Kinh Giải Thoát Giới của Đại Chúng Bộ (Prātimokṣasūtram of the Mahāsaṃghikas)

harmmāstatrāyuṣmanto pṛcchāmi kaccittha pariśuddhā dvitīyampi āyuṣmanto pṛcchāmi kaccittha pariśuddhāḥ / tṛtīyampi āyuṣmanto pṛcchāmi kaccittha pariśuddhāḥ pariśuddhā atrāyuṣmanto yasmāttūṣṇīṃ mevametandhārayāmi /
VI. THE FOUR PRATIDESANIYA DHARMAS.
ime kho punarāyuṣmanto catvāraḥ pātideśanikā dharmā anvarddhamāsaṃ sūtre prātimokṣe uddeśamāgacchanti /
PrMoSū(Mā)_Pratid.1. yo punabhikṣu āraṇyake śayanāsane viharanto pūrvve apratisamveditaṃ vahidvā apratigṛhītamantevāsa vastusminnagilāno svahastaṃ khādanīyamvā bhojanīyamvā pratigṛhṇitvā khādeya vā bhuñjeya vā bhuktāvinā tena bhikṣuṇā pratideśayitavyaṃ / asaṃpreyamme āyuṣman gārhyamprātideśanikaṃ dharmmamāpanno taṃ dharmapratideśayāmi ayaṃ dharmmo prātideśaniko //
PrMoSū(Mā)_Pratid.2. yo punabhikṣuranyātikāye bhikṣuṇīye antaragṛhaṃ praviṣtāye agilāno svahastaṃ khādanīyaṃ vā bhojanīyamvā pratigṛhṇitvā khāde ya vā bhuñjeya vā bhuktā vinā tena bhikṣuṇā pratideśayitavyaṃ / asaṃpreyamme āyuṣman gārhyampratideśanikaṃ dharmmamāpanno taṃ dharmmaṃ pratideśayāmi / ayaṃ pi dharmmo prātideśaniko /
PrMoSū(Mā)_Pratid.3. bhikṣu kho punarantaragṛhe nimantritakānmuñjanti tatra ca bhikṣuṇī viśvāsamānarūpāsthitā bhavati so evamāha iha odanaṃ dehi iha sūpaṃ dehi iha vyañjanaṃ dehīti vadeya sarvehi te bhikṣū hi sā bhikṣūṇī evamasya vacanīyā / āgamaya tāvattvaṃ bhagini yāvadbhikṣū bhuñjantīti ekabhikṣū pi ca tāṃ bhikṣuṇīnnevaṃ vadeya / āgamaya tāvattvaṃ bhagini yāvadbhikṣū bhuñjantīti bhuktāvīhi te hi bhikṣu hi pratideśayitavyaṃ / asaṃpreyamme āyuṣman gārhyampratideśanikaṃ dharmamāpanno taṃ dharmaṃ pratideśayāmi / ayampi dharmmo pratideśaniko //
PrMoSū(Mā)_Pratid.4. yāni kho punarimāni śikṣasammatā ni kulāni bhavanti / tatra ca bhikṣūḥ pūrvve apravārito upasaṃkramitvā svahastaṃ khādanīyaṃ vā bhojanīyaṃ vā pratigṛhṇitvā khādeya vā bhuṃjeya vā bhuktāvinā tena bhikṣuṇā pratideśayitavyaṃ / asaṃpreyamme āyuṣman gārhyaṃ pratideśanikaṃ dharmamāpanno taṃ dharmaṃ pratideśayāmi / ayaṃ pi dharmo pratideśaniko //
uddānam // [1] āraṇyaka [2] mantaragṛhe [3] bhikṣū ca nimantritakāḥ [4] śaikṣasammatena catvāraḥ uddiṣṭāḥ //
kho punarāyuṣmanto catvāraḥ prātideśanikā dharmāstatrāyuṣmanto pṛcchāmi kaccittha pariśuddhāḥ / dvitīyampi āyuṣmanto pṛcchāmi kaccittha pariśuddhāḥ tṛtīyampi āyuṣmanto pṛcchāmi kaccittha pariśuddhāḥ pariśuddhāḥ atrāyuṣmanto yasmāttūṣṇīmevametaṃ dhārayāmi /
VII. THE SIXTY-SEVEN SAIKSA DHARMAS.
ime kho punarāyuṣmano sātireka pañcāṣaḍ śikṣādharmmā anvarddhamāsaṃ sūtre prātimokṣe uddeśamāga cchanti /
PrMoSū(Mā)_Śai.1. parimaṇḍalannivasanaṃ nivāsayiṣyāmīti śikṣā karaṇīyā /
PrMoSū(Mā)_Śai.2. parimaṇḍalaṃ cīvaraṃ prāvariṣyāmīti śikṣākaraṇīyā /
PrMoSū(Mā)_Śai.3. svasaṃvṛto antaragṛhamupasaṃkramiṣyāmīti śikṣākaraṇīyā /
PrMoSū(Mā)_Śai.4. na ukṣiptakṣūrantaragṛhamupasaṃkramiṣyāmīti śikṣākaraṇīyā /
PrMoSū(Mā)_Śai.5. alpaśabdo antaragṛhamupasaṃkramiṣyāmīti śikṣākaraṇīyā /
PrMoSū(Mā)_Śai.6. na ujhaggīkāya antaragṛhamupasaṃkramiṣyāmīti śikṣākaraṇīyā /
PrMoSū(Mā)_Śai.7. na oguṇṭhikāya antaragṛhamupasaṃkramiṣyāmīti śikṣākaraṇīyā /
PrMoSū(Mā)_Śai.8. na ukṣiptikāya antaragṛhamupasaṃkramiṣyāmīti śikṣākaraṇīyā /
PrMoSū(Mā)_Śai.9. na ukkuṭṭikāya antaragṛhamupasaṃkramiṣyāmīti śikṣākaraṇīyā /
PrMoSū(Mā)_Śai.10. na khambhakṛto antaragṛhamupasaṃkramiṣyāmīti śikṣākaraṇīyā /
PrMoSū(Mā)_Śai.11. na kāyapracālakamantaragṛhamupasaṃkramiṣyāmīti śikṣākaraṇīyā /
PrMoSū(Mā)_Śai.12. na śīrṣapracālakamantaragṛhamupasaṃ kramiṣyāmīti śikṣākaraṇīyā /
PrMoSū(Mā)_Śai.13. na bāhuvikṣepakamantaragṛhamupasaṃkramiṣyāmīti śikṣākaraṇīyā /
uddānam [1] nivasanaṃ [2] prāvaraṇaṃ [3] susaṃvṛto [4] cakṣūḥ [5] śabda [6] nojhaggīkā [7] na oguṇṭhikā [8] nokṣiptikā [9] na ukkuṭṭikā [10] na khambha [11] na kāya [12] na śīrṣa [13] na bāhukena / prathamo vaggaḥ /
PrMoSū(Mā)_Śai.14. susaṃvṛto antaragṛhe niṣīdiṣyāmīti śikṣākaraṇīyā /
PrMoSū(Mā)_Śai.15. na ukṣiptacakṣū antaragṛhe niṣīdiṣyāmīti śikṣākaraṇīyā /
PrMoSū(Mā)_Śai.16. alpaśabdo antaragṛhe niṣīdiṣyāmīti śikṣākaraṇīyā /
PrMoSū(Mā)_Śai.17. na ujhaggīkāya antaragṛhe niṣīdiṣyāmīti śikṣākaraṇīyā /
PrMoSū(Mā)_Śai.18. na oguṇṭhikāya antaragṛhe niṣīdiṣyāmīti śikṣākaraṇīyā /
PrMoSū(Mā)_Śai.19. na ukṣiptikāya antaragṛhe niṣīdiṣyāmīti śikṣākaraṇīyā /
PrMoSū(Mā)_Śai.20. na osaktikāya antaragṛhe niṣīdiṣyāmīti śikṣākaraṇīyā /
PrMoSū(Mā)_Śai.21. na pallatthikāya antaragṛhe niṣī diṣyāmīti śikṣākaraṇīyā /
PrMoSū(Mā)_Śai.22. na khambhakṛto antaragṛhe niṣīdiśyāmīti śi[kṣā] karaṇīyā /
PrMoSū(Mā)_Śai.23. na antaragṛhe niṣaṇṇo hastaṃ kokṛtyamvā pādakaukṛtyamvā kariṣyāmīti śikṣākaraṇīyā /
uddānaṃ // [14] susaṃvṛto [15] cakṣuḥ [16] śabda [17] nojhaggikā [18] na oguṇṭhikā [19] nokṣiptikā [20] nośaktikā [21] na pallatthikā [22] na khambha [23] na hastapādakaukṛtyena / dvitīyo vaggaḥ //
PrMoSū(Mā)_Śai.24. satkṛtya piṇḍapātraṃ pratigṛhṇiṣyāmīti śikṣākaraṇīyā /
PrMoSū(Mā)_Śai.25. samasūpaṃ piṇḍapātraṃ paribhuñjiṣyāmīti śikṣākaraṇīyā /
PrMoSū(Mā)_Śai.26. na stūpakārakaṃ piṇḍapātraṃ paribhuñjiṣyāmīti śikṣākaraṇīyā /
PrMoSū(Mā)_Śai.27. nāvakīrṇṇakārakaṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.28. nāvagaṇḍakārakaṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.29. na jihvā nicārakaṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.30. nāti mahamte hi kavaḍe hi piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.31. nānāgatekavaḍe mukhadvāraṃ vivariṣyāmīti śikṣākaraṇīyā /
PrMoSū(Mā)_Śai.32. na kavaḍotkṣepakaṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.33. na kavaḍacchedakaṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.34. na sakavaḍena mukhena vāca bhāṣiṣyamīti śikṣākaraṇīyā /
uddānaṃ // [24] satkṛtya [25] samasūpa [26] na sūpa [27] nāvakīṇṇa [28] nāvaganḍa [29] na jihvā [30] nātimahāntaṃ [31] nānāgataṃ [32] na kavaḍotkṣepaka [33] na kavaḍacchedaka [34] na sakavaḍena mukhena vācaṃ // tṛtīyo vaggaḥ //
PrMoSū(Mā)_Śai.35. na pātraṃ nirllehakaṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.36. na hastanirllehakaṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.37. nāṃguṃlillehakaṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.38. na cuccūkāraṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.39. na surusurukāraṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.40. na śuluśulukārakaṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.41. na hastanirddhūnakaṃ piṇḍapātraṃ paribhuñjiṣyāmīti śikṣākaraṇīyā /
PrMoSū(Mā)_Śai.42. na sitthāvakārakaṃ piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.43. nātivelāparasya pātrannidhyāyiṣyāmi odhyāyanakarmatāmupādāyeti śikṣākaraṇīyā /
PrMoSū(Mā)_Śai.44. pātrasaṃjñīpiṇḍapātraṃ paridṛśyāmīti śikṣākaraṇīyā /
PrMoSū(Mā)_Śai.45. na agilāno odanamvā sūpamvā vyañjanamvā ātmātvāya kule hi vijñāpetvā vā vijñāpāyetvā vā piṇḍapātraṃ paribhuṃjiṣyāmīti śikṣākaraṇīyā /
PrMoSū(Mā)_Śai.46. nadinnadinnāniṣṭhaṃ janāni odanena pracchādayiṣyāmi / bhūyo āgamanakarmatāmupādāyeti śikṣākaraṇīyā /
PrMoSū(Mā)_Śai.47. na sasithāmyānodakaṃ pṛthivyānniṣiñciṣyāmīti śikṣākaraṇīyā /
PrMoSū(Mā)_Śai.48. na saśitthena pāṇinā pānīyasthālakaṃ pratigṛhṇiṣyāmīti śikṣākaraṇīyā /
uddānam / [35-36-37] trayo nirllehāḥ / [28] cucu [39] surusuru [40] na śuluśulu [41] na hasta [42] na sittha [43] na odhyāyana [44] pātrasaṃjñī [45] rvijñapti [46] cchādayati [47] pātrodaka [48] sasitthena // catutho vagaḥ //
PrMoSū(Mā)_Śai.49. na thito niṣaṇṇasya agilānasya dharmmandeśayiṣyāmīti śikṣākaraṇīyā /
PrMoSū(Mā)_Śai.50. na niṣaṇṇo niṣadyasya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.51. na nīcāsane niṣaṇṇo uccāsane niṣaṇṇo agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.52. na upānahārūḍhasya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.53. na pādukārūḍhasya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.54. na oguṇṭhikākṛtasya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.55. na saṃmukhāveṣṭhitasya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.56. na osaktikāya niṣaṇṇasyāgilānasya dharmandeśayiṣyāmīti śikṣākaraṇīyā /
PrMoSū(Mā)_Śai.57. na pallatthikāya niṣaṇṇasya agilāna sya dharmandeśayiṣyāmīti śikṣākaraṇīyā /
uddānam // [49] na thito [50] na niṣaṇṇo [51] uccāsana [52] upānaha [53] pādukā [54] oguṇṭhikā [55] na sanmukha [56] na osattikā [57] na pallatthikāya / pañcamo vagaḥ /
PrMoSū(Mā)_Śai.58. na śastrapāṇasya agilānasya dharmadeśayiṣyāmīti śikṣākaraṇīyā /
PrMoSū(Mā)_Śai.59. nāyudhapāṇisya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.60. na daṇḍapāṇisya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.61. na chatrapāṇisya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.62. na utpathena gacchanto pathena gacchantasya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.63. na pṛṣṭhato gacchanto purato gacchantasya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.64. na pādena gacchanto yānena gacchantasya agilānasya dharmandeśayiṣyāmīti śikṣākaraṇīyā /
PrMoSū(Mā)_Śai.65. na harite tṛṇe ucchāraṃ vā praśrāvaṃ vā kheḍḍaṃ vāsiṃhāṇaṃ vā agilāno kariṣyāmīti śikṣākaraṇīyā /
PrMoSū(Mā)_Śai.66. na udake uccāraṃ vā praśrāvaṃ vā kheḍḍaṃ vā siṃhāṇakaṃ vā agilāno kariṣyāmīti śikṣākaraṇīyā /
PrMoSū(Mā)_Śai.67. na sthito uccāramvā praśrāvamvā agilāno kariṣyāmīti śikṣākaraṇīyā /
uddānam // [58-59] na śastrāyudha [60] daṇḍa [61] cchatra [62] utpatha [63] pṛṣṭhato [64] yānaṃ [65] haritaṃ[66] udaka [67] sthitena / ṣaṣṭho vargaḥ //
uddiṣtāḥ kho punarāyuṣmanto sātirekapañcāśata śaikṣādharmāḥ / tatrāyuṣmanto pṛcchāmi kaccittha pariśuddhāḥ / dvitīyampi āyuṣmanto pṛcchāmi kaccittha pariśuddhāḥ / tṛtīyampi āyuṣmanto pṛcchāmi kaccittha pariśuddhāḥ / pariśuddhāḥ atrāyuṣmanto yasmāttūṣṇīmevametandhārayāmi /
VIII. THE SEVEN ADHIKARANA SAMATHA DHARMAS.
ime kho punarāyuṣmanto sapta adhikaraṇasamathādharmā anvardhamāsaṃ sūtre prātimokṣe uddeśamāgacchanti /
PrMoSū(Mā)_AŚ.1. ye utpannotpannānāmadhikaraṇānāṃ śamathāya vyapaśamathāya sanvakṛte / saṃyyathīdaṃ saṃmukhavinayo śamatho /
PrMoSū(Mā)_AŚ.2. smṛtivinayo śamatho /
PrMoSū(Mā)_AŚ.3. amūḍhavinayo śamatho /
PrMoSū(Mā)_AŚ.4. pratijñākārako śamatho /
PrMoSū(Mā)_AŚ.5. tasya pāpeyasiko śamatho /
PrMoSū(Mā)_AŚ.6. yo bhūyasiko śamatho /
PrMoSū(Mā)_AŚ.7. tṛṇaprastārako ca śamatho / saptamo /
uddiṣtāḥ kho punarāyuṣmanto sapta adhikaraṇasamathādharmā sūtrā yuṣmanto pṛcchāmi kaccittha pariśuddhāḥ / dvitīyaṃ pi āyuṣmanto pṛcchāmi kaccittha pariśuddhāḥ / tṛtīyaṃ pi āyuṣmanto pṛcchāmi kaccittha pariśuddhāḥ / pariśuddhāḥ atrāyuṣmanto yasmāttūṣṇīmevametaṃ dhārayāmi /
ime kho punarāyuṣmanto duve dharmāḥ / dharmo anudharmaśu anvardhamāsaṃ sūtre prātimokṣe uddeśamāgacchanti /
tatra dharmo nāma yamubhayato vinayo / anudharmo nāma yā atra pratipattiḥ //
uddiṣtāḥ kho punarāyuṣmanto duve dharmāḥ / dharmo anudharmaśu tetrāyuṣmanto pṛcchāmi kaccittha pariśuddhāḥ / dvitīyaṃ pi āyuṣmanto pṛcchāmi kaccittha pariśuddhāḥ tṛtīyampi āyuṣmanto pṛcchāmi kaccittha pariśuddhāḥ / pariśuddhāḥ atrāyuṣmanto yasmāttūṣṇīmevametaṃ dhārayāmi /
uddiṣṭaṃ / kho punarāyuṣmanto prātimokṣasya vastu / uddiṣṭaṃ nidānaṃ / uddiṣṭāścatvāraḥ pācattikā dharmāḥ / uddiṣtā trayodaśasaṃghātiśeṣāḥ dharmāḥ / uddiṣtāḥ duve aniyatā dharmāḥ / uddiṣṭā triṃśannisargikapācattikā dharmāḥ / uddiṣtā dvānavati śuddha pacattikā dharmāḥ / uddiṣtāḥ catvāraḥ prātideśanikā dharmāḥ / uddiṣtāḥ sātirekapaścāṣaḍ śaikṣā dharmāḥ / uddiṣtāssaptadhikaraṇaśamathādharmāḥ / uddiṣtā duve dharmāḥ / dharmo anudharmaśu / etakoyaṃ punastasya bhagavato tathāgatasyārhataḥ samyak saṃbuddhasya dharmavinayo prātimokṣasūtrāgato sūtraparyāpanno yo vā anyopi kaściddharmasya anudharmo tatra samagre hi sarvve hi sahite hi saṃmodamāne hi avivadamāne hi ekoddeśe hi kṣīrodakī kṛtehi śāstuḥ śāsanaṃ dīpayamāne hi / sukhañca phāsuñca viharante hi anadhyāvācāya śikṣākaraṇīyā /
PrMoSū(Mā)_Schlußv.1. kṣāntiḥ paramantapo titikṣā nirvvāṇaṃ paramaṃ vadanti buddhāḥ /
nahi pravrajitaḥ paropaghātī śravaṇo bhoti parānviheṭhayantaḥ /
idamtasya bhagavato vipaścitasya tathāgatasyārhataḥ samyaksaṃbuddhasva acirābhisaṃbuddhasya nirarbbude bhikṣusaṃghe saṃkṣiptena prātimokṣaṃ subhāṣitam //
PrMoSū(Mā)_Schlußv.2. āropavādī aparopaghātī pratimokṣe ca samvare mātrajñatā ca / bhuktismiṃ prāntañca śayanāsanaṃ adhicitte cāyogo etaṃ buddhānuśāsanaṃ //
idaṃ tasya bhagavato śaikṣisya tathāgatasyārhataḥ samyaksaṃbuddhasya acirābhisaṃbuddhasya nirarbbude bhikṣusaṃghe saṃkṣiptena prātimokṣaṃ subhāṣitam //
PrMoSū(Mā)_Schlußv.3. adhicetasi mā pramādyate munino maunapadeṣuśikṣataḥ /
śokāḥ na bhavanti tāyino upaśāntasya sadāsmṛtīmataḥ //
idaṃ tasya bhagavate viśvabhuvasya tathāgatasyārhataḥ samyak saṃbuddhasya nirarbbude bhikṣusaṃghe saṃkṣiptena pratimokṣaṃ subhāṣitaṃ //
PrMoSū(Mā)_Schlußv.4. sarvva pāpasyākaraṇaṃ kuśalasyopasaṃpadā /
sucitte paryodamanaṃ etad buddhānuśāsanam //
idantasya bhagavato krukrucchandasya tathāgatasyārhataḥ samyak saṃbuddhasya acirābhisaṃbuddhasya nirarbbude bhikṣusaṃghe saṃkṣiptena pratimokṣaṃ subhāṣitaṃ //
PrMoSū(Mā)_Schlußv.5. yathāhi bhramaro puṣpamvaṇṇagandhagaheṇyaṃ
paraiti rasamādāya evaṃ grāme muniścaret /
PrMoSū(Mā)_Schlußv.6. na pareṣāṃ vilomāni na pareṣāṃ kṛtākṛtam /
ātmanastu samīkṣet kṛtānyakṛtāni ca //
idantasya bhagavato konākamunisya tathāgatasyārhataḥ samyaksaṃbuddhasya acirābhisaṃbuddhasya nirarbbude bhikṣusaṃghe saṃkṣiptena pratimokṣaṃ subhāṣitam /
PrMoSū(Mā)_Schlußv.7. nāsti dhyānamaprajñasya prajñānāsti adhyāyato /
yasya dhyānañca prajñā ca sa vai nirvāṇasya antike //
tatrāyamādi bhavati / iha prajñasya bhikṣuṇo indriyaiguptiḥ saṃjñaptiḥ prātimokṣe ca saṃvaro //
PrMoSū(Mā)_Schlußv.8. nityaṃ bhajet kalyāṇaṃ śuddhājīvamatandritaṃ /
pratisaṃstaravatti ca acārakuśalosi yā //
tataḥ prāmodya bahulo bhikṣurnirvāṇasyeva antike //
idaṃ tasya bhagavataḥ kāśyapasya tathāgatasyārhataḥ samyaksaṃbuddhasya acirābhisaṃbuddhasya nirarbbude bhikṣusaṃghe saṃkṣiptena prātimokṣaṃ subhāṣitam //
PrMoSū(Mā)_Schlußv.9. cakṣuṣā saṃvaraḥ sādhuḥ sādhuḥ śrotreṇa saṃvaraḥ /
ghrāṇena saṃvaraḥ sādhuḥ sādhujihvāya saṃvaraḥ /
kāyena saṃvaraḥ sādhu manasā sādhu saṃvaraḥ /
sarvatra saṃvṛto bhikṣuḥ sarvaduḥkhātpramucyate //
idantasya bhagavataḥ śākyamuneḥ śākyādhirājasya tathāgatasyārhataḥ samyak sambuddhasya acirābhisaṃbuddhasya nirarbbude bhikṣusaṃghe saṃkṣiptena pratimokṣaṃ subhāṣitam /
etāni pratimokṣāṇi saṃbuddhānāṃ śirīmatāṃ / kirtītāḥ ...................................................maṃ.......................................
[1] vipaśvī ānāyavadyañca [2] śikhī prakāśayati adhicittañca [3] viśvabhuḥ / akaraṇañca pāpānāṃ [4] krukrucchandaḥ / duryāñca [5] konākamuniḥ / [6] dhyānāni ca kāśyapo prakāśayati [7] saṃvaraṃ śākyamuneḥ / ete saptadaśabalā / mahāprajñā amitabuddhī saptānāṃ samyak saṃbuddhānāṃ....nā....śyā....dhipatīnāṃ dharmākhyānāni uktāni / uddistaṃ prātimokṣasūtraṃ / kṛtaṃ saṃghena yo ca dha....āryāḥ....pālayantu / samāptaṃ / prātimokṣasūtraṃ āryamahāsāṃghikānāṃ lokottaravādināṃ mādhyāddeśikānāṃ pāṭhi.... / ye dharmahetuprabhavā taṃ pi tathāgato avadatteṣāñca yonirodhaṃ evaṃ vādī mahāśravaṇaḥ / ye dharmmo yaṃ pravaramahāyāna payiśya śākyabhikṣuloka .... /
śākyabhikṣu śrīvijayabhadralikhitamidam //