Kinh tạng Tây Tạng (Kangyur Đại Học) — 045_མདོ་སྡེ།_ཀ

་ཞེས་བྱའོ། །རིམ་གྲོ་པ་ནི་འཇིག་རྟེན་དགའ་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁ་ལོ་སྒྱུར་བའི་རྒྱལ་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བདུད་སྤངས་ཞེས་བྱའོ། །དགྲ་བཅོམ་པ་འདུས་པ་ནི་ལན་དྲུག་སྟེ།

ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་དྲང་སྲོང་སྐྱེ་བའི་ཡུལ་ནི་ཀུན་ཏུ་རྒྱས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་
ཚད་ཕྱེད་དང་གཉིས་སོ། །ཡབ་ནི་དྲང་སྲོང་བཤེས་གཉེན་ཞེས་བྱའོ། །ཡུམ་ནི་ཕྱོགས་གནས་མ་ཞེས་བྱའོ། །སྲས་ནི་སྤོས་མཆོག་རྒྱལ་པོ་ཞེས་བྱའོ། །རིམ་གྲོ་པ་ནི་ཤིན་ཏུ་འབྱོར་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མངོན་པར་ཤེས་པའི་མེ་ཏོག་ཀུན་ཏུ་རྒྱས་པ་ཞེས་
བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁྱད་པར་དུ་འཕགས་པའི་བློ་ཞེས་བྱའོ། །དགྲ་བཅོམ་པ་འདུས་པ་ནི་ལན་གཉིས་ཏེ། གཉིས་ཀ་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐྱེ་བའི་དབང་པོ་སྐྱེ་བའི་ཡུལ་ནི་སྐྱེ་བོ་དགའ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཙམ་མོ། །ཡབ་ནི་ཟླ་རྒྱས་ཞེས་བྱའོ། །ཡུམ་ནི་རྒྱལ་དཀའ་མ་ཞེས་བྱའོ། །
སྲས་ནི་འཁྲུལ་པ་མེད་པར་སེམས་ཞེས་བྱའོ། །རིམ་གྲོ་པ་ནི་ཁྱད་པར་སེམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་འཇོམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་གཉིས་སྤོང་ཞེས་བྱའོ། །དགྲ་བཅོམ་པ་འདུས་པ་ནི་ལན་ལྔ་སྟེ། ཐམས་ཅད་ལ་ཡང་
ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ཀྱང་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགེ་འདུན་བརྟན་སྐྱེ་བའི་ཡུལ་ནི་བློ་གྲོས་བརྟན་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་
བརྒྱའོ། །ཡབ་ནི་བཟང་པོ་ཞེས་བྱའོ། །ཡུམ་ནི་རིན་ཆེན་མཆོག་ཅེས་བྱའོ། །སྲས་ནི་ལྷས་མཆོད་ཅེས་བྱའོ། །རིམ་གྲོ་པ་ནི་འགྲོ་བ་ལྟ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་དྲག་ཤུལ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཉམ་ཉིད་གནས་

ཞེས་བྱའོ། །འདུས་པ་ནི་ལན་གཅིག་ཏུ་ཟད་དེ། དགྲ་བཅོམ་པ་སུམ་འབུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ།། །།འཕགས་པ་བསྐལ་པ་བཟང་
པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅྭ་ལྔ་པ། དེ་བཞིན་གཤེགས་པ་ཕྱོགས་བཟངས་སྐྱེ་བའི་ཡུལ་ནི་རིན་པོ་ཆེའི་ངོས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་བརྒྱའོ། །ཡབ་ནི་དབྱིག་གི་འོད་ཟེར་ཞེས་བྱའོ། །ཡུམ་ནི་ཡིད་དུ་འོང་བས་
བྱིན་ཞེས་བྱའོ། །སྲས་ནི་དོན་ཡོད་དགའ་ཞེས་བྱའོ། །རིམ་གྲོ་པ་ནི་སྐར་མདའ་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁྱད་པར་དུ་འཕགས་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགྲ་བཅོམ་གྲགས་པ་ཞེས་བྱའོ། །དགྲ་བཅོམ་པ་འདུས་པ་ནི་ལན་ཉི་ཤུ་རྩ་
དགུ་སྟེ། ཐམས་ཅད་ལ་ཡང་བྱེ་བ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་ཁྲི་ཆིག་སྟོང་ངོ་། །དམ་པའི་ཆོས་ཀྱང་ལོ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཏོག་སྐྱེ་བའི་ཡུལ་ནི་ཏོག་མཆོག་
ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུའོ། །ཡབ་ནི་གཞལ་མེད་མཆོག་ཅེས་བྱའོ། །ཡུམ་ནི་ཡོན་ཏན་ལྟ་ཞེས་བྱའོ། །སྲས་ནི་རྣམ་པར་སྣང་བྱེད་ཅེས་བྱའོ། །རིམ་གྲོ་པ་ནི་ཡང་སྲིད་ཐུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟག་པ་མེད་
པའི་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འགོག་པ་ཐོབ་ཅེས་བྱའོ། །འདུས་པ་དང་པོ་ལ་ནི་དགྲ་བཅོམ་པ་དུང་ཕྱུར་ཕྲག་བཞིའོ། །གཉིས་པ་ལ་ནི་དུང་ཕྱུར་ཕྲག་དྲུག་གོ། །གསུམ་པ་ལ་ནི་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་སྟོང་ངོ་། །དམ་པའི་ཆོས་ནི་ལོ་
བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །མཆོད་རྟེན་ནི་བརྒྱད་ཁྲི་འབྱུང་ངོ་། །དེ་བཞིན་གཤེགས་པ་ཡུལ་འཁོར་མེ་ཏོག་སྐྱེ་བའི་ཡུལ་ནི་ཡོན་ཏན་གྱིས་བརྒྱན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་སྟོང་ངོ་། །ཡབ་ནི་བསོད་

ནམས་དཔལ་ཞེས་བྱའོ། །ཡུམ་ནི་མེ་ཏོག་བྱིན་ཞེས་བྱའོ། །སྲས་ནི་པད་མ་དཀར་པོ་ཞེས་བྱའོ། །རིམ་གྲོ་པ་ནི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲོགས་ཐུལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞན་གྱིས་མི་ཐུབ་པའི་མཐུ་ཞེས་བྱའོ། །
འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ་། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཆོས་ཀྱི་བློ་གྲོས་སྐྱེ་བའི་ཡུལ་ནི་གྲོང་ཁྱེར་འདབ་
བཟངས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། །ཡབ་ནི་ཚངས་པ་སེམས་ཞེས་བྱའོ། །ཡུམ་ནི་བསམ་པས་བྱིན་ཞེས་བྱའོ། །སྲས་ནི་ནོར་དགའ་ཞེས་བྱའོ། །རིམ་གྲོ་པ་ནི་ཤིན་ཏུ་དགེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླས་བྱིན་དབྱངས་
ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཞི་བས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་རོ། །གསུམ་པ་ལ་ནི་དུང་ཕྱུར་ཕྲག་གསུམ་མོ། །སྐུ་ཚེའི་ཚད་ནི་ལོ་བདུན་ཁྲི་དགུ་སྟོང་ངོ་། །དམ་པའི་ཆོས་ནི་ལོ་དྲུག་ཁྲི་དགུ་
སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རླུང་གི་ཤུགས་ལྟར་གཤེགས་པ་སྐྱེ་བའི་ཡུལ་ནི་ཤིན་ཏུ་གནས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲི་ཉིས་སྟོང་ངོ་། །ཡབ་ནི་མི་འཐུན་པ་མེད་པའི་སེམས་ཞེས་བྱའོ། །
ཡུམ་ནི་ཐར་པ་དད་ཅེས་བྱའོ། །སྲས་ནི་བེའུ་དགའ་ཞེས་བྱའོ། །རིམ་གྲོ་པ་ནི་མེ་ཏོག་མྱ་ངན་འཚང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་ཏོག་མན་དཱ་ར་བའི་དྲི་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཙན་དན་འོད་ཅེས་བྱའོ། །ཉན་ཐོས་འདུས་པ་ནི་ལན་དགུ་བཅུ་སྟེ། །
ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་བསམས་གྲགས་པ་སྐྱེ་བའི་ཡུལ་ནི་བཀོད་པ་ཆེན་པོ་ཞེས་བྱའོ། །

རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་གཟི་བརྗིད་ཅེས་བྱའོ། །ཡུམ་ནི་གཟི་ལྡན་མ་ཞེས་བྱའོ། །སྲས་ནི་རླུང་སེམས་ཞེས་བྱའོ། །རིམ་གྲོ་པ་ནི་བློ་སྙོམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཚོགས་གསལ་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་གཞན་གྱིས་མི་ཐུབ་པའི་བློ་གྲོས་ཞེས་བྱའོ། །ཉན་ཐོས་འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་
འགྱུར་རོ། །དེ་བཞིན་གཤེགས་པ་སྣང་ལྡན་སྐྱེ་བའི་ཡུལ་ནི་སྐར་མའི་འོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་གློག་གིས་བྱིན་ཞེས་བྱའོ། །ཡུམ་ནི་བཟང་སྦྱིན་མ་ཞེས་བྱའོ། །སྲས་ནི་མཆོད་དགའ་ཞེས་བྱའོ། །རིམ་གྲོ་པ་ནི་
དོན་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་མཐོང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་དགའ་ཞེས་བྱའོ། །འདུས་པ་ནི་ལན་བརྒྱད་དེ། ཐམས་ཅད་ལ་ཡང་ཐེར་འབུམ་ཕྲག་སུམ་ཅུ་སུམ་ཅུའོ། །སྐུ་ཚེའི་ཚད་ནི་ལོ་སུམ་ཁྲི་ལྔ་སྟོང་ངོ་། །དམ་པའི་
ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྷ་ཚོགས་སྐྱེ་བའི་ཡུལ་ནི་མཚོན་ཆ་བཟང་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་ལྷ་མ་
ཡིན་གྱི་ལྷ་ཞེས་བྱའོ། །ཡུམ་ནི་ཀླུ་འོད་མ་ཞེས་བྱའོ། །སྲས་ནི་གཙོ་མཆོག་ཅེས་བྱའོ། །རིམ་གྲོ་པ་ནི་ཏོག་འཕགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀླུ་དབང་གྲགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་གཏོང་ཞེས་བྱའོ། །འདུས་པ་དང་པོ་ལ་
ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་ཕྲག་གཅིག་དང་བྱེ་བ་ཕྲག་ལྔའོ། །གསུམ་པ་ལ་ནི་དུང་ཕྱུར་ཕྲག་དགུའོ། །སྐུ་ཚེའི་ཚད་ནི་ལོ་ཉི་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་

བསྲུངས་སྐྱེ་བའི་ཡུལ་ནི་ཡོན་ཏན་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ། །ཡབ་ནི་ཡོན་ཏན་མཆོག་ཅེས་བྱའོ། །ཡུམ་ནི་ཡོན་ཏན་དཔལ་ཞེས་བྱའོ། །སྲས་ནི་རིན་ཆེན་མཆོད་ཅེས་བྱའོ། །རིམ་གྲོ་པ་ནི་མངོན་པར་དགའ་ཞེས་བྱའོ། །ཤེས་རབ་
ཅན་རྣམས་ཀྱི་མཆོག་ནི་ལེགས་པའི་བློ་གྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བླ་མ་ཞེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་དུང་ཕྱུར་ཕྲག་བཅུ་གསུམ་བཅུ་གསུམ་མོ། །སྐུ་ཚེའི་ཚད་ནི་ལོ་ཉི་ཁྲི་སུམ་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་
གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དོན་གྱི་བློ་གྲོས་སྐྱེ་བའི་ཡུལ་ནི་ཆོས་གསལ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་ཁྲི་བཞི་སྟོང་ངོ་། །ཡབ་ནི་མེ་ཏོག་རྒྱལ་པོ་ཞེས་བྱའོ། །
ཡུམ་ནི་གྲགས་ལྡན་མ་ཞེས་བྱའོ། །སྲས་ནི་པད་མ་ཅན་ཞེས་བྱའོ། །རིམ་གྲོ་པ་ནི་ལེགས་སྐྱེས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མི་གནས་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲང་སྲོང་ཟླ་བ་ཞེས་བྱའོ། །འདུས་པ་ནི་ལན་ཉི་ཤུ་རྩ་དགུ་སྟེ། ཐམས་
ཅད་ལ་ཡང་སྟོང་ཕྲག་བཅུ་གསུམ་བཅུ་གསུམ་མོ། །སྐུ་ཚེའི་ཚད་ནི་ལོ་དགུ་སྟོང་ངོ་། །དམ་པའི་ཆོས་ཀྱང་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསྙེངས་མེད་སྐྱེ་བའི་ཡུལ་ནི་ཟིལ་གྱིས་མི་ནོན་པ་ཞེས་བྱའོ། །རིགས་ནི་བྲམ་ཟེའོ། །
འོད་ནི་དཔག་ཚད་སྟོང་ངོ་། །ཡབ་ནི་སྟོབས་ལྷ་ཞེས་བྱའོ། །ཡུམ་ནི་ལེགས་བསམས་གྲགས་མ་ཞེས་བྱའོ། །སྲས་ནི་སྐྲག་མེད་ཅེས་བྱའོ། །རིམ་གྲོ་པ་ནི་མི་སྐྲག་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཞན་གྱིས་མི་ཐུབ་པའི་རྒྱལ་མཚན་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་ཚོགས་ཐུབ་ཅེས་བྱའོ། །འདུས་པ་ནི་ལན་དགུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཁྲི་དགུ་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་

གཅིག་ཏུ་ཟད་དོ། །དེ་བཞིན་གཤེགས་པ་གྲོགས་བརྟན་སྐྱེ་བའི་ཡུལ་ནི་བཀོད་པ་གནས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་སྟོང་ངོ་། །ཡབ་ནི་བཀོད་པ་བྱིན་ཞེས་བྱའོ། །ཡུམ་ནི་དགའ་སྡུག་ཅེས་བྱའོ། །སྲས་ནི་བློ་མི་
གཡོ་ཞེས་བྱའོ། །རིམ་གྲོ་པ་ནི་སེམས་སྙོམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེ་བར་གནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མདངས་ཀྱིས་འགྲོ་ཞེས་བྱའོ། །འདུས་པ་ནི་ལན་བཅྭ་ལྔ་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །
སྐུ་ཚེའི་ཚད་ནི་ལོ་བཞི་ཁྲིའོ། །དམ་པའི་ཆོས་ཀྱང་ལོ་བཞི་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་གནས་མཚུངས་སྐྱེ་བའི་ཡུལ་ནི་བཀོད་པ་བཅོས་པ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་དོ། །ཡབ་ནི་བདག་
ཉིད་ཐུལ་ཞེས་བྱའོ། །ཡུམ་ནི་སྡེས་མི་ཐུབ་ཅེས་བྱའོ། །སྲས་ནི་སྣ་ཚོགས་སྡེ་ཞེས་བྱའོ། །རིམ་གྲོ་པ་ནི་ཚངས་པའི་དབྱངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མ་ཆགས་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤྱོད་པ་མ་བཅོས་པ་ཞེས་བྱའོ། །འདུས་པ་ནི་ལན་
བཅུ་གཅིག་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་ཉི་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ནོར་བུའི་ཞབས་སྐྱེ་བའི་ཡུལ་ནི་ནོར་བུ་གསལ་ཞེས་བྱའོ། །རིགས་ནི་རྒྱལ་
རིགས་སོ། །འོད་ནི་དཔག་ཚད་ཉི་ཤུ་རྩ་གཉིས་སོ། །ཡབ་ནི་རིན་ཆེན་གྲགས་པ་ཞེས་བྱའོ། །ཡུམ་ནི་རིན་ཆེན་འཕགས་པ་ཞེས་བྱའོ། །སྲས་ནི་ནོར་བུའི་སྙིང་པོ་ཞེས་བྱའོ། །རིམ་གྲོ་པ་ནི་བྱམས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སེམས་པ་འོད་ཅེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་མི་ཚུགས་པ་ཞེས་བྱའོ། །འདུས་པ་ནི་ལན་བཅུ་བདུན་ཏེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་ལྔ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་

གཤེགས་པ་ཐར་པའི་གཟི་བརྗིད་སྐྱེ་བའི་ཡུལ་ནི་རྣམ་པར་ཐར་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བྱེ་བའོ། །ཡབ་ནི་ཆགས་པ་མེད་པའི་སེམས་ཞེས་བྱའོ། །ཡུམ་ནི་ཡིད་དགའ་མ་ཞེས་བྱའོ། །སྲས་ནི་སེམས་ཀྱི་རྒྱལ་པོ་ཞེས་བྱའོ། །རིམ་གྲོ་པ་ནི་
མཆོད་སྦྱིན་ལེགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟི་བརྗིད་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོད་འོས་ཅེས་བྱའོ། །འདུས་པ་ནི་ལན་དགུ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་ཉི་ཁྲི་ཆིག་སྟོང་ངོ་། །
དམ་པའི་ཆོས་ནི་ལོ་ལྔ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ངོས་བཟངས་སྐྱེ་བའི་ཡུལ་ནི་ཐུབ་པ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་གསུམ་མོ། །ཡབ་ནི་
མཆོད་སྦྱིན་ལེགས་མཆོད་བྱིན་ཞེས་བྱའོ། །ཡུམ་ནི་རིན་ཆེན་འོད་ཅེས་བྱའོ། །སྲས་ནི་ཁྱད་པར་སེམས་ཞེས་བྱའོ། །རིམ་གྲོ་པ་ནི་ལེགས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤུགས་བརྟན་འཛིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མདངས་ཐོབ་ཅེས་བྱའོ། །
འདུས་པ་དང་པོ་ལ་ནི་ཉན་ཐོས་བྱེ་བ་སྟོང་ཕྲག་དགུ་བཅུའོ། །གཉིས་པ་ལ་ནི་བྱེ་བ་སྟོང་ཕྲག་ལྔའོ། །གསུམ་པ་ལ་ནི་བྱེ་བ་སྟོང་ཕྲག་བརྒྱད་དོ། །བཞི་པ་ལ་ནི་བྱེ་བ་སྟོང་ཕྲག་བཅུའོ། །སྐུ་ཚེའི་ཚད་ནི་ལོ་བདུན་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །
སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་བཟངས་སྐྱེ་བའི་ཡུལ་ནི་སངས་རྒྱས་ཅན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བྱེ་བའོ། །ཡབ་ནི་ཐར་པ་དགའ་ཞེས་བྱའོ། །ཡུམ་ནི་ཡོན་ཏན་མཐའ་ཡས་མ་ཞེས་
བྱའོ། །སྲས་ནི་སྐྱེ་བའི་མཆོད་རྟེན་ཞེས་བྱའོ། །རིམ་གྲོ་པ་ནི་ལྟ་བ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྩལ་བདག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྣམ་པར་དག་པའི་ཏོག་ཅེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལ་ཡང་བྱེ་བ་ཕྲག་

སུམ་ཅུ་རྩ་དྲུག་དྲུག་གོ། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཀུན་ཏུ་གཟི་བརྗིད་སྐྱེ་བའི་ཡུལ་ནི་སྒྲིབ་པ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་
ཚད་ཉི་ཤུའོ། །ཡབ་ནི་ས་གའི་སེམས་ཞེས་བྱའོ། །ཡུམ་ནི་སེམས་མི་འཁྲུག་ཅེས་བྱའོ། །སྲས་ནི་ལྷུན་པོའི་རྒྱལ་མཚན་ཞེས་བྱའོ། །རིམ་གྲོ་པ་ནི་སེང་གེའི་མཐུ་རྩལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཆོས་ཀྱིས་བལྟ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་
བདུད་རྩི་གྲགས་པ་ཞེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ཀྱང་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་
བཞིན་གཤེགས་པ་ཡེ་ཤེས་མཆོག་སྐྱེ་བའི་ཡུལ་ནི་ཡེ་ཤེས་དམ་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གཅིག་གོ། །ཡབ་ནི་བློ་གྲོས་གྱ་ནོམ་ཞེས་བྱའོ། །ཡུམ་ནི་བསོད་ནམས་བྱིན་ཞེས་བྱའོ། །སྲས་ནི་ཆོས་དཔལ་ཞེས་བྱའོ། །རིམ་གྲོ་པ་ནི་ཆོས་དགའ་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་བསོད་ནམས་དག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུག་མེད་གྲགས་ཞེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་དགུ་དགུའོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ཀྱང་ལོ་བརྒྱད་ཁྲིའི་
བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པར་གནས་སྐྱེ་བའི་ཡུལ་ནི་བདེ་བས་མཐོང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་སེམས་གསལ་ཞེས་བྱའོ། །ཡུམ་ནི་ཚངས་བྱིན་མ་ཞེས་བྱའོ། །སྲས་ནི་གཟུངས་
ཀྱི་དབང་ཕྱུག་ཅེས་བྱའོ། །རིམ་གྲོ་པ་ནི་སྒྲ་མི་ཟད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲོགས་མཁས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་གཏོང་ཞེས་བྱའོ། །འདུས་པ་ནི་ལན་ལྔ་བཅུ་རྩ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་བདུན་སྟོང་བདུན་སྟོང་ངོ་། །སྐུ་ཚེའི་ཚད་

ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བདེན་པ་གསུང་སྐྱེ་བའི་ཡུལ་ནི་ཀུན་ཏུ་སྐར་མདའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་
དྲུག་བརྒྱའོ། །ཡབ་ནི་སྐྱེ་བོའི་དབང་པོ་ཞེས་བྱའོ། །ཡུམ་ནི་ཀུ་མུ་དའི་སོ་ཞེས་བྱའོ། །སྲས་ནི་བདེན་དཔལ་ཞེས་བྱའོ། །རིམ་གྲོ་པ་ནི་དབང་པོ་བསྡམས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཐུ་ལྡན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་ཆེན་པོ་ཞེས་བྱའོ། །
འདུས་པ་ནི་ལན་བཅུ་བཞི་སྟེ། །ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ཀྱང་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བློ་བཟངས་སྐྱེ་བའི་ཡུལ་ནི་འོད་ཟེར་རྣམ་པར་འཕྲོ་བ་ཞེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་སྟོང་བཞི་བརྒྱའོ། །ཡབ་ནི་བརྟུལ་ཞུགས་སེམས་ཞེས་བྱའོ། །ཡུམ་ནི་སྐར་མདའ་འཆང་ཞེས་བྱའོ། །སྲས་ནི་མཆོད་རྟེན་མཆོད་ཅེས་བྱའོ། །རིམ་གྲོ་པ་ནི་བྱང་ཆུབ་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཤིན་ཏུ་བརྟན་པའི་
འགྲོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོབས་བརྟན་ཞེས་བྱའོ། །འདུས་པ་ནི་ལན་བདུན་ཅུ་རྩ་ལྔ་སྟེ། ཐམས་ཅད་ལ་ཡང་འབུམ་ཕྲག་སུམ་ཅུ་རྩ་དྲུག་དྲུག་གོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་
འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྟོབས་བྱིན་སྐྱེ་བའི་ཡུལ་ནི་མ་སྨད་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བཅུ་རྩ་དྲུག་གོ། །ཡབ་ནི་གཞན་གྱིས་མི་ཐུབ་པར་གྲགས་པ་ཞེས་བྱའོ། །ཡུམ་ནི་མེ་ཏོག་ཅན་ཞེས་བྱའོ། །
སྲས་ནི་སྐྱེ་བའི་མཆོད་རྟེན་ཞེས་བྱའོ། །རིམ་གྲོ་པ་ནི་སྐྱོན་མེད་པར་གནས་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་ཏུ་འཛིན་པའི་བློ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དེས་པར་དགའ་ཞེས་བྱའོ། །འདུས་པ་ནི་ལན་བདུན་ཅུ་རྩ་གཉིས་ཏེ། ཐམས་ཅད་ལ་

ཡང་འབུམ་ཕྲག་སུམ་ཅུ་རྩ་གསུམ་གསུམ་མོ། །སྐུ་ཚེའི་ཚད་ནི་ལོ་བྱེ་བ་ཕྲག་གསུམ་མོ། །དམ་པའི་ཆོས་ཀྱང་ལོ་བྱེ་བ་ཕྲག་གསུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སེང་གེ་སྟབས་
སྐྱེ་བའི་ཡུལ་ནི་དབྱངས་མཆོག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་བརྒྱའོ། །ཡབ་ནི་ལྷ་འདོད་ཅེས་བྱའོ། །ཡུམ་ནི་ཕན་འགྲོ་མ་ཞེས་བྱའོ། །སྲས་ནི་ལྷ་མཆོག་ཅེས་བྱའོ། །རིམ་གྲོ་པ་ནི་མྱ་ངན་སེལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འདམ་ལས་
རྒལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགྲ་བཅོམ་བསྲུངས་ཞེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་དགུ་ཁྲི་བཞི་སྟོང་ངོ་། །དམ་པའི་ཆོས་ཀྱང་ལོ་དགུ་ཁྲི་བཞི་སྟོང་གི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མེ་ཏོག་གི་ཏོག་སྐྱེ་བའི་ཡུལ་ནི་མེ་ཏོག་དྲི་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་སྟོང་ངོ་། །ཡབ་ནི་དབྱིག་གི་ཟླ་བ་ཞེས་བྱའོ། །ཡུམ་ནི་མེ་ཏོག་འོད་ཅེས་བྱའོ། །སྲས་ནི་མེ་ཏོག་སོ་ཞེས་བྱའོ། །
རིམ་གྲོ་པ་ནི་ལྷའི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགྲ་བཅོམ་བྱིན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྟོན་དགའ་ཞེས་བྱའོ། །འདུས་པ་ནི་ལན་དགུ་སྟེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་
ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡེ་ཤེས་འབྱུང་གནས་སྐྱེ་བའི་ཡུལ་ནི་ཡོན་ཏན་འབྱུང་གནས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་ཡོན་
ཏན་མཆོད་གནས་ཞེས་བྱའོ། །ཡུམ་ནི་ཁ་ལོ་སྒྱུར་དགའ་ཞེས་བྱའོ། །སྲས་ནི་འོད་ཟེར་བཟང་པོ་ཞེས་བྱའོ། །རིམ་གྲོ་པ་ནི་བཀྲ་ཤིས་འཛིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འོད་བྱིན་ཞེས་བྱའོ། །འདུས་

པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་དགུ་དགུའོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་མེ་ཏོག་བྱིན་སྐྱེ་བའི་ཡུལ་ནི་བསོད་ནམས་འདོད་ཅེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་གཅིག་གོ། །ཡབ་ནི་ལྷ་བཟང་ཞེས་བྱའོ། །ཡུམ་ནི་ཡོན་ཏན་རིན་ཆེན་གཟི་བརྗིད་ཅེས་བྱའོ། །སྲས་ནི་རྣམ་པར་ལྟ་བ་གྲགས་པ་དཔག་མེད་ཅེས་བྱའོ། །རིམ་གྲོ་པ་ནི་བརྩོན་འགྲུས་ཐོབ་ཅེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་ཡིད་ཀྱིས་དཔྱོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིགས་མེད་བློ་ཞེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་དུང་ཕྱུར་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་
གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡོན་ཏན་སྙིང་པོ་སྐྱེ་བའི་ཡུལ་ནི་ལྷའི་ཕོ་ཉ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔའོ། །ཡབ་ནི་ནོར་བྱིན་ཞེས་བྱའོ། །ཡུམ་ནི་རིན་ཆེན་སྡོང་ཞེས་བྱའོ། །སྲས་ནི་སྐྱོན་མེད་
ཅེས་བྱའོ། །རིམ་གྲོ་པ་ནི་ཡིད་འཐད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཏོག་མཐུ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲན་པས་འགྲོ་ཞེས་བྱའོ། །ཉན་ཐོས་འདུས་པ་ནི་ལན་བཅུ་བདུན་ཏེ། ཐམས་ཅད་ལ་ཡང་ཁྲི་ཕྲག་རེ་རེར་མཚུངས་སོ། །སྐུ་ཚེའི་
ཚད་ནི་ལོ་ཉི་ཁྲི་ཆིག་སྟོང་ངོ་། །དམ་པའི་ཆོས་ཀྱང་ལོ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རིན་ཆེན་གྲགས་པ་སྐྱེ་བའི་ཡུལ་ནི་གྲགས་བདག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་དགེ་བ་དགའ་
ཞེས་བྱའོ། །ཡུམ་ནི་སྤྱོད་ལམ་ལྡན་མ་ཞེས་བྱའོ། །སྲས་ནི་སྣ་ཚོགས་སེམས་ཞེས་བྱའོ། །རིམ་གྲོ་པ་ནི་རིག་གསུམ་ལྡན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རིག་སྔགས་འཆང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྨན་པ་ཆེན་པོ་ཞེས་བྱའོ། །དགྲ་

བཅོམ་པ་འདུས་པ་ནི་ལན་ཉི་ཤུ་རྩ་དགུ་སྟེ། ཐམས་ཅད་ལ་ཡང་བྱེ་བ་དྲུག་ཅུ་རྩ་རེ་རེའོ། །སྐུ་ཚེའི་ཚད་ནི་ལོ་ཉི་ཁྲི་ཉིས་སྟོང་ངོ་། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གྲགས་པ་རྨད་དུ་བྱུང་བ་སྐྱེ་བའི་ཡུལ་ནི་
ལྷའི་ཕོ་ཉ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་བསོད་ནམས་དགའ་ཞེས་བྱའོ། །ཡུམ་ནི་བསོད་ནམས་ཅན་ཞེས་བྱའོ། །སྲས་ནི་བསོད་ནམས་ཆེན་པོ་ཞེས་བྱའོ། །རིམ་གྲོ་པ་ནི་བསོད་ནམས་མི་དམན་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་
ནི་ཆོས་ཀྱི་རྒྱལ་མཚན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སེང་གེའི་སྟབས་ལྟར་འགྲོ་ཞེས་བྱའོ། །འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་
གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མི་ཚུགས་པ་སྐྱེ་བའི་ཡུལ་ནི་བལྟ་ན་སྡུག་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བཅུ་རྩ་ལྔའོ། །ཡབ་ནི་འོད་གསལ་ཞེས་བྱའོ། །ཡུམ་ནི་སྣང་བ་མཐའ་ཡས་མ་ཞེས་བྱའོ། །སྲས་
ནི་སྤོབས་པའི་བློ་ཞེས་བྱའོ། །རིམ་གྲོ་པ་ནི་ཐོས་པའི་འབྱུང་གནས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྤོབས་པའི་ལྷ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྒོལ་བ་རབ་འཇོམས་ཞེས་བྱའོ། །ཉན་ཐོས་འདུས་པ་ནི་ལན་དྲུག་སྟེ། ཐམས་ཅད་ལ་ཡང་བྱེ་བ་ཕྲག་དགུ་
དགུའོ། །སྐུ་ཚེའི་ཚད་ནི་ལོ་ཁྲི་སུམ་སྟོང་ངོ་། །དམ་པའི་ཆོས་ནི་ལོ་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསྙེངས་མེད་སྐྱེ་བའི་ཡུལ་ནི་གཟི་བརྗིད་སྐྱེ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉི་ཤུ་རྩ་
བདུན་ནོ། །ཡབ་ནི་ཡུལ་འཁོར་ལྷ་ཞེས་བྱའོ། །ཡུམ་ནི་ཚངས་དབྱངས་མ་ཞེས་བྱའོ། །སྲས་ནི་དབྱངས་མཁས་ཞེས་བྱའོ། །རིམ་གྲོ་པ་ནི་རྒོལ་བས་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐར་མདའ་འཆང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞལ་

མེད་མཆོག་ཅེས་བྱའོ། །ཉན་ཐོས་འདུས་པ་ནི་ལན་སུམ་ཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་ཉི་ཤུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་ལྔ་སྟོང་ངོ་། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་
ཡང་གཅིག་ཏུ་ཟད་དོ། །དེ་བཞིན་གཤེགས་པ་ཉི་མའི་འོད་སྐྱེ་བའི་ཡུལ་ནི་བསོད་ནམས་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱད་ཁྲིའོ། །ཡབ་ནི་བདེན་པ་བྱིན་ཞེས་བྱའོ། །ཡུམ་ནི་རིན་ཆེན་བློ་གྲོས་མ་ཞེས་བྱའོ། །སྲས་ནི་སྐྱེ་བའི་དབང་པོས་བྱིན་ཞེས་
བྱའོ། །རིམ་གྲོ་པ་ནི་དྲི་ཟའི་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཐོས་པའི་འབྱུང་གནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལྷ་ཆོས་ཞེས་བྱའོ། །ཉན་ཐོས་འདུས་པ་ནི་ལན་བརྒྱད་དེ། ཐམས་ཅད་ལ་ཡང་ཐེར་འབུམ་བདུན་ཅུ་བདུན་ཅུའོ། །སྐུ་ཚེའི་ཚད་ནི་ལོ་
བཞི་ཁྲིའོ། །དམ་པའི་ཆོས་ནི་ལོ་ཁྲི་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པར་གཤེགས་སྐྱེ་བའི་ཡུལ་ནི་སྙན་པ་མ་སྨད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་མཐུ་ལྡན་ཞེས་བྱའོ། །
ཡུམ་ནི་ང་རྒྱལ་དང་རྒྱགས་པ་ལས་རྣམ་པར་གྲོལ་བ་ཞེས་བྱའོ། །སྲས་ནི་མཚན་གྱིས་རྣམ་པར་སྤྲས་པ་ཞེས་བྱའོ། །རིམ་གྲོ་པ་ནི་ཡིད་མི་སྐྱོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མཁས་པའི་བློ་ཅན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚངས་པའི་སྒྲ་དབྱངས་
ཞེས་བྱའོ། །ཉན་ཐོས་འདུས་པ་ནི་ལན་བཅྭ་ལྔ་སྟེ། ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་སུམ་ཁྲི་བདུན་སྟོང་ངོ་། །དམ་པའི་ཆོས་ཀྱང་ལོ་ཉི་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷའི་མཐུ་རྩལ་སྐྱེ་བའི་
ཡུལ་ནི་མངོན་དུ་འགྲོ་བར་བྱ་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་ཐམས་ཅད་བྱིན་ཞེས་བྱའོ། །ཡུམ་ནི་བློ་གྲོས་བཟང་མོ་ཞེས་བྱའོ། །སྲས་ནི་ཐམས་ཅད་འདོད་ཅེས་བྱའོ། །རིམ་གྲོ་པ་ནི་མངོན་པར་གྲགས་ཞེས་བྱའོ། །ཤེས་རབ་ཅན་

རྣམས་ཀྱི་མཆོག་ནི་གཟི་བརྗིད་བཟང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དྲི་མ་མེད་པའི་སྙིང་པོ་ཞེས་བྱའོ། །ཉན་ཐོས་འདུས་པ་ནི་ལན་བརྒྱ་སྟེ། ཐམས་ཅད་ལ་ཡང་བྱེ་བ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་བརྒྱད་སྟོང་གི་
བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་དགྱེས་སྐྱེ་བའི་ཡུལ་ནི་དགའ་བ་དད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔའོ། །ཡབ་ནི་འཕགས་པ་དད་ཅེས་བྱའོ། །ཡུམ་ནི་ལྷས་མཆོད་མ་ཞེས་བྱའོ། །སྲས་ནི་མཆོད་
འོས་ཞེས་བྱའོ། །རིམ་གྲོ་པ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་སྟོང་གི་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཉམ་པར་གནས་ཞེས་བྱའོ། །ཉན་ཐོས་འདུས་པ་ནི་ལན་སུམ་ཅུ་རྩ་གཅིག་སྟེ། ཐམས་ཅད་ལ་ཡང་སུམ་ཁྲི་སུམ་
ཁྲིའོ། །སྐུ་ཚེའི་ཚད་ནི་ལོ་དགུ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལྷ་བདེན་སྐྱེ་བའི་ཡུལ་ནི་ལྷས་མཆོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་མཐའ་ཡས་སོ། །ཡབ་ནི་མཆོད་འོས་ཞེས་བྱའོ། །ཡུམ་ནི་མཆོད་འདོད་མ་ཞེས་བྱའོ། །
སྲས་ནི་ཚངས་པའི་འཁོར་ལོ་ཞེས་བྱའོ། །རིམ་གྲོ་པ་ནི་འཇིག་རྟེན་ལྷ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་མཆོད་གནས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་བཟངས་ཞེས་བྱའོ། །འདུས་པ་ནི་ལན་སྟོང་སྟེ། ཐམས་ཅད་ལ་ཡང་ཐེར་འབུམ་ཕྲག་དྲུག་
དྲུག་གོ། །སྐུ་ཚེའི་ཚད་ནི་ལོ་སུམ་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་བདུན་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ནོར་བུའི་སྙིང་པོ་སྐྱེ་བའི་ཡུལ་ནི་ཡོན་ཏན་ཐམས་ཅད་ཀྱིས་མཛེས་
པར་བྱས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་མིའི་ཟླ་བ་ཞེས་བྱའོ། །ཡུམ་ནི་རིན་ཆེན་སྒྲོན་མ་ཞེས་བྱའོ། །སྲས་ནི་ཕྱོགས་ཀྱི་མཐུ་རྩལ་ཞེས་བྱའོ། །རིམ་གྲོ་པ་ནི་ཡོན་ཏན་འཕེལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་ངེས་

ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་མི་འཁྲུལ་ཞེས་བྱའོ། །ཉན་ཐོས་འདུས་པ་ནི་ལན་བཞི་བཅུ་རྩ་དགུ་སྟེ། ཐམས་ཅད་ལ་ཡང་བྱེ་བ་ཕྲག་ལྔ་བཅུ་རྩ་གསུམ་གསུམ་མོ། །སྐུ་ཚེའི་ཚད་ནི་ལོ་ལྔ་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་ལྔ་ཁྲི་ཆིག་སྟོང་གི་བར་དུ་གནས་སོ། །སྐུ་
གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཡོན་ཏན་གྲགས་སྐྱེ་བའི་ཡུལ་ནི་རིན་པོ་ཆེའི་སྒྲོན་མ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་གསུམ་མོ། །ཡབ་ནི་འཕགས་པའི་ལྷ་ཞེས་བྱའོ། །ཡུམ་ནི་ཤིན་ཏུ་
མཛེས་མ་ཞེས་བྱའོ། །སྲས་ནི་དྲང་སྲོང་བྱིན་ཞེས་བྱའོ། །རིམ་གྲོ་པ་ནི་སྤོང་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་སེམས་དཔའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དབང་ཕྱུག་ཆེན་པོ་ཞེས་བྱའོ། །འདུས་པ་དང་པོ་ལ་ནི་ཉན་ཐོས་བྱེ་བ་ཕྲག་དྲུག་གོ། །
གཉིས་པ་ལ་ནི་བྱེ་བ་ཕྲག་བདུན་ནོ། །གསུམ་པ་ལ་ནི་བྱེ་བ་ཕྲག་བརྒྱད་དོ། །སྐུ་ཚེའི་ཚད་ནི་ལོ་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་དཔག་ཚད་བརྒྱད་སྟོང་དྲུག་བརྒྱ་པ་སྟེ་གཅིག་ཏུ་ཟད་དོ། །
དེ་བཞིན་གཤེགས་པ་ཡེ་ཤེས་དཔལ་སྐྱེ་བའི་ཡུལ་ནི་ཡོན་ཏན་ཕུང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ཁྲིའོ། །ཡབ་ནི་སྐྱེ་བོའི་མཆོད་རྟེན་ཞེས་བྱའོ། །ཡུམ་ནི་ཡོན་ཏན་ཟླ་བ་ཞེས་བྱའོ། །སྲས་ནི་སྐལ་ལྡན་ཤིང་རྟ་ཞེས་བྱའོ། །རིམ་གྲོ་པ་ནི་ཉི་མའི་ལྷ་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་མཐུ་རྩལ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་གྲགས་པ་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཉིས་ཏེ། ཐམས་ཅད་ལ་ཡང་བྱེ་བ་ཕྲག་འབུམ་མོ། །སྐུ་ཚེའི་ཚད་ནི་ལོ་བདུན་སྟོང་ངོ་། །དམ་པའི་ཆོས་ཀྱང་ལོ་
བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བཅིངས་མེད་སྐྱེ་བའི་ཡུལ་ནི་འོད་མཐའ་ཡས་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཅུ་རྩ་བཞི་པའོ། །ཡབ་ནི་ཆུ་ལྷའི་ལྷ་ཞེས་བྱའོ། །ཡུམ་ནི་ཟླ་ལྡན་མ་ཞེས་བྱའོ། །

སྲས་ནི་དགེ་མཆོག་རྒྱལ་པོ་ཞེས་བྱའོ། །རིམ་གྲོ་པ་ནི་ཡོན་ཏན་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་དུ་འོང་བར་གནས་པ་ཞེས་བྱའོ། །ཉན་ཐོས་འདུས་པ་ནི་ལན་སུམ་ཅུ་རྩ་གསུམ་སྟེ།
ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བརྟུལ་ཞུགས་བརྟན་སྐྱེ་བའི་ཡུལ་ནི་མ་སྨད་པ་ཞེས་
བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་སྤོས་ལྡན་ཞེས་བྱའོ། །ཡུམ་ནི་ཡིད་འོང་སྤོས་ཞེས་བྱའོ། །སྲས་ནི་ཀུན་ཏུ་གཟི་བརྗིད་ཅེས་བྱའོ། །རིམ་གྲོ་པ་ནི་ཡེ་ཤེས་རྣམ་པར་འཐོར་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་མཛོད་འཆང་ཞེས་བྱའོ། །
རྫུ་འཕྲུལ་ཅན་རྣམས་ཀྱི་མཆོག་ནི་ཡེ་ཤེས་ཉི་མ་ཞེས་བྱའོ། །ཉན་ཐོས་འདུས་པ་ནི་ལན་བཅུ་གསུམ་སྟེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་
གཤེགས་པ་ལྷའི་གཟི་བརྗིད་སྐྱེ་བའི་ཡུལ་ནི་འགྲོ་བའི་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་ལྷས་བསྲུངས་ཞེས་བྱའོ། །ཡུམ་ནི་ཐར་པ་ལྷ་ཞེས་བྱའོ། །སྲས་ནི་ལྷ་ལ་དད་ཅེས་བྱའོ། །རིམ་གྲོ་པ་ནི་སྲིད་གསུམ་མྱ་ངན་མེད་ཅེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་རྩེ་མོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྙན་པར་གྲགས་ཞེས་བྱའོ། །ཉན་ཐོས་འདུས་པ་ནི་ལན་བདུན་ཅུ་སྟེ། ཐམས་ཅད་ལ་ཡང་ཉིས་འབུམ་ཉིས་འབུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་ཐེར་འབུམ་གྱི་བར་
དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚངས་པ་ཐུབ་སྐྱེ་བའི་ཡུལ་ནི་ལེགས་བསམས་གྲགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བརྒྱའོ། །ཡབ་ནི་མ་སྨད་པ་ཞེས་བྱའོ། །ཡུམ་ནི་དབང་པོ་དུལ་ཞེས་བྱའོ། །སྲས་ནི་ཕྱག་

དགའ་ཞེས་བྱའོ། །རིམ་གྲོ་པ་ནི་ཞི་གནས་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་ཏོག་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དབྱངས་སྙན་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་བཞི་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་
ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དལ་གྱིས་བཞུད་སྐྱེ་བའི་ཡུལ་ནི་དགའ་བས་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། །ཡབ་ནི་ཡོན་
ཏན་ཕུང་པོ་ཞེས་བྱའོ། །ཡུམ་ནི་ཡོན་ཏན་གྱི་ཚོགས་ཞེས་བྱའོ། །སྲས་ནི་ཀུན་ཏུ་གསལ་ཞེས་བྱའོ། །རིམ་གྲོ་པ་ནི་ཚོགས་དབྱངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་གྲགས་མཛེས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཀུན་འབྱུང་ཞེས་བྱའོ། །
ཉན་ཐོས་འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་འབུམ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་ལྔ་ཁྲི་བདུན་སྟོང་ངོ་། །དམ་པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་
པ་བརྟུལ་ཞུགས་དཀའ་ཐུབ་སྐྱེ་བའི་ཡུལ་ནི་འོད་ཆེན་པོ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་གོ། །ཡབ་ནི་འོད་ཟེར་ཆེན་པོ་ཞེས་བྱའོ། །ཡུམ་ནི་ཡིད་འོང་གཟི་བརྗིད་ཅེས་བྱའོ། །སྲས་ནི་བཞིན་མ་ཞུམ་ཞེས་བྱའོ། །རིམ་གྲོ་པ་ནི་ངོམས་པ་མེད་པའི་བློ་
ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་ཚོགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྒྲིབ་མེད་མ་རྨོངས་པ་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་ཐེར་འབུམ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་དྲུག་ཁྲི་ཉིས་སྟོང་ངོ་། །
དམ་པའི་ཆོས་ནི་ལོ་དྲུག་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་ཟེར་ཕུང་པོ་སྐྱེ་བའི་ཡུལ་ནི་ཀླུ་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་

རྟེན་གྱི་ཁམས་བཅུ་ཙམ་མོ། །ཡབ་ནི་འོད་ཆེན་པོ་ཞེས་བྱའོ། །ཡུམ་ནི་འཇིག་རྟེན་སྒྲོན་མ་ཞེས་བྱའོ། །སྲས་ནི་གཟི་བརྗིད་མེ་ཏོག་ཅེས་བྱའོ། །རིམ་གྲོ་པ་ནི་གཟི་བརྗིད་ཐུལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་པད་མའི་དྲི་ཞེས་བྱའོ། །རྫུ་འཕྲུལ་ཅན་རྣམས་
ཀྱི་མཆོག་ནི་ཐུབ་པ་མེད་པའི་མཐུ་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་ཉི་ཁྲི་ཉི་ཁྲིའོ། །སྐུ་ཚེའི་ཚད་ནི་ལོ་སུམ་ཁྲིའོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བརྗིད་
ཆེན་པོ་སྐྱེ་བའི་ཡུལ་ནི་གཟི་བརྗིད་ཁྱད་པར་དུ་འཕགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་འགྲོས་བརྟན་ཞེས་བྱའོ། །ཡུམ་ནི་དབང་སྒྱུར་མ་ཞེས་བྱའོ། །སྲས་ནི་འོད་གསལ་ཞེས་བྱའོ། །རིམ་གྲོ་པ་ནི་འཇམ་པའི་དབྱངས་ཞེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་ཤེས་རབ་ཕུང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཆོག་གི་བློ་གྲོས་ཞེས་བྱའོ། །ཉན་ཐོས་འདུས་པ་ནི་ལན་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བདུན་སྟོང་གི་བར་དུ་
གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཙམ་པ་ཀ་སྐྱེ་བའི་ཡུལ་ནི་སྤོས་ལྡན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་ཅུའོ། །ཡབ་ནི་བསོད་ནམས་འོད་ཅེས་བྱའོ། །ཡུམ་ནི་མཐོང་ན་
ཡིད་འོང་ཞེས་བྱའོ། །སྲས་ནི་སེང་གེའི་ལྟ་སྟངས་ཞེས་བྱའོ། །རིམ་གྲོ་པ་ནི་གླང་པོ་ཆེའི་ལྟ་སྟངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱལ་མཆོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་རྒྱལ་ཞེས་བྱའོ། །ཉན་ཐོས་འདུས་པ་ནི་ལན་བྱེ་བ་ཕྲག་བཅུ་སྟེ།
ཐམས་ཅད་ལ་ཡང་བྱེ་བ་ཕྲག་བཅུ་དགུ་བཅུ་དགུའོ། །སྐུ་ཚེའི་ཚད་ནི་ལོ་སུམ་ཁྲི་བདུན་སྟོང་ངོ་། །དམ་པའི་ཆོས་ནི་ལོ་ཁྲི་བརྒྱད་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགའ་མཛད་སྐྱེ་བའི་ཡུལ་ནི་དགའ་མཆོག་ཅེས་བྱའོ། །རིགས་ནི་

རྒྱལ་རིགས་སོ། །འོད་ནི་གླིང་ཆེན་པོ་བཞི་པ་བཅྭ་ལྔ་ཙམ་མོ། །ཡབ་ནི་དགའ་འོད་ཅེས་བྱའོ། །ཡུམ་ནི་མཆོད་འོས་མ་ཞེས་བྱའོ། །སྲས་ནི་ཀླུ་སྤོས་ཞེས་བྱའོ། །རིམ་གྲོ་པ་ནི་ཚུལ་ཁྲིམས་འོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་སྨྲ་དབྱངས་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་ཆོས་སྨྲ་དབྱངས་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་ཁྲི་ཕྲག་བརྒྱད་སྟོང་བརྒྱད་སྟོང་ངོ་། །སྐུ་ཚེའི་ཚད་ནི་ལོ་ལྔ་སྟོང་ངོ་། །དམ་པའི་ཆོས་ཀྱང་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །
མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཚོགས་ཅན་བཟང་པོ་སྐྱེ་བའི་ཡུལ་ནི་ཚོགས་ལྡན་གསལ་བ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲིའོ། །ཡབ་ནི་ཉི་མའི་ཏོག་ཅེས་བྱའོ། །ཡུམ་ནི་ཉི་མའི་སྙིང་པོ་ཞེས་བྱའོ། །སྲས་ནི་འགྲོས་མཛེས་
ཞེས་བྱའོ། །རིམ་གྲོ་པ་ནི་ནོར་ལྷའི་བུ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བྱང་ཆུབ་དགའ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་འབྱུང་གནས་ཞེས་བྱའོ། །ཉན་ཐོས་འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བདུན་བདུན་
ནོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དབང་པོའི་རྒྱལ་མཚན་སྐྱེ་བའི་ཡུལ་ནི་རིན་པོ་ཆེའི་རྒྱལ་མཚན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །
ཡབ་ནི་བསོད་ནམས་རྒྱལ་མཚན་ཞེས་བྱའོ། །ཡུམ་ནི་ཡོན་ཏན་རྒྱལ་མཚན་ཞེས་བྱའོ། །སྲས་ནི་ཆོས་ཀྱི་བློ་ཞེས་བྱའོ། །རིམ་གྲོ་པ་ནི་འཁྲུལ་མེད་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡིད་འོང་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དགེ་བའི་ཚོགས་ཞེས་
བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་དུང་ཕྱུར་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བདུན་འབུམ་མོ། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྱེས་པ་ཆེན་པོ་སྐྱེ་བའི་

ཡུལ་ནི་ཡོན་ཏན་སྟོང་སྙེད་སྣང་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་དྲུག་གོ། །ཡབ་ནི་མཛོད་མཐའ་ཡས་ཞེས་བྱའོ། །ཡུམ་ནི་ཡེ་ཤེས་འཇིགས་མེད་མ་ཞེས་བྱའོ། །སྲས་ནི་བྱང་ཆུབ་སེམས་ཞེས་བྱའོ། །རིམ་གྲོ་པ་ནི་བརྩོན་འགྲུས་བརྟན་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་མ་སྨད་གྲགས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡིད་འོང་འདོད་ཅེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་གཅིག་སྟེ། ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ནི་ལོ་འབུམ་གྱི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྣ་མའི་མེ་ཏོག་འོད་སྐྱེ་བའི་ཡུལ་ནི་མེ་ཏོག་གཟི་བརྗིད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་བརྒྱའོ། །ཡབ་ནི་མེ་ཏོག་བླ་མ་ཞེས་བྱའོ། །ཡུམ་ནི་མེ་ཏོག་ཅན་ཞེས་བྱའོ། །སྲས་ནི་མེ་ཏོག་ཟླ་བ་ཞེས་བྱའོ། །
རིམ་གྲོ་པ་ནི་མེ་ཏོག་གི་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་མེ་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་པད་མ་དཀར་པོའི་སྙིང་པོ་ཞེས་བྱའོ། །ཉན་ཐོས་འདུས་པ་ནི་ལན་སྟོང་སྟེ། ཐམས་ཅད་ལ་ཡང་དྲུག་འབུམ་དྲུག་ཁྲི་དྲུག་ཁྲིའོ། །སྐུ་ཚེའི་ཚད་ནི་ལོ་
དུང་ཕྱུར་ཕྲག་བརྒྱད་དོ། །དམ་པའི་ཆོས་ཀྱང་ལོ་དུང་ཕྱུར་ཕྲག་བརྒྱད་ཀྱི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཚོགས་ཅན་འོད་སྐྱེ་བའི་ཡུལ་ནི་ཁ་ལོ་སྒྱུར་བའི་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཅུ་བཞིའོ། །ཡབ་ནི་
ཡོན་ཏན་འོད་ཅེས་བྱའོ། །ཡུམ་ནི་ལྷས་མཆོད་མ་ཞེས་བྱའོ། །སྲས་ནི་བསོད་ནམས་གསལ་ཞེས་བྱའོ། །རིམ་གྲོ་པ་ནི་གྲགས་པ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཕགས་པ་གསལ་ཞེས་བྱའོ། །ཉན་
ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་དགུ་ཁྲི་དགུ་ཁྲིའོ། །སྐུ་ཚེའི་ཚད་ནི་ལོ་བདུན་སྟོང་ངོ་། །དམ་པའི་ཆོས་ཀྱང་ལོ་བདུན་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྐྲུན་པར་མཛད་

པ་སྐྱེ་བའི་ཡུལ་ནི་ཤིན་ཏུ་མཛེས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུ་རྩ་གཉིས་སོ། །ཡབ་ནི་ཁུར་སྟོབས་ཅན་ཞེས་བྱའོ། །ཡུམ་ནི་ཉི་མ་ཅན་ཞེས་བྱའོ། །སྲས་ནི་གྲགས་པའི་དབང་པོ་ཞེས་བྱའོ། །རིམ་གྲོ་པ་ནི་ཏོག་གི་ཕུང་པོ་ཞེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་རིན་ཆེན་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་དཔལ་ཞེས་བྱའོ། །ཉན་ཐོས་འདུས་པ་ནི་ལན་བཅུ་གསུམ་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་བརྒྱའོ། །དམ་པའི་ཆོས་ཀྱང་ལོ་དྲུག་བརྒྱའི་བར་དུ་གནས་སོ། །སྐུ་
གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་མདངས་འགྲོ་སྐྱེ་བའི་ཡུལ་ནི་བཀོད་པ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔའོ། །ཡབ་ནི་སེང་གེས་རྣམ་པར་རོལ་པ་ཞེས་བྱའོ། །ཡུམ་ནི་ཡོན་
ཏན་ཕུང་པོ་ཞེས་བྱའོ། །སྲས་ནི་མཐའ་ཡས་མིག་ཅེས་བྱའོ། །རིམ་གྲོ་པ་ནི་བརྩོན་འགྲུས་མི་གཏོང་བ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བརྩོན་འགྲུས་ཕུང་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀུན་ཏུ་མཐུ་རྩལ་ཅན་ཞེས་བྱའོ། །ཉན་ཐོས་འདུས་པ་ནི་ལན་ཉི་ཤུ་རྩ་
གཅིག་སྟེ། ཐམས་ཅད་ལ་ཡང་ཐེར་འབུམ་ཐེར་འབུམ་མོ། །སྐུ་ཚེའི་ཚད་ནི་ལོ་དྲུག་ཁྲི་དགུ་སྟོང་ངོ་། །དམ་པའི་ཆོས་ནི་ལོ་བདུན་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་ལེགས་ངེས་སྐྱེ་བའི་ཡུལ་ནི་ཡོན་ཏན་ངེས་པ་ཞེས་བྱའོ། །རིགས་
ནི་རྒྱལ་རིགས་སོ། །འོད་ནི་དཔག་ཚད་དགུ་བཅུ་རྩ་དགུའོ། །ཡབ་ནི་དོན་གྱི་ཡོན་ཏན་ཞེས་བྱའོ། །ཡུམ་ནི་གཟི་བརྗིད་དཔག་མེད་མ་ཞེས་བྱའོ། །སྲས་ནི་གྲགས་པ་དཔག་མེད་ཅེས་བྱའོ། །རིམ་གྲོ་པ་ནི་མཐུ་རྩལ་ཆེན་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འགྲོ་བའི་བཤེས་
གཉེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་དཔག་ཏུ་མེད་ཅེས་བྱའོ། །ཉན་ཐོས་འདུས་པ་ནི་ལན་དྲུག་སྟེ། ཐམས་ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་ཁྲི་ཆིག་སྟོང་ངོ་། །དམ་པའི་ཆོས་ཀྱང་ལོ་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་

ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ཁྱུ་མཆོག་སྐྱེ་བའི་ཡུལ་ནི་ལྷས་མཆོད་ཅེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་ས་མཆོག་ཅེས་བྱའོ། །ཡུམ་ནི་དྲི་མེད་བློ་གྲོས་མ་ཞེས་བྱའོ། །སྲས་
ནི་ཐུབ་མེད་སྡེ་ཞེས་བྱའོ། །རིམ་གྲོ་པ་ནི་ཀུན་ཏུ་མཐུ་རྩལ་ཅན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷས་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ལུས་པ་མེད་པའི་བློ་ཞེས་བྱའོ། །ཉན་ཐོས་འདུས་པ་ནི་ལན་དུང་ཕྱུར་ཕྲག་བདུན་ཏེ། ཐམས་ཅད་ལ་ཡང་བྱེ་བ་ཕྲག་བཅུ་དྲུག་
བཅུ་དྲུག་གོ། །སྐུ་ཚེའི་ཚད་ནི་ལོ་བྱེ་བའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ལག་བཟངས་སྐྱེ་བའི་ཡུལ་ནི་ལྷའི་མཆོད་རྟེན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དྲུག་ཅུ་རྩ་གཉིས་སོ། །
ཡབ་ནི་བཤེས་གཉེན་བཟང་པོ་ཞེས་བྱའོ། །ཡུམ་ནི་བརྟན་འགྲོ་མ་ཞེས་བྱའོ། །སྲས་ནི་མཆོག་འདོད་ཅེས་བྱའོ། །རིམ་གྲོ་པ་ནི་བདུད་རྩི་སྒྲོགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲ་གཅན་ཤིས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་བླ་མ་ཞེས་བྱའོ། །
ཉན་ཐོས་འདུས་པ་ནི་ལན་ཉི་ཤུ་རྩ་གཉིས་ཏེ། །ཐམས་ཅད་ལ་ཡང་བྱེ་བ་སུམ་ཅུ་རྩ་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བདུན་ཁྲི་སུམ་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་
གཤེགས་པ་འོད་ཟེར་ཆེན་པོ་སྐྱེ་བའི་ཡུལ་ནི་ནོར་དགའ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་བརྒྱའོ། །ཡབ་ནི་བདུད་རྩི་དགའ་ཞེས་བྱའོ། །ཡུམ་ནི་ཡོན་ཏན་འདོད་ཅེས་བྱའོ། །སྲས་ནི་རོ་མཆོག་ཅེས་བྱའོ། །རིམ་གྲོ་པ་ནི་རོ་བརྒྱ་པ་ཞེས་བྱའོ། །ཤེས་རབ་ཅན་
རྣམས་ཀྱི་མཆོག་ནི་མཐུ་རྩལ་སེམས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྙོག་པ་མེད་པའི་བློ་ཞེས་བྱའོ། །ཉན་ཐོས་འདུས་པ་ནི་ལན་བཅུ་གཅིག་སྟེ། ཐམས་ཅད་ལ་ཡང་བྱེ་བ་ཕྲག་བཅུ་གཅིག་བཅུ་གཅིག་གོ། །སྐུ་ཚེའི་ཚད་ནི་ལོ་བདུན་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་

བདུན་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་བསམ་པས་བྱིན་སྐྱེ་བའི་ཡུལ་ནི་བསམ་པ་ཡང་དག་འཕགས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་དགུ་སྟོང་ངོ་། །ཡབ་ནི་གསང་བ་མཐོང་ཞེས་བྱའོ། །
ཡུམ་ནི་བརྟུལ་ཞུགས་ཡང་དག་འཕགས་ཞེས་བྱའོ། །སྲས་ནི་སྐྱོན་མེད་ང་རོ་ཞེས་བྱའོ། །རིམ་གྲོ་པ་ནི་རིན་ཆེན་དབྱངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དགེ་བའི་སྤོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གདངས་པོ་ཆེ་ཞེས་བྱའོ། །ཉན་ཐོས་འདུས་པ་ནི་ལན་
བཅུ་གཉིས་ཏེ། ཐམས་ཅད་ལ་ཡང་བྱེ་བ་ཕྲག་བཅུ་བདུན་བཅུ་བདུན་ནོ། །སྐུ་ཚེའི་ཚད་ནི་ལོ་བདུན་སྟོང་ངོ་། །དམ་པའི་ཆོས་ནི་ལོ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བསོད་ནམས་
འོད་སྐྱེ་བའི་ཡུལ་ནི་བསོད་ནམས་ཕུང་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སྟོང་ངོ་། །ཡབ་ནི་བསོད་ནམས་གཟི་བརྗིད་ཅེས་བྱའོ། །ཡུམ་ནི་བསོད་ནམས་འོད་ཟེར་ཞེས་བྱའོ། །སྲས་ནི་གཟི་བརྗིད་གྲགས་པ་ཞེས་བྱའོ། །རིམ་གྲོ་པ་ནི་ལྷའི་གྲགས་པ་ཞེས་བྱའོ། །
ཤེས་རབ་ཅན་རྣམས་ཀྱི་མཆོག་ནི་ཉི་མའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བློ་གྲོས་གྲགས་པ་ཞེས་བྱའོ། །ཉན་ཐོས་འདུས་པ་ནི་ལན་དྲུག་སྟེ། ཐམས་ཅད་ལ་ཡང་ས་ཡ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ཀྱང་ལོ་སྟོང་གི་བར་དུ་
གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རིན་ཆེན་དབྱངས་སྐྱེ་བའི་ཡུལ་ནི་ཐར་པའི་དབྱངས་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བྱེ་བའོ། །ཡབ་ནི་བཻ་དཱུརྱའི་སྙིང་པོ་ཞེས་བྱའོ། །ཡུམ་ནི་
ཐར་པའི་ང་རོ་ཞེས་བྱའོ། །སྲས་ནི་མི་གནས་ཐོབ་ཅེས་བྱའོ། །རིམ་གྲོ་པ་ནི་ལྷས་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་མཆོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཀླུས་མཆོད་ཅེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་ཁྲི་

བཞི་སྟོང་བཞི་སྟོང་ངོ་། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རྡོ་རྗེའི་སྡེ་སྐྱེ་བའི་ཡུལ་ནི་མི་ཕྱེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་
སྟོང་ངོ་། །ཡབ་ནི་མི་ཕྱེད་པར་དགའ་བ་ཞེས་བྱའོ། །ཡུམ་ནི་རྡོ་རྗེའི་བློ་གྲོས་མ་ཞེས་བྱའོ། །སྲས་ནི་དགའ་བའི་སེམས་ཞེས་བྱའོ། །རིམ་གྲོ་པ་ནི་དབྱངས་བྱིན་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀླུའི་མེ་ཏོག་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིག་རྟེན་མཆོད་
ཅེས་བྱའོ། །ཉན་ཐོས་འདུས་པ་ནི་ལན་བཅུ་བཞི་སྟེ། ཐམས་ཅད་ལ་ཡང་བྱེ་བ་ཕྲག་ཉི་ཤུ་རྩ་རེ་རེའོ། །སྐུ་ཚེའི་ཚད་ནི་ལོ་བདུན་ཁྲིའོ། །དམ་པའི་ཆོས་ནི་ལོ་ཉི་ཁྲི་ཆིག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་
གཤེགས་པ་འབྱོར་ལྡན་སྐྱེ་བའི་ཡུལ་ནི་ཐམས་ཅད་འབྱོར་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ལྔ་སྟོང་ངོ་། །ཡབ་ནི་འབྱོར་པའི་རྒྱལ་པོ་ཞེས་བྱའོ། །ཡུམ་ནི་དགེ་རྒྱལ་མ་ཞེས་བྱའོ། །སྲས་ནི་རྒྱལ་ཆེན་ཞེས་བྱའོ། །རིམ་གྲོ་པ་ནི་ལྷའི་རྒྱལ་པོ་ཞེས་བྱའོ། །ཤེས་
རབ་ཅན་རྣམས་ཀྱི་མཆོག་ནི་མཆོད་འོས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མ་སྤངས་པ་ཞེས་བྱའོ། །ཉན་ཐོས་འདུས་པ་ནི་ལན་བདུན་ཏེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །སྐུ་ཚེའི་ཚད་ནི་ལོ་སྟོང་ངོ་། །དམ་པའི་ཆོས་ཀྱང་ལོ་སྟོང་གི་བར་དུ་གནས་སོ། །སྐུ་གདུང་
ནི་རྒྱས་པར་འགྱུར་རོ། །དེ་བཞིན་གཤེགས་པ་སེང་གེའི་སྟོབས་སྐྱེ་བའི་ཡུལ་ནི་སྟོབས་ཆེན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ་། །ཡབ་ནི་ཀླུ་སྟོབས་ཞེས་བྱའོ། །ཡུམ་ནི་གྲགས་ལྡན་མ་ཞེས་བྱའོ། །སྲས་ནི་རིན་ཆེན་སྟོབས་ཞེས་བྱའོ། །རིམ་གྲོ་པ་ནི་
ཡོན་ཏན་སྟོབས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློ་གྲོས་སྟོབས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཇིགས་མེད་སྟོབས་ཞེས་བྱའོ། །ཉན་ཐོས་འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་སུམ་སྟོང་ངོ་། །དམ་

པའི་ཆོས་ནི་ལོ་ལྔ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དྲི་མ་མེད་པའི་སྤྱན་སྐྱེ་བའི་ཡུལ་ནི་མིག་ཏུ་སྡུག་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱའོ། །ཡབ་ནི་མིག་མཚུངས་ཞེས་བྱའོ། །ཡུམ་ནི་ཡིད་འོང་མིག་ཅེས་
བྱའོ། །སྲས་ནི་བདུད་རྩིའི་ལྷ་ཞེས་བྱའོ། །རིམ་གྲོ་པ་ནི་དམིགས་པ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་རྒྱལ་བའི་མཆོད་རྟེན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མི་ཟད་པའི་བློ་ཞེས་བྱའོ། །ཉན་ཐོས་འདུས་པ་ནི་ལན་བཅུ་དྲུག་སྟེ། ཐམས་ཅད་ལ་
ཡང་ཁྲི་བདུན་སྟོང་བདུན་སྟོང་ངོ་། །སྐུ་ཚེའི་ཚད་ནི་ལོ་དགུ་ཁྲིའོ། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་འོད་སྲུང་སྐྱེ་བའི་ཡུལ་ནི་ཡུལ་འཁོར་བཟང་པོ་ཞེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་སུམ་ཅུའོ། །ཡབ་ནི་ལྷའི་དྲང་སྲོང་ཞེས་བྱའོ། །ཡུམ་ནི་མི་འཇིགས་བྱིན་ཞེས་བྱའོ། །སྲས་ནི་རིག་པའི་མཐུ་རྩལ་ཞེས་བྱའོ། །རིམ་གྲོ་པ་ནི་ཀུན་ཏུ་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྒྲིབ་མེད་བློ་ཞེས་བྱའོ། །རྫུ་འཕྲུལ་
ཅན་རྣམས་ཀྱི་མཆོག་ནི་བསོད་ནམས་བརྩེགས་ཞེས་བྱའོ། །ཉན་ཐོས་འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་ཉིས་སྟོང་ངོ་། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་
གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བློ་གསལ་སྐྱེ་བའི་ཡུལ་ནི་གསལ་བ་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་གསལ་ཅན་ཞེས་བྱའོ། །ཡུམ་ནི་ཡོན་ཏན་གསལ་ཞེས་བྱའོ། །སྲས་ནི་ཐར་པ་དད་ཅེས་བྱའོ། །
རིམ་གྲོ་པ་ནི་རྒྱལ་བ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྨྲ་བ་གསལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་རྫུ་འཕྲུལ་གསལ་ཞེས་བྱའོ། །འདུས་པ་ནི་ལན་སུམ་ཅུ་རྩ་གཉིས་ཏེ། ཐམས་ཅད་ལ་ཡང་ཐེར་འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་ཁྲི་བཞི་

སྟོང་ངོ་། །དམ་པའི་ཆོས་ནི་ལོ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡེ་ཤེས་འགྲོས་སྐྱེ་བའི་ཡུལ་ནི་གཟི་བརྗིད་ཀྱིས་བརྒྱན་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་མཐུ་རྩལ་བརྟན་
ཞེས་བྱའོ། །ཡུམ་ནི་ཡེ་ཤེས་ཐོབ་ཅེས་བྱའོ། །སྲས་ནི་མཐོང་དགའ་ཞེས་བྱའོ། །རིམ་གྲོ་པ་ནི་དགའ་སྡུག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བྷ་ར་ཏ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཟི་བརྗིད་རབ་གསལ་ཞེས་བྱའོ། །ཉན་ཐོས་འདུས་པ་ནི་ལན་བཅུ་གསུམ་
སྟེ། ཐམས་ཅད་ལ་ཡང་བྱེ་བ་སྟོང་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་ཉི་ཁྲི་བདུན་སྟོང་ངོ་། །དམ་པའི་ཆོས་ནི་ལོ་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གཟི་བརྗིད་དྲག་ཤུལ་ཅན་སྐྱེ་བའི་ཡུལ་ནི་ཀུན་ཏུ་གཟི་བརྗིད་ཅན་ཞེས་བྱའོ། །
རིགས་ནི་བྲམ་ཟེའོ། །འོད་ནི་དཔག་ཚད་བཞི་བཅུའོ། །ཡབ་ནི་དྲག་ཤུལ་བརྩེགས་ཞེས་བྱའོ། །ཡུམ་ནི་གཟི་བརྗིད་མེ་ཏོག་ཅེས་བྱའོ། །སྲས་ནི་དམིགས་པ་མ་འཁྲུལ་ཞེས་བྱའོ། །རིམ་གྲོ་པ་ནི་སེམས་བརྟགས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གཟུངས་ཀྱི་དབང་ཕྱུག་རྒྱལ་
པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཁྲུགས་པ་མེད་པར་གནས་ཞེས་བྱའོ། །འདུས་པ་དང་པོ་ལ་ནི་ཉན་ཐོས་དྲུག་ཁྲིའོ། །གཉིས་པ་ལ་ནི་འབུམ་མོ། །གསུམ་པ་ལ་ནི་སུམ་འབུམ་མོ། །བཞི་པ་ལ་ནི་དྲུག་འབུམ་མོ། །ལྔ་པ་ལ་ནི་བརྒྱད་འབུམ་མོ། །སྐུ་ཚེའི་ཚད་ནི་ལོ་
ལྔ་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་ལྔ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་འོད་ཟེར་ཆེན་པོ་སྐྱེ་བའི་ཡུལ་ནི་འོད་ཟེར་མཐའ་ཡས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ཅུའོ། །ཡབ་ནི་རིན་ཆེན་
སྒྲོན་མ་ཞེས་བྱའོ། །ཡུམ་ནི་གཟི་བརྗིད་མཆོད་ཅེས་བྱའོ། །སྲས་ནི་ལྷའི་གཟི་བརྗིད་ཅེས་བྱའོ། །རིམ་གྲོ་པ་ནི་ལག་མཆོག་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཁམས་གསུམ་གཟི་བརྗིད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་འཕགས་པའི་གཟི་བརྗིད་ཅེས་

བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་བྱེ་བ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་མའི་འོད་སྐྱེ་བའི་ཡུལ་ནི་སྒྲོན་བྱེད་འོད་
ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུ་རྩ་གཉིས་སོ། །ཡབ་ནི་གྲགས་པའི་འོད་ཅེས་བྱའོ། །ཡུམ་ནི་དཔག་མེད་མིག་ཅེས་བྱའོ། །སྲས་ནི་སྐར་མདའ་འོད་ཅེས་བྱའོ། །རིམ་གྲོ་པ་ནི་འོད་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་འོད་ཅེས་
བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་འོད་ཅེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ།། །།
འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཅུ་དྲུག་པ། དེ་བཞིན་གཤེགས་པ་དྲི་མ་མེད་པའི་འོད་སྐྱེ་བའི་ཡུལ་ནི་བཀོད་པ་མི་འཁྲུགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་ལྷའི་གཟི་བརྗིད་ཅེས་བྱའོ། །ཡུམ་ནི་
ལུས་དགའ་མ་ཞེས་བྱའོ། །སྲས་ནི་ཡན་ལག་མ་སྨད་པ་ཞེས་བྱའོ། །རིམ་གྲོ་པ་ནི་སྐྱོན་མེད་ལུས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཕ་རོལ་ཕྱིན་ཐོབ་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དཔག་མེད་འགྲོ་ཞེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་
བྱེ་བ་ཕྲག་དགུ་དགུའོ། །སྐུ་ཚེའི་ཚད་ནི་ལོ་སུམ་ཁྲི་ཉིས་སྟོང་ངོ་། །དམ་པའི་ཆོས་ཀྱང་ལོ་སུམ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟི་བརྗིད་རྣམ་པར་འབྱེས་པ་སྐྱེ་བའི་ཡུལ་ནི་ཤིན་ཏུ་
རྣམ་པར་འབྱེས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་དྲུག་གོ། །ཡབ་ནི་གཟི་བརྗིད་དཔལ་ཞེས་བྱའོ། །ཡུམ་ནི་གཟི་བརྗིད་མཆོག་ཅེས་བྱའོ། །སྲས་ནི་སྐར་མཁན་ཞེས་བྱའོ། །རིམ་གྲོ་པ་ནི་ཁ་ལོ་སྒྱུར་བའི་སྤོས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་

བློ་དགེ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བསོད་ནམས་ལག་ཅེས་བྱའོ། །འདུས་པ་ནི་ལན་བཞི་བཅུ་རྩ་བརྒྱད་དེ། ཐམས་ཅད་ལ་ཡང་སུམ་ཁྲི་སུམ་ཁྲིའོ། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ་། །དམ་པའི་ཆོས་ནི་ལོ་བྱེ་བ་ཕྲག་བཅུ་བཞིའི་བར་དུ་གནས་སོ། །
སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཁེངས་མེད་སྐྱེ་བའི་ཡུལ་ནི་རྫོགས་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་ཅུའོ། །ཡབ་ནི་མི་ཚུགས་པ་ཞེས་བྱའོ། །ཡུམ་ནི་ཁྱད་པར་ཐོབ་ཅེས་བྱའོ། །སྲས་ནི་འཇིག་རྟེན་ཁྱད་པར་འཕགས་ཞེས་བྱའོ། །
རིམ་གྲོ་པ་ནི་འདྲ་མེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་འཇིག་རྟེན་ཁྱད་པར་འཕགས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཁྱད་པར་འཕགས་ཞེས་བྱའོ། །འདུས་པ་ནི་ལན་སུམ་ཅུ་སྟེ། ཐམས་ཅད་ལ་ཡང་ཁྲི་ཕྲག་རེ་རེའོ། །སྐུ་ཚེའི་ཚད་ནི་ལོ་དགུ་ཁྲི་བདུན་སྟོང་ངོ་། །དམ་
པའི་ཆོས་ནི་ལོ་དགུ་ཁྲི་དྲུག་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྦྲང་རྩིའི་ཞལ་སྐྱེ་བའི་ཡུལ་ནི་གཅིག་ཏུ་ཡིད་དུ་འོང་བ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བརྒྱད་སྟོང་ངོ་། །
ཡབ་ནི་དགའ་བྱེད་ཅེས་བྱའོ། །ཡུམ་ནི་བདུད་རྩི་བྱེད་ཅེས་བྱའོ། །སྲས་ནི་བཀོད་པ་མི་འཁྲུལ་ཞེས་བྱའོ། །རིམ་གྲོ་པ་ནི་འཇིག་རྟེན་མཆོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐར་མདའ་འཆང་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཤུགས་འཆང་ཞེས་བྱའོ། །འདུས་
པ་ནི་ལན་ལྔ་བཅུ་རྩ་དགུ་སྟེ། ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་དྲུག་ཁྲི་ལྔ་སྟོང་ངོ་། །དམ་པའི་ཆོས་ཀྱང་ལོ་དྲུག་ཁྲི་ལྔ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཟླ་འོད་སྐྱེ་བའི་ཡུལ་ནི་དྲི་མ་མེད་པའི་འོད་ཅེས་
བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུའོ། །ཡབ་ནི་ཟླ་བའི་ཏོག་ཅེས་བྱའོ། །ཡུམ་ནི་ཟླ་བའི་མེ་ཏོག་ཅེས་བྱའོ། །སྲས་ནི་ཟླ་སྣང་ཞེས་བྱའོ། །རིམ་གྲོ་པ་ནི་ཟླ་བཟངས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདུད་རྩི་ཟླ་བ་ཞེས་བྱའོ། །རྫུ་འཕྲུལ་

ཅན་རྣམས་ཀྱི་མཆོག་ནི་ལྷའི་བདུད་རྩི་ཞེས་བྱའོ། །འདུས་པ་ནི་ལན་དྲུག་སྟེ། ཐམས་ཅད་ལ་ཡང་ཐེར་འབུམ་ཕྲག་ལྔ་ལྔའོ། །སྐུ་ཚེའི་ཚད་ནི་ལོ་འབུམ་མོ། །དམ་པའི་ཆོས་ནི་ལོ་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་གློག་
འབྱིན་སྐྱེ་བའི་ཡུལ་ནི་ཉི་མའི་བློ་གྲོས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་དབང་པོའི་རྒྱལ་མཚན་ཞེས་བྱའོ། །ཡུམ་ནི་ལྷ་མཆོད་མ་ཞེས་བྱའོ། །སྲས་ནི་ཉི་མའི་ཏོག་ཅེས་བྱའོ། །རིམ་གྲོ་པ་ནི་སྒྲོན་མ་དྲང་པོ་ཞེས་བྱའོ། །ཤེས་རབ་ཅན་རྣམས་
ཀྱི་མཆོག་ནི་གསེར་འོད་དཔལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དོན་ཡོད་གོ་འཕང་གནོན་ཞེས་བྱའོ། །འདུས་པ་ནི་ལན་བཞི་བཅུ་རྩ་ལྔ་སྟེ། ཐམས་ཅད་ལ་ཡང་བྱེ་བ་ཕྲག་བདུན་ཅུ་རྩ་གཉིས་གཉིས་སོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ་། །དམ་པའི་ཆོས་
ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་རབ་ཏུ་ཞི་བར་གཤེགས་པ་སྐྱེ་བའི་ཡུལ་ནི་བློ་བརྟན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སུམ་ཅུའོ། །ཡབ་
ནི་འགྲོས་སྙོམས་ཞེས་བྱའོ། །ཡུམ་ནི་བདེ་འགྲོ་མ་ཞེས་བྱའོ། །སྲས་ནི་འཕགས་པ་འདོད་ཅེས་བྱའོ། །རིམ་གྲོ་པ་ནི་དགྲ་བཅོམ་འདོད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་དོན་ཡོད་གོ་འཕང་གནོན་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་བརྟན་པོ་ཞེས་བྱའོ། །
འདུས་པ་ནི་ལན་ཉི་ཤུ་རྩ་གཅིག་སྟེ། ཐམས་ཅད་ལ་ཡང་འབུམ་ཕྲག་བཅུ་གཅིག་བཅུ་གཅིག་གོ། །སྐུ་ཚེའི་ཚད་ནི་ལོ་བདུན་ཁྲི་ཉིས་སྟོང་ངོ་། །དམ་པའི་ཆོས་ཀྱང་ལོ་བདུན་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་
བཞིན་གཤེགས་པ་མི་འཁྲུགས་པ་སྐྱེ་བའི་ཡུལ་ནི་འོད་ལྡན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བདུན་སྟོང་ངོ་། །ཡབ་ནི་བྱམས་གནས་ཞེས་བྱའོ། །ཡུམ་ནི་སྙིང་རྗེས་གནས་ཞེས་བྱའོ། །སྲས་ནི་ཡིད་མ་འཁྲུགས་ཞེས་བྱའོ། །རིམ་གྲོ་པ་ནི་སེམས་སྙོམས་ཞེས་བྱའོ། །

ཤེས་རབ་ཅན་རྣམས་ཀྱི་མཆོག་ནི་འཁྲུལ་མེད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཡོན་ཏན་ཡང་དག་འཕགས་ཞེས་བྱའོ། །འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་སུམ་ཅུ་རྩ་བཞི་བཞིའོ། །སྐུ་ཚེའི་ཚད་ནི་ལོ་བརྒྱད་ཁྲི་དྲུག་སྟོང་ངོ་། །དམ་པའི་
ཆོས་ཀྱང་ལོ་ཁྲི་བཞི་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དགྲ་བཅོམ་གྲགས་པ་སྐྱེ་བའི་ཡུལ་ནི་དེ་བཞིན་གཤེགས་པའི་སྤྱན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཅུ་དྲུག་ཙམ་མོ། །
ཡབ་ནི་དགྲ་བཅོམ་པ་ཞེས་བྱའོ། །ཡུམ་ནི་འཕགས་བེའུ་མ་ཞེས་བྱའོ། །སྲས་ནི་མྱ་ངན་འདས་པ་གྲགས་ཞེས་བྱའོ། །རིམ་གྲོ་པ་ནི་དགྲ་བཅོམ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྙན་པ་གྲངས་མེད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤོབས་པ་ཆེན་པོ་ཞེས་
བྱའོ། །འདུས་པ་ནི་ལན་བརྒྱད་ཅུ་རྩ་བཞི་སྟེ། ཐམས་ཅད་ལ་ཡང་འབུམ་སུམ་ཁྲི་སུམ་ཁྲིའོ། །སྐུ་ཚེའི་ཚད་ནི་ལོ་བརྒྱད་ཁྲི་བདུན་སྟོང་ངོ་། །དམ་པའི་ཆོས་ནི་ལོ་བྱེ་བའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་
པ་ཆོས་ཀྱི་ཡོན་ཏན་སྐྱེ་བའི་ཡུལ་ནི་ཡོན་ཏན་ཅན་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཉིས་བརྒྱའོ། །ཡབ་ནི་ཡོན་ཏན་གཟི་བརྗིད་ཅེས་བྱའོ། །ཡུམ་ནི་ཡོན་ཏན་ཅན་ཞེས་བྱའོ། །སྲས་ནི་ཡོན་ཏན་མཐའ་ཡས་ཞེས་བྱའོ། །རིམ་གྲོ་པ་ནི་ཡོན་ཏན་ཆེན་པོའི་གཟི་བརྗིད་
ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡོན་ཏན་གཟི་བརྗིད་མཐའ་ཡས་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཐར་པའི་ཡོན་ཏན་རྒྱལ་པོ་ཞེས་བྱའོ། །འདུས་པ་ནི་ལན་སུམ་ཅུ་རྩ་གསུམ་སྟེ། ཐམས་ཅད་ལ་ཡང་ཐེར་འབུམ་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་འབུམ་
མོ། །དམ་པའི་ཆོས་ནི་ལོ་ཁྲི་བདུན་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཞིང་བཟང་པོ་སྐྱེ་བའི་ཡུལ་ནི་བཀོད་པ་ཆེན་པོ་ཞེས་བྱའོ། །རིགས་ནི་བྲམ་ཟེའོ། །འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཉི་ཤུ་ཙམ་མོ། །ཡབ་ནི་རིན་ཆེན་

འོད་ཅེས་བྱའོ། །ཡུམ་ནི་མཐའ་ཡས་ཞིང་ཞེས་བྱའོ། །སྲས་ནི་ཤེས་རབ་སྒྲོན་མ་ཞེས་བྱའོ། །རིམ་གྲོ་པ་ནི་ཤེས་རབ་གསལ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་སྐར་མཁན་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་བཀོད་པའི་རྒྱལ་པོ་ཞེས་བྱའོ། །འདུས་པ་ནི་
ལན་དྲུག་ཅུ་རྩ་དགུ་སྟེ། ཐམས་ཅད་ལ་ཡང་དྲུག་འབུམ་དྲུག་འབུམ་མོ། །སྐུ་ཚེའི་ཚད་ནི་ལོ་བརྒྱད་ཁྲི་ཆིག་སྟོང་ངོ་། །དམ་པའི་ཆོས་ནི་ལོ་བརྒྱད་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་བཀོད་
པའི་རྒྱལ་པོ་སྐྱེ་བའི་ཡུལ་ནི་རིན་པོ