Kinh Giải Thoát Giới (Prātimokṣasūtra)

ṃ vā vijñāpayiṣyāma i(ti śikṣā karaṇīyā) 24
PrMoSū_Śai.C.25:
naudanena sūpaṃ praticchādayiṣyāmo bhūyaskāmatām upādāya iti śikṣā karaṇī(yā) 25
PrMoSū_Śai.C.26:
nāvadhyānaprekṣiṇa anantarikasya pātraṃ vyavalokayiṣyāma (i)ti (śikṣā karaṇ)īyā 26
PrMoSū_Śai.C.27:
pātrasaṃjñinaḥ piṇḍapātaṃ paribhokṣyāma iti śikṣā karaṇī(yā 27)
PrMoSū_Śai.C.28:
sāvadānaṃ piṇḍapātaṃ paribhokṣyāma iti śikṣā karaṇīyā 28
PrMoSū_Śai.C.29:
na sāmiṣaṃ pātrodakam antargṛhe chorayiṣyāmo gṛhiṇam anavalokyeti śikṣā karaṇīyā (29)  //
___________________________________________________________
D
PrMoSū_Śai.D.1:
na yānādhirūḍhasyāglānasya dharmaṃ deśayiṣyāma iti śikṣā karaṇīyā 1
PrMoSū_Śai.D.2:
na purato gacchataḥ pṛṣṭhato 'nugacchanta aglānasya dharmaṃ deśayiṣyāma iti śikṣā karaṇīy(ā) 2
PrMoSū_Śai.D.3:
na mārgaṃ gacchato hy amārg(aṃ ga)cchanta aglānasya dharmaṃ deśayiṣyāma iti śikṣā karaṇīyā 3
PrMoSū_Śai.D.4:
na sthitā niṣaṇṇasyāglānasya dharmaṃ deśayiṣyāma iti śikṣā (kara)ṇīy(ā) 4
PrMoSū_Śai.D.5:
na nīcāsan(e) niṣaṇṇā uccāsane niṣaṇṇasyāglānasya dharmaṃ deśayiṣyāma iti śikṣā ka(raṇīyā) 5
PrMoSū_Śai.D.6:
na ni(ṣa)ṇṇā nipannasyāglānasya dharmaṃ deśayiṣyā(ma iti śikṣā karaṇīyā 6)
PrMoSū_Śai.D.7:
na veṣ(ṭ)itaśirasa aglānasya dharma(ṃ deśayiṣyāma iti śikṣā karaṇīyā 7)
PrMoSū_Śai.D.8:
nāvaguṇḍikākṛtasyāglānasy(a dharmaṃ deśayiṣyāma) iti (śikṣā karaṇīyā) 8
PrMoSū_Śai.D.9:
na kaṃbhākṛtasyāglānasya dharmaṃ deśayiṣyāma iti śikṣā karaṇīyā 9
PrMoSū_Śai.D.10:
notkṛṣṭikākṛtasyāglānasya dharmaṃ deśayiṣyāma iti śikṣa karaṇīyā 10
PrMoSū_Śai.D.11:
nātyastikākṛtasyāglānasya dharmaṃ deśayiṣyāma iti śikṣā karaṇīyā 11
PrMoSū_Śai.D.12:
na vinyastikākṛtasyāglānasya dharmaṃ deśayiṣyāma iti śikṣā karaṇīyā 12
PrMoSū_Śai.D.13:
na vikṣiptikākṛtasyāglānasya dharmaṃ deśayiṣyāma iti śikṣā karaṇīyā 13
PrMoSū_Śai.D.14:
na pallatthikākṛtasyāglānasya dharmaṃ deśayiṣyāma iti śikṣā karaṇīyā (14)
PrMoSū_Śai.D.15:
na sopānahakasyāglānasya dharmaṃ deśayiṣyāma iti śikṣā karaṇīyā 15
PrMoSū_Śai.D.16:
na sapādukasyāglānasya dharmaṃ deśayiṣyāma iti śikṣā karaṇīyā (16)
PrMoSū_Śai.D.17:
na daṇḍapāṇer aglānasya dharmaṃ deśayiṣyāma iti (śikṣā kara)ṇīyā (17)
PrMoSū_Śai.D.18:
na cchatrapāṇer aglānasya dharmaṃ deśayiṣyāma iti śikṣā karaṇīyā (18)
PrMoSū_Śai.D.19:
na śastrapāṇeḥ sarvathā dharmaṃ deśayiṣyāma iti ś(i)kṣā karaṇīy(ā) 19
PrMoSū_Śai.D.20:
na khaḍgapā(ṇeḥ sa)rvathā (dha)rmaṃ deśayiṣ(y)ā(ma iti śikṣ)ā karaṇīyā 20
PrMoSū_Śai.D.21:
nāyudhapāṇeḥ sarvathā dharma(ṃ) deśayiṣyāma iti śik(ṣ)ā kar(aṇ)īy(ā 21)
PrMoSū_Śai.D.22:
n(a) harita uccāraprasrāvaṃ khe(ṭaṃ śiṅghā)ṇakaṃ kariṣyāma iti (śikṣā karaṇīyā 22)
PrMoSū_Śai.D.23:
na kalpika udake pāribhogīye uccāraprasrāvaṃ kheṭaṃ śiṅghāṇakaṃ kariṣyāma iti śikṣā kara(ṇīyā 23)
PrMoSū_Śai.D.24:
na sthi(t)ā aglān(ā) uc(c)āraprasrāvaṃ kariṣyāma iti (śikṣā karaṇīyā 24)
PrMoSū_Śai.D.25:
na sādhikapauruṣaṃ vṛkṣam ārokṣyāmo 'nyatra praty(ayād it)i śikṣā karaṇīyā 25 / /
uddiṣṭā mayāyuṣmantaḥ saṃbahu(lāḥ śaikṣā) dharmās tatrāham āyuṣmataḥ pṛcchāmi ka(cc)i(t sth)ā(tra) pariśudd(ā dvir api) tr(i)r api pṛcchāmi kaccit sthātra pariśu(ddhāḥ) pariśu(ddhā atrāy)uṣm(anto yasmāt tūṣṇīm evam etad dhārayāmi //)
___________________________________________________________
VIII. adhikaraṇaśamathā dharmāḥ
(ime punar āyuṣmantaḥ saptādhi)karaṇa(śa)mathā dharmā anvardhamāsaṃ prātimokṣasūtroddeśam āgacchanti /
PrMoSū_AŚ.1:
saṃm(u)kha(v)inayārhasya saṃmukhavinay(aṃ dāsyāmaḥ 1)
PrMoSū_AŚ.2:
(smṛti)vinayā(r)hasya (s)mṛti(vinayaṃ dāsyāma)ḥ 2
PrMoSū_AŚ.3:
amūḍha(v)i(na)yā(rhas)ya amūḍhavinayaṃ dāsyāmaḥ 3
PrMoSū_AŚ.4:
pratijñāvinayārhasya pratijñāṃ kāra(yi)ṣyāma(ḥ) 4
PrMoSū_AŚ.5:
tatsvabhāvaiṣikārhasya tatsvabhā(vaiṣikāṃ) dāsyāmaḥ 5
PrMoSū_AŚ.6:
yadbhūyeṣikārhasya yadbhūyeṣikaṃ dāsyāmaḥ 6
PrMoSū_AŚ.7:
utpanno(tpannāny adhikaraṇāni) tṛṇaprastārakena vyupaśamayiṣyāmo dharmeṇa .i... 7 (//)
ud(d)iṣṭā mayāyuṣmantaḥ saptādhikaraṇaśamathā dharmās t(atrāham āyu)ṣmata(ḥ pṛ)cchāmi kaccit sthātra pariśuddhā dvir api tri(r api) pṛcchāmi kaccit sthātra (pariśuddhāḥ pari)śuddhā atrāyuṣmanto yasmāt tūṣṇīm evam evāhaṃ dhārayāmi //
___________________________________________________________
(SCHLUSSTEIL)
I (Prosa)
udd(i)ṣṭ(a)ṃ mayāyuṣmantaḥ prātimokṣasūtrasya / / nidānaṃ uddiṣṭāś catvāraḥ pārājikā dharmā uddiṣṭās trayodaśa saṃghāvaśeṣā dharmā uddiṣṭau dvāv aniyatau dharmau uddiṣṭās triṃśa(n n)iḥsargikāḥ pātayantikā dharmā uddiṣṭā navati pātayantikā dharmā uddiṣṭāś catvāraḥ prat(i)deśanīyā dha(r)m(ā) u(ddi)ṣṭ(āḥ) saṃbahulā(ḥ) śaikṣā dharmā uddiṣṭāḥ saptādhikaraṇaśamathā dharmāḥ /
etāvat tasya bhagavataḥ sūtragataṃ sūtraparyāpannam (a)nvardhamāsaṃ prātimokṣasūtroddeśam āg(acchati) iti yo (v)ā (pu)nar anyo 'p(y āga)cched dharmasyānudharmas tatra vaḥ sahitaiḥ samagraiḥ saṃmodamānair avivadamānair ekāgr(ai)r ekoddeśair ekakṣīrodakībhūtai(ḥ) sukhaṃ phā(ṣaṃ) v(iha)rtavyam iti śikṣā karaṇīyā //
___________________________________________________________
II (Verse)
PrMoSū_Schluss_V.1:
kṣānti(ḥ) paramaṃ tapas titīkṣā
nirvāṇaṃ paramaṃ vadanti buddhāḥ
na hi pravrajita(ḥ pa)ropat(āp)ī
(ś)ramaṇo bhavati parā(n) viheṭhayānaḥ 1
PrMoSū_Schluss_V.2:
cakṣuṣmān viṣamānī(va)    vidyamāne parākrame
paṇḍito jīvaloke 'smi(n)    pāpāni (parivarjayet 2)
PrMoSū_Schluss_V.3:
(nopavā)d(ī) nopaghātī    prātimokṣe ca saṃvaraḥ
mātrajñatā ca bhakteṣu    prāntaṃ ca śayanāsanam
adhicitte samāyoga    etad buddhasya ś(āsa)nam 3
PrMoSū_Schluss_V.4:
yath(ā)pi bhramaraḥ puṣpād    varṇagandhāv aheṭhayan
paraiti rasam ādāya    tathā grāmāṃ muniś caret 4
PrMoSū_Schluss_V.5:
na pareṣāṃ vilomāni    na pareṣāṃ kṛtākṛtam
ātmanas tu samīkṣeta    samāni viṣamāni ca 5
PrMoSū_Schluss_V.6:
adhicet(a)s(i) mā p(ra)madyata pratataṃ maunapadeṣu śikṣata
śokā na bhavanti tāyino hy upaśāntasya sadā smṛtātmanaḥ 6
PrMoSū_Schluss_V.7:
sarvapāpasyākaraṇaṃ    kuśalasyopasaṃpadaḥ
svacittaparyavadanam    etad buddhasya śāsanaṃ 7
PrMoSū_Schluss_V.8:
kāyena saṃvaraḥ sādhu    sādhu vācā ca saṃvaraḥ
manasā saṃvaraḥ sādhu    sādhu sarvatra saṃvaraḥ
sarvatra saṃvṛto bhikṣu(ḥ)    sarvaduḥkhāt pramucyate 8
PrMoSū_Schluss_V.9:
vācānurakṣī manasā susaṃvṛtaḥ
kāyena caivākuśalaṃ na kuryāt
etāṃ śubhāṃ karmapathāṃ viśodhaya(nn)
ā(rādhay)en (mārga)m ṛṣipraveditam 9
PrMoSū_Schluss_V.10:
kṣiptaḥ kṣipen naiva hato na hanyād
vairaprasaṃgeṣu bhaved avair(aḥ
duṣṭe)ṣu ca syāt satataṃ prasanna(ḥ)
(s)v(a)y(aṃ) na kuryāt paragarhitaṃ yat 10
PrMoSū_Schluss_V.11:
saptabhir lokanāyakair    buddhavīrair mahātmabhiḥ
prātimokṣaḥ samuddiṣṭo    nirdiṣṭaś ca maharṣiṇā 11
PrMoSū_Schluss_V.12:
atra sagauravā buddhā    buddhānāṃ śrāvakāś ca ye
atra sagauravā bhūtvā    tathānyonyasagauravā
hrīravatrāpyasaṃpannā(ḥ)    prāpnuvanti hy asaṃskṛtam 12
PrMoSū_Schluss_V.13:
ārabhadhvaṃ niṣkramadhvaṃ    yujyadhvaṃ buddhaśāsane /
dhunadhvaṃ mṛtyunaḥ sainyaṃ    naḍāgāram iva kuñjaraḥ 13
PrMoSū_Schluss_V.14:
yo hy asmiṃ dharmavinaye    apramatto bhaviṣyati
prahāya jātisaṃsāraṃ    duḥkhasyāntaṃ sa (y)āsyati 14
PrMoSū_Schluss_V.15:
yasyārth(e) sūtram uddiṣṭaṃ    yasyārthe poṣathaḥ kṛtaḥ
tac chīlam anurakṣadhvaṃ    vālāgra(ṃ) ca(ma)ro yathā 15
uddiṣṭa(ḥ) prātimokṣaḥ kṛtaḥ samagreṇa saṃghena poṣatha iti //
prātimokṣasūtraṃ samāpta(m) //