Kinh tạng Tây Tạng (Kangyur Đại Học) — 045_མདོ་སྡེ།_ཀ

་བའི་དབང་
ཕྱུག་གཙུག་ན་རིན་པོ་ཆེ། །བསྙེངས་བྲལ་རིན་ཆེན་སྙིང་པོ་ཟླ་བའི་ཞལ། །དྲི་མ་མེད་གྲགས་ཞི་བའི་གཟི་བརྗིད་དང་། །དགའ་ཏོག་སྒྲ་གཅན་ལྷ་དང་ན་ཚོད་བཟང་། །ལྷ་དག་དགའ་དང་རིན་ཆེན་ཕུང་པོ་དང་། །མཛེས་པར་གཤེགས་དང་སེང་གེའི་ཕྱོགས་པ་དང་། །
ཤིན་ཏུ་མཐོར་གཤེགས་སྐྱེ་དབང་བློ་གྲོས་བཟང་། །འཇིག་རྟེན་འོད་དང་རིན་ཆེན་གཟི་བརྗིད་དང་། །སྐལ་ལྡན་ཤིང་རྟ་ཀུན་རྒྱལ་དགའ་བ་བཀོད། །སྟེགས་མཛད་དང་ནི་སྤོས་གླང་བློ་འོད་འཕྲོ། །རི་བོའི་རྒྱལ་མཚན་དང་ནི་སྤོས་བཟངས་དང་། །ཆོས་བརྟན་དང་ནི་གཟི་
བརྗིད་དྲག་ཤུལ་ཅན། །ཆོས་ཀྱི་ནོར་བུ་བཟང་བྱིན་བདེ་གཤེགས་ཟླ། །ཚངས་པའི་དབྱངས་དང་སེང་གེའི་ཟླ་བ་དཔལ། །ལེགས་པར་སྐྱེས་དང་ཐུབ་པ་མེད་པའི་ཚོགས། །གྲགས་པའི་བཤེས་གཉེན་བདེན་པ་ཞེས་བྱ་དང་། །དཀའ་ཐུབ་ཆེན་པོ་ལྷུན་པོའི་འོད་
ཟེར་དང་། །ཡོན་ཏན་བརྩེགས་པ་མཆོད་གྲགས་ཆོས་གྲགས་དང་། །སྦྱིན་འོད་གློག་འབྱིན་བདེན་པར་གསུང་བ་དང་། །འཚོ་བྱེད་ན་ཚོད་བཟང་པོ་ལེགས་ཚོགས་ཅན། །རྣམ་ངེས་བློ་གྲོས་སྲིད་མཐའ་ནོར་བུའི་སྤོས། །རྒྱལ་བས་དགྱེས་དང་སེང་གེའི་འོད་ཟེར་དང་། །
རྣམ་པར་སྣང་མཛད་གྲགས་མཆོག་ཐུགས་རབ་གཞུངས། །ནོར་བུ་ཟླ་བ་དྲག་ཤུལ་འོད་ཟེར་དང་། །བརྟུལ་ཞུགས་ཐུབ་མེད་འགྲོས་མཆོད་ནོར་བུའི་ཚོགས། །འཇིག་རྟེན་བླ་མ་གླང་ཆེན་སེང་གེ་དང་། །ཟླ་བ་རིན་ཆེན་འོད་ཟེར་སྒྲ་གཅན་སྦེད། །ཡོན་ཏན་རྒྱ་མཚོ་འོད་ཟེར་ལྡན་

པ་དང་། །རབ་ཏུ་ཞི་སྟབས་འཇིག་རྟེན་བཟང་པོ་དང་། །མྱ་ངན་མེད་པ་ཤུགས་བཅུ་སྟོབས་དགྱེས་དང་། །མཐུ་ཡི་དཔལ་དང་མཐུ་ཐོབ་མཐུ་ཆེན་དང་། །ཡོན་ཏན་སྙིང་པོ་བདེན་པར་སྤྱོད་པ་དང་། །དགེ་མཆོག་རྒྱལ་པོ་སྐར་རྒྱལ་འོད་ཟེར་ཆེ། །གློག་གི་འོད་དང་ཡོན་ཏན་
རྒྱ་ཆེན་དང་། །རིན་པོ་ཆེ་དང་དཔལ་འོད་བདུད་འདུལ་དང་། །གོ་བགོས་སེང་གེའི་ཕྱག་དང་མེ་ཏོག་བཟང་། །རིན་ཆེན་མཐོན་པོ་དང་ནི་རྒྱ་མཚོ་དང་། །ས་འཛིན་དོན་བློ་མངའ་བ་ཡོན་ཏན་བསགས། །ཡོན་ཏན་ཚོགས་དང་རིན་པོ་ཆེ་ཡི་མེ། །འཇིག་རྟེན་འདས་དང་
འཇིག་རྟེན་ཟླ་བ་དང་། །དབྱངས་སྙན་ཚངས་པའི་ཏོག་དང་ཚོགས་ཆེན་གཙོ། །སེང་གེའི་སྟབས་དང་དྲག་ཤུལ་བྱིན་པ་དང་། །ཆོས་ཀྱི་དབང་ཕྱུག་གཟི་འོད་འོད་ཟེར་ཆེ། །རིན་ཆེན་གྲགས་པ་ཚོགས་ཅན་གསལ་བ་དང་། །གྲགས་པ་མཐའ་ཡས་འོད་ཟེར་དོན་ཡོད་དང་། །
ལྷ་ཡི་དྲང་སྲོང་སྐྱེ་དབང་དགེ་འདུན་བརྟན། །ཕྱོགས་བཟང་ཏོག་དང་ཡུལ་འཁོར་མེ་ཏོག་དང་། །ཆོས་ཀྱི་བློ་གྲོས་རླུང་གི་ཤུགས་ལྟར་གཤེགས། །ལེགས་བསམས་གྲགས་པ་སྣང་ལྡན་ལྷ་ཚོགས་དང་། །ཡོན་ཏན་བསྲུངས་དོན་བློ་གྲོས་བསྙེངས་པ་མེད། །གྲོགས་
བརྟན་དང་ནི་འོད་གནས་མཚུངས་པ་དང་། །ནོར་ཞབས་ཐར་པའི་གཟི་བརྗིད་ངོས་བཟངས་དང་། །བློ་བཟངས་དང་ནི་ཀུན་དུ་གཟི་བརྗིད་དང་། །ཡེ་ཤེས་མཆོག་མ་དང་ནི་ཚངས་པར་གནས། །བདེན་པ་གསུང་དང་བློ་བཟངས་སྟོབས་བྱིན་དང་། །སེང་སྟབས་མེ་ཏོག་ཏོག་
དང་ཤེས་འབྱུང་གནས། །མེ་ཏོག་བྱིན་དང་ཡོན་ཏན་སྙིང་པོ་དང་། །རིན་ཆེན་གྲགས་པ་གྲགས་པ་རྨད་བྱུང་དང་། །མི་ཚུགས་བསྙེངས་མེད་ཉི་མའི་འོད་དག་དང་། །ཚངས་གཤེགས་ལྷ་ཡི་མཐུ་རྩལ་ཡེ་ཤེས་དགྱེས། །ལྷ་བདེན་ནོར་བུའི་སྙིང་པོ་ཡོན་ཏན་གྲགས། །
ཡེ་ཤེས་དཔལ་དང་བཅིངས་པ་མེད་པ་དང་། །བརྟུལ་ཤུགས་བརྟན་དང་ལྷ་ཡི་གཟི་བརྗིད་དང་། །ཚངས་ཐུབ་དལ་བཞུད་བརྟུལ་ཞུགས་དཀའ་ཐུབ་དང་། །འོད་ཟེར་ཕུང་པོ་དང་ནི་གཟི་བརྗིད་ཆེ། །ཙམ་པ་ཀ་དང་དགའ་མཛད་ཚོགས་ཅན་བཟང་། །དབང་པོའི་རྒྱལ་མཚན་

བཅུ་པ་དགྱེས་ཆེན་ཡིན། །སྣ་མའི་མེ་ཏོག་འོད་དང་ཚོགས་ཅན་འོད། །སྐྲུན་མཛད་མདངས་འགྲོ་དོན་ལེགས་ངེས་པ་དང་། །ཁྱུ་མཆོག་དང་ནི་ལག་བཟངས་འོད་ཟེར་ཆེ། །བསམ་པས་བྱིན་པ་དང་ནི་བསོད་ནམས་འོད། །རིན་ཆེན་དབྱངས་དང་རྡོ་རྗེའི་སྡེ་
དང་ནི། །འབྱོར་ལྡན་སེང་གེའི་སྟོབས་དང་དྲི་མེད་སྤྱན། །འོད་སྲུང་དང་ནི་བློ་གསལ་ཡེ་ཤེས་འགྲོས། །གཟི་བརྗིད་དྲག་ཤུལ་འོད་ཟེར་ཆེན་པོ་དང་། །ཉི་མའི་འོད་དང་དྲི་མ་མེད་པའི་འོད། །གཟི་བརྗིད་རྣམ་འབྱེས་ཁེངས་མེད་སྦྲང་རྩིའི་ཞལ། །ཟླ་འོད་གློག་འབྱིན་རབ་ཞིར་
གཤེགས་པ་དང་། །མི་འཁྲུགས་པ་དང་དགྲ་བཅོམ་གྲགས་པ་དང་། །ཆོས་ཀྱི་ཡོན་ཏན་ཞིང་བཟང་བཀོད་རྒྱལ་པོ། །མངོན་པར་འཕགས་དང་སྦྱིན་བསྲེག་འོད་འཕྲོ་དང་། །པད་དཔལ་རིན་ཆེན་བཀོད་དང་ཤིན་ཏུ་བཟང་། །རིན་ཆེན་མཆོག་དང་ཐུགས་ནི་ཤིན་ཏུ་
གཞུངས། །རྒྱ་མཚོས་བྱིན་དང་ཚངས་པའི་ཏོག་དང་ཟླ་གདུགས་འོད་འཕྲོ་དང་། །དྲི་མེད་རྒྱལ་པོ་ཡེ་ཤེས་གྲགས་པ་ཀུན་རྒྱལ་ཡོན་ཏན་འོད། །སྒྲ་གྲགས་ཟླ་རྒྱལ་པད་མའི་འོད་ཟེར་བརྟུལ་ཞུགས་བཟང་པོ་དང་། །སྒྲོན་རྒྱལ་གློག་གི་ཏོག་དང་འོད་ཟེར་རྒྱལ་པོ་སྐར་མཁན་
དང་། །གྲགས་པ་རྫོགས་ལྡན་པད་མའི་སྙིང་པོ་རྒྱལ་དང་སྤྱན་མཛེས་དང་། །རྙོག་པ་མེད་དོན་དྲག་ཤུལ་སྡེ་དང་བསོད་ནམས་གཟི་མཐུ་རྩལ། །ཐོགས་མེད་བློ་དང་སྒྲ་གཅན་ལྷ་དང་ཤེས་ཕུང་ཁ་ལོ་སྒྱུར། །སྐྱེ་དབང་མཚུངས་དང་མེ་ཏོག་ཏོག་དང་སྒྲ་གཅན་འཛིན་སྨན་ཆེན། །
རྒྱུ་སྐར་རྒྱལ་པོ་སྨན་རྒྱལ་བསོད་ནམས་གླང་པོ་གཅོད་མཛད་དང་། །རྣམ་གྲགས་རྒྱལ་པོ་ཉི་འོད་ཆོས་མཛོད་བློ་གྲོས་བཟང་། །ཡོན་ཏན་དབང་མཚུངས་རྡོ་རྗེའི་སྡེ་དང་ཤེས་རབ་བརྩེགས་པ་དང་། །ལེགས་གནས་བློ་སྦྱངས་ཚངས་དབྱངས་ཡོན་ཏན་མཆོག་དང་འབྲུག་སྒྲ་
དབྱངས། །མངོན་ཤེས་ཏོག་དང་ཏོག་འོད་དགེ་བ་ཚངས་པ་སྐྱེས་མཆོག་དང་། །སྤྱན་སྡུག་པ་དང་ཀླུས་བྱིན་བདེན་པའི་ཏོག་དང་བརྒྱན་པ་དང་། །ཞུམ་པ་མེད་དབྱངས་རིན་ཆེན་འོད་དང་ཚངས་བྱིན་སེང་གེ་དང་། །འོད་ཟེར་སྣ་ཚོགས་ཡེ་ཤེས་དཔའ་བོ་པད་ཕུང་མེ་ཏོག་

རྒྱས། །མཐུ་རྩལ་སྟོབས་དང་བསོད་ནམས་ཕུང་པོ་གཟུགས་མཆོག་སྐར་མཁན་དང་། །ཟླ་སྒྲོན་གཟི་བརྗིད་ཕུང་པོ་བྱང་ཆུབ་རྒྱལ་པོ་མི་ཟད་པ། །མངོན་རྟོགས་སྤྱན་དང་ཡན་ལག་རྒྱས་དང་ཡུལ་འཁོར་ཤེས་རབ་མཆོག །གཟི་བརྗིད་ཚིམ་མཛད་ཤེས་རབ་བྱིན་
དང་མགོན་པོ་འཇམ་པའི་དབྱངས། །ཆགས་པ་མེད་མཛོད་གཙོ་བོས་བྱིན་དང་གཙོ་བོ་ཤེས་མཐུ་རྩལ། །འོད་འཕྲོ་དབང་པོ་ཤུགས་འཆང་སྐར་རྒྱལ་འོད་བཟངས་གྲགས་པ་བྱིན། །གཟུགས་བཟང་རྒྱལ་པོ་དོན་གྲུབ་སེང་གེའི་སྡེ་དང་ནོར་ལྷའི་བུ། །གྲགས་རྒྱལ་
རྒྱ་ཆེན་སྙིང་པོ་བསོད་ནམས་འོད་ཟེར་སྨྲང་འདོན་པ། །སྒྲོན་རྒྱལ་ཡེ་ཤེས་བརྩེགས་དང་ལྷ་མཆོག་དང་ནི་ས་བདག་དང་། །གྲོལ་བརྙེས་གཙུག་གི་གསེར་དང་སྒྲ་གཅན་བཟང་པོ་ཐུབ་པར་དཀའ། །ཐུབ་གསལ་ཟླ་བའི་འོད་ཟེར་གསེར་གྱི་འོད་དང་ལེགས་བྱིན་ལྷའི། །
ཡོན་ཏན་དབང་པོ་ཆོས་གདུགས་བསོད་ནམས་ལག་དང་ཆགས་མེད་དང་། །ཡེ་ཤེས་གྱ་ནོམ་བློ་ཞིབ་གཟི་བྱིན་ཐམས་ཅད་པ་རྩི་སྨན། །རྣམ་གྲོལ་ཏོག་དང་འོད་མཛོད་ཡེ་ཤེས་རྒྱལ་པོ་འཇིགས་མཛད་དང་། །ཆུ་བོ་སྤོང་དང་ཐོགས་མེད་གྲགས་པ་བདེན་ཕུང་དབྱངས་སྙན་དང་། །
རི་དབང་མཚུངས་དང་ཆོས་བརྩེགས་ཐར་པའི་གཟི་བརྗིད་ལེགས་མཛད་དང་། །རབ་ཞིའི་སྐུ་དང་ཡིད་འོང་གསུང་བློ་སྦྱངས་དང་ཆུ་ལྷ་དང་། །འགྲོས་མཆོད་སེང་གེའི་ལོགས་དང་ཆོས་ཀྱི་མཐུ་རྩལ་སྐལ་བཟང་པོ། །མི་འཁྲུགས་མདོག་དང་གཟི་བརྗིད་རྒྱལ་པོ་རྟོགས་མཛད་
སྤྱན་ལེགས་དང་། །དོན་གནས་བློ་དང་སྣང་བའི་འོད་ཟེར་སྤོས་གཟིའི་ཀུན་དགའ་མཛད། །དོན་ཡོད་གཤེགས་དང་ཁྲོ་བ་བཅོམ་དང་གཟུགས་མཆོག་ལེགས་གཤེགས་དང་། །རབ་སྦྱིན་གྲགས་དང་འོད་གཙང་ལྷ་ཡི་ཉི་མ་ཤེས་རབ་བྱིན། །མཉམ་གཞག་བདག་ཉིད་གཟི་
མདངས་རྒྱལ་རིགས་སྐལ་ལྡན་ཤིང་རྟ་དང་། །གསེར་མཆོག་རྣམ་གྲོལ་གཙུག་དང་ཆོས་ལྡན་དང་ནི་སྤོས་གནས་དང་། །དྲེགས་སྤངས་ཡེ་ཤེས་མཛོད་དང་ཚངས་པར་གཤེགས་དང་ཙན་དན་དང་། །མྱ་ངན་མེད་དང་སེང་གེའི་འོད་ཟེར་ཡུལ་འཁོར་ཏོག་པད་སྙིང་། །གཟི་

བརྗིད་མཐའ་ཡས་ལྷ་འོད་ཤེས་རབ་མེ་ཏོག་མཁས་པ་དང་། །ཡེ་ཤེས་འབྱོར་ལྡན་ཚངས་དབྱིག་ཕྱག་ན་རིན་ཆེན་དབང་ལྡན་དང་། །རྫོགས་པར་གསུང་དང་མཆོག་གསུང་མཆོད་འོས་སྐར་རྒྱལ་ཉི་མ་དང་། །འདམ་བརྒལ་ཡེ་ཤེས་བརྙེས་དང་གྲུབ་པ་རྨ་བྱ་ཆོས་
སྦྱིན་དང་། །ཕན་བཞེད་ཡེ་ཤེས་ལྡན་གྲགས་འོད་ཟེར་དྲ་བ་རྣམ་བཅོམ་དང་། །བཻ་དཱུརྱ་སྙིང་མེ་ཏོག་ལྷ་རྒྱལ་ཟླ་བ་དྲན་འོད་དང་། །དགེ་བའི་འོད་དང་ཡོན་ཏན་མཆོག་མ་ཀུན་གྱི་འོད། །རིན་པོ་ཆེ་ཡི་དཔལ་དང་སྐྱེས་བུ་ཟླ་བ་དང་། །སྒྲ་གཅན་བདུད་རྩིའི་འོད་དང་འཇིག་རྟེན་
དག་གི་མཆོག །སྐར་འོད་ཞི་སྟོབས་བཅུ་པ་ཡེ་ཤེས་རྒྱ་མཚོ་ཡིན། །རི་དབང་རབ་ཞི་ཡོན་ཏན་མཐུ་སྟོབས་ལྷ་དབང་དང་། །དབྱངས་སྙན་ངོས་བཟངས་དང་ནི་དོན་ལ་གནས་པ་དང་། །ཡོན་ཏན་གཟི་བརྗིད་དཔལ་དང་མཁྱེན་ལྡན་ཟླ་མེད་དང་། །བཅུ་པ་ང་རོ་དཔག་མེད་
རྒྱལ་བ་ཞེས་ཀྱང་བྱ། །འོད་བཟངས་ཤིན་ཏུ་ཐུགས་གཞུངས་དོན་དགོངས་གཏི་མུག་བྲལ། །དབྱངས་ཀྱི་ཡན་ལག་ཁྱད་འཕགས་མཆོག་ཏུ་མཛེས་པར་གཤེགས། །ཞི་བའི་དོན་དང་སྐྱོན་མེད་བློ་དབྱངས་དགེ་བ་དང་། །པད་མའི་མཛོད་དང་བཅུ་པ་འོད་ཟེར་བཟང་པོ་ཡིན། །
སྤོབས་པའི་མཆོག་དང་སྟེགས་བཟང་པོ་དང་ཚོགས་དབང་དང་། །བསྙེངས་པ་དང་ནི་བྲལ་བ་ཡེ་ཤེས་བཞེད་པ་དང་། །བདེ་གཤེགས་སྤོབས་པའི་སྤྱན་དང་བློ་ཡི་མཆོག་མ་དང་། །ཟླ་བ་རིན་ཆེན་ཟླ་འོད་དང་ནི་བཅུ་པ་བསྙེངས་མེད་ཡིན། །གཟིགས་པ་ཆེ་དང་ཚངས་པའི་
དབྱངས་དང་དབྱངས་བཟང་དང་། །ཤེས་རབ་ཆེན་པོའི་སྟེགས་དང་བློ་གྲོས་ཟླ་མེད་དང་། །རྡོ་རྗེ་མཁྲེགས་དང་བྱང་ཆུབ་བློ་གྲོས་ལྗོན་ཤིང་དབང་། །གདངས་སྙན་པ་དང་བཅུ་པ་བསོད་ནམས་སྟོབས་ཀྱང་ཡིན། །མཐུ་ཡི་དཔལ་དང་འཕགས་པ་དགྱེས་དང་མཐུ་སྟོབས་དང་། །
སྐར་མ་ལ་ནི་དགྱེས་དང་སྤྲིན་གྱི་རྔ་སྒྲ་དང་། །སྤྱན་སྡུག་ཞལ་དང་ཡེ་ཤེས་བཟང་ལྡན་འབྱོར་ལྡན་དང་། །ཡོན་ཏན་ཕུང་པོ་དང་ནི་བཅུ་པ་གསལ་བ་ཡིན། །ཆོས་ཀྱི་རྒྱལ་མཚན་ཡེ་ཤེས་ང་རོ་ནམ་མཁའ་དང་། །མཆོད་སྦྱིན་ང་རོ་ཤེས་རབ་རྣམ་འགོད་ང་རོ་དང་། །ཡོན་ཏན་

འོད་ཟེར་གཟི་བརྗིད་དྲང་སྲོང་དབང་པོ་དང་། །བློ་ལྡན་སྤོབས་པའི་ཚོགས་དང་བཅུ་པ་མཆོད་སྦྱིན་བཟང་། །ཟླ་བའི་ཞལ་དང་ཤིན་ཏུ་གཟིགས་དང་རྡུལ་བྲལ་དང་། །ཡོན་ཏན་ཚོགས་དང་ཏོག་ལྡན་བསོད་ནམས་རྒྱལ་མཚན་དང་། །ཡུལ་འཁོར་སྤོབས་པ་དང་ནི་རིན་ཆེན་
རབ་སྦྱིན་དང་། །ཟླ་བ་དགྱེས་པ་དང་ནི་བཅུ་པ་སེང་གེའི་སྟོབས། །དབང་སྒྱུར་རྒྱལ་པོ་དང་ནི་བདུད་རྩི་གསལ་བ་དང་། །བསམ་གཏན་སྙོམས་དང་འཁྲུག་མེད་དྲི་མ་རབ་ཞི་དང་། །ཕྱོགས་མ་བསླད་དང་མཛེས་པ་དང་ནི་ཞལ་བཟངས་དང་། །ཤུགས་གནས་ཡེ་ཤེས་
ལྡན་དང་བཅུ་པ་གསུང་དབང་ཡིན། །གཟི་བརྗིད་ཆེན་པོ་བློ་གྲོས་ཟབ་མོ་བདུད་རྩི་དང་། །ཆོས་ཀྱི་སྟོབས་དང་མཆོད་པར་ལྡན་དང་མེ་ཏོག་འོད། །ཁམས་གསུམ་དག་གི་མཆོད་གནས་སྒྲ་གཅན་ཉི་མའི་སྙིང་། །ལྷ་ཡིས་མཆོད་པ་བཅུ་པ་ཐར་པའི་རྒྱལ་མཚན་ཡིན། །
དགེ་བའི་གཙུག་དང་བདུད་རྩིའི་འོད་དང་རྡོ་རྗེ་དང་། །བརྟན་པ་དང་ནི་རིན་ཆེན་ཕུང་པོ་མཛེས་གཤེགས་དང་། །ཉི་མ་ལྟ་བུར་གཤེགས་པ་དང་ནི་དག་པའི་འོད། །ཡོན་ཏན་གཙུག་དང་བཅུ་པ་དཔལ་ནི་རྫོགས་པ་དང་། །སེང་གེའི་སྟབས་དང་གྱེན་དུ་འཕགས་པ་
མེ་ཏོག་བྱིན། །འོད་འགྱེད་པ་དང་པད་མ་དང་ནི་ཡེ་ཤེས་དགྱེས། །བཀོད་པ་མཛེས་དང་གཏི་མུག་མེད་པར་གནས་པ་དང་། །རྨ་མེད་པ་དང་བཅུ་པ་ཏོག་གི་རྒྱལ་མཚན་ཡིན། །བདེ་བར་དགོངས་དང་གཏི་མུག་མེད་རྒྱལ་ཆོ་ག་མཁྱེན། །དག་པའི་རྒྱ་མཚོ་དང་ནི་རིན་ཆེན་མངའ་
དང་མི་དམའ་བ། །སྐྱེ་བོ་དགའ་མཛད་རྨ་བྱའི་ང་རོ་མ་ཞུམ་དང་། །བཅུ་པ་སྲིད་པའི་སྲེད་པ་དྲི་མ་སྤངས་པ་ཡིན། །སྤྱོད་པའི་སྟེགས་དང་ལྷ་མང་དག་གིས་སྙན་བསྒྲགས་པ། །རིན་པོ་ཆེ་ཡི་སྟབས་དང་ཕྱག་ན་པད་བསྣམས་དཔལ། །དགྲ་ལས་རྒྱལ་དང་འབྱོར་ལྡན་གྲགས་པ་
ཡུལ་འཁོར་བཟང་། །མེ་ཏོག་འོད་དང་བཅུ་པ་སེང་གེའི་ང་རོ་ཡིན། །ཟླ་ལྟར་ཤར་དང་འཇོམས་པའི་མཆོག་དང་མི་གཡོ་དང་། །ཕན་ལྡན་གཤེགས་དང་བསོད་ནམས་སྒྲོན་མའི་རྒྱལ་པོ་དང་། །དབྱངས་ཀྱིས་བསྐུལ་དང་གཽ་ཏ་མི་དང་མདངས་སྟོབས་དང་། །བློ་གནས་

རང་བཞིན་དང་ནི་བཅུ་པ་ཟླ་བ་བཟང་། །བྱང་ཆུབ་ཡན་ལག་མེ་ཏོག་བཀྲ་ཤིས་ལེགས་སྟོན་དང་། །ཡེ་ཤེས་གཟི་བརྗིད་སྟོབས་དང་དགེ་བའི་སྒྲོན་མ་དང་། །མཐུ་རྩལ་བརྟན་པོ་ལྷ་ཡི་སྒྲ་དང་རབ་ཞི་དང་། །ཉི་མའི་ཞལ་དང་བཅུ་པ་ཐར་པའི་བརྟུལ་ཞུགས་
ཡིན། །ཚུལ་ཁྲིམས་འོད་དང་བརྟུལ་ཞུགས་གནས་པ་རྡུལ་མེད་དང་། །སྙིང་པོ་འཕགས་དང་མིག་སྨན་འཕེལ་བར་མཛད་པ་དང་། །སྤོས་འོད་དུས་མཁྱེན་འོད་དང་དྲན་པའི་དབང་པོ་དང་། །ཐོགས་མེད་རྒྱལ་མཚན་བཅུ་པ་བྱང་ཆུབ་མཆོག་བགྲོད་ཡིན། །སྤྱོད་གསལ་
རིན་ཆེན་དགྱེས་དང་ཆོས་དབང་ཕྱུག །ལྷ་ཐམས་ཅད་པ་བཤེས་གཉེན་ཆེན་པོ་དང་། །བཤེས་གཉེན་བཟང་པོ་རབ་ཏུ་ཞི་བའི་སྟབས། །བདུད་རྩི་བདག་པོ་བཅུ་པ་ལྷུན་པོའི་འོད། །འཕགས་པས་བསྟོད་དང་སྣང་ལྡན་གཟི་བརྗིད་འབར། །སྣང་བ་གཟིགས་དང་ལེགས་
སྤྱད་རྣམ་སྨིན་དང་། །ལེགས་དགྱེས་མྱ་ངན་བྲལ་དང་རིན་ཆེན་འོད། །སྤྱོད་པར་ལྡན་དང་བཅུ་པ་བསོད་ནམས་སྟོབས། །ཡོན་ཏན་རྒྱ་མཚོ་རྨད་བྱུང་ང་རྒྱལ་སྤོང་། །བདུད་བརླག་མཛད་དང་བག་ཆགས་རྒལ་སྟབས་དང་། །མི་ཕྱེད་བློ་མངའ་རྒྱ་མཚོ་དག་མཛད་དང་། །
ཚོགས་ཅན་གྲོལ་རྒྱལ་བཅུ་པ་དགའ་བའི་འོད། །བྱང་ཆུབ་རྒྱལ་མཚན་ཡེ་ཤེས་རིན་ཆེན་དང་། །ཤིན་ཏུ་བསིལ་བ་ཚངས་རྒྱལ་ཡེ་ཤེས་དགྱེས། །རྫུ་འཕྲུལ་ཏོག་སྐྱེ་དབང་མཚུངས་ས་དབང་ཕྱུག །ཉི་མ་དགྱེས་དང་བཅུ་པ་སྒྲ་གཅན་ཟླ། །མེ་ཏོག་འོད་དང་སྨན་བདག་
མདངས་མངའ་དང་། །བསོད་ནམས་དགྱེས་དང་དགའ་སྟོབས་དབྱངས་སྙན་དང་། །ཆོས་ཀྱི་དབང་ཕྱུག་ཚངས་དབྱངས་སྤྱོད་བཟང་དང་། །བཅུ་པ་རྒྱལ་བ་འཁྲུལ་པ་མེད་པའི་བློ། །དབྱངས་ཆེན་སྙན་པར་གྲགས་དང་ཏོག་ལྡན་དང་། །གཟི་བརྗིད་རྣམ་གྲགས་
འགྲོ་བའི་དབང་ཕྱུག་དང་། །ལྗོན་པ་གཏི་མུག་རབ་ཟད་དཔག་མེད་དང་། །ཟླ་བཟང་བཅུ་པ་སྤོབས་པ་མཐའ་ཡས་ཏོག །བརྟུལ་ཞུགས་བསྟར་དང་མཆོད་གནས་མྱ་ངན་རྒལ། །དགེ་དགྱེས་འགྲོ་བའི་བློ་གྲོས་དགྱེས་པར་གཤེགས། །ཞབས་མཛེས་ཨུད་པལ་དུལ་

གནས་མེ་ཏོག་དང་། །བཅུ་པ་སྤོབས་པ་མཐའ་ཡས་འོད་ཟེར་ཡིན། །དྲང་སྲོང་གསལ་བ་ཡོན་ཏན་བརྩོན་འགྲུས་སྙིང་། །ལྷ་བདག་རིན་ཆེན་མཐོ་གསལ་སྐལ་ཤིང་རྟ། །བསོད་ནམས་བློ་གྲོས་སྦྱིན་སྲེག་འོད་འཕྲོ་དང་། །བཅུ་པ་ཡོན་ཏན་མཐའ་ཡས་གཟི་བརྗིད་ཕུང་པོ་
ཡིན། །སེང་གེའི་སྟབས་དང་མི་གཡོ་རབ་གསལ་དང་། །འོད་སྤྱོད་གླུ་དབྱངས་གླུ་དབྱངས་འཁོར་ལོ་འཛིན། །དབྱིག་མཆོག་འཇིག་རྟེན་དགའ་བ་ཆོས་ཟླ་དང་། །བཅུ་པ་དགའ་བ་མཐའ་ཡས་གྲགས་ཞེས་བྱ། །སྤྲིན་ཏོག་ཤེས་རབ་འགྲོས་དང་སྤོས་བཟངས་
དང་། །ནམ་མཁའི་དབྱངས་དང་ལྷ་དང་ལྷ་རྒྱལ་དང་། །ནོར་བུ་གསལ་དང་ནོར་བཟངས་སྒྲོན་མ་དང་། །བཅུ་པ་རིན་ཆེན་ང་རོའི་དབྱངས་ཞེས་བྱ། །སྐྱེ་དབང་རྒྱལ་པོ་སྒྲ་གཅན་སྦེད་པ་དང་། །དགེ་མཛད་སེང་བློ་རིན་ཆེན་གྲགས་པ་དང་། །དོན་མཛད་མཛད་
མཐའ་གཟིགས་དང་སྲིད་མེ་ཏོག །མཛོད་པུ་བཅུ་པ་སྤོབས་པ་མཚུངས་མེད་རྒྱལ། །ཡེ་ཤེས་རྣམ་འབྱེད་ང་རོ་སེང་མཆེ་བ། །མཛེས་གཤེགས་བསོད་ནམས་སྒྲོན་མ་བཀྲ་ཤིས་ལྡན། །ཡུལ་འཁོར་མྱ་ངན་མེད་བློ་སེམས་བློ་ལྡན། །ཆོས་སྒྲོན་སྤྱན་དང་བཅུ་པ་ཤིན་
ཏུ་གཟིགས། །ཤུགས་འདོར་སྟོབས་ཆེན་ཤེས་རབ་མེ་ཏོག་དང་། །བརྟན་པའི་དབྱངས་དང་བདེ་ལྡན་དོན་གསུང་དང་། །དགྱེས་པ་གསལ་བ་སེང་གེའི་ཞལ་གཙུག་ཕུད། །བཅུ་པ་སེང་གེ་ཞེས་བྱ་སྣང་མཛད་འགྱུར། །བསྐལ་བཟངས་འདི་ལ་སངས་རྒྱས་གང་དེ་
དག །དེ་དག་གི་ནི་མཚན་རྣམས་བསྒྲགས་པ་རྣམས། །འབྲས་བུ་མྱ་ངན་འདས་ཤེས་བྱ་བ་གང་། །ཉན་པ་དེ་དག་འདི་ལ་རྨོངས་མི་འགྱུར། །མཁས་པ་བག་ཡོད་ལྡན་པས་གུས་བགྱིས་ཏེ། །རྒྱལ་བ་འདི་དག་གི་ནི་མཚན་རྣམས་ཉོན། །དེ་དག་གི་ནི་མཚན་རྣམས་
ལེགས་ཐོས་ནས། །ངན་སོང་སྡུག་བསྔལ་ཕྱིར་ཞིང་མྱོངས་མི་འགྱུར། །ཚུལ་ཁྲིམས་གནས་པ་སྡོམ་པའི་རྗེས་འཐུན་ཞིང་། །ཐོས་ལ་མོས་པས་རྟོགས་དང་ལྡན་པ་རྣམས། །ཟབ་མོའི་བཟོད་པ་ཡོངས་སུ་རྫོགས་བྱས་ནས། །འཇིག་རྟེན་མགོན་ཀུན་དེ་དག་གིས་ནི་

མཐོང་། །གང་ཞིག་མི་ཤེས་བསྐལ་པ་བྱེ་བར་ནི། །སྡིག་པའི་ལས་བྱས་ལས་འབྲས་རྣམ་སྨིན་ཀུན། །དེས་ནི་ཟད་བྱས་རྒྱལ་བ་དེ་དག་གི། །མཚན་རྣམས་བཟུང་ནས་ཀྱང་ནི་རྒྱལ་བར་འགྱུར། །མདོ་སྡེ་ཁྲི་ཕྲག་དུ་མར་འཇུག་པ་དང་། །ཏིང་འཛིན་རྫུ་
འཕྲུལ་སོ་སོར་ཡང་དག་རིག །སྒྲ་སྐད་དུ་མ་རྟོགས་དང་ཡེ་ཤེས་དག །ཏིང་ངེ་འཛིན་འདི་ལས་ནི་བཙལ་བར་བྱ། །འཚོ་བ་དག་པ་གཡོ་ནི་མེད་པ་དང་། །རྣམ་སྨིན་ཤེས་དང་ཕྲག་དོག་མེད་པ་དང་། །བསྡུ་བ་དང་ནི་གཟུངས་ལ་བརྩོན་པ་ཡིས། །ཏིང་འཛིན་འདི་ནི་
རབ་ཏུ་ཤེས་པར་བྱ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ནི་ལེགས་ལགས་ཏེ། ལྷ་དང་མི་རྣམས་དང་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་
པོ་ལ་བདེ་བར་གྱུར་པ་དེ་དང་། མ་འོངས་པ་ན་བྱང་ཆུབ་སེམས་དཔའ་རྣམས་ཀྱིས་ཐོས་ན་ཡང་ཕྱིར་ཞིང་། འདུན་པར་འགྱུར་བ་དང་། དམ་པའི་ཆོས་ལ་ཆེས་ཁྱད་པར་དུ་འཕགས་པར་སྨོན་པར་འགྱུར་བ་དང་། ཕྱིར་ཞིང་སྣང་བར་བགྱིས་པར་འགྱུར་བའི་སླད་དུ། བསྐལ་པ་
བཟང་པོའི་སངས་རྒྱས་དེ་དག་གི་ཡུལ་དང་། རིགས་དང་། འོད་དང་། ཡབ་དང་། ཡུམ་དང་། སྲས་དང་། རིམ་གྲོ་པ་དང་། མཆོག་གི་ཟུང་དང་། བཟང་པོའི་ཟུང་དང་། དགེ་སློང་གི་དགེ་འདུན་ཕུན་སུམ་ཚོགས་པ་དང་། སྐུ་ཚེའི་ཚད་དང་། དམ་པའི་ཆོས་གནས་
པ་དང་། སྐུ་གདུང་འཕེལ་བར་འགྱུར་བ་དག་བཅོམ་ལྡན་འདས་ཀྱིས་བཤད་དུ་གསོལ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་
དང་བཤད་དོ། །དེ་བཞིན་གཤེགས་པ་འཁོར་བ་འཇིག་སྐྱེས་པའི་ཡུལ་ནི་རྒྱལ་པོའི་ཕོ་བྲང་གྲོང་ཁྱེར་བཟང་པོ་ཞེས་བྱའོ། །གདུང་ནི་ཀཱ་ཤྱ་པའོ། །འོད་ནི་དཔག་ཚད་གཅིག་གོ། །ཡབ་ནི་མཆོད་སྦྱིན་ཞེས་བྱའོ། །སྐྱེད་པའི་ཡུམ་ནི་ཚངས་རྒྱལ་ཞེས་བྱའོ། །སྲས་ནི་བླ་མ་

ཞེས་བྱའོ། །རིམ་གྲོ་པ་ནི་བློ་རྫོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་སློང་མཁས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསྙེན་པ་ཞེས་བྱའོ། །འདུས་པ་དང་པོ་ལ་ནི་དགེ་སློང་བཞི་ཁྲིའོ། །གཉིས་པ་ལ་ནི་བདུན་ཁྲིའོ། །འདུས་པ་གསུམ་
པ་ལ་ནི་ཉན་ཐོས་དྲུག་ཁྲིའོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གསེར་ཐུབ་སྐྱེས་པའི་ཡུལ་ནི་གྲོང་ཁྱེར་ལྔ་པ་ཞེས་
བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དོ། །ཡབ་ནི་མེས་བྱིན་ཞེས་བྱའོ། །ཡུམ་ནི་བླ་མ་ཞེས་བྱའོ། །སྲས་ནི་རྣམ་པར་རྒྱལ་བའི་སྡེ་ཞེས་བྱའོ། །རིམ་གྲོ་པ་ནི་བཀྲ་ཤིས་ལྡན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོག་མ་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་རྒྱལ་ཞེས་བྱའོ། །འདུས་པ་དང་པོ་ལ་ནི་དགེ་སློང་བདུན་ཁྲིའོ། །གཉིས་པ་ལ་ནི་དྲུག་ཁྲིའོ། །འདུས་པ་གསུམ་པ་ལ་ནི་དགེ་སློང་ལྔ་ཁྲིའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་
ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་སྲུང་སྐྱེས་པའི་ཡུལ་ནི་ཚེ་ཏ་ན་ཞེས་བྱའོ། །རིགས་ནི་བྲམ་ཟེའོ། །འོད་ནི་རྒྱང་གྲགས་གཅིག་གོ། །ཡབ་ནི་ཚངས་བྱིན་ཞེས་བྱའོ། །ཡུམ་ནི་ནོར་བདག་མ་ཞེས་བྱའོ། །སྲས་
ནི་དེད་དཔོན་ཞེས་བྱའོ། །རིམ་གྲོ་པ་ནི་ཀུན་གྱི་བཤེས་གཉེན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བ་ར་དྭཱ་ཛ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྐར་རྒྱལ་ཞེས་བྱའོ། །འདུས་པ་དང་པོ་ལ་ནི་དགེ་སློང་ཉི་ཁྲིའོ། །གཉིས་པ་ལ་ནི་ཁྲི་བརྒྱད་སྟོང་ངོ་། །གསུམ་
པ་ལ་ནི་ཁྲི་དྲུག་སྟོང་ངོ་། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །མཆོག་ཏུ་དགའ་བའི་རྒྱལ་པོ་དེ་བཞིན་གཤེགས་པ་ཤཱཀྱ་ཐུབ་པ་ང་སྐྱེས་པའི་ཡུལ་ནི་སེར་

སྐྱའི་གནས་ཞེས་བྱའོ། །རིགས་ནི་རྒྱལ་རིགས་སོ། །གདུང་ནི་གཽ་ཏ་མའོ། །འོད་ནི་འདོམ་གང་ངོ་། །ཡབ་ནི་ཟས་གཙང་མ་ཞེས་བྱའོ། །ཡུམ་ནི་སྒྱུ་འཕྲུལ་ཞེས་བྱའོ། །སྲས་ནི་སྒྲ་གཅན་འཛིན་ཞེས་བྱའོ། །རིམ་གྲོ་པ་ནི་ཀུན་དགའ་བོ་ཞེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་ཉེ་རྒྱལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པང་ནས་སྐྱེས་ཞེས་བྱའོ། །འདུས་པ་དང་པོ་ལ་ནི་དགེ་སློང་སྟོང་ཉིས་བརྒྱ་ལྔ་བཅུའོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་ལྔ་བརྒྱའི་བར་དུ་གནས་སོ། །ལོ་ལྔ་བརྒྱའི་བར་དུ་ནི་དམ་
པའི་ཆོས་ལྟར་བཅོས་པར་སྣང་ངོ་། །སྐུ་གདུང་ནི་རྒྱས་པར་འགྱུར་རོ། །མཆོག་ཏུ་དགའ་བའི་རྒྱལ་པོ་དེ་བཞིན་གཤེགས་པ་བྱམས་པ་སྐྱེ་བའི་ཡུལ་ནི་རྒྱལ་པོའི་ཕོ་བྲང་གྲོང་ཁྱེར་ཏོག་གི་བློ་གྲོས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ཚངས་
བཟངས་ཞེས་བྱའོ། །ཡུམ་ནི་ཚངས་བདག་མ་ཞེས་བྱའོ། །སྲས་ནི་བསོད་ནམས་སྟོབས་ཞེས་བྱའོ། །རིམ་གྲོ་པ་ནི་རྒྱ་མཚོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བརྩོན་འགྲུས་བརྟན་ཞེས་བྱའོ། །འདུས་པ་
དང་པོ་ལ་ནི་ཉན་ཐོས་དགྲ་བཅོམ་པ་དུང་ཕྱུར་ཕྲག་དགུ་དང་བྱེ་བ་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བཞིའོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་གཉིས་སོ། །སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་
བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེང་གེ་སྐྱེ་བའི་ཡུལ་ནི་གྲོང་ཁྱེར་མེ་ཏོག་ལྷ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ། །ཡབ་ནི་སེང་གེ་སྟག་ཅེས་བྱའོ། །
ཡུམ་ནི་དགའ་བའི་ང་རོ་ཞེས་བྱའོ། །སྲས་ནི་སྟོབས་ཆེན་ཞེས་བྱའོ། །རིམ་གྲོ་པ་ནི་དེས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བརྩེགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤྲིན་ལྡན་ཞེས་བྱའོ། །འདུས་པ་དང་པོ་ལ་ནི་ཐེར་འབུམ་མོ། །གཉིས་

པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རབ་གསལ་སྐྱེ་བའི་ཡུལ་ནི་རྒྱུ་སྐར་ཅན་ཞེས་བྱའོ། །རིགས་
ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་ལེགས་པའི་བློ་གྲོས་ཞེས་བྱའོ། །ཡུམ་ནི་མེ་ཏོག་ཅེས་བྱའོ། །སྲས་ནི་དུས་རིག་ཅེས་བྱའོ། །རིམ་གྲོ་པ་ནི་དཔའ་བའི་དབང་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཀྲ་ཤིས་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །འདུས་པ་གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བྱེ་བ་ཕྲག་དགུའོ། །
དམ་པའི་ཆོས་ནི་ལོ་བརྒྱད་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཐུབ་པ་སྐྱེ་བའི་ཡུལ་ནི་གྲོང་ཁྱེར་མེ་ཏོག་བླ་མ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ། །ཡབ་ནི་ལྷུན་ཆེན་ཞེས་བྱའོ། །
ཡུམ་ནི་སྣ་མའི་མེ་ཏོག་འོད་ཅེས་བྱའོ། །སྲས་ནི་རིན་ཆེན་མཆོག་ཅེས་བྱའོ། །རིམ་གྲོ་པ་ནི་མཆོག་གི་དམ་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་ངེས་པའི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུས་བྱིན་ཞེས་བྱའོ། །འདུས་པ་
དང་པོ་ལ་ནི་ཉན་ཐོས་ཁྲིའོ། །གཉིས་པ་ལ་ནི་དུང་ཕྱུར་ཕྲག་བཞིའོ། །འདུས་པ་གསུམ་པ་ལ་ནི་དགྲ་བཅོམ་པ་དུང་ཕྱུར་ཕྲག་ལྔའོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
གཤེགས་པ་མེ་ཏོག་སྐྱེ་བའི་ཡུལ་ནི་པད་མ་དཀར་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་དུས་མཆོག་ཅེས་བྱའོ། །ཡུམ་ནི་མེ་ཏོག་ཅེས་བྱའོ། །སྲས་ནི་སྐྱེ་བའི་དབང་པོ་ཞེས་བྱའོ། །རིམ་གྲོ་པ་ནི་བྱང་ཆུབ་དགའ་བ་ཞེས་

བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་སྟོབས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་ཚུགས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་ཕྲག་དྲུག་ཅུའོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །
གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་བཞིའོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་གཉིས་པ་སྐྱེ་བའི་
ཡུལ་ནི་གཟི་བརྗིད་ཡངས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་གཙུག་ན་མེ་ཏོག་ཅེས་བྱའོ། །ཡུམ་ནི་ཆོས་ལྡན་མ་ཞེས་བྱའོ། །སྲས་ནི་ལུས་གཙང་ཞེས་བྱའོ། །རིམ་གྲོ་པ་ནི་བློ་གྲོས་སེམས་པ་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་དགའ་བ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་དང་བྱེ་བ་ཕྲག་བཞིའོ། །གཉིས་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་
ཕྱུར་ཕྲག་གཅིག་དང་བྱེ་བ་ཕྲག་དྲུག་གོ། །སྐུ་ཚེའི་ཚད་ནི་ལོ་བྱེ་བ་ཕྲག་དགུའོ། །དམ་པའི་ཆོས་ནི་ལོ་དུང་ཕྱུར་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤྱན་ལེགས་སྐྱེ་བའི་ཡུལ་ནི་བཟང་བྱེད་ཅེས་བྱའོ། །རིགས་ནི་བྲམ་ཟེའོ། །འོད་
ནི་དཔག་ཚད་བཅུ་གཉིས་སོ། །ཡབ་ནི་རིན་པོ་ཆེ་ཞེས་བྱའོ། །ཡུམ་ནི་སཱ་ལ་ཅན་ཞེས་བྱའོ། །སྲས་ནི་རྒྱུ་སྐར་རྒྱལ་པོ་ཞེས་བྱའོ། །རིམ་གྲོ་པ་ནི་ཡོན་ཏན་བློ་གྲོས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་མཐའ་ཡས་ཞེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་སེང་གེའི་འགྲོས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་ཉིས་འབུམ་བརྒྱད་སྟོང་ངོ་། །འདུས་པ་གསུམ་པ་ལ་ནི་ཉན་ཐོས་སུམ་འབུམ་དྲུག་སྟོང་ངོ་། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་དུང་ཕྱུར་

ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །སངས་རྒྱས་བཅུ་པོ་དེ་བཞིན་གཤེགས་པ་དང་པོ་པ་དེ་དག་གིས་སེམས་ཅན་རྣམས་ཡོངས་སུ་སྨིན་པར་མཛད་པ་ཇི་སྙེད་པ་དེ་སྙེད་ཅིག་ནི་དེ་བཞིན་གཤེགས་པ་དེ་གཅིག་པུས་ཀྱང་མཛད་པར་འགྱུར་རོ། །དེ་
བཞིན་གཤེགས་པ་དེད་དཔོན་སྐྱེ་བའི་ཡུལ་ནི་རྒྱལ་པོའི་ཕོ་བྲང་གྲོང་ཁྱེར་མཆོག་མཛེས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུ་རྩ་བཞིའོ། །ཡབ་ནི་བག་ཚ་བ་མེད་པ་ཞེས་བྱའོ། །ཡུམ་ནི་ཕན་འདོད་མ་ཞེས་བྱའོ། །སྲས་ནི་དགའ་བ་ཞེས་བྱའོ། །
རིམ་གྲོ་པ་ནི་མཚོ་ཆེན་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དཔལ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་འོས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བདུན་འབུམ་མོ། །གཉིས་པ་ལ་ནི་དྲུག་འབུམ་མོ། །གསུམ་པ་ལ་ནི་ལྔ་འབུམ་
མོ། །སྐུ་ཚེའི་ཚད་ནི་ལོ་བྱེ་བ་ཕྲག་སྟོང་ངོ་། །དམ་པའི་ཆོས་ནི་ལོ་དགུ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལག་ཆེན་སྐྱེ་བའི་ཡུལ་ནི་འགྲོ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །
ཡབ་ནི་བརྩོན་འགྲུས་བྱིན་ཞེས་བྱའོ། །ཡུམ་ནི་དྲང་སྲོང་བྱིན་ཞེས་བྱའོ། །སྲས་ནི་རྣམ་པར་སྣང་བྱེད་ཅེས་བྱའོ། །རིམ་གྲོ་པ་ནི་ལེགས་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བག་ཚ་བ་མེད་པའི་ང་རོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རླུང་ལྟར་འགྲོ་
ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གཅིག་གོ། །དེ་ཕན་ཆད་ནི་བགྲང་གིས་མི་ལང་ངོ་། །སྐུ་ཚེའི་ཚད་ནི་ལོ་དུང་ཕྱུར་ཕྲག་བཞིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་
སྟོབས་ཆེན་སྐྱེ་བའི་ཡུལ་ནི་གྲོང་ཁྱེར་རིན་པོ་ཆེའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུའོ། །ཡབ་ནི་མཛེས་ལྡན་ཞེས་བྱའོ། །ཡུམ་ནི་གཟི་བརྗིད་ཅན་མ་ཞེས་བྱའོ། །སྲས་ནི་སེང་གེའི་འགྲོས་ཞེས་བྱའོ། །རིམ་གྲོ་པ་ནི་བཟང་

དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཆོག་སྦྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལེགས་གནས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་དེ་ཉིས་འགྱུར་རོ། །འདུས་པ་གསུམ་པ་ལ་ནི་ཉན་
ཐོས་ཁྲི་འབྱུང་བར་འགྱུར་རོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རྒྱུ་སྐར་རྒྱལ་པོ་སྐྱེ་བའི་ཡུལ་ནི་གྲོང་ཁྱེར་
འཛམ་བུའི་ཆུ་ཀླུང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་འོད་སྦྱིན་ཞེས་བྱའོ། །ཡུམ་ནི་ལེགས་པའི་བློ་གྲོས་མ་ཞེས་བྱའོ། །སྲས་ནི་རྒྱལ་ཞེས་བྱའོ། །རིམ་གྲོ་པ་ནི་ཡེ་ཤེས་སྟོབས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་དྲིས་ལན་དབང་ཕྱུག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བྱིན་རླབས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་ཐེར་འབུམ་ཕྲག་གཅིག་དང་དུང་ཕྱུར་ཕྲག་དགུའོ། །གསུམ་པ་ལ་ནི་ཐེར་འབུམ་ཕྲག་གཅིག་དང་དུང་ཕྱུར་
ཕྲག་བརྒྱད་དོ། །སྐུ་ཚེའི་ཚད་ནི་ལོ་བྱེ་བ་ཕྲག་བརྒྱད་དོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྩི་སྨན་སྐྱེ་བའི་ཡུལ་ནི་གྲོང་ཁྱེར་སཱ་ལ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་
ཚད་གཅིག་གོ། །ཡབ་ནི་ན་ཚོད་བཟང་པོ་ཞེས་བྱའོ། །ཡུམ་ནི་ཡིད་འོང་བློ་གྲོས་མ་ཞེས་བྱའོ། །སྲས་ནི་རི་བོའི་རྒྱལ་མཚན་ཞེས་བྱའོ། །རིམ་གྲོ་པ་ནི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཀྱི་འབྱུང་གནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་
མཆོག་ནི་བསོད་ནམས་སྟོབས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ་། །དམ་པའི་ཆོས་

ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྙན་པའི་ཏོག་སྐྱེ་བའི་ཡུལ་ནི་གྲོང་ཁྱེར་གཟི་བརྗིད་གསལ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཅུའོ། །ཡབ་ནི་རབ་གསལ་ཞེས་བྱའོ། །ཡུམ་ནི་སཱ་
ལ་ཅན་ཞེས་བྱའོ། །སྲས་ནི་མེ་ཏོག་བླ་མ་ཞེས་བྱའོ། །རིམ་གྲོ་པ་ནི་དགའ་བའི་མིག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་སྟོབས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེང་གེའི་སྟོབས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་
ཉི་ཁྲིའོ། །གཉིས་པ་ལ་ནི་སུམ་འབུམ་ཆིག་ཁྲིའོ། །འདུས་པ་གསུམ་པ་ལ་ནི་ཉན་ཐོས་སུམ་འབུམ་མོ། །སྐུ་ཚེའི་ཚད་ནི་ལོ་བྱེ་བ་ཕྲག་གཉིས་སོ། །དམ་པའི་ཆོས་ནི་ལོ་བྱེ་བ་ཕྲག་གཉིས་ཀྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་
གཅིག་ཏུ་ཟད་དོ། །དེ་བཞིན་གཤེགས་པ་འོད་ཆེན་པོ་སྐྱེ་བའི་ཡུལ་ནི་གྲོང་ཁྱེར་བདེ་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུའོ། །ཡབ་ནི་བ་ཛི་ར་ཞེས་བྱའོ། །ཡུམ་ནི་རྒྱལ་བས་བྱིན་ཞེས་བྱའོ། །སྲས་ནི་ཟླ་གདུགས་ཞེས་བྱའོ། །
རིམ་གྲོ་པ་ནི་རབ་ཏུ་ཞི་བའི་བློ་གྲོས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེམས་ཅན་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དེས་པ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་དགུ་
དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་གསུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གྲོལ་བའི་ཕུང་པོ་སྐྱེ་བའི་ཡུལ་ནི་གྲོང་ཁྱེར་ཟླ་བ་
ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ། །ཡབ་ནི་ཡིད་བཟངས་ཞེས་བྱའོ། །ཡུམ་ནི་གློག་སྦྱིན་མ་ཞེས་བྱའོ། །སྲས་ནི་དགའ་བས་འགྲོ་ཞེས་བྱའོ། །རིམ་གྲོ་པ་ནི་ནོར་བུའི་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་

དཔའ་བོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བརྒྱད་དང་ཁྲི་ཕྲག་གསུམ་མོ། །གཉིས་པ་ལ་ནི་དེ་ཉིས་འགྱུར་རོ། །འདུས་པ་གསུམ་པ་ལ་ནི་ཁྲི་ཕྲག་དྲུག་གོ། །སྐུ་ཚེའི་ཚད་ནི་ལོ་
འབུམ་མོ། །དམ་པའི་ཆོས་ནི་ལོ་འབུམ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྣམ་པར་སྣང་མཛད་སྐྱེ་བའི་ཡུལ་ནི་གྲོང་ཁྱེར་ཆོས་བཟང་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུའོ། །ཡབ་ནི་རྒྱལ་བ་
ཞེས་བྱའོ། །ཡུམ་ནི་མེ་ཏོག་བཟང་ཞེས་བྱའོ། །སྲས་ནི་བཞིན་འདྲ་ཞེས་བྱའོ། །རིམ་གྲོ་པ་ནི་ཡུལ་འཁོར་བཟང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་ཏུ་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་བ་ཅན་ཞེས་བྱའོ། །འདུས་པ་དང་པོ་ལ་
ནི་ཉན་ཐོས་དྲུག་འབུམ་ཉི་ཁྲིའོ། །གཉིས་པ་ལ་ནི་དྲུག་འབུམ་ཆིག་ཁྲིའོ། །གསུམ་པ་ལ་ནི་དྲུག་འབུམ་མོ། །སྐུ་ཚེའི་ཚད་ནི་ལོ་ལྔ་བརྒྱའོ། །དམ་པའི་ཆོས་ནི་ལོ་བཞི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་
མའི་སྙིང་པོ་སྐྱེ་བའི་ཡུལ་ནི་གྲོང་ཁྱེར་མེ་ཏོག་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཉིས་བརྒྱའོ། །ཡབ་ནི་འབྱོར་ལྡན་ཞེས་བྱའོ། །ཡུམ་ནི་མེ་ཏོག་ཅེས་བྱའོ། །སྲས་ནི་སྐར་མཁན་ཞེས་བྱའོ། །རིམ་གྲོ་པ་ནི་ཡེ་ཤེས་བླ་མ་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་ཤེས་རབ་སྡེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྡོ་རྗེའི་སྡེ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཀྱི་དགེ་སློང་འབུམ་མོ། །གཉིས་པ་ལ་ནི་ཐེར་འབུམ་མོ། །འདུས་པ་གསུམ་པ་ལ་ནི་ཉན་ཐོས་དཀྲིགས་ཕྲག་བརྒྱད་དོ། །བཞི་པ་ལ་
ནི་ས་ཡ་ཕྲག་དགུའོ། །སྐུ་ཚེའི་ཚད་ནི་ལོ་དུང་ཕྱུར་ཕྲག་བདུན་ནོ། །དམ་པའི་ཆོས་ནི་ལོ་དུང་ཕྱུར་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཟླ་བ་སྐྱེ་བའི་ཡུལ་ནི་རིན་ཆེན་མཆོག་

ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་དོ། །ཡབ་ནི་ཙམ་པའི་མིག་ཅེས་བྱའོ། །ཡུམ་ནི་སྨན་ཅེས་བྱའོ། །སྲས་ནི་ནབ་སོ་ཞེས་བྱའོ། །རིམ་གྲོ་པ་ནི་ཤིན་ཏུ་འཇིགས་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་བླ་མ་
ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཆོས་འཕགས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་བརྒྱ་ཕྲག་བཅུ་གཉིས་སོ། །གཉིས་པ་ལ་ནི་བྱེ་བ་བརྒྱ་ཕྲག་བཅུ་བཞིའོ། །འདུས་པ་གསུམ་པ་ལ་ནི་ཉན་ཐོས་བྱེ་བ་བརྒྱ་ཕྲག་བཅྭ་བརྒྱད་དོ། །བཞི་པ་ལ་ནི་ཉན་ཐོས་
བྱེ་བ་བརྒྱ་ཕྲག་ཉི་ཤུའོ། །སྐུ་ཚེའི་ཚད་ནི་ལོ་དྲུག་སྟོང་ངོ་། །དམ་པའི་ཆོས་ནི་ལོ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་འཕྲོ་སྐྱེ་བའི་ཡུལ་ནི་གྲོང་ཁྱེར་རྡུལ་བཟངས་ཞེས་
བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་ཅུའོ། །ཡབ་ནི་བསོད་ནམས་ཕུང་པོ་ཞེས་བྱའོ། །ཡུམ་ནི་ཆོས་ཀྱི་བློ་གྲོས་མ་ཞེས་བྱའོ། །སྲས་ནི་ཙམ་པའི་མཆོག་ཅེས་བྱའོ། །རིམ་གྲོ་པ་ནི་ཤིན་ཏུ་སྤོབས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
འབྲུག་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་བླ་མ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ས་ཡ་ཕྲག་བདུན་ནོ། །གཉིས་པ་ལ་ནི་ས་ཡ་ཕྲག་བརྒྱད་དོ། །གསུམ་པ་ལ་ནི་ས་ཡ་ཕྲག་དགུའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་
ནི་ལོ་སུམ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་བཟང་སྐྱེ་བའི་ཡུལ་ནི་གྲོང་ཁྱེར་སྐར་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་གསུམ་མོ། །ཡབ་ནི་ཉི་མའི་མཐུ་ཞེས་བྱའོ། །ཡུམ་ནི་ཟླ་
ལྡན་མ་ཞེས་བྱའོ། །སྲས་ནི་དབང་ཕྱུག་ཆེན་པོ་ཞེས་བྱའོ། །རིམ་གྲོ་པ་ནི་སྟོབས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལུས་མདངས་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་

འབུམ་ཕྲག་ལྔའོ། །གཉིས་པ་ལ་ནི་དུང་ཕྱུར་ཕྲག་བཞིའོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །སྐུ་ཚེའི་ཚད་ནི་ལོ་བརྒྱད་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་
བཞིན་གཤེགས་པ་མྱ་ངན་མེད་སྐྱེ་བའི་ཡུལ་ནི་གྲོང་ཁྱེར་ཤེས་རབ་བྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅྭ་བརྒྱད་དོ། །ཡབ་ནི་མེ་ཏོག་བྱིན་ཞེས་བྱའོ། །ཡུམ་ནི་ཆོས་ཅན་མ་ཞེས་བྱའོ། །སྲས་ནི་འོད་སྦྱིན་ཞེས་བྱའོ། །རིམ་གྲོ་པ་ནི་དགའ་
དབྱངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷུན་པོ་བརྩེགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱལ་བས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཉི་ཁྲིའོ། །གཉིས་པ་ལ་ནི་ཁྲིའོ། །འདུས་པ་གསུམ་པ་ལ་ནི་དགུ་འབུམ་ལྔ་ཁྲིའོ། །
སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་སུམ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐར་རྒྱལ་སྐྱེ་བའི་ཡུལ་ནི་གྲོང་ཁྱེར་ཙམ་པའི་མཆོག་ཅེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་བརྒྱད་དོ། །ཡབ་ནི་ལྷ་བཟང་ཞེས་བྱའོ། །ཡུམ་ནི་སྦྱིན་དགའ་ཞེས་བྱའོ། །སྲས་ནི་གློག་གི་འོད་ཅེས་བྱའོ། །རིམ་གྲོ་པ་ནི་མཐོང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བླ་མ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་
རྟེན་བླ་མ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བརྒྱད་དོ། །གཉིས་པ་ལ་ནི་དུང་ཕྱུར་ཕྲག་བདུན་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་བདུན་ནོ། །སྐུ་ཚེའི་ཚད་ནི་ལོ་སུམ་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རབ་གསལ་སྐྱེ་བའི་ཡུལ་ནི་གླིང་ལྡན་ཞེས་བྱའོ། །རིགས་ནི་བྲམ་ཟེའོ། །འོད་ནི་སྟོང་གི་འཇིག་རྟེན་གྱི་ཁམས་ཙམ་མོ། །ཡབ་ནི་ཆོས་འཕགས་ཞེས་བྱའོ། །ཡུམ་ནི་པད་མ་

ཅན་ཞེས་བྱའོ། །སྲས་ནི་ཟླ་རྐང་ཞེས་བྱའོ། །རིམ་གྲོ་པ་ནི་གྲགས་པའི་དབྱངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བསོད་ནམས་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྡོ་རྗེ་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་
གཅིག་དང་བྱེ་བ་ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་བདུན་ནོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་བཞི་སྟོང་ངོ་། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་
ནི་རྒྱས་པར་འགྱུར་རོ། །དེ་བཞིན་གཤེགས་པ་ཕྲེང་ཐོགས་སྐྱེ་བའི་ཡུལ་ནི་གྲོང་ཁྱེར་བསོད་ནམས་ཀྱི་འབྱུང་གནས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་པད་མ་དཀར་པོ་ཞེས་བྱའོ། །ཡུམ་ནི་ཡོན་ཏན་བྱིན་ཞེས་བྱའོ། །
སྲས་ནི་དཔལ་གྱི་བསོད་ནམས་ཞེས་བྱའོ། །རིམ་གྲོ་པ་ནི་གཟུགས་བཟང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲོན་མ་མཐའ་ཡས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚོགས་ཅན་རྒྱལ་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་བཅོམ་པ་དུང་
ཕྱུར་ཕྲག་དགུའོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་བརྒྱད་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
གཤེགས་པ་ཡོན་ཏན་འོད་སྐྱེ་བའི་ཡུལ་ནི་གྲོང་ཁྱེར་ཨུད་པ་ལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་ཅུའོ། །ཡབ་ནི་སྣང་ལྡན་ཞེས་བྱའོ། །ཡུམ་ནི་བསོད་ནམས་ཕུང་པོ་ཞེས་བྱའོ། །སྲས་ནི་ཆོས་སྤོབས་ཞེས་བྱའོ། །རིམ་གྲོ་པ་ནི་བསོད་ནམས་
མཆོད་འོས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཻ་དཱུརྱའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་བརྒྱ་ཕྲག་བཅུ་དྲུག་གོ། །གཉིས་པ་ལ་ནི་བྱེ་བ་བརྒྱ་ཕྲག་བཅུ་གཉིས་སོ། །གསུམ་པ་ལ་ནི་

བྱེ་བ་བརྒྱ་ཕྲག་བཅྭ་བརྒྱད་དོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་གཟིགས་སྐྱེ་བའི་ཡུལ་ནི་གྲོང་ཁྱེར་སྙིང་པོའི་མཆོག་ཅེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་དྲུག་ཅུ་རྩ་གཉིས་སོ། །ཡབ་ནི་ཡུལ་འཁོར་ཟླ་བ་ཞེས་བྱའོ། །ཡུམ་ནི་ལྷ་དགའ་ཞེས་བྱའོ། །སྲས་ནི་ཡོན་ཏན་གྲགས་པ་ཞེས་བྱའོ། །རིམ་གྲོ་པ་ནི་ཚངས་པའི་ང་རོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་བློ་ཞེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་རྒྱལ་བས་བྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དྲུག་འབུམ་ཉི་ཁྲིའོ། །གཉིས་པ་ལ་ནི་བདུན་འབུམ་མོ། །གསུམ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་དུང་ཕྱུར་གྱི་བར་དུ་གནས་སོ། །སྐུ་གདུང་ནི་རྒྱས་
པར་འགྱུར་རོ། །དེ་བཞིན་གཤེགས་པ་མར་མེ་སྐྱེ་བའི་ཡུལ་ནི་གྲོང་ཁྱེར་རིན་ཆེན་མཛེས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བཅུའོ། །ཡབ་ནི་རིན་ཆེན་སོ་ཞེས་བྱའོ། །ཡུམ་ནི་སྐར་མདོག་ཅེས་བྱའོ། །སྲས་ནི་རིན་ཆེན་སྙིང་པོ་ཞེས་
བྱའོ། །རིམ་གྲོ་པ་ནི་བློ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་ཅན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བདུན་འབུམ་མོ། །གཉིས་པ་ལ་ནི་དགུ་འབུམ་མོ། །གསུམ་པ་ལ་ནི་
ས་ཡའོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་ཉིས་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མཐུ་ལྡན་སྐྱེ་བའི་ཡུལ་ནི་གྲོང་ཁྱེར་གཟི་བརྗིད་འོད་ཅེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ལེགས་བྱིན་ཞེས་བྱའོ། །ཡུམ་ནི་ཡིད་ལྡན་ལེགས་མོ་ཞེས་བྱའོ། །སྲས་ནི་རྒྱལ་བའི་བཤེས་གཉེན་ཞེས་བྱའོ། །རིམ་གྲོ་པ་ནི་སེང་གེའི་སྟོབས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མྱ་ངན་

མེད་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རི་བརྩེགས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་གསུམ་མོ། །གཉིས་པ་ལ་ནི་ཐེར་འབུམ་ཕྲག་གཉིས་སོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ནི་ལོ་དགུ་
ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྨན་པ་སྐྱེ་བའི་ཡུལ་ནི་བརྟུལ་ཞུགས་གྲུབ་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཅུ་རྩ་བདུན་ནོ། །ཡབ་ནི་འདུན་པ་ཞེས་བྱའོ། །ཡུམ་ནི་འཛམ་བུའི་མཆོག་ཅེས་བྱའོ། །
སྲས་ནི་དཔས་བྱིན་ཞེས་བྱའོ། །རིམ་གྲོ་པ་ནི་ཟླ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱ་མཚོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གླང་པོའི་སྟོབས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ས་ཡ་ཕྲག་གཉིས་དང་འབུམ་ཕྲག་གསུམ་མོ། །གཉིས་
པ་ལ་ནི་ས་ཡ་ཕྲག་གཉིས་དང་འབུམ་ཕྲག་ལྔའོ། །གསུམ་པ་ལ་ནི་ས་ཡ་ཕྲག་གཉིས་དང་འབུམ་ཕྲག་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ས་ཡ་ཕྲག་གཉིས་དང་འབུམ་ཕྲག་ལྔའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དེས་པ་སྐྱེ་བའི་ཡུལ་ནི་གྲོང་ཁྱེར་ལེགས་འབྱོར་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུའོ། །ཡབ་ནི་དབྱིག་མཆོག་ཅེས་བྱའོ། །ཡུམ་ནི་ཟླ་འོད་ཅེས་བྱའོ། །སྲས་ནི་ཆོས་ཀྱི་དབང་ཕྱུག་ཅེས་བྱའོ། །
རིམ་གྲོ་པ་ནི་འཇིག་རྟེན་དགའ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འབྲུག་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མེ་ཏོག་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་གསུམ་མོ། །གཉིས་པ་ལ་ནི་དུང་ཕྱུར་ཕྲག་གཉིས་དང་བྱེ་བ་
ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གཉིས་དང་བྱེ་བ་ཕྲག་བདུན་ནོ། །སྐུ་ཚེའི་ཚད་ནི་ལོ་སུམ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མཛོད་སྤུ་སྐྱེ་བའི་ཡུལ་ནི་གྲོང་

ཁྱེར་གཟི་བརྗིད་གསལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱ་ཙམ་མོ། །ཡབ་ནི་ཚོགས་ཅན་གྱི་རྒྱལ་པོ་ཞེས་བྱའོ། །ཡུམ་ནི་སྐལ་ལྡན་དགའ་ཞེས་བྱའོ། །སྲས་ནི་ལྷུན་པོ་སྦྱིན་ཞེས་བྱའོ། །རིམ་གྲོ་པ་ནི་ལྷའི་ཟླ་བ་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷས་མཆོད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དྲུག་དང་བྱེ་བ་ཕྲག་གཉིས་སོ། །གཉིས་པ་ལ་ནི་དུང་ཕྱུར་ཕྲག་དྲུག་དང་བྱེ་བ་ཕྲག་གཅིག་གོ། །གསུམ་
པ་ལ་ནི་དུང་ཕྱུར་ཕྲག་དྲུག་གོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟན་ལྡན་སྐྱེ་བའི་ཡུལ་ནི་བསོད་ནམས་སྒྲ་སྒྲོགས་
ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ས་ལའི་རྒྱལ་པོ་ཞེས་བྱའོ། །ཡུམ་ནི་སྐྱེས་བུ་བཟང་དགའ་ཞེས་བྱའོ། །སྲས་ནི་སྲིད་སྦྱིན་ཞེས་བྱའོ། །རིམ་གྲོ་པ་ནི་དཔལ་སྟོབས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་བའི་
ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་འོད་ཅེས་བྱའོ། །འདུས་པ་དང་པོ་ལ་ནི་ཉན་ཐོས་འབུམ་མོ། །གཉིས་པ་ལ་ནི་ས་ཡ་ཕྲག་དགུའོ། །འདུས་པ་གསུམ་པ་ལ་ནི་ས་ཡ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ་། །དམ་པའི་ཆོས་ནི་
ལོ་ཉི་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་དཔལ་སྐྱེ་བའི་ཡུལ་ནི་རིན་ཆེན་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་གཉིས་སོ། །ཡབ་ནི་སྦྲང་རྩིའི་སྣོད་ཅེས་བྱའོ། །ཡུམ་
ནི་ཆོས་ཅན་མ་ཞེས་བྱའོ། །སྲས་ནི་དགའ་བའི་ཏོག་ཅེས་བྱའོ། །རིམ་གྲོ་པ་ནི་བརྩོན་འགྲུས་བརྟན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ས་སྦྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་སྟོབས་ཅན་ཞེས་བྱའོ། །འདུས་པ་ནི་ལན་ཅིག་སྟེ། ཉན་ཐོས་

ཐེར་འབུམ་ཕྲག་གཅིག་གོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གདུལ་དཀའ་སྐྱེ་བའི་ཡུལ་ནི་སྦྱོར་གྲུབ་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་
ཚད་བྱེ་བའོ། །ཡབ་ནི་སྒྲ་གཅན་ལྷ་ཞེས་བྱའོ། །ཡུམ་ནི་བསོད་ནམས་ཅན་ཞེས་བྱའོ། །སྲས་ནི་ཟླ་སྦེད་ཅེས་བྱའོ། །རིམ་གྲོ་པ་ནི་བདེན་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་དམ་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འབྲུག་སྒྲ་
ཞེས་བྱའོ། །འདུས་པ་དང་པོ་ལ་ནི་ཉན་ཐོས་སུམ་འབུམ་མོ། །གཉིས་པ་ལ་ནི་ལྔ་འབུམ་མོ། །གསུམ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་བྱེ་བ་ཕྲག་བརྒྱད་དོ། །དམ་པའི་ཆོས་ནི་ལོ་དུང་ཕྱུར་ཕྲག་གཅིག་དང་བྱེ་བ་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་
ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་རྒྱལ་མཚན་སྐྱེ་བའི་ཡུལ་ནི་ཟླ་ལྡན་ཞེས་བྱའོ། །རིགས་ནི་བྲམ་ཟེའི་རིགས་སོ། །འོད་ནི་དཔག་ཚད་ལྔའོ། །ཡབ་ནི་སྐར་རྒྱལ་བཤེས་གཉེན་ཞེས་བྱའོ། །ཡུམ་ནི་ནོར་ལྷས་བྱིན་ཞེས་བྱའོ། །སྲས་ནི་རྡོ་རྗེའི་སྡེ་ཞེས་བྱའོ། །
རིམ་གྲོ་པ་ནི་རིན་ཆེན་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཉི་མའི་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁ་ལོ་སྒྱུར་ཞེས་བྱའོ། །འདུས་པ་དང་པོ་ལ་ནི་ཉན་ཐོས་འབུམ་ཕྲག་སུམ་ཁྲིའོ། །གཉིས་པ་ལ་ནི་འབུམ་ཕྲག་ལྔ་ཁྲིའོ། །འདུས་པ་
གསུམ་པ་ལ་ནི་ཉན་ཐོས་འབུམ་ཕྲག་དྲུག་ཁྲིའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྒྲ་གཅན་སྐྱེ་བའི་ཡུལ་ནི་
རིན་པོ་ཆེའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་ཅུ་རྩ་དྲུག་གོ། །ཡབ་ནི་མཐུ་རྩལ་སྟོབས་ཞེས་བྱའོ། །ཡུམ་ནི་ཟིལ་མི་ནོན་ཅེས་བྱའོ། །སྲས་ནི་ཟླ་འོད་ཅེས་བྱའོ། །རིམ་གྲོ་པ་ནི་བཻ་དཱུརྱའི་སྙིང་པོ་ཞེས་བྱའོ། །ཤེས་རབ་ཅན་

རྣམས་ཀྱི་མཆོག་ནི་སྟོབས་ལྷ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགའ་སྲེད་ཅེས་བྱའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ལྔ་འབུམ་གྱི་བར་དུ་གནས་སོ། །དེ་བཞིན་གཤེགས་པ་བཞི་བཅུ་པོ་དེ་དག་གིས་སངས་རྒྱས་ཀྱི་ཕྲིན་ལས་
མཛད་པ་ཇི་སྙེད་པ་དེ་སྙེད་ཅིག་ནི་དེ་བཞིན་གཤེགས་པ་འདིས་སེམས་ཅན་རྣམས་གྲོལ་བར་མཛད་པར་འགྱུར་རོ། །དེ་ལྟ་བས་ན་འདིའི་འདུས་པ་རྣམས་ཀྱང་མ་སྨོས་སོ། །ས་གཞི་ཆེན་པོ་ཡང་རིན་པོ་ཆེ་བདུན་གྱི་རང་བཞིན་དུ་འགྱུར་རོ། །རིན་པོ་ཆེའི་ཤིང་དང་གོས་བྱུང་བའི་ཤིང་
གིས་ཀྱང་རྒྱས་པར་འགྱུར་རོ། །སེམས་ཅན་རྣམས་ནི་རྫུས་ཏེ་འབྱུང་བར་འགྱུར་རོ། །ངན་སོང་གསུམ་ཡང་གཏན་འབྱུང་བར་མི་འགྱུར་རོ།། །།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་པ། དེ་བཞིན་
གཤེགས་པ་ཚོགས་ཅན་སྐྱེ་བའི་ཡུལ་ནི་མཛེས་ལྡན་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཕྱེད་དོ། །ཡབ་ནི་རིན་ཆེན་བླ་མ་ཞེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་ས་འཛིན་ཅེས་བྱའོ། །རིམ་གྲོ་པ་ནི་ཡིད་ཞི་ཞེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་ཁྲུང་ཁྲུང་ང་རོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་གྲུབ་ཅེས་བྱའོ། །འདུས་པ་ནི་ལན་ཅིག་སྟེ་ཉན་ཐོས་འབུམ་འབྱུང་བར་འགྱུར་རོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་
ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པའི་དབྱངས་སྐྱེ་བའི་ཡུལ་ནི་གཟི་བརྗིད་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་ཅུའོ། །ཡབ་ནི་ཚངས་པའི་བླ་མ་ཞེས་བྱའོ། །ཡུམ་ནི་བདེ་ལྡན་མ་ཞེས་བྱའོ། །སྲས་ནི་བསོད་
ནམས་གཟི་བརྗིད་འོད་ཅེས་བྱའོ། །རིམ་གྲོ་པ་ནི་པད་མའི་མིག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གསེར་མདོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གློག་སྦྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བརྒྱད་དང་བྱེ་བ་

ཕྲག་དྲུག་གོ། །གཉིས་པ་ལ་ནི་དུང་ཕྱུར་ཕྲག་དགུའོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་
གཤེགས་པ་ཚིགས་བརྟན་སྐྱེ་བའི་ཡུལ་ནི་མེ་ཏོག་རྒྱས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་ཅུའོ། །ཡབ་ནི་བསོད་ནམས་དགའ་ཞེས་བྱའོ། །ཡུམ་ནི་སྐྱིད་ལྡན་མ་ཞེས་བྱའོ། །སྲས་ནི་དུས་རིག་སྦྱིན་ཞེས་བྱའོ། །རིམ་གྲོ་པ་ནི་དོན་སྤྱད་
ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གསེར་མཆོག་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བྱེ་བ་སྟོང་ཕྲག་བདུན་ཅུའོ། །གཉིས་པ་ལ་ནི་བྱེ་བ་སྟོང་ཕྲག་བདུན་ཅུ་རྩ་བརྒྱད་དོ། །གསུམ་པ་ལ་
ནི་བྱེ་བ་སྟོང་ཕྲག་བརྒྱད་ཅུའོ། །སྐུ་ཚེའི་ཚད་ནི་ལོ་ལྔ་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་འགྱིང་བ་སྐྱེ་བའི་ཡུལ་ནི་འགྲོ་དགའ་ཞེས་
བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུའོ། །ཡབ་ནི་རྒྱ་མཚོ་ཞེས་བྱའོ། །ཡུམ་ནི་དྲང་སྲོང་བྱིན་ཞེས་བྱའོ། །སྲས་ནི་མིག་སྡུག་ཅེས་བྱའོ། །རིམ་གྲོ་པ་ནི་སྐྱེ་དབང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དོན་ལེགས་བསམས་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་བདེན་ཚིག་ཅན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བདུན་ཁྲི་བརྒྱད་སྟོང་ངོ་། །གཉིས་པ་ལ་ནི་བདུན་ཁྲི་དྲུག་སྟོང་ངོ་། །གསུམ་པ་ལ་ནི་བདུན་ཁྲི་ལྔ་སྟོང་ངོ་། །སྐུ་ཚེའི་ཚད་ནི་ལོ་སྟོང་ཕྲག་བརྒྱད་ཁྲིའོ། །དམ་པའི་
ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་མཛད་སྐྱེ་བའི་ཡུལ་ནི་གསེར་གྱི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཙམ་མོ། །ཡབ་

ནི་འོད་ཟེར་ཅན་ཞེས་བྱའོ། །ཡུམ་ནི་རིན་ཆེན་བྱིན་ཞེས་བྱའོ། །སྲས་ནི་ཡོན་ཏན་རིན་པོ་ཆེ་ཞེས་བྱའོ། །རིམ་གྲོ་པ་ནི་མེ་ཏོག་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྣམ་པར་གྲགས་པའི་སྒྲ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟུངས་
ཀྱི་དབང་ཕྱུག་རྒྱལ་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་འབུམ་ཕྲག་ལྔ་བཅུའོ། །གཉིས་པ་ལ་ནི་བྱེ་བ་འབུམ་ཕྲག་བཞི་བཅུའོ། །གསུམ་པ་ལ་ནི་བྱེ་བ་འབུམ་ཕྲག་སུམ་ཅུའོ། །སྐུ་ཚེའི་ཚད་ནི་ལོ་བྱེ་བ་ཕྲག་ལྔའོ། །དམ་པའི་ཆོས་ནི་ལོ་ཐེར་འབུམ་ཕྲག་
བདུན་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷུན་ཆེན་སྐྱེ་བའི་ཡུལ་ནི་རིན་པོ་ཆེ་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་ཅུའོ། །ཡབ་ནི་ཟླ་བའི་གཟི་བརྗིད་ཅེས་བྱའོ། །ཡུམ་ནི་ཉི་མས་བྱིན་ཞེས་
བྱའོ། །སྲས་ནི་ཟླ་གདུགས་ཞེས་བྱའོ། །རིམ་གྲོ་པ་ནི་རིན་ཆེན་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་བཟངས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒྱལ་དགའ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བདུན་ནོ། །
གཉིས་པ་ལ་ནི་དུང་ཕྱུར་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་བརྒྱད་སྟོང་ངོ་། །དམ་པའི་ཆོས་ནི་ལོ་སུམ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་
གཤེགས་པ་རྡོ་རྗེ་སྐྱེ་བའི་ཡུལ་ནི་ཤིན་ཏུ་རྣམ་པར་ཕྱེ་བའི་གཟི་བརྗིད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་དྲུག་གོ། །ཡབ་ནི་ནོར་བུའི་འོད་ཅེས་བྱའོ། །ཡུམ་ནི་ཨུད་པ་ལའི་མིག་ཅེས་བྱའོ། །སྲས་ནི་འཚོ་བྱེད་ཅེས་བྱའོ། །རིམ་གྲོ་པ་ནི་རྒྱ་མཚོ་
ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དྲག་ཤུལ་སྦྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲོགས་མཆོག་ཅེས་བྱའོ། །འདུས་པ་དང་པོ་ལ་ནི་ཉན་ཐོས་དགྲ་བཅོམ་པ་ཐེར་འབུམ་ཕྲག་བཞིའོ། །གཉིས་པ་ལ་ནི་ཐེར་འབུམ་ཕྲག་གསུམ་མོ། །གསུམ་

པ་ལ་ནི་ཐེར་འབུམ་ཕྲག་གཉིས་སོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་སུམ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྡོམ་པ་ཅན་སྐྱེ་བའི་ཡུལ་ནི་ཙན་དན་ཅན་ཞེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་བརྒྱད་ཅུའོ། །ཡབ་ནི་མེ་ཏོག་ཅེས་བྱའོ། །ཡུམ་ནི་གློག་འོད་མ་ཞེས་བྱའོ། །སྲས་ནི་རིན་ཆེན་ཕུང་པོ་ཞེས་བྱའོ། །རིམ་གྲོ་པ་ནི་རིན་ཆེན་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིགས་མེད་ཅེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་རི་རྒྱལ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བདུན་འབུམ་མོ། །གཉིས་པ་ལ་ནི་དྲུག་འབུམ་མོ། །གསུམ་པ་ལ་ནི་ལྔ་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བྱེ་བ་ཕྲག་གཉིས་ཀྱི་བར་དུ་གནས་སོ། །སྐུ་གདུང་ནི་
རྒྱས་པར་འགྱུར་རོ། །དེ་བཞིན་གཤེགས་པ་མི་བསྙེངས་པ་སྐྱེ་བའི་ཡུལ་ནི་དགྲ་འཇོམས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་བཅུའོ། །ཡབ་ནི་འོད་སྦྱིན་ཞེས་བྱའོ། །ཡུམ་ནི་ཟླ་ལྡན་མ་ཞེས་བྱའོ། །སྲས་ནི་ཟླ་བའི་བླ་མ་ཞེས་
བྱའོ། །རིམ་གྲོ་པ་ནི་ཟླ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚོགས་ཅན་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷས་བྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བརྒྱད་འབུམ་མོ། །གཉིས་པ་ལ་ནི་བདུན་འབུམ་བརྒྱད་ཁྲིའོ། །གསུམ་
པ་ལ་ནི་བདུན་འབུམ་དྲུག་ཁྲིའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་སྐྱེ་བའི་ཡུལ་ནི་མཚམས་བརྟན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་
འབུམ་མོ། །ཡབ་ནི་དྲང་སྲོང་བྱིན་ཞེས་བྱའོ། །ཡུམ་ནི་བསོད་ནམས་བྱིན་ཞེས་བྱའོ། །སྲས་ནི་སྨན་གྱི་མེ་ཏོག་ཅེས་བྱའོ། །རིམ་གྲོ་པ་ནི་བརྩོན་འགྲུས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐུབ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་

བརྟན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་བཞིའོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་དྲུག་གོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །དམ་པའི་ཆོས་
ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་པད་མའི་སྤྱན་སྐྱེ་བའི་ཡུལ་ནི་ཡུལ་འཁོར་མེ་ཏོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཅུ་རྩ་གཉིས་
སོ། །ཡབ་ནི་མེ་ཏོག་བླ་མ་ཞེས་བྱའོ། །ཡུམ་ནི་གཟུགས་ལྡན་མ་ཞེས་བྱའོ། །སྲས་ནི་ལྷ་དགའ་ཞེས་བྱའོ། །རིམ་གྲོ་པ་ནི་མྱ་ངན་མེད་པའི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤེས་རབ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚོགས་
ཅན་བྱིན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བདུན་ནོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་བཞིའོ། །སྐུ་ཚེའི་ཚད་ནི་ལོ་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་ལྔ་ཁྲི་དྲུག་སྟོང་གི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྟོབས་སྡེ་སྐྱེ་བའི་ཡུལ་ནི་བཟང་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ། །ཡབ་ནི་སྟོབས་ལྷ་ཞེས་བྱའོ། །ཡུམ་ནི་བདེ་སྦྱིན་མ་ཞེས་བྱའོ། །སྲས་ནི་བསོད་ནམས་འོད་ཟེར་ཞེས་
བྱའོ། །རིམ་གྲོ་པ་ནི་ཆོས་སྲུང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱལ་བའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤིན་ཏུ་བདེ་བ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དྲུག་ཁྲིའོ། །གཉིས་པ་ལ་ནི་ལྔ་ཁྲི་བརྒྱད་སྟོང་ངོ་། །གསུམ་
པ་ལ་ནི་ལྔ་ཁྲི་བདུན་སྟོང་ངོ་། །སྐུ་ཚེའི་ཚད་ནི་ལོ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མེ་ཏོག་འོད་ཟེར་སྐྱེ་བའི་ཡུལ་ནི་ཟླ་བ་མེ་ཏོག་

བཟང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཅུ་རྩ་བརྒྱད་དོ། །ཡབ་ནི་སྡུག་མཐོང་ཞེས་བྱའོ། །ཡུམ་ནི་རྒྱུ་སྐར་ལྡན་ཞེས་བྱའོ། །སྲས་ནི་ཆོས་བརྟན་ཞེས་བྱའོ། །རིམ་གྲོ་པ་ནི་བྱང་ཆུབ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དོན་གྱི་
བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་རྒྱལ་མཚན་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་གསུམ་མོ། །གཉིས་པ་ལ་ནི་དུང་ཕྱུར་ཕྲག་གསུམ་དང་བྱེ་བ་ཕྲག་གཉིས་སོ། །གསུམ་པ་ལ་ནི་དུང་ཕྱུར་ཕྲག་གསུམ་དང་བྱེ་བ་
ཕྲག་གཉིས་སོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་དགྱེས་སྐྱེ་བའི་ཡུལ་ནི་ནོར་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་
ཚད་བརྒྱད་དོ། །ཡབ་ནི་དགེ་བ་ཞེས་བྱའོ། །ཡུམ་ནི་དཔལ་བཟང་མོ་ཞེས་བྱའོ། །སྲས་ནི་ལྷས་སྦེད་ཅེས་བྱའོ། །རིམ་གྲོ་པ་ནི་ཕན་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླ་གདུགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཙམ་པ་ཀ་ཞེས་བྱའོ། །
འདུས་པ་དང་པོ་ལ་ནི་དགྲ་བཅོམ་པ་ཐེར་འབུམ་ཕྲག་དགུའོ། །གཉིས་པ་ལ་ནི་ཐེར་འབུམ་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་ཕྲག་བདུན་ནོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ལྔ་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་
འགྱུར་རོ། །དེ་བཞིན་གཤེགས་པ་གཟི་ཆེན་སྐྱེ་བའི་ཡུལ་ནི་མཆོད་སྦྱིན་འབྱོར་ལྡན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔའོ། །ཡབ་ནི་རིན་པོ་ཆེའི་མཛོད་ཅེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་འོད་ཟེར་བླ་མ་ཞེས་བྱའོ། །རིམ་གྲོ་
པ་ནི་ལག་བཟངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པད་མའི་སྙིང་པོ་ཞེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་བདུན་ཁྲིའོ། །གཉིས་པ་ལ་ནི་བདུན་ཁྲི་ལྔ་སྟོང་ངོ་། །གསུམ་པ་ལ་ནི་བརྒྱད་ཁྲིའོ། །

སྐུ་ཚེའི་ཚད་ནི་ལོ་ལྔ་འབུམ་མོ། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚངས་པ་སྐྱེ་བའི་ཡུལ་ནི་གསེར་མདོག་ཅན་ཅེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་མྱ་ངན་མེད་དགའ་ཞེས་བྱའོ། །ཡུམ་ནི་ཙན་དན་ཅན་ཞེས་བྱའོ། །སྲས་ནི་རྒྱལ་བའི་སྡེ་ཞེས་བྱའོ། །རིམ་གྲོ་པ་ནི་དགྲ་འདུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་བདག་ཅེས་བྱའོ། །རྫུ་
འཕྲུལ་ཅན་རྣམས་ཀྱི་མཆོག་ནི་གཙུག་གི་རྡོ་རྗེ་ཞེས་བྱའོ། །འདུས་པ་ནི་ལན་ཅིག་ཏུ་ཟད་དེ་དགྲ་བཅོམ་པ་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་
རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་དཔག་མེད་སྐྱེ་བའི་ཡུལ་ནི་ཉམས་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་ཅུ་རྩ་དྲུག་གོ། །ཡབ་ནི་དབྱངས་ཀྱི་དབང་ཕྱུག་འོད་ཅེས་བྱའོ། །ཡུམ་ནི་ཟླ་འོད་ཅེས་བྱའོ། །སྲས་
ནི་དགའ་ལྡན་ཞེས་བྱའོ། །རིམ་གྲོ་པ་ནི་དགའ་སྡེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དག་པའི་དབང་ཕྱུག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གློག་འོད་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་ཐེར་འབུམ་ཕྲག་གཉིས་སོ། །གཉིས་
པ་ལ་ནི་ཐེར་འབུམ་ཕྲག་བཞིའོ། །གསུམ་པ་ལ་ནི་ཐེར་འབུམ་ཕྲག་དྲུག་གོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཀླུས་སྦྱིན་སྐྱེ་བའི་ཡུལ་ནི་རིན་པོ་ཆེ་སྣ་ཚོགས་
ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཕྱེད་དོ། །ཡབ་ནི་རྒྱལ་བས་འཛིན་ཅེས་བྱའོ། །ཡུམ་ནི་མཆོག་ལྡན་མ་ཞེས་བྱའོ། །སྲས་ནི་བསོད་ནམས་སྟོབས་ཞེས་བྱའོ། །རིམ་གྲོ་པ་ནི་རིན་ཆེན་སྒྲོན་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཙམ་

པ་ཀའི་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་མི་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བརྒྱད་ཁྲིའོ། །གཉིས་པ་ལ་ནི་བདུན་ཁྲི་བརྒྱད་སྟོང་ངོ་། །གསུམ་པ་ལ་ནི་བདུན་ཁྲི་ལྔ་སྟོང་ངོ་། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་
སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟན་པར་གཤེགས་སྐྱེ་བའི་ཡུལ་ནི་བཟང་པོའི་མཆོག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་
ནི་སེང་གེའི་མཆེ་བ་ཞེས་བྱའོ། །ཡུམ་ནི་སྡོང་བུ་བྱིན་ཞེས་བྱའོ། །སྲས་ནི་ཆོས་སྒྲོགས་ཞེས་བྱའོ། །རིམ་གྲོ་པ་ནི་ལེགས་སྤྲུལ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིན་ཆེན་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླས་བྱིན་ཞེས་བྱའོ། །འདུས་པ་
དང་པོ་ལ་ནི་ཉན་ཐོས་དགྲ་བཅོམ་པ་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །གསུམ་པ་ལ་ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཐེར་འབུམ་མོ། །དམ་པའི་ཆོས་ནི་ལོ་བྱེ་བ་ཕྲག་བརྒྱ་ལྔ་བཅུའི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་ཡོད་མཐོང་སྐྱེ་བའི་ཡུལ་ནི་གསལ་བ་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་འདོམ་གང་ངོ་། །ཡབ་ནི་དགེ་བས་བྱིན་ཞེས་བྱའོ། །ཡུམ་ནི་སྦྲང་རྩིའི་མིག་ཅེས་བྱའོ། །སྲས་ནི་སྐར་མདོག་ཅེས་
བྱའོ། །རིམ་གྲོ་པ་ནི་འཛམ་བུའི་ཆུ་ཀླུང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བཤེས་གཉེན་སྙིང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དུང་ཕྱུར་ཕྲག་དགུ་དང་བྱེ་བ་ཕྲག་དྲུག་གོ། །གཉིས་པ་ལ་
ནི་དུང་ཕྱུར་ཕྲག་དགུ་དང་བྱེ་བ་ཕྲག་བརྒྱད་དོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་བརྒྱའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བརྩོན་འགྲུས་སྦྱིན་སྐྱེ་བའི་ཡུལ་ནི་ཙམ་པ་ཞེས་

བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ཡེ་ཤེས་བཟང་པོ་ཞེས་བྱའོ། །ཡུམ་ནི་དཔལ་བྱིན་མ་ཞེས་བྱའོ། །སྲས་ནི་མྱ་ངན་མེད་ལྷ་ཞེས་བྱའོ། །རིམ་གྲོ་པ་ནི་མཆོད་པའི་རྒྱན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
དམིགས་མེད་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་བའི་དཔལ་ཞེས་བྱའོ། །འདུས་པ་ནི་ལན་ཅིག་སྟེ་དགྲ་བཅོམ་པ་བརྒྱད་འབུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་
ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བཟང་སྐྱོང་སྐྱེ་བའི་ཡུལ་ནི་དགའ་བ་རབ་སྦྱིན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུའོ། །ཡབ་ནི་རིན་ཆེན་སྐར་རྒྱལ་ཞེས་བྱའོ། །ཡུམ་ནི་བསོད་ནམས་ཅན་ཞེས་བྱའོ། །
སྲས་ནི་སྟག་སྦྱིན་ཞེས་བྱའོ། །རིམ་གྲོ་པ་ནི་རི་མཆོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཁྱབ་བདག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་རྒྱ་མཚོ་ཞེས་བྱའོ། །འདུས་པ་ནི་ལན་ཅིག་སྟེ། དགྲ་བཅོམ་པ་དབང་ཐོབ་པ་ཐེར་འབུམ་
ཕྲག་གཅིག་དང་དུང་ཕྱུར་ཕྲག་བརྒྱད་དོ། །སྐུ་ཚེ