Kinh tạng Tây Tạng (Kangyur Đại Học) — 021_འབུམ།_ཉ

་དང་ཡོངས་སུ་རྫོགས་སོ་ཞེས་བྱ་བར་མྱི་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཅིའི་ཕྱིར་ཞེ་ན། རྣམ་པ་ཐམས་ཅད་མཁྱེན་པ་

ཉིད་ཡོངས་སུ་མ་རྫོགས་པ་དང་ཡོངས་སུ་རྫོགས་པ་གང་ཡིན་པ་དེ་རྣམ་པ་ཐམས་ཅད་མཁྱེན་པ་ཉིད་མ་ཡིན་ནོ་ཞེས་བྱ་བ་དེ་ལྟར་ཡང་མྱི་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །གསོལ་པ། བཅོམ་ལྡན་འདས་དེ་ལྟར་དེ་བཞིན་གཤེགས་
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་དང་རིགས་ཀྱི་བུ་མོ་རྣམས་ལ་ཆགས་པ་དང་། མ་ཆགས་པ་ལེགས་པར་བསྟན་པ་འདི་ངོ་མཚར་ཏོ། །བཅོམ་ལྡན་འདས་ཀྱིས་
བཀའ་སྩལ་པ། རབ་འབྱོར་དེ་དེ་བཞིན་ནོ། །རབ་འབྱོར་དེ་དེ་བཞིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་དང་རིགས་ཀྱི་བུ་མོ་རྣམས་ལ་ཆགས་པ་དང་།
མ་ཆགས་པ་ལེགས་པར་བསྟན་ཏོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་གཟུགས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན། ཤེས་རབ་ཀྱི་ཕ་
རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཚོར་བ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ།
གལ་ཏེ་འདུ་ཤེས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་འདུ་བྱེད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་
ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་

སྤྱོད་པའི་ཚེ། གལ་ཏེ་མྱིག་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རྣ་བ་ཆགས་པ་འམ་མ་ཆགས་པ་ཞེས་བྱ་
བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྣ་ཆགས་པའམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་
ཕྱིན་པ་ལ་སྤྱོད་པའི་ཚེ། གལ་ཏེ་ལྕེ་ཆགས་པའམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ལུས་ཆགས་པ་འམ་མ་ཆགས་པ་ཞེས་བྱ་བར་མྱི་
སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཡིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་
སྤྱོད་པའི་ཚེ། གལ་ཏེ་གཟུགས་ཆགས་པའམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྒྲ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་
ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་དྲི་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་
ཚེ། གལ་ཏེ་རོ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རེག་ཆགས་པའམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་

རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཆོས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་
ཏེ་མྱིག་གི་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རྣ་བའི་རྣམ་པར་ཤེས་པ་ཆགས་པའམ་མ་ཆགས་པ་ཞེས་བྱ་བར་མྱི་
སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྣའི་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་
ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ལྕེའི་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ལུས་ཀྱི་རྣམ་པར་ཤེས་
པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཡིད་ཀྱི་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་
ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་མྱིག་གི་འདུས་ཏེ་རེག་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་
པ་ལ་སྤྱོད་པའི་ཚེ། གལ་ཏེ་རྣ་བའི་འདུས་ཏེ་རེག་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྣའི་འདུས་ཏེ་རེག་པ་ཆགས་པ་འམ་

མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ལྕེའི་འདུས་ཏེ་རེག་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་
རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ལུས་ཀྱི་འདུས་ཏེ་རེག་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་
པ་ལ་སྤྱོད་པའི་ཚེ། གལ་ཏེ་ཡིད་ཀྱི་འདུས་ཏེ་རེག་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་མྱིག་གི་འདུས་ཏེ་རེག་པ་ལས་བྱུང་བའི་ཚོར་
བ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རྣ་བའི་འདུས་ཏེ་རེག་པ་ལས་བྱུང་བའི་ཚོར་བ་ཆགས་པ་འམ་མ་ཆགས་པ་ཞེས་བྱ་བར་
མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྣའི་འདུས་ཏེ་རེག་པ་ལས་བྱུང་བའི་ཚོར་བ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ།
དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ལྕེའི་འདུས་ཏེ་རེག་པ་ལས་བྱུང་བའི་ཚོར་བ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ།
གལ་ཏེ་ལུས་ཀྱི་འདུས་ཏེ་རེག་པ་ལས་བྱུང་བའི་ཚོར་བ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཡིད་ཀྱི་འདུས་ཏེ་རེག་པ་ལས་བྱུང་

བའི་ཚོར་བ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སའི་ཁམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་
ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཆུའི་ཁམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་
མྱེའི་ཁམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རླུང་གི་ཁམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་
རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ནམ་མཁའི་ཁམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་
ཚེ། གལ་ཏེ་རྣམ་པར་ཤེས་པའི་ཁམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་མ་རིག་པ་ཆགས་པ་འམ་མ་ཆགས་པ་ཞེས་བྱ་བར་
མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་འདུ་བྱེད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་
པ་ལ་སྤྱོད་པའི་ཚེ། གལ་ཏེ་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་མྱིང་དང་གཟུགས་ཆགས་པ་འམ་མ་ཆགས་

པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྐྱེ་མཆེད་དྲུག་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་
ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རེག་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཚོར་
བ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྲེད་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་
སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ལེན་པ་ཆགས་པའམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྲིད་པ་
ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྐྱེ་བ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་
སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རྒ་ཤི་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྦྱིན་པའི་ཕ་རོལ་ཏུ་
ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་

མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་བཟོད་པའི་ཕ་རོལ་ཏུ་ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་
ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་བསམ་གཏན་གྱིས་
རོལ་ཏུ་ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་
རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ནང་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་
སྤྱོད་པའི་ཚེ། གལ་ཏེ་ཕྱི་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཕྱི་ནང་སྟོང་པ་ཉིད་ཆགས་པ་འམ་མ་ཆགས་པ་ཞེས་
བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྟོང་པ་ཉིད་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་
རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཆེན་པོ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་དོན་དམ་པ་སྟོང་པ་ཉིད་

ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་འདུས་བྱས་སྟོང་པ་ཉིད་ཆགས་པ་འམ་མ་ཆགས་པ་ཞེས་
བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་འདུས་མ་བྱས་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་
རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་མཐའ་ལས་འདས་པ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཐོག་མ་
དང་ཐ་མ་མྱེད་པ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་དོར་བ་མྱེད་པ་སྟོང་པ་ཉིད་ཆགས་པ་འམ་མ་ཆགས་པ་ཞེས་
བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རང་བཞིན་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་
ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཆོས་ཐམས་ཅད་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རང་གི་
མཚན་ཉིད་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་མྱི་དམྱིགས་པ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་

མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་དངོས་པོ་མྱེད་པ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་
ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ངོ་བོ་ཉིད་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་དངོས་པོ་མྱེད་པའི་ངོ་བོ་ཉིད་སྟོང་པ་
ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་དྲན་པ་ཉེ་བར་གཞག་པ་རྣམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་
རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཡང་དག་པར་སྤོང་བ་རྣམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་
རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རྫུ་འཕྲུལ་གྱི་རྐང་པ་རྣམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་དབང་པོ་རྣམས་
ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སྟོབས་རྣམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་
ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་བྱང་ཆུབ་ཀྱི་ཡན་ལག་རྣམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་

ཕྱིན་པ་ལ་སྤྱོད་པའི་ཚེ། གལ་ཏེ་འཕགས་པའི་ལམ་ཡན་ལག་བརྒྱད་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་
ཚེ། གལ་ཏེ་འཕགས་པའི་བདེན་པ་རྣམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་བསམ་གཏན་རྣམས་ཆགས་པ་འམ་མ་ཆགས་
པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཚད་མྱེད་པ་རྣམས་ཆགས་པའམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་
སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་གཟུགས་མྱེད་པའི་སྙོམས་པར་འཇུག་པ་རྣམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་
རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རྣམ་པར་ཐར་པ་བརྒྱད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་
ཏེ་མཐར་ཀྱིས་གནས་པའི་སྙོམས་པར་འཇུག་པ་དགུ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་རྣམ་པར་ཐར་པའི་སྒོ་
སྟོང་པ་ཉིད་དང་མཚན་མ་མྱེད་པ་དང་། སྨོན་པ་མྱེད་པ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་མངོན་པར་ཤེས་པ་རྣམས་ཆགས་

པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཏིང་ངེ་འཛིན་རྣམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་
ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་གཟུངས་ཀྱི་སྒོ་རྣམས་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ།
གལ་ཏེ་དེ་བཞིན་གཤེགས་པའི་སྟོབས་བཅུ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་མྱི་འཇིགས་པ་བཞི་ཆགས་པ་འམ་མ་
ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སོ་སོ་ཡང་དག་པར་རིག་པ་བཞི་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་
པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་བྱམས་པ་ཆེན་པོ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་
ཏེ་སྙིང་རྗེ་ཆེན་པོ་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཆགས་པ་འམ་མ་ཆགས་
པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ཐམས་ཅད་ཤེས་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་

དོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གལ་ཏེ་ལམ་གྱི་རྣམ་པ་ཤེས་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །དེ་ཤེས་རབ་ཀྱི་ཕ་རོལ་ཏུ་
ཕྱིན་པ་ལ་སྤྱོད་པའི་ཚེ། གལ་ཏེ་རྣམ་པ་ཐམས་ཅད་མཁྱེན་པ་ཉིད་ཆགས་པ་འམ་མ་ཆགས་པ་ཞེས་བྱ་བར་མྱི་སྤྱོད་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སྤྱོད་ན་གཟུགས་
ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཚོར་བ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །འདུ་ཤེས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །འདུ་བྱེད་ཆགས་པ་
འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །མྱིག་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྣ་བ་ཆགས་པ་འམ་མ་ཆགས་པ་
ཞེས་བྱ་བར་འདུ་ཤེས་པ་མྱེད་དོ། །སྣ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ལྕེ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ལུས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་
མྱེད་དོ། །ཡིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །གཟུགས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །སྒྲ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །དྲི་ཆགས་པ་
འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རོ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རེག་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཆོས་ཆགས་པ་འམ་མ་ཆགས་པ་ཞེས་བྱ་

བར་འདུ་ཤེས་པ་མྱེད་དོ། །མྱིག་གི་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྣ་བའི་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །སྣའི་རྣམ་པར་ཤེས་པ་
ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ལྕེའི་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ལུས་ཀྱི་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་
དོ། །ཡིད་ཀྱི་རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །མྱིག་གི་འདུས་ཏེ་རེག་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྣ་བའི་འདུས་ཏེ་རེག་པ་ཆགས་པ་འམ་མ་ཆགས་པ་
ཞེས་བྱ་བར་འདུ་ཤེས་པ་མྱེད་དོ། །སྣའི་འདུས་ཏེ་རེག་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ལྕེའི་འདུས་ཏེ་རེག་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ལུས་ཀྱི་འདུས་ཏེ་
རེག་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཡིད་ཀྱི་འདུས་ཏེ་རེག་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །མྱིག་གི་འདུས་ཏེ་རེག་པ་ལས་བྱུང་བའི་ཚོར་བ་ཆགས་པ་འམ་མ་
ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྣ་བའི་འདུས་ཏེ་རེག་པ་ལས་བྱུང་བའི་ཚོར་བ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །སྣའི་འདུས་ཏེ་རེག་པ་ལས་བྱུང་བའི་ཚོར་བ་ཆགས་པ་འམ་མ་ཆགས་པ་ཞེས་
བྱ་བར་འདུ་ཤེས་པ་མྱེད་དོ། །ལྕེའི་འདུས་ཏེ་རེག་པ་ལས་བྱུང་བའི་ཚོར་བ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ལུས་ཀྱི་འདུས་ཏེ་རེག་པ་ལས་བྱུང་བའི་ཚོར་བ་ཆགས་པ་འམ་མ་ཆགས་པ་ཞེས་བྱ་བར་འདུ་

ཤེས་པ་མྱེད་དོ། །ཡིད་ཀྱི་འདུས་ཏེ་རེག་པ་ལས་བྱུང་བའི་ཚོར་བ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །སའི་ཁམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །
ཆུའི་ཁམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །མྱེའི་ཁམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རླུང་གི་ཁམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །
ནམ་མཁའི་ཁམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྣམ་པར་ཤེས་པའི་ཁམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །མ་རིག་པ་ཆགས་པ་འམ་མ་ཆགས་པ་ཞེས་བྱ་བར་འདུ་
ཤེས་པ་མྱེད་དོ། །འདུ་བྱེད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྣམ་པར་ཤེས་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །མྱིང་དང་གཟུགས་ཆགས་པ་འམ་མ་ཆགས་པ་ཞེས་བྱ་བར་
འདུ་ཤེས་པ་མྱེད་དོ། །སྐྱེ་མཆེད་དྲུག་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རེག་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཚེ་རབ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་
མྱེད་དོ། །སྲེད་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ལེན་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །སྲིད་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །སྐྱེ་བ་
ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྒ་ཤི་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །སྦྱིན་པའི་ཕ་རོལ་ཏུ་ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཚུལ་

ཁྲིམས་ཀྱི་ཕ་རོལ་ཏུ་ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །བཟོད་པའི་ཕ་རོལ་ཏུ་ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཆགས་པ་འམ་མ་
ཆགས་པ་ཞེས་བྱ་བར་འདུ་ཤེས་པ་མྱེད་དོ། །བསམ་གཏན་གྱི་ཕ་རོལ་ཏུ་ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །
ནང་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཕྱི་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཕྱི་ནང་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །
སྟོང་པ་ཉིད་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཆེན་པོ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །དོན་དམ་པ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་
ཤེས་པ་མྱེད་དོ། །འདུས་བྱས་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །འདུས་མ་བྱས་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །མཐའ་ལས་འདས་པ་སྟོང་པ་ཉིད་ཆགས་
པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཐོག་མ་དང་ཐ་མ་མྱེད་པ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །དོར་བ་མྱེད་པ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །
རང་བཞིན་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཆོས་ཐམས་ཅད་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རང་གི་མཚན་ཉིད་སྟོང་པ་ཉིད་ཆགས་པའམ་མ་ཆགས་པ་

ཞེས་བྱ་བར་འདུ་ཤེས་པ་མྱེད་དོ། །མྱི་དམྱིགས་པ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །དངོས་པོ་མྱེད་པ་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་
དོ། །ངོ་བོ་ཉིད་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །དྲན་པ་ཉེ་བར་གཞག་པ་རྣམས་ཆགས་པ་འམ་མ་
ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཡང་དག་པར་སྤོང་བ་རྣམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྫུ་འཕྲུལ་གྱི་རྐང་པ་རྣམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །དབང་
པོ་རྣམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །སྟོབས་རྣམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །བྱང་ཆུབ་ཀྱི་ཡན་ལག་རྣམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་
མྱེད་དོ། །འཕགས་པའི་ལམ་ཡན་ལག་བརྒྱད་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །འཕགས་པའི་བདེན་པ་རྣམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །བསམ་གཏན་རྣམས་ཆགས་
པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཚད་མྱེད་པ་རྣམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །གཟུགས་མྱེད་པའི་སྙོམས་པར་འཇུག་པ་རྣམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་
མྱེད་དོ། །རྣམ་པར་ཐར་པ་བརྒྱད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །མཐར་ཀྱིས་གནས་པའི་སྙོམས་པར་འཇུག་པ་དགུ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྣམ་པར་ཐར་པའི་སྒོ་

སྒོ་སྟོང་པ་ཉིད་དང་མཚན་མ་མྱེད་པ་དང་སྨོན་པ་མྱེད་པ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །མངོན་པར་ཤེས་བ་རྣམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཏིང་ངེ་འཛིན་རྣམས་ཆགས་པ་འམ་མ་ཆགས་
པ་ཞེས་བྱ་བར་འདུ་ཤེས་པ་མྱེད་དོ། །གཟུངས་ཀྱི་སྒོ་རྣམས་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །དེ་བཞིན་གཤེགས་པའི་སྟོབས་བཅུ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །མྱི་འཇིགས་པ་
བཞི་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །སོ་སོ་ཡང་དག་པར་རིག་པ་བཞི་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །བྱམས་པ་ཆེན་པོ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །
སྙིང་རྗེ་ཆེན་པོ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རྒྱུན་ཏུ་ཞུགས་པའི་འབྲས་བུ་ཆགས་པ་འམ་མ་ཆགས་
པ་ཞེས་བྱ་བར་འདུ་ཤེས་པ་མྱེད་དོ། །ལན་ཅིག་ཕྱིར་འོང་བའི་འབྲས་བུ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །ཕྱིར་མྱི་འོང་བའི་འབྲས་བུ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །དགྲ་
བཅོམ་པ་ཉིད་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །རང་བྱང་ཆུབ་ཆགས་པ་འམ་མ་ཆགས་པ་ཞེས་བྱ་བར་འདུ་ཤེས་པ་མྱེད་དོ། །བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཆགས་པ་འམ་མ་ཆགས་པ་ཞེས་བྱ་
བར་འདུ་ཤེས་པ་མྱེད་དོ། །གསོལ་པ། བཅོམ་ལྡན་འདས་དེ་ལྟར་ཆོས་ཟབ་མོ་འདི་བསྟན་ཀྱང་ཡོངས་སུ་མྱི་འགྲིབ། མ་བསྟན་ཀྱང་ཡོངས་སུ་མྱི་འགྲིབ། བསྟན་ཀྱང་མྱི་འཕེལ། མ་བསྟན་ཀྱང་མྱི་འཕེལ་བ་ངོ་མཚར་ཆེའོ། །བཅོམ་

ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །རབ་འབྱོར་དེ་དེ་བཞིན་ཏེ། ཆོས་ཟབ་མོ་འདི་བསྟན་ཀྱང་ཡོངས་སུ་མྱི་འགྲིབ། མ་བསྟན་ཀྱང་ཡོངས་སུ་མྱི་འགྲིབ། བསྟན་ཀྱང་མྱི་འཕེལ་མ་བསྟན་ཀྱང་མྱི་
འཕེལ་ལོ། །རབ་འབྱོར་འདི་ལྟ་སྟེ་དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་འཚོའི་བར་དུ་བཞུགས་ཤིང་ནམ་མཁའི་ལེགས་པ་འམ་མ་ལགས་པ་བརྗོད་ཀྱང་། ནམ་མཁའ་ནི་ལེགས་པ་
བརྗོད་པས་ཡོངས་སུ་འགྲིབ་པ་མྱེད་དོ། །ཉེས་པ་བརྗོད་པས་ཡོངས་སུ་འགྲིབ་པ་མྱེད་དོ། །ནམ་མཁའ་ནི་ལེགས་པ་བརྗོད་ཀྱང་འཕེལ་བ་མྱེད་དོ། །ཉེས་པ་བརྗོད་ཀྱང་འཕེལ་བ་མྱེད་དོ། །རབ་འབྱོར་འདི་ལྟ་སྟེ་དཔེར་ན། སྒྱུ་མའི་སྐྱེས་
བུ་ནི་ལེགས་པ་བརྗོད་ཀྱང་འཕེལ་བ་མྱེད་དོ། །ཉེས་པ་བརྗོད་ཀྱང་འགྲིབ་པ་མྱེད་དོ། །ལེགས་པ་བརྗོད་ཀྱང་ཆགས་པར་འགྱུར་བ་མྱེད་དོ། །ཉེས་པ་བརྗོད་ཀྱང་ཁོང་ཁྲོ་བར་འགྱུར་བ་མྱེད་དོ། །རབ་འབྱོར་དེ་བཞིན་དུ་ཆོས་རྣམས་ཀྱི་ཆོས་
ཉིད་གང་ཡིན་པ་དེ་བསྟན་ཀྱང་དེ་བཞིན་མ་བསྟན་ཀྱང་དེ་བཞིན་ནོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པའི་ཚེ། ཞུམ་པ་དང་གཡེང་
བར་མྱི་འགྱུར་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བརྩོན་པར་བགྱིད་ཅིང་། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ལས་སླར་མྱི་ལྡོག་པ་ནི་དཀའ་བ་བགྱིད་པའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟ་སྟེ། བྱང་ཆུབ་
སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་འདི་ནི་ནམ་མཁའ་བསྒོམ་པ་སྟེ། ནམ་མཁའ་ལ་ནི་གཟུགས་མ་མཆིས་སོ། །ཚོར་བ་མ་མཆིས་སོ། །འདུ་ཤེས་མ་མཆིས་སོ། །འདུ་བྱེད་མ་མཆིས་སོ། །

རྣམ་པར་ཤེས་པ་མ་མཆིས་སོ། །ནམ་མཁའ་ལ་ནི་མྱིག་མ་མཆིས་སོ། །རྣ་བ་མ་མཆིས་སོ། །སྣ་མ་མཆིས་སོ། །ལྕེ་མ་མཆིས་སོ། །ལུས་མ་མཆིས་སོ། །ཡིད་མ་མཆིས་སོ། །ནམ་མཁའ་ལ་ནི་གཟུགས་མ་མཆིས་སོ། །སྒྲ་མ་མཆིས་སོ། །
དྲི་མ་མཆིས་སོ། །རོ་མ་མཆིས་སོ། །རེག་མ་མཆིས་སོ། །ཆོས་མ་མཆིས་སོ། །ནམ་མཁའ་ལ་ནི་མྱིག་གི་རྣམ་པར་ཤེས་པ་མ་མཆིས་སོ། །རྣ་བའི་རྣམ་པར་ཤེས་པ་མ་མཆིས་སོ། །སྣའི་རྣམ་པར་ཤེས་པ་མ་མཆིས་སོ། །ལྕེའི་རྣམ་པར་
ཤེས་པ་མ་མཆིས་སོ། །ལུས་ཀྱི་རྣམ་པར་ཤེས་པ་མ་མཆིས་སོ། །ཡིད་ཀྱི་རྣམ་པར་ཤེས་པ་མ་མཆིས་སོ། །ནམ་མཁའ་ལ་ནི་མྱིག་གི་འདུས་ཏེ་རེག་པ་མ་མཆིས་སོ། །རྣ་བའི་འདུས་ཏེ་རེག་པ་མ་མཆིས་སོ། །སྣའི་འདུས་ཏེ་རེག་པ་མ་
མཆིས་སོ། །ལྕེའི་འདུས་ཏེ་རེག་པ་མ་མཆིས་སོ། །ལུས་ཀྱི་འདུས་ཏེ་རེག་པ་མ་མཆིས་སོ། །ཡིད་ཀྱི་འདུས་ཏེ་རེག་པ་མ་མཆིས་སོ། །ནམ་མཁའ་ལ་ནི་མྱིག་གི་འདུས་ཏེ་རེག་པ་ལས་བྱུང་བའི་ཚོར་བ་མ་མཆིས་སོ། །རྣ་བའི་འདུས་ཏེ་
རེག་པ་ལས་བྱུང་བའི་ཚོར་བ་མ་མཆིས་སོ། །སྣའི་འདུས་ཏེ་རེག་པ་ལས་བྱུང་བའི་ཚོར་བ་མ་མཆིས་སོ། །ལྕེའི་འདུས་ཏེ་རེག་པ་ལས་བྱུང་བའི་ཚོར་བ་མ་མཆིས་སོ། །ལུས་ཀྱི་འདུས་ཏེ་རེག་པ་ལས་བྱུང་བའི་ཚོར་བ་མ་མཆིས་སོ། །ཡིད་
ཀྱི་འདུས་ཏེ་རེག་པ་ལས་བྱུང་བའི་ཚོར་བ་མ་མཆིས་སོ། །ནམ་མཁའ་ལ་ནི་སའི་ཁམས་མ་མཆིས་སོ། །ཆུའི་ཁམས་མ་མཆིས་སོ། །མྱེའི་ཁམས་མ་མཆིས་སོ། །རླུང་གི་ཁམས་མ་མཆིས་སོ། །ནམ་མཁའི་ཁམས་མ་མཆིས་སོ། །རྣམ་པར་ཤེས་
པའི་ཁམས་མ་མཆིས་སོ། །ནམ་མཁའ་ལ་ནི་མ་རིག་པ་མ་མཆིས་སོ། །འདུ་བྱེད་མ་མཆིས་སོ། །རྣམ་པར་ཤེས་པ་མ་མཆིས་སོ། །མྱིང་དང་གཟུགས་མ་མཆིས་སོ། །སྐྱེ་མཆེད་དྲུག་མ་མཆིས་སོ། །རེག་པ་མ་མཆིས་སོ། །ཚོར་

བ་མ་མཆིས་སོ། །སྲེད་པ་མ་མཆིས་སོ། །ལེན་པ་མ་མཆིས་སོ། །སྲིད་པ་མ་མཆིས་སོ། །སྐྱེ་བ་མ་མཆིས་སོ། །རྒ་ཤི་མ་མཆིས་སོ། །ནམ་མཁའ་ལ་ནི་སྦྱིན་པའི་ཕ་རོལ་ཏུ་ཕྱིན་པ་མ་མཆིས་སོ། །ཚུལ་ཁྲིམས་ཀྱི་
ཕ་རོལ་ཏུ་ཕྱིན་པ་མ་མཆིས་སོ། །བཟོད་པའི་ཕ་རོལ་ཏུ་ཕྱིན་པ་མ་མཆིས་སོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་མ་མཆིས་སོ། །བསམ་གཏན་གྱི་ཕ་རོལ་ཏུ་ཕྱིན་པ་མ་མཆིས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་མ་མཆིས་སོ། །ནམ་
མཁའ་ལ་ནི་ནང་སྟོང་པ་ཉིད་མ་མཆིས་སོ། །ཕྱི་སྟོང་པ་ཉིད་མ་མཆིས་སོ། །ཕྱི་ནང་སྟོང་པ་ཉིད་མ་མཆིས་སོ། །སྟོང་པ་ཉིད་སྟོང་པ་ཉིད་མ་མཆིས་སོ། །ཆེན་པོ་སྟོང་པ་ཉིད་མ་མཆིས་སོ། །དོན་དམ་པ་སྟོང་པ་ཉིད་མ་མཆིས་སོ། །འདུས་བྱས་
སྟོང་པ་ཉིད་མ་མཆིས་སོ། །འདུས་མ་བྱས་སྟོང་པ་ཉིད་མ་མཆིས་སོ། །མཐའ་ལས་འདས་པ་སྟོང་པ་ཉིད་མ་མཆིས་སོ། །ཐོག་མ་དང་ཐ་མ་མྱེད་པ་སྟོང་པ་ཉིད་མ་མཆིས་སོ། །དོར་བ་མྱེད་པ་སྟོང་པ་ཉིད་མ་མཆིས་སོ། །རང་བཞིན་སྟོང་པ་ཉིད་མ་
མཆིས་སོ། །ཆོས་ཐམས་ཅད་སྟོང་པ་ཉིད་མ་མཆིས་སོ། །རང་གི་མཚན་ཉིད་སྟོང་པ་ཉིད་མ་མཆིས་སོ། །མྱི་དམྱིགས་པ་སྟོང་པ་ཉིད་མ་མཆིས་སོ། །དངོས་པོ་མེད་པ་སྟོང་པ་ཉིད་མ་མཆིས་སོ། །ངོ་བོ་ཉིད་སྟོང་པ་ཉིད་མ་མཆིས་སོ། །
དངོས་པོ་མྱེད་པའི་ངོ་བོ་ཉིད་སྟོང་པ་ཉིད་མ་མཆིས་སོ། །ནམ་མཁའ་ལ་ནི་དྲན་པ་ཉེ་བར་གཞག་པ་རྣམས་མ་མཆིས་སོ། །ཡང་དག་པར་སྤོང་བ་རྣམས་མ་མཆིས་སོ། །རྫུ་འཕྲུལ་གྱི་རྐང་པ་རྣམས་མ་མཆིས་སོ། །དབང་པོ་རྣམས་མ་མཆིས་སོ། །
སྟོབས་རྣམས་མ་མཆིས་སོ། །བྱང་ཆུབ་ཀྱི་ཡན་ལག་རྣམས་མ་མཆིས་སོ། །འཕགས་པའི་ལམ་ཡན་ལག་བརྒྱད་པ་མ་མཆིས་སོ། །འཕགས་པའི་བདེན་པ་རྣམས་མ་མཆིས་སོ། །བསམ་གཏན་རྣམས་མ་མཆིས་སོ། །ཚད་མྱེད་པ་

རྣམས་མ་མཆིས་སོ། །གཟུགས་མྱེད་པའི་སྙོམས་པར་འཇུག་པ་རྣམས་མ་མཆིས་སོ། །རྣམ་པར་ཐར་པ་བརྒྱད་མ་མཆིས་སོ། །མཐར་ཀྱིས་གནས་པའི་སྙོམས་པར་འཇུག་པ་དགུ་མ་མཆིས་སོ། །རྣམ་པར་ཐར་པའི་སྒོ་སྟོང་པ་ཉིད་དང་མཚན་
མ་མྱེད་པ་དང་། སྨོན་པ་མྱེད་པ་མ་མཆིས་སོ། །མངོན་པར་ཤེས་པ་རྣམས་མ་མཆིས་སོ། །ཏིང་ངེ་འཛིན་རྣམས་མ་མཆིས་སོ། །གཟུངས་ཀྱི་སྒོ་རྣམས་མ་མཆིས་སོ། །ནམ་མཁའ་ལ་ནི་དེ་བཞིན་གཤེགས་པའི་སྟོབས་བཅུ་མ་མཆིས་སོ། །
མྱི་འཇིགས་པ་བཞི་མ་མཆིས་སོ། །སོ་སོ་ཡང་དག་པར་རིག་པ་བཞི་མ་མཆིས་སོ། །བྱམས་པ་ཆེན་པོ་མ་མཆིས་སོ། །སྙིང་རྗེ་ཆེན་པོ་མ་མཆིས་སོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་མ་མཆིས་སོ། །ནམ་མཁའ་ལ་ནི་
རྒྱུན་ཏུ་ཞུགས་པའི་འབྲས་བུ་མ་མཆིས་སོ། །ལན་ཅིག་ཕྱིར་འོང་བའི་འབྲས་བུ་མ་མཆིས་སོ། །ཕྱིར་མྱི་འོང་བའི་འབྲས་བུ་མ་མཆིས་སོ། །དགྲ་བཅོམ་པ་ཉིད་མ་མཆིས་སོ། །རང་བྱང་ཆུབ་མ་མཆིས་སོ། །བླ་ན་མྱེད་པ་ཡང་དག་པར་
རྫོགས་པའི་བྱང་ཆུབ་མ་མཆིས་སོ།། །།ཤེས་རབ་ཀྱི་ཕ་རོལ་ཏུ་ཕྱིནད་པ་སྟོང་ཕྲག་བརྒྱ་པ། བམ་པོ་བཅྭོ་བརྒྱད་པ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས་གོ་ཆ་འདི་
འཚལ་བ་དེ་དག་ནི། ཕྱག་བགྱི་བར་འོས་པའོ། །བཅོམ་ལྡན་འདས་གང་གིས་གོ་ཆ་འདི་འཚལ་བ་དེ་དག་ནི་ནམ་མཁའི་དོན་དུ་བརྩོན་པར་མོས། འབད་པར་མོས། རྩོལ་བར་མོས་པ་དག་སྟེ། བཅོམ་ལྡན་འདས་གང་གིས་སེམས་ཅན་
རྣམས་ཀྱི་སླད་དུ། གོ་ཆ་འཚལ་བ་དེ་དག་ནི་ནམ་མཁའ་ཡོངས་སུ་སྨིན་པར་འཚལ་ཞིང་། ཡོངས་སུ་དགྲོལ་བར་འཚལ་བའོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའ་ལྟ་བུའི་ཆོས་རྣམས་ཀྱི་སླད་དུ།

གོ་ཆ་འཚལ་བ་དེ་དག་ནི་གོ་ཆ་ཆེན་པོ་འཚལ་བའོ། །བཅོམ་ལྡན་འདས་སེམས་ཅན་རྣམས་ཀྱི་དོན་དུ་གོ་ཆ་འཚལ་བ་དེ་དག་ནི་ནམ་མཁའ་བར་སྣང་ལ་གདེགས་པར་འཚལ་བའོ། །བཅོམ་ལྡན་འདས་བྱང་ཆུབ་སེམས་
དཔའ་སེམས་དཔའ་ཆེན་པོ་གང་སེམས་ཅན་རྣམས་ཀྱི་སླད་དུ། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དེ་དག་ནི་བརྩོན་འགྲུས་ཆེན་པོ་ཐོབ་པའོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་
པོ་གང་སེམས་ཅན་རྣམས་ཀྱི་དོན་དུ་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དེ་དག་ནི་གོ་ཆ་ཆེན་པོ་འཚལ་པའོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་གང་ནམ་མཁའ་ལྟ་བུའི་ཆོས་
རྣམས་ཀྱི་སླད་དུ། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འཚལ་བ་དེ་དག་ནི། དཔའ་བོ་བསམ་གྱིས་མྱི་ཁྱབ་པ། མཚུངས་པ་མ་མཆིས་པའི་གོ་ཆ་འཚལ་བའོ། །དེ་ཅིའི་སླད་དུ་ཞེ་ན། བཅོམ་
ལྡན་འདས་གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལྟ་སྟེ། དཔེར་ན་འདམ་བུའི་ཚལ་ལམ། འོད་མའི་ཚལ་ལམ། བུ་རམ་ཤིང་གི་ཚལ་ལམ། སྨྱིག་མའི་ཚལ་ལམ་འབྲས་ཀྱི་ཤིང་ངམ། ཏིལ་གྱི་ཞིང་བཞིན་དུ་
དེ་བཞིན་གཤེགས་པ་མང་པོས་ཡོངས་སུ་གང་བར་གྱུར་ལ། དེ་བཞིན་གཤེགས་པ་དེ་དག་གིས་ཀྱང་བསྐལ་པ་འམ། བསྐལ་པའི་ལྷག་མར་ཆོས་བསྟན་ཏེ། དེ་བཞིན་གཤེགས་པ་རེ་རེས་སེམས་ཅན་ཚད་མ་མཆིས་གྲངས་མ་མཆིས་པ་
ཡོངས་སུ་མྱ་ངན་ལས་བཟླས་ཀྱང་། བཅོམ་ལྡན་འདས་སེམས་ཅན་གྱི་ཁམས་ལ་འགྲིབ་པ་འམ་འགང་བ་མྱི་གདའོ། །དེ་ཅིའི་སླད་དུ་ཞེ་ན། སེམས་ཅན་མ་མཆིས་པ་དང་སེམས་ཅན་དབེན་པའི་སླད་དུ་སྟེ། དེ་བཞིན་དུ་གལ་ཏེ་ཕྱོགས་

བཅུའི་ཕྱོགས་རེ་རེ་ཞིང་ཡང་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་འདི་ལྟ་སྟེ། དཔེར་ན་འདམ་བུའི་ཚལ་ལམ། འོད་མའི་ཚལ་ལམ། བུ་རམ་ཤིང་གི་ཚལ་ལམ། སྨྱིག་མའི་ཚལ་ལམ། འབྲས་ཀྱི་ཞིང་ངམ་ཏིལ་གྱི་ཞིང་བཞིན་
དུ་དེ་བཞིན་གཤེགས་པ་མང་པོས་ཡོངས་སུ་གང་བར་གྱུར་ལ། དེ་བཞིན་གཤེགས་པ་དེ་དག་གིས་ཀྱང་བསྐལ་པ་འམ་བསྐལ་པའི་ལྷག་མར་ཆོས་བསྟན་ཏེ། དེ་བཞིན་གཤེགས་པ་རེ་རེས་སེམས་ཅན་ཚད་མ་མཆིས་གྲངས་མ་མཆིས་པ་ཡོངས་སུ་
མྱ་ངན་ལས་བཟླས་ཀྱང་། སེམས་ཅན་གྱི་ཁམས་ལ་འགྲིབ་པ་འམ་འགང་བར་མྱི་གདའ་འོ། །དེ་ཅིའི་སླད་དུ་ཞེ་ན། སེམས་ཅན་མ་མཆིས་པ་དང་། སེམས་ཅན་དབེན་པའི་སླད་དུ་སྟེ། བཅོམ་ལྡན་འདས་རྣམ་གྲངས་དེས་ན། བདག་འདི་
སྐད་དུ་སེམས་ཅན་རྣམས་ཀྱི་སླད་དུ། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འཚལ་པ་དེ་དག་ནི་ནམ་མཁའ་ཡོངས་སུ་སྨིན་པར་བགྱི་བར་འཚལ་ཞིང་ཡོངས་སུ་དགྲོལ་བར་འཚལ་བ་ལགས་
ཞེས་མཆིའོ། །དེ་ནས་དགེ་སློང་གཅིག་ཅིག་འདི་སྙམ་དུ་གྱུར་ཏེ། གང་ལ་ཆོས་གང་ཡང་སྐྱེ་བ་དང་འགག་པ་ཡང་མྱེད་ལ། ཚུལ་ཁྲིམས་ཀྱི་ཕུང་པོ་ཡང་ཡོད། ཏིང་ངེ་འཛིན་གྱི་ཕུང་པོ་ཡང་ཡོད། ཤེས་རབ་ཀྱི་ཕུང་པོ་ཡང་ཡོད།
རྣམ་པར་གྲོལ་བའི་ཕུང་པོ་ཡང་ཡོད། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་ཡང་ཡོད། རྒྱུན་ཏུ་ཞུགས་པའི་འབྲས་བུ་ཡང་ཡོད། ལན་ཅིག་ཕྱིར་འོང་བའི་འབྲས་བུ་ཡང་ཡོད། ཕྱིར་མྱི་འོང་བའི་འབྲས་བུ་ཡང་ཡོད། དགྲ་བཅོམ་
པ་ཉིད་ཀྱང་ཡོད། །རང་བྱང་ཆུབ་ཀྱང་ཡོད། བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཀྱང་ཡོད། རྒྱུན་ཏུ་ཞུགས་པ་ཡང་ཡོད། ལན་ཅིག་ཕྱིར་འོང་བ་དང་། ཕྱིར་མྱི་འོང་བ་ཡང་ཡོད། དགྲ་བཅོམ་པ་ཡང་ཡོད། རང་སངས་

རྒྱས་ཀྱང་ཡོད། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་ཡོད། སངས་རྒྱས་དཀོན་མཆོག་ཀྱང་ཡོད། ཆོས་དཀོན་མཆོག་ཀྱང་ཡོད། དགེ་འདུན་དཀོན་མཆོག་ཀྱང་ཡོད་
ཆོས་ཀྱི་འཁོར་ལོ་སྐོར་བ་ཡང་ཡོད་པའི་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །སྙམ་པ་དང་། དེ་ནས་ལྷའི་དབང་པོ་བརྒྱ་བྱིན་གྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་
འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་བརྩོན་པར་བྱེད་པ་ཞིག་ཡོད་ན། དེ་གང་ལ་བརྩོན་པར་བྱེད་པ་ཡིན། རབ་འབྱོར་ཀྱིས་སྨྲས་པ། ཀཽ་ཤི་ཀ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་
ལ་བསླབ་པར་སེམས་པ་དེ་ནི། ནམ་མཁའ་སྟོང་པ་ལ་བརྩོན་པའོ། །དེ་ནས་ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་ཤེས་རབ་ཀྱི་ཕ་
རོལ་ཏུ་ཕྱིན་པ་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། ཚུལ་བཞིན་དུ་ཡིད་ལ་བགྱིད་པ་དེ་ལ་བདག་གིས་བསྲུང་བ་དང་། བསྐྱང་བ་དང་། བསྐྱབ་པ་ཇི་ལྟ་བུ་ཞིག་བག་བགྱི། བཅོམ་ལྡན་འདས་ཀྱིས་བདག་ལ་
བཀའ་སྩལ་དུ་གསོལ། དེ་ནས་ཚེ་དང་ལྡན་པ་རབ་འབྱོར་ཀྱིས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་ཁྱོད་ཀྱིས་གང་ལ་བསྲུང་བ་དང་བསྐྱང་བ་དང་། བསྐྱབ་པར་བྱ་བའི་ཆོས་དེ་ལྟ་བུ་ཡང་དག་པར་རྗེས་སུ་མཐོང་ངམ། སྨྲས་
པ་བཙུན་པ་རབ་འབྱོར་བདག་གིས་གང་ལ་བསྲུང་བ་དང་། བསྐྱང་བ་དང་། བསྐྱབ་པར་བྱ་བའི་ཆོས་དེ་ལྟ་བུ་ཡང་དག་པར་རྗེས་སུ་མ་མཐོང་ངོ་། །རབ་འབྱོར་ཀྱིས་སྨྲས་པ། ཀཽ་ཤི་ཀ་གལ་ཏེ་རིགས་ཀྱི་བུ་འམ། རིགས་ཀྱི་བུ་མོ་ཇི་སྐད་དུ་བསྟན་

པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ན་དེ་ཉིད་དེའི་བསྲུང་བ་དང་། བསྐྱང་བ་དང་། བསྐྱབ་པར་འགྱུར་རོ། །གལ་ཏེ་ཇི་སྐད་དུ་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བར་གྱུར་ན། དེ་ལ་མྱིའམ་མྱི་མ་ཡིན་པ་གླགས་ཚོལ་བ་རྣམས་
ཀྱིས་གླགས་རྙེད་པར་འགྱུར་རོ། །གང་ཇི་སྐད་དུ་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མྱི་གནས་པའི་རིགས་ཀྱི་བུ་འམ། རིགས་ཀྱི་བུ་མོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བར་རིག་པར་བྱའོ། ཀཽ་ཤི་ཀ་བྱང་ཆུབ་སེམས་དཔའ་
སེམས་དཔའ་ཆེན་པོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་རྣམས་བསྲུང་བ་དང་། བསྐྱང་བ་དང་། བསྐྱབ་པར་གང་སེམས་པ་དེ་ནི་ནམ་མཁའ་ལ་བསྲུང་བ་དང་། བསྐྱང་བ་དང་། བསྐྱབ་པར་སེམས་པ་སྟེ། དེ་ནི་བསམ་པ་ལྟར་མྱི་འགྲུབ་
ཅིང་དུབ་པའི་སྐལ་བ་ཅན་དུ་འགྱུར་རོ། །ཀཽ་ཤི་ཀ་དེ་ཇི་སྙམ་དུ་སེམས། ཁྱོད་ཀྱིས་སྒྱུ་མ་དང་། སྨྱིག་རྒྱུ་དང་། རྨྱི་ལམ་དང་། སྒྲ་བརྙན་དང་། མྱིག་ཡོར་དང་། དྲི་ཟའི་གྲོང་ཁྱེར་དང་། སྤྲུལ་པ་ལ་བསྲུང་བ་དང་། བསྐྱང་བ་དང་། བསྐྱབ་
པར་ནུས་སམ། བརྒྱ་བྱིན་གྱིས་སྨྲས་པ། བཙུན་པ་རབ་འབྱོར་དེ་ནི་མྱི་ནུས་སོ། །སྨྲས་པ། ཀཽ་ཤི་ཀ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་རྣམས་བསྲུང་བ་དང་། བསྐྱང་བ་དང་། བསྐྱབ་
པར་གང་སེམས་པ་དེ་ནི་བསམ་པ་ལྟར་མྱི་འགྲུབ་ཅིང་། དུབ་པའི་སྐལ་པ་ཅན་དུ་འགྱུར་རོ། །ཀཽ་ཤི་ཀ་དེ་ཇི་སྙམ་དུ་སེམས། ཁྱོད་ཀྱིས་དེ་བཞིན་གཤེགས་པ་འམ། དེ་བཞིན་གཤེགས་པའི་སྤྲུལ་པ་ལ་བསྲུང་བ་དང་། བསྐྱང་བ་དང་། བསྐྱབ་
པར་ནུས་སམ། བརྒྱ་བྱིན་གྱིས་སྨྲས་པ། བཙུན་པ་རབ་འབྱོར་དེ་ནི་མྱི་ནུས་སོ། །སྨྲས་པ། ཀཽ་ཤི་ཀ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་རྣམས་བསྲུང་བ་དང་། བསྐྱང་བ་དང་། བསྐྱབ་

པར་གང་སེམས་པ་དེ་ནི་བསམ་པ་ལྟར་མྱི་འགྲུབ་ཅིང་། དུབ་པའི་སྐལ་བ་ཅན་དུ་འགྱུར་རོ། །ཀཽ་ཤི་ཀ་དེ་ཇི་སྙམ་དུ་སེམས། ཁྱོད་ཀྱིས་ཆོས་ཀྱི་དབྱིངས་དང་། ཡང་དག་པའི་མཐའ་དང་། དེ་བཞིན་ཉིད་དང་། བསམ་
གྱིས་མྱི་ཁྱབ་པའི་དབྱིངས་ལ་བསྲུང་བ་དང་། བསྐྱང་བ་དང་། བསྐྱབ་པར་ནུས་སམ། བརྒྱ་བྱིན་གྱིས་སྨྲས་པ། བཙུན་པ་རབ་འབྱོར་དེ་ནི་མྱི་ནུས་སོ། །སྨྲས་པ། ཀཽ་ཤི་ཀ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་
རོལ་ཏུ་ཕྱིན་པ་ལ་སྤྱོད་པ་རྣམས་བསྲུང་བ་དང་། བསྐྱང་བ་དང་། བསྐྱབ་པར་གང་སེམས་པ་དེ་ནི་བསམ་པ་ལྟར་མྱི་འགྲུབ་ཅིང་། དུབ་པའི་སྐལ་བ་ཅན་དུ་འགྱུར་རོ། །དེ་ནས་ལྷའི་དབང་པོ་བརྒྱ་བྱིན་གྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་
སྨྲས་སོ། །བཙུན་པ་རབ་འབྱོར་ཇི་ཙམ་གྱིས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། རྨྱི་ལམ་ལྟ་བུའི་ཆོས་དང་། སྒྱུ་མ་ལྟ་བུ་དང་། སྨྱིག་རྒྱུ་ལྟ་བུ་དང་། སྒྲ་བརྙན་ལྟ་བུ་དང་། མྱིག་ཡོར་ལྟ་
བུ་དང་། དྲི་ཟའི་གྲོང་ཁྱེར་ལྟ་བུ་དང་། སྤྲུལ་པ་ལྟ་བུའི་ཆོས་རྣམས་ཡོངས་སུ་ཤེས་པ་དང་། དེ་ལྟར་ཡོངས་སུ་ཤེས་པས། བྱང་ཆུབ་སེམས་དཔའ་སེམས་དཔའ་ཆེན་པོ་རྨྱི་ལམ་རློམ་སེམས་སུ་མྱི་བྱེད། རྨྱི་ལམ་གྱིས་རློམ་སེམས་སུ་མྱི་བྱེད། རྨྱི་
ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་རློམ་སེམས་སུ་མྱི་བྱེད། སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་བྱེད། སྒྱུ་མ་ལ་རློམ་སེམས་སུ་མྱི་བྱེད།
སྨྱིག་རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་རློམ་སེམས་སུ་མྱི་བྱེད། སྒྲ་བརྙན་རློམ་སེམས་སུ་མྱི་བྱེད། སྒྲ་བརྙན་གྱིས་རློམ་སེམས་སུ་མྱི་བྱེད། སྒྲ་བརྙན་བདག་

གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི་བྱེད། །མྱིག་ཡོར་རློམ་སེམས་སུ་མྱི་བྱེད། མྱིག་ཡོར་གྱིས་རློམ་སེམས་སུ་མྱི་བྱེད། མྱིག་ཡོར་བདག་གི་ཞེས་རློམ་སེམས་སུ་མྱི་བྱེད། མྱིག་ཡོར་ལ་རློམ་སེམས་སུ་མྱི་བྱེད།
དྲི་ཟའི་གྲོང་ཁྱེར་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་བདག་གི་ཞེས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་ལ་རློམ་སེམས་སུ་མྱི་བྱེད། །སྤྲུལ་པ་རློམ་སེམས་སུ་མྱི་བྱེད། སྤྲུལ་པས་རློམ་
སེམས་སུ་མྱི་བྱེད། སྤྲུལ་པ་བདག་གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་སེམས་སུ་མྱི་བྱེད་པ་ཡིན། །རབ་འབྱོར་ཀྱིས་སྨྲས་པ། ཀཽ་ཤི་ཀ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་
པའི་ཚེ། གཟུགས་རློམ་སེམས་སུ་མྱི་བྱེད། གཟུགས་ཀྱིས་རློམ་སེམས་སུ་མྱི་བྱེད། གཟུགས་བདག་གི་ཞེས་རློམ་སེམས་སུ་མྱི་བྱེད། གཟུགས་ལ་རློམ་སེམས་སུ་མྱི་བྱེད་ན། དེ་རྨྱི་ལམ་རློམ་སེམས་སུ་མྱི་བྱེད། རྨྱི་ལམ་གྱིས་རློམ་སེམས་
སུ་མྱི་བྱེད། རྨྱི་ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་རློམ་སེམས་སུ་མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་བྱེད། སྒྱུ་མ་ལ་རློམ་སེམས་
སུ་མྱི་བྱེད་དོ། །དེ་སྨྱིག་རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་རློམ་སེམས་སུ་མྱི་བྱེད་དོ། །དེ་སྒྲ་བརྙན་རློམ་སེམས་སུ་མྱི་བྱེད། སྒྲ་བརྙན་གྱིས་རློམ་སེམས་
སུ་མྱི་བྱེད། སྒྲ་བརྙན་བདག་གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི་བྱེད་དོ། །དེ་མྱིག་ཡོར་རློམ་སེམས་སུ་མྱི་བྱེད། མྱིག་ཡོར་གྱིས་རློམ་སེམས་སུ་མྱི་བྱེད། མྱིག་ཡོར་བདག་གི་ཞེས་རློམ་སེམས་སུ་མྱི་བྱེད། མྱིག་ཡོར་

ལ་རློམ་སེམས་སུ་མྱི་བྱེད་དོ། །དེ་དྲི་ཟའི་གྲོང་ཁྱེར་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་བདག་གི་ཞེས་རློམ་སེམས་སུ་མྱི་བྱེད། །དྲི་ཟའི་གྲོང་ཁྱེར་ལ་རློམ་སེམས་
སུ་མྱི་བྱེད་དོ། །དེ་སྤྲུལ་པ་རློམ་སེམས་སུ་མྱི་བྱེད། སྤྲུལ་པས་རློམ་སེམས་སུ་མྱི་བྱེད། སྤྲུལ་པ་བདག་གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་སེམས་སུ་མྱི་བྱེད་དོ། །ཀཽ་ཤི་ཀ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་
ཀྱི་ཕ་རོལ་ཏུ་ཕྱིནད་པ་ལ་སྤྱོད་པའི་ཚེ། ཚོར་བ་རློམ་སེམས་སུ་མྱི་བྱེད། ཚོར་བས་རློམ་སེམས་སུ་མྱི་བྱེད། ཚོར་བ་བདག་གི་ཞེས་རློམ་སེམས་སུ་མྱི་བྱེད། ཚོར་བ་ལ་རློམ་སེམས་སུ་མྱི་བྱེད་ན། དེ་རྨྱི་ལམ་རློམ་སེམས་སུ་མྱི་བྱེད། རྨྱི་ལམ་གྱིས་
རློམ་སེམས་སུ་མྱི་བྱེད། རྨྱི་ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་རློམ་སེམས་སུ་མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་བྱེད། སྒྱུ་མ་ལ་
རློམ་སེམས་སུ་མྱི་བྱེད་དོ། །དེ་སྨྱིག་རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་རློམ་སེམས་སུ་མྱི་བྱེད་དོ། །དེ་སྒྲ་བརྙན་རློམ་སེམས་སུ་མྱི་བྱེད། སྒྲ་བརྙན་
གྱིས་རློམ་སེམས་སུ་མྱི་བྱེད། སྒྲ་བརྙན་བདག་གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི་བྱེད་དོ། །དེ་མྱིག་ཡོར་རློམ་སེམས་སུ་མྱི་བྱེད། མྱིག་ཡོར་གྱིས་རློམ་སེམས་སུ་མྱི་བྱེད། མྱིག་ཡོར་བདག་གི་ཞེས་རློམ་སེམས་སུ་
མྱི་བྱེད། མྱིག་ཡོར་ལ་རློམ་སེམས་སུ་མྱི་བྱེད་དོ། །དེ་དྲི་ཟའི་གྲོང་ཁྱེར་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་བདག་གི་ཞེས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་ལ་རློམ་སེམས་སུ་

མྱི་བྱེད་དོ། །དེ་སྤྲུལ་པ་རློམ་སེམས་སུ་མྱི་བྱེད། སྤྲུལ་པས་རློམ་སེམས་སུ་མྱི་བྱེད། སྤྲུལ་པ་བདག་གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་སེམས་སུ་མྱི་བྱེད་དོ། །ཀཽ་ཤི་ཀ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་
ཕ་རོལ་ཏུ་ཕྱིན་པ་ལ་སྤྱོད་པའི་ཚེ། འདུ་ཤེས་རློམ་སེམས་སུ་མྱི་བྱེད། འདུ་ཤེས་ཀྱིས་རློམ་སེམས་སུ་མྱི་བྱེད། འདུ་ཤེས་བདག་གི་ཞེས་རློམ་སེམས་སུ་མྱི་བྱེད། འདུ་ཤེས་ལ་རློམ་སེམས་སུ་མྱི་བྱེད་ན། དེ་རྨྱི་ལམ་རློམ་སེམས་སུ་མྱི་བྱེད། རྨྱི་
ལམ་གྱིས་རློམ་སེམས་སུ་མྱི་བྱེད། རྨྱི་ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་རློམ་སེམས་སུ་མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་བྱེད།
སྒྱུ་མ་ལ་རློམ་སེམས་སུ་མྱི་བྱེད་དོ། །དེ་སྨྱིག་རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་རློམ་སེམས་སུ་མྱི་བྱེད་དོ། །དེ་སྒྲ་བརྙན་རློམ་སེམས་སུ་མྱི་བྱེད། སྒྲ་
བརྙན་གྱིས་རློམ་སེམས་སུ་མྱི་བྱེད། སྒྲ་བརྙན་བདག་གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི་བྱེད་དོ། །དེ་མྱིག་ཡོར་རློམ་སེམས་སུ་མྱི་བྱེད། མྱིག་ཡོར་གྱིས་རློམ་སེམས་སུ་མྱི་བྱེད། མྱིག་ཡོར་བདག་གི་ཞེས་
རློམ་སེམས་སུ་མྱི་བྱེད། མྱིག་ཡོར་ལ་རློམ་སེམས་སུ་མྱི་བྱེད་དོ། །དེ་དྲི་ཟའི་གྲོང་ཁྱེར་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་བདག་གི་ཞེས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་ལ་
རློམ་སེམས་སུ་མྱི་བྱེད་དོ། །དེ་སྤྲུལ་པ་རློམ་སེམས་སུ་མྱི་བྱེད། སྤྲུལ་པས་རློམ་སེམས་སུ་མྱི་བྱེད། སྤྲུལ་པ་བདག་གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་སེམས་སུ་མྱི་བྱེད་དོ། །ཀཽ་ཤི་ཀ་གལ་ཏེ་བྱང་ཆུབ་སེམས་དཔའ་

སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། འདུ་བྱེད་རློམ་སེམས་སུ་མྱི་བྱེད། འདུ་བྱེད་ཀྱིས་རློམ་སེམས་སུ་མྱི་བྱེད། འདུ་བྱེད་བདག་གི་ཞེས་རློམ་སེམས་སུ་མྱི་བྱེད། འདུ་བྱེད་ལ་རློམ་སེམས་
སུ་མྱི་བྱེད་ན། །དེ་རྨྱི་ལམ་རློམ་སེམས་སུ་མྱི་བྱེད། རྨྱི་ལམ་གྱིས་རློམ་སེམས་སུ་མྱི་བྱེད། རྨྱི་ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་རློམ་སེམས་སུ་མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་
མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་བྱེད། སྒྱུ་མ་ལ་རློམ་སེམས་སུ་མྱི་བྱེད་དོ། །དེ་སྨྱིག་རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་
རློམ་སེམས་སུ་མྱི་བྱེད་དོ། །དེ་སྒྲ་བརྙན་རློམ་སེམས་སུ་མྱི་བྱེད། སྒྲ་བརྙན་གྱིས་རློམ་སེམས་སུ་མྱི་བྱེད། སྒྲ་བརྙན་བདག་གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི་བྱེད་དོ། །དེ་མྱིག་ཡོར་རློམ་སེམས་སུ་མྱི་བྱད།
མིག་ཡོར་གྱིས་རློམ་སེམས་སུ་མྱི་བྱེད། མྱིག་ཡོར་བདག་གི་ཞེས་རློམ་སེམས་སུ་མྱི་བྱེད། མྱིག་ཡོར་ལ་རློམ་སེམས་སུ་མྱི་བྱེད་དོ། །དེ་དྲི་ཟའི་གྲོང་ཁྱེར་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་
ཁྱེར་བདག་གི་ཞེས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་ལ་རློམ་སེམས་སུ་མྱི་བྱེད་དོ། །དེ་སྤྲུལ་པ་རློམ་སེམས་སུ་མྱི་བྱེད། སྤྲུལ་པས་རློམ་སེམས་སུ་མྱི་བྱེད། སྤྲུལ་པ་བདག་གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་
སེམས་སུ་མྱི་བྱེད་དོ། །ཀཽ་ཤི་ཀ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། རྣམ་པར་ཤེས་པ་རློམ་སེམས་སུ་མྱི་བྱེད། རྣམ་པར་ཤེས་པས་རློམ་སེམས་སུ་མྱི་བྱེད། རྣམ་པར་ཤེས་

པ་བདག་གི་ཞེས་རློམ་སེམས་སུ་མྱི་བྱེད། རྣམ་པར་ཤེས་པ་ལ་རློམ་སེམས་སུ་མྱི་བྱེད་ན། དེ་རྨྱི་ལམ་རློམ་སེམས་སུ་མྱི་བྱེད། རྨྱི་ལམ་གྱིས་རློམ་སེམས་སུ་མྱི་བྱེད། རྨྱི་ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་རློམ་སེམས་སུ་
མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་བྱེད། སྒྱུ་མ་ལ་རློམ་སེམས་སུ་མྱི་བྱེད་དོ། །དེ་སྨྱིག་རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་
བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་རློམ་སེམས་སུ་མྱི་བྱེད་དོ། །དེ་སྒྲ་བརྙན་རློམ་སེམས་སུ་མྱི་བྱེད། སྒྲ་བརྙན་གྱིས་རློམ་སེམས་སུ་མྱི་བྱེད། སྒྲ་བརྙན་བདག་གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་
རློམ་སེམས་སུ་མྱི་བྱེད་དོ། །དེ་མྱིག་ཡོར་རློམ་སེམས་སུ་མྱི་བྱེད། མྱིག་ཡོར་གྱིས་རློམ་སེམས་སུ་མྱི་བྱེད། མྱིག་ཡོར་བདག་གི་ཞེས་རློམ་སེམས་སུ་མྱི་བྱེད། མྱིག་ཡོར་ལ་རློམ་སེམས་སུ་མྱི་བྱེད་དོ། །དེ་དྲི་ཟའི་གྲོང་ཁྱེར་རློམ་སེམས་
སུ་མྱི་བྱེད། དྲི་ཟའི་གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་བདག་གི་ཞེས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་ལ་རློམ་སེམས་སུ་མྱི་བྱེད་དོ། །དེ་སྤྲུལ་པ་རློམ་སེམས་སུ་མྱི་བྱེད། སྤྲུལ་པས་རློམ་སེམས་སུ་མྱི་བྱེད།
སྤྲུལ་པ་བདག་གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་སེམས་སུ་མྱི་བྱེད་དོ། །ཀཽ་ཤི་ཀ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། མྱིག་རློམ་སེམས་སུ་མྱི་བྱེད། མྱིག་
གིས་རློམ་སེམས་སུ་མྱི་བྱེད། མིག་བདག་གི་ཞེས་རློམ་སེམས་སུ་མྱི་བྱེད། མྱིག་ལ་རློམ་སེམས་སུ་མྱི་བྱེད་ན། དེ་རྨྱི་ལམ་རློམ་སེམས་སུ་མྱི་བྱེད། རྨྱི་ལམ་གྱིས་རློམ་སེམས་སུ་མྱི་བྱེད། རྨྱི་ལམ་བདག་གི་ཞེས་རློམ་སེམས་སུ་མྱི་

བྱེད། རྨྱི་ལམ་ལ་རློམ་སེམས་སུ་མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་བྱེད། སྒྱུ་མ་ལ་རློམ་སེམས་སུ་མྱི་བྱེད་དོ། །དེ་སྨྱིག་
རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་རློམ་སེམས་སུ་མྱི་བྱེད་དོ། །དེ་སྒྲ་བརྙན་རློམ་སེམས་སུ་མྱི་བྱེད། སྒྲ་བརྙན་གྱིས་རློམ་སེམས་སུ་མྱི་བྱེད། སྒྲ་
བརྙན་བདག་གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི་བྱེད་དོ། །དེ་མྱིག་ཡོར་རློམ་སེམས་སུ་མྱི་བྱེད། མྱིག་ཡོར་གྱིས་རློམ་སེམས་སུ་མྱི་བྱེད། མྱིག་ཡོར་བདག་གི་ཞེས་རློམ་སེམས་སུ་མྱི་བྱེད། མྱིག་ཡོར་ལ་
རློམ་སེམས་སུ་མྱི་བྱེད་དོ། །དེ་དྲི་ཟའི་གྲོང་ཁྱེར་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་བདག་གི་ཞེས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་ལ་རློམ་སེམས་སུ་མྱི་བྱེད་དོ། །དེ་
སྤྲུལ་པ་རློམ་སེམས་སུ་མྱི་བྱེད། སྤྲུལ་པས་རློམ་སེམས་སུ་མྱི་བྱེད། སྤྲུལ་པ་བདག་གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་སེམས་སུ་མྱི་བྱེད་དོ། །ཀཽ་ཤི་ཀ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་
ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། རྣ་བ་རློམ་སེམས་སུ་མྱི་བྱེད། རྣ་བས་རློམ་སེམས་སུ་མྱི་བྱེད། རྣ་བ་བདག་གི་ཞེས་རློམ་སེམས་སུ་མྱི་བྱེད། རྣ་བ་ལ་རློམ་སེམས་སུ་མྱི་བྱེད་ན། །དེ་རྨྱི་ལམ་རློམ་སེམས་སུ་མྱི་བྱེད། རྨྱི་ལམ་
གྱིས་རློམ་སེམས་སུ་མྱི་བྱེད། རྨྱི་ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་རློམ་སེམས་སུ་མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་

བྱེད། སྒྱུ་མ་ལ་རློམ་སེམས་སུ་མྱི་བྱེད་དོ། །དེ་སྨྱིག་རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་རློམ་སེམས་སུ་མྱི་བྱེད་དོ། །དེ་སྒྲ་བརྙན་རློམ་སེམས་སུ་མྱི་
བྱེད། སྒྲ་བརྙན་གྱིས་རློམ་སེམས་སུ་མྱི་བྱེད། སྒྲ་བརྙན་བདག་གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི་བྱེད་དོ། །དེ་མྱིག་ཡོར་རློམ་སེམས་སུ་མྱི་བྱེད། མྱིག་ཡོར་གྱིས་རློམ་སེམས་སུ་མྱི་བྱེད། མྱིག་ཡོར་བདག་
གི་ཞེས་རློམ་སེམས་སུ་མྱི་བྱེད། མྱིག་ཡོར་ལ་རློམ་སེམས་སུ་མྱི་བྱེད་དོ། །དེ་དྲི་ཟའི་གྲོང་ཁྱེར་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་བདག་གི་ཞེས་རློམ་སེམས་སུ་མྱི་བྱེད། དྲི་
ཟའི་གྲོང་ཁྱེར་ལ་རློམ་སེམས་སུ་མྱི་བྱེད་དོ། །དེ་སྤྲུལ་པ་རློམ་སེམས་སུ་མྱི་བྱེད། སྤྲུལ་པས་རློམ་སེམས་སུ་མྱི་བྱེད། སྤྲུལ་པ་བདག་གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་སེམས་སུ་མྱི་བྱེད་དོ། །ཀཽ་ཤི་ཀ་གལ་ཏེ་བྱང་
ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། སྣ་རློམ་སེམས་སུ་མྱི་བྱེད། སྣས་རློམ་སེམས་སུ་མྱི་བྱེད། སྣ་བདག་གི་ཞེས་རློམ་སེམས་སུ་མྱི་བྱེད། སྣ་ལ་རློམ་སེམས་སུ་མྱི་བྱེད་ན།
དེ་རྨྱི་ལམ་རློམ་སེམས་སུ་མྱི་བྱེད། རྨྱི་ལམ་གྱིས་རློམ་སེམས་སུ་མྱི་བྱེད། རྨྱི་ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་རློམ་སེམས་སུ་མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་
མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་བྱེད། སྒྱུ་མ་ལ་རློམ་སེམས་སུ་མྱི་བྱེད་དོ། །དེ་སྨྱིག་རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་

རྒྱུ་ལ་རློམ་སེམས་སུ་མྱི་བྱེད་དོ། །དེ་སྒྲ་བརྙན་རློམ་སེམས་སུ་མྱི་བྱེད། སྒྲ་བརྙན་གྱིས་རློམ་སེམས་སུ་མྱི་བྱེད། སྒྲ་བརྙན་བདག་གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི་བྱེད་དོ། །
དེ་མྱིག་ཡོར་རློམ་སེམས་སུ་མྱི་བྱེད། མྱིག་ཡོར་གྱིས་རློམ་སེམས་སུ་མྱི་བྱེད། མྱིག་ཡོར་བདག་གི་ཞེས་རློམ་སེམས་སུ་མྱི་བྱེད། མྱིག་ཡོར་ལ་རློམ་སེམས་སུ་མྱི་བྱེད་དོ། །དེ་དྲི་ཟའི་གྲོང་ཁྱེར་རློམ་སེམས་སུ་མྱི་བྱེད། དྲི་ཟའི་
གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་བདག་གི་ཞེས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་ལ་རློམ་སེམས་སུ་མྱི་བྱེད་དོ། །དེ་སྤྲུལ་པ་རློམ་སེམས་སུ་མྱི་བྱེད། སྤྲུལ་པས་རློམ་སེམས་སུ་མྱི་བྱེད། སྤྲུལ་པ་བདག་
གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་སེམས་སུ་མྱི་བྱེད་དོ། །ཀཽ་ཤི་ཀ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ལྕེ་རློམ་སེམས་སུ་མྱི་བྱེད། ལྕེས་རློམ་
སེམས་སུ་མྱི་བྱེད། ལྕེ་བདག་གི་ཞེས་རློམ་སེམས་སུ་མྱི་བྱེད། ལྕེ་ལ་རློམ་སེམས་སུ་མྱི་བྱེད་ན། དེ་རྨྱི་ལམ་རློམ་སེམས་སུ་མྱི་བྱེད། རྨྱི་ལམ་གྱིས་རློམ་སེམས་སུ་མྱི་བྱེད། རྨྱི་ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་
རློམ་སེམས་སུ་མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་བྱེད། སྒྱུ་མ་ལ་རློམ་སེམས་སུ་མྱི་བྱེད་དོ། །དེ་སྨྱིག་རྒྱུ་རློམ་སེམས་སུ་མྱི་བྱེད། སྨྱིག་
རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་རློམ་སེམས་སུ་མྱི་བྱེད་དོ། །དེ་སྒྲ་བརྙན་རློམ་སེམས་སུ་མྱི་བྱེད། སྒྲ་བརྙན་གྱིས་རློམ་སེམས་སུ་མྱི་བྱེད། སྒྲ་བརྙན་བདག་གི་ཞེས་རློམ་

སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི་བྱེད་དོ། །དེ་མྱིག་ཡོར་རློམ་སེམས་སུ་མྱི་བྱེད། མྱིག་ཡོར་གྱིས་རློམ་སེམས་སུ་མྱི་བྱེད། །མྱིག་ཡོར་བདག་གི་ཞེས་རློམ་སེམས་སུ་མྱི་བྱེད། མྱིག་ཡོར་ལ་རློམ་སེམས་ས་མྱི་བྱེད་དོ། །
དེ་དྲི་ཟའི་གྲོང་ཁྱེར་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་བདག་གི་ཞེས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་ལ་རློམ་སེམས་སུ་མྱི་བྱེད་དོ། །དེ་སྤྲུལ་པ་རློམ་སེམས་སུ་མྱི་བྱེད།
སྤྲུལ་པས་རློམ་སེམས་སུ་མྱི་བྱེད། སྤྲུལ་པ་བདག་གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་སེམས་སུ་མྱི་བྱེད་དོ། །ཀཽ་ཤི་ཀ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ།
ལུས་རློམ་སེམས་སུ་མྱི་བྱེད། ལུས་ཀྱིས་རློམ་སེམས་སུ་མྱི་བྱེད། ལུས་བདག་གི་ཞེས་རློམ་སེམས་སུ་མྱི་བྱེད། ལུས་ལ་རློམ་སེམས་སུ་མྱི་བྱེད་ན། དེ་རྨྱི་ལམ་རློམ་སེམས་སུ་མྱི་བྱེད། རྨྱི་ལམ་གྱིས་རློམ་སེམས་སུ་མྱི་བྱེད། རྨྱི་
ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་རློམ་སེམས་སུ་མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་མྱི་བྱེད། སྒྱུ་མ་བདག་གི་ཞེས་རློམ་སེམས་སུ་མྱི་བྱེད། སྒྱུ་མ་ལ་རློམ་སེམས་སུ་མྱི་བྱེད་
དོ། །དེ་སྨྱིག་རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་རློམ་སེམས་སུ་མྱི་བྱེད་དོ། །དེ་སྒྲ་བརྙན་རློམ་སེམས་སུ་མྱི་བྱེད། སྒྲ་བརྙན་གྱིས་རློམ་སེམས་
སུ་མྱི་བྱེད། སྒྲ་བརྙན་བདག་གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི་བྱེད་དོ། །དེ་མྱིག་ཡོར་རློམ་སེམས་སུ་མྱི་བྱེད། མྱིག་ཡོར་གྱིས་རློམ་སེམས་སུ་མྱི་བྱེད། མྱིག་ཡོར་བདག་གི་ཞེས་རློམ་སེམས་སུ་མྱི་བྱེད།

མྱིག་ཡོར་ལ་རློམ་སེམས་སུ་མྱི་བྱེད་དོ། །དེ་དྲི་ཟའི་གྲོང་ཁྱེར་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་གྱིས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་བདག་གི་ཞེས་རློམ་སེམས་སུ་མྱི་བྱེད། དྲི་ཟའི་གྲོང་ཁྱེར་ལ་རློམ་
སེམས་སུ་མྱི་བྱེད་དོ། །དེ་སྤྲུལ་པ་རློམ་སེམས་སུ་མྱི་བྱེད། སྤྲུལ་པས་རློམ་སེམས་སུ་མྱི་བྱེད། སྤྲུལ་པ་བདག་གི་ཞེས་རློམ་སེམས་སུ་མྱི་བྱེད། སྤྲུལ་པ་ལ་རློམ་སེམས་སུ་མྱི་བྱེད་དོ། །ཀཽ་ཤི་ཀ་གལ་ཏེ་བྱང་ཆུབ་སེམས་དཔའ་
སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ཡིད་རློམ་སེམས་སུ་མྱི་བྱེད། ཡིད་ཀྱིས་རློམ་སེམས་སུ་མྱི་བྱེད། ཡིད་བདག་གི་ཞེས་རློམ་སེམས་སུ་མྱི་བྱེད། ཡིད་ལ་རློམ་སེམས་སུ་མྱི་བྱེད་ན། དེ་རྨྱི་
ལམ་རློམ་སེམས་སུ་མྱི་བྱེད། རྨྱི་ལམ་གྱིས་རློམ་སེམས་སུ་མྱི་བྱེད། རྨྱི་ལམ་བདག་གི་ཞེས་རློམ་སེམས་སུ་མྱི་བྱེད། རྨྱི་ལམ་ལ་རློམ་སེམས་སུ་མྱི་བྱེད་དོ། །དེ་སྒྱུ་མ་རློམ་སེམས་སུ་མྱི་བྱེད། སྒྱུ་མས་རློམ་སེམས་སུ་མྱི་བྱེད། སྒྱུ་མ་
བདག་གི་ཞེས་རློམ་སེམས་སུ་མྱི་བྱེད། སྒྱུ་མ་ལ་རློམ་སེམས་སུ་མྱི་བྱེད་དོ། །དེ་སྨྱིག་རྒྱུ་རློམ་སེམས་སུ་མྱི་བྱེད། སྨྱིག་རྒྱུས་རློམ་སེམས་སུ་མྱི་བྱེད། སྨྱིག་རྒྱུ་བདག་གི་ཞེས་རློམ་སེམས་སུ་མྱི་བྱེད། སྨྱིག་རྒྱུ་ལ་རློམ་སེམས་སུ་མྱི་བྱེད་
དོ། །དེ་སྒྲ་བརྙན་རློམ་སེམས་སུ་མྱི་བྱེད། སྒྲ་བརྙན་གྱིས་རློམ་སེམས་སུ་མྱི་བྱེད། སྒྲ་བརྙན་བདག་གི་ཞེས་རློམ་སེམས་སུ་མྱི་བྱེད། སྒྲ་བརྙན་ལ་རློམ་སེམས་སུ་མྱི