Luận tạng Tây Tạng (Tengyur) — Tập 195

་རྣམས་རྣམ་དབྱེའི་མིང་ཅན་དུ་ཤེས་པར་བྱ་ཞིང་རྟོགས་པར་བྱ་སྟེ་དེའང་དྭི་སོགས་མིན་པ་སྟེ་དྭི་སོགས་སྤངས་པ་ཉིད་ལས་སོ། །
ཐམས་ཅད་པའི་མིང་ཅན་དང་ཀིམ་དང་བ་ཧུ་ལས་ཀྱང་ཕ་རོལ་དུ་འགྱུར་རོ། །དྭི་སོགས་མ་ཡིན་པ་ཞེས་པས་དགག་པ་ཐོབ་པ་ལའོ། །ཀི་མའི་སྒྲ་ཐམས་ཅད་པའི་མིང་ཅན་ལས་གཞན་དུ་ཡང་ཉེ་བར་བླང་ངོ་། །རྣམ་དབྱེའི་མིང་གིས་གང་དུ་དགོས་ཤེ་ན། ཏྱད་སོགས་རྣམས་ཀྱི་རྣམ་དབྱེ་ལ་ཨའོ་ཞེས་
པ་ལ་སོགས་རྣམས་སུའོ། །དེ་ལས། ཏ་ཏཿ། དེ་ལ། ཏ་ཏྲ། རྣམ་དབྱེའི་མིང་ཡོད་པ་ན་ཏད་སོགས་ཀྱི་ཨ་ཉིད་དོ། །ཀིམ་དང་བ་ཧུ་ལས། ཅི་ལས། ཀུ་ཏཿ། ཅི་ལ། ཀུ་ཏྲ། མང་པོ་རྣམས་ལས། བ་ཧུ་ཏྲ། དྭི་སོགས་མིན་པའི་ཞེས་པ་ཅི་ཞེ་ན།

དྭཱ་བྷྱམ྄། དྭ་ཡོཿ། ཏས་དང་ཏྲ་ཞེས་པ་འདི་དག་མི་འགྱུར་རོ། །ཐམས་ཅད་པའི་མིང་ཅན་ཞེས་པ་ཅི་ཞེ་ན། བྲྀ་ཀྵ་ཏ། བྲྀ་ཀྵེ། ཐམས་ཅད་པའི་མིང་ཅན་གྱི་བྱ་བ་ཁོ་ན་བྱས་པའི་ཏས་སོགས་རྣམས་ཀྱི་རྣམ་དབྱེའི་མིང་ཅན་དུ་བཤད་པར་བྱ་བའི་བྱ་བ་བཞིན་མ་ཡིན་ནོ། །དེས་
ན། ཏ་དཱ་ཏ། ཀ་དཱ། ཞེས་པ་འདིར་ཀ་ཡིག་རིང་པོའོ་ཞེས་པས་རིང་པོར་མི་འགྱུར་རོ། །དྭི་ཡུཥྨཏ། ཨསྨཏ། བྷ་ཝནྟ། ཀིམ་ཞེས་པ་དྭི་སོགས་སོ། །དེ་ལ་ཨི་དམའི་ཨིའོ། །དེ་ལ་ཨི་དམའི་སྒྲ་ནི་དེ་ལས་ཏེ་རྣམ་དབྱེའི་མིང་ཅན་དེ་རྣམས་ཕ་རོལ་ལ་ཨི་ཡིག་ཏུ་བསྒྱུར་བར་འགྱུར་རོ། །
ཁ་ཅིག་ཏུ་སྔ་མ་དང་ཕྱི་མ་དག་ཅེས་པས་ཐམས་ཅད་ཀྱིའོ། །འདི་ལས། ཨི་ཏཿ། ཨི་ཧ། ཨི་དམ་ལས་ཧའོ་ཞེས་པས་ཧའི་རྐྱེན་ནོ། །ར་ཐ་དག་ལས་ཨེཏ་དང་ཨིཏའོ། །ཨི་དམའི་སྒྲ་ནི་རེ་ཕ་དང་པོ་དང་ཐ་ཡིག་དང་པོའི་རྐྱེན་ཕ་རོལ་ལ་གྲངས་ཇི་ལྟ་བ་བཞིན་དུ། ཨེཏ་དང་ཨིཏ་ཅེས་པ་འདི་
དག་ཏུ་བསྒྱུར་བར་འགྱུར་རོ། །དུས་འདི་ལ། ཨེཏ་རྷི་ཨི་དམ་ལས་རྷི་དང་ཨ་དྷུ་ནཱ་དཱ་ནཱི་མའོ་ཞེས་པས་རྷིའི་རྐྱེན་ནོ། །རྣམ་པ་འདིས། ཨིཏྠཾ། ཨི་དམ་ཀིམ་དག་ལས་ཐ་མུ་ཞེས་པས་ཐ་མུའོ། །དེ་རྣམས་ལས་ཨེ་ཏད་ཨ་ཡིག་ཉིད་དོ། །ཨེ་ཏ་དའི་སྒྲ་ནི་རྣམ་དབྱེའི་མིང་ཅན་དེ་རྣམས་ཕ་
རོལ་ལ་ཨ་ཡིག་ཏུ་འཐོབ་བོ། །དེ་ལས། ཨ་ཏཿ། དེ་ལ། ཨ་ཏྲ། ལྔ་པ་ལས་ཏསའོ། །དྭི་སོགས་མིན་པའི་སརྦིའི་མིང་། །ཀིམ་བ་ཧུ་ལས་ཞེས་པ་རྗེས་སུ་འཇུག་སྟེ་ཕྱི་མར་འང་ངོ་། །ཀིམ་དང་བ་ཧུ་དང་ཐམས་ཅད་པའི་མིང་ཅན་སྟེ་འདི་རྣམས་ལས་ལྔ་པའི་མཐའ་རྣམས་ལས་ཏསའི་རྐྱེན་དུ་
འགྱུར་ཏེ། དྭི་སོགས་དོར་བ་ཉིད་ནའོ། །ཐམས་ཅད་ལས། སརྦ་ཏཿ། གང་ལས། ཡ་ཏཿ། འདི་ལས། ཨ་མུ་ཏཿ། ཅི་ལས། ཀུ་ཏཿ། མང་པོ་རྣམས་ལས། བ་ཧུ་ཏཿ། དྭི་སོགས་མིན་པ་ཅི་ཞེ་ན། དྭཱ་བྷྱཱམ྄ བྷ་ཝ་ཏཿ། ཡུཥྨཏ་ཨསྨཏ་དག་ལ་ནི་ཏས་བཤད་པར་བྱའོ། །ཁྱོད་ལས།
ཏྭཏྟ། བདག་ལས། མཏྟཿ། ཁྱོད་ལས། ཡུཥྨཏྟཿ། བདག་ལས། ཨསྨཏྟཿ། ཐམས་ཅད་པའི་མིང་ཅན་མ་ཡིན་པ་ལས་ཀྱང་། ལྔ་པའི་མཐའ་ལས་ཏས་འདོད་དེ། ཨོཾ་ཧཱག་དང་རུ་ཧི་ཞེས་པ་འདི་དག་གི་སྦྱོར་བ་སྤངས་པ་ཉིད་ནའོ། །གྲོང་ལས། གྲཱ་མ་ཏཿ། དྷརྨ་ཏཿ། ནྱཱ་ཡ་ཏཿ།

འདིར་ནི་མི་འགྱུར་ཏེ། སཱརྠཱརྡྷཱི་ཡ་ཏེ། ན་པཱ་ད་ཝ་རོ་ཧ་ཏི། ཨཱ་དི་སོགས་རྣམས་ལས་བདུན་པའི་མཐའ་ལས་ཏས་བཤད་པར་བྱའོ། །དང་པོ་ལ། ཨཱ་དི་ཏཿ། དེ་བཞིན་དུ། མ་དྷྱ་ཏཿ། པཱརྴྭ་ཏཿ། ཡ་སྨཱ་ཏ། ལས་བདུན་པའི་མཐའ་ལས་ཏས་བལྟ་ཞིང་བཤད་པར་བྱའོ། །ཨཱ་དི་སོགས་
ལས་ཤསའོ། །པ་རི་ཨ་བྷི་དག་ལས་གྲངས་ཇི་ལྟ་བར་ཐམས་ཅད་ལས་ཐམས་ཅད་དང་གཉིས་ཀའི་དོན་ལའོ། །ཐམས་ཅད་ལས། པ་རི་ཏཿ། ཐམས་ཅད་ལས་ཞེས་པའི་དོན་ཏོ། །གཉི་ག་ལས། ཨ་བྷི་ཏཿ། གཉིས་ཀ་ལས་ཞེས་པའི་དོན་ཏོ། །བདུན་པ་ལ་ཏྲའོ། །ཀིམ་དང་
བ་ཧུ་དང་ཐམས་ཅད་པའི་མིང་ཅན་ཏེ་འདི་རྣམས་ལས་བདུན་པའི་མཐའ་ལས་ཏྲའི་རྐྱེན་འགྱུར་ཏེ། དྭི་སོགས་དོར་བ་ཉིད་ནའོ། །ཐམས་ཅད་ལ། སརྦ་ཏྲ། གང་ལ། ཡ་ཏྲ། འདི་ལ། ཨ་མུ་ཏྲ། ཅི་ལ། ཀུ་ཏྲ། མང་པོ་ལ། བ་ཧུ་ཏྲ། ཐམས་ཅད་པའི་མིང་ཅན་ལ་ཞེས་པ་ཅི་ཞེ་ན།
བྲྀ་ཀྵེ། དྭི་སོགས་མིན་པ་ཞེས་པ་ཅི་ཞེ་ན། དྭ་ཡོཿ། ཏྭ་ཡི། མ་ཡི། བྷ་ཝ་ཏི། ཨི་དམ་ལ་ཧའོ། །ཨི་དམ་ལས་བདུན་པའི་མཐའ་ལས་ཧའི་རྐྱེན་དུ་འགྱུར་རོ། །འདི་ལ། ཨི་ཧ། ཀིམ་ལས་སོ། །ཀིམ་ལས་བདུན་པའི་མཐའ་ལས་ཧའི་རྐྱེན་དུ་འགྱུར་རོ། །ཅི་ལ། ཀུ་ཧ། འདིར་
སྡེབ་སྦྱོར་ཁོ་ནའི་སྦྱོར་བ་ལའོ་ཞེས་སྨྲའོ། །ཨཏ་དང་ཀྭའང་ངོ་། །ཀིམ་ཞེས་པ་ཁོ་ནའོ། །ཀིམ་ལས་བདུན་པའི་མཐའ་ལས་ཨ་ཏའི་རྐྱེན་དུ་འགྱུར་ཏེ། །ཀིམའི་འང་ཀྭཏ་ཅེས་པ་འདིར་བསྒྱུར་རོ། །ཏ་ཡིག་ནི་རྣམ་པ་སྣ་ཚོགས་པའི་དོན་ཏོ། །ཡུལ་ཅི་ལ། ཀྭ། ཏ་ཧ་དག་ལས་ཀུའོ། །
ཀིམའི་ཏ་ཡིག་དང་ཧ་ཡིག་གི་རྐྱེན་ཕ་རོལ་ལ་ཀུ་རུ་བསྒྱུར་བར་འགྱུར་རོ། །ཀུ་ཏཿ། ཀུ་ཧ། ཀིམ། སརྦ། ཡད། ཨེ་ཀ །ཨནྱ་རྣམས་ཉིད་ལས་དུས་ལ་དཱའོ། །ཀིམ་དང་སརྦ་དང་ཡང་དང་ཨེ་ཀ་དང་ཨནྱ་ཞེས་པ་འདི་རྣམས་ལས་བདུན་པའི་མཐའ་ལས་དུས་ཀྱི་ཡུལ་ལ་དཱའི་རྐྱེན་དུ་
འགྱུར་རོ། །ཅིའི་དུས་ལ། ཀ་དཱ། དེ་བཞིན་དུ། སརྦ་དཱ། ཨེ་ཀ་དཱ། ཨནྱ་དཱ། དུས་ལ་ཞེས་པ་ཅི་ཞེ་ན། ཡུལ་ཐམས་ཅད་ལ། སརྦ་ཏྲ་ཉིད་བྱས་པ་ནི་རྣམ་པ་སྣ་ཚོགས་པའི་དོན་ཏོ། །སརྦའི་སྒྲའི་དཱའི་རྐྱེན་ཕ་རོལ་ལ་ས་ཡིག་ཏུ་བསྒྱུར་བར་ཡང་ན་བཤད་པར་བྱ་སྟེ། ས་དཱ།

སརྦ་དཱ། ཨི་དམ་ལས་རྷི་ཨ་དྷུ་ནཱ་དཱ་ནཱི་མའོ། །ཨི་དམ་ལས་བདུན་པའི་མཐའ་ལས་དུས་ཀྱི་ཡུལ་ལ་རྷི་དང་། ཨ་དྷུ་ནཱ་དང་དཱ་ནཱི་མ་སྟེ་རྐྱེན་འདི་རྣམས་འགྱུར་རོ། །དུས་འདི་ལ། ཨེ་ཏ་རྷི། དེ་བཞིན་དུ། ཨ་ཨི་ད་ནི་མ། ཨ་དྷུ་ནཱ་ཞེས་པ་འདིར་དེ་ལ་ཨི་དམའི་ཨིའི་ཞེས་
པས་ཨི་ཉིད་དོ། །ཨིའི་ཡི་གེ་དང་ཨའི་ཡི་གེ་དག་དབྱིའོ། །དུས་ལ་ཞེས་པ་ཅི་ཞེ་ན། ཡུལ་འདི་ལ། ཨི་ཧ། ཏད་ལས་དཱ། དཱ་ནི་མ་དག་བཤད་དོ། །ཏད་ལས་བདུན་པའི་མཐའ་ལས་དུས་ཀྱི་ཡུལ་ལ་དཱ་དང་དཱ་ནིམ་ཞེས་པའི་རྐྱེན་འདི་དག་འགྱུར་རོ། །དུས་དེ་ལ་ཏ་དཱ། ཏ་དཱ་ནིམ། །
དུས་ལ་ཞེས་པ་ཅི་ཞེ་ན། ཡུལ་དེ་ལ། ཏད། ཐམས་ཅད་པའི་མིང་ཅན་ལས་ཇི་ལྟར་བསྟན་པར་རྷིའི་རྐྱེན་ཡང་བཤད་པར་བྱའོ། །དུས་ཅི་ལ། ཀ་རྷི། ཏ་རྷི། ཕྱོགས་གཅིག་ལ། ཀ་དཱ། ཏ་དཱ། སདྱཿ། སོགས་རྣམས་ཚིག་ཕྲད་དོ། །སོགས་འགྱུར་བ་ནི་སོགས་སོ། །གང་
རྣམས་ཀྱི་དང་པོ་སརྻཿ འི་སྒྲ་ཡིན་པ་དེ་རྣམས་ནི་སདྻཿསོགས་སོ། །ཡདྻཿསོགས་ཀྱི་སྒྲ་ཚིག་ཕྲད་དོ། །ལེགས་པ་ཉིད་ཀྱི་བརྗོད་པ། སདྻཿ། ས་མ་ནིའི་སྒྲའི་དྨ་སའི་རྐྱེན་ཚིག་ཕྲད་དེ། ས་ཡིག་ཏུ་བསྒྱུར་བའང་ངོ་། །ཉིན་མོ་ལ་མཚུངས་པ་ཞེས་ཚིག་རྣམ་པར་སྦྱར་རོ། །པུརྦ་དང་། པུརྦ་
ཏ་རའི་སྒྲ་དག་ལས་ཨུ་ཏ་དང་ཨཱ་རི་ཞེས་པ་འདི་དག་ཚིག་ཕྲད་དེ། པ་ར་ཞེས་པ་འདི་བསྒྱུར་བའང་ངོ་། །པུ་རུད། པ་རཱ་རི། སྔ་མ་འདི་ལ་ཞེས་པ་དག་གོ། །པ་རའི་སྒྲ་ལས་ཨརྱ་བི། ཚིག་ཕྲད་དེ། པ་རེ་ཏྱ་བི། ཉི་མ་ཕྱི་མ་ལ་ཞེས་པ་ངག་གོ། །ཨི་དམའི་སྒྲའི་ཏྱའི་ཚིག་ཕྲད་དེ། ཨ་ཡིག་
ཏུ་བསྒྱུར་བའང་ངོ་། །ཨ་ཏྱ། ཉིན་མོ་འདི་ལ་ཞེས་པ་དག་གོ། །པཱུརྦེ་དྷུཿ། ཨ་ནྱ་ཏ་རེ་དྷུཿ། ཨུ་བྷ་ཡེ་དྷུཿ། ཨུཏྟ་རེ་དྷུཿ། ཉི་མ་སྔ་མ་ལ་ཞེས་སོགས་ཀྱི་ངག་བྱའོ། །ཨེ་ཏྱུས་ཚིག་ཕྲད་དོ། །པུ་རསྟཱཏ་སོགས་རྣམས་ཀྱང་ངོ་། །པཱུ་ར་སྟཏ་ཀྱི་སྒྲ་སོགས་ངག་ཡིན་པ་དེ་རྣམས་ཀྱང་ཚིག་ཕྲད་དོ། །པཱུ་རཱ་
དང་ཨ་དྷ་ར་དང་ཨ་ཝ་ར་ཞེས་པ་འདི་རྣམས་ཕྱོགས་དང་ཡུལ་དང་དུས་ལ་འཇུག་པར་གྱུར་པ་ལས་བདུན་པ་དང་ལྔ་པ་དང་དང་པོ་རྣམས་ལས་ཨསྟ་ཏའི་རྐྱེན་ཚིག་ཕྲད་དེ། པུ་ར། ཨུ་དྷ། ཨ་བ་ཞེས་པ་འདི་རྣམས་སུའང་བསྒྱུར་རོ། །པུ་རསྟཱཏ། ཨདྷསྟཱཏ། ཨ་དྷ་སྟཏ་ཕྱོགས་སྔ་མ་ལ། ཡུལ་སྔ་མ་ལ།

དུས་སྔ་མ་ལ། ཕྱོགས་སྔ་མ་ལས། ཡུལ་སྔ་མ་ལས། དུས་སྔ་མ་ལས། ཕྱོགས་སྔ་མ། ཡུལ་སྔ་མ། དུས་སྔ་མ་ཞེས་པ་ལ་སོགས་པ་ཐམས་ཅད་ལ་ཚིག་རྣམ་པར་སྦྱར་རོ། །པཱུརྦ། ཨ་དྷ་ར། ཨ་ཝ་ར་སྟེ་འདི་རྣམས་ལས་ཨ་སའི་རྐྱེན་ཚིག་ཕྲད་དེ། སུ་རཿ། ཨ་དྷཿ། ཨ་ཝཿ།
གཞན་ཐམས་ཅད་སྔ་མ་བཞིན་ནོ། །ཨ་དྷའི་སྒྲའི་རི་དང་རིཥྚཱ་འདི་དག་ཚིག་ཕྲད་དེ། ཨུ་པ་ཞེས་པརའང་བསྒྱུར་རོ། །ཨུ་པ་རི། ཨུ་པ་རིཥྚཱཏ་སྟེང་གི་ཕྱོགས་ལ་ཞེས་ཚིག་རྣམ་པར་སྦྱར་རོ། །ཨུཏྟ་ར་དང་ཨ་དྷ་ར་དང་དཀྵི་ཎ་རྣམས་ལས་ཨེ་ན་ཚིག་ཕྲད་དེ། ཨུཏྟ་རེ་ཎ། ཨ་དྷི་རེ་ཎ། དཀྵི་ཎེ་
ན། བྱང་གི་ཕྱོགས་ལ། ཕྱི་མའི་ཡུལ་ལ། ཕྱི་མའི་དུས་ལ་ཞེས་སོགས་ངག་གོ། །རྣམ་པ་བརྗོད་པ་ལ་ནི་ཐའོ། །ཐམས་ཅད་པའི་མིང་ཅན་ལས་རྣམ་པ་བརྗོད་ཅིང་མངོན་པར་བརྗོད་པ་ལ་ཐའི་རྐྱེན་དུ་འགྱུར་རོ། །ཐམས་ཅད་ཀྱི་རྣམ་པས། སརྦ་ཐཱ། ཏ་ཐཱ། ཡ་ཐཱ། གྲངས་ལས་
དྷའི་རྐྱེན་བཤད་པར་བྱའོ། །གཅིག་གི་རྣམ་པས། ཨེ་ཀ་དྷཱ། དྭི་དྷཱ། ཏྲི་དྷཱ། ཙ་ཏུརྡྷཱ། ཨེ་ཀའི་སྒྲ་ལས་དྷྱ་མུཎ་ཡང་འདོད་དེ། གཅིག་གི་རྣམ་པས། ཨཻ་ཀ་དྷྱཾ། དྭི་ཏྲི་དག་ལས་ཨེ་དྷཱ་དྷ་མུཎ་དག་ཀྱང་བཤད་པར་བྱའོ། །གཉིས་དག་གི་རྣམ་པས། དྭེ་དྷཱ། ཏྲེ་དྷཱ། དྭཻ་དྷཱཾ། ཏྲཻདྷཱཾ།
ཨི་དམ་ཀིམ་དག་ལས་ཐ་མུ་བྱའོ། །ཨི་དམ་དང་ཀིམ་ཞེས་པ་འདི་དག་ལས་རྣམ་པ་བརྗོད་པར་གྱུར་པ་ལ་ཐ་མུའི་རྐྱེན་དུ་འགྱུར་རོ། །ཨུ་ཡིག་ནི་བརྗོད་པའི་དོན་ཏོ། །འདིའི་རྣམ་པས་ཨིཏྠཾ། དེ་བཞིན་དུ། ཀ་ཐཾ། གང་ཏས་ལ་སོགས་པ་ནས་ཐ་མུའི་བར་གྱི་རྐྱེན་གྱི་སྒྲ་དེ་རྣམས་ཀྱི་མཐའ་མི་ཟད་པ་
ཞེས་པས་གྲགས་སོ། །ཨཱ་ཁྱཱ་ཏ་ལས་ཀྱང་ཏ་མ་སོགས་རྣམས་སོ། །རྟགས་ལས་ཏ་མ་སོགས་ཀྱི་རྐྱེན་རྣམས་འགྱུར་རོ། །ཨ་ཁྱཱ་ཏ་ལས་ཀྱང་ངོ་། །འདི་རྣམས་ཀྱི་ཕྱུག་པའི་ཤིན་ཏུ་མཆོག་ཏུ་གྱུར་པ་ནི། ཨཱཌྷྱ་ཏ་མཿ། འདི་འདི་དག་གི་ཕྱུག་པའི་ཤིན་ཏུ་མཆོག་ཏུ་གྱུར་པ་ནི། ཨཱ་ཌྷྱ་ཏ་རཿ། འདི་འདི་
རྣམས་ཀྱི་མཁས་པའི་མཆོག་ཏུ་གྱུར་པ་ནི། པ་ཊིཥྛཿའདི་འདི་དག་གི་མཁས་པའི་མཆོག་ཏུ་གྱུར་པ་ནི། པ་ཊཱི་ཡཱན། དེ་བཞིན་དུ། ལགྷིཥྛཿ། མགྷཱི་ཡཱན། ཉི་ཤུ་མཆོག་གི་དོན་ལ།ཏ་མ། ཏ་ར། ཨཥྛ། ཨཱི་ཡནྶ་ཞེས་པ་འདི་རྣམས་བཤད་པར་བྱའོ། །དེ་ལ་མང་པོ་རྣམས་ཀྱི་ནང་ནས་

གཅིག་ཤིན་ཏུ་མཆོག་ཏུ་གྱུར་པ་ལ། ཏ་མ། ཨིཥྛ་ཞེས་པ་འདི་དག་འགྱུར་རོ། །གཉིས་དག་གི་ནང་ནས་གཅིག་མཆོག་ཏུ་གྱུར་པ་ལ་ཏ་ར། ཨི་ཡདྨ་ཞེས་པ་འདི་དག་གོ། །ཨིཥྛ། ཨཱི་ཡནྶ་དག་གི་ཡོན་ཏན་བརྗོད་པ་ཁོ་ན་ལ་བལྟ་བར་བྱ་སྟེ། པྲ་ཤ་སྱ། ཨནྟི་ཀ །ཨལྤ་
ཞེས་པ་འདི་རྣམས་ལས་ཀྱང་ངོ་། །འདི་འདི་རྣམས་ཀྱི་བསྟོད་པའི་མཆོག་ཏུ་གྱུར་པ། ཤྲེཥྛཿ། འདི་འདི་དག་གི་བསྟོད་པའི་མཆོག་ཏུ་གྱུར་པ་ནི། ཤྲེ་ཡཱནས། དེ་བཞིན་དུ། ཛྱེཥྛཿ། ཛྱཱ་ཡཱན། པྲ་ཤྲ་སྱའི་ཤྲ་དང་ཛྱའོ་ཞེས་པས་འཇིག་རྟེན་པའི་ཉེ་བར་སྤྱོད་པ་ལས་པྲ་ཤ་སྱའི་ཤྲ་དང་ཛྱ་ཞེས་
པ་འདི་དག་ཏུ་བསྒྱུར་བར་འགྱུར་རོ། །ཛྱའི་ཨིཥྛ་ཨཱི་ཡནྶ་དག་ཕ་རོལ་ལས་ཨཱི་ཡན་ལ་ཞེས་པས་འཇིག་རྟེན་པའི་ཉེ་བར་སྤྱོད་པ་ལས་ཛྱ་ཡཱན་ཞེས་པ་འདིར་ཨཱི་ཡིག་གི་ཨཱ་ཉིད་དོ། །འདི་འདི་རྣམས་ཀྱི་ཉི་ཤུ་ཉེ་བར་གྱུར་པ། ནེ་དིཥྛཿ། འདི་འདི་དག་གི་ཉི་ཤུ་ཉེ་བར་གྱུར་པ། ནེ་དཱི་ཡཱན། ཨནྟི་ཀ། །བཱ་ཌྷ་
དག་གི་ནེ་ད་སཱ་དྷ་དག་གོ་ཞེས་པས་འཇིག་རྟེན་པའི་ཉེ་བར་སྤྱོད་པ་ལས་ཨནྟི་ཀའི་སྒྲ་ནེད་དུ་བསྒྱུར་རོ། །འདི་འདི་རྣམས་ཀྱི་ཤིན་ཏུ་ཆུང་བ་ནི། ཀ་ནིཥྛཿ། འདི་འདི་དག་གི་ཤིན་ཏུ་ཆུང་བ་ནི། ཀ་ནཱི་ཡཱན། ཡུ་ཝཱ་ཨལྤ་དག་གི་ཀ་ནའོ་ཞེས་པས་འཛིན་པའི་ཉེ་བར་སྤྱོད་པ་ལས་ཨལྤའི་ཀན་དུ་བསྒྱུར་ཏེ།
དེའང་ཡང་ན་བཤད་པར་བྱའོ། །དེས་ན། ཨལྤིཥྛཿ། ཨལྤཱི་ཡཱན། ཨ་ཁྱཱ་ཏ་ལས་ཀྱང་། འདི་འདི་རྣམས་ཀྱི་མཆོད་པའི་མཆོག་ཏུ་གྱུར་པ་ནི། པ་ཙ་ཏི་ཏ་མཿ། འདི་འདི་དག་གི་འཚེད་པའི་མཆོག་ཏུ་གྱུར་པ་ནི། པ་ཙ་ཏི་ཏ་རཿ། ཀིམ་དང་ཨེ་ཡིག་མཐའི་སྒྲ་དང་མི་ཟད་པ་དང་ཨ་ཁྱཱ་ཏ་ལས་ཀྱང་
ཤིན་དུ་བའི་དོན་ལ། ཏ་མཱཾ། ཏ་རཾ་ཞེས་པ་འདི་དག་ཀྱང་འགྱུར་རོ། །འདི་འདི་རྣམས་ཀྱི་གང་ཤིན་ཏུ་མཆོག་ཡིན་པ། ཀིནྟ་མཱཾ། འདི་གཉིས་དག་གི་གཅིག་ཤིན་ཏུ་མཆོག་ཡིན་པ། ཀིནྟ་རཾ། འདི་འདི་རྣམས་ཀྱི་ཉིན་མོ་ཤིན་ཏུ་སྔ་མར་གྱུར་པ་ནི། པཱུརྦཱ་ཧྞེ་ཏ་མཾ། འདི་འདི་རྣམས་ཀྱི་མཐོ་
བའི་མཆོག་ཏུ་གྱུར་པ་ནི། ཨུཙྩཻ་ཏ་མཱཾ། ཨུཙྩཻ་ཏ་རཱཾ། པ་ཙ་ཏི་ཏ་མཱཾ། པ་ཙ་ཏི་ཏ་རཱཾ། རྟགས་ལས་ཅུང་ཟད་མ་རྫོགས་པར་ཡོད་པ་ལ་ཀལྤ་དང་དེ་ཤྱ་དང་དེ་ཤྭི་ཡ་ཞེས་པ་འདི་རྣམས་འདོད་དོ། །མཁས་པ་ཅུང་ཟད་མ་རྫོགས་པ་ནི། པ་ཊུ་ཀལྤཿ། པ་ཊུ་དེ་ཤྱཿ། པྲ་ཊུ་དེ་ཤི་ཡཿ། སྡོད་པའི་

དོན་ལ་བསྡུ་བ་འདོད་དོ། །སྡོད་པའི་སྐྱེས་བུ་ནི། པུ་རུ་ཤ་རཱུ་པཿ། འབྱུང་བ་སྔོན་མའི་དོན་ལ་ཙར་འདོད་དེ། ཕྱུག་པོ་འབྱུང་བ་སྔོན་མ་ནི། ཨཱཌྷྱ་ཙ་རཿ། ལྷན་ཅིག་མ་ཡིན་པར་བརྗོད་པའི་དོན་ལ་ཨེ་ཀའི་སྒྲ་ལས་ཀ་དང་ཨ་ཀིན་ཞེས་པ་འདི་དག་འདོད་དེ། ཨེ་ཀ་ཀཿ། ཨེ་ཀཱ་ཀཱི་ཀཿ། འདིར་དེའི་
བརྗོད་པ་ཞེས་པའི་དོན་ལ་ཙུཉྩུ་དང་ཙ་ན་དག་འདོད་དེ། སྐྲ་ལས་བརྗོད་པ་ནི། ཀེ་ས་ཙུཉྩུཿ། ཀེ་ས་ཙ་ཎཿ། སྨད་པ་ལ་པ་ཤའི་རྐྱེན་འདོད་དེ། སྐྱེས་བུ་སྨད་པ། པུ་རུ་ཥ་ཤཱ་ཤཿ། ཏ་ར་ཀ་ལ་སོགས་པ་རྣམས་ལས་ཡང་དག་པར་སྐྱེས་པ་ཞེས་པའི་དོན་ལ་འདིར་ཨི་ཏའི་རྐྱེན་འདོད་དེ། སྐར་
མ་ཡང་དག་པར་སྐྱེས་པ་དེ་འདིའི། ཏཱ་ར་ཀི་ཏ་ར་ན་བྷཿ། བདེ་བ་ཡང་དག་པར་སྐྱེས་པ་དེ་འདིའི། སུ་ཁི་ཏཿ། ཏ་ར་ཀ་དང་། སུ་ཁ་དང་། དུཿཁ་དང་། པུ་ཤྱ་དང་། བི་ཙཱ་ར་དང་། ཀུཊྨ་ལ་དང་། སྟ་བ་ཀ་དང་། མུ་ཀུ་ལ་དང་། ཀུ་སུ་ལ་དང་། ལ་ཀི་ས་ལ་ཡ་དང་། ནི་དྲཱ་དང་།
ཏནྟྲ་དང་། བུ་བྷུ་དང་། ཀྵ་དང་། པི་པཱ་ཤཱ་དང་། ཨཾ་ཏྲ་དང་། རོ་ག་དང་། ཨུཏྐཎྛ་དང་། ཤྲདྡྷཱ་དང་། བྷྱ་དྷི་དང་། བྲ་ཎ་དང་། གརྦ་དང་། ཀཎྛ་དང་། བེ་ཀ་སྟེ་འདི་རྣམས་ཏཱ་ར་ཀ་ལ་སོགས་པ་རྣམས་སོ། །ཚད་ཀྱི་དོན་ལ། དགྷྣ་དང་། དྭ་ཡ་ས་དང་། མཱ་ཏྲཊ་ཅེས་པ་འདི་
རྣམས་འདོད་དེ། །ཆུ་འདིའི་རླའི་ཚད་ནི། ཨུ་རུ་དགྷྣཾ། ཨཱུ་རུ་དགྷྣཾ། ཨཱུ་རུ་དྭ་ཡ་སཾ། ཨཱུ་རུ་མཱ་ཏྲ། བུ་རུ་ཥ་དང་ཧ་སྟི་དག་ལས་ཨ་ཎའི་རྐྱེནའང་འདོད་དེ། སྐྱེས་བུ་འདིའི་ཚད་ནི། པཽ་རུ་ཥཾ། དེ་བཞིན་དུ། ཧཱ་སྟི་ནཾ། འང་གི་སྒྲས། པུ་རུ་ཥ་དགྷྣཾ། ཞེས་སོགས་ཀྱང་འགྱུར་རོ། །
ཚད་ཀྱི་དོན་ལ། ཡད་ཏད་ཨེ་ཏད་རྣམས་ལས་ཝནྟུ་འདོད་དེ། ཨ་ཡིག་ཏུའང་བསྒྱུར་རོ། །གང་གི་ཚད། ཡཱ་ཝཱན། ཏཱ་ཝཱན། ཨེ་ཏཱ་ཝཱན། ཨི་དམའི་སྒྲ་ལས་ཨི་ཡན་ཏུ་འདོད་དེ། ཨི་ཡིག་ཏུ་བསྒྱུར་བ་ལང་ངོ་། །འདི་ཡོངས་སུ་གཞལ་བ་ནི། ཨི་ཡཱན། ཨི་ཡིག་ཏུ་བསྒྱུར་བར་བྱས་
པ་ན། ཨིའི་ཡི་གེ་དང་ཨའི་ཡི་གེ་དག་དབྱིའོ། །ཀིམ་སྒྲ་ལས་ཨི་ཡནྟུ་འདོད་དེ། འདི་ཅིའི་ཚད། ཀི་ཡན། ཆ་ཤས་ལ་འཇུག་བཞིན་པའི་གྲངས་ལ་ཏ་ཡ་འདོད་དེ། ལྔའི་ཆ་ཤས་གང་ཡིན་པ་འདིའི། པཉྩ་ཏ་ཡཾ། ཙ་ཏུཥྚ་ཡཾ། དྭི་ཏྲི་དག་ལས་ཨ་ཡ་ཡང་ན་འདོད་དེ། གང་གཉིས་

དག་གི་ཆ་ཤས་འདི་དྭ་ཡཾ། ཏྲ་ཡཾ་ཕྱོགས་གཅིག་ལ་ཏ་ཡའི་རྐྱེན་ཏེ། དྭི་ཏ་ཡཾ། ཏྲི་ཏ་ཡཾ། ཨུ་བྷའི་སྒྲ་ལས་ཨ་ཡའི་རྐྱེན་བཤད་པར་བྱ་སྟེ། གཉིས་ཀ་དག་གི་ཆ་ཤས་གང་ཡིན་པ་དེའི། ཨུ་བྷ་ཡཾ། གྲངས་འདྲི་བའི་དོན་ལ་ཀིམ་ལས་ཨ་ཏི་འདོད་དེ། བྲམ་ཟེ་འདི་
རྣམས་ཀྱི་གྲངས་ཅི་ཡིན། ཀ་ཏི་བྲཧྨ་ཎཿ། མང་བ་དང་ཉུང་བའི་དོན་ལ་ཤས་བཤད་པར་བྱའོ། །མང་པོ་སྟེར་བ་བྱེད་དོ་ནི། བ་ཧུ་ཤོ་ད་དཱ་ཏི། དེ་བཞིན་དུ། བྷུ་རི་ཤོ་ད་དཱ་ཏི། ཨལྤ་ཤོ་ད་དཱ་ཏི། སྟོ་ཀ་ཤོ་ད་དཱ་ཏི། གྲངས་དང་གཅིག་པ་བརྗོད་པའི་མཐའ་ལས་ཐོབ་པར་འདོད་བཞིན་པ་ལའོ། །
གཉིས་གཉིས་སྟེར་བྱེད་དོ། །དྭི་ཤོ་ད་དཱ་ཏི། རྐང་པ་རྐང་པ་སྟེར་བ། པ་དཱ་ཤོ་ད་དཱ་ཏི། མ་བྱུང་བ་དེ་བྱུང་བ་ལ། ཀྲི། བྷུ། ཨ་སྟི་རྣམས་དང་ལྡན་པ་ལས་ཙྭི་འདོད་དོ། །དཀར་པོ་མིན་པ་དཀར་པོར་བྱེད་པ། ཤུ་ཀླཱི་ཀ་རི་ཏི། དེ་བཞིན་དུ། ཤུཀླི་བྷ་བ་ཏི། ཤུཀླཱི་སྱཱ་ཏ། དཱིརྒཱི་བྷ་བ་
ཏི། ཞེས་པའི་ཤེས་པར་བྱེད་པ་ལས་ཨའི་ཡི་གེའི་ཨཱི་ཉིད་དོ། །ཙྭི་དབྱིའོ། །མཐའ་དག་རྟོགས་པར་འགྱུར་བ་ལ་སཱཏྲའི་རྐྱེན་འདོད་དེ། ཞོ་མཐའ་དག་འོ་མ་ལས་འབྱུང་བ་ནི། ད་དྷི་སཱཏ྄། དེའི་དབང་དུ་གྱུར་པའི་དོན་ལའང་ངོ་། །བྲམ་ཟེའི་དབང་དུ་བྱེད་པ་ནི། བི་པྲ་སཱཏ་ཀ་རོ་ཏི། ལན་
གྲངས་ཀྱི་དོན་ལ་ཀྲྀ་ཏྭས་འདོད་དོ། །ལན་ལྔ་སྟེར་བར་བྱེད་པ། པཉྩ་ཀྲྀ་ཏྭོ་ད་དཱ་ཏི། དེ་བཞིན་དུ། རྭི་ཏྲི་ཙ་ཏུར་རྣམས་ལས་སུ་འདོད་དོ། །ཨུ་ཡིག་བརྗོད་པའི་དོན་ཏོ། །ལན་གཉིས་དག་ཟ་བ། དྭིར་བྷུང་ཀྟེ། ཏྲིར་བྷྱུང་ཀྟེ། ཨེ་ཀའི་ས་ཀྲིཏ་འང་ངོ་ཞེས་པས་ཨེ་ཀའི་སྒྲ་ལས་སུའི་རྐྱེན་དུ་འགྱུར་
ཏེ། ས་ཀྲིཏ་ཅེས་པ་འདིར་བསྒྱུར་བའང་ངོ་། །ས་ཀྲྀཏ་བྷུང་ཀྟེ། ཏ་མཱ་མ། ཏ་རཱ་མ། ཏ་ཤ་སི། ཙྭི། ཀྲྀ་ཏྭས། སུ་ཞེས་པ་འདི་རྣམས་ཀྱི་མཐའ་མི་ཟད་པར་རབ་ཏུ་གྲགས་སོ། །འདི་ལྟ་བུ་སོགས་ཏ་མ་སོགས་རྣམས་ཏེ་གཞན་ཡང་མཆོག་གི་སྦྱོར་བའི་རྗེས་སུ་འབྲངས་ནས་རྟོགས་པར་བྱའོ། །བསྡུ་
བའི་མཐར་གྱུར་པ་རཱ་ཛ་སོགས་རྣམས་ཀྱི་ཨཏ་མཐའ་ཉིད་ཡང་ནའོ། །བསྡུ་བའི་མཐའ་ནི་བསྡུ་མཐའོ། །བསྡུ་བའི་མཐར་གྱུར་བ་ནི་བསྡུ་མཐར་གྱུར་པའོ། །ཨཏ་ཀྱང་འདི་ཡིན་ལ་མཐའ་ཡང་ཡིན་པ་ནི་ཨཏ་མཐའ་སྟེ་དེའི་དངོས་པོ་ནི་ཨཏ་མཐའ་ཉིད་དོ། །བསྡུ་བའི་མཐར་གྱུར་པ་རྣམས་ཀྱི་སྟེ་

བསྡུ་བའི་མཐའི་ཡུལ་གྱི་གནས་སུ་རཱ་ཛན་སོགས་རྣམས་ཀྱི་ཨཏ་མཐའ་ཉིད་དེ། ཨ་ཡིག་གི་མཐའ་ཉིད་དུ་འགྱུར་ཏེ། ཨ་ཡིག་གི་རྐྱེན་ཡང་ན་འགྱུར་རོ་ཞེས་པའི་དོན་ཏོ། །མ་ཧཱ་རཱ་ཛཿ། ཚིག་སྡུད་བྱས་པ་ན། ན་ནི་འགའ་ཞིག་ཏུའོ་ཞེས་པས་ན་དབྱིའོ། །མཆོག་ཀྱང་འདི་ཡིན་ལ་ཉི་མ་ཡང་ཡིན་པ་
ནི། པཱ་ར་྅མཱ་ཧཿ། སྐྱེས་པའི་རྟགས་ལ་ཉིད་ལས་བཤད་པར་བྱའོ། །བྲམ་ཟེ་རྣམས་ཀྱི་གྲོགས་པོ་ནི། བི་པྲ་ས་ཁཿ། རཱ་ཛ་ཨ་ཧས་ས་ཁི་རྣམས་ལས་དེའི་སྐྱེས་བུ་ཉིད་ལ་ཨ་ཡིག་བཤད་པར་བྱའོ། །དེས་འདིར་མི་འགྱུར་ཏེ། གང་གི་རྒྱལ་པོ་ཆེན་པོ་ཡིན་པ་དེ། མ་ཧཱ་རཱ་ཛཱ།
གོའི་སྒྲ་ལས་ཀྱང་དེའི་སྐྱེས་བུ་ཉིད་ལའོ། །བ་ལང་ལྔ་རྣམས་ཀྱི་ཚོགས་པ་ནི། པཉྩ་ག་ཝཾ། དེའི་སྐྱེས་བུ་གཉིས་པ་འདིས་འདིར་དེའི་སྐྱེས་བུའི་མིང་ཅན་ནོ། །གྲངས་དང་མི་ཟད་པ་གཉིས་ཀྱི་ཨཾ་གུ་ལིའི་སྒྲའིའོ། །སོར་མོ་གཉིས་དག་གི་ཚད་འདིའི། དྭྱཾ་གུ་ལཾ། སོར་མོ་རྣམས་དང་བྲལ་བ་ནི།
ནི་རཾ་གུ་ལཾ། ཨ་ཧས་དང་སརྦ་དག་ལས་རཱ་ཏྲི་ལས་སོ། །ཉིན་མོ་དང་མཚན་མོ་དང་ནི། ཨ་ཧོ་རཱ་ཏྲཾ། ཨ་ཧནའི་སྒྲའི་ས་ཉིད་དོ། །ཐམས་ཅད་ཀྱང་འདི་ཡིན་ལ་མཚན་མོ་ཡང་ཡིན་པ་ནི། སརྦ་རཱ་ཏྲཿ། ཟླས་དབྱེའི་བསྡུ་བ་ལ་ཙ་སྡེའི་འང་ད་ཡིག་དང་ཧ་ཡིག་མཐའ་རྣམས་ཀྱིའོ། །བྲཀྟྭ་
ཙམ྄། ཤྲཱི་བྲ་ཛམ྄། ཝཱ་གྲཱྀ་ཥ་དཾ། ཝཱ་གྲྀ་ཥ་དཾ། ཝཱ་གྲྀ་པྲུ་ཥཾ། ཙྪ་ཏྲོ་པཱ་ཎ་ཧཾ། འདི་ནི་ཀུན་སྡུད་པ་ཁོ་ནའི་སྒྲུབ་པའོ། །དེས་ན་འདིར་མི་འགྱུར་ཏེ། སློབ་མ་དང་ཨུ་པཱ་ན་དང་ནི། ཙྪ་ཏྲོ་པཱན་ཧཽ། །དྭི་ཏི་དག་ལས་ཨུརྡྷ་སྒྲའི་འབྲུ་མང་པོ་པ་ལའོ། །གང་གི་མགོ་གཉིས་དག་ཡིན་པ་ནི། དྭི་མཱུརྡྷཿ།
དེ་བཞིན་དུ། ཏྲི་མཱུརྡྷ། བུད་མེད་དང་སྐྱེས་པ་ནི། སྟི་པུཾ་སཽ། །འདི་ནི་ཟླས་དབྱེ་ཁོ་ནའི་སྒྲུབ་པའོ། །དེས་ན་འདིར་མི་འགྱུར་ཏེ། བུད་མེད་ཀྱི་སྐྱེས་པ་ནི། སྡི་པུ་མཱན། ངག་དང་ཡིད་ནི། ཝདྨ་ན་སཱི། མིག་དང་སྨིན་མ་དག་ནི། ཨཀྵི་བྷྲུ་ཝཾ། ཨུ་བར་བསྒྱུར་བར་བརྗོད་དོ། །དཱ་ར་སྔ་མ་
ལས་ཀྱང་གོའི་ཨ་ཡིག་ཏུ་བཤད་པར་བྱ་སྟེ། ད་ར་དང་བ་ལང་དག་དཱ་རཱ་ག་ཝཾ། ནཀྟཾ་དང་སྣང་བ། ནཀྟཾ་དིཝཾ། ཉིན་མོ་དང་སྣང་བ་ཨ་ཧ་རྡི་ཝཾ། ཉིན་མོ་དང་ཉིན་མོ་ལ་ཞེས་པའི་དོན་ཏོ། །སྐྱེས་བུའི་ཚེ། པུ་རུ་ཥ་ཡུ་ཥཾ། ཉིན་མོའི་སྔ་ཆ། པཱུརྦཱ་ཧྞཿ། དེ་བཞིན་དུ། མ་དྷྱཧྞཿ། ཨ་

པརཱ་ཧྞཿ། ཝ་མ་བརྩེགས་པ་མ་ཡིན་པ་ལས་ཞེས་པ་ཨ་ཡིག་དབྱིའོ། །མཆན་མོ་དང་ཉིན་མོ་རཱ་ཏྲིནྡི་ཝཾ། ཚིག་སྔ་མར་མ་ཡིག་ཨཱ་ག་མར་བཤད་པར་བྱའོ། །ན་ཉ་དུས་སུ་ཞེས་པ་འདི་རྣམས་ལས་ཕ་རོལ་གྱི་པྲ་ཛཱ་དང་མི་དྷ་སྒྲ་དག་ལས་བསྡུ་བའི་མཐའ་ལ་ཨས་བཤད་
པར་བྱའོ། །གང་གི་སྐྱེ་དགུ་ཡོད་པ་མ་ཡིན་པ་དེ། ཨ་པྲ་ཛ་སཽ། །ཨ་པྲ་ཛ་སཿ། གང་གི་སྐྱེ་དགུ་སྡུག་པ་དེ། དུཥྤ་ཛཿ། གང་གི་སྐྱེ་དགུ་བཟང་པོ་ཡིན་པ་དེ། སུ་པྲ་ཛཱཿ། དེ་བཞིན་དུ། ཨ་མེ་དྷཱཿ། དུརྨེ་དྷཱཿ། སུ་མེ་དྷཱཿ། ཨནྟུ་དང་ཨས་མཐའི་འང་ཞེས་པ་རིང་པོའོ། །འབྲུ་མང་པོ་པའི་
ཡུལ་ཏེ་སྒྲུབ་པ་གཞན་ལ་མ་ཡིན་ནོ། །ཧསྟི་སོགས་བོར་བ་ཉིད་ལས་ཉེ་བར་འཇལ་བ་ལས་ཕ་རོལ་གྱི་པཱ་དའི་སྒྲའི་འབྲུ་མང་པོ་པའི་ཡུལ་ལ་མཐའ་དབྱི་བར་འདོད་དོ། །གང་གི་རྐང་པ་དག་སྟག་གི་འདྲ་བ་དེ། བྱཱ་གྷྲ་པཱ་ད། ཧསྟི་སོགས་བོར་བ་ཉིད་ལས་ཞེས་པ་ཅི་ཞེ་ན། གང་གི་རྐང་པ་དག་གླང་པོའི་འདྲ་
བ་དེ། ཧསྟི་པཱ་དཿ། གྲངས་དང་སུ་སྒྲ་དག་ལས་ཀྱང་ཕ་རོལ་གྱིའོ། །གང་གི་རྐང་པ་དག་གཉིས་པ་དེ། དྭི་པཱ་ད། དེ་བཞིན་དུ། སུ་པཱ་ད། ཉེ་བར་འཇལ་བ་ལས་སུ་དང་། སུ་ར་བྷི་དག་ལས་ཕ་རོལ་གྱི་གནྡྷའི་སྒྲའི་ཨི་ཡིག་ཏུ་བཤད་པར་བྱའོ། །གང་གི་དྲི་ཙནྡན་གྱི་འདྲ་བ་དེ། ཙནྡན་གནྡིཿ།
གང་གི་དྲི་བཟང་པོ་ཡིན་པ་དེ། སུ་གནྡྷིཿ། ན་དི་དང་ད་རི་ཡིག་མཐའ་ལས་ཀའི་རྐྱེན་འདོད་དེ། གང་གི་གཞོན་ནུ་མ་རྣམས་མང་པོ་ཡིན་པ་དེ། བ་ཧུ་ཀུ་མཱ་རཱི་ཀཿ། བ་ཧུ་ཝ་དྷཱུ་ཀཿ། བ་ཧུ་གརྚི་ཀཿ། ན་དཱི་མ་ཡིན་པ་དང་། རྀ་ཡིག་གི་མཐའ་མ་ཡིན་པ་ལས་ཀྱང་རྣམ་པར་བརྟག་པ་སྟེ། གང་གི་ཕྲེང་བ་
མང་པོ་ཡིན་པ་དེ། བ་ཧུ་མཱ་ལཿ། བ་ཧུ་མཱ་ལ་ཀཿ། དེ་བཞིན་དུ་གཞན་ཡང་བསྡུ་བའི་མཐའ་མཚོན་པའི་རྗེས་སུ་འབྲངས་ནས་རྟོགས་པར་བྱའོ། །ཡང་ནའི་སྒྲ་འདིར་རྣམ་པར་གཞག་པ་རྣམ་པར་བཤད་པ་བརྗོད་པའོ། །དེ་ནས་མཆོད་པ་ལ་འཇུག་བཞིན་པའི་སུ་ཨ་ཏི་ཞེས་པ་འདི་དག་གང་གི་ཚེ་
བསྡུ་བའི་སྔ་མར་གྱུར་པ་དེའི་ཚེ་ཁ་ཅིག་ཏུ་བསྡུ་བའི་མཐའ་ལ་མི་འགྱུར་ཏེ། བཟང་པོ་ཡང་འདི་ཡིན་ལ་རྒྱལ་པོ་ཡང་ཡིན་པ་ནི། སུ་རཱ་ཛཱ། ཨ་ཏི་རཱ་ཛཱ། དེ་བཞིན་དུ། སུ་ས་ཁཱ། ཨ་ཏི་ས་ཁཱ། སྨད་པའི་དོན་ལ་གང་ཀིམ་སྔ་མའི་བསྡུ་བ་དེ་ཡང་མི་འགྱུར་ཏེ། རྒྱལ་པོ་ངན་པ་ནི། ཀིཾ་རཱ་

ཛཱ། དེ་བཞིན་དུ། ཀིཾ་ས་ཁཱ། ནཉ་ལས། དེའི་སྐྱེས་བུ་ལ་ཡང་སྟེ། ཨ་རཱ་ཛཱ། ཨ་ས་ཁཱ། གང་ལ་དོན་ཡོད་པ་མ་ཡིན་པ་དེ། ཨ་ནརྠ་ཀཿ། ཡནརྠཿ། ཌ་རྗེས་སུ་འབྲེལ་པ་ལ་མཐའི་དབྱངས་ལ་སོགས་པ་དབྱིའོ། །ཆ་ཤས་གང་གི་མཐའ་དབྱངས་དང་པོ་ཡིན་པ་ཞེས་ཚིག་རྣམ་པར་སྦྱར་རོ། །
ཡང་ན་ཞེས་པ་ལྡོག་གོ། །ཌ་རྗེས་སུ་འབྲེལ་པའི་རྐྱེན་ཕ་རོལ་ལ་མཐའི་དབྱངས་ལ་སོགས་པ་དབྱི་བར་འགྱུར་རོ། །ཨེ་ཀ་ད་ཤཿ། དྭཱ་ད་ཤཿ། གྲངས་ལས་རྫོགས་པ་ཞེས་པས་ཌའོ། །ས་ར་སི་ཛཱ་ཏམ། ས་ར་སི་ཛཾ། བདུན་པ་དང་ལྔ་པ་མཐའ་ལ་ཛ་ནི་ལས་ཌའོ། །བིཾ་ཤ་ཏིའི་ཏིའི་འང་ངོ་། །
བིཾ་ཤ་ཏིའི་སྒྲའི་ཏི་གང་ཡིན་པ་དེའི་ཌ་རྗེས་སུ་འབྲེལ་པ་ཕ་རོལ་ལ་དབྱི་བར་འགྱུར་རོ། །ཉི་ཤུས་རྫོགས་པ་ནི། བིཾ་ཤཿ། ཨིའི་ཡི་གེ་དང་ཨའི་ཡི་གེ་དག་དབྱངས་དང་ཡའི་རྐྱེན་ལའང་དབྱིའོ། །ཨིའི་ཡི་གེ་དང་ཨའི་ཡི་གེ་དག་ནི་དབྱངས་དང་པོ་དང་ཡའི་རྐྱེན་ཕ་རོལ་ལ་དབྱི་བར་འགྱུར་རོ། །ཨ་ཏྲིའི་
བུ་རྒྱུད་ནི། ཨཱ་ཏྲེ་ཡཿ། ནཱ་དེ་ཡཿ། དཀྵིཿ། པཱ་ལ་ཀཿ། བཱ་ལེ་ཡཿ། གརྒྱཿ། ཞོ་ཆས་གཞལ་བ་ནི། ཏུ་ལྱཾ། ཨིའི་ཡི་གེ་དང་ཨའི་ཡི་གེ་དག་ཕན་ཚུན་བཀླགས་པའི་རིམ་པ་ལས་ཡི་གེ་གཞན་ཡང་ཁ་ཅིག་ཏུ་དབྱི་བར་བྱ་སྟེ། པ་ཊིཥྛཿ། པ་ཊཱི་ཡཱན། པིཏྲྀ་ཥྭསྭད་གྱི་བུ་རྒྱུད་ནི།
བཻ་ཏྲཾ་ཤྭ་སེ་ཡཿ། དེ་བཞིན་དུ། མཱ་ཏྲྀ་ཥྭ་སེ་ཡཿ། ཨིཥྛ་དང་ཨཱི་ཡནྶ་དག་ཕ་རོལ་ལ་དབྱངས་གཅིག་པའི་ཨའི་ཡི་གེ་དབྱི་བར་མི་འདོད་དེ། ཤྲེཥྛཿ། ཛྱེཥྛཿ། ཤྲེ་ཡཱན། ན་ནི་འགའ་ཞིག་ཏུའོ། །ན་ཡིག་ནི་དབྱངས་དང་པོ་ཅན་དང་ཡའི་རྐྱེན་ཕ་རོལ་ལ་འགའ་ཞིག་ཏུ་དབྱི་བར་འགྱུར་རོ། །
དེ་ཝ་ཤརྨནའི་བུ་རྒྱུད་ནི། དེ་བ་ཤརྨིཿ། དེ་བཞིན་དུ། ཨཱགྣི་ཤརྨིཿ། བ་ཧུ་སོགས་ལས་ཀྱང་བསྒྲུབ་པར་བྱའོ་ཞེས་པས་ཨིཎའོ། །རྒྱལ་པོའི་དངོས་པོ་ནི། རཱ་ཛྱམ྄། འདིར་ནི་མི་འགྱུར་ཏེ་སཱ་མན་ལེགས་པ་འདི། སཱ་མ་ནྱེཿ། ཨུའི་ཡི་གེ་རྣམས་ནི་ཨོ་ཉིད་དུ་ཐོབ་པར་བྱའོ། །ཨུའི་ཡི་གེ་རྣམས་
ནི་དབྱངས་དང་པོ་ཅན་དང་ཨ་ཡིག་གི་རྐྱེན་ཕ་རོལ་ལ་ཨོ་ཉིད་དུ་འགྱུར་རོ། །ཨཽ་པ་ག་ཝཿ། བུ་མོ་རྣམས་ལ་ཕན་པ་ནི། བ་དྷ་བྱཾ། སྭ་ཡཾ་བྷཱུའི་འང་ཕ་རོལ་ལ་ཨོ་ཉིད་དུ་མི་འདོད་དེ། རང་བྱུང་གི་བུ་རྒྱུད་ནི། སྭཱ་ཡཾ་བྷུ་བཿ། ཨེ་ཡ་ལ་ཀ་དྲུ་མིན་པའི་དབྱི་བར་བྱའོ། །ཨུའི་ཡི་གེ་ནི་ཨེ་ཡཎའི་

རྐྱེན་ཕ་རོལ་ལ་དབྱི་བར་བྱ་སྟེ། ཀ་དྲུ་མིན་པ་སྟེ། ཀ་དྲུའི་སྒྲ་དོར་བ་ཉིད་ནའོ། །མ་ཏྲ་བཱ་ཧུའི་བུ་རྒྱུད་ནི། མཱ་ཏྲ་བཱ་ཧེ་ཡ། ཛམྦུའི་བུ་རྒྱུད་ནི། ཛཱམྦེ་ཡ། ཀ་དྲུ་མིན་པ་ཞེས་པ་ཅི་ཞེ་ན། ཀ་དྲུའི་བུ་རྒྱུད་ནི། ཀཱ་དྲ་བེ་ཡཿ། ཨོ་ཡིག་དང་ཨཽ་ཡིག་དག་གིའང་ཨ་ཝ་ཨཱ་ཝ་
རུ་བསྒྱུར་བ་དག་བྱའོ། །ཨོ་ཡིག་དང་ཨཽ་ཡིག་དག་ནི། ཡ་ཡིག་གི་རྐྱེན་ཕ་རོལ་ལ་གྲངས་ཇི་ལྟ་བར་ཨ་ཝ་ཞེས་པ་འདི་དག་ཏུ་བསྒྱུར་བར་འགྱུར་རོ། །བ་ལང་རྣམས་ལ་ཕན་པ་ནི་ཝྱཾ། གྲུས་བསྒྲལ་བ་ནི། ནཱ་བྱཾ། ཎ་དང་བཅས་པ་ལ་དང་པོར་འཕེལ་བའོ། །གང་ཎ་ཡིག་དང་ལྷན་ཅིག་འཇུག་པའི་
རྐྱེན་དེ་ནི་ཎ་དང་བཅས་པའོ། །ལྷན་ཅིག་གི་སྒྲ་ནི་ལྷན་ཅིག་འབྱུང་བ་ལྟར་ངེས་པར་སྟོན་པ་ལས་སོ། །དབྱངས་ཞེས་པ་འཇུག་སྟེ། དེའང་དོན་གྱི་དབང་ལས་དྲུག་པའི་མཐའ་ཤེས་པར་བྱའོ། །ཎ་ཡིག་དང་བཅས་པའི་རྐྱེན་ཕ་རོལ་ལ་རྟགས་ཀྱི་དབྱངས་དང་པོ་གང་ཡིན་པ་དེ་འཕེལ་བར་འགྱུར་རོ། །
ཆོ་ལོས་རྩེ་བ་ནི། ཨཱ་ཀྵི་ཀཿ། བི་ན་ཏའི་བུ་རྒྱུད་ནི། བཻ་ན་ཏེ་ན། གོ་པུཙྪས་སྒྲོལ་བ་ནི། གཽ་པཱུཙྪི་ཀཿ། ཀྲྀ་པཎའི་དངོས་པོ་ནི། ཀཱརྦ་ཎྱཾ། འོ་ན་ཨཱར་དང་ཕྱི་མ་དག་ཅེས་པ་འདིར་ཨཱར་དང་ཨཻ་ཨཽ་ཞེས་པ་འདི་དག་འཕེལ་བའི་མིང་ཅན་ཡིན་མོད། ཨ་ཡིག་འདི་ཅིའི་ཕྱིར་འཕེལ་བའི་མིང་ཅན་
དུ་འགྱུར་ཞེ་ན། བརྗོད་པར་བྱ་སྟེ། གང་དག་གང་གི་བུ་རྒྱུད་ཅེས་པ་འདིར་ཨ་ཡིག་འཕེལ་བ་ཨ་ཡིག་ཏུ་བྱས་པའི་ཤེས་པར་བྱེད་པ་ལས་སོ། །འགའ་ཞིག་ཏུ་ཚིག་སྔ་མ་དང་ཚིག་ཕྱི་མ་ཅིག་ཅར་འཕེལ་བ་འདོད་དོ། །སུ་ཧྲྀ་དའི་དངོས་པོ་ནི། སཽ་ཧཱརྡཾ། རབ་ཏུ་གྲགས་པ་སྨོས་པ་ནི་ལས་ལ་ཨན་
བྱས་པའོ། །ཧྲྀ་ད་ཡིའི་ཧྲྀ་ད་རུ་བསྒྱུར་རོ། །སྐལ་བཟང་གི་དངོས་པོ་ནི། སཽ་བྷཱ་གྱཾ། དེ་བཞིན་དུ། དཽརྦྷཱཾ་གྱཾ། འཇིག་རྟེན་འདིར་འབྱུང་བ་ནི། ཨཻ་ཧ་ལཽ་ཀི་ཀཾ། དེ་བཞིན་དུ། པ་ར་ལཽ་ཀི་ཀཾ། ཡ་ཝ་ཚིག་དང་པོ་དག་གི་མ་ཡིན་ཞིང་འཕེལ་བ་ཨཱ་ག་མའོ། །ཚིག་གི་དང་པོ་ནི་ཚིག་དང་
པོའོ། །མདོ་སྔ་མ་རྗེས་སུ་འཇུག་གོ། །མདོའི་སྒྲ་ནི་ཉེ་བར་བརྗོད་པའོ། །དེས་ན་ཡ་ཝ་དག་སྟེ་ཡ་ཡིག་དང་ཝ་ཡིག་གང་ཡིན་པ་འདི་དག་ཚིག་གི་དང་པོར་ཉེ་བར་གྱུར་པའི་དབྱངས་གང་ཡིན་པ་དེའི་འཕེལ་བར་མི་འགྱུར་ཏེ། ཎ་ཡིག་དང་བཅས་པའི་རྐྱེན་ཕ་རོལ་ལའོ། །ཡ་ཝ་དག་གི་དང་པོར་

འཕེལ་བ་ཨཱ་ག་མར་འགྱུར་རོ། །གནས་ཅན་གྱི་རིམ་པ་ལྡན་པའི་ཞེས་པའི་ཚིག་ལས་རྐན་ལས་བྱུང་བའི་ཨཻ་ཨཱ་ག་མའོ། །མཆུ་དང་པོ་ལས་ཀྱང་བྱུང་བའི་ཝ་ཡིག་ལ་མཆུ་ལས་བྱུང་བའི་ཨཽ་ཨཱ་ག་མའོ། །བྱས་ནའི་དངོས་པོ་ནི། བཻ་ཡས་ནཾ། ཨཎའི་རྐྱེནའོ། །འདིར་བྱས་ནའི་སྒྲ་ལས་གང་རྐྱེན་
གྱི་མཚན་ཉིད་ཀྱི་མཐའི་རྣམ་དབྱེ་འཇུག་པ་མེད་དོ་ཞེས་པའི་ཚིག་དེའི་ཡ་ཡིག་དང་པོ་གང་ཡིན་པ་དེ་ལས་ཕ་རོལ་གྱི་འཕེལ་བར་མི་འགྱུར་ཞིང་། ཨ་ཡིག་ལས་སྔ་མར་ཨཻ་ཡིག་ཨཱ་ག་མའོ། །དེ་བཞིན་དུ་བརྡ་སྤྲོད་པ་བརྗོད་པ་ནི། བཻ་ཡཱ་ཀ་ར་ཎཿ། བཟང་པོ་ཡང་ཡིན་ལ་རྟ་ཡང་ཡིན་པ་དེ་ནི་རྟ་བཟངས་
བཟངས་ཏེ། དེའི་བུ་རྒྱུད་ནི། སཽ་ཝ། ཤྭིཿ། ཡ་ཝ་དག་གི་ཞེས་པ་ཅི་ཞེ་ན། །དེའི་དོན་ཏེ་དེའི་བུ་རྒྱུད་ནི་འདིར་ཨཱརྠཿ། འོ་ན་ཨཱ་ག་མ་ཅན་གྱི་འཕེལ་བ་དག་བྱས་པ་ལ་དབྱངས་བསྒྱུར་བ་ཡོངས་སུ་བཤད་པའི་ཡ་ཝ་དག་གི་གནས་ཅན་དང་འདྲ་བའི་དངོས་པོ་ལས་ཅིའི་ཕྱིར་ཡ་ཝ་དག་ལ་ཨེ་ཡིག་
དང་ཨཽ་ཡིག་དག་མི་འགྱུར་ཞེ་ན། བརྗོད་པར་བྱ་སྟེ། གང་དབྱངས་ཀྱི་དམིགས་བསལ་ལས་སྔ་མ་དེའི་བྱ་བ་བྱས་པ་ལ་གནས་ཅན་དང་འདྲ་བའི་དངོས་པོར་བཤད་པའི་ཕྱིར་རོ། །ཡ་ཝ་དག་ལ་ཨེ་ཡིག་དང་ཨོ་ཡིག་དག་མི་འགྱུར་ཞེ་ན། ཡ་ཝ་དག་གིའང་དབྱངས་ལས་བསྟན་པ་ལས་དབྱངས་སྔ་
མའི་ཨེ་ཨོ་དག་ཏུ་འགྱུར་རོ་ཞེས་པའི་ཚིག་དེ་དག་གི་བྱ་བ་བྱས་པ་ལ་ཡ་ཝ་དག་གི་གནས་ཅན་དང་འདྲ་བའི་དངོས་པོར་འགྱུར་བས་སོ། །ཇོ་བོ་དྲག་འབྱོར་གྱིས་མཛད་པའི་འགྲེལ་པ་སློབ་མ་ལ་ཕན་པར་མིང་གི་རབ་ཏུ་བྱེད་པ་དྲུག་པ་རྫོགས་སོ།། །།ཨེ་ཆོས་འབྱུང་བའི་གཙུག་ལག་ཁང་
དུ་སྐད་གཉིས་སྨྲ་བ་དགེ་སློང་བྱང་ཆུབ་རྩེ་མོས་བསྒྱུར་བའོ།། །།བུད་མེད་ལའོ། །འདི་ནི་སྤྱིར་བཏང་བ་སྟེ། གང་འདི་ནས་ཕྱི་མར་རིམ་པས་རྗེས་སུ་བསྟན་པར་བྱ་བའི་རྐྱེན་དེ་རྣམས་ནི། བུད་མེད་ལ་འཇུག་བཞིན་པའི་རྟགས་ལས་འགྱུར་རོ་ཞེས་རིག་པར་བྱའོ། །འདི་ནི་རྐང་པ་ཀུན་ཡོངས་
སུ་རྫོགས་པ་ལ་སྤྱིར་བཏང་བའོ། །ཨཛ་སོགས་དང་ཨཏ་མཐའ་ལས་ཨཔའོ། །གང་གི་ཚོགས་ཀྱི་དང་པོ་ཨ་ཛའི་སྒྲ་ཡིན་པ་དེ་ཨཛ་སོགས་སོ། །རྟགས་གང་གི་མཐའ་ཨཏ་ཡིན་པ་དེ་ཨཏ་མཐའོ། །དེ་ནས་ཟླས་དབྱེ་བའོ། །ཛས་སོགས་ཀྱི་ཚོགས་དང་ཨཏ་མཐའ་སྟེ། ཨ་ཡིག་མཐའ་

ཅན་གྱི་རྟགས་ལས་ཨཔ྄འི་རྐྱེན་དུ་འགྱུར་རོ། །པ་ཡིག་ནི་རྣམ་པ་སྣ་ཚོགས་པའི་དོན་ཏོ། །ཨ་ཛཱ། ཨེ་ཌ་ཀཱ། ཙ་ཌ་ཀཿ། ཨ་ཤྭཱ། ཏྲི་ཕ་ལཱ། དཾཥྚ། དྲུ་དྷ། ཨུཥྞི་ཧྲ། ཨུཥྞི་ཧཱ། དེ་བ་བི་སཱ། བཱ་ལཱ། ཝཏྶཱ། ཛྱོཥྛ། ཀ་ནིཥྛ། མ་དྷྱམ྄། ཀོ་ཀི་ལཱ།
ཨཏ་མཐའ་ལས། དེ་བ་དཏྟ། འོ་ན་ཨཛ་སོགས་རྣམས་ཨ་ཡིག་མཐའ་ཅན་ཡིན་པས་དེ་རྣམས་དེ་ལས་ཐམས་ཅད་དུ་བླངས་པ་དོན་མེད་དོ་ཞེ་ན། དེ་ནི་ཡང་དག་པ་མ་ཡིན་ཏེ། གང་ཨ་ཛི་སོགས་ཀྱི་ཚོགས་དེ་རྣམས་ཨ་ཡིག་མཐའ་ཅན་དཀྱུས་མར་བཀླག་པར་མི་བྱ་བས་དེ་རྣམས་ཨཏ་མཐའ་
སྨོས་པར་ཇི་ལྟར་འགྲུབ་པར་འགྱུར། གང་དེ་རྣམས་ནི་ཨ་ཡིག་མཐའ་ཅན་ལས་ཐམས་ཅད་དུ་ཉེ་བར་བླངས་པ་ནི་གནོད་པ་ཅན་དང་གནོད་པ་བྱེད་པའི་དོན་ནོ། །དེ་ལ་ཨཱ་ཛ་དང་ཨེ་ཌ་ཀཱ་ཞེས་སོགས་རྣམས་ནི་རིགས་བརྗོད་པ་སྟེ། རིགས་ལས་ཡཱ་ཨུ་པ་དྷཱ་མིན་པ་ལས་ཞེས་པས་ཨི་ཡིག་གི་རྐྱེན་ཐོབ་པ་
དེ་འགེགས་པ་སྟེ། ཏྲི་ཕ་ལཱའི་སྒྲ་ལ་བ་གཉིས་པ་ཞེས་པས་ཨཱི་ཐོབ་པ་དང་། དཾཥྚཱའི་སྒྲ་ལ་ཥ་དང་ཌ་རྗེས་སུ་འབྲེལ་པ་ལ་ཞེས་པ་འདིས་དང་། བ་ལ་དང་ཝནྶ་དག་ལ་ན་ཚོད་དང་པོ་ལས་ཞེས་པ་འདིས་དང་། ཛྱོཥྛ་དང་ཀ་ནིཥྛ་དང་མ་དྷྱ་མ་རྣམས་ལས་སྐྱེས་པ་སྦྱོར་བའི་མཐས་གལ་ཏེ་བརྗོད་ན་ཞེས་
པ་འདིས་ཐོབ་པའོ། །མ་ཧ་ཏ་སྔ་མ་ཅན་མིན་པའི་སུ་ཏྲའི་སྒྲ་ལས་རིགས་བརྗོད་པ་ལ་ཨཱས་བརྗོད་དེ། སུ་ཏྲཱ་རིགས་ལས་ཡ་ཨུ་པ་དྷཱ་མིན་པ་ལ་ཞེས་པས་ཨི་ཡིག་ཐོབ་པ་ལའོ། །རིགས་བརྗོད་པ་ཅི་ཞེ་ན། ཤུ་ཏྲ་ས་བྷཱརྻ། ཤུ་ཏྲི་སྐྱེས་པ་སྦྱོར་བའི་མཐའི་ཞེས་པས་ཨཱི་ཡིག་གོ། །མ་ཧཏ་སྔ་
མ་ཅན་མིན་པ་ཅི་ཞེ་ན། མ་ཧཱ་ཤུ་ཏྲི། མ་ཧཱ་ཤུ་ཏྲའི་སྒྲ་འདི་ཨཱ་བྷི་རའི་རིགས་བརྗོད་པའོ། །རྀཏ་དང་ན་མཐའ་རྣམས་ལས་ནི་ཨཱིའོ། །རྀཏ་དང་ན་ནི་རྀཏ་ན་སྟེ། རྀ་ཡིག་གི་མཐའ་ཅན་རྣམས་དང་། ན་ཡིག་མཐའ་ཅན་རྣམས་ལས་ཨི་ཡིག་གི་རྐྱེན་དུ་འགྱུར་རོ། །ཀརྟི། པདྨི་ནི། ཝ་ནའི་
རའང་ངོ་། །ཝནའི་རྟགས་ལས་ཨཱི་རྐྱེན་དུ་འགྱུར་ཏེ། མཐའི་རེ་ཕར་བསྒྱུར་རོ། །དྷཱི་ཝན། དྷཱི་ཝ་རཱི། པཱི་ཝན། པཱི་ཝ་རཱི། གྲངས་ལས་མ་ཡིན་ནོ། །གྲངས་བརྗོད་པ་ལས་ཨཱི་རྐྱེན་དུ་མི་འགྱུར་ཏེ། རྀཏ་དང་ན་རྣམས་ལ་ཞེས་པས་ཐོབ་པ་ལའོ། །ཏྲི་སྲཿ། ཙ་ཏ་སྲཿ། པཉྩ་བྲཧྨ་

ཎྱཿ། དུ་ཥ་བྲཱཧྨ་ཎྱཿ། མ་ཡིན་ནོ་ཞེས་སྦྱོར་བ་སོ་སོ་བྱས་པ་དེས་ན། འདིར་མི་འགྱུར་ཏེ། མཱ་ཏཱ། སྭ་སཱ། དུ་ཧི་ཏཱ། ན་ནཱནྡ། མན་ལས་སོ། །མན་མཐའ་རྟགས་ལས་ཨཱི་རྐྱེན་མི་འགྱུར་རོ། །དཱ་མཱ། དཱ་མན། ས་མཱ། སི་མཱ་ནོ། །འབྲུ་མང་པོ་པའི་ཨན་མཐའ་ལས་ཀྱང་
ངོ་། །འབྲུ་མང་པོ་བའི་ཨ་ན་ལས་ཏེ། ཨན་མཐའ་ལས་ཨཱི་རྐྱེན་མི་འགྱུར་རོ། །གང་རྣམས་ཀྱི་སརྦ་བཟང་པོ་ཡིན་པ་དེ། སུ་སརྦཱ། སུ་སརྦཱ་ཎཽ། །འབྲུ་མང་པོ་པའི་ཞེས་པ་ཅི་ཞེ་ན། རིམ་པ་ལས་འདས་པའི་རྒྱལ་པོ་ནི། ཨ་ཏི་རཱཛྙཱི། འདི་ནི་དེའི་སྐྱེས་བུའོ། །དེ་དག་ལས་ནི་ཌཱའོ། །
དེ་དག་ལ་སྟེ་མནའི་མཐའི་རྟགས་དང་འབྲུ་མང་པོ་པའི་ཨན་མཐའ་ལས་ཌཱའི་རྐྱེན་དུ་འགྱུར་རོ། །དཱ་མཱ། དཱ་མེ། དཱ་མཱཿ། སཱ་མཱཿ། སཱི་མེ། སཱི་མཱཿ། གང་གི་རྒྱལ་པོ་རྣམས་མང་པོ་ཡིན་པ་དེ། བ་ཧུ་རཱ་ཛཱ། ནིའི་སྒྲ་ནི་ཁྱད་པར་དུ་བརྗོད་པར་བྱ་སྟེ། དེས་ན་ཝན་ལས་དེའི་འབྲུ་མང་པོ་ལ་རཱིའི་
རྐྱེན་ཏེ། རེ་ཕ་དང་པོ་ཅན་ཡང་ན་འགྱུར་རོ། །གང་རྣམས་ཀྱི་བློ་གྲོས་ལྡན་པ་མང་པོ་ཡིན་པ་དེ། བ་ཧུ་དྷཱི་བ་རཱི། ཨུཏ་དང་རྀ་ཡིག་རྗེས་སུ་འབྲེལ་བ་ལས་ནི་ཨཱིའོ། །ཨུཏ་དང་རྀ་ཡིག་སྟེ། དེ་དག་ནི་ཨུཏ་རྀ་ཡིག་གོ། །རྐྱེན་གང་དེ་དག་རྗེས་སུ་འབྲེལ་པ་ཅན་ཞེས་ཚིག་རྣམ་པར་སྦྱར་རོ། །
ཨུ་ཡིག་རྗེས་སུ་འབྲེལ་པའི་རྐྱེན་གྱི་མཐའ་ཅན་དང་། རྀ་ཡིག་རྗེས་སུ་འབྲེལ་པའི་རྐྱེན་སའི་མཐའ་ཅན་གྱི་རྟགས་ལས་ཨཱིའི་རྐྱེན་འགྱུར་རོ། །གོ་མ་ཏཱི། བྷ་བ་ཏཱི། བྷ་བནྟུའི་སྒྲ་ནི་ཨུཏ་རྗེས་སུ་འབྲེལ་པ་ཐམས་ཅད་པའི་མིང་ཅན་དབུས་མ་བཀླག་པར་བྱའོ། །རི་ཡིག་རྗེས་སུ་འབྲེལ་པ་
ལས་པ་ཋནྟཱི། ཡ་ཛནྟཱི། ད་ལྟར་བ་ལ་ཤནྟྲིངའོ། །པཱ་དི་ལས་ཡང་ནའོ། །པད་ཅེས་པ་པཱ་དིའི་སྒྲའི་ཨ་ཡིག་འཇིག་པ་གཟུང་བར་བྱའོ། །པཱཏ྄འི་སྒྲ་ལས་ཨིའི་རྐྱེན་ཡང་ན་འགྱུར་རོ། །གང་གི་རྐང་པ་དག་གཉིས་ཡིན་པ་དེ་ནི། དྭི་པ་དཱི། ཏྲི་པ་དཱི། པཱ་དའི་པདུ་བསྡུ་བའི་མཐའིའོ་
ཞེས་པས་པད་དུ་བསྒྱུར་རོ། །ཕྱོགས་གཅིག་ལ། དྭི་པཱད྄། ཏྲི་པཱཏ། དམིགས་བསལ་མེད་པ་ལས་སོ། །གོང་དང་འོག་ཏུ་རིམ་པས་འཆད་པའི་ཨི་གང་ཡིན་པ་འདི་ནི་སྤྱིར་བཏང་བ་སྟེ། དམིགས་བསལ་མེད་པ་གཙོ་བོ་ལས་དེ་རིག་པར་བྱའོ། །འབྲུ་མང་པོ་པ་ཞེས་པ་འདི་ལས་གོང་དུ་འདི་

སྤྱིར་བཏང་བའོ། །དམིགས་བསལ་ཅན་ནི་གཙོ་བོ་མ་ཡིན་ནོ། །གང་དེ་ལས་གཞན་པ་ནི་གཙོ་བོ་སྟེ་དམིགས་བསལ་མེད་པའོ། །ནཱ་རི་ན་རིའི་སྒྲ་ནི་ཚིག་ཕྲད་དེ། ནྲྀའི་སྒྲ་ལས་ཨིའི་རྐྱེན་བྱས་པ་ལ་ཨཱར་དུ་བསྒྱུར་བའོ། །ཡུ་བན་ལས་ཏིའོ། །ཡུ་བནའི་སྒྲ་ལས་
ཏིའི་རྐྱེན་དུ་འགྱུར་རོ། །རྀཏ་དང་ན་རྣམས་ལས་ཞེས་པས་ཨཱི་ཡིག་ཐོབ་པ་ལའོ། །ཡུ་བ་ཏི། རྟགས་མཐའི་ན་ཡིག་དབྱིའོ། །དམིགས་བསལ་མེད་པ་ལས་ཞེས་པ་ཅི་ཞེ་ན། གང་གི་ལང་ཚོ་མང་པོ་ཅན་ལ་དེ་ནི། བ་ཧུ་ཡུ་བཱ། ཨཎ་ཨེ་ཡཎ་ཨི་ཀཎ་ལས་སོ། །ཁྱད་པར་བསྟན་
པ་ནི་དཀྱུས་མ་འགོག་པ་མ་ཡིན་ནོ་ཞེས་པའི་ཚིག་ལས་ཨཱི་ཡིག་འཇུག་གི་དེ་མ་ཐག་པའི་རྐྱེན་ནི་མ་ཡིན་ནོ། །རྟགས་ཨཎ་མཐའ་ཅན་དང་། ཨེ་ཡཎ་མཐའ་དང་། ཨི་ཀཎ་མཐའ་ཅན་ལས་ཀྱང་ཨཱིའི་རྐྱེན་འགྱུར་རོ། །གནས་འཇོག་གི་བུ་རྒྱུད་ཀྱི་བུད་མེད་ནི། སྟི་བ་ཤིཥྛི། ཀུམྦྷ་ཀཱ་རཱི། བུམ་པ་བྱེད་ཅེས་ལས་ལ་
ཨཎའོ། །བི་ན་ཏཱའི་བུ་རྒྱུད་ཀྱི་བུད་མེད་ནི། བཻནྟེ་ཡཱི། མིག་གིས་གསལ་བར་བྱེད་མ་ནི། ཨཱཀྵི་ཀཱི། དམིགས་བསལ་མེད་པ་ལས་ཞེས་པ་ཅི་ཞེ་ན། གང་གནས་འཇོག་མང་པོ་ཡིན་པ་དེ་རྣམས་ནི། བ་ཧུ་བཱ་ཤིཥྛ། ཎྱ་ལས་སོ། །རྟགས་ཎྱའི་མཐའ་ལས་ཨིའི་རྐྱེན་འགྱུར་རོ། །
གརྒའི་བུ་རྒྱུད་ཀྱི་བུད་མེད་ནི། གཱརྒཱི། བཱནྶཱི། གང་གི་བུ་རྒྱུད་ཀྱི་ཡའི་ཞེས་པས་ཡ་དབྱིའོ། །སྦྱོར་བ་བརྩམ་པ་ནི་ཕྱི་མའི་དོན་ཏོ། །སྔོན་རྣམས་ཀྱི་ཨཱ་ཡན་ཨཱ་ག་མའོ། །རྟགས་ཎྱའི་མཐའ་ཅན་ལས་བུད་མེད་ལ་འཇུག་བཞིན་པའི་ཨི་ཕ་རོལ་ལ་ཨཱ་ཡན་ཨཱ་ག་མ་འགྱུར་རོ། །སྔོན་རྣམས་ཀྱི་
སྟེ་སྔོན་གྱི་དེ་ས་བརྟི་ཞེས་བྱ་བའི་སློབ་དཔོན་རྣམས་ཀྱིས་བཞེད་པའོ། །གརྒཱའི་བུད་མེད་ཀྱི་བུ་རྒྱུད་ནི། གཱ་རྒྱཱི་ཡ་ཎི། བཱནྟྱ་ཡ་ནཱི། །སྔོན་གྱི་སློབ་དཔོན་གང་དག་ནི་མི་མྲ་ཏེ། དེ་རྣམས་ཀྱི་བཞེད་པ་ནི། གཱརྒཱི། བཱནྶཱི། ཀཽ་ར་བྱ་ཨཱ་སུ་རི་མཎྜུ་ཀ་ལས་སོ། །ག་ཀཽ་ར་བྱ་དང་། ཨཱ་སུ་རི་དང་།
མནྜུ་ཀ་རྣམས་ལས་བུད་མེད་ལ་འཇུག་བཞིན་པ་རྣམས་ལས་ཨཱ་ཡཎ་ཨཱ་ག་མ་ཕ་རོལ་དུ་འགྱུར་རོ། །ཀུ་རུའི་བུ་རྒྱུད་མ་ནི། ཀཽ་ར་བྱ་ཡ་ནཱི། ལྷ་མིན་གྱི་བུ་རྒྱུད་ཀྱི་བུད་མེད་ནི། ཨཱ་སུ་རཱ་ཡ་ཎཱི། མཾ་ཌུ་ཀའི་བུ་རྒྱུད་ཀྱི་བུད་མེད་ནི། མཱཾ་ཌུ་ཀཱ་ཡ་ནཱི། སྔོན་རྣམས་ཀྱི་ཞེས་པ་འདི་ལས་

ལྡོག་སྟེ། ཀཽ་ར་བྱའི་སྒྲ་ལོགས་སུ་ཉེ་བར་བླངས་པ་ལས་སོ། །ལོ་ཧི་ཏ་སོགས་ཀཏྲ་མཐའ་ལས་སོ། །ཚོགས་གང་རྣམས་ཀྱི་དང་པོ་ལོ་ཧི་ཏའི་སྒྲ་ཡིན་པ་དེ་ནི་ལོ་ཧི་ཏ་སོགས་རྣམས་སོ། །གང་གི་མཐའ་ཀཏ་ཡིན་པ་དེ་ནི་ཀཏ་མཐའོ། །ཤ་ཀནྡྷུ་སོགས་ཀྱི་ཕྱིར་ཕ་རོལ་དབྱིའོ། །དེ་ནས་ལས་འཛིན་
པའོ། །ཨཱ་ཡ་ན་འཇུག་ཅིང་ཎྱ་ལས་ཞེས་པའང་ངོ་། །ལོ་ཧི་ཏ་སོགས་རྣམས་དང་། ཀཏ་མཐའ་རྣམས་ལས་ཏེ་ཀ་ཏའི་སྒྲའི་མཐར་ཐུག་པ་རྣམས་ལས་ཎྱའི་རྐྱེན་གྱི་མཐའ་ལས་བུད་མེད་ལ་འཇུག་བཞིན་པ་རྣམས་ལས་ཨཱ་ཡཎ་ཨཱ་ག་མ་ཕ་རོལ་དུ་འགྱུར་རོ། །ལོ་ཧི་ཏའི་བུ་རྒྱུད་ཀྱི་བུད་མེད་ནི། ལོ་ཧི་
ཏྱ་ཡ་ནཱི། སམ྄་སི་ཏའི། སཱཾ་སི་ཏྱཱ་ཡ་ནཱི། བ་བྷྲུའི། བཱ་བྷྲ་བྱཱ་ཡ་ནཱི། ཀཏའི་ཀཱ་ཏྱ་ཡ་ནཱི། ཐམས་ཅད་ལ་གརྒ་སོགས་ལས་ཎྱའོ་ཞེས་པས་ཎྱའོ། །ཨཱ་བ་ཊྱ་ལས་ཨཱཔའོ། །ཨཱ་བ་ཊྱའི་སྒྲ་ལས་ཨཔ྄འི་རྐྱེན་དུ་འགྱུར། པ་ཡིག་ནི་རྣམ་པ་སྣ་ཚོགས་པའི་དོན་ཏོ། །ཨ་བ་ཏའི་བུ་རྒྱུད་ཀྱི་
བུད་མེད་ནི། ཨཱ་བ་ཏྱ། གརྒ་སོགས་ཉིད་ལས་ཎྱའི་རྐྱེན་གྱི་མཐར། ཨཱ་བ་ཏྱའི་སྒྲ་སྔོན་གྱི་སློབ་དཔོན་རྣམས་ཀྱིས་བཞེད་པའོ། །ཨཱ་བ་ཊྱའི་སྒྲ་ལས་ཨི་ཡིག་འདོད་དེ། ཨཱ་ཡན་ཨཱ་ག་མའོ། །ཨཱ་བ་ཊྱ་ཡ་ནཱི་བ་ཏཎྜཱིའང་ངོ་། །སྒྲ་འདི་ནི་ཚིག་ཕྲད་དོ། །བ་ཏཎྜའི་བུ་རྒྱུད་ཀྱི་བུད་མེད་ནི། བ་
ཏཎྜི། བ་ཏཎྜའི་སྒྲ་ལས་གརྒ་སོགས་ཉིད་ལས་ཎྱ་དང་ཨཱི་ཡིག་གོ། །བུ་རྒྱུད་ཀྱི་ཡའོ་ཞེས་པས་ཡ་དབྱིའོ། །བའི་སྒྲ་ཐུང་ངུ་འཇུག་པའོ། །ན་ཚོད་ལ་དང་པོ་ལའོ། །ཨ་ཛཱ་སོགས་ཀྱི་ཨཏ་མཐའ་ལས་ཞེས་པའི་ཨཏ་མཐའ་ལ་འཇུག་གོ། །ཨ་ཡིག་མཐའ་ཅན་གྱི་རྟགས་གང་ཞིག་དང་
པོའི་ན་ཚོད་ལ་འཇུག་པ་དེ་ལས་ཨིའི་རྐྱེན་འགྱུར་རོ། །ཀུ་མཱ་རཱི། ཀི་སོ་རི། བཪྱུ་ཊི། དང་པོ་ལ་ཞེས་པ་ཅི་ཞེ་ན། བྲྀདྡྷ། སྠ་བིར། ཨ་ཡིག་མཐའ་ལས་ཞེས་པ་ཅི་ཞེ་ན། ཤི་ཤུཿ། པཱད་ལས་ཡང་ན་ཞེས་པའི་ཡང་ན་ཞེས་པ་འཇུག་སྟེ། དེའང་རྣམ་པར་གཞག་པ་རྣམ་པར་
བཤད་པ་ལས་སོ། །དེས་ན་འདིར་མི་འགྱུར་ཏེ། ཀནྱ། འོ་ན། བྲྀདྡྷ་ཀུ་མཱ་རི། ཅི་ལྟར་ཡིན་ཏེ། འདིར་དང་པོའི་ན་ཚོད་ཡོད་པ་མ་ཡིན་ནོ་ཞེ་ན། བདེན་ཏེ། ཀུ་མཱ་རཱིའི་སྒྲ་དང་པོར་འདུས་བྱས་ནས་ཕྱི་ནས་བྲྀདྡྷའི་སྒྲ་ལས་འཛིན་པར་འགྱུར་རོ། །བ་གཉིས་པའིའོ། །བ་གཉིས་པའི་

ཚིག་སྡུད་ལས་ཨིའི་རྐྱེན་འགྱུར་རོ། །བྲམ་ཟེ་མ་ལྔ་རྣམས་ཀྱི་ཀུན་སྡུད་པ་ལ། པཉྩ་བྲ་ཧྨ་ཎཱི། ད་ཤ་གྲ་གཱི། ཥཊ་དག་རྗེས་སུ་འབྲེལ་པ་ལས་ནི་ཨཱིའོ། །ཥ་དང་ཊ་ནི་ཥ་ཊ་དག་གོ། །རྐྱེན་གང་ལ་དེ་དག་རྗེས་སུ་འབྲེལ་པ་ཞེས་ཚིག་རྣམ་པར་སྦྱར་རོ། །རྟགས་ཤ་ཡིག་རྗེས་སུ་འབྲེལ་པའི་རྐྱེན་གྱི་མཐའ་ཅན་དང་། ཊ་
ཡིག་རྗེས་སུ་འབྲེལ་པའི་རྐྱེན་གྱི་མཐའ་ཅན་ལས་ཀྱང་ཨཱིའི་རྐྱེན་འགྱུར་རོ། །ནརྟ་ཀཱི། ནྲྀ་ཏཱི་ལུས་ཀྱི་རྣམ་འགྱུར་ལའོ། །གར་བཟོ་བ་མ་འདིའོ་ཞེས་ལ་བཟོ་བོ་ལ་བུཥའོ་ཞེས་པས་བུཥའོ། །ཥ་ཡིག་འདིའི་དོན་ཏོ། །ཡུ་བུ་ཛྷ་ཞེས་པས་ཨ་ཀ་རུ་བསྒྱུར་རོ། །ཨུ་པ་དྷཱ་ནཱ་མི་ཅན་གྱི་ཡང་ངོ་ཞེས་
པས་ཡོན་ཏན་ནོ། །འདིས་ཨཱི་ཡིག་གོ། །ཀུ་རུ་ཙ་རཱི། ཨ་བྷྲ་བ་དྷྲ་མ་བྷྲ་ཙར་རྣམས་འགྲོ་བའི་དོན་ཏོ། །ཀུ་རུ་སྔོན་དུའོ། །ཀུ་རུ་རྣམས་ལ་རྒྱུ་བར་བྱེད་དོ་ཞེས་པ་ཙ་རི་ལས་ཊའོ་ཞེས་པས་ཊའོ། །ཊ་ཡིག་འདིའི་དོན་ཏོ། །གཽ་ར་སོགས་ལས་སོ། །གཽ་ར་སོགས་ཀྱི་ཚོགས་ལས་ཨཱིའི་རྐྱེན་འགྱུར་
རོ། །གཽ་རཱི། མཏྶཱི། བཤད་པ་ལས་མཏྶྱའི་ཡ་དབྱིའོ། །གཽ་ར། མཏྶྱ། མ་ནུཥྱ། ག་བ་ཡ། ཧ་ཡ། མུ་ཀ་ཡའི་ཚོགས་འདི་བྱས་པའོ། །འབྲུ་མང་པོ་ལ་ལས་ཨཱུ་དྷསའི་ནའང་ངོ་། །འབྲུ་མང་པོ་ཞེས་པ་ལྔ་པ་ཕྱིས་པ་ཅན་ནོ། །འབྲུ་མང་པོ་པ་ལས་སཱུ་དྷཱ་སྲའི་སྟེ་ཨཱུ་དྷ་ས྄འི་སྒྲ་
ལས་ཨཱིའི་རྐྱེན་འགྱུར་ཏེ། ནའང་སྟེ་ན་ཡིག་གི་མཐའ་ཅན་དུའང་འགྱུར་རོ། །གང་གི་ཨཱུ་དྷས྄ ཀུཎྜ་ལྟ་བུ་དེ་ནི། ཀུཎྜོ་དྷྣཱི། དེ་བཞིན་དུ། གྷ་ཊོ་དྷྣི། ན་ཉིད་དུ་བྱས་པ་ན། ཨའི་ཝ་མ་བརྩེགས་པ་ཞེས་པས་ཨ་ཡིག་དབྱིའོ། །འབྲུ་མང་པོ་པ་ལ་ཞེས་པ་ཅི་ཞེ་ན། ཨཱུ་དྷས྄ ཐོབ་པ་ནི། པྲཔྟོ་
དྷཱཿ། འདི་དེའི་སྐྱེས་བུའོ། །ཨནྟུ་དང་ཨས་མཐའི་ཞེས་པས་རིང་པོའོ། །རང་གི་ཡན་ལག་ལས་ཨུ་པདྷཱ་བརྩེགས་པ་མ་ཡིན་པ་ལས་ཡང་ནའོ། །ཡན་ལག་གང་གི་ཨུ་པ་དྷཱ་བརྩེགས་པ་ཡིན་པ་དེ་ནི་ཨུ་པ་དྷཱ་བརྩེགས་པའོ། །དབྱངས་ཐུང་ངུའོ་ཞེས་པས་ཐུང་ངུའོ། །དེ་ནས་ན་ཉའི་བསྡུ་
བའོ། །ཡན་ལག་གང་གི་ཨུ་པ་དྷཱ་བརྩེགས་པ་མ་ཡིན་པ་དེ་ལས་ཨཱིའི་རྐྱེན་ཡང་ན་འགྱུར་རོ། །གང་གི་གདོང་པ་ལ་ཟླ་བ་ལྟ་བུ་ཡིན་པ་དེ་ནི། ཙནྡྲ་མུ་ཁཱེ། ཙནྡྲ་མུ་ཁཱ། དེ་བཞིན་དུ། ཤ་ཤི་མུ་ཁཱི། ཤ་ཤི་མུ་ཁཱ། རིམ་པའམ་རྐང་པ་ལས་འདས་པའི་སྒྲ་ནི། ཨ་ཏི་ཀེ་སཱི། ཨ་

ཏི་ཀེ་སཱ། ཨུ་པ་དྷཱ་བརྩེགས་པ་མ་ཡིན་པ་ལས་ཞེས་པ་ཅི་ཞེ་ན། སུ་པཪྴ། རང་གི་ཡན་ལག་ལས་ཞེས་པ་ཅི་ཞེ་ན། བ་ཧུ་དྷཱ་ནཱ། ཨངྒ་དང་ག་ཏའི་སྒྲ་ལ་ཨཱི་ཡིག་ཡང་ན་བཤད་པར་བྱ་སྟེ། གང་གི་ཡན་ལག་འཇམ་པ་དེ་ནི། མྲྀདྭ་ངྒཱི། སུ་གཱ་ཏྲ། སུ་གཱ་ཏྲི། ཅི་སྟེ་རང་གི་ཡན་ལག་ཏུ་ཇི་ལྟར་
བརྗོད་པར་བྱ་ཞེ་ན། སྨྲས་པ། ཨ་དྲ་པཾ། མཱུརྟི་མཏ྄། སྭཱངྒ། པྲཱ་ཎི་སྠམ྄། ཨ་བི་ཀ་ར་ཛམ྄། ཨ་ཏད྄ སྠཾ། ཏཏྲ། དྲྀཥྚཾ་ཙ། ཏེ་ན་ཙེ་ཏ་ད་ཏད྄། ཏ་ཐཱ། ཡུ་ཏམ྄། རྣམས་སྲོག་ཆགས་ཀྱི་གནས་ལ་རང་གི་ཡན་ལག་ཅི་འདྲ་བའོ། །ཨ་དྲ་བཾ། གཤེར་པ་ལས་བྱུང་བའོ། །
དེས་ན། བ་ཧུ་ཀ་ཧཱ་ཞེས་པ་འདིར་ཨཱིའི་རྐྱེན་མི་འགྱུར་རོ། །གཞན་ལས་ཀྱང་ཅི་འདྲ་བའོ། །མཱུརྟི། མུརྟིཿ། ཀ་ཐི་ནྱམྲ། ནི་སྲ་བ་སྟེ། དེ་གང་ལ་ཡོད་པ་དེ་ནི། མཱུརྟི་མཏ྄། དེས་ན། བ་ཧུ་ཛྙཱ་ན་ཞེས་པ་འདིར་མི་འགྱུར་རོ། །སྲོག་ཆགས་ཀྱི་གནས་ལའང་རང་གི་ཡན་ལག་གཞན་མ་
ཡིན་པ་ཉིད་དེ། དེས་ན། དིརྒྷ་མུ་ཁཱ་སཱ་ལཱཿ། ཞེས་པས་འདིར་མི་འགྱུར་རོ། །གཞན་ལའང་ཅི་འདྲ་བའོ། །ཨ་བི་ཀཱ་ར་ཛམ྄་ནི། རྣམ་པར་འགྱུར་བ་དང་ལྡན་པ་ལས། བཻཥ་མྱཾ་ལ་སོགས་པ་རྣམས་ཀྱི་དེ་ལས་སྐྱེ་བ་ནི་རྣམ་འགྱུར་སྐྱེས་སོ། །རྣམ་འགྱུར་སྐྱེས་པ་མ་ཡིན་པ་ནི། ཨ་བི་ཀཱ་ར་
ཛམའོ། །གང་གི་ཀཱཎྜ་ལས་སྐྱེས་པ་དེ་ནི་རང་གི་ཡན་ལག་གོ། །དེས་ན། བ་ཧུ་སོ་ཐཱ་ཞེས་པ་འདིར་མི་འགྱུར་རོ། །སོ་ཐཱ་ནི་སོ་ཡ་རུ་བརྗོད་དོ། །ཚིགས་སུ་བཅད་པ་གཞན་གྱི་སྲོག་ཆགས་མ་ཡིན་པའི་གནས་ལ་ཡང་རང་གི་ཡན་ལག་འདོད་དོ། །ཨ་ཏ་དསྠ་ཏྲ་དྲིཥྚཾ་ཙ་ཞེས་པ་འདིའི་དོན་ཏ་
ཏྲ་སྲོག་ཆགས་ཀྱི་གནས་སུ་ངེས་པ་མ་ཡིན་པ་དེར་ཡང་སྔོན་མ་དང་དྲིཥྚཾ་ལས་དེ་ཡང་རང་གི་ཡན་ལག་གོ། །དེས་ན། དཱིརྒྷ་ཀ་སཱི་ར་ཐྱ་ཞེས་པ་འདིར་ཨཱིའི་རྐྱེན་ཏེ་སྲོག་ཆགས་ཀྱི་སྒྲ་ནི་མཐོང་བ་རྣམས་ར་ཐྱཱ་དང་འདྲ་བ་རུ་བལྟའོ། །ཏེ་ན་ཙེཏ྄ཏད྄་ཏ་ཐཱ་ཡུ་ཏམ་ཞེས་པ་འདི་དང་འདི་ཡང་དོན་ནི་སྟེ་ན་རང་
གི་ཡན་ལག་གི་སྲོག་ཆགས་ཀྱི་ལས་མ་ཡིན་པ་དེ་ལྟར་གལ་ཏེ་ཡུ་ཏམ་དང་འབྲེལ་པའི་སྐབས་དེས། ཇི་ལྟར་སྲོག་ཆགས་ཀྱི་རྫས་དེ་ལྟར་དེ་ཡང་རང་གི་ཡན་ལག་ཏུ་འགྱུར་རོ། །དེས་ན། དཱིརྒྷ་མུ་ཁི་པྲ་ཏི་མཱ། མུ་ཁ་ནི་པྲ་ཏི་མའི་ས་སྲོག་ཆགས་ཀྱི་རྫས་བཞིན་འབྲེལ་ལོ། །ཨནྲ་ལས་འང་

ཨ་ཕྱིས་པ་དང་ཀརྞ་ལས་སོ། །ཨ་ཕྱིས་པ་ཞེས་པ་ལྔ་པ་ཕྱིས་པའོ། །ཨ་ལས་ཕྱིས་པ་ནི་ཨ་ཕྱིས་པ་སྟེ། གང་དང་གང་ལ་དེ་ཡོད་པ་དེ་དང་དེའི་ཞེས་པ་ཨིནའོ། །ཨན་ལས་ཏེ་ཨན་མཐའ་ཅན་གྱི་རྟགས་ཨ་ཕྱིས་པ་སྟེ་ཨ་ཡིག་ཕྱིས་པར་གྱུར་པ་དང་། ཀརྞ་སྟེ་ཨ་
ཀརྞའི་སྒྲའི་མཐའ་ཅན་ལས་ཀྱང་ཨཱིའི་རྐྱེན་ཡང་ན་འགྱུར་རོ། །གང་གི་རྒྱལ་པོ་མང་པོ་ཡིན་པ་དེ་ནི། བ་ཧུ་ར་ཛྙཱི། བ་ཧུ་རཱ་ཛཱ། དེ་དག་ལས་ནི་ཌཱའོ་ཞེས་པས་ཌཱའོ། །ཙཱ་ཏུ་ཀརྞཱི། ཙ་ཏུ་ཀརྞཱ། ཨ་ཕྱིས་པ་སྨོས་པ་ཅི་ཞེ་ན། སུ་སརྦཱ། ནཱ་སི་ཀཱ། ཨུ་ད་ར་ཀཎྛ། ཨནྟྭ་ཛཾ་གྷཱ་དནྟ་ཨོཥྛ།
ཤྲིངྒ་ལས་སོ། །ནཱ་སི་ཀཱ་དང་ཨུ་ད་ར་དང་། ཀཎྛ་དང་ཨནྟྲ་དང་ཛཾ་གྷཱ་དང་དནྟ་དང་ཨོཥྛ་དང་ཤྲིངྒ་ཞེས་པ་འདི་རྣམས་ཀྱི་མཐའ་ལས་ཨཱིའི་རྐྱེན་ཡང་ན་འགྱུར་རོ། །ནཱ་སི་ཀཱ་དང་ཨུ་དར་དག་ལས་དབྱངས་མང་པོ་ལས་ཀྲོཌ་སོགས་ཞེས་པས་དགག་པ་ཐོབ་པ་ལའོ། །ཀཎྛ་སོགས་ལས་རང་
གི་ཡན་ལག་ལས་ཨུ་པ་དྷཱ་བརྩེགས་པ་མ་ཡིན་པ་ལ་ཞེས་པས་དགག་པ་ཐོབ་པ་ལའོ། །གང་གི་སྣ་ཏུ་ག་ཡིན་པ་ནི། ཏུཾ་ག་ནཱ་སི་ཀཱི། ཏུཾ་ག་ན་སི་ཀཱ། སྐྱེས་པ་བཤད་པ་ནི་སྐྱེས་པ་བཞིན་ནོ་ཞེས་པས་སྔ་མའི་ཚིག་སྐྱེས་པ་བཞིན་འགྱུར་རོ། །ནམྣོ་ད་རཱི། ནིམྣོ་ད་རཱ། རཀྟ་ཀཎྛཱི། རཀྟ་
ཀཎྛ། ཀལྤཱནྟྲི། ཀལྤཱནྟྲ། བྲྀཏྟ་ཛངྒྷཱི། བྲྀཏྟ་ཛངྒྷ། སིད་ཏདནྟཱི། སིཏདནྟཱ། ནིམྦཽཥྛཱི། ནིམྦཽཥྛཱ། ཏཱིཀྵྞ་ཤྲིངྒཱི། ཏིཀྵྞ་ཤྲིངྒཱ། པུཙྪའི་མཐའ་ལས་ཨི་ཡིག་ཡང་ན་འདོད་ཏེ། ཀ་ལེ་ཎ་པུཙྪཱི། ཀ་ལེ་ཎ་པུཙྪཱ། ཀ་བ་ར་དང་མ་ཎི་དང་བི་ཥ་དང་ཤ་ར་རྣམས་ལས་ཚད་ལས་
རྡུལ་ཕྲན་ལ་པུཙྪ་ལ་རྟག་ཏུ་འདོད་དེ། གང་གི་མཇུག་མ་ཀ་བ་ར་ཡིན་པ་མ་དེ་ནི་ཀ་བ་ར་པུཙྪ། དེ་བཞིན་དུ། མི་ན་པུཙྪ། བི་ཥ་པུཙྪ། ཤ་ར་པུཙྪི། ས་དང་བིདྱ་མཱ་ན་དང་ན་ཉ་དང་དེ་རྣམས་ནི་ས་བིདྱ་མཱ་ན་ན་ཉའོ། །རང་གི་ཡན་ལག་གང་ལས་དེ་རྣམས་སྔོན་མ་ཅན་ཞེས་ཚིག་རྣམ་པར་
སྦྱར་རོ། །ས་དང་བི་དྱ་མཱན་དང་ན་ཉི་དེ་རྣམས་སྔོན་མ་ཅན་གྱི་རང་གི་ཡན་ལག་ལས་ཨཱིའི་རྐྱེན་མི་འགྱུར་རོ། །རང་གི་ཡན་ལག་ལས་ཨུ་པ་དྷཱ་བརྩེགས་པ་མ་ཡིན་པ་ལས་ཞེས་སོགས་ཀྱི་རྣམ་པར་བརྟག་པ་ཐོབ་པ་ལའོ། །གང་སྐྲ་དང་ལྷན་ཅིག་འཇུག་པ་དེ་ནི། ས་ཀེ་ཤས་ས་རའི་དབྱངས་

དང་ཞེས་པ་ལ་སོགས་པའི་ཤེས་པར་བྱེད་པ་ལས་ཧའི་སྐྲ་སའི་དངོས་པོའོ། །བིདྱ་མཱ་ན་ཀེ་ཤཱ། འདི་འབྲུ་མང་པོ་པའོ། །གང་ལ་སྐྲ་ཡོད་པ་མ་ཡིན་པ་དེ་ནི་ཨ་ཀེ་ཤཱ། དེ་བཞིན་དུ། ས་ནཱ་སི་ཀཿ། བིདྱ་མཱ་ན་ནཱ་སི་ཀཱ། ཨ་ནཱ་སི་ཀཱ། ཀྲོ་ཌ་སོགས་དབྱངས་མང་པོ་ལས་སོ། །གང་གི་
དབྱངས་མང་པོ་ཡིན་པ་དེ་ནི་དབྱངས་མང་པོའོ། །དེ་ནས་ཟླས་དབྱེ་པའོ། །ཀྲོ་ཌ་སོགས་ཀྱི་མཐའ་དང་དབྱངས་མང་པོའི་མཐའ་ལས་ཀྱང་ཨཱིའི་རྐྱེན་མི་འགྱུར་རོ། །གང་གི་རོལ་སྒེག་དགེ་བ་ཡིན་པ་དེ་ནི་ཀ་ལྱ་ཎ་ཀྲོ་ཌཱ། ཤོ་བྷ་ན་ཁུ་རཱ། བིསྟཱི་རྞ་བ་ཐཱ། དབྱངས་མང་པོའི་མཐའ་ལས། གང་
གི་ཚངས་ར་ཡངས་པ་མ་ཡིན་པ་དེ་ནི། པྲྀ་ཐུ་ཛ་གྷ་ནཱ། ཤ་ཤི་བ་ད་ནཱ། ཀྲོ་ཌ་ཁུ་ར་ས་ཐུ་གུ་ཌ། ག་ལ། འདི་རྣམས་ཀྱི་ཚོགས་ཀྲོ་ཌ་སོགས་སོ། །གལ་ཏེ་དེ་ལྟ་ན་དབྱངས་མང་པོ་སྨོས་པ་དོན་མེད་དོ་ཞེ་ན། བདེན་མོད། རབ་ཏུ་སྤྲོས་པའི་དོན་དུའོ། །ཨནྟ་རྦཏ་ལས་མངལ་དང་
ལྡན་པ་ལ་ནུའོ། །ཨནྟ་རྦཏ་ཞེས་པ་འདི་ལས་མངལ་དང་ལྡན་པའི་བུད་མེད་ལ་འཇུག་བཞིན་པ་ན་ཕ་རོལ་དུ་ནུ་ཨཱ་ག་མ་འགྱུར་རོ། །ཨུ་ཡིག་ནི་བརྗོད་པའི་དོན་ཏོ། །ཨནྟརྦཏྣི་གརྦཱ་ཎཱི། ཨནྟར་གྱི་སྒྲ་ལས་སྤྱིར་བཏང་བའི་ནུས་པ་གཙོ་བ་ཉིད་ཀྱི་སྤྱིར་བཏང་བའི་རྐྱེན་བསྟན་པ་སྟོབས་དང་ལྡན་པ་ལས་
ཨུཏ་རྗེས་སུ་འབྲེལ་པ་ལས་ཞེས་པས་ཨཱིའི་རྐྱེན་ནོ། །མངལ་དང་ལྡན་པ་ལ་ཞེས་པ་ཅི་ཞེ་ན། གང་གི་ལན་བུ་བར་མེད་པ་ཡོད་པ་དེ་ནི། ཨནྟཿསཱ་ལཱ། པ་ཏི་བཏྣཱ་ལས་སྲོག་འདྲའི་ཆུང་མ་ལའོ། །གང་གི་སྲོག་དང་འདྲ་བའི་ཆུང་མ་དེ་ནི་སྲོག་འདྲའི་ཆུང་མའོ། །སྲོག་འདྲའི་ཆུང་མ་དེ་ལ་
བསྡུ་བའི་མཐར་གྱུར་པ་ཞེས་པས་ཀ་ཡིག་སྟེ། བསྡུ་བའི་མཐའ་ལས་ཨཏ་ངེས་པར་བསྟན་པ་ཉིད་བནྟུའི་རྐྱེན་འགྱུར་ཏེ། དེ་བཞིན་དུ་ཨཱིའི་རྐྱེན་འགྱུར་ཏེ། པ་ཏི་བཏ྄་ཅེས་པ་འདི་ལ་སྲོག་འདྲའི་ཆུང་མའི་བུད་མེད་ལ་འཇུག་བཞིན་པ་ན་ཕ་རོལ་ཏུ་ནུ་ཨཱ་ག་མ་འགྱུར་རོ། །པཏི་བཏྣཱི་ཛཱི་བ་བརྟ་ཀཱ། པཏིའི་སྒྲ་ལས་སྲོག་
འདྲའི་ཆུང་མའི་བུད་མེད་ལ་བནྟུའི་རྐྱེན་གང་བྱས་པ་ཉིད་ལས་པ་ཏི་བཏ་ཀྱི་སྒྲ་བརྗོད་པ་འཐོབ་བོ། །སྲོག་འདྲའི་ཆུང་མ་ཞེས་པ་ཅི་ཞེ་ན། པ་ཏི་མ་ཏཱི་མ་ཐུ་དཱ། པ་ཏིའི་ནའང་ངོ་། །པ་ཏིའི་སྒྲ་ལས་ཨཱིའི་རྐྱེན་འགྱུར་ཏེ། དེའི་ན་ཡིག་ཏུ་བསྒྱུར་བའང་ངོ་། །པཏྣཱི། ཨུཌྷཱ་ལ་བུད་མེད་

ལ་སྒྲུབ་པ་འདིའོ། །དེས་ན་འདིར་མི་འགྱུར་ཏེ། གྲཱ་སྱ་ས་ཏི་རི་པཾ། ས་མཱ་ན་སོགས་ལས་སོ། །གང་གི་ཚོགས་ཀྱི་དང་པོ་ས་མཱ་ནའི་སྒྲ་ཡིན་པ་ཞེས་ཚིག་རྣམ་པར་སྦྱར་རོ། །ས་མཱ་ན་སོགས་ཀྱི་ཚོགས་ལས་ཕ་རོལ་གྱི་པ་ཏིའི་སྒྲ་གང་ཡིན་པ་དེ་ལས་ཨཱིའི་རྐྱེན་འགྱུར་ཞིང་
ན་ཡིག་ཏུ་བསྒྱུར་བའང་ངོ་། །གང་གི་བདག་པོ་ཐུན་མོང་བ་ཡིན་མ་དེ་ནི། ས་པཏྣཱི། ཏྲྀ་ཀ་ཏྲྀ་ཤ་ཏྲྀཀྵ་རྣམས་ལས་ས་མཱ་ནའི་སའོ་ཞེས་སྦྱོར་བ་རྣམ་པར་གཞག་པ་ལས་ས་མཱ་ནའི་སྒྲ་སའི་དངོས་པོའོ། །མཱ་ན་སོགས་ཀྱི་ཚོགས་ལས་གཞན་པའི་སྒྲ་
གང་ཡིན་པ་དེ་ནི་སྔ་མ་ལས་པ་ཏིའི་སྒྲ་ལས་སྤྱིར་བཏང་བ་གཙོ་བོ་མ་ཡིན་པ་ཉིད་ཀྱི་ཕྱིར་ཨཱིའི་རྐྱེན་ཡང་ན་འགྱུར་ཞིང་ཕྱོགས་གཅིག་ལ་ཨཱི་ཡིག་ན་ཡིག་ཏུ་བསྒྱུར་བའང་ངོ་། །བྲྀདྡྷཱ་པཏྣི། བྲྀདྡྷ་པཏྣིཿ། སྠཱུ་ལ་པཏྣཱིཿ། སྠཱུ་ལ་པཏྣཱིཿ། སྤྱིར་བཏང་བ་ལ་ཞེས་པ་ཅི་ཞེ་ན། གྲཱ་མ་སྱ་པ་ཏི་ར་ཡམ྄། ཀཱ་
མུ་ལས་འཁྲིག་པ་འདོད་པ་ལའོ། །འཁྲིག་པ་ལ་དགའ་བ་ནི་འཁྲིག་པ་འདོད་ལའོ། །ཀཱ་མུའི་སྒྲ་ལས་འཁྲིག་པ་འདོད་པ་རྟོགས་པར་བྱ་བཞིན་པ་ལ་ཨཱིའི་རྐྱེན་འགྱུར་རོ། །ཀཱ་མུ་ཀཱི། འཁྲིག་པ་འདོད་པ་ལ་ཞེས་པ་ཅི་ཞེ་ན། ཀཱ་མུ་ཀཱ། དངོས་པོ་ཅུང་ཟད་འདོད་དོ་ཞེས་པའི་དོན་ཏོ། །ན་ག་
ལས་སྦོམ་པ་ལའོ། །ན་གའི་སྒྲ་ལས་སྦོམ་པོའི་དོན་ལ་ཨཱིའི་རྐྱེན་འགྱུར་རོ། །ནཱ་གཱི། སྦོམ་པོ་ཞེས་པ་ཅི་ཞེ་ན། ནཱ་གཱ། ན་གིའི་སྒྲ་གང་ཡིན་པ་ནི་རིགས་བརྗོད་པའོ། །དེའི་ཕྱིར་རིགས་ལས་ཨུ་པ་དྷཱ་ལས་ཞེས་པ་འདིའི་ཨཱི་གང་ཡིན་པའོ། །ནཱ་གཱི། སྠ་ལ་ལས་མ་བཅོས་པ་
ལའོ། །སྠ་ལིའི་སྒྲ་ལས་མ་བཅོས་པའི་དོན་ལ་ཨཱིའི་རྐྱེན་དུ་འགྱུར་རོ། །སྠ་ལཱི། མ་བཅོས་པ་ལ་ཞེས་པ་ཅི་ཞེ་ན། སྠ་ལཱ། གོ་ཎ་ལས་གླང་ཁལ་ལའོ། །གོ་ཎའི་སྒྲ་ལས་གླང་ཁལ་གྱི་དོན་ལ་ཨཱིའི་རྐྱེན་འགྱུར་རོ། །གླང་ཁལ་ནི་གང་དུ་འབྲུ་ལ་སོགས་པ་སྐྱེད་པའོ། །གོ་ཎཱི། གླང་ཁལ་ལ་ཞེས་པ་ཅི་ཞེ་ན། པིཎྜི་ལས་ཟས་
ལའོ། །པིཎྜའི་སྒྲ་ལས་ཟས་ལ་ཨཱིའི་རྐྱེན་འགྱུར་རོ། །པིཎྜཱི། ཟས་ལ་ཞེས་པ་ཅི་ཞེ་ན། པིཎྜཿ ཀུཎྜ་ལས་སྣོད་ལའོ། །ཀུཎྜིའི་སྒྲ་ལས་སྣོད་ཀྱི་དོན་ལ་ཨཱིའི་རྐྱེན་འགྱུར་རོ། །སྣོད་ནི་ཟས་ཀྱི་སྣོད་དོ། །ཀུཎྜི། སྣོད་ལ་ཞེས་པ་ཅི་ཞེ་ན། ཀུཎྜཱ། གྷ་ཊི་ལས་བཟོ་བྱེད་པ་ལའོ། །

བཟོ་བོས་བྱེད་པ་ནི་བཟོ་བྱེད་པའོ། །གྷ་ཊིའི་སྒྲ་ལས་བཟོ་བྱེད་པའི་དོན་ལ་ཨཱིའི་རྐྱེན་འགྱུར་རོ། །གྷ་ཊཱི། བཟོ་བྱེད་པ་ཞེས་པ་ཅི་ཞེ་ན། གྷ་ཊཱ། ཀུཾ་བྷ་ལས་སོ། །ཀུཾ་བྷའི་སྒྲ་ལས་བཟོ་བྱེད་པའི་དོན་ལ་ཨཱིའི་རྐྱེན་འགྱུར་རོ། །ཀུམྦཱི། བཟོ་བྱེད་པ་ཞེས་པ་ཅི་ཞེ་ན། ཀུམྦྷཱ། སིཏ་སོགས་
མ་ཡིན་པའི་ཁ་དོག་ལས་སོ། །གང་གི་ཚོགས་ཀྱི་དང་པོ་སིཏ་ཡིན་པ་དེ་ནི་སིཏ་སོགས་སོ། །ཁ་དོག་ལས་ཏེ། ཁ་དོག་བརྗོད་པའི་རྟགས་ལས་ཨཱིའི་རྐྱེན་འགྱུར་ཏེ། སིཏ་སོགས་མ་ཡིན་པ་སྟེ། སིཏ་སོགས་ཀྱི་ཚོགས་དོར་ནས་སོ། །ཤ་བ་ལཱི། ཀལྨ་སཱི། སིཏ་སོགས་མ་ཡིན་པ་ལ་
ཞེས་པ་ཅི་ཞེ་ན། སི་ཏཱ་ས་ལིཏཱ། ཤུཀྨཱ། ནཱི་ལའི་སྒྲ་ལས་སྨན་གྱི་དོན་ལ་ཨཱི་ཡིག་འདོད་ཏེ། ནཱི་ལཱི་ནཱ་མ་ཨོ་ཥ་དྷིཿ། ཀ་བ་རའི་སྒྲ་ལས་སྐྲ་ཆས་ཀྱི་དོན་ལའོ། །ཀ་བ་རཱི། དྷམྨི་ལ་མུ་ཙེ་ཏེ། ཏ་ཨུ་པ་དྷཱ་ལས་ཡང་ན་ཏེ་ཏའིའང་ན་ཡིག་གོ། །ཁ་དོག་ལས་ཞེས་པ་ཁོ་ནའོ། །ཏ་ཨུ་པ་
དྷཱ་ལས་ཏེ་ཏ་ཡིག་ཨུ་པ་དྷཱ་ཅན་ཁ་དོག་བརྗོད་པ་ལས་ཨཱིའི་རྐྱེན་ཡང་ན་འགྱུར་ཞིང་གང་གི་ཚེ་ཨཱི་རྐྱེན་ཡིན་པ་དེའི་ཚེ་ཏ་ཡིག་གི་ན་ཉིད་དོ། །ཨེ་ནཱི། ཨེ་ཏཱ། ཤྱེ་ནཱི། ཤྱེ་ཏཱ། ཧ་རི་ཎཱི། ཧ་རི་ཏཱ། ཁ་དོག་ལས་ཞེས་པ་ཅི་ཞེ་ན། སྲ་ཀྲྀ་ཏཱ། ཏ་ཨུ་པ་དྷཱ་ལས་ཞེས་པ་ཅི་ཞེ་ན། ཤ་བ་ལཱི།
འདིར་ཨཱིའི་རྐྱེན་རྟག་ཏུ་འགྱུར་རོ། །ཨུཏ་མཐའ་ལས་ཡོན་ཏན་བརྗོད་པ་ལས་སོ། །ཡོན་ཏན་སྨྲའོ་ཞེས་པ་ནི་ཡོན་ཏན་བརྗོད་པའོ། །མ་སྐྱེས་པའི་མིང་ལ་དེའི་ངང་ཚུལ་ལ་ཎི་ནི་ཞེས་པས་ཎི་ནིའོ། །ཡང་ན་ཞེས་པ་ཁོ་ནའོ། །ཨུཏ་མཐའ་ལས་ཏེ་ཨུ་ཡིག་གི་མཐའ་ཅན་ལས་ཡོན་ཏན་
བརྗོད་པ་སྟེ། ཡོན་ཏན་རྟོགས་པར་བྱེད་པ་ལས་ཨཱིའི་རྐྱེན་ཡང་ན་འགྱུར་རོ། །པ་ཊྭཱི། པ་ཊུཿ། མྲྀ་དྭཱི། མྲྀ་དུཿ། ཨུཏ་མཐའ་ལས་ཞེས་པ་ཅི་ཞེ་ན། ཤུཀླཱ། ཏ་ཕ་རོལ་ཏུ་བྱེད་པ་ནི་ཐེ་ཚོམ་མེད་པའི་དོན་དུའོ། །ཡོན་ཏན་བརྗོད་པ་ལས་ཞེས་པ་ཅི་ཞེ་ན། ཨཱ་ཁིར་ཡམ྄། ཁ་ཏུའི་སྒྲ་
ལས་ཡོན་ཏན་བརྗོད་པ་དང་། ཨུ་པ་དྷཱ་བརྩེགས་པ་ལས་ཀྱང་། ཨི་ཡིག་མི་འདོད་དེ། ཁ་ཏུ་རི་མམ྄། པཎྱ་རི་ཡཾ། བ་ཧུ་སོགས་རྣམས་ལས་ཀྱང་ངོ་། །བ་ཧུ་ཞེས་པ་འདི་ལྟ་བུ་ལ་སོགས་པ་རྣམས་ལས་ཨཱིའི་རྐྱེན་ཡང་ན་འགྱུར་རོ། །བཧྭཱི། བ་ཧུཿ། ཀ་ལྱཱ་ཎཱི། ཀ་ལྱཱ་ཎཱ།

ཨུ་དཱ་རི། ཨུ་དཱ་ར། ཨི་ཡིག་གི་མཐའ་ཅན་གྱི་རྟགས་ལས་ཨཱི་ཡིག་ཡང་ན་འདོད་དེ། རཱ་ཏྲི། ར་ཏྲཱིཿ། ཤཀྟཱི། ཤཀྟིཿ། དྷུ་ལཱི། དྷུ་ལིཿ། བ་ཧུ་དང་ཨུ་ད་ར་དང་ཀ་ལྱཱ་ཎ་དང་། པུ་རཱ་ཎ་དང་། ཀྲྀ་པ་ཎ་དང་བི་ཤ་ལ་ཞེས་པ་འདི་རྣམས་བ་ཧུ་སོགས་རྣམས་
སོ། །བྷུ་བ་ལས་རྟག་ཏུའོ། །བྷུ་བ་ཞེས་པ་འདིར་བྷུའི་སྒྲ་སྨོས་པ་ནི། ཨགྣིའི་བྱ་བ་མི་འགྱུར་བར་ངེས་པར་བསྟན་པའི་ཕྱིར་ཨཏ་ཉིད་ཀྱི་རྒྱུ་ལས་ཨུ་བར་བསྒྱུར་བའོ། །བྷུ་ཞེས་པ་འདི་ལྟ་བུའི་རྟགས་ཀྱི་མཐའ་ལས་ཨཱིའི་རྐྱེན་རྟག་ཏུའོ། །བིབྷུཿ། བི་བྷྭི། པྲ་བྷུཿ། པྲ་བྷྭཱི། བྷུའི་
སྐྲ་སྨོས་པ་ལས་འདིར་མི་འགྱུར་ཏེ། སྭཡཾ་བྷཱུ་རི་ཡམ྄། ས་ཁི་ཨ་སི་ཤུ་དག་ལས་ཀྱང་ངོ་། །ས་ཁི་དང་ཨ་སི་ཤུའི་སྒྲ་དག་ལས་ཨཱིའི་རྐྱེན་འགྱུར་རོ། །ས་ཁཱི། ཨ་སི་ཤྭི། གང་ལ་བུ་ཚ་ཡོད་པ་མིན་པ་ཅན་མ་ཞེས་ཚིག་རྣམ་པར་སྦྱར་རོ། །སྐྱེས་པ་དང་ལྡན་པ་ལས་གལ་ཏེ་དེའི་
བཤད་པ་ལས་སོ། །སྐྱེས་པ་དང་ལྡན་པ་ནི་སྐྱེས་པ་དང་འབྲེལ་པའོ། །སྐྱེས་པ་དང་ལྡན་པ་ལས་ཏེ། གང་སྐྱེས་བུ་དང་འབྲེལ་པའི་རྒྱུ་གང་ཡིན་པའི་སྒྲ་བུད་མེད་ལ་འཇུག་པ་དེ་ལས་ཨཱིའི་རྐྱེན་འགྱུར་ཏེ། གལ་ཏེ་སྐྱེས་པའི་སྒྲ་དེས་བཤད་པ་སྟེ་བསྟན་པར་གྱུར་པ་ནའོ། །སྨད་འཚོང་མའི་
བུད་མེད་ནི། ག་ཎ་ཀཱི། དེ་བཞིན་དུ། མ་ཧཱ་མཱ་ཏྲི། འདིར་སྨད་འཚོང་མས་སྐྱེས་བུ་དང་འབྲེལ་བ་ཉིད་ཀྱི་ཕྱིར་བུད་མེད་ཀྱི་ཚོགས་ཀྱི་སྒྲ་ལ་འཇུག་སྟེ། དེས་ན་སྨད་འཚོང་གི་སྒྲས་སྐྱེས་བུ་ཡང་བཤད་པའོ། །སྐྱེས་པ་དང་ལྡན་པ་ཅི་ཞེ་ན། དེ་བ་དཏྟཱ། སྒྲ་འདི་སྐྱེས་བུ་དང་འབྲེལ་
པ་ལས་བུད་མེད་ལ་འཇུག་པ་མ་ཡིན་ཏེ། འོ་ན་ཅི་ཞེ་ན། འདི་མིང་གི་སྒྲའོ། །གལ་ཏེ་དེའི་བཤད་པ་ལས་ཞེས་པ་ཅི་ཞེ་ན། པྲ་སཱུ་ཏཿ། སྒྲ་འདི་སྐྱེས་བུ་དང་འབྲེལ་པས་བུད་མེད་ལ་འཇུག་མོད་སྐྱེས་བུ་བཤད་པ་ནི་མ་ཡིན་ནོ། །གང་མངལ་གྲོལ་བ་རབ་ཏུ་བཙའ་བ་ཉིད་མ་ཡིན་པ་དེ་ནི་སྐྱེས་
བུར་འགྱུར་རོ། །གོ་བ་ལ་ཀ་སོགས་རྣམས་ཀྱི་ཨི་ཡིག་མི་འདོད་ཏེ། བ་ལང་སྐྱོང་བའི་བུད་མེད་ནི། གོ་པཱ་ལི་ཀཱ། ཨ་ཤྭ་པཱ་ལི་ཀཱ། ཨ་ཤྭ་ཀ་པའི་སྒྲའི་མཐའ་གོ་པཱ་ལ་ཀ་སོགས་པ་རྣམས་སོ་ཞེས་གསུང་ངོ་། །སཱུཪྻ་ལས་ལྷ་ཉིད་ཀྱི་དོན་ལའོ། །ཉི་མའི་བུད་མེད་ནི། སཱུརྻ། ལྷ་ཉིད་

ལ་ཞེས་པ་ཅི་ཞེ་ན། སྲུརྻ་ཞེས་པ་འགའ་ཞིག་གི་མིང་སྟེ། དེའི་བུད་མེད་ནི། སཱུ་རི། བུ་རྒྱུད་ཀྱི་དབྱངས་སྔ་མ་མིན་པའི་ཡའི་ཞེས་སྦྱོར་བ་རྣམ་པར་གཞག་པ་ལས་ཡ་དབྱིའོ། །ཨིནྡྲ་དང་བ་རུ་ཎ་བྷ་བ་དང་ཤརྦ་རུ་དྲ་དང་རྣམས་ཀྱི་ཨཱི་ཡིག་བྱས་པ་ལ། ཨ་ནུ་ཨཱ་ག་མ་བཤད་པར་བྱ་སྟེ།
དབང་པོའི་བུད་མེད་ནི། ཨི་ནྡྲཱ་ཎཱི། དེ་བཞིན་དུ། བ་རུ་ཎཱ་ནཱི། བྷ་བཱ་ནི། ཤརྦཱ་ཎི། རུ་དྲཱ་ཎཱི། ཧི་མ་དང་ཨ་ར་ཎྱ་དག་ལས་ཆེན་པོ་ཉིད་ཀྱི་དོན་ལ་ཨི་ཡིག་འདོད་ཏེ། ཨཱ་ནུ་ཨཱ་ག་མའང་ངོ་། །གང་ཆེན་མོ་ནི། ཧི་མཱ་ནཱི། ཨ་ར་ཎྱ་ཆེན་མོ་ནི། ཨ་ར་ཎྱ་ནཱི། ཨ་ཏྱ་དང་ཀྵ་ཏྲི་ཡ་དང་
ཨུ་པ་དྷཱ་ཡ་དང་མ་མཱ་ཏུ་ལ་རྣམས་ཀྱི་ཨཱི་ཡིག་ཕ་རོལ་ལ་ཨ་ནུ་ཨཱ་ག་མ་ཡང་ན་བཤད་པར་བྱའོ། །འཕགས་པའི་བུད་མེད་ནི། ཨཱཪྻཱ་ཎཱ། ཨཱཪྻཱི། དེ་བཞིན་དུ། ཀྵ་ཏྲི་ཨཱི་ཎི། ཨུ་པཱ་དྷྱཱ་ཡཱི། ཨུ་པཱ་དྷྱཱ་ཡཱི། པཱ་དྷྱཱ་ཡཱི་ན། མཱ་ཏུ་ལཱ་ནཱི། མཱ་ཏུ་ལཱ་ནཱི། མ་ཏུ་ལཱི། ཀྲཱྀཏ་ལས་རྒྱུ་
སྔོན་མ་ལས་སོ། །ཉོས་པ་གང་ལས་རྒྱུ་སྔོན་མ་ཡིན་པ་ཞེས་ཚིག་རྣམ་པར་སྦྱར་རོ། །ཀྲཱྀ་ཏིའི་སྒྲ་ལས་རྒྱུ་སྔོན་མ་ལས་ཨཱིའི་རྐྱེན་འགྱུར་རོ། །གོས་ཀྱིས་ཉོས་པ་ནི། བ་སྟྲཱ་ཀྲཱྀ་ཏི། དྷཱ་ན་ཀྲཱྀ་ཏཱི། རྒྱུ་སྔོན་མ་ལས་ཞེས་པ་ཅི་ཞེ་ན། བདེ་བར་ཉོས་པ་ནི། སུ་ཁ་ཀྲཱྀ་ཏཱ། བདེ་བའི་སྒྲ་ནི་བྱ་
བའི་ཁྱད་པར་ལས་སོ། །ངག་ལ་ནི་མི་འདོད་དེ། ཨ་ཤྭེ་ན་ཀྲཱྀ་ཏཱི། སཱུ་ཏ་ཀྲ་ཏུ་མ་ནུ་ལས་ཨཻའང་ངོ་། །སཱུ་ར་སཱུ་ཏ་ཀྲ་ཏུ་དང་མ་ནུ་ལས་ཞེས་ཀུན་སྡུད་པའི་ཟླས་དབྱེའོ། །སཱུ་ཏ་ཀྲ་ཏུ་མ་ནུའི་སྒྲ་རྣམས་ལས་ཨཱིའི་རྐྱེན་འགྱུར་ཞིང་དེ་དག་གི་ཨེ་ཡིག་ཏུ་བསྒྱུར་བའང་ངོ་། །སཱུ་ཏ་ཀྲ་ཏུའི་བུད་མེད་ནི།
སཱུ་ཏ་ཀྲ་ཏཱའི། མ་ནུ་ལས་ཨོ་ཡིག་ཏུ་བསྒྱུར་བ་ཡང་འདོད་དེ། མ་ནཱ་བཱི། ཕྱོགས་གཅིག་ལ། མ་ནཱ་མཱི། ཨཻ་ཡིག་ཏུ་བསྒྱུར་བ་ཡང་ན་འདོད་དོ། །དེས་ན། མ་ནུཿ། སཱུ་ཏ་ཀྲ་ཏུ་དང་མ་ནུའི་སྒྲ་གང་གི་ཚེ། སྐྱེས་པ་དང་སྦྱོར་བའི་རྒྱུ་ལས་བུད་མེད་ལ་འཇུག་པ་དེའི་ཚེ་ཆོ་ག་འདིའོ། །
དེས་ན་འདིར་མི་འགྱུར་ཏེ། གང་གི་ཀྲ་ཏུ་ལ་བ་ཡིན་པ་དེ་ནི། སཱུ་ཏ་ཀ་ཏུཿ། དེ་བཞིན་དུ་མདོ་ཕྱི་མ་ལ་ཡང་ངོ་། །ཀུ་པི་ཏ་ཨགྣི་བྲྀཀྵ་ཀ་སི་ལས་སོ། །ཀུ་པིཏ་དང་ཨགྣི་དང་པྲྀཀྵ་ཀ་སི་ཞེས་པ་འདི་རྣམས་ལས་ཨཱིའི་རྐྱེན་འགྱུར་ཞིང་། དེ་རྣམས་ཀྱི་ཨཻ་ཡིག་ཏུ་བསྒྱུར་བ་ཡང་ངོ་། །སྨད་པའི་བུད་

མེད་ནི། ཀུ་སི་ཏཱ་ཡཱི། དེ་བཞིན་དུ། ཨཱགྣཱི་ཡཱི། བྲྀཀྵཱ་ཀ་སཱ་ཡཱི། བྲཧྨ་སཱུ་ཏ་བྷོ་ཛ་ཨུ་གྲ་རཱ་ཛཱན྄ ལས་དུ་ཧི་ཏྲྀ་པུ་ཏྲ་ཡང་ནའོ། །བྲཧྨ་སོགས་རྣམས་ཀྱི་ཀུན་སྡུད་པའི་ཟླས་དབྱེ་བའོ། །བྲཧྨ་དང་སཱུ་ཏ་དང་བྷོ་ཛ་དང་ཨུ་གྲ་དང་རཱ་ཛཱན་ཞེས་པ་འདི་རྣམས་ལས་ཕ་རོལ་གྱི་དུ་ཧི་ཏྲྀའི་སྒྲ་
ལས་ཨཱིའི་རྐྱེན་ཡང་ན་འགྱུར་ཞིང་། ཨཱིའི་རྐྱེན་གྱི་ཕྱོགས་ལ་དུ་ཧི་ཏྲྀའི་སྒྲ་པུཏྲ་རུ་བསྒྱུར་བའོ། །ཚངས་པའི་བུ་མོ་ནི། བྲཧྨ་པུ་ཏྲཱི། དེ་བཞིན་དུ། སཱུ་ཏ་པུ་ཏྲཱི། སཱུ་ཏ་དུ་ཧི་ཏཱ། བྷོ་ཛ་པུ་ཏྲཱི། བྷོ་ཛ་དུ་ཧི་ཏཱ། ཨུ་གྲ་པུ་ཏྲཱི། ཨུ་གྲ་དུ་ཧི་ཏཱ། རཱ་ཛ་པུཏྲཱི། རཱ་ཛ་དུ་ཧི་ཏ། བུད་མེད་མིན་
པ་ལས་ཡ་ཨུ་པ་དྷཱ་མིན་པའི་རིགས་ལས་སོ། །རྟགས་གང་གི་ཨུ་པ་དྷཱ་ཡ་ཡིག་ཡིན་པ་དེ་ནི་ཡ་ཨུ་པ་དྷཱའོ། །དེ་ནས་དགག་པའི་བསྡུ་བའོ། །བུད་མེད་མ་ཡིན་པ་ནི་བུད་མེད་མ་ཡིན་པ་ལ་སྟེ་ཨ་དྷི་སོགས་ཉིད་ཀྱི་ཕྱིར་ཏས྄འོ། །ཐ་དད་པའི་དོན་རྣམས་ལའམ། ཐ་དད་པའི་དངོས་པོ་རྣམས་ལ་སྒྲ་རྣམ་པ་
གཅིག་པ་ཅན་གྱི་ཤེས་པ་སྐྱེ་བ་དེ་ནི་རིགས་སོ། །རིགས་བརྗོད་པའི་རྟགས་གང་ཞིག་ཡ་ཨུ་པ་དྷཱ་མ་ཡིན་པ་དང་དེ་བཞིན་དུ་བུད་མེད་མ་ཡིན་པ་ཁོ་ན་ལ་གང་འཇུག་པ་དེ་ལས་ཨཱིའི་རྐྱེན་འགྱུར་རོ། །རིགས་སྨོས་པ་ལས་རྟགས་ཀྱི་རིགས་ཐམས་ཅད་བསྟན་པ་ནི་མ་ཡིན་ཏེ། །ཅིག་ཅར་དུ་བཤད་
པ་དཔྱད་པར་བྱ་བ། གོ་ཏྲའང་རིགས་ཞེས་པའི་ལྷན་ཅིག་སྤྱོད་པའིའོ། །ཀུཀྐུ་ཊཱི། བྲཱཧྨ་ཎཱི། ནཱ་ཌཱ་ད་སྤ་ནཱི། ཀ་བཱི། རིགས་ལས་ཞེས་པ་ཅི་ཞེ་ན། མཎྜསྤ། ཨུ་པ་དྷཱ་མ་ཡིན་པ་ལས་ཞེས་པ་ཅི་ཞེ་ན། ཀྵ་ཏྲི་ཡཱ་བུད་མེད་མ་ཡིན་པ་ལ་ཞེས་པ་ཅི་ཞེ་ན། བ་ལཱ་ཀཱ། པཱ་ཀ་སོགས་
ཀྱི་མཐའ་ལས་ད་ལྟ་བ་ཉིད་འང་ངོ་། །གང་རྣམས་ཀྱི་དང་པོ་པཱ་ཀའི་སྒྲ་ཡིན་པ་དེ་ནི་པཱ་ཀ་སོགས་རྣམས་སོ། །གང་གི་མཐའ་དེ་རྣམས་ཡིན་པ་དེ་ནི་པཱ་ཀ་སོགས་ཀྱི་མཐའོ། །རིགས་ལས་ཞེས་པ་ཁོ་ནའོ། །རིགས་རྫོགས་པའི་རྟགས་པཱ་ཀ་སོགས་ཀྱི་མཐའ་གང་ཡིན་པ་དེ་ལས་ཨཱིའི་རྐྱེན་
འགྱུར་རོ། །བུད་མེད་མིན་པ་ལ་ཞེས་པས་དགག་པ་ཐོབ་པ་ལའོ། །ཨོ་ད་ན་པཱ་ཀཱི། སཾ་ཀུ་ཀརྞཱི། པཱ་ཀ །ཀརྞ། པཎྜི། པུཥྤ། ཕ་ལ། མཱུ་ལ། པཱ་ལ། ཞེས་པ་འདི་རྣམས་པཱ་ཀ་སོགས་རྣམས་སོ། །ཨིཎ་ལས་སོ། །ཨིཎ་ལས་ནི་ཨིཎ་ལས་སོ། །འདོད་པའི་དབང་ལས་

ཏས་སོ། །ཨིཎའི་མཐའ་ལས་ཨཱིའི་རྐྱེན་འགྱུར་རོ། །མཁས་པའི་བུད་མེད་ཀྱི་བུ་རྒྱུད་ནི། དཱཀྵཱི། དེ་བཞིན་དུ། པླཱ་ཀྵཱི། ཨཏ་ལས་ཨིཎའོ་ཞེས་པས་ཨིཎ་བྱས་པ་ལ་ཨཱིའི་རྐྱེན་ནོ། །མིའི་རིགས་ལས་སོ། །མིའི་རིགས་ནི་མི་རིགས་སོ། །མིའི་རིགས་བརྗོད་པའི་རྟགས་ཨི་ཡིག་གི་
མཐའ་ཅན་ལས་ཕ་རོལ་ཏུ་ཨཱིའི་རྐྱེན་འགྱུར་རོ། །ཨ་བནྟཱི་ཀུནྟི་མིའི་རིགས་ལ་ཞེས་པ་ཅི་ཞེ་ན། དིཏྟ་རིཿ། འདི་འདབ་ཆགས་ཀྱི་རིགས་སོ། །ཨི་ལས་ཞེས་པ་ཅི་ཞེ་ན། ཨུ་ད་རམ྄། ཨུཏ་ལས་ཨཱུང྄འོ། །ཨུཏ་ལས་ཏེ་ཨཱུ་ཡིག་གི་མཐའ་ལས་མིའི་རིགས་བརྗོད་པ་ལས་ཨཱུངའི་རྐྱེན་འགྱུར་
རོ། །ང་ཡིག་ནི་སྐྱེས་པར་བཤད་པ་ཅན་ནི་སྐྱེས་པ་བཞིན་ཞེས་པའི་དོན་ཏོ། །ཀུ་རུཿ། བྲཧྨ་བནྡྷུཿ། མིའི་རིགས་ལས་ཞེས་པ་ཅི་ཞེ་ན། ཀྲྀ་ཀ་པཱ་ཀུཿ། པངྒུ་ཀ་དྲུ་ལས་སོ། །པངྒུ་དང་ཀ་དྲུའི་སྒྲ་དག་ལས་ཨཱུང་འགྱུར་རོ། །མིའི་རིགས་ཀྱི་དོན་བརྗོད་པ་མ་ཡིན་ནོ། །པངྒུཿ། ཀདྲུཿ།
ས་ཧ་ལཀྵྨཎ། བ་མ་དང་པོ་ཅན་ལས་ཨཱུ་ཏུ་ལས་སོ། །ས་ཧ་དང་ལཀྵྨཎ་དང་བཱ་མ་དང་པོ་ཅན་ལས་ཟླས་དབྱེ་ཁོང་ན་གནས་པའི་འབྲུ་མང་པོ་པའོ། །ས་ཧ་དང་ལཀྵྨཎ་དང་བཱ་མ་དང་པོ་ཅན་ལས་ཨཱུ་ཏུའི་སྒྲ་ལས་ཨཱུང་འགྱུར་རོ། །མིའི་རིགས་ཀྱི་དོན་བརྗོད་པ་མ་ཡིན་ནོ། །གང་ཨུ་རུ་དང་ལྷན་ཅིག་པ་དེ་ནི། ས་
ཧོ་རུཿ། དེ་བཞིན་དུ་ལཀྵྨཎུ་ཏུཿ། བཱ་མོ་རུཿ། ས་ཧ་སཾ་ཧི་ཏ་ས་ཧི་ཏ་དང་པོ་ཅན་ལས་ཀྱང་ཨཱུ་རུ་ཉིད་དུ་བཤད་པར་བྱའོ། །ས་ཧོ་རུཿ། སཾཧི་ཏོ་རུཿ། ས་ཧི་ཏོ་རུཿ། དཔེ་དང་བཅས་པ་ལས་སོ། །ཉེ་བར་འཇལ་བར་བྱེད་པའི་དངོས་པོ་ནི་དཔེའོ། །དེ་དང་ལྷན་ཅིག་སྦྱར་བར་གྱུར་པ་ནི་དཔེ་དང་ལྷན་ཅིག་པའོ། །དཔེ་དང་བཅས་པའི་ཨཱུ་རུ་ལས་ཨཱུང་འགྱུར་
རོ། །གང་གི་བརླ་རྔ་མོ་འདྲ་བ་དེ་ནི། ཀ་ར་བྷོ་རུཿཀ་ད་ལཱི་སྟ་བྷོ་རུཿ། བ་ཧུའི་མཐའ་ལས་ཀྱང་མིང་ཉིད་ལའོ། །བ་ཧུའི་སྒྲའི་མཐའ་ལས་མིང་ཉིད་ཀྱི་ཡུལ་ལ་ཨཱུང་འགྱུར་རོ། །བྷ་ཏྲ་བཱ་ཧུཿ། མ་ཏྲ་བཱ་ཧུཿ། མིང་ལ་ཞེས་པ་ཅི་ཞེ་ན། བྲྀཏྟ་བཱ་ཧུ་རི་ཡཾ། ཤྭ་སུ་རིའི་འང་ཨུ་ཨ་དབྱི་བ་ངག་
གོ། །ཨུ་དང་ཨ་ནི་ཨུ་ཨ་དག་གོ། །གང་གི་ཨུ་ཨ་ཕྱིས་པ་ནི་ཨུ་ཨ་ཕྱིས་པས་སོ། །ཤྭ་སུ་རའི་སྒྲ་ལས་ཨཱུང་འགྱུར་ཞིང་ཨུ་ཡིག་དང་ཨ་ཡིག་གིའང་དབྱིའོ། །ཤྭ་ཤྲུཿ། ཇོ་བོ་དྲག་འབྱོར་གྱིས་མཛད་པའི་འགྲེལ་པ་སློབ་མ་ལ་ཕན་པར་མིང་གི་སྐབས་སུ་རྐང་པ་བདུན་རྫོགས་སོ།། །།

འདི་ནི་ཆོས་ཀྱི་རྗེ་སྐད་གཉིས་སྨྲ་བ་རྣམས་ཀྱི་གཙུག་གི་ནོར་བུ་ཐུབ་པའི་དབང་པོ་དང་མཁྱེན་རབ་མི་གཉིས་པ། དཔལ་ལྡན་བློ་གྲོས་བརྟན་པའི་བཀའ་དྲིན་ལས་བདེ་བར་གཤེགས་པའི་གསུང་རབ་དང་ཐ་སྙད་ཀྱི་གཙུག་ལག་རྣམས་ལ་བློ་གྲོས་རྒྱ་ཆེར་ཐོབ་པ། གངས་ཅན་གྱི་ཁྲོད་དུ་
སྐད་གཉིས་པར་སྨྲ་བ་ཤཱཀྱའི་དགེ་སློང་བྱང་ཆུབ་རྩེ་མོས་དགས་པོ་རྫ་མ་ཡུལ་དུ་བསྒྱུར་བ་རེ་ཞིག་རྫོགས་སོ།། །།སངས་རྒྱས་ལ་ཕྱག་འཚལ་ལོ། །བཀྲ་ཤིས་པ་པ་ར་སྨེའི་ཚིག་རྣམས་སོ། །འདི་ནི་སྤྱིར་བཏང་བ་སྟེ། བརྟ་མཱ་ནཱ། ཏི་ཏས། ཨནྟི་ཞེས་པ་ལ་སོགས་པ་རྣམས་
ལ་ཉེ་བར་གནས་ཤིང་དྲུག་གི་དང་པོ་རྣམས་བྱིངས་ཐམས་ཅད་པའོ་ཞེས་པ་འདི་ལས་གོང་དུ་སྤྱིར་བཏང་བ་འདིའོ། །ཨ་ཐའི་སྒྲ་ནི་བཀྲ་ཤིས་པའི་དོན་ཏོ། །ཕྱི་མ་དགུ་རྣམས་ཨཱཏྨ་ནེའོ། །ཨཱཏྨ་ནེའི་ཚིག་རྣམས་སོ་ཞེས་དང་པོའི་མང་པོའི་ཚིག་གི་མཐའ་ཅན་ཏེ། དང་པོ་དབྱི་བའང་ཞེས་པས་ཚིག་
རྣམས་སོ་ཞེས་པ་འདི་དབྱིའོ། །འདི་ཡང་སྤྱིར་བཏང་བ་སྟེ། བརྟ་མཱ་ནཱའི་ཏེ། ཨཱ་ཏེ། ཨནྟེ་ཞེས་པ་ལ་སོགས་པ་རྣམས་ལ་ཉེ་བར་གནས་ཏེ་རྣམ་པ་འདི་ནི་སྔར་བརྗོད་པ་ཁོ་ནའོ། །གསུམ་གསུམ་རྣམས་དང་པོ་དབུས་མ་ཕྱི་མ་རྣམས་སོ། །པ་རསྨཻའི་ཚིག་རྣམས་ཀྱི་ཚིག་གསུམ་གསུམ་རྣམས་
རྣམ་གྲངས་ཇི་ལྟ་བ་བཞིན་དུ། དང་པོ་དང་། དབུས་མ་དང་། ཕྱི་མའི་མིང་ཅན་རྣམས་སུ་འགྱུར་རོ། །ཏི། ཏས། ཨནྟི་ཞེས་པ་དང་པོའོ། །སི། ཐས། ཐ་ཞེས་པས་དབུས་མའོ། །མི། བས། མས་ཞེས་པ་ཕྱི་མའོ། །ཨཱཏྨ་ནེའི་ཚིག་རྣམས་ཀྱི་ཡང་འདི་ལྟ་སྟེ། ཏེ། ཨཱ་ཏེ། ཨནྟེ་ཞེས་པ་དང་
པོའོ། །སེ། ཨཱ་ཐེ། དྷྭེ་ཞེས་པ་དབུས་མའོ། །ཨེ། བ་ཧེ། མ་ཧེ་ཞེས་པ་ཕྱི་མའོ། །དང་པོ་དང་དབུས་མ་དང་ཕྱི་མའི་མིང་རྣམས་ཀྱིས་གང་དུ་དགོས་ཤེ་ན། མིང་ལ་རབ་ཏུ་སྦྱོར་བ་ལའང་དང་པོའོ། །ཁྱེད་ལ་དབུས་མའོ། །ངེད་ལ་ཕྱི་མའོ་ཞེས་པ་འདིའོ། །ས་པ་ཙ་ཏི། ཏྭཾ་པ་
ཙ་སི། ཨ་ཧཾ་པ་ཙཱ་མི། དང་པོ་དང་། དབུས་མ་དང་། ཕྱི་མའི་མིང་ཅན་རྣམས་ནི་སྐྱེས་བུའི་མིང་ཅན་དུའང་རྟོགས་པར་བྱ་སྟེ། ཅིག་ཅར་བརྗོད་པ་ལ་སྐྱེས་བུ་རྣམས་ཀྱི་ཕ་རོལ་ལོ་ཞེས་སྐྱེས་བུ་སྨོན་པའི་ཕྱིར་རོ་ཅིག་ཅར་བརྗོད་པ་ལ་སྐྱེས་བུ་རྣམས་ཀྱི་ཕ་རོལ་ལོ། །ཅིག་ཅར་བརྗོད་པ་

ནི་ཅིག་ཅར་བརྗོད་པ་ཞེས་པ་དེའི་སྐྱེས་བུའོ། །འདི་ནི་ཡོངས་སུ་བཤད་པའོ། །སྐྱེས་བུ་རྣམས་ཀྱི་སྟེ་དང་པོ་དང་། དབུས་མ་དང་། ཕྱི་མ་རྣམས་ཀྱི་ཅིག་ཅར་བརྗོད་པ་ལ་སྟེ། དུས་མཚུངས་པར་བརྗོད་པར་གྱུར་པ་ན། གང་ཕ་རོལ་གྱི་སྐྱེས་བུ་དེ་ཁོ་ན་བྱིངས་ལས་འགྱུར་རོ་ཞེས་ཡོངས་
སུ་བཤད་པར་བྱའོ། །བྱིངས་ཀྱི་དོན་གཅིག་ལ་གང་གི་ཚེ་མིང་ཉེ་བར་གྱུར་པ་དང་། ཡུཥྨཏ། ཨསྨད་དག་ཀྱང་ཡིན་པ་དེའི་ཚེ། དང་པོ་དང་། དབུས་མ་དང་། ཕྱི་མ་རྣམས་ངེས་པ་མེད་པར་ཐོབ་པར་འགྱུར་རོ་ཞེས་པས་ངེས་པ་བྱའོ། །ས་ཙ། ཏྭཾ་ཙ། ཨ་ཧཾ་ཙ། པཙཱ་མཿ། འདིར་
རིམ་པས། དང་པོ་དང་། དབུས་མ་དང་། ཕྱི་མ་ཐམས་ཅད་འབྱུང་བར་འགྱུར་རོ་ཞེས་པས་མདོ་རྩོམ་པ་སྟེ་དེས་ན་ཕྱི་མ་ཁོ་ནར་འགྱུར་རོ། །ཌུ་པ་ཙ་ཥ། བརྟ་མཱ་ནཱའི་མྲས། ཨ་ན་བི། ཨའི་བ་མ་དག་ལ་རིང་པོའོ་ཞེས་པས་རིང་པོའོ། །སྐྱེས་བུ་རྣམས་ཀྱི་ཞེས་པའི་མང་པོའི་ཚིག་ནི་གཙོ་བོ་
མ་ཡིན་ཏེ། དེས་ན་འདི་ལ་ཡང་ཕ་རོལ་གྱི་སྐྱེས་བུར་འགྱུར་རོ། །པ་ཙ་ཏྭཾ་ཙ། བ་ཙ་ཐཿ། ཏྭ་ཙ་ཨ་ཧཾ་ཙ། པ་ཙཱ་བ། སྔ་མ་བཞིན་བི་ཀ་ར་ཎའི་རིང་པོའོ། །སྔར་བཤད་པ་དང་ཕྱི་མར་འཆད་པའི་ཡོངས་སུ་བཤད་པ་གྲུབ་པ་ཉིད་ཀྱི་ཕྱིར་སྦྱོར་བ་རྩོམ་པ་ནི་ཡོངས་སུ་བཤད་པ་དེ་ཁོ་ནའི་སྤྲོས་
པའི་དོན་ཏོ་ཞེས་གསུང་ངོ་། །མིང་ལ་རབ་ཏུ་སྦྱོར་བ་ལའང་དང་པོའོ། །མིང་ལ་རབ་ཏུ་སྦྱོར་བར་གྱུར་པ་ན་བྱིངས་ལས་དང་པོར་འགྱུར་རོ། །འང་གི་སྒྲ་ལས་རབ་ཏུ་སྦྱོར་བ་མ་ཡིན་པ་ན་ཡང་ངོ་། །སབ་ཙ་ཏི་ཏཽ། པ་ཙ་ཏཿ། ཏེ་པ་ཙནྟི། རབ་ཏུ་སྦྱོར་བ་མ་ཡིན་པ་ལ། པ་ཙ་ཏི། པ་ཙ་ཏཿ། པ་ཙནྟི།
ཏི། ཏས། ཨནྟི། ཨན་བི། ཨ་དང་མཚམས་སྦྱོར་གྱི་ཡི་གེ་ཞེས་པས་དབྱིའོ། །འོ་ན་རབ་ཏུ་སྨོས་པ་ཅིའི་དོན་ཡིན་ཏེ། མིང་ལ་རབ་ཏུ་སྦྱོར་བ་ལའང་དང་པོའོ་ཞེས་བྱ་བ་ན་སྦྱོར་བ་ལ་ནི་བྱིངས་དང་འབྲེལ་བཞིན་པའོ་ཞེས་པའི་དོན་རྣམ་པར་ཤེས་པས་སོ་ཞེ་ན། འདིར་བརྗོད་པར་བྱ་སྟེ།
རབ་ཏུ་ཞེས་སྨོས་པའི་རབ་ཏུ་གྱུར་པར་རྟོགས་པའི་དོན་དུའོ། །དེས་ན་རབ་ཏུ་གྱུར་པའི་གཞི་མཐུན་པ་ཉིད་ཀྱིས་གང་གི་ཚེ་མིང་བྱིངས་ཀྱི་རྣམ་པར་འབྱེད་ཅིང་དེ་དང་འབྲེལ་པ་དེའི་ཚེ་དང་པོའོ། །དེས་ན་འདིར་མི་འགྱུར་ཏེ། དེ་བ་དཏྟེ་ན་པཱུ་ཛྱ་སེ་ཏྭམ། འདིར་དེ་བ་དཏྟ་ནི། བྱེད་པ་པོ་དང་བྱིངས་ཀྱི་

དོན་ནི་ལས་ཀྱི་ཡུལ་ཅན་ཏེ། དེས་ན་མིང་ནི་བྱིངས་དང་གཞི་མཐུན་པ་ཉིད་མེད་དོ། །པཱུ་ཛ་མཆོད་པ་ལའོ། །ཙུ་ར་སོགས་ལས་ཀྱང་ཞེས་པས་ཨིན྄འོ། །བརྟ་མཱ་ནཱའི་སེའོ། །བྱིངས་ཐམས་ཅད་པ་ལ་ཡཎའོ། །ཎ་ཡིག་ནི་ནཎ་ཏུ་བྱེད་པའི་དོན་ལའོ། །ཀཱ་རི་ཏའི་ཨཱམ་
ཨིཊ་བི་ཀ་ར་ཎ་མ་ཡིན་པ་ལའོ་ཞེས་པས་ཀ་རི་ཏཱ་དབྱིའོ། །ཁྱེད་ལ་དབུས་མའོ། །ཁྱེད་ལ་ཞེས་པ་ཁོ་ནར་ངེས་པར་བསྟན་པའི་ཕྱིར་མཚན་ཉིད་མེད་དེ། དེ་བཞིན་དུ་མདོ་ཕྱི་མ་ལའང་ངོ་། །རབ་ཏུ་སྦྱོར་བ་ལ་ཞེས་པ་འདི་ལ་རྗེས་སུ་འཇུག་སྟེ་ཕྱི་མ་ལའང་ངོ་། །ཁྱེད་རབ་ཏུ་སྦྱོར་བར་གྱུར་པ་ལ་བྱིངས་
ལས་དབུས་མར་འགྱུར་ཏེ། འང་གི་སྒྲ་ལས་རབ་ཏུ་སྦྱོར་བ་མ་ཡིན་པ་ལའང་ངོ་། །ཏྭཾ་པ་ཙ་སི། ཡུ་བཱཾ་པ་ཙ་ཐཿ། ཡཱུ་ཡཾ་པ་ཙ་ཐ། རབ་ཏུ་སྦྱོར་བ་མ་ཡིན་པ་ལ། པ་ཙ་སི། པ་ཙ་ཐཿ། པ་ཙ་ཐ། ངེད་ལ་ཕྱི་མའོ། །ངེད་རབ་ཏུ་སྦྱོར་བར་གྱུར་པ་ན་བྱིངས་ལས་ཕྱི་མར་འགྱུར་ཏེ། འང་གི་སྒྲ་
ལས་རབ་ཏུ་སྦྱོར་བ་མ་ཡིན་པ་ལའང་ངོ་། །ཨ་ཧཾ་པ་ཙཱ་མི། ཨཱ་བཱཾ་པ་ཙཱ་བཿ། བ་ཡཾ་པ་ཙཱ་མཿ། རབ་ཏུ་སྦྱོར་བ་མ་ཡིན་པ་ལ། པ་ཙཱ་མི། པ་ཙཱ་བཿ། པ་ཙཱ་མཿ། ཨའི་བ་མ་དག་ལ་རིང་པོའོ། །དཱཔ་མིན་པའི་དྷ་དྷཱ་དག་དཱའོ། །དཱཔ་གཅོད་པ་ལའོ། །དཻཔ྄་དག་པ་ལའོ། །འདི་དག་གི་ཐུན་མོང་
བ་གང་ཡིན་པ་དཱཔྲ་ཞེས་པའི་གཟུགས་དེ་འདིར་གཟུང་བར་བྱ་ཞིང་དཱཔྲ་མ་ཡིན་པའོ། །དཱ་དང་དྷཱ་ནི་དཱ་དྷ་དག་གོ། །ཌུདཱ་ཉ་སྦྱིན་པ་ལའོ། །དཱ་ཎ་སྦྱིན་པ་ལའོ། །དེང་བསྲུང་བ་ལའོ། །དོ་དུམ་བུར་བྱེད་པ་ལའོ་ཞེས་པ་འདི་རྣམས་ཀྱི་མཚམས་སྦྱོར་གྱི་ཡི་གེའི་མཐའ་རྣམས་ཀྱི་ཨཱའོ་ཞེས་པས་ཨཱ་རུ་
རྣམ་པར་འགྱུར་བ་ན་ཐུན་མོང་པ་གང་ཡིན་པ་དཱ་ཞེས་པའི་གཟུགས་དེ་དཱ་སྨོས་པས་གཟུང་བར་བྱའོ། །ཌུདྷཱཉ་འཛིན་པ་ལའོ། །དྷེཊ་སྐྱོང་བ་ལའོ་ཞེས་པ་འདི་དག་གི་ཡང་དྷཱ་ཞེས་པའི་གཟུགས་གང་ཡིན་པ་དེ་དྷ་སྨོས་པས་སོ། །དཱ་དྷཱ་ཞེས་པའི་གཟུགས་འདི་དག་ནི་དྷཱའི་མིང་ཅན་དུ་འགྱུར་ཞིང་། དཱཔ྄་
མ་ཡིན་པ་སྟེ་དཱཔ྄་དང་དེ་པ་ཞེས་པ་འདི་དག་མ་གཏོགས་པའོ། །དཱའི་མིང་གང་དུ་དགོས་ཤེ་ན། དཱ་མཱ་གཱ་ཡ་ཏི། ཞེས་པ་ལ་སོགས་པ་རྣམས་སུའོ། །དཱི་ཡ་ཏེ། དྷཱི་ཡ་ཏེ། དཱ་དྷཱ་ཞེས་པ་འདི་དག་ལས་བརྟ་མཱ་ནཱའི་ཏེའོ། །བྱིངས་ཐམས་ཅད་པ་ལ་ཡ་ཎའོ། །དཱའི་མིང་ཡོད་པ་ན་དཱ་མཱ་གཱ་ཡ་ཏི་ཞེས་

པས་ཨཱི་ཉིད་དོ། །དཱཔ་མ་ཡིན་པ་ཞེས་པ་ཅི་ཞེ་ན། དཱ་ཡནྟེ་བྲི་ཧ་ཡཿ། དཱཔ྄་གཅོད་པ་ལའོ། །དཱ་ཡནྟེ་བྲ་ཛ་ནཱ་ནི། དཻཔ྄་དག་པར་བྱེད་པ་ལའོ། །དཱའི་མིང་ཡོད་ན་ཨི་ཉིད་དུ་འགྱུར་རོ། །དཱཔ་དང་དཻཔའི་པ་ཡིག་ནི་དཱ་པ་མ་ཡིན་པ་ཞེས་པ་འདིར་ཁྱད་པར་གྱི་དོན་ནོ། །བྱ་བ་རྟོགས་བྱེད་ནི་བྱིངས་
སོ། །བྷ་བ་ཏི་ཨིནའི་མཐའ་ཅན་ལ་བྱ་བ་རྟོགས་པར་བྱེད་དོ་ཞེས་པས་ལས་ལ་ཨཎའོ། །ཀཱ་རིཏ་དབྱིའོ། །སྒྲ་གང་ཞིག་བྱ་བ་རྟོགས་པར་བྱེད་ཅིང་སོ་སོར་རྟོགས་པར་བྱེད་པ་དེ་བྱིངས་ཀྱི་མིང་ཅན་དུ་འགྱུར་རོ། །བྱ་བར་བྱའོ་ཞེས་པས་བྱ་བ་སྟེ་ལས་ཁོ་ནའོ་ཞེས་པའི་དོན་ཏོ། །བྷ་བ་ཏི། བྷུ་ཡོད་
པ་ཉིད་ལའོ། །བརྟ་མཱ་ནཱིའི་ཏིའོ། །ཨན་བི་ཀ་ར་ཎའོ། །ནཱ་མི་མཐའི་ཞེས་པས་ཡོན་ཏན་ནོ། །ཨཏྟི། ཨདྲ་ཟད་པ་ལའོ། །བརྟ་མཱ་ནཱའི་ཏིའོ། །ཨན་བི་ཀ་ར་ཎའོ། །ཨད་སོགས་ལས་འཇིག་གོ། །སྒྲ་མེད་པ་རྣམས་ལ་ཤིཊ་མ་ཡིན་པ་རྣམས་ཀྱི་དང་པོའོ་ཞེས་པས་དཱའི་ཏའོ། །
ཛུ་ཧོ་ཏི། ཧུ་སྦྱིན་པ་དང་ལེན་པ་དག་ལའོ། །བརྟ་མཱ་ནཱའི་ཏིའོ། །ཨན་བི་ཀ་ར་ཎའོ། །ཛུ་ཧོ་ཏི་ལ་སོགས་པ་ལས་ཀྱང་ངོ་ཞེས་པས་འཇིག་གོ། །ཛུ་ཧོ་ཏི་ལ་སོགས་པ་རྣམས་ཀྱི་བྱིངས་ཐམས་ཅད་པ་ལའོ་ཞེས་པས་གཉིས་བརྗོད་དོ། །ཧའི་ཛའོ། །ནཱ་མི་མཐའི་ཞེས་པས་ཡོན་ཏན་ནོ། །
བྷཱུ་ལ་སོགས་པའི་སྒྲ་རྣམས་ལས་བྱིངས་ཀྱི་མིང་ཡོད་པ་ན་ཏི་ལ་སོགས་པ་རྣམས་སུ་འགྱུར་རོ། །སྔོན་གྱི་སློབ་དཔོན་གྱིས་མིང་གི་ཡན་ལག་ཏུ་བྱས་པ་བྱིངས་ཀློག་པ་ན། བཀླགས་པ། བྱ་བ་རྗོད་པར་བྱེད་པ་རྣམས་བྱིངས་ཀྱི་མིང་གི་དོན་ཡིན་ནོ། །དེས་ན་ཉེ་བསྒྱུར་དང་བཅས་པ་ཚོགས་པ་རྣམས་ཀྱིར་མི་འགྱུར་
ཏེ། གལ་ཏེ་འགྱུར་ན། པྲ་བྷ་བཏ་ཅས་པ་འདི་ལ་པྲའི་སྒྲ་ལས་སྔ་མར་ཨ་ཡིག་ཨཱ་ག་མར་འགྱུར་རོ། །བྷཱུ་ཡོད་པ་ལའོ། །པྲ་སྔོན་དུའོ། །ཧྱསྟ