Kinh tạng Tây Tạng (Kangyur Đại Học) — 101_གཟུངས་འདུས།_ཝཾ

ཾ་རཏྣེ་རཏྣེ་མ་ཧཱ་རཏྣེ་རཏྣ་བི་ཛ་ཡེ་སྭཱ་ཧཱ། འདི་བརྗོད་ཅིང་བསྐོར་བ་གཅིག་བྱས་པ་ཡང་དཔག་ཏུ་མེད་པ་བྱས་པར་འགྱུར་རོ། །བསྐོར་བའི་གཟུངས་རྫོགས་སྷོ།། ༄༅། །རྒྱ་གར་སྐད་དུ། ཨཱརྱ་
པྲ་དཀྵཱ་རཏྣ་ཏྲ་ཡཱ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་དཀོན་མཆོག་གི་རྟེན་ལ་བསྐོར་བ་བྱ་བའི་གཟུངས་ཞེས་བྱ་བ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །ཨོཾ་ན་མོ་

ད་ཤ་དི་ཀ་ཏྲི་ཀཱ་ལ་སརྦ་རཏྣ་ཏྲ་ཡཱ་ཡ། མ་མ་པྲ་དཀྵཱ་སུ་པྲ་དཀྵཱ། སརྦ་བཱ་པཾ་པི་ཤོ་དྷ་ནི་སྭཱ་ཧཱ། གཟུངས་འདི་ལན་ཅིག་བརྗོད་པས་ཕྱོགས་བཅུ་དུས་གསུམ་གྱི་དཀོན་མཆོག་གསུམ་ལ་ཕྱག་འཚལ་ཞིང་བསྐོར་བ་བྱས་པར་འགྱུར་རོ། །ཐོག་མ་མེད་པ་
ནས་བསགས་པའི་སྡིག་པ་ཐམས་ཅད་དག་པར་འགྱུར་རོ། །སངས་རྒྱས་ཀྱི་བྱང་ཆུབ་མྱུར་དུ་ཐོབ་པར་འགྱུར་རོ། །དགྲ་དང་བགེགས་ཀྱིས་གླགས་རྙེད་པར་མི་འགྱུར་རོ། །ནད་དང་གདོན་ཐམས་ཅད་ལས་ཐར་བར་འགྱུར་རོ། །བསྐོར་བའི་གཟུངས་རྫོགས་
སྷོ། །༄༅། །དཀོན་མཆོག་གསུམ་ལ་ཕྱག་འཚལ་ལོ། །ཨོཾ་ཛྙཱ་ཉཱ་བ་ལོ་ཀི་ཏེ་ས་མནྟ་སྥ་ར་ཎ་ར་སྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲྀ་ད་ཡ་ཛ་ལ་ནི་ཧཱུྃ། འབབ་ཆུ་འམ། མཚོའི་འགྲམ་དུ་འདུག་སྟེ། ལག་པ་གཡས་པའི་ཁྱོར་བར་ཆུ་བླུགས་
ལ། ཡེ་ཤེས་སྐར་མདའི་སྙིང་པོ་འདི་ལན་བདུན་བཟླས་ཏེ། ཆུ་ཁྱོར་བ་བདུན་འབབ་ཆུའམ། ཆུར་གཏོར་ན། སངས་རྒྱས་ཀྱི་སྤྱན་གྱིས་གཟིགས་པའི་ཡི་དགས་ཇི་སྙེད་ཡོད་པ་དེ་དག་ཐམས་ཅད་ལྷའི་ཁ་ཟས་ཀྱི་རོ་དང་། བཏུང་བའི་རོ་མཆོག་དང་ལྡན་པ་འཐོབ་ཅིང་
ཡི་དགས་རེ་རེ་ལ་ཡང་ཁ་ཟས་དང་། བཏུང་བ་ཡུལ་མ་ག་དྷཱའི་བྲེ་བདུན་བདུན་གྱིས་ཚིམ་པར་བྱས་པར་འགྱུར་ཞིང་། ཆུ་དེ་འཐུངས་པ་ཙམ་གྱིས་དེ་དག་ཐམས་ཅད་ཡི་དགས་ཀྱི་སྐྱེ་གནས་ལས་ཐར་ཅིང་། བདེ་འགྲོ་མཐོ་རིས་ཀྱི་སྐྱེ་གནས་སུ་སྐྱེ་བར་འགྱུར་རོ། །སྐྱེས་པའམ།
བུད་མེད་དམ། ཁྱེའུ་འམ། བུ་མོའམ། གཞན་ཡང་བྱོལ་སོང་གི་སྐྱེ་གནས་སུ་གཏོགས་པའི་རི་དགས་སམ། བྱ་འམ། ཆུ་ན་གནས་པ་ལ་སོགས་པ་གང་གིས་ཆུ་དེ་འཐུངས་པ་དེ་དག་ཐམས་ཅད་སྡིག་པ་དང་། སྒྲིབ་པ་ཐམས་ཅད་བྱང་ཞིང་བདེ་འགྲོའི་ལམ་དུ་འགྲོ་བར་
འགྱུར་རོ། །ཡེ་ཤེས་སྐར་མདའི་སྙིང་པོ་རྫོགས་སོ།། ༄༅། །རྒྱ་གར་སྐད་དུ། སུརཱུ་པ་ནཱ་མདྷཱ་ར་ཎཱི། བོད་སྐད་དུ། སུ་རཱུ་པ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ན་མཿསུ་རཱུ་པཱ་ཡ་ཏ་

ཐཱ་ག་ཏཱ་ཡ། ཨརྷ་ཏེ་སོཾམྱཀྶཾ་བུདྡྷ་ཡ། ཏདྱ་ཐཱ། ཨོཾ་སུ་རུ་སུ་རུ། བྲ་སུ་རུ་པྲ་སུ་རུ། ཏ་ར་ཏ་ར། བྷ་ར་བྷ་ར། སཾ་བྷ་ར་སཾ་བྷ་ར། སྨ་ར་སྨ་ར། སནྟ་རྤ་ཡ། སནྟ་རྤ་ཡ། སརྦ་པྲེ་ཏཱ་ནཱཾ་སྭཱ་ཧཱ། གཟུངས་འདིས་ཆུ་དང་བཅས་པའི་ཟན་ལ་ལན་བདུན་ཡོངས་སུ་བཟླས་
ཏེ་ལག་པ་གཡོན་པས་སེ་གོལ་གྱི་སྒྲ་ལན་གསུམ་དུ་བྱས་ནས་ཡི་དགས་ཐམས་ཅད་ལ་དབེན་པའི་ས་ཕྱོགས་སུ་སྦྱིན་པར་བྱ་ཞིང་། འདི་སྐད་ཀྱང་བརྗོད་པར་བྱ་སྟེ། སྐབས་ཚོལ་བ་དང་གླགས་ལྟ་བ་རྣམས་དེངས་ཤིག །འཇིག་རྟེན་གྱི་ཁམས་ཐམས་ཅད་ན་གནས་པའི་ཡི་དགས་རྣམས་
ལ་བཟའ་བ་འདི་བདག་གིས་སྦྱིན་པར་བགྱིའོ། །ཞེས་པའོ། །ཟས་མ་ཟོས་པའི་སྔོན་རོལ་ཉིད་དུ་སྦྱིན་པར་བྱའོ། །དེ་ལྟར་ན་ཡི་དགས་ཐམས་ཅད་ལ་འབྲས་བྲེ་བོ་ཆེ་རེ་རེའི་བཟའ་བ་སོ་སོར་བྱིན་པར་འགྱུར་རོ། །དེ་ལྟར་བྱས་ན་སྐྱེ་བ་ནས་སྐྱེ་བར་ཡང་ཉམ་ཆུང་བར་མི་འགྱུར་རོ། །དབུལ་པོར་
མི་འགྱུར་རོ། །སྟོབས་ཆེ་བ་དང་། མཛེས་པ་དང་། མཐོང་ན་དགའ་བ་དང་། ཕྱུག་ཅིང་ལོངས་སྤྱོད་ཆེ་བར་འགྱུར་རོ། །ཚེ་རིང་ཞིང་ནད་མེད་པ་དང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །ཤི་འཕོས་
ནས་ཀྱང་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །གཟུགས་ལེགས་ཞེས་བྱ་བའི་གཟུངས་རྫོགས་སོ།། ༄༅། །ཡི་དགས་མོ་ཁ་འབར་མ་དབུགས་དབྱུང་བའི་གཏོར་མའི་ཆོ་ག །དཀོན་མཆོག་གསུམ་ལ་
ཕྱག་འཚལ་ལོ། །དེ་ནས་བཅོམ་ལྡན་འདས་ཡུལ་སེར་སྐྱ་ན་ཤིང་ནྱ་གྲོ་དྷའི་ཀུན་དགའ་ར་བ་ན། དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའི་ཚོགས་ཆེན་པོ་དང་། སེམས་ཅན་གྱི་ཚོགས་ཆེན་པོ་དང་། ཐབས་ཅིག་ཏུ་
བཞུགས་ཏེ་ཆོས་སྟོན་ཏོ། །དེ་ནས་ཀུན་དགའ་བོ་དབེན་པར་འདུག་སྟེ། ནང་དུ་ཡང་དག་འཇོག་ཅིང་རྩེ་གཅིག་ཏུ་ཡིད་ལ་བྱེད་པས་ཆོས་མངོན་སུམ་དུ་བྱེད་པ་ན། མཚན་མོ་ནམ་གྱི་ཆ་སྨད་ལ་དེའི་མདུན་དུ་ཡི་དགས་མོ་ཁ་འབར་མ་འདུག་ནས་སྨྲས་པ།

ཀྱེ་ཀུན་དགའ་བོ་ཁྱོད་གནངས་འཆི་བར་འགྱུར་ཏེ། ཡི་དགས་ཀྱི་གནས་འདིར་སྐྱེ་བར་འགྱུར་རོ། །ཀུན་དགའ་བོས་སྨྲས་པ། བརྟེན་པའི་ཐབས་ཅི་ཡོད། ཡི་དགས་མོས་སྨྲས་པ། ཀུན་དགའ་བོ་གལ་ཏེ་ནང་བར་ཡི་དགས་གང་གཱའི་ཀླུང་བྱེ་བ་
ཁྲག་ཁྲིག་ཕྲག་འབུམ་གྱི་བྱེ་མ་སྙེད་དག་གི་ཡི་དགས་རེ་རེ་ལ་ཡང་ཟས་དང་སྐོམ་ཡུལ་མ་ག་དྷཱའི་བྲེ་བོ་ཆེ་བདུན་བདུན་ཙམ་བྱིན་ཏེ། བྲམ་ཟེའི་དྲང་སྲོང་འབུམ་ཡང་ཚིམ་པར་བྱས་ལ། བདག་གི་མིང་གིས་དཀོན་མཆོག་གསུམ་ལ་མཆོད་པ་བྱས་ན། དེ་ལྟ་ན་ཁྱེད་ཀྱི་ཚེ་ཡང་
ཕྱིར་ནུར་བར་འགྱུར་ལ། བདག་ཀྱང་ཡི་དགས་ཀྱི་འཇིག་རྟེན་ནས་ཤི་འཕོས་ཏེ་མཐོ་རིས་ཀྱི་འཇིག་རྟེན་དུ་སྐྱེ་བར་འགྱུར་རོ། །དེ་ནས་ཀུན་དགའ་བོས་ཡི་དགས་མོ་ཁ་འབར་མ་རིད་ཅིང་མདོག་ངན་ལ་ལུས་སྐེམ་པ། ཁ་ནས་མེ་ལྕེ་འབར་བ། ལྟོ་དང་ཁ་སྐམ་པ།
རལ་བའི་ཕུང་པོ་གཡེངས་པ། སྤུ་དང་སེན་མོ་རིང་བ་མཐོང་སྟེ། ཚིག་མི་སྙན་ཅིང་ཡིད་དུ་མི་འོང་བ་དེ་ཐོས་ནས་སྐྲག་ཅིང་དངངས་ཏེ། སྤུ་ཟིང་ཞེས་བྱེད་ནས། སྟན་ལས་ལངས་ཏེ་ཤིན་ཏུ་རིངས་པ་དང་། ཤིན་ཏུ་མྱུར་བའི་ཤུགས་ཀྱིས་བཅོམ་ལྡན་འདས་
ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། འདར་བཞིན་དུ་འདི་སྐད་ཅེས་གསོལ་ཏོ། །བཅོམ་ལྡན་འདས་སྐྱབས་མཛད་དུ་གསོལ། བདེ་བར་གཤེགས་པ་སྐྱབས་མཛད་དུ་གསོལ། བདག་ནི་གནངས་སྲོག་
འགུམ་པར་འགྱུར་ལགས་སོ། །བཅོམ་ལྡན་འདས་བདག་གིས་ཡི་དགས་མོ་ཁ་འབར་མ་མཐོང་སྟེ། ཁྱོད་གནངས་འཆི་བར་འགྱུར་རོ་ཞེས་མཆི་ན། བདག་གིས་ཐབས་ཅི་མཆིས་ཞེས་སྨྲས་ན། དེའི་མཆིད་ནས་གལ་ཏེ་ཁྱོད་ཀྱིས་ཡི་དགས་གང་གཱའི་ཀླུང་བྱེ་བ་
ཁྲག་ཁྲིག་ཕྲག་འབུམ་གྱི་བྱེ་མ་སྙེད་དག་ཚིམ་པར་བྱས་ཏེ། བྲམ་ཟེའི་དྲང་སྲོང་འབུམ་ཡང་ཚིམ་པར་བྱས་ན། དེ་ལྟ་ན་ཁྱོད་ཀྱི་ཚེ་ཕྱིར་ནུར་བར་འགྱུར་རོ་ཞེས་མཆི་ན། བཅོམ་ལྡན་འདས་དེ་ལ་ཇི་ལྟར་བསྒྲུབ་པར་བགྱི་བ་བཀའ་སྩལ་དུ་གསོལ། དེ་ནས་བཅོམ་

ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་གང་གིས་ཁྱོད་ཡི་དགས་རྣམས་དང་། བྲམ་ཟེའི་དྲང་སྲོང་རྣམས་ཚིམ་པར་བྱེད་པར་འགྱུར་བའི་ཐབས་ཡོད་ཀྱིས་མ་འཇིགས་ཤིག །
ཀུན་དགའ་བོ་ཐམས་ཅད་དུ་འོད་དང་ལྡན་པ་རྒྱལ་ཆེན་ཤུགས་ལྡན་འོད་ཅེས་བྱ་བའི་གཟུངས་ཡོད་དེ། དེས་བྱིན་པ་ཙམ་གྱིས་ཡི་དགས་གང་གཱའི་ཀླུང་བྱེ་བ་ཁྲག་ཁྲིག་ཕྲག་འབུམ་གྱི་བྱེ་མ་སྙེད་དག་ཚིམ་པར་བྱས་པར་འགྱུར་ཏེ། ཡི་དགས་དང་། བྲམ་ཟེའི་
དྲང་སྲོང་རེ་རེ་ལ་ཟས་དང་སྐོམ་ཡུལ་མ་ག་དྷཱའི་བྲེ་བོ་བདུན་བདུན་བྱིན་པར་འགྱུར་རོ། །དེ་ནི་ང་སྔོན་བྲམ་ཟེར་གྱུར་པ་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་དབང་ཕྱུག་དང་། དེ་བཞིན་གཤེགས་པ་འཇིག་རྟེན་དབང་ཕྱུག་འོད་ལས་ངས་བཟུང་སྟེ།
དེས་ཡི་དགས་དང་བྲམ་ཟེའི་དྲང་སྲོང་གྲངས་སུ་བགྲང་བ་མང་བ་དང་། ཆེས་མང་བདག་ངས་ཟས་དང་སྐོམ་གྱིས་ཚིམ་པར་བྱས་ཏེ། དེ་དག་ཐམས་ཅད་ཡི་དགས་ཀྱི་འཇིག་རྟེན་ནས་ཤི་འཕོས་ནས་ལྷའི་འཇིག་རྟེན་དུ་སྐྱེས་སོ། །ཀུན་དགའ་བོ་ཁྱོད་ཀྱིས་ཟུང་ལ་
ངོ་ལོན་གྱིས་ཤིག །ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུྃ། ཀུན་དགའ་བོ་འདིས་ཡི་དགས་ཀྱི་གཏོར་མ་ལ་ལན་བདུན་བཟླས་བརྗོད་བྱས་ནས་ལག་པ་བརྐྱང་སྟེ་སྒོ་དྲུང་དུ་སྦྱིན་པར་བྱའོ། །སེ་གོལ་ཡང་བརྡབ་པར་བྱའོ། །དེ་ལྟར་བྱས་
ནས་བྱིན་མ་ཐག་ཏུ་ཕྱོགས་བཞིའི་ཡི་དགས་གང་གཱའི་ཀླུང་བྱེ་བ་ཁྲག་ཁྲིག་འབུམ་ཕྲག་གི་བྱེ་མ་སྙེད་དག་ཚིམ་པར་བྱས་པར་འགྱུར་ཏེ། ཡི་དགས་རེ་རེ་ལ་ཡང་ཡུལ་མ་ག་དྷཱའི་བྲེ་བོ་བདུན་བདུན་བྱིན་པར་འགྱུར་རོ། །དེ་དག་ཟོས་པ་ཙམ་གྱིས་ཡི་དགས་ཀྱི་
འཇིག་རྟེན་ནས་ཤི་འཕོས་ནས་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཀུན་དགའ་བོ་ཁྱོད་ཀྱིས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་ལ་རྟག་ཏུ་རྒྱུན་མི་འཆད་པར་ཁོར་ཟུག་ཏུ་བསྙད་པར་བྱའོ། །དེ་ལྟར་བྱས་ན་བསོད་

ནམས་ཀྱི་ཕུང་པོ་དང་ལྡན་པར་འགྱུར་ཏེ། ཚེ་ཡང་རིང་བར་འགྱུར་རོ། །དེ་བཞིན་གཤེགས་པ་བྱེ་བ་ཕྲག་འབུམ་གྱི་བསོད་ནམས་ཀྱི་ཕུང་པོ་དང་ལྡན་པར་འགྱུར་རོ། །རྟག་ཏུ་མི་མ་ཡིན་པ་རྒྱུ་བ་འབྱུང་པོ་དང་། ཤ་ཟ་ལ་སོགས་པ་དང་། གནོད་
སྦྱིན་དང་། སྲིན་པོ་དང་། གདོན་དང་། ཡི་དགས་རྣམས་ཀྱིས་མི་མཐོང་བར་འགྱུར་རོ། །སྟོབས་དང་། བརྩོན་འགྲུས་དང་ཡང་ལྡན་པར་འགྱུར་རོ། །གཟུགས་དང་ལྡན་པ་དང་། གཟི་བརྗིད་དང་ལྡན་པ་དང་། དྲན་པ་དང་ལྡན་པར་ཡང་འགྱུར་རོ། །བྲམ་ཟེའི་
དྲང་སྲོང་ཚིམ་པར་བྱེད་འདོད་པ་དེས་ནི་མཆོད་ཡོན་དང་། དབུལ་བར་བྱ་བ་སྣོད་བཀང་བ་ལ་ལན་བདུན་བཟླས་བརྗོད་བྱས་ལ་འབབ་ཆུ་ག་ལ་ཡོད་པའི་གནས་དེར་སྦྱིན་པར་བྱའོ། །དེ་ལྟར་བྱས་ན་བྲམ་ཟེའི་དྲང་སྲོང་གང་གཱའི་ཀླུང་བྱེ་བ་ཁྲག་ཁྲིག་འབུམ་ཕྲག་དུ་མའི་བྱེ་མ་སྙེད་
དག་ལྷའི་བཟའ་བ་དང་བཏུང་བ་རྣམས་ཀྱིས་ཚིམ་པར་བྱས་པར་འགྱུར་རོ། །བྲམ་ཟེའི་དྲང་སྲོང་དེ་དག་ཀྱང་དབང་བོ་ཚིམ་པར་འགྱུར་ཏེ། དེ་དག་ཐམས་ཅད་ཀྱིས་ཨོཾ་བདེ་ལེགས་སུ་གྱུར་ཅིག་ཅེས་བྱ་བའི་སྒྲ་འབྱིན་པར་བྱེད་ལ། སེམས་ཅན་དེ་དག་ཀྱང་བསམ་པ་ཡོངས་
སུ་དག་པར་འགྱུར་ཏེ། བྲམ་ཟེའི་གཟི་བརྗིད་དང་ལྡན་པར་འགྱུར་རོ། །རྟག་ཏུ་ཚངས་བར་སྤྱོད་པར་ཡང་འགྱུར་རོ། །དེ་བཞིན་གཤེགས་པ་གང་གཱའི་ཀླུང་བྱེ་བ་ཁྲག་ཁྲིག་ཕྲག་འབུམ་གྱི་བྱེ་མ་སྙེད་དག་གིས་དགེ་བའི་རྩ་བ་དང་ལྡན་པར་ཡང་འགྱུར་རོ། །རྟག་ཏུ་དགྲ་
ཐམས་ཅད་ཤིགས་པར་འགྱུར་རོ། །མེ་ཏོག་གམ། བདུག་པའམ། སྤོས་སམ། ཟས་དང་། སྐོམ་གྱི་ཡོ་བྱད་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ལ་སངས་རྒྱས་དང་། ཆོས་དང་། དགེ་འདུན་ལ་དབུལ་བར་བྱའོ། །དེ་ལྟར་བྱས་ན་རིགས་ཀྱི་བུའམ།
རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་དེས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་ཞིང་གི་སངས་རྒྱས་དང་། ཆོས་དང་། དགེ་འདུན་ལ་ལྷའི་མཆོད་པ་དང་། དེ་བཞིན་གཤེགས་

པའི་མཆོད་པའི་མཆོག་གིས་མཆོད་པ་བྱས་པར་འགྱུར་རོ། །བླ་མར་བྱས། རིམ་གྲོར་བྱས་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱིས་དགོངས་ཤིང་ལུང་བསྟན་པ་དང་། ལྷ་ཐམས་ཅད་ཀྱིས་ཀུན་ཏུ་བསྲུང་བར་ཡང་འགྱུར་རོ། །ཀུན་དགའ་བོ་
སོང་ལ་ངོ་ལོན་ཡང་གྱིས་ཤིག །སེམས་ཅན་ཐམས་ཅད་ལ་ཡང་ཡང་དག་པར་སྟོན་ཅིག །དགེ་བའི་རྩ་བའི་ཚོགས་ཐམས་ཅད་ཀྱང་གྱིས་ཤིག་ཅེས་ང་སྨྲའོ། །ཡི་དགས་མོ་ཁ་འབར་མ་དབུགས་དབྱུང་བའི་གཏོར་མའི་ཆོ་ག་རྫོགས་སྷོ།། །།
༄༅། །ཡི་དགས་ཁ་ནས་མེ་འབར་བ་ལ་སྐྱབས་མཛད་པའི་གཟུངས། དེའི་ཚེ་བཅོམ་ལྡན་འདས་ཡུལ་སེར་སྐྱ་ན་དགེ་འདུན་གྱི་གནས་ན། དགེ་སློང་གི་དགེ་འདུན་དང་། བྱང་ཆུབ་སེམས་དཔའ་གྲངས་མེད་པས་ཡོངས་སུ་བསྐོར་བ་ལ་ཆོས་སྟོན་ཏོ། །དེའི་
ཚེ་ན་ཚེ་དང་ལྡན་པ་ཀུན་དགའ་བོ་བས་མཐའ་ཞིག་ན་ཆོས་ཡིད་ལ་བྱེད་ཅིང་དྲན་པ་མངོན་དུ་བཞག་ནས་འདུག་ལ། དེའི་ནུབ་མོ་ནམ་གྱི་ཆ་སྨད་ལ་ཡི་དགས་ཁ་ནས་མེ་འབར་བ་ཞེས་བྱ་བ་གཟུགས་བྱད་མི་སྡུག་པ། ཤིན་ཏུ་རིད་ཅིང་སྐེམ་པ། ཁ་ནས་མེ་འབར་
བ། མགྲིན་པ་མོ་ཁབ་ཙམ་དུ་ཕྲ་བ། སྐྲ་འཛིངས་པ། སེན་མོ་དང་མཆེ་བ་རིང་བ་རྣོ་བ་ཤིན་ཏུ་འཇིགས་སུ་རུང་བ་ཞིག་དགའ་བོའི་དྲུང་དུ་འོངས་ནས་དགའ་བོ་ལ་འདི་སྐད་ཅེས་སྨྲས་སོ། །ཁྱོད་ད་སྟེ་ཞག་བདུན་ན་ཚེའི་དུས་བྱས་ཏེ། ཡི་དགས་ཀྱི་ཁམས་
སུ་སྐྱེ་བར་འགྱུར་རོ་ཞེས་སྨྲས་སོ། །དགའ་བོས་དེས་སྨྲས་པ་དེ་ཐོས་ནས་ཤིན་ཏུ་འཇིགས་སྐྲག་སྟེ། ཡི་དགས་དེ་ལ་འདི་སྐད་ཅེས་སྨྲས་སོ། །བདག་ཚེའི་དུས་བྱས་ནས་ཡི་དགས་ཀྱི་ཁམས་སུ་སྐྱེ་བར་འགྱུར་བ་འདི་ཐབས་ཅི་བྱས་ན་སྡུག་བསྔལ་དེ་ལས་
ཡོངས་སུ་ཐར་བར་འགྱུར། དེ་ནས་ཡི་དགས་དེས་དགའ་བོ་ལ་འདི་སྐད་ཅེས་སྨྲས་སོ། །གལ་ཏེ་ཁྱོད་ཀྱིས་སང་གི་ཉི་མ་ལ་ཡི་དགས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་ལ་གཏོར་མ་བྱིན་ཏེ། བྲམ་ཟེ་དང་དྲང་སྲོང་བརྒྱ་སྟོང་སྙེད་ལ་ཡུལ་དབུས་

འགྱུར་ཚལ་གྱི་བྲེ་ཚད་མ་རེ་རེའི་ཞལ་ཟས་མཆིས་པ་ཕུལ་ཏེ། ཁོ་བོའི་ཕྱིར་དཀོན་མཆོག་གསུམ་ལ་མཆོད་པ་བྱས་ན་ཚེ་རིང་ཞིང་ཡི་དགས་ཀྱི་སྡུག་བསྔལ་དང་བྲལ་ཏེ་མཐོ་རིས་ཀྱི་ལྷར་སྐྱེ་བར་འགྱུར་རོ། །དེའི་ཚེ་དགའ་བོས་ཡི་དགས་ཁ་ནས་
མེ་འབར་བ། ལུས་མི་སྡུག་པ་དང་། ཤིན་ཏུ་རིད་ཅིང་སྐེམ་པ་དང་། ཁ་ནས་མེ་འབར་བ་དང་། མགྲིན་པ་མོ་ཁབ་ཙམ་ལ་སྐྲ་འཛིངས་པ་དང་། སེན་མོ་དང་། མཆེ་བ་རིང་ཞིང་རྣོ་བ་ཡང་མཐོང་ལ། ཡིད་དུ་མི་འོང་མི་འདོད་པའི་ཚིག་ཀྱང་ཐོས་ནས། ལུས་
སྐྱི་བུང་ཞེས་བྱེད་པ་ཙམ་དུ་འཇིགས་སྐྲག་ནས་འདུག་པ་ལས་ལངས་ཏེ་མྱུར་བར་བཅོམ་ལྡན་འདས་ག་ལ་བ་དེར་སོང་ངོ་། །བཅོམ་ལྡན་འདས་ཀྱི་སྤྱན་སྔར་ཕྱིན་ནས་ལུས་སྨད་ལྔ་ས་ལ་གཏུགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས། ལུས་
འདར་བཞིན་དུ་སྡུག་བསྔལ་གྱིས་གདུངས་པའི་དཔུང་གཉེན་མཛད་དུ་གསོལ། ཞེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་པས་མཐའ་ཞིག་ན་ཆོས་ཡིད་ལ་བགྱིད་ཅིང་མཆིས་པ་ལས། ཡི་དགས་ཁ་ནས་མེ་འབར་བ་ཞེས་བགྱི་བ་དེ་བདག་ལ་འདི་སྐད་
མཆིའོ། །ཁྱོད་ད་སྟེ་ཞག་བདུན་ན་ངེས་པར་ཚེའི་དུས་བྱས་ཏེ། ཡི་དགས་ཀྱི་ཁམས་སུ་སྐྱེ་བར་འགྱུར་རོ་ཞེས་མཆིའོ། །བདག་གིས་དེ་ལ་ཐབས་ཅི་བགྱིས་ན་ཡི་དགས་ཀྱི་སྡུག་བསྔལ་དེ་ལས་ཡོངས་སུ་ཐར་བར་འགྱུར་ཞེས་དྲིས་ན། ངེས་བདག་ལ་ཁྱོད་ཀྱིས་ཡི་དགས་
གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་ལ་གཏོར་མ་བྱིན་ཏེ། བྲམ་ཟེ་དང་དྲང་སྲོང་ལ་སོགས་པ་བརྒྱ་སྟོང་སྙེད་ལ་ཞལ་ཟས་མཆོག་དམ་པ་ཕུལ་ན་ཚེ་རིང་བར་འགྱུར་ཞེས་མཆི་ན། བཅོམ་ལྡན་འདས་བདག་གིས་ཇི་ལྟ་བུར་ཡི་དགས་དང་དྲང་སྲོང་ལ་སོགས་པ་དེ་
སྙེད་ཀྱི་ཁ་ཟས་འབྱོར་བར་འགྱུར། དེ་ནས་བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ཁྱོད་འཇིགས་པར་མ་བྱེད་ཅིག །ཁྱོད་ཀྱིས་ཡི་དགས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་དང་། བྲམ་ཟེ་དང་དྲང་སྲོང་ལ་སོགས་པ་ལ་ཁ་ཟས་དང་།

གཏོར་མ་མང་པོ་འབྱོར་པའི་ཐབས་ང་ལ་ཡོད་ཀྱིས་ཡིད་བློང་བར་མ་བྱེད་ཅིག །དེ་ནས་བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ང་ལ་གཟུངས་སྔགས་གཟི་བརྗིད་ཚད་མེད་པའི་དབང་དུ་གྱུར་པའི་འོད་ཟེར་རྣམ་པར་རྒྱལ་བའི་ཤུགས་ཞེས་བྱ་བ་ཡོད་དེ།
གང་ཞིག་གིས་གཟུངས་འདི་བརྗོད་ན་ཡི་དགས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་དང་། བྲམ་ཟེ་དང་དྲང་སྲོང་ལ་སོགས་ཏེ། མང་པོའི་ཁ་ཟས་དང་། གཏོར་མ་མཆོག་དམ་པར་འགྱུར་ཏེ། དེ་དག་ལ་སོགས་པ་གཅིག་ཀྱང་ཁ་ཟས་ཡུལ་དབུས་འགྱུར་
ཚལ་གྱི་བྲེ་ཚད་མས་བཅལ་བའི་བྲེ་བདུན་བདུན་སྙེད་ཐོབ་པར་འགྱུར་རོ། །དགའ་བོ་ང་ཡང་བྲམ་ཟེར་གྱུར་བ་ན་བྱང་ཆུབ་སེམས་དཔའ་སྤྱན་རས་གཟིགས་དང་། དེ་བཞིན་གཤེགས་པ་དབང་སྒྱུར་ཡོན་ཏན་ཞེས་བྱ་བ་ལས་གཟུངས་འདི་ཐོས་པས་ན། དེའི་དབང་
གིས་ཡི་དགས་ཚད་མེད་པ་སྙེད་དང་། དྲང་སྲོང་མང་པོ་ལ་ཁ་ཟས་དང་གཏོར་མ་བྱིན་པར་གྱུར་ཏེ། ཡི་དགས་ཀྱི་ཁམས་སུ་སྐྱེས་པ་དེ་དག་སྡུག་བསྔལ་ལས་རྣམ་པར་གྲོལ་ནས་མཐོ་རིས་ཀྱི་ལྷར་སྐྱེས་པར་གྱུར་ཏོ། །དགའ་བོ་ཁྱོད་ཀྱིས་གཟུངས་འདི་ཟུང་ཤིག །
བསོད་ནམས་དང་ཚེའི་ཚད་ཀྱང་འཕེལ་ཞིང་སྐྱེ་བར་འགྱུར་རོ། །དེའི་ཚེ་བཅོམ་ལྡན་འདས་ཀྱིས་དགའ་བོ་ལ་གཟུངས་སྔགས་འདི་བཀའ་སྩལ་ཏོ། །ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ། ཨོཾ་སམྡྷ་ར་སམྦྷ་ར་ཧཱུྃ། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་
པ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་ཚེ་རིང་བར་འདོད་དམ། བསོད་ནམས་ཆེ་ཞིང་འཕེལ་བ་དང་། སྦྱིན་པའི་ཕ་རོལ་ཏུ་ཕྱིན་པ་མྱུར་དུ་ཡོངས་སུ་རྫོགས་པར་འདོད་ན་ནི། རྟག་ཏུ་སྔ་དྲོའི་དུས་སམ། ཡང་ན་དུས་ཐམས་ཅད་དུ་བྱས་ཀྱང་
བར་ཆད་དུ་འགྱུར་བ་མེད་དོ། །སྣོད་གཙང་མའི་ནང་དུ་ཆུ་གཙང་མ་བླུགས་ལ། ཆན་ནམ། བྱེའམ། ཁུར་བ་ལ་སོགས་པ་ཅུང་ཟད་ཅིག་བཏབ་སྟེ། ལག་པ་གཡས་པ་སྣོད་ཀྱི་སྟེང་དུ་བཞག་ལ། གཟུངས་འདི་ལན་བདུན་བསྔགས་ནས་དེ་བཞིན་གཤེགས་

པ་བཞིའི་མཚན་ནས་བརྗོད་པར་བྱའོ། །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་རིན་ཆེན་མང་གི་མཚན་ནས་བརྗོད་པའི་བྱིན་གྱིས་བརླབས་ཀྱིས་ཡི་དགས་ཐམས་ཅད་ཀྱི་སྐྱེ་བ་མང་པོའི་སེར་སྣ་བྱས་པའི་མི་
དགེ་བའི་ལས་བཅོམ་ཞིང་བསོད་ནམས་ཡོངས་སུ་རྫོགས་པར་འགྱུར་རོ། །དེ་བཞིན་གཤེགས་པ་གཟུགས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་དམ་པའི་མཚན་ནས་བརྗོད་པའི་བྱིན་གྱིས་བརླབས་ཀྱིས་ཡི་དགས་མང་པོ་བྱད་གཟུགས་མི་སྡུག་པ་
བཅོམ་ཞིང་གཟུགས་དང་མཚན་ཕུན་སུམ་ཚོགས་པར་འགྱུར་རོ། །དེ་བཞིན་གཤེགས་པ་སྐུ་འབྱམ་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམ་ཀླས་ཀྱི་མཚན་ནས་བརྗོད་པའི་བྱིན་གྱིས་བརླབས་ཀྱིས་ཡི་དགས་མང་པོའི་སྐོམ་པ་སྤངས་ཤིང་ཚིམ་པར་འགྱུར་ཏེ།
སྦྱིན་པའི་གནས་ཡིད་བཞིན་དུ་ཟ་བ་དང་ཆོག་ཅིང་འགྲངས་བར་འགྱུར་རོ། །དེ་བཞིན་གཤེགས་པ་འཇིགས་པ་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་དང་བྲལ་བའི་མཚན་ནས་བརྗོད་པའི་བྱིན་གྱིས་བརླབས་ཀྱིས་ཡི་དགས་མང་པོའི་འཇིགས་
པ་ཐམས་ཅད་དང་བྲལ་ཏེ། ཡི་དགས་ཀྱི་ཁམས་ཐམས་ཅད་ཞི་བར་འགྱུར་རོ། །བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། རིགས་ཀྱི་བུ་ལ་སོགས་པས་དེ་བཞིན་གཤེགས་པ་བཞིའི་མཚན་ནས་བརྗོད་དེ་བྱིན་གྱིས་བརླབས་པའི་འོག་ཏུ་སེ་གོལ་ལན་གསུམ་
བྱས་ཏེ། གཏོར་མའི་སྣོད་བླངས་ནས་ལག་པ་བརྐྱང་སྟེ། ས་གཙང་མར་བླུག་པར་བྱའོ། །དེ་ལྟར་གཏོར་མ་སྦྱིན་པར་བྱས་ན་ཕྱོགས་བཞི་ནས་ལྷགས་པའི་ཡི་དགས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་སོ་སོ་ནས་ཡུལ་དབུས་འགྱུར་ཚལ་གྱི་བྲེ་ཚད་མས་བཅལ་
བའི་བྲེ་བདུན་བདུན་ཐོབ་པར་འགྱུར་རོ། །ཁ་ཟས་དེ་དག་ཡི་དགས་ཀྱིས་ཡིད་བཞིན་དུ་ཟ་བ་དང་། ཆོག་འགྲངས་པ་དང་། ཡི་དགས་ཀྱི་ཁམས་སྤོང་བ་དང་། མཐོ་རིས་ཀྱི་ལྷར་སྐྱེ་བར་འགྱུར་རོ། །དགའ་བོ་གལ་ཏེ་དགེ་སློང་ཕ་དང་། དགེ་སློང་མ་དང་། དགེ་

བསྙེན་ནམ། དགེ་བསྙེན་མ་གང་ཞིག་རྟག་ཏུ་གཟུངས་འདིས་ཁ་ཟས་ལ་བསྔགས་ཏེ་ཡི་དགས་ལ་སྦྱིན་པ་བྱིན་ན་བསོད་ནམས་ཚད་མེད་པ་སྙེད་ཡོངས་སུ་རྫོགས་པར་འགྱུར་ཞིང་། དེ་ནས་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་སྙེད་ལ་མཆོད་པ་བྱས་པའི་བསོད་ནམས་དང་ཁྱད་པར་
མེད་དེ། ཚེ་རིང་བ་དང་། བསོད་ནམས་དང་། མདངས་དང་། སྟོབས་སྐྱེ་ཞིང་འཕེལ་བ་དང་། དགེ་བའི་རྩ་བ་ཡོངས་སུ་རྫོགས་པ་དང་། མི་དང་། མི་མ་ཡིན་པ་དང་། གནོད་སྦྱིན་དང་། སྲིན་པོ་དང་། ཡི་དགས་མ་རུངས་པ་ཐམས་ཅད་ཀྱིས་གཙེ་ཞིང་གནོད་
པར་བྱད་མི་ནུས་པ་དང་། གཞན་ལ་གཟི་བརྗིད་ཚད་མེད་པ་དང་ལྡན་པར་འགྱུར་རོ། །གལ་ཏེ་གང་ཞིག་བྲམ་ཟེ་དང་དྲང་སྲོང་ལ་སྦྱིན་པ་བྱེད་འདོད་ན་ཁ་ཟས་ཡོངས་སུ་དག་པ་སྣོད་གཅིག་གི་ནང་དུ་བཀང་སྟེ། གཟུངས་སྔགས་འདི་ལན་བདུན་བཟླས་ཏེ་འབབ་ཆུ་གཙང་མར་
གཏོར་ན། དེ་ལྟར་བྱས་པས་ལྷ་རྫས་ཀྱི་ཞལ་ཟས་མཆོག་དམ་པར་འགྱུར་ཏེ། དེས་ན་བྲམ་ཟེ་དང་། དྲང་སྲོང་དེ་དག་ཀྱང་སྔགས་ཀྱིས་བཏབ་པའི་ཟས་ཐོབ་ནས། སྔགས་ཀྱི་བྱིན་གྱིས་སོ་སོ་ནས་སྔོན་ཆད་ཅི་དང་ཅི་ལ་དགའ་ཞིང་མོས་པའི་དགེ་བའི་རྩ་བའི་བསོད་ནམས་
ཡོངས་སུ་འགྱུར་བས། སོ་སོ་ནས་མཐུན་པར་དུས་གཅིག་ཏུ་དེ་ལ་ཚེ་རིང་བ་དང་། མདངས་དང་སྟོབས་སུ་ལྡན་ཏེ་བདེ་སྐྱིད་པར་གྱུར་ཅིག་ཅེས་སྨོན་ལམ་འདེབས་སོ། །གཞན་ཡང་མི་དེ་སེམས་བསམ་པ་བཞིན་དུ་མཐོང་བ་དང་། ཐོས་པའི་སྒོ་ནས་ཡོངས་
སུ་དག་ཅིང་། ཤེས་པ་མི་ནོར་བ་དག་ཚངས་པ་ལྷའི་སྤྱོད་པ་མཆོག་དང་ལྡན་ཞིང་ཡོངས་སུ་རྫོགས་པར་འགྱུར་རོ། །གཞན་ཡང་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་ལ་མཆོད་པ་བྱས་པའི་བསོད་ནམས་དང་འདྲ་སྟེ། ཕས་
ཀྱི་རྒོལ་བ་ཐམས་ཅད་ཀྱིས་གནོད་པ་བྱེད་མི་ནུས་པར་འགྱུར་རོ། །གལ་ཏེ་དགེ་སློང་ཕ་དང་། དགེ་སློང་མ་དང་། དགེ་བསྙེན་ནམ། དགེ་བསྙེན་མ་གང་ཞིག་སངས་རྒྱས་དང་། ཆོས་དང་། དགེ་འདུན་ལ་མཆོད་པ་བྱེད་པར་འདོད་ན། སྤོས་དང་། མེ་

ཏོག་དང་། ཞལ་ཟས་དམ་པ་ལ་གཟུངས་སྔགས་འདི་ལན་ཉི་ཤུ་རྩ་གཅིག་ཏུ་བཟླས་ཏེ། དཀོན་མཆོག་གསུམ་ལ་དབུལ་བར་བྱའོ། །དེ་ནས་རིགས་ཀྱི་བུ་ཕོ་དང་རིགས་ཀྱི་བུ་མོ་དེས་ཕུལ་བའི་ཞལ་ཟས་དེ་ལྷ་རྫས་ཀྱི་ཞལ་ཟས་སུ་གྱུར་ཏེ། ཕྱོགས་བཅུའི་
འཇིག་རྟེན་གྱི་ཁམས་ན་སངས་རྒྱས་དང་། ཆོས་དང་། དགེ་འདུན་ལ་མཆོད་པ་བྱས་པར་འགྱུར་རོ། །དེས་ན་བསྟོད་པ་དང་། གསོལ་བ་གདབ་པ་དང་། རྗེས་སུ་ཡི་རང་བའི་བསོད་ནམས་དང་ལྡན་པར་འགྱུར་ཏེ། རྟག་ཏུ་སངས་རྒྱས་བཅོམ་ལྡན་འདས་ཀྱིས་བསྔགས་ཤིང་
དགོངས་པར་འགྱུར་རོ། །ལྷ་མང་པོས་རྟག་ཏུ་སྲུང་ཞིང་སྐྱོབ་པ་དང་། སྦྱིན་པའི་ཕ་རོལ་ཏུ་ཕྱིན་པ་ཡང་ཡོངས་སུ་རྫོགས་པར་འགྱུར་རོ། །དགའ་བོ་ཁྱོད་ཀྱིས་འདིའི་རྗེས་སུ་ཆོས་བཞིན་ཡིད་ལ་བྱས་ཏེ། སེམས་ཅན་ཐམས་ཅད་ཀྱིས་མཐོང་ཞིང་ཐོས་པར་བྱ་བའི་ཕྱིར་ཡོངས་སུ་རྒྱས་
པར་སྟོན་ཅིག་དང་བསོད་ནམས་ཚད་མེད་པ་ཐོབ་པར་འགྱུར་རོ། །ཡི་དགས་ཁ་ནས་མེ་འབར་བ་ལ་སྐྱབས་མཛད་པའི་གཟུངས་རྫོགས་སྷོ།། ༄༅། །བོད་སྐད་དུ།
འཇུར་འགེགས་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །སེར་སྣ་ལས་ཆེར་ལྷག་པ། གཞན་གྱིས་འཇུར་འགེགས་བྱས་པའི་ཉེས་པའི་འབྲས་བུ་འདི་ལྟ་སྟེ། འཕགས་པ་ཤཱ་རིའི་བུ་དང་། འཕགས་པ་མཽད་
གལ་གྱི་བུ་གཉིས་བས་མཐའ་ཞིག་ན་སོ་སོར་རྟོག་པའི་ཤེས་རབ་ཡིད་ལ་བྱེད་ཅིང་ཡོད་པ་ལས། ཉི་མའི་གུང་ལ་གཉིས་པོས་ཁམས་སེང་དུ་མཆིས་པའི་ས་ན་ཡི་དགས་མོ་ལུས་སྔོ་ལ་སྐམ་པ། ཁོག་ཁོག་ཟེར་བ། སྐྲ་འཛིངས་པ། མིག་དམར་ལ་གཡོན་དུ་ཡོ་བ། མ་མཆུ་
རིང་ལ་གཡས་སུ་ཡོ་བ། སྐེ་དང་རྐང་ལག་ཤིན་ཏུ་ཕྲ་ལ་རིང་བ། ལག་པ་ཁུ་ཚུར་བསྡམས་པའི་སེན་མོས་ཐད་ཀར་ཕུག་ནས་སེན་མོ་སྔོ་ཟང་དེ་ཡོད་པ། ཁ་ནས་སྒྲ་རྣམ་པ་ལྔ་སྒྲོགས་པ་ནི་འདི་ལྟ་སྟེ། དགོས་ན་ཞེས་བྱ་བ་དང་། མེད་ན་ཞེས་བྱ་བ་དང་། མ་སྦྱིན་ཅིག་ཞེས་བྱ་བ་དང་།

སྟེར་ན་ཡང་མ་ཆེ་ཆེས་པར་འོང་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲི་ལ་བྱིན་ཞེས་བྱ་བ་དང་ལྔ་བརྗོད་པ། སྐྱི་ཟིང་བྱེད་པ་ཅིག་དང་ཕྲད་པ་ལས། དེར་གང་ཟག་གཉིས་པོ་དེས་བསམས་པ། དགོན་པ་བས་གྲོང་ཡུལ་ཐག་ཉེ་ལ་ཟས་མོད་པས་གྲོང་ཁྱེར་དུ་ཕྱིན་ཏེ་བསླངས་པས་དཀར་གསུམ་
དང་། མངར་གསུམ་དང་། འབྲས་དང་། ནས་ཀྱི་ཟན་ལ་སོགས་པ་བཟའ་བ་དང་། བཏུང་བ་མང་དུ་རྙེད་ནས་ཡི་དགས་ཀྱི་དྲུང་དུ་ཁྱེར་ཏེ་ཕྱིན་ནས་བསྟབས་པས་མི་ལེན་པར་གོང་གི་སྒྲ་རྣམ་པ་ལྔ་སྒྲོགས་ཤིང་བྲོས་སོ། །དེར་གང་ཟག་གཉིས་པོ་དེས་ཤིན་ཏུ་མ་དགའ་ནས་ཡི་དགས་
མོ་དེའི་སེམས་སུ་སོང་ནས་གཞན་ཡིད་ལ་མ་དྲན་ཏེ། བཅོམ་ལྡན་འདས་འོད་མའི་ཚལ་ན་བཞུགས་པ་ཅན་དུ་དེ་མ་ཐག་ཕྱིན་ཏེ། ཞབས་ལ་ཕྱག་བཙལ་བས་འཁངས་ནས་ཐང་ཆད་དེ་དྲི་བ་མ་སྤོབས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཅི་ཉེས།
དྲི་བ་ཡོད་ན་དབུགས་ཕྱུང་ལ་དྲིས་ཤིག་ཅེས་གསུངས་སོ། །བཅོམ་ལྡན་འདས་ལགས་བདག་ཅག་ནི་ཤིན་ཏུ་མ་དགའ་སྟེ། ཉིད་ལ་ཁོང་ཡུས་ཆེ་ནས་འཁམས་པ་ལགས་སོ། །བཀའ་སྩལ་པ། ཅི་ལས་གྱུར་སྨྲས་པ། བདག་ཅག་གཉིས་ནི་བས་མཐའ་ཞིག་ན་བཅོམ་
ལྡན་འདས་ཀྱི་ཞལ་ནས་གསུངས་པ་སོ་སོར་རྟོག་པ་ཡིད་ལ་བྱེད་པ་ལས་རྒྱང་རིང་པོར་འཆག་ཏུ་ཕྱིན་པ་ལས། ཡི་དགས་མོ་ལུས་པོ་སྔོ་ལ་སྐམ་པ། ཁོག་ཁོག་ཟེར་བ། སྐྲ་འཛིངས་པ། མིག་དམར་ལ་གཡོན་དུ་ཡོ་བ། མ་མཆུ་རིང་ལ་གཡས་སུ་ཡོ་བ། སྐེ་དང་
རྐང་ལག་ཤིན་ཏུ་ཕྲ་ལ་རིང་བ། ལག་པས་ཁུ་ཚུར་བསྡམས་པའི་སེན་མོས་ཐད་ཀར་ཕུག་ནས་སྔོ་ཟང་དེ་བ། ཁ་ནས་སྒྲ་རྣམ་པ་ལྔ་སྒྲོགས་པ་འདི་ལྟ་སྟེ། དགོས་ན་ཞེས་བྱ་བ་དང་། མེད་ན་ཞེས་བྱ་བ་དང་། མ་སྦྱིན་ཅིག་ཅེས་བྱ་བ་དང་། སྟེར་ན་ཡང་མ་ཆེ་
ཆེས་པར་འོང་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲི་ལ་བྱིན་ཅེས་བྱ་བ་དང་ལྔ་བརྗོད་པ། སྐྱི་ཟིང་བྱེད་པ་ཅིག་དང་ཕྲད་ནས། བདག་ཅག་གཉིས་ཀྱིས་བསམས་པས་དགོན་པ་བས་གྲོང་ཡུལ་ཐག་ཉེ་ལ་ཟས་མོད་པས་གྲོང་ཁྱེར་དུ་ཕྱིན་ཏེ། བསླངས་པས་དཀར་གསུམ་

དང་། མངར་གསུམ་དང་། འབྲས་དང་། ནས་ཀྱི་ཟན་ལ་སོགས་པ་བཟའ་བ་དང་། བཏུང་བ་མང་དུ་རྙེད་ནས་ཡི་དགས་མོ་དེའི་དྲུང་དུ་ཁྱེར་ནས་བསྟབས་པས། ཁ་ནས་གོང་གི་སྒྲ་རྣམ་པ་ལྔ་བརྗོད་ཅིང་གང་བྱིན་པ་མི་ལེན་པར་བྲོས་ཏེ་ཐལ་ན་འདི་ཅི་
ལས་གྱུར་པ་དང་། འདི་ལ་སྨན་པའི་ཐབས་ཅི་མཆིས་ཞུ་རུ་མཆིས་པ་ལགས་སོ། །བཀའ་སྩལ་པ། རིགས་ཀྱི་བུ་དག་དེ་ནི་ཤིན་ཏུ་ཡང་ལེགས་སོ། །ངས་བཤད་ཀྱིས་ལེགས་པར་ཉོན་ལ་ཡིད་ལ་ཟུང་ཤིག །དེ་ཅི་ལས་གྱུར་ན་ལུས་སྔོ་ལ་སྐམ་པ་ནི་རང་གིས་ཟ་མ་ཕོད་པ་
ལས་གྱུར་ཏོ། །སྐེ་ཕྲ་བ་ནི་གཞན་ཟ་ཞིང་སྤྱོད་པ་ལ་བདག་གིས་སེར་སྣ་བྱས་པ་ལས་གྱུར་ཏོ། །ཡན་ལག་ཕྲ་ལ་སོར་མོས་ཐད་ཀར་ཕུག་པ་ནི་གཞན་ལ་སྦྱིན་བདག་ལ་ཆེས་ཀྱིས་ཕྲི་ལ་བྱིན་ཅེས་བྱས་པ་དང་། རང་གིས་ཀྱང་སྤྱོད་མི་ཕོད་པ་ལས་གྱུར་ཏོ། །སྐྲ་འཛིངས་པ་ནི་ཀུན་
གྱི་ཡིད་དུ་མི་འོང་བ་བྱས་པ་ལས་གྱུར་ཏོ། །མིག་དམར་བ་ནི་འདོད་ཆགས་ཀྱིས་ཡོངས་སུ་རྒྱས་པ་ལས་གྱུར་ཏོ། །གཡོན་དུ་ཡོ་བ་ནི་མིག་མི་ལེགས་པར་གཞན་ལ་བལྟས་པ་ལས་གྱུར་ཏོ། །མ་མཆུ་རིང་ལ་གཡས་སུ་ཡོ་བ་ནི་སྟེར་ན་ཡང་ཆེས་པར་འོང་ངོ་ཞེས་བྱས་པ་ལས་གྱུར་
ཏོ། །ཁ་ནས་སྒྲ་རྣམ་པ་ལྔ་སྒྲོགས་པ་ནི་བྱེད་པ་རྒྱུ་མཐུན་པའི་འབྲས་བུ་སྟེ། སྔོན་བརྗོད་པའི་བག་ཆགས་བརྟས་པ་ལས་གྱུར་ཏོ། །དེ་ལྟ་བུའི་ལས་ཀྱི་དབང་གིས་གཞན་ཅི་བྱིན་ཡང་ཕན་པར་མི་འགྱུར་ཏེ། ཆུ་གཅིག་པུ་ལས་རང་གིས་སྦྱིན་ནུས་པ་མ་ཡིན་ཏེ། གཞན་
གྱི་ཚུལ་འཇུར་འགེགས་མ་བྱས་པས་ད་ལྟ་ཡང་ཆུ་གཙང་མ་རྩམ་པས་མ་རེག་པ་ལ་སྔགས་ལན་ཅིག་བཏབ་སྟེ། སེ་གོལ་ལན་ཅིག་གཏོགས་ཏེ་བྱིན་ན་དེའི་རྒྱུད་གྲོལ་ཞིང་འདོད་པ་ཚིམ་པར་འགྱུར་རོ། །དེ་འདི་ལྟ་སྟེ། ཨོཾ་ཛྭ་ལ་མི་དཾ་སརྦ་པྲེ་ཏ་བྷྱཿསྭཱ་ཧཱ། གསོལ་པ། དེའི་
འབྲུ་དོན་བཤད་དུ་གསོལ། བཀའ་སྩལ་པ། ཨོཾ་ནི་ཡེ་ཤེས་ལྔའི་རང་བཞིན་ཏེ་དོན་དམ་པའོ། །ཛྭ་ལ་འདོད་པ་མེ་ལྟར་འབར་བའོ། །མི་དཾ་ནི་མིའི་རྒྱུད་ཀྱིས་སེར་སྣ་དང་འཇུར་འགེགས་བྱས་པའོ། །སརྦ་ནི་དེ་ལྟ་བུའི་ལས་ལས་གྱུར་པ་ཐམས་ཅད་དོ། །པྲེ་ཏ་ནི་ཡི་

དགས་ཀྱི་སྙིང་པོ་སྟེ་ལས་ཀྱི་རྒྱུད་སྨིན་པའི་དོན་ཏོ། །བྷྱཿནི་ལས་དང་སྡུག་བསྔལ་བྱང་བར་བྱ་བའི་དོན་ཏོ། །སྭཱ་ཧཱ་ནི་ལས་དང་སྡུག་བསྔལ་བཀྲེས་སྐོམ་བྱང་བར་གྱུར་ཅིག་པའོ། །ད་མྱུར་དུ་སོང་ལ་དེ་ལྟར་གསོས་ཅིག་ཅེས་གསུངས་པས། དེ་ནས་གཉིས་ཀྱིས་མྱུར་དུ་ཕྱིན་ནས།
དེ་བཞིན་དུ་བགྱིས་པས་གཟོད་དགའ་ནས་ལོངས་སྤྱོད་ཅིང་ལུས་བག་གླན་ནོ། །དེ་ནས་ཆོས་སྟོན་ལ་བབ་ནས་གཉིས་པོ་རེ་མོས་བྱས་ཏེ། ཤཱ་རིའི་བུས་བཤོས་གསོལ་ནས་གཅིག་གསོལ་དུ་སྩལ་ཏེ། ཆབ་བྱིན་པས་ཡང་གོང་བཞིན་བརྗོད་དེ་བྲོས་སོ། །ཡང་གཉིས་ཀྱིས་ཡིད་
མཆེས་ནས་བཅོམ་ལྡན་འདས་ལ་ཞུ་རུ་མཆིས་སོ། །བཅོམ་ལྡན་འདས་ལགས། བདག་ཅག་གིས་གསུངས་པ་བཞིན་བགྱིས་ལགས་པས་གསོ་རུ་བཏུབ་པར་གདའ་བ་ལ་ཆོས་སྟོན་ཡོལ་དུ་དོགས་ནས་འཚལ་ནས་ཡང་སྔར་བཞིན་བརྗོད་ཅིང་བྲོས་ནས་ཡང་ཞུ་རུ་མཆིས་
སོ། །བཀའ་སྩལ་པ། དེ་ནི་ཁྱོད་ཀྱི་སེན་བར་དུ་རྩམ་པ་ལག་པས་ལེན་པ་ཡིན་གྱིས། ལག་པ་ཁྲུས་ལ་གཟོད་བྱིན་ཅིག །དེའི་དྲུང་དུ་འགྲོ་མི་དགོས་ཏེ་འདི་ཉིད་ཀྱིས་བཏུབ་པོ་ཞེས་གསུངས་སོ། །དེ་གཉིས་ཀྱིས་ཁྲུས་བགྱིས་ཏེ། ཆུ་སྦྱིན་སྩལ་བས་ཡི་
དགས་མོ་དེ་ཉིད་དུ་འོངས་ནས་ཅུང་ཟད་ན་མདངས་དང་ལྡན་པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ། འདི་ལྟ་བུའི་ཆུ་སྦྱིན་འདི་ནི་འདིར་མ་ཟད་དེ་དུས་ཐམས་ཅད་དུ་ཡང་ཡི་དམ་དུ་གྱིས་ལ་ཐོང་ཅིག །གཞན་ལ་ཡང་རྒྱ་ཆེར་སྤེལ་ཅིག །དེ་ཅིའི་
ཕྱིར་ཞེ་ན། འདིའི་ཕན་ཡོན་ནི་དཔག་ཏུ་མེད་དེ་ཚད་ལས་འདས་སོ། །མདོ་ཙམ་བརྗོད་ན་འདི་ལྟ་སྟེ། འཇིག་རྟེན་གྱི་ཁམས་ཀྱི་མི་ཕྱུག་པོ་རྣམས་ལ་སྦྱིན་པ་བྱས་པ་བས་དབུལ་པོ་འགའ་ཞིག་ལ་སྦྱིན་པ་བྱས་ན་དེའི་བསོད་ནམས་བརྒྱའི་ཆར་ཡང་མི་ཉེ་སྟེ། དེ་ཅི་སྟེ་ཞེ་ན།
ཕྱུག་པོ་རྣམས་ནི་ང་རྒྱལ་ཏེ་དྲེགས་པ་དང་རྒྱགས་པས་གནས་ངན་ལེན་སྤྲོ་བར་བྱེད་དོ། །འཇིག་རྟེན་གྱི་ཁམས་ཀྱི་དབུལ་པོ་རྣམས་ལ་སྦྱིན་པ་བྱས་པ་བས་ཡི་དགས་འགའ་ཞིག་ལ་སྦྱིན་པ་བྱས་ན་དེའི་བསོད་ནམས་བརྒྱའི་ཆར་ཡང་མི་ཉེའོ། །དེ་ཅི་སྟེ་ཞེ་ན། དབུལ་པོ་རྣམས་

ལ་ནི་འབད་དུ་ཡོད། བཙལ་དུ་ཡོད། བསླང་དུ་ཡོད་དོ། །ཡི་དགས་ལས་ཀྱིས་དེ་ལྟ་བུ་དག་མ་ཡིན་གྱི། མ་བསྔོས་ན་ཁ་རུ་ཆུད་ཀྱང་དུག་ཆེན་པོར་འགྱུར་རོ། །འཇིག་རྟེན་གྱི་ཁམས་ཀྱི་ཡི་དགས་ལ་སྦྱིན་པ་བྱས་པ་བས་འཇུར་འགེགས་ཀྱི་ཡི་
དགས་གཅིག་ལ་ཆུ་བྱིན་ན་དེའི་བསོད་ནམས་བརྒྱའི་ཆར་ཡང་མི་ཉེའོ། །དེ་ཅི་སྟེ་ཞེ་ན། ཡི་དགས་དེ་དག་ལ་ནི་དམིགས་པས་ཚིམ་པ་དང་། བཤམས་པས་ཚིམ་པ་དང་། བསྔོས་པས་ཚིམ་པ་དང་། རེག་པས་ཚིམ་པ་དང་། རྗེས་ཀྱིས་ཚིམ་པ་དང་། བཤལ་
བས་ཚིམ་པ་ཡང་ཡོད་དེ། ལས་ཀྱི་རིམ་པ་བཞིན་ནོ། །འཇུར་འགེགས་ནི་གཞན་བཀག་པའི་ལས་ཀྱིས་སྔགས་དང་། ཕྱག་རྒྱ་དང་དམིགས་པ་གཞན་གྱིས་མི་ཐོབ། རྫས་ཐམས་ཅད་ལ་འཐམས་ཏེ་བཀག་པས་རྫས་གཞན་མི་མྱོང་། གཞན་གྱི་ཆུ་གཅིག་
བུ་མ་བཀག་པས་ཆུ་གཙང་རྩམ་པས་མ་རེག་པ་ལས་དབང་མེད། རང་གི་རྒྱུད་ཞི་བར་བྱེད་པའི་སྔགས་དང་། ཕྱག་རྒྱ་སེ་གོལ་གཅིག་མིན་པ་གཞན་གང་གིས་ཀྱང་ཐོབ་པར་མི་ནུས་སོ། །སེ་གོལ་གཅིག་ཏུ་གཞག་པ་ཅི་ཞེ་ན་གཉིས་སུ་གྱུར་ན་གཞན་གྱི་སྒྲར་གྱུར་ནས་མི་
ཐོབ། དེས་ན་རང་གི་གོ་བ་བསྐྱེད་པ་སྒྲ་གཅིག་ཏུ་ངེས་པའོ། །འདིས་ནི་བར་ཆད་ཀྱིས་མི་ཚུགས་པ་དང་། ནད་ཉུང་བ་དང་། ཚེ་རིང་བ་དང་། ལོངས་སྤྱོད་དང་ལྡན་པ་དང་། ཡི་ག་འཆུས་པ་རྣམས་འབྱེད་པར་བྱེད་པ་དང་། མདངས་ཉམས་པ་རྣམས་
གསལ་བར་བྱེད་པ་དང་། འདི་གཞན་ལ་སྤེལ་ན་རྒྱུད་གྲོལ་ནས་ཡི་དགས་ཀྱི་རྒྱུད་ཆད་དེ་མཐར་མངོན་པར་རྫོགས་པར་འཚང་རྒྱའོ། །དེ་སྐད་ཅེས་བཀའ་སྩལ་ནས། རིགས་ཀྱི་བུ་དེ་དག་གིས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཇུར་
འགེགས་ཞེས་བྱ་བའི་གཟུངས་རྫོགས་སྷོ།། །།ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཏེ་གཏན་ལ་ཕབ་པ།། ༄༅། །དཀོན་མཆོག་གསུམ་ལ་

ཕྱག་འཚལ་ལོ། །ལུས་ཀྱི་ཟག་པ་སྦྱིན་པར་བཏང་བའི་གཟུངས། མཆིལ་མ་ལ། ཨོཾ་ཨཱཿཤླེཥྨཱ་ཧ་རེ་བྷྱཿསྭཱ་ཧཱ། ལུད་པ་ལ། ཨོཾ་ཨཱཿཁྲེ་ར་ཨཱ་ཧ་རེ་བྷྱཿསྭཱ་ཧཱ། སྣབས་ལ། ཨོཾ་ཨཱཿསིཾ་གྷ་ན་ཨཱ་ཧ་རེ་བྷྱཿསྭཱ་ཧཱ། ལུས་ཀྱི་དྲི་མ་ལ། ཨོཾ་ཨཱཿམ་ལ་ཨཱ་ཧ་རེ་བྷྱཿསྭཱ་ཧཱ།
དྲི་ཆེན་ལ། ཨོཾ་ཨཱཿབི་ཊ་ཨཱ་ཧ་རེ་བྷྱཿསྭཱ་ཧཱ། དྲི་ཆུ་ལ། ཨོཾ་ཨཿམུ་ཏྲ་ཨཱ་ཧ་རེ་བྷྱཿསྭཱ་ཧཱ། དེ་རྣམས་སོ་སོ་ལ་དེ་དག་ཟ་བ་རྣམས་ཀྱིས་ཐོབ་པར་གྱུར་ཅིག་ཅེས་བརྗོད་པར་བྱའོ། །སེ་གོལ་བརྡབ་པོ། །དེ་རྣམས་དེ་ལྟར་བྱིན་པའི་བསོད་ནམས་ཅི་བསགས་པ་ཐམས་ཅད་སེམས་
ཅན་ཐམས་ཅད་ཀྱི་དོན་དུ་བྱང་ཆུབ་ཏུ་བསྔོ་བར་བྱའོ། །འདི་དག་ནི་བླ་མ་རྡོ་རྗེ་གདན་པས་མདོ་རྒྱུད་ནས་ཕྱུང་སྟེ། བ་རི་ལོཙྪ་བས་བསྒྱུར་བའོ།། ༄༅། །རྒྱ་གར་སྐད་དུ། ཨཱ་རྱ་སབྟ་པེ་ཏཱ་ཌ་ཀ་
ནཱ་མ་དྷཱ་ར་ཎཱི། བོད་སྐད་དུ། འཕགས་པ་རོ་ལངས་བདུན་པ་ཞེས་བྱ་བའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་
ཀྱི་ཕུང་པོའི་རི་ལ་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། ཕྱི་བཞིན་འབྲང་བའི་དགེ་སྦྱོང་ཚེ་དང་ལྡན་པ་ཀུན་དགའ་བོ་དང་ཡང་ཐབས་ཅིག་གོ། །དེའི་ཚེ་ན་མུ་སྟེགས་ཅན་ཀུན་ཏུ་རྒྱུ་བ་རྣམས་ཀྱིས་བཅོམ་ལྡན་འདས་
ལ་གནོད་པ་བྱ་བའི་ཕྱིར། རོ་ལངས་ཆེན་པོ་བདུན་བཏང་བར་གྱུར་ཏོ། །དེ་དག་བཅོམ་ལྡན་འདས་ཀྱི་ཐད་དུ་སོང་བ་ལས་དེ་དག་གིས་གླགས་མ་རྙེད། དམིགས་པ་མ་རྙེད་དོ། །དེ་དག་གིས་གླགས་མ་རྙེད། དམིགས་པ་མ་རྙེད་ནས་དེ་དག་ཚེ་དང་ལྡན་པ་ཀུན་
དགའ་བོ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོའི་ལུས་ལ་རེག་གོ། །རེག་མ་ཐག་ཏུ་ཀུན་དགའ་བོ་དེ་སྡུག་བསྔལ་མི་བཟད་པ། དྲག་པ་ཚ་བ། ཤི་ལ་ཐུག་པའི་ཚོར་བ་རྣམས་དང་ལྡན་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་

དུ་སེམས་ཏེ། བདག་ནི་སྡུག་བསྔལ་མི་བཟད་པ། དྲག་པ་ཚ་བ། ཤི་ལ་ཐུག་པའི་ཚོར་བ་རྣམས་དང་ལྡན་ན་བཅོམ་ལྡན་འདས་དེས་མ་དགོངས་སོ། །བདག་འདི་ལྟར་ཉམ་ང་བར་གྱུར་ན་དེ་བཞིན་གཤེགས་པས་མ་དགོངས་སོ་སྙམ་མོ། །དེའི་ཚེ་ན་
ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་ཚེ་དང་ལྡན་པ་ཀུན་དགའ་བོ་དང་ཐག་མི་རིང་བ་ཞིག་ན་འདུག་པར་གྱུར་ཏོ། །ཚེ་དང་ལྡན་པ་ཀུན་དགའ་བོའི་ཉེ་བའི་ཉོན་མོངས་པ་དེ་ལྟ་བུ་དེ་ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་
པོས་ཐོས་སོ། །དེ་ནས་དེ་གཉིས་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་སྡུག་བསྔལ་མི་བཟད་པ་དྲག་པ་ཚ་བའི་ཚོར་བ་མྱོང་ནས་བདག་ལ་དེ་བཞིན་གཤེགས་པས་མ་དགོངས་སོ་ཞེས་ཅི་དེ་སྐད་སྨྲའམ།
དེ་སྐད་ཅེས་སྨྲས་པ་དང་། ཚེ་དང་ལྡན་པ་ཀུན་དགའ་བོས་དེ་དག་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་བདག་གི་ལུས་ལ་ཚོར་བ་དང་ལྡན་པ་ནི་དཔེར་ན་སོག་ལེས་མགོ་བོ་གཤགས་པ་ལྟར་ཀུན་དགའ་བོ་ལ་རེག་པ་ཡང་དེ་དང་འདྲའོ། །ཀུན་དགའ་བོ་མ་འཇིགས་ཤིག །
བདག་ཅག་གིས་ཁྱོད་ཁྲིའི་སྟེང་དུ་བཞག་སྟེ། དེ་བཞིན་གཤེགས་པའི་དྲུང་དུ་བཀུར་རོ། །བཅོམ་ལྡན་འདས་དེ་ཁྱོད་ལ་ཡོངས་སུ་སྐྱོབ་པ་མཛད་པར་འགྱུར་རོ། །དེ་ནས་ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོས་ཚེ་དང་ལྡན་པ་ཀུན་དགའ་བོ་
ཉལ་ཁྲིའི་སྟེང་དུ་བཞག་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་དྲུང་དུ་བཞག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཅི་སྡུག་བསྔལ་མི་བཟད་པ་དྲག་པ་ཚ་བའི་
ཚོར་བས་ཐེབས་སམ། བཙུན་པ་བཅོམ་ལྡན་འདས་དེ་ལྟ་ལགས་སོ། །ཀུན་དགའ་བོ་ཁྱོད་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །ཀུན་དགའ་བོ་ཁྱོད་ལ་རེག་པའི་རོ་ལངས་ཆེན་པོ་སྟོབས་ཆེ་བ། གདུལ་དཀའ་བ། མཐོང་ན་

གནོད་པ་བདུན་ཡོད་དེ། བདུན་པ་གང་ཞེ་ན། འདི་ལྟ་སྟེ། ཕྲེང་བ་འཛིན་ཅེས་བྱ་བ་དང་། ནོར་བུ་འཛིན་དང་། གཏུམ་པོ་དང་། གདོལ་བ་དང་། རྨ་བྱའི་སྙིང་དང་། ཚེ་ཟད་དང་། ལ་བ་ཅན་ཏེ། རོ་ལངས་ཆེན་པོ་བདུན་པོ་དེ་དག་ནི་སྟོབས་ཆེ་བ། གདུལ་དཀའ་
བ། བསྙེན་པར་དཀའ་བ། རྫུ་འཕྲུལ་ཆེ་བ། མཐུ་ཆེ་བའོ། །ཀུན་དགའ་བོ་རོ་ལངས་རེ་རེས་ཀྱང་འདོད་ན་རྐང་པ་གཡོན་པའི་མཐེ་བོས་རིའི་རྒྱལ་པོ་རི་རབ་ཀྱང་འཕེན་ཏོ། །རིའི་རྒྱལ་པོ་རི་རབ་ཡུངས་འབྲུ་ཙམ་དུ་རྣམ་པར་འཇིག་གོ། །སྟེང་དུ་བལྟས་ནས་འགས་པར་
བྱེད་དོ། །ཕྱོགས་སུ་བལྟས་ན་འཆི་བར་འགྱུར་རོ། །ཕྱོགས་མཚམས་སུ་བལྟས་ན་མེས་སྲེག་པར་བྱེད་དོ། །དེ་དག་གིས་ཁྱོད་ལ་རེག་གོ། །དེ་ལྟ་མོད་ཀྱི་དེ་བཞིན་གཤེགས་པའི་མཐུ་དང་། ཆོས་ཐོས་པའི་གུས་པ་དང་། དེ་བཞིན་གཤེགས་པའི་བྱིན་གྱིས་བརླབས་
ཀྱིས་ད་དུང་དུ་ཁྱོད་ཀྱི་ལུས་འཚོ་བ་ཡིན་ནོ། །བཅོམ་ལྡན་འདས་ལེགས་པར་བསལ་དུ་གསོལ། ཕྱིར་བཟློག་ཏུ་གསོལ། ཕྱག་རྒྱ་བཅིང་དུ་གསོལ། སྐུད་པས་བཅིང་དུ་གསོལ། ཀུན་དགའ་བོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བསྟན་པར་
བྱའོ། །ཏདྱ་ཐཱ། ཧ་ར། མ་ཧཱ་གཱ་རེ། གྷ་ས་ར་བ་ཏི། དྷ་ར་དྷ་རི། དྷ་ར་ཎི། ཚོ་ར་ཚོ་ར། ཎི་ཀ་རོ་ཏི་ཏི། ཀོཏྟ་ས་མཱ་དྷི་ནི། ས་མ་ར་ས་ར་ཎི། ས་ར་ན་ཀོ་ཏ་མ་ཏི། སམྦྷ་བེ། བྷ་བ་ན། ནཱ་ག་རེ། བྷ་ད་ནཱི། སཱ་དཱ་ནི་ཏི་སྭཱ་ཧཱ། ཀུན་དགའ་བོ་གཟུངས་སྔགས་ཀྱི་
ཚིག་འདི་དག་ལན་ལྔ་བཅུ་རྩ་གཉིས་བཟླས་བརྗོད་བྱས་ཏེ། མདུད་པ་ལྔ་བཅུ་རྩ་གཉིས་བོར་ན་བརྗེད་བྱེད་ཐམས་ཅད་དང་། འབྱུང་པོ་ཐམས་ཅད་ཀྱི་སྙིང་ལ་གནོད་པ་བྱས་པར་འགྱུར་རོ། །གདོན་ཐམས་ཅད་ཀྱིས་བྱས་པ་ལས་ཐར་བར་འགྱུར་རོ། །བཅོམ་ལྡན་འདས་
ལགས་སོ་དེ་ལྟར་མཛོད་ཅིག །སླར་ཡང་མི་འཆི་བར་མཛད་དུ་གསོལ། ཀུན་དགའ་བོ་དེའི་ཕྱིར་ཉོན་ལ་ལེགས་པར་ཡང་ཟུང་ཤིག །ཏདྱ་ཐཱ། བད་ཙ་ལེ་བ་ལེ། མ་ཧཱ་བད་ཙ་ལེ་བ་ལེ། བྷི་ལི་བྷི་ལི། མ་ཧྭ་བྷི་རི་ཎཱི། ནི་མི་རི་ནི། ཧ་ན་ཧ་ན་ཧ་ཏི་རི། མ་ཙ་ཐཱ།

མ་བི་ཙ་ར་ཐཱ། སྟི་རི་སྠི་ར་མུ་ལེ། མ་ཐ་ནི་རྨ་ཐ་ནི། ཙཱ་ལ་ནི། མཱ་ཀ་ནཱི། ཛམྦྷ་ནི། བཱི་དཱ་ནི། ལྷ་ཡ་སྭ་ཀྲྀ་ནི། བྷ་ག་བ་ཏི། ཏ་ཐཱ་ག་ཏ། བི་ཏ་ཐེ། ཏི་བི་གྷ་དྷ་རེ། བར་བྲ་དེ། ཧ་རེ་ཏིཥྛ། ནཱི་ལ་བ་ས་ནི་སྭཱ་ཧཱ། ཀུན་དགའ་བོ་རོ་ལངས་འདི་
དག་ནི་འཚོག་པ། སྡང་བ། གཏུམ་པོར་གྱུར་པ། གསོད་པར་གྱུར་པའོ། །དེ་ལ་རིག་སྔགས་འདིས་ཀེ་མོ་རུ་ཀའི་སྐུད་པ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། མདུད་པ་ཉི་ཤུ་རྩ་གཅིག་དོར་རོ། །དེས་ན་འབྱུང་པོ་ཆེན་པོ་ཤིན་ཏུ་འཁྲུགས་པར་འགྱུར་རོ། །
འདིས་ཐམས་ཅད་ཀྱང་སྡང་བར་འགྱུར། འཛེམ་པར་འགྱུར། ཞི་བར་འགྱུར་ཞིང་། འདིས་འབྱུང་པོ་ཐམས་ཅད་ཀྱང་དབང་དུ་འགྱུར། འདིས་འབྱུང་པོ་ཐམས་ཅད་ཀྱང་རབ་ཏུ་ཞི་བར་འགྱུར་རོ། །ཀུན་དགའ་བོ་ཉོན་ཅིག་དང་བསྟན་པར་བྱའོ། །ཏདྱ་ཐཱ། ད་ར་
ད་ར་ད་ར། ཀ་ར་ཀ་ར་ཀ་ར་ཀ་ར། མ་ཧཱ་ཀཀྐ་ར། ཙ་ར་ཙ་ར། ཙ་ད་ཙ་ར། མ་ཧཱ་ཙ་ད་ཙ་ར། ཧ་ལ་ཧ་ལ་ཧ་ལ། ཧི་ལི་ཧི་ལི། ཧུ་ལུ་ཧུ་ལུ། ཧི་རེ་བི་རེ། ཧི་རི་ཀི་རི། བཻ་རཻ་བི་ཙི། ནི་ཀ་རནྐ་རི། སརྦ་བྷཱུ་ཏཱ་ནཱཾ། པྲ་ཛམྦྷ་ནི། ནཱི་ལ་བ་ར་བ་སི་ནི། ཙཙྪུ། ཙཀྲ་ཙཀྲ།
ཨ་ཡུ་དྷེ་སྭཱ་ཧཱ། ཀུན་དགའ་བོ་འདི་དག་ནི་གནོད་སྦྱིན་ཐམས་ཅད་དང་། སྲིན་པོ་ཐམས་ཅད་དང་། གསང་སྔགས་ཐམས་ཅད་དང་། ཡི་དགས་དང་། བྱད་དང་། སྡིག་པ་རབ་ཏུ་ཞི་བར་བྱེད་པའོ། །རྒྱལ་པོས་བཀྲབས་པ་དང་། ལ་གཅན་པ་ཕྱིར་ཟློག་པར་བྱེད་དོ། །དེ་
ལ་རིག་སྔགས་འདི་སྐུད་པ་དམར་པོ་ལ་ལན་སུམ་ཅུ་རྩ་བདུན་བཟླས་བརྗོད་བྱས་ཏེ། མདུད་པ་སུམ་ཅུ་རྩ་བདུན་བོར་ན་ཐམས་ཅད་ལ་རངས་པར་བྱས་པར་འགྱུར་རོ། །ཀུན་དགའ་བོ་གསང་སྔགས་ཀྱི་ཚིག་འདི་དག་ཟུང་ཤིག །ཆོངས་ཤིག །ལེགས་པར་རབ་ཏུ་ཡིད་ལ་ཟུང་ཤིག །
རྗེས་སུ་སྦྱོར་བར་གྱིས་ཤིག །དེ་ལྟ་བས་ན་ཀུན་དགའ་བོ་ཁྱོད་ཀྱིས་དྲན་པ་དང་ལྡན་པས་གཟུང་བར་བྱའོ། །ཏདྱ་ཐཱ། དྷ་ར་དྷ་ར། དྷ་དྷ་ར། ཁ་ར་ཁ་ར། མ་ཧཱ་ཁ་ར། མ་ཧཱ་བ་ལེ། པ་ལ་ནཱ་ཤ་ནཱི། གོཊྚ་ནཱི། ཀུཊྚ་ནཱི། སཾ་ཧཱ་རེ། ཀུཊྚ་དཾཥྚེ། ཀ་ཁ་ཁ་རེ། མ་ཀུཊྚ།

དྷ་རེ་ཎི། མུ་ལུཀྐ། ཀྵེ་ནི་ཀ་ཀཻ་ནཱི་ཀེ། ས་མི་སྨ་ཤ་ནི། ཀི་ནི། གི་རི་ཎི། བྷོ་གི་སི་རི། ས་སཱ་བེ་ཧཱ་ཌ། ཀུ་མཱ་ར་ཀ །ཀྲྀ་ཏེ་སྭཱ་སི། ཀི་ན་ནི་བི་བུདྡྷ་སི། བི་བུདྷྱ་གྲྀ་ཧཱཾ་བྷཻ། ཀྲྀ་ཏ་བྷཻ་ར་བ། བི་ཀྲྀ་ཏ་བྷཻ་ར་བ། མ་ཧཱ་བ་ཡེ། ཀྲྀ་ཏཱ་ན། ཧ་ར་སི། ཀི་ན་ན་མཱ་ར་ཡ་སི།
ཀི་ནན་སརྦ་དེ་བ་ནཱ་ག་ཡཀྵ། གནྡྷརྦྷ། ཨ་སུ་ར། སརྦ་ཨ་སུ་ར། སརྦ་བྷ་ཡ་ཤ་མན། མཾ་ས་ར་སྭཱ་ཧཱ། ཀུན་དགའ་བོ་རིག་སྔགས་འདི་སྦྱིན་སྲེག་གམ། སྐུད་པས་བཅིངས་ན་འདོད་པའི་མཐར་གཏོགས་པ་ཐམས་ཅད་འཇིག་པར་བྱེད། ལྟུང་བར་བྱེད། ཟ་བར་བྱེད་
དོ། །ཀུན་དགའ་བོ་རོ་ལངས་ཐམས་ཅད་རེངས་པར་བྱེད་པའི་རིག་སྔགས་ཟུང་ཤིག །ཏདྱ་ཐཱ། ས་མེ་ལེ། མ་ཧཱ་ཧ་ཧ་ལེ། ཧ་ར་དྷ་རེ། གྷོ་ར་དྷ་རེ། དྷ་རཏྟི། རིཏྟི། བི་རོཏྟི། ཀུ་ན་ཏྟི། ཀུ་ཏ་ནི། སདྒོ་ཙ་ནི། ཀ་ཙ་རི། ཁ་ཙ་རི། མ་ར་ནེ། ཧུ་ཧུ། མ་རེ་ཎ། ཧུ་ཧུ། མ་རེ་ཎ། མ་ཧཱ་
མཱ་ལ་དྷ་རེ། ན་ཡོ་ན་མ་ཏི་སྭཱ་ཧཱ། ཀུན་དགའ་བོ་གསང་སྔགས་ཀྱི་ཚིག་འདི་དག་དམོད་པ་དྲག་པོ་དང་མཚུངས་ཤིང་འདྲ་སྟེ། འབྱུང་པོ་ཐམས་ཅད་རྣམ་པར་བཤིག་པའི་ཕྱིར་བལ་གཙང་མའི་སྐུད་པ་ལ་ལན་ཉི་ཤུ་རྩ་བཞིར་བཟླས་བརྗོད་བྱས་ཏེ། མདུད་པ་ཉི་ཤུ་རྩ་བཞི་
བོར་ན་ལོག་འདྲེན་ཐམས་ཅད་ཀྱིས་མི་ཚུགས་པར་འགྱུར་རོ། །ཀུན་དགའ་བོ་གསང་སྔགས་ཀྱི་ཚིག་འདི་དག་ཟུང་ཤིག །ལེགས་པར་རབ་ཏུ་གཟུང་བར་གྱིས་ཤིག །ཀུན་དགའ་བོ་གསང་སྔགས་འདི་གང་ཡང་རུང་བས་གཟུང་བར་མི་ནུས་སོ། །ཀུན་དགའ་བོ་དེ་ལྟ་
བས་ན་ལེགས་པར་གཟུང་བར་གྱིས་ཤིག །ཏདྱ་ཐཱ། ཙཙྪ་ར། ཙཙྪ་ར། མ་ཧཱ་ཙཙྪ་ར། ཙི་རི་ཙི་རི། བུ་རུ་བུ་རུ། མ་ཧཱ་བུ་རུ། སམྦྷ་ལེ། མ་ཧཱ་སམྦྷ་ལེ། མ་ཧཱ་བ་ལེ་སྭཱ་ཧཱ། ཀུན་དགའ་བོ་ལྷ་དང་བཅས། བདུད་དང་བཅས། ཚངས་པ་དང་བཅས།
དགེ་སྦྱོང་དང་། བྲམ་ཟེ་དང་། སྐྱེ་དགུར་བཅས་པའི་འཇིག་རྟེན་ན་གང་ཞིག་གསང་སྔགས་འདི་ལ་མི་སྤྲོ་བ་ནི་ངས་རྗེས་སུ་མ་མཐོང་སྟེ། སྲུང་བ་དང་། རྗེས་སུ་འབྲང་བ་ཡིན་ནོ། །གསང་སྔགས་འདི་ནི་མི་བཟད་པ་སྟེ། སྲེག་པར་བྱེད། འཚེད་པར་བྱེད། འཆིང་བར་

བྱེད། །འཛོམས་པར་བྱེད། འབར་བར་བྱེད་པ་ཡིན་ཏེ། རིག་སྔགས་ལན་དྲུག་ཅུ་རྩ་གཅིག་བཟླས་བརྗོད་བྱས་ཏེ། མདུད་པ་དྲུག་ཅུ་རྩ་གཅིག་བོར་ན་སྡིག་པ་ཐམས་ཅད་རབ་ཏུ་ཞི་བར་བྱེད། རིག་སྔགས་གཅོད་པར་བྱེད་དོ། །དེ་ནས་བཅོམ་ལྡན་
འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ལེགས་སོ། །ལེགས་པར་བཟུང་ལགས་སོ། །མདུད་པ་དོར་དུ་གསོལ། ཕྱག་རྒྱ་གཞག་པར་མཛད་དུ་གསོལ། ཀུན་དགའ་བོ་དེའི་ཕྱིར། ཏདྱ་ཐཱ། བྷ་བྷ་རེ། བྷ་རེ།
བྷ་ར་ཎི་ཧེ་ར་པྲ་ཧ་རེ། ཧ་ར་ནི། ཀུ་ཐ་ནི་ཏ་ཊི། ལིཙྪ་ད་ཏྟི། ཚངས་པས་བྱས་པའི་རིག་སྔགས་གཅད་དོ། །དབང་ཕྱུག་ཆེན་པོས་བྱས་པའི་རིག་སྔགས་གཅད་དོ། །ཁྱབ་འཇུག་གིས་བྱས་པའི་རིག་སྔགས་གཅད་དོ། །བརྒྱ་བྱིན་གྱིས་བྱས་པའི་རིག་སྔགས་
གཅད་དོ། །རྒྱལ་བོ་ཆེན་པོ་བཞིས་བྱས་པའི་རིག་སྔགས་གཅད་དོ། །གནོད་སྦྱིན་གྱི་སྡེ་དཔོན་གྱིས་བྱས་པའི་རིག་སྔགས་གཅད་དོ། །ཟླ་བ་དང་ཉི་མས་བྱས་པའི་རིག་སྔགས་གཅད་དོ། །ལྷས་བྱས་པའི་རིག་སྔགས་གཅད་དོ། །གཟའ་དང་རྒྱུ་
སྐར་གྱིས་བྱས་པའི་རིག་སྔགས་གཅད་དོ། །ཕྱོགས་ནས་བྱས་པའི་རིག་སྔགས་གཅད་དོ། །ཕྱོགས་མཚམས་ནས་བྱས་པའི་རིག་སྔགས་གཅད་དོ། །སྟེང་ནས་བྱས་པ་དང་འོག་ནས་བྱས་པའི་རིག་སྔགས་གཅད་དོ། །ལྷས་བྱས་པའི་རིག་སྔགས་གཅད་དོ། །ཀླུས་
བྱས་པའི་རིག་སྔགས་གཅད་དོ། །གནོད་སྦྱིན་གྱིས་བྱས་པ་དང་། ནམ་མཁའ་ལྡིང་གིས་བྱས་པའི་རིག་སྔགས་གཅད་དོ། །གྲུལ་བུམ་གྱིས་བྱས་པ་དང་། ཚོར་བ་པས་བྱས་པ་དང་། དགེ་སྦྱོང་དང་། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་།
དམངས་རིགས་དང་། སྐྱེས་པ་དང་། བུད་མེད་དང་། གདོལ་པས་བྱས་པ་དང་། ཀླ་ཀློ་དང་། རི་ཁྲོད་པས་བྱས་པ་དང་། སེང་གེ་དང་། སྦྲུལ་གྱིས་བྱས་པ་དང་། འགྲོ་ལྡིང་བའི་ཡིད་ཀྱིས་བྱས་པ་དང་། གཡུང་པོས་བྱས་པ་དང་། ཏོ་ས་ལ་

པས་བྱས་པ་དང་། མུ་དག་རི་ཁྲོད་པས་བྱས་པ་དང་། སེམས་ཅན་ཐམས་ཅད་ཀྱི་རིག་སྔགས་འཆང་བས་བྱས་པའི་རིག་སྔགས་གཅད་དོ། །ཏདྱ་ཐཱ། ག་ག་གཱ་ར་ལི་ཕུ། མ་ཧཱ་ག་ག་གཱ་ར་ལི་ཕུ། བི་ཤེ་ཕུ། ཤ་པར་སིདྡྷེ་ཕུ། ཙཎྜ་ལི་ཕུ། མ་ཧཱ་ཙཎྜཱ་ལི་ཕུ། ཙོ་གི་
ཕུ། ཙི་མི་རི་ཕུ། ཙི་ཙི་མི་རེ་ཕུ། ཙ་ཀྲེ་ཕུ། ཙཀྲ་དྷ་རེ་ཕུ། ཀྲྀཥྞེ་ཕུ། ཀྲྀཥྞེ་རུ་བེ་ཕུ། ཙཎྜེ་ཕུ། སོ་གེ་ཕུ། པཉྩ་ཊ་ལི་པུ། །པཉྩ་ལི་ཕུ། བྷི་མེ་ཕུ། བྷི་པཱ་པ་ལེ་ཕུ། པིངྒེ་ལེ་ཕུ། པིངྒ་ལ་ཨ་ཀྵེ་ཕུ། ཨ་ནནྟེ་ཕུ། ས་མནྟི་ཕུ། མཱ་ཤ་ནཱི་ཕུ། ཙྪེ་ད་ནི་ཕུ།
བི་ཙྪ་དྭ་ནི་ཕུ་སྭཱ་ཧཱ། ཀྲི་ས་ནི། བཀྵ་ནི། །མཱ་ར་ནི། པིནྡ་ནི། བིན་དྱ་ནཾ། བཀྵ་ནི། ནཱ་ཤཱ་ནི། ཁཱད་དྱ་ཀ་ནཾ། གཱ་ལ་བྷི་ནཱ་ཤཱ་ནཱི། དཱ་ཧཱ་མ་སི། བྷསྨ། བྷསྨ་ནི་མ་ས་ནི། བནྡྷ་ནི་སྭཱ་ཧཱ། ཀུན་དགའ་བོ་གནོད་སྦྱིན་གྱི་སྡེ་དཔོན་ཆེན་པོ་བཞི་བཅུ་རྩ་གཉིས་པོ་འདི་དག་ནི་
མཚན་མོ་གཟི་བརྗིད་འཕྲོག་པར་བྱེད་པའོ། །ཀུན་དགའ་བོ་ཉི་མ་འཆར་བའི་ཚེ་རོ་ལངས་ཆེན་པོ་གནོད་བྱེད་ཅེས་བྱ་བ་ཞིག་ཡོད་དེ། དེ་སྟོན་གྱི་དུས་ཀྱི་ཚེ་ཉི་མའི་འོད་ཟེར་གྱི་རྗེས་སུ་ཞུགས་ནས། གང་འོད་ཟེར་དེ་དག་གིས་གང་ལ་རེག་པ་འོད་ཟེར་གྱི་དྲ་བས་རེག་ནས་རི་མས་སུ་
འགྱུར་ཏེ་དེ་ཡང་གཅད་དོ། །ཀུན་དགའ་བོ་རོ་ལངས་ཁ་གཅིག་པ་ཞེས་བྱ་བ་ཞིག་ཡོད་དེ། དེ་ཡང་འདི་ཉིད་ཀྱི་ནང་དུ་བསྡུ་བར་བྱའོ། །ཀླུའི་རྒྱལ་པོས་འཛིན་ཅེས་བྱ་བ་ཡང་འདི་ཉིད་ཀྱི་ནང་དུ་བསྡུ་བར་བྱའོ། །ཀླུ་ཐམས་ཅད་དང་། གྲུལ་བུམ་ཐམས་ཅད་དང་། ཡི་
དགས་དང་། ཤ་ཟ་ཐམས་ཅད་ཀྱང་འདི་ཉིད་ཀྱི་ནང་དུ་བསྡུས། ནམ་མཁའ་ལྡིང་ཡང་འདི་ཉིད་ཀྱི་ནང་དུ་བསྡུས། ནོར་འཛིན་ཡང་འདི་ཉིད་ཀྱི་ནང་དུ་བསྡུས། རླུང་ལྷ་ཡང་འདི་ཉིད་ཀྱི་ནང་དུ་བསྡུས། སྒྱུ་མ་ལེན་གྱི་བུ་བ་རོ་བ་ཊི་ཤི་རུ་དྲོ་ཡང་འདི་ཉིད་ཀྱི་ནང་དུ་བསྡུས། ཕུང་པོ་
འཛིན་དང་། མདུང་ཐུང་འཛིན་ཀྱང་དེ་བཞིན་དུ་བསྡུས། དེ་བཞིན་དུ་བློན་པོ་དང་བཅས་པ་དང་། འཁོར་དང་བཅས་པ་ཡང་འདི་ཉིད་ཀྱི་ནང་དུ་བསྡུས་སོ། །ཀུན་ནས་དཔག་ཚད་བརྒྱ་དག་ཏུ། །ང་ཡིས་ཆད་པ་དག་བྱས་པས། །ང་ལ་འབྱུང་པོས་བྱར་ཅི་ཡོད། །ང་

ཡིས་སྡང་བ་ཐམས་ཅད་བཅོམ། །གསོད་པར་གྱུར་བ་སྟོབས་པོ་ཆེ། །རོ་ལངས་དག་གིས་བྱར་ཅི་ཡོད། །དེ་དག་ཀྱང་ནི་ངའི་ཞགས་པས། །ཀུན་ནས་ཡོངས་སུ་བསྐོར་བ་ཡིན། །ཞགས་པ་ཀུན་གྱིས་དེ་དག་ཀྱང་། །རྨུགས་ཤིང་ཤིན་ཏུ་རྨོངས་
པར་བྱས། །འདི་ཡིས་བདག་གིས་ཀུན་འགྲུབ་ཅིང་། །གསང་སྔགས་ཚིག་རྣམས་གྲུབ་གྱུར་ཅིག །ན་མཿསིངྔྷཱ་ནཱཾ། སིངྔྷྱནྟུ་མནྟྲ་བཱ་ད་སྭ་སྟིརྨེ་སརྦ་སཏྭཱ་ནཱཉྩ་སྭཱ་ཧཱ། སངས་རྒྱས་ཀུན་གྱི་སྟོབས་གང་དང་། །དགྲ་བཅོམ་རྣམས་ཀྱི་སྟོབས་གང་དང་། །དམ་པའི་ཆོས་
ཀྱི་གཟི་བརྗིད་ཀྱིས། །བདེ་ལེགས་སུ་ནི་རབ་གྱུར་ཅིག །འཕགས་པ་སངས་རྒྱས་ཀྱི་གཟི་ཡིས་རྟག་ཏུ་འཇིགས་པ་ཐམས་ཅད་ལ་སྭཱ་ཧཱ། ཆོ་ག་ནི་ལན་དྲུག་ཅུ་རྩ་གཅིག་བཟླས་བརྗོད་བྱས་ཏེ། ཀེ་མེ་རུ་དང་། བ་ལ་གཙང་མ་ལ་སོགས་པའི་སྐུད་པ་དམར་པོ་ལ་མདུད་པ་དོར་
རོ། །དེ་བཞིན་དུ། བྱ་བ་པ་ཡང་བྱའོ། །འབྱུང་པོ་ཐམས་ཅད་དང་། བརྗེད་བྱེད་དང་། སེམས་རྣམ་པར་གཡེང་བྱེད་ལ་སོགས་པ་དང་། དུག་བྱིན་པ་དང་། དུག་བྱས་པ་དང་། རྐང་གཉིས་པ་དང་། གང་བཞི་རྣམས་ལ་ཀུན་དུ་འགྲོ་བ་གྲུབ་པའི་མཆོག་ཡིན་
ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་
པ་རོ་ལངས་བདུན་པ་ཞེས་བྱ་བའི་གཟུངས་རྫོགས་སྷོ།། །།རྒྱ་གར་གྱི་མཁན་པོ་བི་ཤུདྡྷ་སིངྷ་དང་། བནྡེ་ཡེ་ཤེས་སྙིང་པོའི་སྡེས་བསྒྱུར། རྒྱ་གར་གྱི་མཁན་པོ་བིདྱཱ་ཀར་སིདྷ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་ཞུས་ཏེ་གཏན་ལ་ཕབ་པ།། །།
༄༅། །རྒྱ་གར་སྐད་དུ། ཨཱརྱ་ག་ཎ་བ་ཏི་ཧྲྀ་ད་ཡ། བོད་སྐད་དུ། འཕགས་པ་ཚོགས་ཀྱི་བདག་པོའི་སྙིང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་

རྒྱལ་པོའི་ཁབ་ན་བྱ་རྒོད་ཀྱི་ཕུང་བོའི་རི་ལ་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།
ཀུན་དགའ་བོ་གང་ལ་ལ་ཚོགས་ཀྱི་བདག་པོ་ཚོགས་ཀྱི་དབང་ཕྱུག་གི་སྙིང་པོ་འཛིན་ན་དེའི་ལས་ཐམས་ཅད་གྲུབ་པར་འགྱུར་རོ། །དེ་བཟུང་བས་དགོས་པ་འགྲུབ་ཅིང་གསང་སྔགས་ཐམས་ཅད་ཀྱང་དངོས་གྲུབ་ཏུ་འགྱུར་རོ། །ཏདྱ་ཐཱ། ན་མོ་སྟུ་ཏེ་མ་ཧཱ་ག་ཎ་པ་ཏ་ཡེ་སྭཱ་ཧཱ།
ཨོཾ་ཀ་ཊ་ཀ་ཊ། མ་ཊ་མ་ཊ། ད་ར་ད་ར། བི་ད་ར། བི་ད་ར། ཧ་ན་ཧ་ན། གྲྀཧྣ་གྲྀཧྣ། དྷཱ་བ་དྷཱ་བ། བྷཉྫ་བྷཉྫ། སྟཾ་བྷ་སྟཾ་བྷ། ཛཾ་བྷ་ཛཾ་བྷ། མོ་ཧ་མོ་ཧ། དེ་ཧི་དེ་ཧི། དཱ་པ་ཡ་དཱ་པ་ཡ། དྷཱ་ན་དྷཱ་ནྱ་སིདྡྷིཾ་མེ་པྲ་ཡཙྪ་ས་མ་ཡ་མ་ནུ་སྨ་ར་མ་ཧཱ་རུ་དྲ་བ་ཙ་ནཱི་ཡེ་སྭཱ་ཧཱ། ཨོཾ་
ཀུ་རུ་ཀུ་རུ་སྭཱ་ཧཱ། ཨོཾ་ཏུ་རུ་ཏུ་རུ་སྭཱ་ཧཱ། ཨོཾ་མུ་རུ་མུ་རུ་སྭཱ་ཧཱ། ཨོཾ་པཱ་པ་ཤཱནྟི་བ་སུ་པུཥྚིཾ་ཀུ་རུ་སྭཱ་ཧཱ། ཨདྒུ་ཏ་བིནྡུ་ཀྩ་བྷི་ཏ་ཙིཏྟ་མ་ཧཱ་བི་དཱ་རཿས་མཱ་གཙྪ་ཏི་མ་ཧཱ་བྷ་ཡ། མ་ཧཱ་བ་ལ། མ་ཧཱ་བ་ར་ཀྲ་མ། མ་སཱ་ཧ་སྟི། མ་ཧཱ་དཀྵི་ཎི་ཡ་བྲ་ཅོད་ཡ་མ་སྭཱ་ཧཱ། ཏདྱ་ཐཱ། ཨོཾ་ཀུ་རུ་
ཀུ་རུ། ཙུ་རུ་ཙུ་རུ། མུ་རུ་མུ་རུ། ཨོཾ་ག་ག་ག་ག་ག་ག་ག་གཿ། ཨོཾ་ན་མོ་ན་མཿསྭཱ་ཧཱ། ཀུན་དགའ་བོ་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག་ཚོགས་ཀྱི་བདག་པོ་ཚོགས་
ཀྱི་དབང་ཕྱུག་གི་སྙིང་པོ་འདི་རྩོམ་ཞིང་གསང་སྔགས་སྒྲུབ་པ། དཀོན་མཆོག་གསུམ་མཆོད་དུ་ཡུལ་གཞན་དུ་འགྲོའམ། རྒྱལ་པོའི་ཕོ་བྲང་འཁོར་དུ་འཇུག་ན་སངས་རྒྱས་བཅོམ་ལྡན་འདས་རྣམས་ལ་མེ་ཏོག་དང་བདུག་པས་མཆོད་པ་བྱས་ཏེ། ཚོགས་ཀྱི་བདག་
པོའི་སྙིང་པོ་འདི་བཀླགས་ན་ལས་ཐམས་ཅད་འགྲུབ་ཀྱིས་འདི་ལ་ཐེ་ཚོམ་མ་ཟ་ཞིག །འཐབ་པ་དང་། རྩོད་པ་དང་། ཁྲག་ཁྲུག་དང་། ཡུལ་འཁྲུགས་པ་ཐམས་ཅད་ཀྱི་ནང་དུ་ཡང་དྲན་པར་བྱས་ན་ཐམས་ཅད་རབ་ཏུ་ཞི་བར་འགྱུར་རོ། །ཉིན་གཅིག་བཞིན་དུ་ནང་

པར་ལངས་ནས་ཚིག་ཏུ་བཏོན་ན་ཐོས་པ་འཛིན་པར་འགྱུར་རོ། །གནོད་སྦྱིན་དང་། སྲིན་པོ་དང་། མཁའ་འགྲོ་མ་ཐམས་ཅད་ཀྱིས་མདངས་འཕྲོག་པར་མི་འགྱུར་ཞིང་ཐག་རིང་པོར་ཡོངས་སུ་སྤོང་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་
བཀའ་སྩལ་ནས། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཚོགས་ཀྱི་བདག་པོའི་
སྙིང་པོ་རྫོགས་སྷོ།། ༄༅། །རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ནཱ་མ་དྷཱ་ར་ཎཱི། བོད་སྐད་དུ། དཔལ་མགོན་པོ་ནག་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྡོ་རྗེའི་གདན་ལ་བདུད་བཏུལ་ཏེ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པ་ཞིག་ན། བྱང་ཆུབ་ཀྱི་ཤིང་དྲུང་ལ་བཞུགས་སོ། །བཅོམ་ལྡན་འདས་ག་ལ་བ་དེ་ལོགས་
སུ་ལྷའི་སྡེ་དཔོན་ཆེན་པོ་ཚོགས་ཀྱི་བདག་པོ་མ་ཧཱ་ཀཱ་ལ་འདོད་པའི་ཁམས་ཀྱི་དབང་ཕྱུག་ལ་དབང་སྒྱུར་བ་དཔལ་མགོན་པོ་ནག་པོ་ཆེན་པོས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་ནས་འདི་སྐད་ཅེས་གསོལ་ཏོ། །བཙུན་པ་བཅོམ་
ལྡན་འདས་བདག་གི་རིག་པ་འདི་འབུལ་གྱིས་བཞེས་སུ་གསོལ། ཨོཾ་ཤྲཱི་མ་ཧཱ་ཀཱ་ལ་གྷ་ཎ་གྷ་ཎ་ཊི་སྭཱ་ཧཱ། ན་མཿཤྲཱི་མ་ཧཱ་ཀཱ་ལ་ག་ཎེ་གུ་ཏི་ཤཱ་ཡ། ན་མོ་ཡོ་གི་ན་ཎཱི་ན། ཏདྱ་ཐཱ། ཨོཾ་ཧི་ལེ་ཧི་ལེ། ཀི་ཏེ་ཀི་ཏེ་ནི། ཙི་དེ་ཙི་དེ་ནི་སྭཱ་ཧཱ། འདི་བཏོན་པས་ནད་ཐམས་ཅད་དང་།
རིམས་ཐམས་ཅད་དང་། གདོན་ཐམས་ཅད་དང་། མི་ངས་ཐམས་ཅད་དང་། འབྱུང་པོ་ཐམས་ཅད་དང་། ཉེས་པར་བསྒོམས་པ་ཐམས་ཅད་དང་། ཉེས་པར་བལྟས་པ་རྣམས་སྟེང་དུ་གཞན་འཕྲུལ་དབང་བྱེད་ལ་ཐུག་པ་མན་ཆད་བཅིང་ངོ་། །འོག་ཏུ་ནི་སེམས་ཅན་

དམྱལ་བ་ལ་ཐུག་པ་ཡན་ཆད་བཅིང་ངོ་། །ཐད་ཀ་ཁོ་ར་ཁོར་ཡུག་ཏུ་ནི་རི་ལ་ཐུག་པ་ཚུན་ཆད་བཅིང་ངོ་། །གཞན་ཡང་གཙུག་ལག་ཁང་དང་དཀྱིལ་འཁོར་གྱི་སྲུང་མ། དུག་གསུམ་ནད་ཀྱི་སྨན་པ། རིག་འཛིན་ཡོངས་ཀྱི་སྲོག་ཤིང་། རྣལ་འབྱོར་གྱི་དགྲ་བླ། བདུད་འདུལ་
རྣམས་ཀྱི་དབང་ཕྱུག །སྲིན་པོ་ལང་ཀ་པུ་རིའི་གྲོང་ཁྱེར་གཏན་ནས་རློག་པ། གནོད་སྦྱིན་གྱི་བུ་མོ་ནམ་མཁའི་གློག་མ་སྤྲིན་རྡུལ་དུ་རློག་པ། དཀོན་མཆོག་གསུམ་གྱི་བསྟན་པ་སྲུང་བར་ཁས་བླངས་ཤིང་དམ་བཅས་པའོ། །འཕགས་པ་དཔལ་མགོན་པོ་ནག་པོ་ཞེས་བྱ་བའི་
གཟུངས་རྫོགས་སྷོ།། ༄༅། །འཕགས་པ་ནག་པོ་ཆེན་པོའི་གཟུངས་རིམས་ནད་ཐམས་ཅད་ལས་ཐར་བར་བྱེད་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ནག་པོ་
ཆེན་པོ་སྐྱེས་བུ་ནག་སེར་མཆེ་བ་རྣོན་པོ། མཆེ་བ་ཆེན་པོ་རིམས་ནད་ཐམས་ཅད་ལས་རྣམ་པར་ཐར་བར་བྱེད་པ་བརྗོད་པར་བྱ་སྟེ། ཕྱོགས་གང་དང་གང་དུ་བལྟས་པ་དེར་བདག་ལ་རིམས་ནད་མེད་པར་གྱུར་ཅིག །ཏདྱ་ཐཱ། ཧ་ན་ཧ་ན་རཱ་ཛདྷཱུ་ཏེ་ན། ད་ཧ་ད་ཧ་རཱ་ཛདྷཱུ་ཏེ་ན། པ་ཙ་པ་ཙ་
རཱ་ཛ་དྷཱུ་ཏེ་ན། བ་ཧུ་ཤྲ་བེ། བ་ཧུ་པ་རི་པཱ་རི། བ་ཧུ་པ་རི་ཤོ་དྷ་ནེ་ཨི་མཾ་ཛཱ་ར་ཙཎྜ་ལཾ། ཧ་ན་ཧ་ན། ཨོཾ་སུཾ་བྷ། ནི་སུཾ་བྷ། ཤི་ར་མུཉྩ། ཙཀྵུ་མུཉྩ། ཤྲོ་ཏྲ་མུཉྩ། གྷྲཱ་ཎ་མུཉྩ། ཛི་ཧྭཱ་མུཉྩ། ཀ་ཎ་ཋ་མུཉྩ། གྲཱི་བ་མུཉྩ། པྲིཥྛ་མུཉྩ། ཀཱ་ཊི་ཀཱ་མུཉྩ། ཀུཀྵ་མུཉྩ།
ཨཱུ་རུ་མུཉྩ། ཛ་ནཽ་མུཉྩ། ཧསྟ་མུཉྩ། པཱ་དཽ་མུཉྩ། ཨཾ་གུ་ལི་མུཉྩ། ཨི་ག་པྲ་ཏྱཾ་ག་མུཉྩ། ཨ་བ་ས་ར། ཨ་ནྱ་སི་མཾ་གཙྪ། ཛྭ་ར་མུ་ཏོ་སི་བདག་ལ་སྭཱ་ཧཱ། ཨོཾ་ཛྭ་ལ་མཱ་ཨཾ་གུ་ལི་ཧཱུྃ། སརྦ་ཛྭ་རཱ་ན་ན་ཕཊ། འཕགས་པ་ནག་པོ་ཆེན་པོའི་གཟུངས་རིམས་ནད་ཐམས་ཅད་
ལས་རྣམ་པར་ཐར་བར་བྱེད་པ་རྫོགས་སྷོ།། །།རྒྱ་གར་གྱི་མཁན་པོ་པྲ་ཛྙཱ་བརྨ་དང་། ཞུ་ཆེན་གྱི་ལོ་ཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།

༄༅། །རྒྱ་གར་སྐད་དུ། དེ་བཱི་མ་ཧཱ་ཀཱ་ལཱི་ནཱ་མ་དྷཱ་ར་ཎཱི། བོད་སྐད་དུ། ལྷ་མོ་ནག་མོ་ཆེན་མོའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་
མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པ་ཞིག་ན་བྱང་ཆུབ་ཀྱི་ཤིང་དྲུང་ན་བཞུགས་སོ། །དེ་ནས་འདོད་པའི་ཁམས་ཀྱི་དབང་ཕྱུག་མ། བདུད་ཀྱི་ཡུམ། གཤིན་རྗེའི་ལྕམ་མོ་ལྷ་མོ་ནག་མོ་ཆེན་མོས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱོགས་གཅིག་
ཏུ་འདུག་གོ། །དེ་ནས་བཅོམ་ལྡན་འདས་ལ་ལྷ་མོ་ནག་མོ་ཆེན་མོས་གསོལ་པ། བཙུན་པ་བཅོམ་ལྡན་འདས་ཀྱི་ཞབས་ལ་ཕྱག་འཚལ་བའི་རིག་པ་འདི་འབུལ་ན། བདག་གི་དེ་བཅོམ་ལྡན་འདས་ཀྱིས་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ།
བདུད་ཀྱི་ཡུམ་གཤིན་རྗེའི་ལྕམ་མོ་ལྷ་མོ་ནག་མོ་ཆེན་མོས་སྟེང་དུ་ནི་གཞན་འཕྲུལ་དབང་བྱེད་ལ་ཐུག་པ་མན་ཆད་བཅིང་བར་བྱའོ། །འོག་ཏུ་ནི་སེམས་ཅན་དམྱལ་བ་ལ་ཐུག་པ་ཡན་ཆད་བཅིང་བར་བྱའོ། །ཐད་ཀ་ཁོ་ར་ཁོར་ཡུག་ཏུ་ནི་རིལ་ཐུག་པ་ཚུན་ཆད་བཅིང་བར་བྱའོ། །དེའི་སྔགས་
འདི་དག་ཀྱང་བཟླས་པར་བྱ་སྟེ། ཏདྱ་ཐཱ། ཨོཾ་རུ་རུ་བི་ཏིཥྛ་བདྷོ་ཧྶི་རུ་རུ་རོ་རུ་བི་ཏིཥྚ་བ་དྷོ་ཏྶི་སྭཱ་ཧཱ། འདི་བཏོན་པས་རིམས་དང་། ནད་དང་། མི་ངས་དང་། ཉེས་པ་ཐམས་ཅད་དང་། མཛེ་དང་། ཕོལ་མིག་དང་གཡན་པ་ལ་སོགས་པའི་ནད་ཐམས་ཅད་ཞི་བར་འགྱུར་
རོ་སྭཱ་ཧཱ། ལྷ་མོ་ནག་མོ་ཆེན་མོའི་གཟུངས་རྫོགས་སྷོ།། ༄༅། །རྒྱ་གར་སྐད་དུ། ཤྲཱི་དེ་བཱི་ཀཱ་ལཱི་ནཱ་མ་ཨཱ་ཥྚ་ཤ་ཏ་ཀ། བོད་སྐད་དུ། དཔལ་ལྷ་མོ་ནག་མོའི་མཚན་བརྒྱ་རྩ་བརྒྱད་པ། སངས་རྒྱས་
དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བྱ་རྒོད་ཀྱི་ཕུང་པོའི་རི་ལ་བཞུགས་ཏེ། རྒྱུ་དང་འབྲས་བུའི་བྱང་ཆུབ་སེམས་དཔའ་ཐམས་ཅད་ལ་བདེན་པའི་མཚན་རྣམས་སྟོན་པར་མཛད་

དོ། །དེའི་ཚེ་དཔལ་ལྷ་མོ་ནག་མོ་ཆེན་མོ་ཡང་བཅོམ་ལྡན་འདས་ཀྱི་ཐད་དུ་སོང་སྟེ། ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་སྤྱན་སྔར་ཕྱོགས་གཅིག་ཏུ་འདུག་གོ། །དེ་ནས་བྱང་ཆུབ་སེམས་དཔའ་སེང་གེ་བརྩོན་འགྲུས་ཀྱིས་བཅོམ་ལྡན་འདས་ལ་འདི་སྐད་
ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སྲིན་མོའི་ཆ་ལུགས་ཀྱིས་འཇིག་རྟེན་པའི་དོན་མཛད་པའི་མཚན་གྱི་རྣམ་གྲངས་ཇི་ལྟ་བུ་ལགས་ཞེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེང་གེ་བརྩོན་འགྲུས་ལ་དགོངས་ནས་
དཔལ་ལྷ་མོ་ནག་མོ་ལ་གཟིགས་ཏེ་འདི་སྐད་ཅེས་གསུངས་སོ། །ཐོས་བསམ་བསྒོམ་ལ་ཆེར་གནས་པའི། །རྒྱུ་འབྲས་རྐྱེན་གྱི་བདག་ཉིད་ཅན། །འགྲོ་ལ་ཕན་མཛད་མཁས་པའི་མཆོག །དཔལ་ལྡན་ལྷ་མོ་ནག་མོ་འཕགས། །བྱང་ཆུབ་སེམས་དཔའ་སྤྲུལ་
པ་སྟེ། །ས་ལྟར་བརྟེན་པའི་གཞིར་གྱུར་པ། །ཡོན་ཏན་སྡུད་བྱེད་ཆུ་དང་འདྲ། །བྱང་ཆུབ་སྨིན་བྱེད་མེ་ལྟ་བུ། །དགེ་བའི་འདུ་བྱེད་རླུང་ལྟར་གཡོ། །ཤེས་རབ་རྣམ་དག་ནམ་མཁའ་སྟེ། །ཁྱོད་ནི་འབྱུང་བ་ཆེན་པོ་འདྲ། །འབྱུང་པོ་ཕལ་ཆེན་རྣམས་ཀྱིས་བསྟོད། །
བསོད་ནམས་ཡེ་ཤེས་རབ་བསགས་པའི། །ལས་དང་རྣམ་སྨིན་དག་ལ་མཁས། །ང་རྒྱལ་གཟུགས་ཀྱིས་འདུལ་བ་གོམས། །ཤེས་རབ་སྙིང་རྗེའི་ལམ་དུ་འགྲོ། །ཁྱོད་ནི་བུམ་པ་བཟང་ལྟ་བུ། །དཔེར་ན་ཡིད་བཞིན་ནོར་བུའི་ཆུ། །ཀུན་ལ་ཕན་པའི་དཔག་བསམ་ཤིང་། །
ཉི་མ་འདྲ་བར་ཁྱོད་ལ་གསལ། །ཟླ་ལྟར་གསལ་བའི་ཐུགས་མངའ་ཞིང་། །མིང་ནི་རི་བོང་རྭ་དང་འདྲ། །རང་གི་རྒྱུད་ནི་འཁོར་ལོ་འདྲ། །ཨུ་དུམ་བཱ་ར་ལྟར་ཁྱོད་དཀོན་ཡང་། །བདུད་རྩི་ལྟ་བུར་ཡོངས་ཚིམ་མཛད། །འགྲོ་བ་ཀུན་གྱི་བདག་མོ་ལགས། །རང་བཞིན་
མེད་པའི་ཆོས་ཀྱང་སྟོན། །ཆུ་དང་ནམ་མཁའི་ཚུབ་མ་ལྟར། །གདུལ་བྱའི་སྲིད་གསུམ་ཅིས་ཀྱང་འདུལ། །དུས་གསུམ་རྒྱལ་བའི་བསྟན་པ་སྐྱོང་། །དམ་པ་རྣམས་དང་ཡང་དག་གཅིག །དམ་པ་རྣམས་ཀྱི་ལམ་དུ་འགྲོ། །ལྷ་མོ་མ་མོ་གནོད་སྦྱིན་མོ། །སྲིན་མོ་

ཀླུ་མོ་ཤ་ཟ་མོ། །གདུག་མོ་འབྱུང་མོ་གྲུལ་བུམ་མོ། །དྲག་མོ་རྔམ་ཚུལ་ཀློག་འགྱུ་མ། །རླུང་མོ་ནག་མོ་འཇིགས་བྱེད་མ། །མཁའ་འགྲོ་གཏུམ་མོ་ཞིང་སྒྲོལ་མ། །ཞི་རྒྱས་དབང་དང་དྲག་པོས་འདུལ། །དཀར་སེར་ལྗང་ནག་དམར་ཡང་
སྟོན། །རྣམ་པ་བརྒྱད་ཀྱི་དབྱིབས་ཀྱང་འབྱུང་། །འགྲོ་བ་དྲུག་པོའི་ཚུལ་ཡང་སྟོན། །ཕུང་པོ་ལྔ་ཡང་བརྗོད་པར་ནུས། །དབང་པོ་ཚིམ་བྱེད་ཡུལ་ལྔའང་སྟོན། །རྟེན་ཅིང་འབྲེལ་བའི་སྤྱོད་པ་མཁས། །ཡུལ་ཅན་རྣམས་ནི་གསོད་ལ་མཁས། །དེ་བཞིན་ངག་རྣམས་
གསོད་པ་དང་། །ལུས་ཅན་རྣམས་ནི་གསོད་ལ་བརྩོན། །སེམས་ནི་གསོད་པ་མེད་ལ་མཁས། །འཁོར་བ་ལས་ནི་རིང་དུ་སོང་། །དེ་བཞིན་གཤེགས་པས་ལུང་བསྟན་ཏེ། །བྱང་ཆུབ་སེམས་དཔའི་མཚན་རྣམས་དང་། །འཇིག་རྟེན་སྐྱོང་མཛད་དཔལ་ལྡན་མ། །
དམ་ཆོས་འཛིན་པ་རྣམས་ལ་བྱམས། །ཨོཾ་ཨཱཿཧཱུྃ། ཤྲཱི་དེ་བི་ཀཱ་ལི་ས་མ་ཡ་ཛཿ། ཌཱ་ཀི་ནཱི་ཌཱ་ལ་ས་མ་ཡ་སྭཱ་ཧཱ། མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཀྱང་འཐོབ། །དམྱལ་བའི་སྡུག་བསྔལ་མྱོང་མི་འགྱུར། །ཡི་དགས་གནས་སུ་མི་སྐྱེ་
ཞིང་། །བྱོལ་སོང་སྐྱེ་བས་ཐོགས་མེད་འགྱུར། །ལུས་འཕགས་གནས་སུ་སྐྱེས་པ་ན། །ཐོག་ལ་སོགས་པ་མི་འབབ་ཅིང་། །སྒྲ་མི་སྙན་དུ་རླུང་གིས་མིན། །དེ་བཞིན་བ་ལང་སྤྱོད་དུ་ཡང་། །ཆུ་དང་རླབས་ཀྱིས་ཁྱེར་མི་ནུས། །འཛམ་བུའི་གླིང་དུ་གང་སྐྱེས་པ། །
སྣ་ཚོགས་གནོད་པས་ཉེན་མི་འགྱུར། །འདོད་པའི་ལྷ་རྣམས་གནས་སུ་ཡང་། །སྐྱེས་ནས་ཆོས་ལ་དགའ་བར་འགྱུར། །བསམ་གཏན་བཞི་ཡི་སྐྱེ་གནས་སུ། །ཚད་མེད་བཞི་ནི་འཕེལ་བར་འགྱུར། །གཟུགས་མེད་གནས་ནི་བཞི་བོར་ཡང་། །དོན་མེད་ན་ནི་མི་སྐྱེ་སྟེ། །
འདུ་ཤེས་མེད་པར་ནམ་ཡང་མིན། །འཕགས་པ་བཞུགས་པའི་གནས་རྣམས་སུ། །ཁམས་གསུམ་ཚུལ་གྱིས་བདག་དོན་སྤྱོད། །རྟག་ཏུ་ཡུལ་ལ་ཆགས་མི་འགྱུར། །སེམས་ལ་འཛིན་པར་མི་བྱེད་དེ། །ཉོན་མོངས་རྩ་བ་དྲུག་པོ་དང་། །དེ་བཞིན་ཉེ་བ་ཉི་ཤུ་དང་། །

མཚམས་མེད་ལྔ་ཡང་བྱང་བར་འགྱུར། །བསྐལ་བ་གྲངས་མེད་མང་པོར་ཡང་། །མི་ཁོམ་བརྒྱད་དུ་སྐྱེ་མི་འགྱུར། །མུ་སྟེགས་རྩོད་པ་བཟློག་པ་དང་། །མཐུ་སྟོབས་ཕུན་སུམ་ཚོགས་ལྡན་ཞིང་། །ཚེ་རིང་ནད་མེད་དཔལ་དང་ལྡན། །སྡུག་མེད་བསྐལ་པ་མང་པོར་
ཡང་། །ནམ་ཡང་འཁོར་བར་མི་ལྟུང་ཞིང་། །མྱ་ངན་འདས་པ་ཐོབ་བྱའི་ཕྱིར། །ཉན་ཐོས་ས་རྣམས་ནོན་པ་དང་། །རྟེན་འབྲེལ་བཅུ་གཉིས་ཤེས་པར་བྱ། །བྱང་ཆུབ་སེམས་དཔའི་ས་རྣམས་ནི། །རབ་དགའ་དྲི་མེད་འོད་ཅེས་འཕྲོ། །སྦྱར་དཀའ་མངོན་གྱུར་
རིང་དུ་སོང་། །མི་གཡོ་ལེགས་པ་ཆོས་ཀྱི་སྤྲིན། །སངས་རྒྱས་ས་ཆེན་བླ་ན་མེད། །བཅུ་གཉིས་པོ་ཡང་ཐོབ་འགྱུར་ཏེ། །ཀུན་ཏུ་འོད་དང་བདུད་རྩི་འོད། །ནམ་མཁའི་འོད་དང་རྡོ་རྗེའི་འོད། །རིན་ཆེན་འོད་དང་པདྨའི་འོད། །ལས་ཀྱི་འོད་དང་དཔེ་མེད་
ས། །དཔལ་ལྡན་ས་དང་ཤེས་རབ་འོད། །ཐམས་ཅད་མཁྱེན་དང་རང་རིག་སྟེ། །བཅུ་གཉིས་སངས་རྒྱས་ས་རྣམས་ཀྱང་། །འདི་ཚེ་བྱུང་ན་མྱུར་དུ་ཐོབ། །ས་རྣམས་མ་ཐོབ་བར་དུ་ཡང་། །འགྲོ་བ་རྣམས་ལ་ཕན་པ་དང་། ཤེས་རབ་སྙིང་རྗེ་ལྡན་གྱུར་ཅིང་། །
ཆོས་ལ་དགའ་བ་རྣམས་ཀྱིས་བསྲུང་། །དངོས་གྲུབ་ཐོབ་སྟེ་དེ་བཞིན་གཤེགས། །རིན་ཆེན་ལས་བྱུང་ཐོབ་པར་འགྱུར། །དཔལ་ལྡན་བྱང་ཆུབ་སེམས་དཔའ་དང་། །དཔལ་ལྡན་ལྷ་མོ་ནག་མོ་ཡི། །མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཐོབ་
སྟེ། །སྐུ་གསུང་ཐུགས་ནི་གྲུབ་ནས་ཀྱང་། །ཁམས་གསུམ་ཆོས་ཀྱི་རྒྱལ་པོར་འགྱུར་ཞེས་གསུངས་པ་དང་། །བྱང་ཆུབ་སེམས་དཔའི་འཁོར་དེ་དག་དང་། །དཔལ་ལྷ་མོ་ནག་མོ་ཆེན་མོ་རྣམས་ངོ་མཚར་དུ་གྱུར་ཏེ། །བཅོམ་ལྡན་འདས་ཀྱིས་གསུངས་པ་ལ་
རྗེས་སུ་ཡི་རང་ཞིང་མངོན་པར་བསྟོད་དོ། །དཔལ་ལྷ་མོ་ནག་མོ་ཆེན་མོའི་མཚན་བརྒྱ་རྩ་བརྒྱད་པ་ཡོན་ཏན་དང་བཅས་པ་རྫོགས་སྷོ།། ༄༅། །ལྷའི་དབང་པོ་བརྒྱ་བྱིན་གྱིས་བསྟོད་པ། །དུས་

གསུམ་འཁོར་བའི་སྡུག་བསྔལ་ཆེན་པོ་དང་། །འདོད་ཆགས་ཞེ་སྡང་གཏི་མུག་གསུམ་གྱི་རྒྱུས། །སྡིག་སྨིན་ལས་གྲུབ་ལྷ་དང་ལྷ་མ་ཡིན། །དམྱལ་ཚོགས་མེ་ལྟར་འབར་བའི་གནས་འདི་རུ། །ཤ་ཁྲག་དམར་ལ་རོལ་བའི་ལྷ་མོ་ཁྱོད། །ལྷ་ཡི་
གཡུལ་ངོ་རྒྱལ་བར་ཞལ་འཆེས་ལ། །ལྷ་མ་ཡིན་གྱི་དཔུང་རྣམས་བརླག་པར་མཛོད། །ཅེས་བསྟོད་དོ། །རྫོགས་སྷོ།། ༄༅། །ནད་ཀྱི་བདག་མོ་ལ་བསྟོད་པ། ཏིལ་མར་གྱིས་བསྐུས་ལན་བུ་གཅིག་པ་རོ་
ཉེའི་རྣ་ཆས་སྒེག་ཅིང་ཆ་ལུགས་མ་ལུས་འཆང་། །རྒྱན་དུ་རྐང་སྒྲོག་ལྕགས་ལས་བྱས་པ་གཅིག་གིས་རང་གི་རྐང་པ་མཛེས་པར་བྱས་པ་སྟེ། །གཅེར་བུ་བོང་བུ་ཞོན་ཅིང་འགྲོ་བ་འདི་ན་རྒྱུ་བ་དེ་ནི་ལྷ་མོ་ཁྱོད་ཉིད་ཀྱིས། །བདག་ཉིད་མཛེས་པར་ཤེས་ཀྱི་གཞན་ལྟ་ཁྱོད་ཀྱི་
སྤྱོད་པ་མཚོ་ཆེན་དོན་དག་སུ་ཞིག་ཤེས། །འཁོར་བ་འཇིག་པའི་ཚེ་ན་མི་རུས་དག་ལས་ཁྲག་དང་ཞག་འཛག་དུད་པ་འཐུལ་བ་ན། །ལྷ་མོ་མཆེ་བ་མི་བཟད་ཁྱོད་ཀྱི་ཞལ་དུ་འགྲོ་ཀུན་སྐད་ཅིག་ཙམ་གྱིས་ཞུགས་པར་གྱུར། །ནག་མོ་མི་ཐོད་ཐོགས་པ་ཁྱོད་ནི་རྣལ་འབྱོར་གྲུབ་
པའི་སྤྱོད་ཡུལ་ཅན་ཏེ་དུར་ཁྲོད་དགྱེས། །ཁྱོད་ནི་གཡོ་ཅན་མནན་ཞིང་ནད་དང་འཆི་བའི་འཇིགས་སེལ་ཞི་ལ་མི་བཟད་དྲིལ་ཡང་སྒྲོགས། །ཁྱོད་ནི་དཔའ་བོ་དག་གི་མགོ་བོ་ཅོད་པན་ལེགས་སྤྲས་གཡུལ་དུ་མཚོན་གྱིས་བཅད་པ་ཡི། །ཕྲེང་བ་ཐོགས་ཤིང་གར་བྱེད་
ལག་པ་མཉེན་བརྐྱང་རྐུབ་ཚོས་ཆེ་ལ་ཀླུ་དབང་གཤིབས་པ་ཡིས། །སྐ་རགས་འཆིང་ཞིང་ལག་ན་མདུང་དང་རལ་གྲི་ཐོགས་ལ་ཁྲག་གི་ཆང་གིས་མྱོས་གྱུར་པ། །མིག་རྩ་དམར་པོར་གྱུར་ཅིང་མཚན་མོ་དུར་ཁྲོད་འགྲོ་བ་འབྱུང་པོ་ཕལ་ཆེན་རྣམས་ཀྱིས་མཐོང་། །ཀོ་
རློན་སར་པས་དྲིལ་ཏེ་བརྒྱང་བའི་གོས་ཀྱིས་སྣམ་ཕྱི་ཕྱེད་གཡོགས་ཕྱེད་ནི་རེ་ལྡེས་དཀྲིས། །མི་ཡི་རྒྱུ་མ་སར་པའི་སྦུབས་ཀྱིས་ཞལ་གྱི་ཟླ་བ་བརྒྱན་ཅིང་དྲིལ་བུ་འགྲམ་པར་འདྲིལ། །ལུས་ནི་སྣུམ་གྱིས་གསར་དུ་བྱུགས་ཤིང་ཁྲག་དང་ཞག་མང་འཛག་པའི་ཐིག་ལེས་ཚོམ་

བུར་བྲིས། །མི་རོའི་ཤལ་སོ་ཡིས་ཆེམ་ཆེམ་གཅོད་བྱེད་ཐོད་པ་ཅན་ནི་བདག་ལ་སྐྱོང་གྱུར་ཅིག །དྲག་པའི་དྲག་མོ་མི་བཟད་མི་ཤ་ཁ་ན་ཐོགས་པ་སྔ་ན་མ་བྱུང་ཁྱོད་མཐོང་ན། །མ་མོ་རྣམས་ཀྱང་སྐྲག་ཅིང་རྟབས་ལ་རྔམ་པ་འཐོན་ཅིང་མིག་རྩ་རིག་རིག་ཁྱོད་ལ་འདུད། །ནག་
མོ་བཟང་མོ་ལུས་མདོག་གནག་ཅིང་བཟོད་པར་དཀའ་བ་ཁྱོད་ལ་བརྒྱ་བྱིན་ལ་སོགས་ཀྱང་། །ཉིན་གཅིག་བཞིན་དུ་སྟོད་པར་བྱེད་ཅིང་གཤིན་རྗེ་ཉིད་ཀྱང་འདར་བཞིན་རྟག་ཏུ་འདུད་པར་བྱེད། །མི་རྣམས་དང་ནི་འགྲོ་བ་མ་ལུས་པ་དག་མཇུག་བརྟུལ་བས་ནི་རྣ་བ་ཡ་གཅིག་ལ། །
བྲང་གིས་འགྲོ་བའི་མགོ་བོས་གདེངས་ཀ་སྟོང་དང་ལྡན་པ་ཁྱབ་གནས་རྒྱན་ཏུ་བྱས། །ཡ་གཅིག་ལ་ནི་སེང་གེ་མཚུངས་མེད་ཐོགས་ཤིང་རྒྱ་མཚོས་བསྐོར་བའི་ས་གཞི་ནོན། །སྟེང་ནས་རྒྱུ་བའི་ཉི་མའི་འོད་ཟེར་སྟོང་ལྡན་ཁྱོད་ཀྱིས་ལྟེ་བའི་ཕྱོགས་སུ་བཞག །རྒྱ་
མཚོའི་ཀློང་ནས་མེ་འབར་ཁྱོད། །ཆུ་རྣམས་སྐེམས་པར་ནུས་པ་སྟེ། །བུད་མེད་ཐམས་ཅད་ཞི་མཛད་ཕྱིར། །ལྷ་ཆེན་སྐུ་ཡི་ཕྱེད་དུ་བཞུགས། །རྫོངས་དང་དཀའ་ཟློག་ནམ་མོ་ཆེ། །ལྷ་དང་ལྷ་མིན་ཕྱག་བྱས་པ། །མི་ནད་གང་ཡིན་ཁྱོད་ཀྱིས་
ཤེས། །དེ་ལ་འཇིགས་པ་མེད་པར་འགྱུར། །གཤིན་རྗེའི་ལྕམ་མོ་བདུད་ཀྱི་ཡུམ། །འདོད་པའི་ཁམས་ཀྱི་དབང་ཕྱུག་མ། །ནད་དོ་ཅོག་གི་བདག་མོ་སྟེ། །ལྷ་མོ་ཆེན་མོ་ལ་བསྟོད་པ་བརྒྱད་པ། བྲམ་ཟེ་མཆོག་སྲེད་ཀྱིས་བྱས་པ་རྫོགས་སྷོ།། །།
༄༅། །ལྷ་མོ་ནམ་གྲུ་ལ་བསྟོད་པ། དཀོན་མཆོག་གསུམ་ལ་ཕྱག་འཚལ་ལོ། །འཕགས་པ་དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །ལྷ་མོ་ཆེན་མོ་རེ་མ་ཏི་ལ་ཕྱག་འཚལ་ལོ། །ནམ་གྲུ་དག་གི་ཆོ་འབྲང་དང་། །མཚན་ཉིད་དག་ནི་བཤད་བྱ་ན། །
ནོར་བུའི་རང་བཞིན་ཁྱོད་ཀྱི་ལུས། རྒྱབ་ནི་འཛམ་བུ་ཆུ་བོའི་གསེར། །ཁྱོད་ཀྱི་གདོང་ནི་དངུལ་ཡིན་ཏེ། །ལྟོ་བའི་ངོས་ནི་རྡོ་རྗེས་བལྟམ། །མིང་པོ་མཛོད་དང་མཛོད་བདག་པོ། །ཁྱོད་ཀྱི་མ་ནི་ཀུན་འགྲོ་མ། །ཁྱོད་ཀྱི་ཕ་ནི་རླུང་ཞེས་བྱ། །སྐལ་ལྡན་

ཤིང་རྟ་ཁྱོད་ཀྱི་རུས། །ལྷ་ཡུལ་དག་ཏུ་གྲགས་པ་ཡིན། །ན་མོ་བཛྲ་པཱ་ཎི་སྱ། ཙི་ལི་ཙི་ལི། །བྷིནྡི་བྷིནྡི། །མུཉྩ་མུཉྩ་མུཉྩ་ཧ་བ་ལ་ཀ་ན་སྭཱ་ཧཱ། བཛྲ་བཱ་ཎི་རཱ་ཛྙཱ་པ་ཡ་ཏི་སྭཱ་ཧཱ། །དེ་བ་ས་མཱ་ཛྙཱ་པ་ཡ་ཏི་སྭཱ་ཧཱ། །རྀ་ཥ་ཡཿས་མཱཛྙཱ་པ་ཡ་
ཏི་སྭཱ་ཧཱ། །ན་མོ་རཏྣ་ཏྲ་ཡཱ་ཡ། །ཏབྱཐཱ། །རུ་རུ་བི་ཥིཥྠ་བདྷོཏྶི་སྭཱ་ཧཱ། །འདོད་པ་ཁམས་ཀྱི་དབང་ཕྱུག་མ། བདུད་ཀྱི་ཡུམ་ཆེན་མོ། །ལྷ་མོ་ཆེན་མོ་རེ་མ་ཏིའི་གཟུངས་རྫོགས་སྷོ།། །།
༄༅། །དཔལ་ལྷ་མོ་སྒྲ་དབྱངས་ལ་བསྟོད་པ། ལམ་གང་གིས་ན་སངས་རྒྱས་འབྱུང་བ་དང་། །རྒྱལ་བ་སྲས་བཅས་ཆོས་ཀྱི་བླ་མར་གྱུར། །མཁྱེན་པའི་རིམ་པར་ས་རྣམས་བཀོད་པ་ཡི། །ཤེས་རབ་དཀྱིལ་འཁོར་མང་ལ་སྐྱབས་སུ་མཆི། །
ཕྱག་འཚལ་དཔལ་ལྡན་ལྷ་མོ་དབྱངས་ཅན་ལ། །འཇིག་རྟེན་ཁམས་འདིར་སྨྲ་ལ་དབང་བརྙེས་ཤེས། །དྲང་སྲོང་རིག་གསུམ་རིག་པའི་ཕ་རོལ་གཤེགས། །དེ་ནི་སྤྱོད་པ་རྒྱ་ཆེན་རྣམས་ལས་བྱུང་། །སེམས་ཅན་དོན་ཕྱིར་ཕྲིན་ལས་ཆེན་པོའི་ཁུར། །སྤྲོ་
བར་དཀའ་བ་ཀུན་ཀྱང་ཁྱོད་ཀྱིས་མཛད། །ས་དང་ཕ་རོལ་ཕྱིན་པ་བཅུ་སྤྱད་པས། །དགེ་བའི་ཚོགས་བརྟན་ཡིད་བཞིན་ལུས་སུ་བསྒྱུར། །ཞལ་གྱི་དཀྱིལ་འཁོར་ཟླ་བ་དྲི་མེད་རྒྱས། །ཐུགས་རྗེའི་སྤྱན་གསལ་འགྲོ་བའི་མིག་འབྱེད་པ། །དུས་རིང་
འཇིག་རྟེན་ཀུན་ལ་བདེ་བར་གཟིགས། །དེ་ལ་ལྷ་དབང་ཚངས་ཚོགས་ཤིན་ཏུ་འདུད། །བྱམས་ཤིང་བསོད་ནམས་སྙིང་རྗེ་བསྐྱེད་པའི་མ། །ལྷ་མོ་མཆོག་སྟེ་འགྲོ་ཀུན་སྐྱོང་བར་དགྱེས། །ཐོར་ཚུགས་རི་བོ་རྩེ་འདྲ་སྤོབས་པ་འཕགས། །ཤེས་རབ་ཟབ་
ཅིང་ཤེས་པའི་རྟེན་བྱེད་ཀྱང་། །རིག་པའི་གནས་ལ་མངའ་བརྙེས་ཚིག་གི་བདག །འཇིག་རྟེན་ན་ཡང་ལྷ་ཡི་ལྷར་གྱུར་ལ། །སྡུག་བསྔལ་བསལ་བར་རབ་བརྩོན་གཉེན་མཆོག་པས། །མུ་སུ་རྟོག་གེ་བ་རྣམས་ཀུན་ཀྱང་འདུད། །ཡན་ལག་རྣམ་

པར་འབྱེས་ཤིང་གསུང་སྙན་པ། །ཡོན་ཏན་དྲི་མེད་བསོད་ནམས་འབར་བར་བསྒྱིངས། །རིག་པ་མཆོག་གི་དངོས་གྲུབ་སྦྱིན་མཛད་པ། །བློ་མྱུར་ཚིག་འཆང་སྤོབས་པའི་མཆོག་སྩོལ་ཅིག །སེམས་ཅན་ཀུན་ལ་རྟག་ཏུ་ཕན་སེམས་པ། །མི་སླུ་མཆོག་ཁྱོད་
རྣམ་གྲོལ་ས་ལ་བཞུགས། །ཐུགས་དམ་བརྟན་བཅས་བསྐུལ་བ་རྣམས་ལ་ཡང་། དཔལ་གྱིས་དགོངས་ཤིག་དོན་ཀུན་ཉེ་བར་སྐོངས། །འདི་ལྟར་འཇིག་རྟེན་དག་ན་སྣང་བ་ཀུན། །སྒྲ་འཇོམས་ཁྱད་པར་ཚིག་གིས་དོན་མཚོན་ཏེ། །ཕན་ཚུན་
ཤེས་ཤིང་ཡང་དག་བརྡ་སྤྲོད་པའང་། །དབྱངས་ཅན་ཁྱོད་ཀྱི་མཐུ་སྟེ་བསམ་མི་ཁྱབ། །གཟུངས་དང་ཆོས་ཀྱི་སྟོབས་ལ་དབང་བརྙེས་པ། །དམ་ཚིག་བདེན་གྲུབ་དྲང་སྲོང་ཤེས་ཉེན་ཅན། །ལུས་སེམས་ངག་རྣམས་བྱིན་གྱིས་རློབ་པ་དང་། །
ཡིད་འོང་སྒྲས་ཀྱང་འཇིག་རྟེན་ཚིམ་པར་བྱེད། །བྱང་ཆུབ་མཆོག་གི་སྤྱོད་ཕྱིར་སུ་དག་མོས། །བདག་དང་གཞན་དོན་ཕུན་སུམ་ཚོགས་འགྱུར་བའི། །ལུས་དང་ངག་ཡིད་རྣམ་དག་མཆོག་འདོད་ལ། །བཅོམ་ལྡན་འདས་མས་རྟག་ཏུ་དོན་མཆོག་སྩོལ། །བདག་
ནི་དཔའ་ཞིང་བྱང་ཆུབ་ལམ་བརྩོན་དང་། །ལྕེ་ཡི་དབང་པོ་དག་ཅིང་ཚིག་བཙུན་ལ། །རིག་པའི་གཏེར་ལྡན་སྨྲ་ལ་ཐོགས་མེད་དང་། །བདེ་གཤེགས་སྤོབས་པ་ཉེ་བར་སྒྲུབ་ཏུ་གསོལ། །རིག་པའི་ཡུམ་གྱི་རང་བཞིན་རྟོག་ལས་དབེན། །སྙན་པའི་རྒྱལ་
མཚན་དགའ་བའི་ཤུགས་ཀྱིས་བསྐྱོད། །མཁའ་ལ་སྣ་ཚོགས་རྣམ་པར་དྲི་འདོད་ལྟར། །མཚན་ཉིད་རྟོགས་དཀའ་ཡོན་ཏན་གཏིང་མཐའ་མེད། །ན་མོ་བྷ་ག་བ་ཏེ། བྲཧྨ་ནེ། ན་མཿསྭ་ར་སྭ་ཏྱཻ་དེ་བི་སིདྡྷནྟུ་མནྟྲ་པཱ་ད་ཏཾ་བྲཧྨཱ་ནུ་མནྟ་སྭཱ་ཧཱ།
དཔལ་ལྷ་མོ་སྒྲ་དབྱངས་ལ་བསྟོད་པ་རྫོགས་སྷོ།། ༄༅། །རྒྱ་གར་སྐད་དུ། །ཨཱརྱ་བཻ་ཤཱ་ལཱི་པྲ་བེ་ཤ་མ་ཧཱ་སཱུ་ཏྲཾ། བོད་སྐད་དུ། འཕགས་པ་ཡངས་པའི་གྲོང་ཁྱེར་དུ་

འཇུག་པའི་མདོ་ཆེན་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འདམ་བུའི་ཁྲོད་ན་གཟིངས་བའི་འདུག་གནས་ན་བཞུགས་ཏེ། དེ་
ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཡངས་པའི་གྲོང་ཁྱེར་ག་ལ་བ་དེར་འདོད་དོ། །བཙུན་པ་དེ་ལྟར་བགྱིའོ་ཞེས་གསོལ་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་
ལྡན་འདས་ཡུལ་བྲྀ་ཛིར་ཡུལ་རྒྱུ་ཞིང་གཤེགས་ཏེ། ཡངས་བའི་གྲོང་ཁྱེར་དུ་བྱོན་ནས་ཡངས་པའི་གྲོང་ཁྱེར་གྱི་ཨ་མྲ་སྲུང་བའི་ཚལ་ན་བཞུགས་སོ། །དེ་ནས་བཅོམ་ལྡན་འ