Luận tạng Tây Tạng (Tengyur) — Tập 211

་དགོས་སོ། །ཛཱ་ཏི། ཨ་ཕཱི་མ། ག་བུར། གླརྩི། ཐང་ཕྲོམ། སོ་མ་ར་ཙ་རྣམས་ཆ་
མཉམ་ཞིབ་པར་བཏགས་པ་དར་ལ་བཙགས་པ་ཐུན་ཚད་སྐྱུ་རུ་ར་ཙམ་སྦྲང་རྩི་དང་མཉམ་དུ་བཏང་ན་ཟས་མདོག་དང་ཁྲག་སོགས་གང་འགྲིམས་པའི་རིགས་གསར་རྙིང་ཚ་གྲང་ཀུན་ལ་ཕན། ཚད་པ་སོགས་ ཀསྤུར་ ཀསྟུ་རི་ སྐོམ་ནད་སེལ་བའི་སྨན་ནི། འབྲས་
བུ་གསུམ། རྒྱམ་ཚྭ། ལ་ལ་ཕུད་རྣམས་ཆ་མཉམ་ཞིབ་པར་བཏགས་ལ་ཐུར་མགོ་དོ་ཙམ་རེ་ཆུ་ཕོར་གང་གི་ནང་དུ་བླུགས་ལ་ཕྱེད་ཙམ་སྐམ་པ་དང་གྲང་ཐག་བཅད་རས་ལ་བཙགས་ཏེ་ཁོང་དུ་བཏང་ན་ཕན་ནོ། །ཡང་མཁྲིས་ཚད་ལ་བརྟེན་པ་ཁོ་ནས་སྐོམ་ན། བོ་རིས་
དང་བྱེ་ཀར་ཆ་མཉམ་ཞིབ་པར་བཏགས་པ་ཀ་ཀ་ར་སིངྒའི་ཁུ་བས་རྟ་བྱས་བཏང་ན་ཕན། ཆུ་བསྒྲིམས་པ་ལ། ཚ་ལ་མེར་བསྲེགས་པའི་ཐལ་བ་ཐུར་མགོ་དོ་ཙམ་བ་དར་གྱིས་རྟ་བྱས་བཏང་ན་མྱུར་དུ་ཕེབས་སོ། །རྒྱམ་ཚ་དང་ཁ་རུ་ཚ་ཞིབ་པར་བཏགས་ལ་ཆུ་བཅུས་
ནས་ཞག་གཅིག་སོང་བས་རྟ་བྱས་བཏང་ན་ཡང་ཕེབས་སོ། །བྱི་བའི་བྲུན་བའི་དར་བས་ཁུབ་བྱས་བརྡར་ལ་རྡོ་རྗེ་དང་འབྲས་བུ་གཉིས་དང་མགོ་བོའི་མཆོག་མ་ལ་བྱུགས་ཁོང་དུ་ཡང་ཅུང་ཟད་བཏང་བས་མྱུར་དུ་ཕེབས་ངེས་སོ། འཇམ་འབྲས་ཀྱི་སྙིང་པོ་ཞིབ་པར་བཏགས་
ཤེལ་ཀར་དང་མཉམ་དུ་ཆུས་རྟ་བྱས་ལ་བཏང་ན་ཡང་ཕེབས་སོ། །ལྷ་མོ་དབུ་མས་ལྷ་དབང་ཕྱུག་ཆེན་པོ་ལ་གསོལ་པ། ཀྱེ་ལྷ་ཡི་ལྷ་མཆོག་དབང་ཕྱུག་ཆེ། །ཁྱེད་ནི་འཇིག་རྟེན་བྱེད་པོ་སྟེ། །ནད་ཀུན་ཞི་ཞིང་བློ་འཕེལ་བའི། །ཀམ་ཚ སྨན་མཆོག་བདག་ལ་བསྟན་དུ་
གསོལ། །ཞེས་གསོལ་པ་དང་། དབང་ཕྱུག་གིས་བཀའ་སྩལ་པ། ཉོན་ཅིག་རི་སྲས་དཔལ་ཆེན་མོ། །ནད་འཇོམས་བློ་འཕེལ་ཡོན་ཏན་གཏེར། །སྨན་མཆོག་མ་ལ་ཀཱཾགུ་ནིའི། །བསྟེན་ཐབས་ཕན་ཡོན་བཤད་པར་བྱ། །དེ་ལ་དང་པོར་བཤལ་སྐྱུགས་

ཀྱིས་ལུས་དག་པར་བཀྲུས་ལ་ཉིན་དང་པོར་མ་ལ་རྨཱ་གུ་ནིའི་འབྲུ་གཅིག། །གཉིས་པར་གཉིས། དེ་ནས་རིམ་བཞིན་ཉིན་བདུན་གྱི་པར་འབྲུ་རེ་སྤར། ཉིན་བདུན་ནས་བཟུང་ཟླ་བ་གཅིག་དང་ཞག་བཅུའི་བར་འབྲུ་བདུན་རེ་བསྟེན། དེ་བར་
ཟས་གང་ལའང་ཚྭ་བའི་རིགས་འཇོམས་པས་རླུང་མཁྲིས་བད་ཀན་འདུས་པ་སོགས་ཚ་གྲང་གསར་རྙིང་ཐམས་ཅད་རྩ་བ་ནས་འབྱིན་པར་བྱེད་ཅིང་། ལུས་བརྟན་པ་དང་། གཟི་བརྗིད་ཆེ་བ་དང་། ནད་དཀོན་པ། མིག་གསལ་བ། སྟོབས་འཕེལ་བ་སོགས་
ཡོན་ཏན་མཐའ་ཡས་ཤིང་། ཁྱད་པར་བློ་གྲོས་པདྨ་ཁ་ཕྱེ་བ་ལྟར་གྱུར་ནས་བློ་རྣོ་བ། འཛིན་བཟང་བ། རིག་པ་གསལ་བ། བརྗེད་མི་འགྲོ་བ། རྩོད་པ་བཟང་བ་སོགས་བློ་འཕེལ་གྱི་མཆོག་ཏུ་འགྱུར་རོ། །ཡང་ཚེས་བཅོ་ལྔ་དང་གཟའ་ཉི་མ་འཛོམ་
པའི་མཚན་མོ་མ་ལ་ཀཱཾ་གུ་ནིའི་སྣུམ་གྱི་སྒྲོན་མེ་སྦར། དེ་ལ་རྐུན་པོའི་ཐོད་པ་བཀབ་ནས་དུ་བ་ཆགས་སུ་བཅུག་པ་དེ་མིག་ལ་བྱུགས་ན་མིག་ཆུས་མ་དག་པར་ལྷ་འདྲེ་མི་གསུམ་གང་གིས་ཀྱང་མཐོང་བར་མི་འགྱུར་རོ། །ཡང་གཟའ་ལྷག་པ་ཡོད་པའི་ཉི་མ་ཀཱཾ་གུ་ནིའི་སྣུམ་
ཁོལ་མ་རྙིང་པའི་ནང་དུ་ཆུ་བླུག །དེ་སྟེང་མ་ལ་ཀཱཾ་གུ་ནིའི་ཞིང་པར་བཏགས་པ་བཏབ་ལ་བསྐོལ་བ་གྲངས་སུ་བཅུག་པའི་སྣུམ་ཁ་ཞག་ལྟར་ཡོང་བ་ཟོས་ལ་རྟིང་པར་བྱུགས་ན་མཛེ་རིགས་ཀྱིས་ཡན་ལག་ཆད་འགྲོ་བ་སོས་པར་འགྱུར་ཞིང་གདོང་མཛེས་ཤིང་མདངས་དང་
ལྡན་པར་འགྱུར་རོ། །ཉིན་ཉེར་གཅིག་གི་བར་སྣུམ་སེ་བ་བཅུ་གཉིས་རེ་ཁོང་དུ་བཏང་ན་མཛེའི་རིགས་མཐའ་དག་རྩ་བ་ནས་ཐོན་པར་འགྱུར་རོ། །ཡང་གཟའ་ཉི་མ་ཡོད་པའི་ཉིན་སྣོད་གཙང་མར་བ་ནག་མོའི་འོ་མ་བསྐོལ། དེ་ལ་མ་ལ་ཀཱཾ་གུ་ནིའི་ཞིབ་པར་བཏགས་ལ་
བཏབ་སྟེ་རུ་མ་དང་བཅས་ཞོ་བསྙལ། དེ་དཀྲོགས་ཏེ་མར་བཅོས་ལ་འབྲས་བ་ནག་མོའི་འོ་མར་བཅོས་པའི་མར་དེ་ནས་སེ་བ་བཅུ་གཉིས་རེ་བཏབ་པ་ཟླ་བ་གཅིག་དང་ཞག་བཅུའི་བར་ཟོས་ན། སྐྲ་དང་སྨ་ར་དཀར་པོར་སོང་བ་སླར་ཡང་ནག་པོར་འགྱུར་རོ། །གཟའ་མིག་

དམར་ཡོད་པའི་ཉིན་བ་ནག་མོའི་མར་བཙགས་བཅད་ལ་ཕྱེད་ཙམ་གྲང་བར་མ་ལ་ཀཱཾ་གུ་ནིའི་འབྲུ་དང་ཏེལ་ནག་ཆ་མཉམ་ཕྱེ་མར་བཏགས་པ་བླུག་སྟེ་ཉིན་དང་པོར་སེ་བ་བཅུ་གཉིས། གཉིས་པར་ཞོ་གང་སེ་བ་བཞི་སོགས་ཉིན་བདུན་གྱི་བར་དུ་ཆ་རེ་སྤར། དེ་ནས་རྒྱུན་དུ་བསྟེན་
ཐུབ་ན་རབ་དེ་མིན་ཟླ་གཅིག་དང་ཞག་བཅུའི་བར་དུ་བསྟེན་ན་ཚེ་ཤིན་ཏུ་རིང་བར་འགྱུར་ཞིང་གོང་དུ་འགྲོ་ཡང་མགྱོགས་བུལ་རྟ་དང་མཉམ་པར་འགྱུར་རོ། །ཞེས་ལྷ་དབང་ཕྱུག་གིས་ལྷ་མོ་དབུ་མར་གདམས་པ་རྫོགས་སོ།། །།ཨ་ཤྭ་གནྔྷ་ཞིབ་པར་བཏགས་པའི་ཕྱེ་
མ་ཞོ་གསུམ། བ་དཀར་རྐྱང་ནག་རྐྱང་ལྟ་བུ་སྤུ་མདོག་གང་ཡིན་ཀྱང་མདོག་གཞན་མ་འདྲེས་པའི་ཁ་གཙང་གི་མར་བཙགས་བཅད་པའི་ནང་དུ་བཏབ་སྟེ་འཁང་པ་དང་བུད་མེད་དུས་བབ་ཀྱི་ཟླ་མཚན་འཛག་ནས་ཚད་པའི་ཉིན་ཁོང་དུ་བཏང་ན་བུད་མེད་ཕྲུ་གུ་མི་ཡོང་
བའང་ངེས་པར་སྦྲུམ་པར་འགྱུར་རོ། །ཡང་སིཾ་གྷཌ། ལྒ། བྷ་ཊ་ཀ་ཊི་ཡ། པི་པི་ལིང་། ནཱ་ག་གེ་སར་རྣམས་ཆ་མཉམ་ཞིབ་པར་བཏགས་པ་དར་ལ་བཙགས་པ་ཐུར་མགོ་གསུམ་པ་མདོག་གཅིག་གི་འོ་མ་ཁྱོར་གང་ཙམ་ལ་བཏབ་སྟེ་དུས་གོང་མཚུངས་ལ་བྱིན་
ནའང་ངེས་པར་མངལ་དང་ལྡན་པར་འགྱུར་རོ། །མ་ལ་ཆགས་ཀྱང་མི་གནས་པར་འཇིག་ན། ལཱ་ལ་ཀ་མ་ལའི་རྩ་བ་བའི་འོ་མར་བཙོས། དེ་ནས་སླར་ཡང་བ་མར་གྱི་ནང་དུ་བཙོས་ལ་ཞིབ་པར་བཏགས་ལ་གོང་གི་བ་མར་བཞུ་བ་དང་མཉམ་དུ་བཏང་ན་འཇིག་
པར་མི་འགྱུར་རོ། །ཡང་བིལྦའི་འབྲུ་དང་སྨྱུག་མའི་ལོ་མ་ཆ་མཉམ་ཞིབ་པར་བཏགས་ལ་ཆུས་རྟ་བྱས་ནས་ཉིན་བདུན་གྱི་བར་བཏང་ཀྱང་མི་འཇིག་གོ། །མིག་སྨན་གྱི་ ཞག་བདུན་ནད་ཀྱང་གྲག་འོང་
སྦྱོར་ཐབས་ནི། སུརྨ། ལྡོང་རོས། ས་མུ་དྲ་ཕ་ལ་རྒྱ་མཚོ་ ས་བུ་དྲ་ཕེན་ ལྦུ་བ། མུ་ཏིག །བྱི་དང་ག་ བསྡུ་བ་ཥ་པ་རི་ཡ། ཕཊ་ཀི་ཌི། བྱུ་རུ། ལོ་དྷ། ཕོ་རིས་རྣམས་ཆ་མཉམ་ཞིབ་པར་བཏགས་དར་ལ་ལེགས་པར་བཙགས།

འཁར་སྣོད་དུ་ཙན་དན་དམར་པོའི་སྐྱ་བའི་མཇུག་ཟངས་དམར་གྱིས་གཏུམས་པས་ཉིན་ཕྱེད་ཙམ་སྐམ་ཉེད་བྱ། དེ་ནས་བཅུས་ནས་ཞག་གཅིག་སོང་བའི་ཆུ་ཅུང་ཟད་བླུགས་ལ་ཉི་མའི་བཞི་ཆ་གཅིག་ཙམ་བསྣུར་ལ་རིལ་བུར་དྲིལ། སྐམ་པ་དང་
རྡོ་འཇམ་པོའི་ངོས་སུ་ཆུ་དང་ལྷན་དུ་བརྡར་ནས་མིག་ལ་བྱུགས་ན་ལིང་ཏོག །སྟེང་འོག་གི་འགྲིབས། ཤ་འཛེར། མིག་ཆུ་འཛག་པ། རྒྱང་མིག་མི་གསལ་བ་སོགས་མིག་གི་ནད་མཐའ་དག་ལ་ཕན་ནོ། །ཀི་ཀ་རའི་མེ་ཏོག །རྒྱ་གར་སྟོད་ཇ། གླ་སྒང་།
ཁི་རྞའི་འབྲུ། པ་ཊ་ཀི་རི་རྣམས་ཆ་མཉམ་ཞིབ་པར་བཏགས་པ་དར་ལ་བཙགས། རའི་འོ་མས་ཁུ་བ་བྱས་ལ་རིལ་བུ་སྒྲིལ་བཞོས་ཁུ་བ་བྱས་བརྡར་ནས་མིག་སྟེང་འོག་གང་རིགས་ཀྱིས་བསྒྲིབས་ནས་མི་མཐོང་བར་བྱུགས་ན་མཐོང་བར་འགྱུར་རོ། །རི་ཕྱུགས་ཀྱི་གཅི་
བ་སེར་ཁ་མ་མེ་ལ་བསྲེགས་པའི་ཐལ་བ་ཞིབ་པར་བཏགས། དེར་ཆུར་བླུགས་ལ་རས་སམ་དར་ལ་ཚགས་ཐེངས་གཉིས་བྱས། དེ་ནས་ཆུ་དེ་དྭངས་སུ་བཅུག་ལ་དལ་བུས་ཕོ་བས་མཐིལ་དུ་ཆགས་པའི་ཐལ་བ་དེ་སྐམས་པ་དང་། འཁར་སྣོད་དུ་པང་ཁའི་སྐུམ་
དང་ལྷན་ ཙན་དན་གྱི་སྐྱ་བ་ཟངས་གཏུམས་ཅན་གྱིས་ཉི་མ་གསུམ་གྱི་བར་བསྣུར་བ་ཆུང་ངུ་རེ་མིག་ལ་བྱུགས་ན་ཤ་འཛེར་དང་། དམར་པོར་སོང་བ་སོགས་ཁྲག་ལ་བརྟེན་པའི་མིག་ནད་ཐམས་ཅད་ལ་ཕན། བདུད་རྩི་མིག་སྨན་གྱི་སྦྱོར་བ་ནི། སུརྨ། གསེར་རྡོ། སོ་ན་མཀྵི།
ལྡོང་རོས། བིག་པན། པ་ཊི་ཀ་ཊི་ཧིརྨ་ཛི། པི་པི་ལིང་། ཕོ་རིས། རྒྱམ་ཚ། ཀུ་རུ་པཱ་ལ། བ་རུ་རའི་འབྲུའི་ནང་གི་སྙིང་པོ། ཥ་པ་རི་ཡ་རྣམས་ཆ་མཉམ་ཞིབ་པར་བཏགས་པ་དར་ལ་བཙོགས། རྡོ་གཞོང་ཤིན་ཏུ་འཇམ་པོའི་ནང་དུ་ སོན་མཀྵི
ཆུ་བཅུས་ནས་ཞག་གཅིག་སོང་བས་གར་སླ་ཞོ་ཙམ་སྦྲུས་པ་སྐམ་ཐག་མ་ཆོད་པར་ཉེད་ཐེངས་གཅིག །དེ་ནས་ཉི་མར་ཅུང་ཟད་ཅིག་བཞག །ཡང་བུད་མེད་བུ་སྐྱེས་པའི་འོ་མས་གར་སླ་གོང་ཙམ་བྱས་པ་མ་སྐམ་པར་ཉེད་ཐེངས་གཅིག །དེ་བཞིན་དུ་པའི་འོ་མས་ཐེངས་

གཅིག །རའི་འོ་མས་ཐོངས་གཅིག་སྦྲུས་པའི་མ་སྐམ་ཙམ་ལ་རིལ་བུ་སྒྲིལ་ལ་སྐམ་ཐག་ཆོད་པ་དང་སྦྲང་རྩིས་རྟ་བྱས་བརྡར་ནས་མིག་ལ་བྱུགས་ན་རླུང་ལ་བརྟེན་པའི་མིག་ནད་ཐམས་ཅད་ལ་ཕན། རའི་འོ་མས་ཁུ་བ་བྱས་ནས་བྱུགས་ན་སྲོད་ལོང་ལ་ཕན། བུད་
མེད་ཀྱི་འོ་མས་ཁུ་བ་བྱས་ནས་བྱུགས་ན་ཁྲག་རླུང་ལ་བརྟེན་པའི་མིག་ནད་ཐམས་ཅད་ལ་ཕན། བའི་གཅིན་གྱིས་ཁུ་བ་བྱས་ནས་བྱུགས་ན་མིག་ཚ་ཞིང་མིག་རྣག་མང་དུ་འཛག་པ་ལ་ཕན། འུ་སུའི་ཁུ་བས་རྟ་བྱས་བྱུགས་ན་ཤ་འཛེར་དང་མིག་དམར་པོར་མོད་
བ་ལ་ཕན་ནོ། །དེ་རྣམས་ནི་བདུད་རྩི་མིག་སྨན་གྱི་སྦྱོར་བ་ཁ་བསྒྱུར་དང་བཅས་པ་རྫོགས་སོ།། །།ནི་རམ་ལི། ར་ཏན་ཛེ་ཏི་སྐྱུར་བ་གཉིས་ཆ་མཉམ་ཞིབ་པར་བཏགས་འོ་མར་སྦྱར་ཏེ་བྱུགས་ན་རྒྱང་མིག་མི་གསལ་བ་ལ་ཕན། དུ་བ་རལ་
པ་ཞོ་གང་། དངུལ་ཆུ་ཞོ་གང་། རྡོ་ཐལ། དན་རོག་བརྒྱ་ཐམ་པ་ལྕེ་སྟོན། ཕོ་རིས་བརྒྱད་ཅུ། དནྡ་དྲུག་ཅུ་ཐམ་པ་རྣམས་ ཀ་ཡིབ་ལ་ཟེར་ ཞིབ་པར་བཏགས་ནིམྦུའི་ཁུ་བས་འདམ་བཏགས་བྱས་ལ་རིལ་བུ་དྲིལ་ཏེ་པད་ཁ་ཙམ་རེ་ཆུ་ལ་སྦྱར་ནས་
བྱུགས་ན་འབྱུང་ངོ་། །ཤ་ཟ་ཡི་དྭགས་ལ་སོགས་པ་གནོད་པས་མིག་ན་བ་ལ་ཕན་ནོ། །འཁར་སྣོད་དུ་ནིམྦུའི་ཆུར་སྨ་རུ་མགོ་ནག་དཀར་པོ་ཞིབ་པར་བརྡར་ཏེ་སྟེང་གླང་པོ་ཆེའི་རྨིག་པ་ཉིས་འགྱུར་གྱིས་མང་བ་ཞིག་ཏུ་བརྡར། དེ་སྟེང་ཀུ་ཀུམ་སྨ་རུ་མགོ་ནག་གི་
གསུམ་ཆ་གཉིས་ཙམ་བརྡར། དེ་རྣམས་ལེགས་པར་འདྲེས་པ་དང་མིག་ལ་ཉིན་གསུམ་ནས་བདུན་གྱི་བར་གང་རིགས་འབྱུག་ཅིང་སྨན་ཞག་གང་འབྱུག་གི་རིང་ཕྱིར་མི་འདོན། ཁྱད་པར་རླུང་གི་རིགས་མ་ཕོག་པ་བྱས་པས་ལིང་ཏོག །རྭ། ཤ་འཛེར།
འགྲིབས་སོགས་མིག་ནད་མཐའ་དག་ལ་མཆོག་ཏུ་ཕན་ནོ། །སུརྨ། མིའི་སྐྲ། ཡུང་བ་ཆུང་ངུ་བཅས་བརྡར་ལ་མིའི་འོ་མས་ཁུ་བ་བྱས་ནས་མིག་ལ་བྱུགས་ན་ཁྲག་གིས་མིག་དམར་པོར་སོང་བ་དང་ཤ་འཛེར་ལ་ཕན། ཧོང་ལེན་བབ་ར་ན་

སེར་པོ་དང་གླ་རྩི་སྦྱར་ལ་བྱུགས་ན་ཚ་འཁྲུག་མིག་ཆུ་འཛག་སྟེ་ཟ་ཕྲུག་བྱེད་པ་རྣམས་ལ་ཕན། རྒྱ་མཚོ་ལྦུ་བ། ཨ་ཕཱི་མ། སི་ར་སའི་འབྲུ་རྣམས་སེ་བ་བཞི་རེའི་རྩིས་ཞིབ་པར་བཏགས། བ་གསར་པའི་ཆུ་བྱེ་
གསུམ་ལྕགས་སྣོད་ནང་དུ་སྐྱ་བའི་མགོ་ཟངས་ཀྱིས་གཏུམས་པས་དཀྲུགས་པ་དང་མེ་བཏང་ལ་ཆུ་ཕྱེད་ཙམ་སྐམས་པ་དང་། གོང་གི་སྨན་བཏབ་སྟེ་སྐྱོ་མ་གར་ཕྱོགས་ཙམ་བྱས་སླར་འབྱུག་སྐབས་པའི་ཆུས་ཀླད་ལ་བྱུགས་ན་བར་འགྲིབ་ཆུ་འཛག་པ་
ཟ་འཕྲུག །རྫི་མ་མིག་ལ་ཟུག་པ་སོགས་མིག་གི་ནད་ཐམས་ཅད་ལ་ཕན་ནོ། །ཀ་ཡེ་ཕ་ལ་ཞིབ་མོར་བཏགས་པ་ཆུར་སྦྱར་ཏེ་བྱུགས་ན་སྲོད་ལོང་ལ་ཕན་ནོ། །རྭ་ལིང་ཤིན་ཏུ་ཆེ་བས་ཁེབས་ཤིང་ན་ན་ནི་མྦུའི་ཁུ་བར་རྒྱ་ཚྭ་ཡུངས་འབྲུ་ཙམ་རེ་བརྡར་
ནས་ར་ལིང་གི་ཐོག་ཏུ་ཉིན་གསུམ་གྱི་བར་བླུགས་པས་འཕྲལ་དུ་ཟུག་གཟེར་ཅུང་ཟད་འབྱུང་ཡང་མྱུར་དུ་ཕན་པར་འགྱུར་རོ། འོ་མ་ཐང་གིས་ །ཡང་མིག་ལ་ར་ལིང་གིས་ཆེར་ན་ན་བཞུ་ཤེལ་སྙིང་པོ་ཕོ་རིས་ཙམ་རེ་ཞིབ་པར་བཏགས་ལ་ཆུར་སྦྱར་ནས་ཉིན་གསུམ་ཀྱི་བར་
བླུགས་ན་ཉིན་དང་པོར་ཟུག་གཟེར་ཅུང་ཟད་ལྡང་། གཉིས་པར་མིག་སྐྲངས་པོ་ཤིན་ཏུ་ཆེ་ཞིང་ཟུག་གཟེར་ཀྱང་འབྱུང་། ཉིན་གསུམ་པར་ཤུག་གཟེར་སྐྲངས་པོ་ཞི་བ་དང་། མཉམ་དུ་རྭ་ལིང་གང་ཡང་མེད་པར་འགྱུར་ཞིང་འོག་འགྲིབ་ཀྱིས་མི་མཐོང་བ་ཡང་
གསལ་བར་བྱེད་དོ། །མིག་གངས་ཕྱིད་ཀྱིས་ན་བའི་ཟུག་གཟེར་ཆེ་ན་ཆུ་གྲང་གཙང་མ་སྣོད་གང་ཡང་རུང་བར་བླུགས་ལ་མིག་མ་བཙུམས་པར་གདོང་ཆུའི་ནང་དུ་བཅུག་ལ་ཟུག་གཟེར་ཆག་པར་བདུགས་པས་མྱུར་དུ་ཕན་པར་འགྱུར་རོ། །དེ་བཞིན་ཡན་ལག་
ཁ་བས་ཕྱིད་པ་ཡང་ཆུ་གྲང་མོའི་ནང་དུ་བདུགས་པས་ཕན་ནོ། །དབང་སྡོང་གི་ཐང་ཆུ། ཧ་ལ་དྷ། ཕཊ་ཀི་རི་རྣམས་ཆ་མཉམ་སྟེ་ནི་མཱའི་ཁུ་བ་བྱུང་ན་རབ་དེ་མིན་ཆུར་སྦྱངས་ནས་མིག་གི་ཕྱི་ནང་ལ་བྱུགས་པས་མིག་འབྲས་ཆེན་པོར་སོང་ཞིང་མིག་སྤྲིན་དམར་བ་ཉིན་

མཚན་གཉིས་ཀར་ནད་ཟུག་ཤིན་ཏུ་ཆེ་བ་ལ་ཕན། ཀ་ནི་ཡ་རའི་རྩ་བ། མཚལ། ཚ་ལ། ནི་ལ་ཐོ་ད། པི་པི་ལིང་། པི་པི་ལིང་གི་རྩ་བ། ཕོ་རིས། ལྒ་བཟང་པོ་རྣམས་ཆ་མཉམ་ཞིབ་པར་བཏགས། ལྒ་བཟང་བ་ཆུར་སྦངས་པས་ཁུ་བ་བྱས་ནས་རིལ་
བུ་སྲན་མ་ཙམ་དྲིལ་ལ་བཏང་བས་ཁྲག་ལ་བརྟེན་པའི་ཚིགས་ན་བ་ཐམས་ཅད་ལ་ཕན། འོ་མ་བུའི་རྩ་བ། ལྕང་ནག་མཛྷནགི་རྩ་བ་དང་ལོ་མ། སྐྱི་པའི་བ་རྩ་བ་སྡོང་པོ་ལོ་མ་འབྲས་བུ། གཟེ་མ་རྣམས་ཆ་མཉམ་ལ་འོ་མ་བུ་དང་ལྕང་ནག་གི་རྩ་བ་ཅུང་ཟད་མང་བ་བཅས་
གཞོགས་ལ་ཁོག་མ་ཆེ་བ་མཐིལ་དུ་བུག་པ་ནས་ཤོང་བ་ཙམ་ཡོད་པ་ཞིག་གི་ནང་དུ་བླུགས། ཛྷཡུ ཁེབས་ མཛྷན་ གཅོད་རྒྱབ་ལ་ མྱུ་བ རླངས་པ་མི་འཆོར་བ་ཁ་ལེགས་ གོ་ཤ་རུ་ བར་བཅད་དེ་མཚམས་རྫ་སའི་འཇིམ་པས་གཏུམས་རས་ཀྱིས་
དྲིལ་ཡང་འཇིམ་པ་འབྱུག་པ་དང་རས་ཀྱིས་དྲིལ་བ་སོགས་ལྔ་བརྩེགས་ཙམ་བྱས། ས་དོང་བྲུས་པ་ཁོག་མ་ཅུང་ཟད་ཆུང་བ་ཞིག་བཅུག་ལ་སས་སྟེམས། དེའི་ཁར་གོང་གི་ཁོག་མ་བཞག །ཁོག་མ་གཉིས་ཀྱི་མཚམས་ལེགས་པར་བསྒྲིགས་ལ་འཇིམ་པས་
རླུང་མི་འཆོར་བར་བྱས། དེ་ནས་ཁོག་མ་ཆེ་བ་ཤིང་དང་གཅི་བའི་དཀྱིལ་དུ་བཅུག་ལ་ཉི་མའི་བཞི་ཆ་ཙམ་ཞིག་མེ་ཤིན་ཏུ་ཚ་བ་བཏང་། དེ་ནས་གྲང་ཐག་ཆོད་པ་དང་བཏོན་པས་ཁོག་མ་ཆུང་བར་གཤམ་དུ་ཆུ་དང་ཁར་སྣུམ་སྤྲིས་མ་ལྟར་ཆགས་ཡོད་པ་དེ་བཏོན་ལ་ཐུར་
མགོ་རེ་ཙམ་ལྒ་དང་མཉམ་དུ་བཏང་ན་བསེ་དུག་མིན་པའི་རླུང་ལ་བརྟེན་པའི་ནད་ཚ་གྲང་ཐམས་ཅད་ལ་ཕན། ལི་ཤི་དང་མཉམ་དུ་བཏང་ན་གྲང་བ་ལ་བརྟེན་པའི་ནད་ཐམས་ཅད་ལ་ཕན། ཡུང་བ་དང་མཉམ་དུ་བཏང་ན་ཁྲག་ལ་བརྟེན་པའི་ནད་གསར་རྙིང་
ཐམས་ཅད་ལ་ཕན། རྩམ་པའི་པག་དང་མཉམ་དུ་བཏང་ན་བད་ཀན་གྱི་རིགས་ཐམས་ཅད་ལ་ཕན། གཞན་འདྲེས་མེད་པའི་མཁྲིས་པ་རྐྱང་པའི་ནད་དང་འགྲིམ་པ་གཉིས་པོར་བའི་གཞན་མ་ནད་གང་ལ་ཡང་མི་འགྲིབ་མེད་ཅིང་ཁྱད་པར་ཡན་ལག་ཞ་བ་

སྐམས་པ་རྣམས་ལ་ཁོང་དུ་བཏང་ཞིང་སྣུམ་བྱུགས་པས་ནད་མེད་ལྟ་བུར་སོས་པར་འགྱུར་རོ། །ཕུག་རོན། ཁྱིམ་བྱ། ཁང་བྱིལ། རི་བོང་། རྔ་མོང་རྣམས་ཀྱི་བྲུན་གང་ལེགས་པར་བྱས་པའི་སྐམ་པོ་ཁོག་མ་སྟེང་
ཤོད་དུ་ལྡུགས་ལུགས་སོགས་གོང་ལྟར་བྱས་པས་སྣུམ་བཏོན་ལ་ཨ་ཀ་ར་ཀ་ར། ལྒ་བཟང་བ། པི་པི་ལིང་གི་རྩ་བ། ཀ་རུ་དང་ ཨུ་ནི པི་པི་ལིང་། ཙི་རི་ ཤག ཨུཌ་ ལ་ལ་ཕུད་ཆུང་བ། སོ་མ་ར་ཙ་རྣམས་ཆ་མཉམ་ཞིབ་
པར་བཏགས་པ་དར་ལ་བཙགས། དེ་ཐམས་ཅད་དང་ཆ་མཉམ་པའི་སྣུམ་བླུགས་ལ་རིལ་བུ་སྐྱུ་རུ་ར་ཙམ་དྲིལ་ལ་བཏང་ན། རླུང་། བད་ཀན། ཁྲག་གྲང་བ། ཆུ་སེར་རྣམས་ལ་ཕན་ཞིང་ལུས་སྟོབས་རྒྱས་པ་དང་ཁུ་བ་འཕེལ་བས་འདོད་པ་སྤྱོད་
ནུས་པ། དང་ཁ་འབྱེད་པ་སོགས་ལ་ཕན་ནོ། །རི་བྱུགས་ལོ་གཅིག་ཙམ་འགྲོ་བའི་ལྕི་བ། རའི་རིལ་མ་གཉིས་སྐམ་ཐག་བཅད་ཅིང་གང་ལེགས་པར་བྱས། ཁོག་མ་སྟེང་ཤོད་དུ་མེ་གཏོང་ལུགས་སོགས་གོང་ལྟར་བྱས་པས་སྣུམ་འབྱུང་བ་སྦྲང་རྩི་
དང་ཡུང་བ་གང་རུང་དང་མཉམ་དུ་ཁོང་དུ་བཏང་ཞིང་སྣུམ་རྒྱང་པས་ཕྱི་མ་བསྐུ་མཉེ་བྱས་པས་ཆུ་པགས་འགྲམས། ཟ་ཕྲུག།ཚགས་ཚིགས་ན་བ་སོགས་ཆུ་སེར་གྱི་ནད་ཐམས་ཅད་ལ་མཆོག་ཏུ་ཕན་ཞིང་མིག་ལ་འཁྱུགས་ཀྱང་རླུང་ཆུ་སེར་ལ་བརྟེན་
པའི་མིག་ནད་ལ་ཕན་ནོ། །གྲོ་དང་སྐྱེར་པ་མང་ཉུང་མཉམ་པ་དང་། ཤུ་དག་དེའི་སུམ་ཆ་ཙམ་བཅས་པས་སྣོད་དུ་བླུགས་ལ་སྣུམ་འདོན་ལུགས་གོང་ལྟར་བྱས་པ་སེ་བ་བཞི་ཙམ་རེ་ཁོང་དུ་བཏང་ནའང་ནད་ཚ་གྲང་གསར་རྙིང་ཀུན་ལ་ཕན་པའི་སྤྱི་
འཇོམས་སོ། །བྲི་ཚ། སོང་ རྒྱམ་ཚ། ཌ་རུ་ཧ་ལད་ ཕ་ཊ་ཀི་ཌི་རྣམས་ཆ་མཉམ་བཞུ་ཤེལ་གྱི་དམ་པེ་འཇིམ་པ་དང་རས་བསྣོལ་མར་ལྔ་བརྩེགས་བྱུགས་པ་ཞིག་གི་ནང་དུ་ཕྱེད་ཙམ་གོང་བ་བླུགས། རྫ་སྣོད་ཆེ་བ་ཞིག་གི་ཕྱེད་ཙམ་གཅི་བའི་མེས་

བཀང་བའི་ནང་དུ་གོང་གི་དམ་པེ་གྱེན་བསྲེགས་ཉལ་སྟབས་སུ་བཞག །ཁརྫ་སྣོད་ཀྱི་ཕྱིར་འོང་བ་བྱས་ལ་སྟེང་དུའང་མེ་བཏང་། ཁོག་མ་དེ་རྡོའི་སྒྱེད་པུ་གསུམ་སྒྲམ་ལྟ་བུར་བཞག་པའི་མཐིལ་ནས་ཀྱང་མེ་ཅུང་ཟད་གཏོང་། ཁོག་མའི་ཕྱིར་བཞུ་
ཤེལ་གྱི་དམ་པེ་གཅིག་བཞག་ལ་དམ་པེ་གཉིས་ཀྱི་ཁ་སྤྲད་པའི་མཚམས་ལ་ལྷང་ཚེར་བཀབ་ལ་ཕྱིར་འཇིམ་པ་བྱུགས་ཏེ་རླུང་མི་འཆོར་བ་བྱས། མེ་ཉི་མའི་བརྒྱད་ཆ་ཙམ་ཞིག་བཏང་བས། དམ་པེ་ཕྱི་མའི་ནང་དུ་སྣུམ་འོང་བ་དེ་ཐིགས་པ་གསུམ་ཙམ་རེ་
དང་། ལ་ལ་ཕུད་སེ་བ་བཞི་ཙམ་ཞིབ་པར་བཏགས་པ་དང་མཉམ་དུ་བཏང་བས་ནད་ཚ་གྲང་གསར་རྙིང་ཐམས་ཅད་ལ་ནི་མི་ཕན་པ་མེད་དོ། །ཟེ་ཚ། རྒྱམ་ཚ། ཕ་ཊ་ཀི་ཌི། སུ་མ་ལ་དཀར་པོ་དང་སེར་པོ། ཛ་བ་ཥ་ར། མཚལ་ཅོག་ལ་མ་
རྣམས་ཆ་མཉམ་བཏགས་པ་བཞུ་ཤེལ་གྱི་དམ་པེར་བླུགས་ལ་སྣུམ་འདོན་ལུགས་གོང་མཚུངས་བྱས་པའི་སྣུམ་དེ་མཛེའི་རྨའམ། ཤུ་པ་གསར་རྙིང་། ཕོལ་མིག་སོགས་ལ་བྱུགས་ན་ཕན་ནོ། །ཨ་རུ་ར། ཙི་ཏྲ། པི་པི་ལིང་། རྒྱམ་ཚ།
ཨ་རུ་བསྲེགས་པ་རྣམས་ཆ་མཉམ་ཞིབ་པར་བཏགས་པ་དར་ལ་བཙགས། ལྒ་སྦངས་པའི་ཆུས་སྦྲུས་ལ་རིལ་བུ་སྐྱུ་རུ་ར་ཙམ་སྒྲིལ་བ་རིལ་བུ་རེ་བཏང་ན་གློ་དང་མགོ་བོ་ན་བ་ལ་ཕན་ཞིང་དང་ཁ་འབྱེད་དོ། །མ་རུ་རྩེའི་འབྲས་བུ་ཞིབ་པར་
བཏགས་ བ་ལ་ཤ ལ་ཆུ་གྲང་གིས་རྟ་བྱས་བཏང་ན་གློ་བའི་རྣག་ཐོན་པར་འགྱུར་རོ། །སྦྱི་བཞུར་བརྡུངས་པའི་ཁུ་བ་ཁོང་དུ་བཏང་ན་ཕྱི་ནང་གི་རྩ་འཕྱུས་པའི་རིགས་ལ་ཕན་ནོ། །ཐ་རམ་བརྡུངས་པའི་འབྱར་ཁྱིས་རྨུགས་པའི་རྨ་ལ་
དཀྲིས་ན་ཕན། ལུང་ཁ་རི། ལྤ་ཚ་ཡིན། ཞེས་པའི་སྨན་ཚད་པར་ཕན། དཀར་ཤ། ཤིང་ཤ་སོགས་ཤ་མོའི་རིགས་གང་རྙེད་བྱེ་ཀར་དང་མཉམ་དུ་སྦྱར་བའི་ཐང་ཁོང་དུ་བཏང་ན་མཁལ་ནད་གཟེར་ཟུག་འཕྲལ་དུ་གཅོག

།མཁན་པ་བརྡུངས་པའི་ཁུ་བར་ཕོ་རིས་ཞིབ་པར་བཏགས་ལ་བཏབ་སྟེ་ཁོང་དུ་བཏང་ན་ཁོག་པའི་སྲིན་ནད་ཀུན་ལ་ཕན། མཁན་པའི་དུགས་བྱས་ན་ཕོ་ལོང་འཁྲོག་པ་མྱུར་དུ་ཞི་བར་འགྱུར་རོ། །སྤ་ཡག་པས་སྐྲངས་པོ་དང་
རྨ་ལ་ཕན། ལ་ལ་ཕུད་ཆ་ལྔ། ན་རུབ་ ཙི་ཏ་ཆ་བདུན། ཨ་རུ་ར་ཆ་དྲུག་རྣམས་ཞིབ་པར་བཏགས་ལ་ཆུ་སྐོལ་གྱིས་རྟ་བྱས་བཏང་ན་མ་འཇུ་བ། མེ་དྲོད་ཉམས་པ། གླང་ཐབས་རྣམས་ལ་ཕན་ནོ། །བད་མར་མ་དང་བུ་རམ་སྦྱར་བ་ཆུས་འཕུལ་
ལ་བཏང་ན་ཤ་སེར་དང་མིག་སེར་ལ་ཕན་ནོ། །བ་དམར་ལྒ་སེར་གྱིས་ཁུ་བ་བྱས་ལ་སྟེང་གྲིབ་ཀྱི་ནད་མགོར་ཐེབས་ན་རྣ་བར་བླུག་ཅིང་ལུས་གཞན་ལ་ཐེབས་ན་ཁོང་དུ་བཏང་བས་གཟའི་རིགས་མཐའ་ ཙི་ཏུ་ལྦཏུཊ་ཞིང་ཆུ་ལ་སོགས་ལ་ཡིད་བའི་སྲོག་ཆགས་དམར་པོ་ཆུང་དུ་ཞིག་སོང་།
དག་ལ་ཕན་ནོ། །དེ་ཡང་གཟའ་ནད་ལ། རཱ་ཧུའི་དུག་འཕོག་པ་ཡིན་ན་ལོ་ཕྱེད་གསུམ། སྤེན་པའི་དུག་ཕོག་ན་ལོ་ལྔ། ཀེ་ཏུའི་དུག་ཕོག་ན་བརྒྱད་དེ་དེ་བསྒྲལ་ནས་གཟའི་ནད་ཀྱིས་འཚོ་འཆི་གང་བྱེད་ལས་མི་གནས་སོ། །རྒྱ་ཁུར་དང་བྱེ་ཀར་དང་
ཆ་མཉམ་སྦྱར་བ་ཁོང་དུ་བཏང་བས་མི་ཕྱུགས་གང་གི་ཡང་ཆུ་འགགས་པ་སེལ་ལོ། །ཨ་རུ་ར་གཉིས་སྦྲེལ་མགོ་གཞོགས་ཕྱེད་ན་བ་ལ་གང་ན་ཕྱོགས་སུ་བསྡམས་པས་ཕན་ཞིང་སྣ་ཁྲག་ཀྱང་ཆོད་ལ་ཡ་མའི་འབུས་ན་བ་སེལ་ལོ། །ཙན་དན་དམར་པོ་དང་། ངྷུ་རི་
བཙག་ཞིབ་པར་བཏགས་ཁོང་དུའང་ཅུང་ཟད་བཏང་ཞིང་གང་ན་སར་བྱུགས་པས་མེ་ལྕེ་འཁོར་ལོ་ལ་ཕན་ནོ། །ཙན་དན་སུ་ར་ཞིབ་པར་བཏགས་ལ་ཆུ་སྐོལ་གྱིས་འཕུལ་ནས་བཏང་ན་ཁྲག་ལ་ཕན་ནོ། །ཚ་ལ་བསྲེགས་པའི་ཐལ་བ། ཟི་ར་དཀར་པོ། ཁ་རུ་
ཚ་རྣམས་ཞིབ་པར་བཏགས་ལ་ཐུན་ཚད་ཐུར་མགོ་དོ་ཙམ་རེ་བཏང་ན་ཕོ་བར་ན་ཟུག་བྱེད་པ་རླུང་དང་མ་འཇུ་བའི་རིགས་ཀུན་ལ་ཕན་ཞིང་དང་ཁ་འབྱེད་དོ། །ལ་ལ་ཕུད་ཆ་གཉིས། ཁ་རུ་ཚ་ཆ་གཅིག །ཙི་ཏྲ་ཆ་གསུམ། པི་པི་ལིང་ཆ་བཞི།

ལྒ་དཀར་པོ་ཆ་དྲུག །ཨ་རུ་ར་ཆ་དྲུག་རྣམས་ཞིབ་པར་བཏགས་དར་ལ་བཙགས་ཏེ། ཐུན་ཚད་གོང་བཞིན་བཏང་བས་ལྡན་འདུས་ཀྱི་ནད་གདོང་སེར་པོ་དང་དམར་པོར་སོང་བ་མིག་མི་གསལ་ཤེད་ཆུང་བའི་མགོ་བོ་འཁོར་བ་རྣམས་ལ་ཕན་ནོ། །
ཨ་རུ་ར་མེར་བསྲེགས་པའི་ཐལ་བ། ཙི་ཏྲ། པི་པི་ལིང་། ཁ་རུ་ཚ་། ཨ་རུ་ནག་ཆུང་རྣམས་ཞིབ་པར་བཏགས་ལ་ལྒའི་ཁུ་བས་རིལ་བུ་སྒྱུ་རུ་ར་ཙམ་བྱས་ལ་གོང་དུ་བཏང་ཀྲུན་གློ་ནད་ཀུན་དང་ཕོ་བར་རླུང་ཞུགས་པ་ཁྲག་སྐྲན་རུས་ཚད། དང་ཁ་
བྱེད་ཆ་ཙམ་ འགགས་པ་རྣམས་ལ་ཕན། ཕག་བྲུན་བསྲེགས་པའི་ཐལ་བ་བོང་བུའི་གཅིན་གྱིས་ཁུ་བ་བྱས་ནས་སྣལ་བླུགས་པས་ཡ་མ་ཀླད་གཟེར་ཉ་ལ་ཕན། ཀ་རཉྫ་བའི་འོ་མར་བཏབ་པའི་ཁུ་བ་ཁོང་དུ་བཏང་བས་ཁོག་སྲིན་དང་གཞང་སྲིན་ཀྱི་ནད་ལ་
ཕན༑ ཤ་འབྲས་དང་བྱེ་ཀར་ཆ་བསྙམས་ཞིབ་པར་བཏགས་ལ་ཞོ་དང་སྦྱར་ནས་བཏང་ན་ཚད་འཁྲུ་ཆོད་པར་འགྱུར་རོ། །འགྲོན་བུ་བསྲེགས་པའི་ཐལ་བ་མིའི་འོ་མར་སྦྱར་ལ་རྣ་བར་བླུགས་ན་རྣག་འཛག་པ་ཆོད་དོ། །ཛ་མུ་ནི་ཞིབ་པར་བཏགས་
པ་ཆུ་ལ་སྦྱར་ནས་བྱུགས་ན་གྲང་ཐོར་རྒྱབ་པ་ལ་ཕན། སྐྱུ་རུ་ར་ཨ་རག་གི་ནང་དུ་སྦངས་པའི་ཁྱ་བ་བྱུགས་ན་སྐྲ་ཚན་ཆེ་བར་འགྱུར་རོ། །ཕུར་མོང་ནག་པོ་ཤའི་སྲུབས་རྣམས་ལ་རྫོངས་ན་འབུ་མི་འབྱུང་ཞིང་ཤིང་ཀུན་དྲི་མས་ཀྱང་ཐུབ་བོ། །ཨ་རུ་
ར། པི་པི་ལིང་། ཁ་རུ་ཚ་གསུམ་ཆ་མཉམ་ཞིབ་པར་བཏགས་ལ་ཆུ་སྐོལ་གྱིས་རྟ་བྱས་བཏང་ན་ཕོ་བ་དང་རྐེད་པ་ན་བར་ཕན། ཀུ་ཊ་ཀི་ཆ་གཉིས། ཕོ་རིས་ཆ་གཅིག །ཚྭ་ཆ་ཕྱེད་རྣམས་ཞིབ་པར་བཏགས་པ་ཆུར་སྦྱར་ཏེ་བྱུགས་
ན་སོ་རྩ་དམ་ཞིང་བརྟན་པར་འགྱུར་རོ། །ལ་ལ་ཕུད་མེར་བསྲེགས་པའི་དུ་བ་ཁ་ལ་བཏང་ན་སོ་སྲིན་ན་བ་ལ་ཕན། པ་ཊ་ཀི་ཊི་ ཧོང་ཕེན་ ཨིའི་འབྲུའི་དུ་བ་འཐེན་པས་སོ་སྲིན་ལ་ཕན། རྒུན་ དའི་ཁ འབྲུམ་དཀར་པོ་མཁྲིས་པ་དང་

ལྕེ་སྐམ་པ་ལ་ཕན། མ་ནུ་ཁྲག་ཅན་གྱི་ནང་གི་ཁྲག་རྐང་ལག་གི་སེར་ཀར་བྱུགས་ཀྱང་ཕན་ཞིང་སྤོས་དཀར་གྱི་ཕྱེ་མ་བཏབ་ཀྱང་ཕན་ནོ། །བིལ་བའི་ནང་གི་འབྲུ། མ་ཛུ་ཕ་ལ། ལྒ་གསུམ་ཆ་མཉམ་སྦྲང་རྩིར་སྦྱར་
བ་བཏང་ན་ཁྲག་འགྲིམ་པའི་རིགས་ཆོད་དོ། །མཚལ། ལྡོང་རོས། དངུལ་ཆུ། ཤུ་དག་དཀར་པོ། །བཙན་དུག །མུ་ཟི་སེར་པོ་རྣམས་ཆ་མཉམ། ཕོ་རིས་ཉིས་འགྱུར་བཅས་ཞག་བརྒྱད་ཙམ་གྱི་བར་ཞིབ་པར་བཏགས་ལ་འབྲས་
ཙམ་རེ་རྒྱུན་དུ་བསྟེན་ན་ལུས་སྟོབས་རྒྱས། དང་ཁ་འབྱེད། དྲོད་ཆེ། རླུང་རྣམས་འཇོམས་སོ། །བུ་ཀར་མུལ། ཤུ་དག །ཕོ་རིས། ཁ་རུ་ཚ། མཚལ། ལི་ཤི། ཛཱ་ཏི། ཨ་རུ་ར་རྣམས་ཞིབ་པར་བཏགས་ཏེ་བ་
མར་དང་སྦྱར་ནས་སྐྱུ་རུ་ར་ཙམ་རེ་ཁོང་དུ་བཏང་ན་རླུང་ཁྲག་བད་ཀན་སོགས་འདུས་པའི་ནད་ཀྱིས་ཕོ་ལོང་གི་ཡུལ་ཟུག་གཟེར་ཆེ་བ་རྣམས་འཇོམས་ཤིང་ཕན་ལ་སྨན་བསྟེན་རིང་ལ་འོ་མ། འབྲས་པག་ཐུག་རྣམས་ལས་གཞན་མི་ཟའོ། །
ཤ་མ་ལ་ཌོ་ཌའི་དཀྱིལ་གྱི་ལྗང་གུ་དེ་བཞི་ལྔ་རེ་ཉིན་ལྟར་གྱིས་ཟོས་ན་བད་རླུང་མགོ་འཁོར་དང་མིག་མི་གསལ་བ་ལ་ཕན་ནོ། །དངུལ་ཆུ། སོ་མ་ལ་ཁ་ར། མུ་ཟི་སེར་པོ། ཟི་ར་དཀར་པོ་རྣམས་ཆ་མཉམ་ཕྱེ་མར་བྱས་པ་ལུགས་
ཆེ་ཆུང་རིལ་མ་ལས་ཆེ་ཙམ་མ་དོག་སྨུག་སྣུམ་ཕྲེང་བ་བྱེད་བ་དེ་ཡིན། ཀོང་ནང་དུ་བླུག་སྟེ་ཁ་དམ་པར་བཅད་ལ་རླུང་མི་འཆོར་བར་བྱས། དེ་སྟེང་རས་དང་འཇིམ་པས་ལན་གསུམ་གྱི་བར་དུ་སྒྲིལ་ལ་མེ་ཉོར་ཀྱི་ནང་དུ་ཞག་བདུན་གྱི་རིང་བཞག །དེ་ནས་
ས་དོང་བྲུས་ལ་མེ་ཤིན་ཏུ་ཚ་པས་ཉིན་ཕྱེད་ཀྱི་བར་བསྲེགས་ལ་གྲང་བ་དང་བཏོན་ཏེ་བྷྲིངྒ་རཱ་ཛའི་ཁུ་བ་སྦྱར་ཏེ་ལུས་ལ་བསྐུ་མཉེ་བྱས་ན་ཀོང་པོ་དང་ཟ་འཕྲུག་ཤུ་ཐོར་སོགས་ལ་ཕན་ནོ། །ཀ་ཡེ རཀྟ་ན་ཛེ་ཏི་ཡང་ཟེར་ ཕ་ལའི་པགས་པ་དང་

བྱེ་ཀར་ཆ་མཉམ་བཏགས་ལ་བཏང་ན་དངས་མ་ཚ་གྲང་གིས་འཛགས་ཀྱང་ཕན་པར་འགྱུར་རོ། །ཡང་ཀ་ཡེ་ཕ་ལའི་ཕགས་པ་དང་རྒྱ་གར་སྟོད་ཇ་གཉིས་ཆ་མཉམ་ཞིབ་པར་བཏགས་པ་གྲི་ཁྱི་སོགས་རྨ་གསར་རྙིང་གང་ལ་འང་བཏབ་སྟེ་རས་ཀྱིས་
བསྡམས་ལ་ཞག་གསུམ་གྱི་རིང་ཁ་མ་ཕྱེ་བར་བཞག་དེས་ཕན་ངེས་སོ། །འབྲས་དང་ཤུ་བ་གང་ལ་ཡང་ཐོག་མར་ས་བྷུ་ཎའི་ཁུ་བས་ཤིན་ཏུ་དག་པར་བཀྲུས། དེ་ནས་ནཱི་ལ་ཐོ་ཐའི་ཕྱེ་མ་བཏབ་ལ་ཉིན་གཅིག་བཞག །ཉིན་ཕྱི་མ་
ནཱི་ལ་ཐོ་ཐ་དང་སྤོས་དཀར་ཆ་མཉམ་ཞིབ་པར་བཏགས་པ་ཏིལ་གྱི་སྣུམ་དང་བསྲེས་ཏེ་ཅུང་ཟད་ཉེད། དེ་ནས་ཆུ་ གླང་ཀླད་ ཅུང་ཟད་རེ་བླུགས་པ་དང་ལྷན་དུ་ཉིན་ཕྱེད་ཙམ་གྱི་བར་དུ་ཉེས་པས་མདོག་ཤིན་ཏུ་དཀར་བ་ཞིག་འོང་ལ་དེ་བྱུགས་
པས་མྱུར་དུ་ཕན་ནོ། །གཉན་འབུར་གྱིས་སྐྲངས་པར་བའི་གཅི་བ་དང་སྣུམ་བསྲེས་པའི་སྐྱོ་མ་དྲོད་མ་ཡལ་བ་སྐྲངས་པ་གང་ཡིན་ལ་བྱུགས། དེ་རས་ཀྱིས་བསྡམས་གྲང་བ་དང་ཡང་བརྗེ་བ་སོགས་བྱས་པས་མྱུར་དུ་རྣག་ཏུ་སྨིན་པར་
ནུས་ཤིང་སྨིན་པ་དེ་བརྟོལ་བ་ལ་ལྡ་སེར་མེར་བསྲེགས་པ་ཆུར་བརྡར་ལ་གང་བརྟོལ་སར་བུག་ཆེ་ཆུང་ཇི་ལྟར་འདོད་ཀྱི་རྒྱར་ཡང་ཡང་བྱུག་པས་མྱུར་དུ་རྡོལ་འོང་ངོ་། སྤྲ་ཚིལ་བཞུ་སྟེ་རས་ལ་བཙགས། དེ་སྟེང་བ་མར་བཙགས་བཅད་པ་
བླུག་སྟེ་དཀྲུགས་པས་ལེགས་པར་འདྲེས་པ་མཆུ་དང་རྐང་ལག་གས་པར་བྱུགས་ན་འཕྲལ་དུ་ཕན་ནོ། །ཚིགས་པ་དྲུག་པའི་ཕན་ཚུན་དུ་སོར་བཞི་རེ་གཞལ་སར་རྩ་ཧྲང་ངེ་བ་ཡོད་པ་དེའི་ནང་འདེབས་སུ་མེ་བཙའ་བཞག་པས་རླུང་ཁྲག་གིས་མགོ་བོ་ན་
བ་དང་རྩ་དཀར་ལ་ཕན། ཚིགས་པ་བཅོ་བརྒྱད་པའི་གཡས་གཡོན་དུ་སོར་གསུམ་རེ་གཞལ་བའི་ས་དང་བཅོ་བརྒྱད་རང་གི་སྟེང་སྟེ་གསུམ་དུ་མེ་བཙའ་རེ་བཞག་པས་རླུང་། གྲང་བ། རྐེད་པ་ན་བ། མཁལ་རྩ་བྲལ་བ་རྣམས་ལ་ཕན།

ཚིགས་པ་ལྔ་པ་དྲུག་པ་བདུན་པ་གསུམ་དང་མདུན་གྱི་དཀར་ནག་མཚམས་སུ་མེ་བཙའ་རེ་བཞག་པས་ཁྲག་གིས་བྲང་ཚ་བ་དང་སྟོད་ན་བ་སོགས་ལ་ཕན་ཞིང་སྟོད་འཚངས་ལ་དེ་སྟེང་རྐེ་སྟོང་བྱ་ར་ཁུང་དུའང་གཅིག་བཞག་པས་
ཕན་ནོ། །ལྷེང་ལྷེང་རྩེ་དབུས་སུ་བཞག་པའི་རྒྱ་གྲམ་སོར་གསུམ་བསྲེགས་པས་མཁྲིས་པ་བད་ཀན་མཆིན་སྐྲན་རླུང་རྣམས་ལ་ཕན། རྐེ་སྟོང་བྱ་ར་ཁུང་དུ་མེ་སྒོར་མོ་ཨ་ལོང་ལྟ་བུ་བཞག་ན་ཁྲག་སྐྱུགས་པ་དང་ཁྲག་རླུང་ལ་ཕན། མེ་ཉམས་
གསང་གི་གཡས་གཡོན་མཚོན་རེ་གཞལ་བའི་སར་ཚུགས་རེ་བཞག་པས་རླུང་ཁྲག་དང་ཁྲག་སྐྲན་ལ་པན། པུས་མོར་ཚིགས་ཆུ་འཁོར་ན་མེ་ལོང་རུ་བཞིར་ཚུགས་རེ་བཞག་པས་ཁྲག་རླུང་ཆུ་སེར་སོགས་སེལ་ཞིང་ཁྱད་པར་རྐྱང་བསྐུམ་མི་
ཐུབ་པ་ལ་ཕན། ཟས་འགྲངས་ལྟོགས་མ་སྙོམས་པའི་པོ་མ་འཇུ་གླང་ཐབས་ལ་མཐིལ་བཞིར་ལྕགས་ལེབ་མེ་ལ་དམར་པོར་སོང་བ་བསྲེགས་པའི་འོད་མ་རེག་ཙམ་དང་རས་ཀྱིས་དར་བ་འབྱུག་བྱེ་པ་རེས་འཇོག་ཏུ་བྱས་པས་དྲི་ཤིན་ཏུ་ངན་པ་ཞིག་དོན་
ཡོང་ཞིང་དེ་ནས་མྱུར་དུ་ཕན་པར་འགྱུར་རོ། །ཉྭ་ལོག་འཁྲུ་སྐྱུགས་ཀྱི་ནད་ལ་ཞག་བཞི་ཚུན་དུ་ལག་པའི་མཁྲིག་མ་གཉིས་སམ་དེ་འོག་བསྒྲད་མཁྱིད་གང་གིས། དཔུང་འོག་གི་ཉྭ་གཉིས་སོག་པའི་མཐིལ་གཉིས། བརླའི་ནང་གི་ཉྭ་
གཉིས། ཕྱིན་དཀྱིལ་གྱི་ཉྭ་ཉིས་རྣམས་ལ་ལྕགས་མདའ་སོར་གསུམ་པ་ཞིག་གིས་སེར་མདོག་ཐོན་ཙམ་བསྲེགས་པས་ཕན་ཞིང་ཚན་ཆེ་ན་ལྟག་ཁུང་སྤུ་འཁྱེལ་གྱི་ཐད་ཀྱི་ལྟག་པའི་ཆུ་ལེབ་གཉིས་དང་རྐང་མཐིལ་གཉིས་བསྲེགས་ན་དེས་ཕན་
ངེས་སོ། །སྔར་སྤྱོད་ཀྱི་སྐྱོན་ཡོན་རྣམ་པ་གཞན་དུ་འགྱུར་བ་དང་ལུས་ཀྱི་གཟི་མདངས་བཟང་བ་ངན་པ་དང་ངན་པ་བཟང་བར་འགྱུར་བ་བྱུང་ན་ཀླུ་གདོན་གྱི་ནད་ཞུགས་པའི་རྟགས་ཡིན་པས་སོར་མོ་ཉི་ཤུའི་སེན་སྙིང་གི་མཚམས་དང་སྐྲ་མཚམས་

སུ་འཕྲེད་ལ་སོར་ལྔ་སེར་མདོག་ཐོན་ཙམ་བསྲེགས་པས་དེའི་ནད་སེལ་ལོ། །རྡོ་ཐལ་ཆུ་ལ་སྦྱངས་པ་དང་སོ་ཕག་རྙིང་པ་བསྲེགས་པའི་ཁུ་བ་གཉིས་གང་རུང་གི་གདུས་དུ་ཐང་བཏང་བས་ཉྭ་ལོག་འཁྲུ་སྐྱུགས་ཀྱི་སྐྱུག་པ་སོགས་སྐྱུག་པའི་རིགས་
མཐའ་དག་ཆོད་དོ་། ༈ །ཤྲཱི་ག་ཎ་ཤཱ་ཡ་ན་མཿ དཔལ་ཚོགས་ཀྱི་དབང་ཕྱུག་གི་གདམས་པ། ཕྱོགས་གང་དུ་འགྲོ་ཡང་ལམ་དུ་ནད་གདོན་གནོད་པ་སོགས་ཉེར་འཚེ་གང་ཡང་མི་འབྱུང་ཞིང་། བྱ་བ་གང་དང་གང་ཡིན་པ་དེ་བདེ་བླག་ཏུ་
འགྲུབ་པ་དང་། ཟས་གོས་གནས་མ་ལ་སོགས་འབད་མེད་དུ་འབྱུར་བར་འདོན་ན། ཨོཾཧྲཱིཧྲཱིཾ། གླཱི་པཽ། །གཱཾགཱཾ། ཞེས་པ་འདི་ཐོག་མར་ཡན་ལག་ལྔ་ཁྲུས་བྱས། གུ་གུལ་སོགས་སྤོས་ཀྱི་དུད་པ་སྔགས་བཟླ་བའི་བར་རྒྱུན་མ་ཆད་པ་
དང་བཅས་ཞག་ཉེར་གཅིག་གི་རིང་ཉིན་རེར་བརྒྱ་རྩ་རེ་མ་ཆག་པར་བཟླ་བ་བསྙེན་པ་དང་། དེ་ནས་ལས་སྤྱོར་ཉེ་རིང་གང་དུ་འགྲོ་བའི་དུས་ཚར་བདུན་རེའམ་ཐ་ནའང་ཚར་རེ་བཟླས་ནས་ཕྱིན་ན་གོང་དུ་སྨོས་པ་ལྟར་གནོད་པ་མེད་ཅིང་བསམ་པ་ཐམས་
ཅད་འགྲུབ་པར་འགྱུར་བ་སོགས་ཡོན་ཏན་བསམ་ལས་འདས་པ་འབྱུང་ངེས་སོ། །ན་མསྶྭ་ར་སྟྱཻ། འཕགས་མ་དབྱངས་ཅན་མའི་བདེན་ཚིག་གི་སྔགས། ཡེ་ཡེ། ས་པཾ། པྲཱི་ཡཱ་བི་དུཿ མ་ཧཾ་ཧྲཱིཾ། བཱ་གེ་ཤྭ་རཱི། ཤྲཱི་མ་ཧི་ཏ་ནོ་ཤཀྟི།
པྲ་ཙོ་ད་ཡ་ཏ། ཅེས་པ་འདི་གཟའ་མིག་དམར་གྱི་རེས་དང་གནམ་གང་ནམ་བྱུང་ལ་དྲི་བཟང་པོའི་དུད་པ་དང་བཅས་ཚར་བདུན་རེ་བཟླས་ན་བསམ་པའི་རེ་བ་ཐམས་ཅད་འགྲུབ་པར་འགྱུར་ཞིང་། ཁྱད་པར་བློ་རྣོ་བ་དང་ཤེས་རབ་ཆེ་བར་འགྱུར་རོ། །ཨོཾ་ཨཱ་
དེ་ཤ་གུ་རུ་ས་ཧ་ར་ཀཱ་བ་རུ། ཀཱ་མི་ཀྵུ་དེ་བཱི། ཏ་ཧ་བཱ་ཤ། ཨ་ཛ་པཱཾ་རཱ་ཎི། ཨ་ཛ་རྤཱ་རཱ་དྡྷཱ་ཀེ་པུ་ཏྲ། སཱ་ཏ་ཀོ་ན་ཀོ་ན། ཏཱ་བ་བནྔྷོ། ཏཱི་ཛཱ་རི་བནྔྷོ། ཨེ་ཀཱཾ་ཏ་ར་བནྔྷོ། བེ་ཧཾ་ཀ་རཱ་བནྔྷོ། ན་དཱི་བནྔྷོ། ནཱ་ལ་བནྔྷོ། ནཱ་ལེ་

ཀཱ་ཀ་ནཱ་རཱ་བདྷེཧཱུཾ་། །ཨི་ས་གྷ་ཊ། པཎྜི་ར་ཧ་ཏོ། ཨ་ཛ་པཱཾ་རཱ་ནཱི། ལཱ་ཛ་མེ་རི་བྷ་ཀྟཱི། །ཀུ་རུ་ཀི་ཤཀྟི། ཨ་ཛེ་པཱ་ལ་ཡོ་གི་ལ་ཛེ་ཕུ་རོ། མནྟྲ་ཨཱི་ཤྭ་རཱི་བཱ་ཙཱ། ཞེས་པའི་སྔགས་འདི་ལན་བདུན་བཟླས་ཏེ་ནས་ལ་
ཕུ་བཏབ། ཚད་པའི་རིམས་ཉིན་གཅིག་པ། གཉིས་པ། གསུམ་པ། བཞི་པ་རྣམས་གཅིག་ལ་ཕྱི་མ་ཕན། པའི་ཚད་རིམས་རྣམས་ཀྱིས་ན་བར། ཟླ་བོ་ཞིག་གིས་ཐོག་མར་ནད་པའི་མགོ་
བོ་རས་ཀྱིས་བསྡམས་ཏེ་བཟུང་ལ་རང་གིས་སྔགས་འདྲེན་ཞིང་ཕུས་བཏབ་པའི་ནས་དེས་མགོ་བོ་བྲབ། དེ་ནས་ནད་པར་ནད་ག་ན་འདུག་དྲིས་ལ་མགོ་བོ་ཕན་ན་སྐྱེ། དེ་ནས་སྟོད། སྐེད་པ་སོགས་རིམ་བཞིན་རས་ཀྱིས་བསྡམས་པ་སྤོ་ཞིང་ནས་
ཀྱིས་བྲབ་པས་མཐར་རྐང་པའི་མཐེབ་མོའི་བར་བྱས་པས་ངེས་པར་ཕན་པར་འགྱུར་ཞིང་སླར་ཡང་མི་འབྱུང་བའི་ཆེད་དུ་སྲད་བུར་མདུད་པ་བདུན། མདུད་པ་རེར་སྔགས་ཚར་རེ་བཟླས་པའི་ཕུས་བཏབ་པ་རྐེ་ལ་བཏགས་སོ། །ཤིན་ཏུ་ཟབ།
གྲོང་དང་གྲོང་རྡལ་གང་ལའང་མི་ཕྱུགས་ཀྱི་རིམས་བསྲུང་བར་འདོད་ན་ཐོག་མར་ལྕགས་ཀྱི་གཟེར་སོར་བཞི་པ་གཟེར་མགོ་ཅན་བཞི། དེའི་གདན་གྲོ་གར་ཆོས་འབྱུང་གྲུ་གསུམ་ཉིས་བརྩེགས་བྲིས་པ་བཞི། བྱ་ཕོ་ནག་པོ་གཅིག །ཆང་
བུམ་པ་གང་། ནས། གྲོ། སྲན་ཆུང་མ། སྲན་མ། འབྲས། པད་ཁ། བྲའོ་། །གཞན་འབྲུ་སྣ་གང་འཛོམ་ཚོན་པ་རེ་རྣམས་སྟ་གོན་བྱས། ཐོ་རེངས་ཤིན་ཏུ་སྔ་བར་རང་གི་མཆན་ཁུང་གཡོན་དུ་བྱ་ཕོ་ཁ་ཕྱིར་བསྟན་ལ་བཅུག །ལྕགས་
གཟེར་དང་དྲིལ་བུ་ལག་གཡོན་གྱིས་འཁྲོལ་ཞིང་བཟུང་། ལག་གཡས་ཀྱིས་འབྲུ་སྣ་འཐོར་ཞིང་ངག་བསྡམས་ལ་འོག་ནས་འབྱུང་བའི་སྔགས་འདྲེན། ཟླ་བོ་ཞིག་ལ་ཆང་བུམ་བསྐུར་ལ་དེས་ཀུ་ཤ་ལྟ་བུས་རང་གང་འགྲོའི་རྗེས་ལ་ཆང་འཐོར་ཞིང་ཡོང་།

ཐོག་མ་གྲོང་ཁྱེར་གྱི་ཤར་དུ་སླེབས་པ་དང་གྲོགས་ཆོས་འབྱུང་གི་རེ་ཁཱ་ཅན་སར་བཞག །དེ་སྟེང་འབྲུ་སྣ་ཅུང་ཟད་བླུག་ཅིང་ཆང་གཏོར་ཏེ་ཆོས་འབྱུང་གི་དཀྱིལ་དུ་ལྕགས་གཟེར་འདེབས་ཤིང་སྔགས་ཚར་གཅིག་འདོན་པ་སླར་ཡང་འབྲུ་སྣ་དང་ཆང་
ཅུང་ཟད་བླུགས་ནས་བཞག །དེ་ནས་ལྷོ། ནུབ་རྣམས་རིམ་པར་གཟེར་འདེབས་ལུགས་སོགས་གོང་ལྟར་བྱས་རྗེས་བྱང་དུ་སླེབ་པ་དང་གཟེར་ཆོས་འབྱུང་གི་སྟེང་དུ་ཉལ་སྟབས་སུ་བཞག་ལ་སྔགས་འདྲེན་ཞིང་འབྲུ་སྣ་དང་ཆང་བླུག །སྔགས་ཚར་
གཅིག་སོང་བ་དང་། གྲོ་ག །གཟེར། འབྲུ་སྣའི་ལྷག །ཆང་དང་བཅས་ཁྱེར་ལ་ལུང་སྟོང་མི་མེད་ས་ཞིག་ཏུ་ཕྱིན་ལ་བྱ་ཕོ་ཁ་ཕྱིར་བསྟན་ལ་སློང་། དེ་རྗེས་སུ་ཆང་དང་འབྲུ་སྣའི་ལྷག་ཕོལ་ཁྱིམ་དུ་ལོག །ཐོག་མ་ཁྱེམ་ནས་ཐོན་ནས་ནང་དུ་མ་སླེབ་
བར་ངག་དང་ཕྱིར་མིག་མ་ཤོར་བ་གལ་ཆེ་ཞིང་། ནད་ལོག་པ་བྱུང་ན་སླར་ཡང་འདབ་བོ། །འདིས་ནི་མི་ཕྱུགས་གང་གི་ཡང་རིམས་སོགས་འགོས་ནད་ཀྱི་རིགས་བསྲུང་བ་མི་ཐུབ་པ་མི་སྲིད་པ་ཤིན་ཏུ་ཟབ་པོ། །སྔགས་ནི། ཨོ་ཨ་སཾ་ཀུ་བུ་ཏྲ་བྲདྨཱ་ཀི་ཝ་ཙ་བཱི་
ཙ་ཌེ། ནཱ་བ་ནི་རཾ་ཏ་རབྷ་ཡེ། རཱབྷ་བཱ་ཌཱི་ཀཱ་ར་ན་ཀ་རེ་ནི་ཏ་ཥཱ་ཛ་ལ་ག་བེ། ཨ་ཙ་ལ་དཱི་ཋེ་སྟཱ་བ་ན་མི་ཋེ་བ་མ་བ་ན། ཕ་ལ་ཏོ་ཌ་ཥ་ཨི། ཨི་ཀ་ཌ་བཱི་ཀ་ཊེ་ཙ་ཌ་ཥ་ཡེ། ཙོ་ཏ་ཙེ་ཏ་རི་དེ་ལྦཱི་བི་ར་ཧ་ན་བ་ཏཱ་ཨཱ་ཡེ། མེ་རཱི་ས་ཀ་ཏ། གུ་རུ་ཏཱི་བྷཀྟི་ཕུ་རོ་མནྟྲོ་ཨཱི་སྭ་རཱི་བཱ་ཙཱ་
ཀ་ཊ་སི་རེ་ཀཱི་པཱ་པི་ཌ་ག་ཛ་མ་ཏཱིན་ཀོ་ཧཱ་ར་པ་ནྱཱ་ནི་གཱ་ལཱི་པ་ནྱཱ་ཊི་ལཾ་ཀ་ཀི་ཡ། ཛ་ཧར་ལཾ་ཀ་ཀཱ་ཀོ་ཊ་ས་མུཾ་དྲ་ཀི་ཥཱ་ཨཱི་བྷཱ་ག་བྷ་ག་སི་ཀ་ནཱི་ཌ་ཀ་ནི་ན་བྷ་ག་ཏ་བ་བཱི་ར་ཧ་ན་བཾ་ཏ་ཀཱི་དོ་ཧཱ་ཡཱི། ཞེས་པའོ། །དགྲ་ཇག་རྐུན་མ་སོགས་ཀྱིས་གླགས་མི་རྙེད་པའི་ཐབས་ནི། ཨོཾན་
མོ་བྲཧྨ་ཨཱི་ས་རི་ར་རཀྵ་ཋ་ཋ། ཞེས་པ་འདི་རྔོ་ཁམ་བུ་ཙམ་བདུན་ལ་རྡོ་རེ་ར་ཚར་བཏབ་སྟེ་སྐེད་བའི་གཡས་གཡོན་དང་རྒྱབ་ཏུ་རྡོ་རེ་བསྡམས། ལག་པ་གཉིས་སུ་རྡོ་གཉིས་རེ་བཟུང་ལ་བསྔགས་འདྲེན་ཞིང་ཕྱིན་པས་དགྲ་ཇག་གང་གི་འང་གླགས་མི་རྙེད་དོ།

བྱིས་པ་སྐྱེས་ནས་ཡང་ཡང་མི་འཚོ་བ་ལ་འཁོར་ལོ་འདི་གྲོ་ག་ལ། གླ་རྩི། ཙནྡན་དཀར་པོ། །ག་བུ་ར། གི་ཧཾ། གུར་གུམ། སི་ལ། ཨ་ཀ་རུ། ཤུག་པ་རྣམས་ཆ་མཉམ་བརྡར་བའི་ཁུ་བས་བྲིས་ ལ་སྲུད་པ་གང་རུང་གིས་བཅིངས་ཏེ་མགུལ་ལ་བཏགས་ན་ངེས་པར་་འཚོ། བུད་མེད་མངལ་དུ་བྱིས་པ་ཆགས་ཀྱང་ཡང་ཡང་ཤོར་ནས་ཕན་མ་ཐོགས་པའི་རིགས་ལ་འཁོར་ལོ་འདི་གྲོ་གར་གོང་གི་དྲི་བརྒྱུད་ཀྱིས་བྲིས་ལ་སྲད་བུས་བཅིངས་ཏེ་བུད་མེད་དེའི་ཟླ་མཚན་བབས་ནས་ཞག་གསུམ་གྱི་ཐོག་སྐེད་་པར་བཏགས་ན་འཇུར་བར་་མི་འགྱུར་ཞིང་ངེས་པར་ཕན་ཐོགས་སོ། །འཁོར་ལོ་འདི་གྲོ་ག་ལ་གུར་གུམ་གྱིས་བྲིས། གུ་གུལ་གྱི་དུད་པས་བདུགས་སྲད་བུ་སྣ་ལྔས་བཅིངས་ཏེ་མགུལ་པར་བཏགས་ན་དུག་རིགས་ཐམས་ཅད་ཐུབ་ངེས་སོ། །འཁོར་ལོ་འདི་གྲོ་གར་དྲི་བརྒྱུད་ཀྱིས་བྲིས་ལ་། མགུལ་ལ་བཏགས་ན་འབྱུང་པོ་དང་ཡི་དྭགས་གང་གིས་ཀྱང་གནོད་པ་མི་འབྱུང་ངོ་། །ཕོ་བའི་སྐྲན་གྱིས་ན་བ་ལ། གང་ན་བའི་ཐད་དེར་འབེ་ཏ་ཆུས་བཀང་བ་བཟུང་། དེ་སྟེང་དུ་འཁོར་ལོ་འདི་ཤོག་བུར་བྲིས་པ་མེས་བསྲེགས། ཐལ་བ་ཆུ་ནང་དུ་འབབ་པ་བྱས། ཆུ་དེ་ཕྱིར་ཕོ། དེ་ལྟར་ནད་མ་དྲག་པར་བྱས་པས་སྐྲན་ནད་ཐོན་ངེས་སོ། །ཕྲུ་གུ་སྐྱེ་མ་ཐུབ་པ་ལ་འཁོར་ལོ་འདི་ལི་སྡེར་ལ་སྣག་ཚས་བྲིས་ཏེ་ནད་པའི་མིག་ལ་བསྟན་ལ་རེའུ་མིག་གི་གྲངས་དང་ཨངྒི་རྣམས་འདི་དང འདི་ཞེས་ངོ་སྤྲོད། དེ་ནས་ཆུས་འཁོར་ལོ་བཀྲུས་ལ་ཅུང་ཟད་ཁོང་དུ་བཏང་ཞིང་མགོ་ནས་བཟུང་རིམ་བཞིན་གརོང་བས་མྱུར་དུ་བཙའ་བར་འགྱུར་རོ།། ཕྲུག་གུ་སྐྱེས་ནས་མ་ལ་འོ་མ་འཐུང་རྒྱུ་མེད་ན། འཁོར་ལོ་འདི་གཟའ་མིག་དམར་ཡོད་པའི་ཉིན་གྲོ་གར། སི་ལ། ཙནྡན་དཀར་པོ། །ག་བུར། ཨ་ག་རུ། གུར་གུམ་རྣམས་ཀྱིས་བྲིས་ལ་སྐུད་པས་བཅིངས་ཏེ་མགུལ་དུ་བཏགས་ན་འོ་མ་ངེས་པར་འབབ་པར་འགྱུར་རོ། ༑ །ནས་གོས་སོགས་ནང་གི་ཡོ་བྱད་དང་ཞིང་སོགས་གང་ལའང་བྱི་བའི་གནོད་པ་སྲུང་ན། འཁོར་ལོ་འདི་གཟའ་ཉི་མ་ཡོད་པའི་ཉིན་ཤོག་བུར་གུར་གུམ་གྱིས་ཚར་གྱིས་ཚར་ལྔ་བྲིས་ཏེ་བསྲུང་བྱ་དེའི་ཟུར་བཞི་དང་། དབུས་སུ་རེ་རེ་སྦས་ན་བྱི་བ་གནས་གཞན་དུ་འགྲོ་ཞིང་། འཁོར་ལོ་སྦས་པའི་ནང་ཚུན་ལ་གནོད་པ་མི་འབྱུང་ངེས་པ་ཡང་དག་པའོ།། ། ཡ་མ་སོགས་མགོ་བོ་ཕྱེད་ན་བ་ལ་འཁོར་ལོ་འདི་གཟའ་ཉི་མ་ཡོད་པའི་ཉིན་གྲོ་གར་དྲི་བརྒྱད་ཀྱིས་བྲིས་ཏེ་སྐུད་པས་བཅིངས་ལ་མགོ་བོར་བཏགས་ན་མྱུར་དུ་ནད་དེ་ལས་གྲོལ་བར་འགྱུར་རོ།། ༈ འཁོར་ལོ་འདི་ཏཱ་ལའི་ལོ་མར་དྲི་བརྒྱད་ཀྱིས་བྲིས་ལ་ཁྲོམ་གྱི་གང་འདུག་སའི་གདན་ལྟ་བུའི་འོག་མནན་ན་ཚོང་གང་འདོད་པ་དེ་ཐོགས་མེད་འོང་ཞིང་རང་རྒྱལ་བར་འགྱུར་རོ། །བཟའ་མི་རྒྱུན་དུ་མི་འཆམ་པར་འཐབ་མོ་ཁོ་ན་རྒྱག་པར། འཁོར་ལོ་འདི་གྲོ་གར་གི་ཧཾ་དང་གུར་གུམ་གྱིས་བྲིས་ལ་སྲད་བུས་བཅིངས་ཏེ་སྐྱེས་པའི་ལག་པ་གཡོན་དང་། བུད་མེད་ཀྱི་ལག་པ་གཡས་ལ་བཏགས་ན་འཁྲུག་པ་མེད་པར་ཤིན་ཏུ་མཛའ་བར་འགྱུར་བ་ནི། ངེས་པར་མྱོང་བས་གྲུབ་པའོ། །འཁོར་ལོ་འདི་གྲོ་གར་དྲི་བརྒྱད་ཀྱིས་བྲིས་ཏེ་མགོ་བོར་བཏགས་ན། བཙོན་དུ་ཆུད་པ་ལྟ་བུ་རྒྱལ་པོ་དང་ཡུལ་དཔོན་སོགས་གང་གིས་ཀྱང་བཅིངས་པ་ལས་གྲོལ་བར་འགྱུར་རོ། །འཁོར་ལོ་འདི་གཟའ་ཉི་མ་ཡོད་པའི་ཉིན་གྲོ་གར་དྲི་བརྒྱད་ཀྱིས་བྲིས། གུ་གུལ་གྱིས་བདུགས་ཏེ་མགུལ་དུ་བཏགས་ན། ཤགས་འགྱེད་བ་སོགས་ལ་རང་གིས་གང་ལར་བདེན་པར་གྱུར་ཞིང་ཕ་རོལ་པོ་གཉིས་ནས་གྲངས་མེད་ཀྱི་བར་མ་ལ་ངན་གྲོས་རྩོམ་པ་སོགས་ལ་འདི་དག་གི་མདུན་མ་ཞིག་པར་གྱུར་ནས་རང་གི་ངག་བཙན་ཞིང་དབང་དུ་འགྱུར་རོ། །རང་གི་གཉིན་བཤེས་སོགས་མཐུན་པའི་མི་ཐག་རིང་པོར་སོང་ནས་སླར་མ་ལྡོག་ན་འཁོར་ལོ་འདི་ཤོག་བུར་བྲིས་ལ་ཉིན་བདུན་གྱི་བར་ཉིན་རེ་བཞིན་འཁོར་ལོ་རེ་གང་དུ་སོང་བའི་ལམ་དེར་འཕངས་ན་ངེས་པར་མྱུར་དུ་འོང་བར་འགྱུར་སོ། །སྦྲུམ་མ་མཙའ་མ་ཐུབ་པར་འཁོར་ལོ་འདི་ལི་སྡེར་ལ་བྲིས། དེ་ཐོག་མར་བུད་མེད་གྱི་མིག་ལ་བསྟན། དེ་ནས་སྣུམ་གྱིས་འཁོར་ལོ་བཀྲུས་ཏེ་ཕོ་བར་བྱུགས་ན་མྱུར་དུ་བཙའ་བར་འགྱུར་རོ། ༈ འཁོར་ལོ་འདི་གཟའ་ཉི་མའི་ཉིན་སྣག་ཚས་ཤོག་བུར་བྲིས་ལ་སྐུད་པས་བཅིངས་ཏེ་མགུལ་ལ་བཏགས་ན་རྩ་དཀར་གྱི་ནད་ཐམས་ཅད་ལ་ཕན་ཞིང་ཁྱད་པར་ཡན་ལག་དང་སྐེ་རེངས་པ་དང་། འདར་བ་དང་། སྐམ་པ་རྣམས་ལ་ངེས་པར་ཕན་ནོ། །ཁྲག་སྐྱུགས་ནས་མ་ཆོད་ན། ནད་པའི་ལག་པ་གཡོན་གྱི་མཐིལ་དུ་འཁོར་ལོ་འདི་བྲིས། དེའི་དབུས་སུ་སོ་མ་ར་ཙ་ཐུན་ཚད་ཆུང་ཕྱོགས་ཙམ་ཞིག་བཞག །དེ་ལ་སྔགས་ནི། ཨོཾ་ཧྲི། ཧཱུཾ་ལྡུ་སྭཱ་ཧཱ། ཞེས་པ་འདི་བརྒྱ་རྩ་གཅིག་བཟླས་ལ་ཕུས་བཏབ་སྟེ་ནད་པའི་ཁོང་དུ་བཏང་ན་མྱུར་དུ་ཆད་ངེས་སོ། །མི་ཕྱུགས་གང་གི་ཡང་ཆུ་སྲིས་ནས་ན་བ་ལ་འཁོར་ལོ་འདི་སྣོད་གང་རིགས་ལ་སྣག་ཚས་བྲིས། སྨ་རུ་མགོ་ནག་དཀར་པོ་མི་ལ་གཅིག་དང་། ཕྱུགས་ལ་གཉིས་ཆུ་དང་མཉམ་དུ་བརྡར་བའི་ཁུ་བས་འཁོར་ལོ་བཀྲུས། དེ་ཁོང་དུ་བཏང་བས་མྱུར་དུ་ཕེབས་པར་འགྱུར་རོ། །ནད་པ་ཚད་རླུང་འཐབ་པ་སོགས་ཁ་ནས་གང་ལབ་མེད་པ་བྱེད་པ་སྔངས་སོགས་སྨྱོན་པ་ལྟ་བུ་འཆོལ་ཞིང་མཚན་མོ་གཉིད་མི་ཁུགས་པ་སོགས་ལ། གྲོང་བདུན་ནས་སོལ་བ་རྡོག་པོ་བདུན་གཞན་གྱིས་མ་མཐོང་བ་བྱས་ལ་བསླང་། ཕྱོགས་གང་རིགས་ནས་རྡེའུ་བདུན་སྒྲུགས་ཏེ་ལམ་རྒྱ་གྲམ་ཡོད་པའི་འཛོམ་དུ་རྡེའུ་རེ་ལ་སོལ་རྡོག་རེས་གོང་གི་འཁོར་ལོ་ཟུར་གསུམ་པ་དེ་འདྲ་རེ་བྲིས། ཤར་ནས་བརྩམས་ཏེ་ཕྱོགས་བཞིར་རྡེའུ་རེ་བོར། རྡེའུ་གཉིས་ལམ་རྒྱ་གྲམ་གྱི་དབུས་དེར་སྦས་། གཅིག་ཁྱེར་ཏེ་ནད་པའི་སྔས་འོག་ཏུ་སྦས་ན་སེམས་དྲན་པ་ཟིན་ཞིང་གཉིད་ཀྱང་ཁུག་པར་འགྱུར་རོ། །གོང་གི་དེ་དག་བྱེད་སྐབས་མིས་མ་མཐོང་བ་གལ་ཆེའོ། །མི་ནད་ཆེར་མེད་ཅིང་ལུས་ཀྱི་ཟུངས་རིམས་ཀྱིས་ཟད་པའི་འཆི་ལ་ཐུག་པ་ལྟ་བུའི་གཅོང་གིས་ཟིན་ཞིང་། སྨན་པས་ཀྱང་ནད་གང་ཡིན་ངོས་མི་ཟིན་པས་བཅོས་ཀ་གང་བྱས་ཀྱང་མི་ཕན་ན། དེ་ནི་བཟང་ངན་གང་རུང་གི་མི་ཁ་ཕོག་པའི་ནད་ཡིན་པས་དེའི་བཅོས་ལ། འཁོར་ལོ་འདི་ཤོག་བུར་ཚར་གཉིས་དང་ལི་སྡེར་ལྟ་བུའི་ངོས་སུ་ཚར་གཅིག་བྲིས། ཤོག་བུར་བྲིས་པ་གཅིག་པ་གཅིག་ཁང་པའི་ཕྱིའི་ས་གང་འོས་སུ་མེ་ལ་བསྲེགས། གཅིག་ནད་པའི་མགུལ་དུ་བཏགས། ལི་སྡེར་ལ་བྲིས་པ་དེ་ཆུས་བཀྲུས་ཏེ་ཁུ་བ་ཁོང་དུ་བཏང་། དེ་ནས་རྐང་ལག་གི་སོར་མོ་བཅུའི་སེན་མོ་དང་། སྤྱི་བོའི་གཙུག་ཏུ་ལྕགས་ཚུགས་རེ་བཞག་པས་ངེས་པར་ཕན་ནོ། །སྐྱེས་པའི་སྒྲོ་བ་སྐྲངས་པ་དང་། མི་ཕྱུགས་གང་གི་བུ་སྣོད་ལུགས་པ་ལ་འཁོར་ལོ་འདི་ལག་མཐིལ་གཉིས་ལ་བྲིས། ལྷམ་གང་རུང་གི་མཐིལ་མེ་ལ་བསྲེགས་པའི་ཐལ་བ་དང་སྣུམ་བསྲེས་པ་ལག་མཐིལ་དུ་ཕུར་ཏེ་སྒྲོ་བའམ་བུ་སྣོད་གང་ཡིན་ལ་རག་ལ་ཅུང་ཟད་བཙིར་བཅིར་བྱས་པས་ཕན་པར་འགྱུར་རོ། །མིག་ལ་ཤ་ཆེར་གྱི་ནད་ཚབས་ཆེ་བ་བྱུག་ན་ལི་སྔེར་གྱི་མཐིལ་དུ་འཁོར་ལོ་འདི་སྣག་ཚལ་ནང་དུ་ཆུ་བླུག །དེ་ལ་ནད་པ་བལྟར་བཅུག །ཐེམ་མི་གཅིག་པ་བདུན་ནས་ནས་ཀྱི་སོགས་མ་རྐད་རེ་བསླངས་ལ། རིམ་བཞིན་སོག་མ་རེ་ལ་མེ་སྦར་ཏེ་ནད་པའི་མགོ་བོར་ལན་གསུམ་རེ་བསྐོར་ཏེ་ཆུ་ནང་དུ་སྐྱུར་བས་ཆུའི་མདོག་སྣུམ་ལྟ་བུར་འགྱུར་འགྲོ་ཞིང་ནད་དེ་ཕན་པར་འགྱུར་རོ། །རྨི་ལམ་བཟང་ངན་སྣ་ཚོགས་མང་དུ་རྨིས་ན། འཁོར་ལོ་འདི་གཟའ་ཉི་མའི་ཉིན་གྲོ་ག་ལ་དྲི་བརྒྱད་ཀྱིས་བྲིས་ཏེ་རྐེད་པར་བཏགས་ན་རྨི་ལམ་སྣ་ཚོགས་རྨི་བར་མི་འགྱུར་རོ། ༈ །ཨོཾ་ན་མོ་ཨཱ་དེ་ཤ་ཡ་གུརུ་ཀུམ་པ་ཝ་ནི་རུ་པི། ཨཉྫ་ནི་། ཛཱ་ཡོ་པུ་ཏ་ཧ་ན་ཝནྟ། དྲིའ། མུ་ཋ། ཏཐ། ཏཱི་ཛཱ་རི། ཨེ་ཀཱནྟ་རཱ་། བེ་ཏངྒ་རཱ། ཌ་ཝ་རུ། ཛཱ་ནཱི་ཛཱ་གྷ་བཱ་ལ། ནེ་ཀཱ་ལ། ཨེ་ཏེ་ཨུ། པ་ར་ཀ་རི། ཏ་ཁ། ཛ་ལ། བ་ལ། བྷའི་བྷུ་ཏ། མེ་རི་བྷཀྟ། གུ་རུ་ཀི་ཤསྟི་། ཕུ་ར་མནྟྲ། ཕ་ཊུ་སྭཱ་ཧཱ། རྐང་ལག་སོགས་གཉན་ནད་ཀྱིས་སྐྲངས་འབུར་གྱིས་ན་བར་སྔགས་འདི་ཚར་ཉེར་གཅིག་བཟླས་ལ་སུས་བཏབ་ཅིང་རྨ་བྱའི་སྒྲོ་མདོངས་ཀྱིས་བྱབས། དེ་རྗེས་བལ་སྐུད་རྐང་བདུན་གཅིག་ཏུ་སྒྲིལ་བར་མདུན་པ་བདུན་བྱས་མདུད་པ་རེ་སྔགས་ཚར་རེ་བཏབ་སྟེ་ནད་པའི་མགུལ་དུ་བཏགསད་ན་མྱུར་དུ་ནད་དེ་ལས་གྲིལ་བར་འགྱུར་རོ། ༈ །ཨོ་ན་མོ་ཨཱ་དེ་ཤ་གུ་རུ་ཀོ། སི་ནཱ་པཱུ་ར་པརྦ་ཏ། ཏ་ཧཱ་བ་སེ། དྷོ་ཛྙཱ་རཱ་ཏཱི། རཱ་ཀ་ཤཱ་ཎཱི་ཀེ། ཙཱ་ར་སུ་ཏྲ་ཏེ། ཀོ་ན་ཀོ་ན། ཨནྡ་སུ་ལ། ཛ་ལ་སུ་ལ། རཱཀྟ་སུ་ལ། བཱ་ཡུ་སུ་ལ། ཨེ་ཏེ་ཨུ་པ་ར། ཀ་རེ་ཏ་ཝ། ཛ་ལ། བ་ལ། མེ་རི་བྷཀྟ། གུ་རུ་ཀི་ཤཀྵི། ཕུ་རོ་མནྟྲ། པ་ཊུ་སྭཱ་ཧཱ། ཞེས་པའི་སྔགས་འདི་ལ་ལ་ཕུད་མང་ཉུང་ཆ་ལྔ་ལ་ཚྭ་ཆ་གཅིག་ཙམ་བསྲེས་པར་བཏབ་པ་ཁོག་པར་བཏང་། དེ་རྗེས་ཆུ་སྐོལ་ཧུབ་གང་ཙམ་འཐུངས་བཅུག་ན། སྲིན་ནད། གླང་ཐབས། མ་འཇུ་བ། ཟས་ཕོག་བྱུང་བ་སོགས་ཕོ་བའི་ནད་གློ་བུར་བ་ཕྲལ་དུ་ཕན་པར་འགྱུར་རོ། ༈ །འཁོར་ལོ་འདི་གཟའ་ཉི་མའི་རེས་ལ་གྲོ་གར་ལྒ་སེར་གྱིས་བྲིས། ཨོཾ་ན་མོ་ཨཱ་དེ་ཤ་གུ་རུ་ཀོ་གངྒ་། ཡ་མུ་ནཱ། སཱ་དྷ་ས་ཏི། གཽ་ཙ་རཱ་ཁེ། གཽ་རཱ་ཁ་ཥ་ཛ་ཏི་ན་ཨ་ཝེ། མུ་ཁ། ན་པཱ་ཀེ། ཥཱ་རེ། ལཱ་ལ། གོ་ཁཱ་ལ་ཀི། བཱ་ཙ་ཕུ་རཱི། མེ་རི་བྷཀྟ། གུ་རུ་ཏཱི་ཤ་སྟི། ཕུ་རོ་མནྟཀྭ། ཕ་ཊུ་སྭཱ་ཧཱ། ཞེས་པ་འདི་ལན་བདུན་བཟླས་ལ་འཁོར་ལོར་ཕུས་བཏབ་སྟེ་ཕྱུགས་རའི་དབུས་སུ་སྦས་ན་ཁ་ཚ་གོར་སོགས་ཕྱུགས་ནད་ཐམས་ཅད་ཐུབ། དེ་ཡང་ནད་མ་བྱུང་གོང་དུ་བྱས་ན་བསྲུང་ཐུབ། ཕྱུགས་ནད་བྱུང་ནས་བྱས་ན་དེ་ཞི་ཞིང་སླར་འབྱུང་བར་མི་འགྱུར་རོ། ༈ །ཨོཾ་ཛྷ་སྭཱ་ཧཱ། ཤྲཱི་ཡོ་ལཀྵྨཱི་ན་རཱ་ཡ་ཎ་མནྟྲ། ས་ཧ་ར་ཀཱ་ཝ་རུ། ཀ་མི་ཀྔྦྱ་དེ་ཝི། ཏེ་ཏི་ས་ཀོ་ཊ་དེ་ཝ་ཏཱ་། བ་སུནྔྷ་རཱི། མརྗྷེ་མཱ་ས་ནེ། རུ་ཥེ། བྲྀ་ཥི། ཧཱ་ཌེེ། བཱ་ཌི། ཨེ་ཏེ་རཀྵྱ་ཀ་ར་ཎཱི། ནཻ་ནཱ་ཡོ་གེ་ནཱ་ཀཱི་དོ་ཨཱོ། ཀེ་ཧུ་ཀ་ཧོ། ཨ་རོ། །སཱི་ཀ་ཧོ། བ་རོ་སྦོ་ཀ་ཧོ། པི་ཤ་ལ་ཧེ། བི་ས་ཝ་ལ་ཧོ། ཊོ་ན་ཧོ། ཊཱ་མ་ཎ་ཧོ། ཨཱི་ཋ་ཧོ། དཱི་ཋ་ཧོ། མུ་ཋ། ཨེ་ཏི་རཀྵཱ་ཀ་ར་ཎི། ནཻནཱ་ཡོ་གེ་ནཱ་ཀཱིདོ་ཨཱོ། །ཞེས་པའི་སྔགས་འདི་སྐུད་པ་ནག་པོ་ལ་མདུད་པ་བདུན་བཏབ་པ་ལ་བསྔགས་ཏེ་སྐེ་ལ་བཏགས་ན་མི་ཁའི་རིགས་ཐམས་ཅད་དང་། མཚན་མོ་གཉིད་ལ་ཧར་ལང་དྲེད་ལངས་སོགས་ལ་ཕན་ངེས་སོ། ༈ །ཀཱ་ཙ་ཀ་ཌ་ཝ། བྷ་རེ་ཨ། ཀ་པུ་ར། རཀྵུ་བཱ་བཱ་ཨ་ད་མ་ཧཱ་ཛུ་ར། བཱ་བཱ་ཨཱ་ད་མ་ཀི་ཚུ་རི། ཕ་ར་ཛནྟ་ཀཱ་བཱ་ན། མེ་རི་མུ་ཀཱ་ཨི། ནཱ་མུ་ཀ་ས། ཏ་བ་གུ་རུ། གོ་ར་ཥ་ཀཱི་དོ་ཧཱ་ཨཱི། ལ་མ་ཀཱ་ཀཱ་ཀོ་ཊ། ས་མུ་དྲ་ཀཱི་ཁཱ་ཨི། ཕཱཊ་ཕ་ཊ་ན་ཕཱཊ་ས་ཏ་བ་རཱ་ཛ་རཱ་མ་ཙནྡྲ་ཀྱོ་དོ་ཧཱ་ཨི། ཕུ་རོ་མནྟྲ་ཨཱི་ཤྭ་རཱི་བཱ་ཙ། སྔགས་འདི་བ་ལང་གི་གཅི་བའི་ཐལ་བར་བསྔགས་ལ་སྐྲངས་པ་གང་ཡོད་སར་བྱུགས་ན་གཉན་འབུར་མཐའ་དག་ལ་ཕན་ཞིང་ཁྱད་པར་རྐེ་ན་བ་ལ་མཆོག་ཏུ་ཕན་ནོ། ༈ །ཨོཾ་ག་ཛནྟ། གྷོ་ར་ཏ། ཨ་ཝ་ར། ཚ་ར་ཚི་དུ། ཨུ་ཏཱ་ར་ཏ་ཨ་ཝ་ཏཱ་ཧ་ཡ། ན་ཝ་ནཱ་རི། བཱ་ཧ་ཏྲ། ཀོ་ཋཱ། སུ་ཥ་པ་ར་ཏ། ཨཱ་ཝ་ཏ་ཡ། ཀཱ་ཧ་ཏེ་ཨཱ་ཝ་ཏ་ཧ་ཡ། གཌྷ་ག་ཡ་ནཱི་ཏེ། ཨཱ་བ་ཏ་ཧ་ཡ། ཀཱ་ཝ་རུ་ཀོ། ཀོ་ཏ་ཝ་ལ། དེ་ལི་ཀོ་པཱ། ཏཱ་སཱ་ཧ། སེ་ཥ་སེ་ལཱ་ར། རུ་ར་ཀ་ནི་ཀེ་པུ་ཏ། མ་ཧ་མ་དཱ། བི་ར་མནྟྲ་བ་དྷ་ཏ། བཱངྷེ་ཁུ་རཱ་སཱ་ན་བྷེ་ཛྱེ། བྷུ་ཏ་བཱནྔྷི། བྲེ་ཏ་བཱནྔྷི། དེ་ཝ་བཱནྔྷི། དྷ་ནོ་བཱནྔྷི། མ་རི་ཡ་མ་སཱ་ན་བཱནྔྷི། ཀཱ་ལ་བཻ་རོ་བཱནྡྷི། ཨཥྚ་བྷཻར་ཝ་བཱནྔྷི། ལོ་ཧ་རོ། བ་ཌོ་ནཱ་སེངྒྷ་ས་བྷ་བཱནྟི། པཱ་ན་ན་ཕུ་ལ་ཀོ་བཱནྡྷི། ཏེ་ལ་ཏ་ལེ་ཀོ་བཱནྔྷི། བྷཱ་ཏ་དུ་ཏ་ཀོ་བཱནྔྷི། ཀ་ར་ཎ་ཀ་ར་རུ་ཧི་ཀོ་བཱནྔྷི། ཥེ་རཾ་ཥེ་རེ་ཀྵེ་ཏྲ་པཱ་ལ་བཱནྔྷི། ཨ་ཋོ་ཏ་ར་སོ་ནི་ནཱ་ཨི་བཱནྟོ། བཱ་ཏཱ་སྱ་མ་སཱ་ན་བཱནྔྷི། ཏེ་ར་གྱ་ཀ་རུ་ཝ་བཱནྡྷི། །ཙཽ་ཧ་སྱ་བྷེནྶཱ་སུ་ར་བཱནྔྷི། སཾ་ཥ་ནི། ཌཾ་ཀ་ནི་བཱནྡྷི། པ་ཏ་ཀྵ་ནི་བཱནྡྷི། བེ་ག་ན་བཱནྔྷ་ཏོ་བཱ་བཱ་ཨཱ་ད་མ་ཀི་དོ་ཧཱ་ཨི། བཱི་བི་ཕཱ་ཏ་མཱ་ཀི་དེ་ཧཱ་ཨི། སུ་ཝ་ར་མུ་ར་དཱ་ར། བི་བི་ཕ་ཏ་མ་ཀི་དཱ་ཕ་ན་གི་རེ། ན་ཝ་ལཱཥ། ཨ་སཾ་ཧཱ་ཛཱ་ར། བི་ར་པེ་ཀསྦ་ར་བཱ་དྷི་ཌ་རི། ཨ་ཝ་དེ་ཥོ་རོ། མ་ཧཱ་མ་དཱ་པི་ར་ཏེ་རེ་མནྟྲ་ཀི་ཤཀྟི། ཨུ་ཏ་ར་ཀོ་ཨུ་ཏ་ར་བཱནྔྷི། དཀྵ་ཎ་ཀོ་དཀྵ་ཎ་བཱནྔྷི། པཤྩེ་མ་ཀོ་པཤྩེ་མ་བཱནྔྷི། པཱུརྦ་ཀོ་པཱུརྦ་བཱནྔྷི། ཀཱ་ཋ་ཀི་རོ་ཌི་བཱནྔྷི། ཕི་རེ་མ་ཧ་མེ་དཱ་པཱཾ་ར། སེ་ཥ་སི་ལཱ་ར་པ་དྷ་ཏ་མནྟྲ། བཱ་བྱེ་ཌཱ་བཱི་མེ་རི་བཱཀྟི། གུ་རུ་ཏཱི་ཤཀྟི་ཕུ་རོ་མནྟྲ་ཨི་ཤཱ་རཱི་བཱ་ཙ། སོར་མོའི་ནད་དང་ལྦ་བ་ལ་སྔགས་འདི་སུ་ཧྲུག་དམར་པོར་བྲིས་ཤིང་། འབྲས་ཟན་དང་འོ་མར་ཡང་བཏབ་སྟེ། དེ་ནས་ལྦ་བ་དང་སོར་མོ་གང་ཡིན་ལ་སུ་ཧྲུག་དེས་དཀྲི་ས་འོ་མ་དང་འབྲས་ཟན་བསྲེས་པ་དེས་བྲབ་ན་ཕན་ནོ། ༈ །ཨོཾ་ན་མོ་ཨཱ་དེ་ཤ་གུ་རུ་ཀུཾ། ཨོཾ་ཀཱ་ར་བིནྡ་སནྻུཀྟ། ནི་ངྱདྷྱ་ཡནྟི་ཡོ་གེ་ཤྭ་རཾ། ཀཱ་མ་རཿ མོ་ཀྵ་དཤྩེ་ཝ། ཨོཾ་ཀཱ་རཱ་ཡ་ན་མོ་ན་མཿ ན་མ་སྟེ་རྀ་ཥ་ཡ་དེ་ཝཱ་ན་མ་སྟེ་ཙ་སུ་ར་ག་ཎཱ། ན་རཱ་ནཱ་མ་སྱ། དེ་ཝ་སུ་ན་ཀཱ་རཱ་ཡ་ན་མོ་ནཱ་མཿ མ་ཧཱ་དེ་ཝ། མ་ཧཱ་ཏ་མཱ་ནི། མ་ཧཱ་ཡོ་གི་མ་ཧེ་ཤྭ་ར། མ་ཧཱ་པ་ཏ་ཀ །ཧ་རཾ་དེ་ཝ་མ་ཀཱ་རཱ་ཡ་ན་མོ་ན་མཿ ཤི་ཝ་སཱནྟཾ་ཛ་གནྣཱ་ཐཾ། ལོ་ཀཱ་ནཱཾ་ཤཱནྟཾ་ཀ་ར་ཎཾ། ཤི་པ་མེ་ཀ་ཡ་རེ་དེ་ཝཾ། ཤ་ཀཱ་རཱ་ཡ་ན་མོ་ན་མཿ བཱ་ཧ་རྣ་བྲི་ཥ་བྷཤྩཻ་ཝ་བཱ་སུ་ཀི་ཀཥྛ་བྷུ་ཤ་ནཾ། བཱ་མ་ཤཀྟི་དྷ་རོ་དེ་ཝཾ། བ་ཀཱ་རཱ་ཡན་མོ་ན་མཿ ཡ་ཏྲ་ཏ་ཏྲ། ཏྲ་ཡ་དེ་ཝཱ་བྷྲཧྨཱ་བིཥྟུ། མ་ཏེ་ཤྭ་རཾ། ཡ་ག་ཏ་ཀཱ་ར་ཏཱ། ཛ་གནྣཱ་ཐཾ་ཡ་ཀཱ་རཱ་ཡ་ན་མོ་ན་མཿ ཨོཾ་ཀཱ་རེ་མུ་ལ་ཙཀྲ། ན་ཀཱ་རེ་ནཱ་བྷི་མཎྜ་ལེ། མ་ཀཱ་རེ་ཟྀ་ད་ཡ་སྠ་ན་ས་ཀཱ་རེ། ཀཎྜ་མེ་ཝ་ཙ། བ་ཀཱ་རེ་བ་ཀྲ་སྠ་ལ། ཡ་ཀཱ་རེ་པུ་ཛོ་ཏི་ཡ་ག་ཏྲཿ ཞེས་པ་ཡི་གེ་དྲུག་ལ་བརྟེན་པའི་སྔགས་འདི་སྟན་བདེ་བ་ལ་འདུག་སྟེ་རང་གིས་རྒྱུན་དུ་བཟླས་ན་ལུས་ཀྱི་ནད་ཐམས་ཅད་ལ་ཕན་ཞིང་། ཁྱད་པར་རླུང་མཁྲིས་བད་ཀན་གསུམ་འདུས་པའི་ནད་སྨན་དཔྱད་གང་གིས་ཀྱང་མ་ཕན་པའི་རིགས་ལ་སྔགས་འདི་བཟླས་ཤིང་རྨ་བྱའི་སྒྲོ་མདོངས་ཀྱིས་བྱ་བ་ན་ངེས་པར་ཕན་པར་འགྱུར་རོ། །འཁོར་ལོ་འདི་གྲོ་ག་ལ་དྲི་བརྒྱད་ཀྱིས་བྲིས། སྲད་བུས་བཅིངས་ཏེ་སྐེ་ལ་བཏགས་པས་མོན་མཚམས་ལ་འོང་བའི་དུག་མ་ཞེས་པ་ལྟ་བུས་མིའི་རིགས་ཀྱི་མཐོང་དུག །རེག་དུག །ཐོག་དུག་རྣམས་ཀྱི་གནོད་པས་མི་ཚུགས་པའི་བསྲུང་བ་ཡང་དག་པའོ། །མདའ་གྲི་སོགས་གང་གིས་རྨ་བྱུང་བ་ལ། ཨོཾ་ཨ་རུ་ཀཱི། ལཱ་ལ་ཨི་ཎི། བནྡྷཽ་གྷཱ་ཨུ། ཨོཾཙནྡྲ་མཱ་ཏ། སཱུརྱ་པི་ཏཱ། བིཌ་ཀརྟཱ། མ་ནུ་པ་ཊུ། བཱ་ཡུ། བཱ་མུ་ཧ་ནུ་མནྟ་ཀཱི། ཤཀྟི་ཕུ་རེ། ཞེས་པའི་སྔགས་འདི་གང་མང་བཟླས། རྨ་གང་ཡིན་ལ་ཕུས་བཏབ་པས་མྱུར་དུ་ཕན་པར་འགྱུར་རོ། ༈ །འཁོར་ལོ་འདི་གཟའ་ཉི་མའི་ཉིན་གྲོ་གར་དྲི་བརྒྱད་ཀྱིས་བྲིས་ལ་སྐེར་བཏགས། ཚད་རིམས་མ་བྱུང་བ་ལ་འབྱུང་བར་མི་འགྱུར་ཞིང་། བྱུང་བ་ལ་ཡང་མྱུར་དུ་དྲག་པར་འགྱུར་རོ། །མེས་ཚིག་པ་ལ། ཨོཾ་མ་ཏཱི་ཥ། བཱ་ས་ནི། མ་ཧཱ་བི་དྱ། ཛམྦྷ་ཡ། མོ་ཧ་ཡ། ཨུ་ཚེ་ད་ཡ། ཨཱ་གྷི། སྟྭཾ་བྷ་ཡ། ཋཿཋཿ ཞེས་པ་འདི་གང་མང་བཟླས་ལ་ཕུས་བཏབ། འབྱོར་ན་ཏིལ་ཕྱེ་མར་བཏགས་པ་འོ་མ་དང་སྦྱར་ནས་བྱུགས་པས་མྱུར་དུ་ཕན་པར་འགྱུར་ཞིང་། ཏིལ་མ་འབྱོར་ཀྱང་སྔགས་ཁོ་ནས་ཟུག་གཟེར་དྲག་པར་འགྱུར་རོ། །མི་ཕྱུགས་གང་ཡིན་ཀྱང་ཆུར་ཤོར་ནས་ཁོག་པ་ཆུས་གང་སྟེ་འཆི་བར་ཐུག་པ་ལ། ཨོཾ་ན་མོ་བྷ་ག་ཝ་ཏེ། རུ་དྲྭ་ཡ་ཛ་ལོ་སྟྭཾ་བྷ་ཡ། བཿཔཿ ཞེས་པ་འདི་གང་མང་བཟླས་ལ་རྐང་པ་ནས་ཡར་ཕུས་བཏབ་ན་འབྲལ་དུ་སྐྱུག་པར་འགྱུར་ཞིང་ཆུ་ནད་ཀྱིས་ཟིན་པ་ལ་སྔགས་འདི་བཟླས་ལ་རྨ་བྱའི་སྒྲོ་ལ་བསྔགས་ཏེ་མགོ་བོ་ནས་མར་བྱབས་པས་ཕན་པར་འགྱུར་རོ། ་༈ །འཁོར་ལོ་འདི་ཤོག་བུར་རྒྱལ་དང་ཕུར་བུ་འཇོམ་པའི་ཉིན་བྲིས། ཙན་དན་དཀར་པོ། །གླ་རྩི། གུར་གུམ། གསུམ་བྱུགས། ཚོན་སྐུད་སྣ་ལྔས་བཅིངས་ལ་སྐེར་བཏགས་ན་ཚེ་རིང་བ། ནད་མེད་པ། ལོངས་སྤྱོད་འཕེལ་བ་གཞན་གྱི་ཡིད་དུ་འོང་བ་ལ་སོགས་པ་ཡོན་ཏན་དཔག་ཏུ་མེད་ཅིང་། ཁྱད་པར་རང་ལ་བརྣག་པའི་དགྲ་གང་ཡིན་པ་དེ་དབང་དུ་འདུ་བར་འགྱུར་རོ། །གཤིན་འདྲེའི་གནོད་པ་ལ། འཁོར་ལོ་འདི་གཤིན་འདྲེ་དེའི་འཆི་ས་གང་ཡིན་གྱི་ས་རྩད་ཆོད་ན་དེ་དང་། བསྲུང་བྱ་གང་ཡིན་དེའི་ཕྱི་སྒོ་ལ་སིནྡྷཱུ་རའི་ཁུ་བས་བྲིས་ན་ཁྱེམ་དེའི་མི་ནོར་གང་ལའང་གནོད་པ་མི་འབྱུང་ངེས་དག་པའོ། །ཕོ་མོ་གང་ལའང་འདྲ་སྟེ་ཞ་འོག་སྐྲངས་ནས་ན་བ་ལ། ཨོཾ་རེ་ཚོ་རྂ་རྂ་ཨོཾ་རྂ་ཚོ་རྂ་ཨོཾ། ཞེས་པའི་སྔགས་ཡིག་འབྲུ་བཅུ་པ་འདི་གཅི་བའི་ཐལ་བར་བསྔགས་ཐུཏེ་བྱུགས་ན་མྱུར་དུ་ཕན་པར་འགྱུར་རོ། །རྐང་ལག་གི་ཚིགས་ཆེན་སོགས་རུས་པ་ན་ཞིང་ཁྱུག་ལ་གཟེར་ན། བཛྲཾ་ཀཱི་ཥཱི་བི་ལོ་ཧེ་ཀཱ་ཀོ་ཥཱ། ཨི་ཤྭ་ར་ཀུ་ཙི། བྲདྨཱ་ཏཱ་ལཿ ཨཱི་ས་པིཎྜ་ཧ་མཱ་རེ་པ་ཡ་ཋ། ཨི་ཤ་པཎྜི་ཀུ། ཛ་ཏཱི་གོ་ར་ཥ་རཀྵ་བ་ལ། ཞེས་པའི་སྔགས་འདི་རྨ་བྱའི་སྒྲོ་མདོངས་ལ་བསྔགས་ཏེ་ལན་བདུན་བྱབས་ན་ཕན་པར་འགྱུར་རོ། ༈ །ཁྱི་སྨྱོན་གྱི་བཅོས་ལ། ཧཱ་ཀཱ་ཙེ་ལཱ། བྲ་ས་ཀཱ། གྷ་ཌ་ཥཱིལུ། སཱི་བ་ཀ་རུ། ལ་ཀ་ཌཱི། ནཱི་ལི་པི་ལེ། ཀ་པ་ཌི། ལི་ཡཱ་བྲཧྨ་ཀཱ། དྲེཥ། ཏུཾཧཾ། ཚོཎྜ་ནཾ། ག་ཕི་ར་མུ་ཁ་ཀཱ་དེ་ས། ཞེས་པའཾ་སྔགས་འདིས་སྦྱིན་པོའི་འདམ་བག་ལག་གཉིས་ཀྱིས་སྣོལ་ཞིང་སྔགས་ཚར་གསུམ་རེ་བཟླས་ནས་ཕུས་བཏབ་ལ་ནད་པའི་མགོ་བོ་ནས་རྐང་པའི་བར་བྱབས། ཡང་གོང་བཞིན་སྔགས་བསྒྲངས་ལ་འཇིམ་པར་ཕུས་བཏབ་ནད་པར་བྱབས། དེ་འདྲ་ལན་ཁ་ཡར་བྱས་ནས་འཇིམ་པ་བཅད་ལ་བལྟས་པས་ཁྱེ་དཀར་པོས་འཆངས་པ་ཡིན་ན་ཁྱེ་སྤུ་དཀར་པོ་དང་། ནག་པོ་ཡིན་ན་ནག་པོ་སོགས་ཁྱེ་གང་ཡིན་གྱི་མདོག་དང་མཐུན་པའི་ཁྱེ་སྤུ་འབྱུང་ལ། དེ་ཡང་ཁྱི་སྤུ་གྲངས་བདུན་ནམ་བྱུང་བར་བལྡབས་ནས་བྱ། བདུན་བྱུང་བ་དང་འཇིམ་པ་ཆུར་སྐྱུར་བས་ནད་དེ་ལས་ངེས་པར་གྲོལ་ལོ། ༈ །སོ་ན་བ་ལ། ཤོག་བུར་ནད་པའི་མིང་བྲིས། དེ་ཀ་བའམ་གདུང་གི་ལོགས་ལ་སྦྱར། ལྕགས་གཟེར་སོར་གསུམ་པ་ཞིག་མིང་ཡིག་གི་སྟེང་དུ་བཟུང་ལ། ཨོཾ་ན་མོ་ཨཱ་དེ་ཤ་གུ་རུ་ཀུཾ། ཧ་ཌི། ཀུ་ཧ་ཌི། ལ་ག་ཀི་ཌ། ཨ་སི་བྷརྵ་ཀི། བནྔྷོ་པི་ཌ། ཀི་ཌ་ཛ་རེ། པི་ཌ་མཱ་རེ། ས་མ་ཡ་ལ། ཛོ་གི་ཀི། བཱ་ཙ། མེ་རི། བཀྟ། གུ་རུ་ཀི་ཤཀྟི། ཕུ་རོ་མནྡྲ། ཨོཾ་ན་མོ་ཨཱ་དེ་ཤ། ཞེས་པའི་སྔགས་འདི་ཚར་རེ་བཟླས་ལ་ལུགས་གཟེར་ལ་ཐོ་བ་ཅུང་ཟད་རེ་བརྡེག །ཚར་བདུན་སོང་བ་དང་སོར་དོ་ཙམ་གྱི་བར་སྟིམ་པས་མྱུར་དུ་ཕན་ཅིང་། གཟེར་མ་བུད་བར་སླར་ཡང་ན་བར་མི་འགྱུར་རོ། ༈ །འཁོར་ལོ་འདི་གཟའ་ཟླ་བའི་ཉིན་གྲོ་གར་གི་ཧཾ་དང་གུར་གུམ་གྱེས་བྲིས་ལ། མགུལ་དུ་བཏགས་ན་བཀྲ་ཤིས་ཤིང་བསམ་པའི་དོན་ཐམས་ཅད་འགྲུབ་བོ། །ལྷ་མོ་དབུ་མས་དབང་ཕྱུག་ལ་གསོལ་པ། འཇིག་རྟེན་ཀུན་གྱི་བྱེད་པོ་དབང་ཕྱུག་ཆེ། །ཀུན་ལ་ཕན་ཕྱིར་འཆི་མེད་ཆེའི་བཅུད་ལེན། །བསྐལ་པ་བསྐལ་པར་རྡོ་རྗེ་ལྟར་གནས་པ། །ང་ཡིས་འདྲི་ཡི་ཁྱོད་ཀྱིས་བཤད་དུ་གསོལ། །ཞེས་གསོལ་པས་དབང་ཕྱུག་གིས་བཀའ་སྩལ་པ། ཉོན་ཅིག་ལྷ་སྲས་ཡིད་འོང་མ། །ཀུན་ཕན་འཆི་མེད་ཆེའི་བཅུད་ལེན། །ཀརྐོ་ཊི་ཡི་ཆོ་ག་རྣམས། །ལེགས་པར་བསྟན་གྱིས་ཡིད་ལ་ཟུང་། །དེ་ལ་ཀརྐོཊི་ཡོད་སར་ཕྱིན་གཟའ་ཉི་མ་ཡོད་པའི་དུས་ལ་ལུས་ལེགས་པར་བཀྲུས་ཏེ། ཨོཾ་ན་མོ་མ་ཧེ་ཤོ་རི་སིདྷི་ཤྭ་ར་བརྙ་བརྙ་ཧུ་ཧུ་ཕཊ་སྭཱ་ཧཱ། ཞེས་པའི་སྔགས་འདི་བཟླ་ཞིང་རྩ་རྩེ་མ་ལུས་པ་བརྐོས་ཏེ་གཙང་སར་གྲིབ་བསྐམ་བྱ། བསྐམས་པ་དང་ཞིབ་པར་བཏགས་གཟའ་ཉི་མ་ཡོད་པའི་དུས་པ་སེ་བ་བཞི་ཙམ་བའི་འོ་མ་དང་སྦྲང་རྩིར་སྦྱར། ནང་འགོལ་སར་མཚམས་བཅད། འབྲས་བཙོས་པ་དང་བའི་འོ་མ་ཅུང་ཟད་རེ་ལས་གཞན་ཟ་བཏུང་གི་རིགས་མི་བྱེད་ཅིང་ཁྱད་པར་ཚྭ་མ་ཤོར་བ་གལ་ཆེ་ཞིང་ཐོ་རེངས་ཐང་རེ་གཏོང་བ་ཟླ་བ་དྲུག་གི་བར་བསྟེན་པས་ཟླ་བ་བཞི་སོང་བ་དང་། སྐྲ། ཁ་སྤུ། བ་སྤུ་སོགས། ལུས་ཀྱི་སྤུ་ཐམས་ཅད་བྱི་འགྲོ་ཞིང་། དེ་ནས་ཟླ་བ་ཕྱེད་གཉིས་ཚུན་ལ་སྐྲ་དང་ཁ་སྤུ་སོགས་གསར་པ་ཤིན་ཏུ་ལེགས་པ་སྐྱེལ། སྐྱེས་པ་དང་ཟླ་བ་ཕྱེད་གཉིས་ཀྱི་བར་ཀརྐོ་ཊའི་འབྲུ་ཁོ་ན་ཞིབ་པར་བཏགས་པ་ཐུན་ཚད་གོང་བཞིན་སྦྲང་རྩི་དང་བསྲེས་པ་ཟོས་པས་ལུས་ཡང་བ་དང་། གཟི་བརྗིད་ཆེ་བ་དང་། སེམས་བདེ་བ་དང་། ནད་མེད་པ་སོགས་འབྱུང་ཞིང་། བྱ་རོག་གཉིས་ཀྱི་ཚེ་ཚད་སྟེ་ལོ་སྟོང་གནས་པར་འགྱུར་རོ། །དེ་ནས་ཟླ་བ་གཉིས་དང་ཞག་ཉི་ཤུའི་བར་འབྲས་བུ་མར་དང་བསྲེས་པ་བསྟེན་པས་བྱ་རོག་གཉིས་ཀྱི་ཚེ་ཚད་སྟེ་ལོ་ཉིས་སྟོང་ཐུབ་ཅིང་ཉིས་སྟོང་དུ་སླེབས་པ་དང་གཉིད་དུ་སོང་བ་ལྟ་བུའི་ལུས་སེམས་མ་བྲལ་ཀྱང་སྨྲ་བརྗོད་སོགས་མི་ཐུབ་པ་ཞིག་འོང་སྐེབས་ཀརྐོ་ཊའི་འབྲུ་དང་དངུལ་ཆུ། མུ་ཟི་སེར་པོ་གསུམ་ཆ་མཉམ་བྷྲིངྒ་རཱ་ཛའ་ཁྱ་བས་རྟ་བྱས་ནས་གཏོང་ལུགས་སློབ་མ་ལྟ་བུར་བསླབས་ལ་བཞག །དེ་ནས་དྲན་པ་རྙེད་པ་དང་དེ་གའི་མུ་འཐུད་ལ་ལོ་གཅིག་གི་བར་ཟོས་པས་ལོ་བཞི་སྟོང་ཐུབ་ཅིང་། དེ་ནས་ཀྱང་མུ་འཐུད་དུ་ཟོས་པས་ཆུ་ལ་མི་འབྱིང་། མཁའ་ལ་བྱ་ལྟར་འཕུར་བ་དང་། ལུས་ལ་མེ་ཆུ་མཚོན་ལ་སོགས་པས་མི་ཕིགས་ཏེ། དེ་ནི་ལུས་རྡོ་རྗེ་དང་འདྲ་བའོ། །ཀྱེ་རིགས་སྲས་ལྷ་མོ། །འདིའི་ནུས་པ་དང་ཕན་ཡོན་ནི་ཚུལ་བཞིན་དུ་ངས་ཀྱང་བརྗོད་པར་མི་ནུས་མོད། འོན་ཀྱང་ཆོ་ག་སོགས་རགས་པ་ཙམ་ཞིག་བསྟན་ཟིན་གྱིས་སྙིང་དང་འདྲ་བར་ཆོངས་ལ་འགྲོ་བའི་དོན་གྱིས་ཤིག་ཅེས་གདམས་སོ། །འཁོར་ལོ་འདི་གྲོ་ག་འམ་ཤོག་བུ་ལ་བའི་འོ་མས་བྲིས་ལ་སྲད་བུ་དཀར་པོས་བཅིངས་ཏེ་བཏགས་ན་ནད་རིམས་ཐམས་ཅད་ཐུབ་ཅིང་ཡོད་ལ་འདོད་པ་འགྲུབ་པོ། །འཁོར་ལོ་འདི་ཏཱ་ལའི་ལོ་མའམ་གྲོག་ལ་མུ་ཟི་སེར་པོསད་བྲིས་ལ་བཏགས་ན་ཤིན་ཏུ་མགྱོག་པས་རྐང་པ་ན་བར་མི་འགྱུར་རོ། །ཙ་ཀྲ་འདི་གྲོ་ག་ལ་གི་ཧཾ་གིས་བྲིས་ལ་བུ་དཀར་པོས་བཅིངས་ཏེ་བཏགས་ན་རྒྱལ་པོ་དང་བློན་པོ་དབང་དུ་འགྱུར་རོ། །འཁོར་ལོ་འདི་ཤོག་བུ་ལ། ཙན་དན་དམར་པོ། གི་ཧཾ་ག་བུར། ཨ་ཀ་རུ་གླ་རྩི་གུ་གུལ་གུམར་གུམ་རྣམས་ཀྱིས་བྲིས་ལ་མགུལ་དུ་བཏགས་ན་གང་འདོད་པ་དབང་དུ་འགྱུར་རོ། འཁོར་ལོ་འདི་གྲོ་ག་འམ་སིནྡྷཱུ་རས་བྲིས་ཏེ་གུ་གུལ་གྱི་དུད་པ་བཏང་སྟེ་ལག་པ་གཡས་ལ་བཏགས་ན་བུད་མེད་དབང་དུ་འགྱུར་རོ། །འཁོར་ལོ་འདི་ཤོག་བུ་ལ་རི་དྭགས་ཀྱི་ཁྲག་གིས་བྲིས་ཏེ་བཏགས་ན་རི་དྭགས་འབྲོས་པར་འགྱུར་རོ། །འཁོར་ལོ་འདི་གྲོ་ག་འམ་ཤོག་བུ་ལ་དྲི་བརྒྱད་ཀྱིས་བྲིས་ཏེ་བཏགས་ན་འབྱུང་བོ་དང་ཡི་དྭགས་ཀྱི་གནོད་པ་མི་འབྱུང་ངོ་། །འཁོར་ལོ་འདི་གི་ཧཾ་གིས་གྲོག་ལ་བྲིས་ཏེ་བཏགས་ན་གྲགས་པ་ཆེ་བར་འགྱུར་རོ། །རི་སྒོག་རྩ་རྩེ་མ་རྙིངས་མ་རུལ་བ་གྲིབ་བསྐམ་བྱས་ལ་ཞིབ་པར་བཏགས་བ་མར་གསར་པས་རྟ་བྱས་ལ་རིལ་བུ་སྐྱུ་རུ་ར་ཙམ་རེ་བཏང་ན་གྲང་བ་དང་རླུང་གི་རིགས་མཐའ་དག་ལ་ཕན་ཞིང་ལུས་ཀྱིས་སོབས་འཕེལ་ཞིང་འདོད་པ་སྤྱོད་མི་ནུས་པ་ཡང་ནུས་པར་འགྱུར་རོ། གོང་གི་རི་སྒོག་སྦྲང་རྩིས་རྟ་བྱས་ནས་བཏང་ན་བུད་མེད་ཟླ་མཚན་མ་བབས་པའི་ཁྲག་གི་ནད་ལ་མཆོག་ཏུ་ཕན་ནོ། །ཆུ་གྲང་གིས་རྟ་བྱས་ནས་སྣ་ཁྲག་གང་གིས་ཀྱང་མཆོད་པའི་སྣར་བླུག་ན་མྱུར་དུ་ཆོད་པར་འགྱུར་རོ། །ཡང་སྣ་ཁྲག་ཀྱང་འཛག་ཅིང་མགོ་བོ་ན་ན། རི་སྒོག་གི་འབྲས་བུ་མར་བཙགས་བཅད་པའི་ནང་དུ་མ་ཚིག་པར་བཅོས་པ་དང་པི་པི་ལིང་ཆ་མཉམ་པ་ཞིབ་པར་བཏགས་པ་བོད་ཀྱི་ཐུན་ཚད་གསུམ་ཙམ་རེ་ཁོང་དུ་བཏང་བས་ཁྲག་ཆོད་ཅིང་ནད་ཀྱང་ཕན་ནོ།།ཞུམ་བུའི་ལྕེ་གྲིབ་སྐམ་བྱས་ལ་ཞིབ་པར་བཏགས་ལ་སེ་བ་བཅུ་དྲུག་ཙམ་རེ་བཏང་

ན་མའི་ཁོང་ནས་སྨྲ་མི་ཤེས་པའི་ལྐུགས་པ་ཁ་འབྱེ་བར་འགྱུར་ཞིང་དབང་པོ་ཡང་གསལ་བར་འགྱུར་རོ། །ཞུམ་བུའི་ཁྲག་མ་རུལ་བ་གྲིབ་བསྐམ་བྱས་ཏེ་ཞིབ་པར་བཏགས་ལ་མིག་ལ་བཏབ་ན་ཤ་འཛེར་ལིང་ཏོག་སོགས་མིག་ནད་མཐའ་དག་ལ་ཕན་ནོ། །མགོ་
བོ་སྨན་གང་བཏང་ཀྱང་མི་ཕན་པར་ན་བ་ལ་ཞུམ་བུའི་པགས་པའི་ཞྭ་གྱོན་ན་ཕན་པར་འགྱུར་རོ། །སྒྲ་དང་རྒྱ་ཁ་སྤུ་སོགས་མེད་པར་འདོད་ན་ཐོག་མར་ལེགས་པར་བཞར། དེ་ནས་ཕ་ཝང་གི་ཀླད་པས་བསྐུ་མཉེ་ཐེངས་གསུམ་ཙམ་རེ་བྱས་ན་ཕྱིས་ནས་སྐྱེ་བར་མི་འགྱུར་
རོ༑ །པ་ཝང་གི་ཕྲུག་གུའི་རོ་མ་མེ་ལ་བསྲེགས་པའི་ཐལ་བ་མིག་ལ་བྱུགས་ན། སྟེང་འགྲིབ། བར་འགྲིབ། ཤ་འཛེར། ལིང་ཏོག །སྐྲངས་པ་སོགས་མིག་ནད་མཐའ་དག་ལ་ཕན་ནོ། །སྦྲུལ་གྱི་ཁྲག་དང་བྱི་བའི་ཁྲག་བསྲེས་པ་སྣ་མདོག་
དམར་པོར་འགྱུར་ཞིང་ཟ་ཕྲུག་གིས་ན་བ་ལ་གྱུགས་ན་མྱུར་དུ་ཕན་པར་འགྱུར་རོ། །བུད་མེད་སྦྲུམ་མ་བཙའ་མ་ཐུབ་པ་དད་བུ་རོ་མ་ཐོན་པར་སྦྲུལ་གྱི་ཀླད་པ་མོ་མཚན་གྱི་ནང་དུ་བྱུགས་ན་མྱུར་དུ་ཐོན་པར་འགྱུར་རོ། །སྦྲུལ་གྱི་པགས་པ་མེར་བསྲེགས་
པའི་ཐལ་བས་མིག་དམར་པོར་སོང་ཞིང་ན་བ་ལ་ཕན་ནོ། །རྔ་མོང་གི་ཀླད་པ་སེ་བ་བཅུ་དྲུག་ཙམ་རེ་ཁོང་དུ་བཏང་ན་རླུང་གི་ནད་མཐའ་དག་ལ་ཕན་ཞིང་མིག་ཤེད་ཆུང་བའང་ཆེ་བར་འགྱུར་རོ། །རྔ་མོང་གི་སྤུ་མེར་བསྲེགས་པའི་ཐལ་བ་སྣ་བུག་གི་ནང་དུ་ཕུས་
བཏབ་ན་སྣ་ཁྲག་མ་ཆོད་པ་མྱུར་དུ་ཆོད་པར་འགྱུར་རོ། །གོས་དར་བསྲེགས་པའི་ཐལ་བ་སྣར་བཏབ་ཀྱང་ནུས་པ་གོང་དང་འདྲ། ཡང་ན་ཆུ་བ་ལ་སྔོན་པོ་སྤྱི་བོར་བཀབ་ཀྱང་ཆོད་དོ། །ཡང་ཆུ་བལ་དང་ཤིང་ཀུན་མཉམ་དུ་བཏགས་ལ་ཆུར་སྦྱར་བའི་སྐྱོ་མ་

མེར་བསྲོས་པའི་དྲོན་མོ་སོ་གང་ན་སར་བྱུགས་ན་ཕྲལ་དུ་ཕན་པར་འགྱུར་རོ། །ནི་ལ་ཀ་ཝང་གི་རྩ་བ། ལོ་མ། རྐང་རྣམས་ཆ་མཉམ་ཞིབ་པར་བཏགས་པ་ཆ་གཅིག །ཤིང་ཀུན་དང་སྡུམ་ཆ་བཞི་བསྲེས་པ་ལྟེ་བར་བྱུགས་ན་སྦོས་
ཁྲོག་རླུང་གི་རེགས་མཐའ་དག་ལ་ཕན། ཕུར་མོང་ཀ་ར་དང་བསྲེས་ནས་ཁོང་དུ་བཏང་ན་མཁྲིས་ནད་ལ་ཕན། སུ་ཎ་ཎ་བ་འམ། ས་ཀྲ། གྷཎྜ་པུ་ཎ་ཞེས་མིང་གི་རྣམ་གྲངས། རའི་མར་དང་སྦྱར་ན་མིག་གི་ལིང་ཏོག་ལ་ཕན། སྦྲང་དང་སྦྱར་ན་མཆིམ་
འཛག་པ་ལ་ཕན། ཏིལ་སྣུམ་དང་སྦྱར་ན་མིག་གི་ཟ་ཕྲུག་ལ་ཕན། ཆུ་དང་སྦྱར་ན་མིག་གི་མཐོང་སྣང་སྐར་མ་འདྲ་བ་ལ་ཕན་ནོ། །ཞོའི་ཆུ་དང་སྦྱར་ན་སྲོད་ལོང་ལ་ཕན། ཞ་ཉེའི་བྲག་ཞུན་མདོག་དཀར་བ་འོ་མ་འདྲ་བ་མཆོག །གཞན་བྲག་ཞུན་གྱི་རིགས་གང་
བྱུང་ཡང་དེའི་ཁུ་བས་ཡན་ལག་ལ་སོགས་མཐའ་དག་ལ་ཕན་ནོ། །ཟི་ར་དཀར་པོ། །ཡུང་བ་ཞོ་བཞི། མུདྷ་སང་གྟི་ལོ་ཕཊ་ཀི་ཞོ་རེ། གླ་སྒང་ཨ་ཕིམ་ཕོ་རིས་རྣམས་རིམ་ གཅིག་ཀྱང་ཁོང་བར་བཏང་ན་བཅུད་ལེན་གྱི་མཆོག་ པས་ཆ་བསྐྱུང་། དེ་རྣམས་ཐང་
ཙམ་བརྡུངས། །གྲང་འཐག་མིག་ལ་བདུགས་པས་ཚ་བ་དང་། མིག་ཆུ་འཛག་པ་དང་། དམར་པོར་སོང་བ་ལ་ཕན། ཤི་ལ་ཛ་དྷུ་གདུས་པའི་ཐང་། །ཁོང་དུ་བཏང་བས་ཡན་ལག་རྩ་འདར་རྣམས། །བྷི་ཁ་སྣུམ་ལ་བཙོས་པས་ཕྱི་ལ་བྱུགས། །
ཕྱི་ནང་ལྟག་སྤྲད་བྱས་པས་ངེས་པར་ཕན། །མགོ་དང་ཡན་ལག་རུས་ཆག་ལ་སོགས་དང་། །རྩ་རྒྱུས་འཁུམ་ཆད་གསར་རྙིང་རྨ་རིགས་ལ། །ཤི་ལ་ཛ་དྷུ་གདུས་པའི་ཐང་དེ་ནི། །ཕྱི་ལ་བྱུགས་དང་ཁོང་དུ་བཏང་བ་ཡིས། །དེ་རྣམས་ཀུན་ལ་ཕན་པ་མྱོང་བས་
གྲུབ༑ །ཤི་ལ་ཛ་ངྷུ་གདུས་པ་ཐང་དུ་བཏང། །བུ་བཅས་སྐེད་པ་ན་དང་ཕོ་ན་འཇོམས། །དུག་ཉུང་ཕག་བྲུན་སྦྲེ་རོ་མ་ཉིད་བྲུན། བྱུང་ན་རབ་ ཆ་མཉམ་ནུས་ལྡན་བསྲེགས་པ་སྣུམ་དང་སྦྱར། །ཁོང་བཏང་ཕྱི་ལ་བྱུགས་པས་ཞ་གྲུམ་ནད། །གསར་རྙིང་ཀུན་ལ་བཏང་

བས་འཇོམས་པར་ངེས། །གླང་ཆེན་ལྕི་བའི་དུད་པ་མངལ་ན་བཏང་། །བུ་དང་ཤ་མ་ཕྲལ་དུ་ཐོན་པར་ངེས། ༈ །བླ་མ་དམ་པའི་ཞབས་ལ་ཕྱག་འཚལ་ལོ། །གྲུབ་ཐོབ་ཆེན་པོ་གོརྒ་ནཱ་ཐས་གསུངས་པའི་དྲི་ཆུའི་རྟགས་ལ་ཉིན་རེའི་ལེགས་ཉེས་བརྟག་པ་ནི། དགེ་སློང་
ལྟ་བུ་ཁྲིམས་ལྡན་ལ་ཤིན་ཏུ་བདེན་ཅིང་། ཁྱིམ་པའང་བརྟག་རུང་བ་སྟེ། དེ་ཡང་ཐོ་རངས་ཀྱི་དྲི་ཆུ་ཐོག་མ་ལ་བརྟག་པ་བྱེད་རྒྱུའི་དགོངས་ཉལ་པོ་དྲག་ཤུལ་ཆང་འཐུང་བ་སོགས་སྤང་ཞིང་། སྲོད་འཁོར་ཙམ་ལ་དྲི་ཆུ་ལན་གཅིག་དོར། དེ་ནས་སང་ལུས་ཀྱི
བ་སྤུ་མཐོང་བ་ཙམ་ལ་དྲི་ཆུ་དོར་ལ་དེ་ལ་བརྟག་པ་སྟེ། གསང་གནས་ཀྱི་ཁ་ནས་དྲི་ཆུ་གཡས་ངོས་སུ་འཁྱོགས་ནས་འགྲོ་ན་དེའི་ཉིན་བཀྲ་ཤིས་ཤིང་བདེ་ལེགས་དང་ལྡན་ལ་བྱ་བ་གང་བརྩམས་ཀྱང་འགྲུབ་པ་སོགས་ཤིན་ཏུ་ལེགས་སོ། །གཞོགས་གཡོན་དུ་འགྲོ་ན་
འཐབ་མོ་དང་རྩོད་པ་དང་འཕྲོག་བཅོམ་སོགས་འབྱུང་ཞིང་བྱ་བ་བརྩམས་ཀྱང་མི་འགྲུབ་ལ། གཏམ་མི་སྙན་པ་ཐོས་པ་སོགས་འབྱུང་ངོ་། །ཆུ་བྱིང་ཐད་ཀར་འགྲོ་ཞིང་གསར་གནས་ཀྱི་མཚམས་ནས་འོག་ཏུ་ཐིགས་པ་བབས་ན་ཟས་གོས་སོགས་ཡིད་དང་མཐུན་པའི་
ནོར་ཞིག་ངེས་པར་རྙེད་པར་འགྱུར་རོ། །གསང་གནས་ཀྱི་མཚམས་ནས་ཆུ་རྐང་གཅིག་ལ་དེ་ནས་གཉིས་སུ་གྱེས་ཤིང་སླར་གཅིག་ཏུ་འདྲིལ་ནས་འགྲོ་ན་ཉེ་དུ་མཛའ་བཤེས་སོགས་ཡིད་དང་མཐུན་པའི་མི་ཕྱོགས་སུ་སོང་བ་ཞིག་ངེས་པར་འཁོར་ཞིང་འཕྲད་པར་འགྱུར་རོ། །ཐོག་
མར་འདྲིལ་ཞིང་དེ་ནས་ལེབ་མོ་སྲབ་པོར་འགྲོ་ལ་སླར་ཡང་འདྲིལ་ནས་འགྲོ་ན་རྒྱལ་པོའི་ཆད་པའམ་རྐུ་ཇག་སྟོར་སོགས་ནོར་ལ་གོད་ཁ་འབྱུང་ངོ་། །ཆུ་བྱིང་ལྦུ་བ་དང་བཅས་ནས་འགྲོ་ཞིང་འོག་ཏུ་ཐིགས་པ་ཡང་འབབ་ལ་སར་བབས་པ་རྣམས་ཀྱང་འཁོར་ཞིང་ལྦུ་བ་དང་བཅས་
ན་ཆར་ཆེན་པོ་འབྱུང་ངོ་། །སྒྲ་དང་བཅས་ཏེ་བྱུང་ན་མི་འགྱངས་པར་བྱེས་སུ་འགྲོ་དགོས་འབྱུང་ངོ་། །དགོ་རུ་ལྟར་གཡོན་དུ་གཅུས་ནས་ཐད་ཀར་འགྲོ་ན་དེ་ཉིན་ནོར་སྟོར་བ་རྙེད་པར་མི་འགྱུར་རོ། །ཆུ་ཕར་མི་འགྲོ་བ་གྱེན་དུ་ཚུར་ལོག་ནས་གསང་གནས་ཀྱི་སྟེང་དུ་འབབ་ན་ཞག་

བཅུ་གསུམ་སོང་བའི་ཉིན་ངེས་པར་འཆི་བར་འགྱུར་རོ། །གཡས་སུ་གཅུས་ནས་འགྲོ་ན་ནོར་སྟོར་བའང་ཞག་ཁུངས་འཛོལ་བ་ལྟ་བུ་མ་རྙེད་པ་ཞིག་རྙེད་པར་འགྱུར་རོ། །དེ་རྣམས་རྣམ་དཔྱོད་དང་ལྡན་པས་མ་འཁྲུལ་བར་བརྟགས་ནས་
སོ་སོར་བཤད་པའི་འབྲས་བུ་ངེས་པར་འབྱུང་བ་ནི་མྱོང་བས་གྲུབ་པའོ། ༈ །ཞི་བ་ལ་ཕྱག་འཚལ་ལོ། །དགའ་བྱེད་ཀྱི་བདེན་པའི་གཏམ་རང་གི་ལུས་ཀྱི་གྲིབ་མར་ལེགས་ཉེས་བརྟག་པ་ནི། ཚེས་བཅོ་ལྔའི་མི་ཁྱེའི་སྐད་སོགས་སེམས་ཅན་མི་གནས་པའི་རྐྱེན་མེད་པའི་
གནས་དབེན་པར་ནམ་མཁའ་སྤྲིན་དང་ཁུག་རྡུལ་སོགས་ཀྱི་གྲིབ་མ་མེད་པའི་ཤིན་ཏུ་དྭངས་པའི་སྐབས་བརྟག་སྟེ། ལུས་གཅེར་བུར་ཕྱུང་ལ་ལུས་དྲོང་པོར་བསྲངས་ཏེ་ལངས་ལག་པ་གཉིས་ཆ་མཉམ་དུ་བརྐྱེངས། ཟླ་བ་རྒྱབ་ཏུ་ཁུར་ཏེ་བརྟགས་ལ། དེ་ཡང་
ཐོག་མར་ས་ལ་ཤར་བའི་གྲིབ་མའི་མཐེ་བོང་ནས་རིམ་བཞིན་གྱེན་དུ་འཛེགས་ཏེ་མིག་དང་ཐད་མཉམ་གྱེན་ཕྱོགས་ཀྱི་ནམ་མཁའ་ལ་གྲིབ་མ་སྤྲིན་ལྟ་བུ་ཞིག་འཆར་ལ། དེ་ཡང་ནམ་མཁའ་འཆར་བའི་གྲིབ་མ་དེར་ལུས་ཀྱི་དབྱེབས་མེད་པར་ཟླ་བ་ཉ་ལྟ་བུའི་བཟོ་དབྱིབས་
ལ་ཤིན་ཏུ་དཀར་བ་ཞིག་སྣང་ན་ཚེ་རིང་ནད་མེད་སྡུག་བསྔལ་མི་འབྱུང་། བསོད་ནམས་དང་ལོངས་སྤྱོད་མངའ་ཐང་རྒྱས། གྲགས་པས་ས་སྟེང་ཁྱབ་པ་སོགས་ཤིན་ཏུ་ལེགས་སོ། །ལུས་གཞན་མི་གསལ་བར་མགྲིན་པ་གཅིག་པོ་མཐོང་ན་སེམས་ལ་སྡུག་
བསྔལ་ཆེན་པོ་འབྱུང་ངོ་། །ལུས་ཐམས་ཅད་ཚང་ཞིང་དེ་ཡང་སྐྲངས་པའི་དབྱིབས་ལྟ་བུ་སྦོམ་པོར་མཐོང་ན་མྱུར་དུ་ནད་དྲག་པོ་འབྱུང་ངོ་། །ཚད་དབྱིབས་སྦོམ་ཕྲ་སོགས་རང་གི་ལུས་དང་མཚུངས་པར་མཐོང་ན་ནད་མི་འབྱུང་ཞིང་ལེགས་སོ། །ལུས་བྱིང་གསལ་ལ་མགོ་
བོ་མེད་ན་ཟླ་བ་དྲུག་ནས་ངེས་པར་འཆིའོ། །ལག་པ་གཉིས་མི་གསལ་ན་རང་ལ་ཡང་ནད་འབྱུང་ཞིང་སྤུན་ཟླ་གཅིག་ངེས་པར་འཆིའོ། །ཁ་དོག་ནག་པོར་སྣང་ན་ནོར་ལ་གོད་ཁ་ཆེན་པོ་འབྱུང་ངོ་། །བརླ་གཡས་གཡོན་གང་རིགས་ལ་བུག་པ་འདུག་ན་ཆུང་མ་ངེས་པར་འཆིའོ།

ལྟེ་བའི་ཐད་དུ་བུག་པ་འདུག་ན་འཐབ་མོ་དང་ཁ་མཆུ་རྩོད་པ་སོགས་འབྱུང་ངོ་། །གིབ་མ་ཤིན་ཏུ་རིང་ཞིང་མགྲིན་པ་མི་མཐོང་ན། ཡུལ་གྱི་རྒྱལ་པོ་སོགས་མི་ཆེན་པོ་ཞིག་འཆི་བར་འགྱུར་རོ། །སོལ་བའི་མདོག་ལྟ་བུ་ནག་པོར་མཐོང་ན། ས་ཞིང་དང་ནོར་རྫས་ལ་སོགས་
པ་ལོངས་སྤྱོད་གཞན་གྱིས་འཕྲོག་པར་འགྱུར་རོ། །སེར་པོར་མཐོང་ན་གཞན་གྱི་མི་ཁ་འབབ་པོ། །དཀར་པོར་མཐོང་ན་ནད་མེད་ཅིང་ལོངས་སྤྱོད་ཐོབ་པ་སོགས་མཆོག་ཏུ་ལེགས་སོ། །མིག་མི་མཐོང་ན་ཡིད་དང་མཐུན་པའི་མཛའ་གྲོགས་འཆི་བའམ་ནོར་སྟོར་བ་སོགས་
ཀྱིས་སེམས་ལ་སྡུག་བསྔལ་འབྱུང་ངོ་། །ལུས་ཀྱི་ཆ་ཤས་ཐམས་ཅད་ཚང་ཞིང་གསལ་ལ་ཁ་དོག་དཀར་ཞིང་བཀྲག་དང་ལྡན་ན་ལོ་དྲུག་ཚུན་ཆད་དུ་འཆི་པའི་འཇིགས་པ་མེད་ཅིང་ནད་དྲག་པོ་མི་འབྱུང་ངོ་། །ལོངས་སྤྱོད་དང་སྙན་གྲགས་འཕེལ་ཞིང་བདེ་སྐྱིད་ཕུན་སུམ་
ཚོགས་པ་ཐོབ་པར་འགྱུར་བ་འདི་ཡང་དག་པའོ། །ཞེས་ཕྱི་ནང་དྲང་སྲོང་གི་ཚེའི་རིག་བྱེད་རྒྱ་མཚོ་ལྟ་བུའི་ནང་ནས་མང་དག་ཡུལ་དབུས་འགྱུར་འཆང་དུ་གཙུག་ལག་གཉིས་པ་ཤེས་པའི་མཁས་མང་ལ་བསྟེན་ནས་དར་རྒྱས་སུ་ཡོད་པའི་སྨན་དཔྱད་ལ་མཁས་པ་ཁ་བ་ཅན་གྱི་
ལྗོངས་འདིར་དུ་མ་ཞིག་འོངས་ཚོད་དུ་འདུག་རུང་པཎྜི་ཏ་སྨྲྀ་ཏི་ཕན་ཚུན་སྐད་ཀྱི་བརྡ་མ་འཕྲོད་པས་རྟ་ནག་ཏུ་ལུག་རྫི་མཛད་པའི་ལོ་རྒྱུས་ལྟར་ཅི་ཡིན་ཆ་མ་འཚལ་བར་རང་ཡུལ་དུ་ཕྱིར་ལྡོག་སྟེ་གཞན་ཕན་གྱི་འཕྲིན་ལས་མ་བྱུང་བ་དང་། ལ་ལས་ཚེའི་རིག་བྱེད་ཤེས་པའི་རྣ་
ཐོས་ཙམ་གོ་ཡང་བོད་ཀྱི་གསོ་རིག་པས་ཆོག་ཤེས་པས། ལེགས་བཤད་རིན་པོ་ཆེར། ཙན་དན་གསེར་ལས་རིན་ཆེ་བ། །བླུན་པོས་སོལ་བར་བྱས་ལ་ལྟོས། །ཞེས་པ་ལྟར་ཤེས་བཞིན་ཁྱད་གསོད་ཀྱིས་དོར་བའང་མཆིས་རུང་རབ་བྱུང་བཅུ་གཅིག་པའི་ཤིང་
འབྲུག་གི་ལོར་ཤཱཀྱ་མུ་ནེའི་ཕོ་བྲང་ཆེན་པོའི་མདུན་ཕྱོགས་རྒྱ་གར་བའི་མི་རིགས་དུ་མ་ཚོགས་ཁྲོད་དུ་སྨན་པ་མཁས་པ་ཞིག་ཡོད་དམ་ཟེར་བའི་གཏམ་ཐོས་པས་རྐྱེན་བྱས་འདར་པ་ལོ་ཆེན་དྲི་མོལ་བྱེད་དུ་བཅུག་པ་འཕགས་ཡུལ་ནུབ་ཕྱོགས་མ་ཧོ་རའི་སའི་ཆར་བྲམ་ཟེ་གཙང་

མའི་རིགས་སུ་སྐྱེས་པ་སཾ་ནྱ་སེ་གོ་ད་ར་རཉྩོར་སྟེ་ཁྱིམ་སྤངས་ས་སྤྱོད་ཅེས་བྱ་བས་རྒྱ་གར་དབུས། ཤར། ནུབ། ལྷོ། བྱང་། ནཻ་པཱ་ལ་དང་བཅས་པ་ཆུ་བཞིན་མྱུལ་ནས་སློབ་དཔོན་གོ་ཏ་མ་བྷརྠི། ཨུཏྟཱ་མ་གི་རི། ཨུ་ཀཱ་ར་བྷརྠི་སོགས་
གུས་པས་བསྟེན་པའི་མཁས་པ་ཆེན་པོར་རྟོགས་ཏེ་འདར་པ་པཎ་ཆེན་གྱིས་ལོ་ཙཱ་བ་ཀྱིས་དར་མོ་སྨན་རམས་པར་བསླབ་ཏུ་བཅུག་པར་གསོ་རིག་གི་ལག་ལེན་ངོ་མཚར་བ་དུ་མ་བྱུང་རུང་ཕྱོགས་འདིར་མི་རྙེད་པའི་སྨན་གྱི་རིགས་འཚོལ་བར་རྒྱ་བལ་ཕྱོགས་སུ་ཕྱིར་བཏེག །
བལ་པོ་ཡམ་བུའི་རྒྱལ་བློན་ལ་རོགས་དོན་དགོས་ཚུལ་གྱི་སྡེ་པའི་ཧུང་རྒྱའི་མཚམས་སྦྱོར་སོང་བ་ལ་བརྟེན་སྨན་གྱི་རིགས་རྣམ་གྲངས་ཤིན་ཏུ་མང་བ་དང་བཅས་མེ་མོ་སྦྲུལ་ལོའི་དབྱར་འབྱོར་པའི་རྒྱ་བལ་གྱི་སློབ་དཔོན་མཁས་པ་རྣམས་ཀྱི་ཞལ་གྱི་བདུད་རྩི་ལས་འོངས་པའི་ཚེའི་
རིགས་བྱེད་ཀྱི་མན་ངག་གནད་ཀྱི་སྙིང་པོ་བསྡུས་པ་འདི་ཉིད་མི་ཆོས་གནད་ཕྲེང་ལས། སྔོན་དུས་བོད་འདི་སྲིན་པོའི་རྒྱལ་ཁམས་འདྲ། །དིང་སང་དུས་སུ་རྒྱ་གར་འཕགས་ཡུལ་འདྲ། །བསམས་ཀྱིན་ལོ་ཙཱ་བོད་ལ་དཀའ་དྲིན་ཆེ། །ཞེས་དང་། ས་སྐྱ་པཎྜི་ཏས།
བདེ་བར་གཤེགས་པའི་གཞུང་ལུགས་བླ་ན་མེད། །ཞུ་ཆེན་སྒྱུར་བྱེད་མཆན་བུའི་གནས་ཐོབ་པ། །སྐད་གཉིས་སྨྲ་མཁས་ལོ་ཙཱ་དེ་དག་ནི། །དེ་དག་བདག་ཅག་རྣམས་ཀྱི་མིག་བཞིན་གྱུར། །ཞེས་གསུངས་པ་ལྟར། པཱ་ཎི་བྱཱ་ཀ་ར་ཎ་སོགས་སྒྲ་མདོ་ཆེན་པོ་བཞི་ལ་
བློ་གྲོས་ཀྱི་ལང་ཚོ་མཆོག་ཏུ་རྒྱས་པ་སེ་དཀར་རིགས་ཀྱི་ཐིག་ལེ་འདར་པ་ལོ་ཙཱ་ངག་དབང་ཕུན་ཚོགས་ལྷུན་གྲུབ་ཀྱིས་བསྒྱུར་ཅིང་གསོ་བ་རིག་པའི་གཞུང་ལུགས་ལ་སློབ་དཔོན་མཁས་པ་བཅུ་ཕྲག་ཙམ་བསྟེན་ནས་སྦྱངས་པའི་ཡར་སྟོད་དར་མོ་སྨན་རམས་པ་བློ་བཟང་
ཆོས་གྲགས་ཀྱིས་འབད་པ་ཆེན་པོས་གཏན་ལ་ཕབ་པའོ། །ཆུ་གཏེར་སླར་ཡང་མ་བསྲུབས་སྔོན་མེད་པའི། །རིག་བྱེད་བདུད་རྩིའི་བུམ་པ་ཐོབ་པའི་ཚེ། །མེས་པོས་དྲན་པའི་གསོ་དཔྱད་དབྱར་སྐྱེས་ཀྱི། །རྔ་གསངས་དེ་ལ་མོས་པ་ཅུང་ཟད་ལྷོད། །ཏི་

སེའི་མདངས་ལྟར་རབ་དཀར་ལྷག་པའི་ཡིད། །ལུས་ཅན་ཚོགས་ལ་རྗེས་ཆགས་ཀུནྡའི་ཚལ། །འཛུམ་པའི་ཆོ་ག་གཏོང་མིན་སེམས་བསྐྱེད་ཀྱི། །བསིལ་སྦྱིན་མཁན་པོའི་ཆ་ཤས་ཉེ་བར་དགང་། །ཕྱོགས་བརྒྱར་ཟེགས་མ་འཐོར་བ་ཀཥྤུ་རའི། །དད་པས་
ཚ་གདུང་བཅིལ་ལ་མཚར་འཛིན་ན། །ཡོངས་གྲུབ་བརྒྱ་དང་རྩ་གཅིག་བྲོ་ནད་གཉེན། །སྨན་གྱི་དཔག་བསམ་འཁྲི་ཤིང་འདི་སུས་བསྐྲུན། །རིས་སུ་མ་ཆད་འགྲོ་བ་འཇིགས་བྲལ་བའི། །སྦྱིན་པའི་ཕ་རོལ་ཕྱིན་རྫོགས་རྒྱལ་སྲས་ཀྱི། །རླབས་ཆེན་སྤྱོད་ལ་འཇུག་རྣམས་
སངས་རྒྱས་ཞེས། །གྲགས་ཅན་བགྲོད་དཀའི་ས་དེ་མི་རིང་སྙམ། །བཟོད་མིན་ཚོར་བ་དྲག་པོའི་ནད་གནོད་དང་། །དེ་རྒྱུ་སྒྲིབ་གཉིས་ལུས་པ་མེད་བཅས་པ། །འཇོམས་པའི་སྨན་པ་ཆེས་མཆོག་རྫོགས་སངས་རྒྱས། །འགྲུབ་པའི་སྐལ་བ་བཟང་པོར་བདག་འགྱུར་ཤོག །
ཙན་དན་འབྱུག་དང་ཏེའུས་བརྡེག་པ་ལ། །སྙོམས་པར་ཞལ་འཆེའི་ཐུགས་རྗེ་སྙིགས་དུས་འདིར། །བསྐུལ་ན་འཇིག་རྟེན་གསུམ་གྱི་དུཿཁ་རྣམས། །མཁྱེན་བརྩེ་ནུས་པས་ཕ་མཐར་མཛད་དུ་གསོལ། །འགྲོ་མང་སྲོག་ཟུངས་བཅུད་ལེན་བདུད་རྩིའི་གཏེར། །མྱངས་པའི་
འབྲས་བུ་ནམ་མཁས་གཞལ་དཀའ་བའི། །དགེ་ཚོགས་མ་ལུས་མཐའ་བྲལ་སེམས་ཅན་ཀུན། །བླ་མེད་བྱང་ཆུབ་འཐོབ་པའི་རྒྱུ་རུ་བསྔོ། །ཞེས་ཚེའི་རིག་བྱེད་མཐའ་དག་གི་སྙིང་པོ་བསྡུས་པའི་གླེགས་བམ་གྱི་ཆེ་བརྗོད་བསྒྱུར་བྱང་སྨོན་ལམ་གྱི་རིམ་པ་འདི་ནི་ཟ་ཧོར་གྱི་བནྡེ་
ཚངས་སྲས་བཞད་པའི་རྡོ་རྗེས་དམར་སེར་ཅན་གྱེ་ལོ་ཁྲུམས་ཀྱི་ཟླ་བའི་དཀར་ཆའི་རྒྱལ་བ་དང་པོའི་ཚེས་ལ་རྒྱལ་ཁབ་ཆེན་པོ་པོ་ཏ་ལར་སྦྱར་བའི་ཡི་གེ་པ་ནི་དགེ་སློང་འཇམ་དབྱངས་གྲགས་པས་བགྱིས་པ་ཛ་ཡནྟུ།། །།༄། །འཕགས་ཡུལ་ཕ་ཧའི་སྨན་པ་ད་ན་ད་སའི་སྨན་བཅོས་རྣམས་བཞུགས་སོ། །
དན་རོག་དང་མུ་ཟི་སེར་པོ་གཉིས་ཆ་གཉིས་རེ། དངུལ་ཆུ། རྒྱ་མཚལ། ཚལ་དཀར་ཆ་རེ་རྣམས་ཞིབ་པར་བཏགས་པའི་ཕྱེ་མ་ལ་བྱེ་དཀར་སྦྱར་ནས་ཆུ་སྐོལ་གྱིས་ཕུལ་ནས་བཏང་ན། ཆུ་ནད་ཚ་གྲང་མེད་པར་སྦྱོང་། ལུས་ཟུངས་ནད་སྟོབས་དང་སྦྱར་ཏེ་ཐུན་གྱི་ཁ་གྲངས་

དཔག་སྟེ་བྱ། ལྕག་སོགས་སྒྱི་དང་འདྲ། ཕྱིའི་བྱུག་སྨན་ལ། ཐར་ནུ་ཁཎྜ། ཅུ་གང་། ཤིང་མངར། རྒྱ་གར་སྟོད་ཇ་རྣམས་ཞོ་དོ་རེ། ཤུ་དག །གསེར་མདོག །ཟི་ར་དམར་པོ་རྣམས་ཞོ་གསུམ་རེ། སྨན་ཆེན་ཞོ་གང་། གླ་རྩི་སེ་བ་བརྒྱད།
དུ་བ་རལ་པ་ཞོ་བརྒྱད་རྣམས་ཐོག་མར་སོ་སོར་བཏགས་ལ་བསྲེས་ནས་བཏགས་པའི་ཕྱེ་མ་ལྕགས་སྣོད་དུ་ཆུ་ལ་སྦྱར་ཏེ་གར་སླ་ཞོ་ཙམ་བྱས་བྱུགས་པས་ཕན་ནོ། །ག་པུར། ཟི་ར་དཀར་པོ། ཕོ་བ་རིས། རྒྱམ་ཚ། སྦྲང་རྣམས་ཆ་རེ། བྱེ་དཀར་ཆ་གཉིས་རྣམས་ཞིབ་པར་
བཏགས་པའི་རིལ་བུ་སྒྱུ་ངུར་ཙམ་ཆུ་གྲང་གིས་རྟ་བྱས་བཏང་བས་བད་ཀན་དང་རླུང་། ཚད་པ་རྙིངས་པ་རྣམས་ལ་བརྟེན་པའི་གློ་ལ་ཕན། ག་བུར། ཀུ་ཅི་ལ། མེར་བསྲེགས་ནས་པགས་པ་ཕུད་པ། ས་མུ་དྲ་སོ་ཥ། ཨ་ཕི་མ། ཨ་ཀ་ར་ཀ་ར་རྣམས་ཆ་མཉམ་ཞིབ་
བཏགས་ལུག་གི་རིལ་མ་ཙམ་རེ་ཆུ་