Kinh tạng Pali (Tipiṭaka)SN 36Nguyên tác: Pali

Tương Ưng Thọ (Vedanā Saṃyutta)

31 bài kinh phân tích về cảm thọ — ba loại, mười tám loại, ba mươi sáu loại — và cách vượt qua thọ.

Văn bản gốc(Pali)

Trang 2 / 2 (50.000 ký tự/trang)

tasseva telassa ca vaṭṭiyā ca pariyādānā anāhāro nibbāyeyya; 
evameva kho, bhikkhave, bhikkhu kāyapariyantikaṁ vedanaṁ vedayamāno ‘kāyapariyantikaṁ vedanaṁ vedayāmī’ti pajānāti. Jīvitapariyantikaṁ vedanaṁ vedayamāno ‘jīvitapariyantikaṁ vedanaṁ vedayāmī’ti pajānāti. 
‘Kāyassa bhedā uddhaṁ jīvitapariyādānā idheva sabbavedayitāni anabhinanditāni sītībhavissantī’ti pajānātī”ti. 
Aṭṭhamaṁ. 

Saṁyutta Nikāya 36.9 
1. Sagāthāvagga 
Aniccasutta 
“Tisso imā, bhikkhave, vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā. 
Katamā tisso? 
Sukhā vedanā, dukkhā vedanā, adukkhamasukhā vedanā—
imā kho, bhikkhave, tisso vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā”ti. 
Navamaṁ.

1 2