡོ་རྗེ་ཁྲོ་བོ་བདུད་རྩི་ཐབ་སྦྱོར་གྱིས་གསང་སྔགས་རྣམས་བཤད་མ་ཐག་ཏུ་ས་ཆེན་པོ་འདི་ནི་རྣམ་པ་དྲུག་ཏུ་གཡོས་སོ། །ལོག་འདྲེན་རྣམས་ཀྱང་སྐྲག་སྟེ། སྐྱབས་
མེད་ཅིང་རྟེན་མེད་པར་གྱུར་ནས། དེ་བཞིན་གཤེགས་པའི་ཐད་དུ་སོང་སྟེ། བཅོམ་ལྡན་འདས་བདག་གི་སྐྱབས་མཛད་དུ་གསོལ། བདེ་བར་གཤེགས་པ་བདག་ཅག་གི་སྐྱབས་མཛད་དུ་གསོལ་ཞེས་དེ་སྐད་དུ་སྨྲ་ཞིང་མགོ་བོ་ཐུར་དུ་གཏུགས་སོ། །ཀྱེ་ཀྱེ་

ལོག་འདྲེན་མ་རུངས་པ་རྣམས་ལོངས་ལ་ངའི་ངག་ཉོན་ཅིག །རྡོ་རྗེ་ཀུན་དུ་འབར་ཞིང་རབ་ཏུ་འབར་ལ་ཀུན་དུ་རབ་ཏུ་འབར་བས་ཁྱོད་ཀྱི་མགོ་གཤགས་ས་རེ། ངས་རལ་པ་སེར་པོ་ཅན་རྣམས་ཀྱི་གསང་སྔགས་ཀྱིས་ལྷའི་ལོ་སྟོང་གི་བར་དུ་
ལོག་འདྲེན་རྣམས་བཅོམ་པ་དང་། གཏུབས་པ་དང་། བརྡུངས་པ་དང་། གཟིར་བ་དང་། སྐམས་པ་གང་ཡིན་པ་དེ་དྲན་པར་གྱིས་ཤིག །ངའི་མཐུ་དང་། བརྩོན་འགྲུས་དང་། ཕ་རོལ་གནོན་པ་ཆེན་པོ་དྲན་པར་གྱིས་ཤིག །གང་འདི་གསང་
སྔགས་འཛིན་ཅིང་འདོན་པ་དང་། བསྒྲུབ་པ་དང་། དེས་སྲུང་བ་བྱེད་པ་དེ་ལ་གླགས་མ་ཚོལ་ཅིག །ཏིལ་སྤྲུས་པའམ། ཟས་ངན་པ་ཟ་ཡང་རུང་། གྲོང་གི་ཆོས་སྤྱོད་ཀྱང་རུང་སྟེ། རིག་པ་ཐམས་ཅད་སྒྲུབ་པ་ལ་གླགས་མ་ཚོལ་ཅིག །ཟན་ཟ་བའི་ཚེ་ཡང་
ཁམ་དང་པོ་སྔགས་ཀྱིས་བཏབ་སྟེ་དབུལ་བར་བྱའོ། །ཉི་མ་འཆར་བའི་ཚེ་ལན་བདུན་བརྗོད་ན་དེའི་ཕྱི་བཞིན་རྟག་ཏུ་འབྲང་ངོ་། །ལོག་འདྲེན་རྣམས་ཀྱང་གླགས་མི་ཚོལ་ལོ། །ཏིལ་དང་། སྲན་ཆུང་དང་། འབྲས་དང་། པེན་ཙེ་ཡང་རུང་། སྣུམ་
མཁུར་བར་པ་ཏ་དང་། ལ་ཕུག་ཀྱང་རུང་སྟེ། ཐམས་ཅད་ཀྱང་ཟར་ཟིན་ཀྱང་ངའི་གསང་སྔགས་འཛིན་ན་དེ་ཐམས་ཅད་འགྲུབ་པར་འགྱུར་རོ། །གཞན་ཡང་ཡོན་ཏན་དཔག་ཏུ་མེད་པར་ཤེས་པར་བྱའོ། །འཕགས་པ་བདུད་རྩི་ཐབ་སྦྱོར་གྱི་སྙིང་པོ་
རྫོགས་སྷོ།། ༄༅། །རྒྱ་གར་སྐད་དུ། ཨཱརྱ་མ་ཧཱ་ད་ཎྜ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་བེ་ཅོན་ཆེན་པོ་ཞེས་བྱ་བའི་གཟུངས། སངས་
རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། བྱ་རྒོད་ཀྱི་ཕུང་པོའི་རི་ལ། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་

ཅིག་ཏུ་བཞུགས་ཏེ། དེའི་ཚེ་ན་ཚེ་དང་ལྡན་པ་སྒྲ་གཅན་ཟིན་རྒྱལ་པོའི་ཁབ་ཀྱི་དུར་ཁྲོད་ཆེན་པོ་བསིལ་བའི་གནས་ན། བུད་ཤིང་ཆེན་པོ་ལྟ་བུའི་ཕྱོགས་ན་འདུག་གོ། །དེར་འདི་ལྟ་སྟེ། ལྷའི་གདོན་རྣམས་དང་། ལྷ་མ་ཡིན་གྱི་གདོན་རྣམས་དང་། ཀླུའི་
གདོན་རྣམས་དང་། གནོད་སྦྱིན་གྱི་གདོན་རྣམས་དང་། སྲིན་པོའི་གདོན་རྣམས་དང་། མིའམ་ཅིའི་གདོན་རྣམས་དང་། ལྟོ་འཕྱེ་ཆེན་པོའི་གདོན་རྣམས་དང་། དྲི་ཟའི་གདོན་རྣམས་དང་། མིའི་གདོན་རྣམས་དང་། རླུང་ལྷའི་གདོན་
རྣམས་དང་། ཡི་དགས་ཀྱི་གདོན་རྣམས་དང་། འབྱུང་པོའི་གདོན་རྣམས་དང་། ཤ་ཟའི་གདོན་རྣམས་དང་། གྲུལ་བུམ་གྱི་གདོན་རྣམས་དང་། གཟིག་རྣམས་དང་། བྱ་རོག་རྣམས་དང་། འུག་པ་རྣམས་དང་། གྲོག་སྦུར་
རྣམས་དང་། སྡིག་སྦྲུལ་རྣམས་དང་། གཞན་ཡང་མི་དང་། མི་མ་ཡིན་པའི་སེམས་ཅན་རྣམས་ཀྱིས། ཚེ་དང་ལྡན་པ་སྒྲ་གཅན་ཟིན་ལ་ཤིན་ཏུ་གས་སོ། །དེ་ནས་ཚེ་དང་ལྡན་པ་སྒྲ་གཅན་ཟིན་བྱ་རྒོད་ཕུང་པོའི་རི་ག་ལ་བ་དང་། བཅོམ་ལྡན་
འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་སྤྱན་སྔར་ངུས་ཏེ་མཆི་མ་བླགས་སོ། །དེ་ནས་བཅོམ་ལྡན་འདས་ཀྱིས་
ཚེ་དང་ལྡན་པ་སྒྲ་གཅན་ཟིན་ལ་བཀའ་སྩལ་པ། སྒྲ་གཅན་ཟིན་ཁྱོད་ཅིའི་ཕྱིར་ངའི་མདུན་ན་འདུག་ནས་མཆི་མ་གློག །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་སྒྲ་གཅན་ཟིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་
བདག་རྒྱལ་པོའི་ཁབ་ཀྱི་དུར་ཁྲོད་ཆེན་པོ་བསིལ་བའི་གནས་ན། བུད་ཤིང་ཆེན་པོ་ལྟ་བུའི་ཕྱོགས་ན་མཆིས་མཆིས་ན། དེར་ལྷའི་གདོན་རྣམས་དང་། ལྷ་མ་ཡིན་གྱི་གདོན་རྣམས་དང་། ཀླུའི་གདོན་རྣམས་དང་། གནོད་སྦྱིན་གྱི་གདོན་རྣམས་དང་།

སྲིན་པོའི་གདོན་རྣམས་དང་། མིའམ་ཅིའི་གདོན་རྣམས་དང་། དྲི་ཟའི་གདོན་རྣམས་དང་། ལྟོ་འཕྱེ་ཆེན་པོའི་གདོན་རྣམས་དང་། མིའི་གདོན་རྣམས་དང་། རླུང་ལྷའི་གདོན་རྣམས་དང་། ཡི་དགས་ཀྱི་གདོན་རྣམས་དང་། འབྱུང་
པོའི་གདོན་རྣམས་དང་། ཤ་ཟའི་གདོན་རྣམས་དང་། གྲུལ་བུམ་གྱི་གདོན་རྣམས་དང་། གཟིག་རྣམས་དང་། བྱ་རོག་རྣམས་དང་། འུག་པ་རྣམས་དང་། གྲོག་སྦུར་རྣམས་དང་། སྡིག་སྦྲུལ་རྣམས་དང་། གཞན་ཡང་མི་དང་། མི་མ་
ལགས་པའི་སེམས་ཅན་རྣམས་ཀྱིས། བདག་ལ་ཤིན་ཏུ་གཙེས་ལགས་མོད། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་སྒྲ་གཅན་ཟིན་ལ་བཀའ་སྩལ་པ། སྒྲ་གཅན་ཟིན་ཁྱོད་ཀྱིས། བེ་ཅོན་ཆེན་པོའི་གཟུངས་ཀྱི་རིག་སྔགས་འཁོར་བཞི་པོ་དགེ་
སློང་རྣམས་དང་། དགེ་སློང་མ་རྣམས་དང་། དགེ་བསྙེན་རྣམས་དང་། དགེ་བསྙེན་མ་རྣམས་བསྲུང་བ་དང་། བསྐྱབ་པ་དང་། སྦ་བ་དང་། ཡུན་རིང་པོའི་དོན་དང་། ཕན་པ་དང་། བདེ་བར་འགྱུར་བ་འདི་ཟུང་ཤིག །ཏདྱ་ཐཱ། ཨང་གཱ་
བང་གཱ། ཏང་གཱ། ཏ་རང་གཱ། ས་རཱ་ས་རཱ། ཏ་རང་གཱ་སྭ། ས་ད་ད་ས། ཛ་དྷ་རཱ། ཨ་ཀྐེ་རེ། ཨ་ར་བཱི་རཱ། ཏ་ར་བཱི་རཱ། ཀ་ར་བཱི་རཱ། ཀརྐ་ར་བཱི་རཱ། ཙུ་རུ་བཱི་རཱ། ཙུ་རུ་ཙུ་རུ་བཱི་རཱ། ཨིནྡྲ། ཨིནྡྲ་ཀི། ས་ར་ཧ་ན་ས། ཧ་
ནས་ཀི་ས་ར། མི་ཙི་རེ་ལཱ། མ་ཧ་མི་ཙྪ། བ་ཧཱ་མི་ཙྪ། བ་ཉི་ཥཱི་ཀཱ་ཀ་ལིཙྪ་ཀཱ་ཨང་གེ་ཛ་ཡེ། ཛ་ཡེ་ལི་ཀཱ། ཨཱེལཱ། ཙིནྟ། ལི་ལེ། ཏི་ལེ་ཏི་ལེ། སུ་མ་ཏི། བུ་སུ་མ་ཏི། ཙུ་ལུ་ནཊྚེ། ཙུ་ལུ་ཙུ་ལུ་ན་ཊྚེ། ཙུ་ལ་ན་ཊེ། ཀུ་ན་ཊེ། ཧ་རཱི་ཊ་ཀི །
ན་རཱི་ཊ་ཀི་ཏ། གཽ་རི། གནྟྲཱ་རི། དྷཱ་ར་ཎི། དྷཱ་ར་ཎེ། ཨུཥྚ། བི་པཱི་ལི་ཀ། ཨུཥྚ། བ་པི་ལ་ཀེ། ཀ་རཱ་ཀརྛི་ཀེ། ཀཱ་ཀེ་ལི། ཙ་ལ་ན་ཊྚི། ཀ་གི་མ་ལི། ལ་མ་ཏི་རཀྵ་མ་ཏི། པཱ་ལ་ཀུ་ཁི། བ་ཏ་ས་ལེ། ཨུན་མི་ལེ། ཏ་ར་

བཱི་རེ། ཏ་ར་ཏ་ར་བཱི་རེ། ཀུ་རུ་བཱི་རེ། ཀུ་རུ་ཀུ་རུ་བཱི་རེ། ཙུ་རུ་བཱི་རེ། ཙུ་རུ་བཱི་རེ། ཙུ་རུ་ཙུ་རུ་བཱི་རེ། མ་ཧཱ་བཱི་རེ། ཨི་ར་མ་ཏི། བ་ར་མ་ཏི། རཀྵ་མ་ཏི། སརྦ་ཨརྠ་སཱ་དྷ་ནི། བ་ར་མ་སུ་ར་སཱ་དྷ་ནི། ཨ་པྲ་ཏི་ཧ་ཏེ། རྒྱལ་པོ་དབང་པོ་
དང་། རྒྱལ་པོ་ཟླ་བ་དང་། རྒྱལ་པོ་གཤིན་རྗེ་དང་། རྒྱལ་པོ་རླུང་ལྷ་དང་། རྒྱལ་པོ་གཟི་ཅན་དང་། རྒྱལ་པོ་ནོར་རྒྱས་ཀྱི་བུ་དང་། རྒྱལ་པོ་བེ་ཅོན་དང་། རྒྱལ་པོ་བེ་ཅོན་མེད་དང་། རྒྱལ་པོ་ཚངས་པ་སྟོང་ལྡན་དང་། སངས་རྒྱས་
བཅོམ་ལྡན་འདས་ཆོས་ཀྱི་རྗེ། ཆོས་ཀྱི་རྒྱལ་པོ། འཇིག་རྟེན་ཐམས་ཅད་ལ་ཐུགས་བརྩེ་བ་བླ་ན་མེད་པས། བདག་ལ་བསྲུང་དུ་གསོལ། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བ་དང་། ཞི་བ་དང་བདེ་ལེགས་
སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གསད་པ་དང་། དུག་གཞིལ་བ་དང་། མཚམས་གཅད་པ་དང་། ས་བཅིང་བ་མཛད་དུ་གསོལ། ཏདྱ་ཐཱ། ཨི་ལ་མེ་ལེ་ཏ་ས་ལཱ། ཨི་ར་མ་ཏི། བི་ར་མ་ཏི།
ཙ་ལ་མ་ཏི། ཕུ་རུ་མ་ཏི། ཕུ་རུ་ཕུ་རུ། ཕུ་རུ་ཕུ་རུ། བར་ཁུ་རུ་རུ། ཁུ་རུ་མ་ཏི། བྷཱུ་མི་བཎྚེ། ཀ་ལི་ཀེ། ཙཎྜ་ལི། ཨ་ཀི་ས་རཱ་ལེ། ཨི་ཡཱ་སཱ། ས་ལ་མ་ཏོ་ཧུ་ལེ། སྠུ་ལེ། ཤ་ལེ་ཛ་ཡ། སྠུ་ལེ། ཙ་ལ་ནཱ་ཊི། ཅ་ལ་ནཱ་ཊི། ནཱ་
ག་ནན་དྷཱ་ར་ཎཱི། གོ་ར་ཧེ་ཎི། གོ་ལེ། ཧི་ཧེ། ཨཎྜ་རེ། པཎྜ་རེ། ཀེ་ཡཱུ་རེ། ཀེ་ཏུ་མ་ཏི། བྷཱུ་ཏྃ་ག་མེ། བྷཱུ་ཏ་བ་ཏེ། དྷ་རྱེ་མ་ཧཱ་བ་ལེ། ཨ་ཙུན་ཌེ། ཨ་ཙུ་རུ་ན་དེ། དྷ་རན་དྷ་ར། ཛ་ཡ་ལི་ཀཱ། ཛ་ལེ་གོ་རོ་ཧཱ་ནི་ཙ་ར། ཧུ་
རུ་ཧུ་རུ། རུན་དྷུ་རུན་དྷུ། ཧུ་རུ། དྷུ་མ་ཏི། དྷ་རན་དྷ་རེ་དྷ་རེ། བི་ཤྭ་མ་ཏི། ནཱ་ཤ་ནི། བནྡྷ་ནི། མོ་ཙ་ནི། བི་མོ་ཙ་ནི། སཱ་དྷ་ནི། ཤོ་དྷ་ནི། བི་ཤོ་དྷ་ནི། སྃ་གི་ར་ཎི། མྃ་ཐཱི་ར་ཎི། ཨཙྪིནྟ་ནི། ས་དྷུ་ཏ་ར་མཱ་ནེ། ཧ་ར་ཧ་ར།

བནྡྷུ་མ་ཏི། ཧི་རི་ཧི་རི། གེ་ལི་རི་ལེ། ཧུ་རུ་ཧུ་རུ། པིང་ག་ལེ་སྭཱ་ཧཱ། སངས་རྒྱས་བཅོམ་ལྡན་འདས་རྣམས་ལ་ཕྱག་འཚལ་ལོ། །སྒྲ་གཅན་ཟིན་བེ་ཅོན་ཆེན་པོའི་གཟུངས་ཀྱི་རིག་སྔགས་བརྒྱ་རྩ་བཅུ་པ་འདི་སྐུད་པ་ལ་མདུད་དེ།
ལག་པ་ལ་བཏགས་སམ། མགུལ་དུ་བཏགས་ན། ཀུན་ནས་དཔག་ཚད་བཅུ་ཁོར་ཡུག་ཏུ་བེ་ཅོན་རྣམས་དང་། མེ་ཏག་རྣམས་དང་། ཕྱག་རྒྱ་རྣམས་ཀྱིས་དེ་བསྲུང་བ་བྱས་པར་འགྱུར་རོ། །དེ་ལ་མི་དང་། མི་མ་ཡིན་པ་རྣམས་ཀྱིས་མི་ཚུགས་པར་
འགྱུར་རོ། །མཚོན་དང་། དུག་དང་། ནད་དང་། རིམས་ནད་དང་། རིམས་དྲག་པོ་དང་། རིག་སྔགས་དང་། རོ་ལངས་དང་། ཁྲོ་གདུག་དང་། མེ་དང་། ཆུས་འཆི་བའི་དུས་བྱེད་པར་མི་འགྱུར་རོ། །རིག་སྔགས་དང་། གསང་
སྔགས་སྦྱོར་བ་རྣམས་ལེགས་པར་སྦྱོར་བ་ཐམས་ཅད་ཀྱི་མ་གྲུབ་པ་རྣམས་ཀྱང་གྲུབ་པར་བྱེད་པའོ། །གྲུབ་པ་རྣམས་ཆུད་མི་ཟ་བར་བྱེད་པའོ། །ཕ་རོལ་གྱི་སྦྱོར་བ་འཆིང་བའོ། །ཕ་རོལ་གྱིས་བཅིངས་པ་ལས་གྲོལ་བར་བྱེད་པའོ། །ནད་དང་། མྱ་ངན་
དང་། བགེགས་རྣམ་པར་འཇིག་པར་བྱེད་པའོ། །འཐབ་པའི་རྙོག་པ་རབ་ཏུ་ཞི་བར་བྱེད་པའོ། །གདོན་ཐམས་ཅད་ཟློག་པར་བྱེད་པའོ། །གདོན་གང་གིས་གཏོང་བ་དེའི་མགོ་ཨ་རྫ་ཀའི་དོག་པ་བཞིན་མགོ་ཚལ་བ་བདུན་དུ་འགས་སོ། །གནོད་སྦྱིན་
གྱི་སྡེ་དཔོན་ཆེན་པོ་ལག་ན་རྡོ་རྗེ་ཡང་རྡོ་རྗེ་འབར་བ། ཀུན་དུ་འབར་བ། ཀུན་དུ་རབ་ཏུ་འབར་བ། མེ་ལྕེ་གཅིག་ཏུ་གྱུར་པས། དེའི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་འགས་སོ། །རྒྱལ་པོ་ཆེན་པོ་བཞི་ཡང་ལྕགས་ཀྱི་འཁོར་ལོ་སྤུ་གྲིའི་སོ་ལྟ་
བུའི་མཚོན་གྱིས་ཕུང་བར་བྱེད་དོ། །གནོད་སྦྱིན་གྱི་འཇིག་རྟེན་དེ་ནས་ཤི་འཕོས་ནས། ལྕང་ལོ་ཅན་གྱི་ཕོ་བྲང་འཁོར་དུ་གནས་པ་མི་འཐོབ་བོ། །སྒྲ་གཅན་ཟིན་རྒྱལ་པོ་དང་། མི་རྒོད་དང་། མེ་དང་། ཆུ་དང་། མཚོན་དང་། འབྲོག་དང་།

དགོན་པ་དང་། རི་དང་། མྱ་ངམ་དུ་སོང་བ་གང་གིས་བེ་ཅོན་ཆེན་པོའི་གཟུངས་ཀྱི་རིག་སྔགས་འདི་ལན་ཅིག་བརྗོད་ན། སྡིག་པ་ཐམས་ཅད་ལས་རབ་ཏུ་ཐར་བར་འགྱུར་རོ། །སྒྲ་གཅན་ཟིན་བེ་ཅོན་ཆེན་པོའི་གཟུངས་སྔགས་འདི་སངས་རྒྱས་བཅོམ་ལྡན་འདས་གང་གཱའི་
ཀླུང་དགུ་བཅུ་རྩ་གཅིག་གི་བྱེ་མ་སྙེད་ཀྱིས་གསུངས་པ། གསུང་བ། གསུང་བར་འགྱུར་བ་མཆོག་ཏུ་གྲུབ་པ། གཞན་གྱིས་མི་ཐུབ་པ། ལྷ་དང་། ཀླུ་དང་། དྲི་ཟ་ལ་སོགས་པས་བསྟོད་པ། འབྱུང་པོ་ཐམས་ཅད་ཀྱིས་ཡོངས་སུ་གཟུང་བ་སྟེ། བདག་དང་
སེམས་ཅན་ཐམས་ཅད་གནོད་པ་ཐམས་ཅད་ལས་བདེ་བར་གྱུར་ཅིག །ནད་མེད་པ་དང་། འཇིགས་པ་མེད་པར་གྱུར་ཅིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་སྒྲ་གཅན་ཟིན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་
ལ་མངོན་པར་བསྟོད་དོ། །འཕགས་པ་བེ་ཅོན་ཆེན་པོ་ཞེས་བྱ་བ་ཐེག་པ་ཆེན་པོའི་གཟུངས་རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་
བཅོས་ནས་གཏན་ལ་ཕབ་པ།། ༄༅། །རྒྱ་གར་སྐད་དུ། ཨཱརྱ་བིགྷཱ་བི་ནཱ་ཡ་ཀཱ་ར་དྷཱ་ར་ཎཱི། བོད་སྐད་དུ། འཕགས་པ་བགེགས་སེལ་བའི་གཟུངས། འདི་སྐད་བདག་གིས་ཐོས་པ་དུས་གཅིག་ན།
བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེའི་ཚེ་བཅོམ་ལྡན་འདས་ཀྱིས། ཚེ་དང་ལྡན་པ་དགའ་བོ་ལ་བཀའ་སྩལ་པ། དགའ་བོ་ཚོགས་ཀྱི་བདག་པོ་སུ་གང་ཚོགས་ཀྱི་བདག་པོའི་སྙིང་པོ་འཛིན་པ་དེས་
ཆོ་ག་ཐམས་ཅད་དང་། དགོངས་པ་ཐམས་ཅད་འགྲུབ་པར་འགྱུར་རོ། །གསང་སྔགས་ཐམས་ཅད་འགྲུབ་པར་འགྱུར་རོ། །ཏདྱ་ཐཱ། ན་མོ་སྟུ་ཏེ། ཀ་ཊ་ཀ་ཊ། མ་ཊ་མ་ཊ། ད་ར་ད་ར། ཊ་ཧ་ཌ་ཧ། གྲྀཧྣ། བྷཉྫ་བྷཉྫ། ན་མོ་སྟུ་ཏེ། རུ་རུ་ཙ་ཙ་

ཡེ་སྭཱ་ཧཱ། ཨ་བྷུ་ཏྲཱ། བི་ན་དུ་མཁན་མན་ཙེདྡྷ་པ་ར་ས་མ་གཙྪ་ཏི། ཧ་ཧ་ཡ། མ་ཧཱ་ཧ་སྟི་ཀྵ་ཏ་ནན། བྲ་གོ་བ་ཡེ་མོ། ཀུ་རུ་ཀུ་རུ། ཙུ་རུ་ཙུ་རུ། མུ་རུ་མུ་རུ། ན་མོ་ན་མཿསྭཱ་ཧཱ། ནང་བར་ལངས་ཏེ་སྔགས་ལན་བདུན་བཟླས་ལ། ཆུ་ཁྱོར་
བ་གང་སྟེང་དང་འོག་གི་ཕྱོགས་སུ་གཏོར་ཅིག་དང་། བགེགས་ཐམས་ཅད་བཅིངས་བར་འགྱུར་རོ། །གསང་སྔགས་སྒྲུབ་འདོད་པས། སྐུད་པ་དཀར་པོ་ལ་མདུད་པ་ཉི་ཤུ་རྩ་གཅིག་བོར་ཏེ། ལག་པ་ལ་བཅིངས་ན་རིག་སྔགས་འགྲུབ་པར་འགྱུར་རོ། །བགེགས་ཐམས་
ཅད་བཅིངས་པར་འགྱུར་རོ། །གང་ན་ཚོགས་ཀྱི་བདག་པོ་སྣང་བ་དེར་སྔགས་འདི་ལན་ཅིག་བཀླགས་ན་ཡང་བགེགས་རྣམས་བར་ཆད་མི་བྱེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། འཁོར་དེ་དག་ཐམས་ཅད་དགའ་སྟེ། ལྷ་དང་། མི་དང་།
ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་གྱིས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། འཕགས་པ་བགེགས་སེལ་བ་ཞེས་བྱ་བའི་གཟུངས་རྫོགས་སྟོ།། །།གུ་གུལ་སེར་བོ་དང་། ཕ་བང་གི་རྟུག་པ་ཀུན་ལ་རྐུ་བའི་རྟག་པ་སྦྱར་བའི་
དུ་བས་བདུགས་ན། འགོ་བའི་ནད་པའི་གམ་དུ་ཕྱིན་ཡང་མི་ཚུགས། གོས་པ་ལ་ཐུག་ན་མྱུར་དུ་སེལ། ཁྱིམ་དུ་འབྱུང་པོ་གནོད་པ་དག་ལ་རབ་ཏུ་བསྔགས་སོ།། ༄༅། །རྒྱ་གར་སྐད་དུ། ཨཱརྱ་བ་ལ་བ་ཏཱི་ནཱ་མ་པྲ་ཏྱངྒི་རཱ།
བོད་སྐད་དུ། འཕགས་པ་ཕྱིར་ཟློག་པ་སྟོབས་ཅན་ཞེས་བྱ་བའོ། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་སེམས་ཅན་ཐམས་ཅད་ལ་སྙིང་བརྩེ་བ་ཅན། འཕགས་པ་སྤྱན་རས་གཟིགས་དབང་ཕྱུག་ལ་ཕྱག་
འཚལ་ལོ། །འབྱུང་པོ་ཐམས་ཅད་འགོག་པ། རིམས་ནད་ཐམས་ཅད་ཟློག་པ། དུས་མ་ཡིན་པར་འཆི་བ་ཐམས་ཅད་ཟློག་པ། གཟའ་དང་རྒྱུ་སྐར་གྱི་གདོན་དང་། འབྱུང་པོའི་གདོན་ཐམས་ཅད་རྣམ་པར་འཇོམས་པ། བདུད་ཀྱི་གནས་ཐམས་ཅད་འཇོམས་པ། མི་

མཛའ་བ་ཐམས་ཅད་སོ་སོར་རེངས་པར་བྱེད་པ། ཚེ་སྐྱོང་བ་སྲོག་སྐྱོང་བའི་ཕྱིར་བཟློག་པ་འདི་བརྗོད་པར་བྱའོ། །ཏདྱ་ཐཱ། ཨ་བ་ལོ་ཀི་ཏེ། ཨ་བ་ལོ་ཀི་ཏ། སྃ་བྷ་བེ། དྷ་ར་དྷ་ར་དྷ་ར། བར་བར་བ་ར། ཀཱ་ལེ་ཀཱ་ལེ་ཀཱ་ལེ། མ་ཧཱ་ཀཱ་ལ། ཨ་བ་ལོ་ཀི་ཏ། བྲ་སཱ་དཱ་ནེ། དྷ་མེ་དྷ་མེ་དྷ་མེ། དྷ་མ་ནེ།
ས་མཱ་ཧི་ཏེ། བདག་ལ་བསྲུང་དུ་གསོལ་བསྲུང་དུ་གསོལ། འཇིགས་ཤིང་སྐྲག་པ་ཐམས་ཅད་ལས་བསྲུང་བར་མཛད་དུ་གསོལ། ཡོངས་སུ་བསྐྱབ་ཏུ་གསོལ། ཡོངས་སུ་གཟུང་དུ་གསོལ། ཡོངས་སུ་བསྐྱང་དུ་གསོལ། ཞི་བ་དང་བདེ་ལེགས་སུ་འགྱུར་བར་མཛད་དུ་གསོལ།
ཆད་པ་སྤོང་བར་མཛད་དུ་གསོལ། མཚོན་ཆ་སྤོང་བར་མཛད་དུ་གསོལ། མཚམས་གཅད་པར་མཛད་དུ་གསོལ། ས་བཅིང་བར་མཛད་དུ་གསོལ། ཀུ་རུ་ཀུ་རུ་པྃ་མ་ཀྵི། བི་དྷི་བི་དྷི་བི་དྷི། མཱརྒ་སྃ་པྲ་སྭ་ཏེ། ཨ་མྲྀ་ཏ་ཏེ་ཛ་བ་ཏི། གནོད་པ་ཐམས་ཅད་ལས་བདག་ལ་རྟག་པར་བསྲུང་
དུ་གསོལ་བསྲུང་དུ་གསོལ། མུ་ལུ་མུ་ལུ་མུ་ལུ། ཁུ་ཁུ་མེ། གྷོ་རི་གྷོ་རི། བ་ལེ་བ་ལེ། ཏ་ར་ཏ་ར་ཏ་ར། མུ་ཡ་མུ་ཡ། མུཉྩ་ནི། ཁ་ཁ་རེ། དྷུ་ཧཱུྃ་ནི་དྷུ་ཧཱུྃ་ནི། བདག་འཐབ་པ་དང་། འཐབ་མོ་དང་རྩོད་པ་དང་། འགྱེད་པ་ཐམས་ཅད་ལས་བསྲུང་དུ་གསོལ་བསྲུང་དུ་གསོལ།
ཛ་ཡྃ་ཀུ་རུ་ཀུ་རུ། ཕུ་རུ་ཕུ་རུ་སྭཱ་ཧཱ། ཨ་མ་ལེ་སྭཱ་ཧཱ། ཨ་མྲྀ་ཏེ་སྭཱ་ཧཱ། འཕགས་པ་ཕྱིར་ཟློག་པ་སྟོབས་ཅན་ཞེས་བྱ་བའི་གཟུངས་རྫོགས་སྷོ།། ༄༅། །རྒྱ་གར་སྐད་དུ། ཨཱརྱ་ཙཽ་ར་བི་དྷྭནྶ་ན་ནཱ་མ་དྷཱ་ར་ཎཱི། བོད་སྐད་དུ། འཕགས་པ་མི་
རྒོད་རྣམ་པར་འཇོམས་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཞམ་རིང་བ་ཚེ་དང་ལྡན་པ་ཀུན་དགའ་བོ་དང་ཐབས་ཅིག་ཏུ་ལུས་འཕགས་རི་ལས་གཤེགས་
པའི་ཚེ། ཚེ་དང་ལྡན་པ་ཀུན་དགའ་བོས་མི་རྒོད་ཕལ་པོ་ཆེ་ཞིག་རྒྱང་རིང་མོ་ནས་མཐོང་ངོ་། །མཐོང་ནས་ཀྱང་སྐྲག་སྟེ་སྤུ་ཟིང་ཞེས་བྱེད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མི་རྒོད་དག་ཅིག་གོ། །བདེ་བར་གཤེགས་པ་མི་རྒོད་དག་ཅིག་

གོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་མི་རྒོད་རྣམས་ཀྱིས་འཇིགས་སམ། གསོལ་པ། བཅོམ་ལྡན་འདས་འཇིགས་ལགས་སོ། །བདེ་བར་གཤེགས་པ་འཇིགས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་
བོ་ཁྱོད་མི་རྒོད་རྣམས་ཀྱིས་མ་འཇིགས་ཤིག །དེ་ནས་བཅོམ་ལྡན་འདས་ཀྱིས་དེའི་ཚེ་གཏི་མུག་ཆེན་པོའི་ཚོགས་རབ་ཏུ་འཇོམས་པ་འདི་བཀའ་སྩལ་ཏོ། །ཏདྱ་ཐཱ། ཨ་ནུ་ལོ་མེ། པྲ་ཏི་ལོ་མེ། ཨ་ནུ་ལོ་མ། པྲ་ཏི་ལོ་མ། ཨ་ཏྃ་ཀེ། པྲ་ཏཾ་ཀེ། པྃ་ཀེ། ཨ་ཏི་པྃ་ཀེ། གཽ་རི།
གནྡྷ་རི། ཙཎྜ་ལི། མ་ཏྃ་གི། པཱུཀྐ་སི། རི་མི་རི་མི། རིདྡྷི་མ་ཙེ་བཥྚི་ཏི་ཙཽ་ར་པྲ་དནྷུ། བིསྠ་ཧནྟུ། བྷ་མནྟུ། མཱ་མི་ཡནྟུ་ཡ་བདྒྲནྠི་ན་མུཉྩ་མི་སྭཱ་ཧཱ། ཀུན་དགའ་བོ་ངས་དཔག་ཚད་བཅུ་ཚུན་ཆད་ཀུན་དུ་བསྲུང་བ་དང་། མི་རྒོད་ཐམས་ཅད་དང་། རི་གསེབ་ཀྱི་གྲོང་མི་ཐམས་ཅད་དང་།
གསབ་ལམ་སྲུང་བ་ཐམས་ཅད་དང་། གནོད་པར་སེམས་པ་ཐམས་ཅད་ཀྱི་རྐང་པ་བཅིང་བར་བྱས་སོ། །རྨུགས་པར་བྱས་སོ། །རེངས་པར་བྱས་སོ། །ཇི་ལྟར་རྫ་མཁན་གྱི་འཁོར་ལོ་བསྐོར་བའམ། ཇི་ལྟར་རྫ་མཁན་གྱི་འཁོར་ལོ་ཡོངས་སུ་བསྐོར་བ་ལྟར་མི་རྒོད་རྣམས་འདར་
བར་གྱུར་ཅིག །རེངས་པར་གྱུར་ཅིག །མགོ་རྨོངས་པར་གྱུར་ཅིག །མདུད་པ་མ་གྲོལ་བའི་བར་དུ་འཆི་བར་མ་གྱུར་ཅིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་
དོ།། །།ཆོ་ག་ནི་ཤིང་ཀུན་དང་། བོང་བུའི་སྤུ་བསྲེས་ཏེ། བུ་མོ་གཙང་མས་བཀལ་བའི་སྲད་བུ་ལ་ལན་ཉི་ཤུ་རྩ་གཅིག་བཟླས་བརྗོད་བྱའོ། །ཡང་ན་གོས་ཀྱི་མཐའ་མ་ལ་མདུད་པ་བོར་ཏེ། བདེ་བར་ཕྱིན་ནས་དགྲོལ་བར་བྱའོ། །འདི་ནི་གྲུབ་པའོ། །འཕགས་པ་མི་རྒོད་
རྣམ་པར་འཇོམས་པ་ཞེས་བྱ་བའི་གཟུངས་རྫོགས་སྷོ།། ༄༅། །བཅོམ་ལྡན་འདས་གཙུག་ཏོར་འབར་བ་ལ་ཕྱག་འཚལ་ལོ། །ན་མཿས་མནྟ་བུདྡྷཱ་ནཱྃ། ཨ་པྲ་ཏི་ཧ་ཏ་ཤཱ་ས་ནཱ་ནཱྃ། ཨོྃ་ག་ག་བཱ་ཧི་ཁཱ་ཧི། ཧཱུྃ་ཧཱུྃ། ཛྭ་ལ་ཛྭ་ལ། བྲ་ཛྭ་ལ་པྲ་ཛྭ་ལ། ཏིཥྛ་ཏིཥྛ།

ཕཊ་ཕཊ། སརྦ་དུར་ནི་མིཏྟ། དུཿསྭ་པྣ་ཤཱིནྟྃ་ཀུ་རུ་སྭཱ་ཧཱ། སངས་རྒྱས་སྟོང་གི་སྔགས་འདི་ནི། །གཙུག་ཏོར་འབར་བ་ཞེས་གྲགས་ཏེ། །ལས་རྣམས་གང་དག་སྟོང་ཕྲག་ནི། །བརྒྱད་ཅུ་དང་ནི་དགུ་ཕྲག་ལྔ། །རྣམ་པ་སྣ་ཚོགས་ལས་རྣམས་དང་། །བཀྲ་ཤིས་དཔལ་གྲགས་ཐམས་
ཅད་བྱེད། །རྨི་ལམ་ངན་དང་མཚན་མ་ངན། །ལན་ཅིག་བཟླས་བས་སེལ་བར་བྱེད། །གཙུག་ཏོར་འབར་བ་ཞེས་བྱ་བའི་གཟུངས་རྫོགས་སྷོ།། ༄༅། །རྒྱ་གར་སྐད་དུ། ཨཱརྱ་ཨ་ཙ་ལ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ཁྲོ་བོ་མི་གཡོ་
བའི་གཟུངས་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །བདུད་དང་ཀླུ་ལ་སོགས་ཏེ་མ་རུངས་པ་ཐམས་ཅད་འཇོམས་པའི་ཁྲོ་བོ་ཆེན་པོ་མི་གཡོ་བ་སྐུ་བྱད་སྐྱེས་བུ་ལང་ཚོ་ལ་བབ་པ་ལྟ་བུ། མདོག་དབྱར་གྱི་ཆར་སྤྲིན་ལྟ་བུ། ནམ་མཁའ་འོད་ཀྱིས་འགེངས་པ་བསྐལ་
པའི་མེ་ལྟ་བུ། ཤིན་ཏུ་འགྱིང་བ་དཔག་བསམ་གྱི་ཤིང་ལྟ་བུ། ཞབས་བརྐྱང་བསྐུམ་གྱད་ཀྱི་འགྲོས་ལྟ་བུ། སྤྱན་དམར་བ་པ་ལ་ཤའི་མེ་ཏོག་ལྟ་བུ། མཆེ་བ་གཙིགས་པ། ཟླ་བ་ཚེས་པ་ལྟ་བུ། ལྗགས་འགྱུ་བ་ཐོག་གི་གློག་ལྟ་བུ། སྨིན་མ་ཁྲོ་གཉེར་བསྡུས་པ་ཤིང་བྷི་
ཤའི་ལོ་མ་ལྟ་བུ། ཕྱག་གཡས་ན་རལ་གྲི་བསྣམས་པ་གཟའི་མདའ་ལྟ་བུ། གཡོན་ན་ཞགས་པ་བསྣམས་པ་རྒྱ་མཚོ་མཇིང་གི་སྦྲུལ་ལྟ་བུ། དགའ་བོ་དང་ཉེ་དགའ་སྔོན་པོས་ཐོད་བྱས་པ། པདྨ་དང་པདྨ་ཆེན་པོ་སེར་ཁྲས་རྣ་ཆ་བྱས་པ། དུང་སྐྱོང་དཀར་པོས་དོ་ཤལ་བྱས་པ།
རིགས་ལྡན་ལྗང་གུས་ག་ཤལ་བྱས་པ། མཐའ་ཡས་དང་འཇོག་པོ་ནག་པོས་ཞབས་གདུབ་བྱས་པ། ཚངས་པ་དང་། ཁྱབ་འཇུག་དང་། དབང་ཕྱུག་དང་། ཀླུ་དང་། གནོད་སྦྱིན་དང་། ཤ་ཟ་དང་འབྱུང་པོ་ཐམས་ཅད་ཧ་ཧི་ཧཱུྃ་ཞེས་བརྗོད་པས་སྐྲག་པར་བྱེད་པ། ཧྃ་མྃ་
ཞེས་བརྗོད་པས་བརྒྱལ་བར་བྱེད་པ། ནད་དང་རིམས་དང་། གདོན་དང་དགྲ་དང་། མཚོན་དང་ཆོམ་རྐུན་དང་། གཅན་གཟན་དང་འཐབ་རྩོད་དང་། རྨི་ལམ་ངན་པ་དང་ལྟས་ངན་པ་རྣམས་ཟློག་པ། ལྷ་དང་། ཀླུ་དང་། འབྱུང་བོ་རྣམས་ལན་ཅིག་བརྗོད་པས་འཇོམས་པར་བྱེད་པའི་

གསང་སྔགས་སྨྲས་པ། ན་མཿས་མནྟ་ཨཱརྱ་ཙ་ལ་ནྃ། ཏྲ་ཊ་ཏྲ་ཊ། ཨ་མོ་གྷ་ཙཎྜ་མ་ཧཱ་རོ་ཥ་ཎ། སྥོ་ཊ་ཡ་སྥོ་ཊ་ཡ་ཧཱུྃ། ཏྲ་མ་ཡ་ཏྲ་མ་ཡ་ཧཱུྃ་ཕཊ། ཏྲྭ་ཐཿཧྃ་མྃ། ཏདྱ་ཐཱ། ཨོྃ་ཨཱཿཧཱུྃ། ཤུདྡྷེ་ཤུདྡྷེ། རྃ་ཧོ་ཡ། བི་ཤུདྡྷེ་བི་ཤུདྡྷེ། ཨ་ཤུ་མྃ་བི་ཤུ་རྃ། ཤོ་དྷ་ནེ་བི་ཤོ་
དྷ་ནེ། ཙཎྜ་ཙཎྜ། མ་མ། བ་ལ་བ་ལ། མ་ར་མ་ར། མ་ར་ཡ་མ་ར་ཡ། སརྦ་ཤ་ཏྲུྃ། སརྦ་བིགྷྣ་ན། སརྦ་དུཥྚྃ་ཧཱུྃ་ཕཊ། ཨོྃ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། དེའི་ཆོ་ག་ལ་ཧྃ་མྃ་ཞེས་བྱ་བ་རྫས་གང་དང་གང་ལ་བཀོད་དེ། སྔགས་འདི་བརྒྱ་རྩ་བརྒྱད་དུ་སྔགས་ན་གང་བསྒྲུབས་པ་འགྲུབ་
པོ། །ལྕགས་སྣ་ལྔ་ལས་བྱས་པའི་རལ་གྲིས་གཞན་གྱི་གཡུལ་ཐམས་ཅད་ཟློག་པར་བྱེད་དོ། །གླ་རྩི་དང་། བཙན་དུག་དང་། ཤིང་ཀུན་དང་། བྱ་རོག་གི་མཆུས་གདོན་གྱི་རིགས་ཙམ་ཐུབ་པར་འགྱུར་རོ། །བུམ་པ་ཆུས་བཀང་བས་བཀྲུས་ན་ནད་ཐམས་ཅད་སོས་པར་བྱེད་དོ། །
རིན་པོ་ཆེའི་སྣོད་དུ་གསེར་དང་། དངུལ་དང་། བྱི་རུ་དང་། མུ་ཏིག་དང་། ཤེལ་སྩལ་ཏེ་གསོལ་བ་བཏབ་ན་ནོར་རྙེད་པར་འགྱུར་རོ། །གླ་རྩི་དང་། མ་ལཱ་དང་། སྒོག་པ་དཀར་པོས་ནད་ཐམས་ཅད་སྲུང་བར་བྱེད་དོ། །ཛཱ་ཏི་ཕ་ལ་དང་། གུར་གུམ་དང་། ལི་ཤི་དང་། སུག་སྨེལ་དང་། ཅུ་
གང་དང་། ཀཀྐོ་ལ་དང་། གླ་རྩི་དང་། ག་བུར་རྣམས་ཟ་མ་ཏོག་གཙང་བར་སྦྱར་ཏེ་མིག་ལ་བསྐུས་ན་འབྱུང་པོ་རྣམས་མཐོང་ངོ་། །བྱ་རྒོད་ཀྱི་སྡེར་མོ་དང་སྟག་གི་མཆེ་བ་སེར་བ་གཡོ་བའི་ཕྱོགས་སུ་ཕྱར་ན་སླར་ཟློག་གོ། །ཀླུའི་གཟུགས་སྤྲ་ཚིལ་ལ་བྱས་ཏེ་བླག་བ་མེད་པར་མཆོད་ན་ཆར་བ་ཕེབས་
པར་བྱེད་དོ། །ཤིར་ཤིང་གི་ཕུར་པ་ལ་སྔགས་ཀྱི་འཁྲུལ་འཁོར་བཅས་ཏེ་ཚགས་བྱས་ན་དགྲ་རྐུན་ཟློག་པར་འགྱུར་རོ། །ཡེ་ཤེས་ཀྱི་འོད་ཟེར་ལ་དམིགས་པ་བཅས་ན་སྡིག་སྒྲིབ་ཐམས་ཅད་བྱང་བར་འགྱུར་རོ། །རིགས་ཀྱི་བུ་འམ་རིགས་ཀྱི་བུ་མོ་དག་གིས་སྙིང་རྗེ་དང་ལྡན་པར་ཡི་དམ་དུ་བྱས་ཏེ་ཀློག་པ་དང་།
ཁ་ཏོན་དང་ཟློས་པར་བྱེད་ན། གདོན་མི་ཟ་བར་འགྲུབ་པར་འགྱུར་རོ། །འཕགས་པ་ཁྲོ་བོ་མི་གཡོ་བ་ཞེས་བྱ་བའི་གཟུངས་རྫོགས་སྷོ།། །།པཎྜི་ཏ་དྷརྨ་ཏཱ་ཤཱི་ལ་དང་། ལོ་ཙྪ་བ་དགེ་སློང་ཆོས་ཀྱི་བཟང་པོས་བསྒྱུར་བའོ།། །།

༄༅། །རྒྱ་གར་སྐད་དུ། བཛྲ་ཏུཎྜ་ནཱ་མ་ནཱ་ག་ས་མ་ཡ། བོད་སྐད་དུ། རྡོ་རྗེ་མཆུ་ཞེས་བྱ་བ་ཀླུའི་དམ་ཚིག་གོ། །ཐམས་ཅད་མཁྱེན་པ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་གྲོང་ཁྱེར་ཆེན་པོ་གཡོག་འདོར་ན་བཞུགས་ཏེ། འཁོར་འདུས་བ་ཆེན་པོ་འཇོག་པོ་
ལ་སོགས་པ་ཀླུའི་འཁོར་དང་། ལྷ་དང་མིའི་ཚོགས་ཀྱི་འཁོར་ཆེན་པོ་ལ་སེམས་ཅན་རྣམས་ཀྱི་དོན་ཆེན་པོའི་ཕྱིར་ཏེ། བསམ་པ་དང་རེ་བ་ཐམས་ཅད་ཡོངས་སུ་སྐོང་བ་བདེ་བར་བྱེད་པའི་ཆོས་སྟོན་ཏོ། །དེ་ནས་གྲོང་ཁྱེར་དེ་ན་བྲམ་ཟེའི་ཁྱེའུ་ཁྱད་མ་སྤྱན་ཞེས་བྱ་བ་ཕྱུག་པ་ནོར་ཆེ་བ། ལོངས་སྤྱོད་ཆེ་
བ། རྫས་དང་ཡོ་བྱད་མང་པོ་ཕུན་སུམ་ཚོགས་པ། རིག་བྱེད་དང་རིག་བྱེད་ཀྱི་ཡན་ལག་གི་ཕ་རོལ་ཏུ་ཕྱིན་པ། སྔགས་ལ་འཇུག་པ། སྔགས་གྲུབ་པ་ཞིག་འདུག་སྟེ། དེ་ཡང་ཡང་དང་ཡང་དུ་ཀླུ་འགུགས་ཤིང་མེའི་སྦྱིན་སྲེག་བྱེད་དོ། །བྲམ་ཟེ་དེའི་ལོ་ཏོག་སྨིན་ཀར་ཆར་ཆད་པར་གྱུར་
ནས། དེས་ང་རྒྱལ་གྱི་སྒྲས་སྔགས་བརྗོད་པ་དང་མཐུན་པས་འདི་སྐད་ཅེས་བདག་གིས་ཆར་གྱི་རྒྱུན་དབབ་ཅིང་ཀླུ་དགུག་པར་བྱའོ་ཞེས་སྨྲས་ཏེ་དེས་མེའི་སྦྱིན་སྲེག་བྱ་བར་བཤམས་ནས་ཏིལ་དང་། འབྲས་དང་ཡུངས་ཀར་རྣམས་འབྲུ་མར་ཚ་བ་དང་བསྲེས་ཏེ་སྦྱིན་སྲེག་བྱེད་དོ། །དེ་ནས་ཀླུ་མི་སྲུན་པ་
ཞིག་གི་གཟུགས་བྱས་ཏེ། དེས་ལྕགས་ཀྱི་ཕུར་བུ་ལ་སྔགས་ནས་ཀླུའི་སྤྱི་བོར་བཏབ་པ་དང་། ཀླུའི་སྤྱི་བོ་གས་ནས་སྡུག་བསྔལ་གྱི་ཚོར་བ་ཆེན་པོར་གྱུར་ཏོ། །ཀླུ་དེ་ཡང་ཆེར་འཁྲུགས་ཏེ་ཁྲོས་ནས་སྐད་ཅིག་ཐང་ཅིག་ཡུད་ཙམ་དེ་ལ་ཀླུས་ཁྱབ་པར་བྱེད་པའི་ཤུགས་ཀྱིས་ཆེར་གནོད་ཅིང་རྡུལ་
འབྱུང་བའི་འོད་ཟེར་ཚ་བ་རང་གི་ལུས་ལས་བཀྱེ་སྟེ་གནོད་པ་ཆེན་པོས་ཁེབས་པར་བྱས་ནས་བྲམ་ཟེ་དེའི་ཞིང་ཚིག་པར་བྱས་སོ། །དེ་ཡང་ལྕེ་འབབ་པའི་ཆར་གྱི་རྒྱུན་ཆེན་པོ་བྲམ་ཟེའི་ལུས་ལ་ཕབ་ནས་བྲམ་ཟེ་དེ་མགོན་མེད་སྐྱབས་མེད། དཔུང་གཉེན་མེད་དེ། མེའི་སྦྱིན་སྲེག་བྱེད་པ་བཏང་ནས་དེ་
བཅོམ་ལྡན་འདས་ལ་མགོན་དང་སྐྱབས་དང་། དཔུང་གཉེན་བཙལ་ཏེ་འབྲོས་པར་བསམས་ནས་བཅོམ་ལྡན་འདས་ཀྱི་དྲུང་དུ་བརྒྱུགས་ཏེ། བཅོམ་ལྡན་འདས་ག་ལ་བ་དེར་སོང་ནས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀླུ་ཁྲོ་བོ་

བདག་གི་སྲོག་མ་རུངས་པར་བགྱིད་པར་འཚལ་ཏེ་སྐྱབས་སུ་ཡང་མ་མཆིས་ན། །བཅོམ་ལྡན་འདས་བསྐྱབ་ཏུ་གསོལ། བདེ་བར་གཤེགས་པ་བསྐྱབ་ཏུ་གསོལ། དེ་ནས་བཅོམ་ལྡན་འདས་ཀྱིས་བྲམ་ཟེ་ཆེན་པོ་དེ་དབུགས་ཕྱུང་ནས་འདི་སྐད་ཅེས་བཀའ་
སྩལ་ཏོ། །བྲམ་ཟེ་ཆེན་པོ་མ་འཇིགས་ཤིག །ངས་ཁྱོད་ཀྱི་མགོན་དང་། སྐྱབས་དང་། དཔུང་གཉེན་བྱའོ་ཞེས་བཀའ་སྩལ་ནས་ཅང་མི་གསུང་བར་བཞུགས་སོ། །དེ་ནས་བཅོམ་ལྡན་འདས་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་
ལྡན་འདས་གཟིགས་སུ་གསོལ། །མངོན་སུམ་དུ་གྱུར་བཞིན་དུ་ཡང་ཀླུ་མི་བགྲུངས་པས་ལོ་ཏོག་མ་རུངས་པར་བགྱིད་ན། བཅོམ་ལྡན་འདས་ཁྱོད་ཡོངས་སུ་མྱ་ངན་ལས་འདས་ཀྱི་སླད་ན་སླད་མའི་ཚེ་སླད་མའི་དུས་ན་སེམས་ཅན་ཐམས་ཅད་ཀྱི་རྟེན་ནི་སུ་ལགས། ཇི་ལྟར་འགྱུར།
བཅོམ་ལྡན་འདས་ལོ་ཏོག་ཐམས་ཅད་ཀྱི་དོན་དུ། ལོ་ཏོག་རྣམས་ཚིག་པར་མི་འགྱུར་བ་དང་། ཀུན་དུ་བསྲུང་བ་དང་། རབ་ཏུ་འཕེལ་བར་བགྱིད་པར་གྱུར་པ་ལོ་ཏོག་ཡོངས་སུ་སྐྱོང་ཞིང་ཀླུ་ཟློག་པ་དེ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ལག་ན་རྡོ་
རྗེ་ལ་བཀའ་སྩལ་ཏོ། །ལག་ན་རྡོ་རྗེས་ཀླུ་རབ་ཏུ་འགྲོ་བར་བྱེད་པའི་སྙིང་པོ་སྦས་པ་རྡོ་རྗེ་ཞེས་བྱ་བའི་གཟུངས་དེ་བཞིན་གཤེགས་པའི་སྙིང་པོ་དང་ཕྱག་རྒྱ་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་གསུངས་པ་ཡོད་དེ་ངས་བཤད་པར་བྱའོ། །དེས་
མྱུར་དུ་གནོད་པ་བཀག་པའི་ཕྱིར་ལོ་ཏོག་ཐམས་ཅད་མྱུར་དུ་བསྐྱང་བར་འགྱུར་རོ། །ལེགས་པར་བསྲུངས་པར་འགྱུར། མེའི་རི་སུལ་ཆེན་པོ་སོ་སོ་ཕྱོགས་བཅུ་ཀུན་ནས་ཀླུ་ཐམས་ཅད་ཀྱི་མཚམས་བཅད་པར་འགྱུར་རོ། །མེ་ལྕེ་འབར་བའི་རིམ་པའི་སྤྲིན་ཆེན་པོ་ནམ་མཁའ་ལྡིང་འདབ་མ་གདེངས་པའི་
ཤུགས་ཞེས་བྱ་བའི་སྤྲིན་གྱི་རིམ་པས་ནམ་མཁའ་ཁེབས་པར་བྱེད་དོ། །ལོ་ཏོག་དང་མེ་ཏོག་དང་། འབྲས་བུ་ཐམས་ཅད་ཀུན་དུ་བསྲུང་སྟེ་གནས་པར་འགྱུར་རོ། །དེས་ཀླུ་ལ་སོགས་པ་ཐམས་ཅད་ཀུན་དུ་རབ་ཏུ་འབར་བར་འགྱུར་རོ། །ཀླུ་མི་བགྲུངས་པ་རྣམས་ཕུང་བར་འགྱུར་རོ། །འདུམ་

བར་འགྱུར་རོ། །དེ་ནས་བཅོམ་ལྡན་འདས་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སེམས་ཅན་ཐམས་ཅད་ལ་སྨན་པའི་སླད་དུ་གཟུངས་ཆེན་པོ་འདིའི་སྔགས་ཀྱི་ཚིག་བཤད་དུ་གསོལ། དེ་ནས་བཅོམ་ལྡན་འདས་ཀྱིས་
སྙིང་པོ་འདི་བཀའ་སྩལ་ཏོ། །ན་མོ་བྷ་ག་བ་ཏེ། སརྦ་བུད་དྷཱ་ནཱ་ན། ན་མོ་བྷ་ག་བ་ཏེ་ཤཱཀྱ་རཱ་ཛཱ་ཡ། ཨོྃ་ཛྭ་ལ་ཛྭ་ལ། གི་རཱི་བ་བྷ་ནི། དཱིཔྟ་བེ་ག་མ་ཧཱ་བ་དེ་བྷ་ག་བ་ཏེ་མ་ཧཱ་ཙཎྜ་ཧྲྀ་ད་ཡ་ས་ལ་ནི། ཧུ་རུ་ཧུ་རུ། ཧ་ར་ཧ་ར། ད་ཧ་ད་ཧ། པ་ཙ་པ་ཙ། སརྦ་ས་སྱཾ་ནཱ་ཤ་ཡ། ནཱ་ག་ཀུ་ལ་བྃ་
ཤན་དྷ་ར་དྷ་ར་བྲ་ས་ར་ཙཎྜ་བེ་ག་མ་ཧཱ་བ་ལ་པ་རཱ་ཀྲ་མ་སྥུ་རི་ཏ་རཽ་དྲ་བཀྟྲ། མ་ཐ་མ་ཐ། པྲ་ཛྭ་ཡ་མཱ་ལ་དྷཱ་ར་ཎཱི། ཙཎྜ་བེ་ག་བ་ཏི། པྲ་པར་བི་མན་དྷཱ་ར་ཎཱི། ཧཱུྃ་ཧཱུྃ། བ་ལ་བ་ཏི། བེ་ག་བ་ཏི། ས་ར་ས་ར། བི་ས་ར་བི་ས་ར་ས་རནྟི། སརྦ་ས་དྲི་སྱ་ན་ནཱ་མ་དྲི་བ་ན་ཡ་དྲི་བུ་ཡ་ཕ་ལ་ཕཊ། དྲ་སན་
དྷཱ་ར་ཎཱི། ཨ་པ་སརྦནྟུ་སརྦ་ནཱ་གཏོ་ཥ་སརྦ་བ་བྷ་བ་བྷ་ནི། བ་ག་ཏ་བེ་ག་པ་ཏི་སྭཱ་ཧཱ། ཧཱུྃ་ཧཱུྃ་ཕཊ། ནཱ་ག་བི་ས་ར་ནི་ཕཊ། ཛྭ་ལ་མཱ་ལི་ནི་ཕཊ། ཛྭ་ལ་མཱ་ལི་ནི་ཕཊ། ཕཊ་ཕཊ་ཕཊ་སྭཱ་ཧཱ། བཅོམ་ལྡན་འདས་ཀྱིས་ཀླུ་ཐམས་ཅད་དང་། ཀླུ་མི་བགྲུངས་པ་ཐམས་ཅད་མ་རུངས་པར་བྱེད་
པའི་རིག་པ་འདི་བཤད་མ་ཐག་ཏུ་ཀླུ་དང་ཀླུ་ཆེན་པོ་ཐམས་ཅད་ཀླད་པ་ན་བར་གྱུར། ལུས་རུལ་ཏེ་ལུས་རྣགས་ཤིང་དྲི་མི་ཞིམ་པར་གྱུར་ནས། བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་སྔགས་ཀྱི་ཚིག་ཤིན་ཏུ་མི་བཟད་པ་དག་བཀའ་
སྩལ་ཏོ། །བཅོམ་ལྡན་འདས་བདག་ཅག་གིས་ནོངས་པ་བགྱིས་མི་དྲན་དུ་ལགས་ཀྱིས་ཀྱང་། བཅོམ་ལྡན་འདས་རིག་འཛིན་གནོད་པ་བགྱིད་པས་བདག་ཅག་ལ་བརྙས་པ་དང་། རྡེག་པ་དང་འཆིང་བ་དང་། སྐྲོད་པ་དང་། གནོད་པ་དེའི་ཚེ་བཅོམ་ལྡན་འདས་ཀླུ་མི་བགྲུངས་པ་རྣམས་
འཁྲུགས་ཏེ། དེའི་ཚེ་ལོ་ཏོག་དང་། མེ་ཏོག་དང་། འབྲས་བུ་མ་རུངས་པར་བགྱིད། སེར་བ་འབབ་པར་བགྱིད། སད་དང་རླུང་གིས་འཁྲུག་པར་བགྱིད། ཧ་ཅང་ཆར་ཆེ་བ་དང་། ཆར་མི་འབབ་པ་དང་། དུས་མ་ལགས་པར་ཆར་འབབ་པར་བགྱིད་དོ། །བཅོམ་ལྡན་འདས་རིག་པ་

འཛིན་པ་སྔགས་སྨྲ་བས་བྱམས་པ་ལ་གནས་པར་བགྱི། བྱམས་པའི་གོ་བགོ་བར་བགྱི། བྱམས་པའི་རལ་གྲི་ལག་ན་ཐོགས་པར་བགྱི་སྟེ། བྱམས་པས་གནོད་པར་བགྱིད་པ་ཐམས་ཅད་ཞི་བར་བགྱིད་དོ། །བཅོམ་ལྡན་འདས་དེང་སླན་ཆད་དེ་བཞིན་གཤེགས་
པའི་སྤྱན་སྔར་བདག་ཅག་དམ་བཅའ་བར་འཚལ་ཏེ། གང་ན་རིག་པའི་རྒྱལ་མོ་འདི་རབ་ཏུ་སྤྱོད་པ་དེར་བཅོམ་ལྡན་འདས་ཀླུ་གཙེ་བར་མི་བགྱིད་དོ། །གང་ན་སྙིང་པོའི་གཟུངས་འདིས་སྲུང་བར་བགྱིས་པ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བར་
བགྱིས་པ་དང་། སྲད་བཱུ་བྲེ་བ་དང་། མཚམས་དགུམ་པ་དང་། དཀྱིལ་འཁོར་གྱིས་རིས་གཅད་པར་བགྱིས་པ་དེར་བཅོམ་ལྡན་འདས་བདག་ཅག་གིས་རྟག་པར་རྒྱུན་དུ་གནོད་པ་ཐམས་ཅད་བཟློག་པར་བགྱི་འཚལ་ལོ། །ལོ་ཏོག་དང་མེ་ཏོག་དང་། འབྲས་བུ་ཐམས་ཅད་ཀུན་དུ་བསྲུང་བར་
འཚལ་ལོ། །ཡོངས་སུ་བསྐྱང་བར་འཚལ་ལོ། །ཐ་ན་རྐུན་པོ་དང་། གཡོ་ཅན་དང་། རི་དགས་དང་། བྱ་རྣམས་ཀྱང་ཀུན་དུ་བསྲུང་བར་འཚལ་ཏེ། སླད་ཀྱིས་ཀྱང་མ་རུངས་པར་མི་བགྱིད་དོ། །དེ་ནས་བཅོམ་ལྡན་འདས་ཀྱིས་ཀླུའི་བདག་པོ་དེ་དག་ལ་ལེགས་སོ་ཞེས་བྱ་བ་གནང་སྟེ།
ཀླུའི་བདག་པོ་དག་ལེགས་སོ་ལེགས་སོ། །ཁྱོད་ཀྱིས་དེ་ལྟར་གྱིས་ཤིག །ཁྱེད་ཀྱིས་འཛམ་བུའི་གླིང་ལེགས་པར་སྲུང་བས་བསྲུང་བར་གྱིས་ཤིག །དེ་ནས་དེའི་འོག་ཏུ་ཆོ་གར་བྱ་བ་ལས་ཐམས་ཅད་བྱེད་པ་དགེ་བར་བྱ་བ་བརྗོད་པར་བྱའོ། །ལོ་ཏོག་ལ་གནོད་པར་བྱེད་ན་དེའི་ཚེ་རིག་པ་འཛིན་པས་
ཞིང་གི་དབུས་སམ་ཁང་སྟེང་ངམ། གནས་མཐོན་པོར་དཀྱིལ་འཁོར་གྲུ་བཞི་པ་བྱས་ལ་ཕྱོགས་བཞིར་བུམ་པ་བཀང་བ་བཞི་གཞག་གོ། །མེ་ཏོག་སིལ་མས་གཅལ་བཀྲམ་སྟེ་གཞག་གོ། །གཟུགས་འཁྱིལ་བ་བདུན་བྱའོ། །འབྲས་ལས་བྱས་པའི་འཁྱིལ་པ་བདུན་བྱ་སྟེ། གཟུགས་རེ་རེ་ཞིང་
ཡང་གཟུངས་ཉི་ཤུ་རྩ་རེ་བྱའོ། །འབྲས་དང་འོ་ཐུག་བསྲེས་བ་དང་ཞོ་དང་འོ་མ་གཞག་པར་བགྱིའོ། །ཕྱོགས་བཞིར་དྲིལ་བུ་གཞག་པར་བྱའོ། །པདྨ་ལྟ་བུར་ཟན་གྱི་གཏོར་མ་སྔ་མ་བཞིན་གཞག་པར་བྱའོ། །དཀྱིལ་འཁོར་གྱི་དབུས་སུ་བུམ་པ་ཆེན་པོ་བཞག་སྟེ་བ་ལས་བྱུང་བ་ལྔ་དང་། འོ་

མ་དང་ཆུས་དགང་ངོ་། །ཡུངས་ཀར་དང་འབྲས་ཡོས་བླུག་པར་བྱའོ། །སྔགས་ལན་དྲུག་ཅུར་ཡོངས་སུ་བཟླས་པར་བྱའོ། །སེང་ལྡེང་གི་ཕུར་བུ་བཞི་དང་། ལྕགས་ཀྱི་ཕུར་བུ་གཅིག་བྱ་སྟེ། ཐམས་ཅད་སོར་བརྒྱད་ཀྱི་ཚད་དུ་བྱའོ། །བ་སེར་སྐྱའི་ལྕི་བའམ། བག་ཕྱེ་ལས་
བྱས་པའི་ཀླུའི་གཟུགས་བཞི་བྱ་སྟེ། དཀྱིལ་འཁོར་གྱི་གྲྭ་བཞིར་གཞག་པར་བྱའོ། །སེང་ལྡེང་གི་ཕུར་བུ་དེ་དག་ཀྱང་སྙིང་གར་ནུབ་པར་གཟུགས་སོ། །སྔགས་བརྒྱ་རྩ་བརྒྱད་ཡོངས་སུ་བཟླས་པར་བྱའོ། །ཤར་ཕྱོགས་སུ་ཀླུ་མགོ་བདུན་པ་གཞག་པར་བྱའོ། །ནུབ་ཕྱོགས་སུ་
མགོ་བརྒྱད་པའོ། །ལྷོ་ཕྱོགས་སུ་མགོ་ལྔ་པའོ། །བྱང་ཕྱོགས་སུ་མགོ་གསུམ་པའོ། །དཀྱིལ་འཁོར་གྱི་དབུས་སུ་མགོ་དགུ་བ་གཞག་པར་བྱའོ། །པོག་ཕོར་རེ་རེ་སྟེ་ལྔ་གཞག་པར་བྱའོ། །ཡུངས་ཀར་དང་བྲ་ཡོས་སུ་བསྲེས་པ་ལ་ལན་ཉི་ཤུ་རྩ་གཅིག་བཟླས་པར་བྱའོ། །ཕྱོགས་བཞིར་
གཏོར་རོ། །གཟུངས་འདི་བྲིས་ལ་རྒྱལ་མཚན་གྱི་རྩེ་མོ་ལ་བཏགས་ཏེ་དཀྱིལ་འཁོར་གྱི་གྲྭ་བཞིར་གཟུགས་སོ། །ཞིང་གི་དབུས་སུ་ཡང་གཟུགས་སོ། །སྐྱེད་མོས་ཚལ་གྱི་དབུས་སུ་ཡང་གཟུགས་སོ། །དེ་བཙུགས་མ་ཐག་ཏུ་ཕྱོགས་བཞི་ཀུན་ནས་རི་སུལ་ཆེན་པོས་མཚམས་བཅད་པར་འགྱུར་
རོ། །ཇི་སྲིད་དུ་ཕུར་བུ་མ་ཕྱུང་བ་དེ་སྲིད་དུ་མཚམས་བཅད་པ་ཆེན་པོར་འགྱུར་རོ། །ལོ་ཏོག་ཐམས་ཅད་དང་མེ་ཏོག་དང་། འབྲས་བུ་ཐམས་ཅད་ལེགས་པར་བསྲུངས་པར་འགྱུར་རོ། །ཐ་ན་འདབ་མ་གཅིག་ཀྱང་སྐམས་པར་མི་འགྱུར་ན། ཡལ་ག་དང་སྡོང་བུ་སྐམ་པར་འགྱུར་བ་ལྟ་ཅི་སྨོས། སྲོག་
ཆགས་ཀྱི་རིགས་རི་དགས་དང་བྱ་ཐམས་ཅད་ཀྱང་ཁ་བཅིངས་པར་འགྱུར་རོ། །མ་རུངས་པར་བྱེད་ཀྱང་མི་ནུས་སོ། །གནས་དེར་རླུང་དང་། སྤྲིན་དང་སེར་བ་དང་སད་དང་། དུས་མ་ཡིན་པའི་རླུང་གིས་ཀྱང་མ་རུངས་པར་བྱེད་མི་ནུས་སོ། །ཀླུའི་གནོད་པ་བྱས་ཀྱང་མ་རུངས་པར་བྱེད་མི་ནུས་སོ། །མ་རུངས་པ་
ཞིག་ཏུ་གྱུར་ན་དེ་ཡང་སླར་རྟས་པར་འགྱུར་རོ། །ཡང་སྟོབས་དང་། རྟས་པ་དང་འོད་ཡོད་པར་འགྱུར་རོ། །བུམ་པ་ཆེན་པོ་ནང་ན་ཡོད་པ་དེ་ཡང་ཞིང་དང་། ཀུན་དགའ་ར་བ་དང་། སྐྱེད་མོས་ཚལ་གྱི་ཕྱོགས་བཞི་ཀུན་དུ་གཏོར་བ་བྱས་ན་སྲོག་ཆགས་ཐམས་ཅད་མེད་པར་འགྱུར་རོ། །སྦྲུལ་དང་།

བྱི་བ་དང་། ནེའུ་ལེ་དང་། བྱི་དུར་དང་། དོམ་དང་། སྦལ་པ་དང་། ཤ་སྦྲང་དང་། སྦྲང་བུ་དང་། འདབ་ཆགས་རྣམས་མེད་པར་འགྱུར་རོ། །གྲོག་སྦུར་ཐམས་ཅད་མེད་པར་འགྱུར་རོ། །ཐ་ན་ཕྱེ་མ་ལེབ་ལ་སོགས་པ་ཡང་ནམ་ཡང་མི་འབྱུང་ངོ་། །དྲོད་གཤེར་
ལས་སྐྱེས་པ་དང་། རྫུས་ཏེ་སྐྱེས་པ་དང་། སྒོ་ང་ལས་སྐྱེས་པའི་བར་གྱིས་ཀྱང་མ་རུངས་པར་བྱེད་མི་ནུས་སོ། །རླན་དང་མེ་ཏོག་ལས་སྐྱེས་པའི་སྲོག་ཆགས་ཀྱི་རྣམ་པ་དག་ཀྱང་ཕུར་བུ་མ་ཕྱུང་གི་བར་དུ་ནམ་ཡང་མི་འབྱུང་ངོ་། །ཕུར་བུ་མ་ཕྱུང་གི་བར་དུ་ཀླུའི་ཉེས་པ་རྣམ་པ་སྣ་ཚོགས་མི་འབྱུང་
ཤིང་རབ་ཏུ་འབྱུང་བར་མི་འགྱུར་རོ། །བདེ་བ་དང་ལོ་ལེགས་པ་དང་། ལོ་ཏོག་དང་། མེ་ཏོག་དང་། འབྲས་བུ་ཐམས་ཅད་ཡོངས་སུ་འགྲུབ་པར་འགྱུར་རོ། །རོ་ཞིམ་པ་དང་འཇམ་པར་འགྱུར་རོ། །ཀླུ་ཐམས་ཅད་ཀྱང་རྟག་པར་རྒྱུན་དུ་སྲུང་བ་དང་། སྐྱོབ་པ་དང་སྦེད་པ་བྱེད་པར་འགྱུར་
རོ། །ཕྱེ་མ་ལ་ལན་ཉི་ཤུ་རྩ་གཅིག་བཟླས་པར་བྱ་སྟེ། ལོ་ཏོག་དང་། མེ་ཏོག་དང་། འདབ་མ་དང་། ཤིང་ལྗོན་པ་རྣམས་ལ་གཏོར་ན་སྲོག་ཆགས་ཐམས་ཅད་ལྟུང་ཞིང་མེད་པར་འགྱུར་རོ། །སྲིན་བུ་ཏྲཻ་མ་བུ་ཀ་དང་། ཏྲཻ་ལ་ཏ་དང་། སྦྲུལ་གདུག་པ་དང་། རྐང་བརྒྱད་པ་དང་། སྲོག་
ཆགས་ཀྱི་རིགས་གཞན་དག་ཀྱང་ཕུར་བུ་མ་ཕྱུང་གི་བར་དུ་མེད་པར་འགྱུར་རོ། །མི་འབྱུང་བར་འགྱུར་རོ། །ཞིང་གི་ཕྱོགས་བཞིར་ཞི་བའི་ལས་བྱ་སྟེ། ནས་དང་། གྲོ་དང་། ཏིལ་དང་། ཡུངས་ཀར་དང་། འབྲས་དང་མར་བསྲེས་ཏེ་སྦྱིན་སྲེག་བྱས་ན་ཞི་བ་ཆེན་པོར་འགྱུར་རོ། །ཐ་ན་དུད་
འགྲོའི་སྐྱེ་གནས་སུ་སོང་བ་དག་གིས་ཀྱང་མ་རུངས་པར་བྱེད་མི་ནུས་སོ། །གཟུངས་འདི་དང་། ཆོ་གར་བྱ་བ་འབྱུང་བ་མཐའ་དག་བྲི་བར་བྱ་སྟེ། སངས་རྒྱས་བཅོམ་ལྡན་འདས་དང་། དྲང་སྲོང་ཆེན་པོ་ཉེས་འདོར་དང་། རྡོ་རྗེ་འཛིན་བྲིས་ལ་རྒྱལ་མཚན་གྱི་རྩེ་མོ་ལ་བཏགས་ཏེ་གནས་མཐོན་པོར་
གཟུགས་སོ། །གཏོར་མ་དང་། མེ་ཏོག་དང་། བདུག་པ་ཡང་འབུལ་ལོ། །སེང་ལྡེང་གི་ཕུར་བུ་སོར་བརྒྱད་པ་ལ་ལན་སྟོང་ཡོངས་སུ་བཟླས་པ་བྱས་ཏེ་ཁང་སྟེང་དུ་བཙུགས་ན་རླུང་དང་། སད་དང་། སྤྲིན་དང་། སེར་བ་ཐམས་ཅད་ཐུབ་པར་འགྱུར་རོ། །ལོ་ཏོག་དང་། མེ་ཏོག་དང་།

འབྲས་བུ་དང་། འདབ་མ་མ་རུངས་བར་བྱེད་པའི་སྲོག་ཆགས་རྣམས་མེད་པར་འགྱུར་ཏེ། ཤ་སྦྲང་དང་། སྦྲང་བུ་དང་། པི་ཙི་ལི་ཀ་དང་། བྱི་བ་དང་། སྦྲང་མ་དང་། ཏྲཻ་མ་བུ་ཀ་དང་། ཏྲཻ་ལ་ཏ་དང་། བི་ཤ་ཀི་ཏ་ཀ་དང་། ཉ་ཕྱིས་ཅན་དང་། ཉ་དང་ལོ་མི་ཀ་དང་། སྦལ་པ་དང་། ནེའུ་ལེ་དང་།
ཕག་དང་། ཀན་ཏི་ཀ་དང་། སེང་གེ་དང་། རྐང་མངས་དང་། རྐང་གཅིག་པ་དང་། རུས་སྦལ་དང་། གྲོག་མོ་དང་། སྦྲང་རྩིའི་སྦྲང་མ་དང་། ཐང་གི་སྦྲང་མ་དང་། བུང་བ་དང་། ནག་པོ་དང་། ཤང་ག་ནི་ཀ་དང་། སའི་འོག་ནས་བྱུང་བ་དང་། མ་ལུ་ཤི་ཀ་དང་། འུག་པ་དང་། བྱི་
བ་དང་། མཆུ་རིངས་ལ་སོགས་པའི་སྲོག་ཆགས་ཀྱི་རིགས་ཐམས་ཅད་མེད་པར་འགྱུར་རོ། །མི་འབྱུང་བར་འགྱུར་རོ། །ཐམས་ཅད་ཕུང་བར་འགྱུར་རོ། །བྱ་རོག་དང་། བྱེའུ་དང་། ཁུག་རྟ་དང་། ཕུག་རོན་དང་། མ་དུ་རི་ཀ་དང་། འུག་པ་དང་། ཁ་ན་ཛ་ན་ཀ་དང་། ནེའུ་ཚོ་དང་། རི་
སྐེགས་ལ་སོགས་པ་ཐམས་ཅད་མེད་པར་འགྱུར་རོ། །སྔགས་འདིས་ཕུར་བུ་ལ་ཡོངས་སུ་བཟླས་པར་བྱས་ཏེ་ཕྱོགས་བཅིང་ངོ་། །ན་མོ་བུད་དྷཱ་ཡ། ཨོྃ་ཀི་ལི་མི་ལི་ཙཏྟེ། མེ་རི་ལི། ཙཎྜ་ཙཎྜེ་བནྡྷ་ཡ་སྭཱ་ཧཱ། དེ་ནས་དྲང་སྲོང་ཆེན་པོ་ཉེས་འདོར་བཅོམ་ལྡན་འདས་དང་ཧ་ཅང་ཡང་མི་རིང་བ་ཞིག་ན་
འདུག་པས་གཟུངས་འདི་ཐོས་ནས་དེ་སྟན་ལས་ལངས་ནས། བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་སྲོག་ཆགས་ཀྱི་རིགས་གནོད་པར་སེམས་པ། རབ་ཏུ་གནོད་པར་སེམས་པ། དུག་འཆང་བ་
ལོ་ཏོག་དང་། མེ་ཏོག་དང་། འབྲས་བུ་དང་། འདབ་མ་དང་། སྡོང་བུ་དང་། རྩ་བ་མ་རུངས་བར་བགྱིད་པ་ཐམས་ཅད་ཀྱི་ཁ་བཅིང་བར་བགྱིའོ། །བཟློག་པར་བགྱིའོ། །བསྡིགས་པར་བགྱིའོ། །ཕྱོགས་བཞི་ཀུན་ནས་དཔག་ཚད་དུ་མཚམས་གཅད་པ་ཆེན་པོ་བགྱིའོ། །ཀུན་དུ་བསྲུང་
བར་བགྱིའོ། །བཅོམ་ལྡན་འདས་སླད་མའི་ཚེ་སླད་མའི་དུས་ན་གནོད་པར་སེམས་པ། རབ་ཏུ་གནོད་པར་སེམས་པ་ཐམས་ཅད་བཟློག་པར་བགྱིའོ། །སྔགས་ཀྱི་ཚིག་རྗེས་སུ་གསལ་བར་བགྱིའོ། །བཅོམ་ལྡན་འདས་སེམས་ཅན་ཐམས་ཅད་ཀྱི་དོན་དང་། བདག་ལ་ཐུགས་བརྩེ་

བའི་སླད་དུ་དེ་བྱིན་གྱིས་བརླབ་ཏུ་གསོལ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །དྲང་སྲོང་ཆེན་པོ་ངས་བྱིན་གྱིས་བརླབས་ཀྱིས་སེམས་ཅན་ཐམས་ཅད་ཀྱི་དོན་དང་། ལོ་ཏོག་དང་། མེ་ཏོག་དང་། འབྲས་བུ་དང་། ལྡུམ་ར་ཡོངས་སུ་བསྲུང་བའི་
ཕྱིར་གཟུངས་ཀྱི་སྔགས་ཀྱི་ཚིག་སྨྲོས་ཤིག །དེ་ནས་དྲང་སྲོང་ཆེན་པོ་རྣམས་ཀྱིས་བཅོམ་ལྡན་འདས་ཀྱི་སྤྱན་སྔར་འདུག་ནས་འདི་སྐད་ཅེས་སྨྲས་སོ། །ན་མོ་བྷ་ག་བ་ཏེ་ཤཱཀྱ་རཱ་ཛཱ་ཡ། ཏ་ཐཱ་ག་ཏཱ་ཡ། ན་མོ་ཨ་གསྟཱ་ཡ། མ་ཧཱ་རྀ་ཥ་ཡེ། ཏདྱ་ཐཱ། ཀྵ་མི་ཙུ་ཡི། ཙ་ལ་ཙ་ར་ཙ་ར། ཧོ་མི་ལི།
བནྡྷ་ནི། ནཱ་ཤ་ནི། ད་ཧ་ད་ཧ། སུ་མུ་རི་ཙ་རི། སརྦ་དུཥྚཾ་བྷནྡྷ་ནི། ཏུཎྜ་བནྡྷ་ནི། ས་ར་ས་ར་ཎི། ཀྵུ་ཀྵུ་ཀྵུ། མ་ནི་ཤུ་རི་བི་ས་ར་ས་ར། ཧ་ལི་ཏུ་ལི། ཧུ་ཏི་ཧུ་ཏི། ས་ར་མ་ནི། ས་རནྡུ། སརྦ་པཱ་པ་པཱ་ནག་ཀྵུ་དྷ་ལི་སྭཱ་ཧཱ། དྲང་སྲོང་ཆེན་པོ་ཉེས་འདོར་གྱིས་བཅོམ་ལྡན་འདས་ཀྱི་སྤྱན་སྔར་རིག་པ་
འདི་སྨྲས་མ་ཐག་ཏུ་ཀླུ་དང་། གནོད་སྦྱིན་དང་། སྲིན་པོ་གནོད་པར་སེམས་པ་དེ་དག་ཐམས་ཅད་ཁས་བུབ་ཏུ་འགྱེལ་ནས་བཅོམ་ལྡན་འདས་ལ་སྐད་ཀྱི་གསང་མཐོན་པོས་སྨྲེ་སྔགས་འདོན་ཏེ། བཅོམ་ལྡན་འདས་བདག་ཅག་མ་རུངས་ལགས་སོ། །དྲང་སྲོང་གི་དམོད་པ་བབ་པར་གྱུར་ཏོ། །བཅོམ་
ལྡན་འདས་བདག་ཅག་དྲང་སྲོང་གི་དམོད་པའི་མེས་ཚིག་གོ། །ཀུན་དུ་ཚིག་གོ། །བཅོམ་ལྡན་འདས་བདག་ཅག་སླན་ཆད་འཛམ་བུའི་གླིང་དུ་སེམས་ཅན་རྣམས་ལ་རྣམ་པར་འཚེ་བར་མི་བགྱིད་དོ། །བཅོམ་ལྡན་འདས་བདག་ཅག་སླན་ཆད་ལོ་ཏོག་དང་། མེ་ཏོག་དང་། འབྲས་བུ་དང་། འདབ་མ་
མ་རུངས་པར་མི་བགྱིད་དོ། །སྲོག་ཆགས་ཀྱི་རིགས་ཐམས་ཅད་བཟློག་པར་བགྱིད་དོ། །བཅོམ་ལྡན་འདས་ཀྱིས་དེ་དག་ལ་བཀའ་སྩལ་པ། ཀླུའི་བདག་པོ་དག་ཁྱེད་ཀྱིས་དེ་ལྟར་གྱིས་ཤིག །འཛམ་བུའི་གླིང་པའི་སེམས་ཅན་ཐམས་ཅད་ལོ་ཏོག་དང་། མེ་ཏོག་དང་། འབྲས་བུ་དང་། འདབ་མ་དང་།
ཡལ་ག་བདེ་བར་ཀུན་དུ་འཕེལ་བར་གྱུར་པ་རྗེས་སུ་སྲུངས་ཤིག །དེ་ནས་དྲང་སྲོང་ཆེན་པོ་དེས་ཆོ་གར་བྱ་བ་སྨྲས་པ། བཅོམ་ལྡན་འདས་ཁ་ཤར་ཕྱོགས་སུ་བལྟས་ཏེ་མཆིས་ལ། རིག་པ་དྲང་སྲོང་ཆེན་པོའི་སྙིང་པོ་འདི་རིལ་བ་བྷྲྀང་གར་ཆུས་བཀང་ལ་ལན་བརྒྱ་རྩ་བརྒྱད་ཡོངས་སུ་བཟླས་པ་

བགྱི་སྟེ། དྲང་སྲོང་གི་མི་སྨྲ་བས་ཕྱོགས་བཞིར་གཏོར་བར་བགྱིའོ། །ཨ་བ་ས་ར་ས་ར། ཤ་པ་ཏ་པ་དཱ་མ། ཧྲི་ད་ཡ་ཀྲོ་དྷ། ཨ་མུ་ཀ་བནྡྷ་ཡ། པྲ་ན་ཙ་ར། སུ་མུ་རུ་ཙ་ལ་སྭཱ་ཧཱ། སྔགས་འདི་ལན་བདུན་སྟོང་བཟླས་པ་བགྱི་སྟེ། བཟླས་པ་ཙམ་གྱིས་ཀླུ་གནོད་པར་སེམས་པ་ཐམས་ཅད་
ཚ་བས་གདུངས་པར་འགྱུར་རོ། །རྐང་གཉིས་པ་དང་། རྐང་བཞི་པའི་བར་གྱི་སྲོག་ཆགས་ཀྱི་རིགས་ཐམས་ཅད་དམོད་པས་གདུངས་པར་གྱུར་ཏེ་ཐམས་ཅད་འབྱེར་རོ། །སླར་ཡང་ཕྱོགས་དེར་ལོ་ཏོག་ལ་གནོད་པ་མི་བགྱིད་དོ། །སྲོག་ཆགས་ཀྱི་རིགས་ཐམས་ཅད་མ་མཆིས་པར་འགྱུར་རོ། །
སྲོག་ཆགས་ཀྱི་རིགས་ཐམས་ཅད་ཕྱིས་ཀྱང་མ་མཆིས་པར་འགྱུར་རོ། །ཡང་ལོ་ཏོག་དང་། མེ་ཏོག་དང་། འབྲས་བུ་དང་། འདབ་མ་མ་རུངས་པར་མི་བགྱིད་དོ། །དེ་ནས་བཅོམ་ལྡན་འདས་ཀྱིས་དྲང་སྲོང་ཆེན་པོ་ལ་ལེགས་སོ་ཞེས་བྱ་བ་གནང་སྟེ། དྲང་སྲོང་ཆེན་པོ་ལེགས་སོ་ལེགས་སོ། །
ཁྱོད་ཀྱིས་ཅི་ནས་ཀྱང་སེམས་ཅན་ཐམས་ཅད་ལ་ལེགས་པར་བསྲུང་བར་འགྱུར་བ་དང་། ལོ་ཏོག་དང་། མེ་ཏོག་དང་། འབྲས་བུ་ཐམས་ཅད་ལེགས་པར་བསྲུང་བར་གྱུར་པ་དེ་ལྟར་གྱིས་ཤིག །དེ་ནས་བཅོམ་ལྡན་འདས་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །
སླད་མའི་ཚེ་སླད་མའི་དུས་ན་རྗེས་སུ་སྲུང་བར་བགྱིད། ཡོངས་སུ་སྲུང་བར་བགྱིད་ན། བཅོམ་ལྡན་འདས་ཀྱིས་བྱིན་གྱིས་བརླབ་ཏུ་གསོལ། ལག་ན་རྡོ་རྗེ་ལེགས་སོ་ལེགས་སོ། །སེམས་ཅན་ཐམས་ཅད་ཡོངས་སུ་སྲུངས་ཤིག །ལོ་ཐོག་ལ་གནོད་པར་བྱེད་པ་ཀླུའི་ཆོ་ག་རྫོགས་སོ།། །།
དེ་ནས་དེའི་འོག་ཏུ་བཅོམ་ལྡན་འདས་ཞམ་རིང་ཆེན་པོ་དང་། འཁོར་འདུས་པ་ཆེན་པོ་དང་། བཀོད་པ་ཆེན་པོ་དང་། དོན་ཡོད་པའི་མཐུ་ཆེན་པོ་དང་། ཆོ་འཕྲུལ་ཆེན་པོ་ཀུན་དུ་སྟོན་པས་རྒྱལ་པོ་ཆེན་པོ་རྣམ་ཐོས་ཀྱི་བུའི་གནས་སུ་གཤེགས་སོ། །དེ་ནས་བཅོམ་ལྡན་འདས་རྣམ་ཐོས་ཀྱི་བུའི་གནས་
དང་ཧ་ཅང་ཡང་མི་རིང་བ་ཞིག་ཏུ་བྱོན་པ་དང་། ས་ཕྱོགས་དེ་ན་འབྲོག་གི་ནགས་ཉི་ཤུ་པ་ཞེས་བྱ་བ་ཞིག་ཡོད་དེ། ནགས་དེའི་མཐོངས་ན་རྫིང་བུ་ཞིག་ཡོད་ལ། རྫིང་བུ་དེའི་མཐུས་ལྕང་ལོ་ཅན་གྱི་ཕོ་བྲང་འཁོར་གྱི་ཞིང་དང་ཀུན་དགའ་ར་བ་དང་། ནགས་དང་། འདབ་མ་དང་། མེ་ཏོག་དང་། འབྲས་

བུ་རྣམས་ཀུན་དུ་ཚིམ་པར་གྱུར་ཏོ། །སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། བ་ལང་དང་། རྟ་དང་། རྟ་རྒོད་མ་དང་། མ་ཧེ་དང་། གླང་པོ་ཆེ་དང་། བོང་བུ་དང་། སྐྱེ་བོའི་ཚོགས་ཐམས་ཅད་བདེ་བས་ཚིམ་པར་གྱུར་ཏོ། །རྫིང་བུ་དེ་
ཡང་ཕྱོགས་བཞི་ཀུན་དུ་རྒྱར་དཔག་ཚད་གཉིས་ཀྱི་ཚད་དོ། །རྫིང་བུ་དེ་ཡང་མེ་ཏོག་ཨུཏྤ་ལ་དང་། པདྨ་དང་། ཀུ་མུད་དང་། པུནྡ་རི་ཀ་སྣ་ཚོགས་ཀྱིས་ཀུན་དུ་ཁེབས་ཤིང་། ཉ་སྣ་ཚོགས་དང་། ཆུ་བྲན་དང་། ཉ་མིད་དང་། ཆུ་སྲིན་བྱིས་པ་གསོད་དང་། བུང་བ་གཟུགས་སྣ་ཚོགས་
ཅན་ནོ། །དེ་ནས་དེའི་འོག་ཏུ་ཐན་པ་བྱུང་བ་དེའི་ཚེ་ནགས་ཚལ་དང་། མེ་ཏོག་དང་། འབྲས་བུ་དང་། འདབ་མ་དང་། ཡལ་ག་ཐམས་ཅད་སྐམས་ཏེ་མེ་ཏོག་དེ་དག་རྙིངས་སོ། །ཉ་དང་། ཆུ་སྲིན་དང་། ཉ་མིད་དང་། ཆུ་སྲིན་བྱིས་པ་གསོད་དང་། བུང་བ་གཟུགས་སྣ་ཚོགས་པ་དེ་དག་ཀྱང་
ཆུ་བྲི་སྟེ་ཆུ་ཅུང་ཟད་ཅིག་ལུས་པས་ཕྱོགས་བཅུར་རྒྱུག །ཀུན་དུ་རྒྱུག་རབ་ཏུ་རྒྱུག་སྟེ། སྲོག་འགགས་ལ་ཐུག །སྲོག་འཆད་ལ་ཐུག་པས་སྙིང་འཕར་ཞིང་རྒྱུག་གོ། །དེ་ནས་བཅོམ་ལྡན་འདས་ཞམ་རིང་བ་ཆེན་པོ་དང་རྫིང་བུ་དེར་བྱོན་པ་དང་། དེ་ན་ཉ་དང་། ཆུ་སྲིན་དང་། ཆུ་སྲིན་བྱིས་པ་གསོད་
དང་། བུང་བ་བརྒྱ་སྟོང་དུ་མ་སྲོག་འགགས་ལ་ཐུག །སྲོག་འཆད་ལ་ཐུག་སྟེ་ཕྱོགས་བཅུར་རྒྱུག་ཅིང་སྙིང་རྗེ་རྗེ་ལྟར་གཟིགས་ནས། བཅོམ་ལྡན་འདས་ཀྱིས་བྱམས་པའི་དམིགས་པ་སྙིང་རྗེས་དབུགས་བྱུང་སྟེ་སེ་གོལ་གྱི་སྒྲས་ཀླུ་རྣམས་འབོད་ཅིང་ལན་གཉིས་ལན་གསུམ་དུ་སེ་གོལ་རྡོབ་ཅིང་
སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སྒྲ་གྲག་པར་མཛད་དོ། །སྔོན་ལས་ཀྱི་རྐྱེན་འགའ་ཞིག་གིས་སྲོག་ཆགས་དེ་དག་ཀྱང་སྲོག་མ་ཆད་དོ། །ཀླུ་ཆེན་པོ་དེ་དག་གིས་སྒྲ་དེ་ཡང་མ་ཐོས། བཅོམ་ལྡན་འདས་ཀྱང་རྗེས་སུ་མ་དྲན་ནོ། །དེ་ནས་བདུད་ཀྱི་རིགས་ཀྱི་གནོད་སྦྱིན་རྣམ་
པར་འཐོར་རླུང་ཞེས་བྱ་བ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སྒྲ་བསྒྲགས་པ་ཞག་བདུན་གྱི་ཉིན་པར་སྲེག་པའི་བསྐལ་བ་འབྱུང་སྟེ། འདི་ནི་སྲིད་པའི་རྩེ་མོ་ནས་མནར་མེད་པའི་སེམས་ཅན་དམྱལ་བ་མནར་མེད་པ་ལ་ཐུག་པའི་བར་དག་ལས་གང་ཚིག་བར་མི་འགྱུར་བ་ཅུང་ཟད་ཀྱང་

མི་སྲིད་དོ། །འཇིག་རྟེན་དུ་འཇིགས་པ་ཆེན་པོ་བྱུང་ཞེས་སྒྲ་གྲག་གོ། །དེ་ནས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དེ་དག་ཐམས་ཅད་ཀྱིས་སྒྲ་དེ་ཐོས་ནས་
ཀྱི་ཧུད་ཀྱི་ཧུད་འཇིག་རྟེན་མ་རུངས་བར་གྱུར་ཏོ་ཞེས་ངུའོ། །དེ་ནས་བཅོམ་ལྡན་འདས་ཀྱིས་ལས་ཀྱི་རྐྱེན་གྱིས་འདི་མྱོང་བར་མཁྱེན་མོད་གྱི། འོན་ཀྱང་དགོངས་པ་མཛད་དེ་བཅོམ་ལྡན་འདས་ཀྱི་སྨིན་མཚམས་ཀྱི་མཛོད་སྤུ་ནས་འོད་ཟེར་བྱུང་ནས། འོད་ཟེར་དེས་ཀླུའི་ཁྱིམ་ཐམས་ཅད་སྣང་བར་
བྱས་ནས་ཀྱང་སླར་ལོག་སྟེ་སྤྱི་བོའི་གཙུག་ཏུ་ནུབ་པར་གྱུར་ཏོ། །དེ་ནས་ཀླུའི་རྒྱལ་པོ་ཀུན་ནས་གདུགས་ཀྱི་རྣམ་པས་བསྐོར་བ་ཞེས་བྱ་བས་ཀླུ་ཐམས་ཅད་བསྡུས་ནས་འདི་སྐད་ཅེས་སྨྲས་སོ། །ཀྱེ་ཀླུ་དང་ཀླུ་ཆེན་པོ་དག་ཅིའི་ཕྱིར་འོད་ཟེར་བྱུང་ཞིང་རྐྱེན་གང་གིས་འཇིག་རྟེན་དུ་བྱུང་། དེ་ནས་
ཀླུའི་རྒྱལ་པོ་ཆེན་པོ་རྒྱ་མཚོས་བསམས་ནས། བཅོམ་ལྡན་འདས་ཀྱི་མཐུས་འོད་ཟེར་བྱུང་བར་མཐོང་ངོ་། །དེ་ནས་ཀླུའི་རྒྱལ་པོ་རྒྱ་མཚོ་དང་། གཞན་ཡང་ཀླུའི་རྒྱལ་པོ་མཐུ་ཆེ་བ་བཅོམ་ལྡན་འདས་གང་ན་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་གཏུགས་ཏེ་འདི་སྐད་ཅེས་གསོལ་
ཏོ། །བཅོམ་ལྡན་འདས་འོད་ཟེར་རབ་ཏུ་བཀྱེ་བའི་རྒྱུ་གང་ལགས། རྐྱེན་གང་ལགས། འོད་ཟེར་རབ་ཏུ་བགྱེ་སྟེ་ཁང་པ་ཐམས་ཅད་སྣང་བར་བགྱིས་ཏེ། སླར་ལྡོག་པར་བྱེད་པའི་རྒྱུ་གང་ལགས། རྐྱེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀྱེ་ཀླུའི་བདག་པོ་དག་
སྲོག་ཆགས་བརྒྱ་སྟོང་ཕྲག་མང་པོ་སྲོག་འགགས་པས་འགག་པར་འགྱུར་བའོ། །དེ་ནས་ཀླུའི་རྒྱལ་པོ་རྒྱ་མཚོས་སྐད་ཅིག་ཐང་ཅིག་ཡུད་ཙམ་དེ་ལ་རྫིང་བུ་ཆར་གྱི་རྒྱུན་གྱི་ཆུས་བཀང་ནས་བདེ་བས་ཚིམ་པར་བྱས་སོ། །དེ་ནས་ཕྱོགས་དེར་གོ་སྐབས་ཆེན་པོ་བྱུང་བར་གྱུར་ནས་ས་ཕྱོགས་དེར་བཅོམ་
ལྡན་འདས་འཁོར་ཆེན་པོས་ཀུན་ནས་བསྐོར་ཏེ་མདུན་དུ་བདར་བའི་དབུས་ན་བཞུགས་སོ། །ཀླུའི་འཁོར་ཆེན་པོ་འདུས་པ་ནི་འདི་ལྟ་སྟེ། ཀླུའི་རྒྱལ་པོ་སྟོང་ཕྲག་བརྒྱད་ཅུ་སྟེ། ཀླུའི་རྒྱལ་པོ་རྒྱ་མཚོ་ལ་སོགས་པ་ཀླུའི་རྒྱལ་པོ་ཀུན་ནས་གདུགས་ཀྱི་རྣམ་པས་བསྐོར་བ་དེ་སྟན་ལས་ལངས་ནས་

བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་གཏུགས་ཏེ་ཕྱག་འཚལ་ནས་ལན་གསུམ་བསྐོར་བ་བྱས་ནས་མེ་ཏོག་དང་། བདུག་པ་དང་། ཕྲེང་བ་དང་། སྤོས་དང་། བྱུག་པ་དང་། རྒྱན་དང་། ལྷབ་ལྷུབ་
དང་། ན་བཟའ་སྣ་ཚོགས་ཀྱིས་བཅོམ་ལྡན་འདས་ལ་མཆོད་དེ་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་རྒྱལ་པོ་བཞིས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཇིགས་པ་ཆེན་
པོ་མི་བཟད་པ་འཇིག་རྟེན་དུ་བྱུང་སྟེ། འདི་ལྟར་ཐན་པ་བྱུང་ཞིང་མུ་གེའི་དགོན་པར་གྱུར་པ་ལགས་སོ། །བཅོམ་ལྡན་འདས་སྡུག་བསྔལ་འདིས་སེམས་ཅན་ཐམས་ཅད་མགོན་མ་མཆིས། སྐྱབས་མ་མཆིས། དཔུང་གཉེན་མ་མཆིས་པར་གྱུར་ན། བཅོམ་ལྡན་འདས་ཀྱིས་དེ་ལྟ་
བུ་དང་མཐུན་པའི་སྔགས་ཀྱི་ཚིག་བཤད་དུ་གསོལ། གང་གིས་སླད་མའི་ཚེ་སླད་མའི་དུས་ན་སྡུག་བསྔལ་སྣ་ཚོགས་སུ་ལྟུང་བའི་འཇིག་རྟེན་ཀུན་དུ་སྒྲོལ་བ་དང་། ཧ་ཅང་ཆར་ཆེ་བ་དང་། ཆར་མ་མཆིས་པ་དང་། དུས་མ་ལགས་པའི་ཆར་དང་། སེར་བ་དང་། སད་དང་། ཚ་བ་
མ་མཆིས་པར་བགྱིད་པ་དང་། མུ་གེའི་དགོན་པ་རབ་ཏུ་མ་མཆིས་པར་བགྱིད་པ་དང་། བཟློག་པ་དང་། ཡོངས་སུ་བསྐྱང་བའི་སླད་དུ་གཟུངས་ཀྱི་སྔགས་ཀྱི་ཚིག་བཤད་དུ་གསོལ། དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་རྣམ་ཐོས་ཀྱི་བུ་དང་། རྒྱལ་པོ་ཆེན་པོ་ཡུལ་འཁོར་སྲུང་
དང་། རྒྱལ་པོ་ཆེན་པོ་འཕགས་སྐྱེས་པོ་དང་། རྒྱལ་པོ་ཆེན་པོ་མིག་མི་བཟང་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དག་ཀླུའི་སྙིང་པོའི་གཟུངས་ཀྱི་སྔགས་ཀྱི་ཚིག་སྐུལ་མ་འདེབས་པ་ཀུན་ནས་འབར་བའི་གློག་ཅེས་བྱ་བ་ཡོད་དེ། དེ་དྲན་པ་ཙམ་གྱིས་ཀླུ་ཐམས་ཅད་ཀྱི་
ཁྱིམ་དང་། ཀླུ་ཐམས་ཅད་ཀྱི་ལུས་འབར་བར་འགྱུར་རོ། །ཀླུ་མི་བགྲུངས་པ་ཐམས་ཅད་ཀྱི་སྙིང་འཕར་བར་འགྱུར་རོ། །ཀླུ་ཐམས་ཅད་ཀྱི་མགོ་ཚལ་པ་བདུན་དུ་འགས་པར་འགྱུར་རོ། །མིག་དང་མགོ་རྣམས་གས་ནས་དུམ་བུ་དུམ་བུར་ཆད་ཅིང་འབྲུལ་བར་འགྱུར་རོ། །རྒྱལ་པོ་ཆེན་

པོ་དག་ཀླུ་གནོད་པར་སེམས་པ་དང་། རབ་ཏུ་གནོད་པར་སེམས་པ་རྣམས་ཀྱི་དོན་དང་། སེམས་ཅན་ཐམས་ཅད་ཀྱི་ཕྱིར་ཟུང་ཤིག །དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀླུའི་
སྙིང་པོའི་སྔགས་ཀྱི་ཚིག་སྐུལ་མ་འདེབས་པ་ཀུན་ནས་འབར་བའི་གློག་ཅེས་བགྱི་བ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་ཀླུའི་ལྟ་སྟངས་དང་། དེ་བཞིན་གཤེགས་པའི་གཟིགས་སྟངས་ཀྱིས་རྣམ་པར་གཟིགས་ནས་ཀླུའི་འཁོར་འདུས་པ་ཐམས་ཅད་ལ་འདི་སྐད་ཅེས་
བཀའ་སྩལ་ཏོ། །ཀླུའི་བདག་པོ་དག་ང་ལས་གཟུངས་ཀྱི་ཚིག་གི་སྔགས་ཀྱི་ཚིག་ཉོན་ཅིག །ཏདྱ་ཐཱ། ཨོྃ་བི་པུ་ལེ། བྲ་བ་རེ། ནཱ་གེ་མ་ཧཱ་ནཱ་ག་ཧྲྀ་ད་ཡ། ཨཱ་བརྟེ། ཛྭ་ལ་ཛྭ་ལ། སརྦ་ནཱ་ག་ཧྲྀ་ད་ཡཱ་ནི། ཀི་མི་ཀི་མི། ནཱ་ག་ཀུ་ལ་བི་དྷྭནྶ་ནི། ཧ་ན་ཧ་ན། སརྦ་ནཱ་ག་དུ་ཥྚཱཾ་ཧྲྀ་ད་ཡཱ་ནི།
ཧ་ན་ཧ་ན། སརྦ་དུ་ཥྚཱཾ་ནཱ་ག་བྷ་པ་ནཱ་ནི། པ་ཙ་པ་ཙ་པ་ཙ་ཡ། སརྦ་དུཥྚཱཾ་ནཱ་གཱ་ནཱཾ། ཨ་ཀྲྀ་མ། ཨ་ཀྲྀ་མ། ས་མུ་དྲཱ་སཱ་ག་ར། བི་མ་ལེ། བི་ཀྲ་མེ། མ་ཧཱ་ནཱ་ག་ག་ཏེ། ཛ་བ་རེ་སྭཱ་ཧཱ། བཅོམ་ལྡན་འདས་ཀྱིས་ཀླུའི་སྙིང་པོའི་གཟུངས་ཀྱི་སྔགས་ཀྱི་ཚིག་འདི་གསུངས་པ་ཙམ་གྱིས་ཀླུ་དེ་དག་ཐམས་
ཅད་འདར་ཞིང་ལུས་རུལ་ཏེ་དྲི་མི་ཞིམ་པར་གྱུར་ཏོ། །མེ་འབར་བ་བཞིན་དུ་ལུས་ལ་དུ་བར་འཐུལ་ཞིང་འགྲེ་ལྡོག་གོ། །ཐམས་ཅད་སྐད་ཆེར་བཅོམ་ལྡན་འདས་ལ་ངུ་ཞིང་ཐམས་ཅད་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྔགས་ཀྱི་ཚིག་ཤིན་ཏུ་མི་བཟད་པ་དག་
བཀའ་སྩལ་ཏོ། །བཅོམ་ལྡན་འདས་བདག་ཅག་ཐམས་ཅད་ཀྱི་སྙིང་ལ་གཡོ་མ་མཆིས་པར་འགྱུར་རོ། །བཅོམ་ལྡན་འདས་བདག་ཅག་ཐམས་ཅད་ཚིག་སྟེ་མ་རུངས་པར་གྱུར་ཏོ། །བཅོམ་ལྡན་འདས་དེང་སླན་ཆད་མཐུན་པར་བགྱིད་དོ། །བཅོམ་ལྡན་འདས་ཀྱི་སྤྱན་སྔར་ཡི་དམ་བགྱིད་དོ། །བཅོམ་
ལྡན་འདས་བདག་ཅག་ཀླུའི་སྐྱེ་གནས་ན་གནས་ཀྱི་བར་དུ་བཅོམ་ལྡན་འདས་ཡང་བདག་ཅག་འཛམ་བུའི་གླིང་དུ་འཚེ་བ་མི་བགྱིད་དོ། །མ་རུངས་པར་མི་བགྱིད་དོ། །མེ་ཏོག་དང་ཡལ་ག་དང་། འབྲས་བུ་དང་། ལོ་ཏོག་ཐམས་ཅད་ཡོངས་སུ་རྒྱས་པར་བགྱིད་དོ། །དུས་དུས་སུ་ཆར་གྱི་རྒྱུན་

འབབ་པར་བགྱིད་དོ། །བདེ་བ་དང་ཡིད་བདེ་བར་བགྱིད་དོ། །ལོ་ཏོག་དང་། མེ་ཏོག་དང་། འབྲས་བུ་ཐམས་ཅད་འགྲུབ་པར་བགྱིད་དོ། །དེ་བཞིན་གཤེགས་པའི་བཀའ་རྗེས་སུ་བསྐྱང་བར་བགྱིད་དོ། །བདེན་པའི་དམ་ཚིག་ལ་གནས་པར་བགྱིད་དོ། །བུ་
གཅིག་པ་ལ་བགྱི་བ་བཞིན་དུ་སེམས་ཅན་ཐམས་ཅད་རྗེས་སུ་བསྐྱང་བར་བགྱིད་དོ། །བཅོམ་ལྡན་འདས་ཕྱོགས་གང་དང་གང་ན་རིག་པའི་རྒྱལ་མོ་འདི་སྤྱོད་པ་དེར་བཅོམ་ལྡན་འདས་བདག་ཅག་མཐུན་པར་བགྱིད་དོ། །བཅོམ་ལྡན་འདས་རིག་པའི་རྒྱལ་མོ་འདི་དྲན་པ་ཙམ་གྱིས་ཀྱང་བདག་ཅག་
ཐམས་ཅད་ཀྱིས་ཆར་གྱི་རྒྱུན་འབབ་པར་བགྱིད་དོ། །དྲན་པ་ཙམ་གྱིས་ཀྱང་ཧ་ཅང་ཆར་ཆེ་བཟློག་པར་བགྱིད་དོ། །བཅོམ་ལྡན་འདས་ཀྱིས་བཀའ་སྩལ་པ་ལས་ལོག་པར་མི་བགྱིད་དོ། །བཅོམ་ལྡན་འདས་ཡང་མ་ནས་བསྒག་པའི་སྔགས་ཀྱི་ཚིག་སྩལ་ཏོ། །དེ་ནས་ཀླུའི་རྒྱལ་པོ་དེ་དག་
ཐམས་ཅད་ཀྱིས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་འདི་སྐད་ཅེས་སྨྲས་སོ། །ཏདྱ་ཐཱ། ཨོྃ་ཙ་ཏ་ཙ་ཏ། བི་ཙ་ཏ། ཤ་ཏ་ཤ་ཏ། བ་ཙ་ར་ཏི་སྭཱ་ཧཱ། བཅོམ་ལྡན་འདས་གལ་ཏེ་རིག་པ་འཛིན་པས་གདུགས་ཞག་གཅིག་ཆོ་ག་བགྱིས་ལ། བདག་ཅག་གིས་
སེམས་ཅན་ཐམས་ཅད་ཡོངས་སུ་བསྐྱང་བའི་དོན་དུ་འཛམ་བུའི་གླིང་ཐམས་ཅད་དུ་ཆར་གྱི་རྒྱུན་མ་ཕབ་ན། བཅོམ་ལྡན་འདས་བདག་ཅག་ཡང་དག་པར་རྫོགས་པའི་སངས་རྒྱས་ལ་འཁུས་པར་འགྱུར་རོ། །བདག་ཅག་ཀླུའི་སྐྱེ་གནས་ནས་འཆི་འཕོ་བར་གྱུར་དུ་ཡང་མཆི་སྟེ། བཅོམ་ལྡན་
འདས་དེའི་ཚེ་རིག་པ་འཛིན་པས་མནས་བསྒག་པའི་གཟུངས་ཀྱི་སྔགས་ཀྱི་ཚིག་འདི་ཐོག་མ་ཉིད་དུ་ལན་བདུན་དུ་བརྗོད་པར་བགྱིའོ། །དེའི་འོག་ཏུ་སྐེ་ཚེའི་ས་བོན་བརྒྱ་རྩ་བརྒྱད་ཀླུའི་ས་བོན་དུ་མཚེ་འུར་དོར་རོ། །བཅོམ་ལྡན་འདས་དེའི་ཚེ་བདག་ཅག་ཐམས་ཅད་ཀྱི་ཁང་ཁྱིམ་མཐའ་དག་
ཞུགས་འབར་བར་གྱུར། བདག་ཤི་ཀེང་རུས་ཀྱི་ལྷག་མ་ཙམ་ཞིག་ལུས་ནས་ཡོངས་སུ་ཐར་བར་གྱུར་གྱི་བར་དུ་དུམ་བུ་དུམ་བུར་འཆད་པར་འགྱུར་རོ། །དེའི་ཚེ་བདག་ཅག་ཐམས་ཅད་ཀྱིས་མྱུར་བར་ཆར་གྱི་རྒྱུན་འབབ་པར་བགྱིད་དོ། །གལ་ཏེ་མྱུར་དུ་ཆར་གྱི་རྒྱུན་མ་ཕབ་ན། བཅོམ་ལྡན་

འདས་དེའི་ཚེ་བདག་ཅག་ཐམས་ཅད་འགུམ་པའི་དུས་ཀྱི་དབང་དུ་མཆིའོ། །བུ་དང་ཚ་བོར་བཅས་ཏེ་འགུམ་པར་མཆིའོ། །དེ་ནས་རྣམ་ཐོས་ཀྱི་བུ་ལ་སོགས་པ་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀླུ་མནས་བསྒག་པའི་སྔགས་ཀྱི་ཚིག་
ཤིན་ཏུ་མི་བཟད་པ་དག་བཤད་དོ། །སྙིང་རྗེ་མ་མཆིས་པའི་མནས་བསྒག་པ་དག་བཤད་དོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དག་ཕྱི་མའི་ཚེ་ཕྱི་མའི་དུས་ན་ཀླུ་མི་བགྲུངས་པ་མ་རུངས་བ་གཏུམ་པ་གནོད་པར་བྱེད་པ་དག་འབྱུང་སྟེ། དེའི་ཚེ་མནའ་འདིས་འཇིགས་
པར་འགྱུར། སྐྲག་པར་འགྱུར། དུས་དུས་སུ་ཆར་གྱི་རྒྱུན་ནི་ལེགས་པར་འབེབས་སོ། །དུས་དུས་སུ་ལོ་ཏོག་དང་། མེ་ཏོག་དང་། འབྲས་བུ་རྣམས་སྒྲུབ་པོ། །དེ་ནས་བཅོམ་ལྡན་འདས་ལ་རྒྱལ་བོ་ཆེན་པོ་རྣམ་ཐོས་ཀྱི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོ་ག་རྒྱ་ཆེར་
བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་ཆོ་ག་བཀའ་སྩལ་པ། ཆར་མི་འབབ་པའི་དུས་ན་དེས་རིའམ། དགོན་པའི་གནས་སམ། གཙུག་ལག་ཁང་ངམ། ཆུ་མིག་གམ། མཚེའུ་འམ། མཚོའམ། ལྟེང་ཀའམ། ཁྲོན་པའམ། ཀླུའི་གནས་ཀྱི་མཚེའུ་འམ།
འཇིམ་པ་དང་། ལྕི་བར་བསྲེས་པའི་དཀྱིལ་འཁོར་གྲུ་གསུམ་དུ་བྱ་སྟེ། དཀྱིལ་འཁོར་དབུས་ཟབས་ཁྲུ་གང་བརྐོས་ལ། ཁ་ཁྱེར་ཡང་ཁྲུ་གང་བར་བྱའོ། །ཤིན་ཏུ་འཇམ་པ་དང་། ཤིན་ཏུ་ཕྱི་བར་བྱའོ། །སྤོས་ཆུས་ཁོར་ཡུག་ཏུ་གཏོར་རོ། །དེའི་དབུས་སུ་རྒྱལ་པོ་ཆེན་པོ་བཞི་བྱ་སྟེ།
བ་སེར་སྐྱའི་ལྕི་བ་དང་། འཇིམ་པར་བསྲེས་པས་ཀླུའི་རྒྱལ་པོ་མགོ་དགུ་གདེངས་ཀ་ཅན་ལུས་དབྱིབས་སྐུ་བར་བྱས་ཏེ། ཐམས་ཅད་ཀྱི་མགོ་ལ་ཡང་ཡིད་བཞིན་གྱི་ནོར་བུ་བྱའོ། །ཤར་ཕྱོགས་སུ་ཀླུའི་རྒྱལ་པོ་རྒྱ་མཚོ་བྱའོ། །ལྷོ་ཕྱོགས་སུ་ཀླུའི་རྒྱལ་པོ་གདུགས་བྱའོ། །ནུབ་ཕྱོགས་
སུ་ཀླུའི་རྒྱལ་པོ་ཆུ་ལྷ་བྱའོ། །བྱང་ཕྱོགས་སུ་ཀླུའི་རྒྱལ་པོ་ལམ་བུ་ཀ་ར་བྱའོ། །དེའི་གཡོག་འཁོར་བདུན་བདུན་མགོ་གསུམ་པ། མགོ་གཉིས་པ། མགོ་ལྔ་པར་བྱའོ། །ལུས་དག་ལ་སྤོས་སྣ་ཚོགས་ཀྱིས་བྱུག་པར་བྱའོ། །ཙནྡན་དཀར་དམར་དང་། སུ་ར་བིན་ཙནྡན་དང་།

ཤུག་པ་དང་། གུར་གུམ་རྣམས་ཕྱེ་མར་བྱས་ཏེ་གཏོར་བར་བྱའོ། །མེ་ཏོག་དང་མེ་ཏོག་ཕྲེང་བ་གདགས་སོ། །གནས་དེའི་དབུས་སུ་འབྲས་ཡོས་དང་། ཡུངས་ཀར་གྱིས་གཏོར་བར་བྱའོ། །གྲྭ་བཞིར་རྒྱལ་པོ་ཆེན་པོ་བཞི་གཞག་པར་བྱའོ། །ཕྱོགས་
ཆེན་པོ་བཞིར་སངས་རྒྱས་ཤཱཀྱ་ཐུབ་པའི་སྐུ་གཟུགས་རིང་བསྲེལ་དང་བཅས་པ་དང་། མཆོད་རྟེན་རིང་བསྲེལ་དང་བཅས་པ་དག་གཞག་གོ། །དར་དང་བ་དན་གྱིས་བརྒྱན་པར་བྱའོ། །མཆོད་པ་ལྔས་མཆོད་དོ། །ཨ་ག་རུ་དང་། ཙནྡན་དང་། ཏུ་རུཥྐས་བདུག་གོ། །རྒྱ་སྤོས་
དང་། ན་ལ་དང་། ཀུན་དུ་རུ་དང་། ཡུངས་ཀར་དང་། གནྡྷ་རས་དང་། སྲ་རྩིའི་པོག་དཀར་པོ་རྣམས་དང་། སྦྲང་རྩི་དང་བསྲེས་ཏེ་སྔགས་ལན་ཉི་ཤུ་རྩ་གཅིག་བཟླས་ཏེ་ཀླུ་རྣམས་ལ་བདུག་པར་བྱའོ། །དཀྱིལ་འཁོར་གྱི་མཐའ་ཀུན་དུ་ནས་ཕྱེས་པདྨ་བྲི་བར་བྱའོ། །སྒོ་བཞི་
བཏོད་ལ་ངོས་བཞི་རེ་རེར་ཡང་གཏོར་མས་གཞོང་པ་བཀང་བ་བདུན་བདུན་གཞག་པར་བྱའོ། །གཏོར་མ་དཀར་པོ་དང་། ཅི་འབྱོར་པའི་རོ་རྣམ་པ་མང་པོ་གཞག་གོ། །མེ་ཏོག་སིལ་མ་གཏོར་བར་བྱའོ། །བུམ་པ་བཀང་བ་བཞི་གཞག་གོ། །བུམ་པ་གཏོར་མས་བཀང་བ་བཞི་
གཞག་གོ། །པོག་པོར་བཞི་ནས་གུ་གུལ་གྱི་བདུག་པས་བདུག་གོ། །མར་མེ་ཁ་བརྒྱད་དུ་བུད་དོ། །རིག་པ་འཛིན་པས་ཤར་གྱི་སྒོ་རུ་སྦྱིན་སྲེག་བྱ་སྟེ། ཤིང་ཀ་ར་བཱི་ར་དང་། ཡུངས་ཀར་དང་ལྕི་ཚ་དམར་པོ་བསྲེས་ཏེ་ལན་བརྒྱ་རྩ་བརྒྱད་དོར་ཏོ། །དོར་བ་བརྒྱ་རྩ་བརྒྱད་ཚང་བ་དང་
ཀླུ་ཐམས་ཅད་ཆར་གྱི་རྒྱུན་འབེབས་ཏེ། འཛམ་བུའི་གླིང་ཐམས་ཅད་དུ་ཕྱོགས་བཞི་ཀུན་ནས་ཆར་གྱི་རྒྱུན་འབེབས་སོ། །ཀླུ་དེ་དག་ཐམས་ཅད་འདིར་ཆར་འབེབས་སོ། །འདི་ནི་ཆོ་ག་དང་པོའོ།། །།ཡུངས་ཀར་དང་མར་དང་། སྦྲང་རྩི་དང་། ཤིང་ཀ་ར་བཱི་རའི་མེ་ཏོག་
དང་། ནཱ་ག་གེ་སར་དང་བཏགས་པའི་རིལ་བུ་བྱས་ལ། དེ་ནས་རིལ་བུ་ལ་སྔགས་ལན་བརྒྱ་རྩ་བརྒྱད་བཟླས་པ་བྱས་ཏེ། ཀླུའི་མཚོར་བོར་ན་བོར་མ་ཐག་ཏུ་ཀླུ་ཐམས་ཅད་དགའ་བར་གྱུར་ཏེ། ཆར་གྱི་རྒྱུན་ཆེན་པོ་འབེབས་སོ། །གལ་ཏེ་དེ་མ་ཐག་མ་ཕབ་ན་ཀླུ་དེ་དག་ཐམས་ཅད་ལུས་ཞིག་

པར་འགྱུར་རོ། །ཀླད་པ་ན་བར་འགྱུར། སྡུག་བསྔལ་ཆེན་པོ་འབྱུང་བར་འགྱུར་རོ། །འདི་ནི་ཆོ་ག་གཉིས་པའོ།། །།སྦྱིན་སྲེག་བྱས་པའི་ཐལ་བ་དང་། རྩ་བ་མོ་དཀྲུགས་ལ་སྔགས་ལན་དྲུག་ཅུ་བཟླས་པ་བྱས་ཏེ་ཁྱིམ་གྱི་ནང་དུ་ཕོ་ན་ཕོ་མ་ཐག་ཏུ་ཀླུ་ཐམས་ཅད་འཁྲུགས་
པར་གྱུར་ཏེ། དེའི་ཕྱིར་ཆར་གྱི་རྒྱུན་འབེབས་སོ། །གལ་ཏེ་དེ་མ་ཐག་ཏུ་མ་ཕབ་ན་ཀླུ་ཐམས་ཅད་ཀྱི་ལུས་ལ་ཤ་བཀྲ་འབྱུང་ཞིང་མཛེས་བཏབ་པར་འགྱུར་ལོང་བར་འགྱུར་རོ། །འདི་ནི་ཆོ་ག་གསུམ་པའོ།། །།ཤུག་པ་དང་ཨུཏྤལ་སྔོན་པོ་དང་། བ་བླ་དང་ཟངས་ཕྱེ་དང་། ཡུངས་
ཀར་དང་། ཨིནྡྲ་ཧ་སྟ་དང་། བ་ལ་ཤ་བསྲེས་ཏེ་བུ་རམ་གྱི་ཁུ་བས་སྤྲུས་ལ་ཤེས་རབ་ཅན་གྱི་སྔགས་ལན་བརྒྱད་ཅུ་བཟླས་ཏེ། རིལ་བུ་རྒྱ་ཤུག་གི་འབྲུ་ཙམ་དུ་བྱས་ལ་ཆར་མི་འབབ་པའི་དུས་ན་རིལ་བུ་བདུན་ཀླུའི་ཁྱིམ་དུ་བོར་ན་ཉིན་མཚན་བདུན་ཆར་འབེབས་སོ། །གལ་ཏེ་འཕྲལ་
དུ་མ་ཕབ་ན་དེའི་ཕྱིར་ཀླུའི་ཁྱིམ་ཆུ་ཐམས་ཅད་སྐམས་པར་འགྱུར་རོ། །ཀླུའི་ཁྱིམ་ན་གནས་པ་ཐམས་ཅད་གཅེར་བུར་འགྱུར་རོ། །རིལ་བུ་གཅིག་རྒྱལ་མཚན་གྱི་རྩེ་མོ་ལ་བཏགས་ཏེ་ཀླུའི་མཚོར་གཟུགས་སོ། །བ་དན་སྔོན་པོ་གདགས་སོ། །སྔགས་འདི་བྲིས་ཏེ་ད