Luật Tạng Kinh (Vinayasūtra)

ārāṃ vaddhrañ ca /
Vin_7.36     / na śatrīm /
Vin_7.37     / na kāṣṭhapādukāyārohed anyatrāntargṛhad aśucikuṭeś ca /
Vin_7.38     / na vaṃśapatramuṃjasīrīdarbhāṇāṃ /
Vin_7.39     / rajjoś ca /
Vin_7.40     / avātaśoṇite /
Vin_7.41     / niṣīdec carmaṇyabhāve nyasyāntargṛhe /
Vin_7.42     / atrāpy atra tadrūpeṣv api pratyayeṣv ani[50a2]pattavyatā pratigṛhṇīt tarkṣacarma cakṣuṣe /
Vin_7.43     / pādasthāne prajñapanam* /
Vin_7.44     / gandhakuṭidvāre boddhasya /
Vin_7.45     / upānahoḥ prāvaraṇam* /
Vin_7.46     / vāte niṣadyā nipadyā ca sarvam arśaḥsvetad ity asyopayogaḥ /
Vin_7.47     / romasaṃsparśeno[pa]kartṛtāṃ vidyāt* /
Vin_7.48     / bahupuṭatvena copanāhoḥ /
Vin_7.49     / anekoparisthena caikenāpi /
Vin_7.50     / nānasmāparāntakeṣu carma dhārayet* /
Vin_7.51     / na siṃ*hādeḥ /
Vin_7.52     / [50a3] snāyvasthidantamāṃsavaṃsānām api tasyākalpikatvaṃ* yasya carmaṇaḥ /
Vin_7.53     / dhārayeta tṛtiṃ* /
Vin_7.54     / kāṣāyaṃ māṇavakaṃ vā /
Vin_7.55     / na citropacitram* /
Vin_7.56     / na nābhijñāstaraṇe kṛtvā savidhānam agādhamambho vagāhet* /
Vin_7.57     / śikṣet tartuṃ pravivikte pradeśe /
Vin_7.58     / na tadagādhe hero?gām apāśrayeta muktv[ā]rṣabham* /
Vin_7.59     / apāśrayeta hastyaśvamahiṣyarān* /
// [iti] [50a4] carmavastu // 7 //
________________________________________________
*Vin_8. bhaiṣajyavastu /
**(Vin_8,1) bhaiṣajyavastu /
Vin_8.1     / pratiseveta bhaiṣajyam /
Vin_8.2     / cāturvidhyam asya /
Vin_8.3     / glānaṃ pratyaprathamatā /
Vin_8.4     / sarvaṃ cocamocakolāśvotthodumbarapuruṣakamṛddhīkakharjūrapānānām /
Vin_8.5     / tadvac chuktaśulukadadhimaṇḍodaśvinmaṇḍakāni dakabhinnāni paṭṭapariśrutāni svacchāni mukhadarśīni śarakāṇḍavarṇāni /
Vin_8.6     / ayuktiḥ prāg evaṃ [pa]ścād upasaṃpannena yarśanasya sa[50a5]mānavyaṃjanena /
Vin_8.7     / harītakyādeḥ pañcakasya /
Vin_8.8     / guḍasya ca /
Vin_8.9     / adhiṣṭhitasyāsya bhakṣaṇe glānavattvamaccoddhopadhivārike navakarmiṇām /
Vin_8.10     / bhakticchinnakasyātra cākālikābhakṣaṇe ca /
Vin_8.11     / pānāniyāmikam /
Vin_8.12     / svacchāni /
Vin_8.13     / atattvāt taddravyasya kālikaṃ ced anupasaṃpannena marddhanaṃ pariśrāvaṇañ ca paṭena /
Vin_8.14     / dāḍimavījapūrakād anyeṣv eṣu dravyam /
Vin_8.15     / kāli[50a6]katve sya yāmāntaḥ paryantaḥ /
Vin_8.16     / anyatve yastismin /
Vin_8.17     / anitivṛttāv eṣotivṛttau yataḥ setyekaḥ /
Vin_8.18     / tadasadatiriktakālāśritāvarūḍhiprāpte tasyāṃ cāgamyatvād bhaviṣyataḥ prākṛtānām anadhiṣṭheyatāpatteḥ /
Vin_8.19     / praviṣṭatvam atra rasacūrṇāriṣṭayoḥ /
Vin_8.20     / sauvīrakasya ca svacchasya /
Vin_8.21     / pūlādibhaiṣajyaṃ śūtapaclam etat /
Vin_8.22     / sarppis tailamadhuphāṇitāni saptāhikam /
Vin_8.23     / [50b1] sarveṣāṃ guḍakhaṇḍaśakarādīnāṃ phāṇitatvenākṣepaḥ /
Vin_8.24     / sarpiṣṭvasudhāyāḥ /
Vin_8.25     / tailavattvaṃ vaśānāṃ pañca parisūtānām /
Vin_8.26     / matsyaśuśuśiram ārakṣasūkārāṇām /
Vin_8.27     / āsambhūyān glānya upayogaḥ /
Vin_8.28     / svasthatāyām āsāṃ glānyānimittaṃ pācate dānam /
Vin_8.29     / abhāve 'sya glānakoṣṭhikāyāṃ kaṣāyāṃjanayoś ca /
Vin_8.30     / yāvaj jīvikaṃ mū[50b2]lagaṇḍapatraphalam aspharitrāmiṣārthasya /
Vin_8.31     / tadyathā mustaṃ vacā haridrārdrakamativiṣā /
Vin_8.32     / candanaṃ cavikā padmakaṃ guḍūci devadāru haridrārdrakam /
Vin_8.33     / vāsakakeśātakīpaṭolanimbasaptapatrapatrāṇi /
Vin_8.34     / puṣpāni vāsakanimbadhātakīnāgānāṃ padmakesarañ ca /
Vin_8.35     / haritakyāmalakaṃ bibhītakaṃ marīcaṃ pipyalī /
Vin_8.36     / jatu /
Vin_8.37     / tadyathā hiṅgusarjarasaḥ /
Vin_8.38     / stapaḥ [50b3] stapakarṇī stapākaraḥ /
Vin_8.39     / kṣāraḥ /
Vin_8.40     / tadyathā tilapalāśasvarjikāyavaśūkavāsakānām /
Vin_8.41     / kṣārakṣāraś ca /
Vin_8.42     / lavaṇam /
Vin_8.43     / tadyathā saindhavaṃ sauvarcalaṃ viṭaṃ sāmudraṃ romakam /
Vin_8.44     / kaṣāyaḥ /
Vin_8.45     / tadyathāmranimbakoṣāmbaśirīṣajambūnām /
Vin_8.46     / yāvad āptaṃ dānaṃ snātvā punarasaṃ sparṣaṃ sakṛt snānam iti kaṣāyadānam /
Vin_8.47     / na vikṛtabhojanasya bhaiṣajyagra[50b4]haṇenāntatā /
Vin_8.48     / yāvaj jīvikatvam asya /
Vin_8.49     / tadākhyaṃ punar uccāraprasrāvau stanyayānayāyināṃ vatsakānāṃ viṣe tāv upakārau /
Vin_8.50     / chāvikā /
Vin_8.51     / kāñcanapītaśālāśvatthodumbaranyagrodhānāṃ sā /
Vin_8.52     / mṛccaturaṅgulādadhobhūmeḥ sādhvī /
Vin_8.53     / srāddhād asyādānam upāsakāt /
Vin_8.54     / tena pratigrahaṇam /
Vin_8.55     / māṃsabhaiṣajyasya cāmasya /
Vin_8.56     / grahaṇaṃ [50b5] vastūnātaḥ sarvasya /
Vin_8.57     / kāryatvam asya /
Vin_8.58     / jarakucoccārayavāścedakālopayojyatāyāṃ yācakṛtabhaiṣajyasya tadarthaṃ sphareyuḥ nānyāt paribhuñjīt /
Vin_8.59     / paṭṭapariśrutā ca dabakṣārī nānyat /
Vin_8.60     / kokoccārasāṃsaṃcenmāṃsabhaiṣajyasya nānyata /
Vin_8.61     / paṭṭapariśruteś cedrasako nānyat /
Vin_8.62     / sānye pi sadbhāvas tadadyācārasya tasmād pūrvakalpena tatsāhye pravṛttiḥ /
Vin_8.63     / [50b6] nānāpannasya rūpāntaram apūrvarūpatvaṃ tasmān na visaṃpaccitasya parataḥ svakalpenākalpanam /
Vin_8.64     / sampadyate prakṣālanena śaktataṇḍuleṣu pravṛttāvasthānasya svamātrasaṃkhyatā guḍasya /
Vin_8.65     / guḍatve guḍavattve pratipattiḥ /
Vin_8.66     / anutthānam adhitiṣṭhate sānnihityasyādhitiṣṭhet glānyanimittaparibhogārtham /
Vin_8.67     / āśvakālaparyantāt /
Vin_8.68     / pūrvabhakte /
Vin_8.69     / [51a1] / / pratigrāhitam /
Vin_8.70     / rakṣyo 'pratigrāhitasannihitasamparkas tasmān nirmādya hastau /
Vin_8.71     / nodgṛhītasannihitāpratigrāhitāntaruṣitapakvabhikṣupakveṣv adhiṣṭhānasya rūḍhiḥ /
Vin_8.72     / sannihitatvaṃ rasācchatā parivṛttau /
Vin_8.73     / nādhareṇa sārdham adhiṣṭhitaṃ paribhuñjīt /
Vin_8.74     / nidarśanaṃ bhaiṣajyānu(k)kramaḥ /
Vin_8.75     / pratisevatāṃjanam /
Vin_8.76     / nābhaiṣajyārtham /
Vin_8.77     / yogyam asya bhājanam /
Vin_8.78     / rasāñjanasya [51a2] samudgakaḥ /
Vin_8.79     / goṇikāguḍikāṃjanasya /
Vin_8.80     / puṣpakalkaṃ cūrṇāṃjanānāṃ nāḍikā /
Vin_8.81     / dhārayec chalākām /
Vin_8.82     / tāmralohayos sādhvī maṇibhūtayoḥ /
Vin_8.83     / dhārayed āvādhikaḥ kacchapuṭaṃ bhaiṣajyanidhānāya /
Vin_8.84     / svasaṃbhavatāṃ tatra bhārīkṛtya sūtaṃ vā nidhānam /
Vin_8.85     / śoṣaṇataḥ kālena kālaṃ nihitasya pautyānupagatiḥ /
Vin_8.86     / chāyātape /
Vin_8.87     / vīryasya śoṣe hāniḥ /
Vin_8.88     / [51a3] anayaneta svayam upayātre vināśahetor abhāve nusaṃpannasya /
Vin_8.89     / dhārayed bhaiṣajyasarāvakam /
Vin_8.90     / bhaiṣajyakaṭachukam /
Vin_8.91     / viṣīdanake cānupānapaṭṭakam /
Vin_8.92     / āvādhiko lavaṇam /
Vin_8.93     / nāḍikasya sādhu sthānaṃ sāṅgā /
Vin_8.94     / gomayena parikvāthitasya /
Vin_8.95     / vidhānakasya tadvirahādoṣābhāvāya dānam /
Vin_8.96     / atanmayasyaiva /
Vin_8.97     / gandhaparibhāvināṃ mṛdaṃ /
Vin_8.98     / pā[51a4]nīyatāpanārtha(ṃ)mayas piṇḍam /
Vin_8.99     / upayojayet sarvaḥ /
Vin_8.100     / sṛṅkhalāyās taptotkṣepārthaṃ tatra laganam /
Vin_8.101     / ārdramṛttikayā tāpanakāle tadavaṣṭambhaḥ /
Vin_8.102     / nāsty āmiṣopadehasya bhāve 'vasthānam /
Vin_8.103     / kalpikasya pūrvaṃ tāpanaṃ paścāt paribhogikasya /
Vin_8.104     / bhajanaṃ basticikītsitasya /
Vin_8.105     / sthūlam atrānyathāśakyatāyāṃ vyutthāpanasya /
Vin_8.106     / maṇer loha[51a5]sya vātra nāḍīkasādhvī nāyasaḥ /
Vin_8.107     / tadvat śastracikitsitam /
Vin_8.108     / naitad anyac cirāvedhānmukhe bhajet /
Vin_8.109     / nārśasāṃ chedam /
Vin_8.110     / anyenāpi śastrāt /
Vin_8.111     / mantrauṣadhābhyām eṣāṃ vicikitsanam /
Vin_8.112     / na praduṣṭena cikitsayet /
Vin_8.113     / na rātrir abhyavahāre vicikitsāyām apratirūpā /
Vin_8.114     / anāśaṃkyam atrāpratigrāhitasannihitayor akalpikatvam /
Vin_8.115     / pānaṃ vicikitsāyai dhūpavartteḥ [51a6] netrikayāsya sampattiḥ /
Vin_8.116     / ayomayyāḥ karaṇam /
Vin_8.117     / dvādaśāṅgulā sādhvī na tīkṣṇā puruṣā vā /
Vin_8.118     / sthavikāyāṃ nidhānaṃ mrakṣayitvā sarpiṣā tailena vā /
Vin_8.119     / nāgadantake cīvaravaṃśe vā tasyā sthāpanam /
Vin_8.120     / nirmādanārtham agnau prakṣepaḥ /
Vin_8.121     / karaṇaṃ nastaḥ karmaṇaḥ /
Vin_8.122     / nastakaraṇe nāsyasaṃpattiḥ /
Vin_8.123     / dvyatīkṣṇacaṃcukaṃ sādhu /
Vin_8.124     / kāraṇam asya /
Vin_8.125     / pratiseve[51b1]tāmanāṃsaṃ bhaiṣajyārthe /
Vin_8.126     / bhuktyai tasyāsaktavata upāyaḥ /
Vin_8.127     / pidhānamakṣṇoḥ paṭṭakena /
Vin_8.128     / bhāvanaṃ sugandhinānutthānāya /
Vin_8.129     / apetatāyāṃ paligodhasya sthitatve ca manojñasya purataḥ khādyabhojyasya mokṣaḥ /
Vin_8.130     / sthūlam anyārthe 'syāsyām /
Vin_8.131     / sarvatra mānuṣamāṃsasya /
Vin_8.132     / noddiśyakṛtaṃ jñātvā māṃsaṃ bhuñjīt /
Vin_8.133     / na vyāghraśeṣam /
Vin_8.134     / na hastyaśvanāgānām /
Vin_8.135     / [51b2] naikakhurasṛgālamrkaṭakākeṭakakākagṛ(d)dhravalākābhaṣakālikolūkatadanyakuṇapakhādakapakṣivakajāntukopaladdhāgaṇḍūpakakṛmīṇām /
Vin_8.136     / pratikṣiptamayatāmeti māṃsaṃ pratigrāhayantaṃ pṛcchet /
Vin_8.137     / prathamo 'nekatve /
Vin_8.138     / antarohāpanāyām /
Vin_8.139     / apy eyatvaṃ hastimānuṣakṣīrayoḥ /
Vin_8.140     / aduṣṭaṃ tv agvaṇadehanasyadānākṣyañjanam abhakṣyeṇo /
Vin_8.141     / [51b3] peyatvaṃ glānena mūrchitasya /
Vin_8.142     / sarp(y)iṣā tailena cāmadyasya /
Vin_8.143     / nirdoṣamamadyatve /
Vin_8.144     / saṃpattir asya kvāthāt /
Vin_8.145     / prakṣiptabharjitayavasyāsya bhūmau nihitasya sukte tvopagatiḥ /
Vin_8.146     / bhavaty anupagatiḥ /
Vin_8.147     / madyatve kvāthena drākṣyarasasya /
Vin_8.148     / nāvyavapṛktatāyām astitvam /
Vin_8.149     / satvaṃ vāsanābhūtatvam /
Vin_8.150     / pānaṃ madyatṛdvigamāya madyagandhaparibhāvitamūlagaṇḍapatra[51b4]puṣpa-phalabhaiṣajyaśuṣkacūrṇodakasya /
Vin_8.151     / samadye bhāṇḍe lambanasthāpanena paribhāvanam /
Vin_8.152     / rakṣyas saṃsargas tasmād ūne vigatavegatāyāñ ca /
Vin_8.153     / tathā virasīkaraṇenākālapāne cāmiṣeṇa /
Vin_8.154     / prāsādikañ ca sādhu tasmāc chuklanatrakena sūtīkaraṇam /
Vin_8.155     / apānaṃ glānena madyasya kuśāgreṇāpi /
Vin_8.156     / adānañ ca sarveṇaupāsakāt /
Vin_8.157     / cikitsārthatāṃ muktve[51b5]ty aprakṛtisāvadye sarvatra śeṣaḥ /
Vin_8.158     / na laśunaṃ palāṇḍuṃ gṛñjanakaṃ vā paribhuñjīta /
Vin_8.159     / pratiguptipradeśe glānaḥ /
Vin_8.160     / nopayuñjanaḥ parataś ca saptāhaṃ laśune palāṇḍau trirātram ekarātraṃ gṛñjanavihāraṃ paribhuñjīt /
Vin_8.161     / śayanāsanam /
Vin_8.162     / na varcakuṭiṃ praveśet /
Vin_8.163     / na prasrāvakuṭim /
Vin_8.164     / na saṃghamadhye 'vataret /
Vin_8.165     / nopavicāre caityasya /
Vin_8.166     / vyāmodhva pramāṇam /
Vin_8.167     / [51b6] na gṛhibhyo dharmaṃ deśayet /
Vin_8.168     / na kulākṣaya saṃkrāmeta /
Vin_8.169     / na janākīrṇān pradeśān /
Vin_8.170     / snānam ante /
Vin_8.171     / apanayanañ ca cīvarāṇāṃ gandhasya /
Vin_8.172     / śocanadhūpanābhyām /
Vin_8.173     / āyuṣkarā durbhikṣe /
Vin_8.174     / vāhyavakavāyasor adhiṣṭhitaṃ kalpikatvena /
Vin_8.175     / adhitiṣṭhen na vṛkṣamūlahastiśālatīrthikāvasatharājakulavastu bhikṣuṇī varṣakāvaihāramedhīdvāra[52a1] / / koṣṭhakaprāsādajentākopasthāpana-śālam /
Vin_8.176     / abhyavakāśāgniśālācaityavastu gṛhapativasūni caityaparaṃ /
Vin_8.177     / sādhanapacanasyāpy atrākāraṇam /
Vin_8.178     / pañcopaskaraṇañ ca /
Vin_8.179     / catvārātrakālāḥ /
Vin_8.180     / prathamāṣṭakānyasya mānatvam ūrdhvaṃ sanavakarmatvam /
Vin_8.181     / anyadānapagatabhikṣvadhivāsanatvam /
Vin_8.182     / niretadodhivasanāya bhikṣūṇāṃ saṃprāptiḥ /
Vin_8.183     / ākṛtyā[52a2]ntarārambhapratiśāntibhyāṃ tatvam /
Vin_8.184     / sarvatra saṃghaḥ karmaṇā /
Vin_8.185     / prathamayoḥ pudgalo 'pi /
Vin_8.186     / navakarmikaḥ /
Vin_8.187     / kevalo 'syādyā /
Vin_8.188     / bhāṣaṇataḥ /
Vin_8.189     / avadhāne dvitīye saṃbahulānāṃ bhikṣūṇām /
Vin_8.190     / yāvantastā[va?]ntas sannihitāś caturthe saṃmaṃkalpikaśālām vāṅ bhāvakavacanodāhārataḥ /
Vin_8.191     / nānye kasyaikasya yānāyāvihārasya kṛtyakaraṇam aprāsādikam /
Vin_8.192     / na pṛthagbhū[52a3]tasyaitat kalpikatvam uktam /
Vin_8.193     / bhuñjīt bhikṣu[ḥ] pakvodgṛhītapratigṛhīte /
Vin_8.194     / purobhaktikām /
Vin_8.195     / peyāṃ sarvadā /
Vin_8.196     / prāgapratigrāhitaṃ pradhvādyotthitaḥ /
Vin_8.197     / uttiṣṭhet tadāntyai /
Vin_8.198     / śiṣṭam /
Vin_8.199     / abhinirhṛtam /
Vin_8.200     / nirhared enat /
Vin_8.201     / vanasthikāni /
Vin_8.202     / tadākhyam /
Vin_8.203     / tadyathā drākṣyadāḍimakharjūrākṣoṣṭau vātāma urumānarāmāpikākurumāyikānikocobabhūḥ piñcitikā[52a4]puṣkarañ ca tadākhyam /
Vin_8.204     / tadyathā vinmaṃmṛṇālikāveṭṭaśālūkaṃ padmakarkaṭikā /
// [iti] bhaiṣajyavastu // 1 //
**(Vin_8,2)    kṣudrakādhikaṃ /
Vin_8.205     / na rājyam upārdham vāsya pratīccheta /
Vin_8.206     / pratigṛhṇīyāt saṃghārthaṃ grāmāṃ /
Vin_8.207     / kṣetrañ ca /
Vin_8.208     / naitad abhyupekṣeran /
Vin_8.209     / bhogenāsya dānam /
Vin_8.210     / mārgaṇaṃ bhāgyasya /
Vin_8.211     / kṛṣṇāto 'sya vihāre neyatvam /
Vin_8.212     / prathamataram ātmīyāt /
Vin_8.213     / rakṣaṇāya [52a5] bhikṣūṇāṃ niyogaḥ /
Vin_8.214     / nāprajñāyamānāya vyayo bhayānyatare gaṇanāṃ mṛgayet /
Vin_8.215     / anyatra smṛtisa,prajanyapura[ḥ]saras tatra pravarttet /
Vin_8.216     / pratigṛjṇīyāta saṃghārtham upasthāyakān /
Vin_8.217     / yato nāgatiḥ śabdasya vihāre tatra kalpakāram āpanam /
Vin_8.218     / deyatvaṃ bhaktasya karaṇaṃ ceta karmaṇaḥ /
Vin_8.219     / gomahiṣyājaiḍakahastyaśvoṣṭragardabhāmadhānyabhājanaṃ ca [52a6] na stūpasyaiṣām akalpanam /
Vin_8.220     / dhārayet kalāvikālavaṇapātalikāñ ca /
Vin_8.221     / nābhyām anupānapaṭṭakāc cānyat kaṃsabhājanaṃ pudgalo dhārayet /
Vin_8.222     / upasthāpayed ārāmikam /
Vin_8.223     / grahaṇaṃ rakṣāyai pratipādyamānānām apy anyānāṃ samānavyañjanānām /
Vin_8.224     / āsaktakaṇṭhacīvarakatvam eṣāṃ veṣaḥ /
Vin_8.225     / kaṭyāṃ vā pratipālanam anukampācaritena /
Vin_8.226     / [52b1] grahaṇaṃ tat jñātyupasaṃkṛtasya /
Vin_8.227     / niṣtrayatvena cānte /
Vin_8.228     / taiś ca kṛtajñatayā /
Vin_8.229     / naitan mūlyaṃ yācet /
Vin_8.230     / svīkuryāt phalalābham /
Vin_8.231     / ghṛtatailamadhuphāṇitaghaṭān /
Vin_8.232     / tadbhājanañ ca /
Vin_8.233     / sthāpayed enām ādhārake /
Vin_8.234     / anupabhojyatvam uccāraprasrāvam adya ghaṭānām /
Vin_8.235     / pratijāgṛyāt saṃghārthayoḥ sādhanapacanayoḥ /
Vin_8.236     / nāpārśvanihitatāṃ prāgāvāt pātra[52b2]sya piṇḍāya pravṛttau bhajet /
Vin_8.237     / piṇḍopabhānaṃ dhārayet /
Vin_8.238     / anāśaṃkyam atra lohabhāṇḍādhāraṇe cāsādhāraṇatvam /
Vin_8.239     / akalpikatvaṃ ca glānāyāḥ celābharaṇasya /
Vin_8.240     / nāviśabharāvakeṇa piṇḍāya kulaṃ praviśet /
Vin_8.241     / dhārayed enam /
Vin_8.242     / niṣkāśapraveśakauśale prayate[ta] /
Vin_8.243     / abhijñānakaraṇena piṇḍāpātā ca karādinā /
Vin_8.244     / na dharmavaṇijyapajīvitāṃ kalpayet /
Vin_8.245     / [52b3] śocanam asaṃbhave jalasya dadhyādimaṇḍena pādayoḥ /
Vin_8.246     / niṣadanaṃ piṇḍake /
Vin_8.247     / sthāpanam ekānte 'bhyavakāśe /
Vin_8.248     / rāśīkṛtyāpi /
Vin_8.249     / pramī lanam ante /
Vin_8.250     / karaṇaṃ prābhūtye pāṭikānekatvasya /
Vin_8.251     / śatapaṃcakaśaḥ /
Vin_8.252     / prativṛddhāntam upanvāhāraḥ /
Vin_8.253     / adhiṣṭhāpakānām apahartṛtve vā karaṇam uddeśaḥ /
Vin_8.254     / prathamataraṃ bhojanavyāpārikaiḥ bhaktiḥ /
Vin_8.255     / yathā vṛddhikayā [52b4] niṣādanāya dāpanāya ca mahāsannipāte bhikṣūṇām uddeśaḥ /
Vin_8.256     / niṣadeyuḥ dvitrāvarjāṃ yatheṣṭam atra bhikṣuṇyāḥ /
Vin_8.257     / alpaśabdo 'bhyavahārāgraṃ gacchet /
Vin_8.258     / susaṃvṛteryaḥ /
Vin_8.259     / prāsādikaḥ /
Vin_8.260     / evaṃ tiṣṭhet /
Vin_8.261     / nābhyavahāryaṃ pādenākrāmet /
Vin_8.262     / na yadā pātrādhiṣṭhānaṃ spṛśet /
Vin_8.263     / smṛtim upasthāpyāvikṣiptacitta[ḥ] piṇḍapātaṃ gṛhṇīyāt /
Vin_8.264     / anavakiran [52b5] pātrāmātrakam /
Vin_8.265     / asaṃmiśrayannena /
Vin_8.266     / anānvālayam /
Vin_8.267     / supratichannam /
Vin_8.268     / anatipātaṃ kālam abhinirharet /
Vin_8.269     / na yena mantrita tato 'nyasya labdheḥ svīkāre 'sty ayuktatvam /
Vin_8.270     / nirdoṣatvaṃ svabhojane 'nyapratīṣṭeḥ /
Vin_8.271     / tad antargatavad anyopanimantraṇe niṣaṇṇasyānujñātaṃ tenānyadattam /
Vin_8.272     / abhipretenārthena śabdaprayoge vyavasthānaprasiddhena /
Vin_8.273     / nāntaṃ visarjayet [52b6] dṛṣṭiśīlasampannābhyāmāntasyānyatra yathāsaṃkhyaṃ dānam atiriktasya cālopād yātrākāriṇo grahaṇam /
Vin_8.274     / bhogaś ca vinipātanaṃ śraddh[ā]deyasya /
Vin_8.275     / māt[ā]pitṛglānaputrahyāpekṣakukṣīmatībhyo vineyākāṃ kṣāpiṇḍapātaṃ spṛṣṭavate gṛhiṇe ca saṃprāptāya saṃvibhāgaś ca tatḥ karaṇam /
Vin_8.276     / ālopapiṇḍāṃ sthāpayet /
Vin_8.277     / avyavacchidya bhokāram /
Vin_8.278     / [53a1] tiraś ce ca dadyāt /
Vin_8.279     / nānavaśite bhaktyartham upanikṣiptād dadīt* /
Vin_8.280     / na nimantraṇake śraddhadeyatvena pātrādhiṣṭhāne 'syocchiṣṭāśilāṃ yathā sukhakaraṇam /
Vin_8.281     / naivāsikānāṃ balidānam /
Vin_8.282     / tatkalpānugatyā pūrvāhvādau /
Vin_8.283     / bhinnakalpatve bhedena /
Vin_8.284     / nāvardhako kilikabhāvasthāmāmraṃ bhakṣayet /
Vin_8.285     / nākalpikatvaṃ mūlagaṇḍapatrapuṣpaphalakhādanīyaudanakulmāsama[53a2](cha?)tsyamāṃsāpūpakṣīradadhinavanītamatsyaval lūrāṇām /
Vin_8.286     / anāśaṅkyadgasārṣapamūlagaṇḍapatrapuṣpaphalādiyavāgūnām aniṣedhyatvam /
Vin_8.287     / ojaskaratvaṃ dūtasyodakenāpi /
Vin_8.288     / nākalpikatvaṃ tṛtigatasya /
Vin_8.289     / kalpate bhājane bhojanam /
Vin_8.290     / yāryāṃ /
Vin_8.291     / śelāmaye ca /
Vin_8.292     / kṛtabhojane 'pi niḥśritavyāpāro nirmādanam /
Vin_8.293     / bhukte 'pi /
Vin_8.294     / nāpareṇa sārddham ekatra bhājane bhuñjīt* /
Vin_8.295     / [53a3] bhuñjidādhvanyasaṃbhave bhājanānāṃ bhikṣūṇām /
Vin_8.296     / uddhṛte 'nyasya haste svaṃ prakṣipet /
Vin_8.297     / śrāmaṇere ca sārddhaṃ paravadayoge kalpakārakānāṃ piṇḍīkṛtya dānam /
Vin_8.298     / jñātinā sarvatra hārdena prārthitaḥ /
Vin_8.299     / pratigupte pradeśe /
Vin_8.300     / rakṣatvam anayeṣpratigrahadhvastenapratigrāhitasaṃpṛkteś ca /
Vin_8.301     / na sopānattho bhuñjīt* /
Vin_8.302     / ākramya glānaḥ /
Vin_8.303     / na nagna ekacīvaro vā /
Vin_8.304     / anāpattir glānasyopasthā[53a4]yako 'sya guptiṃ kuryāt /
Vin_8.305     / saṃkakṣikāṃ śaktau saṃśrayeta /
Vin_8.306     / guptañ ca pradeśam /
Vin_8.307     / nedamito vā dehīti bhojanārtham upaviṣṭapariveṣṭāraṃ bodhayet /
Vin_8.308     / anāpattir glāne 'nuktayasya /
Vin_8.309     / tadyathā mandāgnau pakvasyāmasya dīpatāgnau glānasaṃjñām /
Vin_8.310     / svatropasthāpya bhuñjīt* bhaiṣajyasaṃjñām āhāre /
Vin_8.311     / smṛtiñ ca /
Vin_8.312     / samudāgamasādṛśyapariṇatapratyarthikatvaniṣyanda pratītya vidhiparīṣṭiparādhīna[53a5]tvan mavyābādhikatvapratyekagatatātirāsthitaprātikulyam /
Vin_8.313     / upasthitasmṛtiḥ /
Vin_8.314     / avikṣiptaḥ /
Vin_8.315     / saṃprajānann alpaśabdaḥ /
Vin_8.316     / akurvann enam /
Vin_8.317     / anutthāpayan yavāgvām /
Vin_8.318     / amaṭamaṭāyamānaḥ /
Vin_8.319     / mṛdukaraṇaṃ śabdakṛtām udakādinā /
Vin_8.320     / na tadbhuktyarthaṃ vādyamānatve /
Vin_8.321     / na deśanakṛyamāṇatāyāṃ pratisaṃveditasya /
Vin_8.322     / atyaye kālasya dvitrayogārthayoḥ /
Vin_8.323     / gā[53a6]thāṃ bhuktā bhāṣet* /
Vin_8.324     / dakṣiṇādeśanadharmadeśanayoḥ nimantraṇakaṃ bhuktvā karaṇam /
Vin_8.325     / nirjñāya bhuktivatāṃ sarveṣām /
Vin_8.326     / avalokanena /
Vin_8.327     / prathamenānekatve /
Vin_8.328     / aśaktāv adhyeṣaṇaṃ pratibalasya /
Vin_8.329     / akṛte ced gamanapratyayaḥ parivāradānaṃ bhikṣūṇām /
Vin_8.330     / caturṇām antataḥ /
Vin_8.331     / gamanapratyaye tra dantasyāvalokya /
Vin_8.332     / nandopanandayor dakṣiṇādeśane nāmagrahaṇam /
Vin_8.333     / nigileṣva [53b1]nāḍikokāloṅgarān dvitrānādau chorayitvā mukhaṃ nirmādya /
Vin_8.334     / naitan nāmiṣam /
Vin_8.335     / tasmān mukham akāle pravāritaś codgārārāme nirmādayed anyaḥ /
Vin_8.336     / nāprajñapte pradeśe śleṣmānāṃ chorayet /
Vin_8.337     / na parikarimite /
Vin_8.338     / naitat chandaṃ vā sthāvirasya purataṣkuryāt /
Vin_8.339     / na bhuñjānasya /
Vin_8.340     / na punaḥ punaḥ śiṣṭasyāpi /
Vin_8.341     / anyenāśaktau prakramaṇam /
Vin_8.342     / nānyasyāsparśakaraṇam /
Vin_8.343     / naktā[53b2]dhvakapraśnaḥ /
Vin_8.344     / caṃkramaṇe nānyena vā prakramaṇam /
Vin_8.345     / pātram asya hastipadabudhnaṃ sādhārakasya /
Vin_8.346     / tapa sthāpayed enam /
Vin_8.347     / kṣodakavālukachāyikānāṃ dhāraṇaṃ makṣikāṇāṃ pratividheḥ /
Vin_8.348     / adurgandhībhāvaprāṇakāsaṃbhavāya kālena kālaṃ śocanaṃ śoṣaṇañ ca /
Vin_8.349     / tatkālārtham aparopasthāpanam /
Vin_8.350     / avighātārthaṃ koṇastambhapārśve vihārasya /
Vin_8.351     / caturṇām api [53b3] śleṣmakaṭakasthāpanam /
Vin_8.352     / na saśabdaṃ vātakarma kurvīt* /
Vin_8.353     / nādho vṛkṣasyoccāraprasrāvam /
Vin_8.354     / muktāniravakāśatvaṃ tair aṭṭavyām /
Vin_8.355     / kaṇṭakinaś ca /
Vin_8.356     / karaṇaṃ varcaskuṭeḥ /
Vin_8.357     / vihāre ced uttarapaścime pārśve /
Vin_8.358     / kṣomasya tam aṅgasya vā /
Vin_8.359     / kaṇṭakināmadho vṛkṣāṇāṃ ropaṇam /
Vin_8.360     / pādakayor upachidram upari dānam /
Vin_8.361     / kuṇḍikāsthānakaraṇam /
Vin_8.362     / vikarṇākārayā dvāram /
Vin_8.363     / [53b4] kavāṭasya dānam /
Vin_8.364     / kaṭakārgaḍayoś ca /
Vin_8.365     / śabdanaṃ pravivikṣatā /
Vin_8.366     / sūte tatra ca praviṣṭeṇa /
Vin_8.367     / susaṃgṛhītacīvaraḥ praviśet saṃprajanan /
Vin_8.368     / madhye niṣīdeta /
Vin_8.369     / śanairaliṃpanakuṭipādukaṃ kurvīt* /
Vin_8.370     / nānāgatam āgamayet /
Vin_8.371     / nāgataṃ vidhārayet /
Vin_8.372     / na tatpratibaddhakāryād anyena tatsamīpe tiṣṭhet /
Vin_8.373     / pratidinaṃ śocanam upadhivārikena /
Vin_8.374     / mṛtpātropasthāpanañ ca /
Vin_8.375     / [53b5] nāprajñapte pradeśe prasrāvaṃ kuryāt* /
Vin_8.376     / nānekatra /
Vin_8.377     / proḍhau gartāyāṃ khānayet* /
Vin_8.378     / karaṇaṃ prasrāvakuṭeḥ /
Vin_8.379     / pārśve syāḥ /
Vin_8.380     / tamaṅgasya /
Vin_8.381     / pranāḍikādānam* /
Vin_8.382     / samānam itarata /
Vin_8.383     / karaṇaṃ chīdrapīṭhasya codanāroge /
Vin_8.384     / saṃvartanena bālasya /
Vin_8.385     / asaṃpattau chedanam* /
Vin_8.386     / sāmantake duḥkhanaṃ cet pātravaibhaṅgukānāṃ dānam* /
Vin_8.387     / rakṣyo bhūmināśas tasmād aṣkaryakarasya /
Vin_8.388     / [53b6] nānyuccā sādhu /
Vin_8.389     / kālena kālam adurgandhatāyai śocanam* /
Vin_8.390     / śoṣaṇaṃ mrakṣaṇañ ca kaṭukatailena /
Vin_8.391     / tatkālārtham aparārjanam* /
Vin_8.392     / asaṃpattau patalikādhāratvenopayogaḥ /
Vin_8.393     / kṛtvoccāraṃ tatkaraṇaśuddhet* /
Vin_8.394     / na tīkṣṇena tṛṇakurvakena vā /
Vin_8.395     / natukapattalikapatravaibhaṅgukaloṣṭhakāṣṭhānām atra sādhutvam /
Vin_8.396     / dvābhyāṃ ca mṛdbhyāṃ śocayet /
Vin_8.397     / prāk sthāpitābhiḥ [54a1] / /pravibhāgena mṛdbhir uttaraḥ śocaḥ /
Vin_8.398     / sanair mandamandamanāśayatāviskambhinācamanikāpādukām /
Vin_8.399     / saptabhir vāmasya /
Vin_8.400     / saptabhir ubhayoḥ vāhviḥ śocanam* /
Vin_8.401     / punaḥ hastayor mṛdā /
Vin_8.402     / aparāyā[ḥ] kuṇḍikāyāḥ pādaprakṣālanam(a) /
Vin_8.403     / nirdoṣaṃ śūte kukṣeḥ prāgantāt poccanamātraṃ kṛtvāsanaṃ nāto nyaḥ /
Vin_8.404     / saty udake nāvānte niṣīdet* /
// [iti] kṣudrakādibhaiṣajyavastu[54a2]gatam* // 2 //
// samāptaṃ bhaiṣajyavastu // 8 //
________________________________________________
*Vin_9, karmavastu /
**(Vin_9,1) karmavastu /
Vin_9.1     / vidhyutkrame karmaṇo rūḍhiḥ /
Vin_9.2     / nāśrāpyaśruto /
Vin_9.3     / nārūḍhi kuryāt* /
Vin_9.4     / jñaptivācanāprātimokṣoddeśapravāraṇās tat /
Vin_9.5     / nādharmeṇa kuryuḥ /
Vin_9.6     / na vyagrāḥ /
Vin_9.7     / na gaṇasya /
Vin_9.8     / nāsaṃghabhūtāḥ /
Vin_9.9     / viṃ*śatiprabhṛtīnām āvartaṇe saṃghatvaṃ /
Vin_9.10     / upasaṃpadi daśaprabhṛtīnāṃ /
Vin_9.11     / vinayadharapañcamādīnāṃ pratyanteṣv asaṃpattau /
Vin_9.12     / śiṣṭe catuḥ[54a3]prabhṛtīnām* hiruktvaṃ bhikṣuṇīnāṃ /
Vin_9.13     / karmaṇi pravāraṇaṃ bhikṣusaṃghe pi /
Vin_9.14     / poṣadhasaṃpannasāmagryāṇāṃ tena /
Vin_9.15     / chandapoṣadhaharaṇena tatsaṃpādanam* /
Vin_9.16     / dvayor atra vyāpṛtiḥ /
Vin_9.17     / pratibalatvam anayoḥ /
Vin_9.18     / abhāva ekasyāgrahītubhikṣusaṃghena niyogo bhikṣoḥ /
Vin_9.19     / dvārakoṣṭhake tenāvasthānam* /
Vin_9.20     / palāyamānasya saṃjñapanam* /
Vin_9.21     / tenāsyetat /
Vin_9.22     / na palāyanama /
Vin_9.23     [54a4] ajñāto nāma gotrapraśnaḥ /
Vin_9.24     / mānāsyavartaṇaṃ dvayos sāme tayoḥ /
Vin_9.25     / upasaṃpādanañ ca /
Vin_9.26     / dvādaśavargo trāsāṃ /
Vin_9.27     / sapūrvasaṃvṛtidvayaparṣadanalaparṣadupasthānasaṃvṛtidāne 'ntaḥ saṃghasya /
Vin_9.28     / kalpikam aśaktau karmakārikāyānitīritaṃ tayā bhikṣuṇā kṛtam vacanam* /
Vin_9.29     / yasmāt tūṣṇīm ity ataḥ prāk* /
Vin_9.30     / nāsanniṣādasthasya pūrakatvam* /
Vin_9.31     / na yasya kriyateḥ [54a5] tasmād asatvaṃ pūrakatvasya chandapariśuddhir vidheḥ /
Vin_9.32     / arhat*tvam anayoḥ /
Vin_9.33     / asammatiprakārakatvena /
Vin_9.34     / nānupasaṃpatkadhvastānantaryakṛtpāpadṛṣṭibhūmyentarasthanānāsaṃvāsikānām* /
Vin_9.35     / saskhalitasya ca /
Vin_9.36     / saṃvarakaraṇīyenāpi /
Vin_9.37     / bhavaty adhiṣṭhānena śuddhatvam* /
Vin_9.38     / na śakyatāyām* /
Vin_9.39     / śakyatvaṃ tadātane śuddhaprāyaścittikapratideśanīyaduḥkṛtapratikaraṇasya pratigra[54a6]hītṛsadbhāve deśanāmātrakatvāt* /
Vin_9.40     / yathā saṃgham āpanne pratipadyet /
Vin_9.41     / nyāyyam evaṃ nāśanaṃ caikasya /
Vin_9.42     / pratikaraṇañ cānekadhā /
Vin_9.43     / naiṣāṃ kartṛtvaṃ /
Vin_9.44     / uddeṣṭṭatvaṃ sāvaśeṣaṃ pratikriyāyāṃ /
Vin_9.45     / vartamānasya nāto nyaibhiḥ saśrutaṃ kuryuḥ /
Vin_9.46     / utsṛjya varjitam anāvṛttaṃ /
Vin_9.47     / utkṣiptañ ca svakarmaṇi /
Vin_9.48     / annaḥ pṛcchārthaṃ jñaptiprabhṛtau copadyamānaṃ /
Vin_9.49     / darśa[54b1]nopavicārasthātāyā sāṃmukhyasya /
Vin_9.50     / nivedanenānuśrāvaṇasya tatkaraṇīye saṃpādanaṃ /
Vin_9.51     / asaṃmukhībhūtasya vihāro unmattakāvandanānālapanāsaṃbhogasaṃvṛtayaḥ /
Vin_9.52     / nājñapite tadarthaṃ vācanā /
Vin_9.53     / tatsīmāntargatasyārhasya pūraṇe kāyataḥ chandato vā saṃniṣāde nanupraviṣṭatvaṃ pratikroṣantā ca yasya tatkarma tato nyasya pratikūlaṃ cet dharmaṃ vācyutasyeryāpathāt* pra[54b2]kṛtisthasya saṃyatasya vā cotsṛjyānabhijñasāntarāt* vyagratvaṃ /
Vin_9.54     / mṛṣāvādaprahvatvam asaṃyatir vācā /
Vin_9.55     / paiṣunye pāruṣye saṃbhinnapralāpe ca /
Vin_9.56     / aprakṛtisthatvam atra cānyatra vā karaṇīye karaṇīyakṛtau ca /
Vin_9.57     / cyutirīryāpathād viprakramaṇacittena pravṛttasyāsyotsṛṣṭiḥ /
Vin_9.58     / saṃghe dṛṣṭim āviskurvīta /
Vin_9.59     / nānyatra /
Vin_9.60     / nānupasaṃpatka /
Vin_9.61     / anarhe vā pūraṇāyāṃ /
Vin_9.62     / nānava[54b3]śeṣatve /
Vin_9.63     / saṃmanyeran* sādhutaravahutarakāriṇaṃ saṃmatam apasārya /
Vin_9.64     / na niyamya kālaṃ paunaḥpunye nyatra vā /
Vin_9.65     / dadhyur anyatra yāvad arthaṃ parihāraṃ /
Vin_9.66     / śalākagrahaṇenābhāve saṃmatasya bhājanam /
Vin_9.67     / yasya pūraṇe narhatva śalākācāraṇe pi tasya /
Vin_9.68     / saṃghabhede sya rūḍhir anarhe na cāraṇe śalākāṇāṃ /
// karmavastu // 1 //
**(Vin_9,2) karmaparibhāṣā /
Vin_9.69     // nādhikye vācanānām akṛ[54b4]tatvaṃ /
Vin_9.70     / akṛtatvaṃ hāpane /
Vin_9.71     / kriyamāṇatāyāṃ prakrāntāvapūrṇasya parvaṇo vigupitatvam* /
Vin_9.72     / pūrṇasyānavaśiṣṭatve tatkarmasaṃghaparimāṇānām avyutthitānām* /
Vin_9.73     / nāvaśiṣṭatve /
Vin_9.74     / punaś cet taccikīrṣādhikopanam vā ca /
Vin_9.75     / saṃghavijñapanena /
Vin_9.76     / punar bhadantājñaptiṃ* kariṣyāmy anuśrāvaṇañ ceti /
Vin_9.77     / pratiniḥsṛṣṭyarthā jñapananāsana tatsvabhāvaiṣīya[54b5]śikṣāsāmagrītatpoṣadhatīrthyaparivāsatadanyamānāsyamūlāpakarṣasmṛtyamūḍhavinadānopasaṃpādanopasaṃpādanasīmamokṣapraṇidhikarmāvarhaṇeṣu trir vācanā svārthāniriktamaṃtroktiḥ /
Vin_9.78     / pudgale ca parā rthaṃ /
Vin_9.79     / niṣaṇṇo syotkuṭukikayā purato nirikteś ca /
Vin_9.80     / rocanaṃ ca /
Vin_9.81     / iṣṭake pārṣṇibhyāṃ viraho 'nuśiṣṭānupasaṃpadi /
Vin_9.82     / masūrikādau striyāḥ [54b6] vṛddhānte nanyatantratāyāṃ saṃghe sthitasya parārthe sapraṇatam* /
Vin_9.83     / antaramārge samanuṣiṣṭatāyāṃ rahasīty ekam* /
Vin_9.84     / dravyādhiṣṭhānañ ca /
Vin_9.85     / tattvam vikalpanasya /
Vin_9.86     / gṛhītva tadetat* /
Vin_9.87     / pātrabhaiṣajyaṃ vāme pāṇo pratisthāpya pratichādya dakṣiṇena pāṇinā /
Vin_9.88     / agrata svasyāgrāhyatāyāṃ
/ niṣaṇṇatāyā karma /
Vin_9.89     / asaṃsṛtau saṃghaikadvayoḥ pudgalasya [55a1] // vijñapyatvaṃ bhikṣoḥ /
Vin_9.90     / rohanty asānnidhye cīvarasya manasā vikalpa utsarge dhiṣṭhānañ ca nānutsṛṣṭe pūrvatra /
Vin_9.91     / vāgbhāṣai caikādhiṣṭhānaṃ tadāśayopasaṃpattipūrvakaṃ /
Vin_9.92     / kṛtaikāṃśottarāsaṃgatvaṃ /
Vin_9.93     / samāgatatve bhikṣūṇāṃ /
Vin_9.94     / sāmīcyā tadarhatveḥ vacanīyatāyā svārthāmantrasya /
Vin_9.95     / aśiṣṭau ca rahasi /
Vin_9.96     / sasāṃghāṭitāyām upasaṃpatsaṃniṣāde /
Vin_9.97     / ādau [55a2] ca triḥpragṛhītāṃ jalitvaṃ tādarthye divasārocane ca /
Vin_9.98     / aupayikam ity ante svārthaṃ vijñaptena vacanaṃ pudgalaś cet /
Vin_9.99     / svārthi tadanvitareṇa /
Vin_9.100     / chandadveṣamohabhayagativirahitasya śaktasya kṛtākṛtasmaraṇe saṃmatir utsāhya /
Vin_9.101     / kṛtākṛtavravedanaṃ sthite /
Vin_9.102     / vardhatvavardhavyāmānatāyāṃ sīmni pratipattiḥ /
Vin_9.103     / gaṇḍyākoṭanapṛṣṭavācikāsamanuyogābhyāṃ sanniṣādakena sanni[55a3]ṣādyānāṃ bodhanam /
Vin_9.104     / tasya tadartham āsanaṃ prajñapanam /
Vin_9.105     / saṃmatasya tatkāryārthatāyām etattvaṃ /
Vin_9.106     / sarvatra yathā vṛddhikā /
Vin_9.107     / rucyāgrāhye gratvaṃ /
// karmaparibhāṣā // 2 //
// samāptaṃ karmavastu // 9 //
________________________________________________
*Vin_10, pratikriyāvastu /
**(Vin_10,1) pratikriyāvastu /
Vin_10.1     / nāpratikṛtājñapanajaṣkarma pratyanubhavet /
Vin_10.2     / utsṛjya poṣadhaṃ pravāraṇāñ ca /
Vin_10.3     / na sīmāntarasthasya kasmiṃś cid aṅgatvam /
Vin_10.4     / dhvaṃsas tadgatau sāhya gatasya /
Vin_10.5     / ubhayasthatvam ekasminn e[55a4]katra pāde parasmin paratra /
Vin_10.6     / sarvasminn avaṣṭambhini sthitasyāvaṣṭabdhe /
Vin_10.7     / rūḍhir evam anekatropagateḥ /
Vin_10.8     / arhatvam anekaśayanāsanagrāhe /
Vin_10.9     / yatheṣṭam asya vastavyatā /
Vin_10.10     / na vyagrakāritvaṃ jinasya /
Vin_10.11     / na pūrakatvam /
Vin_10.12     / nākarmaṇā tatkaraṇīyasyotthānam /
Vin_10.13     / kṛtatvaṃ yadbhūyas kṛtatve vākyasyānuttarasya /
Vin_10.14     / nākīrttitve nimittānāṃ bandhe /
Vin_10.15     / pārivāsike [55a5] nāntasyopasthānasaṃvṛteḥ /
Vin_10.16     / unmattakena coddeśasya /
Vin_10.17     / jñaptivad bhedānuṣṭhānam /
Vin_10.18     / anaṅgam atra bhinnavyaṃjanatvam /
Vin_10.19     / na hāsyabhāvena kasyacit sthūlam arūḍhibuddhyā bhedotkṣepayoḥ /
Vin_10.20     / duṣkṛtam asaṃghabhūtatve /
Vin_10.21     / nānyeṣāṃ nānāsaṃvāsikebhyo barhāṇāṃ pūraṇe gaṇena jñaptivācanayoḥ /
Vin_10.22     / nāsaṃpannatve 'rha[ḥ] svasaṃghena pratyanubhavasya /
Vin_10.23     / saṃpannatvaṃ [55a6] jñaptiśrutāv asya nāvidhir bhavyarūpe pratinidhinā dūtena pravrājanam /
Vin_10.24     / uttarañ copasaṃpādanāt /
Vin_10.25     / nāpratīṣṭo dattatvam /
Vin_10.26     / dhvaṃso 'tra yācanasya /
Vin_10.27     / vidhitvaṃ mevakajñapanapūrvakatve 'sya /
Vin_10.28     / utkṣepe 'py etat /
Vin_10.29     / avadhānaṃ pareṇāsamanvāhārād yukto tantraḥ /
Vin_10.30     / nārthacchedānā, kramavyatyād arūḍhiḥ /
Vin_10.31     / akaraṇīyatvaṃ bhreṣasya /
Vin_10.32     / na vyañjanāntara[55b1]saṃśrayāt /
Vin_10.33     / na bhikṣubhikṣuṇītvayor anyakarmavastupratijñapite codakena kalpayati sāṃmukhyaṃ praṇidhikaraṇam /
Vin_10.34     / pratītimātreṇa sannipātādāne /
Vin_10.35     / anaṅgam adarśane vyāghātitvāt sattvasya pratijñānam /
Vin_10.36     / avakāśāṃ karaṇe cāyogāt /
Vin_10.37     / saṃpatyāsvayam anutthāne codakasyotthāpanam /
Vin_10.38     / [ā]kroṣaroṣakaparibhāṣakatāmalābhāvā[55b2]sābhyāṃ saṃghasya cetakatvam /
Vin_10.39     / rājakulayuktakulajñātipudgalapratisaraṇatām apratisartṛtāṃ saṃghasyābibhrataḥ /
Vin_10.40     / akurvāṇasyāsyāgārikatīrthikadhvajadhāraṇatīrthyasevānācāracaraṇānyaśikṣaṇañ ca bhikṣuśikṣāyām utkacaprakacasya saṃghe roma pātayato niḥsaraṇaṃ pravarttayataḥ samīcīm upadarśayato viramato nimittād avasāraṇaṃ yācite /
Vin_10.41     / [55b3] karmadānabarhaṇopasaṃpādanapratiprasrambhannonmajjanañ ca /
Vin_10.42     / kalahakārakatam jayeyuḥ karmaṇā /
Vin_10.43     / nigarhaṇam abhīkṣṇasaṃghāvaśeṣāpattikasyāpratikṛtya /
Vin_10.44     / kuladūṣakasya pravāsanam /
Vin_10.45     / adānākaraṇayoś ca tadarthaṃ saṃnipātāvakāśayoḥ /
Vin_10.46     / udbhāvane ca tadadṛṣṭeḥ /
Vin_10.47     / pratisaṃharaṇamavam paṇḍitāgārikasya /
Vin_10.48     / tatkṣama[55b4]ṇakam atra karmaṇaḥ sthāne 'vasāraṇaṃ prati pratītāyām[ā]pattāvapratikṛtāyām apratikāryāyāṃ saṃvareṇādṛṣṭim udbhāvayantam anicchantaṃ pratikṛtim anuṣṭhātum anutsṛjantaṃ ca pāpikāṃ dṛṣṭim utkṣipeyuḥ /
Vin_10.49     / ihaivainām āpattiṃ pratikurvīthā ayam eva tv āsaṃghaḥ prasrambhayiṣyati ity evaṃ brūyyuḥ /
Vin_10.50     / nāpattiṃ praticchādayet /
Vin_10.51     / nāmnā 'ntataḥ [55b5] pravedyatvam /
Vin_10.52     / yathākathaṃcit duṣkṛtasya /
Vin_10.53     / prakṛtisthe /
Vin_10.54     / ananyadṛṣṭau sopasaṃpadi /
Vin_10.55     / tulyavyaṃjane /
Vin_10.56     / ataivaitat sottaram /
Vin_10.57     / kṛtatvam asyaidaṃdharmake /
Vin_10.58     / sīmāntarasthe ca /
Vin_10.59     / saṃghe sarvatrājñāpanajānām /
Vin_10.60     / sannihite tatrāsrame pratideśanīyasya garhyam āyuṣmantaḥ sthānam āpanno sātmyaṃ pratideśanīyanta dharmaṃ pratide[śa]yāmi iti /
Vin_10.61     / naitan mantravat /
Vin_10.62     / [55b6] saṃvarakṛter ato vyutthānaṃ mānasītaḥ /
Vin_10.63     / anya tasmai tado deśanāt /
Vin_10.64     / ekatra /
Vin_10.65     / ananyadṛṣṭo tatra /
Vin_10.66     / asamāvanye nikāyataḥ /
Vin_10.67     / abhāve āpattitaḥ /
Vin_10.68     / niḥsargavīcanapūrvakānaiḥkātaḥ /
Vin_10.69     / saṃghe sthūlāt sarvatra /
Vin_10.70     / paṃcakādau saśeṣāgatād guruṇaḥ /
Vin_10.71     / aśeṣāgatād anavacchinne bhūyasi /
Vin_10.72     / liṅghorasmāc catuṣkādau /
Vin_10.73     / kṛta[56a1] / /vadante 'trodyuktasyāsaṃpannaprayatve karma /
Vin_10.74     / duṣkāravattvamūḍhakṛtasya pratyāpattau saṃjñāyamānasya tena /
Vin_10.75     / nāmagotropasaṃhitam āpattitvāt kīrttanam /
Vin_10.76     / iyatkālapraticchannatayā vā saṃghāvaśeṣāyām /
Vin_10.77     / āvarhaṇam ato vyutthānakṛta /
Vin_10.78     / caritamānāsyasya /
Vin_10.79     / ṣaḍ aham ādāya saṃghāt /
Vin_10.80     / arddhamāsaṃ bhikṣuṇyāḥ /
Vin_10.81     / gurudharmā[56a2]tikrame 'py asya caritatvam /
Vin_10.82     / asati praticchādadoṣe tad rūḍhiḥ /
Vin_10.83     / parivāena tadapahatiḥ /
Vin_10.84     / tāvantaṃ kālam ād[ā]ya saṃghāt /
Vin_10.85     / kriyamāntāyām anayos tatsaṃghāvaśeṣāpadane dhvaṃsaḥ kṛtādānayoḥ /
Vin_10.86     / tasmān mūlopakramatvaṃ dānam /
Vin_10.87     / nirvāhya tatprastutam /
Vin_10.88     / tasmād arūḍhasyāsya pṛthak tadānīm utthāpyatā prathamaṃ ca /
Vin_10.89     / pratikāryaṃ tadāntaram /
Vin_10.90     / tasmāt tādarthasyā[56a3]pi saṃśrayatvam /
Vin_10.91     / avarodhyatā cātiriktasya tatpraticchādakālasya /
Vin_10.92     / karmaṇā nyoddānam /
Vin_10.93     / āvarhaṇāñ ca /
Vin_10.94     / tarjanaṃ cātra jñaptiprathamavācanāntarāle /
Vin_10.95     / nipatitasya tṛṇaprastārakeṇa /
Vin_10.96     / samudrejanañ ca /
Vin_10.97     / kṛtatotkīrttanāntaram /
// [iti] pratikriyāvastu // 1 //
**(Vin_10,2)   kṣudrādigatam /
Vin_10.98     / niṣkāśanaṃ duḥśīlasya /
Vin_10.99     / saṃghasyātra pragamaḥ /
Vin_10.100     / nāsāvenadavyupekṣeta /
Vin_10.101     / [56a4] avasāryatvaṃ nāśitasya /
Vin_10.102     / nāsāṃ manye praṇidhātṝṇām avasāraṇasya praṇihitau rūḍhiḥ /
Vin_10.103     / avastavyatā dūṣitasthāne pravāsitasya /
Vin_10.104     / sarvatrotkṣiptake saṃbāsyatvāsaṃbhogyatve /
Vin_10.105     / saṃjñayātra vyavasthānam /
Vin_10.106     / adharmapakṣasyaitibhinnatāyām itareṇa /
Vin_10.107     / nānyasya /
Vin_10.108     / nānyatraita praṇihite /
Vin_10.109     / apāśrayeṇāsya vastavyatā sapremakasya /
Vin_10.110     / vikṛteḥ kriyamāṇapraṇidhinā dhvaste[56a5]na ca niṣkāsya mānena bhajane bhāṇḍasya choraṇam /
Vin_10.111     / valāniṣkāśaḥ /
Vin_10.112     / avalambanasya chodanam /
Vin_10.113     / apatanadharmaṇā tatrotpāṭanam /
Vin_10.114     / saṃghena tasya pratisaṃskaraṇam /
Vin_10.115     / saṃpradāsya /
Vin_10.116     / asaṃpattau vaihārāt /
Vin_10.117     / na kalahakārakaṃ niṣkāsyamānan vārayet /
Vin_10.118     / anivṛttau kaler upaśāntyai prayatnād utkṣepaḥ /
Vin_10.119     / viniścayagate vyupaśamanena /
Vin_10.120     / niḥśrite niḥśrayaḥ praya[56a6]tet /
Vin_10.121     / nimittasyāpi kalerupasaṃhāriṇotkṣepyatā /
Vin_10.122     / saṃsṛṣṭavihāriṇam api bhikṣuṇībhir utkṣipeyuḥ /
Vin_10.123     / avandanārhasaṃvṛtim atrotkṣiptasya bhikṣuṇyāṣ kuryuḥ /
Vin_10.124     / udbhavo 'nyasya praṇidhiḥ nimitte tadarthābhisandhināny aprakṛtau /
Vin_10.125     / arūḍhir anyathātvaṃ paratra /
Vin_10.126     / anutthānam utkṣepe /
Vin_10.127     / sthūlaṃ jñātamahāpuṇyasūtravinayamātṛkādharabahuśrutapakṣam anivārāṇāṃ [56b1] nirdoṣanāgārikabhikṣvādipañcakāvaspaṇḍane 'pi pratisaṃharaṇam /
Vin_10.128     / nākrośyenāvaspaṇḍanam /
Vin_10.129     / anāśaṃkyaṃ svasādhāraṇyam /
Vin_10.130     / anupasaṃpatkasyaiṣāṃ pravrajite kartavyatā /
Vin_10.131     / na gṛhiṇi /
Vin_10.132     / pātrasasvākhyātāraṃ prati bhikṣor abhūtena pārājaikena /
Vin_10.133     / krośakaṃ paribhāṣakaṃ ca nikubjayeran /
Vin_10.134     / vyavasthākaraṇataḥ /
Vin_10.135     / prajñaptyā /
Vin_10.136     / na nikubjitayā tasya [56b2] gṛhān gacchet /
Vin_10.137     / nāsanaṃ paribhuñjīta /
Vin_10.138     / na prajñaptān deyadharmaṃ /
Vin_10.139     / na piṇḍapātaṃ pratigṛhṇītāt /
Vin_10.140     / na dharmaṃ deśayet /
Vin_10.141     / yat karma karaṇaṃ tadgatānāṃ nikubjitatvam /
Vin_10.142     / anuttānam asyāsvapakṣakulaṃ pratyotkṣiptakāt /
Vin_10.143     / tetanamasya kenacit /
Vin_10.144     / kṣamitataty unmajjanaṃ jñapanena /
Vin_10.145     / bhavaty utthānam anutpannapraticchādacittasyāntimātaḥ /
Vin_10.146     / śikṣācaraṇena /
Vin_10.147     / [56b3] tallabhāyāḥ saṃghataḥ /
Vin_10.148     / karmaṇā dānam /
Vin_10.149     / yāvaj jīva[m] /
Vin_10.150     / śuddhir ekasya purato deśanena saṃghāvaśeṣato hrīmataḥ /
Vin_10.151     / sūtradharasya vinayasya mātṛkāyāḥ /
Vin_10.152     / jñātasya ca /
Vin_10.153     / aśayatāpattivyutthānena daṇḍakarmataḥ /
Vin_10.154     / nikāyato nāmātrāpatter nāma /
Vin_10.155     / samutthānaṃ gotram /
// samāptaṃ pratikriyāvastu // 10 //
________________________________________________
*Vin_11, kālākālasampātavastu /
**(Vin_11,1) kālākālasampātavstu /
Vin_11.1     / apratītatve saṃghāvaśeṣāntardhāne [56b4] ntāsthitapratichādacittasyāśaktavattāyāṃ kṛtaṃ ne vā kiṃ* vā kīdṛśyaṃ ceti smartum anupasaṃpa katotkṣiptayoś cānutthānaṃ pratichādasya /
Vin_11.2     / bhraṣṭasyāvahārikasaṃjñatāyām āpatter asyāparājayāt* /
Vin_11.3     / aprajñaptatāyāṃ ca /
Vin_11.4     / nājñātatvena sraddhitatve vā /
Vin_11.5     / anabhijñatāsaṃjñino pi /
Vin_11.6     / bhūmyantarasthitāyāṃ prāco pi /
Vin_11.7     / jñānavat pratichāde vimatiḥ saṃghā[56b5]vaśeṣatvaṃ /
Vin_11.8     / āvaraṇasyāpi sābhūti yā pratichādānutthānasya /
Vin_11.9     / duṣkṛtam anādṛtyaiḥ caraṇotsarge /
Vin_11.10     / tanaikāyikādhyācāre cātra /
Vin_11.11     / saṃbhave cāpratikṛtau /
Vin_11.12     / tadavasthatvaṃ pratyāgatāvacaraṇabhūmeḥ /
Vin_11.13     / śodhite vastuni sāṣānuṣṭhānam anirjñāne pratichādakālasyāsaṃvya ānany ūnatvasya saṃśrayaṇaṃ /
Vin_11.14     / caritavyatāyāṃ śuddhāntikatvottarasya /
Vin_11.15     / catu[56b6]ro māsāṃ śuddhāntikam iti /
Vin_11.16     / aparimātvasyāpratichāde /
Vin_11.17     / saṃcintya śukre visṛṣṭa-samutthāma-parimāṇām iti /
Vin_11.18     / yāvatīṣv abhiprāyas tāvat kīmitvam atrātrānuṣṭhiteḥ /
Vin_11.19     / aparimāna ity anirjñāne sya saṃśrayasaṃbahulāḥ parimānavatya iti prābhūtye /
Vin_11.20     / atiriktena kālānāṃ /
Vin_11.21     / prabhṛtimatvena nāmnāṃ /
Vin_11.22     / gurutvatīvrāśayakṛtatvā[57a1] //bhyām āditvena /
Vin_11.23     / carato paraprāksampannapraticikīrṣotpattau pṛ[tha]g* dānam ekaṃ caraṇaṃ /
Vin_11.24     / nāsya pratichannatāyāṃ mānāsye saṃbhavaḥ /
// [iti] kālākālasaṃpātavastu // 1 //
**(Vin_11,2)   pṛcchāgatam /
Vin_11.25     / nānantye nse horātrasya pratichādotthānam* /
Vin_11.26     / nābhāve ṅgasyodbhāvanāyātmacittānā[ṃ] pratichādaḥ /
Vin_11.27     / abhāvamamatyapakrāntivaśasya /
Vin_11.28     / tadarthavaśatayāpi kṛtau /
Vin_11.29     / vinārthe[57a2]na duṣkṛtam /
Vin_11.30     / prātkānhyāt /
Vin_11.31     / anutsṛṣṭatvaṃ pratichādacittasya tatcittatānadorṣamāpatteḥ parājitasyāprakṛtau /
// kālākālasaṃpātavastu pṛcchā // 11 //
________________________________________________
*Vin_12, bhūmyantarasthacaraṇavastu /
**(Vin_12,1) bhūmyantarasthacaraṇavastu /
Vin_12.1     / pārivāsikamānāsyacāribhyām abhivādanavandana-pratyutthānāṃjalisāmīcīkarmaṇāṃ prakṛtisthād bhikṣor asvīkaraṇaṃ /
Vin_12.2     / yasyābhyāmakaraṇam itarair api tatra tadgatasya /
Vin_12.3     / yad aparihāṇikāto nyathānena sārddham acaṃkra[57a3]maṇam /
Vin_12.4     / nīcatarāsanakatvād aniṣādaḥ /
Vin_12.5     / paścācchramaṇātmakatātaṣkulānupasaṃkramaṇaṃ /
Vin_12.6     / akalpanamekachadane śayyāyāḥ /
Vin_12.7     / pravrājanopasaṃpādananiḥśrayadānaśramaṇoddeśopasthāpanānām akaraṇaṃ /
Vin_12.8     / prajñaptivācanayoś cāpratīṣṭaḥ /
Vin_12.9     / karmakārakabhikṣuṇyavavādakasaṃghavaiśvāsikasammateḥ /
Vin_12.10     / avyāparaṇa prāksammatenāpi /
Vin_12.11     / anavava[57a4]danañ ca bhikṣuṇīnām* /
Vin_12.12     / anuddeśaḥ poṣadhe prātimokṣasya saty anyatroddeṣṭari /
Vin_12.13     / acodanaṃ vipattyā bhikṣoḥ /
Vin_12.14     / anapasāritasya saṃghāt* /
Vin_12.15     / akaraṇaṃ savacanīyatāsakīlatvayoḥ /
Vin_12.16     / asthāpanam avavādapoṣadhapravāraṇājñaptivācanānāṃ /
Vin_12.17     / asaṃprayogo nena /
Vin_12.18     / varjanaṃ kṛtadaṇḍanimittasya /
Vin_12.19     / anyasya cāparādhasya /
Vin_12.20     / nāparādhyatā sabrahmacāriṣu /
Vin_12.21     / [57a5] vratasya niḥsāraḥ pravartito bhavatīti manasikaraṇaṃ /
Vin_12.22     / kālyam utthāya dvāramokṣo dīpasthālakoddharaṇavihārasekasaṃmārgasukumārigomayakārṣyānupradānāni /
Vin_12.23     / dhāvanaṃ prasrāvoccārakuṭyāḥ /
Vin_12.24     / poccana-mṛtakālānurūpapānīyopasthāpanam* /
Vin_12.25     / praṇāḍikāmukhānāṃ dhāvanam* /
Vin_12.26     / āsanaṃ prajñapanam* /
Vin_12.27     / kālaṃ jñātvā dhūpatatkaṭacchukayor upasthapanama /
Vin_12.28     / [57a6] pratibalatā vecchāsturguṇāsaṃkīrtaṇaṃ /
Vin_12.29     / na ced bhāṣaṇakādhyeṣaṇaṃ /
Vin_12.30     / upanvāhṛte gaṇḍīdānam* /
Vin_12.31     / dharmaś ced bhikṣūṇāṃ vījanam* /
Vin_12.32     / antyatvam asya sarvopasaṃpannānām /
Vin_12.33     / kṛte bhaktakṛtye śayanāsanasya channe gopanam* /
Vin_12.34     / pātrādhiṣṭhānachoraṇaṃ* /
Vin_12.35     / kālaṃ jñātvā stūpānāṃ saṃmārjanam* /
Vin_12.36     / sukumārigomayakārṣyanupradānaṃ /
Vin_12.37     / sāmagrīvelāyāṃ pra[57b1]jñapanādyāguṇagatāt* /
Vin_12.38     / pratibalatā ced divasārocanam* /
Vin_12.39     / na ced anyasya bhikṣor adhyeṣaṇaṃ /
Vin_12.40     / pādaśocanaṃ bhikṣūṇāṃ caikālikaṃ kālānurūpeṇāmbunā /
Vin_12.41     / mrakṣaṇañ cānicchāyāṃ snehopasaṃhāraḥ /
Vin_12.42     / vihāre 'sya pratyante rhatvaṃ /
Vin_12.43     / arhatvaṃ sarvatra lābhe /
Vin_12.44     / pratijāgriyāt kuśalapakṣe /
Vin_12.45     / tadvad atra tatprabhāvaiṣīyaśikṣādattakau /
[R om.] / naivoddeśaḥ /
/ avasāraṇena /
/ pūrvasya pra[57b2]kṛtigateḥ /
/ arhatvenottarasya /
/ prāg* dvāramokṣyād vihārādau ca paryuṣitavac caritapattau /
/ tathātaritapattau /
/ tathātarjitanigarhitaprathāsitapratisaṃkṛtotkṣiptāḥ /
/ naivoddeśaḥ /
/ varjanam evotkṣiptasyetaraiḥ /
/ anartatvañ ca tadātvanimittalābhe /
/ bhinnavat* /
/ tadvadbhinneṣv adharmapakṣyaḥ /
/ arūḍair aprakṛtistheṣu paripāsamānāpy aśikṣācaraṇānāṃ / [end of R om.]
Vin_12.46     / asaṃghe ca /
Vin_12.47     / [57b3] paricchinneṣu ca tadāśramapadopagebhyaḥ /
Vin_12.48     / na bahutāṃ pariharet* /
Vin_12.49     / sa sthaviraprātimokṣatāyai prayateta /
Vin_12.50     / na yatryānye triḥprabhṛtayaḥ sarvathā tadākhyacaraṇās tatra taccaret* /
Vin_12.51     / nānyatra prathamāvaraṇeṇānudgamayenāṃ /
Vin_12.52     / varttsyat vṛttam ārocayetāṃ /
Vin_12.53     / saṃnipāte saṃghasya /
Vin_12.54     / pratyahaṃ na cec ciraṃ caritavyatvaṃ /
Vin_12.55     / atra tricaturaiḥ /
Vin_12.56     / naivānenārthenāvaspaṇḍayet* /
Vin_12.57     / [57b4] kalahakārakāgamanañ ca śrutvā bhayañ cedataḥ pratini[ḥ]sṛjetāṃ saṃghasannidhau pudgale vā /
Vin_12.58     / apagatau bhīter ādānaṃ tatraivaṃ /
/ bhūmyantarasthacaraṇavastu // 1 //
**(Vin_12,2)   pṛcchāgatam /
Vin_12.59     / chedas tadahorātrasya prakṛtisthena sārdham ekachadane parivāsikamānāsyacāriṇoḥ śayyāyāṃ bahi[ḥ]sīmni ca /
Vin_12.60     / anārocane ca /
Vin_12.61     / nāsannidhau tatsīmni śrāvyāṇām asyotthānaṃ nirdoṣaṃ tadaharā[57b5]gatau sīmāntare gamanam* /
Vin_12.62     / na parivāsikena sārdham ekachadane pārivāsikaḥ śayīt* /
Vin_12.63     / na tīrthyupanivāsasthasya tena sārdham atra doṣaḥ //
// bhūmyantarasthacaraṇavastupṛcchā // 12
________________________________________________
*Vin_13. parikarmavastu
Vin_13.1     // nāprāsiddhikasya mūlatvaṃ /
Vin_13.2     / arūḍhir avasitapravāraṇoktau pravāraṇāsthāpanasya /
Vin_13.3     / tathā glānakartṛkatāyāṃ /
Vin_13.4     / dūtenāpi /
Vin_13.5     / glānagatāyāñ ca /
Vin_13.6     / [57b6] naitat pratīccheyuḥ /
Vin_13.7     / āgamaya tvam āyuṣmaṃ glānas tvam aprayojyama ity āyusmaṃ bhūteti glāno sāv ananuyojyā iti prativadeyuḥ /
Vin_13.8     / anavagatasvarūpatāyāṃ kṛtasya kartur vā codanasya /
Vin_13.9     / śiṣṭe pi nākāle pravarteta /
Vin_13.10     / nānupasthāsya smṛtisaṃprajanye /
Vin_13.11     / nānekānte /
Vin_13.12     / nākāritāvakāśe /
Vin_13.13     / tatvaṃ pravāraṇasya /
Vin_13.14     / asmṛtau smāraṇaṃ [58a1] /
Vin_13.15     // akaraṇebhyaḥ vacanīyatām asya kuryāt* /
Vin_13.16     / savacanīyaṃ tv āyuṣman karomi na tvaṃ yo smādāvāsādanavalokya prakramitavyam asti me āyuṣmati praṇihitaṃ vacanāyeti /
Vin_13.17     / āgacchaty eva damanāthamana codyatāṃ /
Vin_13.18     / ālapanāder asy anuvinivartanam* /
Vin_13.19     / tathāpi poṣadhasthāpanaṃ /
Vin_13.20     / tato pi pravāraṇāyāḥ /
Vin_13.21     / karaṇam asyatra sthāpakaiḥ sthāpitasya tena [58a2] sārdham upasāraṇaṃ /
Vin_13.22     / kṛtatve vakāśasyāmṛdutvaṃ cet sakīlakaraṇaṃ /
Vin_13.23     / vakṣyāmy atrāmutra vā vase mutra vā vāstuni yatra ceṣṭam ity āropya cāmattiṃ* darśayitvāparādham utsṛjanena /
Vin_13.24     / śīladṛṣṭyā cārājīva vipatyā sarvasyāsya codanādeḥ kriyāyāṃ ruḍhiḥ samūlakaṃ /
Vin_13.25     / na durdūlena kuryāt* /
Vin_13.26     / akaraṇam atra vastunaḥ satyatvaṃ /
Vin_13.27     / kriyānimittānāṃ parasaṃlāpa[58a3]sya sānuśrāvaṇasyeti trividhaṃ śrutaṃ /
Vin_13.28     / amūlatvam asraddhitasya /
Vin_13.29     / kāmo nekatve jñātuś codanādau /
Vin_13.30     / nāpravāraṇe tatsthāvanam* /
Vin_13.31     / nāpoṣadhe tasya na kṛtau kṛtatve vā strītve sthāpakasyai[ka]tarasya puṃstve sthāpitatvaṃ sthāpitatā /
Vin_13.32     / na naṣṭaprakṛtinā /
Vin_13.33     / nāśīlaikyena /
Vin_13.34     / nānayoḥ /
/ pārikarmaṇavastupṛcchā // 13
________________________________________________
*Vin_14. karmabhedavastu
**(Vin_14,1)   karmabhedaḥ
Vin_14.1     // na nānātvāya saṃghasya prabhāviṣṇum akā[58a4]maṃ codayed unmoṭayed vā codayatvaṃ /
Vin_14.2     / na yatra prativirodhas tena sārdham abhinamane samāsīta /
Vin_14.3     / dvitrāsanāntaritam anyatra /
Vin_14.4     / evam itaras tena /
Vin_14.5     / antaritasyānayor vihārasya deyatvaṃ grāhyatā ca /
Vin_14.6     / dharme vinaye caitadvatām adharme ced abhiniveśo jñātvā saṃghasāmagrīn na vidyate /
Vin_14.7     / tasmān na tad anyānāṃ saṃbhūya kṛtau karmaṇo rūḍhin na paraspareṇāvyagratvam* /
Vin_14.8     / [58a5] kaliparāyaṇatva eṣā tadvipakṣasya cāvandyatvam idaṃ dharmabhiḥ /
Vin_14.9     / pratyutthānāsanopanimantraṇāsaṃlapanālapanasaṃmodanavyavalokanālokanānām apy akaraṇaṃ /
Vin_14.10     / lūhaśayanāsanānupradānaṃ hastasaṃvyavahārakena /
Vin_14.11     / vacanenānyatra sasūtam ity aparam* /
Vin_14.12     / pratyante vihārasya /
Vin_14.13     / mṛddhadvā vayam iti vadatsu yūtham api śramaṇāḥ śākyaputriyā sma ity ātmānam* [58a6] pratijānīdhve /
Vin_14.14     / yeṣāṃ cedaṃ vṛttam iyaṃ vārtā kāruṇiko vaḥ śāstā yenaitad anujñātam etad api vo na prāpadyata iti prativadeyur anyatra /
Vin_14.15     / na bhikṣuṇyāsanamokṣaṃ hāpayet* /
Vin_14.16     / dadītopāsakapiṇḍapātam /
Vin_14.17     / nāpi sāritāām eṣāṃ sāmagyasya vinā sāmagrīlābhenotthāpanaṃ /
Vin_14.18     / na vinā poṣadhena prakṛtisthatāprāptiḥ /
Vin_14.19     / datvapinaṃ kuryuḥ /
Vin_14.20     / karmaṇaitat* /
Vin_14.21     / pūrvaṃ ca /
Vin_14.22     / [58b1] kalpate sāmagrīmaṅgalārthamāpadi poṣadhaḥ /
Vin_14.23     / tasyaiva cātra kālasya nimittatvaṃ /
/ karmabhedavastu //
**(Vin_14,2)   pṛcchāgataḥ /
Vin_14.24     / karmaṇaḥ kṛtāvadharmavādibhir antaḥsīmni pṛthak tadbhedo tadacittena /
Vin_14.25     / rūḍhir asmin* pratisvaṃ karmaṇaḥ /
Vin_14.26     / nāsvapakṣaṃ prati /
Vin_14.27     / dharmavādi kṛtatā saṃghasya kṛtatvaṃ /
Vin_14.28     / sthalasthair atra sanni ced bhikṣuṇīnām acodyatvaṃ /
Vin_14.29     / vyagratvam eṣāṃ dharmapakṣaiḥ /
Vin_14.30     / dhvanso nuvidhau ta[58b2]ttvasya /
Vin_14.31     / nainaṃ kuryāt* /
Vin_14.32     / acodyatvam* pakṣāparapakṣavyavasthitasya bhikṣuṇīsaṃghasya /
Vin_14.33     / nainaḥ bhinnasya /
Vin_14.34     / samagrya yācamānānāṃ niyojyatvaṃ /
Vin_14.35     / dharmatrādini gāmitvaṃ vārṣikasya /
Vin_14.36     / ubhayasannipāte cāvibhajyāpratipātitasya saṃghe vaibhājyasya /
Vin_14.37     / saṃghaparimāṇatā cet tatra teṣāṃ /
Vin_14.38     / janatā cetir eṣām /
Vin_14.39     / tat tatā yadīyasyotsaṃghe pratipādanaṃ [58b3] dvayoś ced ubhayatra /
Vin_14.40     / pudgalaso rāṃśitvaṃ na saṃghaśaḥ /
/ karmabhedavastugate pṛcchā māṇavike // 14
________________________________________________
*Vin_15. cakrabhedavastu /
Vin_15.1     / jñapanato vā pṛthagbhāvasya dharmāt saṃghabhedaḥ /
Vin_15.2     / śalākāgrahaṇato vānenārthena /
Vin_15.3     / arūḍhir asyāsaṃghaparimāṇatve bhidyamānānām asatve cānyeṣām antaḥsīmni saṃghaparisānānām adharmadharm