Luận tạng Tây Tạng (Tengyur) — Tập 195

 །ཀའི་སྡེ་པ་ནི་ཀ་སྡེའོ། །དེ་བཞིན་དུ་པ་སྡེའི་འང་ངོ་། །དབྱངས་དང་ཧ་ཡ་ཝ་དང་ཀ་སྡེ་བར་ན་ཡོད་པ་ཅན་ཞེས་ཟླས་དབྱེ་
བའི་ཁོང་ན་ཡོད་པའི་འབྲུ་མང་པོ་པའོ། །རེ་ཕ་དང་ཥ་ཡིག་དང་རྀའི་ཡི་གེ་རྣམས་ལས་ཕ་རོལ་མཐའ་མ་ཡིན་པ་སྟེ་ཚིག་གི་མཐའ་མ་ཡིན་པའི་ན་ཡིག་ནི་ཎ་ཡིག་ཏུ་འགྱུར་ཏེ། དབྱངས་དང་ཧ་དང་ཝ་དང་ཀ་སྡེ་དང་པ་སྡེ་ཞེས་པ་འདི་རྣམས་པར་ན་ཡོད་པ་ལ་ཡང་ངོ་། །རེ་ཞིག་ར་ལས། ཙ་ཏུརྞྞཱཾ། ཥ་ལས།

ཥཱུ་ཎཱཾ། རྀའི་ཡི་གེ་ལས། ཏྲི་སྲྀ་ཎཱཾ། བི་ཏྲྀ་ཎཱཾ། དབྱངས་དང་ཧ་དང་ཡ་དང་ཝ་དང་ཀ་སྡེ་དང་པ་སྡེ་བར་ན་ཡོད་པ་ལས་ནི། བུ་རུ་ཥེ་ཎ། ཨརྡྷེ་ཎ། ཨརྷེ་ཎ། ཨརྻི་ཎ། སརྦེ་ཎ། ཨརྐེ་ཎ། མཱུ་ཪེྑ་ཎ། བརྒེ་ཎ། ཨརྒེ་ཎ། དརྤེ་ཎ། རེ་ཕེ་ཎ། དརྦྷེ་ཎ། དྷརྨེ་ཎ།
ར་ཥ་རྀའི་ཡི་གེ་རྣམས་ལས་ཞེས་པ་ཅི་ཞེ་ན། བ་ནམ྄། མཐའ་མ་ཡིན་པའི་ཞེས་པ་ཅི་ཞེ་ན། པྲྀཀྵཱ་ན། པི་ཏྲྀན། གི་རཱིན། ར་ཥ་རྀའི་ཡི་གེ་རྣམས་ལས་ན་ཡིག་འང་གང་གི་ཚེ་ཚིག་ཕྲད་དུ་གནས་པ་དེའི་ཚེ་ཎ་ཉིད་དུ་མི་འདོད་དེ། དེས་ན། ཨགྣི་ར་ན་བྷ་ཝ་ཏི། རྣམ་པར་གཅད་བྱ་ལྕེ་རྩ་ཅན་དང་མཆུ་དང་
ཉེ་བ་ཅན་གྱི་གནས་ལ་ཡང་ན་མི་འདོད་དོ། ཨུ་རཿཀེ་ན། ཨུརཿཔེ་ན། ཨུ་རཿཀེཎཿ། ཨུ་རཿཔེ་ཎ། ཀཻགཻ་སྒྲ་ལའོ། །པཱ་འཐུང་བ་ལའོ། །ཨུ་རས་སྔ་མར་རོ། །བྲང་གིས་སྒྲོགས་པར་བྱེད་དོ། །བྲང་གིས་འཐུང་བར་བྱེད་དོ་ཞེས་པས་ཉེར་བསྒྱུར་མེད་པའི་ཨཱཏ་ལས་ཀའོ། །ཁ་ཅིག་ཏུ་རྣམ་
པར་བརྟག་པ་ཎ་ཉིད་དུ་བལྟ་སྟེ། ཀྵི་ར་པེ་ནམ྄། གི་རིན་དཱི། ཝ་ད་རཱི་བ་ནམ། ཝ་ད་རཱི་བ་ཎམ྄། ཁ་ཅིག་ཏུ་ནི་མ་ཡིན་པ་ཉིད་དེ། དེ་བ་དཱ་རུ་བ་ནཾ། བྷ་དྲ་དཱ་རུ་བ་ནཾ། ཉེར་བསྒྱུར་ལ་གནས་པའི་ར་ཥ་རྀའི་ཡི་གེ་ལས་ཕ་རོལ་གྱི་བྱིངས་ཀྱི་དང་པོའི་ཎ་ཡིག་གང་། ན་ཡིག་ཡིན་པ་དེ་ཎ་ཡིག་ཏུ་འདོད་དེ།
པྲ་ཎ་ཡ་ཏི། པྲ་ཎ་མ་ཏི། ཎཱིཉ་ཐོབ་པ་ལའོ། །ཎམ྄ རབ་ཏུ་བྱེད་པ་ལའོ། །དང་པོའི་ཎ་ཡིག་ཅེས་པ་ཅི་ཞེ་ན། པྲ་ནནྡ་ཏི། ཊུ་ན་དི་ཡང་དག་པར་རྟོགས་པ་ལའོ། །བུད་མེད་ལ་ཨ་ལས་ཨཱཔ྄འོ། །ཨ་ལ་སྟེ་ཨ་ཡིག་མཐའ་ཅན་གྱི་རྟགས་བུད་མེད་ལ་འཇུག་བཞིན་པར་གྱུར་པ་ལས་ཨཱཔ྄འི་རྐྱེན་
དུ་འགྱུར་རོ། །བ་ཡིག་ནི་རྣམ་པ་སྣ་ཚོགས་པའི་དོན་ཏོ། །དེ་ཝ་དཏྟཱ། ཡཱ། སཱ་ཌཱ་ཀཱ། བུད་མེད་ལ་ཞེས་པ་ཅི་ཞེ་ན། དེ་ཝ་དཏྟཿ། ཨ་ལས་ཞེས་པ་ཅི་ཞེ་ན། མ་ཏི། ནད་སོགས་དང་། ཨཉྩ། བ་ཧ། ཨུ། ཨཱི། ཨནྶི། ཨནྟ་རཾ། ས་ཁི། ན་མཐའ་རྣམས་ལས་ཨཱིའོ། །གང་རྣམས་
ཀྱི་དང་པོ་ན་དའི་སྒྲ་ཡིན་པ་དེ་རྣམས་ནི་ན་དཱ་སོགས་རྣམས་སོ། །གང་རྣམས་ཀྱི་མཐའ་ན་ཡིག་ཡིན་པ་དེ་རྣམས་ནི་ན་མཐའ་རྣམས་སོ། །དེ་ནས་ཟླས་དབྱེ་བའོ། །བུད་མེད་ལ་ཞེས་པ་ཁོ་ནའོ། །ནད་སོགས་རྣམས་དང་། ཨཉྩ་དང་། ཝཱ་ཧ་དང་། ཨུ་དང་། ཨནྶི་དང་། ཨནྟ་དང་། རྀ་དང་།

ལ་ཁི་དང་། ན་མཐའ་ཞེས་པ་འདི་རྣམས་བུད་མེད་ལ་འཇུག་བཞིན་པར་གྱུར་པ་ལས་ཨཱིའི་རྐྱེན་དུ་འགྱུར་རོ། །རེ་ཞིག་ན་ད་སོགས་རྣམས་ལས། ན་དཱི། མ་ཧཱི། ཀི་སོ་རཱི། ཨནྩུ་ལས། པྲཱ་ཙཱི། པྲ་ཏཱི་ཙི། ཨཉྩུ་འགྲོ་བ་ལའོ། །ཀྭཱིཔ྄འོ། །ཨིཏ་རྗེས་སུ་འབྲེལ་བ་མ་ཡིན་པའི་ཞེས་པས་ན་
དབྱིའོ། །ཨཉྩིའི་ཨ་དབྱི་བ་དང་སྔ་མའི་འང་རིང་པོའོ། །བཱ་ཧ་ལས། པྲཥྚཽ་ཧཱི། བ་ཧ་ཐོབ་པ་ལའོ། །བ་ཧའི་འང་ངོ་ཞེས་པས་ཨིཎའོ། །ཨུ་པ་དྷའི་ཨ་ཞེས་པས་རིང་པོའོ། །བཱ་ཧཱིའི་བཱ་སྒྲའི་ཨཽ་ཉིད་དོ། །ཨུའི། པ་ཊྭཱི། མྲྀ་དྭཱི། ཨནྶིའི། བི་དུ་ཥཱི། བི་དྭནྶ་དང་། པི་ཙི་ཝནྶའི་ནི།
གྷུཊ་མ་ཡིན་པའི་དབྱངས་དང་ངོ་། ལ་ཨིཊ་དང་བཅས་པའི་ཞེས་པས་ཨུ་ཉིད་དོ། །ཨནྟ་ལས། གོ་མ་ཏཱི། དྷ་ན་ཝ་ཏཱི། ས་ཀ་ར་ཏྲཱི། ས་ཁིའི། ས་ཁཱི། ན་མཐའ་ལས། དཎྜི་ནཱི། པདྨི་ནཱི། གལ་ཏེ་ཡང་ཨཉྩུ་ལ་སོགས་པ་དེ་རྣམས་ནི་ན་ད་སོགས་ཀྱི་ཚིགས་སུ་རྣམ་པར་བྱས་པའི་ཕྱིར་ན་ད་ལ་
སོགས་པ་ཉིད་ལས་ཨཱིའི་རྐྱེན་གྲུབ་པས་ཉེ་བར་བླངས་པས་ཅི་བྱ་ཞེ་ན། བདེན་ཏེ། སྤྲོས་པའི་དོན་ཏོ། །བུད་མེད་དུ་བྱས་པའི་ཨཱི་ཡིག་ལས་ཨ་དབྱི་བར་བྱའོ། །བུད་མེད་ལ་བྱས་པ་ནི་བུད་མེད་དུ་བྱས་པའོ། །དབྱི་བ་ཐོབ་པ་ནི་དབྱི་བར་བྱ་བའོ། །ཨའང་འདི་ཡིན་ལ་དབྱི་བར་བྱ་བའང་ཡིན་པ་ནི་ཨ་དབྱི་བར་
བྱ་བའོ། །བུད་མེད་དུ་བྱས་པའི་ཨཱི་ཡིག་ཕ་རོལ་ལ་ཨ་ཡིག་དབྱི་བར་བྱ་བར་འགྱུར་རོ། །དེ་ཝཱི། ན་དཱི། ཨཱི་ཡིག་ལ་ཞེས་པ་ཅི་ཞེ་ན། ཡུ་བ་ཏིཿ། ན་ཚོད་ལྡན་པ་མོ་ལ་ཡུ་བ་ལས་ཏིའོ་ཞེས་པས་ཏིའི་རྐྱེན་ནོ། །བུད་མེད་དུ་བྱས་པ་ཞེས་པ་ཅི་ཞེ་ན། ཀུཎྜེ། ཨཽ་ཨཱིའོ། །མ་ནིང་ལ་དབྱངས་ཐུང་ངུའོ། །
གང་མ་ནིང་གི་ཡུལ་ལ་རྟགས་མཐའི་དབྱངས་དེ་ནི་ཐུང་ངུར་འགྱུར་རོ། །སེ་ནཱ་ནི་ཀུ་ལཾ། ཡ་བ་ལུ་ཀུ་ལཾ། སྡེ་ལས་འདྲེན་པར་བྱེད་དོ། །ནས་ལས་གཅོད་པར་བྱེད་དོ་ཞེས་པས་ཀྭཱི་པའོ། །འདིས་ཐུང་ངུའོ། །ཨ་ཏི་རི་ཀུ་ལཾམ྄། ཨ་ཏི་ནུ་ཛ་ལཾ། རིམ་པ་འདས་པའི་ནོར་ལ། རིམ་པ་འདས་པའི་གྲུལ་
ཞེས་པའི་དོན་ཏོ། །འདིས་ཐུང་ངུ་སྟེ་ཨཻ་ཡིག་གི་ཨི་དང་། ཨཽ་ཡིག་གི་ཨུའོ། །མ་ནིང་ལ་ཞེས་པ་ཅི་ཞེ་ན། གཽཿ སྦྱོར་བ་འདི་རྣམ་པར་དབྱེ་བར་བྱ་སྟེ། དབྱངས་ཐུང་ངུའོ་ཞེས་པས་སྦྱོར་བ་གཅིག་གོ། །དེས་ན་མ་ཡིན་པ་ལའང་ཁ་ཅིག་ཏུ་ཐུང་ངུའོ། །ཁྲི་ལྔས་ཉོས་པ་ནི། ཀྲཱི་ཏཿཔཉྩ་ཁ་ཊྭཿ།

མའི་མཛོད་འདས་པ་ནི། ནིསྐོ་ཥཱམྦིཿ། གང་གི་བ་ལང་ཁྲ་བོ་ཡིན་པ་དེ། ཙི་ཏྲ་གུཿ། དབྱངས་སྨོས་པ་ནི་མཐའི་ཐུང་ངུའི་དོན་ཏོ། །འདིར་མི་འགྱུར་ཏེ། སུ་ཝཱ་ཀ་ཀུ་ལཾ་ཞེས་པའོ། །གལ་ཏེ་ཡི་གེའི་མཐའི་ཡོངས་སུ་བཤད་པ་ནི་མཐའ་ཉིད་ཀྱི་འགྱུར་རོ་ཞེས་པ་ཅི་ཞེ་ན། དེ་ལྟར་ནི་
རྣམ་པ་གསལ་བའི་དོན་ཏོ། །ཇོ་བོ་དྲག་འབྱོར་གྱིས་མཛད་པའི་འགྲེལ་པ་སློབ་མ་ལ་ཕན་པར་མིང་གི་རབ་ཏུ་བྱེད་པའི་རྐང་པ་བཞི་པ་རྫོགས་སོ།། །།མིང་རྣམས་སྦྱོར་བའི་དོན་བསྡུ་བའོ། །མིང་ནི་མིང་སྟེ་སྔོན་གྱི་སློབ་དཔོན་རྣམས་ཀྱིས་རྟགས་དང་རྣམ་དབྱེའི་མཐའ་ཅན་ལ་བྱས་བའོ། །སྦྱོར་བའང་
འདི་ཡིན་ལ་དོན་ཡང་ཡིན་པ་ནི་སྦྱོར་བའི་དོན་ཏོ། །གང་མིང་རྣམས་སྦྱོར་བའི་དོན་དེ་ནི་བསྡུ་བའི་མིང་ཅན་དུ་འགྱུར་རོ། །ངོ་བོའམ་ཚུལ་གཅིག་ཉིད་དུ་གྱུར་པའི་དོན་དེ་སྦྱོར་བའི་དོན་དེས་བརྗོད་པར་བྱའོ། །ནཱི་ལོཏྤ་ལཾ། རཱ་ཛ་པུ་རུ་ཥཿ། སྦྱོར་བའི་དོན་སྨོས་པ་ཅི་ཞེ་ན། བསྟྲཾ་ནཱི་ལཾ། ཨུདྦ་ལཾ། ཝཪྵ་
སུ་པུ་ཥྱ་ཏི། བྷཱ་རྻཱ་རཱ་ཛྙཿ། པུ་རུ་ཥོ་དེ་ཝ་དཏྟསྱ། བསྡུ་བའི་མིང་གིས་གང་དུ་དགོས་ཤེ་ན། བསྡུ་བའི་མཐར་གྱུར་པ་རྣམས་ཀྱིས་ཞེས་པ་ལ་སོགས་པ་རྣམས་སུའོ། །དེར་གནས་རྣམ་དབྱེ་རྣམས་དབྱི་བར་བྱའོ། །དེ་ལ་གནས་པ་ཞེས་པ་ནི་དེར་གནས་པ་སྟེ་མིང་ལས་ཀྱང་སྠ་ལའང་ངོ་ཞེས་པས་ཀའོ། །
དབྱི་བར་འོས་པ་ཞེས་པས་དབྱི་བར་བྱ་བའོ། །དེར་ལེགས་པ་ལའང་ཡའོ་ཞེས་པའི་འང་གི་སྒྲ་ལས་དབྱི་བར་འོས་པའི་དོན་ལ་ཡའོ། །དེར་སྨོས་པས་ཚིག་སྡུད་ལ་སྙེག་གོ། །ཚིག་སྡུད་ཀྱི་དོན་གྱི་ངག་ཀྱང་ཚིག་སྡུད་ཀྱི་སྒྲས་བརྗོད་པར་བྱ་སྟེ། དབང་པོའི་དོན་གནས་པ་དབང་པོའི་སྒྲས་བཞིན་ནོ། །དེས་ན་
གང་ཚིག་སྡུད་ཀྱི་དོན་གྱི་ངག་ལ་གནས་པའི་རྣམ་དབྱེ་དེ་རྣམས་དབྱི་བར་བྱ་བར་འགྱུར་རོ། །རཱ་ཛྙཱ་པུ་རུ་ཥཿ། རཱ་ཛ་པུ་རུ་ཥཿ། སཾ་ཀུ་ལཱ་ཡ་ཁཎྜཿ། སཾ་ཀུ་ལ་ཁཎྜཿ། དབྱི་བར་བྱའོ་ཞེས་པས་འོས་པའི་རྐྱེན་ངེས་པར་བསྟན་པ་ལས་སྦྱོར་བའི་དབང་གིས་གཞན་གྱིའང་དབྱི་བར་འོས་པ་རྣམས་དབྱི་བར་བྱའོ། །
གང་གི་ཞལ་ཏའི་ཞལ་དང་འདྲ་བ་དེ་ནི། དེ་ཝ་མུ་ཁཿ། མར་གྱིས་གང་བའི་རྫ་མ་ནི། གྷྲྀ་ཏ་གྷཊཿ། གང་ལ་སྡིག་པ་ཡོད་པ་མ་ཡིན་པ་དེ་ནི། ཨ་པཱ་པཾ། ཨི་བ་དང་། པཱུརྞ་དང་། བིདྱ་མཱ་ན་རྣམས་ཀྱིས་དབྱིའོ། །གསུམ་པ་དང་བདུན་པ་དག་ལ་ཡང་ནའོ་ཞེས་པས་འདིའི་ཡང་ན་ཞེས་པ་འཇུག་སྟེ།

དེའང་རྣམ་པར་གཞག་པ་རྣམ་པར་བཤད་པ་ལས་སོ། །དེས་ན་ཁ་ཅིག་ཏུ་རྣམ་དབྱེ་དབྱི་བར་མི་འགྱུར་ཏེ། གང་གི་མགྲིན་པ་ལ་ནག་པོ་ཡོད་པ་དེ། ཀཎྛ་ཀཱ་ལཿ། གང་གི་བྲང་ལ་སྤུ་ཡོད་པ་དེ་ནི། ཨུ་ར་སི་ལོ་མཱ། དེ་བཞིན་དུ་ཨཱཏྨ་ནའི་སྒྲ་ལས་ཕ་རོལ་གྱི་གསུམ་པ་ནི། རྫོགས་པའི་རྐྱེན་གྱི་མཐའ་
ཅན་གྱི་ཚིག་ཕ་རོལ་ལ་དབྱི་བར་མི་འགྱུར་ཏེ། ཨདྨ་ནཱ་པཉྩ་མཿ། གསུམ་པ་ལས་ཞེས་པ་ཅི་ཞེ་ན། ཛཱ་ནཱརད་ན་སྟྭཱཏྨ་ཙ་ཏུརྠ། ཞེས་པ་འདིར་གང་གི་བདག་ཉིད་བཞི་ཡིན་པ་ཞེས་ཚིག་རྣམ་པར་སྦྱར་རོ། །དབྱངས་མཐའི་རང་བཞིན་འང་ངོ་། །རྣམ་དབྱེ་སྨོས་པ་རྗེས་སུ་འཇུག་ཅིང་འོས་པའི་རྐྱེན་དང་
བྲལ་བ་དང་དབྱི་བ་སྨོས་པའང་ངོ་། །དེའི་དོན་གྱི་དབང་ལས་བདུན་པའི་མཐའི་ཤེས་པར་བྱ་བའོ། །དབྱངས་མཐའི་སྒྲའི་ཚིག་སྡུད་བྱས་པ་ལ་ནི་རྣམ་དབྱེ་ཕྱིས་པར་གྱུར་པ་ལ་རང་བཞིན་ཏེ་རང་གི་ངོ་བོ་ཇི་ལྟ་བ་བཞིན་དུ་འགྱུར་རོ། །རྐྱེན་གྱི་མཚན་ཉིད་ཀྱི་ཐོབ་པའི་བྱ་བ་འགེགས་པའོ། །མཱ་ཏ་རི་ཎི་སུ་
ཎཿ། མ་ཏྲྀ་ནི་པུ་ཎཿ། པི་ཏ་རི་སཱ་དྷུཿ། པྀ་ཏྲྀ་སཱ་དྷུཿ། ངི་ལ་ཨརའོ་ཞེས་པས་ཨར་དུ་བསྒྱུར་བ་མེད་དོ། །སཱ་ཁཱ་ཡཾ་པྲཱཔྟཿ། སཱ་ཁི་པྲཱཔྟཿ། གྷུཊ་ལ་ནི་ཨཻའོ་ཞེས་པས་ཨཻ་ཉིད་དུ་མི་འགྱུར་རོ། །རྣམ་དབྱེའི་རྒྱུ་མཚན་གྱི་བྱ་བའི་རང་བཞིན་དུ་གྱུར་པ་དེས་གཞན་བཟློག་པ་མ་ཡིན་ཏེ། སྭ་རཱནྟ་སྱ་ཞེས་
པའི་མཚུངས་པའི་རིང་པོར་མཛད་པས་སོ། དེ་ན། ཡ་བཱ་ནཱ་མཱ་ཊཱ་ཀཾ། ཡ་ཝཱ་ཊ་ཀཾ། ཞེས་པ་འདིར་མཚུངས་པའི་རིང་པོར་གྲུབ་བོ། །གསལ་བྱེད་མཐའི་གང་སུ་བྷ་དག་ལའོ། །རྣམ་དབྱེ་དབྱི་བ་སྨོས་པ་རྗེས་སུ་འཇུག་གོ། །གང་སུ་ཡིག་དང་བྷ་ཡིག་ཕ་རོལ་ལ་གང་བརྗོད་པའི་བྱ་བ་དེ་ནི་གསལ་
བྱེད་མཐའ་ཅན་གྱི་སྒྲ་ལ་ཚིག་སྡུད་བྱས་ཤིང་རྣམ་དབྱེ་ཕྱིས་པར་གྱུར་པ་ལའང་འགྱུར་རོ། །མཁས་པའི་དོན་ནི། བི་དྭ་དརྠཿ། ཨ་ནུ་ཥཾ་ག་དབྱི་བ་དང་ཉིད་དུའང་འགྱུར་རོ། །རྒྱལ་པོའི་དོན་ནི། རཱ་ཛཱརྠཿ། འདིར་ཡང་ན་དབྱིའོ། །དེ་བཾ་ག་ཏཿ །དྱུ་ག་ཏཿ། དི་ཝའི་ཨུ་ཉིད་དོ། །ཥཎྞཱ་མཱ་ཤྲ་
ཡཿ། ཥ་ཌཱ་ཤྲ་ཡཿ། ཌ་ཉིད་དོ། །སུ་བྷ་དག་ཅིག་ཅར་བརྗོད་པ་ལ་བསྒྲུབ་པར་བྱ་བ་སྟེ། བྷ་ཡིག་འབའ་ཞིག་པ་གང་ཡིན་པ་དེ་ལ་མ་ཡིན་ནོ། །དེས་ན། ཨ་སཱམ྄བྷཱ་རཿ། ཨ་བ་བྷཱ་རཿ། ཞེས་པ་འདིར་ཨབ྄ རྣམས་ཀྱི་བྷ་ལ་དའོ་ཞེས་བྷ་ཡིག་ཕ་རོལ་ལ་ད་ཉིད་དུ་བརྗོད་པར་མི་འགྱུར་རོ་ཏེ།

སྦྷྲ་དག་ལའོ་ཞེས་མ་བྱས་པ་ནི་རྣམ་པ་སྣ་ཚོགས་པ་ལས་སོ། །གཞི་མཐུན་པའི་ཚིག་དག་ནི། ལས་འཛིན་བྱེད་པར་རྣམ་ཤེས་བྱ། །ཚིག་དང་པོ་ནི་དང་པོའི་ཚིག་གི་མཐའ་ཅན་ནོ། །གང་དག་གི་གཞི་མཐུན་པའི་ཚིག་དེ་དག་ནི་གཞི་མཐུན་ནོ། །ཚིག་སྡུད་ཅེས་པ་རྗེས་སུ་འཇུག་སྟེ་
གང་སྨོས་པའང་ངོ་། །དེའང་དོན་གཉིས་ཀྱི་དབང་ལས་བདུན་པའི་མཐའ་ཤེས་པར་བྱ་བའོ། །དེས་ན་ཚིག་སྡུད་གང་དུ་ཚིག་གཉིས་གཞི་མཐུན་པ་སྟེ། མཐུན་པ་ལ་བརྟེན་པའི་རྫས་གཅིག་གི་ཡུལ་དུ་གྱུར་པའི་ཚིག་སྡུད་དེ་ནི། ལས་འཛིན་པའི་མིང་ཅན་དུ་ཤེས་པར་བྱ་ཞིང་རྟོགས་པར་བྱའོ། །བྲམ་
ཟེའང་འདི་ཡིན་ལ་དཱ་རི་ཇེཀའང་ཡིན་པ་ནི། བྲཱཧྨ་ཎ་དཱ་རི་ཀཱ། ལས་འཛིན་པའི་མིང་ལས་ནི་ཞེས་པས་ཚིག་སྔ་མ་སྐྱེས་པ་དང་འདྲ་བར་འགྱུར་རོ། །སྔོན་པོའང་འདི་ཡིན་ལ། ཨུཏྤ་ལའང་འདི་ཡིན་པ་ནི། ནཱི་ལོཏྤ་ལམ། དེ་བཞིན་དུ་སྣཱ་ཏཱ་ནུ་ལིཔྟཿ། གཞི་མཐུན་པ་ཞེས་པ་ཅི་ཞེ་ན། དགེ་མའི་བུ་
མོ་ནི། ཀ་ལྱ་ཎཱི་དུ་ཧི་ཏཱ། ར་མོ་ཛཱ་མ་དགྣྱཿ། བྱཱ་སཿསཱ་རཱ་སརྠཿ། ཨརྫུ་ནཿརརྟྟ་བཱིརྻ། ཞེས་པ་འདིར་ཚིག་སྡུད་དུ་མི་འགྱུར་ཏེ། མངོན་པར་བརྗོད་པ་མེད་པ་ལས་ཏེ་སྒྲ་མེད་པ་ལས་ཞེས་པའི་དོན་ཏོ། །ལས་འཛིན་པའི་མིང་གིས་གང་དུ་དགོས་ཤེ་ན། ལས་འཛིན་པ་ཡི་མིང་ལ་ནི། །
ཞེས་པ་འདིར་རོ། །གྲངས་སྔ་མ་ཅན་པ་གཉིས་ཞེས། ཤེས་པར་བྱའོ། །གྲངས་སྔ་མའི་བསྡུ་བ་ཞེས་ཚིག་རྣམ་པར་སྦྱར་རོ། །གྲངས་སྔ་མ་ཅན་གྱི་ཚིག་སྡུད་ནི་བ་གཉིས་པའི་མིང་ཅན་དུ་འགྱུར་རོ། །ཇི་ལྟར་དེ་ཕན་རྣམས་ཀྱི་དོན་དེ་རྣམས་ལ་བ་གཉིས་པ་བཤད་པར་བྱ་བ་དེ་བཞིན་དུ་ཚོགས་
པའི་དོན་ལའོ། །ཚིག་ཕྱི་མ་ལའང་ངོ་། །རེ་ཞིག་དེ་ཕན་གྱི་དོན་ལ། ཐོད་པ་ལྔ་རྣམས་ལེགས་པར་འདུས་བྱས་པ་ནི། པཉྩ་ཀ་པཱ་ལཿ། ལེགས་པར་འདུས་བྱས་པའི་དོན་ལ། འདི་ལྟ་སོགས་ཀྱི་ཨ་ཎར་འདོད་ཅེས་པས་ཨཎའོ། །དེ་བ་གཉིས་པ་ལ་འཇིག་སྟེ། བུ་རྒྱུད་མ་ཡིན་པ་ཞེས་པའི་འཇིག་
རྟེན་གྱི་ཉེ་བར་སྤྱོད་པ་ལས་འཇིག་གོ། །དེ་བཞིན་དུ་ཐོད་པ་ལྔ་རྣམས་ཀྱི་འདི། པཉྩ་ཀ་པཱ་ལཾ། དེའི་འདི་ཞེས་པས་ཨཎའོ། །སྔ་མ་ལྟར་འཇིག་གོ། །ཚོགས་པ་ལ། ཆུ་བོ་ལྔ་རྣམས་ཀྱི་ཚོགས་པ་ནི། པཉྩ་ནཱ་དམ྄། བ་ལང་ལྔ་རྣམས་ཀྱི་ཚོགས་པ་ནི། པཉྩ་ག་བཾ། བསྡུ་བའི་མཐར་གྱུར་པ་

ཞེས་པས་ཚིག་སྡུད་ཀྱི་མཐའ་ལ་ཨ་ཡིག་གོ། །དེ་བཞིན་དུ། པཉྩ་བྲཱཧྨ་ཎཱི། ད་ཤ་གྲཱ་མི། བ་གཉིས་པ་ཞེས་པས་ཚིག་ཕྱི་མ་ལ་ཨཱི་ཡིག་གོ། །གང་གི་ནོར་བ་ལང་ལྔ་ཡིན་པ་དེ། པཉྩ་ག་བ་དྷ་ནཿ། དྷ་ནའི་སྒྲ་ཚིག་ཕྱི་མ་ལ་ཏེ། པཉྩ་ག་བ་ཞེས་པ་འདི་བ་གཉིས་པའོ། །ཏིཥྛ་དྷུ། འབྲུ་མང་པོ་
པའོ། །གོ་སྒྲའི་བསྡུ་བའི་མཐའ་ལ་ཨ་ཡིག་གོ། །བ་གཉིས་པའི་མིང་གིས་གང་དུ་དགོས་ཤེ་ན། བ་གཉིས་པ་ཞེས་པ་ལ་སོགས་པ་རྣམས་སུའོ། །དེའི་སྐྱེས་བུ་གཉིས། གཉིས་ཀྱི་དོན་ནི་ལས་འཛིན་པ་དང་བ་གཉིས་པ་དེ་ནི་དེའི་སྐྱེས་བུའི་མིང་ཅན་དུ་འགྱུར་རོ། །སྨད་པ་ཡང་འདི་ཡིན་ལ་རྟ་
ཡང་ཡིན་པ་ནི། ཀ་ད་ཤྭཿཀ་དུཥྚྭཿ། འདིར་ལས་འཛིན་པ་ལ་དེའི་སྐྱེས་བུ་ལས་ཀུའི་གཏའོ་ཞེས་པས་ཀུའི་སྒྲ་ཀཏ་དུ་འགྱུར་རོ། །རྒྱལ་པོ་ལྔ་རྣམས་ཀྱི་ཚོགས་པ་ནི། པཉྩ་རཱ་ཛཱི། དེ་བཞིན་དུ་པཉྩ་ག་བཾ། འདིར་བ་གཉིས་པ་དེའི་སྐྱེས་བུ་ཉིད་ལས་བསྡུ་བའི་མཐའ་ལ་ཨ་ཡིག་གོ། །ས་
ཁི་དང་རཱ་ཛཱ་དང་གོ་སྒྲ་རྣམས་ལས་དེའི་སྐྱེས་བུར་སྔོན་གྱི་སློབ་དཔོན་རྣམས་ཀྱིས་བཤད་དོ། །གཉིས་པ་ལ་སོགས་རྣམ་དབྱེ་རྣམས། །མིང་དང་ཕ་རོལ་ཚིག་གིས་ནི། །སྡུད་པར་བྱེད་པ་དེ་ཡང་དེའི། །སྐྱེས་བུའི་བསྡུ་བར་ཤེས་པར་བྱ། སོགས་འབྱུང་བ་ནི་སོགས་པ་སྟེ་རྣམ་དབྱེ་གང་
རྣམས་ཀྱི་དང་པོ་གཉིས་པ་ཡིན་པ་དེ་ནི་གཉིས་པ་ལ་སོགས་པའོ། །བསྡུ་བ་གང་དུ་རྣམ་དབྱེ་གཉིས་པ་ལ་སོགས་པ་སྟེ་གཉིས་པ་ལ་སོགས་པའི་རྣམ་དབྱེའི་སྒྲའི་སྒྲ་ནི་མིང་དང་ཚིག་ཕ་རོལ་དང་བཅས་པས་སྡུད་པར་བྱེད་ཅིང་ངོ་བོ་གཅིག་ཏུ་གྱུར་པའི་ཚིག་སྡུད་དེ་ནི་དེའི་སྐྱེས་བུའི་མིང་ཅན་དུ་འགྱུར་
རོ། །གཉིས་པ་ནི། དྷརྨཾ་ཤྲི་ཏཿ། དྷརྨ་ཤྲི་ཏཿ། ཡུཀྐིངྒ་ཏཿ། ཡུཀྐི་ག་ཏཿ། གསུམ་པའི། ཥཊ་ཀུ་མ་ཡཱ་ཁཎྜཿ། ཥཊ྄ ཀུ་ལཱ་ཁཎྜཿ། དཎྜེ་ན་ཧ་ཏཿ། དཎྜ་ཧ་ཏཿ། བཞི་པ་ལ། ཡཱུ་པཱ་ཡ་ངཱ་ཏུཿ། ཡཱུ་པཱ་དཱ་ཏུ། བཻ་ཤྲ་པ་ཎཱ་ཡ་བ་ལིཿ། བཻ་ཤྲ་བ་ཎ་པ་ལིཿ། ལྔ་པ་ནི། བྲྀ་
ཀེ་བྷྱོ་བྷ་ཡཾ། བྲྀ་ཀ་བྷ་ཡཾ། གྲཱ་མཱནྣིརྒ་ཏཿ། གྲཱ་མ་ནིརྒ་ཏཿ། དྲུག་པ་ནི། རཱ་ཛྙཱ་པུ་རུ་ཥཿ། རཱ་ཛ་པུ་རུ་ཥ། བྲཱཧྨ་ཎཱ་ནཱཾ་ཡཱ་ཙ་ཀཿ། བྲཱཧྨ་ཎ་ཡཱ་ཙ་ཀཿ། བདུན་པ་ནི། ཨཀྵེ་ཥུ་སཽཎྜཿ། ཨཀྵ་སཽཎྜཿ ཏཱིརྠེ་ཀཱ་ཀཿ། ཏིརྠ་ཀཱ་ཀཿ། ཕ་རོལ་ཚིག་གིས་ཞེས་པ་ཅི་ཞེ་ན། ག་ཏོ་གྲཱ་མཾ། ཁ་ཅིག་

ཏུ་གཉིས་པ་ལ་སོགས་པའི་མཐའི་ཚིག་ཕ་རོལ་ནི་སྔ་མའི་ཚིག་དང་བཅས་པས་སྡུད་པར་བྱེད་དེ། པྲཱཔྟོ་ཛཱི་བི་ཀཱམ྄། པྲཔྟ་ཛཱི་བི་ཀཿ དབྱངས་ཐུང་ངུའོ་ཞེས་པས་ཐུང་ངུའོ། །དེ་བཞིན་དུ། ཨ་ཏི་ཀྲནྟཿཁ་ཊྭཱམ྄ཿ། ཨ་ཏི་ཁ་ཊྭཱཿ། གཉིས་པ་ལ་སོགས་པའི་མཐའི་བསྡུ་བ་ཡང་ཁ་
ཅིག་ཏུ་མེད་པར་བལྟ་སྟེ། རང་གི་བྱིངས་ལའོ། །སཱ་མི་བྷཀྟཾ། སྭ་མི་བྷཀྟཾ། ཕྱེད་ཟའོ་ཞེས་པའི་དོན་ཏོ། །དེའི་སྐྱེས་བུའི་མིང་གིས་གང་དུ་དགོས་ཤེ་ན། དེའི་སྐྱེས་བུ་ལ་ནའི་དབྱའོ་ཞེས་པས་འདིར་རོ། །གལ་ཏེ་ཚིག་གཉིས་དག་གྱུར་ཏམ། གལ་ཏེ་མང་པོར་གྱུར་པའང་རུང་། དེ་རྣམས་
ཚིག་གཞན་དོན་ལ་ནི་འབྲུ་མང་སྟེ། ཚིག་སྡུད་གང་དུ་ཚིག་གཉིས་ཚིག་གཞན་གྱི་དོན་འཇུག་བཞིན་པར་སྡུད་པར་བྱེད་ཅིང་གཅིག་ཏུ་བྱེད་པའམ། ཚིག་མང་པོ་རྣམས་ཚིག་གཞན་དོན་ལ་འཇུག་བཞིན་པར་སྡུད་པར་བྱེད་པའི་ཚིག་སྡུད་ནི་འབྲུ་མང་པོ་པའི་མིང་ཅན་དུ་འགྱུར་རོ། །གང་དབྱུག་པ་དང་དབྱུག་
པས་འཁྲུག་པ་དེ། དཎྜཱ་དཎྜི། བསྡུ་བའི་མཐར་གྱུར་པ་ཞེས་པས་ཨི་ཡིག་གི་རྐྱེན་ནོ། །མ་ཧ་ཏའི་ཨཱི་ཡིག་གེར་ཞེས་པ་འདིར་བྱ་བ་སྨོས་པ་ལས་ཨཱ་ཉིད་དོ། །འདི་མི་ཟད་པའང་ངོ་། །གང་བུ་དང་བཅས་པས་འཇུག་པ་ནི། ས་པུ་ཏྲཿ། ས་པྷྭརྻ། གང་གིས་མཆོད་པར་བྱས་པ་དེ། བི་ཧི་ཏ་པཱུ་ཛཿ།
གང་གི་བ་ལང་ཁྲ་བོ་ཅན་ནི། ཙི་ཏྲ་གུཿ། དབྱངས་ཐུང་ངུའོ་ཞེས་པས་ཐུང་ངུའོ། །གང་གི་ཉེ་བ་བཅུ་རྣམས་ཡིན་པ་དེ་རྣམས་ནི། ཨུ་པ་ད་ཤཱཿ། བསྡུ་བའི་མཐའ་ལས་ཨ་ཡིག་གོ། །ངག་ནི་དོན་ལའང་འབྲུ་མང་པོ་པ་བཤད་པར་བྱ་སྟེ། ཏྲ་ཡོ་ཝཱ་ཙ་ཏྭཱ་རཿ། ཏྲི་ཙ་ཏུ་རཱཿ། དེ་བཞིན་དུ། དྭཱི་ཏྲཱཿ།
བསྡུ་བའི་མཐའ་ལ་ཨ་ཡིག་གོ། །འདིར་སརྦ་དང་ཤཾ་པ་དག་གི་ངག་གི་དོན་ལ་ནི་རྣམ་པར་བརྟག་པའོ། །ཚིག་མང་པོ་རྣམས་ལ་ནི། གང་ལ་གླང་པོ་ཆེ་མྱོས་པ་མང་པོ་ཡོད་པའི་ནགས་དེ། མཱཏྟ་བ་ཧུ་མཱ་ཏཾ་གམ྄། ཉི་མའི་འོད་ཟེར་ཡོངས་སུ་འཕྲོས་པས་རྒྱས་པའི་པདྨ་རྣམས་རྫིང་བུའི་ཆུ་གང་ལ་ཡོད་པ་
དེ། ར་ཝི་ཀི་ར་ཎ་པ་རི་ཀ་ར་བི་ཀ་སི་ཏ་ན་ལི་ནཱི་ཝ་ནཾ། འོ་ནའང་གང་ལའོ་མ་ཡོད་པ་དེ། ཨསྟི་ཀྵཱི་ར། ཞེས་པ་འདིར་ཅི་ལྟར་བསྡུ་བའི་ཚིག་ཏུ་འགྱུར་ཏེ། མིང་རྣམས་ཞེས་པ་རྗེས་སུ་འཇུག་པས་སོ་ཞེ་ན། བདེན་ཏེ། ཨསྟིའི་སྒྲ་འདི་བཤད་པའི་ཚིག་མ་ཡིན་ནོ། །འོ་ན་ཅི་ཞེ་ན། ཚིག་ཕྲད་དང་

འདྲ་བའོ། །འབྲུ་མང་པོ་པའི་མིང་གིས་གང་དུ་དགོས་ཤེ་ན། འབྲུ་མང་པོ་ལའང་ངོ་ཞེས་པས་འདིར་དགོས་སོ། །ཕྱོགས་བྲལ་རྣམས་དེ་བཞིན། ཕྱོགས་བྲལ་ཞེས་པ་བདུན་པའི་གཅིག་གི་ཚིག་ཕྱིས་པའོ། །ཕྱོགས་བྲལ་ཏེ་བར་མཚམས་བརྗོད་པར་བྱ་བའི་ཕྱོགས་བརྗོད་པའི་ཚིག་སྡུད་གང་ཡིན་
པ་དེ་ནི་འབྲུ་མང་པོ་པའི་མིང་ཅན་དུ་འགྱུར་རོ། །ལྷོ་དང་ཤར་གྱི་ཕྱོགས་ཀྱི་བར་གང་ཡིན་པ་དེ་ཕྱོགས་བྲལ་ཏེ། དཀྴི་ཎ་པཱུརྦཱ། དེ་བཞིན་དུ། པཱུརྦོཏྟ་རཱ། སྐྱེས་པར་བཤད་པ་ཅན་སྐྱེས་པ་བཞིན་ཞེས་པའི་སྦྱོར་བ་ལས་པཱུརྦའི་ཚིག་སྐྱེས་པ་དང་འདྲ་བར་འགྱུར་རོ། །དབང་པོ་དང་ལུས་ངན་གྱི་ཕྱོགས་
དག་གི་ཕྱོགས་བྲལ་ཞེས་པ་འདིར་ཚིག་སྡུད་མངོན་པར་བརྗོད་པ་མེད་པ་ལས་སོ། །འོ་ན་སྔ་མས་གྲུབ་པ་ཉིད་ཀྱི་ཕྱིར་ཅི་ལྟར་སྦྱོར་བ་བརྩམ་སྟེ་དོན་མེད་དོ་ཞེ་ན། བརྗོད་པར་བྱ་སྟེ། ཕྱོགས་རྣམས་ཀྱི་ཡང་ནའོ་ཞེས་པ་འདིར་བྱས་པའི་མདོ་དེ་འབྲུ་མང་པོ་པར་གཟུང་བ་ལྟར་མདོ་སྔ་མ་བྱས་པས་མི་འགྱུར་
བས་སོ། །ཅི་སྟེ་འགྱུར་ན་ཤར་དང་བྱང་ཉིད་ཀྱི་མཚམས་གང་ཡིན་པ་དེ། པཱུརྦོཏྟ་རཱ། དེའི་ཆེད་དུ། པཱུརྦོཏྟ་རཱ་ཡཻ། ཞེས་པ་འདིར་ཐམས་ཅད་པའི་མིང་ཅན་གྱི་བྱ་བ་རྣམ་པར་བརྟག་པར་འགྱུར་བ་ལས་སོ། །དེའི་ཕྱིར་ཕྱོགས་བྲལ་བརྗོད་པ་གང་ཡིན་པའི་འབྲུ་མང་པོ་དེ་ཕྱོགས་རྣམས་ཀྱི་ཡང་ནའོ་
ཞེས་པ་འདིར་ཡོངས་སུ་གཟུང་བར་འགྱུར་བ་ལྟར་དུ་གཞན་གྱི་མི་འགྱུར་རོ་ཞེས་པས་སྦྱོར་བ་བརྩམ་སོ། །མིང་དག་གི་འམ་མང་པོའི་ཡང་། །གང་ཞིག་བསྡུས་པ་ཟླས་དབྱེར་འགྱུར། །ཚིག་སྡུད་གང་གང་ལ་མིང་གཉིས་དག་གིས་འམ་མིང་མང་པོ་འདི་དང་འདི་ཞེས་ཚུལ་ཇི་ལྟ་བར་སྡུད་པར་བྱེད་པའི་ཚིག་སྡུད་དེ་
ཟླས་དབྱེ་བའི་མིང་ཅན་དུ་འགྱུར་རོ། །དེའང་དོན་གཉིས་དག་ལ་བཤད་པར་བྱ་སྟེ། ཅིག་ཤོས་དང་ཅིག་ཤོས་སྦྱོར་བ་དང་ཀུན་སྡུད་པ་ལའོ། །གང་དུ་ཡན་ལག་གཙོ་བོར་བྱས་པ་དེ་ཅིག་ཤོས་དང་ཅིག་ཤོས་སྦྱོར་བའོ། །གང་དུ་ཚོགས་པ་གཙོ་བོར་བྱས་པ་དེ་ཀུན་སྡུད་པའོ། །ཅིག་
ཤོས་དང་ཅིག་ཤོས་སྦྱོར་བ་ལ་ནི། ན་ར་ནཱ་རཱ་ཡ་ཎཽ། ཤ་ཀྲ་བྲྀ་ཧསྤ་ཏཱི། བྷི་མཱརྫུ་ན་བཱ་སུ་དེ་ཝཱཿ ཀུན་སྡུད་པ་ལ། སྲོག་ཆགས་དང་། རོལ་མོ་དང་། དཔུང་གི་ཡན་ལག་རྣམས་ཀྱི་ཟླས་ནི་ཀུན་སྡུད་པ་ཁོ་ནར་བཤད་པར་བྱ་སྟེ། པཱ་ཎི་པཱ་དཱཾ། མཱརྡཾ་གི་ཀ་པ་ཎ་བི་ཀཾ། ར་ཐི་ཀཱ་ཤྭ་རོ་ཧམ྄། རིགས་

བརྗོད་པའི་སྲོག་ཆགས་མ་ཡིན་པ་རྣམས་ཀྱིའང་ངོ་། །བ་ད་རཱ་མ་ལ་ཀཾ། སྲོག་ཆགས་མ་ཡིན་པ་རྣམས་ཀྱི་ཞེས་པ་ཅི་ཞེ་ན། བྲཧྨ་ཎ་ཀྵ་ཏྲི་ཡཽ། །སྲོག་ཆགས་ཕྲ་མོ་རྣམས་ཀྱིའང་ངོ་། །ཡུ་ཀཱ་ལིཀྵ། དཾ་ཤ་མ་ཤ་ཀཾ། གང་རྣམས་ཀྱི་རྟག་པ་ཅན་འགོག་པ་དེ་རྣམས་ཀྱིའང་ངོ་། །
ཨ་ཧི་ན་ཀུ་ལཾ། ལྗོན་པ་དང་རི་དྭགས་དང་རྩ་དང་འབྲུ་དང་བྱ་ན་དང་། ཕྱུགས་དང་བྱ་རྣམས་བརྗོད་པའི་སྒྲ་རྣམས་ཀྱི་ནི་ཀུན་སྡུད་པ་སྟེ་གཞན་དང་གཞན་སྦྱོར་བའང་ངོ་། །བླ་ཀྵ་ནྱ་གྲོ་དྷམ྄། པླཀྵ་ནྱ་གྲོ་དྷཽ། ཧ་རི་ཎ་བ་རཱ་ཧཾ། ཧ་རི་ཎ་བ་རཱ་ཧ། ཧ་རི་ཎ་བ་རཱ་ཧཱཿ། ཀུ་ཤ་ཀཱ་ཤཾ། ཀུ་ཤ་ཀ་ཤཱཿ། ཡ་བ་མཱ་ཤཾ།
ཡ་བ་མ་ཤཱཿ། །ད་དྷི་གྷྲྀ་ཏམ྄། །ད་དྷི་གྷྲྀ་ཏེ། གོ་མ་ཧི་ཤམ྄། གོ་མ་ཧི་ཥཽ། །ཧཾ་ས་ཙཀྲ་ཝཱ་ཀཾ། ཧཾ་ས་ཙཀྲ་ཝ་ཀཱཿ། དེ་བཞིན་དུ་ཟླས་དབྱེ་ལ་ཀུན་སྡུད་པ་དང་ཅིག་ཤོས་དང་ཅིག་ཤོས་སྦྱོར་བ་ལའང་མཚན་ཉིད་ཀྱི་རྗེས་སུ་འབྲངས་ནས་རྟོགས་པར་བྱའོ། །དེར་དབྱངས་རབ་ཉུང་སྡ་མར་ཏེ། རྟགས་
གང་གི་དབྱངས་ཉུང་ངུ་དེ་དབྱངས་ཉུང་བའོ། །གང་འདི་དང་འདི་དག་གི་དབྱངས་ཤིན་ཏུ་ཉུང་བར་གྱུར་པ་དེ་དག་ནི་ཟླས་དབྱེ་བའི་མིང་གིས་གང་དུ་དགོས་ཤེ་ན། །ཟླས་དབྱེ་གནས་པ་ལས་ཀྱང་ངོ་ཞེས་པས་འདིར་རོ། །དབྱངས་རབ་ཏུ་ཉུང་བའོ། །ཟླས་དབྱེ་བ་དེ་ལ་དབྱངས་རབ་ཏུ་ཉུང་པར་གྱུར་བ་དེ་སྔ་མ་
ཁོ་ནར་སྦྱར་བར་བྱའོ། །ཡ་བ་ཁ་དི་རཾ། པླཀྵ་གྲོ་དྷཾ། ཀཎྜི་ལཀྵིཎྛེ། ཨུ་ཏྲྀ་ཁ་ལ་མུ་ས་ལེ། ཞེས་པ་ལ་སོགས་པ་རྣམས་ནི་བག་མེད་པ་ལས་སྐྱེས་པའི་སྦྱོར་བའོ། །དེར་སྨོས་པས་སྔ་མའི་ཡི་གེ་ཉུང་ངུ་ནི་ཚིག་ཏུ་འདོད་དེ། ཀུ་ཤ་ཀཱ་ཤཾ། གཉིས་ཀྱི་གང་གི་མཆོད་པ་ཡང་། །ཟླས་
དབྱེའི་ཚིག་སྡུད་ལ་མིང་གཉིས་དག་གི་ནང་ནས་གང་མཆོད་ཅིང་མཆོད་པར་བྱ་བའི་མིང་དེ་སྔ་མ་ཁོ་ནར་སྦྱར་བར་བྱའོ། །མཱ་ཏཱ་པི་ཏ་རཽ། །མ་ཧ་ཏའི། ཨའི་ཡི་གེར་བྱ་བའོ་ཞེས་པའི་བྱ་བ་སྨོས་པ་ལ་མཱ་ཏྲྀའིཨཱ་ཉིད་དོ། །བཱ་སུ་དེ་ཝཱརྫུ་ནཽ། །བྲཱཧྨ་ཎ་ཀྵ་ཏྲྀ་ཡཽ། །གཉིས་དག་གི་ཞེས་པ་ཅི་ཞེ་ན།
བྷི་མཱརྫུ་ན་བཱ་སུ་དེ་ཝཿ། ཛ་ནའི་གྲངས་དག་ཟླས་དབྱེ་བ་ལ་སྔ་མ་ནི་པཱ་ཏར་བཤད་པར་བྱ་སྟེ། ནབ་ཏི་ཤ་ཏཾ། ཨགྣིའི་མིང་ཅན་གྱིའོ། །པ་ཊུ་གུཔྟཽ། །དབྱངས་དང་པོའི་ཨ་ཡིག་གི་མཐའ་འི་འོ། །ཨུཥྚྲ་ཁ་རམ྄། ཐམས་ཅད་པའི་མིང་ཅན་གྲངས་ཀྱི་ཁྱད་པར་དུ་གྱུར་པའི་བདུན་པའི་མཐའ་

ཅན་གྱི་འང་འབྲུ་མང་པོ་པ་ལའོ། །སརྦ་ཤྭེ་ཏཿ། དྭི་ཤུ་ཀླ། ཙི་ཏྲ་གུཿ། ཀཎྛེ་ཀཱ་ལཿ། པྲྀ་ཡའི་ཡང་ན་འབྲུ་མང་པོ་པ་ལའོ། །པྲི་ཡ་རུ་བྲཿ། ཀཱ་ཀ་མ་ཡཱུ་རཽ། །ཤ་ཤི་བྷསྐ་རཽ། །ཞེས་པ་ལ་སོགས་པ་རྣམས་བག་མེད་པ་ལས་བྱུང་བའི་སྦྱོར་བའོ། །གང་གི་སྔ་མ་བརྗོད་བྱར་འགྱུར། །
དེ་ནི་མི་ཟད་གྱུར་པར་འདོད། །ཚིག་སྡུད་གང་གི་སྔ་མའི་སྒྲའི་ངོ་བོ་བརྗོད་བྱའི་གཙོ་བོར་གྱུར་པའི་ཚིག་སྡུད་མི་ཟད་པར་གྱུར་པའི་མིང་ཅན་དུ་འགྱུར་རོ། །ཉེ་བའི་བུམ་པ་ནི། ཨུ་པ་ཀུམྦྷམ྄། འདིར་ཉེ་བའི་དོན་གཙོ་བོའོ། །མ་ག་དྷཱ་རྣམས་ཀྱི་ཕུན་སུམ་མཚོགས་པ་ནི། སུ་མ་ག་དྷཾ། སྡིག་པ་རྣམས་ཀྱི་
མེད་པ་ནི། ཨ་པཱ་བཱཾ། གྲང་བ་རྣམས་ཀྱི་འདས་པ་ནི། ཨ་ཏི་ཤཱི་ཏམ྄། ཤིང་རྟའི་རྗེས་སུ། ཨ་ནུ་ར་ཐམ། ནུས་པ་མ་འདས་པ་ནི། ཡ་ཐཱ་ཤཀྟི། ཡཱ་བདའི་སྒྲའི་ངེས་པར་འཛིན་པའི་དོན་ལ་ཚིག་སྡུད་དུ་འགྱུར་ཏེ། ཡཱ་ཝནྣཱ་མནྟཱ་ཎི། ཡཱ་ཝ་ད་མནྟྲམ྄། བྲཧྨ་ཎ་བྷྱོ་ཛྱནྟཾ། པ་རི་དང་
ཨ་པ་དང་བ་ཧིས་དང་ཨཉྩུ་ཞེས་པ་འདི་རྣམས་ལྔ་པའི་མཐའི་མིང་དང་ལྷན་ཅིག་སྡུད་པར་བྱེད་དོ། །ཨ་པ་སཱ་གི་ཏཱཏ། ཨ་པ་སཱ་གེ་ཏཾ། པ་རི་ཀུ་རུ་ཀྵེ་ཏྲཱ་ཏ། པ་རི་ཀུ་རུ་ཀྵེ་ཏྲམ྄། བ་ཧིར་གྲཱ་མཱཏ། བ་ཧིར་གྲཱ་མཾ། སྲག་གྲཱ་མཱཏ། སྲག་གྲཱ་མཾ། དེ་བཞིན་དུ། པྲ་ཏྱག་གྲཱ་མཱཏ། པྲ་ཏྱག་
གྲཱ་མཾ། ཁྱབ་པ་དང་ལུགས་དག་གི་དོན་གྱི། ཨཱ་པ་ཊ་ལི་པུ་ཏྲཱཏ། ཨཱ་པཱཊ་ལི་པུ་ཏྲམ྄། པཱ་རེ་དང་མ་དྷྱེའི་སྒར་དག་གིའང་དྲུག་པའི་མཐའི་མིང་གིས་སྡུད་དེ། པཱ་རེ་ཡ་མུ་ན་ཡཱཿ། པཱ་རེ་ཡ་མུ་ནཾ། དབྱངས་ཐུང་ངོ་ཞེས་པས་ཐུང་ངུའོ། །ཚིག་སྔ་མའི་པྲ་ཏིའི་སྒྲས་ཆུང་བའི་དོན་ལ་སྡུད་པར་བྱེད་དོ། །
མི་ཟད་པར་གྱུར་པ་ཡང་ཡིན་ལ་བསྡུ་བ་ཡང་ཡིན་པ་དེའོ། །མཱུ་པ་སྱ་སྟོ་ཀཾ་པཱུ་པ་པྲ་ཏི། འདིར་ཐོབ་པ་མ་ཡིན་པ་མི་ཟད་པར་གྱུར་པ་འདོད་དོ། །མི་ཟད་པར་གྱུར་པའི་མིང་གིས་གང་དུ་དགོས་ཤེ་ན། མི་ཟད་པར་གྱུར་པ་ལས་ཨ་ཡིག་མཐའ་ལས་ཞེས་པ་འདིར་རོ། །དེ་ནི་མ་ནིང་རྟགས་སུ་འགྱུར། །
གང་གི་རྟགས་མ་ནིང་ཡིན་པ་དེ་ནི་མ་ནིང་གི་རྟགས་སོ། །དེ་ནི་སྟེ་མི་ཟད་པར་གྱུར་པའི་ཚིག་སྡུད་དེ་ནི་མ་ནིང་གི་རྟགས་སུ་འགྱུར་རོ། །དཔེར་བརྗོད་རྣམས་ནི་གོང་དུ་བཤད་ཟིན་ཏོ། །མི་ཟད་པར་གྱུར་པ་ནི་མི་ཟད་པའི་ཚིག་སྔ་མ་སྟེ་དེའང་གཙོ་བོའོ། །དེ་ཅུང་ཟད་ཀྱང་རྟགས་མ་ཡིན་ནོ་ཞེས་པས་

རྟགས་ཀྱིས་སྟོང་པ་ལྟར་མི་ཟད་པར་གྱུར་པ་ལ་འགྱུར་རོ་ཞེས་པས་མ་ནིང་གི་རྟགས་ཉིད་དུ་བསྒྲུབ་པར་བྱའོ། །ཟླས་དབྱེ་དང་དེའི་སྐྱེས་བུའི་གང་ཕ་རོལ་གྱི་རྟགས་དེའི་མི་འདོད་དེ། ཀུཀྐུ་ཊ་མ་ཡཱུརྻི་ཝི་མེ། མ་ཡཱུ་རཱི་ཀུཀྐུ་ཊ་བི་མཽ། །དེའི་སྐྱེས་བུའི་པི་པི་ལིང་ཕྱེད་ལས།
ཨརྡྷ་བི་བྱ་ལི་ཨི་ཡཾ། འདིར་ཡང་། ཕྱེད་ཀྱི་སྒྲ་གཙོ་བོའོ་ཞེས་པས་འདིའི་བསྡུ་བ་འདི་མ་ནིང་དུ་འཐོབ་བོ། །ཟླས་དབྱེ་ལའང་ཚིག་སྔ་མ་དང་ཚིག་ཕྱི་མ་དག་གཙོ་བོར་གྱུར་པ་ལས་རྣམ་གྲངས་ཀྱི་དེ་དག་གི་འབྲེལ་པ་ལས་རྟགས་འཐོབ་པའོ། །སེ་ནཱ་དང་། སུ་རཱ་དང་། ཚཱ་ཡཱ་དང་། སཱ་ལཱ་ཞེས་པ་
འདི་རྣམས་ཀྱི་མཐའ་ནི་དེའི་སྐྱེས་བུ་ལ་མ་ནིང་གི་རྟགས་སུ་ཡང་ན་བཤད་པར་བྱ་སྟེ། བྲཧྨ་ཎ་སེ་ནཾ། བྲཧྨ་ཎ་སེ་ནཱ། ཡ་ཝ་སུ་རཾ། ཡ་ཝ་སུ་རཱ། བྲིཀྵཙྪཱ་ཡཾ། བྲྀཀྵཙྪཱ་ཡཱ། གོ་སཱ་ལཾ། གོ་སཱ་ལ། ཚཱ་ཡའི་མཐའ་དེ་སྐྱེས་བུ་མང་པོ་ལ་འཇུག་བཞིན་པ་ལ་རྟག་ཏུ་སྟེ།
ས་ལ་བྷཙྪཱ་ཡཾ། ས་བྷའི་མཐའ་དེའི་སྐྱེས་བུ་ལ་མང་པོ་ལ་སྟེ། ཨཱེ་ཤྭ་ར་ས་བྷཾ། །ཨི་ན་ས་བྷམ྄། རཀྵཿ་ས་བྷཾ། པི་ཤཱ་ས་བྷཾ། བྲཧྨ་ཎ་ས་བྷམ྄། སྟྭཱི་ས་བྷ་མ། མང་པོ་ལ་སྨོས་པ་ལས་ལ་ལར་མི་འགྱུར་ཏེ། རཱ་ཛ་ས་བྷཱ། དེ་ཝ་དཏྟ་ས་བྷཱ། ཁ་ཅིག་ཏུ་མི་འཇུག་ཅིང་ཁ་ཅིག་ཏུ་འཇུག་གོ་
ཞེས་པས་དོན་གྱི་ཚུལ་དེ་ལྟར་མང་པོ་སྨོས་པས་རྟོགས་པར་བྱའོ། །བྱ་བའི་ཁྱད་པར་རྣམས་ཀྱི་མ་ནིང་དུ་འདོད་དེ། མྲྀ་དུ་བ་ཙ་ཏི། མ་ནིང་ལ་སི་ཨཾ་དག་གི་དབྱིའོ་ཞེས་པས་ཨཾ་དབྱིའོ། །ཟླས་དབྱེ་གཅིག །གང་ཟླས་དབྱེ་གཅིག་ཉིད་ཀྱིས་ཀུན་སྡུད་པ་དེ་མ་ནིང་གི་རྟགས་སུ་འགྱུར་རོ། །པཱ་ཎི་པཱ་
དམ྄། ར་ཐི་ཀཱ་ཤྭཱ་རོ་ཧམ྄། དེ་བཞིན་བ་གཉིས་ཞེས་པ། བ་གཉིས་པའི་ཚིག་སྡུད་ནི་མ་ནིང་དུ་འགྱུར་རོ། །དེ་བཞིན་ཏེ། དེ་ཁོ་ནའི་སྐབས་ཀྱི་མདོ་སྔ་མས་ཀུན་སྡུད་པ་མ་ནིང་ཉིད་དུ་འགྱུར་བ་དེ་བཞིན་དུ་འདིར་ཡང་ངོ་ཞེས་པའི་དོན་ཏོ། །པཉྩ་ག་ཝམ྄། ད་ཤ་ག་ཝམ། པཉྩ་ན་དཾ།
གང་བ་གཉིས་པ་གཞན་ལ་ནི་དེ་མི་འགྱུར་ཏེ། ཐོད་པ་ལྔ་རྣམས་ལ་འདུས་བྱས་པ་ནི། པཉྩ་ཀཱ་པ་ལཿ། བ་གཉིས་པ་ཨ་ཡིག་གི་མཐའ་ཅན་གྱི་ཚིག་ཕྱི་མ་བུད་མེད་དུ་བཤད་པར་བྱ་སྟེ། པ་ཏྲ་སོགས་པའི་མཐའ་བོར་བ་ཉིད་ནའོ། །པཉྩ་བྲཱཧྨ་ནི། །ད་ཤ་པུཥྤཱི། །འདིར་ནི་མི་འགྱུར་ཏེ།

ལྷུང་བཟེད་ལྔ་རྣམས་ཀྱི་ཚོགས་ནི། པཉྩ་པཱ་ཏྲཾ། དེ་བཞིན་དུ། ཏྲི་བྷུ་བ་ནཾ། པཱ་ཏྲ་སོགས་སུ་བྱས་པའི་ཚོགས་སོ། །སྐྱེས་པ་ཅན་བཤད་པ་ཨཱུང་མ་ཡིན་པ་ནི་བུད་མེད་ལ་གཞི་མཐུན་པའི་ཚིག་ལ་རྫོགས་པ་ལ་སོགས་པ་རྣམས་མ་ཡིན་པ་ལ་སྐྱེས་པ་བཞིན་ནོ། སྐྱེས་པ་རྣམས་འདྲ་བ་ནི་
སྐྱེས་པ་བཞིན་ནོ། །སྐྱེས་པ་ཁོ་ནར་བཤད་པ་ནི་སྐྱེས་པ་ཅན་བཤད་པའོ། །གང་ལས་ཨཱུང་གི་རྐྱེན་ཡོད་པ་མ་ཡིན་པ་དེ་ནི་ཨཱུང་མེད་པའོ། །དེ་ནི་ལས་འཛིན་པའོ། །སྒྲ་གང་རྣམས་ཀྱི་དང་པོ་རྫོགས་པ་ཡིན་པ་དེ་རྣམས་ནི་རྫོགས་པ་ལ་སོགས་པའོ། །དེ་ནས་ན་ཉའི་བསྡུ་བའོ། །གཞི་
མཐུན་པ་ཅན་ཞེས་འབྲུ་མང་པོ་པའོ། །གང་སྐྱེས་པ་ཅན་བཞད་པ་ཅན་གྱི་སྒྲ་ངོ་བོ་གང་གིས་སྔར་སྐྱེས་པར་བཤད་པ་ད་ལྟ་བུད་མེ་དལ་འཇུག་པ་ཨཱུད་མེད་པ་སྟེ་ཨཱུང་གི་རྐྱེན་དང་བྲལ་བ་དེ་སྐྱེས་པ་བཞིན་དུ་འགྱུར་ཏེ། རྫོགས་པ་ལ་སོགས་པ་བོར་བའི་བུད་མེད་ཀྱི་རྟགས་ཅན་ལ་གཞི་མཐུན་པ་སྟེ།
རྫས་གཅིག་ཏུ་བྱེད་པའི་ཚིག་ཕ་རོལ་ལའོ། །གང་བུད་མེད་ཀྱི་རྟགས་རྫོགས་པའི་རྐྱེན་གྱི་མཐའ་ཅན་ཏེ་རྫོགས་པའི་སྒྲས་བརྗོད་དོ། །དཪྴ་ནཱི་ཡ་བྷཱརྻཿ། །འདིར་བྷྭརྻ་དང་དཪྴ་ནི་ཡའི་སྒྲ་དག་ནི་གཞི་མཐུན་པ་ལ་ཚིག་ཕྱི་མ་ནི་དབྱངས་ཐུང་ངུའོ་ཞེས་པས་ཐུང་ངུའོ། །དེ་བཞིན་དུ། སུ་རཱུ་པ་བྷཱརྻཿཀ་ལྱཱ་ཎ་
བྷརྻཿ། སྐྱེས་པ་ཅན་བཤད་པ་ཞེས་པ་ཅི་ཞེ་ན། བ་ལཱ་ཀཱ་བྷཱརྻཿ། །ཨཱུང་མ་ཡིན་པ་ཞེས་པ་ཅི་ཞེ་ན། བྲཧྨ་བནྡྷུ་བྷརྻཿ། ཨུཏ་ལས་ཨཱུངའོ་ཞེས་པས་བྲཧྨ་བནྡྷུའི་སྒྲ་ལས་ཨཱུངའོ། །ང་ཡིག་ནི་བརྗོད་པའི་དོན་ཏོ། །རྫོགས་པ་ལ་སོགས་པ་མ་ཡིན་པ་རྣམས་ལ་ཞེས་པ་ཅི་ཞེ་ན། གང་རྣམས་
དགེ་མ་ལྔ་རྣམས་ཡིན་པ་དེ། ཀ་ལྱཱ་ཎཱི་པཉྩ་མཱཿ། བསྡུ་བའི་མཐར་ཨ་ཡིག་གོ། །ལྔ་རྣམས་ནི་རྫོགས་པ་ནི། པཉྩ་མཱིཿ། །ལས་རྫོགས་པ་ལ་ཞེས་པས་མའི་རྐྱེན་ནོ། །ནད་སོགས་ལས་ཨཱི་ཡིག་གོ། །སོགས་པ་སྨོས་པ་ལས་པྲི་ཡཱ་ལ་སོགས་པ་ཕ་རོལ་མི་འགྱུར་རོ། །གང་གི་དགེ་
མའི་དགའ་བ་དེ། ཀ་ལྱཱ་ཎཱི་པྲི་ཡཿ། པྲི་ཡཱ་དང་། མ་ནོ་ཛྙ་དང་། ཀ་ལྱཱ་ཎཱི་དང་། སུ་བྷ་གཱ་དང་། དུརྦྷ་གཱ་དང་ས་མཱི་དང་ཙ་པ་ལཱ་དང་སྭཱོ་དང་ས་ཙི་ཝཱ་དང་ཀཱནྟ་དང་བྷིཀྟ་ཞེས་པ་རྣམས་པྲི་ཡཱ་སོགས་སོ། །བུད་མེད་ལ་ཞེས་པ་ཅི་ཞེ་ན། གང་རྣམས་ཀྱི་དགེ་མའི་ཚད་མ་དེ་རྣམས་ནི། ཀ་ལྱཱ་ཎཱ་པྲ་མཱ་ཎཿ། གཞི་

མཐུན་པ་ལ་ཞེས་པ་ཅི་ཞེ་ན། དགེ་མའི་བུ་མོ་ནི། ཀ་ལྱཱ་ཎཱ་དུ་ཧི་ཏཱ། སྐྱེས་པ་བཞིན་ནོ་ཞེས་པ་སྦྱོར་བ་གཅིག་ཏུ་བྱ་བ་བཞིན་ནོ། །དེས་ན་ཇི་ལྟར་བསྟན་པ་བཞིན་གཞན་ལ་ཡང་སྐྱེས་པ་བཞིན་འགྱུར་ཏེ། ཏ་སྱཱམ྄། ཏ་ཏྲ། ཏ་སྱཿ། ཏ་ཏཿ། ཏྱད་སོགས་ཉིད་ལས་ཨའི་
རྐྱེན་དུ་གྱུར་པ་ལའང་། སྐྱེས་པ་བཞིན་དུ་འགྱུར་རོ། །མཆོག་ཏུ་བསྟན་པར་གྱུར་པ་ནི། དཪྴ་ནཱི་ཡ་ཏ་རཱ། དེ་བཞིན་དུ། །དཪྴ་ནཱི་ཡ་ཏ་མཱ། ཅུང་ཟད་མ་རྫོགས་པར་བསྟན་པ་ལ་ནི། དཪྴ་ནཱི་ཡ་ཀལྤཱ། སྨད་པའི་མཁས་མ་ནི། པ་ཊུ་པཱ་ཤཱ། ཏ་སྱཱཾ་བེ་ལཱ་ཏཾ། རང་མཆོག་ཏུ་མཁས་
མ་དེ། པ་ཊུ་རཱུ་པཱ། ཡོན་ཏན་བརྗོད་པ་ལ་ཏ་དང་ཏྭ་དག་ཕ་རོལ་ལ་སྐྱེས་པ་བཞིན་འགྱུར་ཏེ། མཁས་པའི་དངོས་པོ་ནི། པ་ཊུ་ཏཱ། པ་ཏུ་ཏ། ཡོན་ཏན་བརྗོད་པ་ཞེས་པ་ཅི་ཞེ་ན། ཀ་ཐཱི་ཏཾ། ཀ་ཐཱི་ཏྭཾ། མང་པོ་དང་ཉུང་ངུའི་སྒྲའི་དོན་གྱི་ཤས་ཕ་རོལ་ལའོ། །མང་པོ་རྣམས་ལ་སློང་བ་ནི། བ་ཧུ་
ཤོ་དེ་ཧི། །ཕྱུག་པོ་རྣམས་ལས་སློང་བ་ནི། པྲ་བྷུ་ཏ་ཤོ་དེ་ཧི། །དེ་བཞིན་དུ། ཨལྤ་ཤོ་དེ་ཉི། སྟོ་ཀ་ཤོ་དེ་ཉི། ཡང་ན་ཞེས་པ་འཇུག་སྟེ། དེའང་རྣམ་པར་གཞག་པ་རྣམ་པར་བཤད་པར་བྱ་བ་ལས་སོ། །དེས་ན། དྲོ་ཎི་བྷཱརྻྱ ། ཞེས་པ་ལ་སོགས་པའི་མི་འགྱུར་རོ། །མིང་དང་རྫོགས་པ་དང་ཀ་
ཨུ་པ་དྷཱ་རྣམས་ནི་མ་ཡིན་ནོ། །བུད་མེད་གང་གི་ཀའི་ཨུ་པ་དྷཱ་ཡིན་པ་དེ་ནི་ཀ་ཨུ་པ་དྷཱའོ། །དེ་ནས་ཟླས་དབྱེ་བའོ། །བུད་མེད་ཀྱི་མིང་དང་རྫོགས་པ་དང་ཀ་ཨུ་པ་དྷཱ་རྣམས་ནི་སྐྱེས་པའི་དངོས་པོ་བཞིན་དུ་མི་འགྱུར་རོ། །སྔ་མས་ཐོབ་པ་ལའོ། །གང་གི་ཆུང་མའི་མིང་དཏྟ་ཡིན་པ་དེ། དཏྟ་བྷཱཪྻཿ།
དེ་བཞིན་དུ། པཉྩ་མཱི་བྷཱརྻཿ། པཱ་ཙི་ཀཱ་བྷཱརྻཿ། ན་ག་རི་ཀཱ་བྷཱརྻཿ། ན་ག་རེ་བྷ་བཱ་ནཱ་གཱ་རི་ཀཱ། བཤད་བྱ་ལས་དེ་ཕན་གྱི་ཨི་ཀ་ཎའི་རྐྱེན་དང་། ཝུན་གྱི་རྐྱེན་བསྒྱུར་བའི་ཀ་གང་ཡིན་པ་དེའི་ཡང་འདིར་གཟུང་ངོ་། །དེས་ན་འདིར་དགག་པར་མི་འགྱུར་ཏེ། གང་གི་ཆུང་མ་འཚེ་བྱེད་མ་དེ། པཱ་ཀ་བྷཱརྻཿ།
གང་གི་ཆུང་མ་བྷེ་ཀཱི་དེ། བྷེ་ཀ་བྷཱརྻཿ། པཱ་ཀ་དང་བྷེ་ཀའི་སྒྲ་དག་ལ་ཨུཎ་སོགས་ལས་ཀ་དག་གོ། །པཱ་ཀའི་ནི་དང་པོའི་གཉིས་ཚིག་ལའོ། །བྷེ་ཀའི་སྒྲའི་དོན་ནི་བྷེ་ཏིའི་སྟེ་ཀའི་རྐྱེན་ནོ། །གཅིག་ལས་ཨ་ཛ་སོགས་ཉིད་ལས་ཨཱ་པའོ། །གཞན་ལས་ཀྱང་ཨཏ་མཐའ་ཉིད་ལས་སོ། །

རིགས་ཀྱི་སྐྱེས་པའི་དངོས་པོ་ཉིད་དུ་མི་འདོད་དེ། བྲཧྨ་ཎཱི་བྷཱརྻཿ། །ལས་འཛིན་བྱེད་པའི་མིང་ལ་ནི། །སྐྱེས་པ་དང་འདྲའི་དངོས་གྲུབ་བྱ། །ཚིག་སྡུད་གང་གི་མིང་ལས་འཛིན་བྱེད་པ་ཞེས་པ་དེ་ནི་ལས་འཛིན་བྱེད་པའི་མིང་ངོ་། །སྐྱེས་པ་དང་འདྲ་བ་ནི་སྐྱེས་པ་བཞིན་ནོ། །འདི་སྐྱེས་པ་དང་འདྲ་བའི་དངོས་པོའོ། །
མིང་དང་རྫོགས་པ་དང་ཀ་ཨུ་པདྷཱ་ཞེས་པ་འཇུག་གོ། །མིང་དང་རྫོགས་པ་དང་ཀ་ཨུ་པ་དྷཱ་རྣམས་ཀྱི་ནི་ལས་འཛིན་པའི་ཚིག་སྡུད་དུ་གྱུར་པ་ལ་སྐྱེས་པ་དང་འདྲ་བའི་དངོས་པོར་འགྱུར་རོ། །སྔ་མས་དགག་པ་ཐོབ་པ་ལའོ། །དེ་ནི་འབྲུ་མང་པོ་པའི་ཡུལ་ལའོ། །དཏྟ་ཡང་མིང་ལ་བྲྀནྡྷཱ་རི་ཀ་ཡང་
ཡིན་པ་ནི། དཏྟ་བྲྀནྡྡཱ་རི་ཀཱ། དེ་བཞིན་དུ། པཉྩ་མ་བྲྀནྡྷཱ་རི་ཀཱ། པཱ་ཙི་ཀ་བྲྀནྡྷཱ་རི་ཀ །གཞི་མཐུན་ཚིག་ལ་མ་ཧ་ཏའི་ཨཱའི་ཡི་གེར་བྱ་བའོ། །གཞི་མཐུན་པའི་ཚིག་ཕ་རོལ་ལ་མ་ཧ་ཏ་ཅེས་པ་འདིའི་ཨཱ་ཉིད་དུ་འགྱུར་རོ། །ཆེན་པོ་ཡང་འདི་ཡིན་ལ་ལྷ་ཡང་ཡིན་པ་ནི། །མ་ཧཱ་དེ་བཿ། གང་གི་
ལུས་ཆེན་པོ་ཡིན་པ་དེ། མ་ཧཱ་ཀཱ་ཡཿ། ཨ་ནུ་ཥཾ་ག་ཕྱིས་པར་བྱས་པ་ལ་ཨཱ་ཉིད་དོ། །གཞི་མཐུན་པ་ལ་ཞེས་པ་ཅི་ཞེ་ན། བུ་ཆེན་པོ་ལས། མ་ཧ་ཏ་པུ་ཏྲཿ། བྱ་བ་སྨོས་པ་ལས་གཞན་གྱི་ཡང་ཇི་ལྟར་བསྟན་པ་བཞིན་ཨཱ་ཉིད་དོ། །དབྱུག་པ་དང་དབྱུག་པས་འཁྱུག་པ་གང་ཡིན་པ་དེ་དཎྜཱ་དཎྜི།
གཅིག་དང་བཅུ་ནི་ཨེ་ཀཱ་ད་ཤ། དེ་བཞིན་དུ། །དྭཱ་ད་ཤ །ཨཥྚ་ད་ཤ། དྭཱ་བིཾ་ཤ་ཏི། དྭཱཾ་ཏྲིཾ་ཤཏ། མཱ་ཏཱ་བི་ཏ་རཽ། །ཞེས་པའོ། །དེའི་སྐྱེས་བུ་ལ་ནའི་དབྱིའོ། །ཚིག་སྨོས་པ་འདིར་རྗེས་སུ་འཇུག་སྟེ། དོན་གྱི་དབང་ལས་དྲུག་པའི་མཐའ་ཤེས་པར་བྱའོ། །དེའི་སྐྱེས་བུར་གྱུར་པ་ལ་ནའི་
ཚིག་གི་དབྱི་བར་འགྱུར་རོ། །ན་ཡིག་གི་དང་པོའི་ཡི་གེ་དབྱི་བར་བྱ་བ་ཉིད་དོ། །ད་རི་ཏྲཱ་ཏིའི་བྱིངས་ཐམས་ཅད་པ་མིན་པ་ལ་ཞེས་པའི་ཤེས་པར་བྱེད་པ་ལས་སོ། །བྲམ་ཟེ་མ་ཡིན་པ་ནི། ཨ་བྲཧྨ་ཎཿ། དམངས་རིགས་མ་ཡིན་ང་། ནི། ཨ་བྲིཥ་ལཿ། ཚིག་གི་ཞེས་པ་ཅི་ཞེ་ན། ཝཱ་མ་ན་སྱ་སུ་ཏྲཿ།
ཝ་མ་ན་སུ་ཏྲཿ། ན་ཡིག་གི་ཚིག་མ་ཡིན་པའི་མི་འགྱུར་རོ། །དེའི་སྐྱེས་བུ་སྨོས་པ་ནི་ཚིག་སྡུད་ཉེ་བར་མཚོན་ང་། སྟེ་དེས་ན་འདིར་ཡང་དབྱིའོ། །ཨ་བྷ་བོ་མ་ཤ་ཀ་ནཾ། ཨ་མ་ཤ་ཀཾ། གང་གི་སྡིག་པ་ཡོད་པ་མ་ཡིན་པ་དེ། ཨ་པཱ་པཿ། དབྱངས་ལས་ཡི་གེ་བཟློག་པར་བྱའོ། །ཡི་གེ་དང་ཡི་

གེའང་ཡི་གེ་ལ་ཡི་གེ་དག་བཟློག་པ་ནི་ཡི་གེ་བཟློག་པའོ། །གང་ནའི་ཚིག་དབྱངས་ཕ་རོལ་ལ་ཡི་གེ་སྟེན་ཡིག་དང་ཨ་ཡིག་གཉིས་པོ་དེ་དག་བཟློག་པར་བྱ་བར་འགྱུར་རོ། །ན་ཨ་ཤྭཿ། ཨ་ན་ཤྭཿ། གང་གི་རྟ་ཡང་འདི་ཡིན་ལ་དེ་ཡོད་པའང་མ་ཡིན་པ་ནི་རྟ་མེད་པའོ། །དབྱངས་ལ་
ཨ་ནའོ་ཞེས་མ་བྱས་པ་ནི་རྣམ་པ་སྣ་ཚོགས་པའོ། །ཀུའི་ཀཏ྄འོ། །ཀུའི་སྒྲ་དེའི་སྐྱེས་བུར་གྱུར་པའི་དབྱངས་ཕ་རོལ་ལ་ཀཏ྄དུ་བསྒྱུར་བར་འགྱུར་རོ། །སྨད་པ་ཡང་འདི་ཡིན་ལ་རྟ་ཡང་ཡིན་པ་ནི། ཀ་ཤྭཿ། ཀ་དནྣཾ་དེའི་སྐྱེས་བུ་ཞེས་པ་ཅི་ཞེ་ན། ཡུལ་གང་ན་རྔ་མོ་ངན་པ་ཅན་དེ། ཀུཥྚཿ། །དབྱངས་
ལ་ཞེས་པ་ཅི་ཞེ་ན། གྲོང་ངན་པ་ནི། ཀུ་གྲཱ་མཿ། ཏྲི་དང་ར་ཐ་དང་ཝད་ཞེས་པ་འདི་རྣམས་ཕ་རོལ་ལ་ཀུའི་ཀཏ྄ ཏུ་བསྒྱུར་བར་བཤད་པར་བྱ་སྟེ། སྨད་པ་གསུམ་རྣམས་ནི། ཀཏྟཱ་ཡཿ། དེ་བཞིན་དུ་ཀ་ཏྲ་ཐཿ། ངན་པ་སྨྲ་བར་བྱེད་དོ་ཞེས་པས། ཀ་དྭདཿ། པ་ཙ་སོགས་རྣམས་ལས་ཨ་ཙའང་ངོ་ཞེས་
པས་ཝ་དི་ལ་ཨ་ཙའོ། །ཆུང་བའི་དོན་དང་ཨཀྴ་ལ་ནི་ཀཱའོ། །ཀུ་དང་དེའི་སྐྱེས་བུ་ཞེས་པ་འཇུག་སྟེ་དབྱངས་ལ་ཞེས་པ་ལྡོག་གོ། །ཀུའི་སྒྲ་དེའི་སྐྱེས་བུར་གྱུར་པ་ཅུང་ཟད་ཀྱི་དོན་དང་ཉུང་བ་ལ་འཇུག་བཞིན་པ་དང་ཨཀྵིའི་སྒྲ་ཕ་རོལ་ལའང་ཀཱ་རུ་བསྒྱུར་བར་འགྱུར་རོ། །ཆུང་བའི་དོན་དང་ཨཀྴའི་དོན་
མ་ཡིན་པ་གཟུང་བ་ལའོ། །ཅུང་ཟད་དང་ར་བ་ནི། ཀཱ་མ་དྷུ་རམ྄། དེ་བཞིན་དུ། ཀཱ་ལ་ཝ་ཎཾ། ཨམླ་ཆུང་བ་ནི། །ཀཱམླ། མིག་ངན་པ་ནི། ཀ་ཀྵཿ། པུ་རུ་ཥ་ལ་ནི་རྣམ་པར་བཤད་པར་བྱའོ། །ཀུའི་སྒྲ་དེའི་སྐྱེས་བུར་གྱུར་པ་པུ་རུ་ཥའི་སྒྲ་ཕ་རོལ་ལ་རྣམ་པར་བཤད་པར་བྱ་སྟེ། རྣམ་པར་
བརྟག་པས་ཀ་རུ་བསྒྱུར་བར་འགྱུར་རོ། །ངན་པ་ཡང་འདི་ཡིན་ལ་སྐྱེས་བུ་ཡང་ཡིན་པ་ནི། །ཀཱ་པུ་རུ་ཥཿ། ཀུ་པུ་རུ་ཥཿ། ཨུཥྣའི་སྒྲ་ཕ་རོལ་ལ་ཀུ་ནི་ཀཏ྄ དང་ཀ་ཝ་དང་ཀ་ཞེས་པ་འདི་རྣམས་སུ་བསྒྱུར་བར་བཤད་པར་བྱ་བའོ། །ཅུང་ཟད་དྲོ་བ་ནི། ཀ་དུཥྞཾ། ཀ་ཝོཥྞཾ། ཀོཥྞཾ། ཨིའི་དང་ཨཱ་
ཡིག་བུད་མེད་དུ་བྱས་པ་དག་ལ་ལར་ཐུང་ངུའོ། །ཨཱི་དང་ཨཱ་ཡིག་ནི་ཨཱི་ཨཱ་ཡིག་གོ། །བུད་མེད་ལ་བྱས་པ་དག་ནི་བུད་མེད་དུ་བྱས་པ་དག་གོ། །ཚིག་ལ་ཞེས་པ་ཁོ་ནའོ། །ཨཱི་དང་ཨཱ་ཡིག་གང་ཡིན་པ་འདི་དག་བུད་མེད་དུ་བྱས་པ་ནི་ལ་ལར་ཐུང་ངུར་འགྱུར་ཏེ། ཐམས་ཅད་པ་མ་ཡིན་

པའི་ཚིག་ཕ་རོལ་ལའོ། །གང་གི་བཤེས་གཉེན་རེ་ཝ་ཏཱི་ཡིན་པ་དེ་ནི། རེ་ཝ་ཏི་མིཏྲ། རོ་ཧི་ཎི་དཏྟཿ། རོ་ཧི་ཎི་དཏྟཿ། ཨཥྚ་ཀཱ་བྷིཤྩིཏྟཾ། ཨིཥྚ་ཀ་ཙིཏྟཾ། ཨིཥ་ཀཱ་ཡཱཿ། ཏུ་ལཾ། ཨི་ཥ་ཀ་ཏུ་ལཾ། འདིར་མི་འགྱུར་ཏེ། གཱརྒཱ་སུ་ཏྲཿ། མཱ་ལཱ་ཧསྟཿ། ཐུང་ངུའི་རིང་པོ་ཉིད་དོ། །ལ་ལར་
ཐུང་ངུའི་རིང་པོར་འགྱུར་རོ། །གང་གི་རྣ་བ་དག་ཉིས་འགྱུར་ཡིན་པ་དེ་ནི་དྭི་གུ་ཎཱ་ཀརྞཿ། དྦྱངྒུ་ལཱི་ཀརྞ། འདིར་ནི་མི་འགྱུར་ཏེ། ཤོ་བྷ་ན་ཀརྣཿ། །ཙྪི་ཏྲ་ཀརྞཿ། །མི་ཟད་པ་མ་ཡིན་པའི་རྣམ་པར་གཅད་པ་ནི་ཀ་པའི་སྡེ་པ་དག་ལས་ཡིག་གོ། །མི་ཟད་པ་མ་ཡིན་པ་ནི་མི་ཟད་པ་མ་ཡིན་པའོ། །
དེ་ནས་དྲུག་པའི་དེའི་སྐྱེས་བུའོ། །ཀ་དང་པ་ནི་ཀ་པ་དག་གོ། །ཀ་དང་པ་དག་གི་སྡེ་པ་དག་ནི་ཀ་བའི་སྡེ་པ་དག་གོ། །མི་ཟད་པ་མ་ཡིན་པའི་རྣམ་པར་གཅད་བྱ་ནི། ཀ་སྡེ་དང་པ་སྡེ་ཕ་རོལ་ལ་ས་ཡིག་ཏུ་འགྱུར་རོ། །ཨ་ཡིག་ལས་ཕ་རོལ་གྱི་རྣམ་པར་གཅད་བྱ་ཚིག་སྔ་མའི་གནས་ལ་ས་ཉིད་དུ་
བཤད་པར་བྱ་སྟེ། ཀྲྀ་དང་ཀ་མི་དང་ཀཾ་ས་དང་ཀུཾ་བྷ་དང་སཱ་ཏྲ་དང་ཀུ་པཱ་དང་ཀརྞ་རྣམས་ཕ་རོལ་ལའོ། །ཨ་ཡ་སྐཱམ྄། ཨ་ཡསྐཾ་སཿ། ཨ་ཡསྐུམྦྷཿ། ཨ་ཡསྤཱཏྲཾ། ཨ་ཡསྐུ་པཱ། ཨ་ཡསྐརྞཿ། ཚིག་ཕྱི་མའི་གནས་ལ་ནི་མི་འགྱུར་ཏེ། པ་ར་མ་ས་ཡཿཔ་ཏྲཾ། ཨ་ཡིག་
ལས་ཀྱང་ཕ་རོལ་གྱི་ལ་ལར་ས་ཉིད་དུ་བཤད་པར་བྱ་སྟེ། བྷ་སྐརཿ། ཨིཿདང་ཨུཿཞེས་པ་འདི་དག་གི་རྣམ་པར་གཅིད་པའང་ངོ་། །སརྦི་སྐོ་ར་ཏི། སརྦི་ཡི་བ་ཏི། །དྷ་ནུ་སྐོ་ར་ཏི། དྷ་ནུ་ཡི་བ་ཏི། ཤི་རས྄འི་བད་ལའང་ངོ་། །ཤིར་ཡང་། དེ་བཞིན་དུ་གནས་གཞན་ལའང་མཚན་ཉིད་ཀྱི་རྗེས་
སུ་འབྲངས་ནས་ས་ཉིད་དུ་རྟོགས་པར་བྱའོ། །མི་ཟད་པ་མ་ཡིན་པའི་རྣམ་པར་གཅད་པ་ཞེས་པ་ཅི་ཞེ་ན། པུནཿ། ཀ་རོ་ཏི་པུ་ནཿ། པིབ་ཏི། ནིའི་སྒྲ་ལས་འདིར་ལ་ལར་མི་ཟད་པའི་རྣམ་པར་གཅད་པའང་སྟེ། ན་མསྐོར་ཏི། པུ་ནསྐོར་ཏི། ནིསྐྲྀཏམ྄། དུསྐྲྀཏམ྄། དུཥྤཏིཿ། དུཥྤུཏྲཿ།
མི་ཟད་པ་མ་ཡིན་པའི་རྣམ་པར་གཅད་པ་ཡང་ལ་ལར་མི་འགྱུར་ཏེ། པ་ཡཿ་པིཝ་ཏི། ཇོ་བོ་དྲག་འབྱོར་གྱིས་མཛད་པའི་འགྲེལ་པ་སློབ་མ་ལ་ཕན་པར་མིང་གི་རབ་ཏུ་བྱེད་པའི་རྐང་པ་ལྔ་པ་རྫོགས་སོ།། །།བུ་རྒྱུད་ལ་ཨཎ་ཡང་ནའོ། །རྟགས་ལས་བུ་རྒྱུད་མངོན་པར་བརྗོད་པ་ལ་ཨཎའི་

རྐྱེན་ཡང་ན་འགྱུར་རོ། །དྲང་སྲོང་དང་། ཨནྡྷ་ཀ་དང་། བྲྀཥྞི་དང་། ཀུ་རུ་རྣམས་བརྗོད་པ་ལས་རྐྱེན་འདི་བཤད་པར་བྱའོ། །གནས་མཆོག་གི་བུ་རྒྱུད་ནི། །བཱ་ཤིཥྛཿ། བཻ་ཤྭཱ་མི་ཏྲཿ། ཨངྒི་ར་སཿ། བ་སུ་དེ་བཿ། ནཱ་ཀུ་ལཿ། བིད་སོགས་རྣམས་ལས་
ཀྱང་ངོ་། །བཻ་དཿ། ཨཽརྦཿ། བྷ་ར་དྷཱ་ཛ། དེ་བཞིན་དུ། ཡཱ་མུ་ནཿ། ཙེནྟི་ཏཿ། དེ་བཞིན་དུ་གཞན་གྱི་ཡང་ཉེ་བར་མཚོན་བྱེད་ཀྱི་རྗེས་སུ་འབྲངས་ནས་རྟོགས་པར་བྱའོ། །གྲངས་དང་སཾ་དང་བྷ་དྭ་ཞེས་པ་འདི་རྣམས་དང་པོ་ལས་མཱ་ཏྲཾ་ཕ་རོལ་གྱི་མཐའ་ཨུར་དུ་བསྒྱུར་བར་བཤད་པར་བྱ་སྟེ།
ཨ་ཏྲྀའི་བུ་རྒྱུད་གཉིས་དག་གི། དྭཻ་མཱ་ཏུ་རཿ། བྷཱ་ཏྲ་མཱ་ཏུ་རཿ། ཀནྱའི་སྒྲ་ནི་ཨ་ནི་ཕ་རོལ་ལ་ཀ་ནཱི་ན་རུ་བསྒྱུར་བར་འདོད་དེ། ཀ་ནྱའི་བུ་རྒྱུད་ནི། ཀཱ་ནཱི་ན། གརྒ་སོགས་ལས་ཎྱའོ། །ཡང་ན་སྨོས་པ་རྗེས་སུ་འཇུག་སྟེ། བསྡུ་བའི་མཐར་གྱུར་པ་ཞེས་པ་འདི་ལས་གོང་དུའོ། །ཨརྒ་ལ་སོགས་
པའི་ཚོགས་ལ་བུ་རྒྱུད་ཀྱི་དོན་ལ་ཎའི་རྐྱེན་ཡང་ན་འགྱུར་རོ། །གཱརྒྱཿ། ཝཱ་ཏ་སྱཿ། ཕྱོགས་གཅིག་ལ་གརྒའི་བུ་རྒྱུད་དོ་ཞེས་པ་ལ་སོགས་པའི་ངག་ལ་འགྱུར་རོ། །གང་བུའི་བུ་རྒྱུད་ལ་སོགས་པའི་དབུ་རྒྱུད་ལ་རྐྱེན་འདི་བཤད་པར་བྱའོ། །བར་མ་ཆད་ཀྱི་བུ་རྒྱུད་ལ་ནི་མིན་ནོ། །ཛམ་དགྣི་དང་།
པ་ར་ས་རའི་སྒྲ་དག་ལས་ནི་བར་མ་ཆད་ཀྱི་བུ་རྒྱུད་ཁོ་ནའོ། །རཱ་མོ་ཛཱ་མ་དགྣྱཿ། བྱ་སཱཿ། པཱ་རཱ་སརྻཿ། བུ་རྒྱུད་ཀྱི་རྒྱུན་ལ་རབ་ཏུ་འཇུག་གོ། །གང་གརྒ་ལ་སོགས་པ་རྣམས་ནི་འཇིག་རྟེན་ལ་རབ་ཏུ་གྲགས་པ་དེ་རྣམས་ལས་རྐྱེན་འདི་འདོད་དོ། །དེས་ན་འདིར་མི་འགྱུར་ཏེ། ཁ་ཅིག་མིང་གརྒ་ཡིན་
བའི་བུ་རྒྱུད་ལ། གཱརྒེཿ། ཁྱད་པར་འདི་བཱ་ཧུ་སོགས་ཇི་སྙེད་པ་ལ་རྟོགས་པར་བྱའོ། །དིཏི་དང་ཨ་དི་ཏིའི་སྒྲ་དག་ལས་དང་། པ་ཏིའི་སྒྲའི་མཐའ་ལ་བུ་རྒྱུད་ཀྱི་དོན་ལ་ཎྱའི་རྐྱེན་འདོད་དེ། དི་ཏིའི་བུ་རྒྱུད་ནི། །དཻ་ཏྱཿ། ཨཱ་དི་ཏྱཿ། པྲཱ་ཛ་པ་ཏྱཿ། ཝཱརྟ་པཏྱཿ། འོ་ན་གང་གརྒའི་བུ་རྒྱུད་ནི།
གཱརྒྱཿ། །གཱརྒྱཱའི་བུ་རྒྱུད་ནི། གཱརྒྱཱ་ཡ་ཎ་ཞེས་པ་ཇི་ལྟ་བར་འགྱུར་བ་དེ་ལྟར་གཱརྒྻཱ་ཡ་ཎའི་བུ་རྒྱུད་ནི། །གཱརྒྻཱ་ཡ་ཎཱ་ཡི་ནིཿ། དེའི་བུ་རྒྱུད་ནི། གཱརྒྱཱ་ཡཱ་ནཱ་ཡ་ནཿ། སླར་ཡང་དེའི་བུ་རྒྱུད་ཅེས་པ་ལ་སོགས་པའི་ངག་རྒྱུད་མ་ཡོད་པའི་རྐྱེན་གྱི་ཕྲེང་བ་འཇུག་པའི། གརྒྱ་ཡ་ཎཱ་ཡ་ནི། ཞེས་པ་ལ་

སོགས་པའི་འང་ཐོབ་པ་དེ་ལ་ཅི་ལྟར་རྣམ་པར་གཞག་པ་འདི་ཡིན་ཞེ་ན། བརྗོད་པར་བྱ་སྟེ། གང་བུའི་བུ་ལ་སོགས་པའི་བུ་རྒྱུད་དེ་ལ། ཅིག་ཉིད་ཀྱི་རྐྱེན་དུ་འགྱུར་བ་སོགས་ཀྱི་བདག་ཉིད་ལས་སོ། ཎྱའི་རྐྱེན་གྱི་མཐའ་ལས་ཨཱ་ཡ་ནཎ་འགྱུར་བ་ཉིད་དེས་གཱརྒྻ་ཡ་ནའི་བུ་རྒྱུད་ཅེས་པ་སོགས་ཚིག་རྣམ་
པར་སྦྱར་བར་བྱས་པ་ལ་གརྒའི་སྒྲ་ལས་གང་བྱས་པའི་རྐྱེན་དེ་ཉིད་འགྱུར་རོ། །དེ་བཞིན་དུ་ཕྱི་མ་ལ་ཡང་ངོ་། །འོ་ན་གང་གརྒྻཱ་ཡ་ཎའི་བུ་རྒྱུད་ཅེས་ཅི་ལྟར་གརྒའི་བུ་རྒྱུད་དུ་འགྱུར་ཞེ་ན། བརྗོད་པར་བྱ་སྟེ། ཇི་ལྟར་སྐྱོད་པ་པོའི་བུ་རྒྱུད་དེས་སྦྱར་བར་བྱ་བ་དེ་ལྟར་བུ་རྒྱུད་ཀྱི་རྒྱུན་གྱི་འཇུག་པ་པོ་ཡང་ངོ་། །
གང་གིས་དམྱལ་བར་ལྟུང་བ་མིན་བའི་བུ་རྒྱུད་ཀྱི་དེ་ཕན་བརྗོད་པར་བྱའོ། །ཀུཉྫ་སོགས་ལས་ཨཱ་ཡ་ནཎ་བཤད་དོ། །བུ་རྒྱུད་ཀྱི་དོན་ལ་ཀུཉྫ་སོགས་ཀྱི་ཚོགས་ལས་ཨཱ་ཡ་ནཎ་ཡང་ན་འགྱུར་རོ། །བཤད་པ་སྨོས་པ་ནི་ཨཱ་ཡ་ན་ཎེའི་མཐའ་ལ་ཎྱའི་རྐྱེན་འཇུག་པའི་དོན་ཏེ། དེའང་རང་གི་དོན་ལ་
བཤད་དོ། །འདི་བུད་མེད་ཀྱི་ཡུལ་དང་མང་པོ་ཉིད་ལ་མི་འདོད་དོ། །ན་ཌ་ལ་སོགས་པ་རྣམས་ཀྱི་མཐའ་ལས་ཀྱང་ཨཱ་ཡ་ནཎའོ། །ཀཽཉྫཱ་ཡ་ནྱཿ། ཀཽཉྫཱ་ཡནྱཽ། །བྲཱདྷྣཱ་ཡ་ནྱཿ། བྲཱདྷྣཱ་ཡ་ནྱཽ། ཀཽཉྫཱ་ཡ་ནཱི། ཀཽཉྫཱ་མཱ། ནཱ་ཌཱ་ཡ་ནཱཿ། ཙཱ་ར་ཡཎཿ། བུའི་བུ་ལ་སོགས་པའི་བུ་རྒྱུད་ལ་
རྐྱེན་འདི་འདོད་དོ། །བར་མ་ཆད་ཀྱི་བུ་རྒྱུད་ལ་ནི་མ་ཡིན་ནོ། །དེས་ན་དེ་ལ། ཀཽཉྫཿ། ཞེས་པ་ལ་སོགས་པར་འགྱུར་རོ། །ཎའི་རྐྱེན་མཐའ་ཀུཉྫའི་དབུས་མ་བཀླག་པར་བྱའོ། །དེ་ནས་གཱརྒྱའི་བུ་རྒྱུད་ལ་གཱརྒྱ་ཡནཿ། ཀུཉྫ་དང་བྲདྷྣ་དང་ག་ཎ་དང་ན་ཌ་དང་ཙ་ར་དང་ལི་གུ་དང་ལོ་ཧི་ཏ་ཞེས་པ་ལ་
སོགས་པ་རྣམས་ནི་ཀུཉྫ་ལ་སོགས་པ་རྣམས་སོ། །བུད་མེད་དང་ཨ་ཏྲི་སོགས་ལ་ཨེ་ཡཎའོ། །བུད་མེད་དང་ཨ་ཏྲི་སོགས་ཀྱི་ཞེས་འབྲུ་མང་པོ་པ་ཁོང་ན་ཡོད་པའི་ཀུན་སྡུད་པའི་ཟླས་དབྱེའོ། །བུད་མེད་ཀྱི་རྐྱེན་གྱི་མཐའ་རྣམས་དང་ཨ་ཏྲི་སོགས་རྣམས་ལ་བུ་རྒྱུད་ཀྱི་དོན་ལ་ཡང་ན་ཨེ་ཡཎ་ཏུ་
འགྱུར་རོ། །སུ་པྲརྞྱའི་བུ་རྒྱུད་ལ། སཽ་པརྞེ་ཡཿ། བཻ་ན་ཏེ་ཡཿ། ནདྱའི་བུ་རྒྱུད་ནི། ནཱ་དེ་ཡཿ། མཱ་ཧིའི་བུ་རྒྱུད་ལ། མཱ་ཧེ་ཡཿ། ཨ་ཏྲིའི་བུ་རྒྱུད་ལ། ཨཱ་ཏྲེ་ཡཿ། ནཻ་དྷེ་ཡཿ། སཽ་བྷེ་ཡཿ། བུད་མེད་སྨོས་པས་བུད་མེད་ཀྱི་རྐྱེན་གྱི་མཐའི་སྒྲ་གཟུང་བར་བྱའོ། །དེས་ན་བུད་མེད་

བརྗོད་པ་ཁ་ཅིག་ལ་མ་ཡིན་ནོ། །དེས་ན། ཨཱ་བྷཱིཿ། ལ་སོགས་པ་རྣམས་ལ་རྐྱེན་མེད་དོ། །བུད་མེད་ཀྱི་རྐྱེན་གཟུང་བར་བྱས་པའི་ཉེ་བ་གང་ལས་བུད་མེད་ལ་ཞེས་པ་འདིར་བྱེད་པ་ལ་བྱས་པའི་བུད་མེད་ལ་ཀྟི་འོ་ཞེས་པ་འདིར་ནི་མིན་ནོ། །ཨ་ཏྲི་དང་ནི་དྷི་དང་སུ་བྷ་དང་བིཥྚ་
དང་པུ་ར་དང་ཀྲྀ་ཀི་ལཱ་ས་ཏི་དང་ཏི་རི་ཞེས་པ་ལ་སོགས་པ་རྣམས་ནི་ཨ་ཏྲི་ལ་སོགས་པ་རྣམས་སོ། །ཀ་ལྱཱ་ནཱི་དང་སུ་བྷ་གཱ་དང་དུརྦ་གའི་སྒྲ་རྣམས་ཀྱི་ཨེ་ཡཎ་ཕ་རོལ་ལ་མཐའ་ཨིན་དུ་བསྒྱུར་བར་འདོད་དེ། ཀཱ་ལྱཱ་ཎི་ནེ་ཡཿ། སཽ་བྷ་གི་ནེ་ཡཿ། དཽརྦྷ་གི་ནེ་ཡཿ། ཨཏ་ལས་ཨིཎའོ། །ཨཏ྄་ལས་ཏེ་
ཨ་ཡིག་གི་མཐའ་ལས་བུ་རྒྱུད་ཀྱི་དོན་ལ་ཨིཎ་ཡང་ན་འགྱུར་རོ། །དཱཀྵིཿ། དཻ་བ་དཏྟིཿ། ཨིའི་རྐྱེན་གྱི་མཐའ་ལས་ཨ་ཡ་ནཎ་བཤད་པར་བྱ་སྟེ། དཱཀྵཱ་ཡ་ཎཿ། རིགས་དང་གྲངས་དང་ཐམས་ཅད་པའི་མིང་ཅན་རྣམས་ལ་ཨིན་མི་འདོད་དེ། ཀཱ་ཀསྱ་པ་ཏྱཾ། ཨེ་ཀ་སྱཱ་པཏྱཾ། སརྦ་སྱཱ་པ་ཏྱཾ། ཨ་ནའང་མི་འགྱུར་
ཏེ་མངོན་པར་བརྗོད་པ་མེད་པ་ལས་སོ། །ཀུ་ཏཤྩ་ར་ཏི། མཱ་ཡཱུ་རིཿ། ཀེ་ནི་ཀཱ་པིཉྩ་ལིཿ། ཀྲྀཥ་ཞེས་པ་ལ་སོགས་པ་ནི་བག་མེད་པ་ལས་སྐྱེས་པའི་སྦྱོར་བའོ། །བཱ་ཧུ་སོགས་ལས་ཀྱང་བསྒྲུབ་པར་བྱའོ། །ཨིཎ་ཞེས་པ་ཁོ་ནའོ། །བཱ་ཧུ་ལ་སོགས་པའི་ཚོགས་ལས་བུ་རྒྱུད་ཀྱི་དོན་ལས་ཨིཎ་དུ་འགྱུར་རོ། །བཱ་ཧའི་བུ་རྒྱུད་ནི། བཱ་ཧ་ཝིཿ། ཨཽ་
པ་བིནྡ་ཝིཿ། ཨཽ་པ་བཱ་ཧ་ཝིཿ། ཨུ་དྷཱ་ཏྲིའི་སྒྲ་ལས་ཨིཎ་བཤད་པར་བྱ་ཞིང་མཐའ་ཡང་ཨཀ་ཏུ་བསྒྱུར་ཏེ། སུ་དྷཱ་ཏྲྀའི་བུ་རྒྱུད། སཽ་དྷཱ་ཏ་ཀིཿ། བཱ་ཧུ་དང་། ཨུ་པ་བིནྡུ་དང་། ཨུ་པ་བཱ་ཧུ་དང་། ཝ་ལཱ་ཀཱ་དང་། སུ་མི་ཏྲ་དང་། ས་ར་ལོ་མ་ཎ་དང་། པཉྩ་ན་དང་། སཔྟན་དང་། པུསྐ་ར་དང་།
པ་ད་དང་། ཛཾ་ག་དེ་ཝ་ཤརྨཾ་ཞེས་པ་ལ་སོགས་པ་ནི་བཱ་ཧུ་ལ་སོགས་པ་རྣམས་སོ། །ཚོས་དང་སྐར་མ་ལྡན་ལས་ཀྱང་། །ཚོགས་པ་ལས་ཏེ་འདི་ཡི་ལྷ། །དེ་རིག་དེར་བརྗོད་དེ་ཡི་འདི། །འདི་ལྟ་སོགས་ཀྱི་ཨ་ཎར་འདོད། །ཏད་ནི་གཉིས་པའི་གཅིག་ཚིག་གི་མཐའ་ཅན་ནོ། །ཨ་དྷི་ཨི་ཏེ་ཞེས་
པ་ཚིག་གཉིས་ལའོ། །གང་གིས་བཙོས་པར་བྱེད་པ་དེ་ཚོས་ཏེ། གསལ་བྱེད་ཀྱི་མཐའ་ལས་ཀྱང་ངོ་ཞེས་པས་གྷཉའོ། །སྐར་ཆས་སྦྱོར་བ་ནི་སྐར་མ་སྦྱོར་བའོ། །དོན་གང་གི་ཚོགས་འདི་ལྟ་སོགས་ཡིན་པ་དེ་འདི་ལྟ་སོགས་ཏེ། ཚོགས་པ་ལས་འདི་ལྟ་སོགས་ཞེས་པའང་ངོ་། །ལྔ་པ་བདུན་

པའི་གནས་ལའོ་ཞེས་གསུང་ངོ་། །ཚོས་ལས་ཨ་ཎའི་རྐྱེན་དུ་འགྱུར་རོ། །འདིར་དེས་བཙོས་སོ་ཞེས་པའི་དོན་ཏོ། །འདིའང་དོན་གྱི་ཐ་སྙད་དུ་བྱའོ། །སྐར་མ་སྦྱོར་བ་ལས་ཨ་ཎར་འགྱུར་ཞིང་འདིར་སྐར་མས་སྦྱོར་བའི་དུས་ལའོ་ཞེས་པའི་དོན་ཏོ། །སྐར་མ་སྦྱོར་བ་ལས་ཞེས་པ་གལ་ཏེ་ཡང་ལྟས་
ཡིན་པ་དེ་ལྟ་ནའང་སྐར་མ་ལས་རྐྱེན་འདིའོ། །གཞན་ལས་བྱས་པའི་རྐྱེན་སྐར་མས་སྦྱོར་བའི་དུས་ལ་མི་འགྱུར་རོ། །ཏཏ་ལས་ཚོགས་པའི་དོན་དང་འདིར་དེ་འདིའི་ལྷ་ཞེས་པའི་དོན་དང་རེ་ཞིག་དེ་བརྗོད་ཅེས་པའི་དོན་དག་དང་འདིར་དེའི་འདི་ཞེས་པའི་དོན་དང་འདི་ལྟ་སོགས་གཞན་གྱིའང་དོན་ལ་ཨཎར་
འགྱུར་རོ། །རེ་ཞིག་ཚོས་ལས། གུར་ཀུམ་གྱིས་བཙོས་པ་ནི། ཀཽདྐུ་མཾ་ཧཱ་རི་ཏཱ་ལོ། འོ་ན་ཧ་རི་དྲོ་ཀུཾ་ཀུ་ཊ་སྱ་པཱ་དཽ་ཞེས་པ་ཅི་ལྟར་ཡིན་ཏེ། འདིར་ཧ་རིདྲས་བཙོས་པ་ཉིད་བརྟག་པར་བྱ་བ་མ་ཡིན་ནོ་ཞེ་ན། བདེན་ཏེ། ཧ་རིདྲ་དང་འདྲ་བ་ནི་ཧ་རི་དྲ་དག་གོ་ཞེས་ཉེ་བར་འཇལ་བ་ལས་སྦྱོར་བ་འདིའོ། །ཀོ་བེ་
ན་རཀྟཾ་མུ་ཁཾ་མ་རུ་པེ་ཎ། རཀྟཿ། ཀནྟཱ་ཡཱཿ། ཞེས་པ་འདིར་མི་འགྱུར་ཏེ་མངོན་པར་བརྗོད་པ་མེད་པ་ལས་སོ། །ལཱཀྵ་དང་། རོ་ཙ་ནཱ་དང་བ་ཀ་ལ་དང་ཀ་ར་ད་མ་རྣམས་ལས་ཨི་ཀ་ཎ་བཤད་པར་བྱའོ། །རྒྱ་སྐྱེགས་ཀྱིས་བཙོས་པ་ནི། ལཱཀྵི་ཀམ྄། དེ་བཞིན་དུ། རཽ་ཙ་ནི་ཀམ྄། ས་ཀི་ལི་ཀཾ་
ཀཱརྟ་མི་ཀམ྄། ནཱི་ལའི་སྒྲ་ལས་ཨཎ་འཇིག་པར་བཤད་པར་བྱ་སྟེ། སྔོན་པོས་བཙོས་པ་ནི། པཱི་ཏ་ཀཾ། སྐར་མ་སྦྱོར་བ་ལས། རྒྱལ་གྱི་སྦྱོར་བ་ནི། པཽ་ཥཿ། ཡ་དབྱི་སྟེ་བཤད་པ་ལས་སོ། །མཆུའི་སྦྱོར་བ་ནི། མཱ་གྷཿ། གང་གི་ཚེ་རྒྱལ་ལ་སོགས་པས་དུས་ཀྱི་སྤྱི་ལ་སྦྱོར་བ་དེའི་ཚེ་
རྐྱེན་འཇིག་པར་བཤད་དོ། །གང་གི་ཚེ་ནི་ཉིན་མོ་སོགས་ཀྱི་ཚོགས་ཀྱི་དུས་ཀྱི་ཁྱད་པར་ལ་སྦྱོར་བ་དེའི་ཚེ་པཽ་ཥ་ཞེས་སོགས་སུ་འགྱུར་རོ། །ཚོགས་པ་ལ་ངང་པ་རྣམས་ནི། ཧཱཾ་སཾ། མཱ་ཡཱུ་རཾ་གྲཱ་མ། ཛ་ན། བནྡྷུ། ག་ཛ། ས་ཧཱ་ཡ་རྣམས་ལ་ཏའི་རྐྱེན་བཤད་པར་བྱའོ། །གྲོང་རྣམས་
ཀྱི་ཚོགས་ནི། གྲཱ་མ་ཏཱ། ཛ་ན་ཏཱ། བནྡུ་ཏཱ། ག་ཛ་ཏཱ། ཨུཀྵཱ་ན། ཨུཥྚ། ཨུ་ར་བྷྲ། རཱ་ཛན྄། རཱ་ཛནྱ། ར་ཛ་པུ་ཏྲ། པཏྶ། མ་ནུཥྱ། ཨཛ་ཞེས་པ་འདི་རྣམས་ལས་ཨ་ཀཎ་བཤད་པར་བྱའོ། །ཨུ་ཀྵ་ན་རྣམས་ཀྱི་ཚོགས་པ་ནི། ཨཽ་ཀྵ་ཀཾ། ན་ནི་འགའ་ཞིག་

ཏུའོ་ཞེས་པས་ན་དབྱིའོ། །དེ་བཞིན་དུ། ཨཽཥྚ་ཀམ྄། ཨཽ་ར་བྷྲ་ཀཾ། རཱ་ཛ་ཀཾ། ར་ཛ་ནྱ་ཀཾ། རཱ་ཛ་པུ་ཏྲ་ཀཾ། ཝཱཏྶ་ཀཾ། མཱ་ནུཥྱ་ཀཾ། ཨཱ་ཛ་ཀཾ། ཀེ་དཱ་ར་ལས་ཡཎ་ཡང་ན་བཤད་པར་བྱའོ། །ཀེ་དར་རྣམས་ཀྱི་ཚོགས་པ་ནི། ཀཽ་དཱ་ཪཾྻ། ཀཽ་དཱ་ར་ཀཾ། ཀ་ཝ་ཙི་ནའི་སྒྲ་ལས་ཨི་ཀ་ཎ་བཤད་པར་བྱའོ། །ཀ་ཝ་
ཙི་ན་རྣམས་ཀྱི་ཚོགས་ནི། ཀཱ་ཝ་ཙི་ཀཾ། བྲཱཧྨ་ཎ་དང་མཱ་ཎ་ཝ་དང་ཝ་ཌ་ཝ་རྣམས་ལས་ཡའི་རྐྱེན་བཤད་པར་བྱ་སྟེ། བྲམ་ཟེ་རྣམས་ཀྱི་ཚོགས་པ་ནི། བྲཧྨ་ཉཾ། མཱ་ན་ཝྱཾ། ཝཱཌ་བྱཾ། བེེ་ན་ཎུའི་སྒྲ་ལས་ཀཎ་བཤད་པར་བྱའོ། །བེ་ཎུ་རྣམས་ཀྱི་ཚོགས་པ་ནི། བཻ་ཎུ་ཀཾ། སེམས་མེད་པ་དང་ཧ་
ཏིའི་སྒྲ་ལས་ཨི་ཀ་ཎ་བཤད་པར་བྱ་སྟེ། མེད་པའི་ཚོགས་པ་ནི། ཨཱ་སཱུ་པི་ཀཾ། བླང་པོ་རྣམས་ཀྱི་ཚོགས་པ་ནི། ཧསྟི་ཀམ྄། སྔ་མ་བཞིན་དུ་ན་དབྱིའོ། །ཨིའི་ཡི་གེ་དང་ཨ་ཡིག་དག་དབྱིའོ། །ཝཱ་ཏ་ལས་ཡའི་རྐྱེན་བཤད་པར་བྱ་སྟེ། ཝ་ཏ་རྣམས་ཀྱི་ཚོགས་པ་ནི། ཝ་ཏྱ། དེ་
འདིའི་ལྷ་ལ། འདིའི་ལྷ་ཞི་བ་ནི། ཤཻ་བཿ། བཻཥྞ་བཿ། ཨུའི་ཡི་གེ་རྣམས་ནི་ཨོ་ཉིད་དུ་ཐོབ་པར་བྱའོ་ཞེས་པས་ཨོ་ཉིད་དོ། །མ་ཧེནྡྲ་ལ་སོགས་པ་ལས་ཡའི་རྐྱེན་བཤད་པར་བྱ་སྟེ། རྀ་ཏ་བྱཿ། ཝཱ་ལ་བྱཿ། ཨགྣིའི་སྒྲ་ལས་ཨེ་ཡཎ་བཤད་པར་བྱ་སྟེ། ཨཱགྣེ་ཡཿ། དེ་རིག་པ་དང་དེ་རྗོད་
པ་ལ་སྡེབ་སྦྱོར་རིག་པའམ་རྗོད་པ་ནི། ཙྪནྡ་སཿ། དེ་བཞིན་དུ། བཻ་ཡཱ་ཀ་ར་ནཿ། ཡ་ཝ་ཚིག་དང་པོ་དག་གི་མ་ཡིན་ཞིང་ཞེས་པས་ཨཻ་ཡིག་ཨཱ་ག་མའོ། །ཀྲ་མ་དང་པ་ད་དང་ཤི་ཀྵ་དང་སཱ་མཾ་དང་མཱི་མཾ་པཱའི་སྒྲ་རྣམས་ལས་ཨ་ཀའི་རྐྱེན་བཤད་པར་བྱའོ། །རིམ་པ་རིག་པའམ་རྗོད་པ་ནི། ཀྲ་
མ་ཀཿ། པ་ད་ཀཿ། ཤིཀྵ་ཀཿ། མཱི་མཱཾ་ས་ཀཿ། ལོ་ཀཱ་ཡ་ཏའི་སྒྲ་ལས་དེ་བཞིན་ཁོ་ནར་ཨི་ཀ་ཎ་བཤད་པར་བྱའོ། །འཇིག་རྟེན་རྒྱང་འཕན་རིག་པའམ་རྫོད་པ་ནི་ལཽ་ཀཱ་ཡ་ཏི་ཀཿ། པཱུ་ཏྲའི་མཐའ་ལའང་ངོ་། །མདོ་འགྲེལ་རིག་པའམ་རྗོད་པ་ནི། ཝཱརྟེ་སཽ་ཏྲི་ཀཿ། དེའི་འདི་ལ་འདི་རི་
དགས་ཀྱི་ཡིན་པ་ནི། མཱརྒམ྄། ཛན་དང་པ་ར་དང་དེ་ཝ་དང་རཱ་ཛ་རྣམས་ལས་ཀཱི་ཡའི་རྐྱེན་བཤད་པར་བྱའོ། །སྐྱེ་བ་རྣམས་ཀྱི་འདི་ཡིན་པ་ནི། ཛ་ན་ཀཱི་ཡཾ། དེ་བཞིན་དུ། པ་ར་ཀཱི་ཡཾ། དེ་ཝ་ཀཱི་ཡཾ། རཱ་ཛ་ཀི་ཡཾ། འདི་ལྟ་སོགས་ལ། ངེས་པར་གནས་པའི་དོན་ལ་ཨཎའོ། །གང་

ལ་ངེས་པར་གནས་པ་དེ་ནི་ནཻ་ཝཱ་སཿ། མ་ཐུང་ལ་གནས་པ་གང་ཡིན་པ་དེ། མཱ་ཐུ་རཿ། དེ་ལས་འོངས་པ་ལའོ། །བཅོམ་བརླག་ལས་འོངས་པ་ནི། མཱ་ཐུ་རཿ། དེར་སྐྱེས་པ་ལའོ། །བཅོམ་བརླག་ཏུ་སྐྱེས་པ་ནི། མཱ་ཐུ་རཿ། དེས་རྫོགས་པ་ལའོ། །རྒྱ་མཚོས་རྫོགས་ནི། སཱ་ག་རཿ། དེ་
བཞིན་དུ་དོན་གཞན་ལ་ཡང་སྦྱོར་བ་ཇི་ལྟ་བར་ཨཎ་བཤད་པར་བྱའོ། །དེ་ཡིས་རྩེའོ་ཡང་དག་བསྲེས། །སྒྲེལ་ལོ་སྤྱོད་འང་ཨི་ཀ་ཎ། །ཟོང་དང་བཟོ་དང་ངེས་སྦྱོར་ལས། །ཉོས་པ་སོགས་ལས་མཚོན་ལས་ཀྱང་། །གང་ལ་ངས་པར་སྦྱོར་བ་དེ་ནི་ངེས་སྦྱོར་རོ། །གསལ་བྱེད་མཐའ་ལས་ཀྱང་ངོ་
ཞེས་པས་གྷཉའོ། །དེ་ཡིས་ཞེས་པའི་ཚིག་འདི་རྩེའོ་ཡང་དག་པར་བསྲེའོ་སྒྲོལ་ལོ་སྤྱོད་དེ་ཉོས་སོ་ཉོས་པ་འདི་རྣམས་ལ་རྗེས་སུ་འབྲེལ་ལོ། །ཉོས་པ་ལ་སོགས་ལས་ཞེས་པ་ནི་བདུན་པའི་གནས་ལ་ལྔ་པའོ། །རྟགས་ལས་དེའི་རྩེའོ་དེས་ཡང་དག་པར་བསྲེའོ་དེས་སྒྲོལ་ལོ་དེས་སྤྱོད་དོ་
ཞེས་པ་འདི་རྣམས་ཀྱི་དོན་ཨི་ཀ་ཎར་འགྱུར་རོ། །ཟོང་ལས་ཏེ་འདིར་དེ་འདིའི་ཟོང་ནི་ཞེས་པའི་དོན་དང་། བཟོ་ལས་ཏེ་དེ་འདིའི་བཟོ་བོ་ཞེས་པའི་དོན་དང་། ངེས་སྦྱོར་ལས་ཏེ་འདིར་དེ་ལ་ངེས་པར་སྦྱོར་རོ་ཞེས་པའི་དོན་དང་། ཉོས་པ་ལ་སོགས་པའི་དོན་དང་། མཚོན་ཆ་ལས་ཏེ་འདིར་དེ་དེའི་མཚོན་ཞེས་
པའི་དོན་ལ་རྟགས་ལས་ཨི་ཀཎ་དུ་འགྱུར་རོ། །དེས་རྩེའོ་ལ་ཆོ་ལོས་རྩེ་བ་ནི། ཨཱཀྵྀ་ཀཿ། སཱ་ལཱ་ཀི་ཀཿ། དེས་ཡང་དག་པར་བསྲེ་བ་ལ་ཞོས་ཡང་དག་པར་བསྲེ་བ་ནི། ད་དྷི་ཀམ྄། ལ་ཝ་ཎ་ལས་ཨི་ཀཎ་འཇིག་པར་བཤད་པར་བྱ་སྟེ། ལན་ཚྭས་ཡང་དག་པར་བསྲེ་བ་ནི། ལ་ཝ་ཎམ྄།
ཙཱུརྞྞ་ལས་ཨི་ཀཎ་བཤད་པར་བྱ་སྟེ། ཕྱེ་མས་ཡང་དག་པར་བསྲེས་པ་ནི། ཙཱུརྞྞ་ཀྱོ་དྷཱ་ནཱཿ། མུངྒ་ལས་ཨཎ་བཤད་པར་བྱ་སྟེ། སྲན་མས་ཡང་དག་པར་བསྲེ་བ་ནི། མཽངྒཾ། དེས་སྒྲོལ་ལོ་ལ་བ་ཎུ་བྷཱ་རས་སྒྲོལ་བ་ནི་བཻ་ནུ་བྷ་རི་ཀཿ། དབྱངས་གཉིས་པ་ལས་ཨི་ཀཎའི་རྐྱེན་བཤད་པར་བྱའོ། །གྷ་
ཊས་སྒྲོལ་བ་ནི་གྷཊི་ཀཿ། དེ་ཡིས་སྦྱོད་དོ་ལ་ཟ་བ་དང་འགྲོ་བའི་དོན་དག་ལ་འཇུག་པ་ནི་སྤྱོད་པའོ། །སྲྀངྒ་བེ་རས་སྤྱོད་པ་ནི། བྷཀྵ་ཡ་ཏི་སཱངྒ་ཝེ་རི་ཀཿ། ཤིང་རྟས་སྤྱོད་དུ་འགྲོ་བ་ནི། སཱ་ཀ་ཊི་ཀཿ། ཟོང་ལས་འདིའི་ཟོང་སྤོས་ཡིན་པ་ནི། གཱནྡྷི་ཀཿ། བཟོ་བོ་ལས། རྔ་བཟོ་བའི་བཟོ་བོ་གང་

ཡིན་པ། མཱརྡངྒི་ཀཿ། དེ་ཕན་གྱི་མཐའི་མྲྀ་དཾ་གིའི་སྒྲ་ནི། རང་བཞིན་ལས་རྔའི་རྡུང་བ་པོ་ལ་འཇུག་གོ། །ངེས་སྦྱོར་ལས་སྒོ་ལ་ངེས་པར་སྦྱོར་བ་ནི། དཽ་ཝཱ་རི་ཀཿ། ཡ་ཝ་ཚིག་དང་པོ་དག་གི་མིན་ཞིང་ཞེས་པས་ཨཽ་ཡིག་ཨཱ་ག་མའོ། །ཨ་གཱ་རའི་སྒྲའི་མཐའ་ལ་ངེས་
སྦྱོར་ལས་ཨི་ཀ་ཎའི་རྐྱེན་བཤད་པར་བྱའོ། །ལྷའི་ཁང་པ་ལ་ངེས་པར་སྦྱོར་བ་དཻ་བཱ་གཱ་རི་ཀཿ། དེ་བཞིན་དུ། ཀཽཥྛ་གཱ་རི་ཀཿ། དེས་ཉོས་པ་ལ་བདུན་ཅུས་ཉོས་པ། སཱཔྟ་ཏི་ཀམ། བརྒྱད་ཅུས་མྱོས་པ། ཨཱ་ཤཱི་ཏི་ཀམ། རྐྱེན་འདི་ནི་བྱེད་པ་ཉིད་ལས་བཤད་པར་བྱའི་བྱེད་པ་པོ་ལ་ནི་མ་ཡིན་ནོ། །
དེས་ན་འདིར་མི་འགྱུར་ཏེ། ལྷས་བྱིན་གྱིས་ཉོས་པ་ནི། དཻ་བ་དིཏྟ་ཀམྲ། ཤ་ཏའི་སྒྲ་ལས་ཉོས་པའི་དོན་ལ་ཡ་དང་ཨི་ཀ་ཞེས་པ་འདི་དག་བཤད་པར་བྱའོ། །བ་ཏྱས་ཉོས་པ་ནི། ཤ་ཏྱམ྄ཤ་ཏི་ཀམ྄། ཨ་ཧས྄ དང་བ་ས་ན་དག་ལས་ཨཎ་བཤད་པར་བྱའོ། །སྟོང་གིས་ཉོས་པ་སཱ་ཧ་སྲཾ་ཝཱ་ས་ནཾ།
སོགས་པ་སྨོས་པས་དོན་གཞན་ལ་ཡང་ཨི་ཀཎ་སྟེ་དེ་ལ་འདིའི་ཚད་ཅེས་པའི་དོན་ལ་སྟེ། སྲ་སྛ། འདིའི་ཚད་ཡིན་པ་ནི། སྲཱ་སྠི་ཀོ་རཱ་ཤིཿ། དེས་རྐོས་སོ་ལ་སྟེ། ཏོག་ཙེས་བརྐོས་ལ། ཀཽ་དྭོ་ལི་ཀཿ། དེས་འཚོའོ་ལ། བཻ་ཏ་ནི་ཀཿ། ཨཱ་ཡུ་དྷི་ཀཿ། སྐྱེད་དོ་ལའོ། །མཆོད་སྦྱིན་པ་
རྣམས་བསྐྱེད་དོ། །ཝཱ་ད་རི་ཀཿ། སྒྲ་ལས་བྱེད་པ་པོའི་དོན་ལའོ། །སྒྲ་བྱེད་པ་པོ་ནི། ཤཱབྡི་ཀཿ། བཻ་ཡཱ་ཀར་ཎཿ། དེ་བཞིན་དུ་གཞན་ཡང་སྟེ། དྷརྨའི་སྒྲ་ལས་འདིར་སྤྱོད་དོ་ཞེས་པའི་དོན་ལའོ། །ཆོས་སྤྱོད་ནི། དྷཱརྨི་ཀཿ། ཨོ་ཛས་དང་། པ་ཧས་དང་། ཨམ་བྷས་ཞེས་པ་འདི་
རྣམས་ལས་དེའི་ས་འདི་ལ་འཇུག་གོ་ཞེས་པའི་དོན་ལའོ། །གཟི་བརྗིད་ཀྱིས་འཇུག་པ་ནི། ཨཽ་ཛ་སི་ཀཿཤཱུ་རཿ། པཱ་ཧ་སི་ག་ཅཽརཿ། ཨཱམྦྷ་སི་ཀོ་མ་ཏ་སྱཿ། དྷུ་རའི་སྒྲ་ལས་འབབ་བོ་ཞེས་པའི་དོན་ལ་འདིར་ཡ་དང་ཨེ་ཡཎ་ཞེས་པ་འདི་དག་བཤད་པར་བྱའོ། །དྷུ་ར་འབབ་པ་ནི། དྷུརྻཿ། དྷཽ་རེ་
ཡཿ། སརྦ་དྷུ་རའི་སྒྲ་ལས་དེ་ཉིད་ཀྱི་དོན་ལ་ཨཱཎའི་རྐྱེན་བཤད་པར་བྱ་སྟེ། དྷུ་ར་ཐམས་ཅད་འབབ་པ་ནི། སརྦ་དྷུ་རཱི་ཎཿ། ཨ་སྟི་དང་ན་སྟིའི་སྒྲ་དག་ལས་འདིར་དེའི་བློ་གྲོས་ཞེས་པའི་དོན་ལ་ཨི་ཀ་ཎའོ། །འཇིག་རྟེན་ཕ་རོལ་ཡོད་དོ་ཞེས་པ་འདིའི་བློ་གྲོས་ཡིན་པ་ནི། ཨཱསྟི་ཀཿ། དེ་བཞིན་དུ།

ནཱསྟི་ཀཿ། འཇིག་རྟེན་ཕ་རོལ་གྱི་བྱེད་པ་པོ་ལ་ཡིད་ཆེས་པའི་དོན་དང་། རབ་ཏུ་སྦྱོར་བ་མེད་པ་ལ་དེ་དག་བཤད་དོ། །མཚོན་ཆ་ལས། འདིའི་མཚོན་ཆ་འཁོར་ལོ་ཡིན་པ་ནི། ཙཀྲྀ་ཀཿ། དྷ་ནུས་ཀྱི་སྒྲ་ལས་ཨ་ཀ་ཎ་བཤད་པར་བྱའོ། །འདིའི་མཚོན་ཆ་གཞུ་ཡིན་པ་ནི། དྷཱནུསྐཿ། ཤཀྟི་དང་།
ཡཥྚའི་དག་ལས་ཨི་ཀཎ་བཤད་པར་བྱའོ། །འདིའི་མཚོན་ཆ་ཤཀྟི་ཡིན་པ་ནི། ཤཱཀྟྭི་ཀཿ། ཡཱཥྚཱི་ཀཿ། །ནཽ་ལས་བསྒྲལ་བྱ་དང་བི་ཥ་ལས་གསད་བྱ་དང་ཏུ་ལ་ལས་གཞལ་བྱ་དང་དེར་ལེགས་པའང་ཡའོ། །ནཽའི་སྒྲ་ལས་བསྒྲལ་བྱའི་དོན་དང་བི་ཥའི་སྒྲ་ལས་གསད་བྱའི་དོན་དང་། ཏུ་ལའི་སྒྲ་ལས་
གཞལ་བསྟེ། ཡོངས་སུ་བཅད་པའི་དོན་དང་། རྟགས་ལས་དེར་ལེགས་པ་ཞེས་པ་འདིའི་དོན་ལ་ཡའི་རྐྱེན་དུ་འགྱུར་རོ། །གྲུས་བསྒྲལ་བར་བྱ་བ་ནི་ནཱ་བྱམ། དུག་གིས་གསད་པར་བྱ་བ་ནི་བིཥྱ། ཞོ་ཆས་གཞལ་བ་ནི། ཏུ་ལྱམ྄། མདུན་མ་ལེགས་པ་ནི། ས་བྷྱཿ། ཀརྨ་ཎྱཿ། བྷཀྟ་
ལས་ཎའི་རྐྱེན་བཤད་པར་བྱ་སྟེ། འབྲས་ཀྱི་ཟས་ལེགས་པ་ནི། བྷཱཀྟཿ། བ་ཏི་དང་ཨ་ཏི་ཐི་དག་ལས་ཨེ་ཡ་ན་བཤད་པར་བྱ་སྟེ། ལམ་ལེགས་པ་ནི། པཱ་ཐེ་ཡམ྄། ཨཱ་ཏེ་ཐེ་ཡཾ། འང་གི་སྒྲ་ལས་འོས་པའི་དོན་ལ་ཡའི་རྐྱེན་འདོད་དེ། གསད་པར་འོས་པ་ནི། བདྷྱཿ། དེ་བཞིན་དུ།
ད་ཎ་བྷྱཿ། དྷརྨ་དང་། པ་ཐི་དང་། ཨརྠ། ནྱཱ་ཡ་རྣམས་ལས་མེ་བྲལ་བའི་དོན་ལའོ། །ཆོས་ལས་མ་བྲལ་ཞིང་མི་གཡོ་བ་ནི། དྷརྨྱམ྄། དེ་བཞིན་དུ། པ་ཐྱམ྄། ཨརྠྱམ྄། ནྱ་ཡམ྄། དྷརྨའི་སྒྲ་ལས་ཐོབ་པར་བྱའི་དོན་ལའང་ངོ་། །ཆོས་ཀྱིས་ཐོབ་པར་བྱ་བ་ནི། དྷརྨྱམ྄།
ཏྲྀ་ད་ཡ་ལས་འདིར་དེའི་དགའ་བ་ཞེས་པའི་དོན་ལའོ། །སྙིང་གི་དགའ་བ་ནི། ཧྲྀ་དྱམ྄། ཧྲྀ་དར་བསྒྱུར་བར་བྱའོ། །ཨཱི་ཡ་ནི་ཕན་པ་ལའོ། །རྟགས་ལས་ཕན་པའི་དོན་ལ་ཨི་ཡའི་རྐྱེན་དུ་འགྱུར་རོ། །རྟ་རྣམས་ལ་ཕན་པ་ནི། ཨ་ཤྭཱི་ཡཾ། ཀར་བྷཱི་ཡཾ། ནིའི་སྒྲ་ལས་ལུས་ཀྱི་ཡན་
ལག་ལས་ཡའི་རྐྱེན་འདོད་དེ། སོ་རྣམས་ལ་ཕན་པ་ནི། དན་ཏྱམ྄། གང་གི་ཚེ་རྟགས་དང་འབྲེལ་པའི་དབྱངས་གང་ཡིན་པ་དེ་རྣམས་ཀྱི་ཐོག་མ་ཨཱ་ཨཻ་ཨཽ་ཞེས་པའི་དབྱངས་འདི་རྣམས་སུ་གྱུར་བ་དེའི་ཚེ་དང་པོའི་དོན་ལ་ཨི་ཡའི་རྐྱེན་བཤད་པར་བྱའོ། །སཱ་ལའི་དངོས་པོ་ནི། སཱ་ལི་ཡཱཿ། མཱ་ཧིཥྨི་

ཏིའི་དངོས་པོ་ནི། མཱ་ཧིཥྨ་ཏཱི་ཡཿ། ཨཽ་པ་ག་ཝཱི་ཡཿ། འདིར་དེའི་འདི་ཞེས་པའི་དོན་ལའང་ངོ་། །འདི་སཱ་ལའི་འདི་ཡིན་པ་ནི། སཱ་ལི་ཡཱཿ། དེ་བཞིན་དུ། དཔེར་བརྗོད་པ་གཞན་རྣམས་ཀྱང་བརྗོད་པར་བྱའོ། །བྷ་བཏ་ཀྱི་སྒྲ་ལས་འདིར་དེའི་འདི་ཞེས་པའི་དོན་ལ་ཀཎ་དང་
ཨི་ཡ་ཞེས་འདི་དག་འདོད་དེ། འདི་ཁྱོད་ཀྱི་ཡིན་པ་ནི། བྷ་ཝ་ཏ་ཀཾ། དེ་བཞིན་དུ། བྷ་ཝ་དཱི་ཡཾ། སྭ་སྲྀ་དང་བྷྲ་ཏྲྀ་དག་ལས་བུ་རྒྱུད་ཀྱི་དོན་ལ་ཨཱི་ཡ་བཤད་པར་བྱའོ། །སྭ་སྲྀའི་བུ་རྒྱུད་ནི། སྭ་སྲི་ཡཿ། བྷྲ་ཏྲི་ཡཿ། ཨཱཏྨ་ནའི་སྒྲ་ལས་ཕན་པའི་དོན་ལ་ཨཎའི་རྐྱེན་འདོད་དེ། བདག་
ལ་ཕན་པ་ནི་ཨཱཏྨམ྄། ཨུ་དང་གོ་སོགས་ལས་ཡཏའོ། །གང་གི་ཚོགས་ཀྱི་དང་པོ་གོ་སྒྲ་ཡིན་པ་དེ་ནི་གོ་ལ་སོགས་པའོ། །དེ་ནས་ཀུན་སྡུད་པའི་ཟླས་དབྱེ་བའོ། །ཨུ་ཡིག་མཐའ་ཅན་གྱི་རྟགས་དང་གོ་སོགས་རྣམས་ལས་ཕན་པའི་དོན་ལ་ཡ་ཏ་དུ་འགྱུར་རོ། །ཏ་ཡིག་ནི་རྣམ་པ་སྣ་ཚོགས་
པའི་དོན་ཏོ། །ཨུ་ཡིག་མཐའ་ལས། ཤཾ་ཀུ་རྣམས་ལས་ཕན་པ་པ་ནི། ཤཾ་ཀ་བྱཾ། པ་ར་ཤ་བྱཾ། དབྱངས་ནི་འདྲ་བའི་ཡི་གེ་འཛིན་པའོ་ཞེས་པས་ཨུ་ཡིག་གིས་ཨཱུ་ཡིག་ཀྱང་གཟུང་བར་བྱའོ། །དེས་ན། བུ་མོ་རྣམས་ལ་ཕན་པ་ནི། བ་དྷ་བྱཾ། གོ་ལ་སོགས་པ་རྣམས་ལས་སོ། །
གོ་ལ་ཕན་པ་ནི། ག་བྱཾ། ཧ་བི་ཥྱཾ། ཡཏའོ་ཞེས་སྦྱོར་བ་གཅིག་བྱས་པ་དེས་ན། དིཤ྄ །གརྒ། པནྠི། པཀྵ། ཨ་དི། ཨནྟ། ཝནྶ། སུ་ཁ། ནྱཱ་ཡ། པྲ་ཐ། ར་ཎ་ཞེས་པ་འདི་རྣམས་ལས་བྷ་ཝའི་དོན་ལ་ཡའི་རྐྱེན་ནོ། །ཕྱོགས་ལ་འབྱུང་བ་ནི། དི་ཤྱཾ། དེ་བཞིན་དུ་
གརྒྱཾ་ཞེས་སོགས་དཔེར་བརྗོད་པར་བྱའོ། །རཱ་ཛ་ནའི་སྒྲ་ལས་རྒྱལ་རིགས་དང་རྒྱལ་བ་དག་བརྗོད་པའོ། །རཱ་ཛ་ནྱཿ། ཤྭ་སུ་རའི་སྒྲ་ལས་བུ་རྒྱུད་ཀྱི་དོན་ལའོ། །ཤྭ་སུ་རའི་བུ་རྒྱུད་ནི། ཤྭ་སུརྻཿ། རྗེས་སུ་འབྲེལ་པའི་སྒྲ་ལས་རྐྱེན་འདིའོ། །གང་འགའ་ཞིག་གི་མིང་ཤྭ་སུ་ར་ཡིན་པ་དེའི་ནི་བུ་རྒྱུད་
ལ། ཤྭཱ་སུ་རིཿ། གོ་དང་ཧ་ཝིས་དང་མེད་དྷཱ་དང་ད་ར་དང་སྑད་ད་དང་ཀྵ་ར་དང་ཤྭཾ་ཞེས་པ་འདི་ལྟ་སོགས་ནི་གོ་ལ་སོགས་པ་རྣམས་སོ། །ཉེ་བར་འཇལ་བ་ལ་ཝ་ཏིའོ། །གང་གི་ཉེ་བར་འཇལ་བ་དེ་ཉེ་བར་འཇལ་བའོ། །རྟགས་ལས་ཉེ་བར་འཇལ་བའི་དོན་ལ་ཝ་ཏིའི་རྐྱེན་དུ་འགྱུར་རོ། །བྲམ་ཟེ་བཞིན་དུ་

བརྗོད་པ་ནི། བྲཱཧྨ་ཎ་ཝཏ། མ་ཐུ་རཱ་འདྲ་བ་ནི་མ་ཐུ་རཱ་ཝཏ། དངོས་པོ་ལ་ཏ་ཏྭ་དག་གོ། །རྟགས་ལས་དངོས་པོའི་དོན་ལ་ཏ་དང་ཏྭ་དག་འགྱུར་རོ། །རང་གི་བདག་ཉིད་མངོན་པར་བརྗོད་པའི་རྐྱེན་དུ་འགྱུར་རོ་ཞེས་པའོ། །གང་གི་ཡོན་ཏན་དང་ལྷན་ཅིག་དངོས་པོའི་སྒྲ་གནས་པ་དེ་མངོན་པར་བརྗོད་པ་
ལ་ཏ་ཏྭ་དག་འགྱུར་རོ། །སྒྲ་རབ་ཏུ་འཇུག་པའི་རྒྱུ་མཚན་ནི་དངོས་པོའི་སྒྲས་བརྗོད་དོ། །གོའི་དངོས་པོ་ནི། གོ་ཏཱ། གོ་ཏྭཾ། བྲཧྨ་ཎ་ཏཱ། བྲཧྨ་ཎ་ཏྭཾ། དེ་ཝའི་སྒྲ་ལས་རང་གི་དོན་དང་རང་བཞིན་གྱི་དོན་ལ་ཏཱའི་རྐྱེན་བཤད་པར་བྱའོ། །ལྷ་ཉིད་ནི། དེ་ཝ་ཏཱ། ཡཎའང་སྟེ་རབ་ཏུ་གྲགས་པ་ལས་
སོ། །རྟགས་ལས་དངོས་པོའི་དོན་ལ་ཡཎ་དུ་འགྱུར་རོ། །དཀར་པོའི་དངོས་པོ་ནི། ཤཽ་ཀླྱམ། ཀཱ་ཥྞྱཾ། ཛཱ་ཌྱཾ། བྲཱཧྨ་ཎྱཾ། རབ་ཏུ་གྲགས་པ་སྨོས་པ་ལས་ལས་ཀྱི་དོན་ལའང་ཡཎ་བཤད་པར་བྱའོ། །བྲམ་ཟེའི་ལས་ནི། བྲཱཧྨ་ཎྱཾམ྄། ཛཱ་ཌྱམ། དངོས་པོ་དང་ལས་དག་གི་དོན་ལ་བསྟན་
པ་ཇི་ལྟ་བར་ཨཎའང་བལྟའོ། །ལང་ཚོའི་དངོས་པོའམ་ལས་ནི། ཡཽ་ཝནཾ། མུ་ནི། མཽ་ནཾ། ལ་གྷུ། ལཱ་གྷ་ཝཾ། གུ་རུ། གཽ་ར་ཝཾ། བཽ་རུ་ཥཾ། ཀཽ་ཤ་ལཾ། ནཻ་པུ་ཎཾ། ཀཻ་ཏུ་ཧ་ལཾ། མྲྀ་དུ། མཱར་དང་ཝཾ། པྲྀ་ཐུ་དང་མྲྀ་དུ་དང་ལ་གྷུ་དང་གུ་རུ་རྣམས་ལས་དངོས་པོའི་དོན་ལ་
ཨི་མནའི་རྐྱེན་ཡང་འདོད་དེ། པྲྀ་ཐུའི་དངོས་པོ་ནི། པྲ་ཐི་མཱ། མྲ་དི་མཱ། ལ་གྷི་མཱ། ག་རི་མཱ། ཨི་མནའི་རྐྱེན་ལས་ཨིའི་ཡི་གེ་དང་ཨའི་ཡི་གེ་དག་གི་དབྱངས་དང་ཞེས་པ་འདིར་རིམ་པས་བཀླག་པར་བྱ་བ་ལས་ཨུའི་ཡི་གེ་དབྱིའོ། །རབ་ཏུ་གྲགས་པ་སྨོས་པ་ལས་པྲྀ་ཐུ་མྲྀ་དུའི་སྒྲ་དག་གི་
ར་ཉིད་དོ། །གུ་རུའི་འང་གར་དུ་བསྒྱུར་རོ། །དེ་འདིའི་ཡོད་པ་ཞེས་པས་མནྟུ་སོགས་སོ། །སོགས་པ་ལ་འགྱུར་བ་ནི་སོགས་པའོ། །དེ་ནས་འབྲུ་མང་པོ་པའོ། །དེ་འདིའི་ཡོད་པ་ཞེས་པ་འདིའི་དོན་ལ་རྟགས་ལས་མནྟུ་སོགས་རྣམས་ཏེ། མནྟུ། ཝནྟུ། ཝིན། ཨིན་ཞེས་སོགས་འགྱུར་
རོ། །མནྟུ་ལ། གང་ལ་བ་ལང་ཡོད་པ་དེ་ནི་གོ་མཱ་ན། ཝནྟུའི་ཨའི་ཡི་གེའི་མཐའ་ཅན་ལས་དང་། ཨའི་ཡི་གེ་ཨུ་པ་དྷཱ་ཡིན་པ་ལས་དང་མ་ཡིག་མཐའ་ཅན་ལས་དང་། མ་ཡིག་ཨུ་པ་དྷཱ་ཡིན་པ་ལས་དང་། ཤིཊ་བོར་བ་ཉིད་ཀྱི་དྷུཊ་མཐའ་ཅན་ལས་ཀྱང་ཝནྟུ་བཤད་པར་བྱ་སྟེ། ཨཱ་ཝན་བོར་བ་

ཉིད་ནའོ། །བྲྀཀྵ་ཝཱན། མཱ་ལཱ་ཝཱན། སུ་གནྭཱ་ན། པྲ་ཤནྭཱན། སུ་གཎ་དང་པྲ་ཤན་ཞེས་པ་འདི་དག་ཀྭི་པའི་མཐའ་ཅན་ནོ། །ཀིམ྄་ཝཱན། དཱ་ཊི་མཱི་ཝཱན་བི་དྱུད་ཝཱན། མ་ཧ་ཏྭ་ན། ཤིཊའི་མཐའ་དང་ཡ་ཝན་སོགས་རྣམས་ལས་ཝནྟུ་མི་འགྱུར་ཏེ། ཨཱ་ཡུཥྨཱན། ཡ་ཝ་
མཱན། ཨུརྨི་མཱན། ཝིནའི་ཨཔ་མཐའི་རྟགས་ལས་དང་མཱ་ཡཱ་དང་མེ་དྷཱ་དང་པྲ་ཛ་ཞེས་པ་འདི་རྣམས་ལས་ཀྱང་ཝིན་བཤད་པར་བྱའོ། །ཡ་ཤ་སྭཱི། ཏེ་ཛ་སྭའི་མཱ་ཡཱ་ཝཱི། མེ་དྷའི་ཝཱི། པྲ་གྲི། འདི་རྣམས་ལས་ཝནྟུ་ཡང་འདོད་ཨིནའི། དནྡཱི། མུ་ཤ་ལཱི། ཤིཁཱ། མཱ་ཡཱ། མཱ་ཡཱི།
དེ་རྣམས་ལས་ཝནྟུ་ཡང་བལྟའོ་ཞེས་པའི་སྒྲ་ལས་འདིར་དེ་ལ་ཡོད་པ་ཞེས་པའི་དོན་ལ་ཡང་ཝནྟུ་སོགས་རྣམས་སུ་འགྱུར་ཏེ། གང་ལ་སཱ་ལ་ཡོད་པ་དེ། སཱ་ལི་མཱན། ཡོན་ཏན་བརྗོད་པ་ལ་མནྟུ་སོགས་རྣམས་མི་འདོད་དོ། །གང་གི་ཡོན་ཏན་དཀར་པོ་ཡོད་པ་དེ་ཤུཀླ་པ་ཊཿ། གང་ལ་ཡོན་
ཏན་དང་ཡོན་ཏན་མ་ཡིན་ཙམ་ལྡན་པའི་རྫས་ལའང་འཇུག་གོ། །འདིར་ཡོན་ཏན་དང་ཡོན་ཏན་མ་ཡིན་པ་གཟུང་ཞིང་འཛིན་པས་ནི་དུས་ཐམས་ཅད་དུ་ཡོན་ཏན་ཙམ་བརྗོད་པའི་རཱུ་པ་སོགས་རྣམས་སོ། །དེས་ན་དེ་རྣམས་ལས་ཝནྟུ་སོགས་རྣམས་འགྱུར་རོ། །པྲཛྙཱ་དང་ར་ཛས་དག་ལ་
གྲངས་ཇི་ལྟ་བ་བཞིན་དུ། ཨན་དང་བ་ལཱ་དག་བཤད་པར་བྱ་སྟེ། གང་ལ་ཤེས་རབ་ཡོད་པ་དེ། པྲཛྙཿ། གང་ལ་རྡུལ་ཡོད་པ་དེ། ར་ཛ་སྭ་ལཱ། ཏ་པས་དང་། ས་ཧ་སྲ་དག་ལ་ཨཎ་འདོད་དེ། གང་ལ་དཀའ་ཐུབ་ཡོད་པ་དེ་ཏ་པ་སཱཿ། སཱ་ཧསྲཿ། མ་ལའི་སྒྲ་ལས་ཨི་ན་དང་ཨཱི་
མ་ས་ཞེས་པ་འདི་དག་འདོད་དེ། གང་ལ་དྲི་མ་ཡོད་པ་དེ། མ་ལི་ནཿ། མ་ལཱི་མ་སཿ། ཏུནྡ། ཨུ་ད་ར་དག་ལས་ཨི་ལ་འདོད་དེ། ཏུནྡི་ལ། ཨུ་ད་རི་ལཿ། སིངྒ་ལས་ཨ་ཡིག་གི་རྐྱེན་དང་ཡའི་རྐྱེནའང་འདོད་དོ། །སངྒིཿ། སངྒྱིཿ། གང་ལ་མཚན་ཉིད་ཡོད་པ་དེ། ལཀྵ་ཎྱཿ། ཡོན་
ཏན་གང་ལ་ཡོད་པ་དེ། གུཎྱ། ཁ་བ་གང་ལ་ཡོད་པ་དེ། ཧི་མྱཿ། བཤད་པའི་ཡུལ་ལ་ཇི་ལྟར་ཐོབ་པར་ཡང་མནྟུ་སོགས་རྣམས་འདོད་དེ། སུ་ཁ་སོགས་རྣམས་ལས་ནི་ཨིན་ཁོ་ན་བལྟ་བར་བྱ་བའི་རྐྱེན་གཞན་མ་ཡིན་ནོ། །སུ་ཁཱི། དུཿཁཱི། སུ་ཁ། ཀྲིཙྪ། ཨཱ་མ། ཨལྟི་ཀ །

པྲཏཱི་པ། ཀ་རུ་ཎ། ཀྲི་པ་ཎ་ཞེས་སུ་ཁ་སོགས་རྣམས་སོ། །ཧསྟ། དནྟ། ཀ་ར་རྣམས་ལས་རིགས་ཀྱི་དོན་ལའོ། །ཧསྟཱི། དནྟཱི། ཀ་རཱི། རིགས་ལ་ཞེས་པ་ཅི་ཞེ་ན། ཧསྟ་ཝཱན། དནྟ་ཝཱན། ཀ་ར་ཝཱན། པདྨ་དང་ཀ་མ་ལ་དང་ན་ལ་དང་པུཥྐར་རྣམས་ལས་ཡུལ་གྱི་ཁྱད་པར་
གྱི་ཁྱད་པར་བརྗོད་པ་ལའོ། །པདྨི་ནའི། ཀ་མ་ལི་ནཱི། །ན་ལི་ནཱི། པུཥྐ་རི་ཎཱི། སློང་བ་བརྗོད་པའི་ཨརྠའི་སྒྲ་ལས་སོ། །ཨརྠི་སློང་བ་བརྗོད་ཅེས་པའི་དོན་ཏོ། །སློང་བ་བརྗོད་པ་ཞེས་པ་ཅི་ཞེ་ན། ཨརྠ་ཝཱན། ནོར་ལྡན་ཞེས་པའི་དོན་ཏོ། །རྫོགས་པའི་རྐྱེན་གྱི་མཐའ་ལས་ན་ཚོད་ལ་འཇུག་བཞིན་
པ་ལའོ། །གང་ལ་ཟླ་བ་ལྔ་ཡོད་པ་དེ། པཉྩ་མཱི་བཱ་ལ། ད་ཤ་མཱི། །མཐོན་པོ་ཉིད་ཀྱི་ཁྱད་པར་ལ་འཇུག་པའི་དནྟའི་སྒྲ་དག་ལས་ཨུ་རའི་རྐྱེན་འདོད་ཏེ། གང་ལ་སོ་ཏོ་བ་ཡོད་པ་དེ། དནྟུ་རཿ། ཝཱ་ཙ་ལས་མཆོད་པ་ལ་སྨིན་འདོད་དེ། གང་གི་དག་མཆོད་པར་འོས་པ་དེ། ཝཱགྨཱི། ཝ་ཙ་ལས་
སྨད་པ་ལ་འཇུག་བཞིན་པའི་མང་པོ་བཤད་པའི་དོན་ལ་ཨཱལ་དང་ཨ་ཊ་ཞེས་པ་འདི་དག་འདོད་དེ། གང་མང་པོ་བཤད་པ་སྨད་པ་དེ། ཝཱ་ཙཱ་ལཿ། ཝ་ཙཱ་ཊཿ། འདི་ལྟར་སོགས་གཞན་རྣམས་ཀྱང་རྐྱེན་ཇི་ལྟར་བསྟན་པའི་རྗེས་སུ་འབྲངས་ནས་རྟོགས་པར་བྱའོ། །གྲངས་ལས་རྫོགས་པ་ལ་
ཌ་མ་དག་གོ། །གྲངས་ལས་རྫོགས་པའི་དོན་ལ་ཌ་དང་མ་དག་འགྱུར་རོ། །གཅིག་དང་བཅུ་རྣམས་ཀྱི་རྫོགས་པ་ནི། ཨེ་ཀཱ་ད་ཤཿ། གྲངས་གང་གི་རྫོགས་པ་དེ། ཨེ་ཀཱ་ད་ཤཿ། ཞེས་པས་རྗོད་པར་བྱའོ། །དེ་བཞིན་དུ། དྭཱ་ད་ཤཿ། ལྔ་རྣམས་ཀྱི་རྫོགས་པ་ནི། པཉྩ་མཿ། སཔྟམཿ།
ད་ཤ་མཿ། ན་མཐའ་ཅན་གྱི་གྲངས་ལས་གྲངས་དང་པོ་མིན་པ་ལས་མའི་རྐྱེན་བཤད་པར་བྱའོ། །ལྷག་མ་རྣམས་ལ་ནི་ཌའོ། །དྭི་ལས་ཏཱི་ཡའོ། །དྭིའི་སྒྲ་ལས་རྫོགས་པའི་དོན་ལ་ཏཱི་ཡའི་རྐྱེན་དུ་འགྱུར་རོ། །གཉིས་དག་གིས་རྫོགས་པ་ནི། དྭི་ཏྭི་ཡཿ། ཏྲིའི་ཏྲི།། འང་ངོ་། །ཏྲིའི་སྒྲ་ལས་རྫོགས་པའི་དོན་ལ་ཏཱི་
ཡའི་རྐྱེན་དུ་འགྱུར་ཏེ། ཏྲིའི་འང་ཏྲྀ་ཞེས་པ་འདི་བསྒྱུར་རོ། །གསུམ་རྣམས་ཀྱིས་རྫོགས་པ་ནི། ཏྲྀ་ཏཱི་ཡཿ། ར་ཥ་དག་གི་མཐའ་ཌ་ལ་ཐའོ། །གྲངས་ལས་ཞེས་པ་ཁོ་ནའོ། །གྲངས་རེ་པའི་མཐའ་ཅན་དང་། ཥ་ཡིག་གི་མཐའ་ཅན་ལས་ཌའི་རྐྱེན་ཕ་རོལ་ལ་ཐ་ཡིག་ཨཱ་ག་མར་འགྱུར་རོ། །

མཐའི་སྒྲ་ནི་ཨཱ་ག་མ་ཉིད་གསལ་བར་བྱེད་པའོ་ཞེས་གསུངས་སོ། །བཞི་རྣམས་ཀྱི་རྫོགས་པ་ནི། ཙ་ཏུརྠཿ། ཐ་ཡིག་ཨཱ་ག་མའི་སྒྲུབ་པའི་ནུས་པ་ལས་ཐ་ཡིག་ཨཱ་ག་མ་བྱས་པ་ན་མཐའི་དབྱངས་དང་པོ་དབྱི་བར་འགྱུར་རོ། །ཐ་ཡིག་ཨཱ་ག་མ་ལས་གོང་དུ་མཐའི་དབྱངས་
དང་པོ་དབྱི་བར་མི་འགྱུར་ཏེ། དེ་ལྟར་གྱུར་ན་འབྲས་བུ་དང་བྲལ་བར་གྱུར་པའི་སྦྱོར་བ་བརྩམས་པར་འགྱུར་བའི་ཕྱིར་རོ། །ཀ་ཏི་པ་ཡ་དང་ཀ་ཏི་ལས་སོ། །ཐ་ཞེས་པ་ཁོ་ན་སྟེ་མཐའ་སྨོས་པ་ནི་ལྡོག་གོ། །ཀ་ཏི་པ་ཡ་དང་ཀ་ཏིའི་སྒྲ་ལས་ཀྱང་རྫོགས་པའི་དོན་ལ་ཐའི་རྐྱེན་དུ་འགྱུར་རོ། །ཆུང་ངུ་རྣམས་ཀྱི་
རྫོགས་པ་ནི། ཀ་ཏི་པ་ཡ་ཐཿ། ཀ་ཏི་ཐཿ། བིཾ་ཤ་ཏི་སོགས་ལས་ཏ་མ་ཊའོ། །བིཾ་ཤ་ཏི་སོགས་ཀྱི་གྲངས་ལས་རྫོགས་པའི་དོན་ལ་ཏ་མཊ་འགྱུར་རོ། །ཉི་ཤུས་རྫོགས་པ་ནི། བིཾ་ཤ་ཏི་ཏ་མཿ། བོ་ཤ་ཏི་ཏ་མཱི། ཥཊ་རྗེས་སུ་འབྲེལ་པ་ལས་ཞེས་པས་ཨིའི་རྐྱེན་ནོ། །གཅིག་གིས་ལྷག་
པའི་ཉི་ཤུ་ནི། ཨེ་ཀ་བིཾ་ཤ་ཏི། དེས་རྫོགས་པ་ནི། ཨེ་ཀ་བིཾ་ཤ་ཏི་ཏ་མཿ། སུམ་ཅུས་རྫོགས་པ་ནི། ཏྲིཾ་ཤཏྟ་མཿ། ཙ་ཏྭཱ་རིཾ་ཤཏྟ་མཿ པཉྩ་ཤཏྟ། ཕྱི་མ་ལ་རྟག་ཏུ་སྨོས་པའི་ཕྱིར་འདིར་རྣམ་པར་བརྟག་པས་སོ། །དེས་ན་ཌའི་རྐྱེན་ཡང་འགྱུར་ཏེ། ཉི་ཤུས་རྫོགས་པ་ནི། བིཾ་ཤ།
བིཾ་ཤ་ཏིའི་འང་ངོ་ཞེས་པས་ཏིའི་སྒྲ་དབྱིའོ། །དེ་བཞིན་ཁོ་ནར། བིཾ་ཤཿ། བིཾ་ཤ་ཏི་དང་ཏྲིཾ་ཤ་ཏ་དང་ཙ་ཏྭཱ་རིཾ་ཤཏ་དང་པཉྩ་ཤཏ་དང་ཥཥྛི་དང་སཔྟ་ཏི་དང་ཨཱ་ཤཱི་ཏི་དང་ན་བ་ཏི་ཞེས་པ་ནི་བིཾ་ཤ་ཏི་སོགས་རྣམས་སོ། །ཤ་ཏ་སོགས་ལས་རྟག་ཏུའོ། །ཤ་ཏ་སོགས་ཀྱི་གྲངས་ལས་རྫོགས་པའི་དོན་ལ་རྟག་
ཏུ་ཏ་མཊ་འགྱུར་རོ། །བརྒྱས་རྫོགས་པ་ནི། ཤ་ཏ་ཏ་མཿ། ས་ཧ་སྲ་ཏ་མཿ། ཀོཊི་ཏ་མཿའོ། །མདོ་ཕྱི་མས་ཤ་ཏ་སོགས་ལས་ཏ་མ་ཊ་གྲུབ་པའོ་ཞེས་པས་སྦྱོར་བ་སྨོས་པ་དོན་མེད་དོ་ཞེ་ན། དེའི་ཕ་རོལ་མ་ཡིན་པ་ལ་ཞེས་པའི་དགག་པ་འདི་འདིར་རྗེས་སུ་འབྲེལ་ལོ། །དེས་ན་གང་གི་ཚེ་ཤ་ཏ་
སོགས་གྲངས་ལས་ཕ་རོལ་ཡིན་པ་དེའི་ཚེ་ཡང་འདིས་རྟག་ཏུ་ཏ་མཊ་འགྱུར་རོ། །ཨེ་ཀ་ཤ་ཏ་ཏ་མཿ། མ་སཱ་དང་ཨརྡྷ་མཱ་ས་དང་། སཾ་པརྶ་ར་ལས་ཏ་མཊ་འགྱུར་རོ། །ཟླ་བའི་རྫོགས་པ། མ་ས་ཏ་མོ་དི་ཝ་སཿ། ཨརྡྷ་མ་ས་ཏ་མཿ། ཥཥྛི་སོགས་དེའི་ཕ་རོལ་མ་ཡིན་པ་ལས་སོ། །གྲངས་

སྒྲ་གང་གིས་དང་པོ་ཥཥྛའི་སྒྲ་ཡིན་པ་དེ་ནི་ཥཥྛི་སོགས་སོ། །དེའི་ཕ་རོལ་ནི་དེའི་ཕ་རོལ་ལོ། །དེའི་ཕ་རོལ་མ་ཡིན་པ་ནི་དེའི་ཕ་རོལ་མ་ཡིན་པའོ། །ཥཥྛི་སོགས་ཀྱང་འདི་ཡིན་ལ་དེའི་ཕ་རོལ་མ་ཡིན་པ་ཡང་ཡིན་པ་ནི་ཥཥྛི་སོགས་དེའི་ཕ་རོལ་མ་ཡིན་པའོ། །ཥཥྛི་སོགས་ཀྱི་གྲངས་ཀྱི་སྒྲ་ལས་དེའི་ཕ་རོལ་
མ་ཡིན་པ་དེ་གང་གི་ཚེ་གྲངས་དེའི་ཕ་རོལ་མ་ཡིན་པར་གྱུར་པ་དེའི་ཚེ་རྫོགས་པའི་དོན་ལ་རྟག་ཏུ་ཏ་མཊ་འགྱུར་རོ། །བིཾ་ཤ་ཏི་སོགས་ལས་ཏ་མཊའོ་ཞེས་པས་རྣམ་པར་བརྟག་པ་ཐོབ་པ་ལའོ། །དྲུག་ཅུས་རྫོགས་པ་ནི་ཥཥྛི་ཏ་མཿ། སཔྟ་ཏི་ཏ་མཿ། ཨ་ཤཱི་ཏི་ཏ་མཿ། ན་ཝ་ཏི་ཏ་མཿ། དེའི་ཕ་རོལ་མ་ཡིན་
པ་ལ་ཞེས་པ་ཅི་ཞེ་ན། ཨེ་ཀ་ཥཥྛི་ཏ་མཿ། ཨེ་ཀ་ཥཥྛཿ། ཕྱོགས་གཅིག་ལ་བིཾ་ཤ་ཏི་སོགས་ལས་ཏ་མཊའོ་ཞེས་པས་ཏ་མཊའོ། །ཕྱོགས་གཅིག་ལ་གྲངས་ལས་རྫོགས་པ་ལ་ཞེས་པས་ཌའོ། །འདི་ལས་ཕྱི་མར་འཆད་པ་གང་། །རྣམ་དབྱེའི་མིང་དུ་ཤེས་བྱ་སྟེ། །དྭི་སོགས་མིན་པའི་
སརྦིའི་མིང་། །ཀིམ་པ་ཧུ་ལས་ཕ་རོལ་བཤད། །རྐྱེན་གང་རྣམས་ཀྱི་མིང་རྣམ་དབྱེ། །ཞེས་པ་ཡིན་པ་དེ་རྣམས་ནི་རྣམ་དབྱེའི་མིང་ངོ་། །དབྱངས་ཐུང་ངུའོ་ཞེས་པས་ཐུང་ངུའོ། །གང་གི་ཚོགས་ཀྱི་དང་པོ་དྭིའི་སྒྲ་ཡིན་པ་དེ་དྭི་སོགས་རྣམས་སོ། །དྭི་ལ་སོགས་པ་མ་ཡིན་པ་ནི་དྭི་སོགས་མིན་
པའོ། །ཀིམ་པ་ཧུ་ཞེས་པ་ཀུན་སྡུད་པའི་ཟླས་དབྱེ་བའོ། །འདི་ལས་ཏེ་མདོ་འདི་ལས་ཕྱི་མར་བར་མ་ཆད་དུ་ཏས་ལ་སོགས་པ་གང་ཡིན་པའི་རྐྱེན་འཆད་པར་འགྱུར་བ་དེ