Kinh tạng Tây Tạng (Kangyur Đại Học) — 016_འབུམ།_ག

ེ་བཞིན་དུ། འཇིག་རྟེན་གྱི་ཁམས་དེ་དག་ན། སེམས་ཅན་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་།
སྦྱིན་པའི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་ཞིང་གཞོག་གོ་འགོད་དོ། །ཇི་ལྟར་བདག་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་པ་དེ་བཞིན་དུ་འཇིག་རྟེན་གྱི་ཁམས་དེ་དག་ན། སེམས་ཅན་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་། ཚུལ་ཁྲིམས་ཀྱི་ཕ་རོལ་ཏུ་
ཕྱིན་པ་ལ་ཡང་དག་པར་སྐུལ་ཞིང་གཞོག་གོ་འགོད་དོ། །ཇི་ལྟར་བདག་བཟོད་པའི་ཕ་རོལ་ཏུ་ཕྱིན་པ་ལ་གནས་པ་དེ་བཞིན་དུ། འཇིག་རྟེན་གྱི་ཁམས་དེ་དག་ན། སེམས་ཅན་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་། བཟོད་པའི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་

ཞིང་གཞོག་གོ་འགོད་དོ། །ཇི་ལྟར་བདག་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་པ་དེ་བཞིན་དུ་འཇིག་རྟེན་གྱི་ཁམས་དེ་དག་ན། སེམས་ཅན་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་ཞིང་གཞོག་གོ་འགོད་དོ། །ཇི་
ལྟར་བདག་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་པ་དེ་བཞིན་དུ། འཇིག་རྟེན་གྱི་ཁམས་དེ་དག་ན། སེམས་ཅན་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་། བསམ་གཏན་གྱི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་ཞིང་གཞོག་གོ་འགོད་དོ། །ཇི་ལྟར་བདག་ཤེས་རབ་
ཀྱི་ཕ་རོལ་ཏུ་ཕྱིན་པ་ལ་གནས་པ་དེ་བཞིན་དུ། འཇིག་རྟེན་གྱི་ཁམས་དེ་དག་ན་སེམས་ཅན་ཇི་སྙེད་ཅིག་ཡོད་པ་དེ་དག་ཐམས་ཅད་ཀྱང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་སྐུལ་ཞིང་གཞོག་གོ་འགོད་དོ། །འདི་ལྟ་སྟེ། ཕ་རོལ་ཏུ་ཕྱིན་པ་དྲུག་པོ་འདི་ཉིད་ཀྱི་ཆོས་
ཀྱང་སྟོན་ཏེ། སེམས་ཅན་དེ་དག་ཀྱང་ཆོས་དེ་ཐོས་ནས། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་སངས་མ་རྒྱས་ཀྱི་བར་དུ། ཕ་རོལ་ཏུ་ཕྱིན་པ་དྲུག་དང་ནམ་ཡང་འབྲལ་བར་མི་འགྱུར་རོ། །རབ་འབྱོར་འདི་ལྟ་སྟེ། དཔེར་ན། སྒྱུ་མའི་མཁན་པོའམ།
སྒྱུ་མའི་མཁན་པོའི་མཆན་བུ་མཁས་པ་ཞིག་གིས་ལམ་པོ་ཆེའི་བཞི་མདོར་འདུག་སྟེ། སྐྱེ་བོ་མང་པོའི་ཚོགས་ཀྱི་མདུན་དུ་སྐྱེ་བོ་མང་པོའི་ཚོགས་ཤིག་མངོན་པར་སྤྲུལ་ཏེ། ཕ་རོལ་ཏུ་ཕྱིན་པ་དྲུག་ལ་ཡང་དག་པར་བསྐུལ་ཞིང་བཞག་སྟེ་བཀོད་པར་གྱུར་ན།
རབ་འབྱོར་དེ་ལ་ཇི་སྙམ་དུ་སེམས། སྒྱུ་མའི་མཁན་པོའམ། སྒྱུ་མའི་མཁན་པོའི་མཆན་བུ་དེས་སེམས་ཅན་གང་ཡང་ཕ་རོལ་ཏུ་ཕྱིན་པ་དྲུག་ལ་ཡང་དག་པར་བསྐུལ་ཞིང་བཞག་སྟེ། བཀོད་པ་ཡོད་དམ། གསོལ་པ། བཅོམ་ལྡན་འདས་དེ་ནི་མ་མཆིས་སོ། །བཅོམ་ལྡན་
འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས། ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དང་། ལྷོ་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དང་། ནུབ་ཕྱོགས་ཀྱི་

འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དང་། བྱང་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དང་། བྱང་ཤར་གྱི་ཕྱོགས་མཚམས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དང་། ཤར་ལྷོའི་ཕྱོགས་མཚམས་ཀྱི་འཇིག་རྟེན་
གྱི་ཁམས་གངྒཱའི་ཀླུང་གི་བྱེ་མ་སྙེད་དང་། ལྷོ་ནུབ་ཀྱི་ཕྱོགས་མཚམས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དང་། ནུབ་བྱང་གི་ཕྱོགས་མཚམས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དང་། འོག་གི་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་
མ་སྙེད་དང་། སྟེང་གི་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཀྱི་སེམས་ཅན་གང་ཇི་སྙེད་ཅིག་ཡོད་པ་དེ་དག་ཐམས་ཅད་ཕ་རོལ་ཏུ་ཕྱིན་པ་དྲུག་ལ་བཀོད་ཀྱང་། སེམས་ཅན་གང་ཡང་ཕ་རོལ་ཏུ་ཕྱིན་པ་དྲུག་ལ་བཀོད་པ་མྱེད་དོ། །དེ་ཅིའི་ཕྱིར་ཞེ་ན།
རབ་འབྱོར་སྒྱུ་མའི་ཆོས་ཉིད་ཉེ་བར་བཟུང་ན། ཆོས་རྣམས་ཀྱི་ཆོས་ཉིད་ཀྱིས་དེ་བཞིན་པའི་ཕྱིར་ཏེ། རབ་འབྱོར་དེ་ལྟར་ན། བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་
ཕྲག་བརྒྱ་པ། བམ་པོ་བཅུ་པ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ནི། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་རྣམ་པར་སྤྱོད་ཅིང་། སེམས་བསྐྱེད་པ་གཞན་གྱི་གོ་མྱི་འབྱེད་
དེ། བདག་གིས་སེམས་ཅན་འདི་སྙེད་ཅིག་ནི་སྦྱིན་པའི་ཕ་རོལ་ཏུ་ཕྱིན་པ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་
མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་བཟོད་པའི་ཕ་རོལ་ཏུ་ཕྱིན་པ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་དགོད་པར་བྱའོ། །འདི་སྙེད་ཅིག་

ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་བསམ་གཏན་གྱི་ཕ་རོལ་ཏུ་ཕྱིན་པ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དགོད་པར་བྱའོ། །འདི་སྙེད་
ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ནང་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ཕྱི་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །
བདག་གིས་སེམས་ཅན་འདི་སྙེད་ཅིག་ནི་ཕྱི་ནང་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་སྟོང་པ་ཉིད་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་
ཅན་འདི་སྙེད་ཅིག་ནི་ཆེན་པོ་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་དོན་དམ་པ་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་
འདུས་བྱས་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་འདུས་མ་བྱས་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་
མཐའ་ལས་འདས་པ་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ཐོག་མ་དང་ཐ་མ་མྱེད་པ་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་
ཅན་འདི་སྙེད་ཅིག་ནི་དོར་བ་མྱེད་པ་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་རང་བཞིན་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་

སྙེད་ཅིག་ནི་ཆོས་ཐམས་ཅད་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་རང་གི་མཚན་ཉིད་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་
ཅན་འདི་སྙེད་ཅིག་ནི་མྱི་དམྱིགས་པ་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་དངོས་པོ་མྱེད་པ་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་
སྙེད་ཅིག་ནི་ངོ་བོ་ཉིད་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་
སྙེད་ཅིག་ནི་དྲན་པ་ཉེ་བར་གཞག་པ་བཞི་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ཡང་དག་པར་སྤོང་བ་བཞི་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་
སྙེད་ཅིག་ནི་རྫུ་འཕྲུལ་གྱི་རྐང་པ་བཞི་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་དབང་པོ་ལྔ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་སྟོབས་ལྔ་ལ་དགོད་
པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་བྱང་ཆུབ་ཀྱི་ཡན་ལག་བདུན་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་འཕགས་པའི་ལམ་ཡན་ལག་བརྒྱད་
པ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་འཕགས་པའི་བདེན་པ་རྣམས་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་བསམ་གཏན་བཞི་

ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ཚད་མྱེད་པ་བཞི་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་གཟུགས་མྱེད་པའི་སྙོམས་པར་འཇུག་པ་བཞི་
ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་རྣམ་པར་ཐར་པ་བརྒྱད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་མཐར་ཀྱིས་གནས་པའི་སྙོམས་
པར་འཇུག་པ་དགུ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱ་
འོ། །བདག་གིས་སེམས་ཅན་འདི་སྙེད་ཅིག་ནི་མངོན་པར་ཤེས་པ་ལྔ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ཏིང་ངེ་འཛིན་ཐམས་ཅད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་
མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་གཟུངས་ཀྱི་སྒོ་ཐམས་ཅད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་དེ་བཞིན་གཤེགས་པའི་སྟོབས་བཅུ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་
མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་མྱི་འཇིགས་པ་བཞི་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་སོ་སོ་ཡང་དག་པར་རིག་པ་བཞི་ལ་དགོད་པར་བྱའོ། །འདི་སྙེད་ཅིག་ནི་དགོད་
པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་སྙིང་རྗེ་ཆེན་པོ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ལ་དགོད་པར་བྱའོ། །འདི་སྙེད་

ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་རྒྱུན་ཏུ་ཞུགས་པའི་འབྲས་བུ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ལན་ཅིག་ཕྱིར་འོང་བའི་འབྲས་བུ་ལ་
དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ཕྱིར་མྱི་འོང་བའི་འབྲས་བུ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་དགྲ་བཅོམ་པ་ཉིད་ལ་དགོད་
པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་རང་བྱང་ཆུབ་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་ལམ་གྱི་རྣམ་པ་ཤེས་པ་ཉིད་ལ་དགོད་པར་
བྱའོ། །འདི་སྙེད་ཅིག་ནི་དགོད་པར་མྱི་བྱའོ། །བདག་གིས་སེམས་ཅན་འདི་སྙེད་ཅིག་ནི་རྣམ་པ་ཐམས་ཅད་མཁྱེན་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མྱི་བྱའོ། །ཞེས་བྱ་བར་སེམས་བསྐྱེད་པའི་གོ་མྱི་འབྱེད་ཀྱི་དེ་འདི་སྙམ་དུ་
སེམས་ཏེ། བདག་གིས་སེམས་ཅན་ཚད་མྱེད་གྲངས་མྱེད་པ་སྦྱིན་པའི་ཕ་རོལ་ཏུ་ཕྱིན་པ་ལ་དགོད་པར་བྱའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་དགོད་པར་བྱའོ། །བཟོད་པའི་ཕ་རོལ་ཏུ་ཕྱིན་པ་ལ་དགོད་པར་བྱའོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་དགོད་
པར་བྱའོ། །བསམ་གཏན་གྱི་ཕ་རོལ་ཏུ་ཕྱིན་པ་ལ་དགོད་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་དགོད་པར་བྱའོ། །ནང་སྟོང་པ་ཉིད་ལ་དགོད་པར་བྱའོ། །ཕྱི་སྟོང་པ་ཉིད་ལ་དགོད་པར་བྱའོ། །ཕྱི་ནང་སྟོང་པ་ཉིད་ལ་དགོད་པར་བྱའོ། །སྟོང་པ་ཉིད་སྟོང་པ་ཉིད་
ལ་དགོད་པར་བྱའོ། །ཆེན་པོ་སྟོང་པ་ཉིད་ལ་དགོད་པར་བྱའོ། །དོན་དམ་པ་སྟོང་པ་ཉིད་ལ་དགོད་པར་བྱའོ། །འདུས་བྱས་སྟོང་པ་ཉིད་ལ་དགོད་པར་བྱའོ། །འདུས་མ་བྱས་སྟོང་པ་ཉིད་ལ་དགོད་པར་བྱའོ། །མཐའ་ལས་འདས་པ་སྟོང་པ་ཉིད་ལ་དགོད་པར་བྱའོ། །

ཐོག་མ་དང་ཐ་མ་མྱེད་པ་སྟོང་པ་ཉིད་ལ་དགོད་པར་བྱའོ། །དོར་བ་མྱེད་པ་སྟོང་པ་ཉིད་ལ་དགོད་པར་བྱའོ། །རང་བཞིན་སྟོང་པ་ཉིད་ལ་དགོད་པར་བྱའོ། །ཆོས་ཐམས་ཅད་སྟོང་པ་ཉིད་ལ་དགོད་པར་བྱའོ། །རང་གི་མཚན་ཉིད་སྟོང་པ་ཉིད་ལ་དགོད་པར་བྱའོ། །མྱི་དམྱིགས་
པ་སྟོང་པ་ཉིད་ལ་དགོད་པར་བྱའོ། །དངོས་པོ་མྱེད་པ་སྟོང་པ་ཉིད་ལ་དགོད་པར་བྱའོ། །ངོ་བོ་ཉིད་སྟོང་པ་ཉིད་ལ་དགོད་པར་བྱའོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ལ་དགོད་པར་བྱའོ། །དྲན་པ་ཉེ་བར་གཞག་པ་བཞི་ལ་དགོད་པར་བྱའོ། །ཡང་དག་པར་སྤོང་བ་
བཞི་ལ་དགོད་པར་བྱའོ། །རྫུ་འཕྲུལ་གྱི་རྐང་པ་བཞི་ལ་དགོད་པར་བྱའོ། །དབང་པོ་ལྔ་ལ་དགོད་པར་བྱའོ། །སྟོབས་ལྔ་ལ་དགོད་པར་བྱའོ། །བྱང་ཆུབ་ཀྱི་ཡན་ལག་བདུན་ལ་དགོད་པར་བྱའོ། །འཕགས་པའི་ལམ་ཡན་ལག་བརྒྱད་པ་ལ་དགོད་པར་བྱའོ། །
འཕགས་པའི་བདེན་པ་བཞི་ལ་དགོད་པར་བྱའོ། །བསམ་གཏན་བཞི་ལ་དགོད་པར་བྱའོ། །ཚད་མྱེད་པ་བཞི་ལ་དགོད་པར་བྱའོ། །གཟུགས་མྱེད་པའི་སྙོམས་པར་འཇུག་པ་བཞི་ལ་དགོད་པར་བྱའོ། །རྣམ་པར་ཐར་པ་བརྒྱད་ལ་དགོད་པར་བྱའོ། །མཐར་ཀྱིས་
གནས་པའི་སྙོམས་པར་འཇུག་པ་དགུ་ལ་དགོད་པར་བྱའོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལ་དགོད་པར་བྱའོ། །མངོན་པར་ཤེས་པ་ལྔ་ལ་དགོད་པར་བྱའོ། །ཏིང་ངེ་འཛིན་ཐམས་ཅད་ལ་དགོད་པར་བྱའོ། །
གཟུངས་ཀྱི་སྒོ་ཐམས་ཅད་ལ་དགོད་པར་བྱའོ། །དེ་བཞིན་གཤེགས་པའི་སྟོབས་བཅུ་ལ་དགོད་པར་བྱའོ། །མྱི་འཇིགས་པ་བཞི་ལ་དགོད་པར་བྱའོ། །སོ་སོ་ཡང་དག་པར་རིག་པ་བཞི་ལ་དགོད་པར་བྱའོ། །སྙིང་རྗེ་ཆེན་པོ་ལ་དགོད་པར་བྱའོ། །སངས་རྒྱས་ཀྱི་ཆོས་
མ་འདྲེས་པར་བཅྭོ་བརྒྱད་ལ་དགོད་པར་བྱའོ། །རྒྱུན་ཏུ་ཞུགས་པའི་འབྲས་བུ་ལ་དགོད་པར་བྱའོ། །ལན་ཅིག་ཕྱིར་འོང་བའི་འབྲས་བུ་ལ་དགོད་པར་བྱའོ། །ཕྱིར་མྱི་འོང་བའི་འབྲས་བུ་ལ་དགོད་པར་བྱའོ། །དགྲ་བཅོམ་པ་ཉིད་ལ་དགོད་པར་བྱའོ། །རང་བྱང་ཆུབ་ལ་

དགོད་པར་བྱའོ། །ལམ་གྱི་རྣམ་པ་ཤེས་པ་ཉིད་ལ་དགོད་པར་བྱའོ། །རྣམ་པ་ཐམས་ཅད་མཁྱེན་པ་ཉིད་ལ་དགོད་པར་བྱའོ། །ཞེས་བྱ་བར་སེམས་བསྐྱེད་དོ། །རབ་འབྱོར་འདི་ལྟ་སྟེ་དཔེར་ན། སྒྱུ་མའི་མཁན་པོའམ། སྒྱུ་མའི་མཁན་པོའི་
མཆན་བུ་མཁས་པ་ཞིག་གིས་ལམ་པོ་ཆེའི་བཞི་མདོར་འདུག་སྟེ། སྐྱེ་བོ་ཕལ་པོ་ཆེའི་ཚོགས་ཀྱི་མདུན་དུ་སྐྱེ་བོ་མང་པོའི་ཚོགས་ཤིག་མངོན་པར་སྤྲུལ་ཏེ། འདི་སྙམ་དུ་བདག་གིས་སེམས་ཅན་ཚད་མྱེད་གྲངས་མྱེད་པ་འདི་དག་ཕ་རོལ་ཏུ་ཕྱིན་པ་དྲུག་ལ་དགོད་པར་བྱའོ། །སྟོང་པ་ཉིད་
བཅྭོ་བརྒྱད་ལ་དགོད་པར་བྱའོ། །དྲན་པ་ཉེ་བར་གཞག་པ་བཞི་ལ་དགོད་པར་བྱའོ། །ཡང་དག་པར་སྤོང་བ་བཞི་ལ་དགོད་པར་བྱའོ། །རྫུ་འཕྲུལ་གྱི་རྐང་པ་བཞི་ལ་དགོད་པར་བྱའོ། །དབང་པོ་ལྔ་ལ་དགོད་པར་བྱའོ། །སྟོབས་ལྔ་ལ་དགོད་པར་བྱའོ། །བྱང་ཆུབ་ཀྱི་ཡན་ལག་
བདུན་ལ་དགོད་པར་བྱའོ། །འཕགས་པའི་ལམ་ཡན་ལག་བརྒྱད་པ་ལ་དགོད་པར་བྱའོ། །འཕགས་པའི་བདེན་པ་བཞི་ལ་དགོད་པར་བྱའོ། །བསམ་གཏན་བཞི་ལ་དགོད་པར་བྱའོ། །ཚད་མྱེད་པ་བཞི་ལ་དགོད་པར་བྱའོ། །གཟུགས་མྱེད་པའི་སྙོམས་པར་
འཇུག་པ་བཞི་ལ་དགོད་པར་བྱའོ། །རྣམ་པར་ཐར་པ་བརྒྱད་ལ་དགོད་པར་བྱའོ། །མཐར་ཀྱིས་གནས་པའི་སྙོམས་པར་འཇུག་པ་དགུ་ལ་དགོད་པར་བྱའོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལ་དགོད་པར་བྱའོ། །
མངོན་པར་ཤེས་པ་ལྔ་ལ་དགོད་པར་བྱའོ། །ཏིང་ངེ་འཛིན་ཐམས་ཅད་ལ་དགོད་པར་བྱའོ། །གཟུངས་ཀྱི་སྒོ་ཐམས་ཅད་ལ་དགོད་པར་བྱའོ། །དེ་བཞིན་གཤེགས་པའི་སྟོབས་བཅུ་ལ་དགོད་པར་བྱའོ། །མྱི་འཇིགས་པ་བཞི་ལ་དགོད་པར་བྱའོ། །སོ་སོ་ཡང་དག་
པར་རིག་པ་བཞི་ལ་དགོད་པར་བྱའོ། །སྙིང་རྗེ་ཆེན་པོ་ལ་དགོད་པར་བྱའོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་དགོད་པར་བྱའོ། །རྒྱུན་ཏུ་ཞུགས་པའི་འབྲས་བུ་ལ་དགོད་པར་བྱའོ། །ལན་ཅིག་ཕྱིར་འོང་བའི་འབྲས་བུ་ལ་དགོད་པར་བྱའོ། །ཕྱིར་མྱི་

འོང་བའི་འབྲས་བུ་ལ་དགོད་པར་བྱའོ། །དགྲ་བཅོམ་པ་ཉིད་ལ་དགོད་པར་བྱའོ། །རང་བྱང་ཆུབ་ལ་དགོད་པར་བྱའོ། །ལམ་གྱི་རྣམ་པ་ཤེས་པ་ཉིད་ལ་དགོད་པར་བྱའོ། །རྣམ་པ་ཐམས་ཅད་མཁྱེན་པ་ཉིད་དུ་དགོད་པར་བྱའོ་སྙམ་དུ་སེམས་སྐྱེད་པར་གྱུར་ན། རབ་འབྱོར་
དེ་ལ་ཇི་སྙམ་དུ་སེམས། སྒྱུ་མའི་མཁན་པོའམ། སྒྱུ་མའི་མཁན་པོའི་མཆན་བུ་དེས། སེམས་ཅན་གང་ཡང་ཕ་རོལ་ཏུ་ཕྱིན་པ་དྲུག་ལ་བཀོད་པར་གྱུར་པ་ཡོད་དམ། དྲན་པ་ཉེ་བར་གཞག་པ་བཞི་ལ་བཀོད་པར་གྱུར་པ་ཡོད་དམ། ཡང་དག་པར་སྤོང་
བ་བཞི་ལ་བཀོད་པར་གྱུར་པ་ཡོད་དམ། རྫུ་འཕྲུལ་ཀྱི་རྐང་པ་བཞི་ལ་བཀོད་པར་གྱུར་པ་ཡོད་དམ། དབང་པོ་ལྔ་ལ་བཀོད་པར་གྱུར་པ་ཡོད་དམ། སྟོབས་ལྔ་ལ་བཀོད་པར་གྱུར་པ་ཡོད་དམ། བྱང་ཆུབ་ཀྱི་ཡན་ལག་བདུན་ལ་བཀོད་པར་གྱུར་པ་ཡོད་དམ། འཕགས་
པའི་ལམ་ཡན་ལག་བརྒྱད་པ་ལ་བཀོད་པར་གྱུར་པ་ཡོད་དམ། འཕགས་པའི་བདེན་པ་བཞི་ལ་བཀོད་པར་གྱུར་པ་ཡོད་དམ། བསམ་གཏན་བཞི་ལ་བཀོད་པར་གྱུར་པ་ཡོད་དམ། ཚད་མྱེད་པ་བཞི་ལ་བཀོད་པར་གྱུར་པ་ཡོད་དམ། གཟུགས་མྱེད་པའི་སྙོམས་
པར་འཇུག་པ་བཞི་ལ་བཀོད་པར་གྱུར་པ་ཡོད་དམ། རྣམ་པར་ཐར་པ་བརྒྱད་ལ་བཀོད་པར་གྱུར་པ་ཡོད་དམ། མཐར་ཀྱིས་གནས་པའི་སྙོམས་པར་འཇུག་པ་དགུ་ལ་བཀོད་པར་གྱུར་པ་ཡོད་དམ། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་
དང་། སྨོན་པ་མྱེད་པ་ལ་བཀོད་པར་གྱུར་པ་ཡོད་དམ། མངོན་པར་ཤེས་པ་ལྔ་ལ་བཀོད་པར་གྱུར་པ་ཡོད་དམ། ཏིང་ངེ་འཛིན་ཐམས་ཅད་ལ་བཀོད་པར་གྱུར་པ་ཡོད་དམ། གཟུངས་ཀྱི་སྒོ་ཐམས་ཅད་ལ་བཀོད་པར་གྱུར་པ་ཡོད་དམ། དེ་བཞིན་གཤེགས་
པའི་སྟོབས་བཅུ་ལ་བཀོད་པར་གྱུར་པ་ཡོད་དམ། མྱི་འཇིགས་པ་བཞི་ལ་བཀོད་པར་གྱུར་པ་ཡོད་དམ། སོ་སོ་ཡང་དག་པར་རིག་པ་བཞི་ལ་བཀོད་པར་གྱུར་པ་ཡོད་དམ། སྙིང་རྗེ་ཆེན་པོ་ལ་བཀོད་པར་གྱུར་པ་ཡོད་དམ། སངས་རྒྱས་ཀྱི་ཆོས་མ་

འདྲེས་པ་བཅྭོ་བརྒྱད་ལ་བཀོད་པར་གྱུར་པ་ཡོད་དམ། རྒྱུན་ཏུ་ཞུགས་པའི་འབྲས་བུ་ལ་བཀོད་པར་གྱུར་པ་ཡོད་དམ། ལན་ཅིག་ཕྱིར་འོང་བའི་འབྲས་བུ་ལ་བཀོད་པར་གྱུར་པ་ཡོད་དམ། ཕྱིར་མྱི་འོང་བའི་འབྲས་བུ་ལ་བཀོད་པར་གྱུར་པ་ཡོད་
དམ། དགྲ་བཅོམ་པ་ཉིད་ལ་བཀོད་པར་གྱུར་པ་ཡོད་དམ། རང་བྱང་ཆུབ་ལ་བཀོད་པར་གྱུར་པ་ཡོད་དམ། ལམ་གྱི་རྣམ་པ་ཤེས་པ་ཉིད་ལ་བཀོད་པར་གྱུར་པ་ཡོད་དམ། རྣམ་པ་ཐམས་ཅད་མཁྱེན་པ་ཉིད་ལ་བཀོད་པར་གྱུར་པ་ཡོད་དམ། གསོལ་པ་བཅོམ་ལྡན་
འདས་དེ་ནི་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཚད་མྱེད་གྲངས་མྱེད་པ་ཕ་རོལ་ཏུ་ཕྱིན་པ་དྲུག་ལ་དགོད་པར་སེམས་བསྐྱེད། སྟོང་པ་ཉིད་བཅྭོ་བརྒྱད་ལ་དགོད་པར་
སེམས་བསྐྱེད། དྲན་པ་ཉེ་བར་གཞག་པ་བཞི་ལ་དགོད་པར་སེམས་བསྐྱེད། ཡང་དག་པར་སྤོང་བ་བཞི་ལ་དགོད་པར་སེམས་བསྐྱེད། རྫུ་འཕྲུལ་གྱི་རྐང་པ་བཞི་ལ་དགོད་པར་སེམས་བསྐྱེད། དབང་པོ་ལྔ་ལ་དགོད་པར་སེམས་བསྐྱེད། སྟོབས་ལྔ་ལ་དགོད་པར་
སེམས་བསྐྱེད། བྱང་ཆུབ་ཀྱི་ཡན་ལག་བདུན་ལ་དགོད་པར་སེམས་བསྐྱེད། འཕགས་པའི་ལམ་ཡན་ལག་བརྒྱད་པ་ལ་དགོད་པར་སེམས་བསྐྱེད། འཕགས་པའི་བདེན་པ་བཞི་ལ་དགོད་པར་སེམས་བསྐྱེད། བསམ་གཏན་བཞི་ལ་དགོད་པར་སེམས་བསྐྱེད།
ཚད་མྱེད་པ་བཞི་ལ་དགོད་པར་སེམས་བསྐྱེད། གཟུགས་མྱེད་པའི་སྙོམས་པར་འཇུག་པ་བཞི་ལ་དགོད་པར་སེམས་བསྐྱེད། རྣམ་པར་ཐར་པ་བརྒྱད་ལ་དགོད་པར་སེམས་བསྐྱེད། མཐར་ཀྱིས་གནས་པའི་སྙོམས་པར་འཇུག་པ་དགུ་ལ་དགོད་པར་སེམས་
བསྐྱེད། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལ་དགོད་པར་སེམས་བསྐྱེད། མངོན་པར་ཤེས་པ་ལྔ་ལ་དགོད་པར་སེམས་བསྐྱེད། ཏིང་ངེ་འཛིན་ཐམས་ཅད་ལ་དགོད་པར་སེམས་བསྐྱེད། གཟུངས་ཀྱི་སྒོ་ཐམས་

ཅད་ལ་དགོད་པར་སེམས་བསྐྱེད། དེ་བཞིན་གཤེགས་པའི་སྟོབས་བཅུ་ལ་དགོད་པར་སེམས་བསྐྱེད། མྱི་འཇིགས་པ་བཞི་ལ་དགོད་པར་སེམས་བསྐྱེད། སོ་སོ་ཡང་དག་པར་རིག་པ་བཞི་ལ་དགོད་པར་སེམས་བསྐྱེད། སྙིང་རྗེ་ཆེན་པོ་ལ་དགོད་པར་སེམས་བསྐྱེད། སངས་
རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ལ་དགོད་པར་སེམས་བསྐྱེད། རྒྱུན་ཏུ་ཞུགས་པའི་འབྲས་བུ་ལ་དགོད་པར་སེམས་བསྐྱེད། ལན་ཅིག་ཕྱིར་འོང་བའི་འབྲས་བུ་ལ་དགོད་པར་སེམས་བསྐྱེད། ཕྱིར་མྱི་འོང་བའི་འབྲས་བུ་ལ་དགོད་པར་སེམས་བསྐྱེད། དགྲ་
བཅོམ་པ་ཉིད་ལ་དགོད་པར་སེམས་བསྐྱེད། རང་བྱང་ཆུབ་ལ་དགོད་པར་སེམས་བསྐྱེད། ལམ་གྱི་རྣམ་པ་ཤེས་པ་ཉིད་ལ་དགོད་པར་སེམས་བསྐྱེད། རྣམ་པ་ཐམས་ཅད་མཁྱེན་པ་ཉིད་ལ་དགོད་པར་སེམས་བསྐྱེད་ཀྱང་སེམས་ཅན་གང་གི་དོན་དུ་ཡང་སེམས་བསྐྱེད་པ་
མྱེད་དོ། །དེ་ཅིའི་ཕྱིར་ཞེ་ན། རབ་འབྱོར་སྒྱུ་མའི་ཆོས་ཉིད་ཉེ་བར་བཟུང་ན། ཆོས་རྣམས་ཀྱི་ཆོས་ཉིད་ཀྱིས་དེ་བཞིན་པའི་ཕྱིར་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་ཞེས་བྱའོ། །རབ་འབྱོར་གྱིས་གསོལ་པ་
བཅོམ་ལྡན་འདས་བདག་གིས། བཅོམ་ལྡན་འདས་ཀྱིས་གསུངས་པའི་དོན་འཚལ་ཏེ། བྱང་ཆུབ་སེམས་དཔའ་སེམས་དཔའ་ཆེན་པོས་ནི། རང་གི་མཚན་ཉིད་སྟོང་པ་ཉིད་ཀྱི་སླད་དུ་གོ་ཆ་མ་མཆིས་པའི་གོ་ཆ་བགོས་པར་རིག་པར་བགྱིའོ། །དེ་ཅིའི་སླད་དུ་ཞེ་ན།
བཅོམ་ལྡན་འདས་དེ་ནི་འདི་ལྟར་གཟུགས་གཟུགས་ཀྱིས་སྟོང་ངོ་། །ཚོར་བ་ཚོར་བས་སྟོང་ངོ་། །འདུ་ཤེས་འདུ་ཤེས་ཀྱིས་སྟོང་ངོ་། །འདུ་བྱེད་འདུ་བྱེད་ཀྱིས་སྟོང་ངོ་། །རྣམ་པར་ཤེས་པ་རྣམ་པར་ཤེས་པས་སྟོང་ངོ་། །མྱིག་མྱིག་གིས་སྟོང་ངོ་། །རྣ་བ་རྣ་བས་
སྟོང་ངོ་། །སྣ་སྣས་སྟོང་ངོ་། །ལྕེ་ལྕེས་སྟོང་ངོ་། །ལུས་ལུས་ཀྱིས་སྟོང་ངོ་། །ཡིད་ཡིད་ཀྱིས་སྟོང་ངོ་། །གཟུགས་གཟུགས་ཀྱིས་སྟོང་ངོ་། །སྒྲ་སྒྲས་སྟོང་ངོ་། །དྲི་དྲིས་སྟོང་ངོ་། །རོ་རོས་སྟོང་ངོ་། །རེག་རེག་གིས་སྟོང་ངོ་། །ཆོས་ཆོས་ཀྱིས་སྟོང་ངོ་། །མྱིག་

གི་རྣམ་པར་ཤེས་པ་མྱིག་གི་རྣམ་པར་ཤེས་པས་སྟོང་ངོ་། །རྣ་བའི་རྣམ་པར་ཤེས་པ་རྣ་བའི་རྣམ་པར་ཤེས་པས་སྟོང་ངོ་། །སྣའི་རྣམ་པར་ཤེས་པ་སྣའི་རྣམ་པར་ཤེས་པས་སྟོང་ངོ་། །ལྕེའི་རྣམ་པར་ཤེས་པ་ལྕེའི་རྣམ་པར་ཤེས་པས་
སྟོང་ངོ་། །ལུས་ཀྱི་རྣམ་པར་ཤེས་པ་ལུས་ཀྱི་རྣམ་པར་ཤེས་པས་སྟོང་ངོ་། །ཡིད་ཀྱི་རྣམ་པར་ཤེས་པ་ཡིད་ཀྱི་རྣམ་པར་ཤེས་པས་སྟོང་ངོ་། །མྱིག་གི་འདུས་ཏེ་རེག་པ་མྱིག་གི་འདུས་ཏེ་རེག་པས་སྟོང་ངོ་། །རྣ་བའི་འདུས་ཏེ་རེག་པ་རྣ་བའི་འདུས་ཏེ་རེག་པས་སྟོང་
ངོ་། །སྣའི་འདུས་ཏེ་རེག་པ་སྣའི་འདུས་ཏེ་རེག་པས་སྟོང་ངོ་། །ལྕེའི་འདུས་ཏེ་རེག་པ་ལྕེའི་འདུས་ཏེ་རེག་པས་སྟོང་ངོ་། །ལུས་ཀྱི་འདུས་ཏེ་རེག་པ་ལུས་ཀྱི་འདུས་ཏེ་རེག་པས་སྟོང་ངོ་། །ཡིད་ཀྱི་འདུས་ཏེ་རེག་པ་ཡིད་ཀྱི་འདུས་ཏེ་རེག་པས་སྟོང་ངོ་། །མྱིག་གི་འདུས་ཏེ་
རེག་པའི་རྐྱེན་ཀྱིས་ཚོར་བ་མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བས་སྟོང་ངོ་། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བས་སྟོང་ངོ་། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་སྣའི་འདུས་ཏེ་རེག་པའི་རྐྱེན་ཀྱིས་
ཚོར་བས་སྟོང་ངོ་། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བས་སྟོང་ངོ་། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བས་སྟོང་ངོ་། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་
ཚོར་བ་ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བས་སྟོང་ངོ་། །སའི་ཁམས་སའི་ཁམས་ཀྱིས་སྟོང་ངོ་། །ཆུའི་ཁམས་ཆུའི་ཁམས་ཀྱིས་སྟོང་ངོ་། །མྱེའི་ཁམས་མྱེའི་ཁམས་ཀྱིས་སྟོང་ངོ་། །རླུང་གི་ཁམས་རླུང་གི་ཁམས་ཀྱིས་སྟོང་ངོ་། །ནམ་མཁའི་ཁམས་
ནམ་མཁའི་ཁམས་ཀྱིས་སྟོང་ངོ་། །རྣམ་པར་ཤེས་པའི་ཁམས་རྣམ་པར་ཤེས་པའི་ཁམས་ཀྱིས་སྟོང་ངོ་། །མ་རིག་པ་མ་རིག་པས་སྟོང་ངོ་། །འདུ་བྱེད་འདུ་བྱེད་ཀྱིས་སྟོང་ངོ་། །རྣམ་པར་ཤེས་པ་རྣམ་པར་ཤེས་པས་སྟོང་ངོ་། །མྱིང་དང་གཟུགས་མྱིང་དང་

གཟུགས་ཀྱིས་སྟོང་ངོ་། །སྐྱེ་མཆེད་དྲུག་སྐྱེ་མཆེད་དྲུག་གིས་སྟོང་ངོ་། །རེག་པ་རེག་པས་སྟོང་ངོ་། །ཚོར་བ་ཚོར་བས་སྟོང་ངོ་། །སྲེད་པ་སྲེད་པས་སྟོང་ངོ་། །ལེན་པ་ལེན་པས་སྟོང་ངོ་། །སྲིད་པ་སྲིད་པས་སྟོང་ངོ་། །སྐྱེ་བ་སྐྱེ་བས་སྟོང་ངོ་། །རྒ་ཤི་རྒ་ཤིས་སྟོང་ངོ་། །
སྦྱིན་པའི་ཕ་རོལ་ཏུ་ཕྱིན་པ་སྦྱིན་པའི་ཕ་རོལ་ཏུ་ཕྱིན་པས་སྟོང་ངོ་། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པས་སྟོང་ངོ་། །བཟོད་པའི་ཕ་རོལ་ཏུ་ཕྱིན་པ་བཟོད་པའི་ཕ་རོལ་ཏུ་ཕྱིན་པས་སྟོང་ངོ་། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་བརྩོན་
འགྲུས་ཀྱི་ཕ་རོལ་ཏུ་ཕྱིན་པས་སྟོང་ངོ་། །བསམ་གཏན་གྱི་ཕ་རོལ་ཏུ་ཕྱིན་པ་བསམ་གཏན་གྱི་ཕ་རོལ་ཏུ་ཕྱིན་པས་སྟོང་ངོ་། །ཤེས་རབ་ཀྱི་ཕ་རོལ་ཏུ་ཕྱིན་པ་ཤེས་རབ་ཀྱི་ཕ་རོལ་ཏུ་ཕྱིན་པས་སྟོང་ངོ་། །ནང་སྟོང་པ་ཉིད་ནང་སྟོང་པ་ཉིད་ཀྱིས་སྟོང་ངོ་། །ཕྱི་སྟོང་པ་ཉིད་
ཕྱི་སྟོང་པ་ཉིད་ཀྱིས་སྟོང་ངོ་། །ཕྱི་ནང་སྟོང་པ་ཉིད་ཕྱི་ནང་སྟོང་པ་ཉིད་ཀྱིས་སྟོང་ངོ་། །སྟོང་པ་ཉིད་སྟོང་པ་ཉིད་སྟོང་པ་ཉིད་སྟོང་པ་ཉིད་ཀྱིས་སྟོང་ངོ་། །ཆེན་པོ་སྟོང་པ་ཉིད་ཆེན་པོ་སྟོང་པ་ཉིད་ཀྱིས་སྟོང་ངོ་། །དོན་དམ་པ་སྟོང་པ་ཉིད་དོན་དམ་པ་སྟོང་པ་ཉིད་ཀྱིས་སྟོང་
ངོ་། །འདུས་བྱས་སྟོང་པ་ཉིད་འདུས་བྱས་སྟོང་པ་ཉིད་ཀྱིས་སྟོང་ངོ་། །འདུས་མ་བྱས་སྟོང་པ་ཉིད་འདུས་མ་བྱས་སྟོང་པ་ཉིད་ཀྱིས་སྟོང་ངོ་། །མཐའ་ལས་འདས་པ་སྟོང་པ་ཉིད་མཐའ་ལས་འདས་པ་སྟོང་པ་ཉིད་ཀྱིས་སྟོང་ངོ་། །ཐོག་མ་དང་ཐ་མ་མྱེད་པ་སྟོང་
པ་ཉིད་ཐོག་མ་དང་ཐ་མ་མྱེད་པ་སྟོང་པ་ཉིད་ཀྱིས་སྟོང་ངོ་། །དོར་བ་མྱེད་པ་སྟོང་པ་ཉིད་དོར་བ་མྱེད་པ་སྟོང་པ་ཉིད་ཀྱིས་སྟོང་ངོ་། །རང་བཞིན་སྟོང་པ་ཉིད་རང་བཞིན་སྟོང་པ་ཉིད་ཀྱིས་སྟོང་ངོ་། །ཆོས་ཐམས་ཅད་སྟོང་པ་ཉིད་ཆོས་ཐམས་ཅད་སྟོང་པ་ཉིད་ཀྱིས་
སྟོང་ངོ་། །རང་གི་མཚན་ཉིད་སྟོང་པ་ཉིད་རང་གི་མཚན་ཉིད་སྟོང་པ་ཉིད་ཀྱིས་སྟོང་ངོ་། །མྱི་དམྱིགས་པ་སྟོང་པ་ཉིད་མྱི་དམྱིགས་པ་སྟོང་པ་ཉིད་ཀྱིས་སྟོང་ངོ་། །དངོས་པོ་མྱེད་པ་སྟོང་པ་ཉིད་དངོས་པོ་མྱེད་པ་སྟོང་པ་ཉིད་ཀྱིས་སྟོང་ངོ་། །ངོ་བོ་ཉིད་སྟོང་པ་

ཉིད་ངོ་བོ་ཉིད་སྟོང་པ་ཉིད་ཀྱིས་སྟོང་ངོ་། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱིས་སྟོང་ངོ་། །དྲན་པ་ཉེ་བར་གཞག་པ་རྣམས་དྲན་པ་ཉེ་བར་གཞག་པ་རྣམས་ཀྱིས་སྟོང་ངོ་། །ཡང་དག་པར་
སྤོང་བ་རྣམས་ཡང་དག་པར་སྤོང་བ་རྣམས་ཀྱིས་སྟོང་ངོ་། །རྫུ་འཕྲུལ་གྱི་རྐང་པ་རྣམས་རྫུ་འཕྲུལ་གྱི་རྐང་པ་རྣམས་ཀྱིས་སྟོང་ངོ་། །དབང་པོ་རྣམས་དབང་པོ་རྣམས་ཀྱིས་སྟོང་ངོ་། །སྟོབས་རྣམས་སྟོབས་རྣམས་ཀྱིས་སྟོང་ངོ་། །བྱང་ཆུབ་ཀྱི་ཡན་
ལག་རྣམས་བྱང་ཆུབ་ཀྱི་ཡན་ལག་རྣམས་ཀྱིས་སྟོང་ངོ་། །འཕགས་པའི་ལམ་ཡན་ལག་བརྒྱད་པ་འཕགས་པའི་ལམ་ཡན་ལག་བརྒྱད་པས་སྟོང་ངོ་། །འཕགས་པའི་བདེན་པ་རྣམས་འཕགས་པའི་བདེན་པ་རྣམས་ཀྱིས་སྟོང་ངོ་། །བསམ་གཏན་རྣམས་
བསམ་གཏན་རྣམས་ཀྱིས་སྟོང་ངོ་། །ཚད་མྱེད་པ་རྣམས་ཚད་མྱེད་པ་རྣམས་ཀྱིས་སྟོང་ངོ་། །གཟུགས་མྱེད་པའི་སྙོམས་པར་འཇུག་པ་རྣམས་གཟུགས་མྱེད་པའི་སྙོམས་པར་འཇུག་པ་རྣམས་ཀྱིས་སྟོང་ངོ་། །རྣམ་པར་ཐར་པ་རྣམས་རྣམ་པར་ཐར་པ་རྣམས་
ཀྱིས་སྟོང་ངོ་། །མཐར་ཀྱིས་གནས་པའི་སྙོམས་པར་འཇུག་པ་རྣམས་མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱིས་སྟོང་ངོ་། །རྣམ་པར་ཐར་པའི་སྒོ་སྟོང་པ་ཉིད་དང་མཚན་མ་མྱེད་པ་དང་སྨོན་པ་མྱེད་པ། རྣམ་པར་ཐར་པའི་སྒོ་སྟོང་པ་ཉིད་དང་
མཚན་མ་མྱེད་པ་དང་། སྨོན་པ་མྱེད་པས་སྟོང་ངོ་། །མངོན་པར་ཤེས་པ་རྣམས་མངོན་པར་ཤེས་པ་རྣམས་ཀྱིས་སྟོང་ངོ་། །ཏིང་ངེ་འཛིན་ཐམས་ཅད་ཀྱིས་སྟོང་ངོ་། །གཟུངས་ཀྱི་སྒོ་ཐམས་ཅད་གཟུངས་ཀྱི་སྒོ་ཐམས་ཅད་ཀྱིས་སྟོང་
ངོ་། །དེ་བཞིན་གཤེགས་པའི་སྟོབས་བཅུ་དེ་བཞིན་གཤེགས་པའི་སྟོབས་བཅུས་སྟོང་ངོ་། །མྱི་འཇིགས་པ་རྣམས་མྱི་འཇིགས་པ་རྣམས་ཀྱིས་སྟོང་ངོ་། །སོ་སོ་ཡང་དག་པར་རིག་པ་རྣམས་སོ་སོ་ཡང་དག་པར་རིག་པ་རྣམས་ཀྱིས་སྟོང་ངོ་། །སྙིང་རྗེ་ཆེན་པོ་སྙིང་

རྗེ་ཆེན་པོས་སྟོང་ངོ་། །སངས་རྒྱས་ཀྱི་ཆོས་མ་འདྲེས་པ་རྣམས་སངས་རྒྱས་ཀྱི་ཆོས་མ་འདྲེས་པ་རྣམས་ཀྱིས་སྟོང་ངོ་། །བཅོམ་ལྡན་འདས་བྱང་ཆུབ་སེམས་དཔའ་ཡང་བྱང་ཆུབ་སེམས་དཔས་སྟོང་ངོ་། །གོ་ཆ་ཆེན་པོ་ཡང་གོ་ཆ་ཆེན་པོས་སྟོང་སྟེ། བཅོམ་ལྡན་འདས་རྣམ་གྲངས་དེས་ན། བྱང་
ཆུབ་སེམས་དཔའ་སེམས་དཔའ་ཆེན་པོས་གོ་ཆ་མ་མཆིས་པའི་གོ་ཆ་བགོས་པར་རིག་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ཇི་སྐད་དུ་སྨྲས་པ་བཞིན་ཏེ། དེ་དེ་བཞིན་ནོ། །དེ་དེ་བཞིན་ཏེ། དེ་ཅིའི་ཕྱིར་ཞེ་ན། རབ་འབྱོར་དེ་ནི་རྣམ་པ་
ཐམས་ཅད་མཁྱེན་པ་ཉིད་ཀྱང་མ་བྱས། རྣམ་པར་མ་བྱས་མངོན་པར་མ་བྱས། བྱང་ཆུབ་སེམས་དཔའ་སེམས་དཔའ་ཆེན་པོས། གང་གི་དོན་དུ་གོ་ཆ་ཆེན་པོ་བགོས་པའི་སེམས་ཅན་དེ་དག་ཀྱང་མ་བྱས། རྣམ་པར་མ་བྱས་མངོན་པར་མ་བྱས་སོ། །གསོལ་པ་བཅོམ་
ལྡན་འདས་ཅིའི་སླད་དུ། རྣམ་པ་ཐམས་ཅད་མཁྱེན་པ་ཉིད་མ་བགྱིས། རྣམ་པར་མ་བགྱིས་མངོན་པར་མ་བགྱིས་པ་ལགས། བྱང་ཆུབ་སེམས་དཔའ་སེམས་དཔའ་ཆེན་པོས། གང་གི་དོན་ཏུ་གོ་ཆ་བགོས་པའི་སེམས་ཅན་དེ་དག་ཀྱང་། ཅིའི་སླད་དུ་མ་བགྱིས།
རྣམ་པར་མ་བགྱིས་མངོན་པར་མ་བགྱིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱེད་པ་པོ་དམྱིགས་སུ་མྱེད་པའི་ཕྱིར། རྣམ་པ་ཐམས་ཅད་མཁྱེན་པ་ཉིད་མ་བྱས། རྣམ་པར་མ་བྱས། མངོན་པར་མ་བྱས་སོ། །བྱང་ཆུབ་སེམས་
དཔའ་སེམས་དཔའ་ཆེན་པོས་གང་གི་དོན་དུ་གོ་ཆ་ཆེན་པོ་བགོས་པའི་སེམས་ཅན་དེ་དག་ཀྱང་མ་བྱས། རྣམ་པར་མ་བྱས། མངོན་པར་མ་བྱས་སོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་གཟུགས་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །ཚོར་བ་
མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །འདུ་ཤེས་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །འདུ་བྱེད་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །རྣམ་པར་ཤེས་པ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །

རབ་འབྱོར་མྱིག་མྱི་བྱེད་རྣམ་པར་མྱི་བྱེད། མངོན་པར་མྱི་བྱེད་དོ། །རྣ་བ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །སྣ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །ལྕེ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །ལུས་
མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །ཡིད་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དོ། །རབ་འབྱོར་གཟུགས་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །སྒྲ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །དྲི་མྱི་བྱེད། རྣམ་པར་
མྱི་བྱེད། མངོན་པར་མྱི་བྱེད་དོ། །རོ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །རེག་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །ཆོས་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །རབ་འབྱོར་མྱིག་གི་རྣམ་པར་ཤེས་པ་མྱི་བྱེད། རྣམ་པར་
མྱི་བྱེད། མངོན་པར་མྱི་བྱེད་དོ། །རྣ་བའི་རྣམ་པར་ཤེས་པ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །སྣའི་རྣམ་པར་ཤེས་པ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །ལྕེའི་རྣམ་པར་ཤེས་པ་མྱི་བྱེད། རྣམ་པར་མྱི་བྱེད། མངོན་པར་
མྱི་བྱེད་དོ། །ལུས་ཀྱི་རྣམ་པར་ཤེས་པ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །ཡིད་ཀྱི་རྣམ་པར་ཤེས་པ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །རབ་འབྱོར་མྱིག་གི་འདུས་ཏེ་རེག་པ་མྱི་བྱེད། རྣམ་པར་མྱི་བྱེད། མངོན་པར་མྱི་
བྱེད་དོ། །རྣ་བའི་འདུས་ཏེ་རེག་པ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །སྣའི་འདུས་ཏེ་རེག་པ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །ལྕེའི་འདུས་ཏེ་རེག་པ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །ལུས་ཀྱི་འདུས་
ཏེ་རེག་པ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །ཡིད་ཀྱི་འདུས་ཏེ་རེག་པ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །རབ་འབྱོར་མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་མྱི་བྱེད། རྣམ་པར་མྱི་བྱེད། མངོན་པར་མྱི་བྱེད་དོ། །

རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དོ། །ལུས་ཀྱི་འདུས་ཏེ་
རེག་པའི་རྐྱེན་ཀྱིས་ཚོར་བ་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དོ། །རབ་འབྱོར་བ་དག་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་
འབྱོར་སེམས་ཅན་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྲོག་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་འགྲོ་བ་ནི་མྱི་བྱེད་རྣམ་པར་མྱི་
བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་གསོ་བ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྐྱེས་བུ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་
ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་གང་ཟག་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཤེད་ཅན་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །
རབ་འབྱོར་ཤེད་བདག་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་བྱེད་པ་པོ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཚོར་བ་པོ་ནི་མྱི་
བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཤེས་པ་པོ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་མཐོང་བ་པོ་ནི་མྱི་བྱེད་རྣམ་པར་མྱི་བྱེད་མངོན་པར་

བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རྨྱི་ལམ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྒྱུ་མ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་
ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྒྲ་བརྙན་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་མྱི་གཡོར་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་
ཕྱིར་རོ། །རབ་འབྱོར་གཟུགས་བརྙན་ནི་མི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྨྱིག་རྒྱུ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་
འབྱོར་སྤྲུལ་པ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སའི་ཁམས་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཆུའི་ཁམས་
ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་མྱེའི་ཁམས་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱར་རླུང་གི་ཁམས་
ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ནམ་མཁའི་ཁམས་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རྣམ་
པར་ཤེས་པའི་ཁམས་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་མ་རིག་པ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །

རབ་འབྱོར་འདུ་བྱེད་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རྣམ་པར་ཤེས་པ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་མྱིང་དང་
གཟུགས་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྐྱེ་མཆེད་དྲུག་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རེག་པ་ནི་མྱི་བྱེད་རྣམ་པར་མྱི་
བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཚོར་བ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྲེད་པ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན།
དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ལེན་པ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྲིད་པ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་
སྐྱེ་བ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རྒ་ཤི་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྦྱིན་པའི་ཕ་རོལ་ཏུ་ཕྱིན་པ་ནི་མྱི་བྱེད།
རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་བཟོད་པའི་ཕ་རོལ་ཏུ་ཕྱིན་པ་ནི་མྱི་བྱེད།
རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་བསམ་གཏན་གྱི་ཕ་རོལ་ཏུ་

ཕྱིན་པ་ནི་མྱི་བྱེད། རྣམ་པར་མྱི་བྱེད་མངོན་པར་མི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མི་དམྱིགས་པའི་ཕྱིར་རོ། །རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་མི་བྱེད་རྣམ་པར་མི་བྱེད་མངོན་པར་མི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ནང་སྟོང་པ་ཉིད་ནི་མྱི་བྱེད་
རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཕྱི་སྟོང་པ་ཉིད་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཕྱི་ནང་སྟོང་པ་ཉིད་ནི་མྱི་བྱེད།
རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྟོང་པ་ཉིད་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཆེན་པོ་སྟོང་པ་ཉིད་
ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་དོན་དམ་པ་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་
འདུས་བྱས་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་འདུས་མ་བྱས་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །
རབ་འབྱོར་མཐའ་ལས་འདས་པ་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཐོག་མ་དང་ཐ་མ་མྱེད་པ་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན།
དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་དོར་བ་མྱེད་པ་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རང་བཞིན་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་

བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཆོས་ཐམས་ཅད་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རང་གི་མཚན་ཉིད་སྟོང་པ་ཉིད་ནི་
མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་མྱི་དམྱིགས་པ་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་
དངོས་པོ་མྱེད་པ་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ངོ་བོ་ཉིད་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་
པའི་ཕྱིར་རོ། །རབ་འབྱོར་དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་དྲན་པ་ཉེ་བར་གཞག་པ་རྣམས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་
བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཡང་དག་པར་སྤོང་བ་རྣམས་ནི་མྱི་བྱེད། རྣམ་པར་མི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རྫུ་འཕྲུལ་གྱི་རྐང་པ་རྣམས་ནི་མྱི་
བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་དབང་པོ་རྣམས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྟོབས་
རྣམས་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་བྱང་ཆུབ་ཀྱི་ཡན་ལག་རྣམས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་

འཕགས་པའི་ལམ་ཡན་ལག་བརྒྱད་པ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་འཕགས་པའི་བདེན་པ་རྣམས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ།
དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམིགས་པའི་ཕྱིར་རོ། །རབ་འབྱོར་བསམ་གཏན་རྣམས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། །དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཚད་མྱེད་པ་རྣམས་ནི་མྱི་བྱེད། རྣམ་པར་མྱི་བྱེད་མངོན་
པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་གཟུགས་མྱེད་པའི་སྙོམས་པར་འཇུག་པ་རྣམས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རྣམ་པར་
ཐར་པ་བརྒྱད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་མཐར་ཀྱིས་གནས་པའི་སྙོམས་པར་འཇུག་པ་དགུ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན།
དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་མངོན་པར་ཤིས་
པ་རྣམས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཏིང་ངེ་འཛིན་ཐམས་ཅད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་
འབྱོར་གཟུངས་ཀྱི་སྒོ་ཐམས་ཅད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་དེ་བཞིན་གཤེགས་པའི་སྟོབས་རྣམས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་

ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་མྱི་འཇིགས་པ་རྣམས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སོ་སོ་ཡང་དག་པར་རིག་པ་རྣམས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ་
དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སྙིང་རྗེ་ཆེན་པོ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ནི་མྱི་བྱེད། རྣམ་པར་མྱི་
བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་དེ་བཞིན་ཉིད་ནི་མྱི་བྱེད། །རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་མ་ནོར་བ་དེ་བཞིན་ཉིད་ནི་མྱི་བྱེད། རྣམ་པར་
མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་གཞན་མ་ཡིན་པ་དེ་བཞིན་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཆོས་ཉིད་ནི་མྱི་
བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཆོས་ཀྱི་དབྱིངས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཆོས་ཀྱི་གནས་
ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཆོས་སྐྱོན་མྱེད་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་
ཡང་དག་པའི་མཐའ་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་བསམ་གྱིས་མྱི་ཁྱབ་པའི་དབྱིངས་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་

པའི་ཕྱིར་རོ། །རབ་འབྱོར་བྱང་ཆུབ་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ཐམས་ཅད་ཤེས་པ་ཉིད་ནི་མྱི་བྱེད་རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན།
དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་ལམ་གྱི་རྣམ་པ་ཤེས་པ་ཉིད་ནི་མྱི་བྱེད། རྣམ་པར་མྱི་བྱེད་མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རྣམ་པ་ཐམས་ཅད་མཁྱེན་པ་ཉིད་ནི་མྱི་བྱེད། རྣམ་པར་མྱི་བྱེད་
མངོན་པར་མྱི་བྱེད་དེ། དེ་ཅིའི་ཕྱིར་ཞེ་ན། དེ་ཤིན་ཏུ་མྱི་དམྱིགས་པའི་ཕྱིར་རོ། །རབ་འབྱོར་རྣམ་གྲངས་དེས་ན། འདི་ལྟར་རྣམ་པ་ཐམས་ཅད་མཁྱེན་པ་ཉིད་དེ་མ་བྱས། རྣམ་པར་མ་བྱས་མངོན་པར་མ་བྱས་པར་རིག་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་
པོས་གང་གི་དོན་དུ་གོ་ཆ་ཆེན་པོ་བགོས་པའི་སེམས་ཅན་དེ་དག་ཀྱང་མ་བྱས། རྣམ་པར་མ་བྱས། མངོན་པར་མ་བྱས་པར་རིག་པར་བྱའོ། །རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ། །གོ་ཆ་ཆེན་པོ་བགོས་པ་ནི་གོ་ཆ་མེད་པའི་གོ་ཆ་ཆེན་པོ་
བགོས་ཞེས་བྱའོ། །གསོལ་པ་བཅོམ་ལྡན་འདས་བདག་གིས་བཅོམ་ལྡན་འདས་ཀྱིས་གསུངས་པའི་དོན་འཚལ་ཏེ། བཅོམ་ལྡན་འདས་གཟུགས་ནི་མ་བཅིངས་མ་གྲོལ་བའོ། །ཚོར་བ་ནི་མ་བཅིངས་མ་གྲོལ་བའོ། །འདུ་ཤེས་ནི་མ་བཅིངས་མ་གྲོལ་བའོ། །
འདུ་བྱེད་ནི་མ་བཅིངས་མ་གྲོལ་བའོ། །རྣམ་པར་ཤེས་པ་ནི་མ་བཅིངས་མ་གྲོལ་བའོ། །དེ་ནས་ཚེ་དང་ལྡན་པ་བྱམས་གང་གི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར་གཟུགས་མ་བཅིངས་མ་གྲོལ་བ་ཡིན་ནམ།
ཚོར་བ་མ་བཅིངས་མ་གྲོལ་བ་ཡིན་ནམ། འདུ་ཤེས་མ་བཅིངས་མ་གྲོལ་བ་ཡིན་ནམ། འདུ་བྱེད་མ་བཅིངས་མ་གྲོལ་བ་ཡིན་ནམ། རྣམ་པར་ཤེས་པ་མ་བཅིངས་མ་གྲོལ་བ་ཡིན་ནམ། །སྨྲས་པ་ཚེ་དང་ལྡན་པ་གང་པོ་དེ་དེ་བཞིན་ཏེ། ཚེ་དང་ལྡན་པ་གང་

པོ་གཟུགས་ནི་མ་བཅིངས་མ་གྲོལ་བའོ། །ཚོར་བ་ནི་མ་བཅིངས་མ་གྲོལ་བའོ། །འདུ་ཤེས་ནི་མ་བཅིངས་མ་གྲོལ་བའོ། །འདུ་བྱེད་ནི་མ་བཅིངས་མ་གྲོལ་བའོ། །རྣམ་པར་ཤེས་པ་ནི་མ་བཅིངས་མ་གྲོལ་བའོ། །གང་པོས་སྨྲས་པ། ཚེ་དང་ལྡན་པ་རབ་
འབྱོར་དེ་ལྟར་མ་བཅིངས་མ་གྲོལ་བའི་གཟུགས་གང་ཡིན། དེ་ལྟར་མ་བཅིངས་མ་གྲོལ་བའི་ཚོར་བ་གང་ཡིན། དེ་ལྟར་མ་བཅིངས་མ་གྲོལ་བའི་འདུ་ཤེས་གང་ཡིན། དེ་ལྟར་མ་བཅིངས་མ་གྲོལ་བའི་འདུ་བྱེད་གང་ཡིན། དེ་ལྟར་མ་བཅིངས་མ་གྲོལ་བའི་རྣམ་པར་ཤེས་པ་
གང་ཡིན། སྨྲས་པ་ཚེ་དང་ལྡན་པ་གང་པོ་གང་འདི་རྨྱི་ལམ་ལྟ་བུའི་གཟུགས་དེ་ནི་མ་བཅིངས་མ་གྲོལ་བའོ། །གང་འདི་རྨྱི་ལམ་ལྟ་བུའི་ཚོར་བ་དེ་ནི་མ་བཅིངས་མ་གྲོལ་བའོ། །གང་འདི་རྨྱི་ལམ་ལྟ་བུའི་འདུ་ཤེས་དེ་ནི་མ་བཅིངས་མ་གྲོལ་བའོ། །གང་འདི་རྨྱི་
ལམ་ལྟ་བུའི་འདུ་བྱེད་དེ་ནི་མ་བཅིངས་མ་གྲོལ་བའོ། །གང་འདི་རྨྱི་ལམ་ལྟ་བུའི་རྣམ་པར་ཤེས་པ་དེ་ནི་མ་བཅིངས་མ་གྲོལ་བའོ། །གང་འདི་སྒྱུ་མ་ལྟ་བུའི་གཟུགས་དེ་ནི་མ་བཅིངས་མ་གྲོལ་བའོ། །གང་འདི་སྒྱུ་མ་ལྟ་བུའི་ཚོར་བ་དེ་ནི་མ་བཅིངས་མ་གྲོལ་བའོ། །གང་
འདི་སྒྱུ་མ་ལྟ་བུའི་འདུ་ཤེས་དེ་ནི་མ་བཅིངས་མ་གྲོལ་བའོ། །གང་འདི་སྒྱུ་མ་ལྟ་བུའི་འདུ་བྱེད་དེ་ནི་མ་བཅིངས་མ་གྲོལ་བའོ། །གང་འདི་སྒྱུ་མ་ལྟ་བུའི་རྣམ་པར་ཤེས་པ་དེ་ནི་མ་བཅིངས་མ་གྲོལ་བའོ། །གང་འདི་སྒྲ་བརྙན་ལྟ་བུའི་གཟུགས་དེ་ནི་མ་བཅིངས་མ་གྲོལ་བའོ། །
གང་འདི་སྒྲ་བརྙན་ལྟ་བུའི་ཚོར་བ་དེ་ནི་མ་བཅིངས་མ་གྲོལ་བའོ། །གང་འདི་སྒྲ་བརྙན་ལྟ་བུའི་འདུ་ཤེས་དེ་ནི་མ་བཅིངས་མ་གྲོལ་བའོ། །གང་འདི་སྒྲ་བརྙན་ལྟ་བུའི་འདུ་བྱེད་དེ་ནི་མ་བཅིངས་མ་གྲོལ་བའོ། །གང་འདི་སྒྲ་བརྙན་ལྟ་བུའི་རྣམ་པར་ཤེས་པ་དེ་ནི་མ་
བཅིངས་མ་གྲོལ་བའོ། །གང་འདི་མྱི་གཡོར་ལྟ་བུའི་གཟུགས་དེ་ནི་མ་བཅིངས་མ་གྲོལ་བའོ། །གང་འདི་མྱི་གཡོར་ལྟ་བུའི་ཚོར་བ་དེ་ནི་མ་བཅིངས་མ་གྲོལ་བའོ། །གང་འདི་མྱི་གཡོར་ལྟ་བུའི་འདུ་ཤེས་དེ་ནི་མ་བཅིངས་མ་གྲོལ་བའོ། །གང་འདི་མྱི་གཡོར་ལྟ་

བུའི་འདུ་བྱེད་དེ་ནི་མ་བཅིངས་མ་གྲོལ་བའོ། །གང་འདི་མྱི་གཡོར་ལྟ་བུའི་རྣམ་པར་ཤེས་པ་དེ་ནི་མ་བཅིངས་མ་གྲོལ་བའོ། །གང་འདི་གཟུགས་བརྙན་ལྟ་བུའི་གཟུགས་དེ་ནི་མ་བཅིངས་མ་གྲོལ་བའོ། །གང་འདི་གཟུགས་བརྙན་ལྟ་བུའི་ཚོར་བ་དེ་
ནི་མ་བཅིངས་མ་གྲོལ་བའོ། །གང་འདི་གཟུགས་བརྙན་ལྟ་བུའི་འདུ་ཤེས་དེ་ནི་མ་བཅིངས་མ་གྲོལ་བའོ། །གང་འདི་གཟུགས་བརྙན་ལྟ་བུའི་འདུ་བྱེད་དེ་ནི་མ་བཅིངས་མ་གྲོལ་བའོ། །གང་འདི་གཟུགས་བརྙན་ལྟ་བུའི་རྣམ་པར་ཤེས་པ་དེ་ནི་མ་བཅིངས་མ་གྲོལ་བའོ། །
གང་འདི་སྨྱིག་རྒྱུ་ལྟ་བུའི་གཟུགས་དེ་ནི་མ་བཅིངས་མ་གྲོལ་བའོ། །གང་འདི་སྨྱིག་རྒྱུ་ལྟ་བུའི་ཚོར་བ་དེ་ནི་མ་བཅིངས་མ་གྲོལ་བའོ། །གང་འདི་སྨྱིག་རྒྱུ་ལྟ་བུའི་འདུ་ཤེས་དེ་ནི་མ་བཅིངས་མ་གྲོལ་བའོ། །གང་འདི་སྨྱིག་རྒྱུ་ལྟ་བུའི་འདུ་བྱེད་དེ་ནི་མ་བཅིངས་མ་གྲོལ་བའོ། །
གང་འདི་སྨྱིག་རྒྱུ་ལྟ་བུའི་རྣམ་པར་ཤེས་པ་དེ་ནི་མ་བཅིངས་མ་གྲོལ་བའོ། །གང་འདི་སྤྲུལ་པ་ལྟ་བུའི་གཟུགས་དེ་ནི་མ་བཅིངས་མ་གྲོལ་བའོ། །གང་འདི་སྤྲུལ་པ་ལྟ་བུའི་ཚོར་བ་དེ་ནི་མ་བཅིངས་མ་གྲོལ་བའོ། །གང་འདི་སྤྲུལ་པ་ལྟ་བུའི་འདུ་ཤེས་དེ་ནི་མ་བཅིངས་མ་གྲོལ་
བའོ། །གང་འདི་སྤྲུལ་པ་ལྟ་བུའི་འདུ་བྱེད་དེ་ནི་མ་བཅིངས་མ་གྲོལ་བའོ། །གང་འདི་སྤྲུལ་པ་ལྟ་བུའི་རྣམ་པར་ཤེས་པ་དེ་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་འདས་པའི་གཟུགས་ནི་མ་བཅིངས་མ་གྲོལ་བའོ། །འདས་པའི་ཚོར་བ་ནི་མ་བཅིངས་མ་གྲོལ་
བའོ། །འདས་པའི་འདུ་ཤེས་ནི་མ་བཅིངས་མ་གྲོལ་བའོ། །འདས་པའི་འདུ་བྱེད་ནི་མ་བཅིངས་མ་གྲོལ་བའོ། །འདས་པའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་མ་འོངས་པའི་གཟུགས་ནི་མ་བཅིངས་མ་གྲོལ་བའོ། །མ་
འོངས་པའི་ཚོར་བ་ནི་མ་བཅིངས་མ་གྲོལ་བའོ། །མ་འོངས་པའི་འདུ་ཤེས་ནི་མ་བཅིངས་མ་གྲོལ་བའོ། །མ་འོངས་པའི་འདུ་བྱེད་ནི་མ་བཅིངས་མ་གྲོལ་བའོ། །མ་འོངས་པའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་ད་ལྟར་བྱུང་བའི་

གཟུགས་ནི་མ་བཅིངས་མ་གྲོལ་བའོ། །ད་ལྟར་བྱུང་བའི་ཚོར་བ་ནི་མ་བཅིངས་མ་གྲོལ་བའོ། །ད་ལྟར་བྱུང་བའི་འདུ་ཤེས་ནི་མ་བཅིངས་མ་གྲོལ་བའོ། །ད་ལྟར་བྱུང་བའི་འདུ་བྱེད་ནི་མ་བཅིངས་མ་གྲོལ་བའོ། །ད་ལྟར་བྱུང་བའི་རྣམ་པར་ཤེས་པ་ནི་མ་བཅིངས་མ་གྲོལ་
བའོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་བཅུ་གཅིག་པ། །དེ་ཅིའི་ཕྱིར་ཞེ་ན། ཚེ་དང་ལྡན་པ་གང་པོ་གཟུགས་མྱེད་པའི་ཕྱིར། གཟུགས་མ་བཅིངས་མ་གྲོལ་བའོ། །ཚོར་བ་མྱེད་པའི་ཕྱིར་ཚོར་བ་མ་
བཅིངས་མ་གྲོལ་བའོ། །འདུ་ཤེས་མྱེད་པའི་ཕྱིར་འདུ་ཤེས་མ་བཅིངས་མ་གྲོལ་བའོ། །འདུ་བྱེད་མྱེད་པའི་ཕྱིར་འདུ་བྱེད་མ་བཅིངས་མ་གྲོལ་བའོ། །རྣམ་པར་ཤེས་པ་མྱེད་པའི་ཕྱིར་རྣམ་པར་ཤེས་པ་མ་བཅིངས་མ་གྲོལ་བའོ། །གཟུགས་དབེན་པའི་ཕྱིར་གཟུགས་མ་
བཅིངས་མ་གྲོལ་བའོ། །ཚོར་བ་དབེན་པའི་ཕྱིར་ཚོར་བ་མ་བཅིངས་མ་གྲོལ་བའོ། །འདུ་ཤེས་དབེན་པའི་ཕྱིར་འདུ་ཤེས་མ་བཅིངས་མ་གྲོལ་བའོ། །འདུ་བྱེད་དབེན་པའི་ཕྱིར་འདུ་བྱེད་མ་བཅིངས་མ་གྲོལ་བའོ། །རྣམ་པར་ཤེས་པ་དབེན་པའི་ཕྱིར་རྣམ་པར་
ཤེས་པ་མ་བཅིངས་མ་གྲོལ་བའོ། །གཟུགས་མ་སྐྱེས་པའི་ཕྱིར་གཟུགས་མ་བཅིངས་མ་གྲོལ་བའོ། །ཚོར་བ་མ་སྐྱེས་པའི་ཕྱིར་ཚོར་བ་མ་བཅིངས་མ་གྲོལ་བའོ། །འདུ་ཤེས་མ་སྐྱེས་པའི་ཕྱིར་འདུ་ཤེས་མ་བཅིངས་མ་གྲོལ་བའོ། །འདུ་བྱེད་མ་སྐྱེས་པའི་ཕྱིར་
འདུ་བྱེད་མ་བཅིངས་མ་གྲོལ་བའོ། །རྣམ་པར་ཤེས་པ་མ་སྐྱེས་པའི་ཕྱིར་རྣམ་པར་ཤེས་པ་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་དགེ་བའི་གཟུགས་ནི་མ་བཅིངས་མ་གྲོལ་བའོ། །དགེ་བའི་ཚོར་བ་ནི་མ་བཅིངས་མ་གྲོལ་བའོ། །དགེ་བའི་འདུ་ཤེས་ནི་
མ་བཅིངས་མ་གྲོལ་བའོ། །དགེ་བའི་འདུ་བྱེད་ནི་མ་བཅིངས་མ་གྲོལ་བའོ། །དགེ་བའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་མྱི་དགེ་བའི་གཟུགས་ནི་མ་བཅིངས་མ་གྲོལ་བའོ། །མྱི་དགེ་བའི་ཚོར་བ་ནི་མ་བཅིངས་མ་གྲོལ་བའོ། །མྱི་

དགེ་བའི་འདུ་ཤེས་ནི་མ་བཅིངས་མ་གྲོལ་བའོ། །མྱི་དགེ་བའི་འདུ་བྱེད་ནི་མ་བཅིངས་མ་གྲོལ་བའོ། །མྱི་དགེ་བའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་ལུང་དུ་མ་བསྟན་པའི་གཟུགས་ནི་མ་བཅིངས་
མ་གྲོལ་བའོ། །ལུང་དུ་མ་བསྟན་པའི་ཚོར་བ་ནི་མ་བཅིངས་མ་གྲོལ་བའོ། །ལུང་དུ་མ་བསྟན་པའི་འདུ་ཤེས་ནི་མ་བཅིངས་མ་གྲོལ་བའོ། །ལུང་དུ་མ་བསྟན་པའི་འདུ་བྱེད་ནི་མ་བཅིངས་མ་གྲོལ་བའོ། །ལུང་དུ་མ་བསྟན་པའི་རྣམ་པར་ཤེས་པ་ནི་མ་བཅིངས་མ་གྲོལ་
བའོ། །ཚེ་དང་ལྡན་པ་གང་པོ་འཇིག་རྟེན་པའི་གཟུགས་ནི་མ་བཅིངས་མ་གྲོལ་བའོ། །འཇིག་རྟེན་པའི་ཚོར་བ་ནི་མ་བཅིངས་མ་གྲོལ་བའོ། །འཇིག་རྟེན་པའི་འདུ་ཤེས་ནི་མ་བཅིངས་མ་གྲོལ་བའོ། །འཇིག་རྟེན་པའི་འདུ་བྱེད་ནི་མ་བཅིངས་མ་གྲོལ་བའོ། །འཇིག་རྟེན་
པའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་འཇིག་རྟེན་ལས་འདས་པའི་གཟུགས་ནི་མ་བཅིངས་མ་གྲོལ་བའོ། །འཇིག་རྟེན་ལས་འདས་པའི་ཚོར་བ་ནི་མ་བཅིངས་མ་གྲོལ་བའོ། །འཇིག་རྟེན་ལས་འདས་པའི་འདུ་ཤེས་ནི་མ་བཅིངས་མ་
གྲོལ་བའོ། །འཇིག་རྟེན་ལས་འདས་པའི་འདུ་བྱེད་ནི་མ་བཅིངས་མ་གྲོལ་བའོ། །འཇིག་རྟེན་ལས་འདས་པའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་ཟག་པ་དང་བཅས་པའི་གཟུགས་ནི་མ་བཅིངས་མ་གྲོལ་
བའོ། །ཟག་པ་དང་བཅས་པའི་ཚོར་བ་ནི་མ་བཅིངས་མ་གྲོལ་བའོ། །ཟག་པ་དང་བཅས་པའི་འདུ་ཤེས་ནི་མ་བཅིངས་མ་གྲོལ་བའོ། །ཟག་པ་དང་བཅས་པའི་འདུ་བྱེད་ནི་མ་བཅིངས་མ་གྲོལ་བའོ། །ཟག་པ་དང་བཅས་པའི་རྣམ་པར་ཤེས་པ་ནི་མ་བཅིངས་མ་
གྲོལ་བའོ། །ཚེ་དང་ལྡན་པ་གང་པོ་ཟག་པ་མྱེད་པའི་གཟུགས་ནི་མ་བཅིངས་མ་གྲོལ་བའོ། །ཟག་པ་མྱེད་པའི་ཚོར་བ་ནི་མ་བཅིངས་མ་གྲོལ་བའོ། །ཟག་པ་མྱེད་པའི་འདུ་ཤེས་ནི་མ་བཅིངས་མ་གྲོལ་བའོ། །ཟག་པ་མྱེད་པའི་འདུ་བྱེད་ནི་མ་བཅིངས་མ་གྲོལ་བའོ། །

ཟག་པ་མྱེད་པའི་རྣམ་པར་ཤེས་པ་ནི་མ་བཅིངས་མ་གྲོལ་བ་སྟེ། ཚེ་དང་ལྡན་པ་གང་པོ་དེ་ཅིའི་ཕྱིར་ཞེ་ན། གཟུགས་མྱེད་པའི་ཕྱིར་གཟུགས་མ་བཅིངས་མ་གྲོལ་བའོ། །ཚོར་བ་མྱེད་པའི་ཕྱིར་ཚོར་བ་མ་བཅིངས་མ་གྲོལ་བའོ། །འདུ་ཤེས་མྱེད་པའི་ཕྱིར་འདུ་ཤེས་མ་བཅིངས་མ་
གྲོལ་བའོ། །འདུ་བྱེད་མྱེད་པའི་ཕྱིར་འདུ་བྱེད་མ་བཅིངས་མ་གྲོལ་བའོ། །རྣམ་པར་ཤེས་པ་མེད་པའི་ཕྱིར་རྣམ་པར་ཤེས་པ་མ་བཅིངས་མ་གྲོལ་བའོ། །གཟུགས་དབེན་པའི་ཕྱིར་གཟུགས་མ་བཅིངས་མ་གྲོལ་བའོ། །ཚོར་བ་དབེན་པའི་ཕྱིར་ཚོར་བ་མ་བཅིངས་
མ་གྲོལ་བའོ། །འདུ་ཤེས་དབེན་པའི་ཕྱིར་འདུ་ཤེས་མ་བཅིངས་མ་གྲོལ་བའོ། །འདུ་བྱེད་དབེན་པའི་ཕྱིར་འདུ་བྱེད་མ་བཅིངས་མ་གྲོལ་བའོ། །རྣམ་པར་ཤེས་པ་དབེན་པའི་ཕྱིར་རྣམ་པར་ཤེས་པ་མ་བཅིངས་མ་གྲོལ་བའོ། །གཟུགས་མ་སྐྱེས་པའི་ཕྱིར་གཟུགས་
མ་བཅིངས་མ་གྲོལ་བའོ། །ཚོར་བ་མ་སྐྱེས་པའི་ཕྱིར་ཚོར་བ་མ་བཅིངས་མ་གྲོལ་བའོ། །འདུ་ཤེས་མ་སྐྱེས་པའི་ཕྱིར་འདུ་ཤེས་མ་བཅིངས་མ་གྲོལ་བའོ། །འདུ་བྱེད་མ་སྐྱེས་པའི་ཕྱིར་འདུ་བྱེད་མ་བཅིངས་མ་གྲོལ་བའོ། །རྣམ་པར་ཤེས་པ་མ་སྐྱེས་པའི་ཕྱིར་རྣམ་
པར་ཤེས་པ་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་ཆོས་ཐམས་ཅད་ཀྱང་མ་བཅིངས་མ་གྲོལ་བ་སྟེ། མྱེད་པའི་ཕྱིར་མ་བཅིངས་མ་གྲོལ་བའོ། །དབེན་པའི་ཕྱིར་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་མ་བཅིངས་མ་གྲོལ་བ་སྟེ། ཚེ་དང་
ལྡན་པ་གང་པོ་སྦྱིན་པའི་ཕ་རོལ་ཏུ་ཕྱིན་པ་ནི་མ་བཅིངས་མ་གྲོལ་བའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་མ་བཅིངས་མ་གྲོལ་བའོ། །བཟོད་པའི་ཕ་རོལ་ཏུ་ཕྱིན་པ་ནི་མ་བཅིངས་མ་གྲོལ་བའོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི་མ་བཅིངས་མ་གྲོལ་བའོ། །
བསམ་གཏན་གྱི་ཕ་རོལ་ཏུ་ཕྱིན་པ་ནི་མ་བཅིངས་མ་གྲོལ་བའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི་མ་བཅིངས་མ་གྲོལ་བ་སྟེ། ཚེ་དང་ལྡན་པ་གང་པོ་མྱེད་པའི་ཕྱིར་སྦྱིན་པའི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །དབེན་པའི་ཕྱིར་སྦྱིན་པའི་ཕ་རོལ་ཏུ་ཕྱིན་པ་

མ་བཅིངས་མ་གྲོལ་བའོ། །མ་སྐྱེས་པའི་ཕྱིར་སྦྱིན་པའི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །མྱེད་པའི་ཕྱིར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །དབེན་པའི་ཕྱིར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མ་
བཅིངས་མ་གྲོལ་བའོ། །མ་སྐྱེས་པའི་ཕྱིར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །མྱེད་པའི་ཕྱིར་བཟོད་པའི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །དབེན་པའི་ཕྱིར་བཟོད་པའི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །མ་སྐྱེས་
པའི་ཕྱིར་བཟོད་པའི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །མྱེད་པའི་ཕྱིར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །དབེན་པའི་ཕྱིར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་བརྩོན་
འགྲུས་ཀྱི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །མྱེད་པའི་ཕྱིར་བསམ་གཏན་གྱི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །དབེན་པའི་ཕྱིར་བསམ་གཏན་གྱི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་བསམ་གཏན་
གྱི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །མྱེད་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །དབེན་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་མ་
བཅིངས་མ་གྲོལ་བའོ། །ཚེ་དང་ལྡན་པ་གང་པོ། །ནང་སྟོང་པ་ཉིད་ཀྱང་མ་བཅིངས་མ་གྲོལ་བའོ། །ཕྱི་སྟོང་པ་ཉིད་ཀྱང་མ་བཅིངས་མ་གྲོལ་བའོ། །ཕྱི་ནང་སྟོང་པ་ཉིད་ཀྱང་མ་བཅིངས་མ་གྲོལ་བའོ། །སྟོང་པ་ཉིད་སྟོང་པ་ཉིད་ཀྱང་མ་བཅིངས་མ་གྲོལ་བའོ། །
ཆེན་པོ་སྟོང་པ་ཉིད་ཀྱང་མ་བཅིངས་མ་གྲོལ་བའོ། །དོན་དམ་པ་སྟོང་པ་ཉིད་ཀྱང་མ་བཅིངས་མ་གྲོལ་བའོ། །འདུས་བྱས་སྟོང་པ་ཉིད་ཀྱང་མ་བཅིངས་མ་གྲོལ་བའོ། །འདུས་མ་བྱས་སྟོང་པ་ཉིད་ཀྱང་མ་བཅིངས་མ་གྲོལ་བའོ། །མཐའ་ལས་འདས་པ་

སྟོང་པ་ཉིད་ཀྱང་མ་བཅིངས་མ་གྲོལ་བའོ། །ཐོག་མ་དང་ཐ་མ་མྱེད་པ་སྟོང་པ་ཉིད་ཀྱང་མ་བཅིངས་མ་གྲོལ་བའོ། །དོར་བ་མྱེད་པ་སྟོང་པ་ཉིད་ཀྱང་མ་བཅིངས་མ་གྲོལ་བའོ། །རང་བཞིན་སྟོང་པ་ཉིད་ཀྱང་མ་བཅིངས་མ་གྲོལ་བའོ། །ཆོས་ཐམས་ཅད་སྟོང་
པ་ཉིད་ཀྱང་མ་བཅིངས་མ་གྲོལ་བའོ། །རང་གི་མཚན་ཉིད་སྟོང་པ་ཉིད་ཀྱང་མ་བཅིངས་མ་གྲོལ་བའོ། །མྱི་དམྱིགས་པ་སྟོང་པ་ཉིད་ཀྱང་མ་བཅིངས་མ་གྲོལ་བའོ། །དངོས་པོ་མྱེད་པ་སྟོང་པ་ཉིད་ཀྱང་མ་བཅིངས་མ་གྲོལ་བའོ། །ངོ་བོ་ཉིད་སྟོང་པ་ཉིད་ཀྱང་མ་བཅིངས་
མ་གྲོལ་བའོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱང་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་མྱེད་པའི་ཕྱིར་ནང་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་ཕྱིར་ནང་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་ནང་
སྟོང་པ་ཉིད་མ་བཅིངས་མ་གྲོལ་བའོ། །མེད་པའི་ཕྱིར་ཕྱི་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་ཕྱིར་ཕྱི་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་ཕྱི་སྟོང་པ་ཉིད་མ་བཅིངས་མ་གྲོལ་བའོ། །མྱེད་པའི་ཕྱིར་ཕྱི་ནང་སྟོང་པ་
ཉིད་མ་བཅིངས་མ་གྲོལ་བའོ། །དབེན་པའི་ཕྱིར་ཕྱི་ནང་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་ཕྱི་ནང་སྟོང་པ་ཉིད་མ་བཅིངས་མ་གྲོལ་བའོ། །མེད་པའི་ཕྱིར་སྟོང་པ་ཉིད་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་
ཕྱིར་སྟོང་པ་ཉིད་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་སྟོང་པ་ཉིད་སྟོང་པ་ཉིད་མ་བཅིངས་མ་གྲོལ་བའོ། །མྱེད་པའི་ཕྱིར་ཆེན་པོ་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་ཕྱིར་ཆེན་པོ་སྟོང་པ་ཉིད་མ་བཅིངས་མ་
གྲོལ་བའོ། །མ་སྐྱེས་པའི་ཕྱིར་ཆེན་པོ་སྟོང་པ་ཉིད་མ་བཅིངས་མ་གྲོལ་བའོ། །མྱེད་པའི་ཕྱིར་དོན་དམ་པ་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་ཕྱིར་དོན་དམ་པ་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་དོན་

དམ་པ་སྟོང་པ་ཉིད་མ་བཅིངས་མ་གྲོལ་བའོ། །མྱེད་པའི་ཕྱིར་འདུས་བྱས་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་ཕྱིར་འདུས་བྱས་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་འདུས་བྱས་སྟོང་པ་ཉིད་མ་བཅིངས་
མ་གྲོལ་བའོ། །མྱེད་པའི་ཕྱིར་འདུས་མ་བྱས་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་ཕྱིར་འདུས་མ་བྱས་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་འདུས་མ་བྱས་སྟོང་པ་ཉིད་མ་བཅིངས་མ་གྲོལ་བའོ། །མྱེད་པའི་ཕྱིར་མཐའ་
ལས་འདས་པ་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་ཕྱིར་མཐའ་ལས་འདས་པ་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་མཐའ་ལས་འདས་པ་སྟོང་པ་ཉིད་མ་བཅིངས་མ་གྲོལ་བའོ། །མྱེད་པའི་ཕྱིར་ཐོག་མ་དང་ཐ་མ་མྱེད་
པ་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་ཕྱིར་ཐོག་མ་དང་ཐ་མ་མྱེད་པ་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་ཐོག་མ་དང་ཐ་མ་མེད་པ་སྟོང་པ་ཉིད་མ་བཅིངས་མ་གྲོལ་བའོ། །མྱེད་པའི་ཕྱིར་དོར་བ་མྱེད་པ་སྟོང་པ་ཉིད་
མ་བཅིངས་མ་གྲོལ་བའོ། །དབེན་པའི་ཕྱིར་དོར་བ་མྱེད་པ་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་དོར་བ་མྱེད་པ་སྟོང་པ་ཉིད་མ་བཅིངས་མ་གྲོལ་བའོ། །མྱེད་པའི་ཕྱིར་རང་བཞིན་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་
ཕྱིར་རང་བཞིན་སྟོང་པ་ཉིད་མ་བཅིངས་མ་གྲོལ་བའོ། །མ་སྐྱེས་པའི་ཕྱིར་རང་བཞིན་སྟོང་པ་ཉིད་མ་བཅིངས་མ་གྲོལ་བའོ། །མྱེད་པའི་ཕྱིར་ཆོས་ཐམས་ཅད་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་ཕྱིར་ཆོས་ཐམས་ཅད་སྟོང་པ་ཉིད་མ་
བཅིངས་མ་གྲོལ་བའོ། །མ་སྐྱེས་པའི་ཕྱིར་ཆོས་ཐམས་ཅད་སྟོང་པ་ཉིད་མ་བཅིངས་མ་གྲོལ་བའོ། །མྱེད་པའི་ཕྱིར་རང་གི་མཚན་ཉིད་སྟོང་པ་ཉིད་མ་བཅིངས་མ་གྲོལ་བའོ། །དབེན་པའི་ཕྱིར་རང་གི་མ