Luận tạng Tây Tạng (Tengyur) — Tập 195

་ལྡན་པའི་ཨཱམ྄་ཕ་རོལ་ལ་རིང་པོར་མི་འགྱུར་རོ། །ནུ་དང་བཅས་པའི་ཨཱམ྄་ལ་རིང་པོའོ་ཞེས་པས་ཐོབ་པ་ལའོ། །ཏི་སྲྀ་ཎཱཾ། ཙ་ཏ་སྲི་ནཱམ྄། ནྲྀའི་ཡང་ནའོ། །ནྲྀའི་
སྒྲ་ནི་ཨཱམ་ཕ་རོལ་ལ་རིང་པོར་ཡང་ན་འགྱུར་རོ། །ནྲཱྀ་ནཱ། ཎི་ཎཱམ྄། ཏྱད་སོགས་རྣམས་ཀྱི་རྣམ་དབྱེ་ལ་ཨའོ། །ཏྱད་དང་ཏད་དང་ཡང་དག་ཨེ་ཏད་དང་ཨ་དས་དང་ཨི་དམ་དང་དྭི་སྟེ་འདི་རྣམས་ཏད་སོགས་རྣམས་ཏེ། འདི་རྣམས་ཀྱི་མཐའ་རྣམ་དབྱེ་ཕ་རོལ་ལ་ཨ་ཡིག་
ཏུ་བསྒྱུར་བར་འགྱུར་རོ། །སྱཿ། སཿ། ཡཿ། ཨེཥཿ། ཏྱད་སོགས་རྣམས་ཀྱི་ཞེས་པ་ཅི་ཞེ་ན། བྷ་ཝཱན྄། བྷ་ཝནྟཽ། བྷ་ཝནྟཿ། སླར་ཡང་རྣམ་དབྱེ་སྨོས་པ་ནི་རྣམ་དབྱེ་དངོས་ལས་ཏྱད་སོགས་ཀྱི་ཨ་ཉིད་ཀྱི་དོན་དུའོ། །དེ་ནས་རྣམ་དབྱེ་གང་ལ་རྐྱེན་གྱི་མཚན་ཉིད་ཡོད་པ་དེ་
ལ་མི་འགྱུར་ཏེ། དེའི་བུ་ནི། ཏཏྶུ་ཏྲཿ། ཏད་སོགས་རྣམས་ཀྱིའང་རྣམ་དབྱེ་དངོས་ལ་འདོད་དོ། །ཀིམ་ཀའོ། །ཀི་མའི་སྒྲ་ནི་རྣམ་དབྱེ་ཕ་རོལ་ལ་ཀ་ཡིག་ཏུ་བསྒྱུར་བར་འགྱུར་རོ། །ཀཿ། ཀཽཿ། ཀེ ཀེན། ཀསྱཻ། དྭི་མ་ཡིན་པའི་ད་མའོ། །ཏྱད་སོགས་རྣམས་ཀྱི་ད་ཡིག་ནི་རྣམ་
དབྱེ་ཕ་རོལ་ལ་ན་ཉིད་དུ་འགྱུར་ཏེ། དྭི་མ་ཡིན་པ་སྟེ་དྭཱི་ད་ཡིག་ཉིད་མ་གཏོགས་སོ། །ཨི་མཽ། ཨི་མེ། ཨི་མཾ། ཨི་མཱན྄། དྭི་མ་ཡིན་པའི་ཞེས་པ་ཅེ་ཞེ་ན། དྭཽ། དྭཱ་བྷྱམ྄། སི་ལ་སའོ། །ཏྱད་སོགས་རྣམས་ཀྱི་ད་ཡིག་ནི་སི་ཕ་རོལ་ལས་ཡིག་ཏུ་བསྒྱུར་བར་འགྱུར་རོ། །ཨ་སཽ།
ཏའིའང་ངོ་། །ཏྱད་སོགས་རྣམས་ཀྱི་ཏ་ཡིག་ནི་སི་ཕ་རོལ་ལ་ས་ཡིག་ཏུ་བསྒྱུར་བར་འགྱུར་རོ། །སྱཿ། སཿ། ཨེཥཿ། ཡིད་དམ྄ ཨི་ཡམ྄ སྟེ་སྐྱེས་པ་ལ་ཨ་མ་ཡའོ། །སི་ལ་ཞེས་པ་ཁོ་ནའོ། །ཏྭི་ཙ་ཏྭར་དག་གི་བུད་མེད་ལ་ཞེས་པའི་མདོ་དེའི་བུད་མེད་ལ་ཞེས་པ་འཇུག་གོ།
ཨི་དམ་གྱི་སྒྲ་ནི་བུད་མེད་ཀྱི་ཡུལ་ལ་སི་ཕ་རོལ་ལ་ཨི་ཡཾ་དུ་བསྒྱུར་བར་འགྱུར་རོ། །ཨི་དམ་གྱི་སྒྲ་སྐྱེས་པའི་ཡུལ་ལ་ནི་སི་ཕ་རོལ་ལ་ཨ་ཡཾ་དུ་བསྒྱུར་བར་འགྱུར་རོ། །ཨ་ཡྨཾ་གཽ་རཱིཿ། ཨ་ཡཾ་རུ་ཏྲཿ། མ་ནིང་ལ་ནི་བསྒྱུར་བ་མེད་པའི་ཕྱིར་ཨི་དམ་ཞེས་པ་ཁོ་ན་ཏེ། ཨི་དམ྄

ཝ་ནམ྄། གསལ་བྱེད་ལས་ཨཀ་མེད་པའི་ཨཏ྄འོ། །ཨི་དམ་གསལ་བྱེད་ལ་ཨཀའི་རྐྱེན་ཡོད་པ་མ་ཡིན་པ་དེ་ནི་ཨཀ་མེད་པའོ། །ཨི་དམ་ཞེས་པ་ཁོ་ནའོ། །ཨཀ྄་མེད་པ་སྟེ་ཨཀ྄འི་རྐྱེན་དང་བྲལ་བའི་ཨི་དཾ་ནི་རྣམ་དབྱེ་གསལ་བྱེད་ཕ་རོལ་ལ་ཨ་ཡིག་ཏུ་བསྒྱུར་བར་འགྱུར་
རོ། །ཨསྨཻ། ཨཱ་བྷྱཱཾ། ཨ་བྷིཿ། ཨེ་ཥུ། གསལ་བྱེད་ལ་ཞེས་པ་ཅི་ཞེ་ན། ཨི་མཽ། རྣམ་དབྱེའི་གསལ་བྱེད་ལ་ཞེས་པ་ཅི་ཞེ་ན། ཨི་དཾ་ཝཱན྄། ཨཀ་མེད་པ་ཞེས་པ་ཅི་ཞེ་ན། འདི་རྣམས་ཀྱི་མི་ཤེས་པ་ནི། ཨི་མ་ཀཻཿ། དེའི་དབུས་སུ་ལྷུང་བ་ནི་དེ་སྨོས་པས་གཟུང་པར་བྱའོ་ཞེས་
པས་ཨཀ་དང་བཅས་པའི་ཨི་དམ་པའི་འང་བསྒྱུར་བར་འགྱུར་རོ། །ཊཱ་ཨོས་དག་ལ་ཨ་ནའོ། །ཨཀ་མེད་པ་ཞེས་པ་རྗེས་སུ་འཇུག་སྟེ། སི་ལ་ཨཽ་ཏེ་སི་ཏེ་སི་དབྱི་བ་ཞེས་པ་འདི་ལས་གོང་དུའོ། །ཨཀ྄འི་རྐྱེན་དང་བྲལ་བའི་ཨི་དམ྄་ནི་ཊཱ་དང་ཨོས་ཞེས་པ་འདི་དག་ཕ་རོལ་ལ་ཨ་ན་རུ་བསྒྱུར་
བར་འགྱུར་རོ། །ཨ་ནེ་ན། ཨ་ན་ཡོཿ། ཨཀ྄ མེད་པ་ཞེས་པ་ཅི་ཞེ་ན། ཨི་མ་ཀེ་ན། ཨི་མ་ཀ་མོཿ། ཨེ་ཏད་འི་རྗེས་སུ་བསྟན་པ་ལ་གཉིས་པ་ལ་ཡང་ཨེ་ནའོ། །ཨི་དམ྄་དང་ཨེ་དང་ཨེ་ཏདའི་འང་གཉིས་པ་དང་ཊཱ་ཨོས་ཞེས་པ་འདི་རྣམས་ཕ་རོལ་ལ་ཨེ་ན་རུ་བསྒྱུར་བར་བཤད་པར་བྱ་
སྟེ། རྗེས་སུ་བསྟན་པའི་ཡུལ་ལའོ། །གང་དུ་གཅིག་གི་དངོས་པོ་ཅུང་ཟད་ཙམ་བསྒྲུབ་ནས་སླར་ཡང་གཞན་སྒྲུབ་པ་དེ་ནི་རྗེས་སུ་བསྟན་པའོ། །སློབ་མ་འདི་ལ་རིག་བྱེད་ཀློག་ཏུ་འཇུག །ཨ་ཐོ་ཨེ་ནཾ་བྱཱ་ཀ་ར་ཎ་མ་སྱ་དྱ་ས་ཡ། ཨེ་ནཾ་ཤི་ཥྱཾ་བ་དེ་མ་དྷྱ་ས་ཡ། ཨཐོ་ཨེ་ནཾ་བྱཱ་ཀ་
ར་ཎམ་སྱ་དྷྱཱ་ས་ཡ། སློབ་མ་འདིས་ཚིགས་བཅད་ཀློག །ཨ་ཐོ་ཨེ་ནེ་ན་བྱཱ་ཀ་ར་ཎ་མ་སྱ་དྷི་ཏམ྄། དེ་དག་གི་སློབ་མ་ངང་ཚུལ་བཟང་པོ་ནི། ཨ་ཐོ་ཨེ་ན་ཡོཿ། པྲ་བྷུ་ཏཾ་སྭཱཾ། དེ་ས་ཚིགས་བཅད་ཀློག །ཨ་ཐོ་ཨེ་ནེ་ན་བྱཱ་ཀ་ར་ཎམ་སྱ་དྷཱི་ཏམ྄། དེ་དག་གི་སློབ་མ་ངང་ཚུལ་
བཟང་པོ་ནི། ཨ་ཐོ་ཨེ་ན་ཡོ་པྲ་བྷཱུ་ཏཾ་སྭཾ། དེ་ལས་བྷིས྄བྷིང྄འོ། །དེ་ལས་ཏེ་ཨཀ྄་མེད་པའི་ཨི་དམ྄་ལས་ཕ་རོལ་གྱི་ནི་བྷིར་དུ་བསྒྱུར་བར་འགྱུར་རོ། །ཨེ་བྷིཿ། བྷི་སའི་བྷིར྄འི་ཚིག་ནི་ཨཻས་མི་འཇུག་པའི་དོན་དུའོ། །ཨཀ྄་མེད་པ་ཞེས་པ་ཅི་ཞེ་ན། འདི་རྣམས་ཀྱི་མི་ཤེས་པ་

ནི། ཨི་མ་ཀཻཿ། དེ་ལས་སྨོས་པ་ནི་རྣམ་པ་སྣ་ཚོགས་པའི་དོན་ཏོ། །ཨ་དས྄་ལས་ཀྱང་ངོ་། །ཨཀ྄་མེད་པའི་ཨ་དས྄་ལས་ཕ་རོལ་གྱི་བྷིས་ནི་བྷིར་དུ་བསྒྱུར་བར་འགྱུར་རོ། །ཨ་མཱི་བྷིཿ། ཨཀ྄་མེད་པ་ཞེས་པ་ཅི་ཞེ་ན། ཨ་མུ་ཀེཿ། སིལ་
ཨཽ་སྟེ་སི་དབྱི་བའང་ངོ་། །ཨཀ་མེད་པ་ཞེས་པ་ལྡོག་གོ། །ཨ་དསའི་མཐའ་ནི་སི་ཕ་རོལ་ལ་ཨཽ་ཉིད་དུ་འགྱུར་ཞིང་སིའང་དབྱའོ། །ཨ་སཽ། ཨ་ས་ཀོ། མ་ལས་ཨུ་ཉིད་དོ། །གང་ཨ་དས་དང་འབྲེལ་པའི་མ་ཡིག་དེ་ལས་ཕ་རོལ་གྱི་ཡི་གེ་ནི་ཨུ་ཉིད་དུ་འགྱུར་རོ། །
ཨ་མུ། ཨ་མཱུ་ནཱ། ཨ་མུཥྨཻ། ཨ་མུཥྨཱཏ྄། ཨ་མུ་ཥྱ། ཨ་མུཥྨིན྄། གང་མ་ལས་ཕ་རོལ་གྱི་ཡི་གེ་དྭི་མ་ཡིན་པའི་མ་དེ་ལ་དེ་ལྟར་བསྒྱུར་བའི་གནས་ཀྱི་མཐའ་ལའོ་ཞེས་པའི་ཚིག་ལས་སོ། །མ་ལས་ཞེས་པ་ཅི་ཞེ་ན། ཨུ་མུ་ཀཱ་བྷྱཱཾ། ཀ་ལས་ཕ་རོལ་གྱི་
མི་འགྱུར་རོ། །མང་པོ་ཉིད་ལ་ནི་ཨེཏ྄ ཨཱི་ཉིད་དོ། །མ་ལས་ཞེས་པ་ཁོ་ནའོ། །ཨ་དས྄འི་མ་ཡིག་དེ་ལས་ཕ་རོལ་གྱི་མང་པོ་ཉིད་ཀྱི་ཡུལ་གྱི་ཨེ་ཡིང་ཨཱི་ཡིག་ཏུ་འགྱུར་རོ། །ཨུ་ཉིད་ཐོབ་པ་ལའོ། །ཨ་མཱི། ཨ་མཱི་བྷྱཿ། ཨ་མཱི་ཥཱ་མཱ། མང་པོ་
ཉིད་ལ་ཞེས་པ་ཅི་ཞེ་ན། ཨ་མུ། ཨ་དས྄། ཨཽའོ། །ཏྱད྄་ལ་སོགས་པའི་ཨ་ཉིད་དོ། །བུད་མེད་ལ་ཨ་ལས་ཨཱཔའོ། །ཨཽ་ཨཱིའོ། །ཨའི་ཡི་གེ་ཨིའི་ཡི་གེ་ལ་ཨེའོ། །མ་ཉིད་དུ་བྱས་པ་ན་མ་ལས་ཨུ་ཉིད་དོ་ཞེས་པས་ཨུ་ཉིད་དོ། །ཨཔ྄འི་བྷ་ལ་དའོ།
ཨཔ྄་ཞེས་པ་འདིའི་རྣམ་དབྱེའི་བྷ་ཡིག་ཕ་རོལ་ལ་ད་ཉིད་དུ་འགྱུར་རོ། །ཨདྦྷིཿ། ཨདྦྷྱཿ། བྷ་ལ་ཞེས་པ་ཅི་ཞེ་ན། ཨཔྶུ། རྣམ་དབྱེ་སྨོས་པ་ནི་ཞེ་ན། ཆུ་རྣམས་ཀྱི་ཁུར་ནི། ཨབབྷཱརཿ། རྫོགས་པ་དང་གསལ་བྱེད་དང་པོ་རྣམས་ལ་ཨ་ན་ཌྭ་ཧ་ན་ཧི་ཝནྶ་རྣམས་ཀྱིའང་ངོ་། །
གང་རྣམས་ཀྱི་དང་པོ་གསལ་བྱེད་ཡིན་པ་དེ་རྣམས་ནི་གསལ་བྱེད་དང་པོ་རྣམས་སོ། །དེ་ནས་ཟླས་དབྱེ་བའང་ངོ་། །ཨ་ན་ཌྭ་ཧ་དང་ན་ཧི་དང་ཝནྶི་ཞེས་པའང་ཟླས་དབྱེ་བའོ། །ཨ་ན་ཌྭ་ཧའི་འང་ངོ་ཞེས་པས་ཨ་ན་ཌྭཧ་ཞེས་པ་འདིའི་ཨུ་ཉིད་དོ། །འདིས་ཧའི་དའོ། །ཚིག་མཐའ་

ལ་དྷུཊ་རྣམས་ཀྱི་ཞེས་པས་དའི་ཏའོ། །དེ་ནས་ལྔ་པའོ། །ཨ་ན་ཌྭ་ཧ་དང་ནཧ྄་དང་ཝནྶ་ཞེས་པ་འདི་རྣམས་ཀྱི་རྫོགས་པ་དང་གསལ་བྱེད་དང་པོ་ལ་ད་ཉིད་དུ་འགྱུར་རོ། །གྲོང་ཁྱེར་གང་ན་གླང་བཟང་པོ་ཡོད་པ་དེ་ནི། སྭ་ན་ཌུཏ྄། ཨ་ན་ཌུ་དྦྷྱཱམ྄། ཨ་ན་ཌུ་ཏྶུ། སྭ་ན་ཌུཏ྄་
ཅེས་པ་འདིར་རྫོགས་པ་དང་གསལ་བྱེད་དང་པོ་ལ་བརྗོད་པ་ནི་ཞེས་པས་ཨུ་ཉིད་དོ། །ཨུ་པཱ་ན་དྦྷྱཱཾ། ཨུ་པཱ་ནཏྶུ། གྲོང་ཁྱེར་གང་ན་མཁས་པ་དེ་ནི། སུ་བིདྭཏ྄། བི་དྭདྦྷིཿ། བི་དྭཏྶུ། ཨ་ན་ཌྭན྄་ཞེས་པ་འདིར་ན་ཡིག་གི་ད་ཉིད་དུ་མི་འགྱུར་ཏེ། ནུ་ཡིག་ཨཱ་ག་
མ་སྒྲུབ་པའི་ཤུགས་ལས་སོ། །རྫོགས་པ་དང་གསལ་བྱེད་དང་པོ་རྣམས་ལ་ཞེས་པ་ཅི་ཞེ་ན། ཨ་ན་ཌྭ་ཧོ། ཨུ་པཱ་ན་ཧོ། བི་དྭཱནྶཽ། སུ་བྷ་སྨོས་པར་བྱ་བ་ལ་གསལ་བྱེད་སྨོས་པ་ནི་མཚུངས་པའི་གསལ་བྱེད་གཞན་ཕ་རོལ་གཟུང་བའི་དོན་དུའོ། །དེས་ན།
ཨ་ན་ཌུཏྟ། བི་དྭཏྟཱ། དངོས་པོ་ལ་ཏ་ཏྭ་དག་གོ་ཞེས་པས་ཏའི་རྐྱེན་ནོ། །སྨད་པའི་བ་ལང་ནི། །ཨ་ན་ཌྭ་ཏྤཱ་ཤ། ཅུང་ཟད་མ་རྫོགས་པའི་ལྷམ་ནི། ཨུ་པཱཏྐལྤ། སྨད་པའི་མཁས་པ་ནི། བིདྭཏྤཱ་ཤཿ། ཏ་མ་སོགས་ཉིད་ལས་ཀལྤ་དང་པཱ་ཤའི་རྐྱེན་དག་གོ། །
ཡང་ན་ཞེས་པ་འཇུག་སྟེ་དེའང་རྣམ་པར་གཞག་པ་རྣམ་པར་བཤད་པ་ལས་སོ། །དེས་ན། དེ་ཕན་གྱི་ཡ་ཡིག་ལ་མི་འགྱུར་ཏེ། ཨ་ན་ཌུ་ཧྱམ྄། ཨོ་པ་ན་ཧྱམ྄། བཻ་དུ་ཥྱམ྄་དང་ཡཎའི་རྐྱེན་ནོ། །དེ་བཞིན་དུ་ཕྱི་མར་འང་ངོ་། །སྲ་སི་དྷྭས་དག་གི་འང་ངོ་། །རྫོགས་
བ་དང་གསལ་བྱེད་དང་པོ་ཞེས་པ་རྗེས་སུ་འཇུག་སྟེ། སམྦུདྡྷི་མ་ཡིན་པ་ལའོ་ཞེས་པ་འདི་ལས་གོང་དུའོ། །སྲནྶ་དང་དྷྭནྶ་ཞེས་པ་འདི་དག་གི་ཀྭིཔ྄་དང་ཨ་ནུ་ཥཾ་ག་དག་ཕྱིས་པར་གྱུར་པ་རྫོགས་པ་དང་གསལ་བྱེད་དང་པོ་རྣམས་ལ་ད་ཉིད་དུ་འགྱུར་རོ། །ཨུ་ཁཱ་
སྲཏ། ཨུ་ཁཱ་སྲདྦྷྱཱཾ། ཨུ་ཁཱ་སྲཏྟཱ། པརྞ་དྷྭཏ྄། པརྞ་དྷྭདྦྷྱཱཾ། པརྞ་དྷྭཏྟཱ། རླུང་ཡབ་ཀྱི་བྱེད་དོ། །ལོ་མ་འཇིག་པའོ་ཞེས་པས་ཀྭིཔ྄འོ། །ཨིཏ་རྗེས་སུ་འབྲེལ་པ་མ་ཡིན་པ་ཞེས་པས་ན་དབྱིའོ། །རྫོགས་པ་དང་གསལ་བྱེད་དང་པོ་རྣམས་ལ་ཞེས་པ་ཅི་ཞེ་ན།

ཨུ་ཁཱ་སྲ་སཽ། པརྞ་དྷྭ་སཽ། ཧ་ཤ་ཥ་ཙ་མཐའ་དང་ཡ་ཛ་སོགས་རྣམས་ཀྱི་ཌའོ། །ཧ་ཤ་ཥ་ཚ་འདི་རྣམས་ནི་ཧ་ཤ་ཥ་ཚ་མཐའ་རྣམས་སོ། །གང་རྣམས་ཀྱི་མཐའ་ཧ་དང་ཤ་དང་ཥ་དང་ཚ་ཡིན་པ་དེ་རྣམས་ནི་ཧ་ཥ་ཚ་མཐའ་འོ། །གང་རྣམས་ཀྱི་དང་པོ་ཡ་ཛ་ཡིན་པ་
དེ་རྣམས་ཡཛ྄་སོགས་སོ། །ཨི་ཙ་ལ་སྭ་པི་ཝ་ཙི་ཞེས་པས་སམྤྲ་སཱ་ར་ན་བྱས་པ་ཞེས་པའི་དངོས་པོ་ནི་ཡ་ཛཱ་དག་གོ། །དེ་ནས་ཟླས་དབྱེ་བའོ། །མཐའི་སྒྲ་ནི་སོ་སོར་རེ་རེ་ལ་འབྲེལ་ཏེ་ཧ་ཡིག་གི་མཐའ་ཅན་རྣམས་དང་། ཤ་ཡིག་གི་མཐའ་ཅན་རྣམས་དང་།
ཥ་ཡིག་གི་མཐའ་ཅན་རྣམས་དང་། ཚ་ཡིག་གི་མཐའ་ཅན་རྣམས་དང་། ཡ་ཛ་སོགས་རྣམས་ཀྱིའང་སྟེ། ཡ་ཛ་དང་སྲྀ་ཛ་དང་མྲྀ་ཛ་དང་རཱ་ཛ་དང་བྷྲ་ཛ་དང་བྲཤྩ་དང་པ་རི་པྲཱཛ་ཞེས་པ་འདི་རྣམས་ཀྱི་འང་རྫོགས་པ་དང་གསལ་བྱེད་དང་པོ་རྣམས་ལ་ཌ་ཉིད་དུ་འགྱུར་རོ། །ཧ་ཡིག་གི་
མཐའ་ཅན་རྣམས་ཀྱི་ནི། མ་དྷུ་ལིཊ྄། མ་དྷུ་ལིཌྦྷྱཱཾ། སྤྲང་ཟ་བའི་དངོས་པོ་ནི། མ་དྷུ་ལིཊ་ཏྭམ྄། སྤྲང་ཟ་བ་སྨད་པ་ནི། མ་དྷུ་ལི་ཊཱ་པ་ཤ། ལི་ཧ་ཟ་བ་ལའོ། །སྤྲང་ཟ་བར་བྱེད་དོ་ཞེས་པས་ཀྭིཔ྄འོ། །ཤ་ཡིག་གི་མཐའ་ཅན་རྣམས་ཀྱི་ནི། སུ་བི་ཊ། སུ་བིཌྦྷྱཱཾ། བི་ཤ་འཇུག་
པ་ལའོ། །ལེགས་པར་འཇུག་གོ་ཞེས་པས་ཀྭིཔ྄འོ། །ཥ་ཡིག་གི་མཐའ་ཅན་རྣམས་ཀྱི་ནི། སུ་ཏྭི་ཊ། སུ་ཏྭིཊ྄ བྷྱཿ། སུ་ཏྭིཊ྄ ཏྭམ། ཏྭཥ་འོད་ལའོ་འོད་མཛེས་སོ་ཞེས་པས་ཀྭིཔ྄འོ། །དེ་བཞིན་དུ། ཥཊ྄། ཥཌྦྷྱཿ། དྲུག་གི་དངོས་པོ་ནི། ཥཊ་ཏྭམ྄། ཚ་ཡིག་གི་མཐའ་ཅན་རྣམས་
ཀྱི། ཤབྡ་པྲཱཏ྄། ཤབྡ་པྲཱཌྦྷྱཱཾ། ཤབྡ་པྲཱཊ་ཏྭམ྄། པྲཙྪ་འདྲི་བ་ལའོ། །སྒྲ་འདྲི་བར་བྱེད་དོ་ཞེས་དཔས་ཀྭིཔ྄འོ། ཝཙ། པྲིཙྪ། ཤྲི་དྲུ་སྲུ་ཛུ་རྣམས་ཀྱི་རིང་པོ་དང་སཾ་པྲ་སཱ་ར་ཎ་མེད་པའང་ངོ་ཞེས་པས་ཀྭིཔ་སྟེ་རིང་པོ་འང་ངོ་། །ཡ་ཛ་སོགས་རྣམས་ཀྱི་ནི། དེ་ཝེ་ཊ། དེ་ཝེཌྦྷྱཱམ྄།
དེ་ཝེཊ་ཏྭམ། ཡཛ་ལྷ་མཆོད་པ་ལའོ། །ལྷ་རྣམས་མཆོད་པར་བྱེད་ཅེས་པས་ཀིཔ྄འོ། །སྭཔི་ཝཙི་ཞེས་པས་སཾ་པྲ་སཱ་ར་ཎའོ། །ར་ཛ་ཛུ་སྲྀ་ཊ། ར་ཛ་ཛུ་སྲྀཌྦྷྱཱཾ། ར་ཛ་ཛུ་སྲྀཊ་ཏྭམ྄། སྲྀཛ་བསྒྱུར་བ་ལའོ། །ཐག་པ་སྒྱུར་པར་བྱེད་དོ་ཞེས་པས་ཀྭིཔ྄འོ། །ཀཾ་ས་པ་རི་མྲྀཊ། ཀཾ་ས་པ་

རི་མྲྀཊ྄་ཏྭམ྄། མྲྀ་ཛུ་ཥ་དག་པ་ལའོ། །སྡེར་ཡང་དག་པར་འཁྲུད་དོ་ཞེས་པས་ཀྭིཔའོ། །རྫོགས་པ་དང་གསལ་བྱེད་དང་པོ་རྣམས་ལ་ཞེས་པ་ཅི་ཞེ་ན། མ་དྷུ་ལི་ཧཽ། དེ་ཝེ་ཛོ། ཡང་ན་ཞེས་པ་འཇུག་སྟེ། དེའང་རྣམ་པར་གཞག་པ་རྣམ་པར་བཤད་པ་ལས་སོ། །དེས་ན་འདིར་
མི་འགྱུར་ཏེ། སརྦིཿཥུཿ། དྷནུཿཤུ། དོ་ཥུ། ད་དང་པོའི་ཧའི་གའོ། །གང་གི་དང་པོ་ད་ཡིག་ཡིན་པ་དེ་ནི་ད་དང་པོའོ། །བྱིངས་ཀྱི་ཆ་ཤས་ཀྱི་ད་དང་པོའི་ཧ་ཡིག་མཐའ་ཅན་གྱི་རྫོགས་པ་དང་གསལ་བྱེད་དང་པོ་རྣམས་ལ་ག་ཉིད་དུ་འགྱུར་རོ། །གོ་དྷུཀ། གོ་དྷུགྦྷྱཱཾ། གོ་དྷུཀྟྭམ྄།
དུ་ཧ་འཇོ་བ་ལའོ། །འཇོ་བའོ་ཞེས་པས་ཀྭིཔ྄འོ། །ཧ་དང་བཞི་པ་མཐའ་ཅན་གྱི་ཞེས་པས་དའི་དྷོའོ། །ཧ་ཉིད་དུ་བྱས་པ་ན་མ་བྱས་པ་ཉིད་དང་འདྲ་བར་འགྱུར་རོ། །འདིས་ཧའི་གའོ། །ད་དང་པོའི་ཞེས་པ་ཅི་ཞེ་ན། མ་དྷུ་ལིཊ། རྫོགས་པ་དང་གསལ་བྱེད་དང་པོ་རྣམས་ལ་
ཞེས་པ་ཅི་ཞེ་ན། གཽ་དུ་ཧཽ། ཙ་སྡེ་དང་དྲྀ་ཤ་སོགས་རྣམས་ཀྱིའང་ངོ་། །ཙའི་སྡེ་པ་ནི་ཙ་སྡེའོ། །གང་རྣམས་ཀྱི་དང་པོ་དྲྀ་ཤ་ཡིན་པ་དེ་རྣམས་ནི་དྲྀ་ཤ་སོགས་རྣམས་སོ། །གང་གསལ་བྱེད་མཐའ་ཅན་གྱི་སུ་བྷ་དག་ལའོ་ཞེས་པའི་ཚིག་ལས་ག་ཉིད་དོ། །དེ་ནས་ཟླས་དབྱེ་བའོ། །
ཙ་སྡེའི་མཐའ་ཅན་གྱི་སྒྲ་དང་དྲྀ་ཤ་སོགས་རྣམས་ཀྱིའང་སྟེ། དྲྀ་ཤ་དང་སྤྲྀ་ཤ་དང་རྀ་ཏྭི་ཛ་དང་ད་དྷྲྀ་ཥ་དང་། པྲི་ཛ་དང་དི་ཤ་དང་ཨུཥྣི་ཧ་ཞེས་པ་འདི་རྣམས་ཀྱི་མཐའ་ནི་རྫོགས་པ་དང་གསལ་བྱེད་དང་པོ་རྣམས་ལ་ག་ཉིད་དུ་འགྱུར་རོ། །སྲཀ྄། །ས་གྦྷྱཱམ། སྲཀྟྭམ྄། སུ་ཡུཀྲ།
སུ་ཡུགྦྷྱཱམ྄། སུ་ཡུཀྟྭཾ། སུ་ཡུ་ཛིར་སྦྱོར་བ་ལའོ། །མཛེས་པར་སྦྱོར་རོ་ཞེས་པས་ཀྭིཔ྄འོ། །དྲྀ་ཤ་སོགས་རྣམས་ཀྱི་ནི། ཏྲྀཀ྄། ཏྲྀགྦྷྱཱཾ། དྲྀཀྟྭམ྄། ད་དྷྲིཀ྄། ད་དྷྲྀགྦྷྱཱམ྄། ད་དྷྲྀཀྟྭཾ། སྤྲྀཀ྄། སྤྲྀགྦྷིཿ། སྤྲྀཀྟྭཾ། ཨུཥྣིཀ྄། ཨུཥིགྦྷྱཱམ྄། ཨུཥྣི་ཀྟྭཾ། རྫོགས་པ་དང་གསལ་བྱེད་དང་
པོ་རྣམས་ལས་ཞེས་པ་ཅི་ཞེ་ན། པྲྀ་དོ། རྀ་ཏྭི་ཛཽ། མུ་ཧ་སོགས་རྣམས་ཀྱི་ཡང་ནའོ། །མུ་ཧ་དང་དྲུ་ཧ་དང་ཥྣི་ཧ་ཞེས་པ་འདི་རྣམས་ཀྱི་རྫོགས་པ་དང་གསལ་བྱེད་དང་པོ་རྣམས་ལ་ཉིད་དུ་ཡང་ན་འགྱུར་རོ། །དྲུ་ཧའི་ད་དང་པོའི་ཧའི་གའོ་ཞེས་པས་ག་ཉིད་རྟག་ཏུ་ཐོབ་པ་ལའོ། །

གཞན་རྣམས་ཀྱི་ནི་ཐོབ་པ་མ་ཡིན་ནོ། །ཨུནྨུཀ྄། ཨུཾ་མུགྦྷྱཱཾ། ཨུནྨུཀྟྭམ྄། ཨུནྨུཊ། ཨུནྨུཌྦྷྱཾ། ཨུནྨུཊ་ཏྭཾ། མུན་རྨོངས་པ་ལའོ། །ཨུཏ྄་སྔ་མར་རོ། །ཤིན་ཏུ་རྨོངས་པར་བྱེད་དོ་ཞེས་པས་ཀྭིཔ྄འོ། །ཤ་ཏྲུ་དྷྲུཀ྄། ཤ་ཏྲུ་དྷྲུགྦྷྱཱཾ། ཤ་ཏྲུ་དྷྲུཀྟྭཾ། ཤ་ཏྲུ་དྷྲུཊ྄། ཤ་
ཏྲུ་དྷྲུཌྦྷྱཱཾ། ཤ་ཏྲུ་དྷྲུཊ་ཏྭཾ། དྲུ་ཧ་འཁུ་བ་ལའོ། །དགྲ་ལ་འཁུ་བར་བྱེད་དོ་ཞེས་པས་ཀྭིཔ྄འོ། །ཧ་དང་བཞི་པ་མཐའ་ཅན་གྱི་ཞེས་པས་ད་དྷའོ། །རྫོགས་པ་དང་གསལ་བྱེད་དང་པོ་རྣམས་ལ་ཞེས་པ་ཅི་ཞེ་ན། ཨུ་ན་མུ་ཧཽ། བྱིངས་ཧ་དང་བཞི་པ་མཐའ་ཅན་གསུམ་པ་དང་པོ་ཅན་གྱི་
དང་པོ་བཞི་པ་ཉིད་དེ་མ་བྱས་པ་དང་འདྲའོ། །ཧ་དང་བཞི་པ་ནི་ཧ་བཞི་པ་དག་གོ། །དེ་དག་གི་མཐའ་ཅན་གང་ཡིན་པ་དེ་ནི་ཧ་དང་བཞི་པ་མཐའ་ཅན་ནོ། །གང་གི་དང་པོ་ན་གསུམ་པ་ཡོད་པ་དེ་ནི་གསུམ་པ་དང་པོ་ཅན་ནོ། །དང་པོ་བཞི་པ་དེའི་དངོས་པོ་ནི་དང་པོ་བཞི་པ་ཉིད་དོ། །མ་བྱས་པ་
ནི་མ་བྱས་པ་དང་འདྲ་བའོ། །བྱིངས་ཀྱི་ཆ་ཤས་ཧ་ཡིག་གི་མཐའ་ཅན་དང་བཞི་པའི་མཐའ་ཅན་དག་གི་གསུམ་པ་དང་པོ་ཅན་གང་ཡིན་པ་དེ་ནི་རང་གི་སྡེ་པ་སོ་སོའི་བཞི་པར་བསྒྱུར་བར་འགྱུར་ཏེ། རྫོགས་པ་དང་གསལ་བྱེད་དང་པོ་རྣམས་ལའོ། །དེ་བཞིན་དུ། དང་པོ་བཞི་པ་ཉིད་
དུ་མ་བྱས་པ་དང་འདྲ་བར་འགྱུར་རོ། །དེས་ན་ད་དང་པོའི་ཧའི་གའོ་ཞེས་པས་ག་ཉིད་དུ་བྱས་པ་ད་ལ་ཡང་བཞི་པ་ཉིད་འཇུག་གོ། །གོ་དྷུཀ྄། གོ་དྷུགྦྷྱཱཾ། གོ་དྷུཀྟྭཾ། ཀཱཥྚ་དྷཀ྄། ཀཱཥྚ་དྷགྦྷྱཱཾ། ཀཱཥྚ་དྷཀྟྭམ྄། དཧ་ཐལ་བར་བྱེད་པ་ལའོ། །བུད་ཤིང་སྲེག་པར་བྱེད་དོ་ཞེས་པས་ཀྭིཔ྄འོ། །
ནི་གྷུཊ྄། ནི་གྷུཌྦྷྱཱཾ། ནི་གྷུཊ྄ ཏྭཾ། གུ་ཧཱུ་ཉེ་བར་ལེན་པ་ལའོ། །ནི་སྔ་མར་རོ། །ཉེ་བར་ལེན་པར་བྱེད་དོ་ཞེས་པས་ཀྭིཔ྄འོ། །ཨརྠ་བྷུཏ྄། ཨརྠ་བྷུདྦྷྱཱཾ། ཨརྠ་བྷུཏྟྭཾ། པུདྷ་རྟོགས་པ་ལའོ། །དོན་རྟོགས་པའོ་ཞེས་པས་ཀྭིཔ྄འོ། །བི་དྷཔ྄། བི་དྷགྦྷྱཱཾ། བི་དྷཔྟྭཾ། དནྦུ་ཚུལ་འཆོས་པ་
ལའོ། །རྣམ་པར་འཆོས་པར་བྱེད་དོ་ཞེས་པས་ཀྭིཔ྄འོ། །ཨིཏ྄་རྗེས་སུ་འབྲེལ་བ་མ་ཡིན་པ་ཞེས་ན་དབྱིའོ། །ཧ་དང་བཞི་པ་མཐའ་ཅན་གྱི་ཞེས་པ་ཅི་ཞེ་ན། སུ་གཎ། སུ་གཾབྷྱཱཾ། གཎ་བགྲང་བ་ལའོ། །སུ་སྔ་མར་རོ། །ལེགས་པར་བགྲང་ངོ་ཞེས་པས་ཀྭིཔ྄འོ། །བྱིངས་ཀྱི་ཆ་

ཤས་ཀྱི་ཞེས་པ་ཅི་ཞེ་ན། དཱ་མ་ལི་ཊ། ལི་ཧ་རོ་མྱང་བ་ལའོ། །ཀུན་ནས་མྱོང་ངོ་ཞེས་པས་ཀྭིཔ྄འོ། །གསུམ་པ་དང་པོ་ཅན་གྱི་ཞེས་པ་ཅི་ཞེ་ན། བི་ཀྲུཏ྄། ཀྲུ་དྷ་ཁྲོ་བ་ལའོ། །རྣམ་པར་ཁྲོ་བོ་ཞེས་པས་ཀྭིཔ྄འོ། །རྫོགས་པ་དང་གསལ་བྱེད་དང་པོ་རྣམས་ལ་ཞེས་པ་ཅི་ཞེ་ན། གོ་
དུ་ཧོ། འོ་ན་དང་པོ་བཞི་པ་ཉིད་དུ་བྱས་པས་ན། ད་དང་པོའི་ཧའི་གའོ་ཞེས་པའི་མདོ་བརྩམས་པའི་ནུས་པ་ལས་ག་ཉིད་དུ་འགྱུར་རོ་ཞེས་པས། ཅིའི་ཕྱིར་མ་བྱས་པས་དང་འདྲ་བ་སྨོས་ཤེ་ན། དེ་ནི་ཡང་དག་པ་མ་ཡིན་ཏེ། མདོ་བརྩམས་པའི་ནུས་པ་ཉིད་ལས་ད་དང་པོའི་བྱིངས་དག་
གི་དང་པོ་བཞི་པ་ཉིད་དུ་མི་འགྱུར་བས་སོ། །ས་ཛུ་ཥ་དང་ཨཱ་ཤཱི་ཤ་དག་གི་རའོ། །ས་ཛུཥ་དང་ཨཱ་ཤཱིཥ་ཞེས་པ་འདི་དག་གི་རེ་ཕར་འགྱུར་ཏེ། རྫོགས་པ་དང་གསལ་བྱེད་དང་པོ་རྣམས་ལའོ། །ཧ་ཤཥ་ཚ་མཐའ་ཞེས་པས་ཌ་ཉིད་ཐོབ་པའོ། །ས་ཛཱུཿ། ས་ཛཱུ་རཱ་བྷྱཱཾ། ས་ཛུ་སྟྭཾ། ཨཱ་ཤཱིཿ།
ཨཱ་ཤཱིརྦྷྱཱཾ། ཨཱ་ཤཱིསྟྭཾ། རྫོགས་པ་དང་གསལ་བྱེད་དང་པོ་རྣམས་ལ་ཞེས་པ་ཅི་ཞེ་ན། ས་ཛུ་ཥཽ། ཨཱ་ཤཱི་ཥཽ། ཨཱ་ཤིར་སྒྲའི་ཨཱངའི་ཕ་རོལ་ནི་བ་ཏྱ་པ་བ་གཙོ་བོ་སྟེ། དེས་ན། མི་ཏྲ་ཤཱིཿ། ཨཱརྻཤཱིཿ། གྲོགས་པོ་སྟེན་པར་བྱེད་དོ། །འཕགས་པ་སྟེན་པར་བྱེད་དོ་ཞེས་པས་
ཀྭིཔ྄འོ། །ཨིར྄་ཨུར྄་དག་ནི་ཨཱིར་ཨཱུར་དག་གོ། །བྱིངས་ཀྱི་ཞེས་པ་ཁོ་ནའོ། །བྱིངས་ཀྱི་ཨིར་དང་ཨུར་དག་གང་ཡིན་པ་དེ་ནི་གྲངས་ཇི་ལྟ་བ་བཞིན་དུ། ཨཱིར་དང་ཨཱུར་ཞེས་པ་འདི་དག་ཏུ་བསྒྱུར་བར་འགྱུར་ཏེ། རྫོགས་པ་དང་གསལ་བྱེད་དང་པོ་རྣམས་ལའོ། །གཱིཿ། གཱིརྦྷྱཱཾ།
གཱི་སྟྭཾ། དྷུཿ། དཧཱུརྦྷྱཱཾ། དྷཱུསྟྭཾ། གྲི་རྣམ་པར་གནོན་པ་ལའོ། །དྷུརྦཱི་འཚེ་བ་ལའོ། །གནོན་ནོ། །འཚེའོ་ཞེས་པས་ཀྲྀ་ཏྱ་དང་ཡུཊ་རྣམས་གཞན་ལ་ཡང་ངོ་ཞེས་པས་ཀྭིཔ྄འོ། །རཱྀཏ་མཐའི་ཨིརའོ། །ར་ལས་དབྱི་བར་བྱ་བ་དག་གོ་ཞེས་པས་ཝ་དབྱིའོ། །བྱིངས་ཀྱི་ཞེས་པ་ཅི་ཞེ་ན།
སརྤིརྦྷྱཱཾ། དྷ་ནུརྦྷྱཱཾ། ཨིས་ཨུས་དོས་རྣམས་ཀྱི་ཞེས་པས་རའོ། །རྫོགས་པ་དང་གསལ་བྱེད་དང་པོ་རྣམས་ལ་ཞེས་པ་ཅི་ཞེ་ན། གི་རཿ། དྷུ་རཿ། ཨ་ཧནའི་སའོ། །ཨ་ཧན་ཞེས་པ་འདིའི་རྫོགས་པ་དང་གསལ་བྱེད་དང་པོ་རྣམས་ལ་ས་ཉིད་དུ་འགྱུར་རོ། །ཨ་ཧཿ། མ་ནིང་ལ་

སེ་ཨམ྄་དག་གི་ཞེས་པས་སི་དབྱེའོ། །ཨ་ཧོ་བྷིཿ། ཨ་ཧོ་བྷྱཱཾ། ཨ་ཧསྟྭཾ། རྫོགས་པ་དང་གསལ་བྱེད་དང་པོ་རྣམས་ལ་ཞེས་པ་ཅི་ཞེ་ན། ཨ་ཧཱ་ནཱི། །བརྩེགས་པའི་མཐའ་དབྱིའོ། །བརྩེགས་པའི་མཐའ་ནི་བརྩེགས་མཐའ་འོ། །རྟགས་ཀྱི་བརྩེགས་པའི་མཐའ་གང་ཡིན་པ་དེ་ནི་རྫོགས་པ་དང་
གསལ་བྱེད་དང་པོ་རྣམས་ལ་དབྱི་བར་འགྱུར་རོ། །པུ་མཱ་ན། །པུཾ་བྷིཿ། པུཾ་བུ། ཡང་ན་ཞེས་པ་རྗེས་སུ་འཇུག་སྟེ་དེའང་རྣམ་པར་གཞག་པ་རྣམ་པར་བཤད་པ་ལས་སོ། །དེས་ན་འདིར་མི་འགྱུར་ཏེ། ཨཱུརྐ྄། །ཨཱུརྒ྄ བྷྱཱཾ། ཨཱུརྫ་སྟོབས་ལའོ། །སྟོབས་ཞེས་པས་ཀྭིཔ྄འོ། །དེ་བཞིན་དུ། པུནྶའི་ཤིཊ་བོར་བའི་སྒྲ་མེད་པ་ཕ་རོལ་ལ་ཡང་
སྟེ། སྐྱེས་པ་ཡང་འདི་ཡིན་ལ་ཁུ་བྱུག་ཀྱང་འདི་ཡིན་པ་ནི། པུཾ་ས་ཀཽ་ཀི་ལཿ། དེ་བཞིན་དུ། པུཾཤྩ་ཀོ་རཿ། པུཾཥྚི་ཊྚིབྷཿ། སྐྱེས་པའི་འབྲས་བུ་ནི། པུཾ་ས་ཕལ་ནམ་ཤིཊ་བོར་བ་ཞེས་པ་ཅི་ཞེ་ན། སྐྱེས་པའི་མཚོ་ནི། པུཾ་སརཿ། སྒྲ་མེད་པ་ཞེས་པ་ཅི་ཞེ་ན། བྲན་ཕོ་ནི། པུཾ་དཱ་སཿ། བརྩེགས་པའི་དང་པོ་དྷུཊའིའོ། །བརྩེགས་པའི་དང་པོ་ནི་བརྩེགས་
པ་དང་པོའོ། །བརྩེགས་པའི་དང་པོའི་དྷུཊ་དབྱི་བར་འགྱུར་ཏེ། རྫོགས་པ་དང་གསལ་བྱེད་དང་པོ་དག་ཕ་རོལ་ལའོ། །གོ་རཊ། གོ་ར་ཌྦྷྱཾ། གོ་རཊ྄ ཏྭཾ། རཀྵ་བསྲུང་བ་ལའོ། །མཐོ་རིས་བསྲུངས་ཞེས་པས་ཀྭིཔ྄འོ། །འདིས་ཀ་ཡིག་དབྱིའོ། །ཧ་ཤ་ཥ་ཚ་མཐའ་ཞེས་པས་ཌའོ། །ཡུ་པ་ཏཊ྄། ཡུ་པ་ཏཌྦྷྱཾ། ཡུ་པ་ཏཊ་ཏྭཾ། ཏཀྵུ། ཏྭཀྵུ་ཕྲ་
མོར་བྱེད་པ་ལའོ། །རྫོགས་པ་དང་གསལ་བྱེད་དང་པོ་རྣམས་ལ་ཞེས་པ་ཅི་ཞེ་ན། གོ་རཀྵཽ། རྟགས་མཐའི་ན་ཡིག་གོ། །རྟགས་ཀྱི་མཐའ་ནི་རྟགས་མཐའ་འོ། །དེ་ནི་ལས་འཛིན་པའོ། །རྟགས་མཐའི་ན་ཡིག་ནི་རྫོགས་པ་དང་གསལ་བྱེད་དང་པོ་ལ་དབྱི་བར་འགྱུར་རོ། །རཱ་ཛཱ། རཱ་ཛཱ་རྟེབྷྱུཾ། རཱ་ཛ་ཏྭཾ། རཱ་ཛི་གསལ་བ་ལའོ། །གསལ་
བའོ་ཞེས་པ། ཡུ་ཁྲྀ་ཥི་ཏཀྵི་རཱ་ཛི་དྷ་ནྭི་པྲ་ཏི་དི་བ་ཞེས་པས་ཀ་ནིནའོ་ཞེས་པས་ཀ་ནིན྄འོ། །རྟགས་སྨོས་པ་ཅི་ཞེ་ན། ཨ་ཧན྄། ཧན་འཚེ་བ་ལའོ། །ཧྱསྟ་ནཱིའི་དིའོ། །བྱིངས་ཀྱི་དང་པོར་ཨཊའོ། །ཨན་བི་ཀ་ར་ཎའོ། །ཨང་སོགས་ལས་འཇིག་གོ། །གསལ་བྱེད་ལས་དི་སི་དག་གིའོ་ཞེས་པས་དི་དབྱིའོ། །རྟགས་ཀྱི་སྐབས་
སུ་སླར་ཡང་རྟགས་སྨོས་པ་ནི་ཕྱི་མར་བྱིངས་འབའ་ཞིག་གི་སྤང་བྱ་རྟོགས་པའི་དོན་དུའོ། །དེ་ནས་ལཛྫ་ཏི་བྷིཛྫ་ཏི་ཞེས་པ་ལ་སོགས་པ་གྲུབ་པོ། །རྫོགས་པ་དང་གསལ་བྱེད་དང་པོ་རྣམས་ལ་ཞེས་པ་ཅི་ཞེ་ན། རཱ་ཛཱ་ནཽ། སམྦུདྡྷི་ལ་མ་ཡིན་ནོ། །རྟགས་མཐའི་ན་ཡིག་སམྦུདྡྷི་ཕ་རོལ་ལ་དབྱི་བར་མི་འགྱུར་རོ། །ཧེ་རཱ་

ཇན྄། ཧེ་ཏཀྵན། དགག་པ་བསྟན་པ་ནི་རྟག་ཏུ་མ་ཡིན་ནོ། །དེས་ན་མ་ནིང་གི་རྟགས་ཀྱི་ན་ཡིག་སམྦུདྡྷི་ལ་ཡང་ན་དབྱི་བར་འགྱུར་རོ། །ཧེ་སཱ་མན྄། ཧེ་ས་མ། ཧེ་བརྨན྄། ཧེ་བརྨ། རྟགས་མཐའི་ན་ཡིག་ནི་སམྦུདྡྷི་ལ་མ་ཡིན་ནོ་ཞེས་སྦྱོར་བ་གཅིག་ཏུ་མ་བྱས་པ་ནི་རྣམ་པ་སྣ་ཚོགས་པའི་དོན་དུའོ། །
ན་དང་བརྩེགས་པའི་མཐའ་དག་ཕྱིས་པ་ནི་མ་ཕྱིས་པ་བཞིན་ནོ། །བརྩེགས་པའི་མཐའ་ནི་བརྩེགས་མཐའ་འོ། །ན་དང་བརྩེགས་པའི་མཐའ་དག་ནི་ན་དང་བརྩེགས་མཐའ་དག་གོ། །དེ་དག་དབྱི་བ་ནི་ན་དང་བརྩེགས་མཐའ་དབྱི་བའོ། །ན་ཡིག་དང་བརྩེགས་པའི་མཐའ་དག་ཕྱིས་པ་གང་ཡིན་པ་དེ་ནི་མ་
ཕྱིས་པ་བཞིན་དུ་འགྱུར་རོ། །ཕྱིས་པ་གང་ལ་བྱ་བ་ཐོབ་པ་དེ་མི་འགྱུར་རོ་ཞེས་པའི་དོན་ཏོ། །རཱ་ཛ་བྷྱཱཾ། འདིར་ན་ཡིག་ཕྱིས་པ་ནི་མ་ཕྱིས་པ་དང་འདྲ་བའི་ཕྱིར་ཨ་ཡིག་རིང་པོའོ་ཞེས་པས་རིང་པོར་མི་འགྱུར་རོ། །རཱ་ཛ་བྷིཿ། ཨཻས྄་སུ་མི་འགྱུར་རོ། །རཱ་ཛ་སུ། ཨེ་ཉིད་དུ་མི་འགྱུར་རོ། །གོ་མཱན྄། སུ་མཱན྄། བརྩེགས་པའི་
མཐའ་ཕྱིས་པ་ནི་མ་ཕྱིས་པ་དང་འདྲ་བར་འགྱུར་བའི་ཕྱིར་ན་དབྱི་བ་མེད་དོ། །མཚམས་སྦྱོར་གྱི་བྱ་བ་ཥ་ཉིད་ལ་བྱ་བ་ལ་མ་ཕྱིས་པ་དང་འདྲ་བའི་དངོས་པོར་གཞན་དག་འདོད་དེ། སྭཱ་མཱི། ཨཱི་ཤྭར྄། ཨ་དྷི་པ་ཏི་ཞེས་པ་དང་སཱ་དྷུ་ཀ་རི་རྣམས་ལ་ཞེས་པའི་ཤེས་པར་བྱེད་པ་ལས་སོ། །ཨིས྄་དང་ཨུས྄་དོས྄་
རྣམས་ཀྱི་སྒྲ་ལྡན་ལ་རའོ། །ཨིས྄་དང་ཨུས྄་དང་དོས྄་ཞེས་པ་འདི་རྣམས་ཀྱི་སྒྲ་ལྡན་ཕ་རོལ་ལ་རེ་ཕར་འགྱུར་རོ། །ཤ་ཉིད་འགེགས་པའོ། །སརྦི་རྦྷྱཱཾ། དྷ་ནུརྦྷྱཱཾ། དོརྦྷྱཱཾ། སྒྲ་ལྡན་ལ་ཞེས་པ་ཅི་ཞེ་ན། སརྦིཿ་ཥུ། དྷ་ནུཿཥུ། དྷུཊ་རྣམས་ཀྱི་གསུམ་པའོ། །དྷུཊ་རྣམས་ཀྱི་སྒྲ་ལྡན་ཕ་རོལ་ལ་གསུམ་པར་འགྱུར་
རོ། །ཨགྣི་མདྦྷྱའཾ། ཛྙཱ་ན་བྷུདྦྷྱཱཾ། མཛྫཏྀ། ཌུ་མ་མསྫོ་གསལ་བ་ལའོ། །ཝརྟ་མཱ་ནའི་ཏིའོ། །ཨན་བི་ཀ་ར་ཎའོ། །ལྀ་ཏུ་ལས་རྣམས་ཀྱི་སའོ་ཞེས་པས་ཡི་གེ་གནས་འདྲ་བའི་ཕྱིར་སའི་གསུམ་པ་དའོ། །ཏ་སྡེའི་ཙ་ཊའི་སྡེ་པ་ཞེས་པས་དའི་ཛའོ། །སྒྲ་ལྡན་ལ་ཞེས་པ་ཅི་ཞེ་ན། ཇ་གཏྶུ། སྒྲ་མེད་པ་ལ་དང་པོའོ། །དྷུཊ་
རྣམས་ཀྱི་ཞེས་པ་ཁོ་ནའོ། །དྷུཊ་རྣམས་ཀྱི་སྒྲ་མེད་ལ་ཕ་རོལ་ལ་དང་པོར་འགྱུར་རོ། །ཨསྡི་མརླུ། ཛྙཱ་ན་བྷུཏྶུ། སྒྲ་མེད་ལ་ཞེས་པ་ཅི་ཞེ་ན། ཛྙཱ་བུདྡྷཽ། རྫོགས་པ་ལ་ཡང་ནའོ། །དྷུཊ་རྣམས་ཀྱི་རྫོགས་པ་ལ་སྟེ་མཐའ་འཇུག་བཞིན་པ་ལ་དང་པོར་ཡང་ན་འགྱུར་རོ། །གསུམ་པ་སྨྲོས་པ་རྗེས་སུ་འཇུག་པས་

ཕྱོགས་གཅིག་ལ་གསུམ་པའོ། །ཛྙཱ་ན་བྷུཏ། ཛྙཱ་ན་བྷུད྄། ཨགྣི་མཏ྄། རེ་ཕ་དང་ས་དག་གི་རྣམ་པར་གཅད་བྱའོ། །ཇི་སྐད་བསྟན་པའི་རེ་ཕ་དང་ས་ཡིག་དག་རྣམ་པར་གཅད་བྱར་འགྱུར་རོ། །གཱིཿ། དྷུཿ། ཡ་ཡཿ། པ་ཡོ་བྷིཿ། ཡ་ཤོ་བྷིཿ། རྫོགས་པ་དང་གསལ་བྱེད་དང་པོ་ལ་
བརྗོད་པ་ནི་མ་ནིང་ལས་སི་ཨམ་དག་ཕྱིས་པ་ལའང་ངོ་། །གང་རྫོགས་པ་དང་གསལ་བྱེད་དང་པོ་དག་ལ་བརྗོད་པའི་བྱ་བ་དེ་མ་ནིང་ལས་ཕ་རོལ་གྱི་སི་ཨམྲ་དག་ཕྱིས་པ་བྱས་པར་གྱུར་པ་ལ་འགྱུར་རོ། །མ་ནིང་གི་ཉིད་དེ། ཉིན་མོ་གང་ལ་ཉི་མ་བཟང་པོ་ཡོད་པ་དེ་ནི། སུ་དྱུ། རུདྦུ། འདིར།
དི་ཝ྄འི་ཨུ་ཉིད་དོ། །གྲོང་ཁྱེར་གང་ལ་ལམ་བཟང་པོ་ཡོད་པ་དེ་ནི། སུ་པ་ཐི། འདིར་ཡང་པ་ནྠའི་སྒྲའི་ན་དབྱིའོ། །སུ་སྨོས་པར་བྱ་བ་ལ་གསལ་བྱེད་སྨོས་པ་ནི་གསལ་བྱེད་སྒྲས་བརྗོད་པར་བྱས་པའི་བྱ་བ་སོ་སོར་རྟོགས་པའི་དོན་དུའོ། །དེས་ན། ཏད྄། ཡད྄་ཅེས་པ་འདིར་ཏད་
སོགས་ཀྱི་ཨ་ཉིད་དུ་མི་འགྱུར་རོ། །འོ་ན། གལ་ཏེ་ཨི་དཾ་ཀུ་ལཾ་ཞེས་པ་འདིར་གསལ་བྱེད་ལ་ཨཀ་མེད་པའི་ཨ་ཏ྄འོ་ཞེས་པས་ཨ་ཡིག་ཏུ་བསྒྱུར་བ་འཐོབ་བོ་ཞེ་ན། བདེན་ཏེ་ཡང་གི་སྒྲ་འདིར་བཀླག་པར་བྱའོ། །དེས་ན་མི་འགྱུར་རོ། །ཇོ་བོ་དྲག་འབྱོར་གྱིས་
མཛད་པའི་འགྲེལ་པ་སློབ་མ་ལ་ཕན་པར་མིད་གི་རབ་ཏུ་བྱེད་པའི་རྐང་པ་གསུམ་པ་རྫོགས་སོ།། །།འདི་ནི་མཁས་པའི་མཁས་པ་ཐམས་ཅད་ཀྱི་གཙུག་གི་ནོར་བུ་སྐད་གཉིས་སྨྲ་བའི་དབང་པོ་ཆོས་ཀྱི་རྗེ་དཔལ་ལྡན་བློ་གྲོས་བརྟན་པའི་ཞབས་ཀྱི་བཀའ་དྲིན་ལ་བརྟེན་ནས་ལུང་
དང་རིག་པའི་ཚུལ་ལ་བློའི་སྣང་བ་ཆེར་རྒྱས་ཤིང་། བརྡ་སྤྲོད་པའི་གཞུང་གི་ཚུལ་རིག་པ་སྐད་གཉིས་སྨྲ་བ་ཤཱཀྱའི་དགེ་སློང་བྱང་ཆུབ་རྩེ་མོ་ཞེས་བྱ་བས་དཔལ་ལྡན་བླ་མ་དམ་པ་རྣམས་ཀྱི་བྱིན་གྱིས་བརླབས་པ་དང་། སྐྱེས་བུ་ཆེན་པོ་དཔོན་ཀུན་དགའ་རྡོ་རྗེ་པའི་གསུང་གི་བསྐུལ་
བ་དང་མཐུན་རྐྱེན་བསྒྲུབས་པ་ལ་བརྟེན་ནས། ཡུལ་དབུས་ཀྱི་སྙིང་པོ་ཇོ་བོ་རིན་པོ་ཆེའི་བཞུགས་གནས་ལྷ་ས་འཕྲུལ་སྣང་གི་གཙུག་ལག་ཁང་དང་། མཚལ་གང་ཐང་གི་གཙུག་ལག་ཁང་དུ་བསྒྱུར་ཅིང་ཞུས་ཏེ་ལེགས་པར་གཏན་ལ་ཕབ་པའོ།། །།

༄༅༅། །ཨོཾ་སྭསྟི། ངག་གི་དབང་ཕྱུག་ལ་ཕྱག་འཚལ་ལོ། །མི་ཟད་པར་གྱུར་པ་ལས་ཨ་ཡིག་མཐའ་ལས་ལྔ་པ་མིན་པའི་རྣམ་དབྱེ་རྣམས་ཀྱི་ཨཾའོ། །མི་ཟད་པར་གྱུར་བ་ལས་ཨ་ཡིག་མཐའ་ལས་ཕ་རོལ་དུ་གནས་པའི་རམ་དབྱེ་རྣམས་ནི་ཨཾ་དུ་བསྒྱུར་བར་འགྱུར་ཏེ་ལྔ་པ་མིན་པ་སྟེ་ལྔ་
པའི་རྣམ་དབྱེ་དོར་བ་ཉིད་ནའོ། །ཉེ་བའི་བུམ་པའི་ཨུ་པ་ཀུཾ་བྷ་ཨཽ་ཨུ་པ་ཀུམྦྷ་ཏིཥྛཏི། ཨུ་པ་ཀུ་བྷཾ་པ་ཤྱ། ཨུ་པ་ཀུམྦྷཾ་དོ་ཧེ། ཨུ་པ་ཀུམྦྷཾ་སྭམ྄། མི་ཟད་པར་གྱུར་པ་ལས་ཞེས་པ་ཅི་ཞེ་ན། རྒྱལ་པོའི་སྐྱེས་བུ་ནི། རཱ་ཛ་པུ་རུ་ཥཿ། ཨ་ཡིག་མཐའ་ལས་ཞེས་པ་ཅི་ཞེ་ན། ཉེ་བའི་བུ་མོ་ནི། ཨུ་པ་བ་དྷུ།
དབྱངས་ཐུང་ངུའོ་ཞེས་པ་ཐུང་ངུའོ། །གཞན་ལས་འཇིག་གོ་ཞེས་པས་དེའི་འཇིག་གོ། །རྣམ་དབྱེ་རྣམས་ཀྱི་ཞེས་པ་ཅི་ཞེ་ན། ཉེ་བའི་བུམ་པའི་དངོས་པོ་ནི། ཨུ་པ་ཀུམྦྷ་ཏཱ། ལྔ་པ་མིན་པའི་ཞེས་པ་ཅི་ཞེ་ན། ཨུ་པ་ཀུམྦྷ་ཏཱ། གསུམ་པ་བདུན་པ་དག་གི་ཡང་ནའོ། །མི་ཟད་པར་གྱུར་པ་
ལས་ཨ་ཡིག་མཐའི་ལས་ཕྱི་མའི་གསུམ་པ་དང་བདུན་པ་དག་ཡང་ན་ཨཾ་དུ་བསྒྱུར་བར་འགྱུར་ཏེ། རྣམ་པར་བརྟག་པས་འཐོབ་བོ། །ཨུ་པ་ཀུཾ་བྷཾ་ཀྲྀ་ཏཾ། ཨུ་བ་ཀུཾ་བྷཾ་སྠ་པ་ཡ། ཨུ་པ་ཀུཾ་བྷེ་སྠ་པ་ཡ། བཞན་ལས་འཇིག་གོ། །མི་ཟད་པར་གྱུར་པ་ལས་ཨེ་ཡིག་མཐའ་ལས་གཞན་
ལས་ཕ་རོལ་གྱི་རྣམ་དབྱེ་རྣམས་འཇིག་པར་འགྱུར་རོ། །ཉེ་བའི་བུ་མོ་ནི། ཨུ་པ་བ་དྷུ། ཨུ་པ་བ་དྷུ་ཀྲྀ་ཏཾ། ཨུ་པ་བདྷུ་སྭཾ། ཕུན་སུམ་ཚོགས་པར་བྱེད་པ་པོ་རྣམས་ཀྱི། ཡུ་ཀར་ཏྲྀ། སུ་ཀ་རྟི་ཏྲཾ་ཏཾ། སུ་ཀརྟི་སྭཾ། བུད་མེད་རྣམས་ལ་ཇི་ལྟར་འཇུག་སྟེ། ཨ་དྷི་སྟི། གཞན་ལས་ཞེས་
པ་ཅི་ཞེ་ན། ཨུ་པ་ཀུ་བྷེ་ན། ཨུ་པ་ཀུཾ་བྷེ། མི་ཟད་པ་ལས་ཀྱང་ངོ་། །མི་ཟད་པ་ལས་ཕྱི་མའི་རྣམ་དབྱེ་རྣམས་ནི་འཇིག་པར་འགྱུར་རོ། །ཙ། ཝཱ། ཧཱ། གལ་ཏེ་དེ་རྣམས་འཇིག་པར་བྱ་ན་དེ་རྣམས་སྐྱེས་པས་ཅིའི་ཕྱིར་འགྱུར་ཞེ་ན། བརྗོད་པར་བྱ་སྟེ། ཚིག་ནི་མིང་ཇི་ལྟ་བར་འགྱུར་བའི་ཕྱིར་རོ། །
ཝ་སྲ་ནས་ལ་སོགས་པ་དག་ལ་འགྱུར་བ་ཡོད་ན། གྲཱ་མཤྩ་ཏེ་སྭཾ། ན་ག་རཉྩ་མེ་སྭཾ། གྲགས་པ་རྣམས་ཀྱི་མང་པོ་ཉིད་ལ་བུད་མེད་མིན་པའི་བུ་རྒྱུད་ཀྱིའོ། །བུ་རྒྱུད་ལ་རྐྱེན་ནི་བུ་རྒྱུད་རྐྱེན་ནོ། །རྒྱལ་པོ་གང་རྣམས་ཡུལ་གྱི་སྒྲས་བརྗོད་པ་དེ་རྣམས་ནི་གྲགས་པ་རྣམས་སོ། །གྲགས་པ་

རྣམས་དང་འབྲེལ་པའི་བུ་རྒྱུད་ཀྱི་རྐྱེན་མང་པོ་ཉིད་དུ་སྐྱེས་པ་འཇིག་པར་འགྱུར་ཏེ། བུད་མེད་མིན་པའི་སྟེ་བུད་མེད་ཀྱི་ཡུལ་དོར་བ་ཉིད་ནའོ། །ཨཾ་གི་བུ་རྒྱུད་མང་པོ་རྣམས་ནི། ཨཾ་གཱཿ། བུ་རྒྱུད་ལ་ཨཎ་ཡང་ནའོ་ཞེས་པས་ཨཎའོ། །དེ་འཇིག་གོ། །འཇིག་གོ་འིས་ཕྱིས་པ་ལ་རྐྱེན་
གྱི་བྱ་བ་མེད་དོ་ཞེས་པས་འཕེལ་བ་མེད་དོ། །དེ་བཞིན་དུ། ཝད་གཱཿ། གྲགས་པ་རྣམས་ཀྱི་ཞེས་པ་ཅི་ཞེ་ན། པུ་རུའི་བུ་རྒྱུད་མང་པོ་རྣམས་ནི་སཽ་ར་ཝཿཨཎའོ། །ཨུའི་ཡི་གེ་རྣམས་ནི་ཨོ་ཉིད་དུ་ཐོབ་པོ་ཞེས་པས་ཨོ་ཉིད་དོ། །མང་པོ་ཉིད་ལ་ཞེས་པས་ཅི་ཞེ་ན། ཨཾ་གའི་བུ་རྒྱུད་ནི། ཨཱཾ་གཿ།
ཝཱཾ་གཿ བུད་མེད་མ་ཡིན་པའི་ཞེས་པ་ཅི་ཞེ་ན། ཨཾ་གའི་བུད་མེད་ཀྱི་བུ་རྒྱུད་རྣམས་ནི། ཨཱཾ་གྱཿཝཱཾགྱཿ། ཨཾ་ག་དང་ཝཱཾ་ག་དག་ལ་ཨཎའོ། །ཨ་ཎ་དང་ཨེ་ཡ་ཎ་དང་ཨི་ཀ་ཎ་ལས་ཞེས་པས་ཨཱི་ཡིག་གོ། །བུད་མེད་དུ་བྱས་པའི་ཨཱི་ཡིག་ལས་ཨ་དབྱི་བར་བྱའོ། །ཛས྄ཁོ། །ཡ་ཉིད་དོ། །བུ་རྒྱུད་
ཀྱི་རྐྱེན་གྱི་ཞེས་པ་ཅི་ཞེ་ན། པཉྩ་ལ་པའི་སློབ་མ་འདི་རྣམས་ནི། པཱཉྩ་ལཱཿ། དེའི་འདི་ཞེས་པས་ཨཎའོ། །གརྒ་ཡསྐ་བི་ད་སོགས་རྣམས་ཀྱིའང་ངོ་། །ཟླས་དབྱེ་ཁོང་ན་ཡོད་པའི་འབྲུ་མང་པོ་པའོ། །གརྒ་སོགས་རྣམས་དང་། ཡསྐ་སོགས་རྣམས་དང་། བིད་སོགས་རྣམས་དང་། འབྲེལ་
བའི་བུ་རྒྱུད་ཀྱི་རྐྱེན་མང་པོ་ཉིད་དུ་སྐྱེས་པ་རྣམས་ཀྱང་འཇིག་པར་འགྱུར་ཏེ་བུད་མེད་མ་ཡིན་པའི་འོ། །གྲགས་པ་མིན་པའི་དོན་བརྗོད་པའོ། །གརྒའི་བུ་རྒྱུད་མང་པོ་རྣམས་ནི། གརྒཿ། ཝ་སྶཱཿ། བཛ྄ཱཿ། ཨརྒ་སོགས་ལས་ཎྱའོ་ཞེས་པས་ཎྱོའོ། །དེ་འཇིག་བོ། །ཛས་སོ། །ཡསྐའི་བུ་རྒྱུད་
རྣམས་ནི། ཡསྐཿ། ལཛྫཿདྲུ་ཧྱཱཿ། ཨ་ཎ་སྟེ་འཇིག་གོ། །བི་དའི་བུ་རྒྱུད་རྣམས་ནི། བི་དཱཿཨུར་ཝཿ། བྷ་རཱ་དྷྭ་ཛཱཿཨཎ་འཇིག་གོ། །མང་པོ་ཉིད་ཀྱི་ཞེས་པ་ཅི་ཞེ་ན། གརྒའི་བུ་རྒྱུད་ནི། གཱརྒྱཿ། དེ་བཞིན་དུ། ཡཱསྐཿ། བཻ་དཿ། བུད་མེད་མིན་པའི་ཞེས་པ་ཅི་ཞེ་ན། གརྒའི་བུད་མེད་
ཀྱི་བུ་རྒྱུད་རྣམས་ནི། གཱརྒྱཿ། གཱརྒའི་སྒྲ་ལས་ཎྱའོ། །ཨིའི་ཡི་གེ་དང་ཨའི་ཡི་གེ་དག་དབྱིའོ། །ཎྱ་ལས་ཞེས་བ་ཨཱི་ཡིག་གོ། །བུ་རྒྱུད་ཀྱི་ཡའི་ཞེས་པས་ཡ་དབྱིའོ། །ཛས་སོ། །དེ་བཞིན་དུ། ཡཱ་སྐྱཿ། བཻ་ཪྻཿ། ཡསྐ་དང་བིད་དག་ལས་ཨཎའོ། །ཨཎ་དང་ཨེ་ཡ་དང་ཨིཀ་

ལས་ཞེས་པས་ཨཱི་ཡིག་གོ། །ཛས་སོ། །བུ་རྒྱུད་ཀྱི་རྐྱེན་གྱི་ཞེས་པ་ཅི་ཞེ་ན། གརྒའི་སློབ་མ་འདི་རྣམས་ནི། གཱརྒཱཿ། ཡཱསྐཱཿ། བཻ་དཱཿ། དེའི་འདི་ཞེས་པས་ཨཎའོ། །གརྒ་དང་། ཝནྶ་དང་། བཛྲ་དང་། སཾ་ཀྲྀ་ཏི་དང་། པྲཱ་མཱ་ཏ་དང་། བྱ་གྷྲ་པཱ་ཏ་དང་། ཨ་ཛ་དང་བེད་དང་བྷུ་མ་ཞེས་སོགས་
རྣམས་ནི་གརྒ་སོགས་རྣམས་སོ། ཡསྐ་དང་། ལཛྫ་དང་། དྲུ་ཧ་དང་། ཨ་ཡ་སྠཱུ་ཎ་དང་། བྷ་ལན་དྷ་ར་ཞེས་པ་ལ་སོགས་པ་ཡསྐ་སོགས་རྣམས་སོ། །བི་ད་དང་། ཨུརྦ་དང་། བྷ་ར་དྷྭཱ་ཛ་དང་། ཀུརྦ་ཙཱ་ར་དང་། ཨུ་པ་མ་ནྱུ་ཀ་ཤྱ་པ་ཞེས་པ་ལ་སོགས་པ་རྣམས་ནི་བི་ད་སོགས་སོ། །བྷྲྀ་གུ།
ཨ་ཏི། ཨཾ་གི་རས། ཀུཏྶ་བ་ཤིཥྛ། གོ་ཏ་མ་རྣམས་ལས་ཀྱང་ངོ་། །བྷྲྀ་གུ་དང་། ཨ་ཊི་དང་། ཨཾ་གི་རས་དང་། ཀུཏྶ་དང་། བ་ཤིཥྛ་དང་། གོ་ཏམ་ཞེས་པ་འདི་རྣམས་ལས་ཕ་རོལ་གྱི་བུད་མེད་མིན་པའི་བུ་རྒྱུད་ཀྱི་རྐྱེན་མང་པོ་ཉིད་དུ་སྐྱེས་པ་འཇིག་པར་འགྱུར་རོ། །བྷྲྀ་གུའི་བུ་རྒྱུད་མང་པོ་
རྣམས་ནི། བྷྲྀ་ག་ཝཿ། ཨ་ཏྲ་ཡཿ། ཨཾ་གི་རས། ཀུཏྭཱཿ། བ་ཤིཥྛཿ། གོཏ་མཱཿ། ཨ་ཏྲིའི་སྒྲ་ལས་བུད་མེད་དང་ཨ་ཏྲི་སོགས་ལས་སོ་ཨེ་ཡཎའོ་ཞེས་པས་ཨེ་ཡཎའོ། །ལྷག་མ་རྣམས་ལས་བུ་རྒྱུད་ལ་ཨཎ་ཡང་ནའོ་ཞེས་པས་ཨཎའོ། །དེ་དག་འཇིག་གོ། །མང་པོ་ཉིད་ཀྱི་ཞེས་
པ་ཅི་ཞེ་ན། བྷྲྀ་གུའི་བུ་རྒྱུད་ནི། བྷཱརྒ་ཝཿ། ཨཱ་ཏྲེ་ཡཿ། ཨཾ་གིར་སཿ། ཀཽཏྶཿ། ཝཱཤིཥྛཿ། གཽ་ཏ་མཿ། བུད་མེད་མ་ཡིན་པའི་ཞེས་པ་ཅི་ཞེ་ན། བྷྲྀ་གུའི་བུད་མེད་ཀྱི་བུ་རྒྱུད་རྣམས་ནི། བྷརྒ་བྱཿ། ཨཱ་ཏྲ་ཡྱཿ། ཨའང་གི་ར་སྱཿ། ཀཽ་ཏ་སྱཿ། ཝཱ་ཤིཥྛྱཿ། གཽ་ཏམྱཿ། ཨེ་ཡཎ་དང་ཨཎ་
བྱས་པ་ལ་ཨཎ་དང་ཨེ་ཡ་དང་ཨིཀ་ལས་ཞེས་པས་ཨཱི་ཡིག་གོ། །ཛས་སོ། །བུ་རྒྱུད་ཀྱི་རྐྱེན་གྱི་ཞེས་པ་ཅི་ཞེ་ན། བྷྲྀ་གུའི་སློབ་མ་འདི་རྣམས་ནི། བྷརྒ་ཝཱཿ། སྔ་མ་ལྟར་ཨཎའོ། །གང་ལས་འབྲལ་བའམ་འཇིགས་པའམ་ལེན་པ་དེ་ངེས་པར་ཀུན་སྦྱིན་པའོ། །འབྲལ་བ་ཞེས་པ་ཚིག་
གཉིས་ཏེ། དེ་བཞིན་དུ་ལེན་པ་ཞེས་པའང་ངོ་། །གང་ལས་འབྲལ་བ་སྟེ། གང་ལས་ཕྲལ་བ་ཐོབ་པ་དང་། གང་ལས་འཇིགས་པ་དང་གང་ལས་ལན་ཅིང་འཛིན་པ་དེ་ངེས་པར་ཀུན་སྦྱིན་པའི་མིང་ཅན་དུ་འགྱུར་རོ། །གྲཱ་མཱ་དཱ་གཙྪ་ཏི། གྲཱ་མཱ་དཱ་ག་མིཥྱ་ཏི། ཨདྷརྨཱནྣི་ཝརྟྟ་ཏེ། ཨ་ཤྭཏ་པ་ཏི་ཏཿ།

ཙཽ་རེ་བྷྱོ་བི་བྷེ་ཏི། ཨུ་པཱ་དྷྱ་ཡཱདྦི་དྱཱ་མཱ་དརྟེ། ཀོཥྛ་གཱ་རཱ་དྡྷ་ནྱ་གྲྀཧྱ་ཏེ། འོ་ན། གྲཱ་མཱནྣཱ་གཙྪ་ཏི། ཞེས་པ་འདིར་ཅིའི་ཕྱིར་ངེས་པར་ཀུན་སྦྱིན་པའི་མིང་ཅན་ཡིན་ཏེ། འདིར་ནི་ཕྲལ་བ་དགག་པར་བྱ་བའོ་ཞེ་ན། བདེན་ཏེ། ཇི་སྲིད་དུ་ཕྲལ་བ་བསྟན་པར་བྱ་བ་མ་ཡིན་པ་དེ་སྲིད་དུ་ནི་སུ་
ཞིག་དགག་པ་ཡོད། དེས་ན་ཕྲལ་བར་གྱུར་པ་ངེས་པར་ཀུན་སྦྱིན་པའི་མིང་ཅན་ཡོད་པ་དེ་ལ་དགག་པ་འབྲེལ་པ་མེད་དོ། །གང་ལས་འབྲེལ་པ་ཞེས་པ་འདིས་གྲུབ་པ་ཉིད་ལས་ལེན་པ། སྨོས་པ་ནི་སྤྲོས་པའི་དོན་ཏོ། །དེ་བཞིན་དུ་འཇིགས་ཞེས་སྨོས་པའང་སྟེ། དེ་ལྟར་ནི། རྩཽ་བོ་རེ་བྷྱོ་བི་བྷེ་སྟི།
ཞེས་པ་འདིར་གང་འཇིགས་པར་བྱེད་པ་ཆོམ་རྐུན་པ་སྟེ་དེ་ལས་ཕྲལ་བར་བྱ་བའོ། །ངེས་པར་ཀུན་སྦྱིན་པའི་མིང་གི་གང་དུ་དགོས་ཤེ་ན། ལྷག་མ་རྣམས་ལས་བྱེད་པ། ཡང་དག་པར་རབ་ཏུ་སྦྱིན་པ་ཞེས་པ་འདིར་འཆད་པར་འགྱུར་བའི་མིང་གིས་དེ་ཉིད་དུ་དགོས་སོ། །བསྲུང་བའི་དོན་རྣམས་
ཀྱིས་འདོད་པའང་ངོ་། །གང་རྣམས་ཀྱི་བསྲུང་བའི་དོན་གྱི་བྱིངས་དེ་རྣམས་ནི་བསྲུང་བའི་དོན་ཏོ། །ཐོས་ཤིང་རྗེས་སུ་དཔག་པས་བརྟགས་པས་མདོའི་དོན་ཡོངས་སུ་བརྟག་གོ་ཞེས་པའི་སྦྱོར་བའི་སྒྲ་བདུན་པའི་མཐའི་ཐ་སྙད་དུ་བྱའོ། །གང་འདོད་ཅིང་མངོན་པར་འདོད་པའི་བསྲུང་བའི་དོན་གྱི་བྱིངས་
རྣམས་ཀྱི་སྦྱོར་བར་གྱུར་པ་དེ་ངེས་པར་ཀུན་སྦྱིན་པའི་མིང་ཅན་དུ་འགྱུར་ཏེ། འང་གི་སྒྲ་ལས་འདོད་པ་མ་ཡིན་པའི་ཡང་ངོ་། །ཡ་བེ་བྷྱོ་གཱཾ་རཀྵ་ཏི། ཏི་ལེ་བྷྱཿཀཱ་ཀཱ་ནྭཱ་ར་ཡ་ཏི། ཨ་ཧི་བྷྱཿསུ་ཏྲཾ་རཀྵ་ཏི། ཀཱུ་པཱནྡནྡྷཾ་ཝ་ར་ཡ་ཏི། སྤྲོས་པའི་དོན་གྱི་སྦྱོར་བ་སྟེ་གང་ལས་འབྲལ་བ་ཞེས་པ་འདིས་གྲུབ་པ་
ཉིད་ལས་སོ། །ནས་ལ་སོགས་པ་རྣམས་ལས་བ་ལང་ལ་སོགས་ལ་ཕྲལ་བར་བྱ་བ་ཡོད་པས་སོ། །གང་གི་ཆེད་དུ་སྦྱིན་པར་འདོད་པའམ་སྲེད་པར་བྱེད་པའམ་འཛིན་དུ་འཇུག་པར་བྱེད་པ་དེ་ཡང་དག་པར་རབ་ཏུ་སྦྱིན་པའོ། །གང་གི་ཆེད་དུ་སྦྱིན་པར་འདོད་ཅིང་ལེན་པར་འདོད་པ་དང་། གང་གི་ཆེད་དུ་
སྲེད་པར་བྱེད་པ་དང་གང་གི་ཆེད་དུ་འཛིན་དུ་འཇུག་པ་དེ་ཡང་དག་པར་རབ་ཏུ་སྦྱིན་པའི་མིང་ཅན་དུ་འགྱུར་རོ། །བི་པྲཱ་ཡ་བྷི་ཀྵཾ་ད་དཱ་ཏི། ཨུ་པཱ་དྷྱཱ་ཡཱ་ཡ་གཱཾ་ད་དཱ་ཏི། དེ་ཝ་དཏྟཱ་ཡ་རོ་ཙ་ཏི་མོ་ད་ཀཱཿ། ཡཛྙ་དཏྟཱ་ཡ་ཤ་ཏཾ་དྷཱ་ར་ཡ་ཏེ། སྦྱིན་པར་འདོད་པ་ཞེས་པ་ཅི་ཞེ་ན། ར་ཛྙོ་དནྜཾ་ད་དཱ་ཏི། དབང་དུ་གྱུར་པའི་ཡུལ་ལ་

མིང་འདི་འདོད་དོ། །དེས་ན་གཞན་གྱི་རྗེ་བོ་ཉིད་དུ་གྱུར་པ་གང་ལ་སྦྱིན་པ་དེ་ལ་མིང་འདིའོ། །དེས་ན་འདིར་མི་འགྱུར་ཏེ། རཱ་ཛ་ཀ་སྱ་བསྟྲམ་ད་དཱ་ཏི། གང་ཀུན་ནས་འཛིན་པ་དེ་གནས་གཞིའོ། །གང་ལ་རྣམ་པར་གནས་པ་འཛིན་པར་བྱེད་པ་དེ་ཀུན་འཛིན་པའོ། །ཨ་དྷི་ཨཱ་ཡ་ནྱ་ཡོ་དྱོ་ཞེས་པས་ཚིག་
ཕྲད་ལ་གྷཉའོ། །གང་ཀུན་ནས་འཛིན་པ་དེ་གནས་གཞིའི་མིང་ཅན་དུ་འགྱུར་རོ། །ད་དྷྣི་གྷྲྀ་ཏཾ། པྲ་ཡངྒེ་ཤེ་ཏེ། ཛ་ལེ་མཱཏྶྱཱཿ། གང་ཡང་རྟེན་དང་བརྟེན་པའི་དངོས་པོ་འབྲེལ་པ་འཆད་པར་འདོད་པ་དེར་ཡང་མིང་དུ་འགྱུར་ཏེ། ཨངྒུ་ལྱ་གྲེ་ཧསྟི་ཡུ་ཐ་ཤ་ཏ་མསྟི། གང་གིས་བྱ་བ་དེ་བྱེད་པའོ། །
གང་གང་གིས་བྱ་བ་དེ་བྱེད་པའི་མིང་ཅན་དུ་འགྱུར་རོ། །དཱ་ཏྲེ་ཎ་ལུ་ནཱ་ཏི། པ་ར་ཤུ་ནཱཙྪི་ནི་ཏི། གང་གི་ཚེ་སྤྱོད་པ་སོགས་ནི་སྐྱེས་བུའི་བྱ་བ་ལ་ལྟོས་པ་མེད་པ་དེའི་ཚེ་བྱེད་པ་ཉིད་དུ་མི་འགྱུར་ཏེ། དཱ་ཏྲཾ་ལུ་ནཱ་ཏི། གང་བྱ་བ་དེ་ལས་སོ། །གང་བྱ་བ་དེ་ལས་ཀྱི་མིང་ཅན་དུ་འགྱུར་རོ། །ཀ་ཊཾ་ཀ་རོ་ཏི།
ཨོ་ད་ནཾ་པ་ཙ་ཏི། ཨཱ་དི་ཏྱཾ་པ་ཤྱ་ཏི། ཨ་དྷི་སྔ་མ་རྣམས་ཀྱི་ཤིང་དང་སྠ་དང་ཨཱསྟི་ཞེས་པ་འདི་རྣམས་ཀྱི་སྦྱོར་བ་ལ་ཀུན་འཛིན་པའི་ལས་ཀྱི་མིང་ཅན་དུ་བཤད་པར་བྱ་སྟེ། གྲཱ་མ་མ་དྷི་ཤེ་ཏེ། གྲཱ་མ་མ་དྷི་ཏིཥྛ་ཏི། གྲཱ་མ་མ་བྷྱ་ཏེ། དུས་དང་དངོས་པོ་དང་ལ་དང་ཡུལ་རྣམས་ཀྱི་ལས་མེད་པའི་བྱིངས་
དག་གི་སྦྱོར་བ་ལ་ལས་ཀྱི་མིང་ཅན་དུ་བཤད་པར་བྱ་སྟེ། དུས་ཀྱི་ནི། མཱ་ས་མ་སྟི། དངོས་པོའི་ནི། གོ་དོ་ཧ་མ་སྟི། ལམ་གྱི་ནི། ཀྲོ་ཤ་མ་སྟི། ཡུལ་གྱི་ནི། ཀུ་ཏུན་སྭ་བི་ཏི། བྱ་བའི་ཁྱད་པར་རྣམས་ཀྱི་འང་སྟེ། སོ་བྷ་ནཾ་པ་ཙ་ཏི། གང་བྱེད་མཁན་དེ་བྱེད་པ་པོའོ། །གང་བྱེད་
མཁན་དེ་བྱེད་པ་པོའི་མིང་ཅན་དུ་འགྱུར་རོ། །རུ་དྲེ་ན་ཀྲི་ཏཾ། བིཥྞུནཱ་ཀྲྀ་ཏམ། བྱེད་པ་པོའི་མིང་གིས་གང་དུ་དགོས་ཤེ་ན། བྱེད་པ་པོ་ལའང་ངོ་ཞེས་པ་ལ་སོགས་པ་རྣམས་སུའོ། །གང་བྱེད་དུ་འཇུག་པ་དེ་རྒྱུའང་ངོ་། །བྱེད་པ་པོ་སྨོས་པ་རྗེས་སུ་འབྲེལ་བར་བྱ་སྟེ། གང་བྱེད་པ་པོ་དང་
རྗེས་སུ་འཇུག་པ་དེ་རྒྱུའི་མིང་ཅན་དུ་འགྱུར་ཏེ། འང་གི་སྒྲ་ལས་བྱེད་པ་པོའི་མིང་ཅན་ཡང་ངོ་། །ཀཱ་ར་ཡ་ཏི། པཱ་ཋ་ཡ་ཏི། ཌུ་ཀྲྀཉ་བྱེད་པ་ལའོ། །བཋ་ཀློག་པ་ལའོ། །བྱེད་དུ་འཇུག་པ་ལ་སྦྱོར་བར་བྱེད་དོ། །ཀློག་ཏུ་འཇུག་པ་ལ་སྦྱོར་བར་བྱེད་དོ་ཞེས་པ་དང་བྱིངས་ཀྱིའང་རྒྱུ་ལའོ་ཞེས་པས་

ཨིནའོ། །ཨའི་ཨུ་པ་དྷཱ་ཞེས་པས་འཕེལ་བ་དང་རིང་པོར་འགྱུར་རོ། །ཨན་བི་ཀ་ར་ཎའོ། །ཡོན་ཏན་ནོ། །རྒྱུའི་མིང་ཡོད་པ་དེ་ལ་རྒྱུའི་དོན་ལ་ཨིནའོ། །བྱེད་པ་པོའི་མིང་མེད་པ་ན་ཨིན་དང་ཉ་དང་ཡྸ་ཛ་སོགས་ལས་གཉི་གའོ་ཞེས་པས་པ་ར་སྨཻའི་ཚིག་གོ། །
རྒྱུའི་མིང་གིས་གང་དུ་དགོས་ཤེ་ན། བྱིངས་ལས་ཀྱང་རྒྱུ་ལའོ་ཞེས་པས་འདིར་རོ། །དེ་རྣམས་ཀྱི་གཉིས་ཐོབ་པ་ལ་ཕ་རོལ་ལོ། །གཉིས་ཀ་དག་གི་ཐོབ་པ་ནི་གཉིས་ཀ་ཐོབ་པའོ། །གལ་ཏེ་ཡང་། ཨུ་བྷ་ཡའི་སྒྲ་ཚིག་སྡུད་ལ་ཐོབ་པ་དེ་ལྟ་ན་ཡང་ཨུ་བྷའི་སྒྲས་ཚིག་རྣམ་པར་སྦྱར་བར་བྱ་སྟེ།
གཉིས་ཉིད་ཀྱི་ཡུལ་ལ་ཨུ་བྷ་ཡའི་སྒྲ་སྦྱོར་བ་མི་སྲིད་པས་སོ། །ཨུ་བྷ་ཡའི་སྒྲ་ནི་གཅིག་ཉིད་དང་མང་པོ་ཉིད་དག་ལ་རབ་ཏུ་སྦྱར་བར་བྱའོ། །ཨུ་བྷའི་སྒྲའི་གཉིས་ཉིད་ལའོ། །དེ་རྣམས་ཀྱི་སྟེ་ངེས་པར་ཀུན་སྦྱིན་པ་ལ་སོགས་པའི་བྱེད་པ་ཅན་རྣམས་ཀྱི་ནང་ནས་གཉིས་ཀ་དག་གི་སྟེ་བྱེད་པ་ཅན་
གཉིས་དག་ཡུལ་གཅིག་ལ་ཐོབ་པ་གང་ཡིན་པའི་ཕ་རོལ་ན་ཡོད་པའི་བྱེད་པ་ཅན་དེ་ཁོ་ནར་འགྱུར་རོ། །བྲྀ་ཀྵཾ་ཏྱ་ཛ་ཏི་ཁ་གཿ འདིར་ཤིང་ལས་བྱ་ཕྲལ་བར་བྱའོ་ཞེས་བྲྀཀྵ་ལ་ངེས་པར་ཀུན་སྦྱིན་པའི་མིང་ཅན་ཐོབ་པ་ལ་ཤིང་དང་འབྲེལ་བཞིན་པ་ཉིད་ལས། ལས་སུ་འགྱུར་རོ་ཞེས་ལས་ཀྱི་
མིང་ཅན་ཡང་འགྱུར་བ་ལས་ཕ་རོལ་ཉིད་ཀྱི་ཕྱིར་ལས་ཀྱི་མིང་ཅན་ཁོ་ནར་འགྱུར་རོ། །ཏྱ་ཛ་ཏི་དཎྜཾ་དཎྜཱི་འདིར་དབྱུག་པ་ཅན་ལས་དབྱུག་པ་ཕྲལ་བར་བྱའོ་ཞེས་དཎྜི་ལ་ངེས་པར་ཀུན་སྦྱིན་པའི་མིང་ཅན་ཐོབ་པ་ལའོ། །དབྱུག་པ་ཅན་ལས་དབྱུག་པ་འབྲེལ་པ་ན་ཡང་བྱེད་པ་པོ་ཉིད་དུ་ཡོད་དོ་ཞེས་བྱེད་
པ་པོའི་མིང་ཅནའང་འགྱུར་མོད་ཕ་རོལ་ཉིད་ཀྱི་ཕྱིར་ལས་ཀྱི་མིང་ཅན་ཁོ་ནར་འགྱུར་རོ། །སྔར་བཤད་པ་དང་ཕྱིས་བརྗོད་པས་ཡོངས་སུ་བཤད་པ་ཉིད་ཀྱིས་གྲུབ་པ་ལས་སྦྱོར་བ་བརྩམས་པ་འདི་ལྟ་བུ་ནི་སྤྲོས་པའི་དོན་ཏོ། །རྟགས་ཀྱི་དོན་གྱི་ཚིག་ལ་རྣམ་དབྱེ་དང་པོའོ། །རྟགས་ཀྱི་དོན་ནི་
རྟགས་དོན་ནོ། །དེའི་ཚིག་ནི་རྟགས་ཀྱི་དོན་གྱི་ཚིག་གོ། །རྟགས་ཀྱི་དོན་གྱི་ཚིག་མངོན་པར་བརྗོད་པར་གྱུར་པ་ལ་རྟགས་རྣམ་དབྱེ་དང་པོར་འགྱུར་རོ། །དེ་ལས་ཕ་རོལ་ཞེས་པ་འདིས་སི་ལ་སོགས་པ་རྣམས་གྲུབ་པ་ཉིད་ལས་འོན་ཀྱང་རབ་ཏུ་བྱེད་པ་འདི་ནི་འདི་ལྟ་བུའི་དོན་གྱི་ཚིག་ཅན་གྱི་དོན་ལ་

བརྩམ་པར་བྱའོ། བྲྀ་ཀྵཿ། ཀུ་མཱ་རཱི། ཀུཎྜཾ། དྲོཎཿ། ཨཱཊ་ཀཾ། རྟགས་ཀྱི་དོན་ལ་ཞེས་བྱ་བ་ལ་ཚིག་སྨོས་པ་ནི་གང་གཅིག་ཉིད་ལ་སོགས་པའི་དོན་རྣམས་ཀྱི་རང་བཞིན་བརྗོད་པ་དེ་ལ་ཡང་དང་པོ་འཇུག་པའི་དོན་ཏོ། ཨེཀཿ། དྭཽ། བ་ཧ་ཝ། འདིར་ཨེ་ཀའི་སྒྲས་གཅིག་ཉིད་བརྗོད་ཅིང་
དྭིའི་སྒྲས་གཉིས་ཉིད་དང་བ་ཧུའི་སྒྲས་མང་པོ་ཉིད་དོ། །རྣམ་དབྱེ་སྨོས་པ་ནི་དེ་ལྟར་དགོས་པ་ལྡན་པའོ་ཞེས་གསུང་ངོ་། །བོད་པ་ལ་ཡང་ངོ་། །བོད་པའི་དོན་ལ་རྟགས་ལས་རྣམ་དབྱེ་དང་པོར་འགྱུར་རོ། །ཧེ་ཤཾ་ཀ་ར། ཧེ་ཀྲྀཥྞ། ཧེ་བྲྀཀྵ། འོ་ན་སྔ་མས་གྲུབ་ཡོད་དོ་ཞེས་པས་ཅི་ལྟར་སྦྱོར་
བ་བརྩམས་ཤེ་ན། དེ་ནི་ཡང་ངག་མ་ཡིན་ཏེ་འདིར་བོད་ལ་ལྷག་པ་ནི་རྟགས་ཀྱི་དོན་དུ་རྟོགས་སོ་ཞེས་པས་རྟགས་ཀྱི་དོན་དགག་པ་མེད་པའི་ཕྱིར་མདོ་བྱས་པ་དོན་མེད་པ་མ་ཡིན་ནོ། །ལྷག་མ་རྣམས་ལས་བྱེད་པ་ཡང་དག་པར་རབ་ཏུ་སྦྱིན་པ་ངེས་པར་ཀུན་སྦྱིན་པ་རྗེ་བོ་ལ་སོགས་པ་གཞི་
རྣམས་ལའོ། །སྒྲ་གང་རྣམས་ཀྱི་དང་པོ་རྗེ་བོ་ཡིན་པ་དེ་རྣམས་ནི་རྗེ་བོ་ལ་སོགས་པ་རྣམས་སོ། །དེ་ནས་ཟླས་དབྱེ་བའོ། །རྗེ་བོ་ལ་སོགས་པའི་སྒྲས་སྦྱོར་བ་སྨོས་པ་ནི་དཀྱུས་མ་སྤོང་བ་ཡིན་ནོ། །ལྷག་མ་གཉིས་པ་ལ་སོགས་པའི་རྣམ་དབྱེ་རྣམས་ནི་ལས་བྱེད་པ་དང་ཡང་དག་པར་རབ་ཏུ་
སྦྱིན་པ་དང་ངེས་པར་ཀུན་སྦྱིན་པ་དང་རྗེ་བོ་ལ་སོགས་པའི་སྦྱོར་བ་དང་གཞི་རྣམས་ལས་འགྱུར་རོ། །ལས་ལ་གཉིས་པ་སྟེ། ཀ་ཊཾ་ཀ་རོ་ཏི། ལས་བརྗོད་པ་ལ་མི་འགྱུར་ཏེ་བརྗོད་པའི་དོན་རྣམས་ཀྱི་སྦྱོར་བ་ལ་མ་ཡིན་ནོ་ཞེས་པའི་ཚིག་ལས་སོ། །ཀྲྀ་ཡ་ཏེ་ཀ་ཊཿ། འདིར་ཡི་ཥྤེའི་ཚིག་
གིས་ལས་བརྗོད་པའི་ཕྱིར་རོ། །ཀྲྀ་ཏཿ། ཀ་ཊཿ། འདིར་ཡང་རྐྱེན་གྱིས་བརྗོད་པས་སོ། །བྱེད་པ་ལ་གསུམ་པ་སྟེ། པ་ར་ཤུ་ནཱཙྪི་ན་ཏི། ཡང་དག་པར་རབ་ཏུ་སྦྱིན་པ་ལ་བཞི་པ་སྟེ། ཨུ་པཱ་དྷྱཱ་ཡཱ་ཡ་གཱཾ་ད་དཱ་ཏི། ཞེས་པར་ཀུན་སྦྱིན་པ་ལ་ལྔ་པ་སྟེ། གྲཱ་མཱ་དཱ་ག་ཏཿ། རྗེ་བོ་ལ་སོགས་
པ་སྦྱོར་བ་ལ་དྲུག་པ་སྟེ། དེ་ཝ་དཏྟ་སྱ་སྭཱ་མཱི། ཡཛྙཱ་དཏྟ་སྱ་སྭཱ་མཱི། ཙྪ་ཏྲཱ་ཎཱཾ་མུ་ཧཱཿ། བཞི་ལ་བདུན་པ་སྟེ། ཀ་ཊེ་ཨཱ་ཏེ། ཨུ་བྷ་ཡ་དང་སརྦ་ཞེས་པའི་འདི་དག་ལ་ཏས་སྦྱོར་བ་ལ་གཉིས་པ་བཤད་པར་བྱ་སྟེ། ཨུ་བྷ་ཡ་ཏེ་གྲཱ་མཾ་བ་ས་ཏི། སརྦ་ཏོ་ན་ག་རེ་བ་ས་ཏི། གཉིས་ཀ་

ལ་ཐམས་ཅད་ལ་ཞེས་ཨཱ་དི་སོགས་ལས་ཏས་སོ་ཞེས་པས་ཏས་སོ། །ཧ་དང་དྷི་ཀའི་སྒྲ་སྦྱོར་བ་ལའང་ངོ་། །ཧཱ་དེ་ཝ་དཏྟི། ཧྲིགྡེཝདཏྟཾ། ཧའི་སྒྲ་སྦྱོར་བ་ལ་དང་པོ་ཡང་བལྟ་བར་བྱ་སྟེ། ཧཱ་དེ་ཝ་དཏྟཿ།ཨ་བྷི་ཏས་དང་ས་རི་ཏས་དང་ས་མ་ཡཱ་དང་ནི་ཀ་སཱ་ཞེས་
པ་འདི་རྣམས་ཀྱི་སྦྱོར་བ་ལ་ཡང་ངོ་། །ཨ་བྷི་ཏོ་གྲཱ་མཾ་ཝ་ས་ཏི། གྲོང་གཉིས་པོ་ཞེས་པའི་དོན་ཏོ། །པ་རི་ཏོ་ན་ག་རཾ་བ་ས་ཏི། གྲོང་ཁྱེར་ཀུན་ཞེས་པའི་དོན་ཏོ། །ཨ་བྷི་དང་པ་རི་དག་ལས་གཉིས་ཀྱི་དོན་དང་ཐམས་ཅད་ཀྱི་དོན་ལ་ཏས་སོ། །ས་མ་ཡཱ་གྲཱ་མཾ། ས་མ་ཡ་དང་ནི་ཀཱ་སིའི་སྒྲ་དག་
ནི་ཉེ་བའི་ཚིག་གོ། །ཨནྟ་ར་དང་ཨནྟ་རེ་ཎ་ཞེས་པ་འདི་དག་གི་སྦྱོར་བ་ལ་ཡང་ངོ་། །ཨནྟ་ར་ཏྭཾ་ཙ་མཱཉྩ་གྷ་ཊ་ཨནྟ་ར་ནི་ནང་མ་ཞེས་པའི་དོན་ཏོ། །ཨནྟ་རེ་ཎ་པུ་རུ་ཥ་ཀཱཾ་རཾ་ཀིཉྩིད་པྲ་སྱ་ཏེ། སྐྱེས་བུའི་བྱེད་པ་མེད་པར་ཞེས་པའི་དོན་ཏོ། །པྲ་ཀྲྀ་ཏི་ལ་སོགས་པ་རྣམས་ལས་གསུམ་པ་བཤད་པར་
བྱ་སྟེ། པྲ་ཀྲྀ་ཏྱདཪྵ་ནཱི་ཡཿ། པྲཱ་ཡེཎ་ཡཱ་ཛྙ་ཀཿ། གོ་ཏྲེ་ཎ་གཱརྒྱཿ། གང་པྲ་ཀྲྀ་ཏི་ལ་སོགས་པའི་སྒྲ་དེ་རྣམས་ཀྱི་བྱེད་པ་པོ་དང་། བྱེད་པ་དག་མ་གཏོགས་པ་ལ་གསུམ་པ་བལྟ་བར་བྱའོ། །པྲྀ་ཐ་ཀ་དང་བི་ནཱ་དང་། ནཱི་ནཱ་རྣམས་ཀྱི་སྦྱོར་བ་ལ་གཉིས་པ་དང་གསུམ་པ་དང་ལྔ་པ་བཤད་པར་བྱ་སྟེ།
པྲྀ་ཐགྡེ་བ་དཏྟཾ། པྲྀ་ཐགྡེ་བ་དཏྟེ་ན། པྲྀ་ཐགྡེ་བ་དཏྟཱད། དེ་བཞིན་དུ་བི་ནཱ་དང་ནཱ་ནའི་སྒྲ་སྦྱོར་བ་དཔེར་བརྗོད་པར་བྱའོ། །ཤ་བའི་བྱིངས་ཀྱི་སྦྱོར་བ་ལ་བཞི་པ་བཤད་པར་བྱ་སྟེ། ངག་གིས་ལུས་ཀྱི་དལ་བུའི་དོན་ལའོ། །དེ་བ་དཏྟཱ་ཡ་ཤ་པ་ཏེ། སྤྲི་ཧའི་སྦྱོར་བ་ལ་འདོད་པའི་དོན་ལའོ། །
རུ་དྲཱ་ཡ་སྤྲི་ཧ་ཡ་ཏི། ཏད་རྠེ་ཡཱུ་པཱ་ཡ་དཱ་རུ། །ཧི་ཏ་སྦྱོར་བ་ལ་ཏེ། དེ་བཱ་ཡ་ཧི་ཏཾ། ཡ་སའི་སྒྲའི་མཐའ་ཕྱིས་པ་ན་མས་དང་བཞི་དག་ལ་ལྔ་པ་བཤད་པར་བྱ་སྟེ། པྲཱ་སཱ་དཱ་ཡཱ་རུ་ཧྱ་པྲེཀྵ་ཏེ། པྲཱ་སཱ་དཱཏྤྲེཀྵཏེ། ཨཱ་ས་ནེ་ཨུ་པ་བི་ཤྱ་བི་ཀྵ་ཏེ། ཨཱ་ས་ནཱ་ཏ་བིཀྴ་ཏེ། རུ་ཧ་ས་བོན་ལའོ། །ཨཱང་
ལྔ་མའོ། །བི་ཤ་འཇུག་པ་ལའོ། །ཨུཔ་ལྔ་མར་རོ། །བྱེད་པ་པོ་གཅིག་དག་གོ་ཞེས་པས་ཀྟའོ། །བསྡུ་བ་མ་འབྱུང་བ་ལ་ཞེས་པས་དེའི་ཡས྄ ཏུ་བསྒྱུར་རོ། །དབྱི་བར་བྱའོ་ཞེས་པས་འོས་པའི་རྐྱེན་ངེས་པར་བསྟན་པ་ལས་ཨ་རུ་ཧྱ་དང་ཨུ་པ་བི་ཤྱ་དག་གི་དབྱིའོ། །རྒྱུ་མཚན་ལས་ལས་

ལ་སྦྱོར་བལ་ལ་བདུན་བཤད་པར་བྱ་སྟེ། ཙརྨ་ཎི་དྭི་པི་ནཾ་ཧནྟི། པགས་པའི་རྒྱུན་ལ་ཞེས་པའི་དོན་ཏོ། །དེ་བཞིན་དུ། །དནྟ་ཡཏྟནྟི་ཀུཉྫྭ་རཾ། ཀེ་ཤེཥུ་ཙ་མ་རཱི་ཧནྟི། སཱི་མྣི་པུཥྤ་ལ་ཀོ་ཧ་ཏཿ། ཐམས་ཅད་པའི་མིང་ཅན་གྱི་རྒྱུན་མཚན་གྱི་སྦྱོར་བ་ལ་རྣམ་དབྱེ་ཐམས་ཅད་འདོད་དེ། ཀིནྣི་མིཏྟཾ་བ་བ་ཏི།
ཀེན་ནི་མིཏྟེ་ན། ཀསྨཻ་ནི་མིཏྟཱ་ཡ། ཀསྨཱནྣི་མི་ཏཱ་ཏ། ཀ་སྱ་ནི་མིཏྟ་སྱ། ཀསྨཱི་ནྣི་མིཏྟེ། རྒྱུ་མཚན་ཞེས་པ་འདིར་དོན་གཟུང་བར་བྱ་སྟེ། དེས་ན། ཀིཾ་ཀཱ་ར་ཎ་ཝ་ས་ཏི། ཀོ་ཧེ་ཏུ་ར་ཝ་ས་ཏི། ཀེཾ་པྲ་ཡོ་ཛ་ནཾ་ཝ་ས་ཏི། ཞེས་པ་ལ་སོགས་པའི་འང་གནས་སོ། །པ་རི་ཨ་པ་ཨཱང་སྦྱོར་བ་ལ་
ལྔ་པའོ། །པ་རི་དང་ཨ་པ་དང་ཨཱང་སྟེ་དེ་རྣམས་ནི་པ་རི་ཨཔ་ཨཱང་ངོ་། །དེ་རྣམས་ཀྱི་སྦྱོར་བ་ནི་པ་རི་ཨ་པ་ཨཱང་སྦྱོར་བའོ། །པ་རི་དང་ཨ་པ་དང་ཨཱང་ཞེས་པ་འདི་རྣམས་ཀྱི་སྦྱོར་བ་ལ་རྟགས་ལས་ལྔ་པར་འགྱུར་རོ། །ལས་རབ་ཏུ་བརྗོད་པ་རྣམས་ཀྱིས་ཀྱང་ངོ་ཞེས་པས་གཉིས་པ་ཐོབ་པ་ལའོ། །
པ་རི་ཤྲུ་གྷྣཱདྡེ་ཝོ་བྲྀཥྚཿ། ཨ་པ་ཀ་ནྱ། ཀུབྫཱདྡེ་བོ་བྲྀཥྚཿ། ཨཱ་ཀུ་རུ་ཀྵེ་དེ་ཝོ་བྲྀཥྚཿ། བ་རི་ཨབ་ཨཱང་ཞེས་བྱ་བ་ལ་སྦྱོར་བ་སྨོས་པ་ནི་ལས་རབ་ཏུ་བརྗོད་པ་རྣམས་ཀྱི་བཟུང་བའི་དོན་ཏོ། །ཉེར་བསྒྱུར་རྣམས་ཀྱི་མི་འགྱུར་རོ། །དེས་ན་འདིར་མི་འགྱུར་ཏེ། པ་རི་བྷྲ་མ་ཎཾ། ཨ་པ་ས་ར་ཎཾ། ཨཱ་ནཱ་ཡ་ནཾ། ཀྲྀ་
ཡའི་སྦྱོར་བར་གྱུར་པ་ལ་པ་རི་སོགས་རྣམས་ཉིད་ཀྱི་ཉེར་བསྒྱུར་ཉིད་དོ་ཞེས་གསུང་ངོ་། །འདིར། འོ་ན། བྲྀཀྵཾ་པ་རི་བི་དྱོ་ཏ་ཏེ་པི་དྱུ་ཏ། ཅིའི་ཕྱིར་མི་འགྱུར་ཞེ་ན། བརྗོད་པར་བྱ་སྟེ། ཨ་པའི་སྒྲའི་བོར་བའི་དོན་ལ་ལས་རབ་ཏུ་བརྗོད་པར་བཤད་བྱ་སྟེ། དེའི་ཕྱིར་བོར་བའི་དོན་ཅན་དེ་དང་
ལྷན་ཅིག་སྤྱོད་པའི་ཕྱིར་པ་རིའི་སྒྲ་བོར་བའི་དོན་ཅན་གཟུང་ངོ་། །པ་རི་ཞེས་པ་འདིར་སྤང་པ་རིའི་སྒྲ་མཚན་ཉིད་ཀྱི་དོན་དུ་གསལ་བར་བྱེད་དེ། ལྗོན་ཤིང་གི་ནི་གློག་མཚོན་ནོ། །ཕྱོགས་ཨི་ཏ་ར། རྀ་ཏ། གཞན་པ་རྣམས་ཀྱིས་ཡང་ངོ་། །ཕྱོགས་ཀྱིས་སྒྲས་སྦྱོར་བ་དང་། ཨི་ཏ་ར་དང་། རྀ་ཏེ་དང་།
གཞན་པ་ཞེས་པ་འདི་དག་གིའང་རྟགས་ལས་ལྔ་པར་འགྱུར་རོ། །པཱུརྦོ་གྲཱ་མཱཏ྄། དཀྵི་ཎི་ན་ག་རཱཏ྄། ཨི་ཏ་རོ་དེ་ཝ་དཏྟཱཏ། པཎྜིཏཿརྀ་ཏེ་ཤམྦྷོཿ། ཀུཏོ་མོཀྵཱཏ། ཨནྱོ་དེ་ཝ་དཏྟཱཏ། གཞན་ཞེས་པ་འདིར་དོན་གཟུང་བར་བྱ་སྟེ། དེས་ན། བི་ལཀྵ་ནོ་དེ་ཝ་དཏྟཱ་ཏ། ཨརྠཱནྟ་རཾ་ཡ་ཛྙ་དཏྟཱ་ཏ།

ཨེ་ན་ཡིས་གཉིས་པའོ། །ཨེ་ནའི་རྐྱེན་མཐའི་སྒྲས་སྦྱོར་བ་ལ་རྟགས་ལས་གཉིས་པར་འགྱུར་རོ། །དཀྵི་ཎེ་ན་གྲཱ་མཾ་ཝ་ས་ཏི། ཨུཏྟ་རེ་ཎ་ན་ག་རཾ་ཝ་ས་ཏི། ལྷོའི་ཕྱོགས་ན་བྱང་གི་ཕྱོགས་ན་ཞེས་པའོ། །པུ་ར་སྟཱཏ་སོགས་རྣམས་ཀྱང་ངོ་ཞེས་པས་ཚིག་ཕྲད་ལས་ཨེ་ནའི་རྐྱེན་ཏེ་ཨིའི་
ཡི་གེ་དང་ཨའི་ཡི་གེ་དག་དབྱིའོ། །དྲུག་པ་ཡང་འདོད་དེ། དཀྵི་ཎེ་ན་གྲཱ་མ་སྱ་ཝ་ས་ཏི། ལས་རབ་ཏུ་བརྗོད་པ་རྣམས་ཀྱང་ངོ་། །ལས་རབ་ཏུ་བརྗོད་པ་ལས་ཨ་ནུ་ལ་སོགས་དེ་རྣམས་ཀྱི་སྦྱར་བ་ལ་རྟགས་ལས་གཉིས་པར་འགྱུར་རོ། །བྲྀཀྵ་མ་ནུ་བི་དྱོ་ཏ་ཏེ་བི་དྱུད། འགྲོ་བའི་དོན་གྱི་ལས་ལ་ལམ་མ་ཡིན་པ་ལ་གཉིས་པ་དང་བཞི་པ་དག་
སྟེ་གཡོ་བ་ལའོ། །གང་རྣམས་ཀྱི་འགྲོ་བའི་དོན་གྱི་བྱིངས་དེ་རྣམས་ནི་འགྲོ་བའི་དོན་ཏོ། །དེའི་ལས་ནི་འགྲོ་བའི་དོན་གྱི་ལས་སོ། །འགྲོ་བའི་དོན་གྱི་བྱིངས་ཀྱི་ལས་དེ་ལ་ལས་ལ་ལམ་མ་ཡིན་པ་སྟེ། ལམ་མ་གཏོགས་པ་ལ་གཉིས་པ་དང་བཞི་བ་དག་འགྱུར་ཏེ། གཡོ་བ་ནི་འགྲོ་བཞིན་པ་སྟེ་
ལུས་གཡོ་ཞིང་ཡོངས་སུ་རྒྱུག་བའོ། །ཏཱིརྠཾ་གཙྪ་ཏི། ཏཱིརྠཱ་ཡ་གཙྪ་ཏི། ཀུ་རུ་ཀྵེ་ཏྲཾ་བྲ་ཛ་ཏི། །ཀུ་རུ་ཀྵེ་ཏྲ་ཡ་བྲ་ཛ་ཏི། འགྲོ་བའི་དོན་སྨོས་པ་ཅི་ཞེ་ན། ཨོ་ད་ནཾ་པ་ཙ་ཏི། ལས་ལ་ཞེས་པ་ཅི་ཞེ་ན། ཨ་ཤྭེ་ན་བྲ་ཛ་ཏི། གཡོ་བ་ལ་ཞེས་པ་ཅི་ཞེ་ན། མཱ་ན་སཱ་ཝཱ་རཱ་ཎ་སཱི་གཙྪ་ཏི། ལམ་
མིན་པ་ལ་ཞེས་པ་ཅི་ཞེ་ན། ཨ་དྷྭ་ནཾ་བྲ་ཛ་ཏི། ལམ་ཞེས་པ་འདིར་དོན་གཟུང་བར་བྱ་སྟེ། དེས་ན། པནྠ་ནཾ་གཙྪ་ཏི། མཱརྒཾ་བྲ་ཛ་ཏི། གང་གི་ཚེ་ལམ་པོ་ཆེའི་མ་ཐོབ་པར་འདོད་པ་དེའི་ཚེ་ཨ་དྷྭ་ནེ་གཙྪ་ཏི་ཞེས་པར་ཡང་འགྱུར་རོ། །བཞི་པ་ལ་ཡང་ན་ཞེས་བྱ་བ་ལ་གཉིས་པ་སྨོས་པ་ནི་
དགག་པར་བྱ་བ་ལ་ཏེ་དྲུག་པའི་ཡུལ་ལའང་གཉིས་པ་བཞི་པ་དག་འཇུག་པའི་དོན་ཏོ། །དེས་ན་གང་དུ་བྱེད་པ་པོ་དང་ལས་དག་ལ་ཀྲྀཏ་ལ་ཞེས་པས་དྲུག་པ་ཐོབ་པ་དེ་ལ་དེ་འགེགས་པ་ཉིད་ཀྱིས་ན་གཉིས་པ་དང་བཞི་པ་ཉིད་འགྱུར་རོ། །གྲཱ་མཱཾ་གནྟཱ། གྲཱ་མཱ་ཡ་གནྟཱ། ག་མིའི་བྱིངས་ལ། ཝུཎ྄་ཏྲྀ་ཙ་
དག་གོ་ཞེས་པས་ཏྲྀ་ཙའོ། །མ་ནྱའི་ལས་ལ་སྲོག་ཆགས་མ་ཡིན་པ་ལའང་སྟེ་མ་གུས་པ་ལའོ། །མ་ནྱ་ཏི་ཞེས་པ་འདིའི་ཕྱོགས་གཅིག་མ་ནྱའི་སྒྲ་གཟུང་བའོ། །མ་ནྱ་ཏིའི་ལས་ནི་མ་ནྱའི་ལས་སོ། །མན་ཤེས་པ་ལའོ་ཞེས་པ་འདིའི་ལས་གང་དེ་ལ་སྲོག་ཆགས་མ་ཡིན་པ་སྟེ་སྲོག་ཆགས་དོར་

བ་ན་ལས་ལ་གཉིས་པ་དང་བཞི་པ་དག་འགྱུར་ཏེ། མ་གུས་པ་རྟོགས་པར་བྱ་བ་ལའོ། །མ་གུས་པ་ནི་ཁྱད་དུ་གསོད་པའོ། །ཏྲྀ་ཎ་མ་སི་ཏྭཱཾ་ན་མནྱེ། འང་གི་སྒྲ་འདིར་བཀླགས་པ་དེའང་ཁྱད་པར་གསལ་བར་བྱེད་པའོ། །དེས་ན། ཡུཥྨཏ་ལ་བཞི་པར་མི་འགྱུར་རོ། །མ་ནྱ་ཞེས་པ་ཅི་ཞེ་ན། ཏྲྀ་ནཾ་ཏྭཱཾ་
ཙནྟྲ་ཡཱ་མི། མནྱ་ཞེས་ཡ྄ཎའི་ས་ངེས་པར་བསྟན་པ་ནི་མ་ནུ་རྟོགས་པ་ལའོ་ཞེས་པ་འདིའི་མ་ནུཏི་ལྡོག་པའི་དོན་ཏོ། །དེས་ན། ཏྲོ་རྞ་ཏྭ་མ་ནུ་ཏེ། མ་གུས་པ་ལ་ཞེས་པ་ཅི་ཞེ་ན། སུ་བ་རྞྞཾ་ཏྭཱ་མ་ནྱེ། སྲོག་ཆགས་མ་ཡིན་པ་ལ་ཞེས་པ་ཅི་ཞེ་ན། ཤྭ་ནཾ་ཏྭཱཾ་མ་ནྱ། ནམཿ་སྭསྟི་སྭཱ་ཧཱ་སྭ་དྷཱ་ནུས་པ་བ་ཥཊ྄་སྦྱོར་བ་ལ་
བཞི་པའོ། །ནམས་དང་སྭསྟི་དང་སྭཱ་ཧཱ་དང་སྭ་དྷཱ་ནུས་པ་དང་བ་ཥཊ་ཞེས་པ་འདི་རྣམས་སྦྱོར་བ་ལ་རྟགས་ལས་བཞི་པར་འགྱུར་རོ། །ན་མོ་རུ་དྲཱ་ཡ། སྭེ་སྟི་པྲ་ཛཱ་བྷྱཱཿ། ཨགྣ་ཡེ་སྭཱ་ཧཱ། པི་ཏྲྀ་བྷྱཿསྭ་དྷཱ། ཨ་ལཾ་མལློ་མལླཱ་ཡ། བ་ཥ་ཌིནྡྲི་ཡ། ནུས་པ་ཞེས་པ་འདིར་དོན་གཟུང་བར་བྱ་སྟེ། དེས་
ནས་མརྠོ་མལློ་མལླཱ་ཡ། ཤཀྟོ་མལློ་མལླཱ་ཡ། ན་མཿསྭསྟི་སྭཱ་ཧཱ་སྭ་དྷཱ་ནུས་པ་བ་ཥཊ་རྣམས་ཀྱིས་ཞེས་བྱ་བ་ལ་སྦྱོར་བ་སྨོས་པ་ནི་ཡོངས་སུ་རྫོགས་པའི་དོན་ཅན་གྱི་ཨ་ལཾ་གཟུང་བའི་དོན་དུའོ། །དེས་ན་བཟློག་པའི་དོན་གྱི་མི་འགྱུར་ཏེ། ཨ་ལཾ་རོ་ད་ནེ་ན། ཉེ་བའི་ཚིག་གི་རྣམ་དབྱེ་བས་བྱེད་
པ་ཅན་གྱི་རྣམ་དབྱེ་ཤེས་སྟོབས་དང་ལྡན་པའོ་ཞེས་པའི་ཚིག་ལས་འདིར་མི་འགྱུར་ཏེ། ནཱ་རཱ་ཡཎཾ་ན་མ་སྐྲྀ་ཏྱ། ཞེས་པའི་ནམཿའི་སྒྲ་ནི་ཉེ་བའི་ཚིག་གི་རྣམ་དབྱེ་ལའོ། །ལས་ལ་སོགས་པའི་བྱེད་པ་ཅན་གང་ཡིན་པའི་རྣམ་དབྱེ་དེ་ནི་བྱེད་པ་ཅན་གྱི་རྣམ་དབྱེའོ། །ཏུ་མའི་དོན་ལས་ཀྱང་དངོས་
པོ་བརྗོད་པ་ལའོ། །ཏུཾའི་མཚུངས་པའི་དོན་ཏུཾའི་དོན་ཏོ། །དབྱི་བར་བྱའོ་ཞེས་འོས་པའི་རྐྱེན་ངེས་པར་བསྟན་པ་ལས། ས་མཱ་ནའི་སྒྲ་དབྱིའོ། །དངོས་པོ་བརྗོད་པའོ་ཞེས་པས་དངོས་པོ་འཆད་པའོ། །ཝཙུ་བརྗོད་པ་ལའོ། །མིང་ལ་རིགས་མ་ཡིན་པ་ལས་ཞེས་པས་ཎི་ནིའོ། །ཏུམའི་མཚུངས་
པའི་དོན་ཏེ་མཉམ་པའི་དོན་གང་ཡིན་པའི་རྐྱེན་དངོས་པོ་བརྗོད་པ་སྟེ་དངོས་པོ་བརྗོད་པ་ལ་ཞེས་པ་འདིས་སྒྲབ་པ་དེའི་མཐའ་ལས་རྟགས་ལས་བཞི་པར་འགྱུར་རོ། །པཱ་ཀཱ་ཡ་པྲ་ཛ་ཏི། པཀྟུཾ་བྲ་ཛ་ཏི། ཞེས་པའི་དོན་ཏོ། །ཀ་ར་ཎཱ་ཡ་བྲ་ཛ་ཏི། ཀཏྟུཾ་པྲ་ཛ་ཏེ། ཞེས་པའི་དོན་ཏོ། །པཾ་སྠི་ཏ་ཡེ་བྲ་

ཛཏི། སཾ་སྠཱ་ཏུཾ་བྲ་ཛཏི། ཞེས་པའི་དོན་ཏོ། །ཨ་ཤྲ་ཡཱ་ཡ་བྲ་ཛ་ཏི། ཨཱ་ཤྲ་ཡི་ཏུཾ་བྲ་ཛ་ཏི། ཞེས་པའི་དོན་ཏོ། ཏུམྨ྄འི་དོན་ལས་ཞེས་པ་ཅི་ཞེ་ན། པ་ཙ་ནཾ་པཱ་ཀཿ། ཏྱ་ཛ་ཨཱོཾ་ཏྱ་གཿ། །དངོས་པོ་བརྗོད་པ་ཅི་ཞེ་ན། ཀཱ་ར་ཀོ་བྲ་ཛ་ཏི། བྱ་བ་ལ་བྱ་བའི་དོན་ལ་ཝུཎ་ཏུམ྄་ཎམ྄་དག་གོ་
ཞེས་པས་ཝུཎའོ། །ལྷན་ཅིག་སྦྱོར་བ་ལ་གསུམ་པའོ། །ལྷན་ཅིག་གི་སྦྱོར་བ་ནི་ལྷན་ཅིག་སྦྱོར་བའོ། །ལྷན་ཅིག་པའི་དོན་གྱི་སྦྱོར་བ་ལ་རྟགས་ལས་གསུམ་པར་འགྱུར་རོ། །པུ་ཏྲེ་ཎ་ས་ཧ་ཨཱ་ག་ཏཿ། པི་ཏཱ་པུ་ཏྲེཎ་ས་ཧ་སྠུལཿ། པུ་ཏྲེ་ཎ་ས་ཧ་གོ་མཱན། འདིར་གཙོ་བོ་མ་ཡིན་པ་ལས་གསུམ་པ་
བཤད་པར་བྱའོ། །དེས་ན་པི་ཏྲྀ་སྒྲ་ལས་མི་འགྱུར་རོ། །ལྷན་ཅིག་ཅེས་པ་ནི་འདིར་དོན་འཛིན་པ་སྟེ། དེས་ན། པུ་ཏྲེཎ་པ་ཀཾ་པ་ཋ་ཏི། པུ་ཏྲེ་ཎ་སཱ་མཾ་ཏྲཱ་ཡ་ཏི། པུ་ཏྲེ་ཎ་སཱ་དྷྭཾ་པཱུ་ཛ་ཡ་ཏི། །ཏུ་ལྱའི་དོན་གྱི་སྒྲའི་རྟགས་ལས་དྲུག་པ་དང་གསུམ་པ་དག་བཤད་པར་བྱ་སྟེ། ཉེ་བར་འཇལ་བའི་མཉམ་པའོ་ཞེས་པའི་ཏུ་ལྱའི་
དོན་དོར་བ་ཉིད་ལའོ། །ཏུ་ལྱོ་དེ་བ་དཏྟ་སྱ། ཏུ་ལྱོ་དེ་བ་དཏྟེ་ན། ས་དྲྀ་ཤོ་དེ་བ་དཏྟ་སྱ། ས་དྲྀ་ཤོ་དེ་བ་དཏྟེན། ཉེ་བར་འཇལ་བའི་ཏུ་མྱ་འོས་སྦྱོར་བ་ལ་དྲུག་པའང་ངོ་། །ཏུ་ལཱ་ཏུ་ཏ་སྱ་ནཱ་ཏི་ཨུ་བ་མཱ་ཀྲྀཥྞ་སྱ་ན་བི་དྱ་ཏེ། རྒྱུའི་དོན་ལའོ། །རྒྱུའང་འདི་ཡིན་ལ་དོན་ཡང་ཡིན་པ་ནི་རྒྱུའི་དོན་ཏོ། །འདིར་
གསུམ་པ་རྗེས་སུ་འཇུག་སྟེ། མདོ་ཕྱི་མ་གསུམ་རྣམས་ལའང་ངོ་། །འབྲས་བུ་སྒྲུབ་པ་དང་ལྡན་པའི་དངོས་པོ་ནི་རྒྱུའོ། །རྒྱུ་ལས་གསུམ་པར་འགྱུར་རོ། །བི་དྱ་ཡཱ་ཡ་ཤཿ། ཀ་ནྱ་ཡཱ་ཤོ་ཀཿ། རྒྱུ་ལའོ་ཞེས་མ་བྱས་པ་ནི་རྣམ་པ་སྣ་ཚོགས་པའི་དོན་ཏོ། །སྨད་པ་ལ་ཡན་ལག་ལའོ། །ཡན་
ལག་ལ་སྨད་ཅིང་སྨོད་པར་བྱེད་པ་ལ་གསུམ་པར་འགྱུར་རོ། །ཨཀྵྞཱ་ཀཱ་ཎཿ། ཤི་ར་སཱ་ཁལླིཊ། ནཱ་ས་ཡཱ་ཙི་པ་ཊཿ། སྨད་པ་ལ་ཞེས་པ་ཅི་ཞེ་ན། མུ་ཁེ་གཽ་རཿ། འདིར་གཙོ་བོ་མ་ཡིན་པ་ལས་གསུམ་པ་བཤད་པར་བྱའོ། །དེས་ན་འདིར་མི་འགྱུར་ཏེ། ཨཀྵི་ཀཱ་ཎ་དེ་བ་དཏྟ་སྱ། འདིར་ནི་ཨཀྵི་
གཙོ་བོའོ། །ཁྱད་པར་དུ་བྱེད་པ་ལའོ། །གང་གིས་ཁྱད་པར་དུ་བྱེད་པ་དེ་ཁྱད་པར་དུ་བྱེད་པའོ། །ཁྱད་པར་དུ་བྱེད་པ་ལ་གསུམ་པར་འགྱུར་རོ། །ཛ་ཊཱ་བྷི་སྟཱ་པ་ས་དྲྀཥྚཿ། ཁཌྒེ་ན་བྷ་ཊོ་དྲྀཥྚཿ། བྱེད་པ་པོ་ལའང་ངོ་། །བྱེད་པ་པོ་ལ་གསུམ་པར་འགྱུར་རོ། །རུ་དྲེ་ཎ་དགྡྷཾ་དྲྀ་པུ་རཾ། བིཥྞུ་བདྡྷོ་

བེ་ལིཿ། དུས་དང་དངོས་པོ་དག་ལ་བདུན་པའོ། །དུས་དངོས་པོ་དག་ལ་བདུན་པར་འགྱུར་རོ། །རེ་ཞིག་དུས་ལ། ཤ་ར་དི་པུཥྤནྟི་བ་པྟཙྪ་དཿ། བཪྵ་སུ་པུཥྤ་པནྟི་ཀུཌྫཱ་ནི། དངོས་པོ་ལ་སྟེ་དངོས་པོ་ནི་ཡོད་པའོ། །དེ་ཝ་དཏྟེ་ག་ཏེ། ཡཛྙ་དཏྟེ་བྷཱུཾ་ཀྟེ། ཨགྣེ་ཧོ་ཏྲེ་ཧྲི་ཡཱ་མཱ་ནེ་གཏཿ། དུས་དང་དངོས་
པོ་དག་ལས་གང་གི་ཚེ་གཞན་ཅུང་ཟད་མཚོན་པར་བྱེད་པ་དེའི་ཚེ་བདུན་པར་བཤད་པར་བྱའོ། །དེས་ན་འདིར་མི་འགྱུར་ཏེ། ཤ་རཏྟཿ། སཱ་དྷུ་དང་ཨ་སཱ་དྷཱུའི་སྒྲ་དག་གི་སྦྱོར་བ་ལ་བདུན་པ་བཤད་པར་བྱ་སྟེ། དྲུག་པ་འགེགས་པའོ། །ས་དྷུ་རིམཱ་ཏ་རི། ཨ་སཱ་དྷུཿཔི་ཏ་རི་དཱ་ཏ་རི། སྭཱ་མི། ཨཱི་ཤྭ་ར།
ཨ་དྷི་པ་ཏི། དཱ་ཡ་ད། སཱཀྵི། པྲ་ཏི་བྷུ། །པྲ་སཱུ་ཏ་རྣམས་ཀྱི་དྲུག་པའང་ངོ་། །སྭཱ་མི་དང་། ཨཱི་ཤྭ་ར་དང་། ཨ་དྷི་པ་ཏི་དང་། དཱ་ཡཱ་ད་དང་། སཀྵི་དང་། པྲཏི་བྷུ་དང་། བྲ་སཱུ་ཏ་ཞེས་པ་འདི་རྣམས་ཀྱི་སྦྱོར་བ་ལ་བདུན་པར་འགྱུར་ཏེ་དྲུག་པའང་ངོ་། །རྗེས་སུ་འབྲེལ་བ་ལའོ། །རྟག་ཏུ་དྲུག་
པ་ཐོབ་པ་ལའོ། །དྷ་ནེ་སྭཱ་མཱི། །དྷ་ན་སྱ་སྭཱ་ཤྭ་རཿ། དེ་ཤེ་ཨ་དྷི་པ་ཏི། དེ་ཤ་སྱ་ཨཱ་དྷི་པ་ཏི། །དྷ་ནེ་དཱ་ཡཱ་དཿ། དྷ་ན་སྱ་དཱ་ཡ་དཿ། དྷ་ནེ་སཱཀྵི། དྷ་ན་སྱ་སཱཀྵི། དྷ་ནེ་པྲ་ཏི་བྷུཿ། དྷ་ན་སྱ་པྲ་ཏི་བྷཱུཿ། ག་ཝཱཾ་པྲ་སཱུ་ཏཿ། གོ་ཥུ་པྲ་སཱུ་ཏཿ། འོ་ན། སྭཱ་མི་དང་།
ཨཱི་ཤྭ་ར་དང་། ཨ་དྷི་པ་ཏིའི་སྒྲ་རྣམས་ཀྱི་གཅིག་ཡོད་པ་དེ་ལའང་ཡོད་པས་སྭཱ་མི་ཁོ་ན་གཟུང་བར་བྱས་པས་དེ་བཞིན་དུ་དེས་ཨཱི་ཤྭ་ར་དང་ཨ་དྷི་པ་ཏིའི་སྒྲ་དག་གཟུང་བར་འགྱུར་རོ་ཞེས་པས་ཅིའི་དོན་དུ་ཨཱི་ཤྭ་ར་དང་ཨ་དྷི་པ་ཏི་དག་སྨོས་ཤེ་ན། བརྗོད་པར་བྱ་སྟེ། ཇི་ལྟར་ཨཱི་ཤྭ་ར་དང་ཨ་དྷི་པ་ཏིའི་སྒྲ་དག་བཟུང་བ་
དེ་བཞིན་དུ་པྲ་བྷུ་དང་། ཨེ་ཤ་ཞེས་པ་ལ་སོགས་པ་རྣམས་ཀྱིའང་འགྱུར་བའི་ཕྱིར་རོ། །ངེས་པར་བཀར་བ་ལའང་ངོ་། །དྷྲྀང་ངེས་པར་གནས་པ་ལའོ། །ནིར་སྔ་མར་རོ། །དེ་ཉིད་ཀྱི་ཕྱིར་ངེས་པར་བསྟན་པ་ལས་རང་གི་དོན་ལ་ཨིནའོ། །འཕེལ་བའོ། །ངེས་པར་དགར་བར་བྱ་ཞིང་ཐ་དད་པར་བྱའོ་
ཞེས་པ་ལ་ཀྲྀ་ཏྱ་ཡུཊ་རྣམས་གཞན་ལ་ཡང་ངོ་ཞེས་པས་ཡུཊའོ། །ཨན་རུ་བསྒྱུར་རོ། །ཀཱ་རི་ཏ་དབྱིའོ། །དྲུག་པ་དང་བདུན་པ་དག་རྗེས་སུ་འབྲེལ་ལོ། །ངེས་པར་བཀར་བ་ལ་དྲུག་པ་དང་བདུན་པ་དག་འགྱུར་རོ། །རིགས་དང་ཡོན་ཏན་དང་བྱ་བ་རྣམས་ཀྱིས་ཚོགས་པ་ལས་ཕྱོགས་གཅིག་ཏུ་ཐ་དད་ཏུ་བྱེད་པ་

ནི་ངེས་པར་བཀར་བ་སྟེ་པུ་རུ་ཥཱ་ཎཱཾ་ཀྵ་ཏི་ཡཿཤུ་རཿ། ཡང་ན། པུ་རུ་ཥེ་ཥུ། ཤྱ་མཱ་ནཱ་རཱི་ཎཱཾ་ད་ཪྵ་ནཱི་ཡ། ཡང་ན། ནཱ་རཱི་ཥུ། དྷ་ཝནྟོ་དྷྭ་གཱ་ནཱཾ་ཤྲཱི་གྷྲ་གཱཿ། ཡང་ན། ཨདྷྭ་གེ་ཥུ། ཧེ་ཏུ་སྦྱོར་བ་ལ་དྲུག་པའོ། །ཧེ་ཏུའི་སྦྱོར་བ་ནི་ཧེ་ཏུ་སྦྱོར་བའོ། །ཧེ་ཏུའི་སྒྲའི་སྦྱོར་བ་བརྗོད་པར་གྱུར་བ་
ལ་རྟགས་ལས་དྲུག་པར་འགྱུར་རོ། །རྒྱུའི་དོན་ལའོ་ཞེས་པས་གསུམ་པ་ཐོབ་པ་ལའོ། །བིདྱཱ་ཡཱ་ཧེ་ཏོརྦ་ས་ཏི། ཨནྣ་སྱ་ཧེ་ཏོརྦ་ས་ཏི། དྲན་པའི་དོན་གྱི་ལས་ལའོ། །བྱིངས་རྣམས་ཀྱི་དོན་དྲན་པ་ཡིན་པ་དེ་རྣམས་དྲན་པའི་དོན་ཏོ། །དེ་རྣམས་ཀྱི་ལས་ནི་དྲན་པའི་དོན་གྱི་ལས་སོ། །དྲན་པའི་དོན་
རྣམས་ཀྱི་ལས་གང་ཡིན་པ་དེ་ལ་ལས་དྲུག་པར་འགྱུར་རོ། །བི་ཏུཿསྨ་ར་ཏི། མཱ་ཏུ་ར་དྷྱ་ཡ་ཏི། ཡང་ན་ཞེས་བཤད་པར་བྱ་སྟེ། དེས་ན་གཉིས་པ་ཡང་འགྱུར་ཏེ། པི་ཏ་རཾ་སྨ་ར་ཏི། དྲན་པའི་དོན་ཅན་རྣམས་ཀྱིས་ཞེས་པ་ཅི་ཞེ་ན། ཨོ་ད་ནཾ་པ་ཙ་ཏི། ཀ་རོ་ཏིའི་འབད་པ་ལའོ། །ཡོད་པའི་ཡོན་
ཏན་བར་མ་ཆད་དུ་འབྱུང་བ་དེ་ནི་འབད་པའོ། །ཀ་རོ་ཏིའི་ལས་གང་ཡིན་པའི་ལས་དེ་ལ་དྲུག་པར་འགྱུར་ཏེ་འབད་དུ་འགྲོ་བཞིན་པ་ལའོ། །ཨེ་དྷོ་ད་ཀ་སྱོ་བ་སཾ་སྐུ་རུ་ཏེ། ཨ་ཤི་པ་དྲ་སྱོ་བ་སྐུ་རུ་ཏེ། ཡང་ན་ཞེས་བཤད་པར་བྱ་སྟེ། དེས་ན། ཨེ་དྷོ་ད་ཀ་མུ་པ་ཀུ་རུ་སྟེ། འཚེ་བའི་དོན་རྣམས་
ཀྱིས་ཛྭ་ར་མ་ཡིན་པ་ལའོ། །འཚེ་བའི་དོན་ནི་སྲོག་ཆགས་ཉེ་བར་འཇོམས་པའོ། །འཚེ་བའི་དོན་རྣམས་ཀྱི་ལས་གང་ཡིན་པ་དེ་ལ་དྲུག་པར་འགྱུར་ཏེ། ཛྭ་ར་མ་ཡིན་པ་སྟེ། ཛྭ་ར་ནད་ལའོ་ཞེས་པ་འདི་དང་འབྲེལ་བའི་ལས་གང་ཡིན་པ་དེ་དོར་བ་ཉིད་ནའོ། །ཙཽ་ར་སྱ་རུ་ཛ་ཏི་རོ་གཿ། ཙཽ་ར་སྱ་ལ་ཡ་ཏི་ཏོ་
དཿ། ཕྱི་མར་རྟག་ཏུ་སྨོས་པའི་ཕྱིར་འདིར་རྣམ་པར་བརྟག་པའོ། །དེས་ན། ཙཽ་རཾ་རུ་ཛ་ཏི། འཚེ་བའི་དོན་ཅན་རྣམས་ཀྱི་ཞེས་པ་ཅི་ཞེ་ན། ཨེ་ཏི་ཛཱི་བནྟཿ། མཱ་ནནྡཿ། ཛྭ་ར་མ་ཡིན་པ་ཞེས་པ་ཅི་ཞེ་ན། ཙཽ་རཾ་ཛྭ་ར་ཡ་ཏི་ཛྭ་རཿ། སཾ་སྔ་མ་ཅན་གྱི་ཏ་པ་ཡོངས་སུ་གདུང་བ་ལའོ་ཞེས་པ་འདིའི་ཨིནའི་
མཐའ་ཅན་གྱི་སྦྱོར་བ་ལས་ལ་དྲུག་པ་མི་འདོད་དེ། ཙཽ་རཾ་སཾ་ཏཱ་པ་ཡ་ཏི་ཏཱ་པཿ། གང་གི་ཚེ་འཚེ་བའི་དོན་ཅན་རྣམས་ཀྱིས་དངོས་པོ་ལ་ཨ་དྱ་དང་པོའི་རྐྱེན་བརྗོད་པར་བྱ་བ་བྱེད་པ་པོར་འགྱུར་བ་དེའི་ཚེ་དྲུག་པ་བཤད་པར་བྱའོ། །དེས་ན་འདིར་མི་འགྱུར་ཏེ། ཝཱ་ཡུཿཔུ་རུ་ཥཾ་ཧི་ན་ཏི། འདིར་འཚེ་བའི་དོན་གྱི་ཝཱ་

ཡུ་བྱེད་པ་པོའོ། །བྱེད་པ་པོ་དང་ལས་དག་ལ་ཀྲྀཏ་ལ་རྟག་ཏུའོ། །རྟག་ཏུ་ཞེས་པ་བྱ་བའི་ཁྱད་པར་ཉིད་ལས་སོ། །གཉིས་པའི་མཐའི་མ་ནིངའང་དེའོ། །བྱེད་པ་པོ་དང་ལས་ལའང་རྟག་ཏུ་དྲུག་པར་འགྱུར་ཏེ། ཀྲྀཏ་ལ་སྟེ་ཀྲྀ་ཏའི་རྐྱེན་གྱི་མཐའི་སྒྲ་སྦྱོར་བཞིན་པར་གྱུར་པ་ལའོ། །རེ་ཞིག་བྱེད་པ་པོ་ལ།
བྷ་ཝ་ཏ་ཨ་སཱི་ཀཱ། བྷ་ཝ་ཏོ་གྲཱ་གཱ་མི་ཀཱ། ཨས་སྡོད་པ། གམླྀ་འགྲོ་བ། ཨ་གྲ་སྔ་མར་འོ། །བརྒྱུད་རིམ་འོས་པ་བུ་ལོན་ཞེས་པས་བུ་ཉའོ། །ཡུ་ཝུ་ཛྷའི་ཞེས་པས་ཨ་ཀ་རུ་བསྒྱུར་རོ། །བུད་མེད་ལས་ཨཱ་ལས་ཨཱ་པའོ། །ཀའི་རྐྱེན་ལ་ཞེས་པས་ཨ་ཉིད་དོ། །ལས་ལ། བཛྲ་སྱ་
བྷརྟྟཱ། བྷུ་ཝ་ན་སྱ་རཀྵི་ཏཱ། ཌུ་བྷྲྀཉ་འཛིན། རཀྵ་བསྲུང་བ། ཝུཎ་ཏྲྀ་ཙ་དག་གོ་ཞེས་པས་ཏྲྀ་ཙཱོ། །ཨིཊའོ། །ཡ་ཝཱ་ནཱཾ་ལ་བ་ཀཿ། སཀྟཱུ་ནཱཾ་པ་ཡ་ཀཿ། ལཱུཉ་གཅོད་པ་ལའོ། །པཱ་འཐུང་བ་ལའོ། །ཝུཎ་ཏྲྀ་ཙ་དག་གོ་ཞེས་པས་ཝུཎའོ། །ཨའི་ཨུ་པ་དྷཱ་ཞེས་པས་འཕེལ་བའོ། །
ཨཱཏ་མཐའི་ཨི་ཙ་ལ་ཨཱ་ཡིའོ་ཞེས་བས་ཨཱ་ཡིའོ། །བྱེད་པ་པོ་དང་ལས་དག་ལ་ཞེས་པ་ཅི་ཞེ་ན། ཨ་ཤྭེ་ན་གནྟཱ། ག་མི་ལས་ཏྲྀ་ཙའོ། །ཀྲྀ་ཏྱའི་རྐྱེན་མཐའི་སྒྲའི་སྦྱོར་བ་ལ་བྱེད་པ་པོ་ཡང་དྲུག་པ་མང་ན་བཤད་པར་བྱེ་སྟེ། བྷ་མ་ཏཿ། ཀཊཿ། ཀརཏྟ་བྱཿ། བྷ་བ་ཏོ་གྲཱ་མོ་ག་མྱཿ། བྷ་བ་ཏཱ་གྲཱ་མོ་ག་
མྱཿགམྱཿ། གཉིས་ཀ་ཐོབ་པ་ལ་ལས་ཁོ་ནའི་བྱས་པ་ནི་མདོ་སྡེའི་རྣམས་པ་སྣ་ཚོགས་པ་སྟེ། སློབ་དཔོན་སརྦ་ཝརྨ་ངག་གི་འདོད་པ་འཇོ་བ་ངག་སྐྱོང་བས་མཛད་པའོ། །ནིཥྛ་སོགས་རྣམས་ལ་མ་ཡིན་ནོ། །ནིཥྛ་དང་། ཀྭནྶུ་དང་། ཀཱན་དང་། ཤནྟྲིང་དང་། ཨཱ་ན་ཤ་དང་། ཀི་དང་། ཨུ་དང་།
ཨུ་ཀཉ་དང་། ཨིཥྞུ་དང་། ཀྟྭ་དང་། ཁལ་དང་། ཡུ་དང་། ཤཱ་ནང་དང་། ཏྲིན་དང་། ཝུཎ་དང་། ཎིན་ཞེས་པ་འདི་རྣམས་ཀྱིས་ནིཥྛ་ལ་སོགས་པའི་སྦྱོར་བ་ཡོད་པར་གྱུར་པ་རྣམས་ལ་ནི་བྱེད་པ་པོ་དང་ལས་དག་ལ་དྲུག་པ་མི་འགྱུར་རོ། །མདོ་སྔ་མས་ཐོབ་པ་ལའོ། །ནིཥྛའི། །དེ་ཝ་དཏྟེ་ན་
བྷུཀྟཿ། ཡོ་ད་ནཾ་བྷུཀྟི་ཝཱན། བྷུཛ་སྐྱོང་བ། ནིཥྛའོ་ཞེས་པས་ཀྟ་དང་ཀྟ་ཝནྟུའོ། །ཙ་སྡེའི་ཀིའོ། །ཀྭནྶུའི། ཨོ་ད་ནཾ་པེ་ཙི་ཝཱན། ཌུ་པ་ཙཥ་འཚེད་པ་ལའོ། །ཀྭནྶུ་དག་ལ་ཞེས་པས་ཀྭནྶུའོ། །པ་རོཀྵ་དང་འདྲ་བར་འགྱུར་བའི་ཕྱིར་གཉིས་བརྗོད་དོ། །གསལ་བྱེད་གཅིག་པུ་བའི་དབུས་ན་

ཡོད་པའི་མ་བསྒྱུར་བའི་ཞེས་པས་ཨ་བྷྱ་ས་དབྱིའོ། །ཨརྟི་ཨིཎ་གྷས་དབྱངས་གཅིག་བ། ཨཱཏ་རྣམས་ཀྱི་ཞེས་པས་ཨིཊའོ། །ཨོ་ད་ནཾ་པེ་ཙཱ་ནཿ། ཀྭནྶུ་ཀཱན་དག་གཅེས་པས་ཀཱནའོ། །གཞན་སྔ་མ་དང་འདྲའོ། །ཤནྟྲྀངའི། ཨོ་ད་ནཾ་བ་ཙ་ན། ད་ལྟར་བ་ལ་ཤནྟྲྀང་ཞེས་པས་
ཤནྟྲྀངའོ། །ཨན་བི་ཀ་ར་ཎའོ། །ཨ་དང་མཚམས་སྦྱོར་གྱི་ཡི་གེ་ས་དབྱིའོ། །ཨ་དྷཱི་ཡན་པཱ་རཱ་ཡ་ཎཾ། ཨ་དྷི་སྔ་མར་འོ། །ཨིང་དྷཱ་རི་དག་ལས་ཤནྟྲྀང་ཞེས་པས་ཤནྟྲྀངའོ། །ཨན་བི་ཀ་ར་ཎའོ། །ཨད་སོགས་ལས་འཇིག་གོ། །དབྱངས་དང་པོ་ལ་ཨིའི་ཡི་གེ་ཞེས་པས་ཨི་ཡའོ། །ཨཱ་ན་ཤྲའི།
ཨོ་ད་ནཾ་ཙ་མཱ་ནཿ། བརྟ་མཱ་ན་ལ་ཤནྟྲྀང་ཞེས་པས་ཨཱ་ན་ཤའོ། ཨན་བི་ཀ་ར་ཎའོ། །ཨ་ལས་ཨཱ་ན་ལ་མ་མཐའ་འོ་ཞེས་པས་མ་ཡིག་ཨཱ་ག་མའོ། །ཀའི། །ད་དི་གཱཿ། ཌུ་དཱཉ་སྦྱིན། ཨཱཏ་ཨིའི་ཡི་གེ་ཨུ་པ་དྷ་ཞེས་པས་ཀིའོ། །གཉིས་དག་ཀྱང་ངོ་ཞེས་པའི་ཚིག་ལས་ལན་གཉིས་
བརྗོད་དོ། །ཐུང་ངུའོ། །བྱིངས་ཐམས་ཅད་པ་མ་ཡིན་པ་ལ་ཨ་དབྱིའོ་ཞེས་པས་ཨ་དབྱིའོ། །གཱ་ཞེས་པ་འདིར་གོ་སྒྲའི་ཨམ་ཤས་དག་ལ་ཨཱའོ་ཞེས་པས་ཨཱ་ཉིད་དོ། །ཨུའི། ཨོ་ད་ནཾ་བུ་བྷུ་ཀྵུཿ། བྷུ་ཛ་སྐྱོང་བ་ལའོ། །བྱིངས་ཀྱི་ལས་ལ་ཡང་ན་ཞེས་པས་ས་ནའོ། །ཙཎ་པ་རོ་ཀྵ་ཞེས་པས་
ལན་གཉིས་བརྗོད་དོ། །གཉིས་པ་བཞི་པ་དག་གི་ཞེས་པས་བྷའི་བའོ། །ཙ་སྡེའི་ཀིའོ། །ཉ་ཤ་ཉིད་དོ། །སན་མཐའ་དང་ཨཱ་ཤཾ་སི་ཞེས་པས་ཨུའི་རྐྱེན་ནོ། །ཨའི་ང་དབྱིའོ། །ཨུ་ཀཉའོ། ཨཱ་གཱ་མུ་ཀོ་གྲཱ་མཾ་དེ་ཝ་དཏྟཿ། གམླི་འགྲོ་བ་ལའོ། །ཤྲཱི་ཀམ་གམ་ཧན་ཞེས་པས་ཨུ་ཀཉའོ། །
ཨའི་ཨུ་བདྷཱ་ཞེས་པས་རིང་པོའོ། ཨིཥྞུའི། ཀ་ནྱཱ་མ་ལཾ་ཀ་རིཥྞུཿ། ཌུ་ཀྲྀཉ་བྱེད་པ། ཨ་ལཾ་སྔ་མར་འོ། །ཨ་ལཾ་ནི་རབ་ཏུ་ཐོབ་པ་དང་། ཟློག་པ་དང་། རྒྱན་རྣམས་ལའོ། །བྷྲ་ཛི་ཨ་ལཾ་ཀྲྀཉ་ཞེས་པས་ཨིཥྞུའོ། །ཡོན་ཏན་ནོ། །ཀྟྭའི། །ཀ་ཊཾ་ཀྲྀ་ཏྭཱ། བྱེད་པ་པོ་གཅིག་དག་གི་ཞེས་པས་གྷཱའོ། །
ཁལའི། །ཨཱིཥ་དྱ་ཌྷྱ་བྷ་བཾ་བྷ་བ་ཏཱ། བྷཱུ་ཡོད་པ་ལའོ། །ཨཱི་ཥཏ་སྔ་མརའོ། །བྱེད་པ་པོ་དང་ལ་དག་ལའང་བྷཱུ་ཀྲྀཉ་དག་གིའོ་ཞེས་པས་ཁལའོ། །ཡུའི། །ཨཱི་ཥ་ཏསྠ་ནཾ་བྷ་ཝ་ཏཱ། ཥྛ་འགྲོ་བ་ལྡོག་པ་ལའོ། །ཨཱཏ་རྣམས་ལས་ད་རི་དྲ་ཏི་མ་ཡིན་པ་ལས་ཡུའོ་ཞེས་པས་ཡུའོ། །ཡུ་ཝུ་ཛྷ་རྣམས་ཀྱི་

ཞེས་པས་ཨ་ན་རུ་བསྒྱུར་རོ། །ཤ་ནངའི། སོ་མཾ་བ་བ་མཱ་ནཿ། པཱུང་དག་པར་བྱེད་པར་བྱེད་པ་ལའོ། །པུང་ཡ་ཛ་དག་གི་ཤཱ་ནངའོ། །ཨན་བི་ཀ་ར་ཎའོ། །ཡོན་ཏན་ནོ། །ཨ་ལས་ཨཱན་ལས་མ་མཐའ་འོ་ཞེས་པས་མ་ཡིག་ཨཱ་ག་མའོ། །ཏྲྀཎའི། ཀརྟྟཱ་ཀ་ཊཾ། ཏྲྀ་ནའོ་ཞེས་པས་ཏྲྀནའོ། །ཝུཎའི།
ཀ་ཊཾ་ཀཱ་ར་ཀོ་བྲ་ཛཏི། ཌུ་ཀྲྀཉ་བྱེད་པ། བྱ་བ་ལ་བྱ་བའི་དོན་ལ་ཝུཎ་ཏུམ་དག་གོ་ཞེས་པས་ཝུཎའོ། །ཎིནའི། ཤ་ཏཾ་དཱ་ཡཱི། ཌུ་དཱཉ་སྦྱིན། གདོན་མི་ཟ་བ་དང་བུ་ལོན་ལེན་པ་དག་ལ་ཎིནའོ་ཞེས་པས་ཎིནའོ། །ཨིཙ་ལ་ཨཱ་ཡི་ཞེས་པས་ཨཱ་ཡི་རུ་བསྒྱུར་རོ། །ད་ལྟར་བའི་དུས་ལ་ཀྟའི་རྐྱེན་གྱིས་
སྦྱོར་བ་གང་ཡིན་པ་དེ་ལ་དགག་པ་མི་འདོད་དེ། རཱ་ཛྙཱཾ་ཛྙཱ་ཏཿ། ཉ་རྗེས་སུ་འབྲེལ་པ་དང་ཞེས་པས་ད་ལྟར་བ་ལ་ཀྟའོ། །ལས་ལ། ཨུཀཉའི་རྐྱེན་གྱིས་སྦྱོར་བ་གང་ཡིན་པ་དེ་ལ་ཡང་ངོ་། །དཱ་སྱཿཀཱ་མུ་ཀཿ། ཝུཎའི་རྐྱེན་འབྱུང་འགྱུར་གྱི་དུས་ལ་བྱས་པའི་ཝུཎ་ཏུམ་དག་ཅེས་པས་འདིས་བྱས་པ་གཟུང་བར་
བྱའོ། །དེས་ན་འདིར་དགག་པ་མི་འགྱུར་ཏེ། ཡ་བཱ་ནཱཾ་ལཱ་བ་ཀཿ། སཀྟཱུ་ནཱཾ་པ་ཝ་ཀཿ། ཥ་ཌའི་ན་ལ་ཎའོ། །ཥ་ཌ་ཞེས་པའི་མཐའི་ཎ་ཉིད་དུ་འགྱུར་ཏེ་ན་ཡིག་ཕ་རོལ་ལའང་ངོ་། ཥཎྞཱམ྄། དྲུག་གིས་ལྷག་པའི་དགུ་བཅུ་ནི། །ཥཎྞ་ཝ་ཏི། གྲོང་ཁྱེར་དྲུག་རྣམས་ཀྱི་ནི། ཥཎྞ་ག་རཱི། ན་ཡིག་ལ་
ཞེས་པ་ཅི་ཞེ་ན། ཥཌྦྷིཿ། མ་ན་དག་གི་དྷུཊ་ལ་རྗེས་སུ་ང་རོའོ། །མ་ཡིག་དང་ན་ཡིག་དག་ནི་དྷུཊ་ཕ་རོལ་ལ་རྗེས་སུ་ང་རོ་རུ་འགྱུར་རོ། །མ་ཡིག་ཚིག་མཐའ་མ་ཡིན་པའི་དོན་གཟུང་སྟེ། ཚིག་མཐའ་མ་གྲུབ་པ་ཉིད་ཀྱི་ཕྱིར་རོ། །དེ་དང་ལྷན་ཅིག་སྤྱོད་པའི་ཕྱིར་ན་ཡིག་གིའང་ཚིག་མཐའ་མ་ཡིན་པའི་དོན་གཟུང་
ངོ་། །དེ་བཞིན་དུ་ཕྱི་མར་ཡང་ངོ་། །ཨཱ་ཀྲྀ་སྱ་ཏི། རཾ་སྱ་ཏེ། ཀྲ་མུ་རྐང་པ། ར་མ་རྩེ་བ། སྱ་ཏེའོ། །འདིས་རྗེས་སུ་ང་རོའོ། །སརྦཱི་ཥི། དྷ་ནུཾ་ཥི། ཡ་ཤཱཾ་སི། དྷུཊ་ལ་ཞེས་པ་ཅི་ཞེ་ན། གམྱ་ཏེ། སྡེ་པ་ལ་སྡེ་པའི་མཐའོ། །མ་ཡིག་དང་ན་ཡིག་དག་ནི་སྡེ་བ་ཕ་རོལ་ལ་སྡེ་པའི་མཐར་འགྱུར་
རོ། སྔ་མས་རྗེས་སུ་ང་རོ་ཐོབ་པ་ལའོ། །ཤཱནྟཿ། ཤཱནྟ་ཝཱན། ཤ་མུ་ཉེ་བར་ཞི་བ་ལའོ། །འགྲོ་བའི་དོན་དང་ལས་མ་ཡིན་པ་ལ་ཞེས་པས་ཀྟའོ། །ནིཥྛའོ་ཞེས་པས་ཀྟ་ཝནྟུའོ། །པཉྩ་མི་ཨུ་པ་དྷཱ་ཞེས་པས་རིང་པོའོ། །ཤཱནྟཿཤཱནྟ་ཝའྣ། ཤིངྐི་ཏཱ། ཝངྐི་ཏཱ། ཤ་ཀི་དོགས་པ་

ལའོ། །ཝ་ཀི་འཁྱོག་པ། ཨི་ཡིག་ནི་ན་ཡིག་ཨཱ་ག་མའི་དོན་ཏོ། །ཨི་ཏ་རྗེས་སུ་འབྲེལ་པ་མ་ཡིན་པ་ཞེས་པའི་ཤེས་པར་བྱེད་པ་ལས་ན་ཡིག་ཨཱ་ག་མའོ། །ཏཱའོ། །ཨིཊའོ། །ཏ་སྡེའི་ཙ་ཊའི་སྡེ་པ་སྦྱོར་བ་ལ་ཙ་ཊའི་སྡེ་པ་དག་གོ། །ཏའི་སྡེ་པ་ནི་ཏ་སྡེའོ། །ཙ་དང་ཊ་ནི་ཙ་ཊའོ། །
ཙ་དང་ཊ་དག་གི་སྡེ་པ་ནི་ཙ་ཊའི་སྡེའོ། །དེ་དག་གི་སྦྱོར་བ་ནི་ཙ་ཊའི་སྦྱོར་བའོ། །ཏ་སྡེའི་ནི་ཙ་སྡེ་སྦྱོར་བ་དང་། ཊ་སྡེའི་སྦྱོར་བར་གྱུར་པ་ལ་ཙ་སྡེ་དང་ཊ་སྡེར་བསྒྱུར་བ་འཐོབ་སྟེ། ཏ་སྡེའི་ཙ་ཊའི་སྡེ་པ་སྦྱོར་བ་ལའོ། །རཱ་ཛྙཿ། བྷྲྀཛྫ་ཏི། བྷྲསྫ་སྨིན་པ་ལའོ། །ཏི་ཨན་ནི་བི་ཀ་ར་ཎའོ། །གྲ་ཧི་ཛྱཱ་ཝ་ཡི་ཞེས་པས་སཾ་
པྲ་སཱ་ར་ཎའོ། །དྷུཊ་རྣམས་ཀྱི་གསུམ་པའོ་ཞེས་པས་སའི་དའོ། །འདིས་དའི་ཛའོ། །ཡཱ་ཙྙཱ། ཊུ་ཡཱ་ཙ་རི་སློང་བ་ལའོ། །ཡཱ་ཙཾ་བིཙྪ་པྲཙྪ་ཞེས་པས་ནའི་འོ། །ཏ་སྡེའི་ཙ་ཊའི་སྡེ་པ་སྦྱོར་བ་ལའོ། །ཨཱིཊྚེ། ཨཱིཌ་བསྟོད་པ་ལའོ། །ཏེའོ། །ཨན་བི་ཀ་ར་ཎའོ། །ཨད་སོགས་ལས་འཇིག་གོ། །
སྒྲ་མེད་པ་ལ་དང་པོ་ཞེས་པས་ཌའི་ཊའོ། །ཨཊ་འགྲོ་བ་ལའོ། །ཏི་དང་ཏའོ། །ཨཊྚི། ཨཊྚཱ། ཨཊྚ་ཨ་བྷིཿཥཎྞ། ཏ་སྡེའི་ཙ་ཊའི་སྡེ་པ་སྦྱོར་བ་ཉིད་ལའོ་ཞེས་བྱ་བ་ལ་ལྗི་བའི་མདོའི་བྱེད་པ་ལས་ཁ་ཅིག་ཏུ་མི་འགྱུར་ཏེ། མདྷུ་ལིཊྟྲ། མདྷུ་ལིཊྟ་རཿ། མ་དྷུ་ལིཊྟ་མཿ། ནཱ་མི་དང་ཀ་དང་ར་ལས་
ཕ་རོལ་རྐྱེན་དང་རྣམ་འགྱུར་དང་ཨཱ་གམ་ལ་གནས་པའི་སའི་ཥ་སྟེ་ནུ་དང་རྣམ་པར་གཅད་བྱ་དང་ཥ་བར་ན་ཡོད་ཀྱང་ངོ་། །ནཱ་མི་དང་ཀ་དང་ནི་ནཱ་མི་ཀ་རའོ། །ནཱ་མི་དང་ཀ་དང་ར་ལས་ཕ་རོལ་ནི་ནཱ་མི་ཀ་ར་ཕ་རོལ་ལོ། །རྐྱེན་དང་རྣམ་འགྱུར་དང་ཨཱ་ག་མ་དང་དེ་རྣམས་ནི་རྐྱེན་རྣམ་འགྱུར་ཨཱ་ག་མའོ། །དེ་རྣམས་ལ་
གནས་པའི་ཞེས་པ་ནི་རྐྱེན་དང་རྣམ་འགྱུར་དང་ཨཱ་ག་མ་ལ་གནས་པའོ། །མིང་ལ་སྠ་ལས་ཀྱང་ངོ་ཞེས་པས་ཏིཥྛ་ཏི་ལས་ཀའི་རྐྱེན་ནོ། །ནཱ་མི་དང་ཀ་དང་ར་ལས་ཕ་རོལ་ཡང་འདི་ཡིན་ལ་རྐྱེན་དང་རྣམ་འགྱུར་དང་ཨཱ་ག་མ་ལ་གནས་པའང་འདི་ཡིན་པ་ཞེས་ལས་འཛིན་པའོ། །ནུ་དང་རྣམ་པར་གཅད་བྱ་དང་ཥ་དང་དེ་
རྣམས་ནི་ནུ་དང་རྣམ་པར་གཅད་བྱ་དང་ཥ་སྟེ་གང་གི་བར་ན་དེ་རྣམས་ཡོད་པ་ཞེས་འབྲུ་མང་པོ་པའོ། །ནཱ་མི་དང་ཀ་དང་ར་ལས་ཀྱང་ཕ་རོལ་གྱི་རྐྱེན་ལ་གནས་པ་དང་རྣམ་འགྱུར་ལ་གནས་པ་དང་ཨཱ་ག་མ་གནས་པའི་ས་ཡིག་ནི་ཥ་ཉིད་དུ་འགྱུར་ཏེ། ནུ་དང་རྣམ་པར་གཅད་བྱ་དང་ཥ་བར་ན་ཡོད་ཀྱང་སྟེ། ནུ་དང་རྣམ་

པར་གཅད་བྱ་དང་ཥ་ཞེས་པ་འདི་རྣམས་པར་བ་ཡོད་ལའང་ངོ་། །སི་ཡིག་ལས་ཨི་ཡིག་ནི་བརྗོད་པའི་དོན་ཏོ། །རེ་ཞིག་ནཱ་མི་ལས། ཨགྣི་ཥུ། ཝཱ་ཡུ་ཥུ། ཀ་ལས། ཝཱཀྵུ། ཏྭཀྵུ། ར་ལས། གཱིཪྵུ། དྒཱུཪྵུ། འདི་རྣམས་རྐྱེན་ལ་གནས་པའི་ས་ཡིག་གོ། །རྣམ་འགྱུར་གྱི་ས་ཡིག་ནི།
ཨེ་ཥཿ། ཨཱ་ག་མའི་ས་ཡིག་ནི། ཨེ་ཥཱཾ། ནུ་དང་རྣམ་པར་གཅད་བྱ་དང་ཥ་བར་ན་ཡོད་པ་ནི། སརྤཱི་ཥི། དྷ་ནཱུཾ་ཥི་སརྤིཿ་ཥུ། དྷ་ནུཿ་ཥུ། ད་སརྤིཥྵུ། དྷ་ནུཥྵུ། འོ་ན་ཕ་རོལ་གྱི་ས་ཡིག་ཥ་ཉིད་དུ་བྱས་པ་ན་ཕ་རོལ་གྱི་གཟུགས་སུ་རྣམ་པར་རྟག་པར་གྱུར་པའི། སརྤིཿཥུ། སརྤིཥྵུ། ཞེས་པའི་
གཟུགས་གཉིས་ནི་རྣམ་པར་གཅད་བྱ་གཟུང་བ་བྱས་པ་ཉིད་ཀྱིས་གྲུབ་པ་ཁོ་ནའོ་ཞེས་པས་ཅིའི་ཕྱིར་ཥ་སྨོས་ཤེ་ན་བརྗོད་པར་བྱ་སྟེ་རྣམ་པར་གཅད་བྱ་བཀག་པ་རྗེས་སུ་འཇུག་སྟེ། གཱིཪྵུ། ས་ཛུཪྵུ། ཞེས་སོགས་དང་འདྲ་བར་སརྦི་སྲ་ཀྱི་ཡང་རྣམ་པར་གཅད་བྱ་འཇུག་པའི་ཕྱོགས་ལ་སའི་ཥ་ཉིད་དུ་བྱས་
མོད། དེ་བཀག་པར་གྱུར་པ་ན་ཕ་རོལ་གྱི་ས་ཡིག་ནི་ཥ་ཉིད་དུ་མི་འགྲུབ་པོ་ཞེས་པས་ཥ་ཉིད་སྨོས་སོ། །ནཱ་མི་དང་ཀ་དང་ར་ལས་ཕ་རོལ་ཞེས་པ་ཅི་ཞེ་ན། ཨ་སཽ། རྐྱེན་དང་རྣམ་འགྱུར་དང་ཨཱ་ག་མ་ལ་གནས་པའི་ཞེས་པ་ཅི་ཞེ་ན། པུ་སི་སཽ། པི་སྲྀ། པི་སྲྀ་འགྲོ་བ་ལའོ། །མཛེས་པར་འགྲོ་བར་བྱེད་
དོ་ཞེས་པས་ཀྭཱི་པའོ། །སཱཏའི་རྐྱེན་གྱི་ཥ་ཉིད་དུ་མི་འདོད་དེ། ཨགྣི་སཱཏ། ད་དྷི་སཱ་ཏ། ལྕགས་ཐམས་ཅད་ལས་མེ་འབྱུང་ངོ་། །འོ་མ་ཐམས་ཅད་ཞོར་འགྱུར་རོ་ཞེས་པས་ཏ་མ་ལ་སོགས་པ་ཉིད་ལས་སོགས་པས་ཏའི་རྐྱེན་ནོ། །རཥ་རིའི་ཡི་གེ་རྣམས་ལས་མཐའ་ཡིན་པའི་ནའི་ཎ་སྟེ་དབྱངས་དང་
ཧ་དང་མ་དང་ཝ་དང་ཀ་སྡེ་དང་པ་སྡེ་བར་ན་ཡོད་ཀྱང་ངོ་། །ར་དང་ཥ་དང་རིའི་ཡི་གེ་ཞེས་ཟླས་དབྱེ་བའོ། །མཐའི་དངོས་པོ་ནི་མཐའ་འོ། །མཐའ་མ་ཡིན་པ་ནི་མཐའ་མ་ཡིན་ནོ།