Kinh tạng Pali (Tipiṭaka)SN 43Nguyên tác: Pali
Tương Ưng Vô Vi (Asaṅkhata Saṃyutta)
44 bài kinh ngắn — mỗi bài lặp lại cùng một cấu trúc về con đường đưa đến vô vi (Niết-bàn).
Văn bản gốc(Pali)
Saṁyutta Nikāya 43.10 1. Paṭhamavagga Bojjhaṅgasutta “Katamo ca, bhikkhave, asaṅkhatagāmimaggo? Satta bojjhaṅgā. Ayaṁ vuccati, bhikkhave, asaṅkhatagāmimaggo …pe…. Dasamaṁ. Saṁyutta Nikāya 43.11 1. Paṭhamavagga Maggaṅgasutta “Katamo ca, bhikkhave, asaṅkhatagāmimaggo? Ariyo aṭṭhaṅgiko maggo. Ayaṁ vuccati, bhikkhave, asaṅkhatagāmimaggo. Iti kho, bhikkhave, desitaṁ vo mayā asaṅkhataṁ, desito asaṅkhatagāmimaggo. Yaṁ, bhikkhave, satthārā karaṇīyaṁ sāvakānaṁ hitesinā anukampakena anukampaṁ upādāya kataṁ vo taṁ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṁ vo amhākaṁ anusāsanī”ti. Ekādasamaṁ. Asaṅkhatasaṁyuttassa paṭhamo vaggo. Tassuddānaṁ Kāyo samatho savitakko, suññato satipaṭṭhānā; Sammappadhānā iddhipādā, indriyabalabojjhaṅgā; Maggena ekādasamaṁ, Tassuddānaṁ pavuccati. Saṁyutta Nikāya 43.12 2. Dutiyavagga Asaṅkhatasutta “Asaṅkhatañca vo, bhikkhave, desessāmi asaṅkhatagāmiñca maggaṁ. Taṁ suṇātha. Katamañca, bhikkhave, asaṅkhataṁ? Yo, bhikkhave, rāgakkhayo dosakkhayo mohakkhayo— idaṁ vuccati, bhikkhave, asaṅkhataṁ. Katamo ca, bhikkhave, asaṅkhatagāmimaggo? Samatho. Ayaṁ vuccati, bhikkhave, asaṅkhatagāmimaggo. Iti kho, bhikkhave, desitaṁ vo mayā asaṅkhataṁ, desito asaṅkhatagāmimaggo. Yaṁ, bhikkhave, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṁ vo amhākaṁ anusāsanīti. Asaṅkhatañca vo, bhikkhave, desessāmi asaṅkhatagāmiñca maggaṁ. Taṁ suṇātha. Katamañca, bhikkhave, asaṅkhataṁ? Yo, bhikkhave, rāgakkhayo dosakkhayo mohakkhayo— idaṁ vuccati, bhikkhave, asaṅkhataṁ. Katamo ca, bhikkhave, asaṅkhatagāmimaggo? Vipassanā. Ayaṁ vuccati, bhikkhave, asaṅkhatagāmimaggo. Iti kho, bhikkhave, desitaṁ vo mayā asaṅkhataṁ …pe… ayaṁ vo amhākaṁ anusāsanīti. Katamo ca, bhikkhave, asaṅkhatagāmimaggo? Savitakko savicāro samādhi. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Avitakko vicāramatto samādhi. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Avitakko avicāro samādhi. Ayaṁ vuccati, bhikkhave, asaṅkhatagāmimaggo …pe…. Katamo ca, bhikkhave, asaṅkhatagāmimaggo? Suññato samādhi. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Animitto samādhi. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Appaṇihito samādhi. Ayaṁ vuccati, bhikkhave, asaṅkhatagāmimaggo …pe…. Katamo ca, bhikkhave, asaṅkhatagāmimaggo? Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu vedanāsu vedanānupassī viharati …pe… ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu citte cittānupassī viharati …pe… ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu dhammesu dhammānupassī viharati …pe… ayaṁ vuccati, bhikkhave, asaṅkhatagāmimaggo …pe…. Katamo ca, bhikkhave, asaṅkhatagāmimaggo? Idha, bhikkhave, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu uppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu anuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu uppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati. Ayaṁ vuccati, bhikkhave, asaṅkhatagāmimaggo …pe…. Katamo ca, bhikkhave, asaṅkhatagāmimaggo? Idha, bhikkhave, bhikkhu chandasamādhipadhānasaṅkhārasamannāgataṁ iddhipādaṁ bhāveti. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu vīriyasamādhipadhānasaṅkhārasamannāgataṁ iddhipādaṁ bhāveti. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu cittasamādhipadhānasaṅkhārasamannāgataṁ iddhipādaṁ bhāveti. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu vīmaṁsasamādhipadhānasaṅkhārasamannāgataṁ iddhipādaṁ bhāveti. Ayaṁ vuccati, bhikkhave, asaṅkhatagāmimaggo …pe…. Katamo ca, bhikkhave, asaṅkhatagāmimaggo? Idha, bhikkhave, bhikkhu saddhindriyaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu vīriyindriyaṁ bhāveti vivekanissitaṁ …pe… ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu satindriyaṁ bhāveti …pe… ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu samādhindriyaṁ bhāveti …pe… ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu paññindriyaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ. Ayaṁ vuccati, bhikkhave, asaṅkhatagāmimaggo …pe…. Katamo ca, bhikkhave, asaṅkhatagāmimaggo? Idha, bhikkhave, bhikkhu saddhābalaṁ bhāveti vivekanissitaṁ …pe… ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu vīriyabalaṁ bhāveti …pe… ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu satibalaṁ bhāveti …pe… ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu samādhibalaṁ bhāveti …pe… ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu paññābalaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ. Ayaṁ vuccati, bhikkhave, asaṅkhatagāmimaggo …pe…. Katamo ca, bhikkhave, asaṅkhatagāmimaggo? Idha, bhikkhave, bhikkhu satisambojjhaṅgaṁ bhāveti vivekanissitaṁ …pe… ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu dhammavicayasambojjhaṅgaṁ bhāveti …pe… vīriyasambojjhaṅgaṁ bhāveti …pe… pītisambojjhaṅgaṁ bhāveti …pe… passaddhisambojjhaṅgaṁ bhāveti …pe… samādhisambojjhaṅgaṁ bhāveti …pe… upekkhāsambojjhaṅgaṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ. Ayaṁ vuccati, bhikkhave, asaṅkhatagāmimaggo …pe…. Katamo ca, bhikkhave, asaṅkhatagāmimaggo? Idha, bhikkhave, bhikkhu sammādiṭṭhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ. Ayaṁ vuccati, bhikkhave, asaṅkhatagāmimaggo …pe… katamo ca, bhikkhave, asaṅkhatagāmimaggo? Idha, bhikkhave, bhikkhu sammāsaṅkappaṁ bhāveti …pe… sammāvācaṁ bhāveti …pe… sammākammantaṁ bhāveti …pe… sammāājīvaṁ bhāveti …pe… sammāvāyāmaṁ bhāveti …pe… sammāsatiṁ bhāveti …pe… asaṅkhatañca vo, bhikkhave, desessāmi asaṅkhatagāmiñca maggaṁ. Taṁ suṇātha. Katamañca, bhikkhave, asaṅkhataṁ …pe…? Katamo ca, bhikkhave, asaṅkhatagāmimaggo? Idha, bhikkhave, bhikkhu sammāsamādhiṁ bhāveti vivekanissitaṁ virāganissitaṁ nirodhanissitaṁ vossaggapariṇāmiṁ. Ayaṁ vuccati, bhikkhave, asaṅkhatagāmimaggo. Iti kho, bhikkhave, desitaṁ vo mayā asaṅkhataṁ, desito asaṅkhatagāmimaggo. Yaṁ, bhikkhave, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṁ vo amhākaṁ anusāsanī”ti. Paṭhamaṁ. Saṁyutta Nikāya 43.13 2. Dutiyavagga Anatasutta “Anatañca vo, bhikkhave, desessāmi, anatagāmiñca maggaṁ. Taṁ suṇātha. Katamañca, bhikkhave, anataṁ …pe…”. (Yathā asaṅkhataṁ tathā vitthāretabbaṁ.) Dutiyaṁ. Saṁyutta Nikāya 43.14–43 2. Dutiyavagga Anāsavādisutta “Anāsavañca vo, bhikkhave, desessāmi anāsavagāmiñca maggaṁ. Saccañca vo, bhikkhave, desessāmi saccagāmiñca maggaṁ. Pārañca vo, bhikkhave, desessāmi pāragāmiñca maggaṁ. Nipuṇañca vo, bhikkhave, desessāmi nipuṇagāmiñca maggaṁ. Sududdasañca vo, bhikkhave, desessāmi sududdasagāmiñca maggaṁ. Ajajjarañca vo, bhikkhave, desessāmi ajajjaragāmiñca maggaṁ. Dhuvañca vo, bhikkhave, desessāmi dhuvagāmiñca maggaṁ. Apalokitañca vo, bhikkhave, desessāmi apalokitagāmiñca maggaṁ. Anidassanañca vo, bhikkhave, desessāmi anidassanagāmiñca maggaṁ. Nippapañcañca vo, bhikkhave, desessāmi nippapañcagāmiñca maggaṁ. Santañca vo, bhikkhave, desessāmi santagāmiñca maggaṁ. Amatañca vo, bhikkhave, desessāmi amatagāmiñca maggaṁ. Paṇītañca vo, bhikkhave, desessāmi paṇītagāmiñca maggaṁ. Sivañca vo, bhikkhave, desessāmi sivagāmiñca maggaṁ. Khemañca vo, bhikkhave, desessāmi khemagāmiñca maggaṁ. Taṇhākkhayañca vo, bhikkhave, desessāmi taṇhākkhayagāmiñca maggaṁ. Acchariyañca vo, bhikkhave, desessāmi acchariyagāmiñca maggaṁ. Abbhutañca vo, bhikkhave, desessāmi abbhutagāmiñca maggaṁ. Anītikañca vo, bhikkhave, desessāmi anītikagāmiñca maggaṁ. Anītikadhammañca vo, bhikkhave, desessāmi anītikadhammagāmiñca maggaṁ. Nibbānañca vo, bhikkhave, desessāmi nibbānagāmiñca maggaṁ. Abyābajjhañca vo, bhikkhave, desessāmi abyābajjhagāmiñca maggaṁ. Virāgañca vo, bhikkhave, desessāmi virāgagāmiñca maggaṁ. Suddhiñca vo, bhikkhave, desessāmi suddhigāmiñca maggaṁ. Muttiñca vo, bhikkhave, desessāmi muttigāmiñca maggaṁ. Anālayañca vo, bhikkhave, desessāmi anālayagāmiñca maggaṁ. Dīpañca vo, bhikkhave, desessāmi dīpagāmiñca maggaṁ. Leṇañca vo, bhikkhave, desessāmi leṇagāmiñca maggaṁ. Tāṇañca vo, bhikkhave, desessāmi tāṇagāmiñca maggaṁ. Saraṇañca vo, bhikkhave, desessāmi saraṇagāmiñca maggaṁ. Taṁ suṇātha. Katamañca, bhikkhave, anāsavaṁ …pe…. Taṁ suṇātha. Katamañca, bhikkhave, saccaṁ …pe…. Taṁ suṇātha. Katamañca, bhikkhave, pāraṁ …pe…. Taṁ suṇātha. Katamañca, bhikkhave, nipuṇaṁ …pe…. Taṁ suṇātha. Katamañca, bhikkhave, sududdasaṁ …pe…. Taṁ suṇātha. Katamañca, bhikkhave, ajajjaraṁ …pe…. Taṁ suṇātha. Katamañca, bhikkhave, dhuvaṁ …pe…. Taṁ suṇātha. Katamañca, bhikkhave, apalokitaṁ …pe…. Taṁ suṇātha. Katamañca, bhikkhave, anidassanaṁ …pe…. Taṁ suṇātha. Taṁ suṇātha. Katamañca, bhikkhave, santaṁ …pe…. Taṁ suṇātha. Katamañca, bhikkhave, amataṁ …pe…. Taṁ suṇātha. Katamañca, bhikkhave, paṇītaṁ …pe…. Taṁ suṇātha. Katamañca, bhikkhave, sivaṁ …pe…. Taṁ suṇātha. Katamañca, bhikkhave, khemaṁ …pe…. Taṁ suṇātha. Taṁ suṇātha. Katamañca, bhikkhave, acchariyaṁ …pe…. Taṁ suṇātha. Katamañca, bhikkhave, abbhutaṁ …pe…. Taṁ suṇātha. Katamañca, bhikkhave, anītikaṁ …pe…. Taṁ suṇātha. Katamañca, bhikkhave, anītikadhammaṁ …pe…. Taṁ suṇātha. Katamañca, bhikkhave, nibbānaṁ …pe…. Taṁ suṇātha. Katamañca, bhikkhave, abyābajjhaṁ …pe…. Taṁ suṇātha. Taṁ suṇātha. Katamā ca, bhikkhave, suddhi …pe…. Taṁ suṇātha. Katamā ca, bhikkhave, mutti …pe…. Taṁ suṇātha. Katamo ca, bhikkhave, anālayo …pe…. Taṁ suṇātha. Katamañca, bhikkhave, dīpaṁ …pe…. Taṁ suṇātha. Katamañca, bhikkhave, leṇaṁ …pe…. Taṁ suṇātha. Katamañca, bhikkhave, tāṇaṁ …pe…. Taṁ suṇātha. Katamañca, bhikkhave, saraṇaṁ …pe…. Katamañca, bhikkhave, nippapañcaṁ …pe…? Katamañca, bhikkhave, taṇhākkhayaṁ …pe…? Katamo ca, bhikkhave, virāgo …pe…? Bāttiṁsatimaṁ. Saṁyutta Nikāya 43.1 1. Paṭhamavagga Kāyagatāsatisutta Sāvatthinidānaṁ. “Asaṅkhatañca vo, bhikkhave, desessāmi asaṅkhatagāmiñca maggaṁ. Taṁ suṇātha. Katamañca, bhikkhave, asaṅkhataṁ? Yo, bhikkhave, rāgakkhayo dosakkhayo mohakkhayo— idaṁ vuccati, bhikkhave, asaṅkhataṁ. Katamo ca, bhikkhave, asaṅkhatagāmimaggo? Kāyagatāsati. Ayaṁ vuccati, bhikkhave, asaṅkhatagāmimaggo. Iti kho, bhikkhave, desitaṁ vo mayā asaṅkhataṁ, desito asaṅkhatagāmimaggo. Yaṁ, bhikkhave, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṁ vo amhākaṁ anusāsanī”ti. Paṭhamaṁ. Saṁyutta Nikāya 43.2 1. Paṭhamavagga Samathavipassanāsutta “Asaṅkhatañca vo, bhikkhave, desessāmi asaṅkhatagāmiñca maggaṁ. Taṁ suṇātha. Katamañca, bhikkhave, asaṅkhataṁ? Yo, bhikkhave, rāgakkhayo dosakkhayo mohakkhayo— idaṁ vuccati, bhikkhave, asaṅkhataṁ. Katamo ca, bhikkhave, asaṅkhatagāmimaggo? Samatho ca vipassanā ca. Ayaṁ vuccati, bhikkhave, asaṅkhatagāmimaggo …pe…. Dutiyaṁ. Saṁyutta Nikāya 43.3 1. Paṭhamavagga Savitakkasavicārasutta “Katamo ca, bhikkhave, asaṅkhatagāmimaggo? Savitakkasavicāro samādhi, avitakkavicāramatto samādhi, avitakkaavicāro samādhi—ayaṁ vuccati, bhikkhave, asaṅkhatagāmimaggo …pe…. Tatiyaṁ. Saṁyutta Nikāya 43.44 2. Dutiyavagga Parāyanasutta “Parāyanañca vo, bhikkhave, desessāmi parāyanagāmiñca maggaṁ. Taṁ suṇātha. Katamañca, bhikkhave, parāyanaṁ? Yo, bhikkhave, rāgakkhayo dosakkhayo mohakkhayo— idaṁ vuccati, bhikkhave, parāyanaṁ. Katamo ca, bhikkhave, parāyanagāmī maggo? Kāyagatāsati. Ayaṁ vuccati, bhikkhave, parāyanagāmimaggo. Iti kho, bhikkhave, desitaṁ vo mayā parāyanaṁ, desito parāyanagāmimaggo. Yaṁ, bhikkhave, satthārā karaṇīyaṁ sāvakānaṁ hitesinā anukampakena anukampaṁ upādāya, kataṁ vo taṁ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṁ vo amhākaṁ anusāsanī”ti. (Yathā asaṅkhataṁ tathā vitthāretabbaṁ.) Tettiṁsatimaṁ. Dutiyo vaggo. Tassuddānaṁ Asaṅkhataṁ anataṁ anāsavaṁ, Saccañca pāraṁ nipuṇaṁ sududdasaṁ; Ajajjaraṁ dhuvaṁ apalokitaṁ, Anidassanaṁ nippapañca santaṁ. Amataṁ paṇītañca sivañca khemaṁ, Taṇhākkhayo acchariyañca abbhutaṁ; Anītikaṁ anītikadhammaṁ, Nibbānametaṁ sugatena desitaṁ. Abyābajjho virāgo ca, suddhi mutti anālayo; Dīpo leṇañca tāṇañca, saraṇañca parāyananti. Asaṅkhatasaṁyuttaṁ samattaṁ. Saṁyutta Nikāya 43.4 1. Paṭhamavagga Suññatasamādhisutta “Katamo ca, bhikkhave, asaṅkhatagāmimaggo? Suññato samādhi, animitto samādhi, appaṇihito samādhi—ayaṁ vuccati, bhikkhave, asaṅkhatagāmimaggo …pe…. Catutthaṁ. Saṁyutta Nikāya 43.5 1. Paṭhamavagga Satipaṭṭhānasutta “Katamo ca, bhikkhave, asaṅkhatagāmimaggo? Cattāro satipaṭṭhānā. Ayaṁ vuccati, bhikkhave, asaṅkhatagāmimaggo …pe…. Pañcamaṁ. Saṁyutta Nikāya 43.6 1. Paṭhamavagga Sammappadhānasutta “Katamo ca, bhikkhave, asaṅkhatagāmimaggo? Cattāro sammappadhānā. Ayaṁ vuccati, bhikkhave, asaṅkhatagāmimaggo …pe…. Chaṭṭhaṁ. Saṁyutta Nikāya 43.7 1. Paṭhamavagga Iddhipādasutta “Katamo ca, bhikkhave, asaṅkhatagāmimaggo? Cattāro iddhipādā. Ayaṁ vuccati, bhikkhave, asaṅkhatagāmimaggo …pe…. Sattamaṁ. Saṁyutta Nikāya 43.8 1. Paṭhamavagga Indriyasutta “Katamo ca, bhikkhave, asaṅkhatagāmimaggo? Pañcindriyāni. Ayaṁ vuccati, bhikkhave, asaṅkhatagāmimaggo …pe…. Aṭṭhamaṁ. Saṁyutta Nikāya 43.9 1. Paṭhamavagga Balasutta “Katamo ca, bhikkhave, asaṅkhatagāmimaggo? Pañca balāni. Ayaṁ vuccati, bhikkhave, asaṅkhatagāmimaggo …pe…. Navamaṁ.