Luận tạng Tây Tạng (Tengyur) — Tập 195

འི་མཐའི་ཞེས་པ་དོན་མེད་དོ་ཞེ་ན། བདེན་མོད། ཨ་བྷྱཱ་སའི་ཡུལ་ལ་དམིགས་བསལ་ལ་སྤྱིར་བཏང་བས་གནོད་པའོ་ཞེས་པའི་ཚིག་ལས་ཨཱ་ག་མ་བྱས་པ་ལ་ཡང་རིང་པོར་འགྱུར་རོ་ཞེས་པས་ཨཱ་ག་མ་མེད་པའི་
མཐའ་གཟུང་བར་བྱའོ། །བཉྩི། སྲནྶི། བྷྲནྶི། དྷྭནྶི། ཀ་སི། པ་ཏི། པ་དི། སྐནད་རྣམས་ཀྱི་མཐའ་ནཱིའོ། །པཉྩུ་འགྲོ་བའི་དོན་ཏེ། འདིར་བཉྩུ་ཙནྩུ། ཞེས་པས་བཀླག་པར་བྱའོ། །སྲནྶུ། དྷྭནྶུ། བྷྲནྶུ་འོག་ཏུ་ལྟུང་བ་ལའོ། །ཀ་ས་འགྲོ་བ་ལའོ། །པཏླྀ་

འགྲོ་བ་ལའོ། །པད་འགྲོ་བ་ལའོ། །སྐནྡིར་སྐེམས་པ་འདི་རྣམས་ཀྱི་ཨ་བྷྱཱ་སའི་ཙེ་ཀྲཱི་ཡི་ཏ་ལ་ཕ་རོལ་ལ་ནཱི་ཨཱ་ག་མར་འགྱུར་རོ། །མཐའི་སྒྲ་ཨཱ་ག་མ་ཉིད་གསལ་བར་བྱེད་པའོ། །པ་ནཱི་བ་ཙྱ་ཏེ། ས་ནཱི་སྲ་སྱ་ཏེ། ད་ནཱི་དྷྭ་སྱ་ཏེ། བ་ནཱི་བྷྲ་སྱ་ཏེ། ཙ་ནཱི་ཀ་སྱ་ཏེ།
སཱ་ནཱི་ས་ཏྱ་ཏེ། ཙ་ནཱི་སྐ་ཏྱ་ཏེ། ཤིན་དུ་འཁྱོག་པོར་བགྲོད་དོ། །ཤིན་དུ་འོག་ཏུ་ལྟུང་བར་བྱེད་དོ། །ལྟུང་ངོ་ལྟུང་བར་བྱེད། འཁྱོག་པོར་འགྲོའོ། །དེ་ལྟར་འགྲོ་བར་བྱེད། འགྲོ་བར་འགྱུར་རོ། །ཤིན་དུ་སྐེམས་པར་བྱེད་དོ་ལ་ཡ་སྒྲའོ། །གཉིས་བརྗོད་དོ། །ནི་ཨཱ་ག་མའོ། །
ཨིཏ྄་རྗེས་སུ་འབྲེལ་པ་མ་ཡིན་པ་ཞེས་པས་ན་དབྱིའོ། །ཨཱ་ག་མ་བྱས་པ་ན་ཐུང་ངུར་མི་འགྱུར་ཏེ། རིང་པོ་བརྗོད་པའི་ཤུགས་ལས་སོ། །ཙེ་ཀྲཱི་ཡི་ཏ་ལ་ཞེས་པ་ཅི་ཞེ་ན། བི་བཉྩི་ཥ་ཏི། རྗེས་སུ་སྣ་ལྡན་མཐའ་ཅན་གྱི་ཨཏ་མཐའི་རྗེས་སུ་ང་རོའོ། །བྱིངས་རྗེས་སུ་སྣ་ལྡན་གྱི་མཐའ་
ཅན་གྱི་ཨ་བྷྱཱ་ས་དེའི་ཨཏ་མཐའ་སྟེ་ཨ་ཡིག་གི་མཐའི་རྗེས་སུ་ང་རོ་ཨཱ་ག་མ་འགྱུར་ཏེ། ཙེ་ཀྲཱི་ཡི་ཏ་ཕ་རོལ་ལའོ། །ཡཾ་ཡ་མྱ་ཏེ། ཏཾ་ཏ་ནྱ་ཏེ། བཾ་བྷ་ཎྱ་ཏེ། ཡམ་ཉེ་བར་འཇིག །ཏ་ནུ་རྒྱས། བྷ་ཎ་སྒྲ། ཤིན་དུ་ཉེ་བར་འཇིག་གོ། །རྒྱས་སོ། །སྨྲའོ་ལ་ཡ་སྒྲའོ། །ལན་
གཉིས་བརྗོད་དོ། །རྗེས་སུ་ང་རོ་ཨཱ་ག་མའོ། །དེ་བཞིན་དུ། ཙ་ཀྲ་མྱ་ཏེ། དཾ་ཏྲ་མྱ་ཏེ། ཀྲ་མུ་རྐང་པ། ཏྲ་མ་འགྲོ་བ་ལའོ། །འཁྱོག་པོར་བསྐྱོད་དོ། །འགྲོ་བར་བྱེད་དོ་ལ་བཤད་པ་ལས་ཡ་སྒྲའོ། །གཉིས་བརྗོད་དོ། །ཨ་བྷྱཱ་སའི་བྱ་བའོ། །ཨཏ྄་ཞེས་པ་ཅི་ཞེ་ན། ཏེ་ཏི་མྱ་ཏེ།
ཏིམ྄་ཏཱིམ྄་ཥྚིམ྄། ཤིན་དུ་གཤེར་བར་བྱེད་དོ་ལ་ཡ་སྒྲའོ། །གཉིས་བརྗོད་དོ། །ཙེ་ཀྲཱི་ཡི་ཏ་ལ་ཞེས་པས་ཡོན་ཏན་ནོ། །མཚན་ཉིད་ཅན་གྱི་ཨ་ཡིག་མཐའ་ཅན་གྱི་མི་འགྱུར་ཏེ། མཚན་ཉིད་ལས་བྱུང་བ་སྒྲུབ་པ་བརྗོད་པ་དག་སྒྲུབ་པ་བརྗོད་ཟིན་པ་ཉིད་གཟུང་ངོ་ཞེས་པའི་ཚིག་ལས་སོ། །
བཱ་བྷཱ་མྱ་ཏེ། བྷཱམ་ཁྲོ་བ་ཤིན་དུ་ཁྲོ་བར་བྱེད་དོ་ལ་ཡ་སྒྲའོ། །གཉིས་བརྗོད། ཐུང་ངུའོ། །ཨཱ་ག་མ་མེད་པའི་རིང་པོའོ། །རྗེས་སུ་སྣ་ལྡན་མཐའི་ཞེས་པ་ཅི་ཞེ་ན། པཱ་པ་ཙྱ་ཏེ། ཛཔ་སོགས་རྣམས་ཀྱིའང་ངོ་། །ཛཔ་སོགས་རྣམས་ཀྱི་ཨ་བྷྱཱ་སའི་ཙེ་ཀྲཱི་ཡི་ཏ་ཕ་རོལ་ལ་རྗེས་སུ་ང་རོ་ཨཱ་ག་

མར་འགྱུར་རོ། །ཛཔ་བཟླས་པ། ཛ་བྷ་ཛྲྀ་བྷི་ལུས་ཀྱི་རྣམ་འགྱུར་ལའོ། །དཧ་ཐལ་བར་བྱེད་པ་ལའོ། །དཾ་ཤ་ཟ་བ། བྷཉྫོ་ཀུན་དུ་ཉེད་པ་ལའོ། །པས་འགྲོ་བ་ལའོ། །འདི་རྣམས་ཛཔ་སོགས་རྣམས་ཏེ། བྱཱ་ཀ་ར་ཎའི་མཚོན་བྱའི་རྩ་བ་ཉིད་ལས་སོ། །ཛཾ་ཛ་པྱ་ཏེ། ཛཾ་ཛ་བྷྱ་ཏེ། དཾ་ད་ཧྱ་
ཏེ། ད་ནཱ་ནྱ་ཏེ། བཾ་བྷྱ་ཛྱ་ཏེ། པཾ་པ་སྱ་ཏེ། ཤུབ་བུས་བཟླས་སོ། །ལུས་འགྱུར་བར་བྱེད་དོ། །སྲེག་པར་བྱེད་དོ། །ཟ་བར་བྱེད་དོ། །ཤིན་དུ་ཉིད་དོ། །ཤིན་དུ་འཁྱོག་པོར་འགྲོ་བར་བྱེད་དོ་ལ་ཡ་སྒྲའོ། །གཉིས་བརྗོད་དོ། །ཨིཏ་རྗེས་སུ་འབྲེལ་པ་མ་ཡིན་པ་ཞེས་པས་ན་
དབྱིའོ། །ཙར་ཕལ་དག་གི་སྟེ་ཕ་རོལ་གྱི་ཨའི་ཨུཏ་འང་ངོ་། །ཙར་འགྲོ། ཕལ་རྫོགས། འདི་དག་གི་ཨ་བྷྱཱ་སའི་རྗེས་སུ་ང་རོ་ཨཱ་ག་མ་དང་ཕྱི་མའི་ཨ་ཡིག་ཨུ་ཡིག་ཏུ་བསྒྱུར་བར་འགྱུར་ཏེ། ཙེ་ཀྲཱི་ཡི་ཏ་ཕ་རོལ་ལའོ། །རྩ་ཙུརྻ་ཏེ། པཾ་ཕུ་ལྱ་ཏེ། དལ་པུས་རྒྱུ་བར་བྱེད། ཤིན་
དུ་མཐར་ཕྱིན་ནོ་ལ་ཡ་སྒྲའོ། །གཉིས་པ་བཞི་པ་དག་གི་ཞེས་པས་ཕའི་པའོ། །འདིས་རྗེས་སུ་ང་རོའོ། །ཕྱི་མའི་ཨ་ཡིག་ཨུ་ཉིད་དོ། །ནཱ་མིའི་ར་བ་དག་ཅེས་པས་རིང་པོའོ། །ཙེ་ཀྲཱི་ཡི་ཏ་ལས་ཞེས་པ་ཅི་ཞེ་ན། ཙ་ཙཱ་ར། རྀ་ལྡན་པའི་རཱྀའོ། །གང་ལ་རྀ་ཡོད་པ་དེ་ནི་རྀ་ལྡན་པའོ། །
རྀ་ལྡན་པའི་བྱིངས་ཀྱི་ཨ་བྷྱཱ་སའི་ཙེ་ཀྲཱི་ཡི་ཏ་ཕ་རོལ་ལ་རཱྀ་ཨཱ་ག་མར་འགྱུར་རོ། །ད་རཱི་དྲྀ་ཤྱ་ཏེ། ན་རཱི་ནྲྀ་ཏྱ་ཏེ། དྲྀ་ཤིར་ལྟ་བ། ནྲྀ་ཏཱི་ལུས་གཡོ་བ། ཤིན་དུ་ལྟ་བར་བྱེད། ཤིན་དུ་གར་བྱེད་དོ་ལ་ཡ་སྒྲའོ། །གཉིས་བརྗོད་དོ། །རཱྀ་ཨཱ་ག་མའོ། །མཚན་ཉིད་མིན་པའི་སྒྲུབ་པ་
བརྗོད་པ་ནི་མི་རྟག་སྟེ། ཡོངས་སུ་བཤད་པ་སྠཱ་དཱ་དག་གི་འང་ངོ་ཞེས་མདོ་བརྩམས་པ་ལས་སོ། །དེས་ན་གང་ལ་རྀ་ཡིག་ཀྱང་མཚན་ཉིད་ལས་བྱུང་བ་དེ་ལ་ཨཱ་ག་མ་ཡང་སྟེ། ཛི་རི་གྲྀ་ཧྱ་ཏེ། གྲ་ཧ་ཉེ་བར་ལེན་པ་ལའོ། །ཤིན་དུ་ལེན་ནོ་ལ་ཡ་སྒྲའོ། །གཉིས་བརྗོད་དོ། །གྲ་ཧི་ཛྱ་
བ་ཡི་ཞེས་པས་སཾ་པྲ་སཱ་ར་ཎའོ། །རྀ་ལྡན་པ་ཞེས་པ་ཅི་ཞེ་ན། ཙེ་ཀྲཱི་ཡ་ཏེ། ཌུ་ཀྲཱྀཉ་བྱེད། ཡ་སྒྲའོ། །རྀཏ྄འོ། །ཙའི་ཙེ་ཀྲཱི་ཡི་ཏ་ཞེས་པས་ཨི་ཡིག་ཨཱ་ག་མའོ། །ཙེ་ཀྲཱི་ཡི་ཏ་ལ་ཞེས་པ་ཅི་ཞེ་ན། བ་བྷྲྀ་དྷེ། འཇིག་པ་ལ་རི་རེ་ཕ་དག་ཀྱང་ངོ་། །ཙེ་ཀྲཱི་ཡི་ཏ་འཇིག་པར་གྱུར་པ་ལ་

རྀ་ལྡན་པའི་བྱིངས་ཀྱི་ཨ་བྷྱཱ་སའི་རཱྀ་ཨཱ་ག་མར་འགྱུར་ཏེ། རི་དང་ར་ཡིག་དག་ཀྱང་ངོ་། །ན་རཱི་ནརྟི། ན་རི་ནརྟི། ནརྞ་རྟི། ནྲྀ་ཏི་ལུས་རྣམ་པར་གཡོ་བ་ལའོ། །ཡ་སྒྲའོ། །སྒྲུབ་པ་ཐམས་ཅད་རྣམས་ལས་དབྱི་བའི་སྒྲུབ་པ་སྟོབས་དང་ལྡན་ནོ་ཞེས་པས་ཡོངས་སུ་
བཤད་པས་སྔ་མ་ལ་ཙེ་ཀྲཱི་ཡི་ཏ་ཡང་ན་འཇིག་གོ། །དེ་ནས་གང་རྐྱེན་ཕྱིས་པ་ལ་རྐྱེན་གྱི་མཚན་ཉིད་དོ་ཞེས་པའི་ཚིག་ལས་གཉིས་བརྗོད་དོ། །འཇིག་གོ་ཡིས་ཕྱིས་པ་ན་རྐྱེན་གྱི་བྱ་བའོ་ཞེས་པས་འདིའི་འང་དབྱི་བ་གནས་སོ། །དགག་པ་བསྟན་པ་མི་རྟག་པའོ་ཞེས་པའི་ཚིག་ལས་གཉིས་
བརྗོད་པ་བྱས་པ་ན། རཱི་རིར་ཞེས་པ་འདིས་དེ་རྣམས་ཨཱ་ག་མའོ། །ར་ལས་ཨ་ཡིག་བརྗོད་པའི་དོན་ཏོ། །བྱེད་པ་པོ་ལ་པ་ར་སྨཻའི་ཚིག་ཅེས་པས་བརྟ་མཱ་ནའི་ཏིའོ། །ཨནྦི། ཨད་སོགས་ལས་འཇིག་གོ། །ཨུ་པ་དྷ་ནཱ་མིའི་ཞེས་པས་ཡོན་ཏན་ནོ། །འདིར་ཎ་ཉིད་དུ་མི་འགྱུར་ཏེ་
ཀྱང་གི་སྒྲ་ལས་སོ། །རྀ་ལྡན་པ་ཞེས་པ་ཅི་ཞེ་ན། ཙཱ་ཀརྟི། ཀྲཱྀ་རྣམ་པར་གཡེང་བ་ལའོ། །ཤིན་དུ་གཡེང་ངོ་ཞེས་པས་ཡ་སྒྲའོ། །སྔ་མ་བཞིན་དུ་འཇིག་གོ། །གཉིས་བརྗོད་ཐུང་ངུའོ། །ཨཱ་ག་མ་མེད་པའི་རིང་པོའོ་ཞེས་པས་རིང་པོའོ། །གཞན་སྔ་མ་བཞིན་ནོ། །མཚུངས་པ་མ་
ཕྱིས་པ་ན་ཡང་བ་ལ་ཨིན་ཙཎ་ཕ་རོལ་ལ་སན་བཞིན་ནོ། །མ་ཕྱིས་པ་ལ་སན྄དང་འདྲ་བའོ་ཞེས་སྦྲེལ་ལོ། །ཨིན་གང་ལས་ཙཎ་ཕ་རོལ་ཡིན་པ་དེ་ནི་ཙཎ་ཕ་རོལ་ལོ། །མཚུངས་པ་སྟེ་མཚུངས་པའི་མིང་ཅན་གྱི་ཡི་གེ་མ་ཕྱིས་པ་སྟེ་ཕྱིས་པ་མེད་པར་གྱུར་པ་ན། ཡང་བའི་ཡི་གེ་ཕ་རོལ་ལ་ཨ་བྷྱཱ་
སའི་སན་དང་འདྲ་བའི་བྱ་བར་འགྱུར་ཏེ། སན་ལ་གང་བརྗོད་པ་དེ་ཨིན་ཙཎ་ཕ་རོལ་ལ་འགྱུར་རོ་ཞེས་པའི་དོན་ཏོ། །ཨིན་གང་ལས་ཙཎ་ཕ་རོལ་ཡིན་པ་དེ་ལ་ཞེས་ཨིནའི་རྐྱེན་གཞན་གྱི་ཚིག་ཅན་གྱི་དོན་ཅན་གྱི་ཕ་རོལ་དུ་ཙཎ་སྲིད་པར་འགྱུར་རོ། །ཨ་ཙཱི་ཀ་ར་ཏ། ཨ་པཱི་པ་ཋཏ྄། ཌུ་ཀྲཱྀཉ་
བྱེད། པ་ཋ་གསལ་བྱེད་དུ་འཇུག་པ་ལ་སྦྱོར་རོ། །ཀློག་ཏུ་འཇུག་པ་ལ་སྦྱོར་ལ་ཡང་ཨིན྄འོ། །ཨའི་ཨུ་པ་དྷཱ་ཞེས་པས་འཕེལ་བ་དང་རིང་པོའོ། །ཤྲྀ་དྲུ་སྲུ་ཀ་མི་ཞེས་པས་ཙཎའོ། །ཀཱ་རི་ཏ་དབྱིའོ། །ཨིན་དང་ཙཎ་ལ་མཚུངས་པ་མིན་པ་ཞེས་པས་ཐུང་ངུའོ། །ཨིན་ལ་བྱས་པ་

གནས་ཅན་བཞིན་ནོ་ཞེས་པས་ཀྲྀ་དང་པ་ཋ་དག་ལན་གཉིས་བརྗོད་དོ། །འདི་སན྄་དང་འདྲ་བའི་བྱ་བའོ། །དེས་ན་སན྄་ལ་ཨའི་ཡི་གེ་ཞེས་པས་ཨི་ཉིད་དོ། །ཡང་བའི་རིང་པོའོ། །རྫོགས་པ་ལ་ཡང་ནའོ་ཞེས་པས་དའི་ཏའོ། །ཨ་ལཱི་མ་བཏ྄། ཨ་བཱི་བྷ་བཏ྄། ལུཉ་གཅོད། བྷུ་ཡོད་པ་
ལའོ། །གཅོད་དུ་འཇུག་པ་ལ་སྦྱོར་རོ། །དེ་བཞིན་དུ་ཡོད་དུ་འཇུག་གོ་ལ་སྦྱོར་རོ། །འཕེལ་བའོ། །དིའོ། །ཙཎའོ། །ཀཱ་རི་ཏ་དབྱིའོ། །སྔ་མ་བཞིན་དུ་ཐུང་ངུའོ། །གནས་ཅན་དང་འདྲ་བར་འགྱུར་བས་ལཱུ་བྷུ་ཞེས་པ་ལན་གཉིས་བརྗོད་དོ། །ཐུང་ངུའོ། །སན་དང་འདྲ་བར་འགྱུར་བས་ཛ་
དང་མཐར་གནས་དང་པ་སྡེ་ཞེས་པས་ཨི་ཉིད་དོ། །ཡང་བའི་རིང་པོའོ། །མཚུངས་པ་མ་ཕྱིས་པ་ན་ཞེས་པ་ཅི་ཞེ་ན། ཨ་ཙ་ཀ་ཐཏ། ཨ་ད་རི་ཥཏ། ཀ་ཐཱ་ཞེས་པ་དང་། དྲྀ་ཥད་ཅེས་པ་འདི་ལས་ཨིན་ཏེ་ཀཱ་རི་ཏའང་ངོ་ཞེས་པས་ཨིནའོ། །ཨིན་ལ་རྟགས་ཡི་གེ་གཅིག་མ་ཡིན་པའི་ཞེས་
པས་མཐའི་དབྱངས་དང་པོ་དབྱིའོ། །དིའོ། །ཙཎའོ། །ཀཱ་རི་ཏ་དབྱིའོ། །གཉིས་བརྗོད། གང་ལ་ཨིན་ཕ་རོལ་ལ་ཨིན་ལ་དབྱི་བ་དེ་ལ་མཚུངས་པ་ཕྱིས་པ་ཉིད་ལས་སན྄་བཞིན་དུ་འགྱུར་བ་ཐོབ་པ་མ་ཡིན་ནོ་ཞེས་བཤད་པར་བྱ་སྟེ། མདོ་ཕྱི་མ་ལ་ཡང་ངོ་། །ཨ་བཱི་བ་དཏ། བད་གསལ་
བར་སྨྲ་བ། སྨྲ་བ་ལ་སྦྱོར་དུ་འཇུག་གོ་ལ་ཨིནའོ། །རིང་པོའོ། །སྨྲ་རུ་འཇུག་པ་ལ་སྦྱོར་རོ་ལ་སླར་ཡང་ཨིན྄འོ། །ཀཱ་རི་ཏ་སྔ་མ་དབྱིའོ། །དིའོ། །ཙཎའོ། །ཀཱ་རི་ཏ་དབྱིའོ། །བཤད་པ་ལས་ཐུང་ངུའོ། །གཉིས་བརྗོད། བཤད་པ་ལས་ཨི་ཉིད་དོ། །རིང་པོའང་ངོ་། །ཡང་བ་ན་
ཞེས་པ་ཅི་ཞེ་ན། ཨ་ར་རཀྵཏ། རཀྵ་བསྲུང་བ་ལའོ། །བསྲུང་དུ་འཇུག་པ་ལ་སྦྱོར་བ་ལ་ཨིནའོ། །དིའོ། །ཙཎའོ། །འདིར་བརྩེགས་པ་ལ་ལྗིའོ་ཞེས་པས་ཨ་ཡིག་ལྗི་བའོ། །ཙཎ་ཕ་རོལ་ལ་ཞེས་པ་ཅི་ཞེ་ན། ཨ་ཧཾ་པ་པཱ་ཋ། ཨ་ཧཾ་པ་པཱ་ཙ། གཅིག་ཚིག་ཨཊ་ཕྱི་མའོ། །ཡང་བའི་
རིང་པོའོ། །མདོ་སྔ་མ་རྗེས་སུ་འཇུག་སྟེ་མཚུངས་པ་མ་ཕྱིས་པར་གྱུར་བའི་ཙཎ་ཕ་རོལ་ལ་དང་ཨིན་ཕ་རོལ་ཅན་གྱི་ཡང་བ་ཕ་རོལ་གང་ཡིན་པ་དེ་ལ་ཨ་བྷྱཱ་སའི་ཡང་བ་སྟེ་ཡང་བའི་མཐའ་རིང་པོར་འགྱུར་རོ། །ཨ་ཡཱི་ཡ་ཛཏ། ཨ་པཱི་པ་ཙཏ་ཡང་བའི་ཞེས་པ་ཅི་ཞེ་ན། ཨ་ཏི་ཏྲ་པ་ཏ།

དྲཻང་སྐྱོང་བ་ལའོ། །མཚམས་སྦྱོར་གྱི་ཡི་གེའི་ཞེས་པས་ཨཱ་ཉིད་དོ། །སྐྱོང་དུ་འཇུག་པ་ལ་སྦྱོར་བ་ལ་ཨིན྄འོ། །ཨརྟི་ཧྲཱི་ཙླི་ཞེས་པས་པ་ཡིག་ཨཱ་ག་མའོ། །དིའོ། །ཙཎའོ། །ཀཱ་རི་ཏ་དབྱིའོ། །ཨིན་དང་ཙཎ་དང་མཚུངས་པ་ཞེས་པས་ཐུང་ངུའོ། །སྔ་མས་ཨི་ཉིད་
དོ། །ཡང་བ་ཞེས་པ་ཅི་ཞེ་ན། ཨ་ར་རཀྵཏ྄། མཚུངས་པ་མ་ཕྱིས་པ་ཞེས་པ་ཅི་ཞེ་ན། ཨ་ཙ་ཀ་ཙ་ཐཾ། ཏྭར་སོགས་རྣམས་ཀྱིའང་ཨའོ། །ཨའོ་ཞེས་པ་འདི་དང་པོའི་གཅིག་གི་ཚིག་ཕྱིས་པའོ། །ཙཎ་ཕ་རོལ་ལ་ཞེས་པ་ཁོ་ནའོ། །ཏྭ་ལ་སོགས་པ་རྣམས་ཀྱི་ཨ་བྷྱཱ་སའི་མཐའ་
གང་ཡིན་པ་དེ་ཨིན་ལ་ཙཎ་ཕ་རོལ་ལ་ཨ་ཡིག་ཏུ་བསྒྱུར་བར་འགྱུར་རོ། །ཨ་ཡིག་གི་ཨ་ཡིག་ཏུ་སྒྲུབ་པ་ནི་སན་དང་འདྲ་བའི་ཨི་ཉིད་དང་རིང་པོ་ཉིད་ཀྱང་འགེགས་པའོ། །ཉི་ཏྭར་ཡང་དག་པར་གཡོ་བ་ལའོ། །པྲཐ་གཏམ་པ་ལའོ། །མྲད་ཉེད་པ་ལའོ། །སྨྲྀ་སེམས་པ། དྲྀང་མ་
གུས་པ། སྟྲྀཉ། སྤྲྀ་ཤ་གནོད་པ་ལའོ་ཞེས་པ་འདི་རྣམས་དྲར་ལ་སོགས་པ་རྣམས་སོ། །ཨ་ཏ་ཏྭ་རཏ྄། ཨ་པ་པྲ་ཐཏ། ཨ་མ་མྲ་དཏ྄། ཨ་ད་ད་རཏ྄། ཨ་ཏ་སྟ་རཏ྄། ཨ་པ་སྤཪྵཏ྄། མགྱོགས་པར་འཇུག་པར་ལ་སྦྱོར་རོ། །དེ་བཞིན་དུ་གཏམ་དུ་འཇུག་གོ། །ཉེད་དུ་འཇུག་
གོ། །དྲན་དུ་འཇུག་གོ། །མ་གུས་སུ་འཇུག་གོ། །སྒྲིབ་ཏུ་འཇུག་གོ། །གནོད་དུ་འཇུག་གོ་ལ་ཨིན྄འོ། །ཨཱི་ཨུ་པ་དྷཱ་ཞེས་པས་འཕེལ་བ་སྟེ་རིང་པོ་དང་། ཏྭ་རི། པྲ་ཐི། མྲ་དི་སོགས་ཀྱིས་མ་རྗེས་སུ་འབྲེལ་བ་རྣམས་ཀྱི་ཐུང་ངུའོ། །དིའོ། །ཙཎའོ། །ཀཱ་རི་ཏ་དབྱིའོ། །
ཨིན་དང་ཙཎ་ལ་མཚུངས་པ་ཞེས་པས་ཐུང་ངུའོ། །གཉིས་བརྗོད། ཤིཊ་ལས་ཕ་རོལ་གྱི་སྒྲ་མེད་པ་ལའོ། །འདིས་ཨ་བྷྱཱ་སའི་མཐའ་ཨ་ཡིག་ཏུ་བསྒྱུར་རོ། །བེཥྚི་དང་ཙེཥྚི་དག་གི་ཨ་བྷྱཱ་སའི་ཨ་ཡིག་ཏུ་བསྒྱུར་བ་ཡང་ན་འདོད་དེ། ཨ་བ་བེཥྚཏ྄། ཨ་བི་བེཥྚཏ྄། ཨ་ཙ་
ཙེཥྚཏ྄། ཨ་ཙི་ཙེཥྚཏ྄། བེཥྚ་བསྐོར། ཙེཥྚ་བྱ། བསྐོར་དུ་འཇུག་པ་ལ་སྦྱོར་རོ། །དེ་བཞིན་དུ་བྱ་བ་ལ་འཇུག་གོ་ལ་ཨིན྄འོ། །དིའོ། །ཙཎའོ། །གཉིས་བརྗོད། ཐུང་ངུའོ་ཞེས་པས་ཐུང་ངུའོ། །ཨེ་ཡིག་གི་ཨི་ཡིག་གོ། །དེའི་བཤད་པ་ལས་ཡང་ན་ཨ་ཡིག་གོ། །

ག་ཎིའི་ཨཱི་བའང་ངོ་། །ག་ཎིའི་ཨ་བྷྱཱ་སའི་ཨ་ཡིག་ཏུ་བསྒྱུར་བར་འགྱུར་རོ། །ཨིན་དང་ཙཎ་ཕ་རོལ་ལའོ། །ཨཱི་འང་ངོ་། །ཨ་ཛ་ག་ཎཏ྄། ཨ་ཛཱི་ག་ཎ་ཏ། གཎ་གྲངས། ཙུ་ར་ལ་སོགས་པ་ཉིད་ལས་ཨིནའོ། །ཨའི་དབྱིའོ། །དིའོ། །ཙཎའོ། །ཀཱ་རི་ཏ་དབྱིའོ། །འདིས་
ཨ་ཡིག་ཏུ་བསྒྱུར་བ་སྟེ་ཨཱི་ཉིད་ཀྱང་ངོ་། །འདི་ནས་ཨ་བྷྱཱ་སའི་དབྱིའོ། །འདི་ནི་སྤྱིར་བཏང་བ་སྟེ། མདོ་འདི་ནས་བརྩམས་ནས་ཨ་བྷྱཱ་སའི་དབྱི་བར་འགྱུར་རོ་ཞེས་སྤྱིར་བྱས་པའོ། །འདི་ནི་རྐང་པ་ཡོངས་སུ་རྫོགས་པའི་བར་དུ་སྟེ། འདི་ནས་སྨོས་པ་ནི་སྤྱིར་བཏང་བ་གསལ་བར་བྱེད་
པའི་དོན་དུའོ། །སླར་ཡང་ཨ་བྷྱཱ་ས་སྨོས་པ་ཨ་བྷྱཱ་ས་ཐམས་ཅད་དབྱི་བའི་དོན་ཏོ། རྣམ་པ་གཞན་དུ། ཡི་གེའི་མཐའི་སྒྲུབ་པའོ་ཞེས་ཨ་བྷྱཱ་སའི་མཐའི་འགྱུར་བ་ལས་སོ། །སན྄་ལ། མཱི། མ། དཱ། ར་བྷ། ལ་བྷ། ཤཀ །པཏ། པད་རྣམས་ཀྱི་དབྱངས་ཀྱི་ཨིས྄འོ། །
མཱི་ཞེས་པ་མཱི་ཉ་འཚེ་བ་ལའོ། །ཌུ་མིཉ་འཕེན་པ་ལའོ་ཞེས་པས་ཡང་ནའོ། །ཌུ་མཱིཉ་ལས་ཀྱང་དབྱངས་མཐའ་རྣམས་ཀྱི་སནྲ་ལའོ་ཞེས་པས་རིང་པོ་བྱས་པ་མཱི་ཞེས་པའི་གཟུགས་སུ་འགྱུར་རོ། །མཱ་ཞེས་པ་མཱ་འཇལ་བ་ལའོ། །མཱང་འཇལ་བ་ལའོ། མོང་རྡབས་ལན་ལའོ་ཞེས་པ་
གསུམ་རྣམས་གཟུང་ངོ་། །དཱ་ཞེས་པ་དཱའི་མིང་ཅན་རྣམས་སོ། །མཱི། མཱ། དཱ་ཞེས་པ་དེ་རྣམས་སོ། །དེ་བཞིན་དུ་ར་བྷ་རྩོམ་པ་ལའོ། །ཌུལ་བྷཥ་ཐོབ་པ་ལའོ། །ཤཀླྀ་ནུས་པ་ལའོ། །པཏླྀ་འགྲོ་བ་ལའོ། །པད་འགྲོ་བ་ལའོ་ཞེས་པ་དེ་རྣམས་ཀྱི་དབྱངས་གང་ཡིན་པ་དེ་སན་
ཕ་རོལ་ལ་ཨིས་སུ་བསྒྱུར་བར་འགྱུར་ཏེ། ཨ་བྷྱཱ་ས་དབྱི་བ་འང་ངོ་། །མིཏྶ་ཏི། པྲ་མིཏྶ་ཏི། མིཏྶ་ཏེ། དིཏྶ་ཏི། དྷཏྶ་ཏི། མཱིཉ་འཚེ་བ་ལའོ། །པཏླྀ་འགྲོ་བ་ལའོ། །ཌུ་མི་ཉ་ལ་པྲ་སྔོན་དུའོ། །མཱ་འཇལ་བ། ཌུ་དཱཉ། ཌུ་དྷཱཉ། འཚེ་བར་འདོད་དོ་ཞེས་པ་ལ་སོགས་པ་དག་
གོ། །སན྄འོ། །ཌུ་མིཉའི་དབྱངས་མཐའ་རྣམས་ཀྱི་སན་ལའོ་ཞེས་པས་རིང་པོའོ། །གཉིས་བརྗོད། འདིས་དབྱངས་ཀྱི་ཨིསའོ། །ཨ་བྷྱཱ་སའི་དབྱིའོ། །སའི་ས་ལ་བྱིངས་ཐམས་ཅད་པ་མིན་པ་ལ་ཏའོ་ཞེས་པས་སའི་ཏའོ། །ཨཱ་རིསྶཏེ། ཨཱ་ལིསྶཏེ། ཤིཀྵ་ཏི། པིཏྶ་ཏི།

སིཏྶ་ཏི། ར་བྷི། ལ་བྷི་ལ་ཨཱང྄་སྔོན་དུའོ། །རྩོམ་བར་འདོད། །ཐོབ་པར་འདོད། ནུས་པར་འདོད། འགྲོ་བར་འདོད། འགྲོ་བར་འདོད་དོ་ལ་སནའོ། །གཉིས་བརྗོད། འདིས་དབྱངས་ཨིསའོ། །ཨ་བྷྱཱ་ས་དབྱིའོ། །བརྩེགས་པ་དང་པོ་ས་ཀ་དག་གི་ཞེས་པས་ས་
དབྱིའོ། །པཏ་ལ་སན་ལ་ཨིཊ་ཡང་ནའོ། །སྒྲ་མེད་པ་རྣམས་ལ་ཤིཊ་མིན་པ་རྣམས་ཀྱི་ཞེས་པས་བྷའི་པའོ། །དའི་ཏའོ། །ཥ་ཉིད་དོ། །སན་ལ་ཞེས་པ་ཅི་ཞེ་ན། མཱ་སྱ་ཏི། མཱི་ན་ཏི་མཱི་ནོ་ཏི་དིང་རྣམས་ཀྱི་ཞེས་པས་མིཉའི་ཨ་ཉིད་དོ། །ཨིཊ་དང་བཅས་པའི་སན་ཕ་རོལ་ལ་མི་འདོད་དེ།
པི་པ་ཏི་ཥ་ཏི། འོ་ན། ཨ་མཱི་མ་པཏ྄། ཅི་ལྟར་ཡིན་ན་མཱི་ཉ་འཚེ་བ་ལའོ། །འཚེ་རུ་འཇུག་པ་ལ་སྦྱོར་རོ་ཞེས་པས་ཨིན྄འོ། །མཱི་ན་ཏི་མི་ནོ་ཏི་ཞེས་པས་ཨཱ་ཉིད་དོ། །ཨརྟི་ཧྲཱི་ཙླྀ་ཞེས་པས་པ་ཡིག་ཨཱ་ག་མའོ། །དིའོ། །ཙཎའོ། །ཀཱ་རི་ཏ་དབྱིའོ། །ཨིན་དང་ཙཎ་ལ་མཚུངས་པ་
ཞེས་པས་ཐུང་ངུའོ། །གནས་ཅན་དང་འདྲ་བར་འགྱུར་བ་ལས་མཱི་གཉིས་བརྗོད། ཐུང་ངུའོ། །མཚུངས་པ་མ་ཕྱིས་པ་ན་ཞེས་པ་འདིས་སནུ་དང་འདྲ་བར་འགྱུར་བ་ལས་ཨ་བྷྱཱ་ས་དབྱི་བ་ཐོབ་པོ་ཞེས་པ་དེ་ཅིའི་ཕྱིར་མི་འགྱུར་ཞེ་ན། བརྗོད་པར་བྱ་སྟེ། མཱི་ཞེས་པའི་གཟུགས་འདིའི་སན་ལ་
གང་བཤད་པ་དེ་སན་བཞིན་གྱུར་པ་ལས། མཱི་ཞེས་པ་འདི་ཉིད་ཀྱི་ཤིན་དུ་བསྟན་པར་འདོད་པ་ལ་སྦྱོར་བ་ན། ཨིན་བྱས་པ་འདི་ལ་ནི་སྒྲ་གཞན་ཡང་དག་པར་སྐྱེའོ་ཞེས་པས་འདིར་སན་དང་འདྲ་བར་འགྱུར་བས། ཨ་བྷྱཱ་ས་དབྱི་བར་ཅི་ལྟར་འགྱུར། འཚེ་བའི་དོན་ལ་རཱ་དྷིའི་དབྱངས་ཀྱི་
སན྄་ལ་ཨིས་ཉིད་བཤད་པར་བྱ་བ་དང་། ཨ་བྷྱཱ་ས་དབྱི་བ་ཡང་ངོ་། །པྲ་ཏི་རི་ཏ་ས་ཏི། རཱ་དྷ་སཱ་དྷ་འཚེ་བ་ལའོ། །པྲ་ཏི་སྔ་མར་རོ། །སོ་སོར་འཚེ་བར་འདོད་པ་ལ་སན྄འོ། །དབྱངས་ཀྱི་ཨིས་སོ། །ཨབྷྱཱ་ས་དབྱིའོ། །སྔ་མ་བཞིན་དྷའི་ཏའོ། །འཚེ་བ་ལ་ཞེས་པ་ཅི་ཞེ་ན། ཨཱ་རི་
རཱཏྶ་ཏི། རཱ་དྷི་ལས་སྔོན་དུ་ཨཱའོ། །ཀུན་དུ་བསྒྲུབ་པར་འདོད་དོ་ལ་སནའོ། །གཉིས་བརྗོད་སན་ལ་ཨའི་ཡི་གེ་ཞེས་པ་ཨི་ཉིད་དོ། །ཨཱ་པྣོ་ཏིའི་ཨཱིའོ། །ཨཱ་པླྀ་ཁྱབ་པ་ལའོ་ཞེས་པ་འདིའི་དབྱངས་གང་ཡིན་པ་དེས་ན་ཕ་རོལ་ལ་ཨི་ཉིད་དུ་འགྱུར་རོ། །ཨཱིཔྶཏ། ཁྱབ་པར་འདོད་དོ་ལ་

སན྄འོ། །ཨཱཔླ་ཞེས་གནས་པ་ལ་དབྱངས་དང་པོ་ལས་གཉིས་པའི་ཞེས་པས་པས་ལན་གཉིས་བརྗོད་དོ། །འདིས་ཨཱ་ཡིག་གི་ཨཱི་ཉིད་དོ། །ཨ་བྷྱཱ་ས་དབྱིའོ། །སན་ལ་ཞེས་པ་ཅི་ཞེ་ན། པྲཱ་པྶྱ་ཏི། ཨ་བའི་སྔོན་དུ་པྲའོ། །སྱ་ཏིའོ། །ཛྙི་པི་དང་རྀ་དྷིའི་དབྱངས་ནི་སན་ཕ་རོལ་ལ་གྲངས་
བཞིན་དུ་ཨཱི་ཡིག་དང་ཨཱིར་དུ་བསྒྱུར་བར་བྱ་སྟེ། ཨ་བྷྱཱ་ས་དབྱི་བའང་ངོ་། །ཛྙཱིཔྶཏི། ཨཱིརྪ་ཏི། ཛྙ་རྟོགས་པ་ལའོ། །རྟོགས་སུ་འཇུག་པ་ལ་སྦྱོར་བར་འདོད་དོ་ཞེས་པས་ཨིན྄འོ། །ཨརྟི་ཧྲི་ཙླྀ་ཞེས་པ་པ་ཡིག་ཨཱ་ག་མའོ། །མ་རྗེས་སུ་འབྲེལ་པ་རྣམས་ཀྱི་ཐུང་ངུའོ། །ཛྙ་པི་ཞེས་
གནས་པ་ལ་སན྄འོ། །རྀ་དྷུ་འཕེལ་བ་ལའོ། །འཕེལ་བར་འདོད་དོ་ལ་སན྄འོ། །སན་ལ་དེ་དག་ལ་ཨིཊ་ཡང་ནའོ། །ཤིཊ་མིན་པ་རྣམས་ཀྱི་སྒྲ་མེད་པ་ལ་དང་པོ་ཞེས་པས་དྷའི་ཏའོ། །ཛྙ་པི་ས། རི་ཏྶ་ཞེས་པས་གནས་པ་ལ་ཛྙ་བའི་དང་པོ་ལན་གཉིས་བརྗོད་དོ། །རྀ་དྷིའི་ནིཏྶ་ཞེས་པ་འདིའོ། །
བཤད་པ་ལས་ཛྙཱ་པའི་ཨ་ཡིག་ཨཱི་ཉིད་དོ། །རྀ་དྷིའི་ཡང་རྀ་ཡིག་གི་ཨཱིར྄འོ། །ཨ་བྷྱཱ་ས་དབྱིའོ། །ཕྱོགས་གཅིག་ལ་དེ་མི་འདོད་དེ། དེས་ན། ཛི་ཛྙ་པ་ཡི་ཥ་ཏི། ཨརྟི་དྷི་ཥ་ཏི། ཛྙ་པ་ལས་སནའོ། །གཉིས་བརྗོད་དོ། །ཨིཊའོ། །ཡོན་ཏན་ནོ། །ཨེའོ། །ཨརའོ། །ན་བ་ར་ད་
རྣམས་ཞེས་བཀག་པ་ལས་ཨརྟི་ཞེས་པ་འདིའི་དྷི་སྒྲ་གཉིས་བརྗོད་དོ། །གཉིས་པ་བཞི་པ་དག་གི་ཞེས་པས་དྷའི་དའོ། །དནྦྷིའི་ཨིཏ྄འང་ངོ་། །དནྦྷིའི་དབྱངས་ཀྱི་སན་ལ་ཨི་ཉིད་དུ་འགྱུར་ཏེ། ཨི་ཡིག་ཏུ་བསྒྱུར་བའང་ངོ་། །དྷིཔྶ་ཏི། དྷཱིཔྶ་ཏི། དནྦྷུ་ཚུལ་འཆོས། ཚུལ་འཆོས་པར་
འདོད་དོ་ཞེས་པས་སནའོ། །འདིའི་འང་སན་ལ་ཨིཊའོ། །གཉིས་བརྗོད། འདིས་དབྱངས་ཨི་ཉིད་དང་ཨཱི་ཡང་ངོ་། །ཨ་བྷྱཱ་ས་དབྱིའོ། །བྱིངས་ཀྱི་གསུམ་པ་དང་པོའི་ཞེས་པས་དཱའི་དྷའོ། །བཤད་པ་ལས་ཨ་ནུ་ཥཾ་ག་དབྱིའོ། །སྒྲ་མེད་པ་ལ་ཤིཊ་མིན་པ་རྣམས་ཀྱི་ཞེས་པས་བྷའི་
པའོ། །ཨིཊའི་ཕྱོགས་ལ་ཨི་ཉིད་དང་ཨི་ཡང་མི་འདོད་དེ། དི་དཾ་བྷི་ཥ་ཏི། ད་ཡ་ཏིའི་པ་རོ྅ཀྵ་ལ་དི་གིའོ། །ད་ཡ་ཏི་དེ་དུ་བསྲུང་བ་ལའོ་ཞེས་པ་འདི་བ་རོ྅ཀྵ་ཕ་རོལ་ལ་དི་གི་རུ་བསྒྱུར་བར་འགྱུར་རོ། །དི་གྱེ། དི་ཀྱཱ་ཏེ། དི་གྱི་རེ། དེང་བསྲུང་། ཨེ་དང་ཨཱ་ཏེ་དང་། ཨི་རེའོ། །

གཉིས་བརྗོད་དོ། །འདིས་དི་གི་རུ་བསྒྱུར་རོ། །ཨ་བྷྱ་ས་དབྱིའོ། །སྔ་མ་བརྩེགས་པ་མིན་པའི་ཨཱིའི་ཡི་གེ་ཡ་སྟེ་ཞེས་པས་ཡའོ། །བ་རོ྅ཀྵ་ལ་ཞེས་པ་ཅི་ཞེ་ན། ད་ཡ་ཏེ། ཏེའོ། །ཨནྦི། ཡོན་ཏན་ནོ། །ཨེ་ཨ་ཡའོ། །ད་ཡ་ཏི་ཞེས་པ་ད་ཡ་སྦྱིན་པ་དང་འགྲོ་
བ་དང་ཞེས་པ་མི་བཟུང་སྟེ། པ་རོ྅ཀྵ་ལ་ཨཱ་མ་གྱི་རྐྱེན་གྱིས་ཐ་སྙད་བྱས་པ་ཉིད་ལས་སོ། །ད་ཡཱཾ་ཙཀྲེ། ད་ཡ་དང་ཨ་ཡ་དང་ཨཱས་ལས་ཀྱང་ངོ་ཞེས་པས་ཨཱཾའོ། །ཨཱཾ་ལས་ཀྲྀཉའོ། །གཉིས་བརྗོད། དེང་ཞེས་མ་བྱས་པ་ནི་རྣམ་པ་སྣ་ཚོགས་པ་ཉིད་ཀྱི་ཕྱིར་རོ། །ཇོ་བོ་དྲག་འབྱོར་གྱིས་
མཛད་པའི་འགྲེལ་པ་སློབ་མ་ལ་ཕན་པར་ཀུན་བཤད་པའི་སྐབས་ལས་རྐང་པ་གསུམ་པ་རྫོགས་སོ།། །།མཐར་གནས་པ་ཕ་རོལ་གྱི་དབྱངས་དང་བཅས་པའི་སཾ་པྲ་སཱ་ར་ཎའོ། །མཐར་གནས་པ་གང་དབྱངས་ཕ་རོལ་དང་ལྷན་ཅིག་འཇུག་པ་དེ་ནི། ཕ་རོལ་དང་དབྱངས་དང་
བཅས་པར་ཡོངས་སུ་བཤད་དོ། །བྱིངས་མཐར་གནས་པ་གང་ཕ་རོལ་གྱི་དབྱངས་དང་བཅས་པར་གནས་པ་སཾ་པྲ་སཱ་ར་ཎ་རུ་འགྱུར་རོ་ཞེས་ཡོངས་སུ་བཤད་པར་བྱའོ། །འོ་ན་གལ་ཏེ་དབྱངས་མེད་པའི་གནས་ལ་གང་མཚམས་སྦྱོར་བྱས་པར་འགྱུར་བ་དེ་ཉིད་ཀྱི་གཟུགས་ཡང་དག་པར་སྐྱེད་དོ་
ཞེས་པས་ཅི་ལྟར་སཾ་པྲ་སཱ་ར་ཎ་ལ་མ་བྱས་པར་འགྱུར། དེའི་ཕྱིར་སཾ་པྲ་སཱ་ར་ཎ་སྒྲུབ་པའི་ཤུགས་ཉིད་ལས་དབྱངས་དང་བཅས་པ་གྲུབ་པས་སཾ་པྲ་སཱ་ར་ཎའོ་ཞེས་པས་ཚིག་གི་ཕ་རོལ་དབྱངས་དང་བཅས་པ་སྨོས་པ་དོན་མེད་དོ་ཞེ་ན། འདི་ནི་སྙིང་པོ་མེད་པ་སྟེ་སཾ་པྲ་སཱ་ར་ཎའི་ཤུགས་ལས་མཚམས་
སྦྱོར་གྱི་བྱ་བ་ལས་བྱས་པར་མི་འགྱུར་བ་ཕ་རོལ་གྱི་དབྱངས་དང་བཅས་པ་ཉིད་གྲུབ་བོ་ཞེས་པས་ཕ་རོལ་སྨོས་པ་རྣམ་པ་གསལ་བའི་དོན་དུའོ། །གྲ་ཧི་ཛྱ། བ་ཡི། བྱདྷི། བཥྚི། བྱ་ཙི། པྲཙྪ། བྲཤྩི། བྷྲཤྫི་རྣམས་ཀྱི་ཡོན་ཏན་མེད་པ་ལའོ། །རྐྱེན་ལ་ཡོན་ཏན་མེད་པ་ཞེས་ཚིག་
རྣམ་པར་སྦྱར་རོ། །གྲཧ་ཉེ་བར་ལེན། ཛྱཱ་ལང་འཚོ་ཉམས་པ་ལའོ། །བེཉའི་བ་ཡི། བྱདྷ་སྣུན་པ་ལའོ། །ཝ་ཤ་མཛེས་པ་ལའོ། །བྱ་ཙ་ཟོལ། པྲཙྪ་ཤེས་པར་འདོད་པ། བྲཤྩུ་གཅོད་པ། བྷྲསྫ་འཚེད་པ་འདི་རྣམས་ཀྱི་མཐར་གནས་པ་ཡོན་ཏན་མེད་པའི་རྐྱེན་ཕ་

རོལ་ལ་སམྤྲ་སཱ་ར་ཎར་འགྱུར་རོ། །གྲྀ་ཧྱ་ཏེ། ཛཱི་ཡ་ཏེ། གྲ་ཧ་ཉེ་བར། ཛྱ་ལང་འཚོ་ཉམས། ཏེའོ། །བྱིངས་ཐམས་ཅད་པ་ལ་ཡཎའོ། །འདིས་སམྤྲ་སཱ་ར་ཎའོ། །ར་ཡིག་གི་རྀ་ཡིག་དང་ཡ་ཡིག་གི་ཨི་ཉིད་དོ། །ནཱ་མི་མཐའ་རྣམས་ཀྱི་ཞེས་པས་རིང་པོའོ། །ཨཱུ་ཡ་ཏུཿ།
ཨཱུ་ཡུཿ། བེཉ་སྣལ་མའི་རྒྱུད་ལའོ། །ཨ་ཏུས྄ དང་ཨུས྄འོ། །བེཉའི་བ་ཡིའོ། །འདིས་སཾ་པྲ་སཱ་ར་ཎའོ། །གཉིས་བརྗོད་དོ། །མཚུངས་པའི་རིང་པོའོ། །བིདྷྱ་ཏེ། ཨུཥྱ་ཏེ། བིཙྱ་ཏེ། པྲིཙྪ་ྱཏེ། བྲྀཤྩྱ་ཏེ། བྷྲྀཛྫྱ་ཏེ། བྱདྷ་སྣུན། བཤ་མཛེས། བྱཙ་ཟོལ།
པྲཙྪ་ཤེས་པ། ཨོ་བྲཤྩུ་གཅོད། བྷྲསྫ་འཚེད། ཏེའོ། །ཡནའོ། །སཾ་བྲ་སཱ་ར་ཎའོ། །དྷུཊ་རྣམས་ཀྱི་གསུམ་པའོ་ཞེས་པའི་ཚིག་ལས་ལྀ་ཏུ་ས་ལ་སོ་ལས་བྱུང་ཞེས་ཡི་གེ་གནས་མཐུན་པའི་ཕྱིར་བྷྲསྫའི་ས་གསུམ་པ་དེའི་དའོ། །ཏ་སྡེའི་ཙཊཱི་སྡེ་པ་ཞེས་པས་དའི་ཛའོ། །གྲིཧྞ་
ཏི། ཛི་ནཱ་ཏི། བདྱ་ཏི། བི་ཙ་ཏི། པྲྀཥྩ་ཏི། བྷྲྀཛྫཏི། ཀྲྀའི་སོགས་ལས་ནཱའོ། །བྱ་དྷའི་དིབ་སོགས་ལས་ཡནའོ། །ཁ་ཅིག་ཏུ་ཨནྦི་ཀ་ར་ཎའོ། །ཛི་ཞེས་པ་འདིའི་དེ་མཐའ་རིང་པོའོ་ཞེས་པས་རིང་པོར་བྱས་པ་ན་སུ་སོགས་རྣམས་ཀྱི་ཐུང་ངུའོ། །ཛ་རཱི་གྲྀཧྱ་ཏེ། ཛེ་ཛཱི་ཡ་ཏེ།
བི་བི་དྱ་ཏེ། བི་བིཙྱ་ཏི། བ་རཱི་པྲྀཙྪྱ་ཏེ། པ་རཱི་བྲྀ་ཤྩྱ་ཏེ། བ་རཱི་བྷྲྀཛྫྱ་ཏེ། ཤིན་ཏུ་ལེན་ནོ། །རྒྱས་སོ། །རྡེག་གོ། །ཟོལ་བྱེད་དོ། །འདྲིའོ། །གཅོད་དོ། །འཆེད་དོ་ཞེས་པས་ཡ་སྒྲའོ། །སཾ་པྲ་སཱ་ར་ཎའོ། །ནཱ་མིའི་མཐའ་རྣམས་ཀྱི་ཡཎ་ཨ་ཞེས་པས་ཛི་སྒྲའི་རིང་པོའོ། །
གཉིས་བརྗོད་དོ། །རྀ་ལྡན་པའི་རཱིའོ། །ཡོན་ཏན་འང་སྟེ་ཙེ་ཀྲཱི་ཡི་ཏ་ལ་ཡོན་ཏན་ནོ། །གྲྀ་ཧཱི་ཏཿ། གྲྀ་ཧཱི་ཏ་བཱན྄། བི་ཌྷཿ། བིཌྷ་བཱན྄། པྲྀཥྚཿ། པྲྀཥྚ་བཱན྄། བྲྀཀྞ། བྲྀཀྞ་བཱན྄། བྲྀཥྚཿ། པྲྀཥྚ་བཱན྄། བླང་བར་བྱས་ཟིན། བླང་བར་བྱེད་ཟིན། བསྣུན་པར་བྱས་ཟིན།
བསྣུན་པར་བྱེད་ཟིན། དྲི་བར་བྱས་ཟིན། དྲི་བར་བྱེད་ཟིན། གཅད་པར་བྱས་ཟིན། གཅད་པར་བྱེད་ཟིན། འཚེད་པར་བྱས་ཟིན། འཚེད་པར་བྱེད་ཟིན། ཞེས་ཚིག་རྣམ་པར་སྦྱར་ནས་ནཱིཥྛའོ་ཞེས་པས་ཀྟ་དང་ཀྟ་བནྟུ་དག་གོ། །ཨིཊའོ། །སཾ་པྲ་སཱ་ར་ཎའོ། །གྲ་ཧི་ལས་

ཨིཊའི་རིང་པོའོ་ཞེས་པས་རིང་པོའོ། །བྱ་དྷིའི་གྷ་ཌྷ་དྷ་བྷ་རྣམས་ལས་ཞེས་པས་ཏའི་དྷའོ། །དྷུཊ་རྣམས་ཀྱི་གསུམ་པའོ་ཞེས་པས་དྷའི་དའོ། །པྲྀཙྪའི་ཚ་ཤ་དག་གི་འང་ངོ་ཞེས་པས་ཥའོ། །ཥ་དྲང་ཊ་སྡེ་ལས་ཏ་སྡེའི་ཊ་སྡེའོ་ཞེས་པས་ཏའི་ཊའོ། །བྲཙྪི་མསྫ་དག་གི་
དྷུཊ་ལའོ་ཞེས་པས་བྲཤྩིའི་མཐའ་དབྱིའོ། །བྲཤྩིའི་ཀའང་ངོ་ཞེས་པས་ཤའི་ཀའོ། །ལཱུ་སོགས་དང་ཨོ་རྗེས་སུ་འབྲེལ་བ་ལས་ཀྱང་ངོ་ཞེས་པས་ནཱིཥྛའི་ན་ཉིད་དོ། །བརྩེགས་པ་དང་པོ་ས་ཀ་དག་གི་མཐའ་ལ་ཞེས་པས་བྷྱསྫིའི་ས་ཡིག་དབྱིའོ། །བྷྲྀ་ཛ་སོགས་རྣམས་ཀྱི་ཥའི་
སའོ། །ཨནྟུ་དང་ཨས་མཐའི་ཞེས་པས་རིང་པོའོ། །ཛཱིཿ། ཛཱི་ན་བཱན། ཨུ་ཤི་ཏཿ། ཨུ་ཤི་ཏ་བཱན྄། བི་ཙི་ཏ་བཱན྄། ཛྱཱ་ལང་ཚོ་ཉམས་པ་ལའོ། །བཤ་མཛེས་པ་ལའོ། །བྱཙ་ཟོལ། རྒྱས་པར་བྱས་ཟིན། མཛེས་པར་བྱས་ཟིན། ཟོལ་བྱས་ཟིན་ལ་འགྲོ་བའི་དོན་དང་ལས་
མེད་པ་ཞེས་པས་ཀྟའོ། །ནིཥྛའོ་ཞེས་པས་ཀྟ་བནྟུའོ། །སཾ་པྲ་སཱ་ར་ཎའོ། །དེ་མཐའ་རིང་པོའོ་ཞེས་པས་རིང་པོའོ། །སྔ་མ་བཞིན་ན་ཉིད་དོ། །ཨིཊའོ། །ཡོན་ཏན་མེད་པ་ཞེས་པ་ཅི་ཞེ་ན། གྲ་ཧཱི་ཏཱ། ཨིཊའོ། །སྔ་མ་བཞིན་རིང་པོའོ། །པྲཤྣ་ཞེས་པ་འདིར་སཾ་པྲ་སཱ་ར་ཎར་མི་
འགྱུར་ཏེ། པྲཤྣ་ཨཱ་ཁྱཱ་ན་དག་གི་ཞེས་པའི་ཤེས་པར་བྱེད་པ་ལས་སོ། །པྲཙྪིའི་ཡཱ་ཙི་བཙྪི་པྲཙྪི་ཞེས་པས་ནའང་ངོ་། །ཚ་བ་དག་གི་ལྔ་པ་ལའང་ཤ་ཨཱུཊའོ་ཞེས་པས་ཚའི་ཤའོ། །སྭ་པི་བི་ཙ་ཡ་ཛ་སོགས་རྣམས་ཀྱི་ཡཎ་པ་རོ྅ཀྵ་ཨཱ་ཤཱིཥ་རྣམས་ལའོ། །གང་རྣམས་ཀྱི་ཡཛ་ཡིན་བ་དེ་
ནི་ཡཛ་སོགས་རྣམས་སོ། །དེ་ནས་ཟླས་དབྱེ་བའོ། །ཡོན་ཏན་མེད་པ་ལ་ཞེས་པ་ཁོ་ན་ཉིད་དོ། །ཉི་སྭ་པ་ཉལ་པ་ལའོ། །བཙ་སྨྲ་བ་ཞེས་པ་འདི་དག་དང་། དེ་བཞིན་དུ་ཡཛ་སོགས་རྣམས་ཀྱང་སྟེ། ཡཛ་ལྷ་མཆོད་པ་དང་འགྲོགས་པར་བྱེད་པ་དང་སྦྱིན་པ་རྣམས་ལའོ། །ཊང་ཐ་ས་བོན་
འདེབས་པ་ལའོ། །ཝཧ་ཐོབ་པ། བྱེཉ་སྡོམ་པ། ཧྭེ་འགྲན་པ་ལ་སྟེ་དགྲ་ལའང་ངོ་། །བེཉ་སྣལ་མའི་རྒྱུད། བད྄་སྨྲ་བས་གནས་པ་ལའོ། །ཌུ་ཨོ་ཤི་འགྲོ་བ་འཕེལ་བ་ལའོ་ཞེས་པ་འདི་རྣམས་ཀྱི་མཐར་གནས་པ་སཾ་པྲ་སཱ་ར་ཎར་འགྱུར་ཏེ། ཡཎ་ཕ་རོལ་ལ་དང་པ་རོ྅ཀྵ་ཡོན་ཏན་མེད་

པ་ལ་དང་ཨཱ་ཤཱིཥ་ཡོན་ཏན་མེད་པ་ཕ་རོལ་ལའོ། །སོགས་པའི་སྒྲ་ནི་ཡ་ཛ་ལ་འབྲེལ་གྱི་སོགས་པའི་ཙི་ལ་མ་ཡིན་ཏེ། སྭ་པི་སྨོས་པ་དོན་མེད་པར་འགྱུར་བས་སོ། །འདིའང་ནི་བ་ཅི་སོགས་དང་གྲངས་ཇི་ལྟ་བ་བཞིན་དུ་རྗེས་སུ་བསྟན་ཏེ། མཚུངས་པ་རྣམས་ཀྱིས་ཞེས་པ་འདི་མི་རྟག་པ་
ཉིད་ཀྱི་གྲངས་ཇི་ལྟ་བ་མེད་དོ། །སུ་པྱཱ་ཏེ། ཨུ་ཙྱཱ་ཏེ། ཨི་ཛྱཱ་ཏེ། ཨུ་པྱཱ་ཏེ། ཨུ་ཧྱ་ཏེ། སཾ་བཱི་ཡ་ཏེ། ཨཱ་ཧུ་ཡ་ཏེ། ཨཱུ་ཡ་ཏེ། ཨུ་ཏྱ་ཏེ། ཨུ་ཥྱ་ཏེ། ཤཱུ་ཡ་ཏེ། ཏེའོ། །ཡཎའོ། །སཾ་པྲ་སཱ་ར་ཎའོ། །ནཱ་མིའི་མཐའ་རྣམས་ཀྱི་ཡཎ་ཨ་ཡི་ཞེས་པས་རིང་པོའོ། །པ་རོ྅ཀྵ་
ལ། སུ་ཥ་ས་ཏུ། སུ་ཥུ་སུཿ། དེ་བཞིན་དུ། ཨུ་ཙ་ཏུཿ། ཨུ་ཙུཿ། ཨཱི་ཛཿ། ཨཱི་ཛུཿ། ཨཱུ་ཧ་ཏུཿ། ཨུ་ཛུཿ། ཨུ་སཏུཿ། ཨཱུ་སུཿ། བི་བྱ་ཏུ། ཨཱུ་ཏུ་ཨུ་དུཿ། ཨུ་ཥ་ཏུཿ། ཨ་ཏུས་དང་ཨུསའོ། །སཾ་པྲ་སཱ་ར་ཎའོ། །གཉིས་བརྗོད་དོ། །མཚུངས་པའི་རིང་
པོའོ། །བིའི་སྒྲའི་སྔ་མ་བརྩེགས་པ་མིན་པའི་ཨིའི་ཡི་གེ་ཡ་སྟེ་ཞེས་པས་ཡའོ། །ཨཱ་ཤཱི་ཥ་ལ། སུ་པྱཱ་ཏ། ཨུ་ཙྱཏ། ཨི་ཛྱཱཏ྄། ཨུ་པྱཱཏ། ཨུ་ཧྱཱཏ྄ཿ། སཾ་བཱི་ཡཱཏ྄། ཨ་ཧུ་ཡཱཏ། ཨུ་ཡཱཏ། ཨུ་ཏྱཱཏ྄། ཤཱུ་ཡཱཏ྄། སྔ་མ་བཞིན་དུ་རིང་པོའོ། །སུཔྟཿ། སུཔྟ་
བཱན྄། ཨུཀྟཿ། ཨུཀྟ་བཱན། ཨིཥྚཿ། ཨིཥྚ་བཱན། ཨཱུཔྟཿ། ཨུཔྟ་བཱན། ཨུཌྷཿ། ཨུ་ཌྷཱ་བཱན྄། སཾ་བཱི་ཏཿ། སཾ་བཱི་ཏ་བཱན། ཨཱ་ཧུ་ཏཿ། ཨ་ཧཱུ་ཏ་བཱན། ཨཱུ་ཏཿ། ཨུ་ཏ་བཱན། ཨུ་དི་ཏཿ། ཨུ་དི་ཏ་བཱན། ཨུ་ཥི་ཏཿ། ཨུ་ཥི་ཏ་བཱན། ཤཱུ་ནཿ། ཤཱུ་ན་བཱན྄།
ཉལ་བར་བྱས་ཟིན་ཞེས་པ་ཉི་རྗེས་སུ་འབྲེལ་པ་དང་འདོད་པ་ཞེས་པས་ཀྟའོ། །ཉལ་བར་བྱེད་ཟིན་ལ་ནིཥྛཱའོ་ཞེས་པས་ཀྟ་བནྟུའོ། །སྨྲ་བར་བྱས་ཟིན། སྨྲ་བར་བྱེད་ཟིན། མཆོད་པར་བྱས་ཟིན། མཆོད་པར་བྱེད་ཟིན། སྣལ་མར་བྱས་ཟིན། སྣལ་མར་བྱེད་ཟིན། ཐོབ་པར་བྱས་ཟིན།
ཐོབ་པར་བྱེད་ཟིན། སྡོམ་པར་བྱས་ཟིན། སྡོམ་པར་བྱེད་ཟིན། འགྲན་པར་བྱས་ཟིན། འགྲན་པར་བྱེད་ཟིན། སྲད་པུར་བྱས་ཟིན། སྲད་བུར་བྱེད་ཟིན། སྨྲ་བར་བྱས་ཟིན། སྨྲ་བར་བྱེད་ཟིན་ལ་ནིཥྛའོ་ཞེས་པས་ཀྟ་དང་ཀྟ་བནྟུའོ། །འགྲོ་བ་འཕེལ་བར་བྱས་ཟིན། འགྲོ་

བ་འཕེལ་བར་བྱེད་ཟིན་ལ་འགྲོ་བའི་དོན་དང་ལས་མེད་པ་ཞེས་པས་ཀྟ་དང་ནིཥྛཱའོ་ཞེས་པས་ཀྟ་བནྟུའོ། །སཾ་པྲ་སཱ་ར་ཎའོ། །ཝ་ཙའི་ཙ་སྡེའི་ཀིའོ། །ཡཛའི་བྷྲྀཛ་སོགས་རྣམས་ཀྱི་ཥའོ། །བ་ཧའི་ཧའི་ཌྷའོ་ཞེས་པས་ཌྷའོ། །གྷ་ཌྷ་དྷ་བྷ་རྣམས་ལས་ཞེས་པས་ཏའི་
དྷའོ། །ཥ་དང་ཊ་སྡེ་ལས་སྡེའི་ཊ་སྡེའོ་ཞེས་པས་དྷའི་ཌྷའོ། །ཌྷའི་ཌྷ་ལ་དབྱིའོ། །ཨུ་པ་དྷའི་རིང་པོའང་ངོ་ཞེས་པས་རིང་པོའོ། །བྱཱ་ཧྭ་ཤྭི་རྣམས་ཀྱི་སཾ་པྲ་སཱ་ར་ཎ་བྱས་པ་ན་དེ་མཐའ་རིང་པོའོ་ཞེས་པས་རིང་པོའོ། །ལུ་སོགས་དང་ཨོ་རྗེས་སུ་འབྲེལ་པ་ལས་ཀྱང་ངོ་ཞེས་པས་ན་ཉིད་དོ། །
ཨུཏ་ཅེས་པས་འདིར་རིང་པོར་མི་འགྱུར་ཏེ། བའི་ཀྭིཔ་ལས་སོ་ཞེས་པའི་ངེས་པ་ལས་སོ། །བ་སིའི་ནིཥྛཱི་ལའང་ངོ་ཞེས་པས་ཨིཊའོ། །ཤཱ་སི། བཱ་སི་ཞེས་པས་ཥའོ། །ཡོན་ཏན་མེད་པ་ལ་ཞེས་པ་ཅི་ཞེ་ན། སུཥ་པ། ཨཊའོ། །གཉིས་བརྗོད། པ་རོ྅ཀྵ་ལ་ཨ་བྷྱསའི་ཞེས་
པས་སཾ་པྲ་སཱ་ར་ཎའོ། །སྭོསྶཥྚི། གཉིས་ཀ་རྣམས་ཀྱི་ཨ་བྷྱ་སའི་པ་རོ྅ཀྵ་ལའོ། །གཉིས་ཀ་རྣམས་ཀྱི་སྟེ་གྲ་ཧ་སོགས་རྣམས་དང་སྭོ་པི་སོགས་རྣམས་ཀྱི་ཨ་བྷྱཱ་སའི་མཐར་གནས་པ་པ་རོ྅ཀྵཱ་ཕ་རོལ་ལ་སཾ་པྲ་སཱ་ར་ཎ་ར་འགྱུར་རོ། །གྲ་ཧི་པྲཙྪི། བྷྲསྫ་རྣམས་ཀྱི་ཨ་བྷྱཱ་ས་ཡོད་པའམ་
མེད་པ་སཾ་པྲ་སཱར་ཎ་ལ་ཁྱད་པར་མེད་དོ། །བྲ་ཤྩིའི་ཁྱད་པར་མེད་ཅེས་ཁ་ཅིག་སྨྲའོ། །དེ་ནི་སྙིང་པོ་མེད་པ་སྟེ། མ་བྱས་ན་ནི་བྲཤྩའི་ར་ཡིག་གི་སཾ་པྲ་སཱ་ར་ཎལ་བ་ཡིག་གི་སཾ་པྲ་སཱ་ར་ཎ་རུ་འགྱུར་བྱས་ན་ནི་མི་འགྱུར་ཏེ། སཾ་པྲ་སཱ་ར་ཎ་མ་ཡིན་ནོ་ཞེས་བཀག་པ་ལས་སོ། །འདི་ནི་ཡོན་ཏན་དང་
བཅས་པའི་དོན་ཏོ། །ཡོན་ཏན། ཎ་ལ་བྱིངས་ཀྱི་སཱ་ར་ན་བྱས་པ་ན་ཨ་བྷྱཱ་ས་དེ་ཉིད་ཀྱི་གཟུགས་སུ་འགྱུར་རོ་ཞེས་པས་སྦྱོར་བ་འདིས་ཅི་ཞིག་བྱེད་པར་འགྱུར། ཛི་ཛྱཽ། ཛི་ཛྱཽ་ཐཿ། ཨུ་བཱ་ཡ། ཨུ་བ་ཡི་ཐཿ། བི་བྱཱ་དྷ། ཨུ་བཱ་ཤ །བི་བྱཱ་ཙ། བ་བྲཥྩ། ཛྱཱ་ལང་ཚོ་ཉམས། བེཉ་
སྣལ་མ། བྱ་དྷ་བསྣུན། བ་ཤ་མཛེས། བྱ་ཙ་ཟ་བ། ཨོ་བྲ་ཤྩུ་གཅོད། ཨཏའོ། །ཐལ྄འོ། །བེཉའི་བ་ཡིའོ། །གཉིས་བརྗོད་དོ། །འདིས་ཨ་བྷྱཱ་སའི་སཾ་པྲ་སཱ་ར་ཎའོ། །ཨ་ཡིག་ལས་ཨཊ་ཨོའོ། །མཚམས་སྦྱོར་གྱི་ཡི་གེ་ལའང་ཞེས་པས་ཨཱ་ཡིག་དབྱིའོ། །

ཐལ་ཕ་རོལ་ལ་ཀྲྀ་པྲྀ་བྷྲྀ་བྲྀ་ཞེས་པའི་ངེས་པ་ལས་ཨིཊའོ། །ཨིཊ་ལའང་ངོ་ཞེས་པས་ཨ་དབྱིའོ། །སྭོ་པ་སོགས་རྣམས་ཀྱི་སུ་ཥྭཱ་པ། སུ་ཥྭ་པི་ཐ། ཨུ་པཱ་ཙི། ཨུ་བ་ཙི་ཐ། ཨི་ཡཱ་ཛ། ཨི་ཡ་ཛི་ཐ། ཨུ་བཱ་པ། ཨུ་བཱ་ཧ། བི་བྱཱ་ཡ། ཨུ་བཱ་ད། ཨུ་བཱ་ས། ཉིསྭ་བ་ཉལ།
བཙ་སྨྲ། ཡ་ཛ་ལྷ། ཊུ་བ་པཱ་ས་བོན་སྲད་བུ། བཱཧ་ཐོབ། བྱེ་ཉ་སྡོམ། བད་སྨྲ། བས་གནས། ཨཊ་དང་ཐལ྄འོ། །སྔ་མ་བཞིན་དུ་ངེས་པ་ལས་ཨིཊའོ། །གཉིས་བརྗོད་དོ། །སཾ་པྲ་སཱ་ར་ཎའོ། །ཨའི་ཨུ་པ་དྷཱ་ཞེས་པས་རིང་པོའོ། །བྱ་ཞེས་པ་འདིའི་ཨའི་ཨུ་ཨ་དྷཱ་
ཞེས་པས་འཕེལ་བ་ཨཻའོ། །ཨཻ་ཨཱཡ྄འོ། །པ་རོ྅ཀྵ་ལ་ཞེས་པ་ཅི་ཞེ་ན། བི་བཀྵ་ཏི། བཙ་བརྗོད་པ་ལའོ། །བརྗོད་པར་འདོད་དོ་ལ་སན྄འོ། །བྱ་ཐིའི་འང་ངོ་། བྱ་ཐིའི་ཨ་བྷྱཱ་སའི་མཐར་གནས་ཀྱི་པ་རོ྅ཀྵ་ལ་སཾ་པྲ་སཱ་ར་ཎར་འགྱུར་རོ། །བི་བྱ་ཐེ། བི་བྱ་ཐཱ་ཏེ། བི་བྱ་ཐི་རེ།
བྱ་ཐ་འཇིགས་པ་དང་གཡོ་བ་དག་ལའོ། །པ་རོ྅ཀྵའི་ཨེ་དང་ཨཱཏེ་ཨི་རེའོ། །པ་རོ྅ཀྵ་ལ་ཞེས་པ་ཅི་ཞེ་ན། ཨ་བི་བྱ་ཐཏ། བེཉ་ཤྭི་དག་གི་ཡོན་ཏན་མེད་པ་ལའང་མ་ཡིན་ནོ། །པ་རོ྅ཀྵ་ལ་ཞེས་པ་ཁོ་ནའོ། །བེཉ་སྣལ་མའི་རྒྱུད། །ཌུ་ཨོ་ཤྭི་འགྲོ་བ་འཕེལ་བ་ལ་
ཞེས་པ་འདི་དག་གི་མཐར་གནས་པ་པ་རོཉཀྵ་ཡོན་ཏན་མེད་པ་ལ་སཾ་པྲ་སཱ་ར་ཎར་མི་འགྱུར་ཏེ། འང་གི་སྒྲ་ལས་ཨ་བྷྱཱ་སའི་ཡོན་ཏན་དང་བཅས་པ་ལ་ཡཛ་སོགས་ཉིད་ལས་ཐོབ་པ་ལའོ། །བ་བ་ཏུཿ། བ་བུཿ། བེཉ་སྣལ་མའི་རྒྱུད། ཨ་ཏུས྄་དང་ཨུས྄་དག་གོ། །གཉིས་
བརྗོད། བྱིངས་ཐམས་ཅད་པ་མ་ཡིན་པ་ལ་ཨཱ་དབྱིའོ་ཞེས་པས་ཨཱ་དབྱིའོ། །ཤི་ཤྭི་ཡ་ཏུཿ། ཤི་ཤྭི་ཡུཿ། ཌུ་ཨོ་ཤྭི་འགྲོ། བྱིངས་ཀྱི་ཨིའི་ཡི་གེ་དང་ཞེས་པས་ཨི་ཡ྄འོ། །ཨ་བྷྱཱ་སའི་ངེས་པ་ཡང་ངོ་། །བ་བཽ། །ཤི་ཤྭ་ཡ། ཨཊའོ། །གཉིས་བརྗོད། ཨ་ཡིག་ལས་
ཨཊ་ཨཽའོ། །མཚམས་སྦྱོར་གྱི་ཡི་གེ་ལའང་ངོ་ཞེས་པས་ཨ་དབྱིའོ། །ཨའི་ཨུ་པ་དྷཱ་ཞེས་པས་འཕེལ་བའོ། །འདིར་ཨ་བྷྱཱ་སའི་པ་རོ྅ཀྵ་ལ་ཞེས་པས་སཾཔྲ་སཱ་ར་ཎ་ཐོབ་པ་ལའོ། །སྭ་པི་སྱ། མི་བྱེཉ་རྣམས་ཀྱི་ཙེ་ཀྲཱི་ཡི་ཏ་ལའོ། །ཉི་སྭཔ་ཉལ་བ། སྱ་མུ། སྭ་ན། སྟན།

དྷྭན་སྒྲ་ལའོ། །བྱེཉ་སྡོམ། འདི་རྣམས་ཀྱི་མཐར་ཙེ་ཀྲཱི་ཡི་ཏ་ཕ་རོལ་ལ་སཾ་པྲ་སཱ་ར་ཎར་འགྱུར་རོ། །སོ་ཤུ་སྱ་ཏེ། སེ་སི་མྱ་ཏེ། བེ་བཱི་ཡ་ཏེ། ཤིན་ཏུ་ཉལ་བར་བྱེད། འགྲོ་བར་བྱེད། སྡོམ་པར་བྱེད་ཅེས་པས་ཡ་སྒྲའོ། །སཾ་པྲ་སཱ་ར་ཎའོ། །གཉིས་བརྗོད།
ཙེ་ཀྲཱི་ཡི་ཏ་ལ་ཡོན་ཏན་ནོ། །ནཱ་མི་ནའི་མཐའ་རྣམས་ཀྱི་ཡཎ་ཨཱ་ཡི་ཞེས་པས་རིང་པོའོ། །ཙེ་ཀྲིའི་ཡི་ཏ་ལ་ཞེས་པ་ཅི་ཞེ་ན། སྭ་པི་ཏི། སྱ་མ་ཏི། སྱ་མ་ཏི། བྱ་ཡ་ཏི། ཏུཏ་སོགས་ལས་བྱིངས་ཐམས་ཅད་པ་ལའོ་ཞེས་པས་ཨིཊའོ། །སྭ་པིའི་ཙཎ་ལའོ། །སྭ་པིའི་མཐར་གནས་པ་ཙཎ་ཕ་རོལ་ལ་
སཾ་པྲ་སཱ་ར་ཎར་འགྱུར་རོ། །ཨ་སཱུ་ཥུ་པཏ། ཉལ་དུ་འཇུག་པ་ལ་སྦྱོར་བར་བྱེད་དོ་ཞེས་པས་ཨིན྄འོ། །ཨའི་ཨུ་པ་དྷཱ་རིང་པོའོ། །ཙཎའོ། །ཀཱ་རི་ཏ་དབྱིའོ། །སཾ་པྲ་སཱ་ར་ཎྰྸོ། །གཉིས་བརྗོད་དོ། །ཡང་བའི་རིང་པོའོ་ཞེས་པས་རིང་པོའོ། ཙཎ་ལ་ཞེས་པ་ཅི་ཞེ་ན། སྭ་པྱ་ཏི།
སྭ་པིའི་མཐར་གནས་ཨིན྄འོ། །ཏེའོ། །བྱིངས་ཐམས་ཅད་པ་ལ་ཡ་ཎའོ། །ཀཱ་རི་ཏ་དབྱིའོ། །སྭ་པིའི་ཙཎ་མེད་པ་ཨིན་མེད་དོ་ཞེས་པས་ཨིན་ངེས་པར་བསྟན་པས། སྭ་པིའི་འབའ་ཞིག་ཙཎ་ལ་བརྗོད་པ་ལས་མི་འགྱུར་ཞེས་པའོ། །གྲ་ཉི་སྭ་པི་པྲཙྪ་རྣམས་ཀྱི་སན་ལའོ། །འདི་
རྣམས་ཀྱི་མཐར་གནས་པས་ཕ་རོལ་ལ་སཾ་པྲ་སཱ་ར་ཎར་འགྱུར་རོ། །ཛི་གྷྲྀ་ཀྵ་ཏི། སུ་ཥུཔྶ་ཏི། པི་པྲྀཙྪ་ཥ་ཏི། གྲཧ་ཉེ་བར་ལེན་པ་ལའོ། །ཉི་སྭཔ་ཉལ་བ་ལའོ། །པྲཙྪ་ཤེས་པར་འདོད་དོ། །ལེན་པར་འདོད་དོ། །ཉལ་བར་འདོད་དོ། །ཉལ་བར་འདོད་དོ། །དེ་བཞིན་དུ་དྲི་བར་འདོད་དོ་ལ་སནུའོ། །
སྣིང་པུང་རྀ་ཨཉྫུ་ཞེས་པས་ཨིཊ྄འོ། །སཾ་པྲ་སཱ་ར་ཎའོ། །ཧའི་ཌྷའོ། །བྱིངས་ཀྱི་གསུམ་པ་དང་པོའི་གྷ་ཌྷ་དྷ་བྷ་ཞེས་པས་གའི་གྷའོ། །ཥ་ཌྷ་དག་གི་ས་ལ་ཀའོ་ཞེས་པས་ཀའོ། །ཥ་ཉིད་དོ། །གཉིས་བརྗོད་དོ། །ཀ་སྡེའི་ཙ་སྡེའོ་ཞེས་པས་གྷའི་ཛྷའོ། །གཉིས་པ་
བཞི་པ་ཞེས་པས་ཛྷའི་ཛའོ། །སན་ལ་ཨཱི་ཡི་གེ་ཨི་ཉིད་དོ། །སན་ལ་ཞེས་པ་ཅི་ཞེ་ན། གྲ་ཧཱི་ཏཱ། སྭ་པྟཱ། པྲཥྟ། ཤྭསྟ་ནི་ཏཱ། ཨིཊའོ། །ཨིཊ་རིང་པོའོ། །ཚ་ཤ་དག་གིའང་ངོ་ཞེས་པས་ཥའོ། །ཙ་ཡའི་ཙེ་ཀྲཱི་ཡི་ཏ་ལ་ཀིའོ། །ཙཱ་སྤྲི་མཆོད་པ་དང་། ཞི་བ་དག་

ལའོ་ཞེས་པ་འདིའི་ཙེ་ཀྲཱི་ཡི་ཏ་ཕ་རོལ་ལ་ཀི་རུ་བསྒྱུར་བར་འགྱུར་རོ། །ཙེ་ཀཱི་ཡ་ཏེ། ཤིན་དུ་མཆོད་པའམ་ཞི་བ་དག་ལ་ཡ་སྒྲའོ། །ཀི་རུ་བསྒྱུར་རོ། །གཉིས་བརྗོད་དོ། །ཙེ་ཀྲཱི་ཡི་ཏ་ལ་ཞེས་པ་ཅི་ཞེ་ན། ཙཱ་ཡ་ཏེ། རིང་པོ་བརྗོད་པ་ནི་བྱ་བ་སླ་བའི་དོན་དུའོ། །མདོ་ཕྱི་མའི་ཨི་ཉིད་ལ་ཡང་བརྗོད་པར་
བྱའོ། །བྱཱ་ཡའི་པ་རོ྅ཀྵ་ལའང་པཱིའོ། །སྥཱ་ཡི། ཨོ་པྱཱ་ཡི་འཕེལ་བ་ལའོ་ཞེས་པ་འདིའི་ཙེ་ཀྲཱི་ཡི་ཏ་ཕ་རོལ་དང་པ་རོ྅ཀྵ་ལའང་པཱི་རུ་བསྒྱུར་བར་འགྱུར་རོ། །པེ་པཱི་ཡ་ཏེ། ཤིན་ཏུ་འཕེལ་བར་བྱེད་དོ་ལ་ཡ་སྒྲའོ། །པཱི་རུ་བསྒྱུར་རོ། །གཉིས་བརྗོད་དོ། །ཨཱ་པི་པྱེ། ཨཱ་པི་པྱུ་ཏེ། ཨཱ་པི་
བྱིར། ཨ་དང་ཨཱ་ཏེ་དང་ཨི་རེའོ། །པཱི་རུ་བསྒྱུར་རོ། །གཉིས་བརྗོད་དོ། །སྔ་མ་བརྩེགས་པ་མིན་པའི་ཨིའི་ཡི་གེ་ཡ་སྟེ་ཡི་གེ་གཅིག་མིན་པའི་འོ་ཞེས་པས་ཡའོ། །ཙེ་ཀྲཱི་ཡི་ཏ་དང་པ་རོ྅ཀྵ་དག་ལ་ཞེས་པ་ཅི་ཞེ་ན། པྱཱ་ཡ་ཏེ། ཤྭ་ཡ་ཏིའི་ཡང་ནའོ། །ཙེ་ཀྲཱི་ཡི་ཏ་དང་པ་རོ྅ཀྵ་ལ་
སྦྲེལ་བར་བྱ་སྟེ། ཌུ་ཨོ་ཤྭི་འགྲོ་བ་ལའོ། །འཕེལ་བ་ལའོ་ཞེས་པ་འདིའི་མཐར་གནས་པ་ཙེ་ཀྲིའི་ཡི་ཏ་དང་པ་རོ྅ཀྵ་ལ་སཾ་པྲ་སཱ་ར་ཎ་ཡང་ན་འགྱུར་རོ། །ཤོ་ཤཱུ་ཡ་ཏེ། ཤིན་ཏུ་འཕེལ་བར་བྱེད་དོ་ལ་ཡ་སྒྲའོ། །སཾ་པྲ་སཱ་ར་ཎའོ། །གཉིས་བརྗོད་དོ། །ཙེ་ཀྲཱི་ཡི་ཏ་ལ་ཡོན་ཏན་ནོ་ཞེས་པས་
ཡོན་ཏན་ནོ། །ནཱ་མིའི་མཐའ་རྣམས་ཀྱི་ཡ་ཎ་ཨཱ་ཡི་ཞེས་པས་རིང་པོའོ། །ཕྱོགས་གཅིག་ལ། ཤི་ཤྭི་ཡ་ཏེ། ཤུ་ཤཱ་བ། ཤུ་ཤུ་བ་ཏུཿ། ཨཊ་དང་ཨ་ཏུསའོ། །སཾ་པྲ་སཱ་ར་ཎའོ། །གཉིས་བརྗོད་དོ། །ཨའི་ཨུ་པ་དྷཱ་ཞེས་པས་འཕེལ་བའོ། །བྱིངས་ཀྱི་ཨིའི་ཡི་གེ་ཞེས་པས་
ཨུ་བའོ། །ཕྱོགས་གཅིག་ཡ། ཤི་ཤྭཱ་ཡ་ཏུཿ། ཤི་ཤྭི་ཡ་ཏུཿ། བྱིངས་ཀྱི་ཨིའི་ཡི་གེ་ཞེས་པས་ཨི་ཡའོ། །སན་ཙཎ་དག་ཀ་རི་ཏ་ལའང་ངོ་། །ཤྭ་ཡ་ཏིའི་མཐར་གནས་པ་ཀཱ་རི་ཏ་ལའང་སན་ཕ་རོལ་དང་ཙ་ཕ་རོལ་ལ་སཾ་པྲ་སཱ་ར་ཎར་ཡང་ན་འགྱུར་རོ། །ཤུ་ཤཱ་བ་ཡི་ཥ་ཏི། འཕེལ་
དུ་འཇུག་པ་ལ་སྦྱོར་བར་འདོད་དོ་ལ་ཨིན྄འོ། །སན྄འོ། །ཨཱི་ཨུ་པ་དྷཱ་འཕེལ་བའོ། །ཨིན་བྱས་པ་ན་གནས་ཅན་དང་འདྲའོ་ཞེས་པས་ཤུའོ། །གཉིས་བརྗོད། ཨིཊའོ། །ཡོན་ཏན་ནོ། །དམིགས་ཀྱིས་བསལ་བའི་ཡུལ་ལ་སྤྱིར་བཏང་བ་འཇུག་པ་མིན་ཏེ། དེས་ན་ཤྭི་ཞེས་གནས་

པ་ལ་སན྄འོ། །སྔ་མའི་ཨའི་ཨུ་པ་དྷཱ་ཞེས་པར་འཕེལ་བར་མི་འགྱུར་ཏེ། གང་གི་ཕྱིར་དམིགས་ཀྱིས་བསལ་བའི་སཾ་པྲ་སཱ་ར་ཎའི་འཕེལ་བ་ནི་དེ་ལྟ་བས་ན། སྤྱིར་བཏང་བའི་འཕེལ་བར་སཾ་པྲ་སཱ་ར་ཎ་ལ་མི་འགྱུར་རོ་ཞེ་ན། ཡང་ཐལ་བར་འགྱུར་བའི་རྣམ་
པར་ཤེས་པ་ལས་འགྱུར་རོ། །ཕྱོགས་གཅིག་ལ། ཤི་ཤྭ་ཡ་ཡི་ཥ་ཏེ། སྔ་མ་བཞིན་ཨི་ན྄འོ། །ཙཎ་ལ། ཨ་ཤཱུ་ཤ་བཏ྄། འཕེལ་དུ་འཇུག་པ་ལ་སྦྱོར་བར་བྱེད་དོ་ལ་ཨིན྄འོ། །དིའོ། །ཙཎའོ། །སཾ་པྲ་སཱ་ར་ཎའོ། །འཕེལ་བའོ། །ཀཱ་རི་ཏ་དབྱིའོ། །ཨིན་དང་ཙཎ་
ལ་མཚུངས་པ་མིན་པ་ཞེས་པས་ཐུང་ངུའོ། །གནས་ཅན་དང་འདྲ་བར་འགྱུར་བའི་ཕྱིར་ཤུ་གཉིས་བརྗོད། ཡང་བའི་རིང་པོའོ། །ཕྱོགས་གཅིག་ལ། ཨ་ཤི་ཤྭ་ཡ་ཏེ། སན྄་ཙཎ་དག་ཅེས་པ་ཅི་ཞེ་ན། ཤྭ་ཡ་ཡ་ཏི། ཧྭ་ཡ་ཏིའི་རྟག་ཏུའོ། །ཧྭེ་ཉེའི་མཐར་གནས་པ་རྟག་ཏུ་སཾ་པྲ་
སཱ་ར་ཎར་འགྱུར་ཏེ། ཀཱ་རི་ཏ་ལ་སན྄་ཕ་རོལ་དང་ཙཎ་ཕ་རོལ་ལའོ། །ཛུ་ཧཱ་བ་ཡི་ཥ་ཏི། འགྲན་པར་བྱེད་དུ་འཇུག་པ་ལ་སྦྱོར་བར་འདོད་དོ་ལ་ཨིན྄འོ། །ས་ན྄འོ། །སཾ་པྲ་སཱ་ར་ཎའོ། །འཕེལ་བའོ། །གནས་ཅན་དང་འདྲ་བར་འགྱུར་བ་ལས་ཧུ་གཉིས་བརྗོད་དོ། །ཧའི་ཛའོ། །ཨིཊའོ། །
ཡོན་ཏན་ནོ། །ཙཎ་ལ། ཨ་ཛཱུ་ཧ་བཏ། འགྲན་དུ་འཇུག་པ་ལ་སྦྱོར་བ་ལ་ཨིན྄འོ། །དིའོ། །ཙཎའོ། །སཾ་པྲ་སཱ་ར་ཎའོ། །འཕེལ་བའོ། །ཀཱ་རི་ཏ་དབྱིའོ། །ཨིན་དང་ཙཎ་ལ་མཚུངས་པ་མིན་པ་ཞེས་པས་ཐུང་ངུའོ། །ཧུ་གཉིས་བརྗོད། ཡང་བའི་རིང་པོའོ། །ཨ་བྷྱསྟའི་
ཡང་ངོ་། །ཨ་བྷྱསྟ་སྟེ་གཉིས་བརྗོད་པའི་ཧྭ་ཡ་ཏིའི་མཐར་གནས་པ་སཾ་པྲ་སཱ་ར་ཎར་འགྱུར་རོ། །ཛུ་ཧཱ་བ། ཧྭེཉ་འགྲན་པ། ཨཊའོ། །གཉིས་བརྗོད། འདིས་བྱིངས་ཀྱི་ཨ་བྷྱ་སྟ་དག་གི་སཾ་པྲ་སཱ་ར་ཎའོ། །འཕེལ་བའོ། །ཛོ་ཧུ་ཡ་ཏེ། ཤིན་ཏུ་འགྲན་པར་བྱེད་དོ་ལ་ཡ་སྒྲའོ། །
གཉིས་བརྗོད། སཾ་པྲ་སཱ་ར་ཎའོ། །ཙེ་ཀྲཱི་ཡི་ཏ་ལ་ཡོན་ཏན་ནོ་ཞེས་པས་ཡོན་ཏན་ནོ། །ནཱ་མིའི་མཐའ་རྣམས་ཀྱི་ཡཎ་ཨཱ་ཡི་ཞེས་པས་རིང་པོའོ། །ཛུ་ཧཱུ་ཥ་ཏི། སན྄འོ། །དབྱངས་མཐའ་རྣམས་ཀྱིས་ན྄ལའོ་ཞེས་པས་རིང་པོའོ། །དྷུ་ཏི་སྭ་པི་དག་གི་ཨ་བྷྱཱ་སའིའོ། །དྷུ་ཏེ་

གསལ་བ་ལའོ་ཞེས་པ་འདི་དང་། སྭ་བི་ཨིན་མཐའ་ཅན་འདིའི་ཨ་བྷྱཱ་སའི་མཐར་གནས་བ་སཾ་པྲ་སཱ་ར་ཎ་རུ་འགྱུར་རོ། །དི་དྷུ་ཏེ། བོ་རོ྅ཀྵའི་ཨེའོ། །གཉིས་བརྗོད་དོ། །སཾ་པྲ་སཱ་ར་ཎའོ། །དེ་དྷུ་ཏྱ་ཏེ། ཤིན་ཏུ་གསལ་བར་བྱེད་དོ་ལ་ཡ་སྒྲའོ། །གཉིས་བརྗོད། སཾ་པྲ་སཱ་ར་
ཎའོ། །ཙེ་ཀྲི་ཡི་ཏ་ལ་ཡོན་ཏན་ཞེས་པས་ཡོན་ཏན་ནོ། །དི་དྱོ་ཏི་ཥ་ཏེ། གསལ་བར་བྱེད་འདོད་དོ་ལ་སན྄འོ། །སུ་ཥྭ་པ་ཡེ་ཥ་ཏི། ཉིལ་དུ་འཇུག་པ་ལ་སྦྱོར་བར་འདོད་ལ་ཨིནའོ། །ཨའི་ཨུ་པ་དྷཱ་རིང་པོའོ། །སན྄འོ། །ཨིཊའོ། །གཉིས་བརྗོད། སཾ་པྲ་སཱ་ར་ཎའོ། །ཨ་
བྷྱཱ་ས་ཞེས་པ་ཅི་ཞེ་ན། དྱོ་ཏ་ཏེ། སྭཱ་བྱ་སྟེ། ཏེའོ། །ཨནྦི། སྭ་པི་ལས་བྱིངས་ཐམས་ཅད་པ་ལ་ཡཎའོ། །ཀཱ་རི་ཏ་དབྱིའོ། །སཾ་པྲ་སཱ་ར་ཎ་ལ་སཾ་པྲ་སཱ་ར་ཎ་ར་མ་ཡིན་ནོ། །སཾ་པྲ་སཱ་ར་ཎར་ཡོད་པར་སཾ་པྲ་སཱ་ར་ཎར་མི་འགྱུར་རོ། །བིདྷྱ་ཏེ། བིཙྱ་ཏེ། བྱ་དྷ་བསྣུན་པ་ལའོ། །བྱཙ་ཟ་བ་
ལའོ། །ཏེའོ། །ཡཎའོ། །གྲ་ཧི་ཛྱཱ་བ་ཡི་ཞེས་པས་སཾ་པྲ་སཱ་ར་ཎའོ། །སླར་ཡང་། ཨི་ཡིག་དང་ལྷན་ཅིག་བའི་བ་ཡིག་གི་མི་འགྱུར་རོ། །གལ་ཏེ་ཡང་བྱ་ཙ་དང་བྱ་ཙའི་རྣམ་འགྱུར་དག་བྱས་པ་དེ་ལྟར་ན་ཡང་ཕྱོགས་གཅིག་རྣམ་པར་འགྱུར་པ་ནི་གཞན་མ་ཡིན་པ་དང་འདྲའོ་ཞེས་པའི་ཚིག་
ལས་རྣམ་པར་འགྱུར་བ་དག་ལ་ཡང་ཐོབ་པ་ལའོ། །བ་ཤིའི་ཡང་ཙེ་ཀྲཱི་ཡི་ཏ་ལའོ། །བཤ་མཛེས་པ་ལའོ་ཞེས་པ་འདིའི་ཙེ་ཀྲཱི་ཡི་ཏ་ཕ་རོལ་ལ་སཾ་པྲ་སཱ་ར་ཎར་མི་འགྱུར་རོ། །གྲ་ཧི་ཛྱཱ་ཞེས་པས་ཐོབ་པ་ལའོ། །བཱ་བ་ཤྱ་ཏེ། ཤིན་ཏུ་མཛེས་སོ་ལ་ཡ་སྒྲའོ། །ཙེ་ཀྲཱི་ཡི་ཏ་ལ་ཞེས་པ་ཅི་ཞེ་ན།
ཨུ་ཤནྟི། གྲ་ཧི་ཛྱཱ་ཞེས་པས་སཾ་པྲ་སཱ་ར་ཎའོ། །པྲཙྪ་སོགས་རྣམས་ཀྱི་པ་རོ྅ཀྵ་ལའོ། །པྲཙྪ་ཤེས་པར་འདོད་པ། ཨོ་བྲཤྩུ་གཅོད། བྷསྫ་འཚེད་པ་ལའོ། །འདི་རྣམས་ཀྱི་པ་རོ྅ཀྵ་ལ་སཾ་པྲ་སཱ་ར་ཎར་མི་འགྱུར་ཏེ་སྔ་མ་བཞིན་ཐོབ་པ་ལའོ། །པ་པྲཙྪ་ཏུཿ། བ་བྲཤྩ་ཏུཿ། བ་
བྷྲཛྫ་ཏུཿ། པ་རོ྅ཀྵ་ལ་ཞེས་པ་ཅི་ཞེ་ན། པ་རཱི་པྲིཙྪ་ཏེ། ཡ་སྒྲའོ། །གྲ་ཧི་ཛྱཱ་ཞེས་པས་སཾ་པྲ་སཱ་ར་ཎའོ། །རྀ་ལྡན་པའི་རཱིའོ། །མཚམས་སྦྱོར་གྱི་ཡི་གེའི་མཐའ་ཅན་རྣམས་ཀྱི་བི་ཀ་ར་ཎ་མ་ཡིན་པ་ལ་ཨཱ་ཡིག་གོ། །གང་རྣམས་ཀྱི་མཐའ་མཚམས་སྦྱོར་གྱི་ཡི་གེ་ཡིན་པ་

དེ་རྣམས་ནི་མཚམས་སྦྱོར་གྱི་ཡི་གེའི་མཐའ་རྣམས་སོ། །བྱིངས་ཀྱི་མཚམས་སྦྱོར་གྱི་ཡི་གེའི་མཐའ་རྣམས་ཨཱ་ཡིག་ཏུ་བསྒྱུར་བར་འགྱུར་ཏེ། བི་ཀ་ར་ཎ་མིན་པ་ལ་ཏེ་བི་ཀ་ར་ཎའི་ཡུལ་ལ་མི་འགྱུར་རོ། །དེང་བསྲུང་བ་ལའོ། །དཻ་པ་དག་པ་ལའོ། །དོ་དུམ་
བུར་བྱེད་པ་ལའོ། །འདིས་ཐམས་ཅད་ཀྱི་ཨཱ་ཉིད་དོ། །དཱ་ཏཱ་མཚམས་སྦྱོར་གྱི་ཡི་གེའི་མཐའ་རྣམས་ཀྱི་ཞེས་པ་ཅི་ཞེ་ན། ཙེ་ཏཱ། སྟོ་ཏཱ། ཙིཉ་སོག་པ། ཥཱུཉ་བསྟོད་པ་ལའོ། །ཡོན་ཏན་ནོ། །མཚམས་སྦྱོར་གྱི་ཡི་གེའི་མཚན་ཉིད་ཅན་ཉིད་ཀྱི་ཕྱིར་ཡོན་ཏན་བྱས་པ་ལས་ཀྱང་
ཨཱ་ཉིད་དུ་མི་འགྱུར་རོ། །བི་ཀ་ར་ཎ་མིན་པ་ལ་ཞེས་པ་ཅི་ཞེ་ན། གླཱ་ཡ་ཏི། ཏྲཱ་ཡ་ཏེ། གླཻ་དགའ་བ་ཟད་པ། ཏྲཻ་སྐྱོང་། ཏི་དང་ཏེའོ། །ཨནྦི། ཨཻ་ཨཱ་ཡའོ། །བི་ཀ་ར་ཎ་མ་ཡིན་པ་ཞེས་པ་འདི་མིན་པར་དགག་པའོ། །དེ་ལ་ནི། བི་ཀ་ར་ཎ་དང་འདྲ་བར་གྱུར་པའི་རྐྱེན་ཕ་རོལ་
ལ་ཨ་ཉིད་དུ་འགྱུར་རོ། །དེ་ལས་ཀྱང་སུ་གླ་ཞེས་པ་འདིར་གླཱ་ཡ་ཏི་ལས། བུཎ་ཏྲྀ་ཙ་དག་གོ་ཞེས་པས་ཏྲི་ཙ་ལས་གྱུར་པའི་ཨཱ་ནད་པ་ལ་སུ་གླཏ་ཅེས་པ་མི་འདོད་པར་འགྱུར་རོ། །ཐལ་བར་འགྱུར་བས་དགག་པ་ལ་ནི་འདྲ་བ་མེད་པ་ལས་ཨ་ཉིད་ཀྱི་རྒྱུ་མཚན་མེད་དོ། །དེའི་ཕྱིར་
ཨཱ་ཡིག་གི་མཐའ་ཉིད་ཀྱི་རྒྱུ་མཚན་ཉིད་ལས། ཉེར་བསྒྱུར་ལ་ནི་ཨཱཏ་ལས་ཌའོ་ཞེས་པས་ཌའི་རྐྱེན་གྲུབ་པར་འགྱུར་རོ། །བྱཱ་ཡ་ཏིའི་པ་རོ྅ཀྵ་ལ་མ་ཡིན་ནོ། །བྱེ་ཉའི་པ་རོ྅ཀྵའི་ཡུལ་ལ་ཨ་ཉིད་དུ་མི་འགྱུར་རོ། །བི་བྱཱ་ཡ། བི་བྱ་ཡི་ཐ། བྱེཉ་སྡོམ་པར་བྱེད་པ་ལའོ། །ཨཊའོ། །
ཐལ྄འོ། །གཉིས་བརྗོད་དོ། །གཉིས་ཀ་རྣམས་ཀྱི་ཨ་བྷྱཱ་སའི་ཞེས་པས་སཾ་པྲ་སཱ་ར་ཎའོ། །ཨཊ་ལ་ཨའི་ཨུ་པ་དྷཱ་ཞེས་པས་འཕེལ་བ་སྟེ་ཨཻ་ཡིག་གོ། །ཨཻ་ཨཱ་ཡའོ། །ཐལ྄་ལ་ཨིཊའོ། །པ་རོ྅ཀྵ་ལ་ཞེས་པ་ཅི་ཞེ་ན། བྱ་ཏཱ། མཱི་ནཱ་ཏི་མི་ནོ་ཏི་དཱིང་རྣམས་ཀྱི་ཡོན་ཏན་དང་འཕེལ་བའི་
གནས་ལའོ། །ཡོན་ཏན་དང་འཕེལ་བ་དེ་རྣམས་ནི་ཡོན་ཏན་འཕེལ་བ་དག་གོ། །དེ་དག་གི་གནས་ནི་ཡོན་ཏན་དང་འཕེལ་བའི་གནས་སོ། །ཨ་ཡིག་གི་རྗེས་སུ་འཇུག་གོ། །མིཉ་འཚེ་བ་ལའོ། །ཌུ་མི་ཉ་འཕེན་པ་ལའོ། །དཱིང྄ ཟད་པ་ལའོ། །འདི་རྣམས་ཀྱི་ཨཱ་ཉིད་དུ་འགྱུར་རོ། །

ཡོན་ཏན་དང་འཕེལ་བའི་གནས་ཀྱི་རྐྱེན་ལའོ། །རྐྱེན་གང་ལ་ཡོན་ཏན་གྱི་གནས་པ་ཐོབ་ཅིང་འཕེལ་བའང་ཡིན་པ་དེ་ནི་ཡོན་ཏན་འཕེལ་བའི་གནས་སུ་བརྗོད་པར་བྱའོ། །མཱ་ཏཱ། མཱ་སྱ་ཏི། ཨ་མཱ་སྱ་ཏ། པྲ་མཱ་ཏཱ། པྲ་མཱ་སྱ་ཏི། པྲ་མཱ་སྱཏ྄། དཱ་ཏཱ། ད་སྱ་ཏི། ཨ་ད་སྱཏ྄། ཤསྟ་
ནཱིའི་ཏཱ་དང་། བྷ་བིཥྱནྟཱིའི་སྱ་ཏི་དང་། བྱ་བ་ཤོར་བའི་སྱཏ྄འོ། །འདིས་ཨཱ་ཉིད་དོ། །འདིར་ཐམས་ཅད་ལ་ཡོན་ཏན་ཐོབ་བའོ། །འཕེལ་བའི་གནས་ལ། མཱ་པ་ཡ་ཏི། པྲ་མཱ་པ་ཡ་ཏི། དཱ་པ་ཡ་ཏི། འཚེ་བ་ལ་སྦྱོར་དུ་འཇུག་གོ། །དེ་བཞིན་དུ་འཕེན་དུ་འཇུག་གོ། །ཟད་དུ་
འཇུག་གོ་ཞེས་ཨིནའོ། །འདིས་ཨཱ་ཉིད་དོ། །ཨརྟི་ཧྲཱི་ཙླི་ཞེས་པས་པ་ཡིག་ཨཱ་ག་མའོ། །འདིར་ཨའི་ཨུ་པདྷཱ་ཞེས་པས་འཕེལ་བ་ཐོབ་བོ། །ཡོན་ཏན་དང་འཕེལ་བའི་གནས་ལ་ཞེས་པ་ཅི་ཞེ་ན། མཱི་ཡ་ཏེ། པྲ་མཱི་ཡ་ཏེ། དཱི་ཡ་ཏེ། པྲ་དཱི་ཡ་ཏེ། བྱིངས་ཐམས་ཅད་པ་ལ་
ཡཎའོ། །སན྄་ལ་དཱིངའོ། །དཱིང་ཟད་པ་ལའོ་ཞེས་པ་འདིའི་སན་ཕ་རོལ་ལ་ཨཱ་ཉིད་དུ་འགྱུར་རོ། །ཨིཊ་མེད་པ་ནཱ་མི་མཐའ་རྣམས་ཀྱི་ཞེས་པ་འདིས་དཱིང་ལས་སན་ཕ་རོལ་ལ་ཡོན་ཏན་མེད་པའི་གནས་ཉིད་ཀྱི་ཕྱིར་སྔ་མས་ཨཱ་ཉིད་དུ་མི་འགྲུབ་བོ་ཞེས་སྨྲའོ། །ཨུ་བ་དི་དཱ་ས་ཏེ། དཱི་དྲའོ། །
ཨུཔ་སྔོན་དུའོ། །ཉེ་བར་ཟད་པར་འདོད་དོ་ཞེས་སན྄འོ། །ཨཱ་ཉིད་དོ། །གཉིས་བརྗོད། སན྄་ལ་ཨའི་ཡི་གེ་ཞེས་པས་ཨི་ཉིད་དོ། །སན྄་མཐའ་ལས་སྔ་མ་བཞིན་ནོ་ཞེས་པས་ཨཱཏྨ་ནེའི་ཚིག་སྟེ། སན྄་ལ་ཞེས་པ་ཅི་ཞེ་ན། དེ་དི་ཡ་ཏེ། ཤིན་དུ་ཟད་དོ་ལ་ཡ་སྒྲའོ། །སྨིང྄།
ཛི། ཀྲི། ཨིང྄་རྣམས་ཀྱི་ཨིན་ལའོ། །སྨིང་ཅུང་ཟད་འཛུམ་པ་ལའོ། །ཛི་རྒྱལ་བ་ལའོ། །ཌུ་ཀྲཱིཉ་རྫས་བརྗེ་བ་ལའོ། །ཨིང྄་ཀློག་པ་ལའོ། །འདི་རྣམས་ཀྱི་ཨན་ཕ་རོལ་ལ་ཨ་ཉིད་དུ་འགྱུར་རོ། །བིསྨཱ་བ་ཡ་ཏེ། བི་ཛཱ་པ་ཡ། བི་ཀྲཱ་པ་ཡ་ཏི། ཨ་དྱཱ་པ་ཡ་ཏི། ཨ་མཚན་
ལ་སྦྱོར་རོ། །དེ་བཞིན་དུ་རྒྱལ་དུ་འཇུག་གོ། །ཉོ་རུ་འཇུག་གོ། །ཀློག་ཏུ་འཇུག་གོ་ཞེས་པས་ཨི་ན྄འོ། །ཨ་ཉིད་དོ། །ཨརྟི་ཧྲི་ཙླི་ཞེས་པས་བ་ཡིག་ཨཱ་ག་མའོ། །ཨིན་ལ་ཞེས་པ་ཅི་ཞེ་ན། བི་སྨེ་ཏཱ། བི་ཛེ་ཏཱ། བི་ཀྲེ་ཏཱ། ཨ་དྷྱེ་ཏཱ། འཇིགས་པའི་རྒྱུའི་དོན་ལ་

སྨིང྄འི་ཨཱ་ཉིད་དུ་བཤད་པར་བྱ་སྟེ། དེས་ན་བྱེད་པ་ལས་འཇིགས་པ་ལ་མི་འགྱུར་ཏེ། ཀུཉྩི་ཀ་ཡཱ་བིསྨཱ་ཡ་ཡ་ཏི། ཨི་ནའོ། །འཕེལ་བའོ། །ཨཱཏྨ་ནེའི་ཚིག་ཀྱང་འཇིགས་པའི་རྒྱུ་ཉིད་ལ་འདོད་དོ། །བཱི་ལཱི་བྷེ་ཞེས་པ་འདི་རྣམས་ཀྱི་ཨ་ཉིད་དུ་ཡང་ན་
འདོད་དེ། བཱ་བ་ཡ་ཏི། བི་ལཱ་བ་ཡ་ཏི། མུཎྜོ་བྷཱ་པ་ཡ་ཏི། དཱི་འགྲོ། །ལཱིང་སྦྱོར་བ། ཉི་བྷཱི་འཇིགས་པ། འགྲོ་རུ་འཇུག་པ་ལ་སྦྱོར་རོ། །དེ་བཞིན་དུ་སྦྱོར་དུ་འཇུག་གོ། །འཇིགས་སུ་འཇུག་གོ་ལ་ཨིན྄འོ། །ཨ་ཉིད་དོ། །སྔ་མ་བཞིན་དུ་བ་ཡིག་གོ། །ཕྱོགས་
གཅིག་ལ། བ་ཡ་ཡ་ཏི། བི་ལཱ་ཡ་ཡ་ཏི། དེས་ན་འདིར་མི་འགྱུར་ཏེ། དཎྜོ་ན་བྷཱ་ཡ་ཡ་ཏི། ཨཱཏྨ་ནེའི་ཚིག་ཀྱང་འཇིགས་པའི་རྒྱུ་ཉིད་དོ། །སིདྡྷྱ་ཏིའི་ཨི་ཡིག་ཨ་ཉིད་དུ་འཇིག་རྟེན་ཕ་རོལ་ཅན་མིན་པ་ལ་བཤད་པར་བྱ་སྟེ་ཨིན་ཕ་རོལ་ལའོ། །པཱ་ཡཾ་སཾ་སཱ་དྷ་ཡ་ཏི། བྷོཀྵྱ་
ཞེས་པ། ཥི་དྷུ་མཉེས་པ་ལའོ། །མཉེས་པར་བྱ་བ་ལ་འཇུག་པ་ལ་སྦྱོར་རོ་ཨིན྄འོ། །ཨ་ཡིག་གི་ཨཱ་ཉིད་དོ། །འཇིག་རྟེན་ཕ་རོལ་ཅན་མིན་པ་ཞེས་པ་ཅི་ཞེ་ན། བཱ་ཡ་སཾ། སེ་དྷ་ཡ་ཏི། བི་པྲེ་བྷྱོ་དཱ་སྱ་མི། ཞེས་པའོ། །སྲྀ་ཛི་དྲི་ཤ་དག་གི་དབྱངས་ལས་ཕ་རོལ་ཏུ་ཨ་ཡིག་ཨཱ་
ག་མ་ཏེ་དྷུཊ་ལ་ཡོན་ཏན་དང་འཕེལ་བ་གནས་པ་ལའོ། །སྲྀཛ་སྤྲོ་བར་བྱེད་པའོ། །དྲྀ་ཤིར་ལྟ་བ་ལའོ་ཞེས་པ་འདི་དག་གི་དབྱངས་ལས་ཕ་རོལ་དུ་དྷུཊ་ལ་ཡོན་ཏན་དང་འཕེལ་བའི་གནས་ཕ་རོལ་ལ་ཨ་ཡིག་ཨཱ་ག་མར་འགྱུར་རོ། །སྲཥྚཱ། སྲཀྵྱ་ཏི། ཨ་སྲཀྵྱཏ྄། དྲཥྟ། དྲཀྵྱ་ཏི།
ཨ་དྲཀྵ་ཏ། ཏཱ་དང་སྱ་ཏི་དང་སྱཏ྄འོ། །ཨ་ཡིག་ཨཱ་ག་མའོ། །ར་ཉིད་དོ། །སྲྀ་ཛིའི་བྷྀ་ཛ་སོགས་རྣམས་ཀྱི་ཥའོ། །དྲྀ་ཤའི་ཚ་ཤ་དག་གིའང་ངོ་ཞེས་པས་ཥའོ། །ཥ་ཌྷ་དག་གི་ས་ལ་ཀའོ་ཞེས་པས་ཀའོ། །སྲཥྚ། པྲཥྚུཾ། སྲཥྚ་བྱཾ། དྲཥྚ། དྲཥྚུཾ། དྲཥྚ་བྱཾ། འདོད་པར་བྱེད་
དོ། །ལྟ་བར་བྱེད་དོ་ཞེས་པ་ལ། ཝུཎ་ཏྲྀ་ཙ་དག་གོ་ཞེས་པས་ཏྲྀ་ཙའོ། །བྱེད་པ་པོ་གཅིག་པ་རྣམས་ལ་འདོད་པའི་དོན་རྣམས་ལ་ཏུ་མའོ། །སྤྲོ་བར་བྱའོ། །བལྟ་བར་བྱའོ་ཞེས་ཏ་བྱ་ཨཱ་ནི་ཡ་དག་གོ་ཞེས་པས་ཏ་བྱའོ། །ཨ་ཡིག་ཨཱ་ག་མའོ། །སྔ་མ་བཞིན་དུ་ཥ་ཉིད་དོ། །འཕེལ་

བའི་གནས་ལ། ཨ་སྲཀྵིཏ། དིའོ། །ཨ་དྲཀྵི་ཏ། དིའོ། །ཨདྱ་ནཱི་ལས་སི་ཙའོ་ཞེས་པས་སི་ཙའོ། །སི་ཙ་ལ་ཞེས་པས་ཨཱིཊའོ། །ཨ་ཡིག་ཨཱ་ག་མའོ། །ཨའི་རིང་པོའོ། །སྔ་མ་བཞིན་དུ་ཥ་ཉིད་དང་ཀ་ཉིད་དོ། །འདིར་གསལ་བྱེད་མཐའ་རྣམས་ཀྱི་ཨིཊ་མེད་པའོ་ཞེས་པས་
འཕེལ་བ་ཐོབ་བ་ལའོ། །ཌྷུཊ་ལ་ཞེས་པ་ཅི་ཞེ་ན། བི་སརྫ་ཡ་ཏི། འདོར་དུ་འཇུག་པ་ལ་སྦྱོར་རོ། །དེ་བཞིན་དུ་ལྟ་རུ་འཇུག་པའོ་ཞེས་པས་ཨིན྄འོ། །ནཱ་མིའི་ཨུ་པ་དྷཱའི་ཞེས་པས་ཡོན་ཏན་ནོ། །འཕེལ་བའི་གནས་ལ་ཞེས་པ་ཅི་ཞེ་ན། སྲྀཀྵཱིཥྚ། དྲྀཀྵཱིཥྚ། སཱིཥྚའོ། །
སྔ་མ་བཞིན་དུ་ཥ་ཉིད་དང་། ཀ་ཉིད་དོ། །ཨཱ་དྱ་ཏ་ནཱི་དང་། ཨཱ་ཤཱི་ཥ་དག་གི་ཨཱཏྨ་ནེ་ལ་ཞེས་པས་ཡོན་ཏན་མེད་དོ། །བྱིངས་རྀ་ཡིག་ཨུ་པ་དྷཱ་ཅན་ལས་ཨ་ཡིག་ཨཱ་ག་མ་ཡང་ན་འདོད་དེ། དྷུཊ་ལ་ཡོན་ཏན་དང་འཕེལ་བའི་གནས་ཕ་རོལ་ལའོ། །སྤྲཥྚཱ། སྤརྵྚ། སྤྲྀ་ཤ་རེག་
པ། ཤྭསྟ་ནཱིའི་ཏཱའོ། །ཨ་ཡིག་ཨཱ་ག་མ་ཡང་ནའོ། །ཕྱོགས་གཅིག་ལ་ཡོན་ཏན་ནོ། །ཚ་ཤ་དག་གིའང་ངོ་ཞེས་ཥའོ། །ཨ་སྲཱཀྵཱིཏ྄། ཨ་སྤཱརྐྵཱིཏ྄། དིའོ། །བཤད་པ་ལས་སི་ཙའོ། །ཨ་ཡིག་ཨཱ་ག་མའོ། །ཨའིའང་རིང་པོའོ། །གསལ་བྱེད་མཐའ་རྣམས་ཀྱི་
ཨིཊ་མེད་པའི་ཞེས་པས་འཕེལ་བ་སྟེ་ཨཱར྄འོ། །སྔ་མ་བཞིན་དུ་ཥའོ། །ཥཌྷ་དག་གི་ཞེས་པས་ཀའོ། །ཨིཊའོ། །དེ་བཞིན་དུ། ཏྲཔྟཱ། ཏརྤྡཱ། ར་དྷ་སོགས་ཉིད་ལས་ཨིཊ་རྣམ་པར་བརྟག་པའོ། །ཨ་ཏྲཱ་པྶཱིཏ྄། ཨ་ཏཱརྤྶིཏ། ཨཏྲ་པྶཱིཏ྄། ཨཏྲཱརྤྶཱིཏ། ཏྲྀཔ་ཚིམ་པ་ལའོ། །
ཏྲྀཔ་དག་པ་ལའོ། །དིའོ། །སི་ཙ་ལ་ཨ་ཡིག་ཨཱ་ག་མ་ཡང་ནའོ། །འདིར་འཕེལ་བ་དང་རིང་པོ་དག་བཤད་པར་བྱའོ། །དཱིང྄འི་དབྱངས་དང་པོ་ཡོན་ཏན་མེད་པ་ལ་ཡའོ། །དཱིང྄འི་དབྱངས་དང་པོ་ཅན་ཡོན་ཏན་མེད་པ་ཕ་རོལ་ལ་ཡ་ཡིག་ཨཱ་ག་མར་འགྱུར་རོ། །སྔ་མི་བརྩེགས་པ་མིན་པའི་
ཨིའི་ཡི་གེ་ཞེས་པས་ཡ་ཉིད་ཐོབ་པ་ལའོ། །ཨུ་པ་དི་དཱི་ཡཱི་ཏེ། དིང་ཟད་པ་ལའོ། །ཨུས་སྔོན་དུའོ། །ཨ་དང་ཨཱ་ཏེའོ། །ཡ་ཡིག་ཨཱ་ག་མའོ། །གཉིས་བརྗོད། ཐུང་ངུའོ། །དབྱངས་དང་པོ་ཅན་ཞེས་པ་ཅི་ཞེ་ན། དཱི་ཡ་ཏེ། དཱི་བ་སོགས་ལས་ཡནའོ། །ཡོན་ཏན་

མེད་པ་ཞེས་པ་ཅི་ཞེ་ན། དཱ་ནཾ། དཱིང྄་ཡུཊཱང་ངོ་ཞེས་པས་ཡུཊའོ། །ཡུ་བུ་ཛྷ་ཞེས་པ་ཨ་ན་རུ་བསྒྱུར་རོ། །མྦི་ནཱ་ཏི་མི་ནོ་ཏི་དི་དྲ་རྣམས་ཀྱི་ཞེས་པས་ཨཱ་ཉིད་དོ། །བྱིངས་ཐམས་ཅད་པ་མ་ཡིན་པ་ལ་ཨ་དབྱིའོ། །དབྱངས་དང་པོ་ཅན་ཡོན་ཏན་མེད་པ་ལ་ཞེས་པ་ཁོ་
ནའོ། །བྱིངས་ཀྱི་ཨ་ཡིག་དབྱངས་དང་པོ་ཅན་ཡོན་ཏན་མེད་པ་བྱིངས་ཐམས་ཅད་པ་མིན་པ་ཕ་རོལ་ལ་དབྱི་བར་འགྱུར་རོ། །པ་པ་ཏུཿ། པ་པུཿ། ད་ད་ཏུཿ། ད་ཏུཿ། པཱ་འཐུང་བ། ཌུ་དཱཉ་སྦྱིན་པ། གཉིས་བརྗོད་པའི་རྒྱུ་མཚན་དབྱངས་ལ་ཞེས་པའི་ཚིག་ལས་སྔ་མའི་གཉིས་
བརྗོད་དོ། །དེ་ནས་ཨཱ་དབྱིའོ་ཨཱ་ཞེས་པ་ཅི་ཞེ་ན། པོ་ཙེ་ཏུཿ། གསལ་བྱེད་གཅིག་པུ་པའི་དབུས་ཞེས་པས་ཨེ་ཉིད་དང་ཨ་བྷྱ་ས་དབྱིའོ། །དབྱངས་དང་པོ་ཅན་ཞེས་པ་ཅི་ཞེ་ན། གླཱ་ཕ་ཏེ། བྱིངས་ཐམས་ཅད་པ་ལ་ཡཎའོ། །ཡོན་ཏན་མེད་པ་ཞེས་པ་ཅི་ཞེ་ན། ད་ནཱཾ། ཌུ་དཱཉ་སྦྱིན།
ཡུཊའོ། །བྱིངས་ཐམས་ཅད་པ་མ་ཡིན། ཞེས་པ་ཅི་ཞེ་ན། ཡཱནྟི། ཡཱ་ཐོབ་པ་ལའོ། །ཨིཊ་ལའང་ངོ་། །ཨཱ་ཡིག་གི་ཨིཊ་ཕ་རོལ་ལའང་དབྱི་བར་འགྱུར་རོ། །འདི་ནི་ཡོན་ཏན་དང་བཅས་པའི་དོན་ཏོ། །པ་པི་ཐ། ད་དི་ཐ། ཀྲྀ་སྲྀ་བྷྲྀ་བྲྀ་ཞེས་པའི་ངེས་པ་ལས་ཨིཊའོ། །
དཱ་མཱ་གཱ་ཡ་ཏི་པི་པ་ཏི། སྠཱ་སྱ་ཏི། ཛ་ཧཱ་ཏི་རྣམས་ཀྱི་གསལ་བྱེད་དང་པོ་ལ་ཨཱི་ཡིག་གོ། །བྱིངས་ཐམས་ཅད་པ་མ་ཡིན་པ་ལ་དང་ཡོན་ཏན་མེད་ཅེས་པ་འཇུག་གོ། །དཱ་ཞེས་པ་དཱའི་མིང་ཅན་རྣམས་གཟུང་ངོ་། །མཱ་འཇལ་བའོ། །མཱང་ཚད་ལའོ། མེང་བརྡབས་ལན་
ལའོ་ཞེས་པ་ཡང་ནའོ། །གཱ་ཡ་ཏི་ཞེས་པས་གཻ་སྒྲ་ལའོ། །གཱང་འགྲོ་བ་ལའོ་ཞེས་པས་ཡང་ནའོ། །ཤྟིཔ་ངེས་པར་བསྟན་པའི་ཤུགས་ལས་དངོས་པོ་དང་ལས་ཀྱི་དོན་མ་ཡིན་པ་ལས་ཀྱང་བྱིངས་ཐམས་ཅད་པ་མ་ཡིན་པ་ལ་ཡཎའོ། །ཨཱི་ཉིད་ཀྱི་དངོས་པོ་ལ་སྟེ། པཱ་འཐུང་བ།
ཥྛཱ་འགྲོ་བ་ལ་མི་འཇུག་པ་ལའོ། །སྱཏི་ཞེས་པ་ཥོ་མཐའི་ལས་ལའོ། །ལས་ལ་ཤྟིཔ྄འོ། །དི་བ་སོགས་ལས་ཡན྄འོ། །ཡན་ལ་ཨོ་ཡིག་གིའོ་ཞེས་པས་ཨོ་ཡིག་དབྱིའོ། །ཨོ་ཧཱཀ་འདོར་བ་ལའོ། །འདི་རྣམས་དཱ་མཱ་ག་ཡ་ཏི། པི་བ་ཏི། སྠཱ། སྱ་ཏི། ཛ་ཧཱ་ཏི་རྣམས་ཏེ།

འདི་རྣམས་ཀྱི་ཨི་ཉིད་དུ་འགྱུར་ཏེ། བྱིངས་ཐམས་ཅད་པ་མ་ཡིན་པ་གསལ་བྱེད་དང་པོ་ཅན་ཡོན་ཏན་མེད་པ་ཕ་རོལ་ལའོ། །དཱི་ཡ་ཏེ། དྷཱི་ཡ་ཏེ། མཱི་ཡ་ཏེ། གཱི་ཡ་ཏེ། སྠཱི་ཡ་ཏེ། ཨ་བ་སཱི་ཡ་ཏེ། ཧཱི་ཡ་ཏེ། ཏེའོ། །ཡཎའོ། །འདིས་ཨཱི་ཉིད་དོ། །དེ་དཱི་ཡ་ཏེ། དེ་དྷཱི་ཡ་
ཏེ། །མེ་མཱི་ཡ་ཏེ། ཛེ་གཱི་ཡ་ཏེ། པེ་པཱི་ཡ་ཏེ། ཏེཥྛཱི་ཡ་ཏེ། ཨ་བ་སེ་ཥཱི་ཡ་ཏེ། ཛེ་ཧཱི་ཡ་ཏེ། ཤིན་དུ་སྦྱིན་ནོ། །སྐྱོང་ངོ་། །འཇལ་ལ། །སྨྲའོ། །འཐུང་ངོ་། །གནས་སོ། །ལྷག་མའོ། །གཏོང་ངོ་ལ་ཡ་སྒྲའོ། །ཨཱི་ཉིད་དོ། །གཉིས་བརྗོད། ཙེ་ཀྲཱི་ཡི་ཏ་ལ་
ཡོན་ཏན་ནོ་ཞེས་པས་ཡོན་ཏན་ནོ། །ཛ་ཧཱ་ཏི་རྣམས་ཀྱི་ཞེས་པ་ཅི་ཞེ་ན། དཱ་ཡནྟེ་བྲཱི་ཧ་ཡཿ། དཱཔ྄་གཅོད་པ། ཨནྟེའོ། །ཡཎའོ། །གསལ་བྱེད་དང་པོ་ཅན་ལ་ཞེས་པ་ཅི་ཞེ་ན། ད་དེ། ཌུ་ད་ཉ་སྦྱིན། པ་རོ྅ཀྵའི་ཨའོ། །གཉིས་བརྗོད། མཚམས་སྦྱོར་གྱི་ཡི་གེ་ལའང་
ངོ་ཞེས་པས་ཨཱ་དབྱིའོ། །ཡོན་ཏན་མེད་པ་ཞེས་པ་ཅི་ཞེ་ན། དཱཏ་བྱིངས་ཐམས་ཅད་པ་མ་ཡིན་པ་ཞེས་པ་ཅི་ཞེ་ན། མཱ་ཏཱཿ། ཏས྄འོ། །ཨནྦི། ཨད་སོགས་ལས་འཇིག་གོ། །པི་བ་ཏི་ཞེས་བསྟན་པས་ནི། པཱ་ཏི་བསྲུང་བའི་དོན་ལ་མི་འཇུག་གོ་ཞེས་པའི་དོན་ནོ། །དེས་ན།
པཱ་ཡ་ཏེ། སྱ་ཏི་ཞེས་པས་བསྟན་པ་ནི། ཀྵཻ་སཻ་ཛཻ་ཟད་པ་ལའོ་ཞེས་པ་འདི་ལ་མི་འཇུག་པའི་དོན་དུའོ། །དེས་ན། སཱ་ཡ་ཏེ། ཛ་ཧཱ་ཏི་ཞེས་ངེས་པར་བསྟན་པས་ནི། ཨོ་ཧཱང་འགྲོ་བ་ལའོ་ཞེས་པ་འདིའི་མི་འགྱུར་ཏེ། ཧཱ་ཡ་ཏེ། ཨཱ་ཤི་ཥ་ལ་ཨེ་ཡིག་གོ། །དཱ་དང་མཱ་དང་གཱ་ཡ་
ཏི་དང་སྠཱ་དང་སྱ་ཏི་དང་ཛ་ཧཱ་ཏི་ཞེས་པ་འདི་རྣམས་ཀྱི་ཨེ་ཡིག་ཏུ་བསྒྱུར་བར་འགྱུར་ཏེ། ཨཱ་ཤཱི་ཥ་ལ་ཡོན་ཏན་མེད་པ་ཕ་རོལ་ལའོ། །ཨཱི་ཉིད་ཐོབ་པ་ལའོ། །དེ་ཡཱཏ྄། དྷེ་ཡཱཏ྄། མེ་ཡཱཏ། གེ་ཡཱཏ། པེ་ཡཱཏ། སྠེ་ཡཱཏ། ཨ་བ་སེ་ཡཱཏ། ཧེ་ཡཱཏ། ཡོན་ཏན་མེད་པ་ཞེས་པ་ཅི་
ཞེ་ན། དཱསཱིཥྚ། བརྩེགས་པ་དང་པོའི་བྱིངས་ཐམས་ཅད་པ་ཨཱ་ཡིག་མཐའ་ཅན་སྠའ་སྤངས་པའི་ཨཱ་ཤིཥ་ལ་ཡོན་ཏན་མེད་པ་ཕ་རོལ་ཨེ་ཉིད་དུ་ཡང་ན་བཤད་པར་བྱ་སྟེ། གླེ་ཡཱཏ྄། བརྩེགས་པའི་དང་པོ་ཞེས་པ་ཅི་ཞེ་ན། ཡཱ་ཡཱཏ། སྠཱ་སྤངས་བའི་ཞེས་པ་ཅི་ཞེ་ན།

སྠེ་ཡཱཏ། བྱིངས་རྣམས་ཀྱི་བརྩེགས་པ་ཁྱད་པར་བྱ་སྟེ། དེས་ན་འདི་མི་འགྱུར་ཏེ། ནིརྻ་ཡཱཏ། ཡཱ་ཏེ། སིཙ་ཡ་བྷྱ་སྟ་བིད྄་ཨཏ྄་རྣམས་ལས་བྷཱུ་མ་ཡིན་པའི་ཨ་ནའི་ཨུ་སའོ། །སིཙ་དང་ཨ་བྷྱསྟ་དང་བིད་དང་ཨཱ་ཏེ་དེ་རྣམས་ནི་སིཙ་ཨ་བྷྱསྟ་བིད྄ཨཱཏ྄་རྣམས་སོ། །བྷཱུ་
མིན་པ་ནི་བྷཱུ་མ་ཡིན་པའོ། །སིཙ་དང་ཨ་བྷྱསྟ་དང་བིད་དང་ཨཱ་ཡིག་མཐའ་ལས་ཕ་རོལ་གྱི་ཨན་ཨུས་སུ་བསྒྱུར་བར་འགྱུར་ཏེ། བྷཱུ་མ་ཡིན་པ་སྟེ་བྷཱུ་ཕ་རོལ་གྱི་ནི་མི་འགྱུར་ཏེ། རེ་ཞིག་སིཙ་ལ། ཨ་ཀཱཪྵཿ། ཨ་ཧཱཪྵུ། ཨ་དྲཀྵུ། ཀྲྀཉ་བྱེད། ཧྲྀཉ་འཕྲོག། དྲི་ཤིར྄་ལྟ།
ཨཱ་དྱ་ཏ་ནཱིའི་ཨ་ན྄འོ། །སི་ཙའོ། །སིཙ་ལ་རསྨཻ་ལའོ་ཞེས་པས་འཕེལ་བ་ལའོ། །དྲི་ཤིའི་སྲྀ་ཛི་དྲྀ་ཤ་དག་གི་ཞེས་པས་ཨ་ཡིག་ཨཱ་ག་མའོ། །འདིས་རིང་པོའང་ངོ་། །ཚ་ཤ་དག་གིའང་ངོ་ཞེས་པས་ཥའོ། །ཥ་ཌྷ་དག་གི་ཞེས་པས་ཀའོ། །ཨན྄་ཨུས་སོ། །ཨ་བྷྱསྟ་ལས།
ཨ་བི་བྷ་ཡུཿ། ཨ་ནེ་ནི་ཛུཿ། ཨ་ཛཱ་ག་ཏུཿ། ཉི་བྷི་འཇིགས་པ། ཎི་ཛིར་གཙང་བ་དང་དག་པ་དག་ལའོ། །ཛི་གྲི་སད་པ། ཧྱསྟ་ནཱིའི་ཨན྄འོ། །ཨནྦི། ཛུ་ཧོ་ཏི་ལས་འཇིག་གོ། །ཛཱ་གྲྀའི་ཨད་སོགས་ལས་འཇིག་གོ། །ཛུ་ཧོ་ཏི་སོགས་གཉིས་བརྗོད། །གཉིས་པ་བཞི་པ་ཞེས་
པས་བྷའི་བའོ། །ཐུང་ངུའོ། །ནི་ཛི། བི་ཛི། བི་ཥ་རྣམས་ཀྱིས་ཞེས་པས་ནི་ཛིའི་ཨ་བྷྱཱ་སའི་ཡོན་ཏན་ནོ། །ཨན྄་ཨུས྄འོ། །ཨ་བྷྱསྟ་རྣམས་ཀྱི་ཨུས་ལའོ་ཞེས་པས་ཡོན་ཏན་ནོ། །ཨ་བྷྱ་སྟའིའང་ཨུ་བ་དྷཱ་ཞེས་པས་ནི་ཛིའི་ཡོན་ཏན་མེད་དོ། །དེ་བཞིན་དུ། ཨཻ་ཡ་ཏུཿ།
རྀ་འགྲོ་བ། ཧྱསྟ་ནིའི་ཨན྄འོ། །ཨནྦི། ཛུ་ཧོ་ཏིས་འཇིག་གོ། །ཛུ་ཧོ་ཏི་སོགས་རྣམས་ཀྱིས་གཉིས་བརྗོད་དོ། །རྀའི་ཡི་གེ་ཨཱ་ཡིག་གོ། །ཨརྟི་བི་བརྟི་དག་གི་འང་ངོ་ཞེས་པས་ཨི་ཉིད་དོ། །ཨ་བྷྱ་སའི་འདྲ་བའི་ཡི་གེ་མིན་པ་ལ་ཞེས་པས་ཨི་ཡའོ། །ཨ྄ན་ཨུསའོ། །
ཨ་བྷྱསྟ་རྣམས་ཀྱི་ཨུས་ལའོ་ཞེས་པས་ཡོན་ཏན་ནོ། །དབྱངས་དང་པོ་རྣམས་ཀྱི་དང་པོའི་འཕེལ་བའོ་ཞེས་པས་ཨེ་ཡིག་གོ། །བིད྄་ཀྱིས། །ཨ་བི་དུཿ། ཧྱསྟ་ནཱིའི་ཨན྄འོ། །ཤེས་པའི་དོན་གྱི་བིད་བཟུང་སྟེ། ཡོད་པའི་དོན་ནི་མིན་ལ། རྣམ་པར་དཔྱོད་པའི་དོན་ཡང་

མིན་ཏེ། དེ་དག་ཨཏྨཱ་ནེའི་ཚིག་ཅན་ཉིད་ཀྱི་ཕྱིར་སྲིད་པ་མིན་ནོ། །གཉིས་ཀའི་ཚིག་ཅན་ཐོབ་པའི་དོན་ཡང་གཟུང་བར་མི་བྱ་སྟེ། ཨ྄ནྦི་ཀ་ར་ཎ་ཕ་རོལ་གྱི་ཨ་ནའི་ངེས་བཟུང་མེད་པ་ལས་སོ། །ཨཱང་མཐའ་ལས། ཨ་ཡུཿ། ཨཏུཿ། ཡཱ་ཐོབ་པ་ལའོ། །རཱ་ལེན་པ་ལའོ། །
ཧྱསྟ་ནཱིའི་ཨན྄འོ། །ཨུས་སུ་བསྒྱུར་རོ། །ཨ་ཡིག་གི་ཨུས་ལ་ཞེས་པས་ཨ་ཡིག་དབྱིའོ། །ཨཱཏ་མཐའ་དང་དྭིཥའི་ཕ་རོལ་ཧྱསྟ་ནཱིའི་ཨན་ཨུས་སུ་བསྒྱུར་བ་ཡང་ན་བཤད་པར་བྱ་སྟེ། ཨ་ཡུཿ། ཨ་ཡཱ་ནཿ། ཨ་དྭི་ཥུཿ། ཨ་དྲི་ཥ་ན། བྷཱུ་མ་ཡིན་པ་ཞེས་པ་ཅི་ཞེ་ན། ཨ་
བྷུ་ཝན྄། ཨཱ་དྱ་ཏ་ནཱིའི་ཨན྄འོ། །སིཙའོ། །ཨིཎ་སྠཱ་དཱ་པི་པ་ཏི་བྷུ་རྣམས་ལས་ཞེས་པས་འཇིག་གོ། །བྷཱུའི་བྷ་མཐའོ། །འདིར་སིཙ་འཇིག་པར་བྱས་པ་ལ་ཡང་རྐྱེན་ཕྱིས་པའོ་ཞེས་པའི་ཚིག་ལས་ཨུས་སུ་བསྒྱུར་བ་ཐོབ་པར་མི་འགྱུར་ཏེ། འཇིག་གོའི་ཕྱིས་པ་ལ་ཞེས་པ་འདི་ཡང་
ཉེ་བར་གནས་པ་མ་ཡིན་ཏེ། ཅིའི་ཕྱིར་ཞེ་ན། གང་གི་ཕྱིར་རྐྱེན་ཕ་རོལ་ལ་རང་བཞིན་གྱིས་གང་ཐོབ་པ་དེ་འདིས་འགེགས་པ་སྟེ། རྐྱེན་ལས་ཕ་རོལ་གྱི་གང་ཐོབ་པ་དེ་ཡང་ནི་མིན་ནོ། །འདིར་ཡང་རྐྱེན་སི་ཙ་ལས་ཕ་རོལ་གྱི་ཨན་གྱི་བྱ་བ་ཞེས་པ་དེ་འཇིག་གོའི་ཕྱིས་པ་ལ་ཞེས་པ་འདིས་
ཅི་ལྟར་འགེགས་པར་འགྱུར། །ཨིཙ་ལས་ཏ་དབྱིའོ། །ཨིཙ་ལས་ཕ་རོལ་གྱི་ཏའི་རྐྱེན་དབྱི་བར་འགྱུར་རོ། །འགའ་ཞིག་སྔ་མ་དང་ཕྱི་མ་དག་གོ་ཞེས་པས་ཐམས་ཅད་ཀྱིའོ། །ཨ་ཀཱ་རི། ཨ་ཧཱ་རི། ཨ་པཱ་ཐི། ཨཱ་དྱ་ཏ་ནཱིའི་ཨཱཏྨ་ནེའི་ཏའོ། །དངོས་པོ་དང་ལས་དག་ལའང་
ངོ་ཞེས་པས་ཨིཙའོ། །ཙ་ཡིག་འདིའི་དོན་ཏོ། །འདིས་ཏ་དབྱིའོ། །ཨའི་ཨུ་པ་དྷཱ་ཞེས་པས་འཕེལ་བ་དང་རིང་པོའོ། །སོ་སོར་གནས་པ་ལས་ཀུན་བཤད་པའི་ཏ་སྒྲ་གཟུང་བར་བྱ་སྟེ། དེས་ན་འདིར་མི་འགྱུར་ཏེ། ཨ་ཀཱ་རི་ཏཱ་རམ྄། ཏམ་སོགས་ཉིད་ལས་ཏར་མའི་རྐྱེན་ནོ། །
ཨ་ཡིག་ལས་ཧནྟི་མ་ཡིན་པ་ལས་ཧིའོ། །ཨ་ཡིག་ལས་ཕ་རོལ་གྱི་ཧི་དབྱི་བར་འགྱུར་ཏེ། ཧནྟི་མ་ཡིན་པ་སྟེ་ཧནྟི་ལས་ཕ་རོལ་གྱི་ནི་མི་འགྱུར་རོ། །པ་ཙ། པ་ཐ། གཙྪ། པཉྩ་མིའི་ཧིའོ། །ཨནྦི། ཧི་དབྱིའོ། །གམ་ཨིཥུ་ཡམ྄་རྣམས་ཀྱི་ཚའོ་ཞེས་པས་ཚའོ། །ཨ་

ཡིག་ལས་ཞེས་པ་ཅི་ཞེ་ན། ཡུ་ཧི། ཡུ་སྤེལ་བ་ལའོ། །ཧནྟི་མིན་པ་ཞེས་པ་ཅི་ཞེ་ན། ཛ་ཧི། ཧན྄་འཚེ་བ་ལའོ། །ཧིའོ། །ཨནྦི། ཨད་སོགས་ལས་འཇིག་གོ། །ཧནྟིའི་ཧི་ལ་ཛའོ་ཞེས་པས་ཧནྟི་ཧའི་ཛ་ཉིད་དོ། །འདི་ཧནྟི་རུ་འགྱུར་བ་ནི་གནས་ཅན་དང་འདྲ་
བ་ལས་སོ། །འོ་ན་གང་ཧིའི་རྐྱེན་ལ་བརྟེན་ནས་ཛར་བསྒྱུར་ཟིན་པ་དེ་ཅི་ལྟར་དེ་ཉིད་ཡིན་ཏེ་རྣམ་པར་ཉམས་པའི་ཕྱིར་རོ། །འདུས་པའི་མཚན་ཉིད་ཀྱི་ཆོག་ནི་དེ་རྣམ་པར་ཉམས་པའི་རྒྱུ་མཚན་མིན་ནོ། །དེའི་ཕྱིར། ཧནྟི་བཀག་པ་དོན་མེད་དོ་ཞེ་ན། བདེན་ཏེ། ཡི་གེ་གཟུང་བ་ན་རྒྱུ་མཚན་ནོ་
ཞེས་པའི་ཚིག་ལས་ཧིའི་རྐྱེན་ལ་རྣམ་པར་ཉམས་པ་རབ་ཏུ་ཡོད་པའི་ཛར་བསྒྱུར་བའི་རྒྱུ་མཚན་གྱིས་དངོས་པོ་ཨ་ཡིག་ལས་ཞེས་པ་འདི་ཡང་ཡི་གེ་གཟུང་བའོ། །དེས་ན་ཧནྟི་ལས་ཕ་རོལ་གྱི་ཧི་དབྱི་བ་མི་འཇུག་པའི་དོན་དུ་ཧནྟི་མ་ཡིན་པ་ལས་ཞེས་དགག་པ་བྱེད་པ་ནི་དོན་དང་བཅས་པའོ། །
ཏཱ་ཏཎ་གྱི་ཕྱོགས་ལ་ཧི་དབྱེ་བ་མི་འདོད་དེ། པ་ཐ་ཏཱཏ། བཤད་པ་ལས་ཧིའི་ཏཱ་ཏཎ་དུ་བསྒྱུར་རོ། །ནུ་ལས་ཀྱང་བརྩེགས་པ་མ་ཡིན་པའི་བི་ཀ་ར་ཎ་ལས་སོ། །བརྩེགས་པ་མ་ཡིན་པ་ནི་བརྩེགས་པ་མེད་པའི་བི་ཀ་ར་ཎའི་ནུ་ལས་ཕ་རོལ་གྱི་ཧི་དབྱི་བར་འགྱུར་རོ། །སུ་ནུ། ཙི་ནུ། ཥུཉ་
འཁྲུད། ཙིཉ་སོགས་པ་ལའོ། །ཧིའོ། །སུ་སོགས་ལས་ནུའོ། །འདིས་ཧི་དབྱིའོ། །བི་ཀ་ར་ཎ་ལས་ཞེས་པ་ཅི་ཞེ་ན། ནུ་ཧི། ནུ་བསྟོད་པ་ལའོ། །ཨནའོ། །ཨད྄་སོགས་ལས་འཇིག་གོ། །བརྩེགས་པ་མ་ཡིན་པ་ལས་ཞེས་པ་ཅི་ཞེ་ན། ཤཀྣུ་ཧི། ཏཀྵྞུ། ཤཀླི་ནུས་
པ་ལའོ། །ཏ་ཀྵུ་ཏྭཀྵུ་ཕྲ་མོར་བྱེད་པ་ལའོ། །ཧིའོ། །སུ་སོགས་ལས་ནུའོ། །བཤད་པ་ལས་ཏཀྵུ་ལས་ནུའོ། །ཨུ་ཡིག་ལས་ཀྱང་ངོ་། །ཨུ་ཡིག་བི་ཀ་ར་ཎ་ལས་ཕ་རོལ་གྱི་ཧི་དབྱི་བར་འགྱུར་རོ། །ཏ་ནུ། ས་ནུ། ཏ་ནུ་རྒྱས་པ། ཥ་ཎུ་སྦྱིན་པ། ཧིའོ། །ཏན་སོགས་
ལས་ཨུའོ། །ཧ་དབྱིའོ། །ཀུ་རུ། ཀྲྀཉ་བྱེད། ཧིའོ། །ཏན་སོགས་ལས་ཨུའོ། །ཀ་རོ་ཏིའི་འོ་ཞེས་པས་ཡོན་ཏན་ནོ། །བྱེངས་ཐམས་ཅད་པ་ཡོན་ཏན་མེད་པ་ལ་ཨའི་ཨུ་ཡིག་ཅེས་པས་ཨུ་ཉིད་དོ། །ཧི་དབྱིའོ། །བི་ཀ་ར་ཎ་ཞེས་པ་ཅི་ཞེ་ན། སུ་ཧི། ཨུ་ཡིག་བ་མ་

དག་ལ་ཡང་ན་དབྱིའོ། །བརྩེགས་པ་མ་ཡིན་པའི་བི་ཀ་ར་ཎ་ལས་ཞེས་པའང་རྗེས་སུ་འཇུག་སྟེ། དོན་གྱི་དབང་ལས་བདུན་པའི་མཐའ་ཅན་སྐྱེའོ། །བརྩེགས་པ་མ་ཡིན་པ་ལ་སྟེ་མ་བརྩེགས་པའི་བི་ཀ་ར་ཎའི་ཨུ་ཡིག་བ་མ་དག་ཕ་རོལ་ལ་ཡང་ན་དབྱི་བར་འགྱུར་རོ། །སུ་ནྭཿ། སུ་ནུ་
བཿ། སུནྨཿ། ཏ་ནྭཿ། ཏནྨཿ། ཏ་ནུ་བཿ། ཏ་ནུ་མཿ། ཥུཉ་འཁྲུད་པ་ལའོ། །ཏ་ནུ་རྒྱས་པ་ལའོ། །བསྲ་དང་མསྲ་སོ། །སུ་སོགས་ལས་ནུའོ། །ཏན་སོགས་ལས་ཨུའོ། །ཕྱོགས་གཅིག་ལ་ཨུ་ཡིག་དབྱིའོ། །སུ་ནོ་མོ། །ཀ་རོ་མི་ཞེས་པ་འདིར་ནི་མི་འགྱུར་ཏེ། ཡོན་ཏན་
གྱི་འཇུག་པ་ལས་གཞན་ཉིད་ཡིན་པ་ལས་སོ། །བརྩེགས་པ་མིན་པ་ཞེས་པ་ཅི་ཞེ་ན། ཤཀྣུ་བཿ། ཤཀྣུ་མ། བ་མ་དག་ཅེས་པ་ཅི་ཞེ་ན། སུ་ནུ་ཏཿ། ཏ་ནུ་ཏཿ། ཨུ་ཡིག་སྨོས་པ་ནི་བ་མ་དག་དབྱི་བ་དོགས་པ་བཟློག་པའི་དོན་ཏོ། །ཨུ་ཡིག་གིའོ་ཞེས་བྱ་བ་ལ་དབྱི་བ་སྨོས་
པ་ནི་རྣམ་པ་གསལ་བའི་དོན་དུའོ། །ཕྱི་མ་ལ་རྟག་ཏུ་སྨོས་པས་ཡང་ན་གཟུང་བ་ཐོབ་པ་ལ་སླར་ཡང་ཡང་ན་སྨོས་པ་ནི་རྣམ་པ་གསལ་བའི་དོན་དུའོ། །ཀ་རོ་ཏི་ལས་རྟག་ཏུའོ། །ཀ་རོ་ཏི་ལས་ཕ་རོལ་གྱི་ཨུ་ཡིག་བ་མ་དག་ཕ་རོལ་ལ་རྟག་ཏུ་དབྱི་བར་འགྱུར་རོ། །ཀུརྦཿ། ཀུརྨཿ། ཀུརྦ་
ཧེ། ཀུརྨ་ཧེ། ཀྲྀཉ་བྱེད། བསྲ་དང་། མསྲ་དང་། བ་ཧེ་དང་། མ་ཧེའོ། །ཏན་སོགས་ལས་ཨུའོ། །ཀ་རོ་ཏིའོ་ཞེས་པས་ཡོན་ཏན་ནོ། །ཨའི་ཨུ་ཡིག་གོ། །འདིས་ཨུ་ཡིག་དབྱིའོ། །ཀ་རོ་ཏིའོ་ཞེས་པ་ངེས་པར་བསྟན་པ་ནི་ཀྲྀཉ་འཚེ་བ་ལའོ་ཞེས་པ་འདི་ལྡོག་པའི་དོན་
ནོ། །དེས་ན་འདིར་མི་འགྱུར་ཏེ། ཀྲྀ་ཎུ་བཿ། ཀྲྀ་ཎུ་མ། སླར་ཡང་བརྩམས་པའི་ཤུགས་ལས་རྟག་ཏུ་གཟུང་བ་ཐོབ་པ་ལ་རྟག་ཏུ་སྨོས་པ་ནི་རྣམ་པ་གསལ་བའི་དོན་དུའོ། །སཔྟ་མཱིའི་ཡ་ལའང་ངོ་། །ཀ་རོ་ཏི་ལས་ཕ་རོལ་གྱི་ཨུ་ཡིག་སཔྟ་མཱིའི་ཡ་ཡིག་ཕ་རོལ་ལ་དབྱི་བར་འགྱུར་རོ། །
ཀུཪྻཱཏ། ཀུརྻཱཏ་མ྄། ཀུརྻུཿ། ཀྲྀ་ཉ་བྱེད་པ། སཔྟ་མཱིའི་ཡཱཏ྄ དང་ཡཱ་ཏཱམ྄་དང་ཡུས་འོ། །གཞན་སྔ་མ་བཞིན་ནོ། །ཀྲྀཉ་ལས་ཕ་རོལ་གྱི་ཨུ་ཡིག་སཔྟ་མཱི་ཉིད་ཀྱི་ཡ་ཡིག་ལ་སྲིད་དོ་ཞེས་པ་ནི་སཔྟ་མཱིའི་ཁོ་ན་ཡིན་ཡང་སཔྟ་མཱི་སྨས་པ་ནི་རྣམ་པ་གསལ་བའི་དོན་དུའོ། །བྱིངས་

ཐམས་ཅད་པ་ཡོན་ཏན་མེད་པ་ལ་ཨའི་ཨུ་ཡིག་གོ། །ཀ་རོ་ཏིའི་ཨའི་སྟེ་ཨ་ཡིག་བྱིངས་ཐམས་ཅད་པ་ཡོན་ཏན་མེད་པ་ཕ་རོལ་ལ་ཨུ་ཡིག་ཏུ་བསྒྱུར་བར་འགྱུར་རོ། །ཀུ་རུ་ཏཿ། ཀུརྦནྟི། ཏས་དང་ཨནྟིའོ། །ཏན་སོགས་ལས་ཨུའོ། །ཀ་རོ་ཏིའོ་ཞེས་པས་ཡོན་
ཏན་ནོ། །འདིས་ཨུ་ཉིད་དོ། །ཀུ་རུ་ཏེ། ཀུརྦཱ་ཏེ། ཀུརྦ་ཏེ། ཏེ་དང་ཨཱ་ཏེ་ཨནྟེའོ། །ཨ་ཡིག་མ་ཡིན་པ་ལས་ཨཱཏྨ་ནེ་ལའང་ཞེས་པས་ན་དབྱིའོ། །གཞན་སྔ་མ་བཞིན་ནོ། །ཨུ་ཡིག་ཏུ་བསྒྱུར་བ་བྱས་པ་ན་ཀ་རོ་ཏིའི་ཞེས་པས་སླར་ཡོན་ཏན་དུ་མི་འགྱུར་ཏེ། ཨོ་ཉིད་དུ་མི་བྱེད་པ་
ལས་སོ། །བྱིངས་ཐམས་ཅད་པ་ཞེས་པ་ཅི་ཞེ་ན། སཉྩ་སྐར་ཏུཿ། ཀྲྀཉ་བྱེད། སཾ་སྔོན་དུའོ། །སཾ་པ་རི་ཨུ་པ་ལས་རྒྱན་ལ་སུཊའོ། །ཊ་ཡིག་ནི་དང་པོའི་ཡུལ་གྱི་དོན་ཏོ། །ཨུ་ཡིག་ནི་བརྗོད་པའི་དོན་ཏོ། །སཾ་སྐྲྀ་ཞེས་གནས་པ་ལ་ཨ་ཏུས྄འོ། །དེ་བཟུང་བས་ཨཱག་མ་གཟུང་བར་
བྱའོ་ཞེས་པས་ཀྲྀ་གཉིས་བརྗོད་དོ། །ཨ་བྷྱཱ་སའི་བྱ་བའོ། །བརྩེགས་པ་དང་པོའི་རྀ་ཏའི་ཡང་ངོ་ཞེས་པས་ཡོན་ཏན་ནོ། །ཡོན་ཏན་མེད་པ་ཞེས་པ་ཅི་ཞེ་ན། ཀ་རོ་མི། རུ་དྷ་སོགས་ཀྱི་བི་ཀ་ར་ཎའི་མཐའ་དབྱིའོ། །བི་ཀ་ར་ཎ་དེའི་མཐའ་དབྱི་བ་ནི་བི་ཀ་ར་ཎའི་མཐའི་དབྱི་བའོ། །བྱིངས་
ཐམས་ཅད་པ་ལ་དབྱིའོ་ཞེས་པ་འཇུག་སྟེ། ཛ་ཧཱ་ཏིའི་སཔྟ་མཱི་ལ་དབྱིའོ་ཞེས་པ་འདི་ལས་གོང་དུའོ། །ཡོན་ཏན་མེད་པ་ཞེས་པ་འཇུག་སྟེ་བྷཱུའི་མཐའ་ཞེས་པ་འདི་ལས་གོང་དུའོ། །རུདྷ་སོགས་ཀྱི་བི་ཀ་ར་ཎའི་མཐའི་ཡོན་ཏན་མེད་པ་བྱིངས་ཐམས་ཅད་པ་ཕ་རོལ་ལ་དབྱི་བར་འགྱུར་རོ། །
རུནྡྷཿ། རུནྡྷནྟི། བྷིནྟྟཿ། བིནྡནྟི། ཙྪིནྟཱཿ། ཙྪིནྡནྟི། རུདྷིར་སྒྲིབ་པ། བྷི་དིར་རྣམ་པར་འཇོམས་པ། ཚི་དིར་གཉིས་སུ་བྱེད་པ་ལའོ། །ཏས་དང་ཨནྟིའོ། །རུདྷ་སོགས་རྣམས་ཀྱི་དབྱངས་ལས་ཞེས་པས་ན་སྒྲའོ། །དེའི་མཐའ་འདིས་དབྱིའོ། །གྷ་ཌྷ་དྷ་རྣམས་ལས་ཞེས་
པས་དྷའི་ཌྷའོ། །དྷུཊ་རྣམས་ཀྱི་བཞི་པ་རྣམས་ལ་གསུམ་པའོ་ཞེས་པས་ད་ཉིད་དོ། །ཙྪི་དི་བྷི་དི་དག་གི་སྒྲ་མེད་པ་རྣམས་ལ་ཤིཊ་མ་ཡིན་པ་ཞེས་པས་ཏའོ། །ཙྪིནྡ་དྷི། བྷིནྡ་དྷི། ཚི་དིར྄་བྷི་དིར་དག་ལ་ཧིའོ། །ཧུ་དྷུཊ་དག་ལས་ཧིའི་དྷིའོ། །སྔ་མ་བཞིན་དུ་ན་སྒྲའི་མཐའ་དབྱིའོ། །

ཡོན་ཏན་མེད་པ་ཞེས་པ་ཅི་ཞེ་ན། རུ་ཎ་དྷྷིར། རུདྷིར་ལ་ཏིའོ། །ན་སྒྲའོ། །དྷ་ཉིད་དང་ད་ཉིད་དོ། །མཐའ་སྨོས་པ་ནི་བི་ཀ་ར་ཎའི་མཐའ་དབྱི་བ་ལྡོག་པའི་དོན་དུའོ། །ཕྱིས་པར་གྱུར་པ་དེས་ཅི་བྱས་པར་འགྱུར་ཞེ་ན། འདིའང་ཡོན་ཏན་དང་བཅས་པ་ལ་སྤྱོད་པའི་དོན་དུ་འབྱུང་བར་འགྱུར་རོ། །
ཡོན་ཏན་མེད་པ་ལ་ནི་དབྱེ་བར་འགྱུར་རོ་ཞེས་པས་མཐའ་སྨོས་སོ། །ཨ་སྟིའི་དང་པོའི་འོ། །ཨསྟིའི་སྟེ་ཨས་ཡོད་པ་ལའོ་ཞེས་པས་འདིའི་དང་པོ་དབྱི་བར་འགྱུར་ཏེ་ཡོན་ཏན་མེད་པ་དབྱིངས་ཐམས་ཅད་ཕ་ཕ་རོལ་ལའོ། །སྟཿ། སནྟི། སྱཱཏ྄། ཨས་ཡོད་པ་ལའོ། །ཏས་དང་ཨནྟི་དང་
ཡཱཏ྄འོ། །ཨནྦི། ཨད་སོགས་ལས་འཇིག་གོ། །འདིས་དང་པོ་དབྱིའོ། །ཡོན་ཏན་མེད་པ་ཞེས་པ་ཅི་ཞེ་ན། ཨསྟི། ཨ་བྷྱསྟ་རྣམས་ཀྱི་ཨཱ་ཡིག་གིའོ། །གང་ཨ་བྷྱསྟ་རྣམས་ཀྱི་ཨཱ་ཡིག་དེ་ཡོན་ཏན་མེད་པའི་དབྱིང་ཐམས་ཅད་པ་ཕ་རོལ་ལ་དབྱི་བར་འགྱུར་རོ། །གཉིས་ཀ་རྣམས་
ཀྱི་ཨའི་ཡིག་གོ་ཞེས་པ་འདིས་གསལ་བྱེད་དང་པོ་ལ་ཨཱི་ཉིད་དུ་བཤད་པར་བྱའོ་ཞེས་ཤུགས་ལས་འདི་དབྱངས་དང་པོའི་སྒྲུབ་པའོ། །དཱའི་མིང་ཅན་རྣམས་ཀྱི་ནི་དཱ་མིན་པའི་ཞེས་པས་བཀག་པ་ལས་ཨཱི་ཉིད་དུ་མེད་དོ་ཞེས་དེ་རྣམས་ཀྱི་སྤྱིའི་ཆོ་གས་གསལ་བྱེད་དང་པོ་ལ་ཡང་ངོ་། །དད་ད་ཏི། ད་དྷ་
ཏི། ཛ་ཧ་ཏི། ད་དྱཱཏ྄། ད་དྷྱཱཏ྄། ཛ་ཧྱཱ་ཏ། ཌུདཱཉ་སྦྱིན། ཌུདྷཱཉ་འཛིན། ཨོ་ཧཱཀ྄་གཏོང་། བརྟམཱ་ནའི་ཨནྟི། སཔྟ་མཱིའི་ཡཱཏ྄འོ། །ཨནྦི། ཛུ་ཧོ་ཏི་ལས་འཇིག་གོ། །ཛུ་ཧོ་ཏི་སོགས་ལན་གཉིས་བརྗོད་དོ། །འདིས་ཨཱ་དབྱིའོ། །ཨ་བྷྱསྟ་ལས་ཨནྟིའི་ན་དབྱིའོ་ཞེས་པས་ན་
དབྱིའོ། །དེ་བཞིན་དུ། །དི་ར་དྲ་ཏི། །ད་རི་དྲ་དབུལ་པོ། ཨནྟིའོ། །ཨནྦི། ཨད་སོགས་ལས་འཇིག་གོ། །ཨཱ་དབྱིའོ། །སྔ་མ་བཞིན་ན་དབྱིའོ། །མི་མ་ཏེ། ཛི་ཧ་ཏེ། མང་འཇལ་བ། ཨཽ་ཧཱང་འགྲོ། །ཨནྟེའོ། །སྔ་མ་བཞིན་འཇིག་གོ། །གཉིས་བརྗོད་པ་ན་བྷྲྀཉ་ཧཱང྄་མཱང྄་
རྣམས་ཀྱི་ཨི་ཏའོ་ཞེས་པས་ཨི་ཉིད་དོ། །ཨཱི་དབྱིའོ། །ཨ་ཡིག་མ་ཡིན་པ་ཨཱཏྨ་ནེ་ལའང་ཞེས་པས་ན་དབྱིའོ། །ཨཱདཏྟེ། ཨཱ་དྷཏྟེ། ཌུདཉ་སྦྱིན་པ། ཌུདྷཱཉ་འཛིན། ཨཱང་སྔོན་དུའོ། །ཏེའོ། །སྔ་མ་བཞིན་འཇིག་གོ། །གཉིས་བརྗོད་པ་ལ་གཉིས་པ་བཞིན་པ་དག་གི་ཞེས་

པས་དྷའི་དའོ། །ཨཱ་དབྱེའོ། །དྷཱཉ་ལ་ད་དྷཱ་ཏིའི་ཏ་ཐ་དག་ལའང་ངོ་ཞེས་པས་དང་པོ་གསུམ་པ་ཉིད་ལ་དའི་དྷའོ། །སྒྲ་མེད་པ་རྣམས་ལ་ཤིཊ་མ་ཡིན་པ་རྣམས་ཀྱི་དང་པོའོ་ཞེས་པས་ད་དྷ་དག་གི་ཏ་ཉིད་དོ། །ཨ་བྷྱསྟ་རྣམས་ཀྱི་ཞེས་པ་ཅི་ཞེ་ན། ཡཱནྟི། ཨ་ཡིག་གི་ཞེས་
པ་ཅི་ཞེ་ན། བི་བྷ་ཏི། ཌུ་བྷྲྀཉ་འཛིན་པ། ཨནྟིའོ། །སྔ་མ་བཞིན་དུ་འཇིག་གོ། །གཉིས་བརྗོད་པ་ན་བྷྀ་ཉ་ཧཱང་མཱང་རྣམས་ཀྱི་ཨིཏའོ། །ཡོན་ཏན་མེད་པ་ཞེས་པ་ཅི་ཞེ་ན། ད་དཱ་ཏི། ཀྲཱྀ་སོགས་རྣམས་ཀྱི་བི་ཀ་ར་ཎའི་འོ། །ཨ་ཡིག་ཅེས་པ་ཁོ་ནའོ། །ཀྲཱྀ་སོགས་ཀྱི་བྱིངས་རྣམས་ཀྱི་
བི་ཀ་ར་ཎའི་ཨ་ཡིག་ཡོན་ཏན་མེད་པའི་བྱིངས་ཐམས་ཅད་པ་ལ་དབྱི་བར་འགྱུར་རོ། །སྔ་མ་བཞིན་དུ་དབྱངས་དང་པོ་ལ་དབྱི་བ་འདིའོ། །ཀྲྀ་ཎནྟི། ཀྲཱྀཎ་སྟེ། པྲཱ་ཎནྟི། པྲྀ་ཎསྟེ། ཌུཀྲཱིཉ་རྫས་བརྗེ་བ་ལའོ། །པྲཱིཉ་ཚིམ་པ་ལའོ། །ཨནྟི་དང་ཨནྟེའོ། །ཀྲཱྀ་སོགས་ལས་ནཱའོ། །
འདིས་ཨ་དབྱིའོ། །ཨིས་ཨཱ་དབྱིའོ། །ཨ་ཡིག་མ་ཡིན་པ་ཨཱཏྨ་ནེ་ལའང་ངོ་ཞེས་པས་ན་དབྱིའོ། །ལུན་ཏེ། ལུན་ཏཱཾ། ཨ་ལུན་ཏ། ལུཉ་གཅོད་པ། བརྟ་མཱ་ནའི་ཨནྟེའོ། །པཉྩ་མིའི་ཨནྟམ྄། ཧྱསྟ་ནཱིའི་ཨནྟའོ། །ཀྲཱྀ་སོགས་ལས་ནཱའོ། །སུ་སོགས་རྣམས་ཀྱི་ཐུང་ངུའོ། །
ཨཱ་དབྱིའོ། །སྔ་མ་བཞིན་ན་དབྱིའོ། །ཡོན་ཏན་མེད་པ་ཞེས་པ་ཅི་ཞེ་ན། ཀྲཱིཎཱ་ཏི། སྟནྦྷུ། སྟུནྦྷུ། སྐནྦྷུ། སྐུནྦྷུ། སྐུ་རྣམས་ལས་ཕ་རོལ་གྱི་ནཱའི་རྐྱེན་གྱི་ཨ་ཡིག་དབྱི་བར་བཤད་པར་བྱའོ། །སྔར་བརྗོད་པའི་རྒྱུན་ལའོ། །སྟབྷཱནྟི། སྟུབྷྣནྟི། སྐབྷྣནྟི། སྐུབྷྣནྟི། འདི་
རྣམས་མདོ་ལས་བྱུང་བའོ། །ཨནྟིའོ། །བཤད་པ་ལས་ནཱའི་རྐྱེན་ནོ། །ཨ་དབྱིའོ། །གཉིས་ཀ་རྣམས་ཀྱི་དཱ་མིན་པའི་གསལ་བྱེད་དང་པོ་ལ་ཨའི་ཡིག་གོ། །ད་རྣམས་མ་ཡིན་ད་མིན་པ་སྟེ། དཱ་དེའི་མིན་པའོ། །ཨ་ཡིག་ཅེས་པ་ཁོ་ནའོ། །གཉིས་ཀ་རྣམས་ཀྱི་སྟེ་ཨ་བྷྱསྟ་
དང་ཀྲཱི་སོགས་ཀྱི་བི་ཀ་ར་རྣམས་ཀྱི་ཨ་ཡིག་ཡོན་ཏན་མེད་པའི་བྱིངས་ཐམས་ཅད་པ་གསལ་བྱེད་དང་པོ་ཅན་ཕ་རོལ་ལ་ཨཱི་ཉིད་དུ་འགྱུར་ཏེ། ད་མིན་པ་སྟེ་དའི་མིང་ཅན་རྣམས་ནི་ཨ་ཡིག་པོར་བར་བྱས་ནས་སོ། །ཨ་དབྱི་བ་ཐོབ་པའི་ཚིག་ལའོ། །མི་མཱི་ཏེ། མི་མཱ་ཥེ། མི་མཱི་དྷྭེ།

ཇི་ཧཱི་ཏེ། ཛི་ཧཱི་ཥེ། ཛི་ཧཱི་དྷྭེ། མཱང་འཇལ་བ། ཨོ་ཧཱང་འགྲོ། ཏེ་དང་སེ་དང་དྷྭེའོ། །ཨནྦི། ཛུ་ཧོ་ཏི་སོགས་ལས་འཇིག་གོ། །ཛུ་ཧོ་ཏིའི་ལན་གཉིས་བརྗོད་དོ། །བྷྲྀཉ་ཧཱང྄་མཱང྄རྣམས་ཀྱི་ཨིཏའོ། །འདིས་ཨཱི་ཉིད་དོ། །ཀྲཱི་སོགས་ཀྱི་བི་ཀ་ར་ཎའི། ལུ་ནཱི་ཏ། ལུ་ནཱི་ཥེ། ན་
ནཱི་ཥེ། པུ་ནཱི་དྷྭེ། ཀྲཱི་སོགས་ལས་ནཱའོ། །ཨཱི་ཉིད་དོ། །པཱུ་སོགས་རྣམས་ཀྱི་ཐུང་ངུའོ། །གསལ་བྱེད་དང་པོ་ཅན་ལ་ཞེས་པ་ཅི་ཞེ་ན། ཛ་ཧ་ཏི། ཨོ་ཧཱང྄་འགྲོ། ཨནྟིའོ། །ཨ་བྷྱསྟ་རྣམས་ཀྱི་ཨཱ་ཡིག་ཅེས་པས་ཨཱ་དབྱིའོ། །ཨ་བྷྱ་སྟ་ལས་ཨནྟིའི་ན་དབྱིའོ་ཞེས་པས་ན་དབྱིའོ། །
ཀྲཱི་ཎནྟི། ཀྲཱི་སོགས་རྣམས་ཀྱི་བི་ཀ་ར་ཎ་ཞེས་པས་ཨ་དབྱིའོ། །ཡོན་ཏན་མེད་པ་ཞེས་པ་ཅི་ཞེ་ན། ཛ་