Luận tạng Tây Tạng (Tengyur) — Tập 197

། །ཁ་སྒོ་ཕན་པ་ཞེས་པར་གྲགས་སོ། །ཁ་
སྒོ་ཕན་པ་ཞེས་བརྗོད་པ་དེ་ཉིད་ཁྱད་པར་གང་གིས་ཤེ་ན། རྐང་པ་ཟུང་དག་གི་མཚོ་ལས་ཕྱི་མ་ཛ་ཡིག་གིས་སོ། །ཡུཀྤཱ་ད་ཡོརྫ་ཀཱ་རེཎ། ཝཀྟྲི་པ་ཐྱེ་ཏིཀཱིརྟྟི་ཏཱཾ། ऽऽ।ऽ।ऽऽ।ऽऽऽऽ।ऽ।ऽ ཛ་ཡིས་ཟུང་མིན་བརྗོད་འདི་ནི། །བཟློག་པ་དང་པོ་ཅན་གྱི་དེའོ། །ཕན་པ་དེ་བཟློག་པ་དང་པོ་ཅན་ཡིན་པ་ནི་བཟློག་པའི་ཕན་པ་ཞེས་

པའི་དོན་ཏེ། ཁ་སྒོ་འདིར་བཟློག་པའི་ཕན་པ་ཞེས་བརྗོད་དོ། །ཁྱད་པར་གང་གིས་ཤེ་ན། རྐང་པ་ཟུང་མིན་དག་གི་མཚོ་ལས་ཕྱི་མ་ཛ་ཡིག་གིས་སོ། །ཛེ་ནཱ་ཡུ་ཛོ་རུ་དཱ་ཧྲྀ་ཏཱ། བི་ས་རཱི་ཏཱ་དི་ཏེ་ཥཱ་སྨིན། ऽऽ।ऽ।ऽ।ऽ।।ऽ।।ऽऽऽ ཁ་སྒོ་དེ་ཉིད་གྱ་གྱུ་ཅན་དུ། །ན་ཡིག་སྦྱོར་ལས་ཤེས་པར་བྱའོ། །ཁ་སྒོ་དེ་
ཉིད་གྱ་གྱུ་ཅན་དུ་ཤེས་པར་བྱའོ། །ཁྱད་པར་གང་གིས་ཤེ་ན། རྐང་པ་མི་མཉམ་པ་དག་གི་རྒྱ་མཚོ་ལས་ཕ་རོལ་ཏུ་ན་ཡིག་ཡིན་ནའོ། །བཀྟྲཾ་ཏ་དེ་བ་ཙ་པ་ལཱ། ན་ཀཱ་རེ་ཎཱ་ཡུ་ཛོ་ཛྙེ་ཡཱ། ऽऽ।ऽ।।।ऽ।ऽऽऽ।ऽऽऽ ཟུང་ལ་བདུན་པ་ཡང་བ་ཡིན་པ། །དེ་ནི་ཐུབ་པས་ཡངས་མར་འདོད་དོ། །ཁ་
སྒོ་འདི་ཉིད་དུ་གང་གི་ཟུང་གི་རྐང་པ་དག་བདུན་པ་ཡང་བ་ཡིན་པ་དེ་ཐུབ་པ་དམར་སེར་གྱིས་ཡངས་མར་འདོད་དོ། །ལ་གྷུ་སཔྟ་མ་ཡུགྨཱ་ཡཱ། བི་སུ་ལཱ་སཽ་མ་ཏཱ་མུ་ནིཿ། ।।।ऽ।।ऽऽऽ।।ऽऽ।ऽ।ऽ ཐམས་ཅད་ནས་དེ་དེ་ཉིད་དེ་ཡི། ཐམས་ཅད་ནས་ཐམས་ཅད་དུ་རྐང་པ་ཐམས་ཅད་ལ་གང་བདུན་པ་ཡང་བ་དེ། ཁ་སྒོ་འདིར་
ཡངས་མ་དེ་ཉིད་དུ་སློབ་དཔོན་དེའི་བཞེད་པའོ། །སཻ་བ་ཏ་སྱ་སཱ་སརྦ་ཏཿ། ऽ।ऽ।ऽऽ।ऽ འདི་ནས་བཟུང་ནས་ལན་བཞི་བསྐྱར་ནས་ཚིགས་སུ་བཅད་པ་བྱའོ། །མཚོ་ལས་བྷ་ཡིས་དེ་ཡི་ཡངས་མ། ཁ་སྒོ་ལ་ཐམས་ཅད་དུ་རྒྱ་མཚོ་ལས་ཕ་རོལ་བྷ་ཡིན་པ་དེ། ཡང་མ་ཞེས་པའི་དོན་ཏོ། །
བྷེ་ནཱམྦུ་དྷེསྟ་དྭི་པུ་ལཱ། ऽऽ।ऽऽ।।ऽ རེ་ཕས་དེ་ལས་གཞན་ཡང་དེ་བཞིན། ཁ་སྒོ་ལ་ཐམས་ཅད་དུ་རྒྱ་མཚོ་ལས་ཕ་རོལ་ར་ཡིག་གིས་དེ་ལས་གཞན་དུ་འགྱུར་ཏེ། དེ་བཞིན་ཞེས་པ་དེའི་ཡངས་མ་སྟེ་ར་ཡིག་ཡངས་མའོ། །རེ་ཕཻ་ཎ་ཙཻ་བཾ་ཏ་ཏོ་ནྱཱཾ། ऽऽ।ऽऽ।ऽऽ ན་ཡིག་གིས་ཀྱང་དེ་
བཞིན་ཡང་ངོ་། །ཁ་སྒོ་ལ་ཐམས་ཅད་དུ་རྒྱ་མཚོ་ལས་ཕ་རོལ་ན་ཡིག་གིས་ཀྱང་དེའི་ཡངས་མ་སྟེ། ན་ཡིག་ཡངས་མའོ། །ན་ཀཱ་རེ་ཎཱ་པི་ཙ་ཏ་ཐཱ། ।ऽऽऽ।।।ऽ ཏ་ཡིག་གིས་ཀྱང་དེ་ལྟར་ཉིད་དོ། །ཁ་སྒོ་ལ་ཐམས་ཅད་དུ་རྒྱ་མཚོ་ལས་ཕ་རོལ་ཏ་ཡིག་གིས་ཀྱང་དེའི་ཡངས་མ་སྟེ། ཏ་ཡིག་
ཡངས་མའོ། །ཨེ་བཾ་ཏ་ཀཱ་རེ་ཎཱ་པི་བ། ऽऽ।ऽऽऽ।ऽ མ་ཡིག་གིས་ཀྱང་དེ་ལྟར་བལྟའོ། །ཁ་སྒོ་ལ་ཐམས་ཅད་དུ་རྒྱ་མཚོ་ལས་ཕ་རོལ་མ་ཡིག་གིས་ཀྱང་དེའི་ཡངས་མ་སྟེ། མ་ཡིག་ཡངས་མར་བལྟའོ། །དྲྀཥྚཱ་མ་ཀཱ་རེ་ཎཱ་སྱེ་བཾ། ऽऽ।ऽऽऽऽऽ དེ་ལས་གཞན་ནི་བླ་རེ་ཡིན་ནོ། །གང་བརྗོད་ཟིན་པའི་མཚན་ཉིད་ལས་

གཞན་པའི་ཁ་སྒོའི་མཚན་ཉིད་ཐམས་ཅད་ནི་བླ་རེའོ། །ཨ་ནྱ་ད་ཏོ་ཧི་བི་ཏཱ་ནཾ། ऽऽ।।ऽ।।ऽ རྐང་པ་ཀུན་ལས་ཐོག་མ་ལས་ས། །ན་མིན་རྐང་ཟུང་རྒྱ་མཚོ་ལས་ཛ། །ཟུང་མིན་དག་གི་ཇི་ལྟར་མཛེས་པས། །སྦྱོར་བ་ཕལ་ཆེར་བལྟ་བར་བྱའོ། །གང་གི་ཁ་སྒོའི་བྱེ་བྲག་བརྗོད་ཟིན་པ་དེ་རྣམས་དང་། དེའི་བསྡུ་བས་སྙན་
ངག་མཁན་རྣམས་ཀྱི་དེ་ལྟ་བུ་ཉིད་ཀྱི་སྦྱོར་བ་ཕལ་མོ་ཆེ་བལྟ་པར་བྱ་སྟེ། འདི་ལྟར་རྐང་པ་ཐམས་ཅད་ལ་དང་པོའི་ཡི་གེ་ལས་ཕྱི་མར་ས་ན་དག་མ་ཡིན་ཞིང་། ཟུང་གི་རྐང་པ་དག་གི་རྒྱ་མཚོ་ལས་ཕྱི་མ་ཛ་ཡིག་ཡིན་ལ། ཟུང་མ་ཡིན་པའི་རྐང་པ་དག་གི་རྒྱ་མཚོ་ལས་ཕྱི་མར་བྷ་དང་ར་དང་ན་དང་ཏ་དང་མའམ། དེ་
ལས་གཞན་ཇི་ལྟར་མཛེས་པའོ། །ཁ་སྒོའི་བྱེ་བྲག་རྣམས་སོ།། །།རྐང་པ་དང་པོ་ཡི་གེ་བརྒྱད་ཡིན། འདི་ལས་ཕྱི་མར་རིམ་བཞིན་བཞི་རྣམས་མངོན་པར་འཕེལ་བ། དེ་དང་དེ་རྣམས་སྣ་ཚོགས་རྣམ་པར་བཀོད་པས་ཡང་དག་མཛེས་པ་ཅན་ལ། རོལ་སྒེག་དང་བཅས་རྐང་པ་རྐང་པར་ལྡན་པ་དག་ནི་རྐང་བཞི་
འཕེལ་དུ་མཁས་རྣམས་སྨྲའོ། །གང་གི་རྐང་པ་དང་པོ་ཡི་གེ་བརྒྱད་ཡིན་ཞིང་། དེ་ལས་ཕྱི་མར་རྐང་པ་རིམ་པ་བཞིན་ཡི་གེ་བཞི་རྣམས་མངོན་པར་འཕེལ་བ་དེ་དང་དེ་སྣ་ཚོགས་པའི་བཀོད་པས་མཛེས་པའི་རོལ་སྒེག་དང་བཅས་པ་རྐང་པ་རྐང་པར་ལྡན་པ་ནི་རྐང་བཞི་འཕེལ་ཞེས་བྱ་བ་མི་མཉམ་པའི་བྲྀཏྟ་ཉིད་དུ་མཁས་
པ་རྣམས་སྨྲའོ། །འདིའི་རྐང་པ་དེ་རྣམས་ཀྱང་བྲྀཏྟ་དང་། ཛཱ་ཏིའི་ཆ་ཤས་ཚོགས་པ་ལས་རིག་པར་བྱའོ། །འདི་ལྟ་སྟེ་མདོ་ཉིད་དུ་རྐང་པ་དང་པོ་ཁ་སྒོའི་རྐང་པ་བཞིན་དང་། གཉིས་པ་འཕགས་པའི་རྐང་པ་གཉིས་པ་བཞིན་དང་། གསུམ་པ་དང་བཞི་པ་དག་འཕགས་པའི་ཕྱེད་གཉིས་པ་བཞིན་ནོ། །རྐང་བཞི་འཕེལ་
ལ་བཞི་རྣམས་ཀྱིས་པྲཱསྟཱ་རའོ། །པྲ་ཐ་མོཉཥྚཱཀྵ་རཿསཱ་དཤྩ་ཏུརྦྷི་ར་ཏི་ཝརྡྷི་ཏཱཿཔར་ཉམུཥྨཱཏ། ཀྲ་མ་ཤོ་ཡ་སྱ་ཏ་དེ་ཏནྣཱ་ན་བི་ནྱཱ་ས་སཾ་ཤོ་བྷིཿས་ལ་ལི་ཏ་པ་ད་པ་ད་བཱི་ཀཾ་པ་ད་ཙ་ཏུ་རུརྡྷྭཾ་བུདཱཿཔྲཱ་ཧུཿ། ।।ऽऽ।ऽऽऽ ।ऽ।।।ऽ।ऽ।ऽऽऽ ।।ऽऽ।।ऽऽऽऽऽऽ।ऽऽऽ ।।।।।।।।ऽऽ।।।।ऽऽ।ऽऽऽ འདིར་ནི་རྐང་པ་བཞི་ཀ་འཕེལ་ལ། ག་
དང་ག་ཡི་མཐའ་ཅན་རྐང་པ་མ་ལུས་ཡང་ལ། རོལ་སྒེག་དང་བཅས་ཉེ་བར་ཕན་པ་ངལ་བསོའི་འགྲོ་བས་གལ་ཏེ་འཇིག་རྟེན། དགའ་བ་ཉེ་བར་འདྲེན་བྱེད་ཨཱཾ་དང་ལྡན་པའི་པཱི་ཌར་དེ་ནས་འགྱུར་ཏེ་ཀུན་ནས་བཅེར་རོ། །འདིར་རྐང་བཞི་འཕེལ་གྱི་རིགས་ཉིད་ལ་གང་གི་རྐང་པ་མཐར་ལྕི་བ་གཉིས་དང་ཅིག་ཤོས་ཐམས་ཅད་

ཡང་བ་གང་ལ་ཉེ་བར་ཕན་ཞིང་རོལ་སྒེག་དང་བཅས་པའི་ངལ་བསོའི་འགྲོ་བ་འདི་ལྟར་གྱུར་པས་གལ་ཏེ་འཇིག་རྟེན་གྱི་དགའ་བ་ཡང་འདྲེན་པར་བྱེད་པ་ཡིན་ན། དེ་ནས་ཨཱཾ་དང་ལྡན་པའི་པཱི་ཌར་འགྱུར་ཏེ།དེའི་ཚེ་ཀུན་ནས་བཅེར་བར་འགྱུར་རོ་ཞེས་པའི་དོན་ཏོ། །ཨི་ཧ་པ་ད་ཙ་ཧུ་རུ་རྡྷྭེ། ག་ག་ནི་དྷ་ན་ནི་ཁ་ལ་ལ་
གྷུ་པཱ་དཿ། ཡ་དི་མུ་ད་མུ་པ་ན་ཡ་ཏི་ཛ་ག་ཏི་ཡུ་ཏ་ཨཱ་དཱ། ས་མུ་པ་ཧི་ཏ་ས་ལ་ལི་ཏ་ཡ་ཏི་ག་ཏི་ར་ཐ་བྷ་བ་ཏི་པཱི་ཌཿ། ।।।।।ऽऽ ।।।।।।।।।।ऽऽ।।।।।।।।।।।।।।।ऽऽ ।।।।।।।।।।।।।।।।।।ऽऽ འདིར་ནི་ཡང་དག་ཤིན་ཏུ་ལྷུང་བའི་རྐང་པ་དག་གི། རྐང་པ་དང་པོ་ཉེ་ལས་ཕ་རོལ། གནས་པར་གལ་ཏེ་ཡོངས་སུ་བྱས་ཏེ་དེ་ནས་དབུས་
སུ་གནས་པར་གྱུར་ལ། ཅིག་ཤོས་གསུམ་རྣམས་གཡོ་བ་མེད་པར་གནས་ནི་ངེས་པར་གྱུར་པ་མེ་ཏོག་ཁ་མ་བྱེ་བ། ཀུན་ནས་བཅེར་བ་འདི་ཉིད་ལ་གལ་ཏེ་རྐང་པ་དང་པོ། །རྐང་པ་གཉིས་པ་འདས་ཤིང་། འོན་ཀྱང་གནས་ཕྱི་མ་འདས་པ་ཡང་མ་ཡིན་ལ།བར་དུ་གནས་པ་ཉིད་དང་། དེ་ལས་གཞན་པའི་རྐང་པ་གསུམ་རང་
གནས་སུ་གནས་པ་ཉིད་དོ། །དེ་ལྟ་བུར་གྱུར་པ་ནི་མེ་ཏོག་ཁ་མ་བྱེ་བར་འགྱུར་རོ། །ཡ་དི་ནི་ཀ་ཊ་མི་ཧ་ཙ་ར་ཎ་མཱདྱཱཿ། ས་མ་ཏི་པ་ཏ་ཏི་པཱ་དཿ། པ་རི་ཀྲྀ་ཏ་པ་ར་བ་ས་ཏི་ར་ཐ་བ་ས་ཏི་མདྷྱེ། ཏྲ་ཡ་མི་ཏ་ར་ད་ཙ་ལི་ཏ་ནི་ཛ་ནི་ལ་ཡ་མི་ཏི་ཀ་ལི་ཀཱ་སྱཱ་ཏ། ।।।।।।।।।।ऽऽ ।।।।।।ऽऽ ।।।।।।।।।।।।।।ऽऽ ।।।।।।।।।।।।।।।।।।ऽऽ འདིར་ནི་ཡང་
དག་ཤིན་ཏུ་ལྷུང་བའི་རྐང་པ་དག་གི། དང་པོར་གྲགས་པ་གལ་ཏེ་ཉེ་བའི་རྐང་པ་ཟུང་དག་འདས་པ་ཡིན་ལ། དེ་ལས་ཅིག་ཤོས་རྐང་པ་རྣམས་ཀྱི། རྣམ་པ་གསུམ་ནི་རྣམ་པར་གཡོ་བ་མེད་ཅིང་ངེས་པར་གནས་པར་གྱུར་པ་ཡུད་ཙམ་རོལ་པ། ཀུན་ནས་བཅེར་བ་ཉིད་ཀྱི་རྐང་པ་དང་པོ། གལ་ཏེ་རྐང་པ་གཉིས་འདས་ཤིང་། རྐང་
པ་གཞན་གསུམ་དེ་བཞིན་ཁོ་ནར་གནས་པ་དེའི་ཚེ་ཡུད་ཙམ་རོལ་བར་འགྱུར་རོ། །ཡ་དི་ཙ་ར་ན་ཡུ་ག་མ་ཏི་ས་མཱི་པཾ། བྲ་ཐ་མ་ཀ་ཐི་ཏ་ཨི་ཧ་ས་མ་ཏི་པ་ཏ་ཏི་པཱ་དཿ། ཏ་དི་ཏ་ར་ཙ་ར་ཎཱ་ནཱཾ། ཏྲི་ཏ་ཡ་མ་བི་ཙ་ལི་ཏ་ནི་ཛ་བ་ས་ཏི་བྷ་བ་ཏི་ལ་བ་ལཱི་ཧ། ।।।।।।।।।।ऽऽ ।।।।।।।।।।।।।।ऽऽ ।।।।।।ऽऽ ।।।।।।।।।।।।।।।।।।ऽऽ འདིར་ནི་
རྐང་པ་དང་པོ་ཞེས་བྱ་ཅིག་ཤོས་གསུམ་རྣམས་སོ། །རྣམ་པར་གཡོ་བ་མེད་པ་ཉིད་ནི་ཡང་དག་འདས་པར་ལྷུང་བར་གྱུར་ཅིང་། གལ་ཏེ་རྣམ་པ་མང་པོར་བྱས་པའི་རོལ་སྒེག་སྡོད་ཀྱིས་མངོན་པར་དགའ་བ་བསྐྱེད་བ་ཅན་འདི། ངེས་པར་བདུད་རྩིའི་རྒྱུན་དུ་འགྱུར་རོ། །ཀུན་ནས་བཅེར་བ་ཉིད་ཀྱི་རྐང་པ་དང་པོ། གལ་ཏེ་

རང་གི་གནས་སུ་གནས་པ་ཉིད་ཀྱིས་རྐང་པ་གསུམ་འདས་ཤིང་། གང་ལ་རྣམ་པ་མང་པོར་བྱས་ཤིང་། རོལ་སྒེག་དང་ལྡན་པའི་སྡོད་ཀྱིས་གང་ཡང་མངོན་པར་དགའ་བ་སྐྱེད་པར་བྱེད་པ་དེའི་ཚེ་ངེས་པར་བདུད་རྩིའི་རྒྱུན་དུ་འགྱུར་རོ། །ཏྲ་ཡ་མི་ཏ་ར་ད་བི་ཙ་ལི་ཏ་མེ་བ། པྲ་ཐ་མ་ཀ་ཨི་ཧ་ས་མ་ཏི་པ་ཏ་ཏི་ཡ་དི་པཱ་
དཿ། བ་ཧུ་བི་དྷ་བི་ཧི་ཏ་ལ་ལི་ཏ་ཡ་ཏི་ར་བྷི་ར་ཏི་ཛ་ན་ནཱི་ཡཾ། ནི་ཡ་ཏ་མ་མྲྀ་ཏ་དྷཱ་རཱ། ।।।।।।।।।।।ऽऽ ।।।।।।।।।।।।।।ऽऽ ।।।।।।।।।।।।।।।।।।ऽऽ ।।।।।।ऽऽ རྐང་བཞི་འཕེལ་བའི་བྱེ་བྲག་རྣམས་སོ།། །།གལ་ཏེ་སྔ་མ་ས་ཛ་ས་ལ་ཉིད་དང་། །བར་མ་ཆད་དུ་ན་ས་ཛ་ལྕི་རྣམས་དང་། །
དེ་ནས་གལ་ཏེ་བྷ་ན་ཛ་ལ་ག་རྣམས་འགྱུར། །དེ་ནས་ས་ཛ་ས་ཛ་ལྕི་འགྱུར་འདི་ནི་སྟེང་འགྲོ་ཉིད། །གལ་ཏེ་རྐང་པ་སྔ་མ་ཉིད་ལ་ས་དང་ཛ་དང་ས་དང་ཡང་བ་རྣམས་ཡིན་ལ། བར་མ་ཆད་དུ་ཞེས་པ་གཉིས་པ་ལ་ན་དང་ས་དང་ཛ་དང་ལྕི་བ་རྣམས་ཡིན་ཞིང་། དེ་ནས་ཞེས་པ་གསུམ་པ་ལ་བྷ་དང་ན་དང་ཛ་དང་ལ་དང་ག་རྣམས་དང་དེ་ནས་ཞེས་པ་བཞི་པ་ལ་ས་དང་ཛ་དང་ས་དང་ཛ་
དང་ག་སྟེ། དེ་ལྟ་བུ་འདི་ནི་སྟེང་འགྲོར་འགྱུར་རོ། །སུ་ར་ཨེ་བ་ཙེཏྶ་ཛ་ས་ལཱ་ནི། ན་ས་ཛ་གུ་རུ་ཀཱ་ཎྱ་ནནྟ་རཾ། ཡ་དྱ་ཐ་ན་ཛ་ལ་གཱཿསྱུ་ར་ཐོ། ས་ཛ་སཱ་ཛ་གཽ་ཙབྷ་བ་ཏཱི་ཡ་མུདྒ་ཏཱ། ।।ऽ।ऽ।।।ऽ। ।।।।।ऽ।ऽ।ऽ ऽ।।।।।।ऽ।।ऽ ।।ऽ।ऽ।।।ऽ।ऽ।ऽं གསུམ་ནི་སྟེང་འགྲོ་དེ་ལྟ་ཉིད་དུ་གྱུར་ཅིང་། །གསུམ་པ་རྣམ་པ་གཞན་དུ་ཤེས་པར་བྱ་སྟེ། ར་
དང་ན་དང་བྷ་དང་ལྕི་བ་བསྒྲིགས་པ། །དེ་འདྲ་དེ་ནི་དྲི་ཞིམ་ལྡན་པར་བརྗོད་པར་འགྱུར་བ་ཡིན། །གང་དུ་གསུམ་པ་ལས་གཞན་པའི་རྐང་པ་གསུམ་སྟེང་འགྲོ་དང་འདྲ་བ་ཉིད་དུ་གྱུར་ཅིང་། རྐང་པ་གསུམ་པ་ནི་གཞན་བཞིན་ཤེས་པར་བྱའོ། །ཇི་ལྟ་བུ་ཞེ་ན། ར་དང་ན་དང་བྷ་དང་ལྕི་བ་རྣམས་བསྒྲིགས་པ་དེ་འདྲ་དེ་ནི་དྲི་ཞིམ་ལྡན་པར་སྨྲའོ། །
ཏྲ་ཡ་མུངྒ་ཏཱ་ས་དྲྀ་ཤ་མེ་བ། བྷ་བ་ཏི་ཧི་ཏྲི་ཏཱི་ཡ་མ་ནྱ་ཐཱ། ཛེ་ཡ་ཏེ་ར་ན་བྷ་ག་གྲ་ཐི་ཏཾ། ཀ་ཐ་ཡ་ནྟི་སཽ་ར་བྷ་ཀ་མེ་ཏ་དཱི་དྲྀ་ཤཾ། ।।ऽ।ऽ।।।ऽ। ।।।।।ऽ।ऽ।ऽ ऽ।ऽ।।।ऽ।।ऽ ।।ऽ।ऽ।।।ऽ।ऽ।ऽं གསུམ་པའི་མིང་ཅན་རྐང་བར་ན་དག་དང་ནི། །ས་དག་ཏུའང་གྱུར་ཅིང་རྣམ་པ་གསུམ་པ་ནི། །རབ་ཏུ་སྤྲོས་པའི་ཚིག་གི་བཀོད་པས་རོལ་སྒེག་ལྡན་པ། དེ་ནི་
རོལ་པ་ཞེས་བྱར་སྙན་ངག་མཁན་པོ་བཞེད། །གང་དུ་རྐང་པ་གསུམ་པ་ན་གཉིས་དང་ས་གཉིས་སུ་གྱུར་ཅིང་། ལྷག་མ་སྟེང་འགྲོ་དང་འདྲ་བ་དེ་ནི་རོལ་པ་ཞས་བྱར་སྙན་ངག་མཁན་པོ་རྣམས་ཀྱིས་བཞེད་དེ། །གང་ལས་རབ་ཏུ་སྤྲོས་པའི་ཚིག་གི་བཀོད་པས་རོལ་པ་དེའོ། །ཏྲི་ཏ་ཡཾ་ན་ཡོ་ར་ཐ་ས་ཡོཤྩ། བྷ་བ་ཏི་ཙ་ར་ཎེ་ཏྲྀ་ཏཱི་ཡ་ཀེ། པྲ་སྲྀ་

ཏ་པ་ད་ར་ཙ་ན་ཡཱ་ལ་ལི་ཏཾ། ལ་ལི་ཏཾ་ཧི་ནཱ་མ་ཀ་བི་བྷི་སྟ་དི་ཥྱ་ཏེ། ।।ऽ।ऽ।।।ऽ। ।।।।।ऽ।ऽ।ऽ ।।।।।।।।ऽ।।ऽ ।।ऽ।ऽ।।।ऽ।ऽ।ऽ སྟེང་འགྲོའི་བྱེ་བྲག་རྣམས་སོ།། །།གལ་ཏེ་རྐང་པ་དང་པོར་མ་ས་ཛ་བྷ་ལྕི་བ་དག་གྱུར། །དེ་ནས་ས་དང་ན་དང་ཛ་དང་ར་དང་ག་རྣམས་ཏེ། །ཕ་རོལ་ན་དག་དང་ནི་ས་ཡིན་ཞིང་། །
དེ་ནས་ན་སྦྱར་ན་ན་ཛ་ཡ་ཉེར་གནས་སྔ་འདི་དལ་འགྲོར་བརྗོད། །གལ་ཏེ་རྐང་པ་དང་པོ་ལ་མ་དང་ས་དང་ཛ་དང་བྷ་དང་ག་དག་ཡིན་ཞིང་། དེ་ནས་ཞེས་པ་གཉིས་པ་ལ་ས་དང་ན་དང་ཛ་དང་ར་དང་ལྕི་བ་རྣམས་ཡིན་ལ། ཕ་རོལ་ཞས་པ་གསུམ་པ་ལ་ན་དང་ན་དང་ས་རྣམས་སོ། །དེ་ནས་ཞེས་པ་བཞི་པ་ལ་ན་གསུམ་དང་ཛ་དང་ཡའོ། །
འདི་གཅིག་པུ་ཉེ་བར་གནས་པ་དལ་འགྲོར་འགྱུར་རོ། །པཱ་དེ་ཙེཏྤྲ་ཐ་མེ་མ་སཽ་ཛ་བྷཽ་གུ་རུ་ཎཱི་ཙ། སྱུ་ར་ཐོ་ས་ན་ཛ་ར་གཱཿབ་རཉྩ་ནཽ་སཿ། ཨ་ཐ་ན་ཡུ་ཏ་ན་ན་ཛ་ཡཱཿ། པྲ་ཙུ་པི་ཏ་མི་ད་མུ་དི་ཏ་མུ་པ་སྠི་ཏ་པཱུརྦཾ། ऽऽऽ।।ऽ।ऽ।ऽ।।ऽऽ।।ऽ।।।।ऽ।ऽ।ऽऽ ।।।।।।।।ऽ।।।।।।।।।।ऽ।।ऽऽ གལ་ཏེ་རྐང་པ་གསུམ་པ་ལ་ནི་ན་དག་ས་ན་དག་དང་ན། །
ས་ཡིན་དེ་ནི་འདིར་གཞན་མཐའ་དག་དལ་འགྲོ་དང་འདྲ་ཞིང་། རྐང་པའི་གནས་ཀྱི་མཚན་ཉིད་སྒྲུབ་པ་སོ་སོར་ངེས་པ་སྙན་ངག་མཁན་པོ་རྣམས་ཀྱིས། དེ་ནི་འཕེལ་བ་ཅན་དུ་མངོན་པར་བརྗོད་པར་གྱུར་པ་དག་ཡིན་ནོ། །གལ་ཏེ་རྐང་པ་གསུམ་པ་ལ་ན་དང་ན་དང་། ས་དང་ན་དང་ན་དང་ས་རྣམས་ཡིན་ལ། འདིར་ཡང་
གཞན་ཐམས་ཅད་རྐང་པའི་གནས་ཀྱི་མཚན་ཉིད་ཀྱི་ཆོ་ག་དལ་འགྲོ་ཉིད་དང་མཚུངས་པར་ཡོངས་སུ་བསྟན་པ་དེའི་ཚེ་སྙན་ངག་མཁན་རྣམས་འཕེལ་བ་ཅན་གྱི་ཞུགས་པར་སྨྲའོ། །པཱ་དེ་སྱཱུ་རྱ་དི་ནཽ་ས་ནཽ་ན་སཽ་ཙོ་ཏྲྀ་ཏཱི་ཡེ། ཀ་བ་ཡ་སྟ་ད་བྷི་ག་དནྟི་བརྡྷ་མཱ་ནཾ། པྲ་ཙུ་སི་ཏ་ས་དྲྀ་ཤ་ཀ་མ་ནྱ་དི་ཧ་བྷ་བ་ཏི་ས་ཀ་ལཾ་པྲ་ཏི་
ནི་ཡ་ཙ་ར་ཎ་ག་ཏ་ལ་ལ་ཀྵྨ་བི་དྷཱ་ནཾ། ऽऽऽ।।ऽ।ऽ।ऽ।।ऽऽ।।ऽ।।।।ऽ।ऽ।ऽऽ ।।।।।।।।ऽ।।।।।।।।ऽ।।।।।।।।।।ऽ।।ऽऽं གང་ཚེ་གསུམ་པར་ཏ་ཛ་ར་རྣམས་འདི་ཉིད་དང་པོར་ངལ་བསོ། །གལ་ཏེ་གཞན་གསུམ་རྣམས་ནི་དལ་འགྲོ་དག་དང་ཚོགས། །མཚུངས་པར་གྱུར་པ་དག་པ་སྣང་ལྡན་གྱི། །ཁྱད་པར་རབ་མཆོག་
ལྡན་དུ་དེ་ནི་རྗོད་པར་བྱེད་པ་ཡིན། གང་གི་ཚེ་རྐང་པ་གསུམ་པ་ལ་ཏ་དང་ཛ་དང་ར་ཡིན་ཞིང་། འདི་ཉིད་ཀྱི་ཡི་གེ་དང་པོ་ལ་ངལ་བསོ་ལ། གལ་ཏེ་དེའི་རྐང་པ་གསུམ་པ་དལ་འགྲོ་དང་ཚོགས་མཚུངས་པར་གྱུར་པ་དེའི་ཚེ་དག་པ་སྣང་ལྡན་གྱི་ཁྱད་པར་རབ་མཆོག་ལྡན་དུ་བརྗོད་དེ་དག་པ་སྣང་ལྡན་རབ་མཆོག་གི་བྲྀཏྟར་སྨྲའོ་

ཞེས་པའི་དོན་ཏོ། །ཨསྨིནྣེ་པ་ཡ་དཱ་ཏྲྀ་ཏཱི་ཡ་ཀེ་ཏ་ཛ་རེ་ཕཱཿ། པྲ་ཐ་མེ་ཙ་བི་ར་ཏི་རཱཪྵ་བྷཾ་བ་དནྟི། ཏཙྪུདྡྷ་བི་རཱཊྦི་ཤེ་ཥ་ཎཾ། པྲ་ཙུ་པི་ཏ་ག་ཎ་ས་མ་མ་པ་རཾ་ཏྲྀ་ཏ་ཡཉྩེཏ། ऽऽऽ।।ऽ।ऽ।ऽ।।ऽऽ ।।ऽ।।।।ऽ।ऽ।ऽऽ ऽऽ।।ऽ।ऽ।ऽ ।।।।।।।।।।ऽ।।ऽऽ དལ་འགྲོའི་བྱེ་བྲག་རྣམས་ཏེ། མི་མཉམ་པའི་བྲྀཏྟ་རྣམས་སོ། །དེ་ལྟར་
བྲྀཏྟའི་རྣམ་བརྟག་བཤད་ཟིན་ཏོ།། །།ཕྱི་ནས་ཛཱ་ཏི་མངོན་པར་བརྗོད་པར་བྱ། །ཡང་བ་ཕྱི་མོ་གཅིག་སྟེ་ལྕི་བ་ནི། །གཉིས་སུ་འགྱུར་རོ་གསལ་བྱེད་དག་གིས་མིན། །བྲྀཏྟའི་བྱེ་བྲག་རྣམས་བརྗོད་ཟིན་ཅིང་བརྗོད་པར་བྱ་བ་ནི་ཛཱ་ཏི་རྣམས་སོ། །ཛཱ་ཏི་ཡང་རྣམ་པ་གསུམ་སྟེ།འཕགས་མ་དང་། རོ་ལངས་ཅན་དང་།
ཕྱི་མོ་མཉམ་པའོ། །དེ་ལ་དབྱངས་གསུམ་མ་གཏོགས་པའི་འཕགས་མ་ནི་མི་མཉམ་པའི་བྲྀཏྟ་དང་འདྲའོ། །ཕྱི་མ་གཉིས་མ་གཏོགས་པའི་རོ་ལངས་ཅན་ནི་ཕྱེད་མཉམ་པའི་བྲྀཏྟ་དང་འདྲའོ། །ཕྱི་མ་གསུམ་མ་གཏོགས་པའི་ཕྱི་མོ་མཉམ་པ་ནི་མཉམ་པའི་བྲྀཏྟ་དང་མཚུངས་སོ། །གང་ཡང་ཛཱ་ཏི་རྣམས་ལ་ཕྱི་མོས་
བགྲང་བར་བྱའི་དེ་གསལ་བྱེད་ཀྱིས་མ་ཡིན་ནོ། །འོན་ཀྱང་ཡང་བ་གཅིག་གིས་ཕྱི་མོ་གཅིག་དང་། ལྕི་བ་གཅིག་གིས་ཕྱི་མོ་གཉིས་སུ་འགྱུར་རོ། །བྷ་དང་ཛ་ས་ལྕི་ཟུང་ཡང་བ་བཞི་ཚོགས་པ། ཕྱི་མོ་བཞི་པ་དེ་ལྔ་རྣམས་ནི་ཙ་ཡིན། ཡང་བ་བཞི་ནི་ཁ་ཡང་ཡིན། ཕྱི་མོ་གཅིག་པ་ཀ་སྟེ་ཕྱི་གཉིས་ད། ཕྱི་མོ་བཞི་པའི་
ཚོགས་རྣམས་བྷ་དང་ཛ་དང་ས་དང་ལྕི་བ་གཉིས་དང་ཡང་བ་བཞི་སྟེ་ལྔར་འགྱུར་རོ། །ཚོགས་ལྔ་པོ་དེ་རྣམས་ཙའི་མིང་ཅན་དུའང་འགྱུར་རོ། །ཚོགས་རྣམས་ཀྱི་ལྔ་པ་ཡང་བ་བཞི་པོ་དེ་ནི་ཁའི་མིང་ཅན་དུའང་འགྱུར་ཞིང་། ཙའི་མིང་ཅན་ཡང་ངོ་། །ཕྱི་མོ་གཅིག་གི་ཚོགས་ནི་ཀའི་མིང་ཅན་ནོ། །ཕྱི་མོ་གཉིས་
ནི་དའི་མིང་ཅན་ནོ། །དེའང་ཡང་བ་གཉིས་སམ་ལྕི་བ་སྟེ་རྣམ་པ་གཉིས་སུ་འགྱུར་རོ། །པཉྩ་བྷ་ཛ་སཱ་གུ་རུ་ཡུ་གཾ་ལ་གྷུ་ཀ་ཅ་ཏུཥྐཾ་ག་ཎཱཤྩ་ཏུརྨཱ་ཏྲཱཿ། ཏེ་ཙཱཿཁོ་པི་ཙ་ཏུརྨཿཀ་ཨེ་ཀ་མཱ་ཏྲོ་དྭི་མཱ་ཏྲོ་དཿ། ऽ।।।ऽ।।।ऽ।।।।ऽऽ।ऽ।ऽऽऽ ऽऽऽ।।ऽऽ।ऽ।ऽऽ।ऽऽऽ ऽ।। ।ऽ। ।।ऽ । ऽऽ ।ऽ। ऽऽ ऽ ऽऽ ऽ। ऽऽ ।ऽ। ऽऽ । ऽऽ ऽགལ་ཏེ་འདབ་མ་འདབ་མར་ཚོགས་བརྒྱད་རྣམས། །མི་
མཉམ་རྣམས་ལ་ཛ་སྤངས་འཕགས་མར་འགྱུར། །ཕྱི་མ་ཕྱེད་ལ་དྲུག་པ་ཀའོ་གཉིས་ཀ་ཡི། །བརྒྱད་པ་ད་སྟེ་ལྷག་མ་ཙ་རྣམས་སོ། །གལ་ཏེ་ཕྱེད་པ་གཉིས་ཀ་དག་གི་ཚོགས་བརྒྱད་ཡིན་པ་དེའི་ཚེ་འཕགས་མར་འགྱུར་རོ། །ཇི་ལྟ་བུ་བརྒྱད་ཡིན་ཞེ་ན། མི་མཉམ་པའི་གནས་དང་པོ་དང་གསུམ་

དང་ལྔ་པ་དང་བདུན་པ་རྣམས་ལ་ཛ་ཡིག་སྤངས་པ་དེར་ཕྱེད་ཕྱི་མ་དྲུག་པའི་ཚོགས་ཕྱི་མོ་གཅིག་ཏུ་བྱས་ཤིང་། ཕྱེད་པ་གཉིས་ཀ་དག་གིའང་བརྒྱད་པའི་ཚོགས་ཕྱི་མོ་གཉིས་དང་ལྷག་མ་རྣམས་ཕྱི་མོ་བཞི་རྣམས་སོ། །བི་ཥ་མེ་ཥུ་ཛ་ར་ཧི་ཏཤྩེདྡ་ལེ་ད་ལེཉཥྚཽ་ག་ཎཱ་བྷ་བཏྻཱཏྻཱ། པ་ཤྩཱརྡྷེ་ཀཿཥཥྚོ་
དོ྅ཥྚ་མ་ཨུ་བྷ་ཡ་ཏྲ་ཙཱཿཤ་ཥཱཿ། ।।ऽ।।।।ऽऽ।ऽ।ऽऽ।ऽ।ऽऽऽ ऽऽऽऽऽऽऽ।।।।ऽ।ऽऽऽ ।।ऽ ।।।। ऽऽ ।ऽ। ऽऽ ।ऽ। ऽऽ ऽ ऽऽ ऽऽ ऽऽ ऽ।। ।।ऽ । ऽऽ ऽ] བརྒྱད་པར་ཡང་བ་དག་ཡོད་པ་མ་ཡིན་ཏེ། ཕྱེད་ཀྱི་མཐའ་ལྕི་བ་ཉིད་ཀྱི་ཕྱིར་རོ། །ཕྱེད་སྔར་དྲུག་པ་ཛའམ་ཁའོ་ཁ་ལ་ནི། །དང་པོ་ལ་ནི་ཡང་བའི་ངལ་བསོར་འགྱུར། ཁ་ཕ་རོལ་ལ་དྲུག་པའི་མཐར་ངལ་
བསོའོ། །འདབ་མ་ཕྱི་མར་བཞི་པའང་དེ་ནས་འགྱུར། །ཕྱེད་སྔ་མ་ལ་དྲུག་པའི་ཚོགས་ཛ་ཡིག་ཏུ་བྱ་སྟེ། མདོ་སྔ་མ་རྣམས་བཞིན་ནོ། །ཡང་ན་ཁ་ཡིག་སྟེ་མདོ་འདི་ཉིད་བཞིན་ནོ། །གང་གི་ཚེ་ཕྱེད་སྔ་མའི་དྲུག་པ་ཁ་ཡིག་ཏུ་གྱུར་པ་དེའི་ཚེ་ནི་དེའི་དང་པོ་ལ་ཡང་བའི་ངལ་བསོ་བྱའོ། །གང་གི་ཕྱེད་
སྔ་མ་ལའང་དྲུག་པའི་ཚོགས་ཁ་ཕ་རོལ་ཡིན་པ་འདི་ལ་ས་ཕ་རོལ་ཁ་ཡིན་པ་ནི་ཁ་ཕ་རོལ་ལོ། །དེའི་ཚེ་དྲུག་པ་དེའི་མཐར་ངལ་བསོ་བྱ་སྟེ། འདིའི་མཐར་ངལ་བསོ་བ་ནི། མཐའི་ངལ་བསོའོ། །འདབ་མ་ཕྱི་མ་སྟེ་ཕྱེད་ཕྱི་མ་དེ་ལ་བཞི་པའི་ཚོགས་གལ་ཏེ་ཁ་ཕ་རོལ་ཡིན་ཞིང་འང་གི་སྒྲ་ལས་དྲུག་པའང་
ཡིན་པ་དེའི་ཚེ་དེའི་མཐར་ཡང་ངལ་བསོ་བྱའོ། །དེ་ནས་ཕྱི་མོ་གཅིག་པའི་ཚོགས་ཀྱི་ཀ་མཐའོ། །གཅིག་ལ་དང་པོའི་མཐའ་བཞིན་ཞེས་པའི་ཚིག་ལས་བདག་ཉིད་དེའི་མཐའོ། །དེ་ལྟ་བས་ན་ཕྱེད་སྔ་མ་ལ་དྲུག་པའི་ཁ་ཉིད་ལ་དྲུག་པའི་དང་པོར་ངལ་བསོའོ། །བདུན་པའི་ཁ་ཉིད་ལ་དྲུག་པའི་མཐར་
ངལ་བསོའོ། །ཕྱེད་ཕྱི་མ་ལ་ལྔ་པའི་ཁ་ཉིད་ལ་བཞི་པའང་མཐར་ངལ་བསོའོ། །བདུན་པའི་ཁ་ཉིད་ལ་དྲུག་པའི་མཐར་ངལ་བསོའོ། །ངལ་བསོ་ཐམས་ཅད་ཀྱི་མཚན་ཉིད་དཔེར་བརྗོད་པའང་མདོ་འདི་ཉིད་དོ། །པཱུརྦྦཱརྡྷེ་ཥཥྛོ་ཛཿཁོ་བཱ་ཁེ་ཏྭཱ་དྱ་ལ་གྷུ་ནི་བྷ་བ་ཏི་ཡ་ཏིཿཥཥྛཿཁ་པ་རོཉནྟ་ཡ་ཏི་སྟུ་ཪྻོ་པྱ་ཐ་བྷ་བ་ཏི་
ཙ་ར་མ་ད་ལེ། ऽऽऽऽऽऽऽऽऽऽ।।।।ं।।।।ऽ ऽऽ।।ऽ।।ऽऽऽं।।।।।ं।।।।ऽ।।।।।।।। ऽऽ ऽऽ ऽऽ ऽऽ ऽऽ ।।।। ।।। ऽ ऽऽ ।।ऽ।।ऽ ऽऽ ।।।। । ।।।। ऽཙ་གསུམ་རྣམས་ཀྱིས་ཟུང་མིན་རྐང་པ་དག །གང་ཆོ་རྫོགས་པ་དེ་ཚེ་འཕྲོད་པར་འགྱུར། །གལ་ཏེ་ཟུང་མིན་གཅིག་ཀྱང་རྫོགས་མིན་པ། །དེ་རྣམས་ཀྱིས་ནི་དེ་ཚེ་ཡངས་མ་ཡིན། །འཕགས་མ་འཕྲོད་པ་དང་། ཡངས་

མ་རྣམ་པ་གཉིས་ལས་གང་གི་ཚེ་ཙ་ཡིག་གསུམ་རྣམས་ཀྱིས་ཟུང་མ་ཡིན་པའི་རྐང་པ་དག་ཡོངས་སུ་རྫོགས་པ་དེའི་ཚེ་འཕྲོད་པར་འགྱུར་རོ། །གང་གི་ཚེ་ཙ་ཡིག་གསུམ་རྣམས་ཀྱིས་ཟུང་མ་ཡིན་པའི་རྐང་པ་གཅིག་གིས་ཀྱང་མ་རྫོགས་པ་དེའི་ཚེ་ནི་ཡངས་མའོ། །དེ་ལ་འཕྲོད་པའི་དཔེར་བརྗོད་ནི་མདོ་སྔ་མ་རྣམས་སོ། །
མདོ་འདི་ནི་ཡོངས་མའིའོ། །ཙཻསྟྲི་བྷི་ར་ཡུགྨ་པཱ་དཽ་ཡ་དཱ་ས་མཱཔྟཽ་ཏ་དཱ་བྷ་བེཏྤ་ཐྱཱ། ཨེ་ཀོཉཔི་ནིཥྛི་ཏོ་ན་ཡ་དི་ཏཻ་ར་ཡུགྨསྟ་དཱ་བི་པུ་ལཱ། ऽ।।।ऽ।ऽऽ।ऽ।ऽऽ।ऽ।ऽऽऽ ऽऽ।ऽ।ऽ।।।ऽ।ऽऽ।ऽ।।ऽ ऽ।। ।ऽ। ऽऽ ।ऽ। ऽ ।ऽ। ऽऽ ऽ ऽऽ ।ऽ। ऽ।। ।ऽ। ऽऽ । ऽ।। ऽ གལ་ཏེ་གཉིས་པ་བཞི་པའི་ཚོགས། །ལྕི་གཉིས་དབུས་ཞུགས་ཛ་དག་བཤད། །ཕྱེད་པ་གཉིས་ལ་གྱུར་དེ་ཚེ། །
ཀུན་ནས་གཡོ་བར་གྱུར་པ་ཡིན། །གལ་ཏེ་གཉིས་པའི་ཚོགས་ཛ་ཡིག་ཏུ་བཤད་ཅིང་། བཞི་པའང་དེ་ལྟ་བུ་དག་གི་བར་དུ་ལྕི་བ་གཉིས་ཞུགས་པ་ཕྱེད་པ་གཉིས་ཀ་དག་ལ་གྱུར་པ་དེའི་ཚེ་འཕགས་མ་ཀུན་ནས་གཡོ་བའོ། །ཀུ་རུ་མ་དྷྱ་བརྟི་ནཽ་ཙེདྡྭི་ཏཱི་ཡ་ཏུཪྻཽ་ག་ཎཽ་ཛ་ཀཱ་རཱ་ཁྱཽ། ཨརྡྷ་དྭ་ཡེ་བྷ་བེ་ཏཱཾ་བྷ་བཏྟ་
དཱ་སརྦ་ཏཤྩ་པ་ལཱ། ।।ऽ।ऽ।ऽऽ।ऽ।ऽऽ।ऽ।ऽऽऽ ऽऽ।ऽ।ऽऽ।ऽ।ऽऽ।ऽ।।ऽ ।।ऽ ।ऽ। ऽऽ ।ऽ। ऽऽ ।ऽ। ऽऽ ऽ ऽऽ ।ऽ। ऽऽ ।ऽ। ऽऽ । ऽ।। ऽ གལ་ཏེ་སྔ་ཕྱེད་འབའ་ཞིག་ཉིད། །གཡོ་བ་ཡི་ནི་མཚན་ཉིད་གྱུར། །སླར་ཡང་ཕྱི་ཕྱེད་ལ་གྱུར་མིན། །དེ་ཚེ་དེ་སྒོ་གཡོ་བར་གྱུར། །གཡོ་བའི་མཚན་ཉིད་ནི། གཉིས་པ་དང་བཞི་པ་དག་ལྕི་བ་དང་དབུས་ན་གནས་
པའི་ཛ་དག་སྟེ། དེ་གལ་ཏེ་ཕྱེད་སྔ་མ་ཉིད་དུ་གྱུར་ཅིང་། ཕྱེད་ཕྱི་མ་ལ་མ་ཡིན་པ་དེའི་ཚེ་དེ་འཕགས་མ་སྒོ་གཡོ་བའོ། །པཱུརྦཱརྡྷ་ཨེ་བ་ཙེཏྐེ་བ་ལེ་བྷ་བེལླཀྵ་ཎཾ། ཏུ་ཙ་པ་ལཱ་ཡཱཿ། ན་སྱཱཏྤུ་ན་ར་པ་རཱརྦྷེ་མུ་ཁ་ཙ་པ་ལཱ་སྱཽ་ཏ་དཱ་བྷ་བ་ཏི། ऽऽ।ऽ।ऽऽ।ऽ।ऽऽ।ऽ।।।ऽऽ ऽऽ।।।।ऽऽ।।।।ऽऽ।ऽ।।ऽ ऽऽ ।ऽ। ऽऽ ।ऽ। ऽऽ ।ऽ। ।।ऽ ऽ ऽऽ ।।।। ऽऽ ।।।। ऽऽ । ऽ।। ऽ]
གང་ལ་བསྟན་པའི་གཡོ་མཚན་ཉིད། །སྔ་མ་ཕྱེད་ལ་སྤངས་ནས་ཀྱང་། །ཕྱི་ཕྱེད། གཅིག་པུར་བརྟེན་ནས་ཞུགས། །དེ་ནི་ལུས་རྟེན་གཡོ་བའོ། །འཕགས་མ་གང་ལ་ཕྱེད་སྔ་མ་དོར་ནས་ཕྱེད་ཕྱི་མ་འབའ་ཞིག་ལ་བརྟེན་ནས་གཡོ་བའི་མཚན་ཉིད་སྔར་བརྗོད་པ་ཡོད་པ་དེ་ལུས་རྟེན་གཡོ་བའོ། །
ནིརྡྷིཥྚཾ་ཙ་པ་ལཱ་ཡཱ་ལཀྵ་ཎ་མ་བི་ཧཱ་ཡ་ཡ་ཏྲ་པཱུརྦཱརྡྷཾ། བཤྩཱརྡྷ་མེ་ཀ་མཱ་ཤྲི་ཏྱ་བརྟ་ཏེ་ཛ་གྷ་ན་ཙ་བ་ལཱ་སཱ། ऽऽऽ।।ऽऽऽ।।।।ऽ।ऽ।ऽऽऽ ऽऽ।ऽ।ऽऽ।ऽ।ऽ।।।।।ऽऽ ऽऽ ऽ।। ऽऽ ऽ।। ।।ऽ ।ऽ। ऽऽ ऽ ऽऽ ।ऽ। ऽऽ ।ऽ। ऽ।। । ।।ऽ ऽ གང་དུ་འདབ་མ་གཉིས་ཀ་ཡང་། །དྲུག་ཚོགས་ཛའམ་ཁ་ཡིག་གྱུར། །ཕྱེད་སྔ་བཞིན་དང་ལྷག་མ་ཡང་། །སོ་སོ་ངེས་གྱུར་

དེ་དབྱངས་འགྱུར། འཕགས་མ་གང་ལ་ཕྱེད་གཉིས་ཀའི་ཡང་དྲུག་པའི་ཚོགས་ཛའམ་ཁར་གྱུར་ཅིང་། ལྷག་མ་ངལ་བསོ་ལ་སོགས་པའི་རྣམ་པར་གཞག་པ་སོ་སོར་ངེས་པ་དང་། ཕྱེད་ཕྱི་མ་ལའང་ཕྱེད་སྔ་མ་བཞིན་གྱུར་བ་དེ་ནི་དབྱངས་སུ་འགྱུར་རོ། །སྱཱ་དུ་བྷ་ཡོ་ར་བི་ད་ལ་ཡོཿཥཥྛ་ག་ཎོ་
ཡ་ཏྲ་ཛཱཿཁ་ཀཱ་རོ་བཱ། པཱུརྦཱརྡྷ་བཙྩ་ཤེ་ཥཿཔྲ་ཏི་ནི་ཡ་མོ་བྷ་བ་ཏི་བྷ་བ་ཏི་སཱ་གཱི་ཏིཿ། ऽ।।ऽ।।।।ऽऽ।।ऽऽ।ऽ।ऽऽऽ ऽऽ।ऽ।ऽऽ।।।।ऽ।।।।।।ऽऽऽ ऽ।। ऽ।। ।।ऽ ऽ।। ऽऽ ।ऽ। ऽऽ ऽ ऽऽ ।ऽ। ऽऽ ।।।। ऽ।। ।।।। ऽऽ ऽ] གང་གི་འདབ་མ་གཉི་གའི་ཡང་། །དྲུག་པའི་ཚོགས་ནི་ཀ་ཉིད་གྱུར། །ཕྱེད་ཕྱི་བཞིན་དང་ལྷག་ངེས་པ། །དེ་ནི་ཉེ་བའི་དབྱངས་སུ་སྨྲ། །འཕགས་མ་གང་གི་ཕྱེད་
གཉིས་ཀ་དག་གི་འང་དྲུག་པའི་ཚོགས་ཀ་རུ་གྱུར་ཅིང་། ལྷག་མ་ངལ་བསོ་ལ་སོགས་པ་སོ་སོར་ངེས་པ་དང་། ཕྱེད་སྔ་མ་ལྔ་ལ་འང་ཕྱེད་ཕྱི་མ་བཞིན་གྱུར་པ་དེ་ཉེ་བའི་དབྱངས་སུ་སྨྲའོ། །ཡ་སྱཱཿཀ་ཨེ་བ་ད་ལ་ཡོ་རུ་བྷ་ཡོ་ར་སི་བྷ་བ་ཏི་ཥཥྛ་ག་ཎཿ། ཨ་བརཱརྡྷ་བཙྩ་ཤེ་ཥོ་ནི་ཡ་མ་སྟཱ་མཱ་ཧུ་རུ་པ་གཱི་ཏིཾ།
ऽऽ।ऽ।।।ऽ।।ऽ।।।।।ऽ।।ऽ ।।ऽ।ऽ।ऽऽ।।ऽऽऽ।।।ऽऽ ऽऽ ।ऽ। ।।ऽ ।।ऽ ।।।। । ऽ।। ऽ ।।ऽ ।ऽ। ऽऽ ।।ऽ ऽऽ । ।।ऽ ऽ གང་དུ་སྔ་ཕྱེད་དྲུག་གྱུར་ཀ །ཕྱི་ཕྱེད་ལ་ནི་ཛ་ཁའམ་དག །ལྷག་ངེས་འདབ་མ་ལོག་པ་ལས། །གྱུར་པ་དེ་ནི་མཆོག་དབྱངས་ཡིན། །འཕགས་མ་གང་ལ་ཕྱེད་སྔ་མ་ལ་དྲུག་པའི་ཚོགས་ཀ་རུ་གྱུར་ཅིང་། ཕྱེད་ཕྱི་མ་ལ་ཛའམ་ཁ་ཡིན་ལ་
ལྷག་མ་ངལ་བསོལ་སོགས་པའི་ངེས་པ་རྣམས་ཀྱང་འདབ་མ་ལྡོག་པ་ལས་གྱུར་པ་སྟེ། གང་ཕྱེད་ཕྱི་མ་ལ་བྱས་པ་ཕྱེད་སྔ་མ་ལ་གྱུར་བ་དང་། གང་ཕྱེད་སྔ་མ་ལས་བྱས་པ་ནི་ཕྱེད་ཕྱི་མ་ལ་གྱུར་པ་དེ་མཆོག་དབྱངས་སུ་འགྱུར་རོ། །པཱུརྦཱརྡྷེ་ཥཥྛཿསྱཱཏྐོ་ཡ་ཏྲ་ཛ་ཁཽ་རུ་བཤྩཱརྡྡྷེ། ཤེ་ཥཿཔྲ་ཏི་ནི་
ཡ་མོད་ལ་བི་སཪྱ་ཡཱདྦྷ་བ་ཏི་བྷ་བ་ཏི་སོདྒཱི་ཏིཿ། ऽऽऽऽऽऽऽऽ।।ऽ।ऽऽऽ ऽऽ।।।।ऽ।।।ऽ।ऽ।।।।।।ऽऽऽ ऽऽ ऽऽ ऽऽ ऽऽ ।।ऽ । ऽऽ ऽ ऽऽ ।।। ऽ।। ऽ। ऽ।। ।।।। ऽऽ ऽགང་འདབ་འདབ་མར་བརྒྱད་རྣམས་ཙ་ཞེས་བྱ། །དྲུག་པའི་ཚོགས་ནི་ཛའམ་ཡང་ན་ཁ། །ཕྱེད་སྔ་བཞིན་དང་ལྷག་མ་སོ་སོར་ངེས། །གྱུར་པ་དེ་ནི་འཕགས་མའི་དབྱངས་སུ་
འགྱུར། །འཕགས་མ་གང་གི་ཕྱེད་ཕྱེད་ལ་ཙ་ཞེས་བྱ་བའི་ཚོགས་བརྒྱད་རྣམས་ཡིན་ཞིང་། དྲུག་པའི་ཚོགས་ནི་ཛའམ་ཁ་ཡིན་ལ་ལྷག་མ་ངལ་བསོ་ལ་སོགས་པའི་ངེས་པ་འཕགས་མའི་ཕྱེད་སྔ་མ་བཞིན་གྱུར་པ་དེ་འཕགས་མའི་དབྱངས་སུ་འགྱུར་རོ། །ཡ་སྱཱ་ད་ལེ་ད་ལེ྅ཥྚཽ་ཙཱ་

ཁྱཱཿཥཥྛཽ་ག་ཎསྟུ་ཛོ་བཱ་ཁོ་བཱ། པཱུརྦཱརྡྷ་བཙྩ་ཥེ་ཥཿབྲ་ཏི་ནི་ཡ་མོ་བྷ་བ་ཏི་བྷ་བ་ཏི་སཱདྱཱ་གཱི་ཏིཿ། ऽऽ।ऽ।ऽऽऽऽऽऽ।ऽ।ऽऽऽऽ ऽऽ।ऽ।ऽऽ।।।।ऽ।।।।।।ऽऽऽऽ ऽऽ ।ऽ। ऽऽ ऽऽ ऽऽ ।ऽ। ऽऽ ऽऽ ऽऽ ऽऽ। ऽऽ ।।।। ऽ।। ।।।। ऽऽ ऽऽ བརྒྱད་པ་ལ་བྷ་དང་ཛ་དང་ཁ་རྣམས་ཡོད་པ་མ་ཡིན་ཏེ། ཕྱེད་ཀྱི་མཐའ་ལྕི་བ་ཉིད་ཀྱི་ཕྱིར་ར། །འཕགས་མའི་ཛཱ་ཏི་རྣམས་སོ།། །།ཟུང་
མིན་དང་པོར་ད་གསུམ་ཟུང་ད་བཞི། །ཕྱི་མ་ལ་ནི་ར་ལ་ག་རྣམས་ཏེ། །ཡང་བ་དྲུག་རྣམས་བར་མ་ཆད་དུ་མིན། །དེ་ནི་རོ་ལངས་ཅན་དུ་བརྗོད་པར་བྱ། །ད་ཞེས་པ་ཕྱི་མོ་གཉིས་སུ་བརྗོད་ཟིན་ཏོ། །ཟུང་མ་ཡིན་པའི་རྐང་པ་དག་གི་དང་པོར་ད་གསུམ་རྣམས་དང་། ཟུང་གི་རྐང་པ་དག་གི་དང་པོར་ད་
བཞི་རྣམས་ཡིན་ཞིང་། གཉིས་ཀའི་རྐང་པ་རྣམས་ཀྱི་ཕྱི་མ་ར་དང་། ལ་དང་ག་རྣམས་ཡིན་ལ། ཟུང་གི་རྐང་པ་དག་ལ་ཡང་བ་དྲུག་བར་མ་ཆད་དུ་མ་གྱུར་བ་དེ་ནི་རོ་ལངས་ཅན་དུ་བརྗོད་པར་བྱའོ། །ད་ཏྲ་ཡ་མ་ཡུ་ཛོརྨུ་ཁེ་ཡུ་ཛོདྡ་ཙ་ཏུཥྐཾ་ར་ལ་གཱསྟུ་པྲྀཥྛ་ཏཿ། བཻ་ཏཱ་ལཱི་ཡཾ་ཏ་དུ་ཙྱ་ཏེ་ལ་གྷུ་ཥཊྐཾ་ན་ནི་རནྟ་རཾ་ཡུ་ཛོཿ།
ऽ।।।।ऽ।ऽ ऽ।।ऽऽ।।ऽ।ऽ।ऽ ऽऽऽऽ।ऽ।ऽ।।ऽऽ।।ऽ।ऽ।ऽ གལ་ཏེ་དང་པོ་རོ་ལངས་ཅན་ལྟ་བུ། །ཕྱི་མར་ར་ཡ་དག་ནི་ཉེ་སྡེབ་སྦྱོར། །གལ་ཏེ་དང་པོ་ལ་རོ་ལངས་ཅན་དང་མཚུངས་ཤིང་ཕྱི་མ་ལ་ར་དང་ཡ་ཡིན་པ་དེ་ནི་ཉེ་བའི་སྡེབ་སྦྱོར་རོ། །བཻ་ཏཱ་ལཱི་ཡོ་བ་མཾ་མུ་ཁེ་ཙེ་དཽ་པཙྪནྡ་སི་ཀཾ་ར་ཡཽ་ཏུ་པྲྀཥྛེ། ऽऽऽऽ।ऽ।ऽऽऽऽऽ।।
ऽ।ऽ।ऽऽ འདིར་ནི་དང་པོ་རོ་ལངས་ཅན་དང་མཚུངས། །བྷ་ག་ག་མཐའ་ཀུན་ནས་སྲབ་པ་ཡིན། །འདིའི་ཡང་དང་རོ་ལངས་ཅན་དང་མཚུངས་པ་སྟེ། ད་གསུམ་དང་ད་བཞི་ཡིན་ཞིང་། མཐར་བྷ་དང་ག་དང་ག་རྣམས་གང་དུ་ཡིན་པ་དེ་ཀུན་ནས་སྲབ་པའོ། །ཨཱ་པཱ་ཏ་ལི་ཀཱ་བྷ་ག་གནྟཱ་མུ་ཁ་མི་ཧ་བཻ་ཏཱ་ལཱི་ཡ་ས་མཱ་ནཾ། ऽऽ।।ऽ।।
ऽऽ।।।।ऽऽ।।ऽऽ ད་ལས་ཕ་རོལ་ཛ་ད་ཟུང་དང་པོ། །ལྷག་མ་དང་པོ་ལྟ་བུ་རབ་འཕེལ་ཡིན། །གལ་ཏེ་ཟུང་གི་རྐང་པ་དང་པོ་དག་གི་དང་པོར་ད་ལས་ཕ་རོལ་དག་ཏུ་ཛ་དང་ད་དག་ཡིན་ལ། ལྷག་མའི་མཚན་ཉིད་རོ་ལངས་ཅན་དང་འདྲ་བ་དེའི་ཚེ་རབ་འཕེལ་ལོ། །ཡུགྨ་མུ་ཁེ་དཱཏྤ་རཽ་ཛ་དཽ་པྲཱ་ཙྱ་བྲྀཏྟི་ར་བ་ཤིཥྚ་མཱ་དྱ་བ་ཏ། ऽ।।
ऽऽ।ऽ।ऽऽ।ऽ।।।ऽ।ऽ।ऽ གང་ཚེ་ཟུང་མིན་དང་པོར་ཛ་ད་དག །ལྷག་མ་དང་པོ་ལྟ་བུ་ཕྱི་འཕེལ་ཡིན། གལ་ཏེ་ཟུང་མིན་གྱི་རྐང་པ་དག་གི་དང་པོར་ཛ་དང་ད་ཡིན་ལ། ལྷག་མ་རོ་ལངས་ཅན་དང་འདྲ་བ་དེ་ནི་ཕྱི་འཕེལ་ལོ། །ཨུ་དཱི་ཙྱ་བྲྀཏྟི་རྫ་དཽ་ཡ་དཱ་མུ་ཁ་མ་ཡུ་ཛོཿཔ་རི་ཤིཥྚ་མཱ་དྱ་བ་ཏ། ।ऽ।ऽऽ।ऽ।ऽ।।।।ऽ।।ऽ।ऽ।ऽ

ཟུང་མིན་ཆ་ནི་ཕྱི་འཕེལ་གྱི། ཟུང་ཆ་རབ་འཕེལ་ཀུན་འཕེལ་ལོ། །གང་ཞིག་ཕྱི་འཕེལ་གྱི་རྐང་པ་ཟུང་མིན་དག་བརྟེན་ཅིང་། རབ་འཕེལ་གྱི་རྐང་པ་ཟུང་དག་ཡིན་པ་དེ་ནི་ཀུན་འཕེལ་ལོ། །ཨུ་དཱི་ཙྱ་བྲྀཏྟེ་ར་ཡུགྨ་བྷཱཀྦྲཱ་ཙྱ་བྲྀཏྟི་ཡུ་ག་བྷཱཀྤྲ་བྲྀཏྟ་ཀཾ། ।ऽ।ऽऽ।ऽ।ऽऽ ऽ।।।ऽ।ऽ।ऽ ཀུན་འཕེལ་
ཟུང་ནི་གཞན་གྱི་མཐའ་ཅན་འགྱུར། །ཀུན་འཕེལ་གྱི་ཟུང་གི་རྐང་པ་བཞི་རྣམས་ཀྱིས་གཞན་གྱི་མཐའ་ཅན་དུ་འགྱུར་རོ། །སྱཱཏྤྲ་བྲྀཏྟ་ཀ་ཡུ་ཛཱཉཔ་རཱནྟི་ཀཱ ། ऽ।ऽ।।।ऽ।ऽ।ऽ ཟུང་མིན་རྐང་པས་མཛེས་རྒོད་མའོ། །ཀུན་འཕེལ་གྱི་ཟུང་མ་ཡིན་པའི་རྐང་པ་བཞི་རྣམས་ཀྱིས་མཛེས་རྒོད་མར་འགྱུར་རོ། །ཨ་ཡུཀྤ་དཻཤྩཱ་
རུ་ཧཱ་སི་ནཱི། ।ऽ।ऽऽ।ऽ।ऽ རོ་ལངས་ཅན་གྱི་ཛཱ་ཏི་རྣམས་སོ།། །།རྐང་པ་རྐང་པར་ཆུ་གཏེར་ཙ་སྟེ་ལྕི་མེད་མི་གཡོ་བརྟན། །རྐང་པ་རྐང་པར་ཞེས་པ་ནི་རྐང་པ་དང་རྐང་པ་ལས་ཏེ། རྐང་པ་ཐམས་ཅད་ལ་ཙ་ཡིག་བཞི་རྣམས་ལ་ལྕི་བ་སྤངས་པ་མི་གཡོ་བརྟན་ཏོ། །ཨ་གུ་རུ་ར་ཙ་ལ་དྷྲྀ་ཏི་རུ་ད་དྷི་ཙི་པ་དི་པ་དི། ।।।।।।।।
।।।।।।।। མཐར་ལྕི་འདབ་ལས་ཡང་བ་ཕྱི་མོ་མཉམ། །རྐང་པ་རྣམས་ཀྱི་འདབ་མ་སྟེ་ཕྱེད་ཙ་ཡིག་གཉིས་དང་། རྐང་པ་ཐམས་ཅད་ལ་ཙ་ཡིག་བཞི་རྣམས་ཡིན་པ་ལ་མཐའ་ལྕི་བའི་འདབ་མ་ལས་ཕ་རོལ་དུ་ཡང་བ་དགེ་གྱུར་པ་ནི་ཕྱི་མོ་མཉམ་པའོ། །གནྟེ་མཱ་ཏྲཱ་ས་མ་ཀཾ་ལི་ཏ་ལཱཏ། ऽऽऽऽ।।ऽ।।ऽ གལ་ཏེ་ཙ་
གཉིས་ལས་བྷ་ཉེར་བཀྲ་ཡིན། །གལ་ཏེ་རྐང་པ་རྣམས་ལ་ཙ་ཡིག་བཞི་ཡིན་ལ། །ཙ་གཉིས་ལས་ཕ་རོལ་ཏུ་བྷ་ཡིན་པ་དེའི་ཚེ་ཉེར་བཀྲའོ། །བྷོ་ཡ་དི་དྭི་ཏ་ཡཱ་དུ་པ་ཙི་ཏྲཱ། ऽ।ऽ।।ऽ।।ऽऽ ཙ་ལས་ཁའམ་ཛ་ཉིད་ཁྱད་པར་ཚིགས་བཅད། །གལ་ཏེ་རྐང་པ་རྣམས་ལ་ཙ་ཡིག་བཞི་ཡིན་ལ་ཙ་ལས་ཕ་རོལ་
ཁའམ་ཛ་ཡིན་པ་དེའི་ཚེ་ཁྱད་པར་ཚིགས་བཅད་དོ། །ཙཱཏྑ་ཛ་ཨེ་བ་བཱ་བི་ཤློ་ཀཿ། ऽऽ।ऽ।ऽऽऽऽ ཕྱེད་ལས་ཁའམ་ཛ་ནི་ནགས་ཁྲོད་གནས། །གལ་ཏེ་རྐང་པ་རྣམས་ལ་ཙ་ཡིག་བཞི་ཡིན་ལ། ཕྱེད་ལས་ཕ་རོལ་ཁའམ་ཛ་ཡིན་པ་དེའི་ཚེ་ནགས་ཁྲོད་གནས་སོ། །ཁོ་ཇོ་བཱ་བཱ་ན་བཱ་སི་ཀཱརྡྷཱཏ། ऽऽऽऽ।ऽ।ऽऽ
ཙ་ཞེས་བྱ་ལས་གལ་ཏེ་ས་གཉིས་བཀྲའོ། །གལ་ཏེ་རྐང་པ་རྣམས་ལ་ཙ་ཡིག་བཞི་ཡིན་ལ། ཙ་ལས་ཕ་རོལ་ས་གཉིས་ཡིན་པ་དེའི་ཚེ་བཀྲ་བའོ། །ཙཱ་ཁྱཱདྱ་དི་ས་དྭི་ཏ་ཡཾ་ཙི་ཏྲཱ། ऽऽ।।ऽ।।ऽऽऽ བར་མ་ཆད་དུ་བཤད་པའི་མཚན་ཉིད་བསྟན། །ཕྱི་མོ་མཉམ་སོགས་རྐང་པ་དཀྲུགས་པ་ལ། །བྲྀཏྟའི་ཚད་རྣམས་

རྟོགས་པ་མེད་གྱུར་པ། །རྐང་འཁྲུགས་སུ་ནི་ཐུབ་པས་མངོན་པར་བརྗོད། །གང་བར་མ་ཆད་དུ་བརྗོད་པའི་མཚན་ཉིད་བསྟན་པ་ཕྱི་མོ་མཉམ་པ་ལ་སོགས་པ་ལྔ་པོ་རྣམས་ཀྱི་རྐང་པ་དེ་རྣམས་ཇི་ལྟར་འདོད་པ་བཞིན་བཟུང་ནས་དཀྲུགས་པ་དེ། རྐང་འཁྲུགས་ཞེས་བྱ་བའི་མཚན་ཉིད་དུ་དམར་སེར་གྱིས་བཤད་ཅིང་། བྲྀཏྟའི་
ཚད་མ་ངེས་པས་སྦྱར་ཏེ་ལྔ་པོ་རྣམས་ཀྱིའང་དབྱེ་བ་རྣམས་རིམ་པ་ལས་འདས་པའི་ཕྱིར་རོ། །ས་མ་ནནྟ་ར་ནི་ག་དི་ཏ་ལཀྵ་ཎ་བྷཱཏ། མཱ་ཏྲཱ་ས་མཱ་དི་པཱ་དཱ་ཀུ་ལ་ཀཾ། ཨ་བི་དི་ཏ་བྲྀཏྟ་པ་རི་མཱ་པ་རི་ག་ཏཾ། མུ་ནི་ནཱཉབྷྱ་དྷཱ་པི་པཱ་དཱ་ཀུ་ལ་ཀཾ། ।।ऽ।।।।।।ऽ।।ऽ ऽऽ।ऽ।ऽऽ।।ऽ ।।।।ऽ।।।ऽ।।।ऽ ।।ऽ।ऽ।ऽऽ।।ऽ གང་གི་ཕྱེད་ལ་བརྒྱད་པ་རྒྱད་
དག་ནི་ག །གཞན་ཡང་མཐའ་དག་ཆུ་གཏེར་ནོར་གྱིས་བསྒྱུར། །ཡང་བ་ཕྱི་མར་བཀོད་པའི་རྐང་པ་སྤྲོ། །དེ་ནི་ལུས་མེད་རྩེན་དུ་བརྗོད་པ་ཡིན། །རྐང་པ་ཐམས་ཅད་ལ་གང་དུ་ཙ་ཡིག་ཡིན་པའི་ཕྱེད་སྲ་མ་ལ་ལྕི་བ་བཅུ་དྲུག་ཡིན་ཞིང་། ཕྱེད་ཕྱི་མ་ལ་ཡང་བ་སུམ་ཅུ་རྩ་གཉིས་བཀོད་པའི་རྐང་པའི་ཚོགས་དེ་ལུས་མེད་རྩེན་དུ་
བརྗོད་དོ། །ཨཥྠཱ་བཥྚཽ་ཙཱརྡྷི་ཡ་སྱཱ་གཱཿསྱུཿསོཀྟཱཉནཾ་ག་ཀྲཱྀ་ཌཱ། པ་ཀ་ལ་མ་པ་ར་མ་པི་ས་ལི་ལ་ནི་དྷི་གུ་ཎི་ཏ་བ་སུ་ལ་གྷུ་ཀ་མུ་པ་རི་གྷ་ཌི་ཏ་པ་ད་བི་སྲྀ་ཏི། ऽऽऽऽऽऽऽऽ ऽऽऽऽऽऽऽऽ ।।।।।।।।।।।।।।।। ।।।।।।।।।।।।।।।। འདབ་མ་སོ་སོར་བཅུ་བཅུ་བཅུ་རྣམས་ཡང་བ་བཀོད་མཐར་ལྕི་བྱས་ཤིན་ཏུ་གསལ་མཛེས་སོ། །གང་གི་རྐང་པ་
རྣམས་ལ་ཙ་ཡིག་བཞི་ཡིན་པའི་ཕྱེད་པ་གཉིས་ཀ་ལའང་། ཡང་བ་སུམ་ཅུའི་མཐར་ལྕི་བ་ཡིན་པ་དེ་ནི་ཤིན་ཏུ་གསལ་མཛེས་སོ། །པྲ་ཏི་ད་ལ་མུ་པ་ཧི་ཏ་ད་ཤ་ད་ཤ་ད་ཤ་ལ་གྷུ་ར་བ་སི་ཏི་བི་ར་ཙི་ཏ་གུ་རུ་ར་ཏི་རུ་ཙི་རཱ། ।।।।।।।।।।।।।।।।।।।।।।।।।।।।।।ऽ ཛ་མེད་རང་གི་དང་པོ་ཡིན་པ་བྷ་བྲལ་གང་ཞིག་ཙ་ད་ཀ་ད་ཀ་དང་ཙ་གསུམ་ཛ་ག་ཞེས་དུ་མ་
བུ། །རྐང་པ་སོ་སོ་ལ་གལ་ཏེ་ཙ་དང་ད་དང་ཀ་དང་ད་དང་ཀ་དང་ཙ་གསུམ་དང་ཛ་དང་ག་ཉིད་ཡིན་པ་དུམ་བུར་འགྱུར་ཏེ། བརྗོད་ཟིན་པ་ལས་གཞན་དུ་གང་ལ་ཛ་ཡིག་མེད་ཅིང་། གང་ཡང་ཚོགས་དང་པོ་མ་གཏོགས་གཞན་དུ་བྷ་ཡིག་དོར་བ་ཡིན་ནའོ། །ཙ་ད་ཀ་ད་ཀཏྲིཾ་ཙཾ་ཛ་གི་ཏི་ཁཎྜ་མཛཾ་བྷ་ར་ཧི་ཏ་མ་ནཱ་དི་མེ། ।।।।ऽ।ऽ।।।ऽ।।ऽ।।।।।ऽ।ऽ ཕྱི་མོ་
མཉམ་པའི་ཛཱ་ཏི་རྣམས་སོ། །ཛཱ་ཏི་རྣམས་བཤད་ཟིན་ཏོ།། །།བྲྀཏྟའི་སྡེབ་སྦྱོར་སྔོན་ཉིད་དུ་བརྗོད་ཟིན་པ་རྣམས་ཀྱང་ཇི་ལྟར་གཙོ་ཆེ་བ་དག་ཡིན་གྱི་མཐའ་དག་གིས་མ་ཡིན་པས། དེ་ལ་བྲྀཏྟ་རྣམས་ཀྱི་མཐའ་དག་ཉུང་ངུས་མཁས་པར་ཤེས་པའི་དོན་དུ་པྲཱསྟཱ་ར་ལ་སོགས་པ་དྲུག་བརྗོད་པར་བྱའོ། །བྲྀཏྟའི་དང་པོ་ཐམས་ཅད་ལྕི། །ལྕི་

གཙོའི་འོག་ཡང་ཕྱི་རྣམས་འདྲ། །སྔ་མར་ལྕི་འདི་པྲཱ་སྟཱར། །ཇི་སྲིད་ཐམས་ཅད་ཡང་དེ་སྲིད། །པྲཱསྟཱ་ར་བྱ་བ་ལ་བྲྀཏྟའི་དང་པོ་ཐམས་ཅད་ལྕི་བ་བྲི་བར་བྱའོ། །དེ་ནས་ལྕི་བ་གཙོ་བོའི་འོག་ཏུ་ཡང་བ་དང་། གཞན་རྣམས་འདྲ་བ་དང་། སྔ་མར་ལྕི་བ་ཞེས་བྱ་བའི་ཆོ་ག་གསུམ་རྣམས་ཇི་ལྟར་རིགས་པ་བཞིན་བྱ་སྟེ། འདི་
རྣམས་ཀྱང་ཇི་སྲིད་པྲྀཏྟ་ཐམས་ཅད་ཡང་བར་མ་གྱུར་པ་དེ་སྲིད་དུ་བྱའོ། །ལྕི་བ་རྣམས་ལ་གང་ཐོག་མ་ཡིན་པ་དེ་ལྕི་བ་གཙོ་བོ་སྟེ་དེའི་འོག་ཏུ་ཡང་བ་བྲིའོ། །དེ་ལས་ཕྱི་མ་རྣམས་སྟེང་མ་འདྲ་བ་དང་། །སྔ་མ་ལྕི་བ་རྣམས་ཏེ་དམར་སེར་གྱི་པྲཱསྟཱ་རའོ། །སྟེང་ལྕི་འོག་ཡང་པྲཱསྟཱ་ར་ལ་ཕྲེང་། །ཉིས་འགྱུར་རིང་པོ་སྡེབ་སྦྱོར་སོ་སོ་སྟེ། །ལྕི་དང་
ཡང་བའི་ཉིས་འགྱུར་ཚོགས་རྣམས་ཀྱིས། །རིམ་པ་རིམ་པར་རེ་རེ་སྤེལ་བར་བྱ། །པྲཱསྟཱ་ར་བྱ་བ་ལ་སྟེང་མ་ལྕི་བ་དང་། །འོག་ཏུ་ཡང་བ་བྲི་བར་བྱའོ། །དེ་ལྟ་བུ་ནི་རེ་ཞིག་ཡི་གེ་གཅིག་གི་སྡེབ་སྦྱོར་ཡིན་ཏེ། །སྡེབ་སྦྱོར་དང་སྡེབ་སྦྱོར་ལ་སྔ་མར་གྲུབ་པའི་ཉིས་འགྱུར་རིང་པོར་བྱ་ཞིང་། སྔར་གྱི་ཕྲེང་བ་ཉིས་འགྱུར་བར་མ་ཆོད་པའི་ལྕི་བ་
དང་ཡང་བ་རྣམས་ཀྱིས་ཕྱི་མ་རེའང་སྤེལ་བར་བྱའོ། །འདི་ནི་ཁོ་བོའི་བྲཱསྟཱ་རའོ། །འདི་འདྲ་འདི་ལྟ་ཞེས་བྱ་ལྕི། །དེ་བཀོད་འབྲས་ལས་འདབ་མ་བྱ། །མི་མཉམ་གཅིག་བཅས་འདབ་མ་ལྕི། །འདིར་མཉམ་ཡང་འབྲས་ནཥྚའོ། །གང་གི་ཚེ་མི་མཉམ་པའི་བྲྀཏྟ་གཅིག་པུ་དེ་དྲི་བར་འདོད་པ་དེའི་ཚེ་ཆོ་ག་འདིའོ། །འདི་འདྲ་བའི་རྫོགས་
པ་འདི་ལྟ་ཡིན་པ་ནི་དཔེར་ན། ཡི་གེ་བཞི་པའི་སྡེབ་སྦྱོར་ལ་བྲྀཏྟ་བཅུ་པ་ཇི་ལྟ་བུ་ཞེས་འདྲི་ན། དེ་ཉིད་དུ་བཅུ་བྲིས་ནས་ཇི་སྲིད་འབྲས་བུ་ནཥྚར་གྱུར་པ་དེ་སྲིད་དུ་འདབ་མ་བྱའོ། །འདབ་མ་ནི་ཕྱེད་དུ་བྱེད་པའོ། །དེར་གང་མི་མཉམ་པ་དེ་ལ་གཅིག་བསྣན་པ་ལས་མཉམ་པར་བྱས་ནས་འདབ་མ་བྱའོ། །འདིར་ལྕི་བ་ཞེས་བྱ་བ་ནི་མི་མཉམ་པའི་
འདབ་མ་ལ་ལྕི་བ་ཐོབ་པོ་ཞེས་པའི་དོན་ཏོ། །མཉམ་ཡང་ཞེས་པ་ནི་མཉམ་པའི་འདབ་མ་ལ་ཡང་བ་ཐོབ་བོ་ཞེས་པའི་དོན་ཏོ། །གང་དང་གང་ཐོབ་པ་དེ་དང་དེ་ཉིད་སོ་སོར་འཕྲེད་ལ་ཕྲེང་དུ་བྲི་བར་བྱའོ། །དེ་ལྟ་བུར་གྱུར་པ་ནི་འབྲས་བུ་ནཥྚའོ། །।ऽऽ। ནཥྚ་ནི་འདྲེན་བྱེད་དོ། །བྲྀཏྟ་འདི་དུ་པ་ཡིན་ཞེས་པ་འདིར། །སྟེང་དུ་གཅིག་སོགས་
རིམ་པས་ཉིས་འགྱུར་བྲི། །དེར་ནི་ཡང་བའི་སྟེང་བསྡོམས་གཅིག་དང་བཅས། །འདི་ལྟ་ཉིད་ཡིན་ཞེས་པ་ཨུདྡིཥྚ། །གང་གི་ཚེ་བྲྀཏྟ་རྣམས་རང་གི་ངོ་བོས་ནི་དུ་པ་ཡིན་ཞེས་ཤེས་པར་བྱ་བ་ལ་འདི་ལྟ་བུ་མ་ཤེས་པ་དེ་ཤེས་པའི་དོན་དུ་ནི་ཨུདྡིཥྚའི་ཆོ་གའོ། །དཔེར་ན་ཡི་གེ་བཞི་པའི་སྡེབ་སྦྱོར་ལ་ལྕི་བ་གཉིས་དབུས་ན་ཡོད་པའི་བྲྀཏྟ་དུ་

པ་ཡིན་ཞེས་འདྲི་ན། བྲྀཏྟ་དེ་ཉིད་ཀྱི་རི་མོ་ཐོར་ལོང་དུ་བྲིས་ནས། རི་མོ་རྣམས་ཀྱི་སྟེང་དུ་གཅིག་ལ་སོགས་པ་རིམ་གྱིས་ཉིས་འགྱུར་དུ་སོང་བ་རྣམས་རིམ་པས་བྲི་སྟེ། དེ་ལྟ་བུས་དེ་གསལ་བར་བརྗོད་པར་བྱའོ། །དེ་ལ་ཡང་བ་རྣམས་ཀྱི་སྟེང་གི་ཨངྐ་གང་ཡིན་པ་དེ་རྣམས་ནི་ཡང་བའི་སྟེང་སྟེ། དེ་རྣམས་བསྡོམས་ལ་གཅིག་དང་
བཅས་པ་བྱའོ། །དེ་ལྟར་བྱས་པས་གྲངས་གང་རྙེད་པ་དེ་འདི་ལྟ་བུ་ཡིན་ནོ་ཞེས་པ་ནི་ཨུདྡིཥྚར་རིག་པར་བྱའོ། །।ऽऽ। འདིར་ཡང་བའི་སྟེང་དུ་གཅིག་དང་བརྒྱད་དོ། །དེ་དག་བསྡོམས་པས་དགུ་སྟེ་གཅིག་དང་བཅས་པས་བཅུའོ། །དེ་ལྟ་བུས་དེ་བྲྀཏྟ་བཅུ་པའོ་ཞེས་པར་འགྱུར་རོ། །ཨུདྡིཥྚའི་ཆོ་གའོ། །གཟུགས་བཀོད་
ཡི་གེའི་གྲངས་ཀྱིས་བསླང་། །མཉམ་པ་སྟེང་དུ་བཅུག་པ་ཡིས། །ལངས་པ་རིམ་པས་ཐུང་ངུ་སྟེ། །བྲྀཏྟ་ཡང་མེད་གཅིག་ཡང་སོགས། །སྡེབ་སྦྱོར་འདི་ལ་བྲྀཏྟ་ཡང་བ་མེད་པ་རྣམས་ནི་དུ། གཅིག་ཡང་བ་རྣམས་ནི་དུ། གཉིས་ཡང་བ་རྣམས་ནི་ཞེས་པ་ལ་སོགས་པ་གང་གི་ཚེ་ཤེས་པར་འདོད་པ་དེའི་ཚེ། ཡང་བའི་བྱ་བའོ། །
གཟུགས་ཞེས་པ་གཅིག་ཅེས་པའི་དོན་ཏོ། །དེ་ལ་ཐོག་མ་ཉིད་དུ་འོག་ཏུ་གཅིག་བཀོད་ནས་དེ་སྟེང་དུ་རིམ་པས་བསླང་བར་བྱ་སྟེ། རང་རང་གི་འོག་མ་མཉམ་པ་རྣམས་ཀྱི་སྟེང་མ་སྟེང་མར་ཡི་གེ་དང་མཉམ་པའི་གྲངས་ཀྱིས་གཞུག་གོ། །དཔེར་ན་ཡི་གེ་བཞི་པའི་སྡེབ་སྦྱོར་ལ་བཞི་རྣམས་ཀྱིས་སོ། །དེ་ལྟ་བུས་རེ་རེ་བ་ལྔར་འགྱུར་རོ། །
༡༡དེ་ལ་ལངས་པ་གཅིག་དང་གནས་པ་བཞིའོ། །རིམ་པས་ཐུང་དུང་བྱས་པའི་ལངས་པ་གཞན་རྣམས་ལ་གནས་པ་གསུམ་དང་། གནས་པ་གཉིས་དང་། གནས་པ་གཅིག་སྟེ། ༡༡༡༤༤༤༣༦༦༢༣༡༡༡༡ དེ་ལྟར་རྫོགས་པའི་ལས་ལ་མེད་པ་དང་། གཅིག་དང་གཉིས་དང་གསུམ་ལ་སོགས་པ་དེའི་མཐར་ཐུག་པ་རྣམས་ངོས་སུ་བྲི་བར་བྱའོ། །ཅི་
༢༢ཞིག་འགྲུབ་པར་འགྱུར་ཞེ་ན། ཡང་བ་མེད་པ་གཅིག་དང་། གཅིག་ཡང་བ་བཞི་དང་། གཉིས་ཡང་བ་དྲུག་དང་། གསུམ་ཡང་བ་བཞི་དང་། ཐམས་ཅད་ཡང་བ་གཅིག་གོ། །ཡང་བའི་བྱ་བ་ཇི་ལྟ་བ་དེ་བཞིན་དུ་ལྕི་བའི་བྱ་བ་ཡང་ངོ་། །དེའི་ཕྱིར་བྲྀཏྟ་ལྕི་བ་མེད་པ་དང་། གཅིག་ལྕི་བ་ལ་སོགས་པའང་བལྟ་བར་བྱའོ། །དམར་སེར་གྱི་
ཡང་བའི་བྱ་བའོ། །གཟུགས་ནི་དང་པོར་མ་བྱས་ཀྱང་། །སྟེང་གཞུག་གྲང་བྲི་དེ་ནས་འོག །གནས་པའི་རང་རང་འོག་མཉམ་བསྲེ། །བྲྀཏྟ་ཡང་མེད་གཅིག་ཡང་སོགས། །དང་པོར་གཟུགས་བྲི་བར་བྱའོ། །མ་བྱས་ཀྱང་ཡང་བའི་བྱ་བའོ་ཞེས་པ་ཡི་གེ་གཅིག་གི་སྡེབ་སྦྱོར་ལའོ། །ཀྱང་གི་སྒྲས་བྱས་ཀྱང་ངོ་། །དེ་ནས་དང་པོའི་གཟུགས་དེ་སྟེང་དུ་

གཞུག་པ་སྟེ། སྟེང་དུ་བཀོད་ནས་དེའི་གནས་སུ་སྡེབ་སྦྱོར་གྱི་ཡི་གེའི་གྲངས་བྲིའོ། །དཔེར་ན་ཡི་གེ་གཅིག་པའི་སྡེབ་སྦྱོར་ལ། ༡༡ ཡི་གེ་གཉིས་པའི་སྡེབ་སྦྱོར་ལ། དང་པོའི་གཟུགས་དེ་ཉིད་སྟེང་དུ་བཅུ་གནས་དེའི་གནས་སུ་གྲངས་བྲིའོ། །༡༢༡ ཡི་གེ་གསུམ་པ་ལ་དེ་ཁོ་ན་ལྟར་གྲངས་བྲིས་ཏེ། དེའི་འོག་ན་གནས་
པ་གཉིས་ལ་རང་གི་འོག་གི་མཉམ་པ་གཅིག་པོས་བསྲེ་བར་བྱའོ། །༡༣༣༡ ཡི་གེ་བཞི་པ་ལ་དེ་ཁོ་ན་ལྟར་གྲངས་བྲིས་ལ། དེ་ནས་འོག་ན་གནས་པ་གསུམ་དག་ལ། རང་རང་གི་འོག་གི་མཉམ་པ་གསུམ་དང་གཅིག་པོས་ཀྱང་བསྲེ་བར་བྱའོ། ༡༤༦༤༡ ། འདི་ནི་ཁོ་བོའི་ཡང་བའི་བྱ་བའོ། །བྲྀཏྟ་རྣམས་ཀྱི་གྲངས་ནི་གཟུགས། །ཟུང་གི་ཡི་གེའི་གྲངས་
སུ་སྒྱུར། །ཨུདྡིཥྚ་ཡི་ཨདྐའི་མཐའ། །ཉིས་འགྱུར་ཡང་བའི་བྱ་བ་བསྡུ། །སྡེབ་སྦྱོར་འདི་ལ་བྲྀཏྟ་རྣམས་དུ་ཞེས་པ་ཉིད་ཤེས་པར་འདོད་པ་ལ་བྱ་བ་གསུམ་སྟེ། དཔེར་ན་ཡི་གེ་བཞི་པ་ལ་གཟུགས་བཀོད་ནས་ལན་བཞིར་ཉིས་འགྱུར་གྱིས་བྱའོ། །ཡང་ན་ཨུདྡིཥྚའི་ཆོ་གའི་ཨངྐ་སྟེ། གཅིག་དང་། གཉིས་དང་། བཞི་དང་བརྒྱད་རྣམས་སོ། །
དེ་རྣམས་ཀྱི་མཐའ་སྟེ་བརྒྱད་ཉིས་འགྱུར་དུ་བྱའོ། །ཡང་ན་ཡང་བའི་བྱ་བ་སྟེ། གཅིག་དང་བཞི་དང་དྲུག་དང་བཞི་དང་གཅིག་རྣམས་ཏེ། དེ་རྣམས་བསྡུ་བར་བྱའོ། །དེ་ལྟ་བུས་བྲྀཏྟ་བཅུ་དྲུག་ཏུ་འགྱུར་རོ། །བྲྀཏྟའི་གྲངས་སོ། །གྲངས་ཉིད་ཝརྞྞ་ས་བསྒྱུར་དེ་ནས། །དེ་ཕྱེད་དེ་ནས་གཉིས་ཀའང་བསྡམ། །དང་པོར་ཡི་གེ་དབུས་ལྕི་ཡང་། །དེ་རྗེས་ཕྱི་མོ་
རྣམས་ཡིན་ནོ། །འདིར་ཝརྞྞའི་སྒྲས་གསལ་བྱེད་རྣམས་སུ་མ་ངེས་པའི་དབྱངས་ཡིག་བརྗོད་དོ། །བྲྀཏྟ་རྣམས་ཀྱི་ཡི་གེ་ལ་སོགས་པ་ཤེས་པར་འདོད་པ་ལ་ཆོ་ག་འདིའོ། །དཔེར་ན་ཡི་གེ་བཞི་པའི་སྡེབ་སྦྱོར་ལ་བྲྀཏྟའི་གྲངས་བཅུ་དྲུག་ཅེས་པ་འདི་ཉིད་དང་པོར་བྲིས་ཏེ། །ཡི་གེ་བཞི་རྣམས་ཀྱིས་བསྒྱུར་བར་བྱའོ། །དེ་ནས་ཕྱིས་དེའི་ཕྱེད་དང་།
དེ་ནས་ཀྱང་ཕྱིས་དེ་གཉིས་ཀ་བསྡམ་མོ། །ཡི་གེ། །ལྕི་ཡང་། ཕྱི་མོ། །དེ་ལ་དང་པོ་ནི་ཡི་གེ་རྣམས་ཏེ་དྲུག་ཅུ་རྩ་བཞིའོ། །དབུས་མ་ནི་ལྕི་བ་ཡང་ཡིན་ཞིང་ཡང་བ་ཡང་ཡིན་ཏེ། སུམ་ཅུ་སོ་གཉིས་སོ། །ཐ་མ་ནི་ཕྱི་མོ་རྣམས་ཏེ་དགུ་བཅུ་རྩ་དྲུག་གོ། །ཡི་གེ་དང་ལྕི་ཡང་དང་ཕྱི་མོའི་གྲངས་སོ། །ཡི་གེ་བྲྀཏྟ་གཉིས་ཀྱིས་བསྒྱུར། གཅིག་དམན་ཨ་
དྷྭ་འཕྲེད་དང་འོག །ལྕི་ཡང་རྣམས་ཀྱི་ས་དང་ནི། །དེ་ལ་བར་ཡང་མཚུངས་པའོ། །སྡེབ་སྦྱོར་འདི་ལ་པྲཱསྟཱ་ར་ཇི་ཙམ་གྱི་ཨ་དྷྭ་འཕྲེད་དང་འོག་ཏུ་ཇི་ཙམ་འགྲོ་ཞེས་པ་ཤེས་པར་འདོད་པ་ལ་ཆོ་ག་འདིའོ། །དཔེར་ན་ཡི་གེ་བཞི་པ་ལ། ཡི་གེ་བཞི་པོ་དེ་རྣམས་གཉིས་ཀྱིས་བསྒྱུར་བ་ལ་གཅིག་དམན་པ་ན་བདུན་དུ་འགྱུར་རོ། །དེའི་ཕྱིར་ནས་

སམ་སོར་ལ་སོགས་པ་བདུན་འཕྲེད་ཀྱི་ཨ་དྷྭའོ། །བྲྀཏྟ་བཅུ་དྲུག་པོ་དེ་རྣམས་གཉིས་ཀྱིས་བསྒྱུར་བ་ལ་གཅིག་དམན་པ་རྣམས་སུམ་ཅུ་སོ་གཅིག་ཏུ་འགྱུར་རོ། །དེའི་ཕྱིར་ནས་སམ་སོར་ལ་སོགས་པ་སུམ་ཅུ་སོ་གཅིག་འོག་གི་ཨ་དྷྭའོ། །དེ་ལྟར་ནི་ལྕི་བ་རྣམས་ཀྱིས་ཇི་སྙེད་པ་དེ་སྙེད་དུ་ཡང་བ་རྣམས་ཀྱིས་བརྟག་པར་
བྱའོ། །རི་མོ་རྣམས་ཀྱི་ཇི་སྙེད་པ་དེ་སྙེད་ཉིད་དུ་དེའི་བར་རྣམས་ཀྱིའོ། །པྲཱསྟཱ་ར་དང་ནཥྚ་ཨུདྡེཥྚ། །ཡང་བའི་བྱ་བ་གྲངས་དང་ཨ་དྷྭ་སྟེ། དེ་ལྟར་དྲུག་པོ་དེ་རྣམས་རིམ་པ་བཞིན། །བྲྀཏྟ་རྣམས་ལ་རྟོགས་བྱེད་རྣམས་ཡིན་ནོ། །པྲཱསྟཱ་ར་ལ་སོགས་པ་དྲུག་མཉམ་པའི་བྲྀཏྟ་རྣམས་ལ་རྟོགས་བྱེད་ཡིན་ཏེ། ཕྱེད་མཉམ་པ་ལ་མ་ཡིན་ཞིང་།
མི་མཉམ་པ་ལ་མ་ཡིན་ལ། ཛཱ་ཏི་རྣམས་ལའང་མི་རིགས་པའི་ཕྱིར་རོ། །ཇི་ལྟར་དེ་རྣམས་རྟོགས་བྱེད་ཡིན་ཞེ་ན། འདི་རྣམས་ཀྱི་གང་ལས་མ་རྟོགས་པའི་ཁྱད་པར་ཉུང་དུས་རྟོགས་པར་བྱེད་ཅིང་། བསྟན་བཅོས་མཛད་པ་རྣམས་ཀྱི་ཡང་མཁྱེན་པ་ཕུལ་དུ་བྱུང་བ་ཡང་དག་པར་རྟོགས་པར་འགྱུར་ཏེ། སྒྲ་གཅན་སྤྱོད་པ་ལ་སོགས་པ་བརྩིས་
པས་སྐར་རྩིས་པ་ལ་བཞིན་ནོ། །མཉམ་པའི་བྲྀཏྟ་རྣམས་ཀྱི་པྲཱསྟཱ་ར་མཐའ་དག་ལ་རྟོགས་བྱེད་དྲུག་རྣམས་བཤད་ཟིན་ཏོ། །བྲྀཏྟ་འམ། ཛཱ་ཏི་རེ་རེ་ལ། ལྕི་བ་དང་། ཡང་བ་དང་། ཡི་གེ་དང་ཕྱི་མོ་རྣམས་ཀྱི་གྲངས་ཤེས་པ་བརྗོད་པར་བྱའོ། །དེ་ལ་དཔེར་བརྗོད་པ་ནི་ཚིགས་སུ་བཅད་པ་གཉིས་པོ་འདི་དག་གོ། །གང་ཞིག་མཆོག་དང་གང་ཞིག་
དམ་པའི་དོན། །མ་ལུས་དོན་དམ་ལམ་འབྲས་རྟོགས་གྱུར་ཅིང་། །སྐྱེ་བོ་གང་ཡང་དེར་ནི་བསྐྱེད་མཛད་པ། །སངས་རྒྱས་ཆོས་ཚོགས་དེ་རྣམས་རྒྱལ་གྱུར་ཅིང་། །ཡཿཔ་ར་མཿཔ་ར་མཱརྠོ་ཡ་ད་ཁི་ལ་པ་ར་མཱརྠ་ག་ཏི་ཕ་ལཾ་བརྟྨེ། ཏཛྫ་ནི་ཏོ་ཡཤྩ་ཛ་ནོ་ཛ་ཡནྟི་ཏེ་བུདྡྷ་དྷརྨྨ་ག་ཎཿ། རྒྱལ་ཆོས་ནད་ལས་རྒྱལ་བ་རྒྱལ་གྱུར་ཅིག །དེ་ཡི་ལྷན་ཅིག་
སྤྱོད་མ་ཤེས་རབ་ཀྱང་། །གཉིས་ལ་ལྷག་མོས་ས་བོན་ལས་བྱུང་བ། །ལུས་ཅན་འཕགས་པའི་ཚོགས་རྣམས་རྒྱལ་གྱུར་ཅིག །ཛ་ཡ་ཏི་ཛི་ནོ་དྷརྨྨཱ་མོ་ཛ་ཡ་ཏི་ཕྲཛྙཱ་ཙ་ས་ཧ་ཙ་རཱི་ཏ་སྱ། ཨུ་པ་ཡཱ་དི་མུཀྟི་ནཱི་ཛ་པྲ་ས་ཝ་ཏ་ནཱུ་ཛ་ཡ་ཏི་ཙཱརྱ་ག་ཎཿ། འདིར་ཕྱི་མོ་རྣམས་ལྔ་བཅུ་རྩ་བདུན་ནོ། །ཡི་གེ་རྣམས་བཞི་བཅུའོ། །ལྕི་བ་རྣམས་བཅུ་བདུན་ནོ། །
ཡང་བ་རྣམས་ཉི་ཤུ་རྩ་གསུམ་མོ། །གྲངས་གཉིས་གཉིས་དག་བསྟན་ནས། ཇི་ལྟར་རིགས་པར་ཅིག་ཤོས་རྣམས་གསལ་བར་བྱ་བ་ཡིན་པས་དེ་དང་དེ་རྣམས་ནི་འོག་དང་སྟེང་དུ་བཀོད་པའི་ལས་ཀྱི་མཐའ་ལ་བལྟ་བར་བྱའོ། །ཡང་བ་རྣམས་ཀྱི་ཡི་གེ་དོར། །ཕྱི་མོའི་ཡང་བ་དོར་འདབ་མའང་། །ཡི་གེ་དོར་བའི་ཕྱི་མོ་ཡང་། །དེ་རྣམས་ཇི་སྙེད་

འདི་ལྕི་བ། ཡི་གེ་༤༠ ཡང་བ་༢༣ ཕྱི་མོ་༥༧ ཡང་བ་༢༣ ཕྱི་མོ་༥༧ ཡི་གེ༤༠ ལྕི་བ་ཇི་ཙམ་ཡོད་ཅེས་འདྲི་ན། དང་པོ་དང་མཐའ་ལ་དབྲིའོ། །དབུས་སུ་ཕྲི་ནས་འདབ་མའོ། །དེ་ལྟ་བུས་ལྕི་བ་བཅུ་བདུན་རྣམས་སུ་འགྱུར་རོ། །ལྕི་བའི་གྲངས་སོ། །ལྕི་བ་ཉིས་འགྱུར་གྱིས་ཕྱི་མོ། །ཡི་གེ་ཉིས་འགྱུར་ཕྱི་མོས་སྤངས། །ལྕི་བ་བྲལ་བའི་ཡི་གེ་རྣམས། །དེ་རྣམས་ཇི་
སྙེད་འདིར་ཡང་བ། །ཕྱི་མོ་༥༧ ལྕི་བ་༡༧ ཡི་གེ་༤༠ ཕྱི་མོ༥༧ ཡི་གེ་༤༠ལྕི་བ༡༧ དང་པོ་ལ་ལྕི་བ་རྣམས་ཉིས་འགྱུར་དུ་བྱས་ཏེ་དབྲིའོ། །དབུས་སུ་ཡི་གེ་རྣམས་ཉིས་འགྱུར་དུ་བྱས་ཏེ་ཕྱི་མོས་དབྲིའོ། །མཐར་ལྕི་བ་རྣམས་དབྲིའོ། །དེ་ལྟ་བུས་ཡང་བ་ཉི་ཤུ་རྩ་བདུན་དུ་འགྱུར་རོ། །ཡང་བའི་གྲངས་སོ། །ལྕི་ཡང་བསྡོམས་པ་ཇི་སྙེད་དེ། །ཕྱི་མོ་ལྕི་བྲལ་
ཇི་སྙེད་དོ། །ཇི་སྙེད་ཕྱི་མོ་ཡང་། བསྡོམས་འདབ། །དེ་སྙེད་འདིར་ནི་ཡི་གེ་རྣམས། ལྕི་བ་༡༧ཡང་བ༢༣ཕྱི་མོ་༥༧ལྕི་བ་༡༧ཕྱི་མོ་༥༧ ཡང་བ་༢༣ དང་པོ་ལ་བསྣན་ནོ། །དབུས་སུ་དབྲིའོ། །མཐར་བསྣན་ནས་འདབ་མའོ། །དེ་ལྟ་བུས་ཡི་གེ་བཞི་བཅུ་རྣམས་སུ་འགྱུར་རོ། །ཡི་གེའི་གྲངས་སོ། །ལྕི་བ་ཉིས་འགྱུར་ཡང་བ་བསྲེ། །ཡི་གེ་ཉིས་འགྱུར་ཡང་རྣམས་དོར། །ལྕི་བ་བསྲེས་པའི་ཡི་གེ་རྣམས། །དེ་རྣམས་ཇི་
སྙེད་འདིར་ཕྱི་མོ། །ཡང་བ་༢༣ལྕི་བ་༡༧ ཡི་གེ་༤༠ཡང་བ་༢༣ཡི་གེ་༤༠ལྕི་བ་༡༧ དང་པོ་ལ་ལྕི་བ་རྣམས་ཉིས་འགྱུར་བྱས་ཏེ་བསྣན་ནོ། །དབུས་སུ་ཡི་གེ་རྣམས་ཉིས་འགྱུར་བྱས་ཏེ་ཡང་བ་རྣམས་དབྲིའོ། །མཐར་བསྲེའོ། །དེ་ལྟ་བུས་ཕྱི་མོ་ལྔ་བཅུ་རྩ་བདུན་དུ་འགྱུར་རོ། །ཕྱི་མོའི་གྲངས་སོ། །རྒྱལ་བའི་རིག་པ་འདི་ལ་བདག་དད་པའི། །བསོད་ནམས་གང་ཞིག་བདག་ལ་རབ་སྐྱེས་པ། །
དེ་ཡིས་འགྲོ་རྣམས་དམ་པའི་དོན་དང་ནི། །རིག་པ་མཆོག་ལ་རབ་ཏུ་དད་གྱུར་ཅིག །རྩོད་པའི་དུས་ཀྱི་ཐམས་ཅད་མཁྱེན་པ་རིན་ཆེན་འབྱུང་གནས་ཞི་བའི་ཞབས་ཀྱིས་མཛད་པའི་སྡེབ་སྦྱོར་རིན་ཆེན་འབྱུང་གནས་ཞེས་བྱ་བ་རྫོགས་སོ།། །།འདི་ནི་ཆོས་ལྡན་ར་ཟ་བ་དང་། ཡར་ཀླུངས་པ་གྲགས་པ་རྒྱལ་མཚན་གྱིས་བསྒྱུར་བའོ། །སླད་ཀྱི་
ས་གསུམ་ན་འགྲན་ཟླ་དང་བྲལ་བའི་ཐམས་ཅད་མཁྱེན་པ་ཆེན་པོ་དོན་གྱི་སླད་དུ་མཚན་ནས་སྨོས་ཏེ། བྱང་ཆུབ་རྩེ་མོའི་ཞལ་སྔ་ནས་བསྒྱུར་བ་ལ། སླར་ཡང་དེ་ཉིད་ཀྱི་བཀས་རྗེས་སུ་གནང་བ་ལ་བརྟེན་ཏེ། བླ་མ་དེ་ཉིད་དང་། སྐྱེས་བུ་དམ་པ་རྣམས་ཀྱི་བཀའ་དྲིན་གྱིས་ལེགས་པར་བསྐྱངས་པའི་དགེ་སློང་ནམ་མཁའ་བཟང་པོས།
ཤཱཀྱའི་དགེ་སློང་སྡོམ་བརྩོན་དམ་པ་རྣམས་ཀྱི་གཙུག་རྒྱན། སྡེ་སྣོད་གསུམ་གྱི་གླེགས་བམ་གཅིག་པུ། སྐད་གཉིས་སྨྲ་བའི་དབང་པོ་དཔལ་ལྡན་བློ་གྲོས་བརྟན་པའི་ཕྱག་བྲིས་ཀྱི་རྒྱ་དཔེ་ལ་གཏུགས་ནས།དཔལ་ཨེའི་ཆོས་གྲྭ་ཆེན་པོར་བསྒྱུར་ཅིང་ཞུས་ཏེ་དག་པར་བགྱིས་སོ།། །།

༄༅༅། །རྒྱ་གར་སྐད་དུ། བྲྀཏྟ་མཱ་ལཱ་སྟཱུ་ཏི། བོད་སྐད་དུ། སྡེབ་སྦྱོར་གྱི་ཕྲེང་བའི་བསྟོད་པ། འཇམ་པའི་མགོན་པོ་ལ་ཕྱག་འཚལ་ལོ། །གཞན་དོན་བསྒྲུབ་སླད་ངག་གི་དབང་པོ་ཡི། །སྤྱོད་ཚུལ་མཉམ་དང་ཕྱེད་མཉམ་མི་མཉམ་པ། །ཞེས་པ་རྣམ་པ་གསུམ་ནི་བསྡུས་པ་སྟེ། །
རྒྱས་པ་ལས་ནི་མཐའ་ཡས་རབ་བསྟན་ཏོ། །གང་དུ་རབ་ཏུ་ངེས་པའི་དབྱིབས་གྲགས་ཤིང་། །ཐུབ་མཆོག་རྣམས་ཀྱི་མཚན་ནི་ཡང་དག་བརྗོད། །ཇི་ལྟར་རྣམ་མང་རྣམ་པར་བཀོད་པ་ཡིས། །སྡེབ་སྦྱོར་ཚིག་ཀྱང་མཆོག་ཏུ་སྤྲོས་པར་འགྱུར། །སོ་སོའི་གཟུགས་ནི་མཐོང་བ་དག་ལས་ཀྱང་། །མཐའ་དག་
རིམ་ལས་ལྕི་དང་ཡང་བ་རྣམས། །བློ་ལྡན་རྣམས་ཀྱིས་རྣམ་པར་བགྲང་བར་ནུས། །འདིར་ནི་གཞན་དག་རྗེས་སུ་སྦྱར་བས་ཅི། །ལེགས་བྱས་ཞལ་ལས་མངོན་པར་འཁྲུངས་གྱུར་པ། །ཚིག་རྣམས་དག་གི་རང་གི་རྒྱན་གཅིག་པུ། །དེ་ནི་གུས་པས་རྣམ་པར་བསམས་པ་ན། །ཁྱེད་ཀྱིས་འཁྲུལ་
པ་འཇོམས་པར་ནུས་གྱུར་ཅིག །བློ། དབྱངས། དཔལ། རྣམས། རང་ཉིད། གཅིག་པུའི། ས་གང་། རྣམ་མཛེས། རྟག་ཏུ་ཡང་། ལྷ་དང་ལྷ། མིན་སོགས་སུ། རབ་སྐྱེས་པ། དེ་ཡི་ཡོན་ཏན། དག་ལ་སྨོན་ཞིང་། ཡང་དག་བརྟེན་པས། དྲི་མ་དང་བྲལ། གཅིག་མིན་སྲིད་པར་ནི། གོམས་པས་
རྣམ་འཕེལ་བ། །རྟོགས་པའི་ཁྱད་པར་དག །ལེགས་འཆང་རྣམས་ཀྱིས་བརྟེན། །འདུན་ལ་གཱ་ཡ་ཏྲི་བཞིན། །དམ་པས་དང་པོར་བསྒྲགས་པ། །གང་ལ་སྣ་ཚོགས་དག་གི །དགེ་ལེགས་མཆོག་བྱུང་འབྱུང་བ། །ཕྱག་ན་ཨུཏྤལ་སྔོན་པོ། །སྟོན་པ་རོལ་སྒེག་གནས་ཀྱི། །སྐུ་ནི་རྐེད་པ་ཕྲ་ལྡན། །
འདི་ཡིས་རྒྱལ་བར་གྱུར་ཅིག །བཅོམ་ལྡན་དང་པོར་མཛོད་ཅིག །ཁྱོད་ཉིད་གཅིག་པུ་ལ་སྐྱབས། །སྐྱེ་བོ་བླུན་པོ་འདི་ལ། །ཅུང་ཟད་རྣམ་པར་གཟིགས་མཛོད། །ཉི་མའི་འོད་ཟེར་མི་ཟད་པ། །སོ་ག་ལྷག་པ་དང་བཅས་བཞིན། །བདེ་བར་གཤེགས་པའི་བསྟན་པ་ནི། །ཁྱོད་ཉིད་ཐོབ་ནས་རབ་ཏུ་འབར། །
རྒྱལ་བ་རྣམས་ཀྱི་གཞོན་ནོ་དག །གཞོན་ནུ་ཡི་ནི་རོལ་པ་ཉིད། །འཛིན་ཡང་ཁྱོད་ཀྱི་སྐུ་དག་ནི། །ངེས་པ་ཁོ་ནར་སྒེག་པ་ཉིད། །གང་ཞིག་རྗེས་སུ་དྲན་པས་ཀྱང་། །སྐྱེ་བོའི་ཚོགས་རྣམས་དག་གི་གཟུགས། །དམན་པའི་དངོས་དང་བྲལ་འགྱུར་ཞིང་། །གྱེན་དུ་འགྲོ་དང་ལྡན་པར་འགྱུར། །གང་གི་ཡོན་

ཏན་བསྟོད་པ་རྒྱས་ལས། །གྲོགས་དང་རྗེས་སུ་བསྔགས་པ་དག་ལ། །མཆོག་གི་གནས་སུ་རབ་འཁྲུངས་རྣམས་ཀྱིས། །མཁས་པ་གཅིག་པུ་རབ་ཏུ་སྒྲོགས་བྱེད། །གང་ཞིག་འཇིགས་རུང་གཏི་མུག་མུན་པས། །བློ་ཡི་མིག་ནི་ངེས་པར་བཀག་པའི། །སྐྱེ་བོ་དག་གི་མཉམ་དུ་གསལ་
བྱེད། །རིན་ཆེན་དབྱིག་པ་བཞིན་དུ་གྱུར་ཏོ། །མ་ལུས་འདྲེན་པ་དེ་ཉིད་ངེད་ཀྱི། །འགྲོ་བ་གསུམ་ལས་ཕུལ་དུ་བྱུང་བ། །ཐུབ་པའི་དབང་པོའི་ཕུན་ཚོགས་དག་ལ། །འཕྲོ་བ་དང་ལྡན་འཇལ་བྱེད་ཉིད་དོ། །མི་བཟད་ཉོན་མོངས་གདུང་བ་འཇོམས་ནུས། །རྫོགས་པའི་སངས་རྒྱས་རྣམས་ཀྱི་རིགས་ལ། །
ཁྱོད་ཀྱི་མཛེས་ལྡན་འདི་ཡི་རྒྱན་འཛིན། །ཆུ་འཛིན་དག་ལ་གློག་ཕྲེང་ཇི་བཞིན། །འགྲོ་བ་ཁྱེའུར་གྱུར་བ་རྣམས་ནི། །ལུགས་དག་གློག་ཏུ་འཇུག་པ་བཞིན་དུ། །མཚན་མའི་དབྱུག་པ་འཛིན་མཛད་ཁྱོད་ཀྱི། །བླ་མ་དམ་པའི་སྤྱོད་པ་མཛེས་སོ། །འགྲོ་བ་གསུམ་ལ་རང་གི་ལུགས་ནི། །གསལ་བར་བྱེད་
ཅིང་རྒྱུ་ཆེན་བློ་ལྡན། །ཁྱོད་ཀྱི་ཕྱག་མཐིལ་གཡོ་བ་དག་ནི། །ཡལ་འདབ་དག་དང་མཚུངས་པར་བྱེད་དོ། །ལྷག་པའི་དབང་ཕྱུག་ཁྱོད་ཀྱི་གསུང་ནི། །བཀྲ་བའི་ཚིག་དང་ལྡན་པས་ཐམས་ཅད། །དེ་ཉིད་རོ་ལ་དུས་མཉམ་ཉིད་དུ། །རྟོགས་པ་དང་བཅས་འཛིན་པ་འཆར་རོ། །གང་ལ་ཁྱོད་ཀྱི་ཟུར་
མིག་དག་ཀྱང་ནི། །སྐད་ཅིག་རྣམ་གནས་མཚན་མ་ཐོབ་གྱུར་པ། །དེ་ཉིད་གཅིག་པུས་འབྱོར་པ་རྒྱ་ཆེ་ལ། །གོ་འཕང་བཀོད་པ་རབ་ཏུ་ཐོབ་པར་བྱེད། །ཁྱོད་སྤྱན་ཉིད་དང་ཡོངས་སུ་འདྲིས་པ་ལ། །སྐྱེ་བོའི་ཚོགས་འདི་ལེགས་ལྡན་ཉིད་དུ་ནི། །ཉེ་བར་གྱུར་བ་རྒྱུན་དུ་གཤོལ་གྱི་གདོང་། །བཀོད་པར་གྱུར་
པའི་ས་གཞི་བཞིན་དུ་མཛེས། །མཆོག་སྦྱིན་དེ་ཡིས་ཡོངས་སུ་སྨིན་པ་ཡི། །དེ་ཉིད་སྐྱེད་བྱེད་འདི་ལ་གང་གི་ཕྱིར། །ཁྱོད་ཀྱི་གསུང་གི་ས་བོན་བཏབ་པ་ན། །ཞི་བའི་གཟུགས་ཀྱི་འབྲས་བུ་སྨིན་པར་བྱེད། །ངེས་པར་དབང་པོ་ཁྱོད་ཀྱི་སྤྱོད་པ་དག །འདིར་ནི་རབ་ཏུ་རྟོགས་པར་སུ་ཡིས་ནུས། །མུན་པ་
ལྡན་པའི་དུས་སུ་ཆུ་ལ་ནི། །ལག་འགྲོ་ཕྲུ་གུ་དག་གིས་བགྲོད་པ་བཞིན། །འོན་ཀྱང་དབང་པོ་ཁྱོད་གྲགས་ཐོས་པ་ལས། །སྐྱེས་པའི་ཀུན་དགའ་བརྟན་འཇོམས་དག་གིས་ནི། །རང་གི་ནུས་པ་རྟོགས་པས་བཀོད་པ་ཡི། །འཇིག་རྟེན་ཁ་ཡི་རྒྱན་ནི་སེལ་བར་བྱེད། །རིག་དང་ཞབས་རྣམས་དག་ནི་ཕ་རོལ་

ཐོབ་ཅིང་། །དཔལ་གྱི་གནས་གྱུར་ཁྱོད་སྐུ་རོལ་སྒེག་མཁས་པ། །སངས་རྒྱས་སྲས་པོའི་ཕྲེང་བ་དག་ནི་མཛེས་ཏེ། །ཆུ་སྐྱེས་དག་ལ་ཨ་ར་བིནྡྷ་ཇི་བཞིན། །རབ་ཏུ་གྲགས་པའི་རིགས་ནི་འཆར་བྱེད་རི་བོ། །ཤེས་རབ་སྣང་བ་ཐབས་ཀྱི་ཤིང་རྟ་ལ་གནས། །བླུན་པོ་རྣམ་པར་འཇོམས་ནུས་འཇིག་
རྟེན་གསུམ་གྱི། །པདྨོ་ཅན་གྱི་ཉི་མ་ཁྱོད་ལ་འདུད་དོ། །སངས་རྒྱས་སྲས་རྣམས་མངོན་པར་འབྱུང་བའི་ས་ནི། །མགོན་པོ་ཁྱོད་ཀྱི་འབྱོར་བ་མཆོག་ཏུ་མཛེས་ཏེ། །རི་ཡི་ཁྱད་པར་དག་གེ་རྩེ་མོའི་ས་ནི། །གསེར་ལྡན་རིན་ཆེན་མྱུ་གུས་མཛེས་པ་བཞིན་ནོ། །མ་ལུས་མཁས་པའི་ཚིག་ནི་ཀུན་དགའ་
ལྡན་པས། །མགོན་པོ་འཇིག་རྟེན་གསལ་བར་མཛོད་པ་ཁྱོད་ཀྱི། །རྣམ་རྒྱལ་སྒྲ་ནི་རྒྱས་པར་བྱེད་ཅིང་རྒྱུ་སྟེ། །ཇི་ལྟར་ཀུན་དུ་སྒྲོགས་པར་བྱེད་མེད་པ་བཞིན། །རྒོལ་བའི་ཚོགས་ཀྱི་རབ་མཆོག་མགོ་བོའི་ཆུ་སྐྱེས། །བློ་ལྡན་དཔལ་གྱི་གནས་གྱུར་ཁྱོད་གསུང་འཇིག་རྟེན། །ཡོན་ཏན་སྦྲང་
ཆང་སྦྱོར་བས་མྱོས་པས་མཁས་པ། །རྣམས་ཀྱང་མྱོས་པར་བྱེད་ཅིང་རྣམ་པར་རོལ་ལོ། །རྒྱལ་བ་ཀུན་གྱི་འཁོར་ལོས་སྒྱུར་བ་རྣམས་ཀྱི། །རིགས་ཀྱི་རྒྱན་གྱུར་ཁྱོད་ལ་གསལ་བ་ཉིད་དུ། །གཞོན་ནུ་ཉིད་ཅེས་བྱ་བར་འདོད་པ་དེ་ནི། །རྨ་བྱའི་འགྲོས་ལ་དམན་པ་ཉིད་གྱུར་བཞིན་ནོ། །དག་ཅིང་རྣམ་
མཛེས་ཡན་ལག་སོ་སོ་དག་ཏུ། །རབ་གསལ་རང་གི་མཛེས་པ་ཕུན་སུམ་ཚོགས་པ། །སྣ་ཚོགས་རྣམ་པར་འཕྲོ་བའི་འོད་ཟེར་ཕྲེང་ལྡན། །ཁྱོད་ཀྱིས་རྒྱན་ཕྲེང་ཟིལ་གྱིས་མནན་པར་གྱུར་ཏོ། །སྨྲ་བ་པོ་བདག་དེ་ཉིད་ཚུལ་འཆད་སྒྲུབ་ལ། །ཁྱོད་ཀྱི་ལག་གཡོ་ཕན་ཚུན་ཕྲད་པ་དག་ལས། །སྒྲ་སྙན་
སྒྲོགས་པར་བྱེད་ཅིང་གདུབ་བུ་དག་ནི། །གཡོ་བ་དག་གིས་འགྲོ་རྣམས་བསྲུང་བར་གྱུར་ཅིག །ཁྱོད་ཀྱི་གཟུགས་དང་ཡོན་ཏན་ཚོགས་དང་གྲགས་པ་དག །ཕུལ་བྱུང་ལྡན་འདི་མ་ལུས་ཡང་དག་མཐོང་གྱུར་ནས། །རང་གི་ཡུལ་ལ་དགའ་བྲལ་རྣམ་པར་འཛིན་བྱེད་ཅིང་། །གསུམ་བསྔགས་དག་ལ་འགྲོ་
བ་དམན་པར་ཉེ་བར་གྱུར། །གཙོ་བོ་ཁྱོད་ཀྱི་སྐུ་ནི་ཀུན་ནས་བཟང་ལྡན་པ། །མི་ཆུང་རྩེ་བ་དག་གི་ཁུ་བ་ལྟ་བུ་ཡི། །མཛེས་པའི་རྒྱུན་ནི་དཔེ་མེད་རབ་ཏུ་འཕྲོ་བ་དག །སུ་ཡི་དགའ་བ་དག་ནི་སྐྱེད་པར་བྱེད་མ་ཡིན། །སྟོན་ཀའི་བདུད་རྩིའི་ཟེར་གྱི་འོད་ཟེར་འཕྲོ་བ་དང་། །ཁ་བ་དང་མཚུངས་དྲི་མ་

དང་བྲལ་དཀར་བ་ཡི། །མུ་ཏིག་ཕྲེང་བ་ཟླུམ་པོ་འདི་ནི་ཁྱོད་ཐུགས་ལ། །ཡོན་ཏན་ཚོགས་པ་བཞིན་དུ་ཁྱོད་ལ་རྣམ་པར་མཛེས། །རིང་དུ་རྒྱས་པའི་དྲི་བཟང་དག་ལ་ཆགས་གྱུར་ཅིང་། །ལེགས་པར་འོངས་པ་བུང་བའི་ཚོགས་ནི་སྒྲོགས་བྱེད་པས། །ཡིད་བཟང་དག་ལས་
ཡིད་བཟང་ལྡན་པ་ཛཱ་ཏི་ཡི། །གྲགས་པ་རྣམ་པར་རྒྱལ་བ་བཞིན་དུ་སྒྲོགས་བྱེད་ཅིང་། །དྲི་བཟང་རབ་གསལ་སྦྲང་རྩིའི་གཏེར་ནི་ལྷག་གྱུར་པ། །གཞི་མཉམ་དག་གི་ཕྱེ་མ་འཛིན་པ་བཞིན་དུ་ནི། །འདབ་མར་བདེར་ཉལ་བུད་པའི་རྩེ་དགའ་ཡོངས་མ་རྫོགས། །ཁྱོད་ཀྱི་ཆུ་སྐྱེས་སྔོན་པོའི་
དཔལ་འདི་རྣམ་པར་མཛེས། །གང་གི་ཡུན་རིང་དག་ཏུ་མིག་འཛུམས་བྲལ་བར་ནི། །འདི་འཐུང་བྱེད་པ་མིག་གི་ཚོགས་པ་ཐོབ་གྱུར་པ། །ཁྱོད་ཀྱི་གཟུགས་ཀྱི་བཅུད་ལེན་གོམས་པར་གྱུར་པས་ན། །ནོར་ལྷ་ཁོ་ན་མང་དུ་མཆོད་པར་བྱ་བའི་མཆོག །རིན་ཆེན་ཟུར་ཕུད་ཚོགས་བཏུད་རབ་ཏུ་དགའ་
ལྡན་ཞིང་། །ལག་པའི་ཐལ་མོ་སྦྱར་བས་སྐལ་ལྡན་རྣམས་ཀྱི་ནི། །གུས་པས་ཡུན་རིང་དག་ཏུ་བྱ་བ་གཞན་བྲལ་བར། །ཁྱོད་ཀྱི་ཞབས་གཉིས་འདི་ནི་ཉེ་བར་བསྟེན་གྱུར་ཏོ། །བློ་ཡི་དབང་པོ་ཁྱོད་ཀྱི་ཞབས་ཀྱི་པདྨོ་དག །ཉེ་བར་བསྟེན་པ་གལ་ཏེ་རབ་ཏུ་གྲུབ་གྱུར་ན། །དབང་པོའི་འབྱོར་བ་ཚངས་པ་
དག་གི་དཔལ་གྱིས་ཅི། །དེ་དག་ལས་ཀྱང་ཁྱད་འཕགས་ཕུན་སུམ་ཚོགས་པས་ཅི། །ཁྱོད་བསྟེན་དག་ལས་ཕྱི་རོལ་ཕྱོགས་རྣམས་དབང་མེད་དུ། །དྲག་པོའི་ལས་དང་ཉོན་མོངས་དག་གིས་ངེས་པར་ནི། །སྐྱེ་བ་བགྲོད་དཀའ་འདི་ལ་ཉམས་པ་ཐོབ་བྱེད་དེ། །ཆུ་གཏེར་དབུས་སུ་རླུང་དང་རླབས་ཀྱི་
གྲུ་གཟིངས་བཞིན། །ཤིན་ཏུ་མཐའ་བྲལ་སྲིད་པ་དག་གི་བར་དུ་ནི། །སྐྱོན་མེད་རིང་དུ་མཐོང་བའི་ཡིད་ཅན་རྣམ་དག་གི །ཁྱོད་ནི་ཡོངས་བསྟེན་ཡིད་ཀྱི་ཤིང་རྟ་འཕྱར་གྱུར་པ། །སེམས་ཀྱི་རྒྱུད་ནི་ཅི་ཡི་རྣམ་པར་འཕྲོ་བ་ཡིན། །ཁྱོད་ཀྱི་ཟུར་མིག་གཟིགས་པ་ཡིས་ཀྱང་བསོད་ནམས་སྐབས། །
འཕགས་པའི་བདེན་པའི་བདུད་རྩི་དག་ནི་ཐོབ་གྱུར་ཅིང་། །རྣམ་པར་འཕྲུལ་བ་བཞི་ཆད་དག་ལ་དགའ་བ་ནི། །ཤེས་རབ་རབ་ཏུ་རྒྱས་ལྡན་ཅི་ཡང་འབྱུང་བར་འགྱུར། །གདུད་པ་གཅོད་བྱེད་བསྟོད་པའི་ཚོགས་རྣམས་དག་གི་གནས། །ཤིན་ཏུ་དམ་པའི་ཡིད་འཕྲོག་ཁྱོད་ཀྱི་གྲགས་པ་ནི། །

སྡུག་ལྡན་ཟླ་བའི་ཟླ་འོད་རླན་ལྡན་ཙནྡན་ལྟར། །དཀར་བ་དག་གས་ཕྱོགས་བཅུ་ཤིན་ཏུ་བརྒྱན་པར་གྱུར། །རྩེ་མོ་དུ་མས་མཐོ་ཞིང་མངོན་པར་འཕགས་གྱུར་པ། །ཡང་དཀའ་སེམས་ཅན་ལྟ་བ་ཁྱོད་ལ་བསྟེན་པ་ལས། །རིམ་གྱིས་རབ་ཏུ་ཉམས་པར་འགྱུར་ཏེ་མི་བཟད་པའི། །དབང་པོའི་རྡོ་
རྗེས་བསྣུན་བཅོམ་རི་ཡི་གཟུགས་བཞིན་ནོ། །རྣམ་རྒྱས་ཆོས་ཀྱི་མངའ་བདག་དངོས་པོ་ལེགས་ལྡན་པ། །རབ་མཐོ་སེང་གེའི་ཁྲི་ལ་ཡང་དག་བཞུགས་པ་ཁྱོད། །ཞི་བའི་དབང་པོ་ཉེ་དབང་རྡོ་རྗེའི་མཚོན་བྱེད་པོ། །ཞི་བ་འདོད་པ་རྣམས་ཀྱིས་ཉེ་བར་བསྟེན་པར་གྱུར། །དེ་མ་ཐག་ཏུ་རབ་བརྗོད་
མཚན་ཉིད་འབྱོར་གྱུར་པ། །ཁྱོད་ཀྱི་ཞབས་དག་མཉན་འོས་བགྲོད་པ་སྤྲོས་པ་ཡང་། །གང་དག་རྣམས་ཀྱི་མིག་གི་སྤྱོད་ཡུལ་དུ་གྱུར་པ། །དེ་དག་ལྷ་རྣམས་ཉེ་བའི་རིས་ཏེ་བསྔགས་པར་འོས། །རབ་འདོད་བདག་ཉིད་ཡོན་ཏན་ཐམས་ཅད་རྗེས་སུ་འཕྲོག་བྱེད། །གཞན་དག་ཡོད་པར་གྱུར་ཀྱང་ཐེ་ཚོམ་
མེད་པར་ཁྱོད་ནི། །གཞན་དང་ཐུན་མོང་མིན་པའི་བློ་གྲོས་དག་གི་བདག་པོ། །ལུས་མེད་དག་ལས་རྒྱལ་བ་རིགས་ལ་གནས་པར་གསུང་ངོ་། །བྱིས་པའི་དབྱིབས་ཅན་མཛེས་ཤིང་རྣམ་པར་བཀྲ་བའི་རྒྱན་ལྡན། །གསེར་གྱི་མདོག་ཅན་མི་འཁྲུགས་ཅོད་པན་དག་དང་བཅས་ཤིང་། །ཐུབ་དབང་
རིགས་ཀྱི་རྒྱན་ནི་འབྱུང་བ་དག་གི་དཔལ་གྱུར། །ངག་གི་དབང་ཕྱུག་ལ་ནི་ངག་བློ་ལུས་ཀྱིས་འདུད་དོ། །ཚིག་བཟང་རྣམས་ཀྱི་ཚིག་ནི་ཤིན་ཏུ་མང་པོ་ཡིས་ཀྱང་། །ལྷག་པའི་མགོན་པོ་ཁྱོད་ཀྱི་ཡོན་ཏན་ཕ་རོལ་མ་ཕྱིན། །བདག་གི་སྟོན་པ་རབ་ཏུ་ཉུང་བ་འདི་ཡང་། །རང་ཉིད་དགའ་བ་ཙམ་བསྐྱེད་
སྐལ་བ་བཟང་པོ་ཉིད་དོ། །དབྱངས་ཅན་དབང་པོ་ཁྱོད་ལ་དབྱངས་ཅན་ཡོན་ཏན་རབ་འབར། །གསལ་ལྡན་མ་ལུས་རྒྱན་རྣམས་དག་གིས་བསྔགས་པར་འོད་ལྡན། །བསོད་ནམས་བསྟེན་པའི་ཞལ་གྱི་ཆུ་སྐྱེས་ལས་ནི་འབྱུང་རྙེད། །དམ་པའི་ཡོན་ཏན་ཕྲེང་ལྡན་རང་ཉིད་ཉེ་བར་བསྟེན་ཏོ། །མདའ་ལྔ་
པ་ཡི་མདའ་དེ་དག་ནི་བཅོམ་པ་དག་དང་། །ཞེ་སྡང་མ་དག་གླན་ཞིང་རྨོངས་པའི་བླུན་པ་ངེས་སེལ། །མགོན་པོ་འཇིག་རྟེན་གསུམ་པོ་རྗེས་འཛིན་གྱིས་འབྲེལ་གཟུགས་ཅན། །ཁྱོད་ཉིད་ཀྱི་ནི་མཐུ་ལས་ཡོན་ཏན་སྣ་ཚོགས་ལེགས་ཐོབ། །ཤིན་ཏུ་བརྟན་ལས་ཡོན་ཏན་ཚོགས་ཀྱི་རིན་ཆེན་བཀྲ་

བས། །ནང་གི་ཡོངས་སུ་གང་བས་ཆུ་ཡི་ཕུང་པོའི་ལུགས་དང་། །ཀུན་ནས་ཉོན་མོངས་མེ་རབ་ཞི་བྱེད་དམ་ཆོས་ཆུ་ཡི། །ཆར་རྒྱུན་དག་གིས་ཆུ་འཛིན་ཕྲེང་བའི་རོལ་བ་འཛིན་ནོ། །ཁྱོད་ཀྱི་མདུན་དག་ཏུ་ནི་མཆོག་དང་དམ་པར་རབ་འདོད། །སྤོབས་པ་དག་དང་བྲལ་བའི་
ཕྱིར་ལ་སྨྲ་བ་པོ་རྣམས། །མྱུར་བ་དང་ནི་བུལ་བར་བརྗོད་པའི་ཚིག་རྣམས་དག་ཀྱང་། །ལྐུགས་པའི་གནས་སྐབས་དག་ནི་རྙེད་སླར་མང་དུ་བཞེད་དོ། །འགྲོ་བ་གསུམ་པོ་དག་ཀྱང་གཙང་མ་ཉིད་དུ་བྱེད་ཅིང་། །བསིལ་ཟེར་ལྡན་པའི་ཟེར་ལྟར་རབ་ཏུ་དཀར་བའི་འོད་ཅན། །གྲགས་པ་དག་ནི་ཡུན་
རིང་གནས་པ་ཁྱོད་ལས་འབྱུང་སྟེ། །ལྷ་ཡི་རི་རྩེ་ལས་ཀྱང་དལ་གྱིས་འབབ་པ་དག་གོ། །བརྩེ་བ་དག་གི་རང་གནས་ཁྱོད་ཀྱི་གྲགས་པ་འདི་ཡིས། །མཁས་པ་དག་གི་སྙིང་ནི་ཤིན་ཏུ་འཕྲོག་པར་བགྱིད་དེ། །ཕྱོགས་ཕྱོགས་དག་ཏུ་ཀུནྡའི་འཁྲི་ཤིང་ཀུན་ནས་རབ་ཏུ། །རྒྱས་པའི་མེ་ཏོག་
ཚོགས་ནི་བསགས་པ་དག་གི་བཞིན་ནོ། །ཆོས་དབྱིངས་གསུང་གི་དབང་ཕྱུག་དག་གི་རལ་བ་འཛིན་ཅིང་། །སངས་རྒྱས་མང་པོ་བྱ་བ་སྤྲུལ་པ་ལ་ནི་མཁས་གྱུར། །བརྩེ་བའི་ཆུ་གཏེར་མཛེས་པའི་ཚོགས་པ་ཉེ་བར་འཛིན་པ། །སུ་ཞིག་འདི་ནི་འགྲོ་བ་རྣམས་ཀྱི་སྡིག་པ་འཇོམས་སོ། །མཁའ་ཡི་
རླབས་ལྡན་དག་གི་གཡོ་བའི་རླབས་ཀྱི་འོད་ནི། །འོད་ཟེར་ཚོགས་ལ་རྣམ་པར་རེག་པར་གྱུར་བ་བཞིན་དུ། །ཡ་མུ་ནི་ཡ་ཆུ་ཡི་དབའ་རླབས་ལྟ་བུར་སྔོ་བ། །ཁྱོད་ཀྱི་རལ་གྲི་སྐབས་གཞན་དག་ཏུ་རྣམ་རོལ། །ཞེས་པ་འདི་ནི་མཁས་པ་ཆེན་པོ་སྟག་སྡེ་བ་སེང་གེ་རྒྱལ་མཚན་གྱི་སྲས་ཀྱི་ཐུ་བོ། ཕྱི་དང་
ནང་གི་གཞུང་ལུགས་རྒྱ་མཚོའི་ཕ་རོལ་དུ་སོན་པ། དེ་དུས་ན་འགྲན་ཟླ་དང་བྲལ་བའི་མཁས་པ་ཆེན་པོ་སྐད་གཉིས་སྨྲ་བ་རྣམས་ཀྱི་གཙུག་གི་ནོར་བུ་ཤང་སྟོན་རྡོ་རྗེ་རྒྱལ་མཚན་གྱི་ཞལ་སྔ་ནས་བསྒྱུར་རོ།། །།༄༅༅། །སིདྡྷི་རསྟུ། མགོན་པོ་རང་གི་གཟུགས་ཀྱི་བདག་པོ་ཁྱོད་ཀྱི་
གཟུགས་ནི། །ཡིད་འཕྲོག་དོ་ཤལ་ཕྲེང་བས་དགའ་འོས་འདི་འདྲ་གང་ན། །ཤིན་ཏུ་གདུལ་དཀའི་སེམས་ཅན་ཞི་བའི་ཆེད་དུ་འཕྲོ་བའི། །འཇིགས་རུང་རྒྱན་ཆ་ལག་འགྲོ་རབ་ཏུ་ཐོབ་པའང་གང་ན། །དབང་པོ་བར་མཚམས་མེད་པའི་མུ་ཏིག་རྣམས་ཀྱི་ཚོགས་ཀྱིས། །བརྒྱན་པ་ཁྱོད་ཀྱི་སྐུ་འདི་རབ་

མཛེས་མ་ལཱི་ཀྴ་ཡི། །དུས་སུ་བསྟེན་པ་འོས་པ་མེ་ཏོག་ཕྲེང་བ་གསར་བ། །ལྡན་པ་ལྟ་བུར་སུ་ཡི་སྙིང་ནི་འཕྲོག་པར་མི་བྱེད། །མགོན་པོ་ཀྭ་ཡེ་གལ་ཏེ་ཁྱོད་ཀྱི་མཛེས་པ་བདུད་རྩིའི། །།ཆུ་གཏེར་རླབས་ཆེན་བྱས་པར་ངལ་བ་མཆོག་ཏུ་སྟོན་ན། །འགྲོ་བའི་མིག་ནི་རབ་ཏུ་མཛེས་པར་རྟོགས་པར་
བྱེད་པར། །མངོན་པར་འདོད་པ་དག་དང་ལྡན་པར་འགྲོ་བར་བྱེད་དོ། །མཆོག་སྦྱིན་སྲིད་ལས་འདས་པར་བདག་གི་ཡན་ལག་རྣམས་ནི། །གདོན་མི་འཚལ་བར་གསལ་བ་ཁོ་ནར་དགའ་བ་དང་བྲལ། །བསྟེན་པར་འབྱུང་མོད་ཁྱོད་ཀྱི་གསུང་གི་བདུད་རྩིའི་བཏུང་བའི། །སྣོད་གྱུར་རྣ་བ་ཟུང་སྦྱར་
པ་འདི་དགའ་བའི་རྒྱུའོ། །མཐུ་སྟོབས་མཉམ་པ་མེད་པ་གང་ཞིག་ཁྱོད་ལ་བསྟེན་ཡང་། །ཞི་བའི་བདུད་རྩི་བཅུད་རྣམས་ལ་ནི་དགའ་དང་བྲལ་བ། །བླུན་པོ་གཡེངས་པའི་བློ་ཅན་བདག་ལྟ་བུ་ཡི་སྐྱེ་བོ། །མི་འབྱུང་འགྱུར་བའི་རབ་མཆོག་གཅིག་པོ་འདི་ནི་ཁྱོད་ལ་སློང་ངོ་། །ལུས་འཛིན་རྣམས་
ཀྱི་མིག་གི་དགའ་སྟོན་སྒྲུབ་ལ་ཟླ་བ། །ཁྱོད་ཀྱི་དྲིན་གྱིས་དགེ་བ་ཡང་དག་རྒྱས་པའི་དབང་ལས། །སྐྱེ་བོ་མཁས་རྣམས་སྲིད་པ་ཞིག་པ་རྣམས་ཀྱི་ལམ་ནི། །དབྱེ་བ་བརྒྱད་དང་ལྡན་པར་བདེ་བླག་ཁོ་ནར་འགྲོའོ། །ངག་གི་རྒྱལ་པོ་ཁྱོད་ཀྱི་ཞབས་ལ་བརྟེན་པའི་བློ་ཡིས། །སྙིང་པོ་ཐོབ་པའི་སྐལ་
ལྡན་རྣམས་ནི་འགྲོ་བ་ཀུན་དུ་འང་། །བདེ་དང་སྡུག་བསྔལ་ཁྱད་པར་འཕགས་ལ་སོགས་པའི་རྒྱུ་ནི། །སྐྱེས་པ་རྣམས་ཀྱིས་དྲན་པ་ཉམས་པར་འགྱུར་བ་མེད་དོ། །ཁྱོད་ཀྱི་ཞབས་དག་ཡོངས་སུ་བསྟེན་པར་འོས་པ་རྣམས་ཀྱི་ཡིད། །མ་ལུས་དྲི་མའི་ཚོགས་དང་བྲལ་ལས་གསལ་བའི་ངང་ཚུལ་ཅན། །རབ་
ཏུ་རྒྱས་པའི་ཡོན་ཏན་དག་གིས་ཆེ་བའི་བློ་གྲོས་དག །ཕུན་ཚོགས་རང་བཞིན་བདེ་བ་ཅི་ཡང་འགྲོ་བར་སྐྱེད་པར་བྱེད། །དག་པར་བྱས་པའི་གསེར་ལྡན་མཛེས་པའི་སྐུ་ཅན་མཆོག་ཏུ་སྒེག །གསལ་བའི་གསུང་གི་ངང་མོ་རྣམས་ཀྱིས་བསྟེན་བྱ་རྒྱལ་བ་ཡི། །ཡིད་མཚོར་པད་སྡོང་ལྡན་པ་གཅིག་པོར་
ངང་པ་སྙན་སྒྲོགས་ཏེ། །འཇམ་པའི་དབྱངས་ཞེས་གྲགས་པས་འདིར་ནི་ཁྱོད་ལ་བསྲུང་གྱུར་ཅིག །མགོན་པོ་བཟོད་པར་དཀའ་བའི་ཉོན་མོངས་འདི་གསུམ་རྣམས་ལ་ནི། །རྣམ་པར་དཔྱོད་པ་ཕྲ་མོ་དག་ཀྱང་གལ་ཏེ་བྱ་དཀའ་བར། །གསལ་བར་འགྱུར་ན་འཇིག་རྟེན་གསུམ་པོ་འདིར་ནི་མིག་དང་ཡིད། །

དགའ་བྱེད་སྐུ་འདི་འདྲ་བ་ཐོབ་པ་ངེས་པར་གང་ན་ཞིག །ཆེ་བའི་འོད་ཟེར་འཕྲོ་བའི་རིན་ཆེན་ཚོགས་རྣམས་འཛིན་པ་ཡི། །ཆུ་ཡི་གཏེར་དུ་ཆུ་རྣམས་རྣམ་པར་གསལ་བར་བྱས་ནས་ནི། །གལ་ཏེ་ངེས་པར་བལྟ་བར་གྱུར་ན་ཁྱོད་ལྟ་བུ་རྣམས་ཀྱི། །སྐུ་ལ་མཛེས་པའི་རྒྱུན་ནི་རབ་མཛེས་འདི་ལྟ་བུ་
འདི་ཡང་། །མགོན་པོ་ཟབ་མོའི་སྒྲ་དབྱངས་མཐོན་པོ་རྣམས་ཀྱིས་ཁྱོད་ལ་གང་། །ཡིད་འོང་བདུད་རྩིའི་རྒྱུན་རྣམས་འབེབས་བྱེད་དགའ་དང་སྐལ་བཟང་དག །སྤྲོ་བྱེད་སྤྱོད་ཚུལ་ཤིན་ཏུ་ཡིད་འོང་དབྱར་གྱི་ཚུ་འཛིན་གྱི། །རྗེས་སུ་གསལ་བར་འགྲོ་སྟེ་དེ་ཉིད་རྨ་བྱ་མྱོས་བྱེད་ཀྱང་། །དཔྱིད་ཟླ་བཞིན་དུ་
ཁྱོད་ལ་འགྲོ་བ་གསུམ་པོ་རབ་དགའ་བ། །བླ་མེད་སྐྱེད་བྱེད་ཨུཏྤལ་ཤིང་གི་ཡལ་ག་མིག་གི་ནི། །མཛེས་པའི་མེ་ཏོག་གིས་མཐོང་སྦྲང་རྩིས་མྱོས་པ་བུང་བ་ཡི། །སྒྲ་རྣམས་འཇམ་པའི་དབྱངས་བྱེད་ཚུལ་ཅན་འདི་ཡིས་རྒྱལ་གྱུར་ཅིག །ཁྱད་པར་འཕགས་པའི་ཡོན་ཏན་ཀུན་གྱིས་དགའ་བ་མཆོག་རབ་ཐོབ་
པ་ཡི། །ཤེས་ལྡན་སྦྲང་རྩིའི་བརྟུལ་ཞུགས་རྣམས་ཀྱིས་ཉེ་བར་བསྒྲགས་པར་བྱ་བ། །རྒྱལ་བའི་ལུགས་ཀྱི་རྒྱན་དུ་གྱུར་པ་ཁྱོད་ཀྱི་སྤྱོད་ཚུལ་ཁོ་ན། །དཔྱིད་ཀྱི་ཐིག་ལེ་ཙཱུ་ཏ་གསར་པ་དག་ནི་མིན་ནམ་སྙམ་མོ། །གདོང་པ་བསྐྱོགས་པས་གདོང་ཕྱོགས་རི་དགས་བདག་པོའི་རྒྱལ་ལ་བཅིབས་པ། །
ཐུགས་རྗེས་ཤིན་ཏུ་མཆོག་ཏུ་གྱུར་ཅིང་མངོན་པར་མཐོ་བའི་རྩ་བ། །རབ་ཏུ་མཛེས་པ་ཉིད་ཀྱིས་གསེར་དང་ཁ་བའི་རྐང་བ་བཟུང་བ། །སྨྲ་བའི་རིགས་ཀྱི་ལྷ་ཉིད་ལ་ནི་དལ་བུ་མིན་པར་ཕྱག་འཚལ། །སྤྲོས་པ་མཐའ་དག་རབ་ཏུ་ཞི་བར་གྱུར་དང་སྒྲིབ་པ་མེད་པས། །རབ་ཏུ་རྒྱས་པའི་བློ་དང་ཏིང་ངེ་འཛིན་གྱི་
བདུད་རྩི་བསྟེན་པ། །ཁྱེད་ཀྱི་ཐུབ་པའི་སྤྱོད་ཚུལ་མི་ཕན་འཇོམས་པའི་རྣམ་པར་གནོན་པས། །གཞན་གྱིས་མི་ཐུབ་པ་ཡི་སྲིད་པ་གསུམ་རྣམས་འདུལ་བར་བྱེད་དོ། །རབ་ཏུ་འཇིགས་སུ་རུང་བའི་ཡུལ་ཅན་རྣམས་ཀྱི་བརྩེ་བ་མེད་པའི། །སྤྱོད་པས་རབ་ཏུ་ཞི་བ་སྒྲུབ་པའི་ཆེད་དུ་འགའ་ཞིག་ཏུ་ཡང་། །ཐུགས་
རྗེས་ཁྱོད་ཀྱི་ཕྱག་གི་ཡོངས་འཇོམས་ཕྲེང་བ་བཞིན་དུ་འཇིགས་རུང་། །རྣམ་པ་སྣ་ཚོགས་མཚོན་ཆ་སྒྲོགས་པར་བྱེད་རྣམས་རྣམ་པར་རོལ་ལོ། །མཆོག་སྦྱིན་དགེ་ལེགས་ལོངས་སྤྱོད་དང་ནི་ཡུལ་ལ་ཆགས་པ་བྲལ་བ། །འཁྲུལ་བ་མེད་དང་བདུད་རབ་འཇོམས་དང་སྲིད་གསུམ་ལ་ཕན་ཕུན་སུམ། །ཚོགས་

པའི་གོ་འཕང་ཐོབ་དཀའ་མི་འཕྲོགས་མངོན་པར་འདོད་པ་རྣམས་ཀྱི། །དེ་ཡང་ཁྱེད་ལ་གུས་པ་ལ་སྟེ་ལམ་གཞན་གནོད་མེད་མེད་དོ། །གལ་ཏེ་དབང་པོ་རྣམས་ནི་བསྡམས་པས་འགའ་ཞིག་དག་ཏུ་གུས་པ། །གཡོ་བ་མེད་པའི་བློ་ཅན་ཁྱོད་ཀྱི་ཆ་ཤས་ཅི་ཡང་བསྒོམས་ན། །སྐྱེ་བོ་འདི་ལ་རིང་བོར་མི་ཐོགས་
ཆུ་གཏེར་སྐ་རགས་དག་གིས། །བརྒྱན་པའི་ནོར་འཛིན་འདི་ནི་རང་ཉིད་ངེས་པར་འདམ་པར་བྱེད་དོ། །ཁྱོད་ཀྱི་འདུན་སར་འཆི་མེད་བུད་མེད་རྣམས་ནི་ངེས་པར་ཡང་བྱས་ཀྱང་། །མཛེས་པ་འདོད་པ་བཞིན་དུ་རྡུལ་གྱིས་གང་བས་རྣམ་རོལ་སྤུ་ལོང་རྣམས། །མཆོག་ཏུ་ཐོན་པ་རྣམས་ཀྱི་ནུ་མ་གས་ཤིང་སྐ་
རགས་ཆེས་ཆེར་བཅིངས་པ་ཡི། །སྟོབས་ཅན་ཆེས་ཆེར་འདར་བའི་འདོད་ལྷའི་རྣམ་པར་བསྒྱིངས་པ་འཛིན་པར་བྱེད། །གང་གི་ཡན་ལག་རྣམས་ཀྱིས་དཔེ་ཡོད་མིན་པའི་དགའ་འོས་བསྟེན་པ་ཡིས། །མཆོག་ཏུ་རྒྱ་ཆེའི་གཟུགས་གཞན་མ་ལུས་རྣམས་ལ་དགའ་བར་འཕྲོག་པར་བྱེད། །སྐུ་ལུས་ཉམས་པ་མེད་
པ་དབང་པོའི་མདའ་རྟེན་རྣམ་པར་འདུལ་བ་ཡི། །གཞི་ཡི་མཆོག་རབ་སྣ་ཚོགས་འོད་ཟེར་ཕྲེང་བ་ལྡན་འདི་རྒྱལ་གྱུར་ཅིག །རྒྱལ་བའི་ཁུར་བུ་ཞལ་གྱིས་མཆེས་པ་ཁྱོད་ཀྱི་འདུན་སར་དགའ་བ་ཡིས། །ཏིང་ཏིང་ལྕགས་དང་མ་འབྲེལ་མེད་པར་བསྒྲགས་པའི་སྒྲ་སྙན་ཕྲ་མོ་ཡིས། །རྣམ་པར་བསྲེས་པའི་
རྒྱུད་མ་བསྐྱོད་པ་མཛེས་པའི་ལྔ་པ་ལྟ་བུ་དག །རང་གི་ཆེ་བ་འདོད་པའི་ཚུལ་ཅན་སྒྲ་དབྱངས་སྲེད་པ་འཆད་པར་བྱེད། །མགོན་པོ་འགྲོ་བ་ཕམ་པར་བྱེད་པའི་གླང་པོ་གཡོ་མེད་བྱེད་པ་ཡི། །ལྕགས་སྒྲོག་དྲ་བ་ལྟ་བུའི་དཔུང་རྒྱན་དག་གིས་བརྒྱན་པར་བྱས་གྱུར་ཅིང་། །ངན་འགྲོའི་ལམ་གྱི་སྒོ་གཏན་ཆེན་པོ་
རབ་དྲེགས་ཡིད་སྲུབ་འཇོམས་བྱེད་པ། །བདེ་བར་གཤེགས་པའི་དགའ་བ་ཁྱོད་ཀྱི་ཕྱག་གི་ལྗོན་ཤིང་རྒྱལ་གྱུར་ཅིག །བདག་པོ་ཁྱོད་ཀྱི་མཆོག་ལས་རྣམ་པར་རྒྱལ་བས་ཡང་དག་བསགས་པ་ཡི། །གྲགས་པའི་དཔལ་ནི་སྲིད་པའི་སྤྱི་བོར་ཆེ་བའི་ཡོན་ཏན་ཕུན་ཚོགས་པ། །འབྱུང་བར་བྱེད་པ་དྲི་མ་
མཐའ་དག་རྣམ་པར་བྲལ་བས་གཙང་བ་ཡི། །རྗེས་སུ་སྟོན་ཀའི་རི་བོང་ཅན་གྱི་ཆ་ཤས་དག་གིས་འགྲོ་བར་བྱེད། །དྲི་བཟང་དག་ལ་གསལ་བར་འདུས་པའི་སྦྲང་རྩིར་བྱེད་པའི་ན་ཆུང་རྣམས། །འཁོར་བ་བཟོད་པ་བདེ་བར་གཤེགས་པ་སྔོན་པོའི་བདེ་བ་འཕེལ་བྱེད་པའི། །ཕྲེང་བ་རོ་ཡི་ཁུ་བ་ལྡན་པ་འཆི་

མེད་བདག་པོའི་བུད་མེད་ཀྱིས། །རྣམ་པར་བཀོད་པ་འདི་ནི་ཁྱོད་ཀྱི་སྤྱི་བོར་རྣམ་པར་རོལ་པར་བྱེད། །གང་ཕྱིར་བརྩེ་ལས་འདས་བློ་ཅན་ལ་སྡོམ་བརྩོན་མིན་པའི་གོ་འཕང་བགྲོད། །འགྲོ་བ་གཞན་ལ་ཕན་པའི་མཁས་པ་རྣམས་ནི་རབ་ཏུ་རྒྱས་པར་མཛད། །ཅེས་ཏེ་ཁྱེད་ཀྱི་
ཡོན་ཏན་ཁ་བ་བསགས་པའི་མཛེས་པས་ནམ་མཁའ་ཡང་། །རང་གི་ནོར་བུ་ཉི་མ་ཉེ་བར་བཅོམ་པ་ཅན་ནི་སྐྱེད་པར་བྱེད། །ཤིན་ཏུ་དགའ་བར་མཛད་པའི་གསུང་ཅན་རྒྱུན་ཆད་མེད་པར་གསར་བ་དང་། །གསར་པར་བསྟོད་པ་སྡོམ་བརྩོན་ལེགས་པར་བསྡམས་པ་མཆོག་རྣམས་དག་གིས་
ནི། །ཡོན་ཏན་དགྲང་བྱ་མིན་པ་ཁྱོད་ཀྱི་ཡོན་ཏན་ཚོགས་ཀྱི་ཚད་རྣམས་ནི། །ཆུ་གཏེར་རྣམས་ཀྱི་ནོར་བུའི་ཚོགས་ཀྱིས་ཇི་ལྟར་ཡང་དག་འཇལ་བར་བྱེད། །ཐུགས་རྗེ་ཤིན་ཏུ་ཆེ་བ་བྱིས་པའི་བློ་ཅན་རྣམས་ཀྱིས་བཀོད་པའི་སྐྱེ་བོ། །མཐའ་དག་རྣམ་མང་རྣམས་ཀྱི་སྣ་ཚོགས་བློ་ཡི་
རོལ་པ་བྱེད་པ་རྣམས་ཀྱིས། །གཡོ་བ་མེད་པས་བརྟན་པ་མ་ལུས་འགྲོ་བ་ལ་རུང་ལོངས་སྤྱོད་རྣམས་ཀྱི། །ས་གཞི་ལྟ་བུ་ཁྱོད་ཀྱི་སྐུ་ལུས་འདི་ཡིས་འདིར་ནི་རྒྱལ་བར་གྱུར་ཅིག །བླུན་པོའི་བློ་ཅན་རྣམས་ཀྱི་ངོར་ནི་ཐུགས་རྗེ་ཡང་དག་ལྷག་ཅིང་ལྕི་བ། །དགེ་ལས་བྱུང་བ་ཡང་དག་
ཚོགས་པ་ཕྱག་གི་མཐིལ་དུ་ཨུཏྤལ་བསྣམས་པ། །རྒྱལ་བའི་རིགས་ཀྱི་ས་ཡི་ཁོར་ཡུག་རྣམས་ནི་ཁྱོད་ཀྱི་ཁུར་བུར་བསྐུར་བར། །དཀའ་བ་མིན་ཞེས་འདི་ན་བློ་གྲོས་ཆུང་ངུ་རྣམས་ཀྱང་སྒྲོགས་པར་བྱེད་དོ། །མགོན་པོ་ནམ་མཁའི་བར་དུ་བཀྲམ་པའི་ཆང་གི་དྲི་བཟང་པ་བསྣམས་པས། །
གསང་མཐོར་སྨྲ་བ་མྱོས་ཤིང་སྒྲོགས་པའི་ལག་ལྡན་ཚོགས་རྣམས་འཇོམས་པར་བྱེད་ཅིང་། །སྒྲོགས་ལ་འབད་པས་སྤྲིན་ལས་རྒྱལ་བ་གླང་ཆེན་དབང་པོའི་རྣམ་པར་རོལ་པ། །རྒྱ་ཆེ་བ་ནི་སྣ་ཚོགས་ནགས་ཀྱི་ནང་འདི་རྣམས་སུ་འཛིན་པར་མཛད་དོ། །འགྲོ་ལ་ཕན་པ་བསྒྲུབ་པར་
བྱ་བའི་བློ་ཡིས་གོ་ཆ་བཅིངས་པ་ཁྱོད་ལ། །ཡོངས་གདུང་ཕྲ་མོ་གང་ནའང་ཅི་ཞིག་ཀྭ་ཡེ་དམ་བཅས་ཉམས་པ་མེད་པ། །གང་ཕྱིར་བདུད་ཀྱི་ཆུང་མའི་སྐྱེ་བོའི་ལག་པ་དག་ནི་འདོད་པར་འོས་པའི། །འགྲམ་པའི་གཞི་ལ་མཁུར་རྩི་གསར་པ་འགོད་པར་བྱེད་ལ་ལེ་ལོ་ཁོ་ནའོ། །དཔེ་མེད་

དགའ་འོས་གཟུགས་ཅན་མྱ་ངན་རྣམ་པར་བསལ་བའི་རྒྱལ་བའི་ཚོགས་རྣམས། །གཟིགས་པ་ཁྱོད་ཀྱི་གཞོན་ནུའི་རོལ་པ་གསེར་བཟང་གིས་ནི་སྟག་གི་སེན་མོའི། །རི་མོ་བྲིས་ཤིང་རབ་མཛེས་ཟུར་ཕུད་ལྔ་རྣམས་རྣམ་པར་བཀོད་པར་བྱས་པ། །འདི་ཡིས་འཇིག་རྟེན་སྐྱོང་བ་བརྒྱད་པོ་རྣམས་ནི་ལྷག་པར་
དགའ་བར་མཛད་དོ། །ཇི་ལྟར་འདིར་ནི་ཁྱོད་ཁོ་ན་ལ་མཆོག་གི་ཉམས་ཀྱི་ཁྱད་པར་རབ་འདོད་པའི། །འབྱོར་པ་མ་ལུས་བདེ་བའི་ཡལ་གའི་རྩེ་མོ་ལྡན་པ་ཡང་དག་འབྱུང་འགྱུར་བ། །དེ་ལྟར་བདག་གིས་ཡོན་ཏན་རྣམས་ཀྱིས་ཤིན་ཏུ་ཁྱབ་པ་ལྟ་བུར་འགྲོ་རྣམས་ཀྱི། །ཅི་ཞིག་ལྟར་གྱུར་ཅིག་ཅེས་ཁྱོད་ཀྱི་འདུན་
ས་དལ་བུས་འདིར་ནི་ཡོངས་སྨིན་གྱུར། །འཆི་མེད་རི་བོའི་ལྟོ་བ་ལྟ་བུར་བྲང་གི་གཞི་ནི་རྣམ་པར་ཡངས་པ་ཅན། །ཞབས་ཀྱི་ཡལ་གའི་འོད་ཟེར་ཐང་ལས་སྐྱེས་པའི་པདྨའི་ནགས་ཀྱི་གཟུགས་བརྙན་ཏེ། །སྣང་བར་བྱེད་པ་བརྒྱ་ཕྲག་རྣམས་ལས་ལྷག་པར་གསལ་བའི་གཟི་ཡིས་བརྒྱན་བྱས་པ། །མཐར་བྱེད་དྲེགས་པ་
འཇོམས་བྱེད་སྲིད་གསུམ་མགོན་པོའི་ས་རྣམས་འཛིན་པ་རྒྱལ་གྱུར་ཅིག །རྣམ་པར་རྨོངས་པ་རྒྱ་ཆེའི་མུན་པའི་ཚོགས་ཀྱིས་ངེས་པར་བཅིངས་པ་རྣམས་ཀྱིས་ནི། །ཁྱོད་ཞབས་པདྨ་དག་ནི་བསྟེན་པའི་དགའ་སྟོན་བདེ་ལ་གལ་ཏེ་མི་གུས་ན། །ས་འོག་ཕུག་པ་རྒྱ་ཆེ་སྲིད་པ་དོག་པོ་རྣམས་སུ་གནས་པ་དོན་མེད་ཅིང་། །ཡུན་རིངས་
བདུད་རྣམས་ཀྱིས་ནི་བཅོམ་མོ་གཞོན་ནུ་རྒྱལ་བའི་རིགས་ཀྱི་ཉི་མ་ཀྱེ། །བདག་པོ་ཕྱོགས་སུ་ལྗིད་པའི་བརྩེ་བ་བསྟེན་པའི་སྡོམ་བརྩོན་རིགས་ཀྱི་ཁྱོད་ལ་ནི། །མཆོག་ཏུ་འདུས་པ་རྣམས་ཀྱིས་ཚེ་ནི་ཤིན་ཏུ་གཡོ་བ་འདི་རྣམས་བསྐུལ་བ་ནི། །བརྒྱ་ཕྲག་རྣམས་སུ་ཉེ་བར་བསྒྲུབས་པའི་འབྲས་བུ་ཆེན་པོ་ལྟ་བུར་རྣམས་བྱས་ཏེ། །
ཆུ་སྐྱེས་འདབ་མ་ལྟུང་བའི་ཆུ་ནི་རྒྱན་དུ་རུང་བའི་དངོས་པོར་གྱུར་པ་བཞིན། །མཆོག་སྦྱིན་ཁྱོད་ཀྱི་ཡོན་ཏན་རྣམ་པར་རྒྱས་དང་འདྲིས་པས་དག་པར་བྱས་པ་ཡིས། །ངག་གི་འབྱོར་པ་ཅན་ནི་སྦྲང་རྩིའི་རང་བཞིན་སྙན་ཚིག་གཞི་དང་དགའ་ལྡན་པའི།