Kinh tạng Tây Tạng (Kangyur Đại Học) — 024_འབུམ།_ད

བ་ཀྱི་ཡན་ལག་རྣམས་ཀྱིས་སྟོང་། འཕགས་པའི་ལམ་ཡན་ལག་བརྒྱད་པ་ནི་འཕགས་པའི་ལམ་ཡན་ལག་བརྒྱད་པས་སྟོང་།
འཕགས་པའི་བདེན་པ་རྣམས་ནི་འཕགས་པའི་བདེན་པ་རྣམས་ཀྱིས་སྟོང་། བསམ་གཏན་རྣམས་ནི་བསམ་གཏན་རྣམས་ཀྱིས་སྟོང་། ཚད་མྱེད་པ་རྣམས་ནི་ཚད་མྱེད་པ་རྣམས་ཀྱིས་སྟོང་། གཟུགས་མྱེད་པའི་སྙོམས་པར་འཇུག་པ་རྣམས་ནི་གཟུགས་

མེད་པའི་སྙོམས་པར་འཇུག་པ་རྣམས་ཀྱིས་སྟོང་། རྣམ་པར་ཐར་པ་བརྒྱད་ནི་རྣམ་པར་ཐར་པ་རྣམས་ཀྱིས་སྟོང་། མཐར་ཀྱིས་གནས་པའི་སྙོམས་པར་འཇུག་པ་དགུ་ནི་མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱིས་སྟོང་། རྣམ་པར་ཐར་པའི་
སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ནི། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པས་སྟོང་། མངོན་པར་ཤེས་པ་རྣམས་ནི་མངོན་པར་ཤེས་པ་རྣམས་ཀྱིས་སྟོང་། ཏིང་ངེ་འཛིན་རྣམས་ནི་ཏིང་
ངེ་འཛིན་རྣམས་ཀྱིས་སྟོང་། གཟུངས་ཀྱི་སྒོ་རྣམས་ནི་གཟུངས་ཀྱི་སྒོ་རྣམས་ཀྱིས་སྟོང་། དེ་བཞིན་གཤེགས་པའི་སྟོབས་བཅུ་ནི་དེ་བཞིན་གཤེགས་པའི་སྟོབས་རྣམས་ཀྱིས་སྟོང་། མྱི་འཇིགས་པ་བཞི་ནི་མྱི་འཇིགས་པ་རྣམས་ཀྱིས་སྟོང་། སོ་སོ་ཡང་
དག་པར་རིག་པ་བཞི་ནི་སོ་སོ་ཡང་དག་པར་རིག་པ་རྣམས་ཀྱིས་སྟོང་། བྱམས་པ་ཆེན་པོ་ནི་བྱམས་པ་ཆེན་པོས་སྟོང་། སྙིང་རྗེ་ཆེན་པོ་ནི་སྙིང་རྗེ་ཆེན་པོས་སྟོང་། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ནི་སངས་རྒྱས་ཀྱི་ཆོས་མ་འདྲེས་པ་རྣམས་
ཀྱིས་སྟོང་། རྒྱུན་ཏུ་ཞུགས་པའི་འབྲས་བུ་ནི་རྒྱུན་ཏུ་ཞུགས་པའི་འབྲས་བུས་སྟོང་། ལན་ཅིག་ཕྱིར་འོང་བའི་འབྲས་བུ་ནི་ལན་ཅིག་ཕྱིར་འོང་བའི་འབྲས་བུས་སྟོང་། ཕྱིར་མི་འོང་བའི་འབྲས་བུ་ནི་ཕྱིར་མྱི་འོང་བའི་འབྲས་བུས་སྟོང་། དགྲ་བཅོམ་པ་ཉིད་ན་
དགྲ་བཅོམ་པ་ཉིད་ཀྱིས་སྟོང་། རང་བྱང་ཆུབ་ནི་རང་བྱང་ཆུབ་ཀྱིས་སྟོང་། ལམ་གྱི་རྣམ་པ་ཤེས་པ་ཉིད་ནི་ལམ་གྱི་རྣམ་པ་ཤེས་པ་ཉིད་ཀྱིས་སྟོང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་བྱང་ཆུབ་ཀྱིས་སྟོང་ན། བཅོམ་ལྡན་འདས་དེ་ཇི་ལྟར་བྱང་ཆུབ་
སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་སྤྱོད་པ་མྱེད་པ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །

ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་བཅུ་པ། །གསོལ་པ། བཅོམ་ལྡན་འདས་ཅིའི་སླད་དུ། སྤྱོད་པ་མ་མཆིས་པ། ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་པ་ལགས། བཅོམ་
ལྡན་འདས་ཀྱིས་བཀའ་སྩལ་པ། རབ་འབྱོར་དེ་ནི་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་མྱི་དམྱིགས། བྱང་ཆུབ་སེམས་དཔའ་ཡང་མྱི་དམྱིགས། སྤྱོད་པ་ཡང་མྱི་དམྱིགས། གང་སྤྱོད་པ་དང་། གང་གིས་སྤྱོད་པ་དང་། གང་ལ་སྤྱོད་པ་དེ་ཡང་མྱི་དམྱིགས་
ཏེ། རབ་འབྱོར་གང་ལ་སྤྲོས་པ་དེ་དག་ཐམས་ཅད་མྱི་དམྱིགས་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱོད་པ་མྱེད་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །གསོལ་པ། བཅོམ་ལྡན་འདས་གལ་ཏེ་དེ་ལྟར་སྤྱོད་པ་མ་མཆིས་པ།
ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་པ་ལགས་ན། ལས་དང་པོ་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཇི་ལྟར་སྤྱད་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལྟར་ལས་དང་པོ་པའི་
བྱང་ཆུབ་སེམས་དཔའ་སེམས་དཔའ་ཆེན་པོས། སེམས་དང་པོ་བསྐྱེད་པ་ཉིད་ནས་བརྩམས་ཏེ་ཆོས་ཐམས་ཅད་དམྱིགས་སུ་མྱེད་པ་ལ་བསླབ་པར་བྱའོ། །དེས་སྦྱིན་པ་གཏོང་བའི་ཚེ། མྱི་དམྱིགས་པའི་ཚུལ་གྱིས་སྦྱིན་པ་གཏང་བར་བྱའོ། །ཚུལ་ཁྲིམས་
སྲུང་བའི་ཚེ། མྱི་དམྱིགས་པའི་ཚུལ་གྱིས། ཚུལ་ཁྲིམས་བསྲུང་བར་བྱའོ། །བཟོད་པ་སྒྲུབ་པའི་ཚེ། མྱི་དམྱིགས་པའི་ཚུལ་གྱིས་བཟོད་པ་བསྒྲུབ་པར་བྱའོ། །བརྩོན་འགྲུས་རྩོམ་པའི་ཚེ། མྱི་དམྱིགས་པའི་ཚུལ་གྱིས། བརྩོན་འགྲུས་བརྩམ་པར་བྱའོ། །
ཏིང་ངེ་འཛིན་ལ་སྙོམས་པར་འཇུག་པའི་ཚེ། མྱི་དམྱིགས་པའི་ཚུལ་གྱིས་ཏིང་ངེ་འཛིན་ལ་མཉམ་པར་གཞག་པར་བྱའོ། །ཤེས་རབ་སྒོམ་པའི་ཚེ། མྱི་དམྱིགས་པའི་ཚུལ་གྱིས། ཤེས་རབ་བསྒོམ་པར་བྱའོ། །ནང་སྟོང་པ་ཉིད་སྒོམ་པའི་ཚེ། མྱི་དམྱིགས་

པའི་ཚུལ་གྱིས། ནང་སྟོང་པ་ཉིད་བསྒོམ་པར་བྱའོ། །ཕྱི་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། ཕྱི་སྟོང་པ་ཉིད་བསྒོམ་པར་བྱའོ། །ཕྱི་ནང་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། ཕྱི་ནང་སྟོང་པ་ཉིད་བསྒོམ་པར་བྱའོ། །
སྟོང་པ་ཉིད་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། སྟོང་པ་ཉིད་སྟོང་པ་ཉིད་བསྒོམ་པར་བྱའོ། །ཆེན་པོ་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། ཆེན་པོ་སྟོང་པ་ཉིད་བསྒོམ་པར་བྱའོ། །དོན་དམ་པ་སྟོང་པ་ཉིད་སྒོམ་པའི་ཚེ།
མྱི་དམྱིགས་པའི་ཚུལ་གྱིས། དོན་དམ་པ་སྟོང་པ་ཉིད་བསྒོམ་པར་བྱའོ། །འདུས་བྱས་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། འདུས་བྱས་སྟོང་པ་ཉིད་བསྒོམ་པར་བྱའོ། །འདུས་མ་བྱས་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས།
འདུས་མ་བྱས་སྟོང་པ་ཉིད་བསྒོམ་པར་བྱའོ། །མཐའ་ལས་འདས་པ་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། མཐའ་ལས་འདས་པ་སྟོང་པ་ཉིད་བསྒོམ་པར་བྱའོ། །ཐོག་མ་དང་ཐ་མ་མེད་པ་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་
གྱིས། ཐོག་མ་དང་ཐ་མ་མྱེད་པ་སྟོང་པ་ཉིད་བསྒོམ་པར་བྱའོ། །དོར་བ་མྱེད་པ་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། དོར་བ་མེད་པ་སྟོང་པ་ཉིད་བསྒོམ་པར་བྱའོ། །རང་བཞིན་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས།
རང་བཞིན་སྟོང་པ་ཉིད་བསྒོམ་པར་བྱའོ། །ཆོས་ཐམས་ཅད་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། ཆོས་ཐམས་ཅད་སྟོང་པ་ཉིད་བསྒོམ་པར་བྱའོ། །རང་གི་མཚན་ཉིད་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། རང་
གི་མཚན་ཉིད་སྟོང་པ་ཉིད་བསྒོམ་པར་བྱའོ། །མྱི་དམྱིགས་པ་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། མྱི་དམྱིགས་པ་སྟོང་པ་ཉིད་བསྒོམ་པར་བྱའོ། །དངོས་པོ་མྱེད་པ་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས།

དངོས་པོ་མྱེད་པ་སྟོང་པ་ཉིད་བསྒོམ་པར་བྱའོ། །ངོ་བོ་ཉིད་སྟོང་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། ངོ་བོ་ཉིད་སྟོང་པ་ཉིད་བསྒོམ་པར་བྱའོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་སྒོམ་པའི་ཚེ། མྱི་དམྱིགས་
པའི་ཚུལ་གྱིས། དངོས་པོ་མེད་པའི་ངོ་བོ་ཉིད་སྟོང་པ་ཉིད་བསྒོམ་པར་བྱའོ། །དྲན་པ་ཉེ་བར་གཞག་པ་བཞི་སྒོམ་པའི་ཚེ། མི་དམྱིགས་པའི་ཚུལ་གྱིས། དྲན་པ་ཉེ་བར་གཞག་པ་རྣམས་བསྒོམ་པར་བྱའོ། །ཡང་དག་པར་སྤོང་བ་བཞི་སྒོམ་པའི་ཚེ།
མྱི་དམྱིགས་པའི་ཚུལ་གྱིས། ཡང་དག་པར་སྤོང་བ་རྣམས་བསྒོམ་པར་བྱའོ། །རྫུ་འཕྲུལ་གྱི་རྐང་པ་བཞི་སྒོམ་པའི་ཚེ། མྱི་དམྱིགས་པའི་ཚུལ་གྱིས། རྫུ་འཕྲུལ་གྱི་རྐང་པ་རྣམས་བསྒོམ་པར་བྱའོ། །དབང་པོ་རྣམས་སྒོམ་པའི་ཚེ།
མྱི་དམྱིགས་པའི་ཚུལ་གྱིས། དབང་པོ་རྣམས་བསྒོམ་པར་བྱའོ། །སྟོབས་རྣམས་སྒོམ་པའི་ཚེ། མྱི་དམྱིགས་པའི་ཚུལ་གྱིས། སྟོབས་རྣམས་བསྒོམ་པར་བྱའོ། །བྱང་ཆུབ་ཀྱི་ཡན་ལག་རྣམས་སྒོམ་པའི་ཚེ། མྱི་དམྱིགས་པའི་ཚུལ་གྱིས།
བྱང་ཆུབ་ཀྱི་ཡན་ལག་རྣམས་བསྒོམ་པར་བྱའོ། །འཕགས་པའི་ལམ་ཡན་ལག་བརྒྱད་པ་སྒོམ་པའི་ཚེ། མྱི་དམྱིགས་པའི་ཚུལ་གྱིས། འཕགས་པའི་ལམ་ཡན་ལག་བརྒྱད་པ་བསྒོམ་པར་བྱའོ། །འཕགས་པའི་བདེན་པ་རྣམས་སྒོམ་པའི་
ཚེ། མྱི་དམྱིགས་པའི་ཚུལ་གྱིས། འཕགས་པའི་བདེན་པ་རྣམས་བསྒོམ་པར་བྱའོ། །བསམ་གཏན་རྣམས་སྒོམ་པའི་ཚེ། མྱི་དམྱིགས་པའི་ཚུལ་གྱིས། བསམ་གཏན་རྣམས་བསྒོམ་པར་བྱའོ། །ཚད་མེད་པ་རྣམས་སྒོམ་པའི་ཚེ། མྱི་
དམྱིགས་པའི་ཚུལ་གྱིས། ཚད་མེད་པ་རྣམས་བསྒོམ་པར་བྱའོ། །གཟུགས་མྱེད་པའི་སྙོམས་པར་འཇུག་པ་རྣམས་སྒོམ་པའི་ཚེ། མྱི་དམྱིགས་པའི་ཚུལ་གྱིས། གཟུགས་མྱེད་པའི་སྙོམས་པར་འཇུག་པ་རྣམས་བསྒོམ་པར་བྱའོ། །རྣམ་པར་

ཐར་པ་བརྒྱད་སྒོམ་པའི་ཚེ། མྱི་དམྱིགས་པའི་ཚུལ་གྱིས། རྣམ་པར་ཐར་པ་རྣམས་བསྒོམ་པར་བྱའོ། །མཐར་ཀྱིས་གནས་པའི་སྙོམས་པར་འཇུག་པ་དགུ་སྒོམ་པའི་ཚེ། མྱི་དམྱིགས་པའི་ཚུལ་གྱིས། མཐར་ཀྱིས་གནས་པའི་སྙོམས་པར་འཇུག་པ་
རྣམས་བསྒོམ་པར་བྱའོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མྱེད་པ་རྣམས་སྒོམ་པའི་ཚེ། མྱི་དམྱིགས་པའི་ཚུལ་གྱིས། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་
བསྒོམ་པར་བྱའོ། །མངོན་པར་ཤེས་པ་རྣམས་སྒོམ་པའི་ཚེ། མྱི་དམྱིགས་པའི་ཚུལ་གྱིས། མངོན་པར་ཤེས་པ་རྣམས་བསྒོམ་པར་བྱའོ། །ཏིང་ངེ་འཛིན་རྣམས་སྒོམ་པའི་ཚེ། མྱི་དམྱིགས་པའི་ཚུལ་གྱིས། ཏིང་ངེ་འཛིན་རྣམས་བསྒོམ་པར་
བྱའོ། །གཟུངས་ཀྱི་སྒོ་རྣམས་སྒོམ་པའི་ཚེ། མྱི་དམྱིགས་པའི་ཚུལ་གྱིས། གཟུངས་ཀྱི་སྒོ་རྣམས་བསྒོམ་པར་བྱའོ། །དེ་བཞིན་གཤེགས་པའི་སྟོབས་བཅུ་སྒོམ་པའི་ཚེ། མྱི་དམྱིགས་པའི་ཚུལ་གྱིས། དེ་བཞིན་གཤེགས་པའི་སྟོབས་རྣམས་
བསྒོམ་པར་བྱའོ། །མྱི་འཇིགས་པ་བཞི་སྒོམ་པའི་ཚེ། མྱི་དམྱིགས་པའི་ཚུལ་གྱིས། མྱི་འཇིགས་པ་རྣམས་བསྒོམ་པར་བྱའོ། །སོ་སོ་ཡང་དག་པར་རིག་པ་བཞི་སྒོམ་པའི་ཚེ། མྱི་དམྱིགས་པའི་ཚུལ་གྱིས། སོ་སོ་ཡང་དག་པར་རིག་པ་རྣམས་
བསྒོམ་པར་བྱའོ། །བྱམས་པ་ཆེན་པོ་སྒོམ་པའི་ཚེ། མྱི་དམྱིགས་པའི་ཚུལ་གྱིས། བྱམས་པ་ཆེན་པོ་བསྒོམ་པར་བྱའོ། །སྙིང་རྗེ་ཆེན་པོ་སྒོམ་པའི་ཚེ། མྱི་དམྱིགས་པའི་ཚུལ་གྱིས། སྙིང་རྗེ་ཆེན་པོ་བསྒོམ་པར་བྱའོ། །སངས་རྒྱས་ཀྱི་ཆོས་
མ་འདྲེས་པ་བཅྭོ་བརྒྱད་སྒོམ་པའི་ཚེ། མྱི་དམྱིགས་པའི་ཚུལ་གྱིས། སངས་རྒྱས་ཀྱི་ཆོས་མ་འདྲེས་པ་རྣམས་བསྒོམ་པར་བྱའོ། །ཐམས་ཅད་ཤེས་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། ཐམས་ཅད་ཤེས་པ་ཉིད་བསྒོམ་པར་བྱའོ། །

ལམ་གྱི་རྣམ་པ་ཤེས་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། ལམ་གྱི་རྣམ་པ་ཤེས་པ་ཉིད་བསྒོམ་པར་བྱའོ། །རྣམ་པ་ཐམས་ཅད་མཁྱེན་པ་ཉིད་སྒོམ་པའི་ཚེ། མྱི་དམྱིགས་པའི་ཚུལ་གྱིས། རྣམ་པ་ཐམས་
ཅད་མཁྱེན་པ་ཉིད་བསྒོམ་པར་བྱའོ། །གསོལ་པ། བཅོམ་ལྡན་འདས་ཇི་ཙམ་གྱིས་ན། དམྱིགས་པར་འགྱུར། ཇི་ཙམ་གྱིས་ན་མྱི་དམྱིགས་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཇི་ཙམ་དུ་གཉིས་པ་དེ་ཙམ་དུ་དམྱིགས་པ་སྟེ།
གཉིས་སུ་མེད་པ་ནི་མྱི་དམྱིགས་པའོ། །གསོལ་པ། བཅོམ་ལྡན་འདས་གཉིས་ཤེས་བྱ་བ་ནི་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ཇི་ཙམ་དུ་མྱིག་དང་། གཟུགས་དང་། ཇི་ཙམ་དུ་རྣ་བ་དང་། སྒྲ་དང་། ཇི་ཙམ་དུ་སྣ་དང་དྲི་
དང་། ཇི་ཙམ་དུ་ལྕེ་དང་རོ་དང་། ཇི་ཙམ་དུ་ལུས་དང་རེག་དང་། ཇི་ཙམ་དུ་ཡིད་དང་ཆོས་དང་། ཇི་ཙམ་དུ་གཟུགས་དང་། གཟུགས་ཅན་དང་། ཇི་ཙམ་དུ་ཚོར་བ་དང་། ཚོར་བ་པོ་དང་། ཇི་ཙམ་དུ་འདུ་ཤེས་དང་། འདུ་ཤེས་ཅན་དང་། ཇི་ཙམ་དུ་འདུ་
བྱེད་དང་། འདུ་བྱེད་པ་དང་། ཇི་ཙམ་དུ་རྣམ་པར་ཤེས་པ་དང་། རྣམ་པར་ཤེས་པར་བྱེད་པ་དང་། ཇི་ཙམ་དུ་མྱིག་གི་རྣམ་པར་ཤེས་པ་དང་། མྱིག་གི་རྣམ་པར་ཤེས་པ་ཅན་དང་། ཇི་ཙམ་དུ་རྣ་བའི་རྣམ་པར་ཤེས་པ་དང་། རྣ་བའི་རྣམ་པར་ཤེས་པ་ཅན་དང་། ཇི་
ཙམ་དུ་སྣའི་རྣམ་པར་ཤེས་པ་དང་། སྣའི་རྣམ་པར་ཤེས་པ་ཅན་དང་། ཇི་ཙམ་དུ་ལྕེའི་རྣམ་པར་ཤེས་པ་དང་། ལྕེའི་རྣམ་པར་ཤེས་པ་ཅན་དང་། ཇི་ཙམ་དུ་ལུས་ཀྱི་རྣམ་པར་ཤེས་པ་དང་། ལུས་ཀྱི་རྣམ་པར་ཤེས་པ་ཅན་དང་། ཇི་ཙམ་དུ་ཡིད་ཀྱི་རྣམ་པར་ཤེས་པ་དང་།
ཡིད་ཀྱི་རྣམ་པར་ཤེས་པ་ཅན་དང་། ཇི་ཙམ་དུ་མྱིག་གི་འདུས་ཏེ་རེག་པ་དང་། མྱིག་གི་འདུས་ཏེ་རེག་པ་ཅན་དང་། ཇི་ཙམ་དུ་རྣ་བའི་འདུས་ཏེ་རེག་པ་དང་། རྣ་བའི་འདུས་ཏེ་རེག་པ་ཅན་དང་། ཇི་ཙམ་དུ་སྣའི་འདུས་ཏེ་རེག་པ་དང་། སྣའི་འདུས་ཏེ་རེག་པ་ཅན་དང་། ཇི་ཙམ་

དུ་ལྕེའི་འདུས་ཏེ་རེག་པ་དང་། ལྕེའི་འདུས་ཏེ་རེག་པ་ཅན་དང་། ཇི་ཙམ་དུ་ལུས་ཀྱི་འདུས་ཏེ་རེག་པ་དང་། ལུས་ཀྱི་འདུས་ཏེ་རེག་པ་ཅན་དང་། ཇི་ཙམ་དུ་ཡིད་ཀྱི་འདུས་ཏེ་རེག་པ་དང་། ཡིད་ཀྱི་འདུས་ཏེ་རེག་པ་ཅན་དང་། ཇི་ཙམ་དུ་མྱིག་གི་འདུས་ཏེ་རེག་པའི་རྐྱེན་
ཀྱིས་ཚོར་བ་དང་། མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་དང་། ཇི་ཙམ་དུ་རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་དང་། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་དང་། ཇི་ཙམ་དུ་སྣའི་འདུས་ཏེ་རེག་
པའི་རྐྱེན་ཀྱིས་ཚོར་བ་དང་། སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་དང་། ཇི་ཙམ་དུ་ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་དང་། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་དང་། ཇི་ཙམ་དུ་ལུས་ཀྱི་
འདུས་ཏེ་རེག་པའི་རྐྱེན་ཀྱིས་ཚོར་བ་དང་། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་དང་། ཇི་ཙམ་དུ་ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་དང་། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་དང་།
ཇི་ཙམ་དུ་སའི་ཁམས་དང་། སའི་ཁམས་ཡོངས་སུ་ཤེས་པར་བྱེད་པ་དང་། ཇི་ཙམ་དུ་ཆུའི་ཁམས་དང་། ཆུའི་ཁམས་ཡོངས་སུ་ཤེས་པར་བྱེད་པ་དང་། ཇི་ཙམ་དུ་མྱེའི་ཁམས་དང་། མྱེའི་ཁམས་ཡོངས་སུ་ཤེས་པར་བྱེད་པ་དང་། ཇི་ཙམ་དུ་རླུང་གི་ཁམས་
དང་། རླུང་གི་ཁམས་ཡོངས་སུ་ཤེས་པར་བྱེད་པ་དང་། ཇི་ཙམ་དུ་ནམ་མཁའི་ཁམས་དང་། ནམ་མཁའི་ཁམས་ཡོངས་སུ་ཤེས་པར་བྱེད་པ་དང་། ཇི་ཙམ་དུ་རྣམ་པར་ཤེས་པའི་ཁམས་དང་། རྣམ་པར་ཤེས་པའི་ཁམས་ཡོངས་སུ་ཤེས་པར་བྱེད་པ་དང་།
ཇི་ཙམ་དུ་མ་རིག་པ་དང་། མ་རིག་པ་སྐྱེད་པ་དང་། ཇི་ཙམ་དུ་འདུ་བྱེད་དང་། འདུ་བྱེད་པ་དང་། ཇི་ཙམ་དུ་རྣམ་པར་ཤེས་པ་དང་། རྣམ་པར་ཤེས་པ་ཅན་དང་། ཇི་ཙམ་དུ་མྱིང་དང་གཟུགས་དང་། མྱིང་དང་གཟུགས་ཅན་དང་། ཇི་ཙམ་དུ་སྐྱེ་མཆེད་དྲུག་དང་།

སྐྱེ་མཆེད་དྲུག་ཅན་དང་། ཇི་ཙམ་དུ་རེག་པ་དང་། རེག་པར་བྱེད་པ་དང་། ཇི་ཙམ་དུ་ཚོར་བ་དང་། ཚོར་བ་པོ་དང་། ཇི་ཙམ་དུ་སྲེད་པ་དང་། སྲེད་པ་ཅན་དང་། ཇི་ཙམ་དུ་ལེན་པ་དང་། ལེན་པར་བྱེད་པ་དང་། ཇི་ཙམ་དུ་སྲིད་པ་དང་། སྲིད་པ་
ཅན་དང་། ཇི་ཙམ་དུ་སྐྱེ་བ་དང་། སྐྱེ་བའི་ཆོས་ཅན་དང་། ཇི་ཙམ་དུ་རྒ་ཤི་དང་། རྒ་ཤིའི་ཆོས་ཅན་དང་། ཇི་ཙམ་དུ་སྦྱིན་པ་དང་། སྦྱིན་པ་གཏོང་བ་དང་། ཇི་ཙམ་དུ་ཚུལ་ཁྲིམས་དང་། ཚུལ་ཁྲིམས་དང་ལྡན་པ་དང་། ཇི་ཙམ་དུ་བཟོད་པ་དང་། བཟོད་པ་ཅན་
དང་། ཇི་ཙམ་དུ་བརྩོན་འགྲུས་དང་། བརྩོན་འགྲུས་ཅན་དང་། ཇི་ཙམ་དུ་བསམ་གཏན་དང་། བསམ་གཏན་པ་དང་། ཇི་ཙམ་དུ་ཤེས་རབ་དང་། ཤེས་རབ་དང་ལྡན་པ་དང་། ཇི་ཙམ་དུ་ནང་སྟོང་པ་ཉིད་དང་། ནང་སྟོང་པ་ཉིད་སྒོམ་པ་དང་། ཇི་ཙམ་དུ་
ཕྱི་སྟོང་པ་ཉིད་དང་། ཕྱི་སྟོང་པ་ཉིད་སྒོམ་པ་དང་། ཇི་ཙམ་དུ་ཕྱི་ནང་སྟོང་པ་ཉིད་དང་། ཕྱི་ནང་སྟོང་པ་ཉིད་སྒོམ་པ་དང་། ཇི་ཙམ་དུ་སྟོང་པ་ཉིད་སྟོང་པ་ཉིད་དང་། སྟོང་པ་ཉིད་སྟོང་པ་ཉིད་སྒོམ་པ་དང་། ཇི་ཙམ་དུ་ཆེན་པོ་སྟོང་པ་ཉིད་དང་། ཆེན་པོ་སྟོང་པ་
ཉིད་སྒོམ་པ་དང་། ཇི་ཙམ་དུ་དོན་དམ་པ་སྟོང་པ་ཉིད་དང་། དོན་དམ་པ་སྟོང་པ་ཉིད་སྒོམ་པ་དང་། ཇི་ཙམ་དུ་འདུས་བྱས་སྟོང་པ་ཉིད་དང་། འདུས་བྱས་སྟོང་པ་ཉིད་སྒོམ་པ་དང་། ཇི་ཙམ་དུ་འདུས་མ་བྱས་སྟོང་པ་ཉིད་དང་། འདུས་མ་བྱས་སྟོང་པ་
ཉིད་སྒོམ་པ་དང་། ཇི་ཙམ་དུ་མཐའ་ལས་འདས་པ་སྟོང་པ་ཉིད་དང་། མཐའ་ལས་འདས་པ་སྟོང་པ་ཉིད་སྒོམ་པ་དང་། ཇི་ཙམ་དུ་ཐོག་མ་དང་ཐ་མ་མྱེད་པ་སྟོང་པ་ཉིད་དང་། ཐོག་མ་དང་ཐ་མ་མྱེད་པ་སྟོང་པ་ཉིད་སྒོམ་པ་དང་། ཇི་ཙམ་དུ་དོར་བ་མྱེད་
པ་སྟོང་པ་ཉིད་དང་། དོར་བ་མྱེད་པ་སྟོང་པ་ཉིད་སྒོམ་པ་དང་། ཇི་ཙམ་དུ་རང་བཞིན་སྟོང་པ་ཉིད་དང་། རང་བཞིན་སྟོང་པ་ཉིད་སྒོམ་པ་དང་། ཇི་ཙམ་དུ་ཆོས་ཐམས་ཅད་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་སྒོམ་པ་དང་། ཇི་ཙམ་དུ་རང་གི་མཚན་

ཉིད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་སྒོམ་པ་དང་། ཇི་ཙམ་དུ་མྱི་དམྱིགས་པ་སྟོང་པ་ཉིད་དང་། མྱི་དམྱིགས་པ་སྟོང་པ་ཉིད་སྒོམ་པ་དང་། ཇི་ཙམ་དུ་དངོས་པོ་མྱེད་པ་སྟོང་པ་ཉིད་དང་། དངོས་པོ་མྱེད་པ་སྟོང་པ་ཉིད་སྒོམ་པ་དང་། ཇི་ཙམ་
དུ་ངོ་བོ་ཉིད་སྟོང་པ་ཉིད་དང་། ངོ་བོ་ཉིད་སྟོང་པ་ཉིད་སྒོམ་པ་དང་། ཇི་ཙམ་དུ་དངོས་པོ་མྱེད་པའི་ངོ་བོ་ཉིད་སྟོང་པ་ཉིད་དང་། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་སྒོམ་པ་དང་། ཇི་ཙམ་དུ་དྲན་པ་ཉེ་བར་གཞག་པ་རྣམས་དང་། དྲན་པ་ཉེ་བར་གཞག་པ་རྣམས་
སྒོམ་པ་དང་། ཇི་ཙམ་དུ་ཡང་དག་པར་སྤོང་བ་རྣམས་དང་། ཡང་དག་པར་སྤོང་བ་རྣམས་སྒོམ་པ་དང་། ཇི་ཙམ་དུ་རྫུ་འཕྲུལ་གྱི་རྐང་པ་རྣམས་དང་། རྫུ་འཕྲུལ་གྱི་རྐང་པ་རྣམས་སྒོམ་པ་དང་། ཇི་ཙམ་དུ་དབང་པོ་རྣམས་དང་། དབང་པོ་རྣམས་སྒོམ་
པ་དང་། ཇི་ཙམ་དུ་སྟོབས་རྣམས་དང་། སྟོབས་རྣམས་སྒོམ་པ་དང་། ཇི་ཙམ་དུ་བྱང་ཆུབ་ཀྱི་ཡན་ལག་རྣམས་དང་། བྱང་ཆུབ་ཀྱི་ཡན་ལག་རྣམས་སྒོམ་པ་དང་། ཇི་ཙམ་དུ་འཕགས་པའི་ལམ་ཡན་ལག་བརྒྱད་པ་དང་། འཕགས་པའི་ལམ་ཡན་
ལག་བརྒྱད་པ་སྒོམ་པ་དང་། ཇི་ཙམ་དུ་འཕགས་པའི་བདེན་པ་རྣམས་དང་། འཕགས་པའི་བདེན་པ་རྣམས་སྒོམ་པ་དང་། ཇི་ཙམ་དུ་བསམ་གཏན་རྣམས་དང་། བསམ་གཏན་རྣམས་སྒོམ་པ་དང་། ཇི་ཙམ་དུ་ཚད་མྱེད་པ་རྣམས་དང་། ཚད་མྱེད་པ་
རྣམས་སྒོམ་པ་དང་། ཇི་ཙམ་དུ་གཟུགས་མྱེད་པའི་སྙོམས་པར་འཇུག་པ་དང་། གཟུགས་མྱེད་པའི་སྙོམས་པར་འཇུག་པ་རྣམས་སྒོམ་པ་དང་། ཇི་ཙམ་དུ་རྣམ་པར་ཐར་པ་བརྒྱད་དང་། རྣམ་པར་ཐར་པ་བརྒྱད་སྒོམ་པ་དང་། ཇི་ཙམ་དུ་མཐར་ཀྱིས་གནས་པའི་
སྙོམས་པར་འཇུག་པ་དགུ་དང་། མཐར་ཀྱིས་གནས་པའི་སྙོམས་པར་འཇུག་པ་དགུ་སྒོམ་པ་དང་། ཇི་ཙམ་དུ་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མྱེད་པ་དང་། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་

སྨོན་པ་མྱེད་པ་སྒོམ་པ་དང་། ཇི་ཙམ་དུ་མངོན་པར་ཤེས་པ་རྣམས་དང་། མངོན་པར་ཤེས་པ་རྣམས་སྒོམ་པ་དང་། ཇི་ཙམ་དུ་ཏིང་ངེ་འཛིན་རྣམས་དང་། ཏིང་ངེ་འཛིན་རྣམས་སྒོམ་པ་དང་། ཇི་ཙམ་དུ་གཟུངས་ཀྱི་སྒོ་རྣམས་དང་།
གཟུངས་ཀྱི་སྒོ་རྣམས་སྒོམ་པ་དང་། ཇི་ཙམ་དུ་དེ་བཞིན་གཤེགས་པའི་སྟོབས་བཅུ་དང་། དེ་བཞིན་གཤེགས་པའི་སྟོབས་བཅུ་སྒོམ་པ་དང་། ཇི་ཙམ་དུ་མི་འཇིགས་པ་བཞི་དང་། མྱི་འཇིགས་པ་བཞི་སྒོམ་པ་དང་། ཇི་ཙམ་དུ་སོ་སོ་ཡང་དག་པར་རིག་པ་
བཞི་དང་། སོ་སོ་ཡང་དག་པར་རིག་པ་བཞི་སྒོམ་པ་དང་། ཇི་ཙམ་དུ་བྱམས་པ་ཆེན་པོ་དང་། བྱམས་པ་ཆེན་པོ་སྒོམ་པ་དང་། ཇི་ཙམ་དུ་སྙིང་རྗེ་ཆེན་པོ་དང་། སྙིང་རྗེ་ཆེན་པོ་སྒོམ་པ་དང་། ཇི་ཙམ་དུ་སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་དང་།
སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་སྒོམ་པ་དང་། ཇི་ཙམ་དུ་རྒྱུན་ཏུ་ཞུགས་པའི་འབྲས་བུ་དང་། རྒྱུན་ཏུ་ཞུགས་པ་དང་། ཇི་ཙམ་དུ་ལན་ཅིག་ཕྱིར་འོང་བའི་འབྲས་བུ་དང་། ལན་ཅིག་ཕྱིར་འོང་བ་དང་། ཇི་ཙམ་དུ་ཕྱིར་མྱི་འོང་བའི་འབྲས་བུ་དང་།
ཕྱིར་མི་འོང་བ་དང་། ཇི་ཙམ་དུ་དགྲ་བཅོམ་པ་ཉིད་དང་། དགྲ་བཅོམ་པ་དང་། ཇི་ཙམ་དུ་རང་བྱང་ཆུབ་དང་། རང་སངས་རྒྱས་དང་། ཇི་ཙམ་དུ་ལམ་གྱི་རྣམ་པ་ཤེས་པ་ཉིད་དང་། བྱང་ཆུབ་སེམས་དཔའ་དང་། ཇི་ཙམ་དུ་བླ་ན་མེད་པ་ཡང་དག་པར་རྫོགས་པའི་
བྱང་ཆུབ་དང་། སངས་རྒྱས་ཏེ། རབ་འབྱོར་འདི་དག་ནི་གཉིས་སོ། །གསོལ་པ། བཅོམ་ལྡན་འདས་གཉིས་སུ་མ་མཆིས་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། མྱིག་དང་གཟུགས་མྱེད་པ་དང་། རྣ་བ་དང་སྒྲ་མྱེད་པ་དང་།
སྣ་དང་དྲི་མྱེད་པ་དང་། ལྕེ་དང་རོ་མྱེད་པ་དང་། ལུས་དང་རེག་མྱེད་པ་དང་། ཡིད་དང་ཆོས་མྱེད་པ་དང་། གཟུགས་དང་གཟུགས་ཅན་མྱེད་པ་དང་། ཚོར་བ་དང་ཚོར་བ་པོ་མྱེད་པ་དང་། འདུ་ཤེས་དང་། འདུ་ཤེས་ཅན་མྱེད་པ་དང་། འདུ་བྱེད་དང་འདུ་བྱེད་པ་མྱེད་

པ་དང་། རྣམ་པར་ཤེས་པ་དང་། རྣམ་པར་ཤེས་པར་བྱེད་པ་མྱེད་པ་དང་། མྱིག་གི་རྣམ་པར་ཤེས་པ་དང་། མྱིག་གི་རྣམ་པར་ཤེས་པ་ཅན་མྱེད་པ་དང་། རྣ་བའི་རྣམ་པར་ཤེས་པ་དང་། རྣ་བའི་རྣམ་པར་ཤེས་པ་ཅན་མྱེད་པ་དང་། སྣའི་རྣམ་པར་ཤེས་པ་དང་།
སྣའི་རྣམ་པར་ཤེས་པ་ཅན་མྱེད་པ་དང་། ལྕེའི་རྣམ་པར་ཤེས་པ་དང་། ལྕེའི་རྣམ་པར་ཤེས་པ་ཅན་མྱེད་པ་དང་། ལུས་ཀྱི་རྣམ་པར་ཤེས་པ་དང་། ལུས་ཀྱི་རྣམ་པར་ཤེས་པ་ཅན་མྱེད་པ་དང་། ཡིད་ཀྱི་རྣམ་པར་ཤེས་པ་དང་། ཡིད་ཀྱི་རྣམ་པར་ཤེས་པ་
ཅན་མྱེད་པ་དང་། མྱིག་གི་འདུས་ཏེ་རེག་པ་དང་། མྱིག་གི་འདུས་ཏེ་རེག་པ་ཅན་མྱེད་པ་དང་། རྣ་བའི་འདུས་ཏེ་རེག་པ་དང་། རྣ་བའི་འདུས་ཏེ་རེག་པ་ཅན་མྱེད་པ་དང་། སྣའི་འདུས་ཏེ་རེག་པ་དང་། སྣའི་འདུས་ཏེ་རེག་པ་ཅན་མྱེད་པ་དང་། ལྕེའི་འདུས་ཏེ་
རེག་པ་དང་། ལྕེའི་འདུས་ཏེ་རེག་པ་ཅན་མྱེད་པ་དང་། ལུས་ཀྱི་འདུས་ཏེ་རེག་པ་དང་། ལུས་ཀྱི་འདུས་ཏེ་རེག་པ་ཅན་མྱེད་པ་དང་། ཡིད་ཀྱི་འདུས་ཏེ་རེག་པ་དང་། ཡིད་ཀྱི་འདུས་ཏེ་རེག་པ་ཅན་མྱེད་པ་དང་། མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་དང་།
མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་མྱེད་པ་དང་། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་དང་། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་མྱེད་པ་དང་། སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་དང་།
སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་མྱེད་པ་དང་། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་དང་། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་མྱེད་པ་དང་། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་དང་།
ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་མྱེད་པ་དང་། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་དང་། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཉམས་སུ་མྱོང་བར་བྱེད་པ་མྱེད་པ་དང་། སའི་ཁམས་དང་། སའི་ཁམས་ཡོངས་སུ་

ཤེས་པར་བྱེད་པ་མྱེད་པ་དང་། ཆུའི་ཁམས་དང་། ཆུའི་ཁམས་ཡོངས་སུ་ཤེས་པར་བྱེད་པ་མྱེད་པ་དང་། མེའི་ཁམས་དང་། མེའི་ཁམས་ཡོངས་སུ་ཤེས་པར་བྱེད་པ་མྱེད་པ་དང་། རླུང་གི་ཁམས་དང་། རླུང་གི་ཁམས་ཡོངས་སུ་ཤེས་པར་
བྱེད་པ་མྱེད་པ་དང་། ནམ་མཁའི་ཁམས་དང་། ནམ་མཁའི་ཁམས་ཡོངས་སུ་ཤེས་པར་བྱེད་པ་མྱེད་པ་དང་། རྣམ་པར་ཤེས་པ་དང་། རྣམ་པར་ཤེས་པ་ཡོངས་སུ་ཤེས་པར་བྱེད་པ་མྱེད་པ་དང་། མ་རིག་པ་དང་། མ་རིག་པ་སྐྱེད་པ་མྱེད་པ་དང་། འདུ་བྱེད་དང་།
འདུ་བྱེད་པ་མྱེད་པ་དང་། རྣམ་པར་ཤེས་པ་དང་། རྣམ་པར་ཤེས་པ་ཅན་མྱེད་པ་དང་། མྱིང་དང་གཟུགས་དང་། མྱིང་དང་གཟུགས་ཅན་མྱེད་པ་དང་། སྐྱེ་མཆེད་དྲུག་དང་། སྐྱེ་མཆེད་དྲུག་ཅན་མྱེད་པ་དང་། རེག་པ་དང་། རེག་པར་བྱེད་པ་མྱེད་པ་དང་། ཚོར་བ་དང་།
ཚོར་བ་པོ་མྱེད་པ་དང་། སྲེད་པ་དང་། སྲེད་པ་ཅན་མྱེད་པ་དང་། ལེན་པ་དང་། ལེན་པར་བྱེད་པ་མེད་པ་དང་། སྲིད་པ་དང་། སྲིད་པ་ཅན་མྱེད་པ་དང་། སྐྱེ་བ་དང་། སྐྱེ་བའི་ཆོས་ཅན་མྱེད་པ་དང་། རྒ་ཤི་དང་། རྒ་ཤིའི་ཆོས་ཅན་མྱེད་པ་དང་། སྦྱིན་པ་དང་། སྦྱིན་པ་གཏོང་
བ་མྱེད་པ་དང་། ཚུལ་ཁྲིམས་དང་། ཚུལ་ཁྲིམས་དང་ལྡན་པ་མྱེད་པ་དང་། བཟོད་པ་དང་། བཟོད་པ་ཅན་མྱེད་པ་དང་། བརྩོན་འགྲུས་དང་། བརྩོན་འགྲུས་ཅན་མེད་པ་དང་། བསམ་གཏན་དང་། བསམ་གཏན་པ་མྱེད་པ་དང་། ཤེས་རབ་དང་། ཤེས་རབ་དང་ལྡན་པ་མྱེད་པ་དང་། ནང་སྟོང་པ་ཉིད་
དང་། ནང་སྟོང་པ་ཉིད་སྒོམ་པ་མྱེད་པ་དང་། ཕྱི་སྟོང་པ་ཉིད་དང་། ཕྱི་སྟོང་པ་ཉིད་སྒོམ་པ་མྱེད་པ་དང་། ཕྱི་ནང་སྟོང་པ་ཉིད་དང་། ཕྱི་ནང་སྟོང་པ་ཉིད་སྒོམ་པ་མྱེད་པ་དང་། སྟོང་པ་ཉིད་སྟོང་པ་ཉིད་དང་། སྟོང་པ་ཉིད་སྟོང་པ་ཉིད་སྒོམ་པ་མྱེད་པ་དང་། ཆེན་པོ་སྟོང་པ་ཉིད་
དང་། ཆེན་པོ་སྟོང་པ་ཉིད་སྒོམ་པ་མྱེད་པ་དང་། དོན་དམ་པ་སྟོང་པ་ཉིད་དང་། དོན་དམ་པ་སྟོང་པ་ཉིད་སྒོམ་པ་མྱེད་པ་དང་། འདུས་བྱས་སྟོང་པ་ཉིད་དང་། འདུས་བྱས་སྟོང་པ་ཉིད་སྒོམ་པ་མྱེད་པ་དང་། འདུས་མ་བྱས་སྟོང་པ་ཉིད་དང་། འདུས་མ་བྱས་སྟོང་པ་

ཉིད་སྒོམ་པ་མྱེད་པ་དང་། མཐའ་ལས་འདས་པ་སྟོང་པ་ཉིད་དང་། མཐའ་ལས་འདས་པ་སྟོང་པ་ཉིད་སྒོམ་པ་མྱེད་པ་དང་། ཐོག་མ་དང་ཐ་མ་མྱེད་པ་སྟོང་པ་ཉིད་དང་། ཐོག་མ་དང་ཐ་མ་མྱེད་པ་སྟོང་པ་ཉིད་སྒོམ་པ་མྱེད་པ་དང་། དོར་བ་མྱེད་པ་
སྟོང་པ་ཉིད་དང་། དོར་བ་མྱེད་པ་སྟོང་པ་ཉིད་སྒོམ་པ་མྱེད་པ་དང་། རང་བཞིན་སྟོང་པ་ཉིད་དང་། རང་བཞིན་སྟོང་པ་ཉིད་སྒོམ་པ་མྱེད་པ་དང་། ཆོས་ཐམས་ཅད་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་སྒོམ་པ་མྱེད་པ་དང་། རང་གི་མཚན་ཉིད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་སྒོམ་
པ་མྱེད་པ་དང་། མྱི་དམྱིགས་པ་སྟོང་པ་ཉིད་དང་། མྱི་དམྱིགས་པ་སྟོང་པ་ཉིད་སྒོམ་པ་མྱེད་པ་དང་། དངོས་པོ་མྱེད་པ་སྟོང་པ་ཉིད་དང་། དངོས་པོ་མྱེད་པ་སྟོང་པ་ཉིད་སྒོམ་པ་མྱེད་པ་དང་། ངོ་བོ་ཉིད་སྟོང་པ་ཉིད་དང་། ངོ་བོ་ཉིད་སྟོང་པ་ཉིད་སྒོམ་པ་མྱེད་པ་དང་། དངོས་པོ་
མྱེད་པའི་ངོ་བོ་ཉིད་སྟོང་པ་ཉིད་དང་། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་སྒོམ་པ་མྱེད་པ་དང་། དྲན་པ་ཉེ་བར་གཞག་པ་རྣམས་དང་། དྲན་པ་ཉེ་བར་གཞག་པ་རྣམས་སྒོམ་པ་མེད་པ་དང་། ཡང་དག་པར་སྤོང་བ་རྣམས་དང་། ཡང་དག་པར་སྤོང་བ་རྣམས་སྒོམ་པ་མྱེད་
པ་དང་། རྫུ་འཕྲུལ་གྱི་རྐང་པ་རྣམས་དང་། རྫུ་འཕྲུལ་གྱི་རྐང་པ་རྣམས་སྒོམ་པ་མྱེད་པ་དང་། དབང་པོ་རྣམས་དང་། དབང་པོ་རྣམས་སྒོམ་པ་མྱེད་པ་དང་། སྟོབས་རྣམས་དང་། སྟོབས་རྣམས་སྒོམ་པ་མྱེད་པ་དང་། བྱང་ཆུབ་ཀྱི་ཡན་ལག་རྣམས་དང་། བྱང་ཆུབ་
ཀྱི་ཡན་ལག་རྣམས་སྒོམ་པ་མྱེད་པ་དང་། འཕགས་པའི་ལམ་ཡན་ལག་བརྒྱད་པ་དང་། འཕགས་པའི་ལམ་ཡན་ལག་བརྒྱད་པ་སྒོམ་པ་མྱེད་པ་དང་། འཕགས་པའི་བདེན་པ་རྣམས་དང་། འཕགས་པའི་བདེན་པ་རྣམས་སྒོམ་པ་མེད་པ་དང་། བསམ་གཏན་
རྣམས་དང་། བསམ་གཏན་རྣམས་སྒོམ་པ་མྱེད་པ་དང་། ཚད་མྱེད་པ་རྣམས་དང་། ཚད་མྱེད་པ་རྣམས་སྒོམ་པ་མྱེད་པ་དང་། གཟུགས་མྱེད་པའི་སྙོམས་པར་འཇུག་པ་རྣམས་དང་། གཟུགས་མྱེད་པའི་སྙོམས་པར་འཇུག་པ་རྣམས་སྒོམ་པ་མྱེད་པ་དང་། རྣམ་

པར་ཐར་པ་བརྒྱད་དང་། རྣམ་པར་ཐར་པ་བརྒྱད་སྒོམ་པ་མྱེད་པ་དང་། མཐར་ཀྱིས་གནས་པའི་སྙོམས་པར་འཇུག་པ་དགུ་དང་། མཐར་ཀྱིས་གནས་པའི་སྙོམས་པར་འཇུག་པ་དགུ་སྒོམ་པ་མྱེད་པ་དང་། རྣམ་པར་ཐར་པའི་སྒོ་སྟོང་པ་ཉིད་དང་
མཚན་མ་མྱེད་པ་དང་། །སྨོན་པ་མྱེད་པ་དང་། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་སྒོམ་པ་མྱེད་པ་དང་། མངོན་པར་ཤེས་པ་རྣམས་དང་། མངོན་པར་ཤེས་པ་རྣམས་སྒོམ་པ་མེད་པ་དང་། ཏིང་ངེ་འཛིན་རྣམས་དང་། ཏིང་ངེ་
འཛིན་རྣམས་སྒོམ་པ་མྱེད་པ་དང་། གཟུངས་ཀྱི་སྒོ་རྣམས་དང་། གཟུངས་ཀྱི་སྒོ་རྣམས་སྒོམ་པ་མྱེད་པ་དང་། དེ་བཞིན་གཤེགས་པའི་སྟོབས་བཅུ་དང་། དེ་བཞིན་གཤེགས་པའི་སྟོབས་བཅུ་སྒོམ་པ་མྱེད་པ་དང་། མྱི་འཇིགས་པ་བཞི་དང་། མྱི་འཇིགས་པ་བཞི་སྒོམ་
པ་མྱེད་པ་དང་། སོ་སོ་ཡང་དག་པར་རིག་པ་བཞི་དང་། སོ་སོ་ཡང་དག་པར་རིག་པ་བཞི་སྒོམ་པ་མྱེད་པ་དང་། བྱམས་པ་ཆེན་པོ་དང་། བྱམས་པ་ཆེན་པོ་སྒོམ་པ་མྱེད་པ་དང་། སྙིང་རྗེ་ཆེན་པོ་དང་། སྙིང་རྗེ་ཆེན་པོ་སྒོམ་པ་མྱེད་པ་དང་། སངས་རྒྱས་ཀྱི་ཆོས་མ་
འདྲེས་པ་བཅྭོ་བརྒྱད་དང་། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་སྒོམ་པ་མྱེད་པ་དང་། རྒྱུན་ཏུ་ཞུགས་པའི་འབྲས་བུ་དང་། རྒྱུན་ཏུ་ཞུགས་པ་མྱེད་པ་དང་། ལན་ཅིག་ཕྱིར་འོང་བའི་འབྲས་བུ་དང་། ལན་ཅིག་ཕྱིར་འོང་བ་མྱེད་པ་དང་། ཕྱིར་མི་འོང་བའི་
འབྲས་བུ་དང་། ཕྱིར་མྱི་འོང་བ་མྱེད་པ་དང་། དགྲ་བཅོམ་པ་ཉིད་དང་། དགྲ་བཅོམ་པ་མྱེད་པ་དང་། རང་བྱང་ཆུབ་དང་། རང་སངས་རྒྱས་མྱེད་པ་དང་། ལམ་གྱི་རྣམ་པ་ཤེས་པ་ཉིད་དང་། བྱང་ཆུབ་སེམས་དཔའ་མྱེད་པ་དང་། བླ་ན་མྱེད་པ་ཡང་དག་པར་རྫོགས་
པའི་བྱང་ཆུབ་དང་། སངས་རྒྱས་མྱེད་པ་སྟེ། རབ་འབྱོར་འདི་དག་ནི་གཉིས་སུ་མྱེད་པའོ། །གསོལ་པ། བཅོམ་ལྡན་འདས་ཅི་ལགས། དམྱིགས་སུ་མཆིས་པ་མྱི་དམྱིགས་སམ། མ་ལགས་ཏེ། དམྱིགས་སུ་མ་མཆིས་པ་མྱི་དམྱིགས། བཅོམ་ལྡན་འདས་ཀྱིས་

བཀའ་སྩལ་པ། རབ་འབྱོར་དམྱིགས་སུ་ཡོད་པ་མྱི་དམྱིགས་པ་ཡང་མ་ཡིན། དམྱིགས་སུ་མྱེད་པ་མྱི་དམྱིགས་པ་ཡང་མ་ཡིན་གྱིས། རབ་འབྱོར་དམྱིགས་པ་དང་མྱི་དམྱིགས་པ་མཉམ་པ་ཉིད་ནི་མྱི་དམྱིགས་པ་སྟེ། རབ་འབྱོར་དེ་ལྟར་བྱང་ཆུབ་སེམས་
དཔའ་སེམས་དཔའ་ཆེན་པོས། དམྱིགས་པ་དང་མྱི་དམྱིགས་པ་མཉམ་པ་ཉིད་ལ་བསླབ་པར་བྱའོ། །དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། མྱི་དམྱིགས་པ་དང་ལྡན་པར་འགྱུར་རོ། །
གསོལ་པ། བཅོམ་ལྡན་འདས་གལ་ཏེ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། དམྱིགས་པ་ལ་ཡང་མྱི་ཆགས། མྱི་དམྱིགས་པ་ལ་ཡང་མྱི་ཆགས་པ་ལགས་ན། འོ་ན་
ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ས་ནས་ས་ཡོངས་སུ་རྫོགས་པར་བགྱི། ས་ནས་ས་ཡོངས་སུ་རྫོགས་ནས་ནི། རྣམ་པ་ཐམས་ཅད་མཁྱེན་པ་ཉིད་ཇི་ལྟར་ཐོབ་པར་བགྱི།
བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། དམྱིགས་པ་ལ་གནས་ཤིང་། ས་ནས་ས་ཡོངས་སུ་རྫོགས་པར་མྱི་བྱེད་དེ། བྱང་ཆུབ་
སེམས་དཔའ་སེམས་དཔའ་ཆེན་པོས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། དམྱིགས་པ་ལ་གནས་ཏེ། ས་ནས་ས་ཡོངས་སུ་རྫོགས་པར་བྱ་བར་མྱི་ནུས་སོ། །དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པའང་དམྱིགས་སུ་
མྱེད། བྱང་ཆུབ་ཀྱང་དམྱིགས་སུ་མྱེད་དེ། གང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ་ཡང་དམྱིགས་སུ་མྱེད་དོ། །རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པར་བྱའོ། །གསོལ་

པ། བཅོམ་ལྡན་འདས་གལ་ཏེ། དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་དམྱིགས་སུ་མ་མཆིས་ཏེ། གང་བྱང་ཆུབ་ཏུ་སྤྱོད་པ་དེ་ཡང་དམྱིགས་སུ་མ་མཆིས་པ་ལགས་ན། འོ་ན་ཇི་ལྟར་བྱང་ཆུབ་སེམས་དཔའ་སེམས་དཔའ་
ཆེན་པོ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། འདི་ནི་གཟུགས་སོ། །འདི་ནི་ཚོར་པའོ། །འདི་ནི་འདུ་ཤེས་སོ། །འདི་ནི་འདུ་བྱེད་དོ། །འདི་ནི་རྣམ་པར་ཤེས་པའོ། །འདི་ནི་མྱིག་གོ། །འདི་ནི་རྣ་བའོ། །འདི་ནི་སྣའོ། །འདི་ནི་ལྕེའོ། །འདི་ནི་ལུས་སོ། །
འདི་ནི་ཡིད་དོ། །འདི་ནི་གཟུགས་སོ། །འདི་ནི་སྒྲའོ། །འདི་ནི་དྲིའོ། །འདི་ནི་རོའོ། །འདི་ནི་རེག་གོ། །འདི་ནི་ཆོས་སོ། །འདི་ནི་མྱིག་གི་རྣམ་པར་ཤེས་པའོ། །འདི་ནི་རྣ་བའི་རྣམ་པར་ཤེས་པའོ། །འདི་ནི་སྣའི་རྣམ་པར་ཤེས་པའོ། །འདི་ནི་ལྕེའི་རྣམ་པར་
ཤེས་པའོ། །འདི་ནི་ལུས་ཀྱི་རྣམ་པར་ཤེས་པའོ། །འདི་ནི་ཡིད་ཀྱི་རྣམ་པར་ཤེས་པའོ། །འདི་ནི་མྱིག་གི་འདུས་ཏེ་རེག་པའོ། །འདི་ནི་རྣ་བའི་འདུས་ཏེ་རེག་པའོ། །འདི་ནི་སྣའི་འདུས་ཏེ་རེག་པའོ། །འདི་ནི་ལྕེའི་འདུས་ཏེ་རེག་པའོ། །འདི་ནི་ལུས་ཀྱི་འདུས་
ཏེ་རག་པའོ། །འདི་ནི་ཡིད་ཀྱི་འདུས་ཏེ་རེག་པའོ། །འདི་ནི་མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བའོ། །འདི་ནི་རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བའོ། །འདི་ནི་སྣའི་འདུས་ཏེ་རེག་པའི་རྐྱེན་ཀྱིས་ཚོར་བའོ། །འདི་ནི་ལྕེའི་འདུས་ཏེ་རེག་པའི་རྐྱེན་ཀྱིས་
ཚོར་བའོ། །འདི་ནི་ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བའོ། །འདི་ནི་ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བའོ། །འདི་ནི་སའི་ཁམས་སོ། །འདི་ནི་ཆུའི་ཁམས་སོ། །འདི་ནི་མྱེའི་ཁམས་སོ། །འདི་ནི་རླུང་གི་ཁམས་སོ། །འདི་ནི་ནམ་མཁའི་ཁམས་
སོ། །འདི་ནི་རྣམ་པར་ཤེས་པའི་ཁམས་སོ། །འདི་ནི་མ་རིག་པའོ། །འདི་ནི་འདུ་བྱེད་དོ། །འདི་ནི་རྣམ་པར་ཤེས་པའོ། །འདི་ནི་མྱིང་དང་གཟུགས་སོ། །འདི་ནི་སྐྱེ་མཆེད་དྲུག་གོ། །འདི་ནི་རེག་པའོ། །འདི་ནི་ཚོར་བའོ། །འདི་ནི་སྲེད་པའོ། །འདི་ནི་ལེན་པའོ། །འདི་

ནི་སྲིད་པའོ། །འདི་ནི་སྐྱེ་བའོ། །འདི་ནི་རྒ་ཤིའོ། །འདི་ནི་སྦྱིན་པའི་ཕ་རོལ་ཏུ་ཕྱིན་པའོ། །འདི་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འདི་ནི་བཟོད་པའི་ཕ་རོལ་ཏུ་ཕྱིན་པའོ། །འདི་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །འདི་ནི་བསམ་གཏན་གྱི་ཕ་རོལ་ཏུ་
ཕྱིན་པའོ། །འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ། །འདི་ནི་ནང་སྟོང་པ་ཉིད་དོ། །འདི་ནི་ཕྱི་སྟོང་པ་ཉིད་དོ། །འདི་ནི་ཕྱི་ནང་སྟོང་པ་ཉིད་དོ། །འདི་ནི་སྟོང་པ་ཉིད་སྟོང་པ་ཉིད་དོ། །འདི་ནི་ཆེན་པོ་སྟོང་པ་ཉིད་དོ། །འདི་ནི་དོན་དམ་པ་སྟོང་པ་ཉིད་དོ། །འདི་ནི་འདུས་བྱས་
སྟོང་པ་ཉིད་དོ། །འདི་ནི་འདུས་མ་བྱས་སྟོང་པ་ཉིད་དོ། །འདི་ནི་མཐའ་ལས་འདས་པ་སྟོང་པ་ཉིད་དོ། །འདི་ནི་ཐོག་མ་དང་ཐ་མ་མྱེད་པ་སྟོང་པ་ཉིད་དོ། །འདི་ནི་དོར་བ་མྱེད་པ་སྟོང་པ་ཉིད་དོ། །འདི་ནི་རང་བཞིན་སྟོང་པ་ཉིད་དོ། །འདི་ནི་ཆོས་ཐམས་ཅད་སྟོང་པ་ཉིད་དོ། །
འདི་ནི་རང་གི་མཚན་ཉིད་སྟོང་པ་ཉིད་དོ། །འདི་ནི་མྱི་དམྱིགས་པ་སྟོང་པ་ཉིད་དོ། །འདི་ནི་དངོས་པོ་མེད་པ་སྟོང་པ་ཉིད་དོ། །འདི་ནི་ངོ་བོ་ཉིད་སྟོང་པ་ཉིད་དོ། །འདི་ནི་དངོས་པོ་མྱེད་པའི་ངོ་བོ་ཉིད་སྟོང་པ་ཉིད་དོ། །འདི་དག་ནི་དྲན་པ་ཉེ་བར་གཞག་པ་རྣམས་སོ། །
འདི་དག་ནི་ཡང་དག་པར་སྤོང་བ་རྣམས་སོ། །འདི་དག་ནི་རྫུ་འཕྲུལ་གྱི་རྐང་པ་རྣམས་སོ། །འདི་དག་ནི་དབང་པོ་རྣམས་སོ། །འདི་དག་ནི་སྟོབས་རྣམས་སོ། །འདི་དག་ནི་བྱང་ཆུབ་ཀྱི་ཡན་ལག་རྣམས་སོ། །འདི་དག་ནི་འཕགས་པའི་ལམ་ཡན་ལག་བརྒྱད་པའོ། །
འདི་དག་ནི་འཕགས་པའི་བདེན་པ་རྣམས་སོ། །འདི་དག་ནི་བསམ་གཏན་རྣམས་སོ། །འདི་དག་ནི་ཚད་མྱེད་པ་རྣམས་སོ། །འདི་དག་ནི་གཟུགས་མྱེད་པའི་སྙོམས་པར་འཇུག་པ་རྣམས་སོ། །འདི་དག་ནི་རྣམ་པར་ཐར་པ་བརྒྱད་དོ། །འདི་དག་ནི་མཐར་ཀྱིས་གནས་
པའི་སྙོམས་པར་འཇུག་པ་དགུའོ། །འདི་དག་ནི་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པའོ། །འདི་དག་ནི་མངོན་པར་ཤེས་པ་རྣམས་སོ། །འདི་དག་ནི་ཏིང་ངེ་འཛིན་རྣམས་སོ། །འདི་དག་ནི་གཟུངས་ཀྱི་སྒོ་རྣམས་སོ། །

འདི་དག་ནི་དེ་བཞིན་གཤེགས་པའི་སྟོབས་བཅུའོ། །འདི་དག་ནི་མི་འཇིགས་པ་བཞིའོ། །འདི་དག་ནི་སོ་སོ་ཡང་དག་པར་རིག་པ་བཞིའོ། །འདི་ནི་བྱམས་པ་ཆེན་པོའོ། །འདི་ནི་སྙིང་རྗེ་ཆེན་པོའོ། །འདི་དག་ནི་སངས་རྒྱས་ཀྱི་
ཆོས་མ་འདྲེས་པ་བཅྭོ་བརྒྱད་དོ། །འདི་ནི་རྒྱུན་ཏུ་ཞུགས་པའི་འབྲས་བུའོ། །འདི་ནི་ལན་ཅིག་ཕྱིར་འོང་བའི་འབྲས་བུའོ། །འདི་ནི་ཕྱིར་མྱི་འོང་བའི་འབྲས་བུའོ། །འདི་ནི་དགྲ་བཅོམ་པ་ཉིད་དོ། །འདི་ནི་རང་བྱང་ཆུབ་བོ། །འདི་ནི་ལམ་གྱི་རྣམ་པ་ཤེས་པ་ཉིད་དོ། །
འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བོ་ཞེས་བགྱི་བར། ཆོས་ཐམས་ཅད་རབ་ཏུ་རྟོགས་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་
ལ་སྤྱོད་པའི་ཚེ། ཇི་ལྟར་བྱས་པས་གཟུགས་དམྱིགས་པར་འགྱུར་བ་དང་། ཚོར་བ་དམྱིགས་པར་འགྱུར་བ་དང་། འདུ་ཤེས་དམིགས་པར་འགྱུར་བ་དང་། འདུ་བྱེད་དམྱིགས་པར་འགྱུར་བ་དང་། རྣམ་པར་ཤེས་པ་དམྱིགས་པར་འགྱུར་བ་དང་།
མྱིག་དམྱིགས་པར་འགྱུར་བ་དང་། རྣ་བ་དམྱིགས་པར་འགྱུར་བ་དང་། སྣ་དམྱིགས་པར་འགྱུར་བ་དང་། ལྕེ་དམྱིགས་པར་འགྱུར་བ་དང་། ལུས་དམྱིགས་པར་འགྱུར་བ་དང་། ཡིད་དམྱིགས་པར་འགྱུར་བ་དང་། གཟུགས་དམྱིགས་པར་འགྱུར་བ་
དང་། སྒྲ་དམྱིགས་པར་འགྱུར་བ་དང་། དྲི་དམྱིགས་པར་འགྱུར་བ་དང་། རོ་དམྱིགས་པར་འགྱུར་བ་དང་། རེག་དམྱིགས་པར་འགྱུར་བ་དང་། ཆོས་དམྱིགས་པར་འགྱུར་བ་དང་། མྱིག་གི་རྣམ་པར་ཤེས་པ་དམྱིགས་པར་འགྱུར་བ་དང་། རྣ་བའི་རྣམ་
པར་ཤེས་པ་དམྱིགས་པར་འགྱུར་བ་དང་། སྣའི་རྣམ་པར་ཤེས་པ་དམྱིགས་པར་འགྱུར་བ་དང་། ལྕེའི་རྣམ་པར་ཤེས་པ་དམྱིགས་པར་འགྱུར་བ་དང་། ལུས་ཀྱི་རྣམ་པར་ཤེས་པ་དམྱིགས་པར་འགྱུར་བ་དང་། ཡིད་ཀྱི་རྣམ་པར་ཤེས་པ་དམྱིགས་

པར་འགྱུར་བ་དང་། མྱིག་གི་འདུས་ཏེ་རེག་པ་དམྱིགས་པར་འགྱུར་བ་དང་། རྣ་བའི་འདུས་ཏེ་རེག་པ་དམྱིགས་པར་འགྱུར་བ་དང་། སྣའི་འདུས་ཏེ་རེག་པ་དམྱིགས་པར་འགྱུར་བ་དང་། ལྕེའི་འདུས་ཏེ་རེག་པ་དམིགས་པར་འགྱུར་བ་དང་། ལུས་ཀྱི་
འདུས་ཏེ་རེག་པ་དམྱིགས་པར་འགྱུར་བ་དང་། ཡིད་ཀྱི་འདུས་ཏེ་རེག་པ་དམྱིགས་པར་འགྱུར་བ་དང་། མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་དམྱིགས་པར་འགྱུར་བ་དང་། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་དམྱིགས་པར་འགྱུར་བ་དང་།
སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་དམྱིགས་པར་འགྱུར་བ་དང་། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་དམྱིགས་པར་འགྱུར་བ་དང་། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་དམྱིགས་པར་འགྱུར་བ་དང་། ཡིད་ཀྱི་འདུས་ཏེ་རེག་པའི་
རྐྱེན་ཀྱིས་ཚོར་བ་དམྱིགས་པར་འགྱུར་བ་དང་། སའི་ཁམས་དམྱིགས་པར་འགྱུར་བ་དང་། ཆུའི་ཁམས་དམྱིགས་པར་འགྱུར་བ་དང་། མྱེའི་ཁམས་དམྱིགས་པར་འགྱུར་བ་དང་། རླུང་གི་ཁམས་དམྱིགས་པར་འགྱུར་བ་དང་། ནམ་མཁའི་
ཁམས་དམྱིགས་པར་འགྱུར་བ་དང་། རྣམ་པར་ཤེས་པའི་ཁམས་དམྱིགས་པར་འགྱུར་བ་དང་། མ་རིག་པ་དམྱིགས་པར་འགྱུར་བ་དང་། འདུ་བྱེད་དམྱིགས་པར་འགྱུར་བ་དང་། རྣམ་པར་ཤེས་པ་དམྱིགས་པར་འགྱུར་བ་དང་། མྱིང་དང་གཟུགས་
དམྱིགས་པར་འགྱུར་བ་དང་། སྐྱེ་མཆེད་དྲུག་དམྱིགས་པར་འགྱུར་བ་དང་། རེག་པ་དམྱིགས་པར་འགྱུར་བ་དང་། ཚོར་བ་དམྱིགས་པར་འགྱུར་བ་དང་། སྲེད་པ་དམྱིགས་པར་འགྱུར་བ་དང་། ལེན་པ་དམྱིགས་པར་འགྱུར་བ་དང་། སྲིད་པ་
དམྱིགས་པར་འགྱུར་བ་དང་། སྐྱེ་བ་དམྱིགས་པར་འགྱུར་བ་དང་། རྒ་ཤི་དམྱིགས་པར་འགྱུར་བ་དང་། སྦྱིན་པའི་ཕ་རོལ་ཏུ་ཕྱིན་པ་དམྱིགས་པར་འགྱུར་བ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དམྱིགས་པར་འགྱུར་བ་དང་། བཟོད་པའི་ཕ་

རོལ་ཏུ་ཕྱིན་པ་དམྱིགས་པར་འགྱུར་བ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དམྱིགས་པར་འགྱུར་བ་དང་། བསམ་གཏན་གྱི་ཕ་རོལ་ཏུ་ཕྱིན་པ་དམྱིགས་པར་འགྱུར་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དམྱིགས་པར་
འགྱུར་བ་དང་། ནང་སྟོང་པ་ཉིད་དམྱིགས་པར་འགྱུར་བ་དང་། ཕྱི་སྟོང་པ་ཉིད་དམྱིགས་པར་འགྱུར་བ་དང་། ཕྱི་ནང་སྟོང་པ་ཉིད་དམྱིགས་པར་འགྱུར་བ་དང་། སྟོང་པ་ཉིད་སྟོང་པ་ཉིད་དམྱིགས་པར་འགྱུར་བ་དང་། ཆེན་པོ་སྟོང་པ་ཉིད་དམྱིགས་པར་འགྱུར་བ་དང་།
དོན་དམ་པ་སྟོང་པ་ཉིད་དམྱིགས་པར་འགྱུར་བ་དང་། འདུས་བྱས་སྟོང་པ་ཉིད་དམྱིགས་པར་འགྱུར་བ་དང་། འདུས་མ་བྱས་སྟོང་པ་ཉིད་དམྱིགས་པར་འགྱུར་བ་དང་། མཐའ་ལས་འདས་པ་སྟོང་པ་ཉིད་དམྱིགས་པར་འགྱུར་བ་དང་། ཐོག་མ་
དང་ཐ་མ་མྱེད་པ་སྟོང་པ་ཉིད་དམྱིགས་པར་འགྱུར་བ་དང་། དོར་བ་མྱེད་པ་སྟོང་པ་ཉིད་དམྱིགས་པར་འགྱུར་བ་དང་། རང་བཞིན་སྟོང་པ་ཉིད་དམྱིགས་པར་འགྱུར་བ་དང་། ཆོས་ཐམས་ཅད་སྟོང་པ་ཉིད་དམྱིགས་པར་འགྱུར་བ་དང་། རང་གི་མཚན་
ཉིད་སྟོང་པ་ཉིད་དམྱིགས་པར་འགྱུར་བ་དང་། མྱི་དམྱིགས་པ་སྟོང་པ་ཉིད་དམྱིགས་པར་འགྱུར་བ་དང་། དངོས་པོ་མྱེད་པ་སྟོང་པ་ཉིད་དམྱིགས་པར་འགྱུར་བ་དང་། ངོ་བོ་ཉིད་སྟོང་པ་ཉིད་དམྱིགས་པར་འགྱུར་བ་དང་། དངོས་པོ་མྱེད་པའི་ངོ་བོ་ཉིད་སྟོང་
པ་ཉིད་དམྱིགས་པར་འགྱུར་བ་དང་། དྲན་པ་ཉེ་བར་གཞག་པ་རྣམས་དམྱིགས་པར་འགྱུར་བ་དང་། ཡང་དག་པར་སྤོང་བ་རྣམས་དམྱིགས་པར་འགྱུར་བ་དང་། རྫུ་འཕྲུལ་གྱི་རྐང་པ་རྣམས་དམྱིགས་པར་འགྱུར་བ་དང་། དབང་པོ་རྣམས་དམྱིགས་
པར་འགྱུར་བ་དང་། སྟོབས་རྣམས་དམྱིགས་པར་འགྱུར་བ་དང་། བྱང་ཆུབ་ཀྱི་ཡན་ལག་རྣམས་དམྱིགས་པར་འགྱུར་བ་དང་། འཕགས་པའི་ལམ་ཡན་ལག་བརྒྱད་པ་དམྱིགས་པར་འགྱུར་བ་དང་། འཕགས་པའི་བདེན་པ་རྣམས་དམྱིགས་པར་

འགྱུར་བ་དང་། བསམ་གཏན་རྣམས་དམྱིགས་པར་འགྱུར་བ་དང་། ཚད་མྱེད་པ་རྣམས་དམྱིགས་པར་འགྱུར་བ་དང་། གཟུགས་མྱེད་པའི་སྙོམས་པར་འཇུག་པ་རྣམས་དམྱིགས་པར་འགྱུར་བ་དང་། རྣམ་པར་ཐར་པ་བརྒྱད་དམྱིགས་པར་འགྱུར་བ་
དང་། མཐར་ཀྱིས་གནས་པའི་སྙོམས་པར་འཇུག་པ་དགུ་དམྱིགས་པར་འགྱུར་བ་དང་། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མེད་པ་དམྱིགས་པར་འགྱུར་བ་དང་། མངོན་པར་ཤེས་པ་རྣམས་དམྱིགས་པར་འགྱུར་
བ་དང་། ཏིང་ངེ་འཛིན་རྣམས་དམྱིགས་པར་འགྱུར་བ་དང་། གཟུངས་ཀྱི་སྒོ་རྣམས་དམྱིགས་པར་འགྱུར་བ་དང་། དེ་བཞིན་གཤེགས་པའི་སྟོབས་བཅུ་དམྱིགས་པར་འགྱུར་བ་དང་། མྱི་འཇིགས་པ་བཞི་དམྱིགས་པར་འགྱུར་བ་དང་། སོ་སོ་ཡང་དག་
པར་རིག་པ་བཞི་དམྱིགས་པར་འགྱུར་བ་དང་། བྱམས་པ་ཆེན་པོ་དམྱིགས་པར་འགྱུར་བ་དང་། སྙིང་རྗེ་ཆེན་པོ་དམྱིགས་པར་འགྱུར་བ་དང་། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་དམྱིགས་པར་འགྱུར་བ་དང་། རྒྱུན་ཏུ་ཞུགས་པའི་འབྲས་བུ་
དམྱིགས་པར་འགྱུར་བ་དང་། ལན་ཅིག་ཕྱིར་འོང་བའི་འབྲས་བུ་དམྱིགས་པར་འགྱུར་བ་དང་། ཕྱིར་མྱི་འོང་བའི་འབྲས་བུ་དམྱིགས་པར་འགྱུར་བ་དང་། དགྲ་བཅོམ་པ་ཉིད་དམྱིགས་པར་འགྱུར་བ་དང་། རང་བྱང་ཆུབ་དམྱིགས་པར་འགྱུར་བ་དང་།
ལམ་གྱི་རྣམ་པ་ཤེས་པ་ཉིད་དམྱིགས་པར་འགྱུར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དམྱིགས་པར་འགྱུར་བ་དེ་ལྟར་ཆོས་རྣམས་རྟོགས་པར་མྱི་བྱེད་དོ། །གསོལ་པ། བཅོམ་ལྡན་འདས་གལ་ཏེ། དེ་ལྟར་བྱང་ཆུབ་སེམས་དཔའ་སེམས་
དཔའ་ཆེན་པོ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གཟུགས་ཀྱང་མྱི་དམྱིགས། ཚོར་བ་ཡང་མྱི་དམྱིགས། འདུ་ཤེས་ཀྱང་མྱི་དམྱིགས། འདུ་བྱེད་ཀྱང་མྱི་དམྱིགས། རྣམ་པར་ཤེས་པ་ཡང་མྱི་དམྱིགས། མྱིག་ཀྱང་མྱི་དམྱིགས། རྣ་བ་ཡང་མི་

དམྱིགས། སྣ་ཡང་མྱི་དམྱིགས། ལྕེ་ཡང་མྱི་དམྱིགས། ལུས་ཀྱང་མྱི་དམྱིགས། ཡིད་ཀྱང་མྱི་དམྱིགས། གཟུགས་ཀྱང་མྱི་དམྱིགས། སྒྲ་ཡང་མྱི་དམྱིགས། དྲི་ཡང་མྱི་དམྱིགས། རོ་ཡང་མྱི་དམྱིགས། རེག་ཀྱང་མྱི་དམྱིགས།
ཆོས་ཀྱང་མྱི་དམྱིགས། མྱིག་གི་རྣམ་པར་ཤེས་པ་ཡང་མྱི་དམྱིགས། རྣ་བའི་རྣམ་པར་ཤེས་པ་ཡང་མྱི་དམྱིགས། སྣའི་རྣམ་པར་ཤེས་པ་ཡང་མྱི་དམྱིགས། ལྕེའི་རྣམ་པར་ཤེས་པ་ཡང་མྱི་དམྱིགས། ལུས་ཀྱི་རྣམ་པར་ཤེས་པ་ཡང་མྱི་དམྱིགས།
ཡིད་ཀྱི་རྣམ་པར་ཤེས་པ་ཡང་མྱི་དམྱིགས། མྱིག་གི་འདུས་ཏེ་རེག་པ་ཡང་མྱི་དམྱིགས། རྣ་བའི་འདུས་ཏེ་རེག་པ་ཡང་མྱི་དམྱིགས། སྣའི་འདུས་ཏེ་རེག་པ་ཡང་མྱི་དམྱིགས། ལྕེའི་འདུས་ཏེ་རེག་པ་ཡང་མྱི་དམྱིགས། ལུས་ཀྱི་འདུས་ཏེ་རེག་པ་ཡང་མྱི་
དམྱིགས། ཡིད་ཀྱི་འདུས་ཏེ་རེག་པ་ཡང་མྱི་དམྱིགས། མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་མྱི་དམྱིགས། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་མྱི་དམྱིགས། སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་མྱི་དམྱིགས། ལྕེའི་
འདུས་ཏེ་རེག་པའི་རྐྱེན་ཀྱིས་ཚོར་བ་ཡང་མྱི་དམྱིགས། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་མྱི་དམྱིགས། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་ཡང་མྱི་དམྱིགས། སའི་ཁམས་ཀྱང་མྱི་དམྱིགས། ཆུའི་ཁམས་ཀྱང་མྱི་དམྱིགས།
མྱེའི་ཁམས་ཀྱང་མི་དམྱིགས། རླུང་གི་ཁམས་ཀྱང་མྱི་དམྱིགས། ནམ་མཁའི་ཁམས་ཀྱང་མྱི་དམྱིགས། རྣམ་པར་ཤེས་པའི་ཁམས་ཀྱང་མྱི་དམྱིགས། མ་རིག་པ་ཡང་མྱི་དམྱིགས། འདུ་བྱེད་ཀྱང་མྱི་དམྱིགས། རྣམ་པར་ཤེས་པ་ཡང་མྱི་དམྱིགས།
མྱིང་དང་གཟུགས་ཀྱང་མྱི་དམྱིགས། སྐྱེ་མཆེད་དྲུག་ཀྱང་མྱི་དམྱིགས། རེག་པ་ཡང་མྱི་དམྱིགས། ཚོར་བ་ཡང་མྱི་དམྱིགས། སྲེད་པ་ཡང་མྱི་དམྱིགས། ལེན་པ་ཡང་མྱི་དམྱིགས། སྲིད་པ་ཡང་མྱི་དམྱིགས། སྐྱེ་བ་ཡང་མྱི་དམྱིགས། རྒ་ཤི་

ཡང་མྱི་དམྱིགས། སྦྱིན་པའི་ཕ་རོལ་ཏུ་ཕྱིན་པ་ཡང་མྱི་དམྱིགས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡང་མྱི་དམྱིགས། བཟོད་པའི་ཕ་རོལ་ཏུ་ཕྱིན་པ་ཡང་མྱི་དམྱིགས། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡང་མྱི་དམྱིགས། བསམ་གཏན་གྱི་ཕ་རོལ་ཏུ་
ཕྱིན་པ་ཡང་མྱི་དམྱིགས། ཤེས་རབ་ཀྱི་ཕ་རོལ་ཏུ་ཕྱིན་པ་ཡང་མྱི་དམྱིགས། ནང་སྟོང་པ་ཉིད་ཀྱང་མྱི་དམྱིགས། ཕྱི་སྟོང་པ་ཉིད་ཀྱང་མྱི་དམྱིགས། ཕྱི་ནང་སྟོང་པ་ཉིད་ཀྱང་མྱི་དམྱིགས། སྟོང་པ་ཉིད་སྟོང་པ་ཉིད་ཀྱང་མྱི་དམྱིགས། ཆེན་པོ་སྟོང་པ་ཉིད་ཀྱང་
མྱི་དམྱིགས། དོན་དམ་པ་སྟོང་པ་ཉིད་ཀྱང་མྱི་དམྱིགས། འདུས་བྱས་སྟོང་པ་ཉིད་ཀྱང་མྱི་དམྱིགས། འདུས་མ་བྱས་སྟོང་པ་ཉིད་ཀྱང་མྱི་དམྱིགས། མཐའ་ལས་འདས་པ་སྟོང་པ་ཉིད་ཀྱང་མྱི་དམྱིགས། ཐོག་མ་དང་ཐ་མ་མྱེད་པ་སྟོང་པ་ཉིད་ཀྱང་མྱི་དམྱིགས།
དོར་བ་མྱེད་པ་སྟོང་པ་ཉིད་ཀྱང་མྱི་དམྱིགས། རང་བཞིན་སྟོང་པ་ཉིད་ཀྱང་མྱི་དམྱིགས། ཆོས་ཐམས་ཅད་སྟོང་པ་ཉིད་ཀྱང་མྱི་དམྱིགས། རང་གི་མཚན་ཉིད་སྟོང་པ་ཉིད་ཀྱང་མྱི་དམྱིགས། མྱི་དམྱིགས་པ་སྟོང་པ་ཉིད་ཀྱང་མྱི་དམྱིགས། དངོས་པོ་མྱེད་པ་
སྟོང་པ་ཉིད་ཀྱང་མྱི་དམྱིགས། ངོ་བོ་ཉིད་སྟོང་པ་ཉིད་ཀྱང་མྱི་དམྱིགས། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱང་མྱི་དམྱིགས། དྲན་པ་ཉེ་བར་གཞག་པ་རྣམས་ཀྱང་མྱི་དམྱིགས། ཡང་དག་པར་སྤོང་བ་རྣམས་ཀྱང་མྱི་དམྱིགས། རྫུ་འཕྲུལ་གྱི་རྐང་པ་རྣམས་
ཀྱང་མྱི་དམྱིགས། དབང་པོ་རྣམས་ཀྱང་མྱི་དམྱིགས། སྟོབས་རྣམས་ཀྱང་མྱི་དམྱིགས། བྱང་ཆུབ་ཀྱི་ཡན་ལག་རྣམས་ཀྱང་མྱི་དམྱིགས། འཕགས་པའི་ལམ་ཡན་ལག་བརྒྱད་པ་ཡང་མྱི་དམྱིགས། འཕགས་པའི་བདེན་པ་རྣམས་ཀྱང་མྱི་དམྱིགས།
བསམ་གཏན་རྣམས་ཀྱང་མྱི་དམྱིགས། ཚད་མྱེད་པ་རྣམས་ཀྱང་མྱི་དམྱིགས། གཟུགས་མྱེད་པའི་སྙོམས་པར་འཇུག་པ་རྣམས་ཀྱང་མྱི་དམྱིགས། རྣམ་པར་ཐར་པ་བརྒྱད་ཀྱང་མྱི་དམྱིགས། མཐར་ཀྱིས་གནས་པའི་སྙོམས་པར་འཇུག་པ་དགུ་ཡང་མྱི་

དམྱིགས། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ཡང་མྱི་དམྱིགས། མངོན་པར་ཤེས་པ་རྣམས་ཀྱང་མྱི་དམྱིགས། ཏིང་ངེ་འཛིན་རྣམས་ཀྱང་མྱི་དམྱིགས། གཟུངས་ཀྱི་སྒོ་རྣམས་ཀྱང་མྱི་
དམྱིགས། དེ་བཞིན་གཤེགས་པའི་སྟོབས་བཅུ་ཡང་མྱི་དམྱིགས། མྱི་འཇིགས་པ་བཞི་ཡང་མྱི་དམྱིགས། སོ་སོ་ཡང་དག་པར་རིག་པ་བཞི་ཡང་མི་དམྱིགས། བྱམས་པ་ཆེན་པོ་ཡང་མྱི་དམྱིགས། སྙིང་རྗེ་ཆེན་པོ་ཡང་མྱི་དམྱིགས། སངས་
རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཀྱང་མྱི་དམྱིགས། རྒྱུན་ཏུ་ཞུགས་པའི་འབྲས་བུ་ཡང་མྱི་དམྱིགས། ལན་ཅིག་ཕྱིར་འོང་བའི་འབྲས་བུ་ཡང་མྱི་དམྱིགས། ཕྱིར་མི་འོང་བའི་འབྲས་བུ་ཡང་མྱི་དམྱིགས། དགྲ་བཅོམ་པ་ཉིད་ཀྱང་མྱི་དམྱིགས། རང་བྱང་
ཆུབ་ཀྱང་མྱི་དམྱིགས། ལམ་གྱི་རྣམ་པ་ཤེས་པ་ཉིད་ཀྱང་མྱི་དམྱིགས། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཀྱང་མྱི་དམྱིགས་ན། འོ་ན་ཇི་ལྟར་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་
ཡོངས་སུ་རྫོགས་པ་དང་། བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་
པ་ཡོངས་སུ་རྫོགས་པར་བགྱིས་ཤིང་། བྱང་ཆུབ་སེམས་དཔའི་སྐྱོན་མ་མཆིས་པར་འཇུག་པར་འགྱུར། བྱང་ཆུབ་སེམས་དཔའི་སྐྱོན་མ་མཆིས་པར་ཆུད་ནས། སངས་རྒྱས་ཀྱི་ཞིང་ཡོངས་སུ་སྦྱོང་བར་འགྱུར། སངས་རྒྱས་ཀྱི་ཞིང་
ཡོངས་སུ་དག་པར་བགྱིས་ནས། སེམས་ཅན་ཡོངས་སུ་སྨྱིན་པར་བགྱིད་པར་འགྱུར། སེམས་ཅན་ཡོངས་སུ་སྨྱིན་པར་བགྱིས་ནས། རྣམ་པ་ཐམས་ཅད་མཁྱེན་པ་ཉིད་ཐོབ་པར་བགྱིད་པར་འགྱུར། །རྣམ་པ་ཐམས་ཅད་མཁྱེན་པ་ཉིད་ཐོབ་

ནས། ཆོས་ཀྱི་འཁོར་ལོ་བསྐོར་བར་འགྱུར། ཆོས་ཀྱི་འཁོར་ལོ་བསྐོར་ནས། སངས་རྒྱས་ཀྱི་ཕྲིན་ལས་སྒྲུབ་པར་འགྱུར། སངས་རྒྱས་ཀྱི་ཕྲིན་ལས་བསྒྲུབས་ཤིང་། སེམས་ཅན་རྣམས་འཁོར་བ་ནས་ཡོངས་སུ་འགྲོལ་བར་འགྱུར།
བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ནི། གཟུགས་ཀྱི་དོན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཚོར་བའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །འདུ་
ཤེས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །འདུ་བྱེད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རྣམ་པར་ཤེས་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མྱིག་གི་དོན་ཏུ་ཤེས་རབ་ཀྱི་ཕ་རོལ་ཏུ་
ཕྱིན་པ་ལ་མྱི་སྤྱོད་དོ། །རྣ་བའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སྣའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ལྕེའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ལུས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་
སྤྱོད་དོ། །ཡིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །གཟུགས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སྒྲའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །དྲིའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་
དོ། །རོའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མི་སྤྱོད་དོ། །རེག་གི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མི་སྤྱོད་དོ། །ཆོས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མིག་གི་རྣམ་པར་ཤེས་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་
མྱི་སྤྱོད་དོ། །རྣ་བའི་རྣམ་པར་ཤེས་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སྣའི་རྣམ་པར་ཤེས་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ལྕེའི་རྣམ་པར་ཤེས་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ལུས་ཀྱི་

རྣམ་པར་ཤེས་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཡིད་ཀྱི་རྣམ་པར་ཤེས་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མྱིག་གི་འདུས་ཏེ་རེག་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་
དོ། །རྣ་བའི་འདུས་ཏེ་རེག་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སྣའི་འདུས་ཏེ་རེག་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ལྕེའི་འདུས་ཏེ་རེག་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ལུས་ཀྱི་འདུས་
ཏེ་རེག་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཡིད་ཀྱི་འདུས་ཏེ་རེག་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མྱིག་གི་འདུས་ཏེ་རེག་པ་ལས་བྱུང་བའི་ཚོར་བའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རྣ་བའི་
འདུས་ཏེ་རེག་པ་ལས་བྱུང་བའི་ཚོར་བའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སྣའི་འདུས་ཏེ་རེག་པ་ལས་བྱུང་བའི་ཚོར་བའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ལྕེའི་འདུས་ཏེ་རེག་པ་ལས་བྱུང་བའི་ཚོར་བའི་དོན་ཏུ་ཤེས་རབ་ཀྱི་ཕ་
རོལ་ཏུ་ཕྱིན་པ་ལ་མྱི་སྤྱོད་དོ། །ལུས་ཀྱི་འདུས་ཏེ་རེག་པ་ལས་བྱུང་བའི་ཚོར་བའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཡིད་ཀྱི་འདུས་ཏེ་རེག་པ་ལས་བྱུང་བའི་ཚོར་བའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སའི་ཁམས་ཀྱི་
དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཆུའི་ཁམས་ཀྱི་དོན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མྱེའི་ཁམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རླུང་གི་ཁམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་
ལ་མྱི་སྤྱོད་དོ། །ནམ་མཁའི་ཁམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རྣམ་པར་ཤེས་པའི་ཁམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མ་རིག་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །འདུ་བྱེད་

ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རྣམ་པར་ཤེས་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མྱིང་དང་གཟུགས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སྐྱེ་མཆེད་དྲུག་གི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་
པ་ལ་མི་སྤྱོད་དོ། །རེག་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཚོར་བའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སྲེད་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ལེན་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་
སྤྱོད་དོ། །སྲིད་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སྐྱེ་བའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རྒ་ཤིའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སྦྱིན་པའི་ཕ་རོལ་ཏུ་ཕྱིན་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་
པ་ལ་མྱི་སྤྱོད་དོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །བཟོད་པའི་ཕ་རོལ་ཏུ་ཕྱིན་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པའི་དོན་ཏུ་ཤེས་རབ་ཀྱི་ཕ་རོལ་
ཏུ་ཕྱིན་པ་ལ་མྱི་སྤྱོད་དོ། །བསམ་གཏན་གྱི་ཕ་རོལ་ཏུ་ཕྱིན་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ནང་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་
ཕྱིན་པ་ལ་མྱི་སྤྱོད་དོ། །ཕྱི་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཕྱི་ནང་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སྟོང་པ་ཉིད་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ།
ཆེན་པོ་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །དོན་དམ་པ་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །འདུས་བྱས་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །འདུས་མ་བྱས་

སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མཐའ་ལས་འདས་པ་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཐོག་མ་དང་ཐ་མ་མྱེད་པ་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་
རོལ་ཏུ་ཕྱིན་པ་ལ་མྱི་སྤྱོད་དོ། །དོར་བ་མྱེད་པ་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རང་བཞིན་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཆོས་ཐམས་ཅད་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་
རོལ་ཏུ་ཕྱིན་པ་ལ་མྱི་སྤྱོད་དོ། །རང་གི་མཚན་ཉིད་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མྱི་དམྱིགས་པ་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །དངོས་པོ་མྱེད་པ་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་
རོལ་ཏུ་ཕྱིན་པ་ལ་མྱི་སྤྱོད་དོ། །ངོ་བོ་ཉིད་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །དྲན་པ་ཉེ་བར་གཞག་པ་རྣམས་ཀྱི་དོན་ཏུ་ཤེས་རབ་
ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཡང་དག་པར་སྤོང་བ་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རྫུ་འཕྲུལ་གྱི་རྐང་པ་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །དབང་པོ་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་
ལ་མྱི་སྤྱོད་དོ། །སྟོབས་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །བྱང་ཆུབ་ཀྱི་ཡན་ལག་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །འཕགས་པའི་ལམ་ཡན་ལག་བརྒྱད་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་
སྤྱོད་དོ། །འཕགས་པའི་བདེན་པ་རྣམས་ཀྱི་དོན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །བསམ་གཏན་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཚད་མྱེད་པ་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །

གཟུགས་མྱེད་པའི་སྙོམས་པར་འཇུག་པ་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རྣམ་པར་ཐར་པ་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱི་དོན་ཏུ་ཤེས་རབ་
ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མེད་པའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །མངོན་པར་ཤེས་པ་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །
ཏིང་ངེ་འཛིན་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །གཟུངས་ཀྱི་སྒོ་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །དེ་བཞིན་གཤེགས་པའི་སྟོབས་བཅུའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་
དོ། །མྱི་འཇིགས་པ་བཞིའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སོ་སོ་ཡང་དག་པར་རིག་པ་བཞིའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །བྱམས་པ་ཆེན་པོའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །
སྙིང་རྗེ་ཆེན་པོའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །སངས་རྒྱས་ཀྱི་ཆོས་མ་འདྲེས་པ་རྣམས་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རྒྱུན་ཏུ་ཞུགས་པའི་འབྲས་བུའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་
དོ། །ལན་ཅིག་ཕྱིར་འོང་བའི་འབྲས་བུའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ཕྱིར་མྱི་འོང་བའི་འབྲས་བུའི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །དགྲ་བཅོམ་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །རང་
བྱང་ཆུབ་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །ལམ་གྱི་རྣམ་པ་ཤེས་པ་ཉིད་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཀྱི་དོན་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །གསོལ་

པ། བཅོམ་ལྡན་འདས་གང་གི་སླད་དུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། གང་གི་ཕྱིར་ཡང་བྱང་ཆུབ་སེམས་དཔའ་
སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་སྤྱོད་དོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་ཆོས་ཐམས་ཅད་ནི་མ་བྱས་པ་སྟེ། ཆོས་ཐམས་ཅད་ནི་མངོན་པར་འདུས་མ་བྱས་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཡང་མ་བྱས་པ་སྟེ། མངོན་པར་
འདུས་མ་བྱས་པའོ། །བྱང་ཆུབ་ཀྱང་མ་བྱས་པ་སྟེ། མངོན་པར་འདུས་མ་བྱས་པའོ། །བྱང་ཆུབ་སེམས་དཔའ་ཡང་མ་བྱས་པ་སྟེ། མངོན་པར་འདུས་མ་བྱས་པའོ། །རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་མ་བྱས་པ་དང་། མངོན་
པར་འདུས་མ་བྱས་པའི་ཚུལ་གྱིས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ། །གསོལ་པ། བཅོམ་ལྡན་འདས་གལ་ཏེ་དེ་ལྟར་ཆོས་ཐམས་ཅད་མ་བགྱིས་པ་སྟེ། མངོན་པར་འདུས་མ་བགྱིས་པ་ལགས་ན། འོ་ན་ཇི་ལྟར་ཉན་ཐོས་ཀྱི་ཐེག་པ་དང་།
རང་སངས་རྒྱས་ཀྱི་ཐེག་པ་དང་། ཐེག་པ་ཆེན་པོ་དང་། ཐེག་པ་གསུམ་པོ་འདི་དག་རྣམ་པར་དགོད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་མ་བྱས་མངོན་པར་འདུས་མ་བྱས་པའི་ཆོས་རྣམས་ལ་ནི་རྣམ་པར་དགོད་པ་གང་ཡང་དམྱིགས་
སུ་མྱེད་དེ། མངོན་པར་འདུས་བྱས་པ་དང་། མངོན་པར་བསམས་པའི་ཆོས་རྣམས་ལ་ནི་རྣམ་པར་དགོད་པར་དམྱིགས་སོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་བྱིས་པ་ཐོས་པ་དང་མྱི་ལྡན་པའི་སོ་སོའི་སྐྱེ་བོ་རྣམས་ཕུང་པོ་ལྔ་ལ་མངོན་པར་ཞེན་ཅིང་།
གཟུགས་ལ་མངོན་པར་ཞེན། ཚོར་བ་ལ་མངོན་པར་ཞེན། འདུ་ཤེས་ལ་མངོན་པར་ཞེན། འདུ་བྱེད་ལ་མངོན་པར་ཞེན། རྣམ་པར་ཤེས་པ་ལ་མངོན་པར་ཞེན། མྱིག་ལ་མངོན་པར་ཞེན། རྣ་བ་ལ་མངོན་པར་ཞེན། སྣ་ལ་མངོན་པར་ཞེན། ལྕེ་ལ་མངོན་

པར་ཞེན། ལུས་ལ་མངོན་པར་ཞེན། ཡིད་ལ་མངོན་པར་ཞེན། གཟུགས་ལ་མངོན་པར་ཞེན། སྒྲ་ལ་མངོན་པར་ཞེན། དྲི་ལ་མངོན་པར་ཞེན། རོ་ལ་མངོན་པར་ཞེན། རེག་ལ་མངོན་པར་ཞེན། ཆོས་ལ་མངོན་པར་ཞེན། མྱིག་གི་རྣམ་པར་ཤེས་པ་ལ་
མངོན་པར་ཞེན། རྣ་བའི་རྣམ་པར་ཤེས་པ་ལ་མངོན་པར་ཞེན། སྣའི་རྣམ་པར་ཤེས་པ་ལ་མངོན་པར་ཞེན། ལྕེའི་རྣམ་པར་ཤེས་པ་ལ་མངོན་པར་ཞེན། ལུས་ཀྱི་རྣམ་པར་ཤེས་པ་ལ་མངོན་པར་ཞེན། ཡིད་ཀྱི་རྣམ་པར་ཤེས་པ་ལ་མངོན་པར་
ཞེན། མྱིག་གི་འདུས་ཏེ་རེག་པ་ལ་མངོན་པར་ཞེན། རྣ་བའི་འདུས་ཏེ་རེག་པ་ལ་མངོན་པར་ཞེན། སྣའི་འདུས་ཏེ་རེག་པ་ལ་མངོན་པར་ཞེན། ལྕེའི་འདུས་ཏེ་རེག་པ་ལ་མངོན་པར་ཞེན། ལུས་ཀྱི་འདུས་ཏེ་རེག་པ་ལ་མངོན་པར་ཞེན། ཡིད་ཀྱི་འདུས་ཏེ་
རེག་པ་ལ་མངོན་པར་ཞེན། མྱིག་གི་འདུས་ཏེ་རེག་པ་ལས་བྱུང་བའི་ཚོར་བ་ལ་མངོན་པར་ཞེན། རྣ་བའི་འདུས་ཏེ་རེག་པ་ལས་བྱུང་བའི་ཚོར་བ་ལ་མངོན་པར་ཞེན། སྣའི་འདུས་ཏེ་རེག་པ་ལས་བྱུང་བའི་ཚོར་བ་ལ་མངོན་པར་ཞེན། ལྕེའི་འདུས་ཏེ་རེག་པ་
ལས་བྱུང་བའི་ཚོར་བ་ལ་མངོན་པར་ཞེན། ལུས་ཀྱི་འདུས་ཏེ་རེག་པ་ལས་བྱུང་བའི་ཚོར་བ་ལ་མངོན་པར་ཞེན། ཡིད་ཀྱི་འདུས་ཏེ་རེག་པ་ལས་བྱུང་བའི་ཚོར་བ་ལ་མངོན་པར་ཞེན། སའི་ཁམས་ལ་མངོན་པར་ཞེན། ཆུའི་ཁམས་ལ་མངོན་པར་ཞེན། མྱེའི་
ཁམས་ལ་མངོན་པར་ཞེན། རླུང་གི་ཁམས་ལ་མངོན་པར་ཞེན། ནམ་མཁའི་ཁམས་ལ་མངོན་པར་ཞེན། རྣམ་པར་ཤེས་པའི་ཁམས་ལ་མངོན་པར་ཞེན། མ་རིག་པ་ལ་མངོན་པར་ཞེན། འདུ་བྱེད་ལ་མངོན་པར་ཞེན། རྣམ་པར་ཤེས་པ་ལ་མངོན་པར་
ཞེན། མྱིང་དང་གཟུགས་ལ་མངོན་པར་ཞེན། སྐྱེ་མཆེད་དྲུག་ལ་མངོན་པར་ཞེན། རེག་པ་ལ་མངོན་པར་ཞེན། ཚོར་བ་ལ་མངོན་པར་ཞེན། སྲེད་པ་ལ་མངོན་པར་ཞེན། ལེན་པ་ལ་མངོན་པར་ཞེན། སྲིད་པ་ལ་མངོན་པར་ཞེན། སྐྱེ་བ་ལ་མངོན་པར་ཞེན།

རྒ་ཤི་ལ་མངོན་པར་ཞེན། སྦྱིན་པའི་ཕ་རོལ་ཏུ་ཕྱིན་པ་ལ་མངོན་པར་ཞེན། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་མངོན་པར་ཞེན། བཟོད་པའི་ཕ་རོལ་ཏུ་ཕྱིན་པ་ལ་མངོན་པར་ཞེན། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་མངོན་
པར་ཞེན། བསམ་གཏན་གྱི་ཕ་རོལ་ཏུ་ཕྱིན་པ་ལ་མངོན་པར་ཞེན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་མངོན་པར་ཞེན། ནང་སྟོང་པ་ཉིད་ལ་མངོན་པར་ཞེན། ཕྱི་སྟོང་པ་ཉིད་ལ་མངོན་པར་ཞེན། ཕྱི་ནང་སྟོང་པ་ཉིད་ལ་མངོན་པར་ཞེན། སྟོང་པ་ཉིད་
སྟོང་པ་ཉིད་ལ་མངོན་པར་ཞེན། ཆེན་པོ་སྟོང་པ་ཉིད་ལ་མངོན་པར་ཞེན། དོན་དམ་པ་སྟོང་པ་ཉིད་ལ་མངོན་པར་ཞེན། འདུས་བྱས་སྟོང་པ་ཉིད་མངོན་པར་ཞེན། འདུས་མ་བྱས་སྟོང་པ་ཉིད་ལ་མངོན་པར་ཞེན། མཐའ་ལས་འདས་པ་སྟོང་པ་ཉིད་
ལ་མངོན་པར་ཞེན། ཐོག་མ་དང་ཐ་མ་མྱེད་པ་སྟོང་པ་ཉིད་ལ་མངོན་པར་ཞེན། དོར་བ་མྱེད་པ་སྟོང་པ་ཉིད་ལ་མངོན་པར་ཞེན། རང་བཞིན་སྟོང་པ་ཉིད་ལ་མངོན་པར་ཞེན། ཆོས་ཐམས་ཅད་སྟོང་པ་ཉིད་ལ་མངོན་པར་ཞེན། རང་གི་མཚན་ཉིད་
སྟོང་པ་ཉིད་ལ་མངོན་པར་ཞེན། མི་དམྱིགས་པ་སྟོང་པ་ཉིད་ལ་མངོན་པར་ཞེན། དངོས་པོ་མྱེད་པ་སྟོང་པ་ཉིད་ལ་མངོན་པར་ཞེན། ངོ་བོ་ཉིད་སྟོང་པ་ཉིད་ལ་མངོན་པར་ཞེན། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ལ་མངོན་པར་ཞེན། དྲན་པ་ཉེ་
བར་གཞག་པ་རྣམས་ལ་མངོན་པར་ཞེན། ཡང་དག་པར་སྤོང་བ་རྣམས་ལ་མངོན་པར་ཞེན། རྫུ་འཕྲུལ་གྱི་རྐང་པ་རྣམས་ལ་མངོན་པར་ཞེན། དབང་པོ་རྣམས་ལ་མངོན་པར་ཞེན། སྟོབས་རྣམས་ལ་མངོན་པར་ཞེན། བྱང་ཆུབ་ཀྱི་ཡན་ལག་
རྣམས་ལ་མངོན་པར་ཞེན། འཕགས་པའི་ལམ་ཡན་ལག་བརྒྱད་པ་ལ་མངོན་པར་ཞེན། འཕགས་པའི་བདེན་པ་རྣམས་ལ་མངོན་པར་ཞེན། བསམ་གཏན་རྣམས་ལ་མངོན་པར་ཞེན། ཚད་མྱེད་པ་རྣམས་ལ་མངོན་པར་ཞེན། གཟུགས་

མྱེད་པའི་སྙོམས་པར་འཇུག་པ་རྣམས་ལ་མངོན་པར་ཞེན། རྣམ་པར་ཐར་པ་བརྒྱད་ལ་མངོན་པར་ཞེན། མཐར་གྱིས་གནས་པའི་སྙོམས་པར་འཇུག་པ་དགུ་ལ་མངོན་པར་ཞེན། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་།
སྨོན་པ་མྱེད་པ་ལ་མངོན་པར་ཞེན། མངོན་པར་ཤེས་པ་རྣམས་ལ་མངོན་པར་ཞེན། ཏིང་ངེ་འཛིན་རྣམས་ལ་མངོན་པར་ཞེན། གཟུངས་ཀྱི་སྒོ་རྣམས་ལ་མངོན་པར་ཞེན། དེ་བཞིན་གཤེགས་པའི་སྟོབས་བཅུ་ལ་མངོན་པར་ཞེན། མྱི་འཇིགས་
པ་བཞི་ལ་མངོན་པར་ཞེན། སོ་སོ་ཡང་དག་པར་རིག་པ་བཞི་ལ་མངོན་པར་ཞེན། བྱམས་པ་ཆེན་པོ་ལ་མངོན་པར་ཞེན། སྙིང་རྗེ་ཆེན་པོ་ལ་མངོན་པར་ཞེན། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ལ་མངོན་པར་ཞེན། རྒྱུན་ཏུ་ཞུགས་
པའི་འབྲས་བུ་ལ་མངོན་པར་ཞེན། ལན་ཅིག་ཕྱིར་འོང་བའི་འབྲས་བུ་ལ་མངོན་པར་ཞེན། ཕྱིར་མྱི་འོང་བའི་འབྲས་བུ་ལ་མངོན་པར་ཞེན། དགྲ་བཅོམ་པ་ཉིད་ལ་མངོན་པར་ཞེན། རང་བྱང་ཆུབ་ལ་མངོན་པར་ཞེན། ལམ་གྱི་རྣམ་པ་ཤེས་པ་
ཉིད་ལ་མངོན་པར་ཞེན། རྣམ་པ་ཐམས་ཅད་མཁྱེན་པ་ཉིད་ལ་མངོན་པར་ཞེན་ནས། གཟུགས་ཀྱིས་རློམ་སེམས་སུ་བྱེད་ཅིང་། གཟུགས་སུ་དམྱིགས་སོ། །ཚོར་བས་རློམ་སེམས་སུ་བྱེད་ཅིང་། ཚོར་བར་དམྱིགས་སོ། །འདུ་ཤེས་ཀྱིས་རློམ་
སེམས་སུ་བྱེད་ཅིང་། འདུ་ཤེས་སུ་དམྱིགས་སོ། །འདུ་བྱེད་ཀྱིས་རློམ་སེམས་སུ་བྱེད་ཅིང་། འདུ་བྱེད་དུ་དམྱིགས་སོ། །རྣམ་པར་ཤེས་པས་རློམ་སེམས་སུ་བྱེད་ཅིང་། རྣམ་པར་ཤེས་པར་དམྱིགས་སོ། །མྱིག་གིས་རློམ་སེམས་སུ་བྱེད་ཅིང་།
མྱིག་ཏུ་དམྱིགས་སོ། །རྣ་བས་རློམ་སེམས་སུ་བྱེད་ཅིང་། རྣ་བར་དམྱིགས་སོ། །སྣས་རློམ་སེམས་སུ་བྱེད་ཅིང་། སྣར་དམྱིགས་སོ། །ལྕེས་རློམ་སེམས་སུ་བྱེད་ཅིང་། ལྕེར་དམྱིགས་སོ། །ལུས་ཀྱིས་རློམ་སེམས་སུ་བྱེད་ཅིང་། ལུས་སུ་

དམྱིགས་སོ། །ཡིད་ཀྱིས་རློམ་སེམས་སུ་བྱེད་ཅིང་། ཡིད་དུ་དམྱིགས་སོ། །གཟུགས་ཀྱིས་རློམ་སེམས་སུ་བྱེད་ཅིང་། གཟུགས་སུ་དམྱིགས་སོ། །སྒྲས་རློམ་སེམས་སུ་བྱེད་ཅིང་། སྒྲར་དམྱིགས་སོ། །དྲིས་རློམ་སེམས་སུ་
བྱེད་ཅིང་། དྲིར་དམྱིགས་སོ། །རོས་རློམ་སེམས་སུ་བྱེད་ཅིང་། རོར་དམྱིགས་སོ། །རེག་གིས་རློམ་སེམས་སུ་བྱེད་ཅིང་། རེག་ཏུ་དམྱིགས་སོ། །ཆོས་ཀྱིས་རློམ་སེམས་སུ་བྱེད་ཅིང་། ཆོས་སུ་དམྱིགས་སོ། །མྱིག་གི་རྣམ་པར་ཤེས་པས་རློམ་
སེམས་སུ་བྱེད་ཅིང་། མྱིག་གི་རྣམ་པར་ཤེས་པར་དམྱིགས་སོ། །རྣ་བའི་རྣམ་པར་ཤེས་པས་རློམ་སེམས་སུ་བྱེད་ཅིང་། རྣ་བའི་རྣམ་པར་ཤེས་པར་དམྱིགས་སོ། །སྣའི་རྣམ་པར་ཤེས་པས་རློམ་སེམས་སུ་བྱེད་ཅིང་། སྣའི་རྣམ་པར་ཤེས་
པར་དམྱིགས་སོ། །ལྕེའི་རྣམ་པར་ཤེས་པས་རློམ་སེམས་སུ་བྱེད་ཅིང་། ལྕེའི་རྣམ་པར་ཤེས་པར་དམྱིགས་སོ། །ལུས་ཀྱི་རྣམ་པར་ཤེས་པས་རློམ་སེམས་སུ་བྱེད་ཅིང་། ལུས་ཀྱི་རྣམ་པར་ཤེས་པར་དམྱིགས་སོ། །ཡིད་ཀྱི་རྣམ་པར་ཤེས་པས་
རློམ་སེམས་སུ་བྱེད་ཅིང་། ཡིད་ཀྱི་རྣམ་པར་ཤེས་པར་དམྱིགས་སོ། །མྱིག་གི་འདུས་ཏེ་རེག་པས་རློམ་སེམས་སུ་བྱེད་ཅིང་། མྱིག་གི་འདུས་ཏེ་རེག་པར་དམྱིགས་སོ། །རྣ་བའི་འདུས་ཏེ་རེག་པས་རློམ་སེམས་སུ་བྱེད་ཅིང་། རྣ་བའི་འདུས་ཏེ་རེག་
པར་དམྱིགས་སོ། །སྣའི་འདུས་ཏེ་རེག་པས་རློམ་སེམས་སུ་བྱེད་ཅིང་། སྣའི་འདུས་ཏེ་རེག་པར་དམྱིགས་སོ། །ལྕེའི་འདུས་ཏེ་རེག་པས་རློམ་སེམས་སུ་བྱེད་ཅིང་། ལྕེའི་འདུས་ཏེ་རེག་པར་དམྱིགས་སོ། །ལུས་ཀྱི་འདུས་ཏེ་རེག་པས་རློམ་སེམས་སུ་
བྱེད་ཅིང་། ལུས་ཀྱི་འདུས་ཏེ་རེག་པར་དམྱིགས་སོ། །ཡིད་ཀྱི་འདུས་ཏེ་རེག་པས་རློམ་སེམས་སུ་བྱེད་ཅིང་། ཡིད་ཀྱི་འདུས་ཏེ་རེག་པར་དམྱིགས་སོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བས་རློམ་སེམས་སུ་བྱེད་ཅིང་། མྱིག་གི་འདུས་ཏེ་རེག་པའི་

རྐྱེན་ཀྱིས་ཚོར་བར་དམྱིགས་སོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བས་རློམ་སེམས་སུ་བྱེད་ཅིང་། རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བར་དམྱིགས་སོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བས་རློམ་སེམས་སུ་བྱེད་ཅིང་། སྣའི་འདུས་ཏེ་
རེག་པའི་རྐྱེན་ཀྱིས་ཚོར་བར་དམྱིགས་སོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བས་རློམ་སེམས་སུ་བྱེད་ཅིང་། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བར་དམྱིགས་སོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བས་རློམ་སེམས་སུ་བྱེད་ཅིང་། ལུས་
ཀྱི་འདུས་ཏེ་རེག་པའི་རྐྱེན་ཀྱིས་ཚོར་བར་དམྱིགས་སོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བས་རློམ་སེམས་སུ་བྱེད་ཅིང་། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བར་དམྱིགས་སོ། །སའི་ཁམས་ཀྱིས་རློམ་སེམས་