Kinh tạng Tây Tạng (Kangyur Đại Học) — 016_འབུམ།_ག

ི་ཏིང་ངེ་འཛིན་ལ་གནས། རིན་ཆེན་སྙིང་པོའི་ཏིང་ངེ་འཛིན་ལ་གནས། ཆོས་ཐམས་ཅད་ལ་ཆགས་པ་མྱེད་པའི་ཏིང་ངེ་འཛིན་ལ་གནས།
གློག་གི་འོད་ཟེར་བཀོད་པའི་ཏིང་ངེ་འཛིན་ལ་གནས། སྤོང་བའི་ཏིང་ངེ་འཛིན་ལ་གནས། ཆོས་ཀྱི་སྒྲོན་མའི་ཏིང་ངེ་འཛིན་ལ་གནས། ཡེ་ཤེས་སྒྲོན་མའི་ཏིང་ངེ་འཛིན་ལ་གནས། ཕྱིར་མི་ལྡོག་པའི་རྫུ་འཕྲུལ་མངོན་པར་སྒྲུབ་པའི་ཏིང་ངེ་འཛིན་ལ་གནས། སྒྲ་དབྱངས་ཀྱི་
ཡི་གེ་དང་བྲལ་བའི་ཏིང་ངེ་འཛིན་ལ་གནས། སྒྲོན་མ་འབར་བའི་ཏིང་ངེ་འཛིན་ལ་གནས། མཚན་ཉིད་ཡོངས་སུ་སྦྱོང་བའི་ཏིང་ངེ་འཛིན་ལ་གནས། མངོན་པར་དམྱིགས་པ་མྱེད་པའི་ཏིང་ངེ་འཛིན་ལ་གནས། མ་འདྲེས་པའི་བཟོད་པ་དང་ལྡན་པའི་ཏིང་ངེ་འཛིན་ལ་གནས།
རྣམ་པའི་མཆོག་ཐམས་ཅད་དང་ལྡན་པའི་ཏིང་ངེ་འཛིན་ལ་གནས། གཟུངས་དང་ལྡན་པའི་ཏིང་ངེ་འཛིན་ལ་གནས། བདེ་བ་དང་སྡུག་བསྔལ་ཐམས་ཅད་ལ་མངོན་པར་དགའ་བ་མྱེད་པའི་ཏིང་ངེ་འཛིན་ལ་གནས། ཟད་མྱི་ཤེས་པའི་ཟ་མ་ཏོག་གི་ཏིང་ངེ་འཛིན་ལ་གནས།
གཟུངས་ཀྱི་བློ་གྲོས་ཀྱི་ཏིང་ངེ་འཛིན་ལ་གནས། ཡང་དག་པ་དང་ལོག་པ་ཐམས་ཅད་ཡང་དག་པར་སེལ་བའི་ཏིང་ངེ་འཛིན་ལ་གནས། འགལ་བ་དང་འགོག་པ་ཐམས་ཅད་ཡང་དག་པར་ཞི་བར་བྱེད་པའི་ཏིང་ངེ་འཛིན་ལ་གནས། མཐུན་པ་དང་འགལ་བ་
མྱེད་པའི་ཏིང་ངེ་འཛིན་ལ་གནས། འོད་དྲི་མ་མྱེད་པའི་ཏིང་ངེ་འཛིན་ལ་གནས། སྙིང་པོ་དང་ལྡན་པའི་ཏིང་ངེ་འཛིན་ལ་གནས། ཟླ་བ་དྲི་མ་མྱེད་པར་རྒྱས་པའི་འོད་ཀྱི་ཏིང་ངེ་འཛིན་ལ་གནས། གློག་གི་འོད་ཀྱི་ཏིང་ངེ་འཛིན་ལ་གནས། རྒྱན་ཆེན་པོའི་ཏིང་ངེ་

འཛིན་ལ་གནས། རྣམ་པ་ཐམས་ཅད་དུ་འོད་བྱེད་པའི་ཏིང་ངེ་འཛིན་ལ་གནས། འཇིག་རྟེན་ཐམས་ཅད་སྐྱོབ་པའི་ཏིང་ངེ་འཛིན་ལ་གནས། ཏིང་ངེ་འཛིན་མཉམ་པ་ཉིད་ཀྱི་ཏིང་ངེ་འཛིན་ལ་གནས། རྡུལ་མྱེད་ཅིང་རྡུལ་དང་བྲལ་བའི་ཚུལ་དང་ལྡན་པའི་ཏིང་ངེ་འཛིན་ལ་
གནས། ཉོན་མོངས་པ་མྱེད་པར་ཡང་དག་པར་གཞོལ་བའི་ཏིང་ངེ་འཛིན་ལ་གནས། ཉོན་མོངས་པ་དང་བཅས་པ་ཐམས་ཅད་ཉོན་མོངས་པ་མྱེད་པར་ཡང་དག་པར་གཞོལ་བའི་ཏིང་ངེ་འཛིན་ལ་གནས། གནས་དམྱིགས་སུ་མྱེད་པ་ལ་བརྩོན་པའི་ཏིང་ངེ་འཛིན་ལ་གནས་
དེ་བཞིན་ཉིད་ལ་གནས་ཤིང་སེམས་མྱེད་པའི་ཏིང་ངེ་འཛིན་ལ་གནས། སྣོད་ལས་རང་འབྱུང་བའི་ཏིང་ངེ་འཛིན་ལ་གནས། ཉོན་མོངས་པ་ཐམས་ཅད་སྲེག་པའི་ཏིང་ངེ་འཛིན་ལ་གནས། ཡེ་ཤེས་ཆེན་པོའི་སྒྲོན་མའི་ཏིང་ངེ་འཛིན་ལ་གནས། སྟོབས་བཅུའི་
འབྱུང་གནས་སུ་གྱུར་པའི་ཏིང་ངེ་འཛིན་ལ་གནས། སྒོ་རྣམ་པར་འབྱེད་པའི་ཏིང་ངེ་འཛིན་ལ་གནས། ལུས་ཀྱི་སྐྱོན་ཡང་དག་པར་སེལ་བའི་ཏིང་ངེ་འཛིན་ལ་གནས། ངག་གི་སྐྱོན་རྣམ་པར་འཇིག་པས་ནམ་མཁའ་ལྟར་གྱུར་པའི་ཏིང་ངེ་འཛིན་ལ་གནས། ངག་གི་
སྐྱོན་ཡང་དག་པར་སེལ་བའི་ཏིང་ངེ་འཛིན་ལ་གནས། ཡིད་ཀྱི་སྐྱོན་ཡང་དག་པར་སེལ་བའི་ཏིང་ངེ་འཛིན་ལ་གནས། ཀུན་ཏུ་རྟོག་པའི་ཏིང་ངེ་འཛིན་ལ་གནས། ནམ་མཁའ་ལྟ་བུའི་ཏིང་ངེ་འཛིན་ལ་གནས། ནམ་མཁའ་ལྟར་ཆགས་པ་མྱེད་པས་རྣམ་པར་གྲོལ་
ཞིང་གོས་པ་མེད་པའི་ཏིང་ངེ་འཛིན་ལ་གནས་ཏེ། སེམས་ཅན་གྱི་ཕུང་པོ་ཆེན་པོ་ངེས་པའི་ཕུལ་དུ་མྱི་དམྱིགས་པའི་ཚུལ་གྱིས་འགྱུར་བར་བྱའོ། །རབ་འབྱོར་ཆོས་དེ་དག་ལ་གནས་ཤིང་། བྱང་ཆུབ་སེམས་དཔའ་སེམས་དཔའ་ཆེན་པོ། ཤེས་རབ་ཀྱི་
ཕ་རོལ་ཏུ་ཕྱིན་པ་ལ་སྤྱོད་པ། སེམས་ཅན་གྱི་ཕུང་པོ་ཆེན་པོ་ངེས་པའི་ཕུལ་བྱེད་པས། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱའོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་དྲུག་པ།

དེ་ནས་ཚེ་དང་ལྡན་པ་ཤ་ར་དྭ་ཏིའི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དོན་གང་གི་སླད་དུ། བྱང་ཆུབ་སེམས་དཔའ་སེམས་དཔའ་ཆེན་པོ། ཞེས་བགྱི་བ་འདི་ལ་བདག་ཀྱང་སྤོབས་པ་སྐྱེའོ། །བཅོམ་
ལྡན་འདས་ཀྱིས་བཀའ་སྩལ་པ། ཤ་ར་དྭ་ཏིའི་བུ་དོན་གང་གི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱ་བ་དེ་ལ་སྤོབས་པ་སྐྱེད་ཅིག། ཤ་ར་དྭ་ཏིའི་བུས་གསོལ་པ། བཅོམ་ལྡན་འདས་བདག་ཏུ་ལྟ་བ་རབ་ཏུ་སྤང་བའི་སླད་དུ། སེམས་ཅན་རྣམས་
ལ་ཆོས་སྟོན་པ་དང་། སེམས་ཅན་དུ་ལྟ་བ་རབ་ཏུ་སྤང་བ་དང་། སྲོག་ཏུ་ལྟ་བ་རབ་ཏུ་སྤང་བ་དང་། གང་ཟག་ཏུ་ལྟ་བ་རབ་ཏུ་སྤང་བ་དང་། གསོ་བར་ལྟ་བ་རབ་ཏུ་སྤང་བ་དང་། སྐྱེས་བུར་ལྟ་བ་རབ་ཏུ་སྤང་བ་དང་། ཤེད་ཅན་དུ་ལྟ་བ་རབ་ཏུ་སྤང་བ་དང་། ཤེད་བདག་
ཏུ་ལྟ་བ་རབ་ཏུ་སྤང་བ་དང་། བྱེད་པ་པོར་ལྟ་བ་རབ་ཏུ་སྤང་བ་དང་། བྱེད་དུ་འཇུག་པ་པོར་ལྟ་བ་རབ་ཏུ་སྤང་བ་དང་། སློང་བ་པོར་ལྟ་བ་རབ་ཏུ་སྤང་བ་དང་། ཡོངས་སུ་སློང་བ་པོར་ལྟ་བ་རབ་ཏུ་སྤང་བ་དང་། ཚོར་བ་པོར་ལྟ་བ་རབ་ཏུ་སྤང་བ་དང་། ཚོར་དུ་འཇུག་
པ་པོར་ལྟ་བ་རབ་ཏུ་སྤང་བ་དང་། ཤེས་པ་པོར་ལྟ་བ་རབ་ཏུ་སྤང་བ་དང་། མཐོང་བ་པོར་ལྟ་བ་རབ་ཏུ་སྤང་བ་དང་། ཆད་པར་ལྟ་བ་རབ་ཏུ་སྤང་བ་དང་། རྟག་པར་ལྟ་བ་རབ་ཏུ་སྤང་བ་དང་། ཡོད་པར་ལྟ་བ་རབ་ཏུ་སྤང་བ་དང་། མྱེད་པར་ལྟ་བར་རབ་ཏུ་སྤང་བ་
དང་། ཕུང་པོར་ལྟ་བ་རབ་ཏུ་སྤང་བ་དང་། ཁམས་སུ་ལྟ་བ་རབ་ཏུ་སྤང་བ་དང་། སྐྱེ་མཆེད་དུ་ལྟ་བ་རབ་ཏུ་སྤང་བ་དང་། རྟེན་ཅིང་འབྲེལ་བར་འབྱུང་བར་ལྟ་བ་རབ་ཏུ་སྤང་བ་དང་། བདེན་པར་ལྟ་བ་རབ་ཏུ་སྤང་བ་དང་། ཕ་རོལ་ཏུ་ཕྱིན་པར་ལྟ་བ་རབ་ཏུ་
སྤང་བ་དང་། སྟོང་པ་ཉིད་དུ་ལྟ་བ་རབ་ཏུ་སྤང་བ་དང་། དྲན་པ་ཉེ་བར་གཞག་པར་ལྟ་བ་རབ་ཏུ་སྤང་བ་དང་། ཡང་དག་པར་སྤོང་བར་ལྟ་བ་རབ་ཏུ་སྤང་བ་དང་། རྫུ་འཕྲུལ་གྱི་རྐང་པར་ལྟ་བ་རབ་ཏུ་སྤང་བ་དང་། དབང་པོར་ལྟ་བ་རབ་ཏུ་སྤང་བ་དང་།

སྟོབས་སུ་ལྟ་བ་རབ་ཏུ་སྤང་བ་དང་། བྱང་ཆུབ་ཀྱི་ཡན་ལག་དུ་ལྟ་བ་རབ་ཏུ་སྤང་བ་དང་། འཕགས་པའི་ལམ་ཡན་ལག་བརྒྱད་པར་ལྟ་བ་རབ་ཏུ་སྤང་བ་དང་། འཕགས་པའི་བདེན་པར་ལྟ་བ་རབ་ཏུ་སྤང་བ་དང་། བསམ་གཏན་དུ་ལྟ་བ་རབ་ཏུ་སྤང་བ་དང་། ཚད་
མེད་པར་ལྟ་བ་རབ་ཏུ་སྤང་བ་དང་། གཟུགས་མྱེད་པའི་སྙོམས་པར་འཇུག་པར་ལྟ་བ་རབ་ཏུ་སྤང་བ་དང་། རྣམ་པར་ཐར་པར་ལྟ་བ་རབ་ཏུ་སྤང་བ་དང་། མཐར་ཀྱིས་གནས་པའི་སྙོམས་པར་འཇུག་པར་ལྟ་བ་རབ་ཏུ་སྤང་བ་དང་། རྣམ་པར་ཐར་པའི་སྒོ་སྟོང་པ་ཉིད་
དང་། མཚན་མ་མྱེད་པ་དང་། སྨོན་པ་མེད་པར་ལྟ་བ་རབ་ཏུ་སྤང་བ་དང་། མངོན་པར་ཤེས་པར་ལྟ་བ་རབ་ཏུ་སྤང་བ་དང་། ཏིང་ངེ་འཛིན་དུ་ལྟ་བ་རབ་ཏུ་སྤང་བ་དང་། གཟུངས་ཀྱི་སྒོར་ལྟ་བ་རབ་ཏུ་སྤང་བ་དང་། དེ་བཞིན་གཤེགས་པའི་སྟོབས་སུ་ལྟ་བ་རབ་ཏུ་སྤང་
བ་དང་། མྱི་འཇིགས་པར་ལྟ་བ་རབ་ཏུ་སྤང་བ་དང་། སོ་སོ་ཡང་དག་པར་རིག་པར་ལྟ་བ་རབ་ཏུ་སྤང་བ་དང་། བྱམས་པ་ཆེན་པོར་ལྟ་བ་རབ་ཏུ་སྤང་བ་དང་། སྙིང་རྗེ་ཆེན་པོར་ལྟ་བ་རབ་ཏུ་སྤང་བ་དང་། སངས་རྒྱས་ཀྱི་ཆོས་མ་འདྲེས་པར་ལྟ་བ་རབ་ཏུ་སྤང་བ་དང་།
སེམས་ཅན་ཡོངས་སུ་སྨྱིན་པར་བྱ་བར་ལྟ་བ་རབ་ཏུ་སྤང་བ་དང་། སངས་རྒྱས་ཀྱི་ཞིང་ཡོངས་སུ་དག་པར་བྱ་བར་ལྟ་བ་རབ་ཏུ་སྤང་བ་དང་། བྱང་ཆུབ་ཏུ་ལྟ་བ་རབ་ཏུ་སྤང་བ་དང་། སངས་རྒྱས་སུ་ལྟ་བ་རབ་ཏུ་སྤང་བ་དང་། ཆོས་སུ་ལྟ་བ་རབ་ཏུ་སྤང་བ་དང་། དགེ་འདུན་དུ་ལྟ་བ་
རབ་ཏུ་སྤང་བ་དང་། ཆོས་ཀྱི་འཁོར་ལོ་བསྐོར་བར་ལྟ་བ་རབ་ཏུ་སྤང་བ་དང་། ཡོངས་སུ་མྱ་ངན་ལས་འདའ་བར་ལྟ་བ་རབ་ཏུ་སྤང་བའི་སླད་དུ། སེམས་ཅན་རྣམས་ལ་ཆོས་སྟོན་པར་བགྱིད་ཀྱང་དེ་མི་དམིགས་པའི་ཚུལ་གྱིས་བགྱིད་དེ། དེའི་སླད་དུ་བྱང་
ཆུབ་སེམས་དཔའ་སེམས་དཔའ་ཆེན་པོ་ཞེས་བགྱིའོ། །དེ་ནས་ཚེ་དང་ལྡན་པ་རབ་འབྱོར་ཀྱིས། ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤ་ར་དྭ་ཏིའི་བུ་ཅིའི་ཕྱིར་ན། བྱང་ཆུབ་སེམས་དཔའ་སེམས་དཔའ་ཆེན་པོ་གཟུགས་

སུ་ལྟ་བར་འགྱུར་བ་ཡིན། ཚོར་བར་ལྟ་བར་འགྱུར་བ་ཡིན། འདུ་ཤེས་སུ་ལྟ་བར་འགྱུར་བ་ཡིན། འདུ་བྱེད་དུ་ལྟ་བར་འགྱུར་བ་ཡིན། རྣམ་པར་ཤེས་པར་ལྟ་བར་འགྱུར་བ་ཡིན། མྱིག་ཏུ་ལྟ་བར་འགྱུར་བ་ཡིན། རྣ་བར་ལྟ་བར་
འགྱུར་བ་ཡིན། སྣར་ལྟ་བར་འགྱུར་བ་ཡིན། ལྕེར་ལྟ་བར་འགྱུར་བ་ཡིན། ལུས་སུ་ལྟ་བར་འགྱུར་བ་ཡིན། ཡིད་དུ་ལྟ་བར་འགྱུར་བ་ཡིན། གཟུགས་སུ་ལྟ་བར་འགྱུར་བ་ཡིན། སྒྲར་ལྟ་བར་འགྱུར་བ་ཡིན། དྲིར་ལྟ་བར་འགྱུར་བ་ཡིན། རོར་ལྟ་བར་འགྱུར་བ་
ཡིན། རེག་ཏུ་ལྟ་བར་འགྱུར་བ་ཡིན། ཆོས་སུ་ལྟ་བར་འགྱུར་བ་ཡིན། མྱིག་གི་རྣམ་པར་ཤེས་པར་ལྟ་བར་འགྱུར་བ་ཡིན། རྣ་བའི་རྣམ་པར་ཤེས་པར་ལྟ་བར་འགྱུར་བ་ཡིན། སྣའི་རྣམ་པར་ཤེས་པར་ལྟ་བར་འགྱུར་བ་ཡིན། ལྕེའི་རྣམ་པར་ཤེས་པར་ལྟ་བར་
འགྱུར་བ་ཡིན། ལུས་ཀྱི་རྣམ་པར་ཤེས་པར་ལྟ་བར་འགྱུར་བ་ཡིན། ཡིད་ཀྱི་རྣམ་པར་ཤེས་པར་ལྟ་བར་འགྱུར་བ་ཡིན། མྱིག་གི་འདུས་ཏེ་རེག་པར་ལྟ་བར་འགྱུར་བ་ཡིན། རྣ་བའི་འདུ་ཏེ་རེག་པར་ལྟ་བར་འགྱུར་བ་ཡིན། རྣ་བའི་འདུས་ཏེ་རེག་པར་ལྟ་བར་འགྱུར་བ་ཡིན། སྣའི་འདུས་ཏེ་རེག་པར་ལྟ་བར་
འགྱུར་བ་ཡིན། ལྕེའི་འདུས་ཏེ་རེག་པར་ལྟ་བར་འགྱུར་བ་ཡིན། ལུས་ཀྱི་འདུས་ཏེ་རེག་པར་ལྟ་བར་འགྱུར་བ་ཡིན། ཡིད་ཀྱི་འདུས་ཏེ་རེག་པར་ལྟ་བར་འགྱུར་བ་ཡིན། མིག་གི་འདུས་ཏེ་རེག་པའི་རྐྱེན་ཀྱིས་ཚོར་བར་ལྟ་བར་འགྱུར་བ་ཡིན། རྣ་བའི་འདུས་ཏེ་
རེག་པའི་རྐྱེན་ཀྱིས་ཚོར་བར་ལྟ་བར་འགྱུར་བ་ཡིན། སྣའི་འདུས་ཏེ་རེག་པའི་རྐྱེན་ཀྱིས་ཚོར་བར་ལྟ་བར་འགྱུར་བ་ཡིན། ལྕེའི་འདུས་ཏེ་རེག་པར་རྐྱེན་གྱིས་ཚོར་བར་ལྟ་བར་འགྱུར་བ་ཡིན། ལུས་ཀྱིས་འདུས་ཏེ་རེག་པའི་རྐྱེན་ཀྱིས་ཚོར་བར་ལྟ་བར་འགྱུར་བ་ཡིན།
ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བར་ལྟ་བར་འགྱུར་བ་ཡིན། སའི་ཁམས་སུ་ལྟ་བར་འགྱུར་བ་ཡིན། ཆུའི་ཁམས་སུ་ལྟ་བར་འགྱུར་བ་ཡིན། མྱེའི་ཁམས་སུ་ལྟ་བར་འགྱུར་བ་ཡིན། རླུང་གི་ཁམས་སུ་ལྟ་བར་འགྱུར་བ་ཡིན། ནམ་མཁའི་ཁམས་

སུ་ལྟ་བར་འགྱུར་བ་ཡིན། རྣམ་པར་ཤེས་པའི་ཁམས་སུ་ལྟ་བར་འགྱུར་བ་ཡིན། མ་རིག་པར་ལྟ་བར་འགྱུར་བ་ཡིན། འདུ་བྱེད་དུ་ལྟ་བར་འགྱུར་བ་ཡིན། རྣམ་པར་ཤེས་པར་ལྟ་བར་འགྱུར་བ་ཡིན། མྱིང་དང་གཟུགས་སུ་ལྟ་བར་འགྱུར་བ་ཡིན། སྐྱེ་མཆེད་
དྲུག་ཏུ་ལྟ་བར་འགྱུར་བ་ཡིན། རེག་པར་ལྟ་བར་འགྱུར་བ་ཡིན། ཚོར་བར་ལྟ་བར་འགྱུར་བ་ཡིན། སྲེད་པར་ལྟ་བར་འགྱུར་བ་ཡིན། ལེན་པར་ལྟ་བར་འགྱུར་བ་ཡིན། སྲིད་པར་ལྟ་བར་འགྱུར་བ་ཡིན། སྐྱེ་བར་ལྟ་བར་འགྱུར་བ་ཡིན། རྒ་ཤིར་ལྟ་བར་
འགྱུར་བ་ཡིན། སྦྱིན་པའི་ཕ་རོལ་ཏུ་ཕྱིན་པར་ལྟ་བར་འགྱུར་བ་ཡིན། ཚུལ་ཁྲིམས་ཀྱིས་རོལ་ཏུ་ཕྱིན་པར་ལྟ་བར་འགྱུར་བ་ཡིན། བཟོད་པའི་ཕ་རོལ་ཏུ་ཕྱིན་པར་ལྟ་བར་འགྱུར་བ་ཡིན། བརྩོན་འགྲུས་ཀྱི་ཕ་རོལ་ཏུ་ཕྱིན་པར་ལྟ་བར་འགྱུར་བ་ཡིན། བསམ་གཏན་གྱི་ཕ་རོལ་ཏུ་ཕྱིན་པར་ལྟ་བར་འགྱུར་བ་ཡིན།
ཤེས་རབ་ཀྱི་ཕ་རོལ་ཏུ་ཕྱིན་པར་ལྟ་བར་འགྱུར་བ་ཡིན། ནང་སྟོང་པ་ཉིད་དུ་ལྟ་བར་འགྱུར་བ་ཡིན། ཕྱི་སྟོང་པ་ཉིད་དུ་ལྟ་བར་འགྱུར་བ་ཡིན། ཕྱི་ནང་སྟོང་པ་ཉིད་དུ་ལྟ་བར་འགྱུར་བ་ཡིན། སྟོང་
པ་ཉིད་སྟོང་པ་ཉིད་དུ་ལྟ་བར་འགྱུར་བ་ཡིན། ཆེན་པོ་སྟོང་པ་ཉིད་དུ་ལྟ་བར་འགྱུར་བ་ཡིན། དོན་དམ་པ་སྟོང་པ་ཉིད་དུ་ལྟ་བར་འགྱུར་བ་ཡིན། འདུས་བྱས་སྟོང་པ་ཉིད་དུ་ལྟ་བར་འགྱུར་བ་ཡིན། འདུས་མ་བྱས་སྟོང་པ་ཉིད་དུ་ལྟ་བར་འགྱུར་བ་ཡིན། མཐའ་
ལས་འདས་པ་སྟོང་པ་ཉིད་དུ་ལྟ་བར་འགྱུར་བ་ཡིན། ཐོག་མ་དང་ཐ་མ་མེད་པ་སྟོང་པ་ཉིད་དུ་ལྟ་བར་འགྱུར་བ་ཡིན། དོར་བ་མྱེད་པ་སྟོང་པ་ཉིད་དུ་ལྟ་བར་འགྱུར་བ་ཡིན། རང་བཞིན་སྟོང་པ་ཉིད་དུ་ལྟ་བར་འགྱུར་བ་ཡིན། ཆོས་ཐམས་ཅད་སྟོང་པ་ཉིད་དུ་ལྟ་
པར་འགྱུར་བ་ཡིན། རང་གི་མཚན་ཉིད་སྟོང་པ་ཉིད་དུ་ལྟ་བར་འགྱུར་བ་ཡིན། མི་དམིགས་པ་སྟོང་པ་ཉིད་དུ་ལྟ་བར་འགྱུར་བ་ཡིན། དངོས་པོ་མྱེད་པ་སྟོང་པོ་ཉིད་དུ་ལྟ་བར་འགྱུར་བ་ཡིན། ངོ་བོ་ཉིད་སྟོང་བ་ཉིད་དུ་ལྟ་བར་འགྱུར་བ་ཡིན། དངོས་པོ་མྱེད་

པའི་ངོ་བོ་ཉིད་སྟོང་པ་ཉིད་དུ་ལྟ་བར་འགྱུར་བ་ཡིན། དྲན་པ་ཉེ་བར་གཞག་པར་ལྟ་བར་འགྱུར་བ་ཡིན། ཡང་དག་པར་སྤོང་བར་ལྟ་བར་འགྱུར་བ་ཡིན། རྫུ་འཕྲུལ་གྱི་རྐང་པར་ལྟ་བར་འགྱུར་བ་ཡིན། དབང་པོར་ལྟ་བར་འགྱུར་བ་ཡིན།
སྟོབས་སུ་ལྟ་བར་འགྱུར་བ་ཡིན། བྱང་ཆུབ་ཀྱི་ཡན་ལག་ཏུ་ལྟ་བར་འགྱུར་བ་ཡིན། འཕགས་པའི་ལམ་ཡན་ལག་བརྒྱད་པར་ལྟ་བར་འགྱུར་བ་ཡིན། འཕགས་པའི་བདེན་པར་ལྟ་བར་འགྱུར་བ་ཡིན། བསམ་གཏན་དུ་ལྟ་བར་འགྱུར་བ་ཡིན། ཚད་མྱེད་པར་ལྟ་
བར་འགྱུར་བ་ཡིན། གཟུགས་མྱེད་པའི་སྙོམས་པར་འཇུག་པར་ལྟ་བར་འགྱུར་བ་ཡིན། རྣམ་པར་ཐར་པར་ལྟ་བར་འགྱུར་བ་ཡིན། མཐར་ཀྱིས་གནས་པའི་སྙོམས་པར་འཇུག་པར་ལྟ་བར་འགྱུར་བ་ཡིན། རྣམ་པར་ཐར་པའི་སྒོ་སྟོང་པ་ཉིད་དང་། མཚན་
མ་མྱེད་པ་དང་། སྨོན་པ་མེད་པར་ལྟ་བར་འགྱུར་བ་ཡིན། མངོན་པར་ཤེས་པར་ལྟ་བར་འགྱུར་བ་ཡིན། ཏིང་ངེ་འཛིན་དུ་ལྟ་བར་འགྱུར་བ་ཡིན། གཟུངས་ཀྱི་སྒོར་ལྟ་བར་འགྱུར་བ་ཡིན། དེ་བཞིན་གཤེགས་པའི་སྟོབས་སུ་ལྟ་བར་འགྱུར་བ་ཡིན། མི་
འཇིགས་པར་ལྟ་བར་འགྱུར་བ་ཡིན། སོ་སོ་ཡང་དག་པར་རིག་པར་ལྟ་བར་འགྱུར་བ་ཡིན། བྱམས་པ་ཆེན་པོར་ལྟ་བར་འགྱུར་བ་ཡིན། སྙིང་རྗེ་ཆེན་པོར་ལྟ་བར་འགྱུར་བ་ཡིན། སངས་རྒྱས་ཀྱི་ཆོས་མ་འདྲེས་པར་ལྟ་བར་འགྱུར་བ་ཡིན། སེམས་
ཅན་ཡོངས་སུ་སྨྱིན་པར་བྱ་བར་ལྟ་བར་འགྱུར་བ་ཡིན། སངས་རྒྱས་ཀྱི་ཞིང་ཡོངས་སུ་དག་པར་བྱ་བར་ལྟ་བར་འགྱུར་བ་ཡིན། བྱང་ཆུབ་ཏུ་ལྟ་བར་འགྱུར་བ་ཡིན། སངས་རྒྱས་སུ་ལྟ་བར་འགྱུར་བ་ཡིན། ཆོས་སུ་ལྟ་བར་འགྱུར་བ་ཡིན། དགེ་འདུན་དུ་ལྟ་
བར་འགྱུར་བ་ཡིན། ཆོས་ཀྱི་འཁོར་ལོ་བསྐོར་བར་ལྟ་བར་འགྱུར་བ་ཡིན། ཡོངས་སུ་མྱ་ངན་ལས་འདའ་བར་ལྟ་བར་འགྱུར་བ་ཡིན། སྨྲས་པ། ཚེ་དང་ལྡན་པ་རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ། ཤེས་རབ་ཀྱི་ཕ་རོལ་ཏུ་

ཕྱིན་པ་ལ་སྤྱོད་ཅིང་། ཐབས་མི་མཁས་པས་གཟུགས་སུ་དམྱིགས་ཤིང་། དམྱིགས་པའི་ཚུལ་གྱིས་ལྟ་བ་སྐྱེད་དོ། །ཚོར་བར་དམྱིགས་ཤིང་དམྱིགས་པའི་ཚུལ་གྱིས་ལྟ་བ་སྐྱེད་དོ། །འདུ་ཤེས་སུ་དམྱིགས་ཤིང་དམྱིགས་པའི་ཚུལ་གྱིས་ལྟ་བ་སྐྱེད་དོ། །འདུ་བྱེད་དུ་དམྱིགས་
ཤིང་དམྱིགས་པའི་ཚུལ་གྱིས་ལྟ་བ་སྐྱེད་དོ། །རྣམ་པར་ཤེས་པར་དམྱིགས་ཤིང་། དམྱིགས་པའི་ཚུལ་གྱིས་ལྟ་བ་སྐྱེད་དོ། །མྱིག་ཏུ་དམྱིགས་ཤིག་དམྱིགས་པའི་ཚུལ་གྱིས་ལྟ་བ་སྐྱེད་དོ། །རྣ་བར་དམྱིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །སྣར་དམིགས་ཤིང་
དམིགས་པའི་ཚུལ་གྱིས་ལྟ་བ་སྐྱེད་དོ། །ལྕེར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ལུས་སུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཡིད་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །གཟུགས་སུ་དམིགས་ཤིང་དམིགས་པའི་
ཚུལ་གྱིས་ལྟ་བ་སྐྱེད་དོ། །སྒྲར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །དྲིར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །རོར་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །རེག་ཏུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །
ཆོས་སུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །མིག་གི་རྣམ་པར་ཤེས་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །རྣ་བའི་རྣས་པར་ཤེས་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །སྣའི་རྣམ་པར་ཤེས་པར་དམིགས་ཤིང་
དམིགས་པའི་ཚུལ་གྱིས་ལྟ་བ་སྐྱེད་དོ། །ལྕེའི་རྣམ་པར་ཤེས་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ལུས་ཀྱི་རྣམ་པར་ཤེས་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཡིད་ཀྱི་རྣམ་པར་ཤེས་པར་དམིགས་ཤིང་། དམིགས་
པའི་ཚུལ་གྱིས་ལྟ་བ་སྐྱེད་དོ། །མིག་གི་འདུས་ཏེ་རེག་པར་དམིགས་ཤིང་། དམིགས་པའི་ཚུལ་གྱིས་ལྟ་བསྐྱེད་དོ། །རྣ་བའི་འདུས་ཏེ་རེག་པར་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །སྣའི་འདུས་ཏེ་རེག་པར་དམིགས་ཤིང་དམིགས་པའི་ཚུལ་གྱིས་

ལྟ་བ་སྐྱེད་དོ། །ལྕེའི་འདུས་ཏེ་རེག་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ལུས་ཀྱི་འདུས་ཏེ་རེག་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཡིད་ཀྱི་འདུས་ཏེ་རེག་པར་དམིགས་ཤིང་དམིགས་པའི་ཚུལ་གྱིས་ལྟ་བ་
སྐྱེད་དོ། །མིག་གི་འདུས་ཏེ་རེག་པའི་རྐྱེན་ཀྱིས་ཚོར་བར་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བར་དམིགས་ཤིང་།
དམིགས་པའི་ཚུལ་གྱིས་ལྟ་བསྐྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བར་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཡིད་ཀྱི་འདུས་ཏེ་རེག་པའི་
རྐྱེན་ཀྱིས་ཚོར་བར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །སའི་ཁམས་སུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཆུའི་ཁམས་སུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །མེའི་ཁམས་སུ་དམིགས་ཤིང་དམིགས་པའི་ཚུལ་
གྱིས་ལྟ་བ་སྐྱེད་དོ། །རླུང་གི་ཁམས་སུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ནམ་མཁའི་ཁམས་སུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །རྣམ་པར་ཤེས་པའི་ཁམས་སུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །
མ་རིག་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །འདུ་བྱེད་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །རྣམ་པར་ཤེས་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །མྱིང་དང་གཟུགས་སུ་དམིགས་ཤིང་དམིགས་
པའི་ཚུལ་གྱིས་ལྟ་བ་སྐྱེད་དོ། །སྐྱེ་མཆེད་དྲུག་ཏུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །རེག་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཚོར་བར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །སྲེད་པར་དམིགས་

ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ལེན་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །སྲིད་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །སྐྱེ་བར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །རྒ་ཤིར་དམིགས་ཤིང་
དམིགས་པའི་ཚུལ་གྱིས་ལྟ་བ་སྐྱེད་དོ། །སྦྱིན་པའི་ཕ་རོལ་ཏུ་ཕྱིན་པར་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པར་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །བཟོད་པའི་ཕ་རོལ་ཏུ་ཕྱིན་པར་དམིགས་ཤིང་དམིགས་
པའི་ཚུལ་གྱིས་ལྟ་བ་སྐྱེད་དོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །བསམ་གཏན་གྱི་ཕ་རོལ་ཏུ་ཕྱིན་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པར་
དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ནང་སྟོང་པ་ཉིད་དུ་དམིགས་པའི་ཚུལ་གྱིས་ལྟ་བ་སྐྱེད་དོ། །ཕྱི་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཕྱི་ནང་སྟོང་པ་ཉིད་དུ་དམིགས་ཤིང་དམིགས་པའི་
ཚུལ་གྱི་ལྟ་བ་སྐྱེད་དོ། །སྟོང་པ་ཉིད་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཆེན་པོ་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །དོན་དམ་པ་སྟོང་པ་ཉིད་དུ་དམིགས་ཤིང་དམིགས་པའི་ཚུལ་
གྱིས་ལྟ་བ་སྐྱེད་དོ། །འདུས་བྱས་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །འདུས་མ་བྱས་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །མཐའ་ལས་འདས་པ་སྟོང་པ་ཉིད་དུ་དམིགས་ཤིང་དམིགས་པའི་ཚུལ་
གྱིས་ལྟ་བསྐྱེད་དོ། །ཐོག་མ་དང་ཐ་མ་མེད་པ་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །དོར་བ་མེད་པ་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །རང་བཞིན་སྟོང་པ་ཉིད་དུ་དམིགས་ཤིང་དམིགས་པའི་ཚུལ་

གྱིས་ལྟ་བ་སྐྱེད་དོ། །ཆོས་ཐམས་ཅད་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །རང་གི་མཚན་ཉིད་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །མི་དམྱིགས་པ་སྟོང་པ་ཉིད་དུ་དམིགས་ཤིང་དམིགས་
པའི་ཚུལ་གྱིས་ལྟ་བ་སྐྱེད་དོ། །དངོས་པོ་མེད་པ་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ངོ་བོ་ཉིད་སྟོང་པ་ཉིད་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་དུ་དམིགས་ཤིང་དམིགས་པའི་ཚུལ་
གྱིས་ལྟ་བ་སྐྱེད་དོ། །དྲན་པ་ཉེ་བར་གཞག་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཡང་དག་པར་སྤོང་བར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །རྫུ་འཕྲུལ་གྱི་རྐང་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །དབང་པོར་
དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །སྟོབས་སུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །བྱང་ཆུབ་ཀྱི་ཡན་ལག་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །འཕགས་པའི་ལམ་ཡན་ལག་བརྒྱད་པར་དམིགས་ཤིང་དམིགས་པའི་
ཚུལ་གྱིས་ལྟ་བསྐྱེད་དོ། །འཕགས་པའི་བདེན་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །བསམ་གཏན་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཚད་མེད་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །གཟུགས་མེད་
པའི་སྙོམས་པར་འཇུག་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །རྣམ་པར་ཐར་པར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །མཐར་ཀྱིས་གནས་པའི་སྙོམས་པར་འཇུག་པར་དམྱིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །
རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པར་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །མངོན་པར་ཤེས་པར་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །ཏིང་ངེ་འཛིན་དུ་དམིགས་ཤིང་དམིགས་པའི་ཚུལ་

གྱིས་ལྟ་བ་སྐྱེད་དོ། །གཟུངས་ཀྱི་སྒོར་དམྱིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །དེ་བཞིན་གཤེགས་པའི་སྟོབས་སུ་དམྱིགས་ཤིང་དམྱིགས་པའི་ཚུལ་གྱིས་ལྟ་བ་སྐྱེད་དོ། །མྱི་འཇིགས་པར་དམྱིགས་ཤིང་དམྱིགས་པའི་ཚུལ་གྱིས་ལྟ་བ་སྐྱེད་དོ། །སོ་སོ་ཡང་དག་པར་
རིག་པར་དམྱིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །བྱམས་པ་ཆེན་པོར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །སྙིང་རྗེ་ཆེན་པོར་དམྱིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །སངས་རྒྱས་ཀྱི་ཆོས་མ་འདྲེས་པར་དམིགས་ཤིང་དམྱིགས་
པའི་ཚུལ་གྱིས་ལྟ་བ་སྐྱེད་དོ། །སེམས་ཅན་ཡོངས་སུ་སྨྱིན་པར་བྱ་བར་དམྱིགས་ཤིང་དམྱིགས་པའི་ཚུལ་གྱིས་ལྟ་བ་སྐྱེད་དོ། །སངས་རྒྱས་ཀྱི་ཞིང་ཡོངས་སུ་དག་པར་བྱ་བར་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །བྱང་ཆུབ་ཏུ་དམྱིགས་ཤིང་དམིགས་པའི་ཚུལ་
གྱིས་ལྟ་བ་སྐྱེད་དོ། །སངས་རྒྱས་སུ་དམིགས་ཤིང་དམྱིགས་པའི་ཚུལ་གྱིས་ལྟ་བསྐྱེད་དོ། །ཆོས་སུ་དམྱིགས་ཤིང་དམྱིགས་པའི་ཚུལ་གྱིས་ལྟ་བ་སྐྱེད་དོ། །དགེ་འདུན་དུ་དམིགས་ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཆོས་ཀྱི་འཁོར་ལོ་བསྐོར་བར་དམིགས་
ཤིང་དམིགས་པའི་ཚུལ་གྱིས་ལྟ་བ་སྐྱེད་དོ། །ཡོངས་སུ་མྱ་ངན་ལས་འདའ་བར་དམིགས་ཤིང་དམིགས་པའི་ཚུལ་གྱིས་ལྟ་བསྐྱེད་དོ། །ཚེ་དང་ལྡན་པ་རབ་འབྱོར་དེའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ། གཟུགས་སུ་ལྟ་བར་འགྱུར་བ་ཡིན། ཚོར་བར་ལྟ་
བ་དང་། འདུ་ཤེས་སུ་ལྟ་བ་དང་། འདུ་བྱེད་དུ་ལྟ་བ་དང་། རྣམ་པར་ཤེས་པར་ལྟ་བར་འགྱུར་བ་ཡིན། དེའི་ཕྱིར་མིག་ཏུ་ལྟ་བར་འགྱུར་བ་ཡིན། རྣ་བར་ལྟ་བ་དང་། སྣར་ལྟ་བ་དང་། ལྕེར་ལྟ་བ་དང་། ལུས་སུ་ལྟ་བ་དང་། ཡིད་དུ་ལྟ་བར་འགྱུར་བ་ཡིན། །དེའི་ཕྱིར་
གཟུགས་སུ་ལྟ་བར་འགྱུར་བ་ཡིན། སྒྲར་ལྟ་བ་དང་། དྲིར་ལྟ་བ་དང་། རོར་ལྟ་བ་དང་། རེག་ཏུ་ལྟ་བ་དང་། ཆོས་སུ་ལྟ་བར་འགྱུར་བ་ཡིན། དེའི་ཕྱིར་མིག་གི་རྣམ་པར་ཤེས་པར་ལྟ་བར་འགྱུར་བ་ཡིན། རྣ་བའི་རྣམ་པར་ཤེས་པར་ལྟ་བ་དང་། སྣའི་རྣམ་པར་ཤེས་

པར་ལྟ་བ་དང་། ལྕེའི་རྣམ་པར་ཤེས་པར་ལྟ་བ་དང་། ལུས་ཀྱི་རྣམ་པར་ཤེས་པར་ལྟ་བ་དང་། ཡིད་ཀྱི་རྣམ་པར་ཤེས་པར་ལྟ་བར་འགྱུར་བ་ཡིན། དེའི་ཕྱིར་མྱིག་གི་འདུས་ཏེ་རེག་པར་ལྟ་བར་འགྱུར་བ་ཡིན། རྣ་བའི་འདུས་ཏེ་རེག་པར་ལྟ་བ་དང་།
སྣའི་འདུས་ཏེ་རེག་པར་ལྟ་བ་དང་། ལྕེའི་འདུས་ཏེ་རེག་པར་ལྟ་བ་དང་། ལུས་ཀྱི་འདུས་ཏེ་རེག་པར་ལྟ་བ་དང་། ཡིད་ཀྱི་འདུས་ཏེ་རེག་པར་ལྟ་བར་འགྱུར་བ་ཡིན། དེའི་ཕྱིར་མིག་གི་འདུས་ཏེ་རེག་པའི་རྐྱེན་ཀྱིས་ཚོར་བར་ལྟ་བར་འགྱུར་བ་ཡིན། རྣ་བའི་འདུས་ཏེ་རེག་པའི་
རྐྱེན་ཀྱིས་ཚོར་བར་ལྟ་བ་དང་། སྣའི་འདུས་ཏེ་རེག་པའི་རྐྱེན་ཀྱིས་ཚོར་བར་ལྟ་བ་དང་། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བར་ལྟ་བ་དང་། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བར་ལྟ་བ་དང་། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བར་ལྟ་བར་
འགྱུར་བ་ཡིན། དེའི་ཕྱིར་སའི་ཁམས་སུ་ལྟ་བར་འགྱུར་བ་ཡིན། ཆུའི་ཁམས་སུ་ལྟ་བ་དང་། མེའི་ཁམས་སུ་ལྟ་བ་དང་། རླུང་གི་ཁམས་སུ་ལྟ་བ་དང་། ནམ་མཁའི་ཁམས་སུ་ལྟ་བ་དང་། རྣམ་པར་ཤེས་པའི་ཁམས་སུ་ལྟ་བར་འགྱུར་བ་ཡིན། དེའི་ཕྱིར་མ་
རིག་པར་ལྟ་བར་འགྱུར་བ་ཡིན། འདུ་བྱེད་དུ་ལྟ་བ་དང་། རྣམ་པར་ཤེས་པར་ལྟ་བ་དང་། མིང་དང་གཟུགས་སུ་ལྟ་བ་དང་། སྐྱེ་མཆེད་དྲུག་ཏུ་ལྟ་བ་དང་། རེག་པར་ལྟ་བ་དང་། ཚོར་བར་ལྟ་བ་དང་། སྲེད་པར་ལྟ་བ་དང་། ལེན་པར་ལྟ་བ་དང་། སྲིད་པར་ལྟ་བ་དང་།
སྐྱེ་བར་ལྟ་བ་དང་། རྒ་ཤིར་ལྟ་བར་འགྱུར་བ་ཡིན། དེའི་ཕྱིར་སྦྱིན་པའི་ཕ་རོལ་ཏུ་ཕྱིན་པར་ལྟ་བར་འགྱུར་བ་ཡིན། ཚུལ་ཁྲིམས་ཀྱི་ཕ་རོལ་ཏུ་ཕྱིན་པར་ལྟ་བ་དང་། བཟོད་པའི་ཕ་རོལ་ཏུ་ཕྱིན་པར་ལྟ་བ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པར་ལྟ་བ་དང་། བསམ་གཏན་གྱི་ཕ་
རོལ་ཏུ་ཕྱིན་པར་ལྟ་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པར་ལྟ་བར་འགྱུར་བ་ཡིན། དེའི་ཕྱིར་ནང་སྟོང་པ་ཉིད་དུ་ལྟ་བར་འགྱུར་བ་ཡིན། ཕྱི་སྟོང་པ་ཉིད་དུ་ལྟ་བ་དང་། ཕྱི་ནང་སྟོང་པ་ཉིད་དུ་ལྟ་བ་དང་། སྟོང་པ་ཉིད་སྟོང་པ་ཉིད་དུ་ལྟ་བ་དང་། ཆེན་པོ་སྟོང་པ་ཉིད་དུ་ལྟ་བ་དང་།

དོན་དམ་པ་སྟོང་པ་ཉིད་དུ་ལྟ་བ་དང་། འདུས་བྱས་སྟོང་པ་ཉིད་དུ་ལྟ་བ་དང་། འདུས་མ་བྱས་སྟོང་པ་ཉིད་དུ་ལྟ་བ་དང་། མཐའ་ལས་འདས་པ་སྟོང་པ་ཉིད་དུ་ལྟ་བ་དང་། ཐོག་མ་དང་ཐ་མ་མེད་པ་སྟོང་པ་ཉིད་དུ་ལྟ་བ་དང་། དོར་བ་མེད་པ་སྟོང་པ་ཉིད་དུ་ལྟ་བ་དང་། རང་བཞིན་སྟོང་པ་
ཉིད་དུ་ལྟ་བ་དང་། ཆོས་ཐམས་ཅད་སྟོང་པ་ཉིད་དུ་ལྟ་བ་དང་། རང་གི་མཚན་ཉིད་སྟོང་པ་ཉིད་དུ་ལྟ་བ་དང་། མི་དམྱིགས་པ་སྟོང་པ་ཉིད་དུ་ལྟ་བ་དང་། དངོས་པོ་མྱེད་པ་སྟོང་པ་ཉིད་དུ་ལྟ་བ་དང་། ངོ་བོ་ཉིད་སྟོང་པ་ཉིད་དུ་ལྟ་བ་དང་། དངོས་པོ་མྱེད་པའི་ངོ་བོ་ཉིད་སྟོང་པོ་ཉིད་དུ་ལྟ་བར་
འགྱུར་བ་ཡིན། དེའི་ཕྱིར་དྲན་པ་ཉེ་བར་གཞག་པར་ལྟ་བར་འགྱུར་བ་ཡིན། ཡང་དག་པར་སྤོང་བར་ལྟ་བ་དང་། རྫུ་འཕྲུལ་གྱི་རྐང་པར་ལྟ་བ་དང་། དབང་པོར་ལྟ་བ་དང་། སྟོབས་སུ་ལྟ་བ་དང་། བྱང་ཆུབ་ཀྱི་ཡན་ལག་ཏུ་ལྟ་བ་དང་། ལམ་དུ་ལྟ་བར་འགྱུར་བ་ཡིན། དེའི་ཕྱིར་
འཕགས་པའི་བདེན་པར་ལྟ་བར་འགྱུར་བ་ཡིན། བསམ་གཏན་དུ་ལྟ་བ་དང་། ཚད་མྱེད་པར་ལྟ་བ་དང་། གཟུགས་མྱེད་པའི་སྙོམས་པར་འཇུག་པར་ལྟ་བ་དང་། རྣམ་པར་ཐར་པར་ལྟ་བ་དང་། མཐར་ཀྱིས་གནས་པའི་སྙོམས་པར་འཇུག་པར་ལྟ་བ་དང་། རྣམ་པར་ཐར་པའི་སྒོ་སྟོང་པ་
ཉིད་དང་མཚན་མ་མེད་པ་དང་སྨོན་པ་མེད་པར་ལྟ་བ་དང་། །མངོན་པར་ཤེས་པར་ལྟ་བ་དང་། ཏིང་ངེ་འཛིན་དུ་ལྟ་བ་དང་། གཟུངས་ཀྱི་སྒོར་ལྟ་བར་འགྱུར་བ་ཡིན། དེའི་ཕྱིར་དེ་བཞིན་གཤེགས་པའི་སྟོབས་སུ་ལྟ་བར་འགྱུར་བ་ཡིན། མྱི་འཇིགས་པར་ལྟ་བ་དང་། སོ་སོ་ཡང་དག་པར་རིག་པར་
ལྟ་བ་དང་། བྱམས་པ་ཆེན་པོར་ལྟ་བ་དང་། སྙིང་རྗེ་ཆེན་པོར་ལྟ་བ་དང་། སངས་རྒྱས་ཀྱི་ཆོས་མ་འདྲེས་པར་ལྟ་བར་འགྱུར་བ་ཡིན། དེའི་ཕྱིར་སེམས་ཅན་ཡོངས་སུ་སྨྱིན་པར་བྱ་བར་ལྟ་བར་འགྱུར་བ་ཡིན། སངས་རྒྱས་ཀྱི་ཞིང་ཡོངས་སུ་དག་པར་བྱ་བར་ལྟ་བ་དང་། བྱང་ཆུབ་
ཏུ་ལྟ་བ་དང་། སངས་རྒྱས་སུ་ལྟ་བ་དང་། ཆོས་སུ་ལྟ་བ་དང་། དགེ་འདུན་དུ་ལྟ་བ་དང་། ཆོས་ཀྱི་འཁོར་ལོ་བསྐོར་བར་ལྟ་བ་དང་། ཡོངས་སུ་མྱ་ངན་ལས་འདའ་བར་ལྟ་བར་འགྱུར་བ་ཡིན་ཏེ། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ། ཤེས་རབ་ཀྱི་ཕ་རོལ་ཏུ་ཕྱིན་པ་

ལ་སྤྱོད་པའི་ཚེ། ཐབས་མཁས་པས་ལྟ་བའི་རྣམ་པ་དེ་དག་སྤང་བའི་ཕྱིར་མྱི་དམྱིགས་པའི་ཚུལ་གྱིས་ཆོས་སྟོན་ཏོ། །དེ་ནས་ཚེ་དང་ལྡན་པ་རབ་འབྱོར་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དོན་གང་གི་སླད་དུ། བྱང་
ཆུབ་སེམས་དཔའ་སེམས་དཔའ་ཆེན་པོ་ཞེས་བགྱི་བདེ་ལ་བདག་ཀྱང་སྤོབས་པ་སྐྱེའོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ཁྱོད་ཀྱིས་སྤོབས་པ་སྐྱེད་ཅིག །རབ་འབྱོར་ཀྱིས་གསོལ་པ། བཅོམ་ལྡན་འདས་བྱང་ཆུབ་ཀྱི་སེམས་མྱི་མཉམ་པ་དང་མཉམ་པའི་སེམས་
ཉན་ཐོས་དང་། རང་སངས་རྒྱས་ཐམས་ཅད་དང་ཐུན་མོང་མ་ལགས་པའི་སེམས་དེ་ལྟ་བུ་ལ་ཡང་ཆགས་པ་མ་མཆིས་པས། དེའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བགྱིའོ། །དེ་ཅིའི་སླད་དུ་ཞེ་ན། འདི་ལྟར་ཐམས་ཅད་མཁྱེན་པ་ཉིད་ཀྱི་སེམས་དེ་
ནི་ཟག་པ་མ་མཆིས་ཤིང་ཁོངས་སུ་ཆུད་པ་མ་མཆིས་པ་སྟེ། དེ་ལྟར་ཐམས་ཅད་མཁྱེན་པ་ཉིད་ཀྱི་སེམས་ཟག་པ་མ་མཆིས་ཤིང་ཁམས་གསུམ་གྱི་ཁོངས་སུ་ཆུད་པ་མ་མཆིས་པའི་སེམས་དེ་ལ་ཡང་། རང་བཞིན་སྟོང་པ་ཉིད་ཀྱི་སླད་དུ་ཆགས་པ་མ་མཆིས་པས། དེའི་སླད་དུ་བྱང་
ཆུབ་སེམས་དཔའ་སེམས་དཔའ་ཆེན་པོའི་གྲངས་སུ་མཆིའོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་མྱི་མཉམ་པ་དང་མཉམ་པ་ཉན་ཐོས་དང་།
རང་སངས་རྒྱས་ཐམས་ཅད་དང་ཐུན་མོང་མ་ཡིན་པའི་སེམས་གང་ཡིན། རབ་འབྱོར་ཀྱིས་སྨྲས་པ། ཚེ་དང་ལྡན་པ་ཤ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་ཕྱིན་ཆད། ཆོས་གང་ཡང་སྐྱེ་བར་ཡང་དག་པར་རྗེས་སུ་མྱི་མཐོང་།
འགག་པ་དང་། འཕེལ་བ་དང་འགྲིབ་པ་དང་འོང་བ་དང་འགྲོ་བ་དང་། ཀུན་ནས་ཉོན་མོངས་པ་དང་། རྣམ་པར་བྱང་བར་ཡང་དག་པར་རྗེས་སུ་མྱི་མཐོང་སྟེ། ཚེ་དང་ལྡན་པ་ཤར་དྭ་ཏིའི་བུ་གང་ལ་སྐྱེ་བ་མྱེད་ཅིང་། འགག་པ་མྱེད་པ་དང་། འཕེལ་བ་མྱེད་ཅིང་འགྲིབ་བ་མྱེད་པ་དང་།

འོང་བ་མྱེད་ཅིང་འབྲོ་བ་མྱེད་པ་དང་། ཀུན་ནས་ཉོན་མོངས་པ་མྱེད་ཅིང་རྣམ་པར་བྱང་བ་མྱེད་པ་དེ་ལ་ཉན་ཐོས་ཀྱི་སེམས་མྱེད་དོ། །རང་སངས་རྒྱས་ཀྱི་སེམས་མྱེད་དོ། །བྱང་ཆུབ་སེམས་དཔའི་སེམས་མྱེད་དོ། །ཡང་དག་པར་རྫོགས་པའི་སངས་རྒྱས་ཀྱི་སེམས་མྱེད་དོ། །ཚེ་དང་ལྡན་པ་ཤ་
ར་དྭ་ཏིའི་བུ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་མྱི་མཉམ་པ་དང་མཉམ་པ་སྟེ། ཉན་ཐོས་དང་། རང་སངས་རྒྱས་ཐམས་ཅད་དང་། ཐུན་མོང་མ་ཡིན་པའི་སེམས་སོ། །སྨྲས་པ། ཚེ་དང་ལྡན་པ་རབ་འབྱོར་གང་ཁྱོད་ཀྱིས་འདི་སྐད་དུ། ཐམས་
ཅད་མཁྱེན་པ་ཉིད་ཀྱི་སེམས་ཟག་པ་མྱེད་པ། ཁོངས་སུ་ཆུད་པ་མྱེད་པ། དེ་ལྟ་བུའི་སེམས་ལ་ཡང་ཆགས་པ་མྱེད་དོ། །ཞེས་སྨྲས་པ་དེ་ནི་དེ་ལྟ་ཡིན་ཏེ། ཚེ་དང་ལྡན་པ་རབ་འབྱོར་དེ་བས་གཟུགས་ཀྱང་ཆགས་པ་མྱེད་དོ། །ཚོར་བ་ཡང་ཆགས་པ་མྱེད་དོ། །འདུ་
ཤེས་ཀྱང་ཆགས་པ་མྱེད་དོ། །འདུ་བྱེད་ཀྱང་ཆགས་པ་མྱེད་དོ། །རྣམ་པར་ཤེས་པ་ཡང་ཆགས་པ་མྱེད་དོ། །མྱིག་ཀྱང་ཆགས་པ་མྱེད་དོ། །རྣ་བ་ཡང་ཆགས་པ་མྱེད་དོ། །སྣ་ཡང་ཆགས་པ་མྱེད་དོ། །ལྕེ་ཡང་ཆགས་པ་མྱེད་དོ། །ལུས་ཀྱང་ཆགས་པ་མྱེད་
དོ། །ཡིད་ཀྱང་ཆགས་པ་མྱེད་དོ། །གཟུགས་ཀྱང་ཆགས་པ་མྱེད་དོ། །སྒྲ་ཡང་ཆགས་པ་མྱེད་དོ། །དྲི་ཡང་ཆགས་པ་མྱིད་དོ། །རོ་ཡང་ཆགས་པ་མྱེད་དོ། །རེག་ཀྱང་ཆགས་པ་མྱེད་དོ། །ཆོས་ཀྱང་ཆགས་པ་མྱེད་དོ། །ཆོས་ཀྱང་ཆགས་པ་མྱེད་དོ། །མྱིག་གི་རྣམ་པར་ཤེས་པ་
ཡང་ཆགས་པ་མྱེད་དོ། །རྣ་བའི་རྣམ་པར་ཤེས་པ་ཡང་ཆགས་པ་མྱེད་དོ། །སྣའི་རྣམ་པར་ཤེས་པ་ཡང་ཆགས་པ་མྱེད་དོ། །ལྕེའི་རྣམ་པར་ཤེས་པ་ཡང་ཆགས་པ་མྱེད་དོ། །ལུས་ཀྱི་རྣམ་པར་ཤེས་པ་ཡང་ཆགས་པ་མྱེད་དོ། །ཡིད་ཀྱི་རྣམ་པར་ཤེས་
པ་ཡང་ཆགས་པ་མྱེད་དོ། །མྱིག་འདིས་ཏེ་རེག་པ་ཡང་ཆགས་པ་མྱེད་དོ། །རྣ་བའི་འདུས་ཏེ་རེག་པ་ཡང་ཆགས་པ་མྱེད་དོ། །སྣའི་འདུས་ཏེ་རེག་པ་ཡང་ཆགས་པ་མྱེད་དོ། །ལྕེའི་འདུས་ཏེ་རེག་པ་ཡང་ཆགས་པ་མྱེད་དོ། །ལུས་ཀྱི་འདུས་ཏེ་རེག་པ་

ཡང་ཆགས་པ་མྱེད་དོ། །ཡིད་ཀྱི་འདུས་ཏེ་རེག་པ་ཡང་ཆགས་པ་མྱེད་དོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་མྱེད་དོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་མྱེད་དོ། །སྣའི་འདུས་ཏེ་རེག་པའི་རྐྱེན་ཀྱིས་
ཚོར་བ་ཡང་ཆགས་པ་མྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་མྱེད་དོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་མྱེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་མྱེད་དོ། །སའི་ཁམས་ཀྱང་ཆགས་པ་
མྱེད་དོ། །ཆུའི་ཁམས་ཀྱང་ཆགས་པ་མྱེད་དོ། །མྱེའི་ཁམས་ཀྱང་ཆགས་པ་མྱེད་དོ། །རླུང་གི་ཁམས་ཀྱང་ཆགས་པ་མྱེད་དོ། །ནམ་མཁའི་ཁམས་ཀྱང་ཆགས་བ་མྱེད་དོ། །རྣམ་པར་ཤེས་པའི་ཁམས་ཀྱང་ཆགས་པ་མྱེད་དོ། །མ་རིགས་པ་ཡང་ཆགས་པ་མྱེད་དོ། །
འདུ་བྱེད་ཀྱང་ཆགས་པ་མྱེད་དོ། །རྣམ་པར་ཤེས་པ་ཡང་ཆགས་པ་མྱེད་དོ། །མྱིང་དང་གཟུགས་ཀྱང་ཆགས་པ་མྱེད་དོ། །སྐྱེ་མཆེད་དྲུག་ཀྱང་ཆགས་པ་མྱེད་དོ། །རེག་པ་ཡང་ཆགས་པ་མྱེད་དོ། །ཚོར་བ་ཡང་ཆགས་པ་མྱེད་དོ། །སྲེད་པ་ཡང་ཆགས་པ་མྱེད་དོ། །
ལེན་པ་ཡང་ཆགས་པ་མྱེད་དོ། །སྲིད་པ་ཡང་ཆགས་པ་མྱེད་དོ། །སྐྱེ་བ་ཡང་ཆགས་པ་མྱེད་དོ། །རྒ་ཤི་ཡང་ཆགས་པ་མྱེད་དོ། །སྦྱིན་པའི་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །བཟོད་པའི་ཕ་རོལ་
ཏུ་ཕྱིན་པ་ཡང་ཆགས་པ་མྱེད་དོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །བསམ་གཏན་ཀྱིས་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །ནང་སྟོང་པ་ཉིད་ཀྱང་ཆགས་པ་མྱེད་དོ། །ཕྱི་སྟོང་
བ་ཉིད་ཀྱང་ཆགས་པ་མྱེད་དོ། །ཕྱི་ནང་སྟོང་པ་ཉིད་ཀྱང་ཆགས་པ་མྱེད་དོ། །སྟོང་པ་ཉིད་སྟོང་པ་ཉིད་ཀྱང་ཆགས་པ་མྱེད་དོ། །ཆེན་པོ་སྟོང་པ་ཉིད་ཀྱང་ཆགས་པ་མྱེད་དོ། །དོན་དམ་པ་སྟོང་པ་ཉིད་ཀྱང་ཆགས་པ་མྱེད་དོ། །འདུས་བྱས་སྟོང་པ་ཉིད་ཀྱང་ཆགས་པ་

མྱེད་དོ། །འདུས་མ་བྱས་སྟོང་པ་ཉིད་ཀྱང་ཆགས་པ་མྱེད་དོ། །མཐའ་ལས་འདས་པ་སྟོང་པ་ཉིད་ཀྱང་ཆགས་པ་མྱེད་དོ། །ཐོག་མ་དང་ཐ་མ་མྱེད་པ་སྟོང་པ་ཉིད་ཀྱང་ཆགས་པ་མྱེད་དོ། །དོར་བ་མྱེད་པ་སྟོང་པ་ཉིད་ཀྱང་ཆགས་པ་མྱེད་དོ། །རང་བཞིན་སྟོང་པ་ཉིད་ཀྱང་ཆགས་པ་མྱེད་དོ། །
ཆོས་ཐམས་ཅད་སྟོང་པ་ཉིད་ཀྱང་ཆགས་པ་མྱེད་དོ། །རང་གི་མཚན་ཉིད་སྟོང་པ་ཉིད་ཀྱང་ཆགས་པ་མྱེད་དོ། །མྱི་དམྱིགས་པ་སྟོང་པ་ཉིད་ཀྱང་ཆགས་པ་མྱེད་དོ། །དངོས་པོ་མྱེད་པ་སྟོང་པ་ཉིད་ཀྱང་ཆགས་པ་མྱེད་དོ། །ངོ་བོ་ཉིད་སྟོང་པ་ཉིད་ཀྱང་ཆགས་པ་མྱེད་དོ། །དངོས་པོ་མྱེད་
པའི་ངོ་བོ་ཉིད་སྟོང་པ་ཉིད་ཀྱང་ཆགས་པ་མྱེད་དོ། །དྲན་པ་ཉེ་བར་གཞག་པ་རྣམས་ཀྱང་ཆགས་པ་མྱེད་དོ། །ཡང་དག་པར་སྤོང་བ་རྣམས་ཀྱང་ཆགས་པ་མྱེད་དོ། །དབང་པོ་རྣམས་ཀྱང་ཆགས་པ་མྱེད་དོ། །སྟོབས་རྣམས་
ཀྱང་ཆགས་པ་མྱེད་དོ། །བྱང་ཆུབ་ཀྱི་ཡན་ལག་རྣམས་ཀྱང་ཆགས་པ་མྱེད་དོ། །འཕགས་པའི་ལམ་ཡན་ལག་བརྒྱད་པ་ཡང་ཆགས་པ་མྱེད་དོ། །འཕགས་པའི་བདེན་པ་རྣམས་ཀྱང་ཆགས་པ་མྱེད་དོ། །བསམ་གཏན་རྣམས་ཀྱང་ཆགས་པ་མྱེད་དོ། །ཚང་མྱེད་པ་
རྣམས་ཀྱང་ཆགས་པ་མྱེད་དོ། །གཟུགས་མྱེད་པའི་སྙོམས་པར་འཇུག་པ་རྣམས་ཀྱང་ཆགས་པ་མྱེད་དོ། །རྣམ་པར་ཐར་པ་རྣམས་ཀྱང་ཆགས་པ་མྱེད་དོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱང་ཆགས་པ་མྱེད་དོ། །རྣམ་པར་ཐར་པའི་སྒོ་སྟོང་པ་ཉིད་དང་།
མཚན་མ་མྱེད་པ་དང་། སྨོན་པར་མྱེད་པ་ཡང་ཆགས་པ་མྱེད་དོ། །མངོན་པར་ཤེས་པ་རྣམས་ཀྱང་ཆགས་པ་མྱེད་དོ། །ཏིང་ངེ་འཛིན་རྣམས་ཀྱང་ཆགས་པ་མྱེད་དོ། །གཟུངས་ཀྱི་སྒོ་རྣམས་ཀྱང་ཆགས་པ་མྱེད་དོ། །དེ་བཞིན་གཤེགས་པའི་སྟོབས་རྣམས་ཀྱང་ཆགས་པ་མྱེད་དོ། །
མྱི་འཇིགས་པ་རྣམས་ཀྱང་ཆགས་པ་མྱེད་དོ། །སོ་སོ་ཡང་དག་པར་རིག་པ་རྣམས་ཀྱང་ཆགས་པ་མྱེད་དོ། །སྙིང་རྗེ་ཆེན་པོ་ཡང་ཆགས་པ་མྱེད་དོ། །སངས་རྒྱས་ཀྱི་ཆོས་མ་འདྲེས་པ་རྣམས་ཀྱང་ཆགས་པ་མྱེད་དོ། །ཐམས་ཅད་ཤེས་པ་ཉིད་ཀྱང་ཆགས་པ་མྱེད་དོ། །

ལམ་གྱི་རྣམ་པ་ཤེས་པ་ཉིད་ཀྱང་ཆགས་པ་མྱེད་དོ། །རྣམ་པ་ཐམས་ཅད་མཁྱེན་པ་ཉིད་ཀྱང་ཆགས་པ་མྱེད་དོ། །རབ་འབྱོར་ཀྱིས་སྨྲས་པ། ཚེ་དང་ལྡན་པ་ཤ་ར་དྭ་ཏིའི་བུ་དེ་དེ་བཞིན་ཏེ། གཟུགས་ཀྱང་ཆགས་པ་མྱེད་དོ། །ཚོར་བ་ཡང་ཆགས་པ་
མྱེད་དོ། །འདུ་ཤེས་ཀྱང་ཆགས་པ་མྱེད་དོ། །འདུ་བྱེད་ཀྱང་ཆགས་པ་མྱེད་དོ། །རྣམ་པར་ཤེས་པ་ཡང་ཆགས་པ་མྱེད་དོ། །མྱིག་ཀྱང་ཆགས་པ་མྱེད་དོ། །རྣ་བ་ཡང་ཆགས་པ་མྱེད་དོ། །སྣ་ཡང་ཆགས་པ་མྱེད་དོ། །ལྕེ་ཡང་ཆགས་པ་མྱེད་དོ། །ལུས་ཀྱང་
ཆགས་པ་མྱེད་དོ། །ཡིད་ཀྱང་ཆགས་པ་མྱེད་དོ། །གཟུགས་ཀྱང་ཆགས་པ་མྱེད་དོ། །སྒྲ་ཡང་ཆགས་པ་མྱེད་དོ། །དྲི་ཡང་ཆགས་པ་མྱེད་དོ། །རོ་ཡང་ཆགས་པ་མྱེད་དོ། །རེག་ཀྱང་ཆགས་པ་མྱེད་དོ། །ཆོས་ཀྱང་ཆགས་པ་མྱེད་དོ། །མྱིག་གི་རྣམ་པར་ཤེས་པ་ཡང་ཆགས་པ་མྱེད་དོ། །རྣ་བའི་རྣམ་པར་ཤེས་པ་
ཡང་ཆགས་པ་མྱེད་དོ། །སྣའི་རྣམ་པར་ཤེས་པ་ཡང་ཆགས་པ་མྱེད་དོ། །ལྕེའི་རྣམ་པར་ཤེས་པ་ཡང་ཆགས་པ་མྱེད་དོ། །ལུས་ཀྱི་རྣམ་པར་ཤེས་པ་ཡང་ཆགས་པ་མྱེད་དོ། །ཡིད་ཀྱི་རྣམ་པར་ཤེས་པ་ཡང་
ཆགས་པ་མྱེད་དོ། །མྱིག་གི་འདུས་ཏེ་རེག་པ་ཡང་ཆགས་པ་མྱེད་དོ། །རྣ་བའི་འདུས་ཏེ་རེག་པ་ཡང་ཆགས་པ་མྱེད་དོ། །སྣའི་འདུས་ཏེ་རེག་པ་ཡང་ཆགས་པ་མྱེད་དོ། །ལྕེའི་འདུས་ཏེ་རེག་པ་ཡང་ཆགས་པ་མྱེད་དོ། །ལུས་ཀྱི་འདུས་ཏེ་རེག་པ་ཡང་ཆགས་
པ་མྱེད་དོ། །ཡིད་ཀྱི་འདུས་ཏེ་རེག་པ་ཡང་ཆགས་པ་མྱེད་དོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་མྱེད་དོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་མྱེད་དོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་
མྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་མྱེད་དོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་མྱེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་ཆགས་པ་མྱེད་དོ། །སའི་ཁམས་ཀྱང་ཆགས་པ་མྱེད་དོ། །

ཆུའི་ཁམས་ཀྱང་ཆགས་པ་མྱེད་དོ། །མྱེའི་ཁམས་ཀྱང་ཆགས་པ་མྱེད་དོ། །རླུང་གི་ཁམས་ཀྱང་ཆགས་པ་མྱེད་དོ། །ནམ་མཁའི་ཁམས་ཀྱང་ཆགས་པ་མྱེད་དོ། །རྣམ་པར་ཤེས་པའི་ཁམས་ཀྱང་ཆགས་པ་མྱེད་དོ། །མ་རིག་པ་ཡང་ཆགས་པ་མྱེད་དོ། །འདུ་བྱེད་ཀྱང་
ཆགས་པ་མྱེད་དོ། །རྣམ་པར་ཤེས་པ་ཡང་ཆགས་པ་མྱེད་དོ། །མྱིང་དང་གཟུགས་ཀྱང་ཆགས་པ་མྱེད་དོ། །སྐྱེ་མཆེད་དྲུག་ཀྱང་ཆགས་པ་མྱེད་དོ། །རེག་པ་ཡང་ཆགས་པ་མྱེད་དོ། །ཚོར་བ་ཡང་ཆགས་པ་མྱེད་དོ། །སྲེད་པ་ཡང་ཆགས་པ་མྱེད་དོ། །ལེན་པ་ཡང་ཆགས་
པ་མྱེད་དོ། །སྲིད་པ་ཡང་ཆགས་པ་མྱེད་དོ། །སྐྱེ་བ་ཡང་ཆགས་པ་མྱེད་དོ། །རྒ་ཤི་ཡང་ཆགས་པ་མྱེད་དོ། །སྦྱིན་པའི་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །ཚུལ་ཁྲིམས་ཀྱིས་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །བཟོད་པའི་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །
བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །བསམ་གཏན་གྱི་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆགས་པ་མྱེད་དོ། །ནང་སྟོང་པ་ཉིད་ཀྱང་ཆགས་པ་མྱེད་དོ། །ཕྱི་སྟོང་པ་ཉིད་ཀྱང་ཆགས་པ་མྱེད་དོ། །ཕྱི་ནང་སྟོང་པ་ཉིད་
ཀྱང་ཆགས་པ་མྱེད་དོ། །སྟོང་པ་ཉིད་སྟོང་པ་ཉིད་ཀྱང་ཆགས་པ་མྱེད་དོ། །ཆེན་པོ་སྟོང་པ་ཉིད་ཀྱང་ཆགས་པ་མྱེད་དོ། །དོན་དམ་པ་སྟོང་པ་ཉིད་ཀྱང་ཆགས་པ་མྱེད་དོ། །འདུས་བྱས་སྟོང་པ་ཉིད་ཀྱང་ཆགས་པ་མྱེད་དོ། །འདུས་མ་བྱས་སྟོང་པ་ཉིད་ཀྱང་ཆགས་པ་མྱེད་དོ། །མཐའ་
ལས་འདས་པ་སྟོང་པ་ཉིད་ཀྱང་ཆགས་པ་མྱེད་དོ། །ཐོག་མ་དག་ཐ་མ་མྱེད་པ་སྟོང་པ་ཉིད་ཀྱང་ཆགས་པ་མྱེད་དོ། །དོར་བ་མྱེད་པ་སྟོང་པ་ཉིད་ཀྱང་ཆགས་པ་མྱེད་དོ། །རང་བཞིན་སྟོང་པ་ཉིད་ཀྱང་ཆགས་པ་མྱེད་དོ། །ཆོས་ཐམས་ཅད་སྟོང་པ་ཉིད་ཀྱང་ཆགས་པ་མེད་
དོ། །རང་གི་མཚན་ཉིད་སྟོང་པ་ཉིད་ཀྱང་ཆགས་པ་མྱེད་དོ། །མྱི་དམྱིགས་པ་སྟོང་པ་ཉིད་ཀྱང་ཆགས་པ་མྱེད་དོ། །དངོས་པོ་མྱེད་པ་སྟོང་པ་ཉིད་ཀྱང་ཆགས་པ་མྱེད་དོ། །ངོ་བོ་ཉིད་སྟོང་པ་ཉིད་ཀྱང་ཆགས་པ་མྱེད་དོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱང་ཆགས་

པ་མྱེད་དོ། །དྲན་པ་ཉེ་བར་གཞག་པ་རྣམས་ཀྱང་ཆགས་པ་མྱེད་དོ། །ཡང་དག་པར་སྤོང་བ་རྣམས་ཀྱང་ཆགས་པ་མྱེད་དོ། །རྫུ་འཕྲུལ་གྱི་རྐང་པ་རྣམས་ཀྱང་ཆགས་པ་མྱེད་དོ། །དབང་པོ་རྣམས་ཀྱང་ཆགས་པ་མྱེད་དོ། །སྟོབས་རྣམས་ཀྱང་ཆགས་
མྱེད་དོ། །བྱང་ཆུབ་ཀྱི་ཡན་ལག་རྣམས་ཀྱང་ཆགས་པ་མྱེད་དོ། །འཕགས་པའི་ལམ་ཡན་ལག་བརྒྱད་པ་ཡང་ཆགས་པ་མྱེད་དོ། །འཕགས་པའི་བདེན་པ་རྣམས་ཀྱང་ཆགས་པ་མྱེད་དོ། །བསམ་གཏན་རྣམས་ཀྱང་ཆགས་པ་མྱེད་དོ། །ཚད་མྱེད་པ་རྣམས་ཀྱང་ཆགས་པ་
མྱེད་དོ། །གཟུགས་མྱེད་པའི་སྙོམས་པར་འཇུག་པ་རྣམས་ཀྱང་ཆགས་པ་མྱེད་དོ། །རྣམ་པར་ཐར་པ་རྣམས་ཀྱང་ཆགས་པ་མྱེད་དོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱང་ཆགས་པ་མྱེད་དོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་
མྱེད་པ་དང་། སྨྱོན་པ་མྱེད་པ་ཡང་ཆགས་པ་མྱེད་དོ། །མངོན་པར་ཤེས་པ་རྣམས་ཀྱང་ཆགས་པ་མྱེད་དོ། །ཏིང་ངེ་འཛིན་རྣམས་ཀྱང་ཆགས་པ་མྱེད་དོ། །གཟུངས་ཀྱི་སྒོ་རྣམས་ཀྱང་ཆགས་པ་མྱེད་དོ། །དེ་བཞིན་གཤེགས་པའི་སྟོབས་རྣམས་ཀྱང་ཆགས་པ་མྱེད་དོ། །
མྱི་འཇིགས་པ་རྣམས་ཀྱང་ཆགས་པ་མྱེད་དོ། །སོ་སོ་ཡང་དག་པར་རིག་པ་རྣམས་ཀྱང་ཆགས་པ་མྱེད་དོ། །སྙིང་རྗེ་ཆེན་པོ་ཡང་ཆགས་པ་མྱེད་དོ། །སངས་རྒྱས་ཀྱི་ཆོས་མ་འདྲེས་པ་རྣམས་ཀྱང་ཆགས་པ་མེད་དོ། །ཐམས་ཅད་ཤེས་པ་ཉིད་ཀྱང་ཆགས་པ་མྱེད་དོ། །
ལམ་གྱི་རྣམ་པ་ཤེས་པ་ཉིད་ཀྱང་ཆགས་པ་མྱེད་དོ། །རྣམ་པ་ཐམས་ཅད་མཁྱེན་པ་ཉིད་ཀྱང་ཆགས་པ་མྱེད་དོ། །སྨྲས་པ་ཚེ་དང་ལྡན་པ་རབ་འབྱོར་ཁྱོད་ཀྱིས་འདི་སྐད་དུ། ཐམས་ཅད་མཁྱེན་པ་ཉིད་ཀྱི་སེམས་དེ་ཡང་ཟག་པ་མྱེད་ཅིང་ཁོངས་སུ་ཆུད་པ་མྱེད་དོ་ཞེས་
སྨྲས་པ་ནི་དེ་ལྟ་ཡིན་ཏེ། ཚེ་དང་ལྡན་པ་རབ་འབྱོར་དེར་ཡང་མ་ཟད་དེ། བྱིས་པ་སོ་སོའི་སྐྱེ་བོ་རྣམས་ཀྱི་སེམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཉན་ཐོས་དང་རང་སངས་རྒྱས་རྣམས་ཀྱི་སེམས་དང་། སངས་

རྒྱས་བཅོམ་ལྡན་འདས་རྣམས་ཀྱི་ཐུགས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རབ་འབྱོར་ཀྱིས་སྨྲས་པ་དེ་ཡིན་ཏེ། ཚེ་དང་ལྡན་པ་ཤ་ར་དྭ་ཏིའི་བུ། བྱིས་པ་སོ་སོའི་སྐྱེ་བོ་རྣམས་ཀྱི་སེམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་
ཁོངས་སུ་ཆུད་པ་མྱེད་དོ། །ཉན་ཐོས་རྣམས་ཀྱི་སེམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རང་སངས་རྒྱས་རྣམས་ཀྱི་སེམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སངས་རྒྱས་བཅོམ་
ལྡན་འདས་རྣམས་ཀྱི་ཐུགས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྨྲས་པ། ཚེ་དང་ལྡན་པ་རབ་འབྱོར་དེ་ལྟ་ཡིན་ན། གཟུགས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཚོར་བ་ཡང་རང་
བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འདུ་ཤེས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འདུ་བྱེད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པར་ཤེས་
པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱིག་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣ་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྣ་ཡང་རང་བཞིན་
སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལྕེ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལུས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཡིད་ཀྱང་རང་བཞིན་སྟོང་
པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །གཟུགས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྒྲ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དྲི་ཡང་རང་བཞིན་

སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རོ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རེག་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཆོས་ཀྱང་
རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱིག་གི་རྣམ་པར་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣ་བའི་རྣམ་པར་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་
ཁོངས་སུ་ཆུད་པ་མྱེད་དོ། །སྣའི་རྣམ་པར་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་བ་མྱེད་ཅིང་ཁོངས་སུ་ཆུད་པ་མྱེད་དོ། །ལྕེའི་རྣམ་པར་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལུས་ཀྱི་རྣམ་པར་
ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཡིད་ཀྱི་རྣམ་པར་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱིག་གི་འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར།
ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣ་བའི་འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྣའི་འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མེད་དོ། །ལྕེའི་
འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལུས་ཀྱི་འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཡིད་ཀྱི་འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་
ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་བ་མྱེད་དོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར།

ཟག་པ་མྱེད་ཅིང་ཁོངས་སུ་ཆུད་པ་མེད་དོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་
ཆུད་པ་མྱེད་དོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །
སའི་ཁམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཆུའི་ཁམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱེའི་ཁམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་
ཆུད་པ་མྱེད་དོ། །རླུང་གི་ཁམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ནམ་མཁའི་ཁམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པར་ཤེས་པའི་ཁམས་ཀྱང་རང་བཞིན་སྟོང་པ་ཉིད་
ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མ་རིག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འདུ་བྱེད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པར་ཤེས་པ་ཡང་རང་
བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱིང་དང་གཟུགས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྐྱེ་མཆེད་དྲུག་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །
རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྲེད་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུང་པ་མྱེད་དོ། །

ལེན་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྲིད་པ་ཡང་རང་བཞིན་སྟོང་པ་ཉིད་ཀྱི་ཕྱིར། །ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྐྱེ་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་
ཆུད་པ་མྱེད་དོ། །རྒ་ཤི་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྦྱིན་པའི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་
ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །བཟོད་པའི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་
ཆུད་པ་མྱེད་དོ། །བསམ་གཏན་གྱི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་ཕྱིར། །ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ནང་སྟོང་པ་ཉིད་
ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཕྱི་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཕྱི་ནང་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་
མྱེད་དོ། །སྟོང་པ་ཉིད་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཆེན་པོ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དོན་དམ་པ་སྟོང་པ་ཉིད་ཀྱང་རང་བཞིན་སྟོང་པ་
ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འདུས་བྱས་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འདུས་མ་བྱས་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་

བ་མྱེད་དོ། །མཐའ་ལས་འདས་པ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཐོག་མ་དང་ཐ་མ་མྱེད་པ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དོར་བ་མྱེད་པ་
སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རང་བཞིན་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཆོས་ཐམས་ཅད་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་
ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རང་གི་མཚན་ཉིད་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱི་དམྱིགས་པ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་
མྱེད་དོ། །དངོས་པོ་མྱེད་པ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ངོ་བོ་ཉིད་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དངོས་པོ་མྱེད་པའི་ངོ་བོ་ཉིད་སྟོང་
པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མེད་ཅིང་ཁོངས་སུ་ཆུད་པ་མྱེད་དོ། །དྲན་པ་ཉེ་བར་གཞག་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཡང་དག་པར་སྤོང་བ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར་
ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྫུ་འཕྲུལ་གྱི་རྐང་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། །ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དབང་པོ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྟོབས་
རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །བྱང་ཆུབ་ཀྱི་ཡན་ལག་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འཕགས་པའི་ལམ་ཡན་ལག་བརྒྱད་པ་ཡང་རང་བཞིན་

སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འཕགས་པའི་བདེན་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །བསམ་གཏན་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་
པ་མྱེད་ཅིང་ཁོངས་སུ་ཆུད་པ་མྱེད་དོ། །ཚད་མྱེད་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །གཟུགས་མྱེད་པའི་སྙོམས་པར་འཇུག་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །
རྣམ་པར་ཐར་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁངས་སུ་ཆུད་པ་མྱེད་དོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པར་ཐར་པའི་སྒོ་སྟོང་
པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མངོན་པར་ཤེས་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཏིང་ངེ་འཛིན་རྣམས་
ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཅུང་པ་མྱེད་དོ། །གཟུངས་ཀྱི་སྒོ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དེ་བཞིན་གཤེགས་པའི་སྟོབས་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་
མྱེད་ཅིང་ཁོངས་སུ་ཆུད་པ་མྱེད་དོ། །མྱི་འཇིགས་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མེད་དོ། །སོ་སོ་ཡང་དག་པར་རིག་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུང་པ་མྱེད་དོ། །སྙིང་
རྗེ་ཆེན་པོ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སངས་རྒྱས་ཀྱི་ཆོས་མ་འདྲེས་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཐམས་ཅད་ཤེས་པ་ཉིད་ཀྱང་རང་བཞིན་

སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལམ་གྱི་རྣམ་པ་ཤེས་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པ་ཐམས་ཅད་མཁྱེན་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་
པ་མྱེད་དོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་བདུན་པ། །རབ་འབྱོར་གྱིས་སྨྲས་པ། ཚེ་དང་ལྡན་པ་ཤ་ར་དྭ་ཏིའི་བུ་ཇི་སྐད་དུ་སྨྲས་པ་དེ་བཞིན་ཏེ། གཟུགས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་
མྱེད་ཅིང་ཁོངས་སུ་ཆུད་པ་མེད་དོ། །ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འདུ་ཤེས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འདུ་བྱེད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་
པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པ་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱིག་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣ་བ་ཡང་རང་བཞིན་སྟོང་པ་ཉིད་
ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྣ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལྕེ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལུས་ཀྱང་རང་བཞིན་སྟོང་པ་ཉིད་
ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཡིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །གཟུགས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྒྲ་ཡང་རང་བཞིན་
སྟོང་པ་ཉིད་ཀྱི་ཕྱིར། །ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དྲི་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རོ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རེག་ཀྱང་རང་བཞིན་

སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཆོས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱིག་གི་རྣམ་པ་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། །ཟག་པ་མྱེད་ཅིང་ཁོངས་སུ་ཆུད་པ་
མྱེད་དོ། །རྣ་བའི་རྣམ་པ་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྣའི་རྣམ་པ་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལྕེའི་རྣམ་པ་ཤེས་པ་ཡང་རང་བཞིན་སྟོང་པ་ཉིད་
ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལུས་ཀྱི་རྣམ་པ་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཡིད་ཀྱི་རྣམ་པ་ཤེས་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །
མྱིག་གི་འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣ་བའི་འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྣའི་འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར།
ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལྕེའི་འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལུས་ཀྱི་འདུས་ཏེ་རེག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཡིད་ཀྱི་འདུས་
ཏེ་རེག་པ་ཡང་། །རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱིག་གི་འདུས་ཏེ་རེག་པ་ལས་བྱུང་བའི་ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣ་བའི་འདུས་ཏེ་རེག་པ་ལས་བྱུང་བའི་
ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྣའི་འདུས་ཏེ་རེག་པ་ལས་བྱུང་བའི་ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལྕེའི་འདུས་ཏེ་རེག་པ་ལས་བྱུང་བའི་ཚོར་བ་ཡང་

རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལུས་ཀྱི་འདུས་ཏེ་རེག་པ་ལས་བྱུང་བའི་ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར་ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཡིད་ཀྱི་འདུས་ཏེ་རེག་པ་ལས་བྱུང་བའི་ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར་ཟག་པ་མྱེད་ཅིང་
ཁོངས་སུ་ཆུད་པ་མྱེད་དོ། །སའི་ཁམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཆུའི་ཁམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱེའི་ཁམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་
ཅིང་ཁོངས་སུ་ཆུད་པ་མྱེད་དོ། །རླུང་གི་ཁམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ནམ་མཁའི་ཁམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པ་ཤེས་པའི་ཁམས་ཀྱང་རང་བཞིན་
སྟོང་པ་ཉིད་ཀྱི་ཕྱིར་ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མ་རིག་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འདུ་བྱེད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པ་ཤེས་པ་ཡང་རང་
བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱིང་དང་གཟུགས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྐྱེ་མཆེད་དྲུག་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རེག་པ་ཡང་རང་
བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཚོར་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྲིད་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱིད་དོ། །ལེན་པ་ཡང་རང་
བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྲིད་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྐྱེ་བ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྒ་ཤི་ཡང་རང་

བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྦྱིན་པའི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་
ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །བཟོད་པའི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་
མྱེད་དོ། །བསམ་གཏན་གྱི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ནང་སྟོང་པ་ཉིད་ཀྱང་རང་བཞིན་
སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཕྱི་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཕྱི་ནང་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྟོང་བ་ཉིད་
སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཆེན་པོ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དོན་དམ་པ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་
སུ་ཆུད་པ་མྱེད་དོ། །འདུས་བྱས་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འདུས་མ་བྱས་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མཐའ་ལས་འདས་པ་སྟོང་པ་ཉིད་ཀྱང་
རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཐོག་མ་དག་ཐ་མ་མྱེད་པ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དོར་བ་མྱེད་པ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་

ཁོངས་སུ་ཆུད་པ་མྱེད་དོ། །རང་བཞིན་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིག་ཁོངས་སུ་ཆུད་པ་མྱེད་དོ། །ཆོས་ཐམས་ཅད་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རང་གི་མཚན་ཉིད་སྟོང་པ་ཉིད་ཀྱང་རང་
བཞིན་སྟོང་པ་ཉིད་ཀྱང་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱི་དམྱིག་པ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དངོས་པོ་མྱེད་པ་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་
མྱེད་དོ། །ངོ་བོ་ཉིད་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིག་ཁངས་སུ་ཆུད་པ་མྱེད་དོ། །དྲན་པ་ཉེ་བར་གཞག་པ་རྣམས་ཀྱང་རང་བཞིན་
སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཡང་དག་པར་སྤོང་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུང་པ་མྱེད་དོ། །རྫུ་འཕྲུལ་གྱི་རྐང་པ་རྣམས་བྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་
ཆུད་པ་མྱེད་དོ། །དབང་པོ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྟོབས་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །བྱང་ཆུབ་ཀྱི་ཡན་ལག་རྣམས་ཀྱང་རང་བཞིན་སྟོང་པ་ཉིད་
ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འཕགས་པའི་ལམ་ཡན་ལག་བརྒྱད་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །འཕགས་པའི་བདེན་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་
ཆུད་པ་མྱེད་དོ། །བསམ་གཏན་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཚད་མྱེད་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །གཟུགས་མྱེད་པའི་སྙོམས་པར་འཇུག་པ་རྣམས་ཀྱང་རང་

བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པར་ཐར་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱང་རང་བཞིན་སྟོང་པ་
ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མངོན་པར་ཤེས་པ་རྣམས་ཀྱང་རང་བཞིན་སྟོང་པ་ཉིད་
ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ཏིང་ངེ་འཛིན་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །གཟུངས་ཀྱི་སྒོ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །དེ་བཞིན་གཤེགས་
པའི་སྟོབས་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །མྱི་འཇིགས་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུང་པ་མྱེད་དོ། །སོ་སོ་ཡང་དག་པར་རིག་པ་རྣམས་ཀྱང་རང་བཞིན་སྟོང་པ་ཉིད་ཀྱི་
ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྙིང་རྗེ་ཆེན་པོ་ཡང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཅུད་པ་མྱེད་དོ། །སངས་རྒྱས་ཀྱི་ཆོས་མ་འདྲེས་པ་རྣམས་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །
ཐམས་ཅད་ཤེས་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །ལམ་གྱི་རྣམ་པ་ཤེས་པ་ཉིད་ཀྱང་རང་བཞིན་སྟོང་པ་ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །རྣམ་པ་ཐམས་ཅད་མཁྱེན་པ་ཉིད་ཀྱང་རང་བཞིན་སྟོང་པ་
ཉིད་ཀྱི་ཕྱིར། ཟག་པ་མྱེད་ཅིང་ཁོངས་སུ་ཆུད་པ་མྱེད་དོ། །སྨྲས་པ། ཚེ་དང་ལྡན་པ་རབ་འབྱོར་གང་ཡང་ཁྱོད་ཀྱིས་འདི་སྐད་དུ། སེམས་མྱེད་པའི་ཕྱིར། སེམས་དེ་ལ་ཡང་ཆགས་པ་མྱེད་དོ་ཞེས་སྨྲས་པ་ནི་དེ་ལྟ་ཡིན་ཏེ། ཚེ་དང་ལྡན་པ་རབ་འབྱོར་ད