Phạn tạng (Sanskrit Canon)rahppsau.htmNguyên tác: Sanskrit
Tán Tụng Bát-nhã Ba-la-mật (Prajñāpāramitāstotra)
Kinh thuộc hệ Bát-nhã Ba-la-mật-đa (Prajñāpāramitā), một trong những bộ kinh quan trọng nhất của Phật giáo Đại thừa, giảng về tánh Không (śūnyatā) và trí tuệ siêu việt. Dữ liệu văn bản lấy từ kho GRETIL (Göttingen Register of Electronic Texts in Indian Languages).
Văn bản gốc(Sanskrit)
PADA MARKERS For a four-pada verse: ........ $ ........ & ........ % ........ // For a six-pada verse: ........ $ ........ & ........ % ........ \ ........ # ........ // Rāhulabhadra: Prajñāpāramitāstotra nirvikalpe namas tubhyaṃ $ prajñāpāramite 'mite & yā tvaṃ sarvānavadyāṅgi % niravadyair nirīkṣyase // RahPps_1 // ākāśam iva nirlepāṃ $ niṣprapañcāṃ nirakṣarām & yas tvāṃ paśyati bhāvena % sa paśyati tathāgatam // RahPps_2 // tava cārye guṇāḍhyāyā $ buddhasya ca jagadguroḥ & na paśyanty antaraṃ santaś % candracandrikayor iva // RahPps_3 // kṛpātmakāḥ prapadya tvāṃ $ buddhadharmapuraḥsarīm & sukhenāyānti māhātmyam % atulaṃ bhaktivatsale // RahPps_4 // sakṛd apy āśaye śuddhe $ yas tvāṃ vidhivad īkṣate & tenāpi niyataṃ siddhiḥ % prāpyate 'moghadarśane // RahPps_5 // sarveṣām api vīrāṇāṃ $ parārthaniratātmanām & poṣikā janayitrī ca % mātā tvam asi vatsalā // RahPps_6 // yad buddhā lokaguravaḥ $ putrās tava kṛpālavaḥ & tena tvam api kalyāṇi % sarvasattvapitāmahī // RahPps_7 // sarvapāramitābhis tvaṃ $ nirmalābhir anindite & candralekheva tārābhir % anuyātāsi sarvadā // RahPps_8 // vineyaṃ janam āsādya $ tatra tatra tathāgataiḥ & bahurūpā tvam evaikā % nānānāmabhir īḍyase // RahPps_9 // prabhāṃ prāpyeva dīptāṃśor $ avaśyāyodabindavaḥ & tvāṃ prāpya pralayaṃ yānti % doṣā vādāś ca vādinām // RahPps_10 // tvam eva trāsajananī $ bālānāṃ bhīmadarśanā & āśvāsajananī cāsi % viduṣāṃ saumyadarśanā // RahPps_11 // yasya tvayy apy abhiṣvaṅgas $ tvannāthasya na vidyate & tasyāmba katham anyatra % rāgadveṣau bhaviṣyataḥ // RahPps_12 // nāgacchasi kutaś cit tvaṃ $ na ca kva cana gacchasi & sthāneṣv api ca sarveṣu % vidvadbhir nopalabhyase // RahPps_13 // ye tvām evaṃ na paśyanti $ prapadyante ca bhāvataḥ & prapadya ca vimucyante % tad idaṃ mahad adbhutam // RahPps_14 // tvām eva badhyate paśyann $ apaśyann api badhyate & tvām eva mucyate paśyann % apaśyann api mucyate // RahPps_15 // aho vismayanīyāsi $ gambhīrāsi yaśasvini & sudurbodhāsi māyeva % dṛśyase na ca dṛśyase // RahPps_16 // buddhaiḥ pratyekabuddhaiś ca $ śrāvakaiś ca niṣevitā & mārgas tvam ekā mokṣasya % nāsty anya iti niścayaḥ // RahPps_17 // vyavahāraṃ puraskṛtya $ prajñaptyarthaṃ śarīriṇām & kṛpayā lokanāthais tvam % ucyase ca na cocyase // RahPps_18 // śaktaḥ kas tvām iha stotuṃ $ nirnimittāṃ nirañjanām & sarvavāgviśayātītāṃ % yā tvaṃ kva cid aniśritā // RahPps_19 // saty evam api saṃvṛtyā $ vākpathair vayam īdṛśaiḥ & tvām astutyām api satīṃ % tuṣṭūṣantaḥ sunirvṛtāḥ // RahPps_20 // prajñāpāramitāṃ stutvā $ yan mayopacitaṃ śubham & tenāstv āśu jagat kṛtsnaṃ % prajñāpāraparāyaṇam // RahPps_21 //